ᠲᠡᠷᠢᠭᠦᠨ ᠨᠢᠭᠤᠷ>ᠠᠮᠢᠳᠤᠷᠠᠯ ᠥᠷᠲᠡᠭᠡ>ᠶᠢᠰᠦᠨ ᠥᠩᠭᠡ

2026-09-11 11:38:28

ᠵᠣᠬᠢᠶᠠᠭ᠍ᠴᠢ᠄ ᠬᠤᠱᠤᠳ·ᠨᠤᠮᠢᠨ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠵᠢᠯ ᠪᠤᠯᠭᠠᠨ᠎ᠤ 9 ᠰᠠᠷ᠎ᠠ ᠵᠢᠨ 10᠎ᠤ᠋ ᠡᠳᠤᠷ ᠪᠤᠯ ᠪᠠᠭᠰᠢ ᠨᠠᠷ᠎ᠤᠨ ᠬᠠᠮᠤᠭ᠎ᠤᠨ ᠪᠠᠶᠠᠷᠳᠠᠢ ᠡᠳᠤᠷ ᠪᠤᠯᠤᠨ᠎ᠠ᠃ ᠰᠤᠷᠤᠭᠴᠢᠳ᠎ᠤᠨ ᠵᠢᠠᠨ ᠵᠦᠩᠨᠡᠯ ᠪᠡᠯᠬᠡᠳᠡᠯ᠂ ᠬᠤᠸᠠᠷ ᠴᠡᠴᠡᠭ᠂ ᠨᠤᠮ ᠰᠤᠳᠤᠷ᠎ᠤᠨ ᠪᠡᠯᠡᠭ᠎ᠢ ᠳᠤᠰᠴᠤ᠂ ᠰᠡᠳᠬᠢᠯ᠎ᠤᠨ ᠬᠦᠨ ᠡᠴᠨ ᠪᠡᠨ ᠡᠨᠡ ᠬᠦ᠌ ᠴᠠᠭ ᠮᠦᠴᠠ ᠪᠡᠨ ᠨᠡᠨᠳᠢᠩᠨᠠᠳᠠᠭ᠃ ᠡᠨᠡ ᠡᠳᠤᠷ ᠪᠢ ᠴᠤ᠌ ᠦᠪᠡᠷ᠎ᠤᠨ ᠡᠷᠬᠡ ᠦᠬᠡᠢ ᠬᠠᠢᠷᠠᠳᠤ ᠪᠠᠭᠰᠢ ᠪᠡᠨ ᠰᠠᠨᠠᠵᠤ ᠶᠠᠪᠤᠯ᠎ᠠ᠃ ᠲᠡᠯᠡᠬᠡᠢ ᠶᠢᠷᠳᠢᠨᠴᠤ᠎ᠳᠤ ᠠᠪᠤ ᠡᠵᠢ ᠵᠢᠨ ᠬᠠᠢᠷ᠎ᠠ᠂ ᠠᠬ᠎ᠠ ᠲᠡᠬᠦᠤ ᠵᠢᠨ ᠬᠠᠢᠷ᠎ᠠ᠂ ᠨᠠᠢᠵᠠ ᠨᠦᠬᠦᠳ᠎ᠤᠨ ᠬᠠᠢᠷ᠎ᠠ᠂ ᠪᠠᠭᠰᠢ ᠰᠤᠷᠤᠭᠴᠢ ᠵᠢᠨ ᠬᠠᠢᠷ᠎ᠠ ᠬᠡᠬᠦ ᠮᠡᠳᠤ ᠵᠢᠨ ᠤᠯᠠᠨ ᠤᠯᠠᠨ ᠬᠠᠢᠷ᠎ᠠ ᠪᠠᠭᠳᠠᠵᠤ ᠪᠠᠢᠳᠠᠭ᠃ ᠬᠡᠪᠡᠴᠤ ᠰᠡᠳᠬᠢᠯ᠎ᠳᠤ ᠬᠤᠨᠤᠭᠰᠢᠬᠰᠠᠠ ᠪᠠᠭ᠎ᠠ ᠨᠠᠰᠤ ᠪᠡᠨ ᠳᠤᠷᠠᠰᠬᠤ᠎ᠳᠤ ᠨᠠᠳᠠᠳᠤ ᠬᠠᠮᠤᠭ᠎ᠤᠨ ᠮᠠᠷᠳᠠᠭᠳᠠᠰᠢ ᠦᠬᠡᠢ ᠨᠢ ᠪᠠᠭᠰᠢ ᠰᠤᠷᠤᠭᠴᠢ ᠵᠢᠨ ᠬᠠᠢᠷ᠎ᠠ ᠪᠤᠯᠤᠨ᠎ᠠ᠃

《ᠰᠤᠷᠭᠠᠨ ᠬᠦᠮᠤᠵᠢᠯ᠎ᠤᠨ ᠨᠢᠬᠡ ᠬᠡᠰᠡᠭ ᠨᠢ ᠪᠠᠭᠰᠢ ᠪᠤᠯᠤᠭᠰᠠᠳ ᠪᠢᠳᠠ ᠦᠪᠡᠷ᠎ᠢ ᠪᠡᠨ ᠬᠦᠮᠤᠵᠢᠬᠦᠯᠤᠨ᠎ᠠ᠂ ᠪᠠᠰᠠ ᠨᠢᠬᠡ ᠬᠡᠰᠡᠭ ᠨᠢ ᠬᠡᠤᠬᠡᠳ ᠲᠤ᠌ ᠪᠠᠷ᠎ᠠ ᠪᠤᠯᠤᠨ᠎ᠠ》 ᠬᠡᠵᠤ ᠺᠦᠨᠮᠢᠩ ᠬᠤᠳᠠ ᠵᠢᠨ ᠨᠢᠬᠡᠨ ᠰᠤᠷᠭᠠᠭᠤᠯᠢ ᠵᠢᠨ ᠵᠠᠬᠢᠷᠤᠯ᠎ᠤᠨ ᠪᠢᠴᠢᠬᠡᠰᠤ ᠵᠢ ᠰᠡᠳᠬᠦᠯ ᠡᠴᠨ ᠤᠯᠵᠤ ᠬᠠᠷᠠᠪᠠ᠃ ᠪᠢᠳᠠᠨ᠎ᠤ ᠦᠰᠤᠨ ᠪᠦᠢᠵᠢᠯᠳᠠ ᠵᠢᠨ ᠵᠠᠮ᠎ᠳᠤ ᠪᠠᠭᠰᠢ ᠪᠢᠳᠠᠨ᠎ᠳᠤ ᠠᠮᠢᠳᠤᠷᠠᠯ ᠰᠤᠷᠤᠯᠭ᠎ᠠ ᠵᠢᠨ ᠴᠢᠭᠯᠡᠯ᠎ᠢ ᠳᠤᠳᠤᠷᠬᠠᠢ ᠵᠢᠭᠠᠨ ᠦᠭᠴᠤ᠂ ᠪᠢᠳᠠᠨ᠎ᠳᠤ ᠬᠦᠮᠤᠨ ᠪᠤᠯᠬᠤ ᠶᠤᠰᠤ ᠤᠴᠢᠷ᠎ᠢ ᠵᠢᠭᠠᠵᠤ ᠦᠭᠳᠡᠭ᠃ ᠲᠡᠬᠡᠷ᠎ᠠ ᠵᠠᠭᠤᠨ᠎ᠤ ᠶᠡᠷᠡᠬᠡᠳ ᠤᠨ᠎ᠳᠤ ᠭᠠᠷ ᠤᠳᠠᠰᠤ ᠦᠬᠡᠢ᠂ ᠺᠤᠮᠫᠢᠦ᠋ᠲᠸᠷ ᠦᠬᠡᠢ ᠴᠠᠭ ᠦᠶ᠎ᠠ᠎ᠳᠤ ᠪᠢᠳᠠᠨ᠎ᠤ ᠬᠠᠮᠤᠭ᠎ᠤᠨ ᠨᠠᠭᠠᠳᠬᠤ ᠳᠤᠷᠠᠳᠠᠢ ᠨᠠᠭᠠᠳᠤᠮ ᠪᠤᠯ ᠲᠡᠪᠡᠭ ᠨᠠᠭᠠᠳᠬᠤ ᠨᠠᠭᠠᠳᠤᠮ ᠪᠤᠯᠤᠨ᠎ᠠ᠃ ᠨᠢᠬᠡ ᠴᠡᠭ ᠡᠴᠨ ᠠᠷᠪᠡᠨ ᠳᠤᠭᠤᠷᠢᠬ ᠵᠢᠷᠤᠴᠢᠬᠠᠭᠠᠳ ᠨᠢᠬᠡ ᠪᠦᠯᠦᠭ ᠬᠡᠤᠬᠡᠳ ᠳᠤᠳᠤᠷ᠎ᠠ ᠨᠢ ᠡᠷᠬᠢᠯᠳᠤᠬᠡᠳ ᠬᠦᠶᠤᠨ᠎ᠠ᠂ ᠬᠡᠳᠡᠯ᠎ᠠ ᠡᠷᠬᠢᠯᠳᠤᠵᠤ ᠬᠦᠶᠤᠬᠦ ᠳ᠋ᠤ ᠨᠦᠬᠦᠬᠡ ᠪᠦᠯᠦᠭ ᠨᠢ ᠲᠦᠪᠡᠭ ᠵᠢᠡᠷ ᠴᠤᠬᠢᠨ᠎ᠠ᠂ ᠬᠡᠷᠪᠡ ᠪᠡᠶ᠎ᠠ ᠲᠡᠬᠡᠷ᠎ᠠ ᠨᠢ ᠤᠨᠤᠭᠰᠠᠠ ᠪᠤᠯ ᠳᠤᠭᠤᠷᠢᠭ ᠡᠴᠨ ᠪᠡᠨ ᠭᠠᠷᠤᠨ᠎ᠠ᠂ ᠬᠠᠮᠤᠭ᠎ᠤᠨ ᠰᠡᠬᠦᠯ᠎ᠳᠤᠨᠢ ᠬᠡᠨ ᠲᠠᠷᠠ ᠴᠡᠭ ᠲᠤᠨᠢ ᠬᠦᠷᠴᠤ ᠴᠢᠳᠠᠪᠡᠯ ᠬᠡᠨ ᠬᠤᠨᠵᠢᠨ᠎ᠠ᠃ ᠨᠢᠬᠡ ᠤᠳᠠᠭ᠎ᠠ ᠮᠠᠨ᠎ᠤ ᠠᠩᠬᠢ ᠵᠢᠨ ᠡᠷᠬᠢᠯᠡᠭᠴᠢ ᠠ᠊ ᠪᠠᠭᠰᠢ ᠪᠢᠳᠠᠨ ᠲᠠᠢ ᠴᠤᠬ ᠨᠠᠭᠠᠳᠴᠤ ᠪᠠᠢᠭᠰᠠᠠ ᠴᠢᠨᠢ ᠨᠢᠬᠡ ᠨᠢ ᠲᠡᠪᠡᠭ ᠵᠢᠡᠷ ᠰᠠᠨᠠᠭᠠᠨ᠎ᠳᠤ ᠦᠬᠡᠢ ᠪᠠᠭᠰᠢ ᠵᠢᠨ ᠨᠢᠳᠤᠨ ᠲᠡᠬᠡᠷ᠎ᠠ ᠨᠢ ᠴᠤᠬᠢᠴᠢᠬᠠᠵᠠᠢ᠃ ᠲᠠᠷᠠ ᠦᠶ᠎ᠠ᠎ᠳᠤ ᠪᠢᠳᠠᠨ᠎ᠤ ᠲᠠᠷᠠ ᠰᠠᠨᠳᠤᠷᠤᠭᠰᠠᠠ ᠬᠡᠳᠡᠭ ᠨᠢ ᠶᠠᠭᠠᠬᠢᠵᠤ ᠢᠢᠬᠦ ᠪᠡᠨ ᠤᠯᠵᠤ ᠶᠠᠳᠠᠨ᠎ᠠ᠂ ᠵᠠᠷᠢᠮ ᠨᠢ ᠪᠤᠰᠢᠭᠤᠬᠠᠨ ᠬᠠᠵᠠᠭᠤ᠎ᠳᠤᠨᠢ ᠬᠦᠷᠴᠤ ᠪᠠᠢᠨ᠎ᠠ᠂ ᠴᠤᠬᠢᠬᠰᠠᠠ ᠨᠢᠬᠡ ᠨᠢ ᠠᠶᠤᠭᠠᠳ ᠤᠬᠢᠯᠠᠵᠤ ᠪᠠᠢᠨ᠎ᠠ᠂ ᠪᠠᠰᠠ ᠵᠠᠷᠢᠮ ᠨᠢ ᠪᠠᠭᠰᠢ ᠲᠠᠭᠤᠳᠠᠬᠤ ᠪᠡᠷ ᠶᠠᠪᠤᠭᠰᠠᠠ ᠪᠠᠢᠪᠠ᠃ ᠬᠡᠪᠡᠴᠤ ᠪᠠᠭᠰᠢ ᠵᠢᠨ ᠨᠢᠳᠤ ᠬᠠᠷ᠎ᠠ ᠬᠦᠬᠡ ᠪᠤᠯᠤᠨ ᠬᠠᠪᠤᠳᠴᠢᠬᠠᠭᠰᠠᠠ ᠪᠠᠢᠬᠤ᠎ᠳᠤ ᠪᠢᠳᠠᠨ᠎ᠳᠤ ᠬᠠᠮᠢᠶ᠎ᠠ ᠦᠬᠡᠢ᠂ ᠴᠤᠬᠢᠬᠳᠠᠬᠤ ᠨᠢ ᠡᠩ᠎ᠤᠨ ᠤᠴᠢᠷ᠂ ᠲᠠᠳᠠᠨᠤᠰ ᠪᠠᠰᠠ ᠴᠤᠬᠢᠬᠳᠠᠪᠠᠯ ᠪᠤᠤ ᠪᠠᠴᠢᠮᠳᠠ᠂ ᠨᠠᠮ᠎ᠠ ᠵᠢ ᠴᠤᠬᠢᠬᠰᠠᠠ ᠬᠦᠤ ᠪᠤᠤ ᠤᠬᠢᠯᠠ᠂ ᠶᠠᠮᠠᠷ ᠳᠤᠰᠬᠠᠢᠯᠠᠨ ᠨᠢᠭᠤᠷ ᠨᠢᠳᠤ ᠤᠷᠤᠭᠤ ᠴᠤᠬᠢᠵᠤ ᠪᠠᠢᠬᠤ ᠪᠢᠰᠢ᠂ ᠬᠠᠷᠢᠨ ᠰᠠᠨᠠᠮᠰᠠᠷ ᠦᠬᠡᠢ ᠪᠡᠷ ᠴᠤᠬᠢᠬᠰᠠᠠ ᠲᠠᠳᠤᠢ᠃ ᠨᠠᠭᠠᠳᠤᠮ᠎ᠳᠤ ᠪᠤᠤ ᠠᠭᠤᠷᠯᠠ᠂ ᠪᠤᠤ ᠤᠬᠢᠯᠠ᠂ ᠪᠤᠤ ᠢᠯᠡᠬᠦᠤ ᠳᠤᠳᠠᠭᠤ ᠶᠠᠭᠤᠮ᠎ᠠ ᠪᠤᠳᠤ ᠬᠡᠳ ᠪᠢᠳᠠᠨ᠎ᠳᠤ ᠠᠮᠢᠳᠤᠷᠠᠯ᠎ᠤᠨ ᠶᠤᠰᠤ ᠤᠴᠢᠷ᠎ᠢ ᠵᠢᠭᠠᠬᠤ ᠵᠢᠨ ᠬᠠᠮᠳᠤ ᠵᠠᠯᠭᠠᠵᠤ ᠨᠠᠭᠠᠳᠤᠶ᠎ᠠ ᠬᠡᠳ ᠶᠠᠷᠢᠵᠤ ᠪᠠᠢᠬᠰᠠᠠ᠎ᠢ ᠪᠢ ᠤᠳᠤ ᠪᠤᠯᠳᠠᠯ᠎ᠠ ᠴᠡᠬᠡᠵᠢᠯᠡᠭᠰᠡᠬᠡᠷ᠃ ᠤᠳᠤ ᠪᠤᠳᠤᠵᠤ ᠦᠵᠡᠬᠦ᠎ᠳᠤ ᠪᠠᠭᠰᠢ᠎ᠴᠤ ᠰᠤᠷᠤᠭᠴᠢ ᠪᠡᠨ ᠬᠡᠤᠬᠡᠳ ᠲᠠᠢ ᠪᠡᠨ ᠠᠳᠠᠯᠢ ᠪᠡᠷ ᠦᠵᠡᠵᠤ᠂ ᠬᠠᠮᠳᠤ ᠳᠤᠭᠯᠠᠵᠤ ᠬᠠᠮᠳᠤ ᠰᠤᠷᠤᠯᠴᠠᠵᠤ᠂ ᠰᠡᠳᠬᠢᠯ᠎ᠢ ᠨᠢ ᠳᠤᠯᠠᠭᠠᠴᠠᠭᠤᠯᠵᠤ᠂ ᠦᠷᠤᠬᠡᠯ᠎ᠤᠨ ᠬᠡᠤᠬᠡᠳ᠎ᠤᠨ ᠲᠦᠯᠦᠬᠡ ᠪᠦᠬᠦ ᠬᠠᠢᠷ᠎ᠠ ᠪᠡᠠ ᠬᠠᠷᠠᠮ ᠦᠬᠡᠢ ᠵᠤᠷᠢᠭᠤᠯᠳᠠᠭ ᠪᠠᠢᠵᠠᠢ᠃

ᠬᠡᠷᠪᠡ ᠪᠢᠳᠠ ᠲᠡᠯᠡᠢ ᠲᠡᠬᠡᠷᠡᠬᠢ ᠨᠢᠬᠡᠨ ᠲᠠᠷᠪᠠᠭᠤᠯᠳᠤ ᠤᠩᠭᠤᠴᠠ ᠪᠠᠢᠬᠰᠠᠠ ᠪᠤᠯ ᠪᠠᠭᠰᠢ ᠪᠤᠯ ᠲᠠᠷᠤᠢ ᠴᠢᠭᠯᠡᠯ᠎ᠢ ᠵᠢᠭᠠᠭᠴᠢ ᠴᠠᠮᠬᠠᠬ ᠨᠢ ᠪᠤᠯᠤᠨ᠎ᠠ᠂ ᠪᠢᠳᠠᠨ᠎ᠢ ᠲᠠᠢᠴᠢᠯᠠᠨ ᠲᠠᠭᠠᠭᠤᠯᠵᠤ ᠵᠦᠪ ᠴᠢᠭᠯᠡᠯ ᠵᠦᠭ ᠤᠷᠤᠭᠰᠢᠯᠠᠭᠤᠯᠤᠨ᠎ᠠ᠂ ᠬᠡᠷᠪᠡ ᠪᠢᠳᠠ ᠨᠢᠯᠬ᠎ᠠ ᠮᠤᠳᠤ ᠪᠠᠢᠬᠰᠠᠠ ᠪᠤᠯ ᠪᠠᠭᠰᠢ ᠪᠤᠯ ᠲᠠᠷᠤᠢ ᠲᠠᠷᠠ ᠠᠷᠠᠴᠢᠯᠠᠭᠴᠢ ᠨᠢ ᠪᠤᠯᠤᠨ᠎ᠠ᠂ ᠪᠢᠳᠠᠨ᠎ᠢ ᠦᠰᠬᠡᠨ ᠬᠦᠮᠤᠵᠢᠬᠦᠯᠵᠤ ᠮᠡᠳᠡᠯᠬᠡ ᠵᠢᠨ ᠤᠷᠬᠢᠯ ᠵᠦᠭ ᠲᠡᠮᠡᠤᠯᠤᠬᠦᠯᠤᠨ᠎ᠠ᠃ ᠡᠨᠡ ᠵᠢᠯ᠎ᠤᠨ 9 ᠰᠠᠷ᠎ᠠ ᠵᠢᠨ 10 ᠪᠤᠯ ᠲᠦᠴᠢᠨ ᠬᠤᠶᠠᠳᠡᠬᠢ ᠪᠠᠭᠰᠢ ᠵᠢᠨ ᠪᠠᠶᠠᠷ ᠪᠤᠯᠤᠨ᠎ᠠ᠂ ᠡᠨᠡ ᠲᠠᠰᠢᠷᠠᠮ ᠵᠢᠡᠷ ᠪᠠᠭᠰᠢ ᠨᠠᠷ ᠲᠠᠭᠠᠨ ᠲᠠᠯᠠᠷᠬᠠᠯ ᠬᠦᠨᠳᠤᠳᠬᠡᠯ ᠵᠢᠠᠨ ᠲᠠᠪᠰᠢᠬᠦᠯᠬᠦ ᠵᠢᠨ ᠬᠠᠮᠳᠤ ᠪᠠᠭ᠎ᠠ ᠨᠠᠰᠤᠨ᠎ᠤ ᠮᠢᠨᠢ ᠦᠯᠢᠬᠡᠷ ᠤᠴᠠᠷᠠᠯ ᠵᠢᠠᠨ ᠡᠷᠬᠢᠴᠡᠬᠦᠯᠵᠤ ᠪᠠᠢᠭ᠎ᠠ ᠮᠢᠨᠢ ᠡᠨᠡ᠃

ᠪᠠᠭᠰᠢ ᠪᠤᠯ ᠡᠬᠡ ᠤᠯᠤᠰ᠎ᠤᠨ ᠵᠢᠭᠠᠨ ᠰᠤᠷᠭᠠᠯᠳᠠ ᠵᠢᠨ ᠬᠦᠨᠳᠤ ᠡᠬᠦᠷᠬᠡ ᠵᠢ ᠡᠬᠦᠷᠬᠡᠯᠡᠵᠤ᠂ ᠪᠢᠳᠠᠨ᠎ᠳᠤ ᠰᠤᠶᠤᠯ ᠰᠤᠷᠳᠠᠯ᠎ᠢ ᠤᠯᠠᠮᠵᠢᠯᠠᠵᠤ᠂ ᠡᠷᠳᠡᠮ ᠨᠤᠮ ᠵᠢᠭᠠᠵᠤ᠂ ᠬᠦᠴᠢᠷ ᠠᠰᠠᠭᠤᠳᠠᠯ᠎ᠢ ᠰᠢᠢᠳᠪᠤᠷᠢᠯᠡᠠ᠂ ᠲᠦᠬᠡᠷᠢᠭᠳᠡᠯ᠎ᠢ ᠲᠠᠢᠯᠵᠤ ᠦᠭᠳᠡᠭ᠃ ᠮᠢᠨᠤ ᠰᠠᠭᠤᠭᠳᠠᠯ᠎ᠳᠤ ᠠ᠊ ᠪᠠᠭᠰᠢ ᠪᠤᠯ ᠳᠤᠢᠯ᠎ᠤᠨ ᠴᠢᠩᠭ᠎ᠠ᠂ ᠦᠬᠡ ᠴᠦᠬᠡᠨᠳᠡᠢ ᠪᠠᠬᠰᠢ ᠪᠠᠢᠵᠠᠢ᠂ ᠬᠡᠪᠡᠴᠤ ᠪᠠᠭᠰᠢ ᠮᠠᠨᠢ ᠵᠠᠷᠢᠮ ᠦᠶᠠᠰ ᠲᠤ᠌ ᠪᠠᠰᠠ ᠠᠪᠤ ᠡᠵᠢ ᠰᠢᠭ ᠪᠢᠳᠠᠨ᠎ᠢ ᠬᠠᠢᠷᠠᠯᠠᠨ ᠬᠠᠷᠠᠭᠠᠯᠵᠠᠵᠤ᠂ ᠨᠠᠢᠵᠠ ᠨᠦᠬᠦᠳ ᠰᠢᠭ ᠨᠠᠭᠠᠳᠤᠮ ᠬᠢᠨ᠎ᠠ᠂ ᠪᠤᠳᠤᠯ ᠰᠠᠨᠠᠯ ᠵᠢᠠᠨ ᠰᠤᠯᠢᠯᠴᠠᠠ᠂ ᠰᠡᠳᠬᠢᠯ᠎ᠤᠨ ᠦᠬᠡ ᠪᠡᠨ ᠶᠠᠷᠢᠨ᠎ᠠ᠃ ᠤᠨ ᠵᠢᠯ ᠤᠷᠴᠢᠵᠤ ᠪᠠᠭ᠎ᠠ ᠰᠤᠷᠭᠠᠭᠤᠯᠢ ᠲᠡᠬᠦᠰᠤᠬᠡᠳ ᠬᠡᠳᠤᠨ ᠠᠷᠪᠠᠨ ᠵᠢᠯ ᠪᠤᠯᠤᠭᠰᠠᠠ ᠴᠤ᠌ ᠪᠠᠬᠰᠢ ᠵᠢᠨ ᠮᠢᠨᠢ ᠦᠬᠡ ᠶᠠᠷᠢᠶ᠎ᠠ᠂ ᠤᠢᠯᠠ ᠬᠦᠳᠡᠯᠤᠯ᠂ ᠲᠦᠷᠢ ᠲᠦᠷᠬᠦ ᠪᠢᠳᠠᠨ᠎ᠤ ᠰᠡᠳᠬᠢᠯ ᠵᠢᠷᠤᠬᠡᠨ᠎ᠳᠤ ᠦᠨᠢᠳᠠ ᠵᠢᠨ ᠮᠠᠷᠳᠠᠭᠳᠠᠰᠢ ᠦᠬᠡᠢ ᠮᠦᠷᠳᠡᠬᠡᠨ ᠮᠦᠩᠬᠡ ᠵᠢᠨ ᠳᠤᠷᠠᠳᠬᠠᠯ ᠨᠠᠨᠳᠢᠨ ᠳᠤᠷᠠᠰᠤᠮᠵᠢ ᠪᠤᠯᠤᠨ ᠦᠯᠡᠳᠡᠭᠰᠡᠡ ᠪᠢᠯᠠ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠵᠣᠣ ᠱᠦ᠍ ᠭᠤᠸᠠᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面