5 ᠰᠠᠷᠠᠶᠢᠨ 29ᠤ ᠡᠳᠦᠷ᠂ ᠤᠯᠠᠭᠠᠨᠬᠠᠳᠠ ᠬᠤᠲᠠ ᠵᠢᠨ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠤ ᠰᠠᠢᠬᠠᠨᠲᠠᠯᠠ ᠪᠠᠭᠠ
ᠰᠤᠷᠭᠠᠭᠤᠯᠢ ᠶᠢᠨ ᠰᠤᠷᠭᠠᠭᠤᠯᠢ ᠪᠠᠢᠭᠤᠯᠤᠭᠳᠠᠭᠰᠠᠨ ᠶᠡᠷᠡᠨ ᠵᠢᠯ ᠦᠨ ᠣᠢ ᠵᠢᠴᠢ 《6 ·1》 ᠤ ᠳᠡᠯᠡᠬᠡᠢᠶᠢᠨ ᠬᠡᠤᠬᠡᠳᠤᠨ ᠪᠠᠶᠠᠷᠢ ᠪᠡᠯᠭᠡᠯᠡᠬᠦ ᠰᠣᠶᠣᠯ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ
ᠠᠮᠵᠢᠯᠲᠠ ᠲᠠᠢ ᠶᠠᠪᠤᠭᠳᠠᠪᠠ᠃ ᠬᠥᠳᠡᠯᠭᠡᠭᠡᠨᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠪᠦᠬᠦ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢ ᠣᠷᠣᠯᠴᠠᠭᠰᠠᠨ
ᠪᠠ ᠠᠵᠢᠯᠠᠴᠠᠪᠠᠨ ᠠᠮᠠᠷᠠᠭᠰᠠᠨ ᠪᠠᠭ᠍ᠰᠢ᠂ ᠭᠡᠷ ᠦᠨ ᠠᠬᠠᠮᠠᠳ ᠵᠡᠷᠭᠡ ᠬᠦᠨᠳᠦᠲᠦ ᠵᠣᠴᠢᠳ ᠢᠶᠠᠨ ᠤᠷᠢᠨ ᠵᠠᠯᠠᠵᠤ
ᠣᠷᠣᠯᠴᠠᠭᠤᠯᠤᠭᠰᠠᠨ ᠪᠠᠢᠨᠠ᠃
ᠦᠳᠡᠶᠢᠨ ᠡᠮᠦᠨᠡᠬᠢ 8 ᠴᠠᠭ 30 ᠮᠢᠨᠦ᠋ᠲᠠᠴᠠ ᠲᠠᠯᠠᠪᠠᠢᠳᠤ
ᠣᠷᠣᠬᠤ ᠶᠣᠰᠣᠯᠠᠯ ᠡᠬᠢᠯᠡᠵᠦ᠂ ᠤᠯᠤᠰᠤᠨ ᠲᠣᠭ ᠤᠨ ᠵᠢᠭ᠍ᠰᠠᠭᠠᠯ᠂ ᠰᠤᠷᠭᠠᠭᠤᠯᠢᠶᠢᠨ ᠲᠣᠭᠤᠨ ᠵᠢᠭ᠍ᠰᠠᠭᠠᠯᠤᠨ
ᠬᠠᠮᠲᠤ ᠦᠨᠳᠦᠰᠦᠲᠡᠨ ᠦ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠵᠢᠭ᠍ᠰᠠᠭᠠᠯ᠂ ᠰᠦ ᠴᠠᠭᠠᠨ ᠢᠳᠡᠭᠡᠨᠦ ᠵᠢᠭ᠍ᠰᠠᠭᠠᠯ ᠵᠡᠷᠭᠡ
ᠦᠨᠳᠦᠰᠦᠲᠡᠨ ᠦ ᠣᠨᠴᠠᠯᠢᠭ᠋ ᠪᠦᠬᠦᠢ ᠵᠢᠭ᠍ᠰᠠᠭᠠᠯ ᠡᠩᠨᠡᠭᠡ ᠳᠠᠷᠠᠭᠠᠯᠠᠨ ᠲᠠᠯᠠᠪᠠᠢᠳᠤ ᠣᠷᠣᠯᠠ᠃ ᠲᠠᠯᠠᠪᠠᠢ ᠳᠤ
ᠣᠷᠣᠬᠤ ᠶᠣᠰᠣᠯᠠᠯ ᠤᠨ ᠳᠠᠷᠠᠭᠠ ᠡᠬᠢᠯᠡᠯᠲᠡᠶᠢᠨ ᠶᠣᠰᠣᠯᠠᠯ ᠶᠠᠪᠤᠭᠳᠠᠵᠤ᠂ ᠭᠠᠪᠢᠶᠠ ᠵᠢᠳᠬᠦᠯ ᠦᠵᠡᠭᠦᠯᠦᠭᠰᠡᠨ
ᠠᠬᠠᠮᠠᠳ ᠵᠠᠬᠢᠷᠤᠯ᠂ ᠠᠵᠢᠯᠤᠨ ᠠᠮᠠᠷᠠᠯᠲᠠ ᠪᠠᠨ ᠠᠪᠤᠭᠰᠠᠨ ᠠᠬᠠᠮᠠᠳ ᠪᠠᠭ᠍ᠰᠢ ᠨᠠᠷ ᠲᠠᠭᠠᠨ ᠴᠡᠴᠡᠭ ᠬᠦᠷᠭᠡᠵᠦ
ᠲᠠᠯᠠᠷᠬᠠᠯᠢᠶᠠᠨ ᠳᠡᠪᠰᠢᠭᠦᠯᠵᠡᠢ᠃ ᠲᠠᠷᠠᠭᠠ ᠨᠢ ᠤᠯᠠᠭᠠᠨᠮᠥ᠋ᠴᠢᠷ ᠤᠨ ᠲᠤᠭᠯᠠᠭᠴᠢᠳ ᠬᠢᠭᠡᠳ ᠰᠠᠢᠬᠠᠨᠲᠠᠯᠠ
ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳ ᠰᠣᠶᠣᠯ ᠤᠷᠠᠯᠢᠭ᠋ ᠤᠨ ᠲᠣᠭᠯᠠᠯᠲᠠ ᠭᠠᠷᠭᠠᠪᠠ᠃
ᠦᠳᠡᠶᠢᠨ ᠬᠣᠢᠨᠠ᠂ ᠰᠢᠯᠢᠳᠡᠭ ᠰᠤᠷᠤᠭ᠍ᠴᠢᠳ ᠵᠢᠡᠨ
ᠱᠠᠩᠨᠠᠨ ᠬᠥᠬᠢᠭᠦᠯᠵᠦ ᠰᠤᠷᠤᠭ᠍ᠴᠢᠳᠤᠨᠢᠶᠠᠨ ᠠᠵᠢᠯ ᠰᠤᠷᠤᠯᠭᠠᠶᠢᠨ ᠬᠢᠨᠢ ᠠᠮᠵᠢᠯᠲᠠᠶᠢ ᠲᠡᠮᠳᠡᠭᠯᠡᠭᠰᠡᠨ
ᠤ᠋ ᠬᠠᠮᠲᠤ ᠬᠦᠨᠳᠦ ᠬᠥᠩᠭᠡᠨ ᠪᠡᠶᠡ ᠶᠢᠨ ᠲᠠᠮᠢᠷᠤᠨ ᠤᠷᠤᠯᠳᠤᠭᠠᠨ ᠪᠣᠯᠣᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ 《ᠰᠠᠢᠬᠠᠨ
ᠬᠤᠨᠳᠠᠭᠠᠲᠤ》 ᠪᠠᠭᠠᠴᠤᠳ ᠤᠨ ᠮᠣᠩᠭᠣᠯ ᠪᠥᠬᠡ ᠶᠢᠨ ᠤᠷᠤᠯᠳᠤᠭᠠᠨ ᠶᠠᠪᠤᠭᠳᠠᠭᠤᠯᠪᠠ᠃
ᠲᠤᠰ ᠰᠤᠷᠭᠠᠭᠤᠯᠢ 1936 ᠣᠨᠳᠤ ᠪᠠᠢᠭᠤᠯᠤᠭᠳᠠᠵᠤ᠂
90 ᠵᠢᠯᠦᠨ ᠲᠤᠷᠰᠢ ᠲᠠᠯᠠ ᠨᠤᠲᠤᠭᠤᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠢ ᠴᠢᠬᠤᠯᠠᠴᠢᠯᠠᠨ ᠬᠦᠨᠳᠦᠳᠬᠡᠵᠦ᠂ 《ᠭᠤᠸᠠ ᠲᠠᠭᠠᠰᠢᠶᠠᠯᠢᠶᠠᠷ
ᠬᠥᠮᠥᠨ ᠢ ᠬᠥᠮᠥᠵᠢᠭᠦᠯᠵᠦ᠂ ᠭᠤᠸᠠ ᠰᠠᠢᠬᠠᠨ ᠢ ᠳᠡᠭᠡᠳᠦᠯᠡᠨ ᠬᠥᠭᠡᠭᠡᠴᠡᠯᠳᠦᠬᠦ》 ᠪᠠᠷ ᠰᠤᠷᠭᠠᠭᠤᠯᠢᠶᠢᠨ
ᠰᠤᠷᠭᠠᠯ ᠵᠢᠡᠨ ᠪᠣᠯᠭᠠᠵᠤ᠂ ᠪᠥᠬᠥ ᠲᠠᠯᠠᠶᠢᠨ ᠬᠥᠮᠦᠵᠢᠯᠢ ᠴᠢᠩᠭᠠ ᠠᠳᠬᠤᠨ᠂ ᠤᠷᠢᠳ ᠬᠣᠵᠢᠳ 《ᠬᠣᠶᠠᠷ ᠢ ᠬᠥᠩᠭᠡᠷᠡᠭᠦᠯᠬᠦ》 ᠠᠵᠢᠯᠤᠨ ᠲᠡᠷᠢᠭᠦᠨᠦ ᠨᠢᠭᠡᠴᠢ᠂ ᠠᠷᠤ ᠬᠣᠷᠴᠢᠨ ᠬᠣᠰᠢᠭᠤᠨ ᠤ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨ
ᠤ 《ᠬᠣᠰᠢᠭᠤᠨ ᠳᠠᠷᠤᠭᠠ
ᠬᠤᠨᠳᠠᠭᠠᠲᠤ》 ᠬᠥᠯ ᠪᠥᠮᠪᠥᠭᠡ ᠶᠢᠨ ᠤᠷᠤᠯᠳᠤᠭᠠᠨᠳᠤ ᠰᠢᠯᠢᠳᠡᠭ ᠬᠢᠷᠢ
ᠪᠦᠲᠦᠮᠵᠢ ᠣᠯᠵᠤ ᠪᠠᠢᠭᠰᠠᠨ ᠠᠵᠠᠢ᠃ ᠬᠣᠢᠰᠢᠳᠠᠪᠠᠨ ᠰᠠᠢᠬᠠᠨᠲᠠᠯᠠ ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢ ᠪᠦᠬᠦ ᠲᠠᠯᠠᠪᠠᠷ
ᠬᠥᠭᠵᠢᠭᠰᠡᠨ ᠰᠢᠯᠢᠳᠡᠭ ᠰᠠᠢᠨ ᠪᠠᠭᠠᠴᠤᠳᠢ ᠨᠠᠩ ᠣᠯᠠᠨ ᠬᠥᠮᠥᠵᠢᠭᠦᠯᠵᠦ᠂ ᠤᠯᠤᠰ ᠦᠨᠳᠦᠰᠦᠲᠡᠨ᠂ ᠨᠡᠢᠭᠡᠮ ᠨᠡᠢᠲᠡᠳᠡᠭᠡᠨ
ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠬᠦ ᠨᠢ ᠳᠠᠮᠵᠢᠭ᠋ ᠦᠭᠡᠢ᠃