2026-08-14 10:07:09
ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠪᠣᠯᠤᠨ ᠹᠷᠠᠨᠼᠢᠳ᠋ᠡᠬᠢ ᠳᠤᠮᠳᠠᠳᠤᠶ᠋ᠢᠨ ᠬᠠᠷᠢᠶᠠᠲᠤ ᠵᠢᠴᠢ ᠲᠤᠮᠳᠠᠳᠤ ᠵᠢᠨ ᠬᠦᠮᠦᠰᠤᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠵᠢᠨ ᠠᠢᠯᠴᠢᠯᠠᠯᠲᠠᠶ᠋ᠢᠨ ᠪᠦᠯᠬᠦᠮ ᠤᠢᠷᠠᠳᠤ ᠬᠦᠬᠡᠬᠤᠳᠠ ᠳ᠋ᠤ ᠶᠠᠷᠢᠯᠴᠠᠨ ᠰᠣᠯᠢᠯᠴᠠᠬᠤ ᠬᠤᠷᠠᠯ ᠬᠢᠪᠡ᠃
ᠬᠤᠷᠠᠯ ᠳᠡᠭᠡᠷᠡ᠂ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠵᠢᠨ ᠬᠠᠮᠢᠶᠠ ᠪᠦᠬᠦᠢ ᠬᠠᠷᠢᠭᠤᠴᠠᠯᠭᠠᠲᠠᠨ ᠡᠴᠡ ᠣᠢᠷᠠᠶ᠋ᠢᠨ ᠵᠢᠯᠤᠨ ᠦᠪᠦᠷ ᠮᠤᠩᠭᠤᠯᠤᠨ ᠡᠮᠡᠭᠳᠡᠢᠴᠤᠳᠤᠨ ᠬᠤᠯᠪᠤᠭᠠ ᠵᠢᠨ ᠪᠦᠬᠦ ᠲᠠᠯᠠ ᠵᠢᠨ ᠠᠵᠢᠯᠢ ᠲᠠᠨᠢᠯᠴᠠᠭᠤᠯᠬᠤ ᠵᠢᠨ ᠬᠠᠮᠲᠤ᠂ ᠳᠤᠮᠳᠠᠳᠤ ᠹᠷᠠᠨᠼᠢᠶ᠋ᠢᠨ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠᠨᠤ ᠲᠠᠪᠴᠠᠩ ᠪᠠᠢᠭᠤᠯᠬᠤ᠂ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠨᠢᠬᠦᠯᠡᠰᠦᠩᠬᠦᠢ ᠵᠢᠨ ᠠᠵᠢᠯᠯᠠᠭᠠ ᠵᠢᠨ ᠬᠠᠮᠵᠢᠯᠴᠠᠭᠠᠨᠤ ᠠᠷᠭᠠ ᠵᠠᠮᠢ ᠨᠡᠭᠡᠭᠡᠬᠦ᠌᠂ ᠱᠢᠨᠡᠶ᠋ᠢ ᠡᠭᠦᠳᠬᠦ᠌ ᠦᠶ᠋ᠯᠡᠰ ᠪᠣᠰᠭᠠᠬᠤ ᠵᠠᠭ᠍ᠪᠤᠷᠢ ᠰᠦᠪᠡᠭ᠌ᠴᠢᠯᠡᠬᠦ᠌ ᠵᠡᠷᠭᠡ ᠲᠠᠯᠠᠪᠡᠷ ᠬᠠᠮᠵᠢᠯᠴᠠᠭᠠᠪᠠᠨ ᠭᠦᠨᠵᠡᠭᠡᠢᠷᠡᠭᠦᠯᠬᠦ ᠵᠢ ᠬᠦᠰᠡᠵᠡᠢ᠃
ᠹᠷᠠᠨᠼᠢᠶ᠋ᠢᠨ ᠳᠤᠮᠳᠠᠳᠤᠶ᠋ᠢᠨ ᠬᠠᠷᠢᠶᠠᠲᠤ ᠵᠢᠴᠢ ᠲᠤᠮᠳᠠᠳᠤ ᠵᠢᠨ ᠬᠦᠮᠦᠰᠤᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠣᠯᠪᠣᠭᠠ ᠵᠢᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠡᠴᠡ᠂ ᠡᠮᠡᠭᠳᠡᠢᠴᠤᠳᠤᠨ ᠬᠣᠯᠪᠣᠭᠠ ᠵᠢᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠲᠣᠢᠮᠣ ᠪᠠᠢᠳᠠᠯᠢ ᠲᠠᠨᠢᠯᠴᠠᠭᠤᠯᠵᠤ᠂ ᠹᠷᠠᠨᠼᠢᠳᠠᠬᠢ ᠲᠤᠮᠳᠠᠳᠤ ᠵᠢᠨ ᠬᠠᠷᠢᠶᠠᠲᠤᠵᠢᠴᠢ ᠲᠤᠮᠳᠠᠳᠤ ᠵᠢᠨ ᠡᠮᠡᠭ᠌ᠲᠡᠢᠴᠦᠳᠲᠡᠶ ᠪᠦᠯᠬᠦᠮᠳᠡᠵᠦ᠍᠂ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠢ ᠤᠯᠠᠮᠵᠢᠯᠠᠵᠤ᠂ ᠳᠤᠮᠳᠠᠳᠤ ᠹᠷᠠᠨᠼᠢᠶ᠋ᠢᠨ ᠠᠷᠠᠳᠤᠨ ᠰᠣᠯᠢᠯᠴᠠᠭᠠᠶ᠋ᠢ ᠠᠬᠢᠭᠤᠯᠵᠤ᠂ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠨᠢᠬᠦᠯᠡᠰᠦᠩᠬᠦᠢ ᠵᠢᠨ ᠦᠢᠯᠡᠰᠢ ᠬᠦᠨᠵᠡᠭᠡᠢᠷᠡᠭᠦᠯᠬᠦ ᠵᠡᠷᠭᠡ ᠲᠠᠯᠠᠶ᠋ᠢᠨ ᠲᠤᠷᠱᠢᠯᠭᠠ ᠪᠣᠯᠤᠨ ᠦᠷᠡ ᠪᠦᠲᠦᠭᠡᠯ ᠵᠢᠡᠨ ᠬᠤᠪᠢᠶᠠᠯᠴᠠᠵᠤ᠂ ᠭᠠᠳᠠᠭᠠᠳᠤᠳᠤ ᠪᠠᠢᠭᠠ ᠳᠤᠮᠳᠠᠳᠤᠶ᠋ᠢᠨ ᠬᠠᠷᠢᠶᠠᠲᠤ ᠵᠢᠴᠢ ᠲᠤᠮᠳᠠᠳᠤ ᠵᠢᠨ ᠬᠦᠮᠦᠰᠤᠨ ᠡᠬᠡ ᠤᠯᠤᠰᠢᠶᠠᠨ ᠬᠠᠢᠷᠠᠯᠠᠵᠤ ᠨᠤᠲᠤᠭ ᠤᠰᠤᠪᠠᠨ ᠬᠠᠢᠷᠠᠯᠠᠬᠤ᠂ ᠡᠷᠡᠯᠬᠡᠭ᠌ᠯᠡᠨ ᠲᠡᠮᠡᠴᠡᠬᠦ᠌ ᠤᠶᠤᠨ ᠰᠠᠨᠠᠭᠠᠨᠤ ᠳᠦᠷᠰᠦ ᠪᠠᠢᠳᠠᠯᠢ ᠢᠯᠡᠷᠡᠭᠦᠯᠪᠡ᠃
ᠰᠣᠯᠢᠯᠴᠠᠭᠠᠨᠤ ᠬᠤᠭᠤᠴᠠᠭᠠᠨᠳᠤ᠂ ᠬᠣᠶᠠᠷ ᠲᠠᠯᠠᠪᠠᠷᠢᠶᠠᠨ ᠡᠮᠡᠭ᠌ᠲᠡᠢᠴᠦᠳᠦᠨ ᠠᠵᠢᠯ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡ᠂ ᠭᠡᠷ ᠪᠦᠯᠢᠶ᠋ᠢᠨ ᠪᠠᠢᠭᠤᠯᠤᠯᠲᠠ᠂ ᠡᠮᠡᠭ᠌ᠲᠡᠢᠴᠦᠳᠦᠨ ᠡᠷᠬᠡ ᠠᠱᠢᠭᠤᠨ ᠪᠠᠲᠤᠯᠠᠭᠠ᠂ ᠭᠠᠳᠠᠭᠠᠳᠤᠯᠤᠭᠠᠶ᠋ᠢᠨ ᠰᠣᠯᠢᠯᠴᠠᠭᠠ ᠬᠠᠮᠲᠤᠷᠠᠯᠴᠠᠭᠠ ᠵᠡᠷᠭᠡ ᠲᠠᠯᠠᠶ᠋ᠢᠨ ᠲᠣᠭᠣᠷᠢᠨᠳᠤ ᠭᠦᠨᠵᠡᠭᠡᠢ ᠶᠠᠷᠢᠯᠴᠠᠨ ᠰᠣᠯᠢᠯᠴᠠᠵᠤ᠂ ᠲᠤᠬᠠᠢᠶ᠋ᠢᠨ ᠲᠠᠯᠠᠪᠠᠢᠶ᠋ᠢᠨ ᠠᠭᠤᠷ ᠠᠮᠢᠰᠭᠤᠯ ᠡᠶᠡ ᠨᠠᠢᠷᠲᠠᠢ ᠪᠠᠢᠵᠤ᠂ ᠣᠢᠯᠠᠭᠠᠯᠴᠠᠭᠠᠪᠠᠨ ᠨᠡᠮᠡᠭ᠌ᠳᠡᠭᠦᠯᠵᠦ᠂ ᠬᠠᠮᠲᠤᠶ᠋ᠢᠨ ᠲᠠᠨᠢᠯᠲᠠᠪᠠᠨ ᠨᠢᠭ᠍ᠲᠠᠷᠠᠭᠤᠯᠵᠤ᠂ ᠨᠥᠬᠥᠷᠯᠡᠯᠢᠶᠡᠨ ᠭᠦᠨᠵᠡᠭᠡᠢᠷᠡᠭᠦᠯᠪᠡ᠃
ᠬᠣᠶᠠᠷ ᠲᠠᠯᠠᠪᠠᠷᠢᠶᠠᠨ᠂ ᠲᠤᠰ ᠤᠳᠠᠭᠠᠶ᠋ᠢᠨ ᠠᠢᠯᠴᠢᠯᠠᠯᠲᠠᠪᠠ ᠰᠤᠯᠢᠯᠴᠠᠭᠠ ᠪᠠᠷ ᠠᠵᠠ ᠲᠣᠬᠢᠶᠠᠯ ᠪᠣᠯᠭᠠᠵᠤ᠂ ᠪᠠᠢ᠌ᠩᠭᠤᠵᠢᠭ᠍ᠰᠠᠨ ᠰᠣᠯᠢᠯᠴᠠᠭᠠᠨᠤ ᠲᠠᠪᠴᠠᠩᠢ ᠪᠠᠢᠭᠤᠯᠵᠤ᠂ ᠡᠮᠡᠭ᠌ᠲᠡᠢᠴᠦᠳᠦᠨ ᠬᠥᠭ᠌ᠵᠢᠯᠲᠡ᠂ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ᠂ ᠨᠡᠢᠲᠡᠶ᠋ᠢᠨ ᠠᠰᠠᠷᠠᠮᠵᠢᠶ᠋ᠢᠨ ᠦᠢᠯᠡᠰ᠂ ᠡᠮᠡᠭ᠌ᠲᠡᠢᠴᠦᠳᠦᠨ ᠦᠢᠯᠡᠰ ᠪᠤᠰᠭᠠᠬᠤ ᠵᠡᠷᠭᠡ ᠲᠠᠯᠠᠪᠠᠷ ᠬᠢ ᠲᠤᠷᠱᠢᠯᠭᠠᠪᠠᠨ ᠬᠠᠷᠢᠯᠴᠠᠨ ᠲᠤᠯᠢᠯᠠᠵᠤ᠂ ᠬᠠᠮᠲᠤᠷᠠᠯᠴᠠᠭᠠ ᠰᠣᠯᠢᠯᠴᠠᠭᠠᠪᠠᠨ ᠤᠯᠠᠮ ᠴᠢᠨᠠᠭ᠍ᠰᠢᠳᠠ ᠴᠢᠩᠭᠠᠳᠭᠠᠵᠤ᠂ ᠳᠤᠮᠳᠠᠳᠤ ᠹᠷᠠᠨᠼᠢᠶ᠋ᠢᠨ ᠠᠷᠠᠳᠤᠨ ᠰᠡᠳᠭᠢᠯᠦᠨ ᠨᠡᠪᠲᠡᠷᠡᠯᠴᠡᠭᠡᠶ᠋ᠢ ᠠᠬᠢᠭᠤᠯᠬᠤ᠂ ᠬᠣᠶᠠᠷ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠦ ᠨᠥᠬᠥᠷᠯᠡᠯᠢ ᠵᠤᠵᠠᠭᠠᠳᠭᠠᠬᠤᠳᠤ ᠡᠮᠡᠭ᠌ᠲᠡᠢᠴᠤᠳᠤᠨ ᠬᠦᠴᠦᠨ ᠴᠢᠳᠠᠯᠢ ᠡᠷᠭᠦᠨᠡ ᠭᠡᠵᠦ᠍ ᠰᠠᠨᠠᠯ ᠨᠢᠭᠡᠳᠡᠢ ᠢᠯᠡᠷᠭᠡᠢᠯᠡᠪᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠵᠣᠣ ᠱᠦ᠍ ᠭᠤᠸᠠᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃