— ᠰᠢ ᠵᠢᠨ ᠫᠢᠩᠦᠨ ᠨᠠᠮᠤᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠦᠵᠡᠯ ᠰᠠᠨᠠᠭᠠᠶᠢ ᠭᠦᠨᠵᠡᠭᠡᠢ ᠰᠤᠷᠤᠯᠴᠠᠨ ᠲᠤᠭᠤᠰᠢᠯᠠᠭᠤᠯᠬᠤ ᠲᠤᠬᠠᠢ ᠰᠢᠷᠢᠰ ᠬᠦᠦᠷᠨᠢᠯ ᠰᠢᠭᠦᠮᠵᠢ （ᠠᠷᠪᠠᠨ ᠨᠢᠭᠡ）
ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯ ᠨᠠᠮᠤᠨ ᠡᠯᠡ ᠱᠠᠲᠤᠨᠤ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠤᠯᠲᠠ ᠪᠠ ᠪᠦᠬᠦ᠌ ᠨᠠᠮᠤᠨ ᠭᠡᠰᠢᠭᠦᠨᠦ ᠡᠷᠬᠡᠪᠰᠢ ᠵᠢᠷᠤᠮᠯᠠᠬᠤ ᠦᠢᠯᠡ ᠠᠵᠢᠯᠯᠠᠭᠠᠶᠢᠨ ᠲᠦᠷᠢᠮᠵᠢᠯ ᠮᠥᠨ᠂ ᠨᠠᠮᠤᠨ ᠪᠦᠯᠬᠦᠮᠳᠡᠯ ᠨᠢᠭᠡᠳᠦᠯᠢ ᠬᠠᠮᠠᠭᠠᠯᠠᠬᠤ᠂ ᠨᠠᠮᠤᠨ ᠡᠭᠦᠷᠭᠡᠶᠢ ᠪᠡᠶᠡᠯᠡᠭᠦᠯᠬᠦ᠌ᠶᠢᠨ ᠪᠠᠲᠤᠯᠠᠭᠠ ᠮᠥᠨ᠃ ᠰᠢ ᠵᠢᠨ ᠫᠢᠩᠦᠨ ᠨᠠᠮᠤᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠦᠵᠡᠯ ᠰᠠᠨᠠᠭᠠ ᠵᠢᠨ 《ᠠᠷᠪᠠᠨ ᠳᠥᠷᠪᠡ ᠵᠢ ᠪᠠᠷᠢᠮᠲᠠᠯᠠᠬᠤ》 ᠴᠢᠬᠤᠯᠠ ᠠᠭᠤᠯᠭᠠᠶᠢᠨ ᠨᠢᠭᠡ ᠪᠣᠯ ᠳᠠᠷᠤᠢ 《ᠲᠦᠪ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠪᠠᠷ ᠪᠥᠬᠥ᠌ ᠨᠠᠮᠢ ᠬᠠᠮᠢᠶᠠᠷᠴᠤ᠌ ᠪᠥᠬᠥ᠌ ᠨᠠᠮᠢ ᠵᠠᠰᠠᠬᠤᠶᠢ ᠪᠠᠷᠢᠮᠲᠠᠯᠠᠬᠤ》 ᠶᠠᠪᠤᠳᠠᠯ ᠪᠣᠯᠤᠨᠠ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄ 《ᠨᠠᠮ ᠡᠴᠡ ᠨᠠᠮ ᠢ᠋ ᠬᠠᠮᠢᠶᠠᠷᠴᠤ᠂ ᠨᠠᠮᠢ ᠴᠢᠩᠭᠠ ᠵᠠᠰᠠᠬᠤᠳᠤ ᠶᠠᠭᠤᠨᠳᠤ ᠲᠦᠰᠢᠭᠯᠡᠨ ᠬᠠᠮᠢᠶᠠᠷᠴᠤ᠌᠂ ᠶᠠᠭᠤᠨᠳᠤ ᠲᠦᠰᠢᠭᠯᠡᠨ ᠵᠠᠰᠠᠬᠤ ᠪᠤᠢ？ ᠳᠠᠷᠤᠢ ᠲᠦᠪ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠳᠤ ᠲᠦᠰᠢᠭᠯᠡᠨᠡ》᠃
ᠰᠢ ᠵᠢᠨ ᠫᠢᠩᠦᠨ ᠨᠠᠮᠤᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠦᠵᠡᠯ ᠰᠠᠨᠠᠭᠠᠶᠢ ᠰᠤᠷᠤᠯᠴᠠᠨ ᠲᠤᠭᠤᠰᠢᠯᠠᠭᠤᠯᠬᠤᠳᠤ᠂ ᠤᠯᠤᠰ ᠲᠥᠷᠥᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠠ ᠤᠯᠤᠰ ᠲᠥᠷᠥᠶᠢᠨ ᠶᠣᠰᠣ ᠲᠦᠷᠢᠮᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠴᠢᠩᠳᠠᠯᠠᠵᠤ᠂ ᠡᠯᠡ ᠵᠦᠢᠯᠦᠨ ᠰᠠᠬᠢᠯᠭᠠ ᠪᠠᠲᠤᠶᠢ ᠪᠥᠬᠥ᠌ ᠲᠠᠯᠠᠪᠠᠷ ᠴᠢᠩᠳᠠᠯᠠᠬᠤ ᠵᠢ ᠲᠠᠢᠴᠢᠯᠠᠵᠤ᠂ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠥᠩᠭᠡᠨ ᠲᠠᠯᠠ ᠪᠠ ᠦᠨᠳᠦᠰᠦ ᠡᠴᠡ ᠨᠢ ᠵᠠᠰᠠᠬᠤ ᠦᠢᠯᠡᠳᠦᠯᠢ ᠪᠠᠳᠠᠷᠠᠭᠤᠯᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠠᠶᠢᠭᠤᠨ ᠣᠳᠣᠬᠢᠴᠢᠯᠠᠯᠲᠠᠪᠠᠷ ᠬᠦᠴᠦᠷᠬᠡᠭ ᠤᠯᠤᠰᠤᠨ ᠪᠥᠲᠥᠭᠡᠨ ᠪᠠᠶ᠋ᠢᠭᠤᠯᠤᠯᠲᠠ᠂ ᠦᠨᠳᠦᠰᠦᠲᠡᠨᠦ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢᠨ ᠠᠭᠤᠤ ᠦᠢᠯᠡᠰᠢ ᠪᠥᠬᠥ᠌ ᠲᠠᠯᠠᠪᠠᠷ ᠠᠬᠢᠭᠤᠯᠬᠤᠳᠤ ᠪᠠᠲᠤ᠌ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠲᠤᠯᠠᠭᠠ ᠬᠠᠩᠭᠠᠬᠤ ᠬᠡᠷᠡᠭᠲᠡᠶ᠃
ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠴᠢᠩᠭᠠᠳᠬᠠᠬᠤ ᠪᠣᠯ ᠪᠥᠬᠥ᠌ ᠲᠠᠯᠠᠪᠠᠷ ᠨᠠᠮᠢ ᠴᠢᠩᠭᠠ ᠵᠠᠰᠠᠬᠤᠶᠢᠨ ᠦᠨᠳᠦᠰᠦᠨ ᠪᠣᠳᠣᠯᠭᠠ ᠮᠥᠨ
《24.5 ᠲᠦᠮᠡᠨ ᠬᠡᠷᠡᠭᠢ ᠬᠡᠷᠡᠭ ᠪᠤᠯᠭᠠᠨ ᠳᠡᠩᠰᠡᠯᠡᠵᠦ᠍᠂ 18.3 ᠲᠦᠮᠡᠨ ᠬᠥᠮᠦᠨᠳᠦ ᠰᠢᠢᠳᠬᠡᠯ ᠥᠭᠪᠡ᠂ ᠡᠭᠦᠨᠳᠦ ᠮᠤᠵᠢ ᠶᠠᠮᠤᠨᠤ ᠲᠠᠰᠤᠨ ᠺᠠᠳ᠋ᠷ 56 ᠬᠦᠮᠦᠨ ᠪᠠᠭᠲᠠᠨᠠ》᠃ 4 ᠰᠠᠷᠠᠶᠢᠨ 23 ᠤ᠋ ᠡᠳᠦᠷ᠂ ᠲᠥᠪᠦᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠠᠶ᠋ᠢᠴᠠᠭᠠᠬᠤ ᠬᠣᠷᠢᠶᠠ ᠤᠯᠤᠰᠤᠨ ᠬᠢᠨᠠᠨ ᠪᠠᠶ᠋ᠢᠴᠠᠭᠠᠬᠤ ᠵᠥᠪᠯᠡᠯ ᠡᠨᠡ ᠵᠢᠯᠦᠨ ᠲᠦᠷᠦᠬᠦᠦ ᠤᠯᠠᠷᠢᠯᠳᠤ ᠪᠥᠬᠥ᠌ ᠤᠯᠤᠰᠤᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠠᠶ᠋ᠢᠴᠠᠭᠠᠬᠤ ᠬᠢᠨᠠᠨ ᠪᠠᠶ᠋ᠢᠴᠠᠭᠠᠬᠤ ᠪᠠᠶ᠋ᠢᠭᠤᠯᠭᠠᠶᠢᠨ ᠬᠢᠨᠠᠯᠳᠠ ᠲᠠᠯᠪᠢᠵᠤ ᠪᠠᠶ᠋ᠢᠴᠠᠭᠠᠭᠰᠠᠨ ᠪᠠᠶ᠋ᠢᠳᠠᠯᠢ ᠵᠠᠷᠯᠠᠨ ᠮᠡᠳᠡᠭᠳᠡᠪᠡ᠂ ᠡᠨᠡ ᠪᠣᠯ ᠰᠢᠨᠡ ᠴᠠᠭ ᠦᠶᠡᠶᠢᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤᠴᠤᠳ ᠤ᠋ᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠪᠠᠨ ᠴᠢᠩᠭᠠᠳᠬᠠᠵᠤ᠂ ᠬᠢᠨᠠᠯᠲᠠ ᠲᠠᠯᠪᠢᠵᠤ ᠰᠠᠬᠢᠯᠭᠠ ᠪᠠᠲᠤᠶᠢ ᠬᠡᠷᠡᠭᠵᠢᠭᠦᠯᠵᠤ ᠬᠠᠷᠢᠭᠤᠴᠠᠯᠭᠠ ᠨᠡᠬᠡᠮᠵᠢᠯᠡᠬᠦ᠌ᠪᠡᠨ ᠴᠢᠩᠭᠠᠳᠬᠠᠵᠤ᠂ ᠲᠡᠮᠦᠷ ᠮᠡᠲᠦ᠍ ᠬᠠᠲᠠᠭᠤ ᠴᠢᠩᠭᠠ ᠲᠣᠭᠲᠠᠭᠠᠯ ᠢ᠋ ᠬᠡᠷᠡᠭᠵᠢᠭᠦᠯᠵᠤ᠂ ᠴᠠᠭᠠᠵᠠ ᠵᠠᠷᠯᠢᠭᠢ ᠴᠢᠩᠭᠠ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠠᠮᠢᠳᠤᠯᠢᠭ ᠲᠠᠶ᠋ᠢᠯᠪᠤᠷᠢ ᠮᠥᠨ᠃
ᠨᠢᠬᠡ ᠳ᠋ᠦᠩᠰᠢᠭᠤᠷ ᠭᠠᠷᠤᠢ ᠨᠠᠮᠤᠨ ᠭᠡᠰᠢᠭᠦᠨᠲᠡᠶ ᠲᠦᠷᠦ᠍ ᠪᠠᠷᠢᠭᠴᠢ ᠨᠠᠮ ᠶᠠᠭᠤᠨᠳᠤ ᠲᠦᠰᠢᠭᠯᠡᠨ ᠥᠪᠡᠷᠦᠨ ᠡᠩᠨᠡᠭᠡᠪᠡᠨ ᠰᠠᠶ᠋ᠢᠲᠤᠷ ᠬᠠᠮᠢᠶᠠᠷᠬᠤ ᠪᠤᠢ？ ᠶᠠᠭᠤᠨᠳᠤ ᠲᠦᠰᠢᠭᠯᠡᠨ ᠠᠶᠤᠯ ᠲᠦᠭᠰᠢᠭᠦᠷᠢ ᠪᠠ ᠥᠷᠢᠰᠥᠯᠳᠦᠭᠡᠨᠢ ᠢᠯᠠᠬᠤ ᠪᠤᠢ？ ᠡᠷᠬᠡᠪᠰᠢ ᠲᠦᠪ ᠴᠢᠩᠭᠠ ᠲᠦᠷᠢᠮᠵᠢᠯ ᠪᠠ ᠰᠠᠬᠢᠯᠭᠠ ᠪᠠᠲᠤᠳᠤ ᠲᠦᠰᠢᠭᠯᠡᠬᠦ᠌ ᠬᠡᠷᠡᠭᠲᠡᠢ᠃
ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ᠌ ᠨᠠᠮ ᠪᠣᠯ ᠬᠤᠪᠢᠰᠬᠠᠯᠤᠨ ᠬᠦᠰᠡᠯᠡᠩ ᠪᠠ ᠲᠡᠮᠦᠷ ᠮᠡᠲᠦ᠍ ᠬᠠᠳᠠᠭᠤ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠳᠤ ᠲᠦᠰᠢᠭᠯᠡᠨ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠤᠭᠳᠠᠭᠰᠠᠨ ᠮᠠᠷᠺᠰᠤᠨ ᠦᠵᠡᠯᠦᠨ ᠲᠦᠷᠦᠶᠢᠨ ᠨᠠᠮ ᠮᠥᠨ᠂ ᠲᠦᠪ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯ ᠨᠠᠮᠤᠨ ᠢᠷᠠᠭᠤ ᠠᠯᠳᠠᠷᠲᠤ᠌ ᠤᠯᠠᠮᠵᠢᠯᠠᠯ ᠪᠠ ᠥᠪᠡᠷᠮᠢᠴᠡ ᠳᠠᠪᠠᠭᠤᠯᠢᠭ ᠮᠥᠨ᠃
ᠥᠨᠥᠳᠦᠷᠦᠨ ᠳᠤᠮᠳᠠᠳᠤ ᠤᠯᠤᠰ ᠶᠠᠭ ᠰᠢᠨᠡ ᠴᠠᠭ ᠦᠶᠡᠶᠢᠨ ᠤᠷᠳᠤ ᠵᠠᠮᠤᠨ ᠠᠶᠠᠨ ᠳᠠᠢ᠌ᠨ ᠬᠢᠵᠦ᠍ ᠪᠤᠢ᠃ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠠᠶᠢᠭᠤᠨ ᠣᠳᠣᠬᠢᠴᠢᠯᠠᠯᠲᠠ ᠪᠣᠯ ᠤᠷᠢᠳ ᠡᠮᠦᠨᠡ ᠪᠠᠶ᠋ᠢᠭᠠ ᠦᠭᠡᠢ ᠡᠭᠦᠳᠦᠯᠲᠡᠶᠢᠨ ᠴᠢᠨᠠᠷᠲᠠᠢ ᠦᠢᠯᠡᠰ ᠮᠥᠨ᠂ ᠤᠷᠤᠭᠰᠢᠯᠠᠯᠲᠠᠶᠢᠨ ᠵᠠᠮ ᠳᠡᠭᠡᠷᠡ ᠯᠠᠪᠲᠠᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ᠂ ᠦᠯᠦ᠍ ᠮᠡᠳᠡᠬᠦᠢ ᠵᠦᠢᠯ᠂ ᠠᠶᠤᠯ ᠲᠦᠭᠰᠢᠭᠦᠷᠢ ᠥᠷᠢᠰᠥᠯᠳᠦᠭᠡᠨ ᠤᠯᠠᠨ ᠪᠤᠢ᠃ ᠥᠪᠡᠷᠦᠨ ᠪᠡᠶᠡᠪᠡᠨ ᠠᠵᠢᠪᠠᠯ᠂ ᠨᠠᠮᠳᠤ 《ᠳᠥᠷᠪᠡᠨ ᠶᠡᠬᠡ ᠰᠢᠯᠭᠠᠯᠲᠠ》᠂ 《ᠳᠥᠷᠪᠡᠨ ᠵᠦᠢᠯᠦᠨ ᠠᠶᠤᠯ ᠲᠦᠭᠰᠢᠭᠦᠷᠢ》 ᠣᠷᠳᠣ ᠬᠤᠭᠤᠴᠠᠭᠠᠪᠠᠷ ᠣᠷᠣᠰᠢᠵᠤ᠂ ᠨᠠᠮᠤᠨ ᠳᠣᠲᠣᠭᠠᠳᠤᠶᠢᠨ 《ᠳᠥᠷᠪᠡᠨ ᠴᠡᠪᠡᠷ ᠪᠤᠰᠤ》 ᠲᠣᠪᠣᠶ᠋ᠢᠮᠠ ᠠᠰᠠᠭᠤᠳᠠᠯ ᠮᠥᠨ ᠬᠦ᠌ ᠣᠷᠣᠰᠢᠭᠰᠠᠭᠠᠷ ᠪᠠᠶ᠋ᠢᠨᠠ᠂ ᠡᠷᠬᠡᠪᠰᠢ 《ᠰᠢᠯᠭᠠᠯᠲᠠᠳᠤ ᠣᠷᠣᠯᠴᠠᠬᠤ》 ᠰᠤᠨᠤᠷ ᠰᠡᠷᠡᠮᠵᠢ ᠪᠠ ᠡᠷᠡᠰ ᠪᠠᠲᠤ᠌ ᠵᠢ ᠡᠭᠦᠷᠢᠳᠡ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠶ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠪᠦᠬᠦ᠌ ᠨᠠᠮᠳᠤ᠄ 《ᠨᠠᠮᠳᠤ ᠲᠤᠯᠭᠠᠷᠠᠵᠤ ᠪᠠᠶ᠋ᠢᠭᠠ ᠪᠠᠶ᠋ᠢᠳᠠᠯ ᠬᠡᠳᠦᠢ ᠪᠤᠳᠤᠯᠢᠶᠠᠨᠲᠠᠢ᠂ ᠡᠭᠦᠷᠭᠡᠯᠡᠵᠦ᠍ ᠪᠠᠶ᠋ᠢᠭᠠ ᠡᠭᠦᠷᠭᠡ ᠬᠡᠳᠦᠢ ᠪᠡᠷᠬᠡ ᠬᠠᠲᠠᠭᠤᠵᠢᠯᠲᠠᠢ ᠪᠤᠯᠬᠤ ᠳᠤᠳᠤᠮ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠲᠡᠳᠦᠢ ᠴᠢᠩᠭᠠᠳᠬᠠᠵᠤ᠂ ᠨᠠᠮᠤᠨ ᠪᠦᠯᠬᠦᠮᠳᠡᠯ ᠨᠢᠭᠡᠳᠦᠯᠢ ᠲᠡᠳᠦᠢ ᠬᠠᠮᠠᠭᠠᠯᠠᠵᠤ᠂ ᠪᠦᠬᠦ᠌ ᠨᠠᠮ ᠵᠢᠡᠷ ᠵᠢᠡᠨ ᠵᠤᠷᠢᠭ ᠰᠠᠨᠠᠭᠠ ᠨᠢᠭᠡᠲᠡᠢ᠂ ᠦᠢᠯᠡ ᠠᠵᠢᠯᠯᠠᠭᠠ ᠨᠢᠭᠡᠲᠡᠢ᠂ ᠠᠯᠬᠤᠮ ᠨᠢᠭᠡᠲᠡᠢ ᠤᠷᠤᠭᠰᠢᠯᠠᠬᠤᠶᠢ ᠪᠠᠲᠤᠯᠠᠬᠤ ᠬᠡᠷᠡᠭᠲᠡᠢ》ᠰᠡᠷᠡᠮᠵᠢᠯᠡᠬᠦᠯᠪᠡ᠃
ᠰᠢᠨᠡ ᠴᠠᠭ ᠦᠶᠡᠳᠦ ᠪᠦᠬᠦ᠌ ᠲᠠᠯᠠᠪᠠᠷ ᠨᠠᠮᠢ ᠴᠢᠩᠭᠠ ᠵᠠᠰᠠᠬᠤ ᠠᠭᠤᠤ ᠶᠡᠬᠡ ᠦᠢᠯᠡᠳᠦᠯᠭᠡᠳᠦ ᠰᠠᠭᠤᠷᠢᠯᠠᠵᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠠᠯᠢ ᠤᠯᠠᠨ ᠴᠢᠬᠤᠯᠠ ᠥᠭᠦᠯᠡᠯᠲᠡ ᠵᠢ ᠲᠤᠷᠠᠳᠴᠤ᠂ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠳᠤ ᠦᠨᠳᠦᠰᠦᠨ ᠵᠢᠷᠤᠮᠯᠠᠯ ᠬᠠᠩᠭᠠᠪᠠ —
《ᠰᠠᠬᠢᠯᠭᠠ ᠪᠠᠲᠤᠶᠢᠨ ᠡᠮᠦᠨᠡ ᠴᠥᠮ ᠡᠷᠬᠡ ᠲᠡᠭᠰᠢ ᠪᠠᠶ᠋ᠢᠬᠤ ᠬᠡᠷᠡᠭᠲᠡᠢ᠂ ᠨᠠᠮᠤᠨ ᠳᠣᠲᠣᠭᠠᠳᠤᠳᠤ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠬᠢᠵᠠᠭᠠᠷᠯᠠᠯᠢ ᠬᠦᠯᠢᠶᠡᠬᠦ᠌ ᠦᠭᠡᠢ ᠣᠨᠴᠠᠭᠠᠢ ᠨᠠᠮᠤᠨ ᠭᠡᠰᠢᠭᠦᠨ ᠪᠠᠶ᠋ᠢᠬᠤᠶᠢ ᠵᠥᠪᠰᠢᠶᠡᠷᠡᠬᠦ᠌ ᠦᠭᠡᠢ》 ᠭᠡᠵᠦ᠍ ᠭᠦᠨᠵᠡᠭᠡᠢ ᠵᠢᠭᠠᠵᠤ ᠭᠠᠷᠭᠠᠪᠠ；
《ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠨᠠᠩ ᠲᠣᠪᠣᠶ᠋ᠢᠮᠠ ᠪᠠᠶ᠋ᠢᠷᠢᠨᠳᠤ ᠲᠠᠯᠪᠢᠵᠤ᠂ ᠨᠠᠮᠤᠨ ᠲᠣᠭᠲᠠᠭᠠᠯᠢ ᠲᠣᠭᠲᠠᠭᠠᠬᠤ᠂ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠬᠥᠮᠦᠵᠢᠯ ᠬᠢᠬᠦ᠌᠂ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠬᠡᠷᠡᠭᠵᠢᠭᠦᠯᠦᠯᠲᠡ ᠳ᠋ᠤ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠪᠥᠬᠥ᠌ ᠶᠠᠪᠤᠴᠠᠳᠤ ᠴᠥᠮ ᠴᠢᠩᠭᠠ ᠪᠠᠢᠬᠤ ᠱᠠᠭᠠᠷᠳᠠᠯᠭᠠᠶᠢ ᠲᠤᠭᠤᠰᠢᠯᠠᠭᠤᠯᠬᠤ ᠬᠡᠷᠡᠭᠲᠡᠶ》 ᠭᠡᠵᠦ᠍ ᠭᠦᠨᠵᠡᠭᠡᠶ ᠲᠣᠳᠣᠷᠬᠠᠶ᠋ᠢᠯᠠᠨ ᠥᠭᠦᠯᠡᠪᠡ；
᠁
ᠰᠢᠨᠡ ᠴᠠᠭ ᠦᠶᠡᠳᠦ ᠤᠷᠤᠬᠰᠠᠨᠤ ᠳᠠᠷᠠᠭᠠ᠂ ᠰᠢ ᠵᠢᠨ ᠫᠢᠩ ᠨᠥᠬᠥᠷᠢᠶᠡᠷ ᠭᠣᠣᠯ ᠪᠣᠯᠭᠠᠭᠰᠠᠨ ᠨᠠᠮᠤᠨ ᠲᠥᠪ ᠬᠣᠷᠢᠶᠠ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠪᠦᠬᠦ᠌ ᠲᠠᠯᠠᠪᠠᠷ ᠨᠠᠮᠢ ᠴᠢᠩᠭᠠ ᠵᠠᠰᠠᠬᠤᠶᠢᠨ ᠦᠨᠳᠦᠰᠦᠨ ᠠᠷᠭᠠ ᠪᠤᠳᠤᠯᠭᠠ ᠪᠣᠯᠭᠠᠵᠤ᠂ ᠲᠦᠪ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠪᠠᠷ ᠨᠠᠮᠢ ᠬᠠᠮᠢᠶᠠᠷᠴᠤ᠌ ᠨᠠᠮᠢ ᠵᠠᠰᠠᠵᠤ᠂ ᠨᠠᠮᠢ ᠬᠠᠮᠢᠶᠠᠷᠴᠤ᠌ ᠨᠠᠮᠢ ᠵᠠᠰᠠᠬᠤ ᠠᠭᠤᠵᠢᠭᠤ ᠰᠤᠯᠠ ᠵᠥᠭᠡᠯᠡᠨ ᠪᠠᠶ᠋ᠢᠳᠠᠯᠢ ᠦᠨᠳᠦᠰᠦᠨᠡᠴᠡ ᠨᠢ ᠬᠤᠪᠢᠷᠠᠭᠤᠯᠵᠤ᠂ ᠨᠠᠮᠤᠨ ᠬᠤᠪᠢᠰᠬᠠᠯᠴᠢ ᠴᠢᠨᠠᠷᠲᠠᠢ ᠳᠠᠪᠲᠠᠯᠲᠠ ᠳᠤᠮᠳᠠ ᠨᠡᠩ ᠪᠠᠲᠤ᠌ ᠴᠢᠩᠭᠠ ᠬᠦᠴᠦᠨᠲᠡᠶ ᠪᠣᠯᠬᠤᠶᠢ ᠠᠬᠢᠭᠤᠯᠪᠠ᠃
ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠥᠩᠭᠡᠨ ᠲᠠᠯᠠ ᠪᠠ ᠦᠨᠳᠦᠰᠦ ᠡᠴᠡ ᠨᠢ ᠵᠠᠰᠠᠬᠤ ᠬᠤᠷᠴᠠ ᠵᠡᠪᠰᠡᠭ ᠤ᠋ᠨ ᠦᠢᠯᠡᠳᠦᠯᠢ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠪᠠ
《ᠡᠨᠡ ᠪᠣᠯ ᠶᠣᠰᠣ ᠳᠦᠷᠢᠮᠢ ᠲᠣᠭᠲᠠᠭᠠᠬᠰᠠᠨ ᠭᠠᠵᠠᠷ ᠮᠥᠨ》᠂ 2013 ᠣᠨᠤ 7 ᠰᠠᠷᠠᠳᠤ᠂ ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠰᠢ ᠪᠠᠢ ᠫᠦᠸᠸ ᠳ᠋ᠤ ᠢᠷᠡᠬᠦ᠌ ᠦᠶᠠᠳᠡᠭᠡᠨ᠂ 《 ᠨᠠᠮᠤᠨ ᠶᠣᠰᠣ ᠲᠦᠷᠢᠮ᠂ ᠲᠦᠷᠢᠮᠦᠨ ᠪᠠᠶ᠋ᠢᠭᠤᠯᠤᠯᠲᠠ ᠪᠠ ᠬᠡᠷᠡᠭᠵᠢᠭᠦᠯᠦᠯᠲᠡ ᠨᠢ ᠨᠠᠮᠤᠨ ᠰᠤᠷᠲᠠᠯ ᠪᠠ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠬᠦᠴᠦᠲᠡᠢ ᠠᠬᠢᠭᠤᠯᠤᠬᠰᠠᠨ ᠶᠤᠮ》 ᠭᠡᠵᠤ ᠳᠤᠳᠤᠷᠬᠠᠢ ᠵᠢᠭᠠᠵᠤ ᠭᠠᠷᠭᠠᠵᠠᠢ᠃
ᠤᠯᠤᠰ ᠲᠦᠷᠦᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯᠤᠨ ᠤᠯᠤᠰ ᠲᠦᠷᠦᠶᠢᠨ ᠶᠣᠰᠣ ᠲᠦᠷᠢᠮᠢ ᠴᠢᠩᠳᠠᠯᠠᠵᠤ᠂ ᠪᠦᠬᠦ᠌ ᠬᠡᠯᠬᠢᠶᠠ ᠪᠦᠬᠦ᠌ ᠦᠶᠡᠯᠡᠯᠤᠨ ᠬᠤᠭᠤᠴᠠᠭᠠ ᠵᠢᠨ ᠪᠦᠬᠦᠨᠢ ᠪᠦᠷᠬᠦᠬᠦᠯᠬᠦ᠌ ᠲᠠᠯᠠᠪᠠᠷ ᠲᠠᠰᠤᠷᠠᠯᠳᠠ ᠦᠭᠡᠢ ᠬᠦᠴᠦᠯᠡᠵᠦ᠍᠂ ᠰᠠᠬᠢᠯᠭᠠ ᠪᠠᠲᠤ᠌ ᠬᠡᠷᠡᠭᠵᠢᠭᠦᠯᠬᠦ᠌ ᠬᠠᠤᠯᠢ ᠬᠡᠷᠡᠭᠵᠢᠭᠦᠯᠬᠦ᠌ᠶᠢ ᠨᠡᠪᠲᠡᠷᠡᠭᠦᠯᠪᠡ ᠁ 2023 ᠣᠨᠤ 12 ᠰᠠᠷᠠᠶᠢᠨ 27 ᠤ᠋ ᠡᠳᠦᠷ᠂ ᠵᠠᠰᠠᠪᠤᠷᠢ ᠣᠷᠣᠭᠤᠯᠤᠭᠰᠠᠨᠤ ᠳᠠᠷᠠᠭᠠᠬᠢ 《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ᠌ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠰᠢᠢᠳᠬᠡᠯ ᠥᠭᠬᠦ᠌ ᠲᠦᠷᠢᠮ》 ᠤ᠋ᠨ ᠪᠦᠬᠦ᠌ ᠠᠭᠤᠯᠭᠠᠶᠢ ᠨᠡᠶ᠋ᠢᠲᠡᠯᠡᠪᠡ᠃ ᠡᠨᠡ ᠪᠣᠯ ᠨᠠᠮᠤᠨ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠶᠡᠬᠡ ᠬᠤᠷᠠᠯ ᠡᠴᠡ ᠨᠠᠭᠠᠰᠢ᠂ ᠨᠠᠮᠤᠨ ᠲᠥᠪ ᠬᠣᠷᠢᠶᠠ ᠡᠴᠡ ᠡᠨᠡ ᠬᠦ᠌ ᠲᠦᠷᠢᠮᠳᠦ ᠭᠤᠷᠪᠠᠳᠠᠬᠢ ᠤᠳᠠᠭᠠ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠤ᠂ ᠶᠠᠪᠤᠬᠤ ᠲᠤᠳᠤᠮ ᠰᠠᠬᠢᠯᠭᠠ ᠪᠠᠲᠤᠶᠢ ᠬᠡᠷᠡᠭᠵᠢᠭᠦᠯᠬᠦ᠌ ᠵᠢ ᠴᠢᠩᠭᠠ ᠪᠣᠯᠭᠠᠬᠤ ᠴᠢᠩᠭᠠ ᠲᠤᠬᠢᠶᠠᠶᠢ ᠳᠠᠮᠵᠢᠭᠤᠯᠪᠠ᠃
ᠰᠠᠬᠢᠯᠭᠠ ᠪᠠᠲᠤᠶᠢᠨ ᠰᠢ᠌ᠳᠬᠡᠯ ᠥᠭᠬᠦ᠌ ᠲᠦᠷᠢᠮ᠂ ᠬᠠᠷᠢᠭᠤᠴᠠᠯᠭᠠ ᠲᠤᠯᠭᠠᠬᠤ ᠲᠦᠷᠢᠮᠡᠴᠡ ᠠᠪᠤᠭᠠᠳ ᠰᠢᠨᠡ ᠪᠠᠶ᠋ᠢᠳᠠᠯ ᠳᠣᠣᠷᠠᠬᠢ ᠨᠠᠮᠤᠨ ᠳᠣᠲᠣᠭᠠᠳᠤᠶᠢᠨ ᠤᠯᠤᠰ ᠲᠦᠷᠦᠶᠢᠨ ᠠᠮᠢᠳᠤᠷᠠᠯᠤᠨ ᠲᠤᠬᠠᠢ ᠪᠠᠷᠢᠮᠵᠢᠶᠠᠨᠤᠭᠤᠳ᠂ ᠨᠠᠮᠤᠨ ᠳᠣᠲᠣᠭᠠᠳᠤᠶᠢᠨ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠲᠦᠷᠢᠮ ᠬᠦᠷᠲᠡᠯᠡ᠂ ᠲᠠᠬᠢᠭᠠᠳ ᠠᠩᠬᠠᠳᠠᠭᠴᠢ 《ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ᠌ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠠᠶ᠋ᠢᠴᠠᠭᠠᠬᠤ ᠬᠣᠷᠢᠶᠠ ᠵᠢᠨ ᠠᠵᠢᠯᠤᠨ ᠲᠦᠷᠢᠮ》 ᠬᠦᠷᠲᠡᠯᠡ ᠁ ᠰᠢᠨᠡ ᠴᠠᠭ ᠦᠶᠡ ᠳ᠋ᠤ ᠤᠷᠤᠬᠰᠠᠨᠡᠴᠡ ᠨᠠᠭᠠᠰᠢ᠂ ᠠᠯᠢ ᠤᠯᠠᠨ ᠰᠠᠭᠤᠷᠢᠯᠠᠬᠤ ᠴᠢᠨᠠᠷᠲᠠᠢ ᠵᠠᠩᠭᠢᠯᠠᠭᠠᠶᠢᠨ ᠴᠢᠨᠠᠷᠲᠠᠢ ᠨᠠᠮᠤᠨ ᠳᠣᠲᠣᠭᠠᠳᠤᠶᠢᠨ ᠬᠠᠤᠯᠢ ᠲᠣᠭᠲᠠᠭᠠᠯᠢ ᠲᠣᠭᠲᠠᠭᠠᠨ ᠵᠠᠰᠠᠪᠤᠷᠢ ᠣᠷᠣᠭᠤᠯᠵᠤ᠂ ᠰᠠᠬᠢᠯᠭᠠ ᠪᠠᠲᠤᠶᠢ ᠦᠨᠡᠨ ᠬᠦ᠌ ᠲᠣᠭᠲᠠᠭᠠᠵᠤ᠂ ᠴᠢᠩᠭᠠᠳᠬᠠᠵᠤ᠂ ᠴᠢᠩᠳᠠᠯᠠᠪᠠ᠃
ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢ ᠴᠢᠩᠳᠠᠯᠠᠬᠤᠳᠤ ᠡᠩ ᠲᠡᠷᠢᠭᠦᠨᠳᠦ ᠤᠯᠤᠰ ᠲᠦᠷᠦᠶᠢᠨ ᠰᠠᠬᠢᠯᠭᠠ ᠪᠠᠲᠤᠶᠢ ᠴᠢᠩᠳᠠᠯᠠᠬᠤ ᠬᠡᠷᠡᠭᠲᠡᠢ᠃
ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯ ᠣᠯᠠᠨ ᠲᠠᠯᠠᠶᠢᠨ ᠪᠠᠶ᠋ᠢᠳᠠᠭ᠂ ᠭᠡᠪᠡᠴᠦ᠍ ᠤᠯᠤᠰ ᠲᠥᠷᠥᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯ ᠬᠠᠮᠤᠭᠤᠨ ᠴᠢᠬᠤᠯᠠ᠂ ᠬᠠᠮᠤᠭᠤᠨ ᠦᠨᠳᠦᠰᠦᠨ᠂ ᠬᠠᠮᠤᠭᠤᠨ ᠵᠠᠩᠭᠢᠯᠠᠭᠠᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠮᠥᠨ᠂ 《ᠬᠣᠶᠠᠷᠢ ᠲᠣᠭᠲᠠᠭᠠᠭᠰᠠᠨ》 ᠤ᠋ ᠰᠢᠢᠳᠪᠦᠷᠢᠯᠡᠭᠴᠢ ᠴᠢᠨᠡᠷᠳᠡᠢ ᠠᠴᠢ ᠬᠣᠯᠪᠣᠭᠳᠠᠯᠢ ᠭᠦᠨᠵᠡᠭᠡᠶ ᠣᠶ᠋ᠢᠯᠠᠭᠠᠵᠤ᠂ 《ᠬᠣᠶᠠᠷᠢ ᠬᠠᠮᠠᠭᠠᠯᠠᠬᠤ》 ᠵᠢ ᠡᠷᠡᠰ ᠪᠡᠶᠡᠯᠡᠭᠦᠯᠬᠦ᠌ᠵᠢ ᠲᠡᠷᠢᠭᠦᠨ ᠴᠢᠬᠤᠯᠠ ᠤᠯᠤᠰ ᠲᠥᠷᠥᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯᠭᠠᠵᠤ᠂ ᠨᠠᠮᠤᠨ ᠲᠥᠪ ᠬᠣᠷᠢᠶᠠᠶᠢᠨ ᠡᠷᠬᠡ ᠰᠦᠷ ᠪᠠ ᠲᠥᠪᠯᠡᠷᠡᠩᠭᠦᠶ ᠨᠢᠭᠡᠳᠦᠯᠲᠡᠶ ᠤᠳᠤᠷᠢᠳᠤᠯᠭᠠᠶᠢ ᠬᠠᠮᠠᠭᠠᠯᠠᠬᠤᠶᠢ ᠬᠠᠮᠤᠭᠤᠨ ᠦᠨᠳᠦᠰᠦᠨ ᠤᠯᠤᠰ ᠲᠥᠷᠥᠶᠢᠨ ᠰᠠᠬᠢᠯᠭᠠ ᠪᠠᠲᠤ᠌ ᠪᠠ ᠤᠯᠤᠰ ᠲᠥᠷᠥᠶᠢᠨ ᠶᠣᠰᠣ ᠲᠦᠷᠢᠮ ᠪᠣᠯᠭᠠᠬᠤ ᠬᠡᠷᠡᠭᠲᠡᠶ᠃
ᠰᠠᠬᠢᠯᠭᠠ ᠪᠠᠲᠤ᠌ ᠪᠣᠯ ᠨᠠᠮᠢ ᠬᠠᠮᠢᠶᠠᠷᠴᠤ᠌ ᠨᠠᠮᠢ ᠵᠠᠰᠠᠬᠤᠶᠢᠨ《ᠰᠡᠷᠡᠮᠵᠢᠯᠡᠬᠦᠯᠦᠨ ᠵᠠᠯᠬᠠᠭᠠᠬᠤ ᠰᠢᠳᠠᠮ》ᠮᠥᠨ᠃ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠦᠨᠭᠭᠡᠨ ᠲᠠᠯᠠ ᠪᠠ ᠦᠨᠳᠦᠰᠦᠨᠡᠴᠡ ᠨᠢ ᠵᠠᠰᠠᠬᠤ ᠬᠤᠷᠴᠠ ᠵᠡᠪᠰᠡᠭᠦᠨ ᠦᠢᠯᠡᠳᠦᠯᠢ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠵᠤ᠂ ᠲᠡᠮᠤᠷ ᠮᠡᠲᠦ᠍ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠶᠢ ᠦᠨᠡᠨ ᠬᠦ᠌ ᠨᠠᠮᠤᠨ ᠭᠡᠰᠢᠭᠦᠨ ᠺᠠᠳ᠋ᠷᠴᠤᠳᠤᠨ ᠡᠳᠦᠷ ᠲᠤᠳᠤᠮᠤᠨ ᠳᠠᠳᠬᠠᠯ ᠪᠠ ᠤᠬᠠᠮᠰᠠᠷᠲᠤ᠌ ᠵᠢᠷᠤᠮᠯᠠᠯ ᠪᠣᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠪᠦᠬᠥ᠌ ᠲᠠᠯᠠᠪᠠᠷ ᠨᠠᠮᠢ ᠴᠢᠩᠭᠠ ᠵᠠᠰᠠᠬᠤᠶᠢᠨ ᠭᠦᠨᠵᠡᠭᠡᠶ᠋ᠢᠷᠡᠨ ᠬᠥᠭᠵᠢᠬᠦ᠌ᠶᠢ ᠠᠬᠢᠭᠤᠯᠬᠤ ᠬᠡᠷᠡᠭᠲᠡᠢ᠃
ᠨᠠᠮᠴᠢ ᠴᠢᠨᠠᠷ ᠨᠠᠮᠤᠨ ᠰᠤᠷᠲᠠᠯ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢ ᠵᠡᠷᠭᠡᠪᠡᠷ ᠠᠳᠬᠤᠬᠤᠵᠢ ᠪᠠᠷᠢᠮᠲᠠᠯᠠᠪᠠ
ᠨᠠᠮᠳᠤ ᠣᠷᠣᠬᠤ ᠲᠠᠩᠭᠠᠷᠢᠭᠤᠨ ᠦᠭᠡᠰᠢ ᠳᠠᠬᠢᠨ ᠡᠷᠭᠢᠴᠡᠭᠦᠯᠵᠦ᠍᠂ ᠤᠭ ᠰᠠᠨᠠᠭᠠᠵᠢ ᠰᠠᠨᠠᠭᠤᠯᠤᠨ ᠠᠰᠠᠭᠤᠬᠤ ᠳᠤᠮᠳᠠ ᠨᠠᠮᠴᠢ ᠴᠢᠨᠠᠷᠤᠨ ᠪᠣᠯᠪᠠᠰᠤᠷᠠᠯᠢ ᠴᠢᠩᠭᠠᠳᠬᠠᠪᠠ； ᠰᠡᠷᠡᠮᠵᠢᠯᠡᠭᠦᠯᠬᠦ᠌ ᠬᠥᠮᠦᠵᠢᠯᠦᠨ ᠶᠡᠬᠡ ᠬᠤᠷᠠᠯ ᠬᠤᠷᠠᠯᠳᠤᠭᠤᠯᠵᠤ᠂ ᠰᠤᠷᠲᠠᠯ ᠰᠤᠯᠠᠷᠠᠭᠰᠠᠨᠤ ᠠᠷᠤᠳᠠᠬᠢ ᠦᠵᠡᠯ ᠰᠠᠨᠠᠭᠠᠨᠤ ᠦᠨᠳᠦᠰᠦ ᠰᠤᠷᠪᠤᠯᠵᠢᠶᠢ ᠭᠦᠨᠵᠡᠭᠡᠶ ᠠᠭᠤᠳᠠᠯᠵᠤ᠂ ᠬᠡᠷᠡᠭᠢᠶᠡᠷ ᠥᠭᠡᠷᠡᠴᠢᠯᠡᠯᠲᠡᠶᠢ ᠠᠬᠢᠭᠤᠯᠵᠤ᠂ ᠬᠡᠷᠡᠭᠢᠶᠡᠷ ᠰᠤᠷᠲᠠᠯᠢ ᠲᠥᠪ ᠪᠣᠯᠭᠠᠪᠠ； ᠭᠣᠣᠯ ᠰᠡᠳᠦᠪᠲᠦ᠍ ᠦᠵᠡᠭᠦᠯᠭᠡᠶᠢ ᠵᠣᠬᠢᠶᠠᠨ ᠪᠠᠶ᠋ᠢᠭᠤᠯᠵᠤ ᠲᠣᠭᠣᠷᠢᠨ ᠦᠵᠡᠵᠦ᠍᠂ ᠭᠦᠨᠵᠡᠭᠡᠢ ᠪᠡᠶᠡᠴᠢᠯᠡᠨ ᠤᠢᠯᠠᠭᠠᠵᠤ ᠰᠤᠷᠤᠯᠴᠠᠬᠤ ᠳᠤᠮᠳᠠ ᠰᠠᠬᠢᠯᠭᠠ ᠪᠠᠲᠤ᠌ ᠲᠦᠷᠢᠮ ᠲᠣᠭᠲᠠᠭᠠᠯᠢ ᠮᠡᠳᠡᠵᠤ᠂ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠤᠬᠠᠮᠰᠠᠷᠢᠶᠠᠨ ᠴᠢᠩᠭᠠᠳᠬᠠᠪᠠ ᠁ 2024 ᠣᠨᠳᠤ᠂ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠰᠤᠷᠤᠯᠴᠠᠯᠭᠠ ᠬᠥᠮᠦᠵᠢᠯᠢ ᠪᠦᠬᠦ᠌ ᠨᠠᠮᠳᠤ ᠭᠦᠨᠵᠡᠭᠡᠢ ᠥᠷᠨᠢᠭᠦᠯᠪᠡ᠂ ᠡᠨᠡ ᠪᠣᠯ ᠮᠠᠨᠤ ᠨᠠᠮᠤᠨ ᠲᠡᠦᠬᠡᠨ ᠳᠡᠭᠡᠷᠡ ᠠᠩᠬᠠ ᠤᠳᠠᠭᠠ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠪᠠᠷ ᠭᠣᠣᠯ ᠰᠡᠳᠦᠪ ᠪᠣᠯᠭᠠᠵᠤ ᠪᠦᠬᠦ᠌ ᠨᠠᠮᠳᠤ ᠲᠥᠪᠯᠡᠷᠡᠩᠭᠦᠢ ᠴᠢᠨᠠᠷᠲᠠᠢ ᠬᠥᠮᠦᠵᠢᠯ ᠦᠷᠨᠢᠭᠦᠯᠦᠭᠰᠡᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ ᠨᠠᠮᠤᠨ ᠬᠣᠷᠢᠳᠤᠭᠠᠷ ᠶᠡᠬᠡ ᠬᠤᠷᠠᠯᠤᠨ ᠢᠯᠡᠳᠬᠡᠯᠳᠦ᠂ ᠨᠠᠮᠴᠢ ᠴᠢᠨᠠᠷ ᠨᠠᠮᠤᠨ ᠰᠤᠷᠲᠠᠯ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢ ᠵᠡᠷᠭᠡᠪᠡᠷ ᠠᠳᠬᠤᠬᠤᠶᠢ ᠪᠠᠷᠢᠮᠲᠠᠯᠠᠵᠤ᠂ ᠦᠵᠡᠯ ᠰᠠᠨᠠᠭᠠᠨᠤ ᠲᠠᠯᠠᠪᠠᠷ ᠤᠭ ᠦᠨᠳᠦᠰᠦᠵᠢ ᠪᠡᠬᠢᠵᠢᠭᠦᠯᠦᠨ ᠬᠦᠭᠵᠢᠭᠦᠯᠵᠦ᠂ ᠨᠠᠮᠴᠢ ᠴᠢᠨᠠᠷᠤᠨ ᠤᠬᠠᠮᠰᠠᠷᠢᠶᠠᠨ ᠳᠡᠭᠡᠭᠰᠢᠯᠡᠭᠦᠯᠦᠨ᠂ ᠢᠯᠵᠢᠷᠠᠯᠢ ᠡᠰᠡᠷᠭᠦᠴᠡᠵᠦ᠍ ᠴᠢᠨᠡᠷ ᠬᠤᠪᠢᠷᠠᠬᠤᠶᠢ ᠰᠡᠷᠭᠡᠶ᠋ᠢᠯᠡᠬᠦ᠌ ᠴᠢᠳᠠᠪᠤᠷᠢᠪᠠᠨ ᠨᠡᠮᠡᠭᠳᠡᠭᠦᠯᠵᠦ᠍᠂ ᠪᠠᠶᠠᠨ ᠡᠷᠬᠢᠮᠳᠦ ᠰᠢᠨᠤᠬᠤ ᠦᠭᠡᠢ᠂ ᠶᠠᠳᠠᠭᠤ ᠲᠤᠤᠷᠠ ᠬᠡᠵᠤ ᠵᠣᠷᠢᠭ ᠮᠣᠬᠣᠬᠤ ᠦᠭᠡᠢ᠂ ᠡᠷᠬᠡ ᠰᠦᠷᠲᠦ᠍ ᠡᠪᠦᠳᠦᠭ ᠨᠤᠭᠤᠷᠠᠬᠤ ᠦᠭᠡᠢ ᠪᠠᠶ᠋ᠢᠬᠤ ᠲᠥᠪ ᠴᠢᠬᠡᠴᠢ ᠰᠤᠷᠲᠠᠯᠢ ᠪᠤᠢ ᠪᠤᠯᠭᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ᠍ ᠭᠦᠨᠵᠡᠭᠡᠢ ᠵᠢᠭᠠᠵᠤ ᠭᠠᠷᠭᠠᠪᠠ᠃
2025 ᠣᠨᠤ 6 ᠰᠠᠷᠠᠳᠤ᠂ ᠬᠤᠪᠸᠢ ᠵᠢᠨ ᠬᠤᠸᠠᠩ ᠮᠧᠢ᠂ ᠠᠨᠾᠦ᠋ᠢ ᠵᠢᠨ ᠰᠤ᠌ ᠰᠦᠩ ᠬᠣᠶᠠᠷ ᠭᠠᠵᠠᠷᠤᠨ ᠨᠠᠮᠤᠨ ᠭᠡᠰᠢᠭᠦᠨ ᠺᠠᠳ᠋ᠷ ᠲᠥᠪᠦᠨ ᠨᠠᠢ᠍ᠮᠠᠨ ᠲᠣᠭᠲᠠᠭᠠᠯᠤᠨ ᠵᠣᠷᠢᠭ ᠰᠠᠨᠠᠭᠠᠶᠢ ᠭᠦᠨᠵᠡᠭᠡᠢ ᠲᠤᠭᠤᠰᠢᠯᠠᠭᠤᠯᠬᠤ ᠰᠤᠷᠤᠯᠴᠠᠯᠭᠠ ᠬᠥᠮᠦᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ ᠲᠣᠭᠲᠠᠭᠠᠯᠢ ᠵᠥᠷᠢᠴᠡᠨ ᠢᠳᠡᠵᠦ᠍ ᠤᠤᠭᠤᠭᠰᠠᠨ ᠠᠰᠠᠭᠤᠳᠠᠯᠢ ᠢᠯᠡᠪᠡᠷ ᠵᠠᠷᠯᠠᠨ ᠨᠡᠢᠳᠡᠯᠡᠵᠤ᠂ ᠪᠦᠬᠦ᠌ ᠨᠠᠮᠤᠨ ᠭᠡᠰᠢᠭᠦᠨ ᠺᠠᠳ᠋ᠷᠲᠤ᠌ ᠰᠡᠷᠡᠮᠵᠢᠶᠢᠨ ᠲᠤᠬᠢᠶᠠ ᠥᠭᠴᠦ᠍᠂ ᠥᠷᠭᠡᠨ ᠤᠯᠠᠨ ᠨᠠᠮᠤᠨ ᠭᠡᠰᠢᠭᠦᠨᠳᠤ ᠰᠠᠬᠢᠯᠭᠠ ᠪᠠᠲᠤ᠌ ᠶᠣᠰᠣ ᠲᠦᠷᠢᠮᠢ ᠴᠠᠭ ᠢᠮᠠᠭᠲᠠ ᠴᠢᠩᠳᠠᠯᠠᠬᠤ ᠬᠡᠷᠡᠭᠲᠡᠢ ᠭᠡᠵᠦ᠍ ᠰᠠᠨᠠᠭᠤᠯᠪᠠ᠃
ᠨᠠᠮᠤᠨ ᠭᠡᠰᠢᠭᠦᠨᠦ 《ᠬᠠᠤᠯᠢᠡᠴᠡ ᠵᠦᠷᠢᠴᠡᠬᠦ᠌》 ᠨᠢ ᠴᠥᠮ 《ᠰᠠᠬᠢᠯᠭᠠ ᠪᠠᠲᠤᠶᠢ ᠵᠦᠷᠢᠴᠡᠬᠦ》 ᠡᠴᠡ ᠡᠬᠢᠯᠡᠳᠡᠭ᠃ ᠨᠠᠮᠤᠨ ᠰᠢᠨᠵᠢ ᠴᠢᠨᠠᠷ᠂ ᠵᠣᠷᠢᠯᠲᠠ ᠨᠢ ᠴᠥᠮ ᠰᠠᠬᠢᠯᠭᠠ ᠪᠠᠲᠤᠶᠢ ᠬᠠᠤᠯᠢ ᠴᠠᠭᠠᠵᠠᠡᠴᠡ ᠴᠢᠩᠭᠠ ᠪᠠᠶ᠋ᠢᠯᠭᠠᠵᠤ᠂ ᠰᠠᠬᠢᠯᠭᠠ ᠪᠠᠲᠤᠨᠢ ᠬᠠᠤᠯᠢ ᠴᠠᠭᠠᠵᠠᠶᠢᠨ ᠡᠮᠦᠨᠡ ᠪᠠᠢᠬᠤᠶᠢ ᠲᠣᠭᠲᠠᠭᠠᠵᠠᠢ᠃
ᠭᠠᠭᠴᠠ ᠬᠦ᠌ ᠰᠠᠬᠢᠯᠭᠠ ᠪᠠᠲᠤᠶᠢ ᠲᠡᠷᠢᠭᠦᠨᠳᠦ ᠲᠠᠯᠪᠢᠪᠠᠯ ᠰᠠᠶᠢ 《ᠰᠠᠬᠢᠯᠭᠠ ᠪᠠᠲᠤᠶᠢ ᠵᠥᠷᠢᠴᠡᠬᠦ᠌ ᠨᠢ ᠪᠠᠭᠠ ᠤᠴᠢᠷ ᠲᠡᠳᠦᠢ᠂ ᠬᠠᠤᠯᠢᠶᠢ ᠵᠥᠷᠢᠴᠡᠪᠡᠯ ᠰᠠᠶᠢ ᠰᠢ᠌ᠳᠬᠡᠯ ᠦᠬᠬᠦ》 ᠬᠡᠪᠦᠨ ᠪᠤᠰᠤ ᠪᠠᠶ᠋ᠢᠳᠠᠯᠢ ᠢᠯᠡᠨ ᠲᠠᠪᠠᠵᠤ᠂ ᠰᠠᠶᠢ ᠦᠷᠭᠦᠯᠵᠢᠯᠡᠨ ᠨᠠᠮᠤᠨ ᠰᠤᠷᠲᠠᠯ ᠵᠠᠰᠠᠭᠤᠨ ᠰᠤᠷᠲᠠᠯᠢ ᠴᠡᠪᠡᠷᠰᠢᠭᠦᠯᠵᠦ᠍᠂ ᠪᠦᠬᠦ᠌ ᠨᠠᠮᠤᠨ ᠦᠵᠡᠯ ᠰᠠᠨᠠᠭᠠᠶᠢ ᠨᠢᠭᠡᠳᠬᠡᠵᠦ᠍᠂ ᠪᠦᠬᠦ᠌ ᠨᠠᠮᠤᠨ ᠬᠦᠴᠦᠨᠢ ᠨᠢᠭᠲᠠᠷᠠᠭᠤᠯᠵᠤ᠂ ᠪᠦᠬᠦ᠌ ᠨᠠᠮᠢ 《ᠪᠤᠯᠤᠳ ᠲᠡᠮᠦᠷ ᠮᠡᠳᠦ ᠪᠠᠲᠤ᠌ ᠪᠡᠬᠢ》 ᠪᠣᠯᠭᠠᠨ ᠪᠦᠯᠬᠦᠮᠳᠡᠭᠦᠯᠬᠦ᠌ᠶᠢ ᠪᠠᠲᠤᠯᠠᠵᠤ ᠴᠢᠳᠠᠨᠠ᠃
ᠨᠠᠮᠤᠨ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠶᠡᠬᠡ ᠬᠤᠷᠠᠯᠡᠴᠡ ᠨᠠᠭᠠᠰᠢ᠂ ᠨᠠᠮᠤᠨ ᠲᠥᠪ ᠬᠣᠷᠢᠶᠠ ᠨᠠᠮᠤᠨ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠦᠷᠭᠦᠯᠵᠢᠯᠡᠨ ᠴᠢᠩᠭᠠ ᠠᠳᠬᠤᠵᠤ ᠴᠢᠩᠭᠠ ᠬᠠᠮᠢᠶᠠᠷᠴᠤ᠌᠂ ᠮᠠᠰᠢ ᠤᠯᠠᠨ ᠺᠠᠳ᠋ᠷ ᠰᠠᠨᠠᠭᠠᠴᠢᠯᠠᠭᠠᠲᠤ᠌ ᠪᠤᠰᠤᠪᠠᠷ ᠬᠢᠵᠠᠭᠠᠷᠯᠠᠯᠢ ᠬᠦᠯᠢᠶᠡᠵᠤ ᠪᠠᠶ᠋ᠢᠭᠰᠠᠨᠡᠴᠡᠪᠠᠨ ᠰᠠᠨᠠᠭᠠᠴᠢᠯᠠᠭᠠᠡᠴᠡᠪᠠᠨ ᠵᠢᠷᠤᠮᠯᠠᠬᠤ᠂ ᠠᠵᠠ ᠬᠠᠷᠠᠵᠤ ᠭᠣᠷᠢᠳᠠᠬᠤ ᠪᠤᠳᠤᠯᠲᠠᠶ ᠪᠠᠶ᠋ᠢᠭᠰᠠᠨᠡᠴᠡᠪᠠᠨ ᠬᠠᠤᠯᠢ ᠴᠠᠭᠠᠵᠠ ᠰᠠᠬᠢᠯᠭᠠ ᠪᠠᠳᠤᠶᠢ ᠪᠢᠰᠢᠷᠡᠨ ᠵᠢᠷᠦᠬᠡᠰᠢᠶᠡᠬᠦ᠌ ᠪᠣᠯᠤᠭᠰᠠᠨ ᠬᠤᠪᠢᠷᠠᠯᠲᠠᠶᠢ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠪᠡᠶᠡᠯᠡᠭᠦᠯᠵᠦ᠍᠂ ᠦᠵᠡᠯ ᠰᠠᠨᠠᠭᠠᠨᠤ ᠪᠠᠷᠢᠮᠵᠢᠶᠠ ᠪᠠᠨ ᠣᠨᠣᠪᠴᠢᠲᠠᠢ ᠪᠤᠯᠭᠠᠵᠤ᠂ ᠦᠢᠯᠡ ᠠᠵᠢᠯᠯᠠᠭᠠᠶᠢᠨ ᠵᠠᠯᠠᠭᠤᠷᠢᠶᠠᠨ ᠲᠤᠬᠢᠷᠠᠭᠤᠯᠵᠤ᠂ ᠰᠤᠷᠲᠠᠯᠤᠨ ᠬᠥᠪᠴᠢᠪᠡᠨ ᠴᠢᠩᠭᠠᠯᠠᠪᠠ᠃
ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩ᠄ 《ᠴᠢᠩᠭᠠ ᠬᠠᠮᠢᠶᠠᠷᠴᠤ᠌ ᠬᠢᠨᠠᠯᠲᠠ ᠲᠠᠯᠪᠢᠬᠤ ᠪᠠ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨ ᠵᠢᠳᠭᠦᠯ ᠴᠢᠷᠮᠠᠢᠯᠭᠠ ᠭᠠᠷᠭᠠᠬᠤᠶᠢ ᠵᠣᠷᠢᠭᠵᠢᠭᠤᠯᠬᠤᠶᠢ ᠨᠢᠭᠡᠳᠬᠡᠵᠦ᠍᠂ ᠺᠠᠳ᠋ᠷᠤᠨ ᠲᠦᠷᠢᠮ ᠲᠣᠭᠲᠠᠭᠠᠯ ᠰᠠᠬᠢᠯᠭᠠ ᠪᠠᠲᠤᠶᠢ ᠵᠢᠷᠤᠮᠯᠠᠬᠤ ᠳᠤᠮᠳᠠ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠦ᠍ ᠰᠢᠨᠡᠶᠢ ᠡᠭᠦᠳᠬᠦ᠌᠂ ᠠᠵᠢᠯ ᠬᠢᠵᠦ᠍ ᠦᠢᠯᠡᠰ ᠪᠤᠰᠬᠠᠬᠤ ᠵᠢ ᠵᠤᠷᠢᠬᠵᠢᠭᠤᠯᠬᠤ ᠬᠡᠷᠡᠭᠲᠡᠢ》 ᠭᠡᠵᠦ ᠴᠢᠬᠤᠯᠠᠴᠢᠯᠠᠪᠠ᠃
ᠣᠳᠣᠬᠠᠨᠳᠤ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ᠂ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡᠵᠢ ᠠᠬᠢᠭᠤᠯᠬᠤ ᠡᠮᠦᠨᠡ ᠹᠷᠣᠨᠲᠲᠤ᠌᠂ ᠨᠢᠭᠡ ᠲᠠᠯᠠᠪᠠᠷ ᠰᠠᠬᠢᠯᠭᠠ ᠪᠠᠲᠤᠶᠢᠨ ᠬᠢᠨᠠᠨ ᠪᠠᠶ᠋ᠢᠴᠠᠭᠠᠯᠲᠠᠶᠢ ᠪᠠᠶ᠋ᠢᠩᠭᠤ ᠥᠷᠨᠢᠭᠦᠯᠵᠦ᠍᠂ ᠲᠦᠷᠦᠯ ᠵᠦᠢᠯ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ᠌᠂ ᠪᠡᠯᠡ ᠮᠥᠩᠭᠥ᠌ ᠵᠢ ᠰᠢᠯᠵᠢᠭᠦᠯᠦᠨ ᠥᠭᠬᠦ᠌ ᠳᠤᠮᠳᠠᠬᠢ ᠢᠳᠡᠬᠦ᠌ ᠲᠦᠪᠡᠭ᠌ᠳᠡᠭᠦᠯᠬᠦ᠌ ᠭᠠᠴᠢᠬᠤ ᠠᠪᠬᠤ᠂ ᠲᠦᠷᠦᠯ ᠰᠠᠳᠤᠨ ᠨᠠᠶ᠋ᠢᠵᠠ ᠨᠥᠬᠥᠳᠢᠶᠡᠨ ᠬᠠᠷᠠᠭᠠᠯᠵᠠᠬᠤ ᠵᠡᠷᠭᠡ ᠠᠵᠢᠯᠯᠠᠭᠠᠶᠢ ᠴᠢᠩᠭᠠ ᠪᠠᠶ᠋ᠢᠴᠠᠭᠠᠵᠤ ᠪᠠᠶ᠋ᠢᠨᠠ； ᠨᠢᠭᠡ ᠲᠠᠯᠠᠪᠠᠷ ᠠᠯᠳᠠᠭᠠ ᠪᠤᠷᠤᠭᠤᠶᠢ ᠠᠭᠤᠴᠢᠯᠠᠨ ᠪᠠᠭᠲᠠᠭᠠᠬᠤ ᠠᠯᠳᠠᠭᠠ ᠪᠤᠷᠤᠭᠤᠶᠢ ᠵᠠᠯᠠᠷᠠᠭᠤᠯᠬᠤ ᠨᠠᠷᠢᠨ ᠲᠠᠩᠰᠠᠶᠢ ᠨᠠᠷᠢᠯᠢᠬᠵᠢᠭᠤᠯᠵᠤ᠂ ᠵᠣᠷᠢᠭᠲᠠᠢ ᠲᠡᠮᠡᠴᠡᠵᠦ ᠵᠣᠷᠢᠭᠲᠠᠢ ᠬᠢᠬᠦ᠌᠂ ᠬᠣᠷᠢᠭᠠ ᠱᠤᠭᠤᠮᠢ ᠴᠢᠩᠭᠠ ᠰᠠᠬᠢᠬᠤ ᠪᠣᠯᠪᠠᠴᠤ᠌ ᠵᠠᠷᠴᠢᠮᠤᠨ ᠴᠢᠨᠠᠷᠲᠠᠢ ᠪᠤᠰᠤ ᠠᠯᠳᠠᠭᠠ ᠭᠠᠷᠭᠠᠭᠰᠠᠨ ᠺᠠᠳ᠋ᠷᠢ ᠲᠦᠷᠢᠮ ᠲᠣᠭᠲᠠᠭᠠᠯ ᠶᠣᠰᠣᠭᠠᠷ ᠬᠠᠷᠢᠭᠤᠴᠠᠯᠭᠠᠡᠴᠡ ᠭᠡᠯᠳᠤᠷᠢᠬᠦᠯᠤᠨ ᠬᠠᠷᠢᠭᠤᠴᠠᠯᠭᠠᠶᠢ ᠨᠢ ᠬᠥᠩᠭᠡᠷᠡᠭᠦᠯᠪᠡ ᠁ ᠨᠢᠭᠡ ᠪᠦᠯᠦᠭ ᠦᠨᠳᠦᠰᠦᠨ ᠱᠠᠲᠤᠨᠤ ᠺᠠᠳ᠋ᠷᠢ ᠬᠦᠰᠭᠡ ᠬᠦᠨᠭᠭᠡᠨᠢᠶᠡᠷ ᠳᠠᠢᠯᠠᠯᠳᠤᠭᠠᠨᠳᠤ ᠤᠷᠤᠯᠴᠠᠭᠤᠯᠵᠤ᠂ ᠰᠠᠬᠢᠯᠭᠠ ᠪᠠᠲᠤ᠌ ᠨᠢ ᠠᠵᠢᠯ ᠬᠢᠬᠦ᠌ᠶᠢ ᠬᠢᠵᠠᠭᠠᠷᠯᠠᠬᠤ 《ᠬᠦᠯᠢᠶᠡᠰᠦ》 ᠪᠢᠰᠢ᠂ ᠬᠠᠷᠢᠨ ᠦᠢᠯᠡᠰ ᠪᠤᠰᠬᠠᠬᠤᠶᠢ ᠬᠠᠮᠠᠭᠠᠯᠠᠬᠤ ᠬᠠᠯᠬᠠᠪᠴᠢ ᠪᠣᠯᠬᠤᠶᠢ ᠠᠮᠢᠳᠤᠯᠢᠭᠢᠶᠠᠷ ᠭᠡᠷᠡᠴᠢᠯᠡᠪᠡ᠃
ᠰᠠᠬᠢᠯᠭᠠ ᠪᠠᠲᠤ᠌ ᠴᠢᠩᠭᠠ ᠪᠣᠯ ᠲᠥᠪ ᠴᠢᠬᠡᠴᠢ ᠪᠠᠶ᠋ᠢᠵᠤ᠂ ᠲᠥᠪ ᠴᠢᠬᠡᠴᠢ ᠪᠣᠯ ᠰᠡᠳᠬᠢᠯ ᠨᠢᠭᠡᠳᠴᠤ᠂ ᠰᠡᠳᠬᠢᠯ ᠨᠢᠭᠡᠲᠡᠢ ᠪᠣᠯ ᠠᠵᠢᠯ ᠶᠠᠪᠤᠳᠠᠯ ᠪᠦᠲᠦᠨᠡ᠃
ᠲᠦᠪ ᠴᠢᠩᠭᠠ ᠰᠠᠬᠢᠯᠭᠠ ᠪᠠᠲᠤᠪᠠᠷ ᠪᠦᠬᠦ᠌ ᠨᠠᠮᠢ ᠬᠠᠮᠢᠶᠠᠷᠴᠤ ᠪᠦᠬᠦ᠌ ᠨᠠᠮᠢ ᠵᠠᠰᠠᠬᠤᠶᠢ ᠪᠠᠷᠢᠮᠲᠠᠯᠠᠪᠠᠯ᠂ ᠥᠷᠭᠡᠨ ᠤᠯᠠᠨ ᠨᠠᠮᠤᠨ ᠭᠡᠰᠢᠭᠦᠨ ᠺᠠᠳ᠋ᠷᠢ ᠨᠡᠩ ᠰᠠᠶ᠋ᠢᠲᠤᠷ ᠬᠦᠳᠦᠯᠦᠨ ᠵᠢᠯᠣᠭᠣᠳᠴᠤ᠌ ᠵᠣᠷᠢᠭᠲᠠᠢᠪᠠᠷ ᠠᠵᠢᠯᠯᠠᠵᠤ᠂ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨ ᠵᠢᠳᠬᠦᠯ ᠴᠢᠷᠮᠠᠶ᠋ᠢᠯᠭᠠ ᠭᠠᠷᠭᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠮᠠᠶᠢᠭᠤᠨ ᠣᠳᠣᠬᠢᠴᠢᠯᠠᠯᠲᠠᠪᠠᠷ ᠬᠦᠴᠦᠷᠬᠡᠭ ᠤᠯᠤᠰᠤᠨ ᠪᠦᠳᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠ᠂ ᠦᠨᠳᠦᠰᠦᠲᠡᠨᠦ ᠰᠡᠷᠭᠦᠨ ᠮᠠᠨᠳᠤᠯᠲᠠᠶᠢᠨ ᠠᠭᠤᠤ ᠦᠢᠯᠡᠰᠢ ᠪᠦᠬᠦ᠌ ᠲᠠᠯᠠᠪᠠᠷ ᠠᠬᠢᠭᠤᠯᠬᠤ ᠰᠢᠨᠡ ᠠᠶᠠᠨᠳᠤ ᠡᠷᠡᠯᠬᠡᠭᠯᠡᠨ ᠲᠡᠮᠡᠴᠡᠵᠦ᠍᠂ ᠭᠠᠪᠢᠶᠠ ᠪᠠᠶ᠋ᠢᠭᠤᠯᠤᠨ ᠦᠢᠯᠡᠰ ᠪᠦᠲᠦᠭᠡᠬᠦ᠌ ᠨᠢ ᠯᠠᠪᠲᠠᠢ᠃
（ᠰᠢᠨᠬᠤᠸᠠ ᠬᠣᠷᠢᠶᠠᠶᠢᠨ ᠪᠡᠭᠡᠵᠢᠩᠦᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ ᠡᠴᠡ）