— 《5·1》 ᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠ ᠡᠴᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠵᠤ ᠠᠬᠤᠢᠶ᠋ᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠳᠠᠯᠢ ᠬᠠᠷᠠᠬᠤᠢ
《5·1》 ᠡᠴᠡ ᠡᠮᠦᠨᠡᠬᠡᠨ᠂ 4 ᠰᠠᠷᠠᠶ᠋ᠢᠨ 28 ᠤ᠋ ᠡᠳᠦᠷ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮᠤᠨ ᠲᠥᠪ ᠬᠤᠷᠢᠶᠠ ᠵᠢᠨ ᠤᠯᠤᠰ ᠲᠦᠷᠦ᠍ ᠶ᠋ᠢᠨ ᠲᠣᠪᠴᠢᠶᠠᠨ ᠤ ᠬᠤᠷᠠᠯ ᠢ ᠡᠷᠬᠢᠯᠡᠨ ᠬᠤᠷᠠᠯᠳᠤᠭᠤᠯᠵᠤ᠂ ᠣᠳᠣᠬᠠᠨᠤ ᠠᠵᠤ ᠠᠬᠤᠢᠶ᠋ᠢᠨ ᠪᠠᠢᠳᠠᠯ ᠪᠣᠯᠤᠨ ᠠᠵᠤ ᠠᠬᠤᠢ ᠶ᠋ᠢᠨ ᠠᠵᠢᠯ ᠢ ᠵᠠᠳᠠᠯᠤᠨ ᠰᠤᠳᠤᠯᠪᠠ᠃ ᠬᠤᠷᠠᠯᠡᠴᠡ᠂ ᠢᠲᠡᠭᠡᠯᠢᠶᠡᠨ ᠨᠡᠮᠡᠭ᠌ᠳᠡᠭᠦᠯᠵᠦ᠍᠂ ᠨᠡᠩ ᠶᠡᠬᠡ ᠡᠷᠴᠢᠮ ᠪᠣᠯᠤᠨ ᠨᠡᠩ ᠪᠣᠳᠠᠲᠠᠢ ᠠᠷᠭᠠ ᠬᠡᠮᠵᠢᠢᠡ ᠪᠡᠷ ᠠᠵᠤ ᠠᠬᠤᠢᠶ᠋ᠢᠨ ᠠᠵᠢᠯ ᠢ ᠰᠠᠢᠲᠤᠷ ᠠᠳᠭᠤᠬᠤ ᠬᠡᠷᠡᠭ᠌ᠲᠡᠢ ᠭᠡᠵᠦ ᠴᠢᠬᠤᠯᠠᠴᠢᠯᠠᠪᠠ᠃
《5·1》 ᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠭᠡᠳᠤ ᠲᠤᠮᠤ ᠬᠡᠪᠴᠢᠶᠡᠨᠦ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠳᠠᠪᠠᠭᠤᠯᠢᠭᠢ ᠢᠯᠡᠷᠡᠭᠦᠯᠵᠦ᠍᠂ ᠥᠷᠨᠢᠭᠦᠨ ᠬᠥᠭ᠌ᠵᠢᠩᠭᠦᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠠᠵᠤ ᠠᠬᠤᠢᠶ᠋ᠢᠨ ᠦᠵᠡᠮᠵᠢ ᠵᠢᠷᠤᠭᠢᠵᠢᠷᠤᠭ᠍ᠯᠠᠪᠠ᠃
ᠬᠥᠮᠦᠨᠦ ᠲᠠᠯᠠᠢ ᠬᠦᠭᠵᠢᠶᠠᠨᠳᠤ ᠵᠠᠬᠠ ᠲᠡᠯᠬᠡᠬᠦᠷ
ᠱᠢᠨᠵᠢᠶᠠᠩᠤᠨ ᠴᠠᠩ ᠵᠶ᠋ᠢ ᠵᠧᠦ᠍ᠶ᠋ᠢᠨ ᠹᠦ᠋ ᠺᠠᠩ ᠬᠤᠳᠠᠶ᠋ᠢᠨ ᠬᠢᠯᠢᠳᠡᠬᠢ ᠲᠩᠷᠢ ᠠᠭᠤᠯᠠᠶ᠋ᠢᠨ ᠲᠢᠶᠠᠨ ᡂᠢ ᠦᠵᠡᠮᠵᠢ ᠶ᠋ᠢᠨ ᠣᠷᠣᠨᠳᠤ ᠡᠪᠡᠰᠦ ᠮᠣᠳᠣ ᠬᠥᠬᠡᠷᠡᠵᠦ᠍᠂ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠠᠭᠤᠯᠠ ᠤᠰᠤᠨ ᠤ ᠦᠵᠡᠮᠵᠢ ᠵᠢᠷᠤᠭᠢ ᠪᠦᠷᠢᠯᠳᠦᠭᠦᠯᠪᠡ᠃
《ᠣᠬᠣᠷ ᠸᠢᠳᠢᠣ᠋ᠶ᠋ᠢᠨ ᠲᠠᠪᠴᠠᠩ ᠳᠡᠭᠡᠷᠡ ᠡᠴᠡ ᠲᠩᠷᠢ ᠠᠭᠤᠯᠠᠶ᠋ᠢᠨ ᠲᠢᠶᠠᠨ ᡂᠢ ᠵᠢᠨ ᠡᠳᠡᠭᠡᠳ ᠭᠣᠶᠣ ᠦᠵᠡᠮᠵᠢᠶ᠋ᠢ ᠬᠠᠷᠠᠵᠤ ᠪᠠᠢᠬᠰᠠᠨ᠂ ᠥᠨᠥᠳᠦᠷ ᠪᠠᠶᠠ ᠪᠡᠷᠢᠶᠡᠨ ᠢᠷᠡᠵᠤ ᠨᠢᠳᠤ ᠪᠡᠷ ᠢᠶᠡᠨ ᠦᠵᠡᠵᠦ᠂ ᠡᠬᠡ ᠪᠠᠢᠭᠠᠯᠢᠶ᠋ᠢᠨ ᠭᠠᠢᠬᠠᠮᠰᠢᠭᠢ ᠮᠡᠳᠡᠷᠡᠪᠡ》 ᠭᠡᠵᠦ᠍ ᠱᠠᠨᠰᠢᠶ᠋ᠢᠨ ᠰᠢ ᠠᠨ ᠤ᠋ ᠸᠠᠩ ᠠᠪᠤᠭᠠᠢ ᠬᠡᠯᠡᠪᠡ᠃
ᠡᠨᠡ ᠬᠦ᠌ ᠠᠮᠠᠷᠠᠯᠲᠠ ᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠬᠥᠮᠦᠰ ᠬᠡᠷᠡᠴᠡᠪᠡᠨ ᠭᠠᠷᠴᠤ᠌ ᠬᠠᠪᠤᠷᠤᠨ ᠰᠠᠢᠬᠠᠨ ᠦᠵᠡᠮᠵᠢ ᠶ᠋ᠢ ᠰᠣᠨᠢᠷᠬᠠᠨ᠂ ᠠᠶᠠᠨ ᠵᠠᠮ ᠳᠠᠭᠠᠨ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠭᠣᠢᠳᠠ ᠰᠠᠢᠬᠠᠨ ᠢ ᠮᠡᠳᠡᠷᠡᠪᠡ᠃
ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢ ᠶ᠋ᠢᠨ ᠶᠠᠮᠤᠨ ᠤ ᠵᠢᠱ᠌ᠢᠭ᠌ᠰᠡᠨ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨᠢᠶᠡᠷ᠂ ᠡᠨᠡ ᠵᠢᠯ ᠦᠨ 《5·1》 ᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠪᠥᠬᠥ᠌ ᠨᠡᠢᠭᠡᠮᠦᠨ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠭ᠍ᠰᠠᠨ ᠬᠥᠮᠦᠰᠦᠨ ᠨᠠᠭᠠᠰᠢ ᠴᠠᠭᠠᠰᠢ ᠶᠠᠪᠤᠬᠰᠠᠨ ᠬᠡᠮᠵᠢᠶᠡ ᠵᠢᠱ᠌ᠢᠯᠲᠡᠪᠡᠷ 15.2 ᠳ᠋ᠦᠩᠱᠢᠭᠤᠷ ᠬᠥᠮᠦᠨ ᠤᠳᠠᠭᠠᠶ᠋ᠢ ᠳᠠᠪᠠᠵᠤ᠂ ᠡᠳᠦᠷ ᠳᠤᠮᠳᠠᠴᠢᠪᠠᠷ 3.05 ᠳ᠋ᠦᠩᠱᠢᠭᠤᠷ ᠬᠥᠮᠦᠨ ᠤᠳᠠᠭᠠᠶ᠋ᠢ ᠳᠠᠪᠠᠵᠤ᠂ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠬᠢᠡᠴᠡ 4% ᠪᠡᠷ ᠨᠡᠮᠡᠭ᠌ᠳᠡᠵᠦ᠍᠂ ᠲᠡᠦᠬᠡᠶ᠋ᠢᠨ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠱᠢᠨᠡ ᠲᠡᠮᠳᠡᠭ᠌ᠯᠡᠯᠢ ᠡᠭᠦᠳᠬᠦ᠌ ᠪᠤᠯᠤᠮᠵᠢ ᠲᠠᠢ᠃
ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠾᠸᠩ ᠴᠢᠨ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠ 《5·1》 ᠤ᠋ ᠶᠠᠭᠠᠷᠠᠯᠲᠠᠢ ᠬᠤᠭᠤᠴᠠᠭᠠ ᠪᠡᠨ ᠤᠭ᠍ᠲᠤᠨ ᠠᠪᠤᠯᠠ᠃
《 ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠳᠣᠲᠣᠷᠠ ᠭᠠᠵᠠᠷᠤᠨ ᠰᠠᠭᠤᠭᠠᠯᠢ ᠠᠷᠠᠳ ᠣᠣᠮᠧᠨᠳᠦ ᠬᠦᠷᠴᠦ ᠵᠢᠭᠤᠯᠴᠢᠯᠠᠬᠤ ᠤᠷᠮᠠ ᠰᠡᠳᠬᠢᠯᠬᠡ ᠤᠷᠬᠢᠯᠵᠤ᠂ ᠱᠢᠶᠠᠩᠭᠠᠩ ᠣᠣᠮᠧᠨᠦ ᠰᠠᠭᠤᠭᠠᠯᠢ ᠠᠷᠠᠳ ᠤᠮᠠᠷᠠᠰᠢ ᠮᠣᠷᠳᠠᠨ ᠲᠦᠷᠦᠯ ᠰᠠᠳᠤᠨᠢᠶᠠᠨ ᠡᠷᠬᠢᠨ ᠦᠵᠡᠬᠦ᠌ ᠪᠠ ᠬᠡᠷᠡᠭ᠌ᠯᠡᠭᠡ ᠵᠢᠨ ᠬᠡᠷᠡᠭ᠌ᠴᠡᠭᠡ ᠵᠡᠷᠭᠡ ᠪᠡᠷ ᠢᠯᠡᠷᠡᠪᠡ᠃ 5 ᠰᠠᠷᠠ ᠶ᠋ᠢᠨ 2 ᠤ᠋ᠨ ᠡᠳᠦᠷ᠂ ᠾᠧᠩ ᠴᠢᠨ ᠬᠢᠯᠢ ᠵᠢᠨ ᠪᠣᠭᠣᠮᠲᠠᠶ᠋ᠢᠨ ᠬᠢᠯᠢᠪᠡᠷ ᠣᠷᠣᠵᠤ ᠭᠠᠷᠬᠤ ᠠᠶᠠᠨᠴᠢᠳᠤᠨ ᠲᠤᠭᠠ 14.8 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠳᠤ ᠬᠦᠷᠴᠦ᠍᠂ ᠨᠢᠳᠤᠨᠤᠨ ᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠡᠴᠡ 15.1% ᠪᠠᠷ ᠨᠡᠮᠡᠭ᠌ᠳᠡᠵᠦ᠍᠂ ᠭᠠᠭ᠍ᠴᠠ ᠡᠳᠦᠷᠦᠨ ᠠᠶᠠᠨᠴᠢᠳᠤᠨ ᠲᠤᠭᠠ ᠵᠢᠨ ᠲᠡᠦᠬᠡᠶ᠋ᠢᠨ ᠱᠢᠨᠡ ᠲᠡᠮᠳᠡᠭ᠌ᠯᠡᠯᠢ ᠡᠭᠦᠳᠪᠡ》 ᠭᠡᠵᠦ ᠾᠧᠩ ᠴᠢᠨ ᠬᠢᠯᠢᠶ᠋ᠢᠨ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠥᠷᠲᠡᠭᠡᠨᠦ ᠠᠵᠢᠯᠲᠠᠨ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠬᠡᠷᠡᠭ᠌ᠴᠡᠭᠡᠪᠡᠷ ᠤᠳᠤᠷᠢᠳᠤᠮᠵᠢ ᠪᠣᠯᠭᠠᠵᠤ᠂ ᠣᠯᠠᠨ ᠡᠱᠢᠵᠢᠭ᠌ᠰᠡᠨ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠠᠩᠭᠠᠯᠭᠠ ᠨᠢ 《ᠵᠠᠮ ᠬᠠᠷᠢᠯᠴᠠᠭᠠ ᠵᠢᠭᠤᠯᠴᠢᠯᠠᠯ ᠤᠨ ᠠᠭᠤᠰᠤᠯᠴᠠᠯ》 ᠤ᠋ᠨ ᠦᠷᠡᠵᠢᠭᠦᠯᠬᠦ ᠦᠶ᠋ᠯᠡᠳᠦᠯ ᠢ ᠪᠠᠳᠠᠷᠠᠭᠤᠯᠪᠠ᠃
ᠵᠠᠮ ᠬᠠᠷᠢᠯᠴᠠᠭᠠ ᠲᠡᠭᠡᠭᠡᠪᠦᠷᠢ ᠶ᠋ᠢᠨ ᠶᠠᠮᠤᠨ ᠤ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨᠢᠶᠡᠷ᠂ 4 ᠰᠠᠷᠠᠶ᠋ᠢᠨ 27 ᠡᠴᠡ 5 ᠰᠠᠷᠠᠶ᠋ᠢᠨ 3 ᠤ᠋ ᠡᠳᠦᠷ ᠪᠣᠯᠲᠠᠯᠠ᠂ ᠤᠯᠤᠰᠤᠨ ᠲᠡᠮᠦᠷ ᠵᠠᠮᠤᠨ ᠲᠡᠭᠡᠭᠡᠪᠦᠷᠢᠯᠡᠭᠰᠡᠨ ᠪᠠᠷᠠᠭᠠ ᠵᠢᠨ ᠬᠡᠮᠵᠢᠶᠡ 8080.1 ᠲᠦᠮᠡᠨ ᠲᠣᠨᠳᠤ ᠬᠦᠷᠴᠦ᠍᠂ ᠲᠡᠭᠡᠷᠡ ᠨᠢᠬᠡ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠤᠬᠢᠡᠴᠡ 1.63% ᠪᠠᠷ ᠨᠡᠮᠡᠭ᠌ᠳᠡᠪᠡ； ᠬᠢᠨᠠᠨ ᠬᠡᠮᠵᠢᠭ᠌ᠰᠡᠨ ᠭᠠᠷᠠᠮ ᠤᠨ ᠪᠠᠷᠠᠭᠠ ᠣᠷᠣᠭᠤᠯᠵᠤ ᠭᠠᠷᠭᠠᠭ᠍ᠰᠠᠨ ᠬᠡᠮᠵᠢᠶᠡ 27823.4 ᠲᠦᠮᠡᠨ ᠲᠣᠨ ᠳᠤ ᠬᠦᠷᠴᠦ᠍᠂ ᠲᠡᠭᠡᠷᠡ ᠨᠢᠬᠡ ᠠᠳᠠᠯᠢ ᠬᠤᠭᠤᠴᠠᠭᠠᠨᠤᠬᠢᠡᠴᠡ 7.64 % ᠪᠡᠷ ᠨᠡᠮᠡᠭ᠌ᠳᠡᠪᠡ᠃
ᠠᠮᠠᠷᠠᠯᠲᠠᠶ᠋ᠢᠨ ᠡᠳᠦᠷᠦᠨ ᠬᠡᠷᠡᠭ᠌ᠯᠡᠭᠡ ᠨᠢ ᠬᠥᠭ᠌ᠵᠢᠯᠲᠡᠶ᠋ᠢᠨ ᠬᠥᠳᠡᠯᠭᠡᠬᠦ ᠡᠨᠧᠷᠭᠢ ᠶ᠋ᠢ ᠬᠠᠷᠠᠭᠤᠯᠪᠠ
ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠠᠩᠬᠠᠨᠤ ᠡᠳᠦᠷ᠂ ᠪᠡᠭᠡᠵᠢᠩᠦᠨ ᠴᠤᠤᠶᠠᠩ ᠴᠡᠴᠡᠷᠯᠢᠭᠲᠦ ᠪᠠᠢᠷᠢᠯᠠᠭᠠ HEYTEA ᠳᠡᠯᠭᠡᠭᠦᠷ ᠲᠤ᠌ ᠬᠦᠮᠦᠨ ᠤᠯᠠᠨ ᠴᠤᠭᠯᠠᠷᠠᠵᠤ᠂ ᠪᠠᠢᠭᠠᠯᠢᠯᠢᠭ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯᠢᠶᠠᠷ ᠪᠠᠢᠭᠤᠯᠤᠭᠰᠠᠨ ᠬᠡᠦᠬᠡᠳᠦᠨ ᠰᠣᠨᠢᠷᠬᠠᠯᠲᠤ ᠴᠠᠢ ᠤᠤᠭᠤᠬᠤ ᠣᠷᠣᠨ ᠵᠠᠢ ᠨᠢ ᠮᠠᠰᠢ ᠤᠯᠠᠠ ᠬᠡᠷᠡᠭ᠌ᠯᠡᠭ᠌ᠴᠢᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠭᠰᠠᠨ ᠪᠠᠢᠨᠠ᠃
《ᠡᠨᠡ ᠵᠢᠯᠦᠨ〈5·1〉 ᠤ᠋ ᠠᠮᠠᠷᠠᠯᠲᠠᠳᠤ ᠮᠠᠰᠢ ᠣᠯᠠᠨ ᠭᠠᠵᠠᠷᠤᠨᠬᠢᠨ ᠬᠠᠪᠤᠷᠤᠨ ᠠᠮᠠᠷᠠᠯᠲᠠ ᠲᠠᠯᠪᠢᠵᠤ᠂ ᠴᠥᠭᠡᠨ ᠪᠤᠰᠤ ᠭᠠᠳᠠᠨᠠ ᠣᠷᠣᠨ ᠤ ᠵᠢᠭᠤᠯᠴᠢᠯᠠᠭᠰᠡᠳ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠤᠨ ᠬᠦᠷᠢᠶᠡᠯᠡᠩᠳᠦ ᠢᠷᠡᠵᠦ᠍ ᠨᠠᠭᠠᠳᠴᠤ᠌᠂ ᠪᠢᠳᠡᠨ ᠤ ᠱᠢᠨᠡ ᠰᠣᠷᠭᠣᠭ ᠵᠢᠮᠢᠰᠦᠨ ᠴᠠᠶᠶ᠋ᠢᠨ ᠱᠢᠷᠢᠰ ᠤᠮᠳᠠᠭᠠᠨᠨᠢ ᠮᠠᠰᠢ ᠬᠦᠷᠢᠶᠡᠯᠡᠯᠲᠡᠶ ᠪᠠᠢᠨᠠ》 ᠭᠡᠵᠦ᠍ POP MART ᠬᠤᠲᠠ ᠵᠢᠨ ᠴᠡᠩᠭᠡᠯᠲᠤ ᠬᠦᠷᠢᠶᠡᠯᠡᠩᠳᠡᠬᠢ HEYTEA ᠳᠡᠯᠭᠡᠭᠦᠷᠦᠨ ᠵᠢᠵᠢᠭᠦᠷ ᠳᠠᠭᠠᠭᠠᠮᠠᠯ ᠵᠤᠤ ᠪᠢᠩ ᠬᠡᠯᠡᠪᠡ᠃
ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠶᠠᠮᠤᠨ ᠤ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠣᠮᠣ ᠳ᠋ᠠᠢᠲ᠋ᠠᠶ᠋ᠢᠨ ᠬᠢᠨᠠᠨ ᠬᠡᠮᠵᠢᠯᠲᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ 5 ᠰᠠᠷᠠᠶ᠋ᠢᠨ 1 ᠡᠴᠡ 4 ᠤ᠋ ᠡᠳᠦᠷ ᠪᠣᠯᠲᠠᠯᠠ᠂ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠶᠠᠮᠤᠨᠤ ᠭᠤᠤᠯᠳᠠᠯᠭᠠᠲᠠᠶ ᠬᠢᠨᠠᠨ ᠬᠡᠮᠵᠢᠭ᠌ᠰᠡᠨ 78 ᠶᠠᠪᠠᠭᠠᠨ ᠵᠡᠭᠡᠯᠢ （ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭ） ᠶ᠋ᠢᠨ ᠬᠡᠷᠡᠭᠯᠡᠭᠴᠢᠳᠤᠨ ᠲᠣᠭᠠ᠂ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠮᠵᠢᠶᠡᠨᠢ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠤ ᠬᠢᠡᠴᠡ ᠲᠣᠰ ᠲᠣᠰ 5.0%᠂ 5.3% ᠪᠠᠷ ᠨᠡᠮᠡᠭ᠌ᠳᠡᠪᠡ᠃ ᠴᠤᠤᠷᠢᠶᠠ ᠠᠮᠢᠳᠤᠷᠠᠯ ᠤᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠣᠭᠠ ᠪᠠᠷᠢᠮᠲᠠᠳᠤ ᠢᠯᠡᠷᠡᠭᠦᠯᠦᠭ᠌ᠰᠡᠨᠢᠶᠡᠷ᠂ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠤᠯᠤᠰᠤᠨ ᠳᠣᠲᠣᠭᠠᠳᠤᠶ᠋ᠢᠨ ᠵᠣᠴᠢᠳᠤᠨ ᠪᠠᠭᠤᠳᠠᠯ ᠤᠨ ᠴᠤᠤᠷᠢᠶᠠ ᠲᠡᠭᠡᠷᠡ ᠪᠥᠭᠡᠮ ᠢᠶᠡᠷ ᠬᠤᠳᠠᠯᠳᠤᠨ ᠠᠪᠤᠭ᠍ᠰᠠᠨ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠬᠡᠮᠵᠢᠶᠡ ᠨᠢᠳᠤᠨᠤᠨ ᠤ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠤᠬᠢᠡᠴᠡ 86% ᠪᠠᠷ ᠨᠡᠮᠡᠭ᠌ᠳᠡᠵᠦ᠍᠂ ᠡᠷᠡᠭᠦᠯᠵᠢᠯ ᠰᠤᠪᠢᠯᠠᠯᠲᠠ ᠵᠤᠭᠠ ᠰᠡᠯᠡᠭᠦᠴᠡᠯ ᠦᠨ ᠲᠥᠷᠥᠯᠦᠨ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠬᠡᠮᠵᠢᠶᠡᠨᠢ ᠪᠠᠶᠠᠷᠤᠨ ᠡᠳᠦᠷᠡᠴᠡ ᠡᠮᠦᠨᠡᠬᠢ ᠡᠴᠡ ᠠᠷᠪᠠᠨᠤ ᠲᠠᠪᠤᠨ ᠬᠤᠪᠢ ᠪᠡᠷ ᠨᠡᠮᠡᠭ᠌ᠳᠡᠪᠡ᠃
ᠡᠨᠡ ᠬᠦ᠌ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠨᠢᠭᠡ ᠪᠦᠯᠦᠭ 《ᠪᠡᠶᠡᠴᠢᠯᠡᠨ ᠣᠢᠯᠠᠭᠠᠬᠤ 》 ᠪᠡᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠱᠢᠨᠡ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠯᠪᠡᠷᠢ᠂ ᠱᠢᠨᠡ ᠦᠵᠡᠭᠳᠡᠯ ᠪᠠᠢᠳᠠᠯ ᠡᠯᠡ ᠭᠠᠵᠠᠷᠲᠤ ᠥᠷᠨᠢᠨ ᠬᠥᠭ᠌ᠵᠢᠵᠦ᠍᠂ ᠬᠡᠷᠡᠭ᠌ᠯᠡᠭᠡᠨᠦ ᠱᠢᠨᠡ ᠤᠷᠤᠨ ᠵᠠᠢ ᠵᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠬᠦᠭᠵᠢᠭᠡᠭᠰᠡᠨ ᠪᠠᠢᠨᠠ᠃
ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠬᠠᠭᠤᠴᠢᠨᠢᠶᠠᠷ ᠱᠢᠨᠡᠶ᠋ᠢ ᠰᠣᠯᠢᠬᠤ ᠬᠠᠯᠠᠮᠱᠢᠯ ᠪᠠᠭᠤᠷᠠᠭᠰᠠᠨ ᠥᠬᠡᠶ ᠪᠠᠢᠵᠤ᠂ 《ᠱᠢᠨᠡ ᠶ᠋ᠢ ᠰᠤᠯᠢᠬᠤ》 ᠬᠡᠷᠡᠭ᠌ᠴᠡᠭᠡ ᠪᠣᠯᠤᠨ ᠠᠵᠤ ᠦᠶ᠋ᠯᠡᠰᠦᠨ ᠲᠠᠰ ᠳᠡᠪᠱᠢᠬᠦ᠌ ᠰᠠᠢᠨ ᠰᠠᠢᠬᠠᠨ ᠬᠦᠳᠡᠯᠦᠯᠴᠡᠬᠡ ᠵᠢ ᠠᠬᠢᠭᠤᠯᠵᠤ᠂ ᠬᠡᠷᠡᠭᠯᠡᠭᠡᠵᠢᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠶᠠᠰᠤ ᠴᠢᠨᠠᠷᠢ ᠳᠡᠭᠡᠭ᠌ᠰᠢᠯᠡᠭᠦᠯᠦᠨ ᠪᠠᠭ᠍ᠲᠠᠭᠠᠮᠵᠢᠶ᠋ᠢ ᠥᠷᠭᠡᠳᠭᠡᠬᠦ᠌ᠶ᠋ᠢ ᠠᠬᠢᠭᠤᠯᠪᠠ᠃
5 ᠰᠠᠷᠠᠶ᠋ᠢᠨ 2 ᠤ᠋ᠨ ᠡᠳᠦᠷ᠂ ᠱᠠᠩᠬᠠᠶᠶ᠋ᠢᠨ ᠡᠸ᠋ ᠵᠢᠶᠤᠤ ᠲᠠᠯᠠᠪᠠᠢᠵᠢᠨ ᠰᠤ᠌ ᠨᠢᠩ ᠢ ᠭᠸᠦ Max ᠳᠡᠯᠭᠡᠭᠦᠷᠲᠦ ᠴᠥᠭᠡᠨ ᠪᠤᠰᠤ ᠵᠠᠯᠠᠭᠤᠴᠤᠳ AI ᠨᠢᠳᠦᠨ ᠱᠢᠯᠢ ᠲᠤᠷᠱᠢᠵᠤ ᠪᠠᠢᠯᠠ᠃ ᠲᠠᠭᠤᠷᠢᠶᠠᠮᠠᠯ ᠵᠢᠷᠤᠭ ᠢ ᠳᠠᠪᠬᠤᠴᠠᠭᠤᠯᠵᠤ ᠳᠤᠭᠤᠶ ᠤᠨᠤᠬᠤ ᠪᠤᠶᠤ ᠠᠯᠬᠤᠬᠤ ᠦᠶᠡᠰ ᠲᠡᠭᠡᠨ ᠵᠠᠮᠴᠢᠯᠠᠯ ᠤᠨ ᠵᠠᠷᠯᠢᠭ ᠪᠠᠭᠤᠯᠭᠠᠪᠠᠯ᠂ ᠵᠠᠮ ᠱᠤᠭᠤᠮ ᠨᠢ ᠳᠠᠷᠤᠶ ᠨᠢᠳᠦᠨ ᠡᠮᠦᠨᠡ ᠢᠯᠡᠷᠡᠳᠡᠭ᠃
《ᠣᠳᠣᠬᠠᠨᠳᠤ AI ᠨᠢᠳᠦᠨ ᠱᠢᠯ ᠨᠢ ᠵᠠᠷᠯᠢᠭᠵᠢᠡᠷ ᠠᠶᠠᠨ ᠵᠠᠮᠢ ᠲᠥᠯᠥᠪᠵᠢᠭᠦᠯᠬᠦ ᠵᠡᠷᠭᠡ ᠴᠢᠳᠠᠮᠵᠢᠶ᠋ᠢ ᠨᠡᠢᠳᠡᠮ ᠳᠡᠭᠡᠨ ᠳᠡᠮᠵᠢᠳᠡᠭ ᠮᠦᠷᠲᠡᠭᠡᠨ 40 ᠡᠴᠡ 50 ᠭᠷᠠᠮ ᠯᠠ ᠬᠦᠨᠳᠦ ᠪᠠᠢᠵᠤ᠂ ᠨᠢᠭᠡᠨᠲᠡ ᠬᠠᠮᠤᠭ ᠤᠨ ᠠᠩᠬᠠᠨᠤ ᠰᠢᠨᠡ ᠵᠦᠢᠯᠤᠨ ᠲᠣᠭ᠍ᠯᠠᠭᠠᠮ ᠪᠠᠢᠭ᠍ᠰᠠᠨᠡᠴᠡᠪᠠᠨ ᠢᠳᠡᠭ ᠢᠳᠡᠭᠢᠶᠡᠷ ᠪᠣᠳᠠᠲᠤ ᠬᠡᠷᠡᠭᠯᠡᠭᠡᠨᠦ ᠬᠠᠪᠰᠤᠷᠤᠭ᠍ᠴᠢ ᠪᠣᠯᠵᠣ᠂ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠲᠡᠭᠦᠨᠢ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠵᠠᠯᠠᠭᠤᠴᠤᠳ ᠮᠠᠰᠢ ᠣᠯᠠᠨ ᠪᠠᠢᠯᠠ》 ᠭᠡᠵᠦ ᠱᠠᠩᠬᠠᠶ ᠶ᠋ᠢᠨ ᠡᠦ ᠵᠢᠶᠤᠤ ᠲᠠᠯᠠᠪᠠᠶᠶ᠋ᠢᠨ ᠰᠤ᠌ ᠨᠢᠩ ᠢ ᠭᠸᠦ Max ᠳᠡᠯᠭᠡᠭᠦᠷᠦᠨ 3C ᠲᠥᠷᠥᠯ ᠦᠨ ᠪᠣᠷᠣᠯᠠᠭᠤᠯᠭᠠᠶ᠋ᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠬᠡᠯᠡᠪᠡ᠃
ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯ ᠤᠨ ᠶᠠᠮᠤᠨᠤ ᠰᠠᠢᠳᠤᠨ ᠲᠤᠰᠠᠯᠠᠭ᠍ᠴᠢ ᠵᠠᠩ ᠯᠢ᠂ ᠬᠡᠷᠡᠭᠯᠡᠭᠡᠶ᠋ᠢᠨ ᠱᠢᠨᠡ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠯᠪᠡᠷᠢ ᠱᠢᠨᠡ ᠬᠡᠪ ᠵᠠᠭ᠍ᠪᠤᠷ ᠱᠢᠨᠡ ᠦᠵᠡᠭᠳᠡᠯ ᠪᠠᠢᠳᠠᠯᠤᠨ ᠲᠤᠷᠱᠢᠯᠲᠠᠶ᠋ᠢᠨ ᠴᠡᠭ ᠦᠨ ᠪᠠᠢᠭᠤᠯᠤᠯᠲᠠᠶ᠋ᠢ ᠦᠷᠭᠦᠯᠵᠢᠯᠡᠨ ᠰᠠᠢᠲᠤᠷ ᠠᠳᠭᠤᠵᠤ᠂ ᠠᠩᠬᠠ ᠲᠠᠷᠬᠠᠭᠠᠬᠤ ᠲᠠᠪᠴᠠᠩ᠂ ᠦᠶ᠋ᠯᠡᠴᠢᠯᠡᠭᠡ ᠬᠡᠷᠡᠭᠯᠡᠭᠡ ᠲᠥᠪᠯᠡᠷᠡᠭ᠌ᠰᠡᠨ ᠣᠷᠣᠨ ᠵᠡᠷᠭᠡ ᠠᠴᠢᠶᠠᠯᠠᠪᠤᠷᠢᠶ᠋ᠢ ᠲᠦᠷᠭᠡᠳᠭᠡᠨ ᠪᠣᠢᠵᠢᠭᠤᠯᠵᠤ᠂ ᠨᠢᠭᠡ ᠪᠦᠯᠦᠭ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠰᠣᠶᠣᠯ ᠪᠡᠶᠡᠶ᠋ᠢᠨ ᠲᠠᠮᠢᠷ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠠᠭᠤᠰᠤᠯᠴᠠᠯᠤᠨ ᠬᠡᠷᠡᠭᠯᠡᠭᠡᠶ᠋ᠢᠨ ᠱᠢᠨᠡ ᠦᠵᠡᠭᠳᠡᠯ ᠪᠠᠢᠳᠠᠯᠢ ᠪᠣᠶ ᠪᠣᠯᠭᠠᠵᠤ᠂ ᠬᠡᠷᠡᠭᠯᠡᠭᠡᠵᠢᠨ ᠬᠥᠳᠡᠯᠭᠡᠬᠦ᠌ ᠡᠨᠧᠷᠭᠢᠶ᠋ᠢ ᠤᠯᠠᠮ ᠴᠢᠨᠠᠭᠰᠢᠳᠠ ᠬᠥᠭ᠌ᠵᠢᠭᠡᠨᠡ ᠭᠡᠵᠦ ᠢᠯᠡᠳᠭᠡᠪᠡ᠃
ᠥᠷᠯᠥᠭᠡ ᠦᠳᠡᠰᠢᠶ᠋ᠢ ᠲᠡᠮᠡᠴᠡᠨ ᠡᠷᠡᠮᠡᠬᠡᠢᠯᠡᠨ ᠤᠷᠤᠭ᠍ᠰᠢᠯᠠᠵᠤ ᠦᠨᠡᠨ ᠪᠣᠳᠠᠲᠠᠢ ᠠᠵᠢᠯᠯᠠᠨᠠ
ᠲᠠᠪᠤᠨ ᠰᠠᠷᠠ ᠳᠤ ᠡᠷᠡᠮᠡᠬᠡᠢᠯᠡᠨ ᠤᠷᠤᠭ᠍ᠰᠢᠯᠠᠵᠤ᠂ ᠬᠥᠳᠡᠯᠮᠦᠷᠢᠪᠡᠷ ᠬᠦᠰᠡᠯ ᠵᠡᠭᠦᠳᠦ᠍ᠪᠡᠨ ᠲᠡᠷᠭᠡᠯᠱᠢᠭᠦᠯᠦᠨᠡ᠃ 《5·1》 ᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠮᠠᠰᠢ ᠤᠯᠠᠨ ᠬᠦᠷᠢᠶᠡᠨᠦ ᠬᠥᠳᠡᠯᠮᠦᠷᠢᠴᠢᠳ ᠮᠥᠨ ᠬᠦ᠌ ᠠᠵᠢᠯ ᠤᠨ ᠪᠠᠢᠷᠢ ᠳᠡᠭᠡᠷᠡᠪᠡᠨ ᠦᠭᠡ ᠳᠠᠭᠤᠨ ᠦᠭᠡᠢᠪᠡᠷ ᠠᠵᠢᠯᠯᠠᠵᠤ᠂ ᠪᠣᠳᠠᠲᠠᠢ ᠠᠵᠢᠯᠯᠠᠬᠤ ᠡᠷᠴᠢ ᠵᠣᠷᠢᠭᠢᠶᠠᠷ 《ᠠᠷᠪᠠᠨ ᠲᠠᠪᠤᠳᠤᠭᠠᠷ ᠲᠠᠪᠤᠨ ᠵᠢᠯ》 ᠤ᠋ᠨ ᠡᠬᠢᠯᠡᠯᠲᠡᠶ᠋ᠢᠨ ᠵᠢᠯ ᠦᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠳᠦ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨ ᠨᠡᠮᠡᠷᠢᠯᠡᠪᠡ᠃
5 ᠰᠠᠷᠠᠶ᠋ᠢᠨ 3 ᠤ᠋ ᠥᠷᠯᠥᠭᠡ᠂ ᠭᠢᠷᠢᠨᠮᠤᠵᠢᠵᠢᠨ ᠴᠠᠩᠴᠦ᠋ᠨᠬᠤᠲᠠᠵᠢᠨ 66 ᠺᠢᠯᠦᠸᠤᠯᠲᠤᠨ ᠬᠤᠤᠰ ᠴᠡᠴᠡᠭ᠌ᠲᠦ ᠬᠥᠬᠡᠭ᠌ᠴᠢᠨ ᠱᠤᠭᠤᠮᠤᠨ T ᠵᠠᠯᠭᠠᠯᠲᠠᠶ᠋ᠢᠨ ᠳᠥᠷᠪᠡᠨ ᠬᠦᠴᠦᠳᠡᠯ ᠥᠭᠡᠷᠡᠴᠢᠯᠡᠬᠦ᠌ ᠥᠷᠲᠡᠭᠡᠶ᠋ᠢᠨ ᠪᠠᠷᠢᠯᠭᠠᠶ᠋ᠢᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠲᠤᠬᠠᠶᠶ᠋ᠢᠨ ᠲᠠᠯᠠᠪᠠᠶᠳᠤ᠂ ᠬᠡᠳᠦᠨ ᠠᠷᠪᠠᠨ ᠠᠵᠢᠯᠲᠠᠨ ᠲᠡᠮᠦᠷ ᠰᠤᠪᠤᠷᠭᠠᠨ ᠳᠡᠭᠡᠷᠡ ᠭᠠᠷᠴᠤ᠌᠂ ᠭᠠᠵᠠᠷ ᠳᠡᠭᠡᠷᠡᠬᠢ ᠬᠥᠮᠦᠰ ᠶᠠᠷᠢᠯᠴᠠᠭᠤᠷ ᠪᠠᠷᠢᠵᠤ ᠭᠤᠯᠭᠤᠭᠤᠷ ᠲᠡᠷᠭᠡᠶ᠋ᠢ ᠨᠢᠳᠤ ᠰᠠᠯᠭᠠᠯ ᠦᠬᠡᠢ ᠠᠩᠬᠠᠷᠴᠤ᠌᠂ ᠤᠲᠠᠰᠤ ᠲᠠᠯᠪᠢᠬᠤ ᠬᠤᠷᠳᠤᠴᠠᠶ᠋ᠢ ᠲᠣᠬᠢᠷᠠᠭᠤᠯᠬᠤᠳᠤ ᠬᠠᠮᠵᠢᠯᠴᠠᠨᠠ᠃
《ᠣᠲᠣ ᠪᠣᠯ ᠶᠠᠭ ᠪᠥᠲᠥᠭᠡᠨ ᠪᠠᠢᠭᠤᠯᠵᠦ᠍ ᠪᠠᠢᠭᠠ ᠱᠢᠵᠢᠷ ᠠᠯᠲᠠᠨ ᠴᠠᠭ ᠬᠤᠭᠤᠴᠠᠭᠠ ᠪᠤᠯᠤᠨᠠ᠂ ᠴᠠᠩᠴᠦ᠋ᠨᠦ ᠡᠪᠦᠯᠦᠨ ᠤᠯᠠᠷᠢᠯ ᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠢᠵᠢ ᠪᠥᠷᠢᠳᠦᠭᠦᠯᠦᠭᠰᠡᠨ ᠴᠢᠬᠤᠯᠠ ᠲᠥᠷᠥᠯ ᠵᠦᠶ᠋ᠯ ᠪᠣᠯᠤᠭ᠍ᠰᠠᠨ ᠤ ᠬᠤᠪᠢᠳᠤ᠂ ᠬᠦᠴᠦᠳᠡᠯ ᠥᠭᠡᠷᠡᠴᠢᠯᠡᠬᠦ᠌ ᠥᠷᠲᠡᠭᠡ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨᠤ ᠳᠠᠷᠠᠭᠠ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠴᠠᠨᠠᠯᠠᠯᠳᠠ ᠵᠢᠨ ᠲᠠᠯᠠᠪᠠᠶᠳ᠋ᠤ ᠪᠠᠳᠤ ᠨᠠᠢᠳᠠᠪᠤᠷᠢᠲᠠᠶ ᠴᠠᠬᠢᠯᠭᠠᠨ ᠬᠠᠩᠭᠠᠬᠤ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠡᠭᠦᠷᠭᠡᠯᠡᠬᠦ᠌ ᠪᠣᠯᠤᠨᠠ》 ᠭᠡᠵᠦ᠍ ᠤᠯᠤᠰᠤᠨ ᠴᠠᠬᠢᠯᠭᠠᠨ ᠲᠣᠣᠷᠤᠨ ᠺᠣᠮᠫᠠᠨᠢᠶ᠋ᠢᠨ ᠴᠠᠩᠴᠦ᠋ᠨ ᠬᠤᠳᠠᠶ᠋ᠢᠨ ᠱᠤᠸᠠᠩ ᠶᠠᠩ ᠲᠣᠭᠣᠷᠢᠭᠤᠨ ᠴᠠᠬᠢᠯᠭᠠᠨ ᠬᠠᠩᠭᠠᠬᠤ ᠺᠣᠮᠫᠠᠨᠢᠶ᠋ᠢᠨ ᠳᠠᠭᠠᠭᠠᠮᠠᠯ ᠯᠢ ᠴᠧᠨ ᠭᠤᠸᠠᠩ ᠬᠡᠯᠡᠪᠡ᠃
ᠬᠦᠷᠢᠶᠡᠯᠡᠩ ᠲᠣᠭᠣᠷᠢᠭ ᠪᠣᠯᠤᠨ ᠠᠵᠤ ᠠᠬᠤᠢᠯᠠᠯᠳᠤ ᠣᠷᠣᠬᠤᠳᠤ᠂ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠠᠵᠢᠯᠤᠨ ᠪᠠᠢᠷᠢᠪᠠᠨ ᠪᠠᠲᠤ ᠰᠠᠬᠢᠵᠤ ᠪᠠᠢᠭᠠ ᠮᠠᠰᠢ ᠤᠯᠠᠨ ᠬᠥᠮᠦᠰ ᠶᠠᠭ ᠱᠢᠨᠡ ᠵᠠᠬᠢᠶᠠᠯᠠᠭᠠᠶ᠋ᠢᠨ ᠬᠠᠭᠤᠳᠠᠰᠤ᠂ ᠱᠢᠨᠡ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠬᠦᠯᠬᠦ ᠵᠢᠨ ᠲᠥᠯᠥᠭᠡ ᠮᠤᠨᠭᠭᠢᠨᠠᠵᠤ ᠪᠠᠢᠯᠠ᠃
ᠠᠮᠠᠷᠠᠯᠲᠠᠶ᠋ᠢᠨ 4 ᠳ᠋ᠤᠭᠡᠷ ᠡᠳᠦᠷ᠂ ᠭᠤᠸᠠᠩᠳᠦ᠋ᠩᠦᠨ ᠱᠠᠨᠲ᠋ᠧᠦ ᠬᠣᠲᠠᠶ᠋ᠢᠨ ᠵᠡᠷᠭᠡᠯᠡᠭᠡ ᠮᠣᠳᠣ ᠦᠶ᠋ᠯᠡᠳᠬᠦ᠌ ᠠᠵᠤ ᠠᠬᠤᠢᠯᠠᠯ ᠭᠤᠤ ᠳ᠋ᠧ ᠰᠧ ᠨᠠᠷᠢᠯᠢᠭ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯ ᠦᠨ ᠬᠢᠵᠠᠭᠠᠷᠲᠤ ᠺᠣᠮᠫᠠᠨᠢᠳᠤ᠂ ᠬᠡᠪ ᠵᠠᠭ᠍ᠪᠤᠷᠤᠨ ᠢᠨᠵᠧᠨᠧᠷᠨᠡᠷ ᠶᠠᠭ ᠬᠡᠷᠡᠭᠯᠡᠭᠴᠢᠳ ᠦᠨ ᠬᠠᠩᠭᠠᠭ᠍ᠰᠠᠨ ᠦᠶ᠋ᠯᠡᠳᠬᠦᠨ ᠦ ᠡᠬᠡ ᠵᠢᠷᠤᠭ ᠢ ᠵᠢᠷᠤᠮᠵᠢᠭ᠍ᠰᠠᠨ ᠢᠨᠵᠧᠨᠧᠷᠢᠩ ᠦᠨ ᠠᠵᠢᠯᠤᠨ ᠵᠢᠷᠤᠭ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ ᠪᠠᠢᠯᠠ᠃
《ᠡᠨᠡ ᠵᠢᠯᠡᠴᠡ ᠨᠠᠭᠠᠰᠢ᠂ ᠤᠯᠤᠰ ᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶ᠋ᠢᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠬᠡᠷᠡᠭ᠌ᠴᠡᠭᠡ ᠮᠠᠰᠢ ᠶᠡᠬᠡ ᠪᠠᠢᠵᠤ᠂ ᠺᠣᠮᠫᠠᠨᠢ ᠨᠢ ᠪᠣᠬᠢᠷᠲᠤᠯ ᠭᠠᠳᠠᠭ᠍ᠰᠢᠯᠠᠭᠤᠯᠬᠤ ᠶᠠᠪᠤᠴᠠᠶ᠋ᠢ ᠱᠢᠯᠢᠳᠡᠭ᠌ᠵᠢᠭᠦᠯᠬᠦ᠌᠂ ᠶᠠᠰᠤ ᠴᠢᠨᠠᠷᠤᠨ ᠬᠠᠮᠢᠶᠠᠷᠤᠯᠲᠠ ᠡᠵᠡᠮᠳᠡᠯ ᠢ ᠴᠢᠩᠭᠠᠳᠭᠠᠬᠤᠪᠠᠷ ᠳᠠᠮᠵᠢᠨ᠂ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨ ᠳᠤ ᠵᠡᠷᠭᠡᠯᠡᠭᠡ ᠮᠣᠳᠣ ᠵᠢ ᠡᠳᠦᠷ ᠳᠤᠮᠳᠠᠴᠢᠪᠡᠷ 4000 ᠲᠦᠮᠡ ᠭᠠᠷᠤᠢ ᠦᠢᠯᠡᠳᠪᠦᠷᠢᠯᠡᠵᠦ᠍᠂ ᠬᠣᠶᠠᠳᠤᠭᠠᠷ ᠤᠯᠠᠷᠢᠯ ᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠴᠢᠳᠠᠪᠤᠷᠢᠶ᠋ᠢ ᠢᠯᠡᠷᠡᠭᠦᠯᠬᠦ᠌ ᠪᠠ ᠪᠦᠬᠦ᠌ ᠵᠢᠯᠦᠨ ᠬᠠᠷᠠᠯᠲᠠᠶ᠋ᠢ ᠪᠡᠶᠡᠯᠡᠭᠦᠯᠬᠦ᠌ᠳᠦ ᠰᠠᠭᠤᠷᠢ ᠵᠢ ᠲᠠᠯᠪᠢᠪᠠ》 ᠭᠡᠵᠦ᠍ ᠺᠣᠮᠫᠠᠨᠢᠶ᠋ᠢᠨ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ ᠴᠧᠨ ᠢ ᠱᠧᠩ ᠬᠡᠯᠡᠪᠡ᠃
ᠠᠮᠠᠷᠠᠯᠲᠠ ᠶ᠋ᠢᠨ ᠬᠤᠭᠤᠴᠠᠭᠠᠨ ᠳᠤ᠂ ᠳᠤᠮᠳᠠᠳᠤᠶ᠋ᠢᠨ ᠡᠬᠡ ᠭᠠᠵᠠᠷᠲᠤ ᠭᠠᠵᠠᠷ ᠪᠤᠯᠭᠠᠨ ᠳ᠋ᠤ ᠶᠠᠭᠠᠷᠠᠯᠲᠠᠢ ᠠᠵᠢᠯᠯᠠᠬᠤ ᠪᠠᠢᠳᠠᠯ ᠬᠠᠷᠠᠭᠳᠠᠨᠠ —
ᠬᠠᠷᠠᠮᠥ᠋ᠷᠡᠨᠳᠦ᠂ ᠲᠤᠮᠤ ᠴᠢᠷᠬᠦ ᠬᠦᠴᠦᠨ ᠦ ᠪᠤᠬᠠ ᠲᠡᠷᠭᠡ ᠬᠦᠪᠡᠭᠡ ᠬᠢᠵᠠᠭᠠᠷ ᠦᠭᠡᠢ ᠦᠷᠬᠦᠯᠵᠢᠯᠡᠭᠰᠡᠨ ᠬᠠᠷᠠ ᠬᠥᠷᠥᠰᠥᠨ ᠲᠤᠮᠳᠠᠭᠤᠷ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠵᠦ᠍᠂ ᠰᠡᠭᠦᠳᠡᠷᠯᠡᠬᠦ᠌ ᠮᠠᠱᠢᠨ ᠨᠢ ᠬᠠᠪᠤᠷᠤᠨ ᠲᠠᠷᠢᠶᠠᠨ ᠴᠢᠬᠢᠶ᠋ᠢᠨ ᠤᠷᠭᠤᠯᠲᠠᠶ᠋ᠢ ᠠᠯᠤᠰᠡᠴᠡ ᠬᠢᠨᠠᠨ ᠡᠵᠡᠮᠳᠡᠵᠦ᠍᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭ᠌ᠨᠢᠭ ᠮᠡᠷᠭᠡᠵᠢᠯᠢᠶᠡᠷ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠᠳ᠋ᠤ ᠲᠤᠰᠠᠯᠠᠨᠠ；
ᠵᠧᠵᠢᠶᠠᠩᠳᠤ᠂ ᠵᠣᠬᠢᠶᠠᠮᠠᠯ ᠤᠶᠤᠨ ᠴᠢᠳᠠᠪᠤᠷᠢ ᠶ᠋ᠢᠨ ᠠᠵᠤ ᠦᠢᠯᠡᠰᠦᠨ ᠠᠮᠢ ᠠᠬᠤᠢᠶ᠋ᠢ ᠲᠦᠷᠭᠡᠳᠬᠡᠨ ᠪᠠᠢᠭᠤᠯᠵᠤ᠂ ᠲᠤᠮᠤ ᠵᠠᠭ᠍ᠪᠤᠷ ᠤᠨ ᠪᠣᠯᠪᠠᠰᠤᠷᠠᠯ ᠪᠣᠯᠤᠨ ᠠᠵᠢᠯ ᠲᠦᠷᠦᠯᠦᠨ ᠬᠡᠷᠡᠭᠯᠡᠭᠡᠶ᠋ᠢ ᠵᠡᠷᠭᠡᠪᠡᠷ ᠠᠬᠢᠭᠤᠯᠵᠤ᠂ ᠲᠣᠭᠠᠴᠢᠯᠠᠭ᠍ᠰᠠᠨ ᠠᠵᠤ ᠠᠬᠤᠢᠶ᠋ᠢᠨ ᠴᠢᠨᠠᠷ ᠰᠠᠢᠲᠠᠢ ᠬᠥᠭ᠌ᠵᠢᠯᠲᠡᠳᠦ ᠱᠢᠨᠡ ᠬᠥᠳᠡᠯᠭᠡᠬᠦ᠌ ᠡᠨᠧᠷᠭᠢ ᠨᠡᠮᠡᠷᠢᠯᠡᠨᠠ；
ᠲᠢᠶᠠᠨᠵᠢᠨ ᠭᠠᠷᠠᠮᠳᠤ᠂ ᠡᠯᠡ ᠶᠡᠬᠡ ᠠᠵᠢᠯᠤᠨ ᠲᠣᠭᠣᠷᠢᠭ ᠲᠤ᠌ ᠲᠣᠮᠣ ᠬᠥᠯᠭᠡ ᠣᠩᠭᠣᠴᠠ ᠡᠷᠬᠢ ᠵᠦᠭ ᠤᠢᠷᠠᠳᠴᠤ᠂ ᠱᠢᠨᠡ ᠡᠨᠧᠷᠭᠢ ᠶ᠋ᠢᠨ ᠮᠠᠱᠢᠨ ᠲᠡᠷᠭᠡ᠂ ᠳᠡᠭᠡᠳᠦ ᠲᠠᠰᠤᠨ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢ᠂ ᠨᠠᠷᠢᠯᠢᠭ ᠬᠢᠮᠢ ᠶ᠋ᠢᠨ ᠠᠵᠤ ᠦᠶ᠋ᠯᠡᠳᠪᠦᠷᠢᠶ᠋ᠢᠨ ᠦᠶ᠋ᠯᠡᠳᠬᠦᠨ ᠵᠡᠷᠭᠡ ᠡᠳ᠋ ᠪᠠᠷᠠᠭᠠ ᠳᠠᠯᠠᠢ ᠵᠢᠨ ᠠᠶᠠᠯᠠᠯ ᠤᠨ ᠱᠤᠭᠤᠮᠵᠢᠡᠷ ᠳᠡᠯᠡᠬᠡᠶ ᠵᠢᠨ ᠡᠯᠡ ᠭᠠᠵᠠᠷᠢ ᠴᠢᠭᠯᠡᠨ ᠮᠤᠷᠳᠠᠨᠠ ᠁
ᠡᠬᠢᠯᠡᠯᠲᠡᠶ᠋ᠢᠨ ᠵᠢᠯᠳᠦ ᠵᠠᠮ ᠨᠡᠭᠡᠭᠡᠵᠦ᠍᠂ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠬᠦ᠌ ᠠᠶᠠᠨ ᠳ᠋ᠤ ᠭᠠᠪᠰᠢᠭᠠᠢᠯᠠᠨ ᠲᠡᠮᠡᠴᠡᠨᠡ᠃
ᠬᠥᠮᠦᠨᠦ ᠤᠷᠤᠰᠭᠠᠯ ᠲᠠᠪᠠᠯᠭᠠᠯᠠᠨ ᠪᠠᠷᠠᠭᠠᠨ ᠤ ᠭᠦᠢᠯᠭᠡᠭᠡ ᠨᠠᠭᠠᠰᠢ ᠴᠠᠭᠠᠰᠢ ᠰᠦᠯᠵᠢᠯᠳᠦᠵᠦ᠍᠂ ᠵᠠᠬᠠ ᠳᠡᠯᠭᠡᠭᠦᠷ ᠦᠨ ᠬᠠᠯᠠᠮᠱᠢᠯ ᠬᠡᠷᠡᠭᠯᠡᠬᠡ ᠦᠷᠭᠦᠯᠵᠢᠯᠡᠨ ᠨᠡᠮᠡᠭ᠌ᠳᠡᠵᠦ᠍᠂ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ᠍ ᠪᠣᠳᠠᠲᠠᠢ ᠠᠵᠢᠯᠯᠠᠭ᠍ᠤ ᠠᠯᠬᠤᠭᠠ ᠵᠤᠬ᠍ᠰᠤᠰᠢ ᠦᠭᠡᠢ ᠦᠷᠭᠦᠯᠵᠢᠯᠡᠨᠡ ᠁ 《5·1》 ᠤ᠋ ᠠᠮᠠᠷᠠᠯᠲᠠᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠡᠨᠡ ᠬᠦ᠌ ᠴᠤᠩᠬᠤᠪᠴᠢ ᠪᠡᠷ ᠳᠠᠮᠵᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠷ ᠪᠢᠯᠬᠠᠬᠰᠠᠨ᠂ ᠡᠷᠡᠮᠡᠬᠡᠢᠯᠡᠨ ᠲᠠᠪᠱᠢᠬ᠍ᠰᠠᠨ ᠳᠤᠮᠳᠠᠳᠤ ᠤᠯᠤᠰ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠬᠥᠳᠡᠯᠭᠡᠬᠦ᠌ ᠡᠨᠧᠷᠭᠢ ᠵᠢ ᠪᠠᠳᠠᠷᠠᠭᠤᠯᠵᠤ᠂ ᠬᠥᠭ᠌ᠵᠢᠯᠲᠡᠶ᠋ᠢᠨ ᠱᠢᠨᠡ ᠳᠦᠷᠰᠦ ᠪᠠᠢᠳᠠᠯᠢᠶᠠᠨ ᠢᠯᠡᠷᠡᠭᠦᠯᠵᠦ᠍ ᠪᠠᠢᠬᠤ ᠵᠢ ᠤᠯᠵᠤ ᠬᠠᠷᠠᠨᠠ᠃
（ᠱᠢᠨᠬᠤᠸᠠ ᠬᠤᠷᠢᠶᠠ ᠵᠢᠨ ᠪᠡᠭᠡᠵᠢᠩᠦᠨ 5 ᠰᠠᠷᠠᠶ᠋ᠢᠨ 5 ᠤ᠋ ᠴᠠᠬᠢᠯᠭᠠᠨ ᠮᠡᠳᠡᠭᠡ ᠡᠴᠡ）