ᠲᠠᠯᠠᠨ ᠵᠢᠷᠭᠤᠳᠠᠬᠢ 《6·1》 ᠤ᠋ ᠳᠡᠯᠡᠬᠡᠢᠶ᠋ᠢᠨ ᠬᠡᠦᠬᠡᠳᠦᠨ ᠪᠠᠶᠠᠷ ᠬᠦᠷᠴᠦ᠍ ᠢᠷᠡᠬᠦ᠌ ᠲᠠᠱᠢᠷᠠᠮᠢᠶᠠᠷ᠂ 5 ᠰᠠᠷᠠᠶ᠋ᠢᠨ 28 ᠤ᠋ ᠡᠳᠦᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠠᠷᠠᠳᠤᠨ ᠵᠠᠰᠠᠭᠤᠨ ᠣᠷᠳᠣᠨᠤ ᠡᠮᠡᠭ᠌ᠲᠡᠢᠴᠦᠳ ᠬᠡᠦᠬᠡᠳᠦᠨ ᠠᠵᠢᠯᠤᠨ ᠵᠥᠪᠯᠡᠯᠦᠨ ᠠᠯᠪᠠᠨ ᠭᠡᠷ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠵᠡᠷᠭᠡ 10 ᠰᠠᠯᠠᠭᠠ ᠮᠥᠴᠢᠷᠤᠨᠬᠠᠮᠲᠤᠷᠠᠨ ᠡᠷᠬᠢᠯᠡᠭᠰᠡᠨ 《ᠪᠠᠭᠠᠴᠤᠳ ᠬᠡᠦᠬᠡᠳ ᠨᠠᠮᠢᠶᠠᠨ ᠲᠠᠭᠠᠨᠠ·ᠬᠦᠰᠡᠯ ᠵᠡᠭᠦᠳᠦ᠍ᠪᠡᠨ ᠬᠥᠭᠡᠭᠡᠴᠡᠯᠳᠦᠨ ᠱᠢᠨᠡ ᠠᠶᠠᠨᠢᠶᠠᠨ ᠡᠬᠢᠯᠡᠭᠦᠯᠦᠶᠡ》 2026 ᠣᠨᠤ 《6·1》 ᠤ᠋ ᠬᠡᠤᠬᠡᠳᠤᠨ ᠪᠠᠶᠠᠷᠢ ᠪᠡᠯᠭᠡᠯᠡᠬᠦ᠌ ᠦᠵᠡᠭᠦᠯᠭᠡᠶ᠋ᠢᠨ ᠠᠵᠢᠯᠯᠠᠭᠠ ᠬᠥᠬᠡᠬᠣᠲᠠᠶ᠋ᠢᠨ ᠢᠤᠢ᠍ᠢᠴᠢᠤᠸᠠᠨ ᠲᠣᠭᠣᠷᠢᠭᠤᠨ ᠨᠠᠨ ᠴᠠᠢ ᠾᠦᠸᠸ ᠱᠢ ᠵᠡᠭᠡᠯᠢᠶ᠋ᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠡᠬᠢᠯᠡᠪᠡ᠃
ᠠᠵᠢᠯᠯᠠᠭᠠᠶ᠋ᠢᠨ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠠᠶᠳᠤ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ᠂ ᠥᠪᠥᠷ ᠮᠣᠩᠭᠣᠯᠤᠨ ᠡᠮᠡᠭ᠌ᠲᠡᠢᠴᠦᠳ ᠬᠡᠦᠬᠡᠳᠦᠨ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠢᠭᠡᠮᠯᠢᠭᠡᠴᠡ ᠨᠠᠨ ᠴᠠᠢ ᠾᠦᠸᠸ ᠱᠢ ᠵᠡᠭᠡᠯᠢᠶ᠋ᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ 5 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠥᠷᠲᠡᠭ ᠪᠥᠬᠥᠶ ᠪᠠᠶᠠᠷᠤᠨ ᠡᠳᠦᠷᠦᠨ ᠪᠡᠯᠡᠭ ᠬᠠᠨᠳᠢᠪᠯᠠᠵᠤ᠂ 2026 ᠣᠨᠤ ᠬᠡᠦᠬᠡᠳᠢ ᠬᠠᠯᠠᠮᠵᠢᠯᠠᠬᠤ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠠᠵᠢᠯᠯᠠᠭᠠ — 《ᠬᠠᠪᠤᠷᠤᠨ ᠴᠣᠮᠣᠷᠯᠢᠭ ᠲᠥᠯᠥᠪᠯᠡᠭᠡ》 ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠬᠠᠨᠳᠢᠪ ᠴᠤᠭ᠍ᠯᠠᠭᠤᠯᠬᠤ ᠠᠵᠢᠯᠢ ᠵᠡᠷᠭᠡᠪᠡᠷ ᠡᠬᠢᠯᠡᠭᠦᠯᠪᠡ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ 《ᠬᠠᠪᠤᠷᠤᠨ ᠴᠣᠮᠣᠷᠯᠢᠭ ᠲᠥᠯᠥᠪᠯᠡᠭᠡ》 ᠶ᠋ᠢ ᠬᠡᠷᠡᠭ᠌ᠵᠢᠭᠦᠯᠦᠭ᠌ᠰᠡᠨᠡᠴᠡ ᠨᠠᠭᠠᠰᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠᠶ᠋ᠢᠨ ᠵᠢᠯᠣᠭᠣᠳᠣᠯᠭᠠ ᠳᠤᠤᠷᠠ ᠡᠯᠡ ᠱᠠᠲᠤᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠪᠣᠯᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠡᠮᠡᠭ᠌ᠲᠡᠢᠴᠦᠳ ᠬᠡᠦᠬᠡᠳᠦᠨ ᠰᠠᠭᠤᠷᠢ ᠮᠥᠩᠭᠥᠨᠦ ᠨᠡᠢᠭᠡᠮᠯᠢᠭᠡᠴᠡ ᠨᠡᠢᠲᠡ 2500 ᠭᠠᠷᠤᠶ ᠲᠦᠮᠡᠨ ᠲᠥᠭᠥᠷᠢᠭᠦᠨ ᠪᠠᠯᠠ ᠮᠥᠩᠭᠥ᠌ ᠴᠤᠭ᠍ᠯᠠᠭᠤᠯᠵᠤ᠂ 1.4 ᠲᠦᠮᠡᠨ 《ᠬᠠᠪᠤᠷᠤᠨ ᠴᠣᠮᠣᠷᠯᠢᠭ ᠲᠦᠯᠦᠪᠯᠡᠭᠡ》 ᠵᠢᠨ ᠪᠢᠴᠢᠬᠠᠨ ᠬᠡᠦᠭᠡᠨᠴᠦᠳᠲᠦ ᠠᠱᠢᠭ ᠬᠦᠷᠲᠡᠭᠡᠨ᠂ ᠨᠡᠢᠭᠡᠮᠦᠨ ᠨᠡᠩ ᠤᠯᠠᠨ ᠬᠠᠢᠷᠠᠶ᠋ᠢᠨ ᠬᠦᠴᠦᠨᠢ ᠨᠢᠭ᠍ᠲᠠᠷᠠᠭᠤᠯᠵᠤ᠂ ᠬᠦᠴᠢᠷᠳᠡᠯᠳᠦ ᠲᠤᠯᠭᠠᠷᠠᠭ᠍ᠰᠠᠨ ᠬᠡᠤᠬᠡᠨᠴᠤᠳᠦᠨ ᠡᠷᠡᠭᠦᠯ ᠮᠡᠨᠳᠦ ᠪᠠᠶᠠᠷ ᠪᠠᠶᠠᠰᠤᠯᠲᠠᠶ ᠪᠡᠷ ᠦᠰᠦᠨ ᠪᠣᠢᠵᠢᠬᠤᠳᠤ ᠬᠦᠴᠦ᠍ ᠨᠡᠮᠡᠷᠢᠯᠡᠬᠦ᠌ᠶ᠋ᠢ ᠰᠠᠨᠠᠭᠠᠴᠢᠯᠠᠪᠠ᠃
ᠥᠪᠥᠷ ᠮᠣᠩᠭᠣᠯᠤᠨ ᠡᠮᠡᠭ᠌ᠲᠡᠢᠴᠦᠳ ᠬᠡᠦᠬᠡᠳᠦᠨ ᠲᠥᠪ ᠪᠠᠰᠠ ᠨᠠᠨ ᠴᠠᠢ ᠾᠦᠸᠸ ᠱᠢ ᠵᠡᠭᠡᠯᠢᠶ᠋ᠢᠨ ᠪᠠᠭᠠ ᠰᠤᠷᠭᠠᠭᠤᠯᠢᠲᠠᠶ 《ᠵᠣᠯ ᠵᠢᠷᠭᠠᠯᠲᠤ ᠭᠡᠷ ᠪᠦᠯᠢ ᠵᠢᠨ ᠠᠵᠢᠯᠯᠠᠬᠤ ᠭᠠᠵᠠᠷ》 ᠢ᠋ ᠵᠢᠩᠬᠢᠨᠢᠪᠡᠷ ᠪᠠᠢᠭᠤᠯᠤᠭ᠍ᠰᠠᠨ ᠪᠥᠭᠡᠳ ᠫᠠᠢᠰᠠ ᠡᠯᠭᠦᠵᠦ᠂ ᠬᠣᠢᠱᠢᠳᠠ ᠰᠤᠷᠭᠠᠭᠤᠯᠢᠶ᠋ᠢᠨ ᠬᠦᠷᠢᠶᠡᠨᠳᠦ ᠦᠨᠳᠦᠰᠦᠯᠡᠵᠦ᠍᠂ ᠬᠡᠦᠬᠡᠳᠦᠳᠲᠦ ᠰᠡᠳᠭᠢᠴᠡᠶ᠋ᠢᠨ ᠬᠠᠢᠷᠠ ᠬᠠᠯᠠᠮᠵᠢ᠂ ᠭᠡᠷᠤᠨ ᠬᠥᠮᠦᠵᠢᠯᠦᠨ ᠵᠢᠯᠤᠭᠤᠳᠤᠯᠭᠠ ᠵᠡᠷᠭᠡ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠨ᠂ ᠵᠣᠯ ᠵᠢᠷᠭᠠᠯᠢ ᠭᠡᠷ ᠪᠦᠯᠢ ᠪᠣᠯᠭᠠᠨᠳᠤ ᠲᠠᠮᠵᠢᠭᠤᠯᠬᠤ ᠪᠣᠯᠤᠨᠠ᠃
ᠲᠤᠰ ᠡᠳᠦᠷᠤᠨ ᠠᠵᠢᠯᠯᠠᠭᠠ ᠨᠢ ᠪᠠᠰᠠ 《ᠬᠠᠢᠷᠠ ᠬᠠᠯᠠᠮᠵᠢ ᠪᠡᠷ ᠦᠴᠦᠭᠡᠨ ᠬᠦᠰᠡᠯᠢ ᠬᠡᠷᠡᠯᠳᠦᠭᠦᠯᠵᠦ·ᠬᠡᠦᠬᠡᠳᠦᠨ ᠰᠡᠳᠭᠢᠯᠢ ᠳᠤᠯᠠᠭᠠᠴᠠᠭᠤᠯᠤᠶᠠ》 ᠭᠡᠬᠦ᠌ ᠭᠣᠭ᠍ᠴᠣᠭᠠ ᠲᠣᠬᠢᠷᠠᠭᠤᠯᠵᠠᠢ᠃ ᠤᠢᠯᠠᠭᠠᠭᠰᠠᠨ ᠵᠢᠡᠷ᠂ 《6·1》 ᠤ᠋ ᠬᠡᠦᠭᠡᠳᠤᠨ ᠪᠠᠶᠠᠷ ᠡᠴᠡ ᠡᠮᠦᠨᠡᠬᠡᠨ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠬᠥᠬᠡᠬᠣᠲᠠ ᠬᠣᠶᠠᠷ ᠱᠠᠲᠤᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ 1000 ᠬᠡᠦᠬᠡᠳᠦᠨ ᠪᠢᠴᠢᠯ ᠬᠦᠰᠡᠯᠢ ᠴᠤᠭ᠍ᠯᠠᠭᠤᠯᠤᠭᠰᠠᠨ ᠪᠠᠢᠨᠠ᠃ ᠠᠵᠢᠯᠯᠠᠭᠠᠨᠤ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠠᠶ ᠳ᠋ᠤ ᠬᠠᠮᠢᠶᠠ ᠪᠦᠬᠦᠢ ᠤᠳᠤᠷᠢᠳᠤᠯᠭᠠ᠂ ᠡᠨᠡᠷᠢᠩᠭᠦᠢ ᠰᠡᠳᠬᠢᠯᠲᠤ ᠡᠵᠢᠨᠡᠷ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠬᠡᠤᠬᠡᠳᠤᠨ ᠬᠦᠰᠡᠯᠢ ᠬᠡᠷᠡᠯᠳᠦᠭᠦᠯᠵᠦ᠂ ᠬᠦᠰᠡᠯᠦᠨ ᠺᠠᠷᠲᠢ ᠨᠢ ᠠᠪᠴᠤ᠌᠂ ᠨᠢᠮᠪᠠᠶ ᠪᠡᠯᠡᠳᠭᠡᠭ᠌ᠰᠡᠨ ᠪᠡᠯᠡᠭᠢᠶᠡᠨ ᠬᠡᠦᠬᠡᠳᠲᠤ ᠬᠦᠷᠭᠡᠵᠦ᠍᠂ ᠢᠳᠡᠷᠡᠭᠦᠨᠢᠶᠡᠷ ᠦᠰᠦᠨ ᠪᠣᠢᠵᠢᠵᠤ᠂ ᠬᠦᠰᠡᠯ ᠵᠡᠭᠦᠳᠦ᠍ᠪᠡᠨ ᠵᠣᠷᠢᠭ᠍ᠲᠠᠶᠪᠠᠷ ᠬᠥᠭᠡᠭᠡᠴᠡᠯᠳᠦᠵᠦ᠍᠂ ᠡᠬᠡ ᠤᠯᠤᠰᠤᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠭ᠍ᠴᠢ ᠪᠠ ᠵᠠᠯᠭᠠᠮᠵᠢᠯᠠᠭ᠍ᠴᠢ ᠪᠣᠯᠬᠤᠶ᠋ᠢ ᠵᠣᠷᠢᠭ᠍ᠵᠢᠭᠤᠯᠪᠠ᠃
ᠲᠣᠰ ᠤᠳᠠᠭᠠᠨᠤ ᠠᠵᠢᠯᠯᠠᠭᠠᠨᠢ ᠦᠨᠳᠦᠰᠦᠲᠡᠨᠦ ᠪᠦᠯᠬᠦᠮᠳᠡᠯᠢ ᠤᠬᠠᠭᠤᠯᠬᠤ᠂ ᠬᠡᠦᠬᠡᠳᠦᠨ ᠰᠡᠳᠭᠢᠯᠢ ᠳᠤᠯᠠᠭᠠᠴᠠᠭᠤᠯᠬᠤᠪᠠᠷ ᠭᠤᠤᠯ ᠪᠣᠯᠭᠠᠵᠤ᠂ ᠰᠣᠨᠢᠷᠬᠠᠯᠲᠤ ᠲᠣᠭ᠍ᠯᠠᠭᠠᠮ᠂ ᠪᠠᠶᠠᠷ ᠪᠠᠶᠠᠰᠤᠯᠢ ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤᠪᠠᠷ ᠳᠠᠮᠵᠢᠭᠤᠯᠤᠨ᠂ ᠪᠠᠭᠠᠴᠤᠳ ᠬᠡᠦᠬᠡᠳᠲᠦ ᠲᠣᠭ᠍ᠯᠠᠭᠠᠮᠤᠨ ᠳᠤᠮᠳᠠ ᠮᠡᠳᠡᠯᠭᠡ ᠬᠦᠷᠲᠡᠭᠡᠨ᠂ ᠰᠠᠢᠨ ᠰᠠᠢᠬᠠᠨᠢ ᠮᠡᠳᠡᠷᠡᠭᠦᠯᠵᠦ᠍᠂ ᠪᠠᠶᠠᠷ ᠪᠠᠬᠠᠳᠤᠯᠤᠨ ᠳᠤᠮᠳᠠ ᠴᠠᠢᠯᠭᠠᠨ ᠰᠠᠢᠬᠠᠨ ᠵᠠᠩ ᠰᠤᠷᠲᠠᠯᠢ ᠬᠥᠮᠦᠵᠢᠭᠦᠯᠵᠦ᠍᠂ ᠦᠴᠦᠭᠡᠨ ᠬᠦᠰᠡᠯᠢ ᠨᠢ ᠭᠡᠷᠡᠯᠲᠦᠭᠦᠯᠪᠡ᠃
ᠲᠤᠰ ᠡᠳᠦᠷ᠂ ᠡᠯᠡ ᠬᠠᠮᠢᠶᠠ ᠪᠦᠬᠦᠢ ᠨᠢᠭᠡᠴᠢᠶ᠋ᠢᠨ ᠤᠳᠤᠷᠢᠳᠤᠯᠭᠠᠨᠠᠷ ᠬᠠᠮᠲᠤᠪᠠᠷ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠭᠦᠸᠧ ᠱᠢᠩ ᠪᠠᠭᠠ ᠰᠤᠷᠭᠠᠭᠤᠯᠢᠳᠤ ᠬᠦᠷᠴᠦ᠍ ᠣᠨᠴᠠᠭᠠᠢ ᠬᠦᠴᠢᠷᠳᠡᠯᠳᠦ ᠲᠤᠯᠭᠠᠷᠠᠭ᠍ᠰᠠᠨ ᠬᠡᠦᠬᠡᠳᠢ ᠲᠣᠬᠣᠨᠢᠭᠤᠯᠪᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠶ ᠠᠵᠤ ᠠᠬᠤᠢᠯᠠᠯᠲᠠᠨᠤ ᠨᠡᠢᠭᠡᠮᠯᠢᠭᠤᠨ ᠬᠢᠨ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠲᠤ 2 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠥᠷᠲᠡᠭ ᠪᠥᠬᠥᠶ ᠰᠤᠷᠤᠯᠴᠠᠯᠭᠠ᠂ ᠰᠣᠶᠣᠯ ᠲᠠᠮᠢᠷ ᠪᠠ ᠠᠮᠢᠳᠤᠷᠠᠯᠤᠨ ᠬᠠᠢᠷᠠ ᠬᠠᠯᠠᠮᠵᠢᠶ᠋ᠢᠨ ᠡᠳ᠋ ᠪᠣᠳᠠᠰ ᠬᠦᠷᠭᠡᠵᠡᠢ᠃ ᠬᠠᠮᠢᠶᠠ ᠪᠥᠬᠥᠶ ᠰᠠᠯᠠᠭᠠ ᠮᠥᠴᠢᠷᠦᠨ ᠤᠳᠤᠷᠢᠳᠤᠯᠭᠠ ᠬᠠᠮᠲᠤᠳᠠᠭᠠᠨ 1 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠥᠷᠲᠡᠭ ᠪᠥᠬᠥᠶ ᠭᠡᠭᠡᠭ᠌ᠳᠡᠬᠦ᠌ᠡᠴᠡ ᠰᠡᠷᠭᠡᠢᠯᠡᠬᠦ᠌ ᠤᠶᠤᠨᠲᠤ ᠪᠢᠴᠢᠭᠦᠨ ᠪᠣᠭ᠍ᠴᠣ ᠬᠦᠷᠭᠡᠵᠦ᠍᠂ 《6·1》 ᠤ᠋ ᠲᠤᠰᠭᠠᠶ ᠬᠠᠢᠷᠠ ᠬᠠᠯᠠᠮᠵᠢ ᠬᠦᠷᠭᠡᠵᠡᠶ᠃