2026-07-31 09:44:10
ᠠᠮᠳᠠ ᠨᠢ ᠦᠭᠡᠷᠡᠳᠦᠭᠰᠡᠨ ᠵᠠᠯᠠᠯᠭᠠ ᠪᠤᠶᠤ ᠳᠠᠷᠤᠭᠠᠰᠤ ᠪᠤᠯᠤᠬᠰᠠᠨ 《ᠪᠠᠶᠠᠷ》
— ᠬᠤᠰᠢᠭᠤᠨ ᠲᠦᠪ ᠡᠴᠡ ᠠᠰᠠᠷ ᠠᠪᠤᠬᠰᠠᠨ ᠰᠢᠤ!ᠰᠢᠨᠡ ᠭᠡᠷ ᠲᠤ᠌ ᠤᠷᠤᠬᠰᠠᠨ ᠪᠠᠶᠠᠷ ᠲᠤ᠌ ᠤᠷᠢᠵᠤ ᠪᠠᠢᠨᠠ᠃
— ᠬᠡᠤᠬᠡᠳ ᠲᠠᠢ ᠪᠤᠯᠤᠭᠠᠳ ᠰᠠᠷᠠ ᠲᠦᠭᠦᠷᠴᠦ ᠪᠠᠢᠨᠠ᠂ ᠰᠠᠷᠠ ᠲᠦᠭᠦᠷᠦᠭᠰᠡᠨ ᠪᠠᠶᠠᠷ ᠲᠤ᠌ ᠵᠠᠯᠠᠵᠤ ᠪᠠᠢᠨᠠ᠃
— ᠵᠠᠰᠠᠨ ᠰᠡᠯᠪᠢᠬᠦ ᠭᠠᠵᠠᠷ ᠭᠠᠷᠭᠠᠯᠠ᠂ ᠡᠷᠦᠬᠡ ᠰᠡᠬᠦᠭᠰᠡᠨ ᠪᠠᠶᠠᠷ ᠲᠠᠭᠠᠨ ᠤᠷᠢᠵᠤ ᠪᠠᠢᠨᠠ᠃
— ᠬᠡᠤᠬᠡᠳ ᠮᠢᠨᠢ ᠶᠡᠬᠡ ᠰᠤᠷᠭᠠᠭᠤᠯᠢᠳᠦ ᠰᠢᠯᠭᠠᠵᠤ ᠤᠷᠤᠬᠰᠠᠨ ᠰᠢᠤ!ᠶᠡᠬᠡ ᠰᠤᠷᠭᠠᠭᠤᠯᠢᠳᠦ ᠰᠢᠯᠭᠠᠭᠤᠯᠤᠬᠰᠠᠨ ᠪᠠᠶᠠᠷ ᠲᠤ᠌ ᠵᠠᠯᠠᠵᠤ ᠪᠠᠢᠨᠠ᠁
ᠬᠦᠳᠡᠭᠡ ᠨᠤᠳᠤᠭ ᠲᠤ᠌ ᠬᠤᠶᠠᠷ ᠵᠢᠯᠤᠨ ᠬᠤᠭᠤᠴᠠᠭᠠ ᠲᠠᠢ ᠠᠵᠢᠯ ᠵᠢᠡᠷ ᠰᠠᠭᠤᠵᠤ ᠦᠩᠭᠡᠷᠡᠭᠰᠡᠨ ᠪᠢ ᠡᠢᠮᠤ 《ᠠᠮᠳᠠ ᠨᠢ ᠦᠭᠡᠷᠡᠳᠦᠭᠰᠡᠨ ᠪᠠᠶᠠᠷ》 ᠢ᠋ ᠴᠦᠭᠡᠨ ᠪᠤᠰᠤ ᠨᠢᠳᠦ ᠪᠡᠷ ᠵᠢᠡᠨ ᠬᠠᠷᠠᠵᠤ ᠴᠢᠬᠢ ᠪᠡᠷ ᠵᠢᠡᠨ ᠰᠤᠨᠤᠰᠴᠤ ᠶᠠᠪᠤᠯᠠ᠃ ᠡᠨᠡ ᠲᠠᠰᠢᠷᠠᠮ ᠵᠢᠡᠷ ᠪᠠᠢᠴᠠᠭᠠᠨ ᠰᠤᠳᠤᠯᠤᠯᠳᠠ ᠬᠢᠵᠤ ᠲᠤᠭᠠ ᠪᠠᠷᠢᠮᠳᠠ ᠵᠢ ᠴᠤ᠌ ᠴᠤᠬᠯᠠᠭᠤᠯᠵᠤ ᠶᠠᠪᠤᠯᠠ᠃ ᠡᠩᠤᠨ ᠡᠷᠦᠬᠡ ᠵᠢᠨ ᠡᠢᠮᠤ ᠵᠠᠷᠤᠳᠠᠯ ᠬᠡᠳᠦᠨ ᠮᠢᠩᠭᠠᠨ ᠲᠦᠭᠦᠷᠢᠭ᠂ ᠤᠨᠴᠠ ᠵᠠᠷᠢᠮ ᠡᠷᠦᠬᠡ ᠵᠢᠨ ᠵᠠᠷᠤᠳᠠᠯ ᠨᠢ ᠲᠦᠮᠡ ᠭᠠᠷᠤᠢ ᠲᠦᠭᠦᠷᠢᠭ᠃ ᠨᠡᠩ ᠠᠩᠬᠠᠷᠤᠭᠤᠰᠢᠳᠠᠢ ᠨᠢ᠂ ᠡᠢᠮᠤ ᠦᠵᠡᠭᠳᠡᠯ ᠤᠯᠠᠮ ᠵᠢᠡᠷ ᠤᠯᠠᠷᠢᠨ ᠬᠤᠪᠢᠰᠴᠦ᠂ ᠴᠢ 《 ᠪᠠᠶᠠᠷ》 ᠬᠢᠵᠤ ᠪᠠᠢᠨᠠ᠂ ᠪᠢ ᠲᠡᠭᠡᠪᠡᠯ ᠪᠠᠰᠠ《ᠪᠠᠶᠠᠷ》 ᠬᠢᠨᠠ᠂ ᠦᠭᠴᠦ ᠶᠠᠪᠤᠭᠤᠯᠤᠬᠰᠠᠨ ᠬᠠᠷᠢᠭᠤ ᠲᠠᠯᠠ ᠪᠠᠨ ᠠᠪᠴᠢᠷᠠᠨᠠ ᠭᠡᠳ ᠨᠢᠭᠡᠨ ᠨᠢᠭᠡᠨ ᠲᠠᠢ ᠪᠠᠨ ᠠᠳᠠᠭᠠᠷᠬᠠᠭᠠᠳ ᠡᠯᠳᠡᠪᠤᠨ ᠰᠢᠯᠳᠠᠭᠠᠨ ᠡᠷᠢᠵᠤ᠂ ᠪᠠᠶᠡᠷ ᠨᠠᠢᠷᠢ ᠤᠯᠠᠮ ᠵᠢᠡᠷ ᠤᠯᠠᠳᠠᠭᠤᠯᠵᠤ ᠲᠠᠯᠪᠢᠵᠠᠢ᠃ ᠲᠡᠭᠡᠬᠦ ᠪᠡᠷ ᠵᠢᠡᠨ ᠨᠢᠭᠡ ᠲᠤᠰᠬᠤᠨᠦ ᠠᠷᠠᠳ ᠨᠠᠳᠠᠳᠦ᠄ 《ᠡᠨᠡ ᠶᠠᠩᠵᠤ ᠪᠡᠷ ᠰᠡᠭᠦᠯᠡᠷ ᠭᠠᠬᠠᠢ ᠵᠢᠨ ᠡᠭᠦᠷ ᠪᠠᠷᠢᠪᠠᠴᠦ ᠪᠠᠶᠠᠷ ᠬᠢᠵᠤ ᠮᠡᠳᠡᠨᠡ》 ᠭᠡᠵᠤ ᠠᠷᠭᠠ ᠪᠠᠨ ᠪᠠᠷᠠᠬᠰᠠᠨ ᠦᠭᠡ ᠶᠠᠷᠢᠵᠤ ᠦᠩᠭᠡᠷᠡᠭᠰᠡᠨ ᠪᠢᠯᠡ᠃
— ᠤᠴᠢᠳᠠᠭ ᠠᠯᠪᠠ ᠲᠠᠢᠤᠤ ?ᠭᠡᠵᠤ ᠬᠡᠳᠦᠨ ᠬᠦᠮᠦᠨ ᠡᠴᠡ ᠠᠰᠠᠭᠤᠵᠤ ᠰᠤᠷᠠᠵᠤ ᠦᠵᠡᠯᠡ᠃
— ᠠᠢᠯ ᠰᠠᠭᠠᠬᠠᠯᠳᠠ ᠰᠠᠭᠤᠵᠤ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠠᠮᠢᠳᠤᠷᠠᠵᠤ ᠪᠠᠢᠨᠠ᠂ ᠨᠢᠭᠤᠷ ᠲᠠᠯᠠ ᠭᠡᠵᠤ ᠬᠦᠨᠳᠦ ᠪᠠᠢᠨᠠ ᠰᠢᠤ᠂ ᠰᠡᠳᠭᠢᠯᠳᠡᠭᠡᠨ ᠲᠠᠭᠠ ᠦᠭᠡᠢ ᠪᠤᠯᠪᠠᠴᠦ ᠢᠨᠢᠶᠡᠵᠤ ᠤᠴᠢᠭᠠᠳ ᠯᠡ ᠤᠬᠢᠯᠡᠵᠤ ᠢᠷᠡᠳᠡᠭ ᠬᠡᠷᠡᠭ ᠡ!ᠭᠡᠰᠡᠨ ᠬᠠᠷᠢᠭᠤᠯᠳᠠ ᠡᠴᠡ ᠦᠭᠡᠷᠡ ᠶᠠᠭᠤᠮᠠ ᠦᠭᠡᠢ᠃
ᠬᠡᠷᠡᠭ ᠦᠭᠡᠢ ᠭᠠᠵᠠᠷ ᠵᠤᠭᠤᠰ ᠵᠢᠡᠨ ᠦᠷᠡᠬᠦ ᠲᠤᠷᠠᠳᠠᠢ ᠬᠦᠮᠦᠨ ᠦᠨᠡᠨᠳᠡᠭᠡᠨ ᠬᠡᠳᠦ ᠪᠠᠢᠬᠤ ᠪᠤᠢ ⁈ ᠲᠡᠬᠡᠭᠦ ᠮᠦᠷᠳᠡᠭᠡᠨ ᠮᠠᠨᠤ ᠤᠷᠤᠯᠭᠠ ᠪᠠᠰᠠ ᠲᠡᠢᠮᠤ ᠦᠨᠳᠦᠷ ᠬᠡᠮᠵᠢᠶᠡᠨᠳᠦ ᠬᠦᠷᠦᠭᠡ ᠦᠭᠡᠢ ᠰᠢᠤ᠃ ᠲᠤᠭᠠ ᠪᠦᠷᠢᠳᠭᠡᠯᠢ ᠦᠨᠳᠦᠰᠦᠯᠡᠪᠡᠯ᠂ 2024 ᠤᠨᠤ ᠮᠠᠨᠤ ᠤᠷᠤᠨᠤ ᠬᠦᠳᠡᠭᠡ ᠲᠤᠰᠬᠤᠨᠤ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠬᠦᠮᠦᠨ ᠲᠤᠮᠳᠠᠴᠢ ᠵᠢᠨ ᠡᠵᠡᠮᠳᠡᠵᠤ ᠪᠤᠯᠬᠤ ᠤᠷᠤᠯᠭᠠ 22543 ᠲᠦᠭᠦᠷᠢᠭ᠃ ᠲᠡᠭᠡᠬᠦ ᠪᠡᠷ ᠪᠡᠶᠡᠷ ᠨᠠᠢᠷ ᠲᠤ᠌ ᠤᠷᠤᠭᠠᠳ ᠪᠠᠭᠠ ᠪᠤᠰᠤ ᠵᠤᠭᠤᠰ ᠵᠠᠷᠤᠴᠠᠭᠤᠯᠪᠠᠯ ᠦᠢᠯᠡᠳᠪᠦᠷᠢᠯᠡᠯᠳ᠋ᠡᠭᠡᠨ ᠶᠠᠭᠠᠬᠢᠵᠤ ᠪᠡᠯᠡ ᠤᠷᠤᠭᠤᠯᠤᠨᠠ᠂ ᠠᠮᠢᠳᠤᠷᠠᠯ ᠵᠢᠡᠨ ᠶᠠᠭᠠᠬᠢᠵᠤ ᠲᠡᠭᠡᠭᠰᠢ ᠲᠠᠳᠠᠨᠠ ᠪᠤᠢᠳᠠ⁉
ᠡᠨᠳᠡ 《ᠠᠮᠳᠠ ᠨᠢ ᠦᠭᠡᠷᠡᠳᠦᠭᠰᠡᠨ ᠪᠠᠶᠠᠷ》 ᠢ᠋ ᠶᠠᠷᠢᠵᠤ ᠪᠠᠢᠬᠤ ᠡᠴᠡ ᠪᠢᠰᠢ᠂ ᠵᠦᠢ ᠶᠤᠰᠤᠨᠤ ᠬᠤᠷᠢᠮ ᠪᠤᠶᠠᠨᠤ ᠶᠠᠪᠤᠳᠠᠯᠢ ᠡᠰᠡᠷᠭᠦᠴᠡᠵᠤ ᠪᠠᠢᠬᠤ ᠪᠢᠰᠢ ᠶᠤᠮ᠃ ᠲᠡᠭᠡᠬᠦ ᠮᠦᠷᠳᠡᠭᠡᠨ ᠬᠦᠳᠡᠭᠡ ᠨᠤᠳᠤᠭᠤᠨ ᠬᠤᠷᠢᠮ ᠪᠤᠶᠠᠨᠤ ᠶᠠᠪᠤᠳᠠᠯᠢ ᠵᠢᠷᠤᠮᠵᠢᠭᠤᠯᠬᠤ ᠲᠠᠯᠠ ᠪᠡᠷ ᠨᠠᠮ ᠵᠠᠰᠠᠭ ᠡᠴᠡ ᠠᠯᠢ ᠡᠷᠳᠡ ᠪᠢᠴᠢᠭ ᠮᠠᠲᠸᠷᠢᠶᠠᠯ ᠲᠠᠢ ᠪᠠᠢᠭᠠ ᠶᠤᠮ᠃ 《ᠲᠦᠪᠤᠨ ᠬᠦᠳᠡᠭᠡ ᠲᠤᠰᠬᠤᠨᠤ ᠬᠤᠷᠢᠮ ᠪᠤᠶᠠᠨ ᠬᠡᠤᠬᠡᠨ ᠮᠤᠷᠳᠠᠭᠤᠯᠬᠤ ᠪᠡᠷᠢ ᠪᠠᠭᠤᠯᠭᠠᠬᠤ ᠲᠤᠬᠳᠠᠭᠠᠯᠤᠨ ᠮᠡᠳᠡᠭᠳᠡᠯᠤᠨ ᠪᠢᠴᠢᠭ ᠮᠠᠲᠸᠷᠢᠶᠠᠯ》 ᠳ᠋ᠤ᠌᠄ 《ᠬᠦᠳᠡᠭᠡ ᠲᠤᠰᠬᠤᠨᠤ ᠬᠤᠷᠢᠮ ᠪᠤᠶᠠᠨ ᠬᠡᠤᠬᠡᠨ ᠮᠤᠷᠳᠠᠭᠤᠯᠬᠤ ᠪᠡᠷᠢ ᠪᠠᠭᠤᠯᠭᠠᠬᠤ ᠵᠠᠩ ᠲᠠᠳᠬᠠᠯᠢ ᠲᠦᠷᠢᠮᠵᠢᠭᠦᠯᠵᠦ᠂ ᠨᠠᠢᠷ ᠲᠠᠯᠠ ᠵᠢᠨ ᠲᠠᠷᠤᠭᠠᠰᠤ ᠵᠢ ᠪᠠᠭᠤᠷᠠᠭᠤᠯᠵᠤ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠬᠢᠭᠡᠳ ᠤᠳᠤ ᠦᠶᠡ ᠵᠢᠨ ᠪᠤᠯᠪᠠᠰᠤᠨᠤ ᠠᠭᠤᠰᠤᠯᠴᠠᠯᠢ ᠠᠬᠢᠭᠤᠯᠵᠤ᠂ ᠬᠦᠳᠡᠭᠡ ᠲᠤᠰᠬᠤᠨᠤ ᠨᠡᠢᠭᠡᠮᠤᠨ ᠡᠶᠡ ᠵᠤᠬᠢᠴᠠᠩᠭᠤᠢ ᠵᠢ ᠠᠬᠢᠭᠤᠯᠤᠨᠡ;ᠪᠡᠯᠡᠭᠤᠨ ᠲᠡᠭᠡᠳᠦ ᠬᠢᠵᠠᠭᠠᠷᠤᠨ ᠪᠠᠷᠢᠮᠵᠢᠶᠠ ᠵᠢ ᠬᠡᠷᠡᠭᠵᠢᠭᠦᠯᠵᠦ᠂ ᠬᠤᠷᠢᠮ ᠵᠢᠡᠷ ᠲᠠᠮᠵᠢᠨ ᠡᠳ᠋ ᠠᠰᠢᠬ ᠬᠢᠬᠠᠬᠤ ᠵᠢ ᠴᠠᠭᠠᠵᠠᠯᠠᠵᠤ᠂ ᠤᠶᠤᠨᠴᠢ ᠬᠡᠷᠡᠭᠯᠡᠭᠡ ᠵᠢ ᠰᠠᠨᠠᠭᠠᠴᠢᠯᠠᠨᠠ; ᠤᠷᠤᠨ ᠨᠤᠳᠤᠭᠤᠨ ᠲᠤᠰᠬᠤᠨᠤ ᠲᠦᠷᠢᠮ ᠠᠷᠠᠳᠤᠨ ᠭᠡᠷᠡ ᠲᠤᠬᠳᠠᠬᠤ ᠵᠢ ᠠᠬᠢᠭᠤᠯᠵᠤ᠂ ᠠᠳᠠᠭᠠᠷᠬᠠᠨ ᠮᠦᠴᠡᠭᠡᠷᠭᠡᠬᠦ ᠠᠵᠢᠯᠯᠠᠭᠠ ᠵᠢ ᠬᠢᠵᠠᠭᠠᠷᠯᠠᠨᠠ;ᠡᠯᠡ ᠱᠠᠳᠤᠨᠤ ᠵᠠᠰᠠᠭᠤᠨ ᠤᠷᠳᠤᠨ ᠬᠢᠨᠠᠨ ᠬᠠᠮᠢᠶᠠᠷᠤᠯᠳᠠ ᠪᠠᠨ ᠴᠢᠩᠭᠠᠳᠬᠠᠵᠤ᠂ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢᠨ ᠨᠠᠢᠳᠠᠪᠤᠷᠢᠵᠢᠭᠤᠯᠤᠯᠳᠠ ᠵᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠡᠢ》 ᠭᠡᠵᠤ ᠲᠤᠬᠳᠠᠭᠠᠵᠠᠢ᠃
《ᠠᠮᠳᠠ ᠨᠢ ᠦᠭᠡᠷᠡᠳᠦᠭᠰᠡᠨ ᠵᠠᠯᠠᠯᠭᠠ》 ᠠᠷᠪᠢᠳᠴᠤ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠤᠨ ᠲᠠᠷᠤᠭᠠᠰᠤ ᠵᠢ ᠬᠦᠨᠳᠦᠷᠡᠭᠦᠯᠵᠤ ᠪᠠᠢᠨᠠ᠃ ᠡᠢᠮᠤᠷᠬᠦᠤ 《ᠤᠯᠢᠭ ᠪᠤᠯᠤᠬᠰᠠᠨ ᠪᠠᠶᠠᠷ》 ᠢ᠋ ᠴᠦᠭᠡᠳᠭᠡᠬᠦ ᠦᠭᠡᠢᠰᠭᠡᠬᠦᠳᠦ᠂ ᠮᠢᠨᠤ ᠦᠵᠡᠬᠦ ᠪᠡᠷ᠂ ᠨᠢᠭᠡᠳᠦ ᠲᠤᠰᠬᠤᠨᠤ ᠲᠦᠷᠢᠮ ᠠᠷᠠᠳᠤᠨ ᠭᠡᠷᠡᠳᠦ ᠲᠦᠰᠢᠭᠯᠡᠨᠡ;ᠬᠤᠶᠠᠷ ᠲᠤ᠌ ᠡᠯᠡ ᠱᠠᠳᠤᠨᠤ ᠵᠠᠰᠠᠭᠤᠨ ᠤᠷᠳᠤᠨᠤ ᠬᠢᠨᠠᠨ ᠬᠠᠮᠢᠶᠠᠷᠤᠯᠳᠠᠳᠦ ᠲᠦᠰᠢᠭᠯᠡᠨᠡ᠃ ᠲᠡᠭᠡᠬᠦ ᠦᠭᠡᠢ ᠪᠤᠯ ᠤᠯᠤᠬᠰᠠᠨ ᠵᠤᠭᠤᠰ ᠤᠷᠤᠯᠭᠠ ᠪᠠᠨ ᠪᠦᠷ ᠯᠡ ᠬᠤᠭᠤᠯᠠᠨ ᠭᠡᠷ ᠲᠤ᠌ ᠡᠷᠭᠦᠭᠡᠳ ᠪᠠᠷᠠᠬᠤ ᠶᠠᠪᠤᠳᠠᠯ!
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃