2026-08-28 11:33:38
ᠤᠳᠤᠬᠢ ᠵᠠᠯᠠᠭᠤᠴᠤᠳ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠵᠤ ᠤᠢᠯᠠᠰ ᠪᠤᠰᠬᠠᠵᠤ᠂ ᠬᠦᠳᠡᠬᠡ ᠨᠤᠳᠤᠭ ᠵᠢᠠᠨ ᠬᠦᠭᠵᠢᠬᠦᠯᠤᠨ ᠮᠠᠨᠳᠤᠭᠤᠯᠬᠤᠳᠤ ᠬᠤᠪᠢ ᠨᠡᠮᠡᠷᠢ ᠪᠡᠨ ᠡᠷᠬᠦᠵᠤ ᠶᠠᠪᠤᠬᠤ ᠨᠢ ᠪᠠᠬᠠᠷᠤᠭᠤᠰᠢᠳᠠᠢ᠃ ᠤᠷᠳᠤᠰ ᠬᠤᠳᠠ ᠵᠢᠨ ᠦᠤᠰᠢᠨ ᠬᠤᠰᠢᠭᠤᠨᠤ ᠭᠠᠯᠠᠭᠤᠲᠤ ᠪᠠᠯᠭᠠᠰᠤ ᠪᠡᠷ ᠰᠤᠷᠪᠤᠯᠵᠢᠯᠠᠨ ᠶᠠᠪᠤᠬᠤ ᠳ᠋ᠤ ᠪᠠᠶᠠᠠᠠᠦ᠋ᠨᠳᠦᠷ ᠭᠠᠴᠠᠭᠠ ᠪᠡᠷ ᠨᠤᠲᠤᠭ ᠲᠠᠢ ᠭᠤᠴᠢ ᠵᠢᠨ ᠪᠠᠷᠠ ᠵᠢ ᠬᠠᠷᠠᠵᠤ ᠶᠠᠪᠤᠭᠠ ᠲᠠᠩᠭᠢᠰ ᠤᠬᠤᠷᠬᠠᠨ ᠬᠡᠳᠦᠨ ᠵᠢᠯᠤᠨ ᠲᠤᠳᠤᠷᠠ ᠠᠩᠭᠢᠰ ᠦᠭᠡᠷ ᠮᠠᠯᠵᠢᠭᠠᠳ ᠲᠤᠮᠤ ᠮᠠᠯᠵᠢᠯᠤᠨ ᠡᠷᠦᠬᠡ ᠪᠤᠯᠵᠤ᠂ ᠺᠤᠮᠫᠠᠨᠢ ᠪᠠᠢᠭᠤᠯᠤᠨ ᠦᠢᠯᠡᠰᠤᠨ ᠦᠨᠳᠦᠷ ᠤᠷᠬᠢᠯ ᠵᠦᠭ ᠴᠢᠷᠮᠠᠢᠨ ᠵᠢᠳᠬᠦᠵᠤ ᠶᠠᠪᠤᠭᠠ ᠵᠢ ᠰᠤᠨᠤᠰᠤᠭᠠᠳ ᠠᠯᠠᠰᠬᠢᠨ ᠪᠠᠶᠠᠷᠯᠠᠵᠤ ᠲᠡᠳᠡᠨᠤ ᠬᠢᠶᠢ ᠴᠢᠭᠯᠡᠵᠤ ᠪᠢᠯᠡ᠃

ᠭᠠᠯᠠᠭᠤᠲᠤ ᠪᠠᠯᠭᠠᠰᠤᠨ ᠡᠴᠡ ᠡᠮᠦᠨᠡᠰᠢ ᠳᠡᠮᠡᠢ ᠬᠤᠯᠠ ᠦᠭᠡᠢ ᠪᠠᠢᠷᠢᠯᠠᠬᠤ ᠲᠡᠳᠡᠨᠤ ᠬᠢᠨᠤ ᠦᠬᠡᠷ ᠮᠠᠯᠤᠨ ᠬᠦᠷᠢᠶᠡ ᠬᠠᠰᠢᠶᠠ ᠬᠡᠵᠤ ᠶᠤᠰᠤᠲᠠᠢ ᠶᠡᠭᠡ ᠪᠦᠭᠡᠳ ᠳᠤᠳᠤᠷᠠ ᠨᠢ ᠪᠦᠯᠥᠭ ᠪᠦᠯᠥᠭ ᠠᠩᠭᠢᠰ ᠦᠭᠡᠷ ᠬᠠᠷᠠᠭᠠ ᠵᠢ ᠬᠤᠵᠢᠷᠯᠠᠨᠠ᠃ ᠲᠠᠩᠭᠢᠰ ᠪᠢᠳᠠᠨ ᠳ᠋ᠤ᠄ 《ᠤᠳᠤ ᠮᠠᠨᠤ ᠳ᠋ᠤ 170 ᠭᠠᠷᠤᠢ ᠠᠨᠭᠭᠢᠰ ᠦᠭᠡᠷ ᠲᠠᠢ᠂ ᠡᠬᠦᠨ ᠳ᠋ᠤ ᠲᠤᠭᠤᠯᠯᠠᠬᠤ ᠦᠨᠢᠶᠡ ᠨᠢ 140 ᠭᠠᠷᠤᠢ ᠳ᠋ᠤ ᠬᠦᠷᠴᠤ᠂ ᠡᠨᠡ ᠵᠢᠯ 140 ᠲᠤᠭᠤᠯ ᠲᠤᠰᠬᠤ ᠳ᠋ᠤ ᠠᠰᠠᠭᠤᠳᠠᠯ ᠦᠭᠡᠢ᠂ ᠲᠤᠭᠤᠯ ᠵᠢᠡᠨ ᠭᠤᠷᠪᠡᠨ ᠰᠠᠷᠠ ᠪᠤᠯᠭᠠᠭᠠᠳ ᠬᠤᠳᠠᠯᠳᠤᠬᠤ ᠳ᠋ᠤ ᠲᠤᠭᠤᠯ ᠪᠦᠷᠢ ᠵᠢᠨ ᠦᠷᠲᠡᠭ ᠨᠢ 11000 ᠡᠴᠡ 12000 ᠲᠦᠬᠦᠷᠢᠭᠤᠨ ᠬᠤᠭᠤᠷᠤᠨᠳᠤ ᠪᠠᠢᠳᠠᠭ》 ᠬᠡᠮᠡᠨ ᠤᠴᠢᠷᠯᠠᠯᠠ᠃ ᠡᠬᠦᠨ ᠡᠴᠡ ᠦᠵᠡᠬᠦ ᠳ᠋ᠤ ᠲᠡᠷᠡ ᠨᠢᠬᠡᠨᠲᠡ ᠡᠨᠡ ᠬᠦ᠌ ᠮᠠᠯᠵᠢᠬᠤ ᠠᠷᠭᠠ ᠵᠢᠨ ᠡᠪ ᠳ᠋ᠦᠢ᠂ ᠵᠠᠬᠠ ᠳᠡᠯᠬᠡᠬᠦᠷᠤᠨ ᠦᠨᠡ ᠬᠠᠨᠭᠰᠢ ᠡᠴᠡ ᠡᠬᠢᠯᠡᠭᠡᠳ ᠪᠤᠷᠤᠯᠠᠭᠤᠯᠬᠤ ᠠᠷᠭᠠ ᠵᠠᠮ ᠵᠢᠡᠨ ᠬᠡᠳᠦᠢᠨᠠᠢ ᠤᠯᠴᠢᠬᠠᠭᠰᠠᠨ ᠠᠵᠢ᠃ ᠬᠠᠷᠢᠨ ᠲᠡᠭᠦᠨᠤ ᠶᠠᠪᠤᠵᠤ ᠢᠷᠡᠭᠰᠡᠨ ᠵᠠᠮ ᠮᠦᠷᠢ ᠰᠤᠨᠤᠰᠤᠨ ᠰᠠᠭᠤᠬᠤ ᠳ᠋ᠤ ᠲᠡᠷᠡᠴᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠪᠡᠨ ᠲᠡᠭᠦᠰᠦᠭᠰᠡᠨᠤ ᠲᠠᠷᠠᠭᠠ ᠬᠡᠳᠦᠨ ᠵᠢᠯᠤᠨ ᠬᠤᠭᠤᠷᠤᠨᠲᠤ ᠡᠨᠡ ᠲᠡᠷᠡ ᠰᠢᠯᠭᠠᠯᠲᠠ ᠪᠤᠶᠤ ᠡᠯᠠ ᠪᠠᠢᠭᠤᠯᠭᠠ ᠺᠤᠮᠫᠠᠨᠢ ᠪᠡᠷ ᠠᠵᠢᠯ ᠡᠷᠢᠵᠤ ᠬᠠᠳᠠᠭᠠᠰᠤ ᠮᠦᠷᠭᠦᠭᠰᠡᠨ ᠲᠡᠤᠬᠡ ᠲᠠᠢ ᠪᠠᠢᠯᠠ᠃
《ᠪᠢ 2016 ᠤᠨ ᠳ᠋ᠤ ᠦᠪᠦᠷ ᠮᠤᠨᠭᠭᠤᠯᠤᠨ ᠪᠠᠭᠰᠢ ᠵᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠡᠴᠡ ᠤᠷᠠᠨ ᠵᠢᠷᠤᠭᠤᠨ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠵᠢᠡᠷ ᠲᠡᠭᠦᠰᠴᠤ᠂ 2019 ᠤᠨ ᠬᠦᠷᠲᠡᠯᠡᠬᠢ ᠭᠤᠷᠪᠡᠨ ᠵᠢᠯᠤᠨ ᠬᠤᠭᠤᠴᠠᠭᠠᠨ ᠳ᠋ᠤ ᠡᠯᠡ ᠵᠦᠢᠯᠤᠨ ᠠᠯᠪᠠᠲᠠᠨᠤ ᠰᠢᠯᠭᠠᠯᠲᠠ ᠳ᠋ᠤ ᠤᠷᠤᠯᠴᠠᠭᠰᠠᠨ᠂ ᠬᠠᠶᠠ ᠳ᠋ᠠᠭᠠᠨ ᠪᠢᠷᠤᠨ ᠰᠢᠯᠭᠠᠯᠲᠠ ᠳ᠋ᠤ ᠬᠢᠷᠢ ᠲᠡᠨᠭᠴᠡᠭᠡᠳ ᠨᠢᠭᠤᠷᠳᠠᠨ ᠰᠢᠯᠭᠠᠯᠲᠠ ᠳ᠋ᠤ ᠬᠦᠷᠦᠭᠰᠡᠡ ᠪᠤᠯᠪᠠᠴᠤ ᠠᠯᠢᠨ ᠳ᠋ᠤᠨᠢ ᠴᠤ᠌ ᠬᠡᠳᠦᠬᠡᠨ ᠬᠤᠪᠢ ᠲᠤᠳᠠᠭᠠᠳ ᠤᠷᠤᠵᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠠᠷᠭᠠ ᠪᠤᠰᠤ ᠬᠤᠪᠢ ᠵᠢᠨ ᠺᠤᠮᠫᠠᠨᠢ ᠳ᠋ᠤ ᠪᠠᠰᠠ ᠠᠵᠢᠯᠯᠠᠵᠤ ᠦᠵᠡᠯᠡ᠂ ᠬᠡᠪᠡᠴᠤ ᠲᠤᠰᠬᠠᠢ ᠮᠡᠷᠬᠡᠵᠢᠯ ᠲᠤᠬᠢᠷᠠᠬᠤ ᠦᠭᠡᠢ ᠪᠤᠯᠬᠤᠷ ᠤᠳᠠᠭᠠᠨ ᠠᠵᠢᠯᠯᠠᠵᠤ ᠳᠡᠢᠯᠦᠭᠡ ᠦᠭᠡᠢ᠃ ᠢᠨᠭᠭᠢᠭᠡᠳ 2019 ᠤᠨ ᠳ᠋ᠤ ᠬᠦᠳᠡᠭᠡ ᠳ᠋ᠡᠬᠡᠨ ᠬᠠᠷᠢᠵᠤ ᠮᠠᠯ ᠵᠢᠡᠨ ᠮᠠᠯᠵᠢᠶᠠ ᠬᠡᠬᠦ ᠪᠤᠳᠤᠯ ᠵᠢᠡᠷ ᠨᠤᠲᠤᠭ ᠲᠠᠭᠠᠨ ᠢᠷᠡᠭᠰᠡᠨ》 ᠬᠡᠵᠤ ᠲᠠᠩᠭᠢᠰ ᠶᠡᠭᠡ ᠰᠤᠷᠭᠠᠭᠤᠯᠢ ᠲᠡᠭᠦᠰᠦᠭᠰᠡᠨᠤ ᠲᠠᠷᠠᠭᠠᠬᠢ ᠠᠵᠢᠯ ᠠᠮᠢᠳᠤᠷᠠᠯᠤᠨ ᠪᠠᠢᠳᠠᠯ ᠵᠢᠡᠨ ᠲᠦᠬᠦᠮ ᠲᠠᠨᠢᠯᠴᠠᠭᠤᠯᠤᠯᠠ᠃


ᠢᠨᠭᠭᠢᠬᠦ ᠳ᠋ᠤ ᠲᠡᠭᠦᠨᠤ ᠨᠢᠳᠤᠨ ᠡᠮᠦᠨᠠ ᠭᠤᠷᠪᠡᠨ ᠵᠤᠢᠯᠤᠨ ᠪᠤᠳᠠᠳᠤ ᠪᠠᠢᠳᠠᠯ ᠪᠠ ᠦᠵᠡᠯ ᠪᠤᠳᠤᠯ ᠲᠤᠯᠭᠠ ᠵᠢᠨ ᠭᠤᠷᠪᠡᠨ ᠴᠢᠯᠠᠭᠤ ᠮᠡᠲᠤ ᠲᠦᠰᠢᠵᠤ ᠳᠤᠯᠤᠭᠰᠡᠨ ᠶᠤᠮ᠃ ᠶᠠᠭᠤᠨᠤ ᠲᠦᠷᠦᠬᠦᠨ ᠳ᠋ᠤ ᠲᠡᠷᠡ ᠪᠡᠷ ᠬᠠᠷᠠ ᠪᠠᠭᠠ ᠡᠴᠡ ᠪᠡᠨ ᠮᠠᠯ ᠬᠤᠢ ᠲᠠᠢ ᠡᠬᠡᠨᠡᠭᠰᠢᠵᠤ ᠦᠰᠦᠭᠰᠡᠨ ᠪᠤᠯᠬᠤᠷ ᠤᠯᠠᠮᠵᠢᠯᠠᠯᠲᠤ ᠮᠠᠯ ᠠᠵᠤ ᠠᠬᠤᠢ ᠵᠢᠨ ᠲᠠᠯᠠ ᠪᠡᠷ ᠰᠠᠭᠤᠷᠢ ᠲᠠᠢ ᠪᠦᠭᠡᠳ ᠮᠠᠯᠳᠠᠭᠠᠨ ᠬᠠᠢᠷᠠᠲᠠᠢ᠂ ᠲᠠᠷᠠᠭᠠ ᠨᠢ ᠠᠪᠤ ᠡᠵᠢ ᠨᠢ ᠨᠠᠰᠤ ᠠᠬᠠᠰᠢᠷᠠᠭᠠᠳ ᠵᠢᠯ ᠡᠴᠡ ᠵᠢᠯ ᠬᠦᠴᠦ ᠲᠠᠮᠢᠷ ᠨᠢ ᠪᠠᠭᠤᠷᠠᠵᠤ ᠪᠠᠢᠭᠠᠶᠢ ᠬᠠᠷᠠᠭᠠᠳ ᠢᠮᠠᠭᠲᠠ ᠲᠡᠳᠡᠨᠤ ᠲᠡᠷᠭᠡᠳᠡ ᠮᠠᠯ ᠮᠠᠯᠵᠢᠬᠤ ᠬᠦᠰᠡᠯ ᠬᠦᠪᠦᠷᠡᠭᠰᠡᠨ᠂ ᠭᠤᠷᠪᠠ ᠳ᠋ᠤ ᠲᠡᠷᠡ ᠪᠡᠷ ᠨᠤᠲᠤᠭ ᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠪᠤᠰᠬᠠᠬᠤ ᠲᠠᠯᠠ ᠪᠡᠷ ᠬᠡᠷ ᠪᠦᠯᠢ ᠵᠢᠨ ᠬᠦᠮᠦᠰ ᠲᠠᠢ ᠪᠡᠨ ᠵᠦᠪᠳᠡᠯᠴᠡᠬᠦ ᠳ᠋ᠤ ᠠᠯᠢ ᠨᠢᠴᠤ ᠲᠡᠭᠦᠨᠢ ᠠᠵᠤ ᠠᠬᠤᠢ ᠪᠠ ᠤᠶᠤᠨ ᠰᠠᠨᠠᠭᠠᠨᠤ ᠲᠠᠯᠠ ᠪᠡᠷ ᠮᠠᠰᠢ ᠶᠡᠭᠡ ᠳᠡᠮᠵᠢᠯᠬᠡ ᠦᠵᠡᠬᠦᠯᠦᠭᠰᠡᠡ ᠡᠴᠨ ᠨᠡᠡᠭ ᠵᠤᠷᠢᠭᠲᠠᠢ ᠪᠤᠯᠵᠠᠢ᠃ ᠲᠡᠭᠡᠭᠡᠳ ᠯᠠ ᠲᠠᠩᠭᠢᠰ 2019 ᠤᠨ ᠳ᠋ᠤ ᠵᠠᠰᠠᠭᠤᠨ ᠤᠷᠳᠤᠨᠤ ᠨᠦᠬᠦᠪᠦᠷᠢ᠂ ᠠᠪᠤ ᠡᠵᠢ ᠪᠤᠯᠤᠨ ᠬᠠᠳᠠᠮ ᠠᠪᠤ ᠡᠵᠢ ᠵᠢᠨ ᠨᠦᠬᠡᠴᠡᠯᠡᠭᠰᠡᠨ ᠬᠦᠷᠦᠨᠭᠬᠡ ᠲᠡᠭᠡᠷᠡ ᠪᠠᠩᠭᠢ ᠡᠴᠡ ᠵᠢᠬᠡᠯᠡᠯᠬᠡ ᠠᠪᠴᠤ ᠨᠡᠢᠲᠡ 120 ᠭᠠᠷᠤᠢ ᠲᠦᠮᠡᠨ ᠲᠦᠬᠦᠷᠢᠭ ᠴᠤᠭᠯᠠᠭᠤᠯᠤᠨ 《ᠦᠤᠰᠢᠨ ᠬᠤᠰᠢᠭᠤᠨᠤ ᠦᠬᠡᠳᠡᠯᠡᠬᠦ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠬᠢᠵᠠᠭᠠᠷᠲᠤ ᠬᠠᠷᠢᠭᠤᠴᠠᠯᠭᠠᠲᠤ ᠺᠤᠮᠫᠠᠨᠢ》 ᠶ᠋ᠢ ᠪᠠᠢᠭᠤᠯᠤᠨ 30 ᠠᠩᠭᠢᠰ ᠦᠬᠡᠷ ᠠᠪᠴᠤ ᠲᠡᠵᠢᠬᠡᠵᠡᠢ᠃
《ᠲᠦᠮᠡᠨ ᠠᠵᠢᠯᠤᠨ ᠲᠦᠷᠦᠬᠦᠦ ᠠᠯᠬᠤᠮ ᠬᠦᠴᠢᠷ》ᠭᠡᠳᠡᠭ᠃ ᠲᠠᠩᠭᠢᠰᠴᠤ ᠡᠬᠢᠯᠡᠵᠤ ᠺᠤᠮᠫᠠᠨᠢ ᠪᠡᠨ ᠪᠠᠢᠭᠤᠯᠤᠭᠠᠳ ᠠᠩᠭᠢᠰ ᠦᠬᠡᠷ ᠲᠤ᠌ ᠲᠡᠵᠢᠬᠡᠯ ᠪᠤᠷᠳᠤᠭᠠ ᠰᠤᠨᠭᠭᠤᠬᠤ᠂ ᠬᠢᠵᠢᠭ ᠡᠴᠡ ᠰᠡᠷᠬᠡᠢᠯᠡᠨ ᠡᠮ ᠲᠠᠷᠢᠯᠭᠠ ᠬᠢᠬᠦ᠂ ᠬᠠᠰᠢᠶᠠᠯᠠᠨ ᠮᠠᠯᠵᠢᠬᠤ ᠬᠦᠷᠲᠡᠯᠡ ᠠᠯᠢ ᠠᠯᠢ ᠲᠠᠯᠠ ᠪᠡᠷ ᠲᠤᠷᠰᠢᠯᠭᠠ ᠦᠭᠡᠢ ᠡᠴᠡ ᠪᠤᠯᠵᠤ ᠡᠬᠢᠨᠤ ᠬᠡᠳᠦᠨ ᠵᠢᠯ ᠳ᠋ᠤ ᠵᠢᠯ ᠪᠦᠷᠢ ᠬᠤᠶᠠᠷ ᠭᠤᠷᠪᠡᠨ ᠦᠬᠡᠷ ᠵᠢᠡᠨ ᠦᠬᠦᠬᠦᠯᠴᠢᠬᠡᠳᠡᠭ ᠪᠠᠢᠯᠠ᠃ ᠬᠠᠷᠢᠨᠴᠤ ᠡᠪᠦᠭᠡᠳᠤᠨ ᠦᠬᠡᠨ ᠳ᠋ᠤ《ᠲᠤᠯᠵᠤ ᠢᠷᠡᠭᠰᠡᠨ ᠶᠠᠪᠤᠳᠠᠯᠢ ᠲᠤᠭᠤᠯᠵᠤ ᠭᠠᠷᠬᠤ ᠡᠴᠡ ᠪᠢᠰᠢ ᠲᠤᠭᠤᠷᠢᠵᠤ ᠭᠠᠷᠬᠤ ᠦᠭᠡᠢ》ᠬᠡᠳᠡᠭᠤᠨ ᠵᠢᠮᠡ ᠪᠡᠷ ᠲᠡᠷᠡ ᠮᠠᠨᠢ ᠡᠨᠡ ᠪᠦᠬᠦᠨ ᠳ᠋ᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠠᠷᠭᠠ ᠪᠠ ᠤᠯᠠᠮᠵᠢᠯᠠᠯᠲᠤ ᠠᠷᠭᠠᠶᠢ ᠤᠶᠠᠯᠳᠤᠭᠤᠯᠤᠨ ᠮᠡᠷᠬᠡᠵᠢᠯᠲᠡᠨ ᠤᠷᠢᠬᠤ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠡᠴᠡ ᠵᠦᠪᠯᠡᠯᠬᠡ ᠠᠪᠬᠤ ᠪᠠ ᠵᠠᠷᠢᠮ ᠵᠦᠢᠯ ᠳ᠋ᠤᠨᠢ ᠰᠢᠨᠡᠴᠢᠯᠡᠯᠲᠡ ᠬᠢᠭᠰᠡᠨ ᠡᠴᠡ 2022 ᠤᠨ ᠪᠤᠯᠬᠤ ᠳ᠋ᠤ ᠬᠤᠬᠢᠷᠠᠯ ᠭᠠᠷᠬᠤ ᠡᠴᠡ ᠵᠠᠢᠯᠠᠰᠬᠢᠵᠤ ᠴᠢᠳᠠᠵᠠᠢ᠃

ᠲᠠᠩᠭᠢᠰᠤᠨ ᠬᠢ 2000 ᠮᠦ᠍ ᠨᠤᠲᠤᠭ ᠪᠡᠯᠴᠢᠬᠡᠷ ᠲᠡᠭᠡᠷᠡ ᠪᠡᠨ 160 ᠮᠦ᠍ ᠵᠢᠨ ᠲᠠᠷᠢᠶᠠᠨ ᠭᠠᠵᠡᠷ ᠲᠠᠢ ᠪᠤᠯᠬᠤᠷ ᠦᠬᠡᠷᠤᠨ ᠲᠡᠵᠢᠬᠡᠯ ᠪᠤᠷᠳᠤᠭᠠᠨᠤ ᠲᠠᠯᠠ ᠵᠢᠴᠢ ᠪᠡᠯᠴᠢᠬᠡᠷᠯᠡᠬᠦ ᠳ᠋ᠤ ᠮᠠᠰᠢ ᠶᠡᠭᠡ ᠲᠤᠰᠠ ᠪᠤᠯᠵᠠᠢ᠃ ᠨᠡᠡᠭᠴᠤ ᠠᠩᠭᠢᠰ ᠦᠭᠡᠷᠤᠨ ᠵᠠᠷᠢᠮ ᠲᠠᠪᠠᠭᠤᠯᠢᠭ ᠨᠦᠬᠦᠴᠡᠯ ᠨᠢ ᠲᠡᠭᠦᠨᠢ ᠤᠯᠠᠮ ᠵᠤᠷᠢᠭᠲᠠᠢ ᠪᠤᠯᠭᠠᠵᠠᠢ᠃ 《160 ᠮᠦ᠍ ᠵᠢᠨ ᠲᠠᠷᠢᠶᠠᠨ ᠭᠠᠵᠠᠷ ᠳᠡᠬᠢ ᠡᠷᠳᠡᠨᠢ ᠰᠢᠰᠢ ᠪᠠᠨ ᠨᠤᠭᠤᠭᠠᠨ ᠪᠤᠷᠳᠤᠭᠠ ᠪᠤᠯᠭᠠᠭᠠᠳ ᠲᠠᠷᠤᠴᠢᠬᠠᠪᠠᠯ ᠮᠢᠨᠤ ᠦᠬᠡᠷᠤᠨ ᠲᠡᠵᠢᠬᠡᠯ ᠪᠤᠷᠳᠤᠭᠠᠨᠤ ᠠᠰᠠᠭᠤᠳᠠᠯ ᠬᠠᠭᠠᠰ ᠵᠢᠡᠷ ᠰᠢᠢᠳᠪᠦᠷᠢᠯᠡᠭᠳᠡᠨᠡ᠂ ᠲᠡᠭᠡᠷᠡ ᠡᠴᠡ ᠪᠡᠨ ᠠᠩᠭᠢᠰ ᠦᠭᠡᠷ ᠡᠪᠡᠰᠦ ᠪᠤᠷᠳᠤᠭᠠ ᠭᠤᠯᠤᠨᠠ ᠬᠡᠵᠤ ᠪᠠᠢᠬᠤ ᠦᠭᠡᠢ᠂ ᠦᠭᠭᠦᠭᠰᠡᠨ ᠵᠦᠢᠯᠢ ᠨᠢ ᠴᠡᠪ ᠴᠡᠪᠡᠷᠬᠡᠨ ᠢᠳᠡᠴᠢᠬᠡᠳᠡᠭ ᠪᠤᠯᠬᠤᠷ ᠬᠠᠰᠢᠶᠠ ᠬᠤᠷᠤᠭᠠ ᠪᠡᠨ ᠴᠡᠪᠡᠷᠯᠡᠬᠦ ᠡᠴᠡ ᠡᠪᠡᠰᠤ ᠪᠤᠷᠳᠤᠭᠠ ᠪᠦᠷᠢᠯᠬᠡᠬᠦ ᠪᠤᠯᠳᠠᠯᠠ ᠴᠦᠮ ᠤᠴᠢᠷᠦᠭᠡᠢ ᠪᠤᠯᠴᠢᠬᠠᠬᠰᠠᠠ᠂ ᠲᠡᠬᠡᠷᠠ ᠨᠢ ᠲᠤᠭᠤᠯ ᠵᠢᠡᠨ ᠬᠤᠳᠠᠯᠳᠤᠬᠤ ᠭᠠᠵᠠᠷ ᠲᠠᠢ᠂ ᠠᠨᠭᠬᠠ ᠡᠬᠢᠯᠡᠨᠭᠭᠦᠳᠡ〈ᠤᠷᠳᠤᠰ ᠬᠤᠲᠠ ᠵᠢᠨ ᠽᠤᠤ ᠵᠢᠨ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ〉 ᠲᠠᠢ ᠬᠡᠷᠡ ᠲᠤᠭᠲᠠᠨ᠂ ᠲᠤᠭᠤᠯ ᠵᠢᠡᠨ 200 ᠺᠢᠯᠤᠭ᠌ᠷᠠᠮ ᠬᠦᠷᠬᠡᠯᠡ ᠬᠡᠭᠰᠡᠭᠡᠷ ᠲᠡᠳᠡᠨ ᠳ᠋ᠤ ᠬᠤᠳᠠᠯᠳᠤᠭᠠᠳ ᠦᠭᠴᠢᠬᠡᠳᠡᠭ᠂ ᠢᠨᠭᠭᠢᠬᠦᠯᠡᠷ ᠪᠤᠷᠤᠯᠠᠭᠤᠯᠭᠠ ᠵᠢᠨ ᠲᠠᠯᠠ ᠪᠡᠷ ᠰᠠᠨᠠᠭᠠ ᠵᠤᠪᠠᠬᠤ ᠤᠴᠢᠷ ᠦᠭᠡᠢ》 ᠬᠡᠵᠤ ᠲᠠᠩᠬᠢᠰ ᠶᠠᠷᠢᠨᠠ᠃
ᠲᠡᠭᠡᠪᠡᠯ ᠡᠮᠦᠨᠡ ᠬᠡᠳᠦᠨ ᠵᠢᠯᠤᠨ ᠦᠬᠡᠷᠤᠨ ᠦᠨᠡ ᠵᠢᠨ ᠬᠡᠯᠪᠡᠯᠵᠡᠯᠲᠡ ᠳ᠋ᠤ ᠲᠠᠩᠭᠢᠰᠤᠨ ᠡᠨᠡ ᠦᠢᠯᠡᠰ ᠴᠤᠬᠤᠮ ᠨᠦᠯᠥᠬᠡᠯᠡᠭᠳᠡᠪᠡ ᠤᠤ? ᠡᠨᠡ ᠠᠰᠠᠭᠤᠯᠲᠠ ᠳ᠋ᠤ ᠲᠡᠷᠡ᠄ 《ᠳᠡᠮᠡᠢ ᠨᠦᠯᠥᠬᠡᠯᠡᠭᠳᠡᠭᠡ ᠦᠭᠡᠢ᠂ ᠤᠴᠢᠷ ᠨᠢ ᠪᠢ ᠰᠠᠶᠢ ᠵᠢᠨ ᠬᠡᠯᠡᠭᠰᠡᠨ ᠺᠤᠮᠫᠠᠨᠢ ᠲᠠᠢ ᠬᠡᠷᠡ ᠲᠠᠢ ᠪᠦᠭᠡᠳ ᠬᠠᠨᠭᠵᠸᠤ ᠵᠢᠨ ᠪᠠᠰᠠ ᠨᠢᠬᠡ ᠲᠡᠵᠢᠬᠡᠨ ᠦᠷᠡᠵᠢᠬᠦᠯᠬᠦ ᠺᠤᠮᠫᠠᠨᠢ ᠲᠠᠢ ᠬᠡᠯᠡᠯᠴᠡᠭᠡᠷ ᠬᠢᠴᠢᠬᠡᠭᠰᠡᠨ ᠪᠤᠯᠬᠤᠷ ᠲᠤᠭᠤᠯ ᠮᠠᠨᠢ ᠲᠡᠳᠡᠨᠤ ᠪᠠᠷᠢᠮᠵᠢᠶᠠᠨ ᠳ᠋ᠤ ᠬᠦᠷᠬᠦ ᠲᠠᠢ ᠵᠡᠷᠭᠡ ᠲᠡᠳᠡᠨ ᠳ᠋ᠤ ᠬᠤᠳᠠᠯᠳᠤᠭᠠᠳ ᠦᠭᠴᠢᠬᠡᠳᠡᠭ᠂ ᠬᠡᠯᠡᠯᠬᠡᠨ ᠦᠭᠡᠢ ᠪᠠᠰᠠ ᠪᠠᠭᠠ ᠰᠠᠭᠠ ᠦᠨᠡ ᠵᠢᠨ ᠵᠤᠷᠢᠶᠠ ᠭᠠᠷᠤᠨᠠ᠂ ᠬᠡᠳᠦᠨ ᠵᠠᠭᠤ ᠵᠢᠨ ᠲᠤᠳᠤᠷᠠ ᠬᠡᠯᠪᠡᠯᠵᠡᠬᠦ ᠪᠤᠯ ᠡᠡᠭᠤᠨ ᠶᠠᠪᠤᠳᠠᠯ》 ᠬᠡᠵᠤ ᠪᠠᠢᠯᠠ᠃
ᠦᠭᠡᠷ ᠵᠢᠡᠨ ᠪᠡᠯᠴᠢᠬᠡᠷᠯᠡᠬᠦᠯᠥᠨ ᠮᠠᠯᠵᠢᠬᠤ ᠡᠴᠡ ᠬᠠᠰᠢᠶᠠᠯᠠᠨ ᠮᠠᠯᠵᠢᠬᠤ ᠬᠦᠷᠲᠡᠯᠡ᠂ ᠲᠤᠭᠠ ᠲᠤᠯᠤᠭᠠᠢ ᠵᠢᠨ ᠲᠠᠯᠠ ᠪᠡᠷ ᠪᠠᠭᠠ ᠬᠡᠮᠵᠢᠶᠡᠨ ᠡᠴᠡ ᠲᠤᠮᠳᠠ ᠬᠡᠮᠵᠢᠶᠡ ᠬᠦᠷᠲᠡᠯᠡ᠂ ᠲᠡᠵᠢᠬᠡᠯ ᠪᠤᠷᠳᠤᠭᠠᠨᠤ ᠲᠠᠯᠠ ᠪᠡᠷ ᠶᠠᠮᠠᠷᠴᠤ ᠲᠦᠷᠦᠯ ᠵᠦᠢᠯ ᠪᠠᠢᠭᠰᠠᠨ ᠦᠬᠡᠢ ᠡᠴᠡ ᠪᠡᠨ ᠲᠤᠭᠲᠠᠮᠠᠯ ᠬᠡᠳᠦᠨ ᠲᠦᠷᠤᠯ ᠵᠦᠢᠯ ᠲᠠᠢ ᠪᠤᠯᠤᠭᠰᠠᠠ ᠬᠦᠷᠲᠡᠯᠡ᠂ ᠡᠮᠨᠡᠯᠬᠡ ᠰᠡᠷᠬᠡᠢᠯᠡᠬᠡ ᠵᠢᠨ ᠲᠠᠯᠠ ᠪᠡᠷ ᠦᠪᠡᠷ ᠲᠡᠭᠡᠨ ᠡᠮᠴᠢᠯᠡᠵᠤ ᠪᠠᠢᠭᠰᠠᠨ ᠡᠴᠡ ᠪᠡᠨ ᠬᠤᠰᠢᠭᠤᠨᠤ ᠮᠠᠯ ᠡᠮᠨᠡᠯᠬᠡ ᠵᠢᠨ ᠬᠢᠵᠢᠭᠢ ᠰᠡᠷᠬᠡᠢᠯᠡᠬᠦ ᠲᠦᠪᠤᠨ ᠬᠢᠨ ᠲᠤᠭᠲᠠᠮᠠᠯ ᠬᠤᠭᠤᠴᠠᠭᠠ ᠲᠠᠢ ᠪᠡᠷ ᠢᠷᠡᠵᠤ ᠡᠮᠴᠢᠯᠡᠳᠡᠭ ᠬᠦᠷᠲᠡᠯᠡ ᠲᠠᠩᠭᠢᠰ ᠮᠠᠨᠢ ᠮᠠᠯᠵᠢᠬᠤ ᠠᠷᠭᠠ ᠬᠡᠯᠪᠡᠷᠢ ᠡᠴᠡ ᠡᠬᠢᠯᠡᠬᠡᠳ ᠡᠬᠦᠯᠳᠡᠷ ᠰᠤᠯᠢᠬᠤ ᠬᠦᠷᠲᠡᠯᠡ ᠮᠠᠰᠢ ᠤᠯᠠᠨ ᠤᠳᠠᠭᠠ 《ᠬᠠᠯᠠ ᠦᠵᠡᠵᠤ ᠬᠠᠯᠠᠭᠤᠨ ᠴᠢᠯᠠᠭᠤ ᠲᠤᠯᠢᠶᠠᠵᠤ》 ᠶᠠᠪᠤᠵᠠᠢ᠃ ᠡᠨᠡ ᠪᠦᠬᠦᠨᠢ ᠲᠤᠭᠤᠯᠤᠭᠠᠳ ᠭᠠᠷᠬᠤ ᠳ᠋ᠤ ᠰᠠᠷᠠᠭᠤᠯ ᠵᠠᠮ ᠨᠢ ᠲᠤᠷᠠᠢᠵᠤ᠂ᠪᠦᠬᠦ ᠵᠤᠢᠯ ᠰᠠᠢᠬᠠᠨ ᠪᠤᠯᠤᠨᠠ ᠬᠡᠳᠡᠭ ᠢ᠋ ᠲᠠᠨᠭᠭᠢᠰᠤᠨ ᠦᠬᠡ ᠶᠠᠷᠢᠶᠠ᠂ ᠭᠠᠳᠠᠷ ᠪᠠᠢᠳᠠᠯ ᠡᠴᠨ ᠨᠢ ᠠᠷᠭᠠ ᠦᠬᠡᠢ ᠮᠡᠳᠡᠭᠳᠡᠨᠠ᠃
《ᠵᠠᠯᠠᠭᠤ ᠬᠥᠮᠥᠨᠤ ᠵᠠᠮᠤᠨ ᠬᠦᠵᠦᠭᠦᠦ ᠤᠷᠲᠤ᠂ ᠰᠠᠨᠠᠭᠠ ᠭᠦᠷᠦᠭᠰᠡᠨ ᠭᠠᠵᠠᠷ ᠵᠠᠶᠠᠭᠠ ᠭᠦᠷᠦᠨᠡ ᠭᠡᠳᠡᠭ᠂ ᠪᠢ ᠬᠥᠳᠡᠭᠡ ᠨᠤᠲᠤᠭ ᠵᠢᠡᠨ ᠵᠣᠷᠢᠵᠤ᠂ ᠠᠵᠢᠯ ᠠᠮᠢᠳᠤᠷᠠᠯ ᠵᠢᠡᠨ ᠪᠣᠰᠬᠠᠭᠰᠠᠨ ᠰᠣᠩᠭᠣᠯᠲᠠ ᠮᠢᠨᠢ ᠵᠥᠪ ᠪᠣᠯᠣᠨᠠ ᠭᠡᠳᠡᠭᠲᠦ ᠪᠢ ᠪᠠᠲᠤ ᠢᠲᠡᠭᠡᠵᠦ ᠪᠠᠢᠨᠠ》ᠬᠡᠮᠡᠨ ᠲᠠᠩᠭᠢᠰ ᠤᠮᠤᠭ ᠲᠡᠬᠦᠯᠳᠡᠷ ᠶᠠᠷᠢᠪᠡ᠃
ᠠᠮᠢᠳᠤᠷᠠᠯ ᠭᠡᠭᠴᠢ ᠴᠢᠷᠮᠠᠢᠯᠭᠠ ᠲᠠᠢ ᠬᠥᠮᠥᠨᠳᠦ ᠠᠵᠠ ᠵᠢᠷᠭᠠᠯ ᠣᠯᠭᠣᠳᠠᠭ᠂ ᠬᠠᠯᠠᠭᠤᠨ ᠰᠡᠳᠬᠢᠯ ᠲᠠᠢ ᠬᠥᠮᠥᠨᠳᠦ ᠠᠵᠠ ᠪᠤᠶᠠᠨ ᠣᠯᠭᠣᠳᠠᠭ᠃ ᠬᠦᠳᠡᠬᠡ ᠨᠤᠳᠤᠭ ᠲᠠᠭᠠᠨ ᠤᠢᠯᠠᠰ ᠪᠤᠰᠬᠠᠬᠤ ᠪᠡᠷ ᠢᠷᠡᠭᠰᠡᠡ ᠲᠠᠩᠬᠢᠰ ᠠᠵᠠ ᠪᠤᠶᠠᠨ᠂ ᠰᠢᠷᠭᠠᠭᠤ ᠴᠢᠷᠮᠠᠢᠯᠭᠠ ᠳ᠋ᠠᠭᠠᠨ ᠲᠦᠰᠢᠭᠯᠡᠨ ᠪᠠᠶᠠᠵᠢᠯᠤᠨ ᠬᠤᠰᠢᠭᠤᠴᠢ ᠪᠤᠯᠵᠤ᠂ ᠤᠯᠠᠨᠤ ᠳᠤᠮᠳᠠ ᠤᠳᠤ ᠰᠤᠳᠤ ᠨᠢ ᠪᠤᠯᠵᠤ ᠶᠠᠪᠤᠭᠠ ᠶᠤᠮ᠃ 《ᠳᠤᠷᠠᠳᠤ ᠰᠢᠷᠠ ᠦᠬᠡᠢ》 ᠬᠡᠳᠡᠭ ᠵᠢᠡᠷ ᠲᠠᠩᠬᠢᠰ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨᠳᠠᠭᠠᠨ ᠬᠦᠭᠵᠢᠶᠠᠨᠳᠤ ᠬᠤᠳᠠ ᠡᠴᠨ ᠬᠦᠳᠡᠬᠡ ᠨᠤᠳᠤᠭ ᠲᠡᠭᠠᠨ ᠪᠤᠴᠠᠵᠤ᠂ ᠡᠳᠤᠷᠵᠢᠨ ᠮᠠᠯ ᠤᠨᠤᠭᠠ ᠲᠠᠢ ᠨᠤᠴᠤᠯᠳᠤᠵᠤ ᠪᠠᠢᠪᠠᠴᠤ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠪᠤᠨᠠ᠃
ᠤᠢᠯᠡᠳᠤᠯᠬᠡ ᠵᠢᠨ ᠳᠤᠮᠳᠠ ᠠᠮᠢᠳᠤᠷᠠᠯᠢ ᠤᠢᠯᠠᠭᠠᠵᠤ᠂ ᠠᠮᠢᠳᠤᠷᠠᠯᠤᠨ ᠳᠤᠮᠳᠠ ᠪᠤᠰᠤᠳᠢ ᠲᠠᠭᠠᠭᠤᠯᠤᠨ ᠪᠠᠶᠠᠵᠢᠭᠤᠯᠬᠤ ᠵᠢ ᠬᠦᠮᠤᠨ ᠪᠦᠬᠦᠨ ᠬᠢᠵᠤ ᠲᠡᠢᠯᠬᠦ ᠦᠬᠡᠢ᠃ ᠬᠡᠪᠡᠴᠤ ᠲᠠᠩᠭᠢᠰ ᠠᠮᠢᠳᠤᠷᠠᠯᠤᠨ ᠬᠦᠴᠢᠷᠢ ᠲᠠᠭᠠᠭᠠᠵᠤ᠂ ᠤᠴᠢᠷ ᠶᠠᠪᠤᠳᠠᠯ ᠳᠤᠯᠭᠠᠷᠠᠬᠤ ᠦᠶᠠᠰ ᠯᠠᠪᠳᠠᠭᠤᠨ ᠳᠤᠬᠢᠳᠡᠢ ᠪᠡᠷ ᠰᠢᠢᠳᠪᠤᠷᠢᠯᠡᠵᠤ ᠶᠠᠪᠤᠳᠠᠭ ᠨᠢ ᠮᠦᠨ ᠴᠤ᠌ ᠲᠡᠬᠦᠨᠤ ᠴᠢᠳᠠᠪᠤᠷᠢ ᠪᠤᠯᠤᠨᠠ᠃ ᠲᠠᠷᠠ ᠪᠡᠷ ᠬᠦᠰᠡᠯ ᠲᠡᠮᠡᠦᠯᠦᠯ ᠲᠠᠢ᠂ ᠬᠠᠷᠠᠯᠲᠠ ᠵᠣᠷᠢᠯᠲᠠ ᠲᠠᠢ᠂ ᠴᠢᠷᠮᠠᠢᠯᠭᠠ ᠲᠠᠢ ᠤᠴᠢᠷ ᠡᠴᠡ ᠠᠮᠢᠳᠤᠷᠠᠯ ᠨᠢ ᠥᠩᠭᠡ ᠲᠠᠢ ᠥᠭᠡᠳᠡ ᠲᠠᠢ᠂ ᠠᠵᠢᠯ ᠦᠢᠯᠡᠰ ᠨᠢ ᠠᠮᠵᠢᠯᠲᠠ ᠳᠦᠭᠦᠷᠡᠩ ᠶᠠᠪᠤᠬᠤ ᠨᠢ ᠯᠠᠪᠳᠠᠢ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃