ᠡᠮᠥᠨᠡᠬᠡᠨ᠂ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠲᠠᠷᠢᠮᠠᠯᠤᠨ ᠲᠤᠬᠠᠢᠶᠢᠨ ᠲᠠᠯᠠᠪᠠᠢ ᠵᠢᠨ ᠦᠵᠡᠭᠦᠯᠭᠡᠶᠢᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠭᠢ ᠤᠷᠤᠭᠰᠢᠲᠠᠢ ᠡᠬᠢᠯᠡᠪᠡ᠃ ᠡᠯᠡ ᠠᠢᠮᠠᠭ ᠬᠣᠲᠠᠶᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠮᠡᠷᠭᠡᠵᠢᠯᠢ ᠳᠡᠯᠭᠡᠷᠡᠭᠦᠯᠬᠦ ᠪᠠᠢᠭᠤᠯᠤᠮᠵᠢ᠂ ᠡᠯᠡ ᠬᠣᠰᠢᠭᠤ ᠰᠢᠶᠠᠨ ᠬᠣᠲᠠ ᠲᠣᠭᠣᠷᠢᠭ᠋ᠤᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠠᠮᠢᠶᠠ ᠪᠦᠬᠦᠢ ᠨᠢᠭᠡᠴᠢ᠂ ᠲᠠᠷᠢᠶᠠᠯᠠᠩᠳᠤ ᠬᠣᠯᠪᠣᠭᠳᠠᠬᠤ ᠠᠵᠤ ᠠᠬᠤᠢᠯᠠᠯ ᠵᠢᠴᠢ ᠲᠠᠷᠢᠮᠠᠯᠤᠨ ᠲᠣᠮᠣ᠌ ᠡᠷᠦᠬᠡᠶᠢᠨ 100 ᠭᠠᠷᠤᠢ ᠲᠥᠯᠥᠭᠡᠯᠡᠭᠴᠢ ᠪᠤᠯᠪᠠᠰᠤᠷᠠᠯ ᠳ᠋ᠤ ᠤᠷᠤᠯᠴᠠᠨ᠂ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ ᠳᠠᠷᠢᠬᠤ ᠮᠡᠷᠭᠡᠵᠢᠯ ᠪᠠ ᠠᠵᠤ ᠦᠢᠯᠡᠰᠢ ᠬᠥᠭᠵᠢᠭᠥᠯᠥᠭᠰᠡᠨ ᠲᠤᠷᠰᠢᠯᠭᠠᠪᠠᠨ ᠰᠣᠯᠢᠯᠴᠠᠵᠠᠭᠠᠪᠠ᠃
ᠲᠣᠰ ᠤᠳᠠᠭᠠᠨᠤ ᠪᠣᠯᠪᠠᠰᠤᠷᠠᠯ ᠨᠢ ᠰᠢᠨᠡᠶᠢ ᠡᠭᠦᠳᠴᠥ 《ᠲᠤᠬᠠᠢᠶᠢᠨ ᠲᠠᠯᠠᠪᠠᠢ ᠳ᠋ᠤ ᠲᠣᠭᠣᠷᠢᠨ ᠦᠵᠡᠬᠦ + ᠣᠨᠣᠯᠤᠨ ᠬᠢᠴᠢᠶᠡᠯ》 ᠬᠤᠤᠰ ᠵᠠᠭᠪᠤᠷᠢ ᠬᠡᠷᠡᠭᠯᠡᠨ᠂ ᠬᠤᠷᠠᠯᠳᠤ ᠣᠷᠣᠯᠴᠠᠭᠰᠠᠳᠤᠨ ᠦᠢᠯᠡᠳᠦᠯᠭᠡᠶᠢᠨ ᠦᠷᠡ ᠪᠦᠲᠥᠮᠵᠢ ᠵᠢ ᠰᠢᠭᠤᠳ ᠣᠢᠯᠠᠭᠠᠬᠤ ᠮᠥᠷᠲᠡᠭᠡᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠮᠡᠳᠡᠯᠭᠡᠶᠢ ᠰᠢᠰᠲᠧᠮᠲᠠᠢ ᠡᠵᠡᠮᠰᠢᠬᠦᠶᠢ ᠦᠨᠡᠨ ᠬᠦ᠌ ᠪᠠᠲᠤᠯᠠᠵᠠᠢ᠃ ᠦᠵᠡᠭᠦᠯᠭᠡᠶᠢᠨ ᠶᠠᠪᠤᠴᠠᠳᠤ᠂ ᠲᠥᠯᠥᠭᠡᠯᠡᠭᠴᠢᠳ ᠤᠷᠢᠳ ᠬᠣᠵᠢᠳ ᠬᠣᠷᠴᠢᠨ ᠵᠡᠭᠦᠨ ᠭᠠᠷᠤᠨ ᠬᠣᠢᠲᠤ ᠬᠣᠰᠢᠭᠤᠨᠤ ᠨᠤᠭᠤᠰᠤᠲᠠᠢ ᠪᠠᠯᠭᠠᠰᠤᠨ ᠳ᠋ᠡᠬᠢ ᠥᠪᠥᠷ ᠮᠣᠩᠭᠣᠯᠤᠨ ᠮᠢ ᠳ᠋ᠦᠸᠸ ᠳ᠋ᠦᠧᠧ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠶᠢᠨ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ ᠲᠠᠷᠢᠬᠤ ᠰᠠᠭᠤᠷᠢᠨ ᠬᠢᠭᠡᠳ ᠲᠦᠩᠯᠢᠶᠣᠣ ᠬᠤᠳᠠᠶᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠦᠨ ᠲᠤᠷᠰᠢᠯᠲᠠᠶᠢᠨ ᠲᠠᠷᠢᠶᠠᠨᠳᠤ ᠬᠦᠷᠴᠦ᠂ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ ᠵᠢᠨ ᠤᠷᠭᠤᠴᠠᠶᠢᠨ ᠪᠠᠢᠳᠠᠯᠢ ᠲᠤᠬᠠᠢᠶᠢᠨ ᠭᠠᠵᠠᠷ ᠲᠤᠨᠢ ᠪᠠᠢᠴᠠᠭᠠᠨ ᠦᠵᠡᠵᠦ᠂ 《ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ +》 ᠲᠠᠪᠳᠠᠨ ᠲᠠᠷᠢᠵᠤ ᠡᠭᠡᠯᠵᠢᠯᠡᠨ ᠲᠠᠷᠢᠬᠤ ᠵᠠᠭᠪᠤᠷᠤᠨ ᠬᠡᠷᠡᠭᠯᠡᠭᠡᠨᠦ ᠦᠷᠡ ᠪᠦᠲᠦᠮᠵᠢᠶᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠪᠠ᠃ ᠲᠤᠬᠠᠢᠶᠢᠨ ᠲᠠᠯᠠᠪᠠᠢ ᠳ᠋ᠤ᠂ ᠲᠥᠷᠥᠯ ᠵᠦᠢᠯᠦᠨ ᠣᠨᠴᠠᠯᠢᠭ᠋ ᠰᠢᠨᠵᠢ᠂ ᠲᠠᠷᠢᠶᠠᠨ ᠭᠠᠵᠠᠷᠤᠨ ᠬᠠᠮᠢᠶᠠᠷᠤᠯᠲᠠᠶᠢᠨ ᠠᠷᠭᠠ ᠬᠡᠮᠵᠢᠶᠡ ᠵᠢᠴᠢ ᠡᠭᠡᠯᠵᠢᠯᠡᠨ ᠳᠠᠷᠢᠬᠤᠶᠢ ᠵᠣᠯᠭᠠᠭᠤᠯᠬᠤ ᠶᠠᠪᠤᠴᠠᠶᠢ ᠠᠵᠢᠭ᠍ᠯᠠᠵᠤ ᠥᠢᠯᠠᠭᠠᠬᠤᠪᠠᠷ ᠳᠡᠮᠵᠢᠨ᠂ ᠣᠯᠠᠨᠢᠶᠠᠷ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ ᠳᠠᠷᠢᠬᠤ ᠵᠠᠩᠭᠢᠯᠠᠭᠠᠶᠢᠨ ᠮᠡᠷᠭᠡᠵᠢᠯᠦᠨ ᠲᠠᠯᠠᠪᠠᠷ ᠰᠢᠭᠤᠳ ᠲᠠᠨᠢᠯᠲᠠᠲᠠᠢ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠣᠨᠣᠯᠤᠨ ᠪᠣᠯᠪᠠᠰᠤᠷᠠᠯᠤᠨ ᠱᠠᠲᠤᠨᠳᠤ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠳ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠡᠭᠡᠯᠵᠢᠯᠡᠨ ᠳᠠᠷᠢᠬᠤ ᠵᠠᠭᠪᠤᠷᠤᠨ ᠰᠢᠨᠡᠶᠢ ᠡᠭᠦᠳᠬᠦ ᠪᠠ ᠪᠠᠷᠢᠮᠵᠢᠶᠠᠵᠢᠭᠤᠯᠤᠨ ᠳᠠᠷᠢᠬᠤ ᠮᠡᠷᠭᠡᠵᠢᠯᠦᠨ ᠭᠣᠣᠯᠳᠠᠯᠭᠠ ᠵᠡᠷᠭᠡ ᠭᠣᠣᠯ ᠠᠭᠤᠯᠭᠠᠶᠢᠨ ᠲᠣᠭᠣᠷᠢᠨᠳᠤ ᠰᠢᠰᠲᠧᠮᠲᠠᠢ ᠲᠠᠢᠯᠤᠮᠵᠢ ᠬᠢᠵᠦ᠂ ᠡᠭᠦᠯᠳᠡᠷ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ᠂ ᠳᠠᠷᠢᠵᠤ ᠤᠷᠭᠤᠭᠤᠯᠬᠤ ᠬᠠᠮᠢᠶᠠᠷᠤᠯᠲᠠᠠᠴᠠ ᠠᠵᠤ ᠦᠢᠯᠡᠰᠦᠨ ᠪᠠᠢᠷᠢᠰᠢᠯᠳᠤ ᠬᠦᠷᠲᠡᠯᠡ᠂ ᠳᠠᠷᠢᠮᠠᠯᠤᠨ ᠭᠣᠣᠯ ᠴᠣᠭᠴᠠᠳᠤ ᠪᠥᠬᠥ ᠶᠠᠪᠤᠴᠠᠶᠢᠨ ᠮᠡᠷᠭᠡᠵᠢᠯᠦᠨ ᠵᠢᠯᠣᠭᠣᠳᠤᠯᠭᠠ ᠬᠠᠩᠭᠠᠨ᠂ ᠪᠣᠳᠠᠲᠠᠢ ᠦᠢᠯᠡᠳᠪᠦᠷᠢᠯᠡᠯᠦᠨ ᠳᠤᠮᠳᠠᠬᠢ ᠬᠦᠴᠢᠷ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠬᠦᠳᠦ ᠮᠡᠷᠭᠡᠵᠢᠯ ᠪᠡ ᠥᠢᠯᠡᠳᠥᠯᠭᠡ ᠵᠢᠨ ᠳᠤᠯᠭᠠᠭᠤᠷᠢᠯᠡᠯ ᠬᠠᠩᠭᠠᠬᠰᠠᠨ ᠪᠠᠢᠨᠠ᠃
2019 ᠣᠨᠠᠴᠠ ᠡᠬᠢᠯᠡᠨ᠂ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩᠤᠨ ᠬᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠷᠢᠶᠠᠯᠠᠩᠤᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠥᠪᠥᠷ ᠮᠣᠩᠭᠣᠯᠤᠨ ᠦᠨᠳᠦᠰᠦᠲᠡᠨᠦ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠲᠠᠢ ᠬᠣᠯᠪᠤᠭᠠᠯᠠᠨ᠂ ᠬᠣᠷᠴᠢᠨᠤ ᠡᠯᠡᠰᠦᠷᠬᠡᠭ ᠭᠠᠵᠠᠷᠢᠶᠠᠷ ᠭᠣᠣᠯ ᠣᠷᠣᠨ ᠪᠦᠰᠡ ᠪᠣᠯᠭᠠᠨ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠠᠵᠢᠯᠢ ᠥᠷᠨᠢᠭᠦᠯᠪᠡ᠃ 6 ᠵᠢᠯᠦᠨ ᠲᠤᠷᠰᠢ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠰᠤᠳᠤᠯᠭᠠᠨᠤ ᠪᠦᠯᠬᠦᠮᠤᠨ ᠬᠢᠨ 《ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ +》 ᠲᠠᠪᠳᠠᠨ ᠲᠠᠷᠢᠵᠤ ᠡᠭᠡᠯᠵᠢᠯᠡᠨ ᠲᠠᠷᠢᠬᠤ ᠮᠡᠷᠭᠡᠵᠢᠯᠦᠨ ᠵᠠᠭᠪᠤᠷᠢ ᠰᠤᠳᠤᠯᠤᠨ ᠨᠡᠭᠡᠭᠡᠬᠦ ᠪᠠ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠮᠡᠷᠭᠡᠵᠢᠯᠢ 43 ᠴᠡᠭ ᠤᠳᠠᠭᠠ ᠬᠡᠷᠡᠭᠵᠢᠭᠥᠯᠬᠥ ᠵᠢ ᠪᠡᠶᠡᠯᠡᠭᠦᠯᠵᠦ᠂ 《ᠡᠭᠥᠯᠳᠡᠷᠢ ᠰᠣᠩᠭᠣᠨ ᠪᠣᠢᠵᠢᠭᠤᠯᠬᠤ + ᠵᠠᠭᠪᠤᠷᠤᠨ ᠰᠢᠨᠡᠶᠢ ᠡᠭᠦᠳᠬᠦ + ᠤᠯᠠᠨ ᠡᠰᠢᠲᠦ ᠦᠷᠡ ᠠᠰᠢᠭ᠋ᠢ ᠪᠡᠶᠡᠯᠡᠭᠥᠯᠬᠥ》 ᠪᠦᠷᠢᠨ ᠲᠥᠬᠥᠷ ᠮᠡᠷᠭᠡᠵᠢᠯᠦᠨ ᠰᠢᠰᠲ᠋ᠧᠮᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠠᠢᠭᠤᠯᠵᠠᠢ᠃ ᠲᠤᠬᠠᠢᠶᠢᠨ ᠲᠠᠯᠠᠪᠠᠶᠶᠢᠨ ᠦᠵᠡᠭᠦᠯᠭᠡᠶᠢᠨ ᠴᠤᠭᠯᠠᠭᠠᠨ᠂ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠭᠢ ᠡᠷᠬᠢᠯᠡᠬᠥ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠳᠠᠮᠵᠢᠭᠤᠯᠤᠨ᠂ ᠲᠣᠰ ᠮᠡᠷᠭᠡᠵᠢᠯᠢ ᠨᠢᠭᠡᠨᠲᠡ ᠣᠷᠳᠣᠰ᠂ ᠤᠯᠠᠭᠠᠨᠬᠠᠳᠠ᠂ ᠪᠠᠶᠠᠨᠨᠠᠭᠤᠷ ᠵᠡᠷᠭᠡ ᠠᠢᠮᠠᠭ ᠬᠣᠲᠠᠳᠤ ᠲᠠᠷᠬᠠᠭᠠᠨ ᠳᠡᠯᠭᠡᠷᠡᠭᠦᠯᠪᠡ᠃ 2025 ᠣᠨᠳᠤ ᠥᠪᠥᠷ ᠮᠣᠩᠭᠣᠯ ᠣᠷᠣᠨᠤ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢ ᠳᠡᠯᠭᠡᠷᠡᠭᠦᠯᠥᠭᠰᠡᠨ ᠲᠠᠯᠠᠪᠠᠢ 1 ᠲᠦᠮᠡᠨ ᠮᠦ᠍ᠶᠢ ᠳᠠᠪᠠᠵᠤ᠂ ᠡᠭᠦᠨᠳᠦ ᠲᠦᠩᠯᠢᠶᠣᠣ ᠬᠤᠳᠠ 7000 ᠮᠦ᠍ᠳᠦ ᠬᠦᠷᠴᠦ᠂ ᠮᠡᠷᠭᠡᠵᠢᠯᠢ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨ ᠬᠡᠷᠡᠭᠯᠡᠭᠰᠠᠨ ᠭᠣᠣᠯ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠣᠷᠣᠨ ᠪᠣᠯᠤᠬᠰᠠᠨ ᠪᠠᠢᠨᠠ᠃
《ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ + 》 ᠲᠠᠪᠳᠠᠨ ᠲᠠᠷᠢᠵᠤ ᠡᠭᠡᠯᠵᠢᠯᠡᠨ ᠲᠠᠷᠢᠬᠤ ᠮᠡᠷᠭᠡᠵᠢᠯᠦᠨ ᠵᠠᠭᠪᠤᠷ ᠨᠢ ᠤᠮᠠᠷᠠᠲᠤᠶᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠰᠣᠯᠪᠢᠴᠠᠭᠰᠠᠨ ᠣᠷᠣᠨᠳᠤ ᠠᠮᠢ ᠠᠬᠤᠢ ᠪᠣᠯᠣᠨ ᠠᠵᠤ ᠦᠢᠯᠡᠰᠦᠨ ᠬᠠᠮᠵᠢᠯᠴᠠᠨ ᠬᠥᠭᠵᠢᠬᠦ ᠰᠢᠨᠡ ᠠᠷᠭᠠ ᠵᠠᠮᠢ ᠬᠠᠢᠨ ᠰᠦᠪᠡᠭᠴᠢᠯᠡᠵᠦ ᠥᠭᠴᠡᠢ᠃ ᠠᠮᠢ ᠠᠬᠤᠢᠶᠢᠨ ᠳᠠᠯᠠᠳᠤ᠂ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠡᠪᠦᠯᠦᠨ ᠤᠯᠠᠷᠢᠯᠤᠨ ᠪᠦᠷᠬᠦᠴᠡ ᠨᠢ ᠬᠥᠷᠥᠰᠥ ᠰᠢᠷᠣᠢᠶᠢᠨ ᠰᠠᠯᠬᠢᠨᠳᠤ ᠢᠳᠡᠭᠳᠡᠵᠦ ᠡᠯᠡᠰᠦᠷᠬᠡᠭᠵᠢᠬᠦᠶᠢ ᠪᠦᠲᠦᠮᠵᠢᠲᠡᠶ ᠪᠠᠭᠠᠰᠬᠠᠵᠤ᠂ ᠬᠥᠷᠥᠰᠥ ᠰᠢᠷᠣᠢᠶᠢᠨ ᠰᠢᠮᠡᠵᠢᠯᠢ ᠳᠡᠭᠡᠭᠰᠢᠯᠡᠭᠦᠯᠪᠡ； ᠠᠵᠤ ᠠᠬᠤᠢᠶᠢᠨ ᠲᠠᠯᠠᠪᠠᠷ᠂ ᠳᠠᠪᠳᠠᠨ ᠳᠠᠷᠢᠵᠤ ᠡᠭᠡᠯᠵᠢᠯᠡᠨ ᠳᠠᠷᠢᠬᠤᠪᠠᠷ ᠳᠡᠮᠵᠢᠭᠤᠯᠤᠨ ᠭᠠᠵᠠᠷ ᠰᠢᠷᠣᠢᠶᠢᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠨᠣᠷᠮᠠᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠮᠠᠯ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠳᠦ ᠴᠢᠨᠠᠷ ᠰᠠᠢᠲᠠᠢ ᠡᠪᠡᠰᠦ ᠪᠣᠷᠳᠣᠭᠠ ᠬᠠᠩᠭᠠᠨ᠂ ᠠᠮᠢ ᠠᠬᠤᠢᠶᠢᠨ ᠦᠷᠡ ᠠᠰᠢᠭ᠋ ᠬᠢᠭᠡᠳ ᠠᠵᠤ ᠠᠬᠤᠢᠶᠢᠨ ᠦᠷᠡ ᠠᠰᠢᠭ᠋ᠤᠨ ᠬᠣᠣᠰ ᠠᠮᠵᠢᠯᠲᠠᠶᠢ ᠪᠡᠶᠡᠯᠡᠭᠦᠯᠵᠠᠢ᠃ ᠣᠳᠣᠬᠠᠨᠳᠤ᠂ ᠲᠣᠰ ᠮᠡᠷᠭᠡᠵᠢᠯ ᠨᠢ ᠨᠢᠭᠡᠨᠲᠡ 《2025 ᠤᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ 〈ᠵᠢᠷᠭᠤᠭᠠᠨ ᠰᠢᠨᠡ〉 ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠦᠷᠡ ᠪᠦᠲᠦᠭᠡᠯ》 ᠪᠠ 《2025 ᠤᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠷᠢᠶᠠᠯᠠᠩᠤᠨ ᠴᠢᠬᠤᠯᠠ ᠶᠡᠬᠡ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠦᠨ ᠰᠢᠨᠡ ᠦᠷᠡ ᠪᠦᠲᠦᠭᠡᠯ》 ᠳ᠋ᠤ᠌ ᠠᠮᠵᠢᠯᠲᠠᠲᠠᠢ ᠰᠣᠩᠭᠣᠭᠳᠠᠵᠤ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠪᠣᠬᠢᠷᠲᠤᠯ ᠦᠭᠡᠢᠪᠡᠷ ᠬᠡᠯᠪᠡᠷᠢᠪᠡᠨ ᠬᠤᠪᠢᠷᠠᠭᠤᠯᠬᠤᠶᠢ ᠲᠦᠯᠬᠢᠨ ᠠᠬᠢᠭᠤᠯᠬᠤ ᠨᠡᠢᠲᠡᠯᠢᠭ ᠵᠢᠱ᠌ᠢᠶᠡ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠡᠪᠡᠰᠦ ᠪᠣᠷᠳᠣᠭᠠᠶᠢᠨ ᠠᠵᠤ ᠦᠢᠯᠡᠰᠦᠨ 《ᠰᠢᠨᠡ ᠬᠦᠴᠦᠨ》 ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢ ᠨᠢ ᠡᠪᠡᠰᠦ ᠪᠣᠷᠳᠣᠭᠠᠶᠢᠨ ᠬᠠᠩᠭᠠᠯᠭᠠᠶᠢᠨ ᠪᠡᠷᠬᠡ ᠰᠡᠳᠦᠪᠢ ᠰᠢᠢᠳᠪᠦᠷᠢᠯᠡᠬᠦ᠂ ᠭᠠᠵᠠᠷ ᠰᠢᠷᠣᠢᠶᠢᠨ ᠦᠢᠯᠡᠳᠪᠦᠷᠢᠯᠡᠯᠦᠨ ᠳᠠᠯᠳᠠ ᠬᠦᠴᠦᠨᠢ ᠠᠭᠤᠳᠠᠯᠬᠤ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠲᠠᠰ ᠳᠡᠪᠰᠢᠬᠦᠶᠢ ᠠᠬᠢᠭᠤᠯᠬᠤᠳᠤ ᠴᠢᠬᠤᠯᠠ ᠡᠭᠦᠷᠭᠡᠶᠢ ᠡᠭᠦᠷᠭᠡᠯᠡᠵᠦ ᠪᠠᠢᠳᠠᠭ᠃ ᠲᠣᠰ ᠤᠳᠠᠭᠠᠨᠤ ᠦᠵᠡᠭᠦᠯᠭᠡᠶᠢᠨ ᠪᠣᠯᠪᠠᠰᠤᠷᠠᠯᠤᠨ ᠠᠩᠭᠢ ᠨᠢ ᠲᠦᠩᠯᠢᠶᠣᠣ ᠬᠣᠲᠠᠶᠢᠨ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠲᠤᠷᠰᠢᠯᠲᠠᠶᠢᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠦᠷᠡ ᠪᠦᠲᠦᠮᠵᠢ ᠵᠢᠨ ᠲᠥᠪᠯᠡᠷᠡᠩᠭᠦᠢ ᠦᠵᠡᠭᠦᠯᠭᠡ ᠪᠣᠯᠬᠤᠪᠠᠷ ᠪᠠᠷᠠᠬᠤ ᠦᠭᠡᠢ᠂ ᠪᠠᠰᠠ ᠴᠤ᠌ ᠨᠢᠭᠡ ᠤᠳᠠᠭᠠᠨᠤ ᠮᠡᠷᠭᠡᠵᠢᠯᠢ ᠭᠦᠨᠵᠡᠭᠡᠢᠷᠡᠭᠦᠯᠦᠨ ᠲᠦᠭᠡᠮᠡᠯᠵᠢᠭᠦᠯᠬᠦ ᠪᠣᠳᠠᠲᠠᠢᠶᠢ ᠡᠷᠬᠢᠮᠯᠡᠭᠰᠡᠨ ᠠᠵᠢᠯᠯᠠᠭᠠ ᠪᠤᠯᠬᠤ ᠶᠤᠮ᠂ ᠮᠥᠨᠬᠦ ᠡᠪᠦᠯᠵᠢᠬᠥ ᠬᠠᠷᠠ ᠪᠤᠭᠤᠳᠠᠢᠶᠢᠨ ᠳᠠᠷᠢᠬᠤ ᠮᠡᠷᠭᠡᠵᠢᠯᠢ ᠳᠡᠯᠭᠡᠷᠡᠭᠦᠯᠦᠨ ᠬᠡᠷᠡᠭᠯᠡᠬᠦᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠦᠷᠭᠡᠳᠬᠡᠵᠦ᠂ ᠤᠮᠠᠷᠠᠲᠤᠶᠢᠨ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ ᠰᠣᠯᠪᠢᠴᠠᠭᠰᠠᠨ ᠣᠷᠣᠨᠤ ᠴᠢᠨᠠᠷ ᠰᠠᠢᠲᠠᠢ ᠬᠥᠭᠵᠢᠯᠲᠡᠳᠦ ᠰᠢᠨᠡ ᠬᠥᠳᠡᠯᠭᠡᠭᠴᠢ ᠬᠥᠴᠥᠨ ᠨᠡᠮᠡᠷᠢᠯᠡᠬᠦ ᠪᠣᠯᠣᠨᠠ᠃