ᠲᠦᠰᠦᠭᠡᠯᠡᠬᠰᠡᠨ ᠵᠢᠡᠷ 5
ᠰᠠᠷᠠ ᠶ᠋ᠢᠨ 26ᠤ ᠡᠳᠦᠷᠦᠨ 8
ᠴᠠᠭ ᠠ᠋ᠴᠠ 27ᠤ ᠡᠳᠦᠷᠦᠨ 8
ᠴᠠᠭ ᠪᠣᠯᠲᠠᠯᠠ᠂ ᠥᠪᠥᠷ ᠮᠣᠩᠭᠣᠯᠤᠨ
ᠳᠤᠮᠳᠠ ᠪᠡᠶᠡ᠂ ᠪᠠᠷᠠᠭᠤᠨ ᠡᠮᠦᠨᠡᠲᠦ ᠣᠷᠣᠨᠤ ᠵᠡᠭᠦᠨ ᠪᠡᠶᠡ ᠪᠠ ᠬᠣᠢᠲᠤ ᠪᠡᠶᠡ᠂ ᠵᠢᠶᠠᠩᠨᠠᠨᠤ
ᠬᠣᠢᠲᠤ ᠪᠡᠶᠡ ᠵᠡᠷᠭᠡ ᠭᠠᠵᠠᠷ ᠵᠢᠡᠷ ᠬᠡᠰᠡᠭ ᠳᠡᠬᠡᠨ 8 ᠳᠡᠰ
ᠠ᠋ᠴᠠ ᠳᠡᠭᠡᠭᠰᠢᠬᠢ ᠶᠡᠬᠡ ᠰᠠᠯᠬᠢ ᠰᠠᠯᠬᠢᠯᠠᠨ ᠠᠶᠤᠩᠭᠠᠲᠤ ᠪᠣᠷᠣᠭᠠᠨ ᠪᠤᠶᠤ ᠮᠥᠨᠳᠥᠷ ᠲᠠᠢ᠂ ᠡᠭᠦᠨᠳᠦ
ᠬᠤᠨᠠᠨᠤ ᠪᠠᠷᠠᠭᠤᠨ ᠪᠡᠶᠡ᠂ ᠵᠢᠶᠠᠩᠰᠢ ᠶ᠋ᠢᠨ ᠵᠡᠭᠦᠨ ᠬᠣᠢᠲᠤ ᠪᠡᠶᠡ᠂ ᠭᠦᠢᠵᠧᠦ ᠶ᠋ᠢᠨ ᠵᠡᠭᠦᠨ ᠬᠣᠢᠲᠤ ᠪᠡᠶᠡ
ᠵᠡᠷᠭᠡ ᠭᠠᠵᠠᠷ ᠵᠢᠡᠷ ᠬᠡᠰᠡᠭ ᠳᠡᠭᠡᠨ10 ᠳᠡᠰ ᠠ᠋ᠴᠠ ᠳᠡᠭᠡᠭᠰᠢᠬᠢ ᠶᠡᠬᠡ
ᠰᠠᠯᠬᠢ ᠠᠶᠤᠩᠭᠠᠲᠤ ᠪᠣᠷᠣᠭᠠᠨᠲᠠᠢ ᠪᠠᠢᠵᠤ᠂ ᠪᠠᠷᠠᠭᠤᠨ
ᠡᠮᠦᠨᠡᠲᠦ ᠣᠷᠣᠨᠤ ᠵᠡᠭᠦᠨ ᠪᠡᠶᠡ᠂ ᠵᠢᠶᠠᠩᠨᠠᠨᠤ ᠪᠠᠷᠠᠭᠤᠨ ᠪᠡᠶᠡ᠂ ᠵᠢᠶᠠᠩᠨᠠᠨᠤ ᠳᠤᠮᠳᠠ ᠬᠣᠢᠲᠤ ᠪᠡᠶᠡ
ᠵᠡᠷᠭᠡ ᠭᠠᠵᠠᠷᠵᠢᠡᠷ ᠬᠡᠰᠡᠭ ᠳᠡᠬᠡᠨ ᠪᠣᠷᠣᠭᠠᠨᠤ ᠬᠡᠮᠵᠢᠶᠡ ᠨᠢ 20 ᠮᠢᠯᠢᠮᠧᠲᠷᠡᠴᠡ
ᠳᠠᠪᠠᠬᠰᠠᠨ ᠰᠢᠷᠦᠭᠦᠨ ᠪᠣᠷᠣᠭᠠᠨ ᠣᠷᠣᠨᠠ᠂ ᠡᠭᠦᠨᠳᠦ ᠬᠤᠪᠧᠢ ᠵᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠡᠶᠡ᠂ ᠬᠤᠨᠠᠨᠤ
ᠪᠠᠷᠠᠭᠤᠨ ᠬᠣᠢᠲᠤ ᠪᠡᠶᠡ ᠪᠠ ᠵᠡᠭᠦᠨ ᠪᠡᠶᠡ᠂ ᠵᠢᠶᠠᠩᠰᠢᠶᠢᠨ ᠳᠤᠮᠳᠠ ᠬᠣᠢᠲᠤ ᠪᠡᠶᠡ᠂ ᠵᠧᠵᠢᠶᠠᠩᠤᠨ ᠬᠣᠢᠲᠤ
ᠪᠡᠶᠡ᠂ ᠴᠦᠩᠴᠢᠩᠦᠨ ᠵᠡᠭᠦᠨ ᠡᠮᠦᠨᠡ ᠪᠡᠶᠡ ᠵᠡᠷᠭᠡ ᠭᠠᠵᠠᠷᠲᠦ ᠬᠡᠰᠡᠭ ᠳᠡᠬᠡᠨ ᠪᠣᠷᠣᠭᠠᠨᠤ ᠬᠡᠮᠵᠢᠶᠡ
ᠨᠢ 50 ᠮᠢᠯᠢᠮᠧᠲᠷᠡᠴᠡ ᠳᠠᠪᠠᠵᠦ᠂ ᠬᠠᠮᠤᠭᠤᠨ ᠶᠡᠬᠡᠳᠡᠭᠡᠨ 80 ᠮᠢᠯᠢᠮᠧᠲᠷᠡᠴᠡ
ᠳᠠᠪᠠᠨᠠ᠃
ᠰᠡᠷᠭᠡᠢᠯᠡᠯᠲᠡᠶᠢᠨ ᠵᠦᠭᠯᠡᠭᠦᠷ᠄
1. ᠵᠠᠰᠠᠭᠤᠨ
ᠣᠷᠳᠣᠨ ᠵᠢᠴᠢ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠥᠴᠢᠷᠤᠨ ᠬᠢᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶᠢᠨᠢᠶᠠᠨ ᠶᠣᠰᠣᠭᠠᠷ
ᠣᠬᠣᠷ ᠴᠠᠭᠤᠨ ᠰᠢᠷᠦᠭᠦᠨ ᠪᠣᠷᠣᠭᠠᠨᠢ ᠰᠡᠷᠭᠡᠢᠯᠡᠬᠦ᠂ ᠠᠶᠤᠩᠭᠠᠶᠢ ᠰᠡᠷᠭᠡᠢᠯᠡᠬᠦ᠂ ᠶᠡᠬᠡ ᠰᠠᠯᠬᠢᠶᠢ ᠰᠡᠷᠭᠡᠢᠯᠡᠬᠦ
ᠪᠡᠯᠡᠳᠬᠡᠯ ᠠᠵᠢᠯᠢ ᠰᠠᠢᠲᠤᠷ ᠬᠢᠵᠦ᠂ ᠴᠠᠭ ᠠᠭᠤᠷᠤᠨ ᠰᠠᠯᠠᠭᠠ ᠮᠥᠴᠢᠷᠤᠨ ᠬᠢᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠮᠥᠨᠳᠥᠷᠢ
ᠰᠡᠷᠭᠡᠢᠯᠡᠬᠦ ᠪᠡᠯᠡᠳᠬᠡᠯ ᠠᠵᠢᠯ ᠢ ᠰᠠᠢᠲᠤᠷ ᠬᠢᠬᠦ ᠬᠡᠷᠡᠭᠳᠠᠢ；
2. ᠭᠡᠷ ᠦᠨ
ᠭᠠᠳᠠᠨᠠᠬᠢ ᠬᠦᠳᠡᠯᠭᠡᠭᠡᠨ ᠪᠠ ᠠᠵᠢᠯᠯᠠᠭᠠ ᠪᠠᠨ ᠴᠥᠭᠡᠳᠬᠡᠵᠦ᠂ ᠰᠠᠷᠠᠪᠴᠢᠨ ᠵᠢᠶᠠᠰᠠ᠂ ᠵᠠᠷ ᠤᠨ ᠫᠠᠢᠰᠠ ᠵᠡᠷᠭᠡ ᠡᠴᠡ
ᠬᠣᠯᠠ ᠪᠠᠢᠬᠤ ᠶᠢ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ；
3. ᠭᠡᠷᠦᠨ ᠵᠢᠭᠦᠷᠲᠡᠨ᠂
ᠮᠠᠯ ᠤᠨᠤᠭᠠᠶᠢ ᠨᠥᠮᠥᠷᠢᠲᠠᠢ ᠭᠠᠵᠠᠷᠲᠤ ᠣᠷᠣᠭᠤᠯᠤᠨ᠂
ᠡᠭᠦᠳᠡ ᠴᠣᠩᠬᠣ᠌ᠪᠠᠨ ᠬᠠᠭᠠᠵᠤ ᠬᠠᠰᠢᠶᠠ ᠰᠠᠷᠠᠪᠴᠢᠪᠠᠨ ᠪᠡᠬᠢᠯᠡᠬᠦ ᠬᠡᠷᠡᠭᠳᠠᠢ；
4. ᠬᠣᠯᠪᠣᠭᠳᠠᠯ
ᠪᠦᠬᠦᠢ ᠤᠰᠤᠨ ᠣᠷᠣᠨᠤ ᠤᠰᠤᠨ ᠳᠡᠭᠡᠷᠡ ᠠᠵᠢᠯᠯᠠᠵᠤ ᠪᠠᠢᠬᠤ ᠪᠠ ᠨᠠᠭᠠᠰᠢ ᠴᠠᠭᠠᠰᠢ ᠥᠩᠭᠡᠷᠡᠬᠦ ᠣᠩᠭᠣᠴᠠ ᠰᠠᠯ
ᠭᠠᠷᠠᠮᠳᠠᠭᠠᠨ ᠪᠤᠴᠠᠵᠤ ᠵᠠᠢᠯᠠᠬᠤ ᠪᠤᠶᠤ ᠲᠣᠭᠣᠷᠢᠤ ᠵᠠᠮᠢᠶᠠᠷ
ᠠᠶᠠᠯᠠᠬᠤ ᠵᠡᠷᠭᠡ ᠢᠳᠡᠪᠬᠢᠲᠡᠢ ᠠᠷᠭᠠᠴᠠᠭᠠᠬᠤ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠤ᠂ ᠪᠠᠷᠢᠯᠭᠠᠶᠢᠨ ᠭᠠᠵᠠᠷᠲᠤ ᠪᠠᠷᠢᠯᠭᠠᠶᠢᠨ
ᠡᠳ᠋ ᠪᠣᠳᠠᠰᠢ ᠬᠠᠯᠬᠠᠯᠠᠬᠤ ᠶᠢ ᠠᠩᠬᠠᠷᠴᠤ᠂ ᠰᠢᠷᠦᠭᠦᠨ ᠪᠣᠷᠣᠭᠠᠨ᠂ ᠰᠠᠯᠬᠢ ᠮᠥᠨᠳᠥᠷᠲᠦ ᠠᠮᠠᠷᠬᠠᠨ ᠨᠥᠯᠥᠭᠡᠯᠡᠭᠳᠡᠬᠦ
ᠭᠡᠷ ᠦᠨ ᠭᠠᠳᠠᠨᠠᠬᠢ ᠡᠳ᠋ ᠪᠣᠳᠠᠰᠢ ᠲᠣᠬᠢᠲᠠᠢ ᠲᠥᠪᠬᠢᠨᠡᠭᠦᠯᠬᠦ ᠬᠡᠷᠡᠭᠳᠠᠢ；
5. ᠬᠤᠳᠠ᠂ ᠲᠠᠷᠢᠶᠠᠨ ᠭᠠᠵᠠᠷ᠂
ᠵᠢᠭᠠᠰᠤᠨ ᠴᠥᠭᠥᠷᠥᠮ ᠦᠨ ᠤᠰᠤ ᠵᠠᠯᠠᠬᠤ ᠰᠢᠰᠲᠧᠮᠢ ᠪᠠᠢᠴᠠᠭᠠᠵᠤ᠂ ᠤᠰᠤᠲᠤᠯᠢ ᠵᠠᠯᠠᠬᠤ ᠪᠡᠯᠡᠳᠬᠡᠯ ᠪᠠ ᠠᠭᠤᠯᠠᠨ
ᠦᠶᠡᠷ᠂ ᠶᠡᠭᠦᠷᠡᠬᠦ᠂ ᠰᠢᠪᠠᠷ ᠴᠢᠯᠠᠭᠤᠨᠤ ᠤᠷᠤᠰᠬᠠᠯ ᠵᠡᠷᠭᠡ ᠭᠠᠮᠰᠢᠭ᠋ᠢ ᠰᠡᠷᠭᠡᠢᠯᠡᠬᠦ ᠪᠡᠯᠡᠳᠬᠡᠯᠢ ᠰᠠᠢᠲᠤᠷ
ᠬᠢᠬᠦ ᠬᠡᠷᠡᠭᠳᠠᠢ᠃
ᠢᠷᠡᠯᠲᠡ᠄ ᠲᠥᠪᠦᠨ ᠴᠠᠭ ᠠᠭᠤᠷᠤᠨ ᠬᠣᠷᠢᠶᠠ