2026-10-30 15:00:21
ᠭᠤᠷᠪᠠᠨ ᠱᠠᠳᠤᠨ ᠤ᠋ ᠬᠤᠯᠪᠤᠭᠠᠯᠠᠯ — ᠲᠤᠰᠬᠠᠢ ᠰᠡᠳᠦᠪᠲᠦ ᠮᠡᠳᠡᠭᠡᠯᠡᠯ 39
ᠮᠠᠨᠤ ᠤᠷᠤᠨᠤ ᠬᠠᠮᠤᠭᠤᠨ ᠪᠠᠷᠠᠭᠤᠨ ᠪᠡᠶᠡᠳᠤ ᠪᠠᠢᠷᠢᠯᠠᠵᠦ ᠪᠠᠢᠭᠠ ᠠᠯᠠᠱᠠ ᠵᠡᠬᠦᠨ ᠬᠤᠰᠢᠭᠤᠨᠳᠤ ᠲᠡᠭᠷᠢ ᠡᠯᠡᠰᠦ᠂ ᠤᠯᠠᠭᠠᠨᠪᠤᠬᠠᠶᠢᠨ ᠡᠯᠡᠰᠦ ᠬᠦᠨᠳᠡᠯᠢᠰᠦᠨ ᠭᠡᠷᠦᠵᠦ᠂ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠲᠠᠯᠠᠪᠠᠢ ᠶᠡᠬᠡ᠂ ᠲᠠᠷᠬᠠᠯᠲᠠ ᠦᠷᠭᠡᠨᠶ᠋ᠢᠡᠷᠶ᠋ᠢᠡᠨ ᠠᠯᠲᠠᠷᠰᠢᠵᠠᠢ᠃ ᠤᠯᠠᠨ ᠵᠢᠯᠤᠨ ᠲᠤᠷᠰᠢ᠂ ᠠᠯᠠᠱᠠᠴᠤᠳ ᠡᠯᠡᠰᠦ ᠲᠠᠢ ᠲᠠᠢᠨ ᠵᠠᠷᠯᠠᠵᠦ᠂ ᠡᠯᠡᠰᠦᠶᠢ ᠵᠠᠰᠠᠵᠦ ᠡᠯᠡᠰᠦᠶᠢ ᠰᠡᠷᠭᠡᠢᠯᠡᠬᠦᠶᠢᠨ ᠬᠠᠮᠲᠦ᠂ ᠡᠯᠡᠰᠦᠨᠤ ᠠᠵᠦ ᠦᠢᠯᠡᠰᠢ ᠬᠦᠭᠵᠢᠬᠦᠯᠵᠦ᠂ ᠬᠤᠮᠠᠬᠢ ᠡᠯᠡᠰᠦᠶᠢ 《ᠬᠤᠪᠤᠷ ᠡᠷᠳᠡᠨᠢ》 ᠪᠤᠯᠭᠠᠵᠦ ᠪᠠᠢᠨᠠ᠃ ᠣᠶ᠋ᠢᠷᠠᠶᠢᠨ ᠵᠢᠯᠳᠤ᠂ ᠲᠤᠰ ᠬᠣᠰᠢᠭᠤ ᠨᠢ 《ᠤᠮᠠᠷᠠᠲᠤᠶᠢᠨ ᠭᠤᠷᠪᠠᠨ ᠣᠷᠣᠨ》 ᠤ᠋ ᠢᠨᠵᠧᠨᠧᠷᠢᠩᠦᠨ ᠴᠢᠬᠤᠯᠠ ᠶᠡᠬᠡ ᠪᠠᠶ᠋ᠢᠯᠳᠤᠬᠤ ᠪᠣᠳᠣᠯᠭᠠᠶᠢᠨ ᠠᠵᠠ ᠲᠣᠬᠢᠶᠠᠯᠢ ᠪᠠᠲᠤ᠌ ᠡᠵᠡᠮᠳᠡᠵᠦ᠍᠂ ᠠᠮᠢ ᠠᠬᠤᠢᠶᠢ ᠲᠡᠷᠢᠭᠦᠨᠳᠦ ᠲᠠᠯᠪᠢᠨ᠂ ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭᠵᠢᠯᠲᠡᠶᠢᠨ ᠵᠠᠮᠢᠶᠠᠷ ᠭᠤᠶ᠋ᠢᠪᠢᠰᠢ ᠦᠭᠡᠢ ᠵᠠᠮᠨᠠᠵᠤ᠂ ᠭᠠᠵᠠᠷ ᠤᠷᠤᠨᠤ ᠥᠪᠡᠷᠮᠢᠴᠡ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠤᠯᠢᠭ ᠲᠠᠭᠠᠨ ᠰᠠᠭᠤᠷᠢᠯᠠᠨ᠂ ᠰᠢᠨᠡ ᠡᠨᠧᠷᠭᠢ᠂ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠ᠂ ᠣᠨᠴᠠᠯᠢᠭᠲᠤ᠌ ᠳᠠᠷᠢᠵᠤ ᠲᠡᠵᠢᠭᠡᠬᠦ᠌ ᠦᠢᠯᠡᠰᠢ ᠠᠭᠤᠰᠤᠯᠴᠠᠭᠤᠯᠬᠤ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠵᠢᠯᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠶᠤᠮ᠃

ᠤᠲᠤᠶᠢᠨ ᠠᠯᠠᠱᠠᠴᠤᠳ ᠡᠯᠡᠰᠤᠶᠢ ᠵᠠᠰᠠᠬᠤᠶᠢᠨ ᠲᠠᠭᠠᠦ ᠡᠯᠡᠰᠦᠶᠢ ᠠᠰᠢᠬᠯᠠᠨ᠂ ᠴᠡᠪᠡᠷ ᠡᠨᠧᠷᠭᠢ ᠭᠠᠷᠭᠠᠵᠦ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠵᠦ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠳᠣᠲᠣᠭᠠᠳᠤ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨᠢ ᠬᠥᠭᠵᠢᠭᠡᠵᠦ᠍᠂ ᠡᠯᠡᠰᠤᠨ ᠴᠦᠯ ᠡᠵᠡᠭᠦᠢ ᠬᠡᠬᠡᠷᠡᠶᠢ ᠨᠤᠭᠤᠭᠠᠨ ᠪᠦᠷᠢᠳᠤ ᠪᠤᠯᠭᠠᠨ᠂ ᠮᠠᠯᠴᠢᠨ ᠲᠦᠮᠡᠨᠢ ᠴᠢᠨᠡᠭᠡᠯᠢᠭᠵᠢᠬᠦᠯᠵᠦ᠂ ᠵᠤᠯ ᠵᠢᠷᠭᠠᠯᠲᠤ᠌ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠰᠢᠨᠡ ᠴᠠᠭ ᠦᠶᠡᠶᠢᠨ ᠰᠢᠨᠡ ᠦᠯᠢᠬᠡᠷᠢ ᠦᠷᠭᠦᠯᠵᠢᠯᠡᠨ ᠪᠢᠴᠢᠭᠯᠡᠵᠦ ᠪᠠᠢᠨᠠ᠃
ᠮᠠᠩᠬᠠᠨ ᠨᠤᠲᠤᠭ ᠲᠤ᠌ ᠬᠠᠶ᠋ᠢᠷᠠ ᠪᠠᠨ ᠮᠠᠨᠠᠬᠰᠠᠨ 40 ᠵᠢᠯ
ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠤᠢ ᠰᠢᠭᠤᠢᠶᠢᠨ ᠠᠵᠢᠯᠤᠨ ᠥᠷᠲᠡᠭᠡᠨᠦ ᠳᠡᠭᠡᠳᠦ ᠳᠡᠰᠦᠨ ᠢᠨᠵᠧᠨᠧᠷ ᠯᠢᠦ ᠬᠣᠩ ᠢ᠂ 40 ᠵᠢᠯᠤᠨ ᠲᠣᠷᠰᠢ ᠬᠠᠳᠠᠭᠤᠵᠢᠯᠳᠠᠢ ᠲᠡᠮᠡᠴᠡᠵᠤ ᠡᠯᠡᠰᠤᠷᠬᠡᠭᠵᠢᠭᠰᠡᠨ ᠤᠷᠤᠨ ᠨᠤᠲᠤᠭᠢᠶᠠᠨ ᠨᠤᠮᠢᠨ ᠨᠤᠭᠤᠭᠠᠨ ᠪᠦᠷᠢᠳᠦ ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠠᠮᠢ ᠠᠬᠤᠢ ᠵᠢ ᠬᠠᠮᠠᠭᠠᠯᠠᠨ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠤᠮᠠᠷᠠᠲᠤᠶᠢᠨ ᠭᠤᠷᠪᠠᠨ ᠤᠷᠤᠨᠤ ᠢᠨᠵᠧᠨᠧᠷᠢᠩᠦᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠳᠤ ᠬᠦᠴᠦᠪᠡᠨ ᠡᠷᠭᠦᠪᠡ ᠃


ᠯᠢᠦ ᠬᠣᠩ ᠢ 1986 ᠣᠨᠳᠤ ᠥᠪᠥᠷ ᠮᠣᠩᠭᠣᠯᠤᠨ ᠵᠠᠯᠠᠨ ᠠᠶ᠋ᠢᠯ ᠣᠶ ᠰᠢᠭᠤᠢᠶᠢᠨ ᠰᠤᠷᠭᠠᠭᠤᠯᠢᠠᠴᠠ ᠲᠡᠭᠦᠰᠦᠭᠰᠡᠨᠦ ᠳᠠᠷᠠᠭᠠ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠵᠢᠷᠠᠲᠠᠢᠶᠢᠨ ᠤᠯᠤᠰᠤᠨ ᠡᠵᠡᠩᠨᠡᠯᠲᠡᠶᠢᠨ ᠡᠯᠡᠰᠦ ᠵᠠᠰᠠᠬᠤ ᠥᠷᠲᠡᠭᠡᠳᠦ ᠤᠴᠢᠵᠦ᠍ ᠠᠵᠢᠯᠯᠠᠪᠠ᠃ ᠲᠡᠷᠡ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠄ 《ᠲᠤᠬᠠᠢᠶᠢᠨ ᠦᠶᠡᠳᠦ ᠬᠡᠬᠦᠳᠡᠭ ᠳᠦᠭᠦᠷᠡᠩ ᠤᠷᠭᠢᠯᠤᠮᠠ ᠬᠠᠯᠠᠭᠤᠨ ᠰᠡᠳᠬᠢᠯᠭᠡᠶᠢ ᠡᠪᠦᠷᠯᠡᠨ ᠤᠴᠢᠪᠠ᠂ ᠭᠡᠪᠡᠴᠦ᠍ ᠠᠵᠢᠯᠯᠠᠬᠤ ᠭᠠᠵᠠᠷᠲᠠᠭᠠᠨ ᠬᠦᠷᠦᠭᠰᠡᠨᠦ ᠳᠠᠷᠠᠭᠠ᠂ ᠰᠠᠯᠬᠢ ᠰᠢᠭᠤᠷᠭᠠᠨᠳᠤ ᠳᠠᠭᠠᠷᠢᠭᠳᠠᠭᠰᠠᠨ ᠤᠯᠠᠭᠠᠨᠪᠤᠬᠠᠶᠢᠨ ᠡᠯᠡᠰᠦ᠂ ᠲᠣᠭᠠ ᠲᠠᠢ ᠬᠡᠳᠤᠬᠡᠨ ᠡᠪᠡᠰᠤ ᠮᠤᠳᠤ᠂ ᠰᠢᠨᠵᠢᠯᠡᠭᠡ ᠮᠡᠷᠭᠡᠵᠢᠯᠬᠣᠴᠣᠷᠤᠩᠭᠤᠢ᠂ ᠲᠤᠨᠤᠭ ᠲᠥᠬᠦᠭᠡᠷᠦᠮᠵᠢ ᠳᠤᠲᠠᠮᠠᠭ ᠵᠡᠷᠭᠡ ᠪᠠᠶ᠋ᠢᠳᠠᠯ ᠵᠢᠴᠢ ᠡᠳᠦᠷ ᠢᠷᠡᠬᠦᠶᠡ ᠬᠡᠴᠡᠭᠦᠳᠡᠵᠦ᠍ ᠪᠠᠶ᠋ᠢᠭᠠ ᠠᠮᠢ ᠠᠬᠤᠢ ᠶ᠋ᠢᠨ ᠣᠷᠴᠢᠨ ᠨᠥᠬᠥᠴᠡᠯ ᠲᠤᠤᠷᠠ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠤᠷᠤᠰᠢᠨ ᠠᠮᠢᠳᠤᠷᠠᠬᠤᠳᠤ ᠪᠡᠷᠭᠡ ᠪᠤᠯᠤᠭᠰᠠᠨᠢ ᠨᠢᠳᠦ ᠪᠡᠷ ᠢᠶᠡᠨ ᠦᠵᠡᠭᠡᠳ ᠰᠡᠳᠬᠢᠯ ᠶᠡᠬᠡᠳᠡ ᠬᠥᠷᠥᠪᠡ》 ᠭᠡᠪᠠ᠃ ᠭᠡᠪᠡᠴᠤ ᠲᠡᠭᠦᠨᠳᠦ ᠪᠤᠴᠠᠬᠤ ᠵᠠᠮ ᠭᠡᠵᠤ ᠠᠯᠠᠭᠠ᠃ ᠵᠦᠪᠬᠡᠨ ᠰᠤᠩᠭᠤᠬᠰᠠᠨ ᠦᠢᠯᠡᠰ ᠲᠡᠭᠡᠨ ᠰᠢᠭᠤᠷᠬᠠᠢᠯᠠᠵᠤ ᠤᠷᠤᠬᠤ ᠨᠢ ᠲᠡᠭᠦᠨᠤ ᠴᠤᠷᠤᠨ ᠭᠠᠭᠴᠡ ᠰᠤᠩᠭᠤᠯᠳᠡ ᠪᠠᠢᠪᠡ᠃ ᠲᠡᠷᠡ ᠡᠯᠡᠰᠦᠶᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ ᠦᠢᠯᠡᠰᠲᠦ᠍ ᠠᠩᠬᠠᠷᠤᠯᠢᠶᠠᠨ ᠢᠮᠠᠬᠳᠡ ᠬᠠᠨᠳᠤᠭᠤᠯᠵᠤ᠂ ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠣᠨᠤᠭᠤᠨ ᠲᠠᠬᠢᠨ ᠳᠠᠪᠲᠠᠨ ᠲᠤᠷᠰᠢᠯᠲᠠ ᠰᠤᠲᠤᠯᠭᠠ ᠪᠡᠷ ᠲᠠᠮᠵᠢᠨ᠂ ᠠᠯᠠᠱᠠ ᠨᠤᠳᠤᠭ ᠲᠦ᠍ ᠤᠰᠠᠳᠬᠤ ᠰᠢᠬᠠᠭᠰᠠᠨ ᠡᠯᠡᠰᠦᠨᠦ ᠤᠷᠭᠤᠮᠠᠯᠤᠨ ᠴᠢᠬᠢ ᠮᠣᠳᠣᠶᠢ ᠠᠮᠵᠢᠯᠲᠠᠲᠠᠶ ᠪᠣᠶ᠋ᠢᠵᠢᠭᠤᠯᠤᠭᠰᠠᠨᠪᠥᠭᠡᠳ 《ᠠᠯᠠᠱᠠᠶᠢᠨ ᠭᠠᠩ ᠬᠠᠭᠤᠷᠠᠶ ᠡᠯᠡᠰᠦᠨ ᠴᠦᠯᠤᠨ ᠭᠠᠵᠠᠷ ᠣᠷᠣᠨᠤ ᠵᠠᠭ ᠲᠠᠷᠢᠬᠤ ᠪᠠ ᠴᠢᠬᠢ ᠪᠤᠶ᠋ᠢᠵᠢᠭᠤᠯᠬᠤ ᠮᠡᠷᠭᠡᠵᠢᠯ》 ᠢ᠋ ᠡᠬᠦᠳᠪᠡ᠃ ᠲᠡᠭᠦᠨᠦ ᠳᠠᠭᠠᠭᠤᠯᠭᠠᠳᠣᠤᠷᠠ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠡᠯᠡᠰᠦᠨᠦ ᠤᠷᠭᠤᠮᠠᠯᠤᠨ ᠴᠢᠬᠢ ᠪᠣᠶ᠋ᠢᠵᠢᠭᠤᠯᠬᠤ ᠬᠠᠮᠤᠭᠤᠨ ᠲᠣᠮᠣ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯᠵᠤ᠂ ᠴᠢᠬᠢ ᠪᠣᠶ᠋ᠢᠵᠢᠭᠤᠯᠬᠤ ᠲᠥᠷᠥᠯ ᠵᠦᠢᠯ 10 ᠭᠠᠷᠤᠢ ᠵᠦᠢᠯ ᠪᠤᠯᠤᠨ ᠨᠡᠮᠡᠭᠳᠡᠵᠦ᠍᠂ ᠵᠢᠯᠦᠨ ᠭᠠᠷᠤᠯᠲᠠ 4000 ᠲᠦᠮᠡᠨ ᠰᠠᠭᠤᠷᠢᠶᠢ ᠳᠠᠪᠠᠵᠤ᠂ ᠵᠢᠯᠦᠨ ᠦᠢᠯᠡᠳᠬᠦᠨᠦ ᠥᠷᠲᠡᠭ 400 ᠭᠠᠷᠤᠢ ᠲᠦᠮᠡᠨ ᠲᠥᠭᠥᠷᠢᠭᠲᠦ᠍ ᠬᠦᠷᠪᠡ᠃
《ᠡᠯᠡᠰᠦᠶᠢ ᠦᠷᠭᠦᠯᠵᠢᠯᠡᠨ ᠵᠠᠰᠠᠬᠤᠳᠦ ᠡᠷᠬᠡᠪᠰᠢ ᠠᠮᠢ ᠠᠬᠤᠢᠶᠢᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠶᠢ ᠠᠵᠤ ᠦᠢᠯᠡᠰᠦᠨ ᠬᠥᠭᠵᠢᠯᠲᠡ ᠲᠠᠢ ᠨᠢᠭᠲᠠ ᠤᠶᠠᠯᠳᠤᠭᠤᠯᠬᠤ ᠬᠡᠷᠡᠭᠲᠡᠢ》ᠭᠡᠵᠦ ᠯᠢᠦ ᠬᠤᠩ ᠢ ᠲᠠᠩᠲᠠ ᠶᠠᠷᠢᠲᠠᠭ᠃ ᠲᠡᠷᠡ ᠲᠤᠰᠬᠠᠶ᠋ᠢᠯᠠᠨ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠵᠠᠭ ᠲᠠᠷᠢᠬᠤ ᠠᠷᠭᠠᠶᠢ ᠡᠭᠦᠳᠴᠦ᠍᠂ ᠵᠠᠭ ᠪᠠ ᠴᠠᠭᠠᠨ ᠭᠣᠶᠣᠣ᠂ ᠬᠠᠷᠮᠠᠭ ᠪᠠ ᠤᠯᠠᠭᠠᠨ ᠭᠤᠶᠣᠣᠶᠢᠨ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ ᠳᠡᠯᠭᠡᠷᠡᠭᠦᠯᠬᠦ᠌ᠶᠢᠨ ᠬᠠᠮᠲᠤ᠌ ᠠᠵᠢᠯᠤᠨ ᠪᠦᠯᠬᠦᠮᠢᠶᠡᠨ ᠳᠠᠭᠠᠭᠤᠯᠤᠨ ᠠᠵᠤ ᠦᠢᠯᠡᠰᠦᠨ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠳᠤ ᠤᠷᠤᠯᠴᠠᠪᠠ᠃ 《ᠯᠢᠦ ᠬᠣᠩ ᠢ ᠬᠥᠳᠡᠯᠮᠦᠷᠢᠶᠢᠨ ᠵᠢᠱ᠌ᠢᠶᠡᠴᠢᠶᠢᠨ ᠰᠢᠨᠡᠶᠢ ᠡᠭᠦᠳᠬᠦ᠌ ᠠᠵᠢᠯᠤᠨ ᠲᠠᠰᠤᠭᠤᠨ ᠪᠦᠬᠦ᠌ ᠬᠠᠮᠲᠤᠨᠡᠢᠳᠡ ᠵᠢᠨ ᠴᠢᠷᠮᠠᠶ᠋ᠢᠯᠭᠠᠪᠠᠷ᠂ ᠤᠤᠯ ᠨᠢ 10 ᠵᠢᠯᠳᠦ ᠪᠡᠶᠡᠯᠡᠭᠦᠯᠬᠦ᠌ᠪᠡᠷ ᠲᠥᠯᠥᠪᠯᠡᠵᠦ᠍ ᠪᠠᠶ᠋ᠢᠭᠰᠠᠨ ᠢᠨᠵᠧᠨᠧᠷᠢᠩᠢ 4 ᠵᠢᠯᠳᠦ ᠤᠷᠢᠳᠴᠢᠯᠠᠨ ᠪᠡᠶᠡᠯᠡᠭᠦᠯᠵᠦ᠍᠂ ᠪᠠᠰᠠ ᠨᠢᠭᠡ ᠢᠵᠢ ᠵᠠᠭ ᠲᠠᠷᠢᠭᠰᠠᠨ ᠲᠤᠷᠰᠢᠯᠭᠠᠶᠢ ᠳ᠋ᠦᠩᠨᠡᠵᠦ᠍᠂ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠣᠶ᠋ᠢᠵᠢᠭᠤᠯᠤᠯᠲᠠᠶᠢ ᠳᠡᠯᠭᠡᠷᠡᠭᠦᠯᠵᠦ᠍᠂ ᠬᠠᠪᠤᠷ ᠨᠠᠮᠤᠷ ᠬᠣᠶᠠᠷ ᠤᠯᠠᠷᠢᠯᠳᠤ ᠬᠠᠷᠢᠯᠴᠠᠨ ᠨᠦᠬᠦᠪᠦᠷᠢᠯᠡᠨ ᠲᠠᠷᠢᠬᠤᠪᠠᠷ ᠳᠠᠮᠵᠢᠨ ᠤᠰᠤᠯᠠᠬᠤ ᠤᠳᠠᠭᠠᠶᠢ ᠪᠠᠭᠠᠰᠬᠠᠨ᠂ ᠵᠠᠭᠤᠨ ᠣᠶ᠋ᠢᠵᠢᠭᠤᠯᠤᠯᠲᠠᠶᠢᠨ ᠴᠠᠭᠢ ᠤᠷᠲᠤᠳᠬᠠᠵᠤ᠂ ᠵᠠᠭᠤᠨ ᠤᠷᠭᠤᠯᠲᠠᠶᠢᠨ ᠨᠤᠷᠮᠠᠶᠢ 5%— 10%ᠪᠡᠷ ᠳᠡᠭᠡᠭᠰᠢᠯᠡᠭᠦᠯᠪᠡ᠃ ᠡᠭᠦᠨᠦ ᠬᠠᠮᠲᠤ᠌᠂ ᠮᠢᠩᠭᠠ ᠰᠢᠬᠠᠮ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠢ ᠮᠡᠷᠭᠡᠵᠢᠯᠦᠨ ᠪᠣᠯᠪᠠᠰᠤᠷᠠᠯᠳᠦ ᠤᠷᠤᠯᠴᠠᠭᠤᠯᠵᠦ᠍᠂ ᠬᠡᠳᠦᠨ ᠵᠠᠭᠤᠨ ᠡᠷᠦᠬᠡ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠳᠤ ᠲᠠᠷᠢᠮᠠᠯᠤᠨ ᠮᠡᠷᠭᠡᠵᠢᠯᠢ ᠡᠵᠡᠮᠰᠢᠭᠦᠯᠵᠦ᠍᠂ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠨ ᠪᠠᠶᠠᠵᠢᠭᠤᠯᠪᠠ᠃《ᠤᠤᠯᠨᠢ ᠪᠢᠳᠡ ᠵᠠᠭ ᠲᠠᠷᠢᠬᠤ ᠮᠡᠷᠭᠡᠵᠢᠯ ᠢ᠋ ᠮᠡᠳᠡᠬᠦ᠌ ᠦᠭᠡᠢ᠂ ᠯᠢᠦ ᠥᠷᠲᠡᠭᠡᠨ ᠳᠠᠷᠤᠭᠠ ᠮᠠᠨᠤ ᠡᠨᠳᠡ ᠢᠷᠡᠵᠦ ᠮᠠᠯᠴᠢᠨ ᠡᠷᠤᠭᠡᠶᠢᠨᠳᠤ ᠰᠠᠭᠤᠵᠤ ᠡᠳᠦᠷ ᠪᠦᠷᠢ ᠡᠷᠲᠡᠯᠡᠵᠦ᠍ ᠣᠷᠣᠶ᠋ᠢᠯᠠᠨ ᠪᠢᠳᠡᠨᠳᠦ ᠵᠠᠭᠤᠨ ᠦᠨᠳᠦᠰᠦᠨᠳᠦ ᠴᠠᠭᠠᠨ ᠭᠣᠶᠣᠣ ᠶᠠᠭᠠᠬᠢᠵᠤ ᠳᠠᠷᠢᠬᠤ ᠮᠡᠷᠭᠡᠵᠢᠯᠢ ᠵᠢᠭᠠᠵᠤ ᠥᠭᠭᠦᠭᠰᠡᠨᠠᠴᠠ ᠠᠮᠢᠳᠤᠷᠠᠯ ᠡᠳᠤᠷᠠᠴᠠ ᠡᠳᠤᠷ ᠰᠠᠶ᠋ᠢᠵᠢᠷᠠᠪᠠ》 ᠭᠡᠵᠦ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠮᠠᠯᠴᠢᠳ ᠡᠷᠬᠢᠴᠡᠬᠦᠯᠦᠨᠡ᠃
ᠯᠢᠦ ᠬᠣᠩ ᠢ ᠡᠯᠡᠰᠦᠶᠢ ᠰᠡᠷᠭᠡᠶ᠋ᠢᠯᠡᠵᠦ᠍ ᠡᠯᠡᠰᠦᠶᠢ ᠵᠠᠰᠠᠬᠤᠳᠦ ᠭᠠᠷᠮᠠᠭᠠᠢ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨᠢᠶᠡᠷᠢᠶᠡᠨ ᠤᠷᠢᠳ ᠬᠣᠵᠢᠳ 《ᠪᠥᠬᠦ᠌ ᠤᠯᠤᠰᠤᠨ ᠲᠠᠪᠤᠨ ᠰᠠᠷᠠᠶᠢᠨ ᠨᠢᠭᠡᠨᠤ ᠬᠥᠳᠡᠯᠮᠦᠷᠢᠶᠢᠨ ᠱᠠᠩᠨᠠᠯᠤᠨ ᠮᠧᠳᠠᠯ》᠂ 《ᠪᠥᠬᠦ᠌ ᠤᠯᠤᠰᠤᠨ ᠬᠠᠮᠤᠭᠤᠨ ᠭᠤᠶᠣ ᠣᠶ ᠰᠢᠭᠤᠶ ᠡᠪᠡᠰᠦ ᠪᠡᠯᠴᠢᠭᠡᠷᠤᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠮᠡᠷᠭᠡᠵᠢᠯᠤᠨ ᠳᠡᠯᠭᠡᠷᠡᠭᠦᠯᠦᠭᠴᠢ》 ᠵᠡᠷᠭᠡ ᠣᠯᠠᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠭᠰᠡᠨ ᠪᠥᠭᠡᠳ ᠤᠯᠤᠰᠤᠨ ᠣᠶ ᠰᠢᠭᠤᠶ ᠡᠪᠡᠰᠦ ᠪᠡᠯᠴᠢᠭᠡᠷᠤᠨ ᠲᠣᠪᠴᠢᠶᠠᠠᠴᠠ ᠲᠡᠭᠦᠨᠢ 《ᠤᠯᠤᠰᠤᠨ ᠣᠶ ᠰᠢᠭᠤᠶ ᠡᠪᠡᠰᠦ ᠪᠡᠯᠴᠢᠭᠡᠷᠤᠨ ᠨᠤᠲᠤᠭᠤᠨ ᠲᠤᠰᠬᠠᠶ ᠮᠡᠷᠭᠡᠵᠢᠯᠲᠡᠨ》ᠶ᠋ᠢᠡᠷ ᠲᠣᠮᠢᠯᠠᠪᠠ᠃ ᠲᠡᠷᠡ ᠪᠣᠳᠠᠲᠤ᠌ ᠠᠵᠢᠯᠯᠠᠭᠠᠪᠠᠷᠢᠶᠠᠨ ᠰᠢᠨᠡ ᠴᠠᠭ ᠦᠶᠡᠶᠢᠨ 《ᠤᠮᠠᠷᠠᠲᠤᠶᠢᠨ ᠭᠤᠷᠪᠠᠨ ᠣᠷᠣᠨᠤ ᠵᠣᠷᠢᠭ ᠰᠠᠨᠠᠭᠠ》ᠶ᠋ᠢ ᠲᠠᠶ᠋ᠢᠯᠪᠤᠷᠢᠯᠠᠵᠤ᠂ ᠪᠥᠬᠥ᠌ ᠬᠣᠰᠢᠭᠤᠨᠤ ᠦᠨᠳᠦᠰᠦᠲᠡᠨᠨᠦᠭᠦᠳᠦᠨ ᠠᠷᠠᠳ ᠲᠦᠮᠡᠨᠳᠦ ᠰᠤᠷᠤᠯᠴᠠᠬᠤ ᠳᠠᠭᠤᠷᠢᠶᠠᠯ ᠪᠤᠯᠪᠠ᠃ ᠡᠳᠦᠭᠡ᠂ ᠯᠢᠦ ᠬᠣᠩ ᠢ ᠡᠯᠡᠰᠦᠶᠢ ᠰᠡᠷᠭᠡᠶ᠋ᠢᠯᠡᠨ ᠡᠯᠡᠰᠦᠶᠢ ᠵᠠᠰᠠᠬᠤ ᠡᠮᠦᠨᠡ ᠹᠷᠣᠨᠲᠲᠤ᠌ ᠡᠷᠡᠯᠬᠡᠭᠯᠡᠨ ᠠᠵᠢᠯᠯᠠᠵᠤ᠂ ᠲᠡᠭᠦᠨᠦ 《ᠨᠣᠭᠣᠭᠠᠨ ᠥᠩᠭᠡᠶᠢᠨ ᠭᠠᠶ᠋ᠢᠬᠠᠮᠰᠢᠭᠳᠦ ᠶᠢᠷᠳᠢᠨᠴᠤ》 ᠪᠠᠨ ᠦᠷᠭᠦᠯᠵᠢᠯᠡᠨ ᠪᠢᠴᠢᠭᠯᠡᠭᠰᠡᠭᠡᠷ ᠪᠠᠢᠨᠠ᠃
ᠡᠯᠡᠰᠦ ᠡᠴᠡ ᠠᠯᠲᠠ ᠱᠦᠬᠦᠭᠰᠡᠨ ᠮᠠᠩᠯᠠᠢ ᠭᠠᠴᠠᠭᠠᠶᠢᠨ ᠬᠢᠨ
ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠵᠡᠭᠦᠨ ᠪᠡᠯ ᠪᠠᠯᠭᠠᠰᠤᠨᠤ ᠮᠠᠩᠯᠠᠢ ᠭᠠᠴᠠᠭᠠ ᠡᠯᠡᠰᠤᠷᠭᠡᠭᠵᠢᠯᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠵᠦ᠂ ᠠᠮᠢ ᠠᠬᠤᠢᠪᠠᠨ ᠬᠠᠮᠠᠭᠠᠯᠠᠨ᠂ ᠠᠵᠤ ᠦᠢᠯᠡᠰᠦᠨ ᠦᠷᠨᠢᠭᠦᠨ ᠬᠥᠭᠵᠢᠯᠲᠡᠪᠠᠷ《ᠡᠯᠡᠰᠦᠠᠴᠠ ᠠᠯᠲᠠ ᠱᠦᠭᠦᠵᠦ᠍᠂ ᠠᠵᠤ ᠦᠢᠯᠡᠰᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ》ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭᠵᠢᠯᠲᠡᠶᠢᠨ ᠵᠠᠮᠢᠶᠠᠷ ᠵᠠᠮᠨᠠᠵᠦ ᠪᠠᠢᠨᠠ᠃
ᠮᠠᠩᠯᠠᠢ ᠭᠠᠴᠠᠭᠠᠳᠤ᠂ ᠵᠠᠯᠭᠠᠯᠳᠤᠨ ᠦᠷᠭᠦᠯᠵᠢᠯᠡᠭᠰᠡᠨ ᠵᠠᠭ᠂ ᠳᠠᠯᠠᠨ ᠬᠠᠯᠢᠰᠤ᠂ ᠪᠦᠭᠡᠷᠡᠭ ᠵᠡᠷᠭᠡ ᠤᠷᠭᠤᠮᠠᠯ ᠭᠣᠪᠢ ᠨᠤᠲᠤᠭᠢ ᠪᠦᠷᠬᠦᠵᠦ᠍᠂ ᠠᠮᠢᠯᠠᠯ ᠪᠢᠯᠬᠠᠭᠰᠠᠨ ᠦᠵᠡᠮᠵᠢᠶᠢ ᠪᠦᠷᠢᠲᠦᠬᠦᠯᠵᠡᠢ᠃ ᠬᠡᠪᠡᠴᠦ ᠥᠩᠭᠡᠷᠡᠭᠰᠡᠨᠳᠦ᠂ ᠲᠤᠰ ᠭᠠᠴᠠᠭᠠᠨᠤ ᠠᠮᠢ ᠠᠬᠤᠢᠶᠢᠨ ᠣᠷᠴᠢᠨ ᠲᠣᠭᠣᠷᠢᠨ ᠬᠡᠪᠡᠷᠡᠭ᠂ ᠡᠯᠡᠰᠤ ᠮᠠᠩᠬᠠ ᠨᠢᠲᠦ ᠦᠬᠡᠢ ᠲᠦᠷᠢᠵᠦ᠂ ᠤᠯᠠᠨ ᠲᠦᠮᠡᠨᠦ ᠠᠮᠢᠳᠤᠷᠠᠯ 《ᠡᠯᠡᠰᠦᠡᠴᠡ ᠪᠣᠯᠵᠤ ᠶᠠᠳᠠᠭᠤᠷᠠᠨ》᠂ ᠠᠵᠤ ᠠᠬᠤᠢᠶᠢᠨ ᠬᠥᠭᠵᠢᠯᠲᠡ 《ᠡᠯᠡᠰᠤ ᠮᠠᠩᠬᠠᠳᠤ ᠬᠦᠯᠢᠶᠡᠰᠣᠯᠡᠭᠳᠡᠵᠦ᠍》 ᠪᠠᠶ᠋ᠢᠵᠠᠢ᠃

2011 ᠣᠨᠳᠤ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠵᠠᠭᠤᠨ ᠲᠦᠮᠡᠨ ᠮᠦ᠍ ᠵᠠᠭᠤᠨ ᠤᠢᠶᠢᠨ ᠲᠦᠷᠦᠯ ᠵᠦᠢᠯ ᠭᠡᠷᠡᠭᠵᠢᠭᠦᠯᠦᠭᠳᠡᠭᠦ ᠵᠢ ᠳᠠᠭᠠᠯᠳᠤᠨ᠂ ᠳᠡᠭᠡᠳᠦ ᠱᠠᠲᠤᠨᠤ ᠪᠡᠯᠡ ᠮᠥᠩᠭᠥ᠌ ᠪᠠ ᠲᠦᠷᠦᠯ ᠵᠦᠢᠯᠦᠨ ᠳᠡᠮᠵᠢᠯᠭᠡ ᠳᠣᠣᠷᠠ᠂ ᠭᠠᠴᠠᠭᠠᠨᠤ ᠨᠠᠮᠤᠨ ᠭᠡᠰᠢᠭᠦᠨ ᠤᠯᠠᠨ ᠲᠦᠮᠡᠨᠢᠶᠠᠨ ᠳᠠᠶ᠋ᠢᠴᠢᠯᠠᠨ ᠳᠠᠭᠠᠭᠤᠯᠵᠦ᠍᠂ ᠡᠯᠡᠰᠤᠷᠭᠡᠭᠵᠢᠯᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ ᠪᠦᠲᠦᠮᠵᠢᠲᠡᠢ ᠠᠷᠭᠠ ᠵᠠᠮᠢ ᠰᠦᠪᠡᠭᠴᠢᠯᠡᠨ ᠵᠠᠭ ᠲᠠᠷᠢᠵᠦ ᠡᠬᠢᠯᠡᠵᠡᠢ᠃ ᠲᠡᠲᠡ ᠠᠩᠬᠠ ᠡᠬᠢᠯᠡᠬᠦᠳᠡᠭᠡᠨ ᠬᠥᠮᠥᠨᠦ ᠬᠦᠴᠦᠪᠡᠷ ᠲᠠᠷᠢᠵᠦ᠍ ᠪᠠᠶ᠋ᠢᠭᠰᠠᠨᠠᠴᠠ ᠪᠠᠨ ᠮᠠᠰᠢᠨ ᠮᠧᠬᠠᠨᠢᠭᠢᠶᠠᠷ ᠨᠦᠬᠡ ᠭᠠᠷᠭᠠᠬᠤ ᠠᠷᠭᠠᠶᠢ ᠭᠡᠷᠡᠭᠯᠡᠵᠦ᠂ ᠤᠯᠠᠨ ᠵᠦᠢᠯᠤᠨ ᠤᠢᠵᠢᠭᠤᠯᠵᠦ ᠨᠤᠭᠤᠭᠠᠷᠠᠭᠤᠯᠬᠤ ᠠᠵᠢᠯᠢ ᠬᠠᠮᠲᠤᠳᠬᠠᠨ ᠭᠡᠷᠡᠭᠯᠡᠵᠦ᠂ ᠵᠢᠯ ᠲᠠᠷᠠᠭᠠᠯᠠᠨ ᠪᠠᠷᠢᠮᠲᠠᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ᠃ ᠵᠠᠭ ᠲᠠᠷᠢᠪᠠᠯ ᠨᠥᠬᠥᠪᠦᠷᠢ ᠲᠠᠢ᠂ ᠵᠠᠭᠤᠨ ᠦᠨᠳᠤᠰᠤᠨᠳᠤ ᠴᠠᠭᠠᠨ ᠭᠣᠶᠣᠣ ᠲᠠᠷᠢᠪᠠᠯ ᠤᠷᠤᠯᠭᠠ ᠨᠡᠮᠡᠭᠳᠡᠨᠡ᠃ ᠠᠵᠦ ᠠᠬᠤᠢᠶᠢᠨ ᠤᠷᠤᠯᠭᠠᠶᠢ ᠨᠡᠮᠡᠭᠳᠡᠬᠦᠯᠬᠦ ᠡᠨᠡᠬᠦ ᠤᠷᠮᠠᠰᠢᠭᠤᠯᠭᠠ ᠲᠤᠤᠷᠠ᠂ ᠮᠠᠯᠴᠢᠳ ᠰᠠᠨᠠᠭᠠᠴᠢᠯᠠᠭᠠ ᠡᠴᠡ ᠪᠠᠨ ᠣᠶ ᠮᠤᠳᠤᠨᠤ ᠬᠠᠮᠠᠭᠠᠯᠠᠭᠴᠢ ᠪᠣᠯᠵᠤ᠂ ᠮᠤᠲᠤ ᠲᠠᠷᠢᠵᠦ ᠤᠢᠵᠢᠭᠤᠯᠤᠨ᠂ ᠭᠠᠳᠠᠭᠰᠢ ᠭᠠᠷᠴᠤ᠌ ᠬᠦᠯᠦᠰᠤᠨ ᠠᠵᠢᠯ ᠬᠢᠵᠦ᠍ ᠪᠠᠶ᠋ᠢᠭᠰᠠᠨ ᠭᠠᠴᠠᠭᠠᠨᠤ ᠮᠠᠯᠴᠢᠨ ᠲᠠᠷᠢᠶᠠᠴᠢᠳ ᠨᠤᠲᠤᠭᠲᠠᠭᠠᠨ ᠪᠤᠴᠠᠵᠤ ᠦᠢᠯᠡᠰ ᠴᠣᠭᠴᠠᠯᠠᠬᠤ ᠰᠢᠨᠡ ᠵᠠᠮᠢᠶᠠᠨ ᠡᠬᠢᠯᠡᠭᠦᠯᠤᠭ᠌ᠰᠡᠨ ᠪᠠᠶ᠋ᠢᠨᠠ᠃ ᠠᠷᠪᠠᠨ ᠬᠡᠳᠤᠨ ᠵᠢᠯᠦᠨ ᠴᠢᠷᠮᠠᠶ᠋ᠢᠯᠭᠠᠪᠠᠷ ᠮᠠᠩᠯᠠᠢ ᠭᠠᠴᠠᠭᠠ 43 ᠲᠦᠮᠡᠨ ᠮᠦ᠍ ᠵᠠᠭᠤᠨ ᠣᠶᠶᠢᠨ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠶ᠋ᠢᠭᠤᠯᠵᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠣᠷᠳᠣᠪᠠᠷ 37 ᠺᠢᠯᠣᠮᠧᠲᠷ᠂ ᠡᠮᠦᠨᠠᠰᠢ ᠤᠮᠠᠷᠠᠰᠢ ᠥᠷᠭᠡᠨᠢᠶᠠᠷ 23 ᠺᠢᠯᠣᠮᠧᠲᠷ ᠨᠣᠭᠣᠭᠠᠨ ᠣᠶᠶᠢᠨ ᠪᠦᠰᠡᠶᠢ ᠪᠤᠢ ᠪᠤᠯᠭᠠᠵᠦ᠂ ᠲᠠᠰᠤᠷᠠᠯᠲᠠ ᠦᠬᠡᠢ ᠨᠡᠭᠦᠳᠡᠯᠯᠡᠵᠦ᠍ ᠪᠠᠶ᠋ᠢᠭᠰᠠᠨ ᠲᠤᠭᠰᠢᠨ ᠡᠯᠡᠰᠤᠶᠢ ᠨᠤᠭᠤᠭᠠᠨ ᠤᠢ ᠪᠡᠷ 《ᠨᠤᠮᠤᠬᠠᠳᠬᠠᠪᠠ》᠃
ᠭᠠᠴᠠᠭᠠᠨᠤ ᠠᠮᠢ ᠠᠬᠤᠢ ᠰᠠᠶ᠋ᠢᠵᠢᠷᠠᠭᠰᠠᠨ ᠪᠠᠶ᠋ᠢᠪᠠᠴᠤ᠌᠂ ᠤᠯᠠᠨ ᠲᠦᠮᠡᠨᠦ ᠣᠷᠣᠯᠭᠠᠶᠢ ᠬᠡᠷᠬᠢᠨ ᠨᠡᠮᠡᠭᠳᠡᠭᠦᠯᠬᠦ᠌ ᠨᠢ ᠮᠥᠨ ᠯᠡ ᠭᠠᠴᠠᠭᠠᠨᠤ ᠨᠠᠮᠤᠨ ᠡᠭᠦᠷᠦᠨ ᠠᠩᠬᠠᠷᠬᠤ ᠴᠢᠬᠤᠯᠠᠲᠠᠢ ᠶᠡᠬᠡ ᠶᠠᠪᠤᠳᠠᠯ ᠪᠠᠢᠪᠠ᠃ ᠡᠢᠨᠬᠦ ᠲᠤᠰ ᠭᠠᠴᠠᠭᠠ ᠨᠢ ᠪᠣᠰᠤᠳ ᠭᠠᠵᠠᠷᠤᠨ ᠲᠤᠷᠰᠢᠯᠭᠠᠪᠠᠷ ᠵᠢᠯᠤᠭᠤᠳᠤᠮᠵᠢ ᠪᠣᠯᠭᠠᠵᠤ᠂ 《ᠨᠠᠮᠤᠨ ᠡᠭᠦᠷ + ᠠᠵᠤ ᠠᠬᠤᠶ᠋ᠢᠯᠠᠯ + ᠬᠤᠷᠰᠢᠶᠠᠵᠢᠯ + ᠮᠠᠯᠴᠢᠨ》 ᠵᠠᠭᠪᠤᠷᠢ ᠰᠦᠪᠡᠭᠴᠢᠯᠡᠨ ᠳ᠋ᠦᠩᠨᠡᠵᠦ᠍᠂ ᠭᠠᠴᠠᠭᠠᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢ ᠬᠦᠭᠵᠢᠬᠦᠯᠦᠨ᠂ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠬᠦ᠂ ᠠᠵᠤ ᠠᠬᠤᠶ᠋ᠢᠯᠠᠯᠤᠨ ᠠᠰᠢᠭ ᠣᠯᠵᠠᠪᠤᠷᠢᠶᠢ ᠲᠡᠭᠡᠭᠰᠢᠯᠡᠬᠦᠯᠬᠦ ᠠᠰᠢᠭ ᠲᠤᠰᠠᠶᠢᠨ ᠬᠤᠯᠪᠤᠭᠠᠨᠤ ᠲᠣᠭᠲᠠᠴᠠᠶᠢ ᠪᠠᠢᠭᠤᠯᠵᠦ᠂ ᠪᠣᠬᠢᠷᠲᠤᠯ ᠦᠭᠡᠢ ᠠᠵᠤ ᠦᠢᠯᠡᠰ ᠪᠠ ᠮᠢᠬᠠᠨᠤ ᠦᠬᠡᠷᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠲᠥᠷᠥᠯ ᠵᠦᠢᠯᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠪᠡ᠃ ᠤᠳᠣ᠂ ᠮᠠᠩᠯᠠᠢ ᠭᠠᠴᠠᠭᠠ ᠵᠠᠭᠤᠨ ᠦᠨᠳᠤᠰᠤᠨᠳᠤ ᠨᠡᠢ᠌ᠳᠡ 5.8 ᠲᠦᠮᠡᠨ ᠮᠦ᠍ ᠴᠠᠭᠠᠨ ᠭᠣᠶᠣᠣ ᠲᠠᠷᠢᠵᠦ᠍᠂ ᠵᠢᠯᠳᠦ 25 ᠲᠣᠨ ᠴᠠᠭᠠᠨ ᠭᠣᠶᠣᠣ ᠬᠤᠷᠢᠶᠠᠵᠤ᠂ 10 ᠭᠠᠷᠤᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠡᠷᠦᠬᠡᠶᠢ ᠲᠠᠢ᠌ᠴᠢᠯᠠᠨ ᠣᠷᠣᠯᠭᠠᠶᠢ ᠨᠢ ᠨᠡᠮᠡᠭᠳᠡᠭᠦᠯᠦᠨ ᠴᠢᠨᠡᠭᠡᠯᠢᠭᠵᠢᠭᠦᠯᠪᠡ᠃
ᠡᠯᠡᠰᠦᠨ ᠭᠤᠪᠢ ᠡᠷᠳᠡᠨᠢᠲᠦ ᠬᠦᠮᠦᠷᠭᠡ ᠪᠤᠯᠪᠠ
ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤ ᠣᠶ᠋ᠢᠷᠠᠶᠢᠨ ᠵᠢᠯᠳᠦ ᠡᠯᠡᠰᠦᠷᠬᠡᠭᠵᠢᠯᠢ ᠰᠡᠷᠭᠡᠶ᠋ᠢᠯᠡᠨ ᠵᠠᠰᠠᠬᠤ᠂ ᠰᠠᠯᠬᠢᠨ ᠭᠦᠴᠦᠨᠶ᠋ᠢᠡᠷ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠪᠠ ᠭᠡᠷᠡᠯᠴᠢ ᠴᠡᠨᠡᠭᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩᠦᠨ ᠢᠵᠢ ᠪᠦᠷᠢᠳᠦᠭᠰᠡᠨ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢᠨ ᠲᠦᠰᠦᠯᠢ ᠤᠷᠤᠭᠰᠢᠲᠠᠢ ᠠᠬᠢᠭᠤᠯᠤᠬᠰᠠᠨᠶ᠋ᠢᠡᠷ᠂ ᠥᠩᠭᠡᠷᠡᠭᠰᠡᠨᠦ ᠬᠠᠷᠠᠭᠠ ᠠᠯᠲᠠᠮᠠ ᠡᠯᠠᠰᠣᠨ ᠭᠣᠪᠢ ᠨᠢ ᠠᠭᠠᠵᠢᠮᠢᠶᠠᠷ ᠠᠮᠢ ᠠᠬᠤᠢᠶᠢᠨ ᠬᠠᠯᠬᠠᠪᠴᠢ ᠪᠣᠯᠵᠦ᠂ ᠴᠡᠪᠡᠷ ᠡᠨᠧᠷᠭᠢᠶᠢᠨ ᠨᠥᠭᠡᠴᠡ ᠬᠦᠴᠦᠨᠲᠡᠶ ᠪᠣᠬᠢᠷᠲᠤᠯ ᠦᠭᠡᠢ ᠰᠠᠭᠤᠷᠢᠨ ᠪᠤᠯᠵᠠᠢ᠃
ᠣᠶ᠋ᠢᠷᠠᠶᠢᠨ ᠵᠢᠯᠳᠤ᠂ ᠠᠯᠠᠱᠠ ᠠᠶ᠋ᠢᠮᠠᠭᠤᠨ ᠱᠧᠩ ᠬᠤᠤ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠬᠢᠵᠠᠭᠠᠷᠲᠤ᠌ ᠺᠣᠮᠫᠠᠨᠢ 《ᠭᠡᠷᠡᠯᠴᠢ ᠴᠡᠨᠡᠭ + ᠮᠠᠯ ᠠᠵᠤ ᠠᠬᠤᠢ》 ᠵᠢᠨ ᠰᠢᠨᠡ ᠵᠠᠭᠪᠤᠷ ᠢ᠋ ᠡᠭᠦᠳᠴᠦ᠍᠂ ᠰᠢᠨᠡ ᠡᠨᠧᠷᠭᠢᠶᠢ ᠨᠡᠭᠡᠭᠡᠨ ᠠᠰᠢᠭᠯᠠᠬᠤ᠂ ᠡᠯᠡᠰᠤᠷᠭᠡᠭᠵᠢᠯᠢ ᠵᠠᠰᠠᠬᠤ᠂ ᠮᠠᠯ ᠠᠵᠤ ᠠᠬᠤᠢᠶᠢ ᠬᠦᠭᠵᠢᠬᠦᠯᠬᠦ᠂ ᠠᠷᠠᠳᠢ ᠪᠠᠶᠠᠵᠢᠭᠤᠯᠤᠨ ᠣᠷᠣᠯᠭᠠᠶᠢ ᠨᠢᠨᠡᠮᠡᠭᠳᠡᠭᠦᠯᠬᠦ᠌ᠶᠢ ᠣᠷᠭᠠᠨᠢᠭᠢᠶᠠᠷ ᠤᠶᠠᠯᠳᠤᠭᠤᠯᠵᠤ᠂ ᠠᠮᠢ ᠠᠬᠤᠢ᠂ ᠠᠵᠤ ᠦᠢᠯᠡᠰ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯ ᠬᠠᠮᠲᠤᠪᠠᠷ ᠠᠰᠢᠭ ᠬᠦᠷᠳᠡᠬᠦ᠌ ᠪᠣᠬᠢᠷᠲᠤᠯ ᠦᠭᠡᠢ ᠬᠥᠭᠵᠢᠯᠲᠡᠶᠢᠨ ᠰᠢᠨᠡ ᠵᠠᠭᠪᠤᠷᠢ ᠡᠭᠦᠳᠪᠡ᠃
ᠪᠠᠶᠠᠨᠬᠣᠲᠠ ᠪᠠᠯᠭᠠᠰᠤᠨᠤ ᠲᠡᠮᠡᠭᠡᠲᠣ ᠭᠠᠴᠠᠭᠠᠨᠳᠤ ᠪᠠᠢᠭᠠ ᠠᠯᠠᠱᠠ ᠠᠶ᠋ᠢᠮᠠᠭᠤᠨ ᠱᠧᠩ ᠬᠤᠤ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ ᠰᠠᠭᠤᠷᠢᠨ ᠭᠠᠵᠠᠷᠲᠤ᠌᠂ ᠮᠦᠷ ᠮᠦᠷ ᠭᠡᠷᠡᠯᠲᠦ ᠴᠡᠨᠡᠭᠤᠨ ᠬᠠᠪᠲᠠᠰᠦ ᠡᠩᠨᠡᠷᠡᠨ ᠵᠠᠯᠭᠠᠯᠳᠤᠵᠤ᠂ ᠨᠡᠯᠤᠭᠡᠷ ᠶᠡᠬᠡ ᠡᠯᠡᠰᠤᠨ ᠭᠤᠪᠢᠳᠤ ᠠᠮᠢ ᠠᠬᠤᠢᠶᠢᠨ ᠬᠠᠯᠬᠠᠪᠴᠢᠶᠢ ᠪᠤᠰᠬᠠᠪᠠ᠃ ᠲᠣᠰ ᠰᠠᠭᠤᠷᠢᠨ ᠭᠠᠵᠠᠷ ᠪᠣᠯ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ 2018 ᠣᠨᠳᠤ ᠲᠣᠣᠷᠲᠤ᠌ ᠤᠷᠤᠭᠤᠯᠤᠭᠰᠠᠨ ᠲᠦᠷᠦᠭᠦᠦ ᠪᠦᠯᠦᠭ ᠭᠡᠷᠡᠯᠴᠢ ᠴᠡᠨᠡᠭᠢᠶᠡᠷ ᠬᠠᠪᠰᠤᠷᠤᠨ ᠲᠡᠳᠬᠦᠬᠦ᠌ ᠲᠥᠷᠥᠯ ᠵᠦᠢᠯ ᠪᠣᠯᠣᠨᠠ᠃ ᠬᠡᠷᠡᠯᠦᠨ ᠢᠯᠴᠢᠶᠢᠨ ᠬᠠᠩᠭᠠᠮᠵᠢᠲᠠᠢ ᠡᠬᠢ ᠪᠠᠶᠠᠯᠢᠭ ᠲᠠᠭᠠᠨ ᠰᠠᠭᠤᠷᠢᠯᠠᠨ ᠲᠤᠰ ᠰᠠᠭᠤᠷᠢᠨ ᠭᠠᠵᠠᠷᠢ ᠪᠠᠶ᠋ᠢᠭᠤᠯᠵᠤ᠂《ᠴᠠᠬᠢᠯᠭᠠᠨ ᠴᠡᠨᠡᠭᠯᠡᠬᠦ᠂ ᠲᠠᠷᠢᠮᠠᠯ ᠳᠠᠷᠢᠬᠤ᠂ ᠰᠡᠯᠪᠢᠨ ᠰᠡᠷᠭᠦᠭᠡᠬᠦ᠌》ᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠨ ᠬᠦᠭᠵᠢᠭᠦᠯᠪᠡ᠃ ᠬᠤᠯᠠ ᠡᠴᠡ ᠪᠠᠷᠠᠯᠠᠬᠤᠶᠠ᠂ ᠬᠠᠪᠲᠠᠰᠤᠨ ᠳᠣᠣᠷᠠ ᠡᠪᠡᠰᠦ ᠮᠣᠳᠣ ᠪᠠᠭᠰᠢᠷᠠᠨ ᠤᠷᠭᠤᠵᠤ᠂ ᠬᠣᠨᠢ ᠢᠮᠠᠭᠠ᠂ ᠭᠠᠬᠠᠢ ᠲᠠᠬᠢᠶᠠ᠂ ᠭᠠᠯᠠᠭᠤ ᠨᠤᠭᠤᠰᠤ ᠲᠤᠷᠠ ᠪᠡᠷᠶ᠋ᠢᠡᠨ ᠪᠡᠯᠴᠢᠵᠦ᠂ ᠡᠯᠡᠰᠦᠨ ᠭᠤᠪᠢ ᠨᠤᠭᠤᠭᠠᠨ ᠪᠦᠷᠢᠲᠦ ᠪᠤᠯᠵᠦ᠍᠂ ᠡᠵᠡᠬᠦᠢ ᠭᠡᠭᠡᠷᠡ 《ᠡᠷᠳᠡᠨᠢᠳᠤ ᠬᠦᠮᠦᠷᠭᠡ》 ᠪᠤᠯᠪᠠ᠃
ᠲᠣᠰ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠠᠵᠤ ᠠᠬᠤᠶ᠋ᠢᠯᠠᠯ ᠣᠯᠠᠨ ᠵᠢᠯᠦᠨ ᠲᠤᠷᠰᠢ ᠡᠷᠬᠢᠨ ᠲᠣᠭᠣᠷᠢᠨᠤ ᠭᠠᠴᠠᠭᠠᠲᠠᠶ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠍᠂ ᠮᠠᠯᠴᠢᠳᠲᠤ᠌ ᠠᠰᠢᠭ ᠬᠦᠷᠲᠡᠭᠡᠨ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢᠪᠡᠷ ᠭᠡᠷᠡᠯᠴᠢ ᠴᠡᠨᠡᠭ ᠤᠭᠰᠠᠷᠠᠵᠤ᠂ ᠵᠢᠯ ᠪᠦᠷᠢ ᠲᠣᠭᠲᠠᠮᠠᠯ ᠨᠥᠬᠥᠪᠦᠷᠢ ᠣᠯᠭᠣᠬᠤᠶᠢᠨ ᠬᠠᠮᠲᠤ᠌ ᠣᠶ᠋ᠢᠷᠠ ᠬᠠᠪᠢᠶᠢᠨ ᠮᠠᠯᠴᠢᠨ ᠲᠠᠷᠢᠶᠠᠴᠢᠳᠤᠨ ᠲᠠᠷᠢᠭᠰᠠᠨ ᠡᠷᠳᠡᠨᠢ ᠰᠢᠰᠢ᠂ ᠡᠰᠢ ᠰᠦᠷᠡᠯ᠂ ᠨᠣᠭᠣᠭᠠᠨ ᠳᠠᠷᠤᠰᠢ ᠵᠡᠷᠭᠡ ᠲᠡᠵᠢᠭᠡᠯ ᠡᠪᠡᠰᠦᠢ᠋ᠢ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠲᠡᠳᠡᠨᠦ ᠲᠠᠷᠢᠶᠠᠯᠠᠩᠤᠨ ᠲᠤᠰᠠᠯᠠᠬᠤ ᠪᠦᠲᠦᠭᠡᠭᠳᠡᠬᠦᠨᠤ ᠪᠤᠷᠤᠯᠠᠭᠤᠯᠭᠠᠶᠢᠨ ᠬᠦᠴᠢᠷᠳᠡᠯᠢ ᠰᠢ᠌ᠳᠪᠦᠷᠢᠯᠡᠵᠦ᠍᠂ ᠣᠷᠣᠯᠭᠠ ᠨᠡᠮᠡᠭᠳᠡᠭᠦᠯᠬᠦ᠌ ᠵᠠᠮᠢ ᠦᠷᠭᠡᠳᠬᠡᠪᠡ᠃
ᠰᠠᠭᠤᠷᠢᠨ ᠭᠠᠵᠠᠷ ᠨᠢ ᠠᠮᠢ ᠠᠬᠤᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠠᠭᠤᠯᠤᠭᠳᠠᠬᠤᠨᠢ ᠪᠠᠷᠢᠮᠲᠠᠯᠠᠵᠤ᠂ ᠪᠣᠬᠢᠷᠲᠤᠯ ᠦᠭᠡᠢ ᠳᠠᠷᠢᠵᠤ ᠲᠡᠵᠢᠭᠡᠬᠦ᠌ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠵᠢᠯᠢ ᠪᠤᠢ ᠪᠤᠯᠭᠠᠵᠦ᠂ ᠲᠦᠷᠦᠯ ᠵᠦᠢᠯᠦᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠡᠬᠢᠨᠦ ᠬᠤᠭᠤᠴᠠᠭᠠᠨᠳᠦ ᠬᠠᠷᠭᠠᠨᠠ᠂ ᠡᠯᠡᠰᠦᠨ ᠪᠤᠷᠭᠠᠰᠤ ᠵᠡᠷᠭᠡ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠤᠷᠭᠤᠮᠠᠯᠢ ᠲᠠᠷᠢᠵᠤ᠂ ᠮᠠᠯ ᠠᠮᠢᠲᠠᠨᠤ ᠪᠠᠶ᠋ᠢᠭᠠᠯᠢᠯᠢᠭ ᠣᠷᠭᠠᠨᠢᠭ ᠪᠣᠷᠳᠣᠭᠤᠷᠢ ᠬᠡᠷᠡᠭᠯᠡᠵᠦ᠍᠂ ᠵᠠᠭ᠂ ᠳᠠᠯᠠᠨ ᠬᠠᠯᠢᠰᠤ ᠵᠡᠷᠭᠡ ᠡᠯᠡᠰᠦᠨᠦ ᠤᠷᠭᠤᠮᠠᠯᠳᠤ ᠲᠡᠵᠢᠭᠡᠯ ᠬᠠᠩᠭᠠᠵᠦ᠍᠂ ᠬᠥᠷᠥᠰᠥ᠍ ᠰᠢᠷᠣᠢᠶᠢᠨ ᠴᠢᠨᠠᠷᠢ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠡᠯᠡᠰᠤᠷᠭᠡᠭᠵᠢᠯᠢ ᠵᠠᠰᠠᠵᠦ᠍ ᠠᠮᠢ ᠠᠬᠤᠢᠶᠢ ᠰᠡᠷᠭᠦᠭᠡᠪᠡ᠃ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ᠪᠡᠷ ᠲᠠᠷᠢᠮᠠᠯᠤᠨ ᠤᠷᠭᠤᠯᠳᠠᠶᠢ ᠠᠬᠢᠭᠤᠯᠵᠤ᠂ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤᠪᠠᠷ ᠭᠡᠷᠡᠯᠴᠢ ᠴᠡᠨᠡᠭᠢ ᠬᠠᠮᠠᠭᠠᠯᠠᠵᠤ᠂ ᠠᠮᠢ ᠠᠬᠤᠢᠪᠠᠷ ᠠᠵᠤ ᠦᠢᠯᠡᠰᠢ ᠬᠦᠭᠵᠢᠭᠦᠯᠵᠦ᠍᠂ 《ᠴᠠᠬᠢᠯᠭᠠᠨ ᠭᠠᠷᠭᠠᠬᠤ — ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠌ — ᠬᠦᠷᠤᠰᠤᠶᠢ ᠰᠢᠮᠡᠯᠢᠭ ᠪᠤᠯᠭᠠᠬᠤ —ᠡᠯᠡᠰᠤᠷᠭᠡᠭᠵᠢᠯᠢ ᠵᠠᠰᠠᠬᠤ》ᠪᠣᠬᠢᠷᠲᠤᠯ ᠦᠭᠡᠢ ᠡᠷᠭᠢᠯᠲᠡᠶᠢᠨ ᠰᠢᠰᠲ᠋ᠧᠮᠢ ᠪᠠᠶ᠋ᠢᠭᠤᠯᠵᠤ᠂ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠ ᠪᠠ ᠠᠵᠤ ᠦᠢᠯᠡᠰᠦᠨ ᠬᠦᠭᠵᠢᠯᠲᠡ ᠳ᠋ᠤ ᠬᠦᠴᠤ᠌ ᠨᠡᠮᠡᠷᠢᠯᠡᠵᠦ᠍᠂ ᠰᠠᠶ᠋ᠢᠨ ᠣᠷᠴᠢᠯᠢ ᠪᠡᠶᠡᠯᠡᠭᠦᠯᠪᠡ᠃ ᠣᠳᠣᠬᠠᠨᠳᠤ ᠡᠨᠡ ᠬᠦ᠌ 《ᠭᠡᠷᠡᠯᠴᠢ ᠴᠡᠨᠡᠭ + ᠮᠠᠯ ᠠᠵᠤ ᠠᠬᠤᠢ》ᠵᠢᠨ ᠵᠠᠭᠪᠤᠷ ᠨᠢ ᠭᠣᠪᠢᠶᠢᠨ ᠡᠬᠢ ᠪᠠᠶᠠᠯᠢᠭᠢ ᠠᠮᠢᠯᠠᠭᠤᠯᠵᠤ᠂ ᠴᠠᠬᠢᠯᠭᠠᠨ ᠭᠠᠷᠭᠠᠵᠤ ᠡᠯᠡᠰᠤᠷᠬᠡᠭᠵᠢᠯᠢ ᠵᠠᠰᠠᠵᠦ᠍᠂ ᠠᠷᠠᠳᠢ ᠪᠠᠶᠠᠵᠢᠭᠤᠯᠤᠨ ᠣᠷᠣᠯᠭᠠᠶᠢ ᠨᠡᠮᠡᠭᠳᠡᠭᠦᠯᠪᠡ᠃
ᠡᠵᠡᠬᠦᠢ ᠭᠤᠪᠢ ᠡᠰᠡᠨᠢᠨ ᠠᠮᠢᠯᠠᠪᠠ
ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠣ ᠨᠢ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶᠢᠨ ᠭᠤᠤᠯ ᠪᠤᠯᠬᠣ ᠠᠮᠢ ᠠᠬᠤᠢᠶᠢᠨ ᠠᠮᠤᠷ ᠲᠦᠪᠰᠢᠨᠦ ᠬᠠᠯᠬᠠᠪᠴᠢᠶᠢ ᠪᠡᠬᠢᠵᠢᠭᠦᠯᠬᠦ᠌ᠶᠢᠨ ᠲᠤᠰᠠᠳᠠ᠂ ᠠᠯᠠᠱᠠ ᠠᠶ᠋ᠢᠮᠠᠭᠤᠨ ᠦᠪᠦᠷ ᠮᠤᠩᠭᠤᠯᠤᠨ ᠪᠠᠷᠠᠭᠤᠨ ᠤᠷᠤᠨᠤ ᠡᠯᠡᠰᠤᠷᠭᠡᠭᠵᠢᠯᠢ ᠰᠡᠷᠭᠡᠶ᠋ᠢᠯᠡᠨ ᠡᠯᠡᠰᠤᠶᠢ ᠶᠡᠷᠥᠩᠬᠡᠶ᠋ᠢᠯᠡᠨ ᠵᠠᠰᠠᠬᠤ ᠢᠨᠵᠧᠨᠧᠷᠢᠩ (ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠ)ᠢ᠋ ᠲᠦᠰᠢᠭᠯᠡᠵᠦ᠍᠂ ᠪᠦᠬᠦ᠌ ᠬᠦᠴᠦᠨᠢᠶᠡᠷ ᠡᠯᠡᠰᠤᠷᠬᠡᠭᠵᠢᠯᠢ ᠵᠠᠰᠠᠬᠤᠶᠢ ᠭᠤᠤᠯᠴᠢᠯᠠᠨ ᠠᠳᠬᠤᠵᠦ᠍ ᠪᠠᠶ᠋ᠢᠨᠠ᠃
ᠪᠠᠷᠠᠭᠤᠨ ᠪᠡᠯ ᠪᠠᠯᠭᠠᠰᠤᠨᠤ ᠰᠢᠷᠠ ᠬᠦᠳᠡᠭᠡ ᠭᠠᠴᠠᠭᠠᠨᠤ ᠡᠯᠡᠰᠦᠶᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ᠂ ᠰᠠᠯᠬᠢᠨ ᠭᠦᠴᠦᠨᠦ ᠴᠠᠬᠢᠯᠭᠠᠨ ᠪᠠ ᠭᠡᠷᠡᠯᠴᠢ ᠴᠡᠨᠡᠭᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩᠦᠨ ᠢᠵᠢ ᠪᠦᠷᠢᠳᠦᠭᠦᠯᠬᠦ᠌ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢᠨ ᠲᠦᠰᠦᠯᠦᠨ ᠲᠤᠬᠠᠢᠶᠢᠨ ᠲᠠᠯᠠᠪᠠᠶᠳᠤ᠂ ᠦᠷᠭᠦᠯᠵᠢᠯᠡᠭᠰᠡᠨ ᠡᠯᠡᠰᠦᠨ ᠳᠣᠪᠣᠴᠠᠭᠤᠨ ᠬᠣᠭᠣᠷᠣᠨᠳᠤ᠂ ᠡᠩᠨᠡᠷᠡᠨ ᠵᠢᠭᠳᠡᠷᠡᠭᠰᠡᠨ ᠡᠪᠡᠰᠦᠨ ᠳᠥᠷᠪᠡᠯᠵᠢ ᠨᠢ ᠨᠡᠭᠦᠳᠡᠯ ᠡᠯᠡᠰᠦᠶᠢ ᠲᠤᠭᠲᠠᠪᠦᠷᠢᠵᠢᠭᠤᠯᠵᠦ᠂ ᠳᠠᠯᠠᠨ ᠬᠠᠯᠢᠰᠤ᠂ ᠵᠠᠭ ᠵᠡᠷᠭᠡ ᠭᠠᠩ ᠳᠠᠭᠠᠭᠠᠬᠤ ᠪᠣᠳᠠ ᠮᠣᠳᠣ ᠨᠢ ᠬᠤᠢᠯᠠᠷᠠᠨ ᠢᠷᠡᠬᠦ ᠰᠠᠯᠬᠢᠶᠢ ᠬᠤᠷᠢᠬᠯᠠᠵᠦ᠂ ᠴᠤᠯᠢᠬᠢᠷᠤᠨ ᠨᠢᠯᠬᠠ ᠨᠠᠬᠢᠶᠠ ᠨᠢ ᠵᠥᠭᠡᠯᠡᠨ ᠰᠠᠯᠬᠢᠨᠳᠤ ᠨᠠᠮᠤᠭᠤᠬᠠᠨ ᠨᠠᠶ᠋ᠢᠭᠤᠵᠤ᠂ ᠨᠠᠮ ᠬᠥᠮ ᠡᠯᠡᠰᠦᠨ ᠴᠦᠯᠳᠦ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠨᠡᠮᠡᠷᠢᠯᠡᠨᠡ᠃
ᠰᠢᠷᠠ ᠬᠦᠳᠡᠭᠡ ᠭᠠᠴᠠᠭᠠᠨᠢ ᠲᠠᠯᠠᠨ ᠬᠠᠯᠢᠰᠤ᠂ ᠵᠠᠭ᠂ ᠴᠤᠯᠢᠬᠢᠷᠢ ᠬᠠᠮᠲᠦᠳᠤᠨᠢ ᠲᠠᠷᠢᠵᠦ᠂ ᠣᠯᠠᠨ ᠡᠰᠢᠲᠦ᠍ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠰᠢᠰᠲ᠋ᠧᠮᠢ ᠪᠠᠢᠭᠤᠯᠤᠨ᠂ 2 ᠲᠦᠮᠡᠨ ᠮᠦ᠍ᠶᠢᠨ ᠵᠠᠰᠠᠯᠲᠠᠶᠢ ᠪᠡᠶᠡᠯᠡᠭᠦᠯᠵᠡᠢ᠃ ᠴᠣᠭᠲᠤᠬᠦ᠋ᠷᠢᠶᠠ ᠰᠤᠮᠤᠶᠢᠨ ᠳᠤᠮᠳᠠᠭᠤᠤᠯ ᠭᠠᠴᠠᠭᠠ ᠳᠠᠯᠠᠨ ᠬᠠᠯᠢᠰᠤᠪᠡᠷ ᠭᠣᠣᠯ ᠪᠣᠯᠭᠠᠭᠰᠠᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢ 10 ᠲᠦᠮᠡᠨ ᠮᠦ᠍ᠳᠤ ᠬᠦᠷᠭᠡᠬᠦ ᠬᠠᠷᠠᠯᠲᠠ ᠪᠠᠨ ᠪᠡᠶᠡᠯᠡᠭᠦᠯᠪᠡ᠃ ᠡᠨᠡ ᠬᠣᠶᠠᠷ ᠭᠠᠵᠠᠷᠲᠤ᠌ ᠴᠥᠮ 《ᠢᠨᠵᠧᠨᠧᠷᠢᠩᠢᠶᠡᠷ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ + ᠬᠥᠮᠥᠨᠦ ᠬᠦᠴᠦᠪᠡᠷ ᠳᠠᠷᠢᠬᠤ ᠵᠢᠴᠢ ᠦᠷᠡ ᠰᠠᠴᠤᠵᠤ ᠳᠠᠷᠢᠬᠤ + ᠪᠢᠲᠡᠭᠦᠮᠵᠢᠯᠡᠨ ᠪᠣᠶ᠋ᠢᠵᠢᠭᠤᠯᠵᠤ ᠬᠠᠰᠢᠶᠠᠯᠠᠬᠤ》 ᠶᠡᠷᠦᠩᠬᠡᠶ᠋ᠢᠯᠡᠭᠰᠡᠨ ᠵᠠᠭᠪᠤᠷᠢ ᠬᠡᠷᠡᠭᠯᠡᠵᠦ᠍᠂ ᠮᠦ᠍ ᠪᠦᠷᠢᠳᠦ 45 ᠨᠦᠬᠡ ᠮᠠᠯᠳᠠᠵᠤ᠂ ᠨᠦᠬᠡ ᠪᠦᠷᠢᠳᠦ ᠬᠣᠶᠠᠷ ᠰᠠᠭᠤᠷᠢ ᠴᠢᠬᠢ ᠳᠠᠷᠢᠵᠤ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠪᠠᠷ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠲᠣᠣᠷᠢ ᠪᠣᠶ ᠪᠣᠯᠭᠠᠪᠠ᠃ ᠲᠣᠰ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢᠨ ᠲᠦᠰᠦᠯ ᠤᠷᠤᠭᠰᠢᠲᠠᠢ ᠶᠠᠪᠤᠭᠳᠠᠵᠤ᠂ 《ᠬᠥᠬᠡᠮᠳᠦᠭ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤ ᠪᠣᠯ ᠠᠯᠲᠠ ᠮᠥᠩᠭᠥᠨ ᠠᠭᠤᠯᠠ》 ᠵᠢᠨ ᠠᠮᠢᠳᠤᠯᠢᠭ ᠦᠢᠯᠡᠳᠦᠯᠭᠡ ᠪᠤᠯᠪᠠ᠃ ᠡᠯᠡᠰᠦᠶᠢ ᠵᠠᠰᠠᠬᠤ ᠨᠢ ᠰᠠᠯᠬᠢᠨ ᠰᠢᠭᠤᠷᠭᠠᠨᠤ ᠬᠣᠣᠷ ᠬᠥᠨᠥᠭᠡᠯᠢ ᠪᠠᠭᠠᠰᠬᠠᠵᠤ᠂ ᠡᠷᠬᠢᠨ ᠲᠣᠭᠣᠷᠢᠨᠤ ᠣᠯᠠᠨ ᠲᠦᠮᠡᠨᠦ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠢ ᠪᠠᠲᠤᠯᠠᠵᠤ᠂ ᠰᠠᠯᠬᠢᠨ ᠭᠦᠴᠦᠨᠦ ᠴᠠᠬᠢᠯᠭᠠᠨ ᠪᠠ ᠭᠡᠷᠡᠯᠴᠢ ᠴᠡᠨᠡᠭᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩᠢ ᠨᠠᠶ᠋ᠢᠳᠠᠪᠤᠷᠢᠵᠢᠭᠤᠯᠬᠤ ᠨᠢ ᠪᠠᠰᠠ ᠠᠰᠢᠭ ᠣᠷᠣᠯᠭᠠᠪᠠᠷ ᠳᠡᠮᠵᠢᠨ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢ ᠲᠡᠳᠬᠦᠪᠡ᠃

ᠡᠨᠡᠬᠦ᠌ 12 ᠲᠦᠮᠡᠨ ᠮᠦ᠍ᠶᠢᠨ ᠡᠯᠡᠰᠦᠶᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ᠂ ᠰᠠᠯᠬᠢᠨ ᠭᠦᠴᠦᠨᠦ ᠴᠠᠬᠢᠯᠭᠠᠨ ᠪᠠ ᠭᠡᠷᠡᠯᠴᠢ ᠴᠡᠨᠡᠭᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩᠦᠨ ᠢᠵᠢ ᠪᠦᠷᠢᠳᠦᠭᠰᠡᠨ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢᠨ ᠦᠷᠡ ᠪᠦᠲᠦᠭᠡᠯ ᠨᠢ ᠠᠮᠢ ᠠᠬᠤᠢᠶᠢᠨ ᠬᠠᠯᠬᠠᠪᠴᠢᠶᠢ ᠪᠡᠬᠢᠵᠢᠭᠦᠯᠦᠭᠰᠡᠨ ᠪᠥᠭᠡᠳ ᠮᠥᠨᠴᠦ᠍ ᠴᠡᠪᠡᠷ ᠡᠨᠧᠷᠭᠢᠶᠢᠨ ᠬᠥᠭᠵᠢᠯᠲᠡᠶᠢᠨ ᠰᠠᠭᠤᠷᠢᠶᠢ ᠲᠠᠯᠪᠢᠵᠠᠢ᠃ ᠲᠦᠰᠦᠯ ᠨᠢ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠢᠨᠵᠧᠨᠧᠷᠢᠩᠢᠶᠡᠷ ᠳᠡᠮᠵᠢᠨ ᠡᠯᠡᠰᠦ ᠮᠠᠩᠬᠠᠶᠢ ᠪᠦᠲᠦᠮᠵᠢᠲᠡᠶ ᠬᠣᠷᠢᠭᠯᠠᠵᠤ᠂ ᠬᠥᠮᠥᠨᠦ ᠬᠦᠴᠦᠪᠡᠷ ᠳᠠᠷᠢᠭᠰᠠᠨ ᠭᠠᠩᠳᠤ ᠲᠡᠰᠪᠦᠷᠢᠲᠡᠢ ᠤᠷᠭᠤᠮᠠᠯ ᠨᠢ ᠠᠮᠢ ᠠᠬᠤᠢᠶᠢᠨ ᠣᠷᠴᠢᠨ ᠲᠣᠭᠣᠷᠢᠨᠢ ᠢᠯᠡᠳᠲᠡ ᠰᠠᠶ᠋ᠢᠵᠢᠷᠠᠭᠤᠯᠤᠭᠰᠠᠨᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠩ ᠴᠤ᠌ ᠰᠠᠯᠬᠢᠨ ᠭᠦᠴᠦᠨᠦ ᠴᠠᠬᠢᠯᠭᠠᠨ ᠪᠠ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠲᠦᠰᠦᠯᠳᠦ ᠠᠮᠢ ᠠᠬᠤᠢᠶᠢᠨ ᠰᠠᠭᠤᠷᠢᠶᠢ ᠬᠠᠩᠭᠠᠵᠤ᠂ 《ᠡᠯᠡᠰᠦᠶᠢ ᠵᠠᠰᠠᠵᠤ ᠡᠯᠡᠰᠦᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ》 ᠪᠠ 《ᠪᠣᠬᠢᠷᠲᠤᠯ ᠦᠭᠡᠢ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ》 ᠬᠣᠣᠰ ᠬᠠᠷᠠᠯᠲᠠᠶᠢ ᠪᠡᠶᠡᠯᠡᠭᠦᠯᠪᠡ᠃
ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤ ᠨᠢ ᠬᠦᠬᠡ ᠠᠭᠤᠯᠠ ᠬᠦᠬᠡᠮᠳᠦᠭ ᠤᠰᠤ ᠪᠤᠯ ᠠᠯᠲᠠ ᠮᠦᠩᠭᠦᠨ ᠠᠭᠤᠯᠠ ᠬᠡᠭᠦ᠌ ᠤᠬᠠᠭᠳᠠᠬᠤᠨᠢ ᠪᠠᠲᠤ᠌ ᠪᠤᠢ ᠪᠤᠯᠭᠠᠵᠦ᠍᠂ ᠠᠮᠢ ᠠᠬᠤᠢᠪᠡᠷ ᠠᠷᠠᠳᠲᠤ᠌ ᠠᠰᠢᠭ ᠬᠦᠷᠲᠡᠭᠡᠬᠦ᠂ ᠠᠮᠢ ᠠᠬᠤᠢ ᠪᠡᠷ ᠠᠷᠠᠳᠲᠤ᠌ ᠦᠢᠯᠡᠴᠢᠯᠡᠬᠦ᠌ᠶᠢ ᠢᠮᠠᠭᠲᠠ ᠪᠠᠷᠢᠮᠲᠠᠯᠠᠵᠦ᠍᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠠᠷᠭᠠ ᠰᠦᠪᠡᠭᠴᠢᠯᠡᠨ᠂ ᠨᠢᠭᠡᠳᠤᠯᠲᠠᠢ ᠲᠦᠯᠤᠪᠯᠡᠨ ᠠᠬᠢᠭᠤᠯᠵᠦ᠍᠂ ᠠᠮᠢ ᠠᠬᠤᠢᠶᠢᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠶᠢᠨ ᠬᠦᠨᠳᠦ ᠴᠢᠬᠤᠯᠠ ᠤᠯᠤᠰ ᠲᠦᠷᠦᠶᠢᠨ ᠬᠠᠷᠢᠭᠤᠴᠠᠯᠭᠠᠶᠢ ᠪᠠᠲᠤ᠌ ᠡᠭᠦᠷᠭᠡᠯᠡᠵᠦ᠍᠂ ᠦᠵᠡᠰᠭᠦᠯᠡᠩᠲᠦ᠍ ᠰᠠᠶ᠋ᠢᠬᠠᠨ ᠤᠮᠠᠷᠠᠲᠤ᠌ ᠬᠢᠯᠢᠶᠢᠨ ᠠᠮᠢ ᠠᠬᠤᠢᠶᠢᠨ ᠪᠦᠲᠦᠭᠡᠨ ᠪᠠᠶ᠋ᠢᠭᠤᠯᠤᠯᠲᠠᠳᠤ ᠬᠦᠴᠦᠨ ᠨᠡᠮᠡᠷᠢᠯᠡᠭᠰᠡᠭᠡᠷ ᠪᠠᠢᠨᠠ᠃
ᠨᠤᠲᠤᠭ ᠤᠨ ᠠᠯᠲᠠᠷ ᠡᠷᠬᠦᠭᠰᠡᠨ ᠨᠤᠭᠤᠭᠠᠨ ᠠᠮᠢ ᠠᠮᠢᠵᠢᠷᠠᠯ
ᠰᠠᠶ᠋ᠢᠨᠴᠢᠮᠡᠭ ᠴᠡᠯᠡᠭᠡᠷ
ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤ ᠬᠦᠬᠡᠮᠳᠦᠭ ᠨᠤᠭᠤᠭᠠᠨ ᠠᠭᠤᠯᠠ ᠤᠰᠤ ᠪᠤᠯ ᠠᠯᠲᠠ ᠮᠦᠩᠭᠦᠨ ᠠᠭᠤᠯᠠ ᠮᠦᠨ ᠭᠡᠬᠦ᠌ ᠤᠢᠯᠠᠭᠠᠭᠲᠠᠬᠤᠨᠢ ᠪᠠᠷᠢᠮᠲᠠᠯᠠᠵᠤ᠂ ᠦᠨᠳᠤᠰᠤᠳᠡᠨ ᠨᠦᠭᠦᠳᠦᠨ ᠤᠯᠠᠨ ᠲᠦᠮᠡᠨᠢ ᠲᠠᠢᠴᠢᠯᠠᠨ᠂ ᠰᠡᠳᠬᠢᠯ ᠨᠢᠭᠡᠳᠤᠨ ᠬᠦᠴᠤᠪᠠᠨ ᠬᠠᠮᠳᠤᠳᠬᠠᠵᠦ᠍᠂ ᠲᠤᠬᠠᠢᠶᠢᠨ ᠭᠠᠵᠠᠷ ᠤᠷᠤᠨᠳᠠᠭᠠᠨ ᠲᠤᠬᠢᠷᠠᠭᠰᠠᠨ ᠡᠯᠡᠰᠤᠶᠢ ᠰᠡᠷᠭᠡᠢᠯᠡᠨ ᠵᠠᠰᠠᠬᠤ ᠠᠯᠢ ᠤᠯᠠᠨ ᠠᠷᠭᠠ ᠬᠡᠮᠵᠢᠶᠡᠶᠢ ᠰᠦᠪᠡᠭᠴᠢᠯᠡᠨ ᠬᠡᠷᠡᠭᠯᠡᠵᠦ᠍᠂ 《ᠤᠮᠠᠷᠠᠲᠤᠶᠢᠨ ᠭᠤᠷᠪᠠᠨ ᠤᠷᠤᠨ》ᠤ᠋ ᠢᠨᠵᠸᠨ᠋ᠸᠷᠢᠩᠤᠨ ᠪᠤᠭᠤᠮᠲᠠ ᠰᠢᠪᠲᠤᠯᠬᠤ ᠳᠠᠶ᠋ᠢᠯᠠᠯᠳᠤᠭᠠᠨᠢ ᠡᠷᠴᠢᠮᠲᠠᠢ ᠠᠬᠢᠭᠤᠯᠵᠤ᠂ ᠴᠦᠯᠯᠡᠷᠬᠡᠭᠵᠢᠯ ᠡᠯᠡᠰᠤᠷᠬᠡᠭᠵᠢᠯᠤᠨ 《ᠬᠤᠤᠰ ᠬᠠᠰᠤᠭᠳᠠᠯ》ᠢ᠋ ᠪᠡᠶᠡᠯᠡᠭᠦᠯᠵᠦ᠍᠂ ᠬᠠᠮᠳᠤ ᠨᠡᠶ᠋ᠢᠲᠠ᠂ ᠬᠤᠪᠢ ᠬᠦᠮᠦᠨ᠂ ᠠᠵᠤ ᠠᠬᠤᠶ᠋ᠢᠯᠠᠯ ᠵᠢᠴᠢ ᠠᠵᠤ ᠦᠢᠯᠡᠰᠢᠶᠡᠷ ᠡᠯᠡᠰᠤᠷᠬᠡᠭᠵᠢᠯᠢ ᠵᠠᠰᠠᠵᠤ ᠠᠮᠢ ᠠᠬᠤᠢᠶᠢ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ ᠮᠦᠷᠲᠡᠭᠡᠨ ᠠᠵᠦ ᠠᠬᠤᠢᠶᠢᠨ ᠤᠷᠤᠯᠭᠠᠪᠠᠨ ᠨᠡᠮᠡᠭᠳᠡᠭᠦᠯᠪᠡ᠃
ᠠᠮᠢ ᠠᠬᠤᠢᠪᠡᠷ ᠠᠷᠠᠳᠲᠤ᠌ ᠠᠰᠢᠭ ᠬᠦᠷᠲᠡᠭᠡᠵᠦ᠍᠂ ᠠᠮᠢ ᠠᠬᠤᠢ ᠪᠡᠷ ᠠᠷᠠᠳᠲᠤ᠌ ᠤᠶ᠋ᠢᠯᠡᠴᠢᠯᠡᠨᠡ᠃ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠤᠢ ᠰᠢᠭᠤᠢᠶᠢᠨ ᠠᠵᠢᠯᠤᠨ ᠥᠷᠲᠡᠭᠡᠨᠦ ᠳᠡᠭᠡᠳᠦ ᠳᠡᠰᠦᠨ ᠢᠨᠵᠧᠨᠧᠷ ᠯᠢᠦ ᠬᠣᠩ ᠢ᠂ ᠤᠯᠤᠰᠤᠨ 《ᠳᠣᠯᠣᠳᠤᠭᠠᠷ ᠲᠠᠪᠤᠨ ᠵᠢᠯ》ᠤ᠋ᠨ ᠪᠣᠭᠤᠮᠲᠠ ᠰᠢᠪᠲᠤᠯᠬᠤ ᠲᠥᠷᠥᠯ ᠵᠦᠢᠯᠤᠨ 《ᠵᠠᠭᠢ ᠠᠷᠠᠴᠢᠯᠠᠨ ᠰᠠᠶ᠋ᠢᠵᠢᠷᠠᠭᠤᠯᠬᠤ ᠮᠡᠷᠭᠡᠵᠢᠯᠤᠨ ᠰᠤᠳᠤᠯᠭᠠᠨ》ᠳ᠋ᠦ ᠢᠳᠡᠪᠬᠢᠲᠡᠢ ᠤᠷᠤᠯᠴᠠᠵᠦ᠍᠂ ᠲᠤᠰ ᠨᠤᠲᠤᠭᠤᠨ ᠤᠰᠠᠳᠬᠤ ᠰᠢᠬᠠᠭᠰᠠᠨ ᠡᠯᠡᠰᠦᠨᠦ ᠤᠷᠭᠤᠮᠠᠯᠤᠨ ᠴᠢᠬᠢ ᠮᠣᠳᠣᠶᠢ ᠠᠮᠵᠢᠯᠲᠠᠲᠠᠶ ᠪᠤᠶ᠋ᠢᠵᠢᠭᠤᠯᠵᠦ᠍᠂ ᠨᠠᠮᠤᠷᠤᠨ ᠤᠯᠠᠷᠢᠯᠤᠨ ᠵᠠᠭ ᠲᠠᠷᠢᠬᠤ ᠠᠷᠭᠠᠶᠢ ᠡᠭᠦᠳᠴᠦ᠍᠂ ᠮᠠᠯᠴᠢᠳᠢ ᠲᠠᠢ᠌ᠴᠢᠯᠠᠨ ᠵᠠᠭ ᠪᠠ ᠴᠠᠭᠠᠨ ᠭᠣᠶᠣᠣ᠂ ᠬᠠᠷᠮᠠᠭ ᠪᠠ ᠤᠯᠠᠭᠠᠨ ᠭᠤᠶᠣᠣ᠂ ᠳᠠᠯᠠᠨ ᠬᠠᠯᠢᠰᠤ ᠲᠠᠷᠢᠬᠤᠶᠢ ᠳᠡᠯᠭᠡᠷᠡᠭᠦᠯᠵᠦ᠍᠂ ᠭᠠᠴᠠᠭᠠᠨᠤ ᠬᠠᠮᠲᠤᠶᠢᠨ ᠠᠵᠤ ᠠᠬᠤᠢᠶᠢᠨ ᠤᠷᠤᠯᠭᠠ ᠪᠠ ᠠᠷᠠᠳᠤᠨ ᠤᠷᠤᠯᠭᠠᠶᠢ ᠨᠡᠮᠡᠭᠳᠡᠭᠦᠯᠪᠡ᠃
ᠥᠪᠡᠷᠮᠢᠴᠡ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠤᠯᠢᠭᠲᠤ᠌ ᠰᠠᠭᠤᠷᠢᠯᠠᠵᠤ᠂ ᠡᠯᠡᠰᠤᠨ ᠭᠤᠪᠢᠶᠢᠨ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ ᠪᠤᠵᠠᠭᠠᠢᠷᠠᠭᠤᠯᠤᠨᠠ᠃ ᠡᠯᠡᠰᠤᠨ ᠭᠤᠪᠢᠳᠤ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠲᠤᠯᠤᠭᠠᠶ᠋ᠢᠯᠠᠭᠴᠢ ᠠᠵᠤ ᠠᠬᠤᠶ᠋ᠢᠯᠠᠯᠢ ᠤᠷᠢᠵᠤ᠂ ᠰᠢᠨᠡ ᠡᠨᠧᠷᠭᠢᠶᠢ ᠨᠡᠭᠡᠭᠡᠨ ᠠᠰᠢᠭᠯᠠᠬᠤ᠂ ᠡᠯᠡᠰᠤᠷᠭᠡᠭᠵᠢᠯᠢ ᠵᠠᠰᠠᠬᠤ᠂ ᠮᠠᠯ ᠠᠵᠤ ᠠᠬᠤᠢ ᠲᠡᠵᠢᠭᠡᠨ ᠦᠷᠡᠵᠢᠭᠦᠯᠬᠦ᠂ ᠠᠷᠠᠳᠢ ᠪᠠᠶᠠᠵᠢᠭᠤᠯᠤᠨ ᠣᠷᠣᠯᠭᠠᠨᠡᠮᠡᠭᠳᠡᠭᠦᠯᠬᠦ᠌ᠶᠢ ᠣᠷᠭᠠᠨᠢᠭᠢᠶᠠᠷ ᠤᠶᠠᠯᠳᠤᠭᠤᠯᠵᠤ᠂ ᠪᠠᠶ᠋ᠢᠭᠠᠯᠢᠶᠢᠨ ᠳᠠᠪᠠᠭᠤᠯᠢᠭᠢ ᠠᠰᠢᠭᠯᠠᠨ᠂ ᠭᠡᠷᠡᠯᠴᠢ ᠴᠡᠨᠡᠭᠦᠨ ᠰᠠᠭᠤᠷᠢᠨ ᠭᠠᠵᠠᠷᠤᠨ ᠥᠩᠭᠡᠷᠡᠭᠰᠡᠨᠦ ᠵᠦᠪᠬᠡᠨ ᠴᠠᠬᠢᠯᠭᠠᠨ ᠭᠠᠷᠭᠠᠬᠤ ᠵᠠᠭᠪᠤᠷᠢ ᠬᠤᠪᠢᠷᠠᠭᠤᠯᠵᠤ᠂ ᠭᠡᠷᠡᠯᠴᠢ ᠴᠡᠨᠡᠭᠢᠶᠡᠷ ᠠᠷᠠᠳᠲᠤ᠌ ᠲᠣᠭᠲᠠᠮᠠᠯ ᠨᠥᠬᠥᠪᠦᠷᠢ ᠤᠯᠭᠤᠵᠦ᠍᠂ ᠪᠣᠬᠢᠷᠲᠤᠯ ᠦᠭᠡᠢ ᠳᠠᠷᠢᠵᠤ ᠲᠡᠵᠢᠭᠡᠬᠦ᠌ ᠠᠵᠤ ᠦᠢᠯᠡᠰᠦᠨ ᠬᠡᠯᠬᠢᠶᠡᠶᠢ ᠪᠤᠢ ᠪᠤᠯᠭᠠᠵᠦ᠂ ᠬᠠᠷᠭᠠᠨᠠ᠂ ᠡᠯᠡᠰᠦᠨ ᠪᠤᠷᠭᠠᠰᠤ ᠵᠡᠷᠭᠡ ᠤᠷᠭᠤᠮᠠᠯᠢ ᠲᠠᠷᠢᠵᠤ᠂ ᠮᠠᠯ ᠠᠮᠢᠲᠠᠨᠤ ᠪᠠᠶ᠋ᠢᠭᠠᠯᠢᠯᠢᠭ ᠣᠷᠭᠠᠨᠢᠭ ᠪᠣᠷᠳᠣᠭᠤᠷᠢ ᠬᠡᠷᠡᠭᠯᠡᠵᠦ᠍᠂ ᠵᠠᠭ᠂ ᠳᠠᠯᠠᠨ ᠬᠠᠢᠯᠠᠰᠦ ᠵᠡᠷᠭᠡ ᠳ᠋ᠤ ᠲᠡᠵᠢᠭᠡᠯ ᠬᠠᠩᠭᠠᠵᠦ᠍᠂ ᠬᠥᠷᠥᠰᠥ᠍ ᠰᠢᠷᠣᠢᠶᠢᠨ ᠴᠢᠨᠠᠷᠢ ᠰᠠᠶ᠋ᠢᠵᠢᠷᠠᠭᠤᠯᠵᠤ᠂ ᠠᠮᠢ ᠠᠬᠤᠢ᠂ ᠠᠵᠤ ᠦᠢᠯᠡᠰ᠂ ᠠᠷᠠᠳᠤᠨ ᠠᠮᠢᠳᠤᠷᠠᠯᠢ ᠵᠣᠬᠢᠴᠠᠯᠳᠤᠭᠤᠯᠤᠨ᠂ ᠬᠥᠳᠡᠭᠡ ᠲᠣᠰᠬᠣᠨᠢ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤ ᠳᠣᠲᠣᠭᠠᠳᠤ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨᠢ ᠬᠦᠭᠵᠢᠭᠡᠪᠡ᠃
ᠠᠯᠠᠱᠠ ᠵᠡᠭᠦᠨ ᠬᠤᠰᠢᠭᠤ ᠡᠯᠡᠰᠦᠶᠢ ᠵᠠᠰᠠᠵᠦ ᠨᠤᠭᠤᠭᠠᠷᠠᠭᠤᠯᠤᠬᠰᠠᠨ ᠤᠶ᠋ᠢᠯᠡᠳᠤᠯᠭᠡ ᠪᠠᠨᠳ᠋ᠦᠨᠭᠨᠡᠵᠦ᠂ ᠤᠶ᠋ᠢᠵᠢᠭᠤᠯᠤᠯᠲᠠᠶᠢᠨ ᠮᠡᠷᠭᠡᠵᠢᠯᠢ ᠰᠤᠳᠤᠯᠤᠨ᠂ ᠡᠯᠡᠰᠤᠷᠬᠡᠭᠵᠢᠯᠢ ᠰᠡᠷᠭᠡᠶ᠋ᠢᠯᠡᠵᠤ ᠠᠰᠢᠭ ᠤᠷᠤᠯᠭᠠ ᠡᠭᠦᠲᠦᠨ᠂ ᠨᠤᠭᠤᠭᠠᠨ ᠤᠷᠭᠤᠮᠠᠯᠶ᠋ᠢᠡᠷ ᠨᠦᠷᠢᠵᠦ ᠢᠷᠡᠭᠡ ᠲᠡᠭᠷᠢ ᠡᠯᠡᠰᠦ᠂ ᠤᠯᠠᠭᠠᠨᠪᠤᠬᠠᠶᠢᠨ ᠡᠯᠡᠰᠦᠶᠢ ᠲᠤᠭᠲᠠᠪᠤᠷᠢᠵᠢᠭᠤᠯᠤᠬᠰᠠᠨ ᠪᠠᠢᠨᠠ᠃ ᠡᠬᠦᠨ ᠡᠴᠡ ᠭᠠᠲᠠᠨᠠ᠂ ᠭᠠᠴᠠᠭᠠ ᠲᠤᠰᠬᠤᠨᠤ ᠬᠠᠮᠳᠤᠶᠢᠨ ᠠᠵᠤ ᠠᠬᠤᠢᠶᠢ ᠪᠤᠵᠠᠭᠠᠶ᠋ᠢᠷᠠᠭᠤᠯᠤᠨ᠂ ᠠᠷᠠᠳ ᠲᠦᠮᠡᠨᠳᠦ ᠠᠮᠢ ᠠᠬᠤᠢᠶᠢᠨ ᠠᠰᠢᠭ ᠲᠤᠰᠠᠶᠢ ᠬᠠᠮᠲᠤᠪᠠᠷ ᠡᠳ᠋ᠯᠡᠬᠦᠯᠵᠦ᠍᠂ ᠬᠦᠳᠡᠭᠡ ᠲᠤᠰᠬᠤᠨᠢ ᠬᠦᠭᠵᠢᠭᠦᠯᠵᠦ᠍᠂ ᠮᠠᠨᠤ ᠤᠯᠤᠰᠤᠨ ᠤᠮᠠᠷᠠᠲᠤᠶᠢᠨ ᠴᠢᠬᠤᠯᠠ ᠠᠮᠢ ᠠᠬᠤᠢᠶᠢᠨ ᠠᠮᠦᠷ ᠲᠦᠪᠰᠢᠨᠦ ᠬᠠᠯᠬᠠᠪᠴᠢᠶᠢ ᠪᠠᠲᠤ᠌ ᠴᠤᠭᠴᠠᠯᠠᠬᠤᠳᠤ ᠦᠷᠭᠦᠯᠵᠢᠯᠡᠨ ᠬᠠᠮᠲᠤᠶᠢᠨ ᠤᠶᠤᠨ ᠤᠬᠠᠭᠠᠨ ᠪᠠ ᠭᠦᠴᠦᠨ ᠴᠢᠳᠠᠯᠶ᠋ᠢᠡᠨ ᠡᠷᠬᠦᠭᠰᠡᠭᠡᠷ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃