ᠲᠠᠨᠤ ᠰᠠᠭᠤᠬᠲᠠᠯ ᠳ᠋ᠡᠬᠢ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠢᠭᠤᠯᠴᠢᠯᠠᠯ ᠶᠠᠮᠠᠷ ᠶᠠᠩᠵᠤᠲᠠᠢ ᠪᠤᠢ？ ᠬᠦᠯᠡᠮᠵᠢᠳᠦ ᠤᠷᠤᠵᠦ ᠨᠢᠭᠡ ᠰᠠᠭᠰᠤ ᠰᠢᠨᠡ ᠰᠣᠷᠭᠣᠭ ᠵᠢᠮᠢᠰ ᠨᠣᠭᠣᠭᠠ ᠲᠡᠭᠦᠬᠦ ᠶᠤᠮ ᠤᠤ᠂ ᠡᠰᠡᠬᠦᠯᠡ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠬᠦᠷᠢᠶᠡᠨᠳᠦ ᠰᠠᠭᠤᠭᠠᠳ ᠵᠢᠩᠬᠢᠨᠢ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠬᠤᠭᠤᠯᠠ ᠪᠤᠳᠠᠭᠠ ᠠᠮᠲᠠᠯᠠᠬᠤ ᠶᠤᠮ ᠤᠤ？ ᠣᠢᠷᠠᠶᠢᠨ ᠵᠢᠯᠳᠦ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠢᠭᠤᠯᠴᠢᠯᠠᠯ ᠨᠢ ᠬᠣᠲᠠᠶᠢᠨ ᠠᠷᠠᠳᠤᠨ ᠣᠢᠷᠠ ᠵᠠᠮᠤᠨ ᠵᠢᠭᠤᠯᠴᠢᠯᠠᠯᠤᠨ ᠬᠠᠮᠤᠭᠤᠨ ᠰᠠᠢᠨ ᠰᠣᠩᠭᠣᠯᠲᠠ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠭᠡᠪᠡᠴᠦ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠯᠲᠠ ᠲᠠᠩ ᠴᠤᠯᠭᠤᠢ᠂ ᠲᠣᠰᠬᠣᠨ ᠪᠤᠯᠭᠠᠨ ᠠᠳᠠᠯᠢᠬᠠᠨ ᠪᠠᠢᠬᠤ ᠦᠵᠡᠭᠲᠡᠯ ᠨᠢ ᠵᠢᠭᠤᠯᠴᠢᠯᠠᠭ᠍ᠰᠠᠳᠤᠨ ᠲᠠᠬᠢᠨ ᠢᠷᠡᠬᠦ ᠪᠣᠳᠣᠯᠢ ᠨᠢ ᠳᠠᠰᠤᠯᠳᠠᠭ᠃ ᠬᠡᠷᠬᠢᠨ ᠬᠥᠳᠡᠭᠡ ᠲᠣᠰᠬᠣᠨ ᠤ ᠵᠢᠭᠤᠯᠴᠢᠯᠠᠯᠤᠨ ᠡᠵᠡᠩᠨᠡᠯᠲᠡᠶᠢᠨ ᠬᠡᠯᠪᠡᠷᠢ ᠪᠠᠢᠳᠠᠯᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠢᠭᠤᠯᠴᠢᠯᠠᠬᠰᠠᠳ ᠢ᠋ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠠᠲᠠᠬᠤ ᠪᠤᠢ？ ᠣᠢᠷᠠᠳᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠦᠬᠠᠢ ᠬᠣᠲᠠ ᠶᠢᠨ ᠬᠠᠢᠨᠠᠨ ᠲᠣᠭᠣᠷᠢᠭ᠋ᠤᠨ ᠷᠠᠰᠠᠩ ᠰᠦᠮᠡ ᠪᠠᠯᠭᠠᠰᠤᠨᠤ ᠰᠠᠢᠬᠠᠠᠠᠤᠰᠤ ᠲᠣᠰᠬᠣᠨ ᠪᠠ ᠬᠠᠢᠷᠤᠪ ᠤᠨ ᠲᠣᠬᠣᠢ ᠲᠣᠭᠣᠷᠢᠭ᠋ᠤᠨ ᠪᠢᠨ ᠾᠧ ᠵᠡᠭᠡᠯᠢ ᠭᠤᠳᠤᠮᠵᠢᠶᠢᠨ ᠵᠥᠩ ᠾᠧ ᠶᠤᠸᠠᠨ ᠨᠡᠢᠭᠡᠮ ᠲᠣᠭᠣᠷᠢᠭ᠋ᠲᠤ ᠬᠦᠷᠴᠦ᠂ ᠡᠨᠳᠡᠡᠴᠡ ᠠᠳᠠᠯᠢ ᠪᠤᠰᠤ ᠬᠠᠷᠢᠭᠤᠯᠲᠠ ᠶᠢ ᠣᠯᠣᠭᠰᠠᠨ ᠪᠠᠢᠨᠠ ᠃
ᠲᠡᠯᠭᠡᠷ ᠵᠤᠨ ᠤ ᠰᠠᠢᠬᠠᠠᠠᠤᠰᠤ ᠲᠣᠰᠬᠣᠨ ᠬᠠᠳᠤᠨ ᠭᠣᠣᠯᠤᠨ ᠬᠥᠪᠡᠭᠡᠨᠳᠦ ᠲᠤᠰᠤᠨ ᠪᠤᠳᠤᠭᠤᠨ ᠵᠢᠷᠤᠭ ᠮᠡᠲᠦ ᠳᠡᠯᠭᠡᠭᠳᠡᠵᠦ᠂ ᠨᠠᠮ ᠰᠡᠯᠡᠭᠦᠨ ᠪᠥᠭᠡᠳ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠷ ᠬᠦᠢᠴᠡᠳ ᠪᠠᠢᠯᠠ᠃ ᠪᠦᠬᠦ ᠤᠯᠤᠰᠤᠨ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠢᠭᠤᠯᠴᠢᠯᠠᠯᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠲᠣᠰᠬᠣᠨ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ ᠬᠥᠳᠡᠭᠡ ᠲᠣᠰᠬᠣᠨᠤ ᠵᠢᠭᠤᠯᠴᠢᠯᠠᠯᠤᠨ ᠦᠷᠭᠦᠯᠵᠢᠯᠡᠨ ᠬᠥᠭᠵᠢᠶᠡᠨᠲᠡᠢ ᠪᠠᠢᠬᠤ ᠨᠢ ᠡᠨᠡᠬᠦ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠲᠣᠰᠬᠣᠨ ᠢ ᠬᠤᠯᠠ ᠣᠢᠷᠠᠳᠤ ᠨᠡᠷᠡ ᠠᠯᠳᠠᠷᠰᠢᠭᠤᠯᠵᠠᠢ᠃ ᠭᠡᠲᠡᠯᠡ ᠬᠥᠷ ᠨᠠᠷᠭᠢᠶᠠᠨᠤ ᠠᠷᠤᠳᠤ ᠴᠤ᠌ ᠲᠦᠪᠡᠭᠲᠡᠯ ᠢᠯᠡᠷᠡᠪᠡ᠃
《ᠥᠩᠭᠡᠷᠡᠭᠰᠡᠨᠳᠦ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠢᠷᠡᠪᠡᠯ ᠬᠠᠲᠤᠨ ᠭᠣᠣᠯ ᠢ᠋ ᠦᠵᠡᠵᠦ᠂ ᠬᠡᠳᠦᠨ ᠵᠢᠩ ᠦᠵᠦᠮ ᠲᠡᠭᠦᠵᠦ᠂ ᠨᠢᠭᠡ ᠴᠠᠭᠤᠨ ᠬᠣᠭᠣᠯᠠ ᠢᠳᠡᠵᠦ ᠂ ᠬᠠᠮᠤᠭ ᠠᠷᠪᠢᠨᠳᠠᠭᠠᠨ ᠬᠣᠶᠠᠷ ᠴᠠᠭ ᠯᠡ ᠰᠠᠭᠤᠲᠠᠬ》 ᠬᠡᠬᠦ ᠲᠣᠰᠬᠣᠨᠤ ᠨᠠᠮᠤᠨ ᠬᠣᠷᠢᠶᠠᠨᠤ ᠱᠦᠵᠢ ᠵᠠᠩ ᠲᠢᠩᠦᠨ ᠦᠭᠡ ᠶᠠᠷᠢᠶᠠᠨᠳᠤ ᠡᠳᠦᠢ ᠲᠡᠳᠦᠢ ᠬᠠᠷᠠᠮᠰᠠᠯ ᠨᠢᠭᠤᠬᠳᠠᠵᠦ ᠪᠠᠢᠪᠠ᠃
ᠬᠡᠷᠬᠢᠨ ᠬᠥᠳᠡᠭᠡ ᠲᠣᠰᠬᠣᠨ ᠤ ᠵᠢᠭᠤᠯᠴᠢᠯᠠᠯ ᠢ ᠮᠣᠷᠢᠨ ᠳᠠᠪᠬᠢᠭᠠᠪᠠᠷ ᠴᠡᠴᠡᠭ ᠰᠣᠨᠢᠷᠬᠠᠬᠤ ᠪᠠᠢᠳᠠᠯ ᠡᠴᠡ ᠠᠩᠬᠢᠵᠢᠷᠠᠭᠤᠯᠵᠦ᠂ ᠨᠤᠲᠤᠭ ᠤᠨ ᠣᠨᠴᠠᠯᠢᠭ᠋ᠢᠶᠠᠨ ᠭᠦᠨᠵᠡᠭᠡᠢ ᠠᠭᠤᠲᠠᠯᠤᠨ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠯᠲᠠ ᠵᠢ ᠬᠦᠨᠵᠡᠭᠡᠢ ᠬᠢᠵᠦ᠂ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠤᠨ ᠪᠠᠢᠬᠤ ᠴᠠᠭᠢ ᠤᠷᠲᠤᠳᠬᠠᠬᠤ ᠪᠣᠶ ？ ᠡᠨᠡ ᠨᠢ ᠰᠠᠢᠬᠠᠠᠠᠤᠰᠤ ᠲᠣᠰᠬᠣᠨᠤ ᠡᠮᠦᠨᠡ ᠲᠠᠯᠪᠢᠭ᠍ᠳᠠᠵᠤ ᠪᠠᠢᠭᠠ ᠵᠠᠪᠠᠯ ᠬᠠᠷᠢᠭᠤᠯᠬᠤ ᠰᠡᠳᠦᠪ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠨᠢᠳᠤᠨᠤᠨ ᠲᠣᠰᠬᠣᠨ ᠤ ᠨᠠᠮᠤᠨ ᠬᠣᠷᠢᠶᠠ ᠬᠠᠢᠨᠠᠨ ᠲᠣᠭᠣᠷᠢᠭ᠋ᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠤᠨ ᠨᠤᠳᠤᠭ ᠤᠨ ᠭᠤᠷᠪᠠᠳᠤᠭᠠᠷ ᠹᠷᠣᠨᠲᠤᠨ ᠴᠡᠷᠢᠭ ᠦᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠰᠣᠶᠣᠯᠤᠨ ᠬᠦᠷᠢᠶᠡᠯᠡᠩᠲᠠᠢ ᠬᠣᠯᠪᠣᠭᠠᠯᠠᠵᠠᠢ ᠃ 《ᠬᠤᠪᠢᠰᠬᠠᠯᠤᠨ ᠰᠣᠶᠣᠯ + ᠲᠠᠷᠢᠶᠠᠯᠠᠬᠤ ᠪᠣᠯᠪᠠᠰᠤᠨ + ᠪᠠᠢᠭᠠᠯᠢᠶᠢᠨ ᠰᠦᠪᠡᠭᠴᠢᠯᠡᠯ》 ᠭᠡᠬᠦ ᠨᠢᠭᠡᠨ ᠢᠵᠢ ᠭᠤᠷᠪᠠᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠬᠢᠴᠢᠶᠡᠯ ᠢᠩᠬᠢᠵᠦ ᠡᠨᠳᠡ ᠨᠡᠭᠡᠭᠡᠭᠳᠠᠪᠠ᠃ ᠬᠥᠳᠡᠭᠡ ᠲᠣᠰᠬᠣᠨᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯᠤᠨ ᠵᠤᠷᠢᠯᠲᠠ ᠢ᠋ᠢᠨ ᠭᠠᠵᠠᠷ ᠨᠢ ᠰᠠᠢᠬᠠᠠᠠᠤᠰᠤ ᠲᠣᠰᠬᠣᠨᠤ ᠬᠠᠮᠤᠭᠤᠨ ᠢᠯᠡ ᠲᠡᠮᠳᠡᠭ ᠪᠣᠯᠤᠭᠰᠠᠨ ᠪᠠᠢᠨᠠ᠃
ᠲᠦᠷᠦᠭᠦᠦ ᠬᠡᠳᠦᠨ ᠡᠳᠦᠷᠦᠨ ᠬᠠᠪᠤᠷᠤᠨ ᠠᠮᠠᠷᠠᠯᠲᠠᠳᠤ ᠰᠠᠢᠬᠠᠠᠠᠤᠰᠤ ᠲᠣᠰᠬᠣᠨ ᠨᠢ ᠰᠤᠷᠤᠭ᠍ᠴᠢᠳᠤᠨ ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠬᠤ ᠬᠠᠯᠠᠮᠰᠢᠯ ᠴᠡᠭ ᠪᠣᠯᠪᠠ᠃ ᠲᠠᠷᠢᠶᠠᠨ ᠵᠤᠷᠬᠠ ᠳᠡᠭᠡᠷᠡ ᠠᠷᠪᠠᠨ ᠬᠡᠳᠦᠨ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠤᠭ᠍ᠴᠢᠳ ᠪᠠᠭ᠍ᠰᠢᠪᠠᠨ ᠳᠠᠭᠠᠵᠤ ᠨᠣᠭᠣᠭᠠ ᠳᠠᠷᠢᠬᠤᠶᠢ ᠰᠤᠷᠴᠤ ᠂ ᠪᠢᠴᠢᠬᠠᠨ ᠭᠠᠷᠢᠶᠠᠷᠢᠶᠠᠨ ᠰᠢᠪᠠᠷ ᠰᠢᠷᠣᠢᠶᠢ ᠮᠠᠯᠲᠠᠨ᠂ ᠨᠣᠭᠣᠭᠠᠶᠢᠨ ᠴᠢᠬᠢᠳ᠋ᠤ ᠬᠢᠴᠢᠶᠡᠮᠵᠢᠲᠡᠢ ᠪᠡᠷ ᠰᠢᠷᠣᠢ ᠨᠡᠮᠡᠵᠦ ᠤᠰᠤᠯᠠᠨᠠ᠃ ᠬᠠᠵᠠᠭᠤᠳᠠᠬᠢ ᠵᠢᠵᠢᠭ ᠴᠥᠭᠥᠷᠥᠮᠦᠳ ᠨᠡᠩ ᠬᠦᠷ ᠬᠥᠭᠵᠢᠶᠡᠨᠲᠠᠢ ᠪᠣᠯᠵᠤ᠂ ᠬᠡᠦᠬᠡᠳᠦᠳ ᠥᠮᠥᠳᠦᠨ ᠰᠢᠷᠬᠤᠨᠠᠭ ᠢ᠋ᠢᠡᠨ ᠰᠢᠭᠤᠵᠦ ᠵᠢᠭᠠᠰᠤ ᠪᠠᠷᠢᠨ᠂ ᠤᠰᠤ ᠨᠢᠭᠤᠷ ᠦᠭᠡᠲᠡ ᠨᠢ ᠦᠰᠦᠷᠬᠦᠳᠤ ᠴᠸ᠋ ᠠᠷᠴᠢᠬᠤ ᠵᠠᠪ ᠦᠭᠡᠢ ᠪᠠᠢᠯᠠ ᠃
《ᠲᠣᠰᠬᠣᠨᠳᠤ ᠨᠢᠭᠡ ᠡᠳᠦᠷ ᠪᠠᠶᠠᠷ ᠲᠠᠢ ᠨᠠᠭᠠᠳᠤᠯᠠ᠂ ᠡᠨᠡ ᠬᠦ᠌ ᠥᠩᠭᠡᠷᠡᠯᠲᠡ ᠵᠢ ᠬᠢᠴᠢᠶᠡᠯᠦᠨ ᠳᠡᠪᠲᠡᠷᠡᠴᠡ ᠰᠤᠷᠴᠤ ᠳᠡᠶ᠋ᠢᠯᠬᠦ ᠦᠭᠡᠢ ᠶᠤᠮ》ᠭᠡᠵᠦ ᠰᠤᠷᠤᠭ᠍ᠴᠢ ᠵᠠᠩ ᠬᠠᠩ ᠬᠡᠯᠡᠨᠠ᠃
《 ᠥᠩᠭᠡᠷᠡᠭᠰᠡᠨᠳᠦ ᠲᠡᠭᠦᠵᠦ ᠪᠠᠷᠠᠮᠠᠬᠴᠠ ᠶᠠᠪᠤᠴᠢᠬᠠᠳᠠᠭ᠂ ᠣᠳᠣ᠌ ᠪᠣᠯ ᠨᠢᠭᠡ ᠭᠡᠷ ᠢ᠋ᠢᠡᠷ ᠢ᠋ᠢᠡᠨ ᠪᠦᠲᠤᠨ ᠨᠢᠭᠡ ᠡᠲᠦᠷ ᠰᠠᠭᠤᠴᠢᠬᠠᠨᠠ᠃ ᠬᠥᠳᠡᠭᠡ ᠲᠣᠰᠬᠣᠨᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯᠤᠨ ᠬᠦᠭᠵᠢᠯᠲᠡ ᠢ᠋ᠢᠨ ᠬᠢᠵᠠᠭᠠᠷᠯᠠᠯ ᠢ᠋ ᠡᠪᠳᠡᠭᠰᠡᠨ ᠭᠠᠵᠠᠷ ᠪᠣᠯ ᠵᠢᠭᠤᠯᠴᠢᠯᠠᠭ᠍ᠰᠠᠳ ᠢ᠋ 《ᠪᠡᠶᠡᠴᠢᠯᠡᠨ ᠣᠷᠣᠯᠴᠠᠭ᠍ᠴᠢ 》 ᠪᠣᠯᠭᠠᠭᠰᠠᠨᠳᠤ ᠪᠠᠢᠨᠠ᠃ ᠬᠡᠦᠬᠡᠳᠦᠳ ᠪᠠᠢᠭᠠᠯᠢ ᠲᠠᠢ ᠤᠢᠷᠠᠳᠤᠨ᠂ ᠠᠵᠢᠯ ᠬᠥᠳᠡᠯᠮᠦᠷᠢ ᠶ᠋ᠢ ᠪᠡᠶᠡᠪᠡᠷ ᠢ᠋ᠶ᠋ᠡᠨ ᠥᠩᠭᠡᠷᠡᠭᠦᠯᠵᠦ ᠂ ᠪᠦᠬᠦᠶ᠋ᠢᠯᠡ ᠬᠥᠳᠡᠭᠡ ᠲᠣᠰᠬᠣᠨ ᠢ᠋ 〈ᠪᠠᠢᠭᠠᠯᠢ ᠳᠠᠢ ᠤᠢᠷᠠᠳᠤᠬᠰᠠᠨ ᠰᠤᠷᠭᠠᠭᠤᠯᠢ 〉ᠪᠣᠯᠭᠠᠭᠰᠠᠨ ᠪᠠᠢᠨᠠ 》 ᠭᠡᠵᠦ ᠵᠠᠩ ᠲᠢᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠨᠠ᠃
ᠵᠠᠩ ᠲᠢᠩ ᠤᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨᠢᠶᠠᠷ᠂ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯᠤᠨ ᠳᠠᠶ᠋ᠢᠴᠢᠯᠠᠯᠢᠶᠡᠷ ᠡᠨᠡ ᠵᠢᠯ ᠣᠬᠤᠷᠬᠠᠨ 5 ᠰᠠᠷᠠᠳᠦ ᠲᠣᠰᠭᠤᠨᠤ ᠬᠢᠨ ᠵᠢᠭᠤᠯᠴᠢᠯᠠᠭᠰᠠᠳᠢ ᠨᠡᠶ᠋ᠢᠲᠡ 2 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠬᠦᠯᠢᠶᠠᠨ ᠠᠪᠴᠤ᠂ ᠵᠢᠭᠤᠯᠴᠢᠯᠠᠭᠰᠠᠳᠤᠨ ᠲᠤᠭᠤᠷᠢᠨ ᠵᠢᠭᠤᠯᠴᠢᠯᠠᠬᠤ ᠴᠠᠭᠨᠢ ᠥᠩᠭᠡᠷᠡᠭᠰᠡᠨᠤ 2 ᠴᠠᠭ ᠬᠦᠷᠬᠦ ᠥᠬᠡᠢ ᠪᠠᠶ᠋ᠢᠭᠰᠠᠨᠠᠴᠠᠪᠠᠨ 4 ᠴᠠᠭᠠᠴᠠ ᠳᠡᠭᠡᠭᠰᠢ ᠪᠤᠯᠵᠤ᠂ ᠣᠷᠳᠤᠰ ᠬᠤᠲᠠ᠂ ᠱᠢ ᠽᠦᠢ ᠱᠠᠨ ᠬᠤᠳᠠᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠵᠠᠬᠠ ᠳᠡᠯᠭᠡᠭᠦᠷᠢ ᠠᠮᠵᠢᠯᠲᠠ ᠲᠠᠢ ᠨᠡᠭᠡᠭᠡᠪᠡ᠃ ᠵᠢᠭᠤᠯᠴᠢᠯᠠᠭᠰᠠᠳ ᠡᠨᠳᠡ ᠢᠷᠡᠭᠰᠡᠨᠤ ᠲᠠᠷᠠᠭᠠ ᠡᠷᠬᠢᠨ ᠲᠣᠭᠤᠷᠢᠨ ᠤ ᠲᠠᠷᠢᠶᠠᠯᠠᠬᠤ ᠣᠷᠤᠨᠤ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠲᠠᠬᠢᠶᠠᠨ ᠥᠨᠳᠡᠭᠡ᠂ ᠡᠯᠳᠡᠪ ᠠᠮᠤ᠂ ᠤᠯᠠᠷᠢᠯ ᠦᠨ ᠢᠳᠡᠰᠢᠨ ᠨᠣᠭᠤᠭᠠᠴᠤ᠌ ᠪᠣᠷᠤᠯᠠᠭᠤᠯᠭᠠ ᠰᠠᠶ᠋ᠢᠲᠠᠢ ᠪᠣᠯᠵᠤ᠂ ᠲᠠᠷᠢᠶᠠᠯᠠᠩ ᠰᠣᠶᠤᠯ ᠵᠢᠭᠤᠯᠴᠢᠯᠠᠯ ᠠᠭᠤᠰᠤᠯᠴᠠᠬᠰᠠᠨ ᠠᠰᠢᠭ ᠲᠤᠰᠠ ᠨᠢ ᠰᠠᠭᠤᠭᠠᠯᠢ ᠠᠷᠠᠳᠦᠨ ᠤᠷᠤᠯᠭᠠ ᠵᠢ ᠦᠨᠡᠨ ᠬᠦ᠌ ᠨᠡᠮᠡᠭᠳᠡᠬᠦᠯᠵᠤ ᠪᠠᠶ᠋ᠢᠨᠠ ᠬᠡᠵᠠᠢ᠃
ᠬᠡᠷᠪᠠ ᠰᠠᠶ᠋ᠢᠬᠠᠠᠠᠤᠰᠤ ᠲᠣᠰᠭᠤᠨᠨᠢ《ᠬᠥᠳᠡᠭᠡ ᠲᠣᠰᠭᠤᠨ + ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ》 ᠠᠵᠢᠯᠦᠨ ᠵᠠᠬᠪᠤᠷᠢ ᠪᠠᠷᠢᠮᠳᠠᠯᠠᠵᠤ᠂ ᠬᠥᠳᠡᠭᠡ ᠲᠣᠰᠭᠤᠨᠢ ᠨᠡᠭᠦᠳᠡᠯ ᠬᠢᠴᠢᠶᠡᠯᠤᠨ ᠲᠠᠩᠬᠢᠮ ᠪᠣᠯᠭᠠᠬᠰᠠᠨ ᠪᠠᠢᠪᠠᠯ ᠬᠠᠶ᠋ᠢᠷᠤᠪᠤᠨ ᠲᠤᠬᠤᠢ ᠲᠣᠭᠤᠷᠢᠭᠤᠨ ᠪᠢᠨ ᠾᠧ ᠵᠡᠭᠡᠯᠢ ᠭᠤᠳᠤᠮᠵᠢᠶ᠋ᠢᠨ ᠵᠦᠩ ᠾᠧ ᠶᠤᠸᠠᠨ ᠨᠡᠶ᠋ᠢᠭᠡᠮ ᠲᠣᠭᠤᠷᠢᠭᠲᠤ᠌ ᠪᠠᠰᠠ ᠨᠢᠭᠡ ᠵᠦᠢᠯᠤᠨ ᠲᠡᠰ ᠳᠡᠪᠰᠢᠬᠦ᠌ ᠠᠷᠭᠠ ᠵᠠᠮ ᠶᠠᠭ ᠶᠠᠪᠤᠭᠳᠠᠵᠤ ᠪᠠᠶ᠋ᠢᠨᠠ — 《ᠬᠥᠳᠡᠭᠡ ᠲᠣᠰᠭᠤᠨ + ᠠᠮᠢᠳᠤᠷᠠᠯ》 ᠨᠢ ᠵᠢᠭᠤᠯᠴᠢᠯᠠᠭᠰᠠᠳᠢ ᠡᠨᠳᠡᠬᠢ ᠵᠤᠴᠢᠨ ᠪᠢᠰᠢ ᠵᠢᠨᠭᠬᠢᠨᠢ ᠡᠵᠡᠨ ᠨᠢ ᠪᠣᠯᠭᠠᠵᠤ ᠪᠠᠶ᠋ᠢᠨᠠ ᠃
ᠵᠥᠩ ᠾᠧ ᠶᠤᠸᠠᠨ ᠨᠡᠶ᠋ᠢᠭᠡᠮ ᠲᠣᠭᠤᠷᠢᠭᠲᠤ᠌ ᠪᠠᠶ᠋ᠢᠭᠠ ᠦᠬᠠᠢ ᠬᠤᠲᠠᠶ᠋ᠢᠨ ᠰᠠᠨ ᠱᠧᠩ ᠵᠢᠭᠠᠰᠤᠨᠤ ᠦᠢᠯᠡᠰᠤᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠭ ᠮᠡᠷᠭᠡᠵᠢᠯᠤᠨ ᠬᠢᠵᠠᠭᠠᠷᠲᠤ᠌ ᠺᠣᠮᠫᠠᠨᠢ ᠬᠡᠰᠡᠭ ᠬᠡᠰᠡᠭ ᠲᠠᠷᠢᠶᠠᠨ ᠭᠠᠵᠠᠷᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠵᠢᠵᠢᠭ ᠬᠡᠰᠡᠭ ᠪᠣᠯᠭᠠᠨ ᠬᠤᠪᠢᠶᠠᠵᠤ᠂ ᠵᠠᠷᠢᠮ ᠲᠠᠷᠢᠶᠠᠨ ᠭᠠᠵᠠᠷᠢ ᠨᠢ ᠨᠢᠭᠡᠨᠳᠡ ᠬᠤᠳᠠ ᠵᠢᠨ ᠠᠷᠠᠳᠦᠪᠡᠰᠦᠪᠠᠨ ᠠᠷᠠᠴᠢᠯᠠᠨ ᠲᠠᠷᠢᠪᠠ᠃
ᠺᠣᠮᠫᠠᠨᠢᠶ᠋ᠢᠨ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠳ᠋ᠦᠩ ᠰᠢᠤᠸᠠᠢ ᠶᠤᠸᠠᠨ᠂ ᠤᠯᠠᠮᠵᠢᠯᠠᠯᠲᠤ᠌ ᠵᠢᠮᠢᠰ ᠲᠡᠭᠦᠬᠦ᠌ ᠬᠦᠷᠢᠶᠡᠯᠡᠩ ᠦᠨ 《ᠲᠡᠬᠦᠵᠤ ᠠᠪᠤᠮᠠᠭᠴᠠ ᠲᠠᠷᠤᠢ ᠶᠠᠪᠤᠬᠤ》 ᠲᠠᠢ ᠠᠳᠠᠯᠢᠦᠭᠡᠢ᠂ ᠡᠨᠳᠡ ᠭᠣᠤᠯᠳᠠᠭᠤ《ᠲᠠᠷᠢᠶᠠᠨ ᠭᠠᠵᠠᠷᠢ ᠲᠦᠷᠢᠶᠠᠰᠦᠯᠡᠨ ᠠᠷᠠᠴᠢᠯᠠᠬᠤ》 ᠪᠠᠢᠨᠠ᠃ ᠬᠤᠲᠠᠶ᠋ᠢᠨ ᠠᠷᠠᠳ ᠵᠢᠯ ᠪᠦᠷᠢ ᠪᠠᠭᠠ ᠬᠡᠮᠵᠢᠶᠡᠨᠤ ᠵᠠᠷᠤᠳᠠᠯ ᠲᠤᠰᠢᠶᠠᠪᠠᠯ ᠲᠠᠷᠤᠢ ᠨᠢᠭᠡ ᠬᠡᠰᠡᠭ ᠭᠠᠵᠠᠷᠢᠶᠡᠨ ᠦᠪᠡᠰᠦᠪᠡᠨ ᠴᠢᠯᠦᠭᠡᠳᠠᠢ ᠠᠰᠢᠬᠯᠠᠵᠤ ᠲᠠᠷᠢᠮᠠᠯ ᠲᠠᠷᠢᠵᠤ ᠪᠤᠯᠤᠨᠠ᠃ ᠺᠣᠮᠫᠠᠨᠢ ᠵᠢᠨ ᠬᠢᠨ《ᠪᠦᠬᠦᠨᠢ ᠨᠠᠶ᠋ᠢᠳᠠᠨ ᠬᠠᠮᠢᠶᠠᠷᠤᠭᠤᠯᠬᠤ》ᠪᠠ《ᠬᠠᠭᠠᠰ ᠨᠠᠶ᠋ᠢᠳᠠᠨ ᠬᠠᠮᠢᠶᠠᠷᠤᠭᠤᠯᠬᠤ》 ᠬᠤᠶᠠᠷ ᠵᠦᠢᠯᠤᠨ ᠵᠠᠭᠪᠤᠷᠢᠶᠠᠷ ᠬᠠᠮᠢᠶᠠᠷᠴᠤ᠌ ᠪᠣᠯᠤᠨᠠ᠃ ᠣᠳᠤᠬᠠᠨ ᠪᠣᠯᠲᠠᠯᠠ ᠠᠩᠬᠠᠨᠤ ᠲᠥᠯᠦᠪᠵᠢᠭᠦᠯᠭᠡᠶ᠋ᠢᠨ 20 ᠬᠡᠰᠡᠭ ᠭᠠᠵᠠᠷ ᠰᠢᠷᠤᠢᠶ᠋ᠢ ᠪᠦᠬᠦᠨᠢ ᠬᠤᠳᠠ ᠵᠢᠨ ᠠᠷᠠᠳ ᠲᠸ᠋ ᠲᠦᠷᠢᠶᠠᠰᠦᠯᠡᠨ ᠦᠭᠴᠠᠢ ᠬᠡᠵᠤ ᠲᠠᠨᠢᠯᠴᠠᠭᠤᠯᠪᠠ᠃
ᠳ᠋ᠦᠩ ᠰᠢᠤᠸᠠᠢ ᠶᠤᠸᠠᠨ᠄ 《ᠤᠤᠯ ᠨᠢ ᠵᠢᠭᠤᠯᠴᠢᠯᠠᠭᠰᠠᠳᠵᠢᠮᠢᠰ ᠨᠤᠭᠤᠭᠠ ᠪᠠᠨ ᠲᠡᠭᠦᠵᠦ᠍ ᠪᠠᠷᠠᠪᠠᠯ ᠶᠠᠪᠤᠴᠢᠬᠠᠳᠠᠭ᠃ ᠣᠳᠤ ᠡᠨᠡ ᠬᠡᠰᠡᠭ ᠭᠠᠵᠠᠷᠢ ᠲᠦᠷᠢᠶᠡᠰᠦᠯᠡᠵᠤ ᠠᠪᠤᠭᠰᠠᠨ ᠡᠴᠡ ᠭᠠᠷᠠᠭᠤᠨ ᠰᠡᠭᠦᠯᠴᠢ ᠪᠤᠯᠭᠠᠨ ᠳ᠋ᠤ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠡᠨᠳᠡ ᠢᠷᠡᠵᠤ ᠲᠠᠷᠢᠮᠠᠯ ᠢᠶᠡᠨ ᠤᠰᠤᠯᠠᠬᠤ᠂ ᠪᠣᠷᠳᠤᠭᠤᠷ ᠣᠷᠤᠭᠤᠯᠬᠤ᠂ ᠦᠰᠦᠯᠳᠠ ᠣᠷᠭᠤᠯᠳᠠ ᠵᠢᠨ ᠪᠠᠢᠳᠠᠯᠢ ᠠᠨᠭᠬᠠᠷᠴᠤ ᠬᠠᠯᠠᠮᠵᠢᠯᠠᠬᠤ ᠪᠤᠯᠤᠭᠰᠠᠨ ᠪᠠᠢᠨᠠ》 ᠬᠡᠵᠤ ᠬᠡᠯᠠᠪᠠ᠃
ᠣᠳᠤ ᠡᠨᠡ ᠰᠠᠭᠤᠷᠢᠨᠤ ᠲᠥᠯᠦᠪᠵᠢᠭᠦᠯᠭᠡᠶ᠋ᠢᠨ ᠵᠢᠷᠤᠭ ᠳᠡᠭᠡᠷᠡ ᠵᠢᠭᠠᠰᠤ ᠭᠥᠬᠢᠳᠡᠬᠦ᠌ ᠣᠷᠤᠨ᠂ ᠲᠦᠷᠢᠶᠡᠰᠦᠯᠡᠬᠦ ᠣᠷᠤᠨ᠂ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠣᠷᠤᠨ᠂ ᠴᠢᠬᠢ ᠪᠣᠢᠵᠢᠭᠤᠯᠬᠤ ᠣᠷᠤᠨ᠂ ᠬᠡᠭᠡᠷᠡ ᠪᠠᠭᠤᠳᠠᠯᠯᠠᠬᠤ ᠣᠷᠤᠨ ᠵᠡᠷᠭᠡ ᠠᠷᠪᠠᠨ ᠬᠡᠳᠦᠨ ᠣᠷᠤᠨ ᠪᠦᠰᠡᠶ᠋ᠢ ᠲᠣᠳᠤᠷᠬᠠᠢ ᠬᠤᠪᠢᠶᠠᠷᠢᠯᠠᠪᠠ᠃ ᠳ᠋ᠦᠩ ᠰᠢᠤᠸᠠᠢ ᠶᠤᠸᠠᠨ ᠰᠤᠷᠪᠤᠯᠵᠢᠯᠠᠭᠴᠢ ᠳᠤ᠂ ᠢᠷᠡᠭᠡᠳᠦᠢᠳᠤ ᠡᠨᠳᠡ ᠲᠠᠩ ᠭᠠᠭᠴᠠ ᠨᠤᠭᠤᠭᠠ ᠵᠢᠮᠢᠰ ᠲᠡᠭᠦᠬᠦ᠌ ᠬᠦᠷᠢᠶᠡᠯᠡᠩ ᠪᠢᠰᠢ᠂ ᠬᠠᠷᠢᠨ ᠨᠢᠭᠡ ᠪᠦᠯᠦᠭ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ᠂ ᠵᠢᠭᠠᠰᠤ ᠭᠥᠬᠢᠳᠡᠬᠦ ᠂ ᠲᠣᠭᠯᠠᠭᠠᠮ ᠨᠠᠭᠠᠳᠬᠤ᠂ ᠢᠳᠡᠭᠡᠨ ᠤᠮᠳᠠᠭᠠᠨᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠨᠡᠶ᠋ᠢᠯᠡᠮᠡᠯ ᠣᠷᠤᠨ ᠵᠠᠢ ᠪᠣᠯᠤᠨᠠ ᠭᠡᠵᠦ ᠢᠳᠡᠭᠡᠯ ᠳᠠᠬᠦᠯᠳᠡᠷ ᠶᠠᠷᠢᠨᠡ᠃
ᠰᠤᠷᠪᠤᠯᠵᠢᠯᠠᠭᠴᠢᠶ᠋ᠢᠨ ᠡᠪᠦᠷ ᠲᠡᠮᠳᠡᠭᠯᠡᠯ᠄
ᠥᠩᠭᠡᠷᠡᠭᠰᠡᠨ ᠤ ᠬᠥᠳᠡᠭᠡ ᠲᠣᠰᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠨᠢ ᠵᠢᠭᠤᠯᠴᠢᠯᠠᠭᠴᠢᠳ ᠲᠸ᠋ ᠲᠣᠭᠤᠷᠢᠨ ᠦᠵᠡᠵᠤ ᠰᠡᠬᠦᠳᠡᠷ ᠲᠠᠳᠠᠬᠤ ᠵᠢ ᠯᠡ ᠴᠢᠬᠤᠯᠠᠴᠢᠯᠠᠵᠤ᠂ ᠬᠥᠳᠡᠭᠡ ᠲᠣᠰᠭᠤᠨᠤ ᠠᠮᠢᠳᠤᠷᠠᠯ ᠳᠤ ᠭᠦᠨ ᠠᠭᠤᠰᠤᠯᠴᠠᠭᠤᠯᠬᠤ ᠤᠢᠯᠠᠭᠠᠯᠳᠠ ᠲᠦᠷᠦᠭᠳᠡᠯ ᠳᠤᠲᠠᠮᠠᠭ ᠪᠠᠶ᠋ᠢᠬᠰᠠᠨ ᠶᠤᠮ᠃
ᠨᠤᠭᠤᠭᠠ ᠵᠢᠮᠢᠰ ᠲᠡᠬᠦᠬᠦ ᠨᠢ ᠵᠥᠪᠬᠡᠨ ᠴᠠᠭ ᠵᠠᠭᠤᠷᠠ ᠵᠢᠨ ᠪᠠᠶᠠᠷ ᠪᠠᠶᠠᠰᠤᠯ ᠢ ᠠᠪᠴᠢᠷᠠᠬᠤ ᠡᠴᠡ ᠪᠢᠰᠢ ᠦᠷᠭᠦᠯᠵᠢᠯᠡᠭᠰᠡᠨ ᠲᠡᠵᠢᠭᠡᠨ ᠠᠷᠠᠴᠢᠯᠠᠬᠤ ᠵᠢᠭᠤᠯᠴᠢᠯᠠᠯᠦᠨ ᠪᠠᠶᠡᠴᠢᠯᠡᠭᠰᠡᠨ ᠦᠢᠯᠠᠭᠠᠯᠳᠠ ᠵᠢ ᠠᠪᠴᠢᠷᠠᠵᠤ ᠲᠡᠢᠯᠬᠦ ᠦᠭᠡᠢ ᠶᠤᠮ᠃ ᠨᠢᠭᠡ ᠡᠷᠡᠨᠤ ᠲᠠᠷᠢᠶᠠᠴᠢᠨ ᠠᠢᠯ ᠤᠨ ᠬᠣᠭᠤᠯᠠ ᠪᠤᠳᠠᠭᠠ ᠨᠢ ᠵᠥᠪᠬᠡᠨᠲᠦᠢᠷ ᠴᠠᠭᠤᠨ ᠬᠡᠷᠡᠭᠯᠡᠭᠡ ᠲᠡᠳᠦᠢ᠂ ᠨᠢᠭᠡ ᠤᠳᠠᠭᠠᠨ ᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠯᠭᠠᠨᠢ ᠬᠠᠷᠢᠨ ᠦᠰᠦᠨ ᠪᠣᠢᠵᠢᠯᠳᠠ ᠵᠢᠨ ᠬᠠᠨᠢ ᠪᠣᠯᠳᠠᠭ ᠃
ᠰᠠᠶ᠋ᠢᠬᠠᠠᠤᠰᠤ ᠲᠣᠰᠭᠤᠨ ᠤ 《ᠬᠦᠨᠵᠡᠭᠡᠢ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ》 ᠡᠴᠠ ᠵᠦᠩ ᠾᠧ ᠶᠤᠸᠠᠨ ᠨᠡᠶ᠋ᠢᠭᠡᠮ ᠲᠣᠭᠤᠷᠢᠭᠤᠨ 《ᠲᠠᠵᠢᠭᠡᠨ ᠠᠷᠠᠴᠢᠯᠠᠬᠤ ᠲᠠᠷᠢᠶᠠᠯᠠᠩ 》 ᠬᠦᠷᠲᠡᠯᠡ᠂ ᠬᠥᠳᠡᠭᠡ ᠲᠣᠰᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠤᠨ《ᠵᠢᠮᠢᠰ ᠲᠡᠭᠦᠬᠦ᠌ + ᠬᠣᠭᠤᠯᠠᠯᠠᠬᠤ》 ᠵᠠᠭᠪᠤᠷ ᠶᠠᠭ ᠥᠭᠡᠷᠡᠴᠢᠯᠡᠭᠳᠡᠵᠤ᠂ ᠰᠣᠶᠤᠯᠢᠶᠠᠷ ᠭᠤᠤᠯ ᠪᠤᠯᠭᠠᠭᠰᠠᠨ᠂ ᠪᠡᠶᠡᠴᠢᠯᠡᠨ ᠣᠶ᠋ᠢᠯᠠᠭᠠᠬᠤ ᠪᠠᠷ ᠬᠤᠯᠪᠤᠭᠠᠰᠤ ᠪᠣᠯᠭᠠᠭᠰᠠᠨ᠂ ᠶᠡᠷᠦᠩᠬᠡᠶ᠋ᠢᠯᠡᠭᠰᠡᠨ ᠡᠵᠡᠩᠨᠡᠯᠲᠡ ᠶ᠋ᠢᠨ ᠬᠡᠯᠪᠡᠷᠢ ᠪᠡᠷ ᠲᠤᠯᠭᠠᠭᠤᠷᠢᠯᠠᠯ ᠪᠣᠯᠭᠠᠭᠰᠠᠨ ᠬᠥᠳᠡᠭᠡ ᠲᠣᠰᠭᠤᠨ ᠤ ᠵᠢᠭᠤᠯᠴᠢᠯᠠᠯ ᠤᠨ ᠲᠡᠰ ᠳᠡᠪᠰᠢᠬᠦ᠌ ᠵᠠᠮᠳᠤᠷᠠᠢᠵᠦ ᠪᠠᠢᠨᠠ᠃