ᠣᠶ᠋ᠢᠷᠠᠳᠤ᠂ ᠬᠥᠯᠥᠨ ᠪᠣᠶ᠋ᠢᠷ ᠬᠣᠲᠠᠶᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠ ᠨᠢᠬᠡᠨ ᠬᠡᠰᠦᠬᠦᠴᠢᠯᠡᠨ ᠬᠡᠷᠡᠭ ᠦᠢᠯᠡᠳᠦᠭᠰᠡᠨ ᠮᠡᠬᠡᠯᠡᠯ ᠤ᠋ᠨ ᠡᠪᠰᠡᠯ ᠪᠦᠯᠦᠭᠢ ᠰᠦᠢᠷᠡᠭᠦᠯᠵᠦ᠂ 3 ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨᠢ ᠪᠠᠷᠢᠪᠴᠢᠯᠠᠵᠠᠢ᠃
ᠪᠦᠦ ᠠᠪᠠᠬᠠᠶ ᠮᠠᠰᠢᠨ ᠲᠡᠷᠭᠡ ᠵᠢᠯᠣᠭᠣᠳᠤᠨ ᠶᠠᠪᠤᠬᠤ᠌ᠳᠦ ᠨᠢᠭᠡ ᠡᠮᠡᠭᠲᠡᠶ ᠮᠠᠰᠢᠨ ᠲᠡᠷᠬᠡ ᠵᠢ ᠨᠢ ᠬᠠᠰᠢᠵᠤ ᠲᠤᠰᠠᠯᠠᠮᠵᠢ ᠭᠤᠶᠤᠴᠢᠯᠠᠪᠠ᠃ ᠡᠨᠡ ᠡᠮᠡᠭᠳᠡᠢ ᠦᠪᠡᠷ ᠢ ᠪᠡᠨ ᠭᠠᠳᠠᠷ ᠤᠷᠤᠨ ᠤ᠋ ᠵᠢᠭᠤᠯᠴᠢᠯᠠᠬᠴᠢ ᠬᠡᠮᠡᠵᠦ᠂ ᠭᠠᠷ ᠤᠳᠠᠰᠤ᠂ ᠪᠡᠶᠡ ᠵᠢᠨ ᠦᠨᠡᠮᠯᠡᠯ ᠵᠢᠡᠨ ᠬᠡᠬᠡᠵᠦ᠂ ᠮᠠᠰᠢᠨ ᠲᠡᠷᠬᠡᠨ ᠤ᠋ ᠲᠤᠰᠤ ᠨᠢ ᠲᠠᠭᠤᠰᠴᠤ ᠶᠠᠪᠤᠬᠤ ᠵᠢᠨ ᠠᠷᠭᠠ ᠦᠬᠡᠢ ᠪᠤᠯᠵᠤ᠂ 600 ᠲᠦᠬᠦᠷᠢᠭ ᠵᠢᠬᠡᠯᠡᠵᠦ ᠲᠤᠰᠤ ᠨᠡᠮᠡᠵᠦ᠂ ᠳ᠋ᠠᠴᠢᠩ ᠬᠤᠳᠠ ᠳ᠋ᠸ᠋ ᠬᠦᠷᠦᠭᠰᠡᠨ ᠤ᠋ ᠬᠤᠢᠨᠠ ᠵᠢᠷᠬᠢᠶᠡ ᠪᠡᠷ ᠪᠤᠴᠠᠭᠠᠶᠠ ᠬᠡᠪᠡ᠃
ᠲᠤᠰ ᠡᠮᠡᠭᠲᠡᠢ ᠰᠠᠢᠨ ᠮᠠᠰᠢᠨ ᠲᠡᠷᠬᠡ ᠵᠢᠯᠤᠭᠤᠳᠴᠤ᠂ ᠡᠮᠦᠰᠴᠦ᠍ ᠵᠡᠭᠦᠭᠰᠡᠨ ᠨᠢ ᠡᠪᠯᠢᠭ ᠪᠤᠯᠬᠤᠷ ᠪᠦᠦ ᠠᠪᠠᠬᠠᠢ ᠦᠨᠡᠮᠰᠢᠨ ᠢᠳᠡᠬᠡᠵᠦ᠂ 600 ᠲᠦᠬᠦᠷᠢᠭ ᠵᠢᠬᠡᠯᠡᠬᠦᠯᠦᠨ ᠦᠭᠴᠦ᠂ ᠪᠠᠰᠠ ᠭᠠᠷ ᠤᠳᠠᠰᠤᠨ ᠤ᠋ ᠨᠤᠮᠸᠷ ᠵᠢᠡᠨ ᠦᠯᠡᠳᠡᠬᠡᠨ ᠦᠭᠴᠡᠢ᠃ ᠨᠦᠬᠦᠬᠡ ᠡᠮᠡᠭᠳᠡᠢ ᠵᠤᠭᠤᠰ ᠢ ᠠᠪᠤᠮᠠᠬᠴᠠ ᠪᠠᠷᠢᠨ ᠮᠠᠰᠢᠨ ᠲᠡᠷᠬᠡ ᠪᠡᠨ ᠵᠢᠯᠤᠭᠤᠳᠤᠨ ᠶᠠᠪᠤᠪᠠ᠃ ᠬᠡᠷᠡᠭᠦᠨ ᠳᠠᠷᠠᠭᠠ᠂ ᠪᠦᠦ ᠠᠪᠠᠬᠠᠶ ᠳᠤᠰ ᠡᠮᠡᠭᠳᠡᠢ ᠵᠢᠨ ᠵᠢᠷᠬᠢᠶᠡ ᠵᠢ ᠣᠯᠠᠨ ᠤᠳᠠᠭᠠ ᠨᠡᠮᠡᠵᠦ᠂ ᠤᠳᠠᠰᠤᠳᠠᠬᠰᠠᠨ ᠳ᠋ᠸ᠋ ᠪᠦᠷ ᠬᠠᠷᠢᠯᠴᠠᠬᠤ ᠵᠢᠨ ᠠᠷᠭᠠ ᠦᠬᠡᠢ ᠪᠤᠯᠪᠠ᠃ ᠢᠩᠬᠢᠬᠡᠳ ᠰᠠᠶᠢ ᠮᠡᠬᠡᠯᠡᠭᠳᠡᠭᠰᠡᠨᠢᠶᠡᠨ ᠮᠡᠳᠡᠵᠦ᠍᠂ ᠪᠠᠷᠢᠨ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢᠳᠤ ᠬᠦᠷᠴᠦ᠍ ᠬᠡᠷᠡᠭ ᠮᠡᠳᠡᠭᠦᠯᠪᠡ᠃
ᠬᠡᠷᠡᠭᠤᠨ ᠮᠡᠳᠡᠭᠦᠯᠦᠯᠲᠡᠶᠢ ᠣᠯᠤᠭᠰᠠᠨᠤ ᠳᠠᠷᠠᠭᠠ᠂ ᠠᠮᠤᠭᠤᠯᠠᠩ ᠳ᠋ᠡᠬᠢ ᠲᠣᠮᠢᠯᠠᠭᠰᠠᠨ ᠰᠠᠯᠪᠤᠷᠢ ᠪᠠᠷᠢᠨ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤᠨ ᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠲᠠᠩᠨᠠᠨ ᠪᠠᠶ᠋ᠢᠴᠠᠭᠠᠬᠤ ᠲᠥᠪᠲᠡᠶ ᠬᠠᠷᠢᠯᠴᠠᠨ ᠰᠦᠪᠡᠭᠴᠢᠶᠢ ᠰᠤᠳᠤᠯᠤᠨ ᠮᠠᠭᠠᠳᠯᠠᠪᠠ᠃ ᠰᠢᠨᠡ ᠪᠠᠷᠭᠤ ᠵᠡᠭᠦᠨ ᠬᠣᠰᠢᠭᠤᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠡᠷᠡᠭᠦᠦᠶᠢᠨ ᠬᠡᠷᠡᠭᠢ ᠲᠠᠩᠨᠠᠨ ᠪᠠᠶ᠋ᠢᠴᠠᠭᠠᠬᠤ ᠶᠡᠬᠡ ᠠᠩᠭᠢᠨᠢ ᠬᠠᠷᠠ ᠦᠩᠬᠡᠳᠡᠢ ᠮᠠᠰᠢᠨ ᠲᠡᠷᠬᠡ ᠵᠢ ᠲᠤᠬᠳᠠᠭᠠᠵᠤ᠂ ᠵᠢᠯᠣᠭᠣᠴᠢ ᠵᠠᠩ ᠣᠪᠣᠭᠲᠤ᠌᠂ ᠯᠢᠦ ᠣᠪᠣᠭᠲᠤ᠌ （ᠡᠮᠡᠭᠲᠡᠶ） ᠬᠡᠷᠡᠭ ᠬᠢᠭᠰᠡᠨ ᠬᠦᠨᠳᠦ ᠶᠡᠬᠡ ᠰᠡᠵᠢᠭᠯᠡᠯᠲᠡᠶ ᠪᠠᠶ᠋ᠢᠬᠤᠶᠢ ᠦᠳᠲᠡᠷ ᠲᠦᠷᠭᠡᠨ ᠪᠠᠢᠴᠠᠭᠠᠨ ᠢᠯᠡᠷᠡᠭᠦᠯᠪᠡ᠃ ᠲᠡᠮᠡᠢ ᠤᠳᠠᠯ ᠦᠬᠡᠢ ᠴᠠᠬᠳᠠᠭᠠ ᠨᠠᠷ ᠶᠠᠭᠰᠢ ᠬᠣᠲᠠᠶᠢᠨ ᠨᠢᠭᠡᠨ ᠪᠠᠭᠠ ᠲᠣᠭᠣᠷᠢᠭᠡᠴᠡ ᠬᠡᠷᠡᠭᠲᠦ᠍ ᠬᠣᠯᠪᠣᠭᠳᠠᠭᠰᠠᠨ ᠮᠠᠰᠢᠨ ᠲᠡᠷᠭᠡᠶᠢ ᠢᠯᠡᠷᠡᠭᠦᠯᠵᠦ᠂ ᠲᠤᠬᠠᠶᠶᠢᠨ ᠲᠠᠯᠠᠪᠤᠷᠲᠤᠨᠢ ᠵᠠᠩ ᠣᠪᠣᠭᠲᠤ᠌᠂ ᠯᠢᠦ ᠣᠪᠣᠭᠲᠤ （ᠡᠮᠡᠭᠳᠡᠢ） ᠵᠢ ᠪᠠᠷᠢᠪᠴᠢᠯᠠᠪᠠ᠃ ᠡᠭᠦᠨ ᠦ ᠬᠠᠮᠲᠤ᠌᠂ ᠴᠠᠭᠳᠠᠭᠠ ᠨᠠᠷ ᠮᠤᠵᠢ ᠠᠯᠤᠰᠯᠠᠨ ᠠᠨᠾᠦ᠋ᠢ ᠮᠤᠵᠢᠳᠤ ᠬᠦᠷᠴᠦ᠍᠂ ᠬᠡᠷᠡᠭᠲᠦ ᠬᠤᠯᠪᠤᠬᠳᠠᠬᠰᠠᠨ ᠵᠣᠭᠣᠰᠢ ᠰᠢᠯᠵᠢᠭᠦᠯᠦᠨ ᠥᠭᠬᠦ᠌ᠶᠢ ᠬᠠᠷᠢᠭᠤᠴᠠᠵᠤ ᠪᠠᠶ᠋ᠢᠭᠠ ᠯᠢᠦ ᠣᠪᠣᠭᠲᠤᠶᠢ ᠪᠠᠷᠢᠪᠴᠢᠯᠠᠪᠠ᠃
ᠪᠠᠶ᠋ᠢᠴᠠᠭᠠᠯᠳᠠ ᠪᠡᠷ ᠳᠠᠮᠵᠢᠨ᠂ ᠵᠠᠩ ᠣᠪᠣᠭᠲᠤ᠌᠂ ᠯᠢᠦ ᠣᠪᠣᠭᠲᠤ᠌ （ᠡᠮᠡᠭᠳᠡᠢ） 《ᠰᠠᠢᠨ ᠲᠡᠷᠭᠡ ᠵᠢᠯᠣᠭᠣᠳᠤᠬᠰᠠᠨ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠵᠢᠭᠤᠯᠴᠢᠯᠠᠭᠰᠠᠳ 》 ᠵᠢᠡᠷ ᠤᠪᠯᠠᠨ᠂ ᠭᠠᠷ ᠤᠳᠠᠰᠤ ᠵᠤᠭᠤᠰᠤᠨ ᠪᠤᠬᠴᠤ ᠪᠡᠨ ᠬᠡᠬᠡᠭᠰᠡᠨ ᠵᠡᠷᠬᠡ ᠰᠢᠯᠳᠠᠬ ᠵᠢᠡᠷ ᠵᠤᠭᠤᠰ ᠮᠡᠬᠡᠯᠡᠭᠰᠡᠨᠢ ᠮᠡᠳᠡᠵᠡᠢ᠃
ᠲᠤᠰ ᠡᠪᠰᠡᠯ ᠪᠦᠯᠦᠭ ᠨᠢ ᠤᠷᠲᠤ᠌ ᠬᠤᠭᠤᠴᠠᠭᠠ ᠪᠠᠷ ᠪᠦᠬᠦ᠌ ᠤᠯᠤᠰᠤᠨ ᠡᠯᠡ ᠭᠠᠵᠠᠷᠢᠶᠠᠷ ᠬᠡᠰᠦᠬᠦᠴᠢᠯᠡᠨ ᠬᠡᠷᠡᠭ ᠦᠢᠯᠡᠳᠴᠦ᠍᠂ ᠬᠥᠮᠦᠰᠦᠨ 《ᠵᠣᠭᠣᠰᠤᠨ ᠲᠣᠭᠠ ᠨᠢ ᠶᠡᠬᠡ ᠪᠢᠰᠢ᠂ ᠰᠠᠶ᠋ᠢᠨ ᠮᠠᠰᠢᠨ ᠲᠡᠷᠭᠡ ᠵᠢᠯᠤᠭᠤᠳᠴᠤ ᠪᠠᠢᠭᠠ ᠵᠤᠭᠤᠰ ᠮᠦᠩᠬᠦ ᠳᠠᠢ ᠵᠢᠭᠤᠯᠴᠢᠯᠠᠬᠴᠢ ᠤᠴᠢᠷ ᠡᠴᠡ ᠬᠥᠮᠦᠨᠢ ᠮᠡᠬᠡᠯᠡᠬᠦ᠌ ᠦᠭᠡᠶ》 ᠬᠡᠬᠦ ᠰᠡᠳᠬᠢᠴᠡᠶᠢ ᠠᠰᠢᠭᠯᠠᠨ ᠬᠠᠭᠤᠷᠤᠨ ᠮᠡᠬᠡᠯᠡᠬᠦ ᠬᠡᠷᠡᠭ ᠬᠢᠪᠡ᠃ ᠣᠳᠣᠬᠠᠨᠳᠤ᠂ 3 ᠶᠠᠯᠠ ᠵᠢᠨ ᠰᠡᠵᠢᠭᠳᠡᠨ ᠳ᠋ᠸ᠋ ᠠᠯᠪᠠᠳᠠᠯᠭᠠ ᠵᠢᠨ ᠠᠷᠭᠠ ᠬᠡᠮᠵᠢᠶᠡ ᠠᠪᠴᠦ᠂ ᠬᠡᠷᠡᠭ ᠢ ᠴᠢᠨᠠᠬᠰᠢᠳᠠ ᠪᠠᠢᠴᠠᠭᠠᠨ ᠰᠢᠢᠳᠪᠦᠷᠢᠯᠡᠵᠦ ᠪᠤᠢ᠃