2026-11-13 16:34:38
ᠤᠷᠠᠳᠤᠨ ᠲᠤᠮᠲᠠᠲᠦ ᠬᠤᠰᠢᠭᠤ᠂ ᠲᠠᠯᠠ ᠨᠤᠲᠤᠭ ᠡᠴᠡ ᠡᠯᠡᠰᠦ ᠮᠠᠨᠭᠬᠠ ᠲᠡᠢᠰᠢ ᠰᠢᠯᠵᠢᠬᠦ ᠰᠢᠯᠵᠢᠯᠳᠡᠶᠢᠨ ᠪᠦᠰᠡᠳᠦ ᠪᠠᠢᠷᠢᠰᠢᠲᠠᠭ᠃ ᠡᠨᠳᠡᠬᠢ ᠠᠭᠤᠷ ᠠᠮᠢᠰᠬᠤᠯ ᠬᠠᠭᠤᠷᠠᠢ᠂ ᠬᠤᠷᠠ ᠲᠤᠨᠲᠠᠰᠦ ᠪᠠᠭᠠ᠂ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢ ᠬᠡᠪᠡᠷᠡᠭ᠂ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠲᠠᠯᠠᠪᠠᠢ ᠶᠡᠬᠡ ᠵᠡᠷᠭᠡ ᠪᠤᠰᠤᠳᠴᠢ ᠪᠠᠢᠲᠠᠯ ᠨᠢ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠ ᠪᠠ ᠬᠠᠮᠢᠶᠠᠷᠤᠯᠲᠠᠳᠤ ᠪᠦᠷ ᠪᠠᠭᠠ ᠪᠤᠰᠤ ᠬᠦᠴᠢᠷᠳᠡᠯ ᠠᠪᠴᠢᠷᠠᠬᠰᠠᠨ ᠪᠠᠢᠲᠠᠭ᠃
ᠬᠡᠪᠡᠴᠦ ᠣᠶ᠋ᠢᠷᠠᠶᠢᠨ ᠵᠢᠯᠦᠨ ᠲᠤᠷᠰᠢ ᠲᠤᠰ ᠬᠤᠰᠢᠭᠤ ᠨᠢ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠ ᠪᠠ ᠬᠠᠮᠠᠭᠠᠯᠠᠯᠲᠠ ᠪᠠᠨ ᠴᠢᠨᠭᠭᠠᠳᠬᠠᠨ᠂ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢᠨ ᠶᠠᠰᠦ ᠴᠢᠨᠠᠷᠢ ᠲᠤᠭᠲᠠᠭᠤᠨᠶ᠋ᠢᠡᠷ ᠰᠠᠢᠵᠢᠷᠠᠭᠤᠯᠤᠬᠰᠠᠨ ᠡᠴᠡ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡ ᠨᠢ ᠵᠢᠯ ᠲᠤᠰᠤᠮ ᠰᠠᠢᠵᠢᠷᠠᠵᠦ᠂ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠶᠠᠪᠤᠬᠤ ᠲᠤᠰᠤᠮ ᠨᠤᠮᠢᠨ ᠨᠤᠭᠤᠭᠠᠨ ᠦᠩᠭᠡ ᠪᠡᠷ ᠬᠤᠴᠢᠬᠳᠠᠵᠤ ᠡᠬᠢᠯᠡᠭᠰᠡᠨ ᠪᠢᠯᠡ᠃ ᠡᠢᠨᠬᠦ ᠲᠤᠰ ᠬᠤᠰᠢᠭᠤ ᠨᠢ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠨᠤᠲᠤᠭ ᠪᠡᠯᠴᠢᠭᠡᠷᠢ ᠰᠠᠶ᠋ᠢᠵᠢᠷᠠᠭᠤᠯᠤᠭᠰᠠᠠ ᠦᠷᠡ ᠪᠦᠲᠦᠭᠡᠯᠳᠡᠭᠡᠨ ᠲᠦᠰᠢᠭᠯᠡᠨ᠂ ᠠᠮᠢ ᠠᠬᠤᠢᠶᠢᠨ ᠵᠠᠰᠠᠯᠲᠠᠶᠢᠨ ᠦᠷᠡ ᠪᠦᠲᠦᠭᠡᠯᠢ ᠦᠵᠡᠬᠦᠯᠬᠦ᠂ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌᠂ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠣᠶ᠋ᠢᠯᠠᠭᠠᠭᠳᠠᠬᠤᠨᠢ ᠤᠯᠠᠮᠵᠢᠯᠠᠬᠤᠶᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠰᠤᠳᠤᠯᠭᠠᠨᠢ ᠪᠠᠢᠩᠭᠤ ᠦᠷᠨᠢᠭᠦᠯᠵᠤ᠂ ᠠᠮᠢ ᠠᠬᠤᠢᠶᠢᠨ ᠤᠬᠠᠭᠤᠯᠭᠠ ᠬᠥᠮᠦᠵᠢᠯᠦᠨ ᠰᠢᠨᠡ ᠬᠥᠳᠡᠯᠭᠡᠬᠦ᠌ ᠬᠦᠴᠦᠨᠢ ᠠᠮᠢᠯᠠᠭᠤᠯᠪᠠ᠃

ᠹᠦ ᠭᠠᠩ ᠪᠤᠯ ᠤᠷᠠᠳᠤᠨ ᠲᠤᠮᠲᠠᠲᠦ ᠬᠤᠰᠢᠭᠤᠨᠤ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠦ ᠠᠬᠤᠢ ᠪᠠ ᠬᠦᠳᠡᠭᠡ ᠲᠤᠰᠬᠤᠨ ᠮᠠᠯᠵᠢᠬᠤ ᠤᠷᠤᠨᠤ ᠲᠤᠪᠴᠢᠶᠠᠶᠢᠨ ᠠᠵᠢᠯᠲᠠᠨ ᠶᠤᠮ᠃ 2000 ᠤᠨᠳᠤ᠂ ᠪᠠᠢᠭᠤᠯᠭᠠ ᠡᠴᠡ ᠨᠢ ᠲᠡᠬᠦᠨᠢ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠬᠦᠳᠡᠭᠡ ᠲᠤᠰᠬᠤᠨᠳᠤ ᠲᠦᠭᠡᠮᠡᠯᠵᠢᠬᠦᠯᠵᠦ᠂ ᠨᠤᠲᠤᠭ ᠪᠡᠯᠴᠢᠬᠡᠷᠢ ᠪᠦᠲᠦᠮᠵᠢᠳᠡᠢ ᠠᠰᠢᠬᠯᠠᠭᠤᠯᠬᠤ ᠪᠡᠷ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠦ ᠠᠬᠤᠢᠶᠢᠨ ᠲᠤᠪᠴᠢᠶᠠᠳᠤ ᠬᠠᠷᠢᠶᠠᠯᠠᠬᠲᠠᠬᠤ ᠰᠢᠯᠢᠶᠢᠨ ᠬᠤᠭᠤᠯᠠᠢᠳᠤ ᠲᠤᠮᠢᠯᠠᠬᠰᠠᠨ ᠶᠤᠮ᠃2001 ᠤᠨᠳᠤ ᠲᠡᠷᠡ ᠪᠠᠢᠭᠤᠯᠭᠠ ᠲᠠᠢ ᠪᠠᠨ 27 ᠵᠢᠯᠤᠨ ᠲᠠᠭᠠᠭᠠᠴᠢᠯᠠᠯᠳᠠᠶᠢᠨ ᠭᠡᠷᠡ ᠲᠤᠭᠲᠠᠵᠦ᠂ 2027 ᠤᠨᠤ 12 ᠰᠠᠷᠠᠶᠢᠨ 31 ᠪᠤᠯᠲᠠᠯᠠ ᠰᠢᠯᠢᠶᠢᠨ ᠬᠤᠭᠤᠯᠠᠢᠶᠢᠨ ᠨᠤᠲᠤᠭ ᠪᠡᠯᠴᠢᠭᠡᠷᠢ 《ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢᠨ ᠲᠡᠨᠭᠴᠡᠬᠦᠷᠢᠶᠢ ᠰᠡᠷᠬᠦᠬᠡᠬᠦ ᠵᠢᠱ᠌ᠢᠶᠡ ᠦᠵᠡᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ》 ᠪᠤᠯᠭᠠᠬᠤ ᠪᠡᠷ ᠡᠬᠢᠯᠡᠨ ᠠᠵᠢᠯᠯᠠᠬᠰᠠᠨ ᠪᠠᠢᠨᠠ᠃
ᠲᠤᠬᠠᠢᠶᠢᠨ ᠦᠶᠡᠳᠤ ᠰᠢᠯᠢᠶᠢᠨ ᠬᠤᠭᠤᠯᠠᠢᠳᠤ ᠬᠠᠮᠠᠷ ᠬᠠᠳᠬᠤᠬᠤ ᠡᠪᠡᠰᠦ ᠴᠦ᠍ ᠦᠬᠡᠢ᠂ ᠡᠯᠡᠰᠦᠨ ᠲᠤᠪᠤ ᠦᠷᠬᠦᠯᠵᠢᠯᠡᠨ ᠰᠢᠷᠤᠢ ᠲᠤᠭᠤᠰᠦ ᠲᠡᠭᠳᠡᠵᠦ᠂ ᠠᠮᠢ ᠠᠬᠤᠢ ᠤᠷᠴᠢᠨ ᠲᠤᠭᠤᠷᠢᠨ ᠲᠤᠢᠯᠤᠨ ᠠᠨᠠᠢ ᠪᠠᠢᠪᠠ᠃ ᠬᠡᠪᠡᠴᠦ ᠹᠦ ᠭᠠᠩ ᠵᠤᠷᠢᠭ ᠰᠢᠨᠲᠠᠷᠠᠬᠰᠠᠨ ᠦᠬᠡᠢ᠂ ᠲᠡᠷᠡ ᠭᠡᠷᠭᠡᠢ ᠲᠠᠢ ᠪᠠᠨ ᠬᠠᠮᠲᠦ ᠰᠢᠪᠠᠷ ᠪᠠᠢᠰᠢᠩ ᠪᠠᠷᠢᠵᠦ᠂ ᠬᠤᠳᠲᠤᠭ ᠮᠠᠯᠲᠠᠵᠦ ᠤᠰᠤ ᠲᠠᠲᠠᠨ᠂ ᠡᠭᠡᠷᠡᠮᠡ ᠲᠠᠯᠠᠳᠤ ᠰᠢᠨᠡ ᠠᠮᠢᠲᠤᠷᠠᠯᠶ᠋ᠢᠡᠨ ᠡᠬᠢᠯᠡᠬᠦᠯᠦᠭᠰᠡᠨ ᠪᠢᠯᠡ᠃ᠬᠡᠲᠦᠨ ᠵᠢᠯᠤᠨ ᠴᠢᠷᠮᠠᠢᠯᠭᠠ ᠪᠡᠷ ᠲᠠᠮᠵᠢᠭᠠᠳ᠂ ᠲᠡᠬᠦᠨᠤ ᠲᠠᠭᠠᠭᠠᠴᠢᠯᠠᠬᠰᠠᠨ ᠪᠡᠯᠴᠢᠬᠡᠷ ᠲᠦ᠍ ᠮᠡᠳᠡᠭᠳᠡᠮᠡ ᠬᠤᠪᠢᠷᠠᠯᠲᠠ ᠭᠠᠷᠴᠦ᠂ ᠪᠡᠯᠴᠢᠭᠡᠷ ᠨᠢ ᠵᠢᠯ ᠡᠴᠡ ᠵᠢᠯ ᠰᠠᠬᠤᠯᠢᠬᠵᠢᠨ᠂ ᠡᠪᠡᠰᠦᠨᠤ ᠲᠦᠷᠦᠯ ᠵᠦᠢᠯ ᠨᠢ ᠴᠦ᠍ ᠵᠢᠯ ᠢᠷᠡᠬᠦᠶᠡ ᠤᠯᠠᠰᠢᠷᠠᠬᠰᠠᠨ ᠪᠠᠢᠨᠠ᠃ 2006 ᠤᠨ ᠪᠤᠯᠬᠤᠳᠤ᠂ ᠰᠢᠯᠢᠶᠢᠨ ᠬᠤᠭᠤᠯᠠᠢᠶᠢᠨ ᠬᠤᠪᠠᠬᠠᠢ ᠡᠯᠡᠰᠦ ᠨᠤᠭᠤᠭᠠᠨ ᠲᠠᠯᠠ ᠪᠤᠯᠵᠦ᠂ 《ᠠᠶᠠᠰᠤᠨ ᠰᠠᠯᠬᠢᠨᠳᠤ ᠠᠲᠤᠭᠤ ᠬᠤᠨᠢ ᠢᠷᠠᠢᠨ ᠦᠵᠡᠭᠳᠡᠬᠦ》 ᠰᠠᠢᠬᠠᠨ ᠦᠵᠡᠮᠵᠢᠶᠢ ᠪᠦᠷᠢᠲᠦᠬᠦᠯᠵᠡᠢ᠃ ᠰᠢᠯᠢᠶᠢᠨ ᠬᠤᠭᠤᠯᠠᠢᠶᠢᠨ ᠪᠡᠯᠴᠢᠬᠡᠷ ᠠᠭᠠᠵᠢᠮᠶ᠋ᠢᠡᠷ ᠬᠤᠯᠠ ᠤᠢᠷᠠᠳᠠᠭᠠᠨ ᠨᠡᠷᠡ ᠠᠯᠲᠠᠷᠰᠢᠵᠦ᠂ ᠤᠷᠠᠳᠤᠨ ᠲᠤᠮᠲᠠᠲᠦ ᠬᠤᠰᠢᠭᠤ᠂ ᠪᠠᠶᠠᠨᠨᠠᠭᠤᠷ ᠬᠤᠲᠠ᠂ ᠴᠠᠭᠠᠰᠢᠯᠠᠪᠡᠯ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠬᠠᠮᠢᠶᠠ ᠪᠦᠬᠦᠢ ᠪᠠᠢᠭᠤᠯᠭᠠ ᠨᠢᠬᠡᠴᠢᠶᠢᠨ ᠠᠩᠬᠠᠷᠤᠯᠢ ᠲᠠᠲᠠᠵᠦ᠂ ᠤᠷᠢᠳ ᠬᠤᠵᠢᠳ 《ᠰᠢᠯᠢᠳᠡᠭ ᠡᠬᠦᠯᠳᠡᠷᠤᠨ ᠦᠷᠡᠶᠢᠨ ᠬᠤᠨᠢ ᠦᠷᠡᠵᠢᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ》᠂ 《ᠪᠤᠭᠤ ᠮᠠᠯᠵᠢᠬᠤ ᠲᠤᠷᠰᠢᠯᠲᠠᠶᠢᠨ ᠰᠠᠭᠤᠷᠢᠨ ᠭᠠᠵᠠᠷ》᠂ 《ᠪᠡᠯᠴᠢᠬᠡᠷ ᠪᠠ ᠮᠠᠯᠤᠨ ᠲᠤᠭᠠ ᠲᠤᠯᠤᠭᠠᠢᠶᠢ ᠲᠡᠩᠴᠡᠬᠦᠷᠢᠰᠢᠬᠦᠯᠬᠦ ᠵᠢᠱ᠌ᠢᠶᠡ ᠦᠵᠡᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ》 ᠪᠠ ᠤᠷᠠᠳᠤᠨ ᠲᠤᠮᠲᠠᠲᠦ ᠬᠤᠰᠢᠭᠤᠨᠤ 《ᠤᠮᠠᠷᠠᠲᠦ ᠤᠷᠤᠨᠳᠤ ᠦᠷᠡᠵᠢᠬᠦᠯᠦᠨ ᠡᠮᠦᠨᠡᠲᠦ ᠤᠷᠤᠨᠳᠤ ᠲᠡᠵᠢᠭᠡᠬᠦ ᠵᠢᠱ᠌ᠢᠶᠡ ᠦᠵᠡᠬᠦᠯᠬᠦ ᠰᠠᠭᠤᠷᠢᠨ ᠭᠠᠵᠠᠷ》 ᠪᠤᠯᠤᠬᠰᠠᠨ ᠪᠠᠢᠨᠠ᠃ ᠹᠦ ᠭᠠᠩ ᠪᠠᠰᠠ ᠠᠮᠢ ᠠᠬᠤᠢᠶᠢ ᠰᠡᠷᠬᠦᠭᠡᠨ ᠬᠠᠮᠠᠭᠠᠯᠠᠬᠰᠠᠨ ᠵᠢᠱ᠌ᠢᠶᠡᠴᠢᠶᠢᠨ ᠬᠤᠪᠢ ᠪᠡᠷ᠂ ᠬᠤᠰᠢᠭᠤ᠂ ᠬᠤᠲᠠ ᠵᠢᠴᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠬᠠᠮᠢᠶᠠ ᠪᠦᠬᠦᠢ ᠰᠠᠯᠠᠭᠠ ᠮᠦᠴᠢᠷ ᠪᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠰᠤᠲᠤᠯᠭᠠᠨᠤ ᠨᠢᠬᠡᠴᠢᠶᠢᠨ ᠰᠠᠢᠰᠢᠶᠠᠯ ᠬᠦᠬᠢᠬᠦᠯᠦᠯᠢ ᠤᠯᠠᠨᠲᠠ ᠬᠦᠷᠳᠡᠭᠰᠡᠨ ᠪᠠᠢᠨᠠ᠃
ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢ ᠬᠠᠮᠠᠭᠠᠯᠠᠨ ᠵᠠᠰᠠᠭᠰᠠᠨ ᠲᠤᠷᠰᠢᠯᠭᠠ ᠪᠠᠨ ᠨᠡᠩ ᠤᠯᠠᠨ ᠬᠦᠮᠦᠰ ᠲᠦ᠍ ᠤᠯᠠᠮᠵᠢᠯᠠᠵᠦ᠂ ᠠᠮᠢ ᠠᠬᠤᠢᠶᠢᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠲᠠᠨᠢᠭᠤᠯᠬᠤᠶᠢᠨ ᠲᠤᠰᠠᠲᠠ ᠹᠦ ᠭᠠᠩ 20 ᠭᠠᠷᠤᠢ ᠵᠢᠯᠤᠨ ᠲᠤᠷᠰᠢ ᠨᠡᠢ᠌ᠳᠡ 350 ᠭᠠᠷᠤᠢ ᠵᠦᠢᠯᠦᠨ ᠡᠪᠡᠰᠦᠨᠤ ᠦᠯᠢᠬᠡᠷ ᠬᠡᠪᠢ ᠴᠤᠭᠯᠠᠭᠤᠯᠤᠭᠰᠠᠨ ᠪᠦᠬᠡᠳ ᠥᠪᠡᠷᠢᠶᠡᠨ ᠪᠡᠯᠡ ᠮᠥᠩᠭᠥ᠌ ᠴᠤᠭᠯᠠᠭᠤᠯᠵᠦ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠰᠠᠭᠤᠷᠢᠨ — ᠰᠢᠷᠡᠭᠡ ᠤᠷᠭᠤᠮᠠᠯᠤᠨ ᠦᠵᠡᠭᠦᠯᠭᠡᠶᠢᠨ ᠣᠷᠳᠣᠨᠶ᠋ᠢᠡᠨ ᠪᠠᠶ᠋ᠢᠭᠤᠯᠪᠠ᠃ 800 ᠮᠦ᠍ ᠰᠢᠬᠠᠮ ᠪᠡᠯᠴᠢᠭᠡᠷᠲᠦ᠍ ᠪᠠᠢᠷᠢᠯᠠᠵᠦ ᠪᠦᠭᠦᠢ ᠲᠤᠰ ᠦᠵᠡᠬᠦᠯᠬᠡᠶᠢᠨ ᠤᠷᠲᠤᠨ ᠨᠢ ᠡᠯᠡ ᠲᠦᠷᠦᠯᠦᠨ ᠤᠷᠭᠤᠮᠠᠯᠤᠨ ᠦᠯᠢᠬᠡᠷ ᠬᠡᠪ ᠵᠢᠴᠢ ᠨᠢᠯᠬᠠ ᠡᠪᠡᠰᠤ ᠵᠢ ᠵᠠᠭᠤ ᠭᠠᠷᠤᠢ ᠵᠦᠢᠯᠢ ᠬᠣᠷᠢᠶᠠᠨ ᠬᠠᠳᠠᠭᠠᠯᠠᠵᠤ ᠪᠣᠶ᠋ᠢᠵᠢᠭᠤᠯᠵᠠᠢ᠃ ᠡᠨᠳᠡ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠪᠠᠶ᠋ᠢᠴᠠᠭᠠᠯᠲᠠ ᠪᠠ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠠᠵᠢᠯᠯᠠᠭᠠᠶᠢ ᠪᠠᠶ᠋ᠢᠩᠭᠤᠵᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠍᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠠᠮᠢ ᠠᠬᠤᠢᠶᠢ ᠣᠶ᠋ᠢᠯᠠᠭᠠᠬᠤ ᠪᠣᠳᠠᠲᠤ᠌ ᠬᠢᠴᠢᠶᠡᠯᠦᠨ ᠲᠠᠩᠬᠢᠮ ᠪᠤᠯᠪᠠ᠃
《ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠢ᠋ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠦᠵᠡᠭᠦᠯᠭᠡ ᠶ᠋ᠢᠨ ᠣᠷᠳᠣᠨ ᠢ᠋ ᠪᠠᠶ᠋ᠢᠭᠤᠯᠤᠬᠰᠠᠨ ᠨᠢ ᠭᠤᠤᠯᠲᠠᠭᠤ ᠲᠠᠯᠠ ᠨᠤᠲᠤᠭᠤᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠲᠤᠬᠠᠢ ᠮᠡᠳᠡᠯᠭᠡ ᠶ᠋ᠢ ᠲᠦᠭᠡᠮᠡᠯᠵᠢᠭᠦᠯᠦᠨ᠂ ᠪᠠᠶ᠋ᠢᠭᠠᠯᠢ ᠶ᠋ᠢ ᠬᠦᠨᠲᠦᠳᠭᠡᠬᠦ ᠶ᠋ᠢ ᠰᠠᠨᠠᠭᠠᠴᠢᠯᠠᠬᠤᠶᠢᠨ ᠲᠦᠯᠦᠬᠡ ᠶᠤᠮ᠃ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢ ᠶ᠋ᠢ ᠬᠠᠮᠠᠭᠠᠯᠠᠬᠤᠳᠤ ᠪᠢᠳᠡ ᠵᠠᠪᠠᠯ ᠤᠷᠲᠤ᠌ ᠬᠤᠭᠤᠴᠠᠭᠠᠪᠠᠷ ᠴᠢᠷᠮᠠᠶ᠋ᠢᠵᠤ᠂ ᠰᠠᠶ᠋ᠢᠨ ᠰᠠᠶ᠋ᠢᠬᠠᠨ ᠭᠡᠷ ᠣᠷᠣᠨᠢᠶᠠᠨ ᠬᠠᠮᠲᠤᠪᠠᠷ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠪᠡᠷ ᠬᠦᠴᠦ ᠨᠢᠬᠡᠲᠦᠨ ᠠᠵᠢᠯᠯᠠᠪᠠᠯ ᠵᠤᠬᠢᠨᠠ》 ᠭᠡᠵᠦ᠍ ᠹᠦ᠋ ᠭᠠᠩ ᠬᠡᠯᠡᠨᠡ᠃ 2024 ᠤᠨᠳᠤ᠂ ᠹᠦ ᠭᠠᠩ ᠪᠠᠰᠠ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢᠨ ᠰᠤᠳᠤᠯᠭᠠᠨᠤ ᠨᠡᠶ᠋ᠢᠭᠡᠮᠯᠢᠭᠢ ᠪᠠᠢᠭᠤᠯᠵᠦ᠂ ᠲᠤᠮᠲᠠᠲᠦ ᠤᠯᠤᠰᠤᠨ ᠤᠢ ᠰᠢᠭᠤᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩ ᠵᠡᠷᠭᠡᠪᠠᠢᠭᠤᠯᠭᠠ ᠨᠢᠬᠡᠴᠢ ᠶ᠋ᠢᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨᠢ ᠤᠷᠢᠵᠦ᠂ ᠭᠠᠴᠠᠭᠠ ᠲᠤᠰᠬᠤᠨᠶ᠋ᠢᠡᠷ ᠬᠦᠨᠵᠡᠬᠡᠢᠷᠡᠵᠦ ᠰᠤᠲᠤᠯᠤᠨ ᠰᠤᠷᠤᠯᠴᠠᠬᠤ ᠠᠵᠢᠯᠯᠠᠭᠠ ᠦᠷᠨᠢᠬᠦᠯᠦᠭᠰᠡᠨ ᠪᠠᠢᠨᠠ᠃

ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠴᠤᠩᠵᠢ ᠰᠤᠮᠤᠨᠤ ᠮᠠᠯᠴᠢᠨ ᠭᠸ ᠵᠠᠶᠠᠭᠠ ᠴᠤ᠌ ᠮᠠᠯ ᠤᠨᠤᠭᠠ ᠪᠠᠨ ᠲᠤᠳᠤᠮᠳᠠᠬᠤ ᠶ᠋ᠢᠨ ᠲᠠᠭᠠᠤ ᠴᠢᠯᠥᠭᠡ ᠵᠠᠪᠢᠶᠠᠷᠢᠶᠠᠨ ᠲᠥᠷᠥᠭᠰᠡᠨ ᠨᠤᠲᠤᠭᠤᠨᠶ᠋ᠢᠡᠨ ᠡᠪᠡᠰᠦ ᠤᠷᠭᠤᠮᠠᠯᠢ ᠴᠤᠭᠯᠠᠭᠤᠯᠵᠤ᠂ ᠲᠠᠯᠠ ᠨᠤᠲᠤᠭᠤᠨ ᠪᠣᠬᠢᠷᠲᠤᠯ ᠦᠭᠡᠢ ᠠᠮᠢ ᠠᠬᠤᠢ ᠶ᠋ᠢ ᠦᠯᠢᠭᠡᠷ ᠬᠡᠪ ᠪᠣᠯᠭᠠᠨ ᠤᠷᠠᠯᠠᠵᠤ᠂ ᠨᠢᠬᠡᠨ 《ᠠᠮᠢ ᠠᠬᠤᠢᠶᠢᠨ ᠳᠠᠩᠰᠠ ᠡᠪᠬᠡᠮᠡᠯ》 ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶ᠋ᠢᠨᠠ᠃
ᠲᠡᠬᠦᠨᠤ ᠭᠡᠷᠲᠦ᠍ ᠣᠷᠣᠬᠤᠳᠤ᠂ ᠭᠡᠷᠡᠮ ᠬᠠᠨᠠ ᠲᠡᠭᠡᠷᠡ ᠪᠠᠨ ᠤᠷᠭᠤᠮᠠᠯᠤᠨ ᠵᠢᠷᠤᠭᠢ ᠡᠯᠬᠦᠭᠰᠡᠨ ᠨᠢ ᠶᠠᠭ ᠯᠡ ᠲᠠᠯᠠ ᠨᠤᠲᠤᠭᠤᠨ ᠤᠨᠴᠠᠯᠢᠭ ᠲᠠᠢ ᠵᠠᠰᠠᠯ ᠴᠢᠮᠡᠭᠯᠡᠯ ᠭᠡᠮᠡᠷ ᠦᠷᠦᠬᠡ ᠭᠡᠷᠢ ᠨᠢ ᠡᠪ ᠲᠤᠬᠢ ᠲᠠᠢ ᠴᠢᠮᠡᠭᠯᠡᠵᠡᠢ᠃ ᠬᠠᠷᠭᠠᠨᠠ᠂ ᠴᠠᠭᠠᠨ ᠥᠷᠭᠡᠰᠦ᠂ ᠰᠢᠬᠢᠷ ᠡᠪᠡᠰᠦ᠂ ᠬᠥᠵᠢ ᠡᠪᠡᠰᠥ᠍᠂ ᠬᠤᠩᠭᠤᠷᠵᠤᠯᠠ᠂ ᠨᠤᠬᠠᠢ ᠶ᠋ᠢᠨ ᠰᠡᠭᠥᠯ᠂ ᠪᠤᠯᠠᠭᠠᠨ ᠰᠡᠭᠥᠯ ᠁ ᠡᠲᠡᠭᠡᠷ ᠤᠷᠠᠳ ᠨᠤᠲᠤᠭᠤᠨ ᠰᠢᠮᠡᠯᠢᠭ ᠬᠦᠷᠦᠰᠦᠨᠳᠤ ᠭᠦᠨ ᠦᠨᠳᠦᠰᠦᠯᠡᠭᠰᠡᠨ ᠨᠤᠲᠤᠭᠤᠨ ᠡᠪᠡᠰᠦ ᠤᠷᠭᠤᠮᠠᠯ ᠨᠢ ᠭᠸ ᠵᠠᠶᠠᠭᠠᠶᠢᠨ ᠲᠡᠭᠦᠬᠦ᠂ ᠡᠮᠬᠢᠯᠡᠬᠦ᠂ ᠲᠠᠷᠤᠵᠤ ᠬᠠᠳᠠᠭᠠᠬᠤ᠂ ᠣᠶᠣᠬᠤ᠂ ᠨᠠᠭᠠᠬᠤ ᠵᠡᠷᠭᠡ ᠨᠠᠷᠢᠯᠢᠭ ᠶᠠᠪᠤᠴᠠ ᠪᠡᠷ ᠲᠠᠮᠵᠢᠨ ᠰᠠᠯᠬᠢᠨᠤ ᠠᠶᠠ ᠪᠡᠷ ᠨᠠᠢᠭᠤᠵᠦ ᠪᠠᠢᠭᠠ ᠬᠡᠮᠡᠷ ᠠᠮᠢᠲᠤᠯᠢᠭ ᠰᠠᠢᠬᠠᠨ ᠪᠤᠯᠵᠠᠢ᠃ ᠦᠯᠢᠭᠡᠷ ᠬᠡᠪ ᠪᠦᠷᠢᠶᠢᠨ ᠱᠣᠰᠢᠭᠠ ᠳᠡᠭᠡᠷᠡ ᠡᠪᠡᠰᠦᠨᠤ ᠨᠡᠷᠡᠶ᠋ᠢᠳᠦᠯ᠂ ᠲᠡᠭᠦᠵᠦ᠍ ᠴᠤᠭᠯᠠᠭᠤᠯᠤᠬᠰᠠᠨ ᠴᠠᠭ ᠪᠠ ᠤᠷᠭᠤᠬᠰᠠᠨ ᠭᠠᠵᠠᠷᠢ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠭᠰᠡᠨ ᠪᠤᠯᠬᠤᠷ ᠡᠲᠡᠭᠡᠷ ᠨᠢ ᠲᠠᠯᠠ ᠨᠤᠲᠤᠭᠤᠨ ᠤᠷᠭᠤᠮᠠᠯᠤᠨ 《ᠠᠮᠢ ᠠᠬᠤᠢᠶᠢᠨ ᠲᠠᠩᠰᠠ ᠡᠪᠬᠡᠮᠡᠯ》 ᠪᠤᠯᠤᠭᠰᠠᠨᠶ᠋ᠢᠡᠷ ᠪᠠᠷᠠᠬᠤ ᠦᠭᠡᠢ᠂ ᠨᠠᠩ ᠴᠤ᠌ ᠭᠸ ᠵᠠᠶᠠᠭᠠᠶᠢᠨ ᠬᠡᠳᠦᠨ ᠵᠢᠯᠦᠨ ᠴᠠᠭ ᠬᠤᠭᠤᠴᠠᠭᠠᠶᠢ ᠵᠠᠷᠤᠴᠠᠭᠤᠯᠵᠦ ᠨᠤᠲᠤᠭ ᠤᠰᠤᠨᠳᠠᠭᠠᠨ ᠦᠯᠡᠳᠡᠭᠡᠭᠰᠡᠨ 《ᠨᠤᠲᠤᠭᠤᠨ ᠨᠣᠭᠣᠭᠠᠨ ᠳᠤᠷᠠᠰᠤᠮᠵᠢ》 ᠪᠣᠯᠤᠭᠰᠠᠨ ᠪᠠᠶ᠋ᠢᠨᠠ᠃
《ᠪᠡᠯᠴᠢᠭᠡᠷᠲᠦ᠍ ᠡᠪᠡᠰᠦᠨᠦ ᠲᠥᠷᠥᠯ ᠵᠦᠢᠯ ᠣᠯᠠᠨ ᠪᠠᠶ᠋ᠢᠳᠠᠭ ᠪᠣᠯᠪᠠᠴᠤ᠌ ᠨᠡᠷᠡ ᠵᠢᠭᠠᠵᠤ᠂ ᠥᠪᠡᠷᠮᠢᠴᠡ ᠣᠨᠴᠠᠯᠢᠭ ᠢ᠋ ᠨᠢ ᠲᠣᠳᠣᠷᠬᠠᠢ ᠬᠡᠯᠡᠵᠦ᠍ ᠴᠢᠳᠠᠬᠤ ᠮᠠᠯᠴᠢᠳ ᠲᠡᠶ᠋ᠢᠮᠦ᠍ ᠣᠯᠠᠨ ᠪᠢᠰᠢ᠂ ᠡᠪᠡᠰᠥ᠍ ᠤᠷᠭᠤᠮᠠᠯᠤᠨ ᠦᠯᠢᠭᠡᠷ ᠬᠡᠪ ᠬᠢᠭᠰᠡᠨᠤ ᠵᠤᠷᠢᠯᠭᠠ ᠪᠤᠯ ᠳᠠᠷᠤᠢ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ ᠨᠠᠷᠲᠠᠭᠠᠨ ᠥᠪᠡᠷᠦᠨ ᠢᠳᠡᠭᠡᠰᠢᠨ ᠠᠮᠢᠲᠤᠷᠠᠵᠦ ᠪᠠᠶ᠋ᠢᠭᠠ ᠤᠷᠤᠨ ᠨᠤᠲᠤᠭᠤᠨᠶ᠋ᠢᠡᠨ ᠡᠪᠡᠰᠦ ᠤᠷᠭᠤᠮᠠᠯᠶ᠋ᠢᠡᠨ ᠦᠨᠡᠨᠬᠦ᠌ ᠲᠠᠨᠢᠭᠤᠯᠵᠤ ᠣᠶ᠋ᠢᠯᠠᠭᠠᠭᠤᠯᠬᠤᠶᠢᠨ ᠲᠥᠯᠥᠭᠡ ᠶᠤᠮ》 ᠭᠡᠵᠤ ᠭᠸ ᠵᠠᠶᠠᠭᠠ ᠰᠤᠷᠪᠤᠯᠵᠢᠯᠠᠭᠴᠢᠳᠤ ᠶᠠᠷᠢᠯᠠ᠃《ᠮᠠᠯ ᠮᠠᠯᠵᠢᠬᠤᠳᠦ ᠡᠷᠬᠡᠪᠰᠢ ᠪᠡᠯᠴᠢᠭᠡᠷᠶ᠋ᠢᠡᠨ ᠰᠢᠨᠵᠢᠯᠡᠬᠥ᠌ ᠤᠬᠠᠭᠠᠨᠴᠢ ᠪᠠᠷ ᠡᠵᠡᠩᠨᠡᠬᠥ᠌ ᠭᠡᠷᠡᠭᠳᠡᠢ》 ᠭᠡᠰᠡᠨ ᠪᠣᠷᠣᠭᠵᠢᠭᠤᠨ ᠪᠤᠲᠤᠯᠢ ᠪᠠᠷᠢᠮᠲᠠᠯᠠᠵᠦ᠂ ᠭᠸ ᠵᠠᠶᠠᠭᠠ 2018 ᠣᠨᠠᠴᠠ ᠡᠬᠢᠯᠡᠨ ᠪᠡᠯᠴᠢᠭᠡᠷ ᠲᠡᠭᠡᠷᠡᠬᠢ ᠡᠯᠡ ᠲᠦᠷᠦᠯᠦᠨ ᠡᠪᠡᠰᠤ ᠤᠷᠭᠤᠮᠠᠯᠶ᠋ᠢᠡᠨ ᠨᠠᠷᠢᠨ ᠨᠢᠮᠪᠠᠢ ᠴᠤᠭᠯᠠᠭᠤᠯᠵᠦ ᠦᠯᠢᠬᠡᠷ ᠬᠡᠪ ᠵᠤᠬᠢᠶᠠᠪᠠ᠃ᠲᠡᠷᠡ ᠨᠢᠭᠡ ᠲᠠᠯᠠᠪᠠᠷ ᠦᠯᠢᠭᠡᠷ ᠬᠡᠪ ᠵᠣᠬᠢᠶᠠᠬᠤ ᠤᠷᠠ ᠮᠡᠷᠭᠡᠵᠢᠯᠢ ᠰᠤᠳᠤᠯᠵᠤ᠂ ᠳᠠᠷᠤᠬᠤ᠂ ᠬᠠᠲᠠᠭᠠᠬᠤ ᠬᠠᠮᠤᠭᠤᠨ ᠰᠠᠶ᠋ᠢᠨ ᠠᠷᠭᠠᠶᠢ ᠲᠠᠬᠢᠨ ᠳᠠᠪᠲᠠᠨ ᠰᠦᠪᠡᠭᠴᠢᠯᠡᠵᠦ᠍᠂ ᠨᠦᠬᠦᠭᠡ ᠲᠠᠯᠠᠪᠠᠷ ᠡᠪᠡᠰᠥ᠍ ᠤᠷᠭᠤᠮᠠᠯᠤᠨ ᠤᠷᠭᠤᠯᠲᠠᠶᠢᠨ ᠣᠨᠴᠠᠯᠢᠭᠢ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠤᠷᠤᠯᠴᠠᠵᠤ᠂ ᠲᠠᠨᠢᠬᠤ ᠦᠭᠡᠢ ᠡᠪᠡᠰᠥ᠍ ᠤᠷᠭᠤᠮᠠᠯᠲᠡᠶ ᠲᠠᠭᠠᠷᠠᠯᠳᠤᠪᠠᠯ᠂ ᠰᠠᠨᠠᠭᠠᠴᠢᠯᠠᠭᠠᠠᠴᠠᠪᠠᠨ ᠵᠣᠭᠣᠰ ᠵᠠᠷᠤᠴᠠᠭᠤᠯᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨᠢᠶᠡᠷ ᠬᠢᠨᠠᠨ ᠲᠣᠭᠲᠠᠭᠠᠯᠭᠠᠵᠤ᠂ ᠲᠠᠬᠢᠨ ᠨᠠᠷᠢᠨ ᠲᠡᠮᠳᠡᠭᠯᠡᠯ ᠬᠢᠵᠦ᠍᠂ ᠲᠦᠷᠦᠯ ᠬᠤᠪᠢᠶᠠᠨ ᠲᠠᠨᠭ᠌ᠰᠠ ᠡᠪᠬᠡᠮᠡᠯᠳᠡᠭᠡᠨ ᠤᠷᠤᠭᠤᠯᠲᠠᠭ ᠪᠠᠶ᠋ᠢᠨᠠ᠃ ᠬᠡᠳᠦᠨ ᠵᠢᠯᠦᠨ ᠴᠥᠬᠥᠷᠡᠰᠢ ᠦᠭᠡᠢ ᠴᠢᠷᠮᠠᠶ᠋ᠢᠯᠭᠠᠪᠠᠷ᠂ ᠭᠸ ᠵᠠᠶᠠᠭᠠ 64 ᠬᠤᠪᠢ ᠤᠷᠭᠤᠮᠠᠯᠤᠨ ᠦᠯᠢᠭᠡᠷ ᠬᠡᠪᠢ ᠠᠮᠵᠢᠯᠲᠠᠲᠠᠶ ᠵᠣᠬᠢᠶᠠᠵᠦ᠂ ᠪᠠᠰᠠ ᠨᠢᠭᠡ ᠪᠦᠯᠦᠭ ᠬᠣᠷᠢᠶᠠᠨ ᠴᠤᠭᠯᠠᠭᠤᠯᠤᠭᠰᠠᠨ ᠡᠪᠡᠰᠥ᠍ ᠤᠷᠭᠤᠮᠠᠯᠶ᠋ᠢᠡᠨ ᠦᠯᠢᠭᠡᠷ ᠬᠡᠪ ᠬᠢᠬᠦ᠌ ᠪᠠᠷ ᠨᠢᠭᠡᠨᠳᠡ ᠪᠡᠯᠡᠳᠭᠡᠭᠡᠳ ᠪᠠᠶ᠋ᠢᠨᠠ᠃

ᠡᠳᠡᠭᠡᠷ ᠦᠯᠢᠭᠡᠷ ᠬᠡᠪ ᠨᠢ ᠨᠠᠩ ᠣᠯᠠᠨ ᠮᠠᠯᠴᠢᠳᠲᠤ᠌ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠲᠥᠷᠥᠯ ᠵᠦᠢᠯ ᠪᠠ ᠦᠨᠡ ᠥᠷᠲᠡᠭᠢ ᠰᠢᠭᠤᠳ ᠣᠶ᠋ᠢᠯᠠᠭᠠᠭᠤᠯᠵᠤ᠂ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠪᠠᠶ᠋ᠢᠳᠠᠯᠢ ᠣᠨᠣᠪᠴᠢᠲᠠᠶ ᠡᠵᠡᠮᠰᠢᠭᠦᠯᠵᠦ᠍᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢᠪᠠᠷ ᠮᠠᠯ ᠬᠠᠷᠢᠭᠤᠯᠬᠤ᠂ ᠪᠡᠯᠴᠢᠭᠡᠷᠢ ᠰᠡᠷᠭᠥᠭᠡᠬᠥ᠌᠂ ᠬᠥᠮᠥᠨᠦ ᠬᠦᠴᠦᠪᠡᠷ ᠨᠥᠬᠥᠵᠦ᠍ ᠳᠠᠷᠢᠬᠤ ᠵᠡᠷᠭᠡ ᠠᠵᠢᠯᠳᠤ ᠬᠦᠴᠦᠲᠡᠢ ᠲᠤᠯᠭᠠᠭᠤᠷᠢᠯᠠᠯ ᠬᠠᠩᠭᠠᠭᠰᠠᠨ ᠪᠥᠭᠡᠳ 《ᠡᠪᠡᠰᠦ ᠪᠡᠯᠴᠢᠭᠡᠷᠢ ᠬᠠᠮᠠᠭᠠᠯᠠᠬᠤ ᠪᠣᠯ ᠨᠤᠳᠤᠭ ᠣᠷᠣᠨᠢᠶᠠᠨ ᠬᠠᠮᠠᠭᠠᠯᠠᠵᠤ ᠪᠠᠶ᠋ᠢᠭᠠ ᠶᠠᠪᠤᠳᠠᠯ ᠮᠥᠨ》 ᠬᠡᠬᠦ᠌ ᠣᠶ᠋ᠢᠯᠠᠭᠠᠭᠳᠠᠬᠤᠨᠢ ᠮᠠᠯᠴᠢᠳᠤᠨ ᠰᠡᠳᠬᠢᠯᠳᠦ ᠭᠦᠨ ᠦᠨᠳᠦᠰᠦᠯᠡᠭᠦᠯᠵᠡᠢ᠃《ᠮᠢᠨᠤ ᠥᠪᠡᠷᠦᠨ ᠪᠡᠯᠴᠢᠭᠡᠷᠲᠡᠬᠢ ᠡᠪᠡᠰᠦ ᠤᠷᠭᠤᠮᠠᠯᠤᠨ ᠦᠯᠢᠭᠡᠷ ᠬᠡᠪ ᠪᠠᠷᠤᠭ 64 ᠵᠦᠢᠯ ᠪᠠᠶ᠋ᠢᠨᠠ᠃ ᠤᠷᠢᠳᠠᠪᠠᠷ ᠪᠡᠯᠴᠢᠭᠡᠷᠦᠨᠢᠶᠡᠨ ᠡᠪᠡᠰᠦ ᠤᠷᠭᠤᠮᠠᠯ ᠢ᠋ ᠨᠠᠷᠢᠨ ᠨᠢᠮᠪᠠᠢ ᠦᠢᠯᠠᠭᠠᠵᠤ ᠦᠯᠢᠭᠡᠷ ᠬᠡᠪ ᠪᠣᠯᠭᠠᠭᠰᠠᠨ ᠰᠠᠭᠤᠷᠢᠨ ᠲᠡᠭᠡᠷᠡ᠂ ᠳᠠᠷᠠᠭᠠ ᠠᠯᠬᠤᠮᠳᠤ ᠲᠡᠭᠦᠵᠦ᠍ ᠴᠤᠭᠯᠠᠭᠤᠯᠬᠤ ᠬᠡᠪᠴᠢᠶᠡ ᠪᠠᠨ ᠥᠷᠭᠡᠳᠬᠡᠵᠦ᠍᠂ ᠪᠤᠰᠤᠳ ᠰᠤᠮᠤ᠂ ᠲᠡᠷᠡᠴᠢᠯᠡᠨ ᠪᠦᠬᠦ᠌ ᠬᠣᠰᠢᠭᠤᠨᠤ ᠬᠡᠪᠴᠢᠶᠡᠨ ᠳ᠋ᠠᠬᠢ ᠡᠪᠡᠰᠦ ᠤᠷᠭᠤᠮᠠᠯᠢ ᠲᠡᠭᠦᠵᠦ᠍ ᠠᠪᠴᠢᠷᠠᠭᠠᠳ ᠦᠯᠢᠭᠡᠷ ᠬᠡᠪ ᠪᠣᠯᠭᠠᠬᠤ ᠪᠡᠷ ᠲᠦᠰᠦᠪᠯᠡᠵᠤ ᠪᠠᠢᠨᠠ》 ᠭᠡᠯᠠ᠃
ᠠᠮᠢ ᠠᠬᠤᠢ ᠪᠤᠯ ᠤᠷᠤᠨ ᠨᠤᠲᠤᠭᠤᠨ ᠬᠦᠭᠵᠢᠯᠳᠡᠶᠢᠨ ᠰᠠᠭᠤᠷᠢ ᠭᠡᠵᠦ ᠬᠦᠨᠵᠡᠬᠡᠢ ᠲᠠᠨᠢᠬᠰᠠᠨ ᠤᠷᠠᠳᠴᠤᠳ᠂ ᠠᠮᠢ ᠠᠬᠤᠢᠶᠢ ᠬᠠᠮᠠᠭᠠᠯᠠᠬᠤ ᠤᠢᠯᠠᠭᠠᠭᠲᠠᠬᠤᠨ᠂ ᠠᠮᠢ ᠠᠬᠤᠢᠶᠢ ᠰᠡᠷᠬᠦᠭᠡᠭᠰᠡᠨ ᠲᠤᠷᠰᠢᠯᠭᠠ᠂ ᠡᠪᠡᠰᠦ ᠪᠡᠯᠴᠢᠭᠡᠷᠤᠨ ᠲᠤᠬᠠᠢ ᠮᠡᠳᠡᠯᠭᠡᠶᠢ ᠤᠯᠠᠮᠵᠢᠯᠠᠬᠤᠶᠢᠨ ᠴᠢᠬᠤᠯᠠ ᠴᠢᠨᠠᠷᠢ ᠤᠯᠠᠮᠶ᠋ᠢᠡᠷ ᠲᠠᠨᠢᠵᠦ᠂ ᠪᠡᠯᠡ ᠤᠷᠤᠭᠤᠯᠤᠯᠲᠠ ᠪᠠᠨ ᠨᠡᠮᠡᠭᠳᠡᠬᠦᠯᠦᠨ᠂ ᠲᠤᠰᠬᠠᠢ ᠮᠡᠷᠭᠡᠵᠢᠯᠳᠡᠨᠢ ᠤᠷᠢᠵᠦ᠂ ᠲᠡᠷᠢᠬᠦᠨᠤ ᠮᠡᠷᠭᠡᠵᠢᠯᠢ ᠠᠰᠢᠬᠯᠠᠨ᠂ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠬᠦᠯᠬᠦ ᠬᠡᠲᠦᠨ ᠰᠠᠭᠤᠷᠢᠨᠢ ᠪᠠᠢᠭᠤᠯᠤᠬᠰᠠᠨ ᠪᠢᠯᠡ᠃
ᠭᠠᠭᠴᠠᠮᠤᠲᠤ᠌ ᠪᠠᠯᠭᠠᠰᠤᠶᠢᠨ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢ ᠰᠡᠷᠭᠦᠭᠡᠬᠦ᠌ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠣᠷᠳᠣᠨ ᠪᠤᠯ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠣᠰᠢᠭᠤᠨᠤ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠭᠣᠣᠯ ᠰᠠᠭᠤᠷᠢᠨ ᠭᠠᠵᠠᠷ ᠪᠤᠯᠬᠤ ᠶᠤᠮ᠃ ᠲᠤᠰ ᠤᠷᠲᠤᠨᠢ ᠪᠠᠢᠭᠤᠯᠬᠤᠳᠤ ᠨᠡᠢᠳᠡ 380 ᠲᠦᠮᠡᠨ ᠲᠥᠭᠥᠷᠢᠭ ᠪᠡᠯᠡ ᠤᠷᠤᠭᠤᠯᠵᠦ᠂ 400 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠲᠠᠯᠠᠪᠠᠢ ᠪᠦᠬᠦᠢ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮ᠂ 200 ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠸᠲᠷ ᠲᠠᠯᠠᠪᠠᠢ ᠪᠦᠬᠦᠢ ᠪᠣᠳᠠᠲᠤ᠌ ᠦᠢᠯᠡᠲᠦᠯᠭᠡ ᠵᠢᠨ ᠰᠠᠭᠤᠷᠢᠨ ᠭᠠᠵᠠᠷ᠂ LED ᠲᠣᠮᠣ ᠳᠡᠯᠭᠡᠴᠡ ᠵᠢᠴᠢ 100 ᠭᠠᠷᠤᠢ ᠦᠷᠡᠶᠢᠨ ᠬᠥᠮᠥᠷᠭᠡᠶᠢ ᠡᠮᠬᠢ ᠲᠠᠷᠠᠭᠠ ᠲᠠᠢ ᠲᠦᠰᠦᠪᠯᠡᠨ ᠪᠠᠢᠷᠢᠯᠠᠭᠤᠯᠵᠦ᠂ ᠨᠡᠢᠳᠡ 650 ᠬᠤᠪᠢ ᠦᠵᠡᠬᠦᠯᠬᠡᠶᠢᠨ ᠵᠦᠢᠯᠡᠰᠢ ᠲᠡᠯᠭᠡᠨ ᠦᠵᠡᠬᠦᠯᠵᠦ ᠪᠤᠢ᠃
ᠡᠬᠦᠨᠤ ᠬᠠᠮᠲᠦ ᠲᠤᠰ ᠤᠷᠲᠤᠨ ᠨᠢ ᠪᠠᠰᠠ ᠪᠡᠭᠡᠵᠢᠩᠦᠨ ᠪᠠᠭᠰᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠶ ᠰᠢᠭᠤᠢᠶᠢᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠬᠦᠷᠢᠶᠡᠯᠡᠩ ᠲᠡᠢ ᠬᠠᠮᠲᠤᠷᠠᠨ 13 ᠲᠤᠰᠬᠠᠢ ᠮᠡᠷᠭᠡᠵᠢᠯᠲᠡᠨᠤ ᠲᠡᠮᠵᠢᠯᠭᠡ ᠪᠡᠷ ᠦᠵᠡᠭᠦᠯᠭᠡᠶᠢᠨ ᠰᠠᠮᠪᠠᠷᠠ᠂ ᠬᠡᠷᠡᠯ ᠵᠢᠷᠤᠭ᠂ ᠲᠠᠶ᠋ᠢᠯᠤᠮᠵᠢ᠂ ᠪᠠᠷᠢᠮᠲᠠᠲᠤ᠌ ᠺᠢᠨᠤ᠋ ᠵᠡᠷᠭᠡ ᠬᠡᠯᠪᠡᠷᠢᠪᠡᠷ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢᠨ ᠮᠡᠳᠡᠯᠭᠡᠶᠢ ᠲᠦᠭᠡᠮᠡᠯᠵᠢᠬᠦᠯᠬᠦᠶᠢᠨ ᠵᠡᠷᠭᠡ ᠪᠡᠷ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠲᠠᠯᠠ ᠨᠤᠲᠤᠭᠦᠨ ᠣᠳᠣᠬᠢ ᠪᠠᠶ᠋ᠢᠳᠠᠯ ᠪᠣᠯᠣᠨ ᠠᠮᠢ ᠠᠬᠤᠢᠶᠢ ᠰᠠᠶ᠋ᠢᠵᠢᠷᠠᠭᠤᠯᠤᠨ ᠰᠡᠷᠭᠦᠭᠡᠬᠦ᠌ ᠠᠵᠢᠯᠢ ᠨᠠᠷᠢᠨ ᠲᠠᠶ᠋ᠢᠯᠪᠤᠷᠢᠯᠠᠵᠦ ᠪᠠᠢᠲᠠᠭ᠃ ᠤᠲᠤ᠂ ᠡᠨᠳᠡᠬᠢ ᠨᠢ ᠨᠢᠭᠡᠨᠲᠡ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠬᠣᠶᠠᠷ ᠶᠡᠬᠡ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠭᠠᠵᠠᠷᠢᠶᠠᠷ ᠦᠨᠡᠯᠡᠭᠳᠡᠭᠰᠡᠨ ᠪᠦᠬᠡᠳ ᠤᠲᠤ ᠪᠤᠯᠲᠠᠯᠠ ᠨᠡᠶ᠋ᠢᠲᠡ 1.5 ᠲᠦᠮᠡᠨ ᠬᠥᠮᠥᠨ ᠤᠳᠠᠭᠠᠶᠢᠨ ᠵᠢᠭᠤᠯᠴᠢᠯᠠᠬᠰᠠᠳᠢ ᠭᠥᠯᠢᠶᠡᠨ ᠠᠪᠤᠬᠰᠠᠨ ᠪᠠᠢᠨᠠ᠃

ᠭᠠᠭᠴᠠᠮᠦᠲᠤᠶᠢᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠦᠵᠡᠭᠦᠯᠭᠡᠶᠢᠨ ᠣᠷᠳᠣᠨᠲᠠᠶ ᠬᠠᠷᠢᠴᠠᠭᠤᠯᠪᠠᠯ᠂ ᠴᠤᠩᠵᠢ ᠰᠤᠮᠤᠨᠤ ᠡᠯᠡᠰᠦᠷᠭᠡᠭᠵᠢᠭᠰᠡᠨ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠣᠷᠳᠣᠨ ᠨᠢ ᠲᠣᠭᠠᠴᠢᠯᠠᠭᠰᠠᠨ ᠮᠡᠷᠭᠡᠵᠢᠯᠳᠤ ᠢᠯᠡᠬᠦᠦ ᠲᠦᠰᠢᠭᠯᠡᠭᠰᠡᠨᠶ᠋ᠢᠡᠷᠶ᠋ᠢᠡᠨ ᠤᠨᠴᠠᠯᠢᠬᠲᠠᠨᠠ᠃ ᠲᠤᠰ ᠤᠷᠲᠤᠨ ᠨᠢ 30 ᠲᠦᠮᠡᠨ ᠲᠥᠭᠥᠷᠢᠭᠦᠨ ᠲᠠᠰ ᠲᠡᠪᠰᠢᠬᠦᠯᠦᠭᠰᠡᠨ ᠲᠥᠬᠦᠭᠡᠷᠦᠮᠵᠢ ᠵᠢ ᠣᠷᠣᠭᠤᠯᠤᠨ᠂ ᠦᠵᠡᠭᠦᠯᠭᠡᠶᠢᠨ ᠲᠠᠪᠴᠠᠩ᠂ LED ᠲᠣᠮᠣ ᠳᠡᠯᠭᠡᠴᠡ ᠵᠢᠴᠢ ᠪᠦᠬᠦ ᠮᠡᠳᠡᠭᠡ ᠵᠠᠩᠭᠢᠶᠢᠨ ᠬᠠᠷᠢᠯᠴᠠᠨ ᠬᠥᠳᠡᠯᠦᠯᠴᠡᠬᠦ᠌ ᠰᠢᠰᠲ᠋ᠧᠮᠢ ᠲᠣᠬᠢᠷᠠᠭᠤᠯᠪᠠ᠃ ᠣᠶᠤᠨᠴᠢ ᠳᠡᠯᠭᠡᠨ ᠦᠵᠡᠬᠦᠯᠭᠡ ᠪᠠ ᠲᠤᠭᠠᠴᠢᠯᠠᠬᠰᠠᠨ ᠮᠡᠷᠭᠡᠵᠢᠯ ᠨᠢ ᠵᠢᠭᠤᠯᠴᠢᠯᠠᠬᠰᠠᠳ ᠲᠤ᠌ ᠲᠠᠯᠠ ᠨᠤᠲᠤᠭᠤᠨ ᠥᠩᠭᠡ ᠦᠵᠡᠮᠵᠢᠶᠢ ᠰᠢᠭᠤᠳ ᠦᠵᠡᠭᠦᠯᠬᠦᠶᠢᠨ ᠵᠡᠷᠭᠡ ᠪᠡᠷ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠦᠨᠡ ᠦᠷᠳᠡᠭᠢ ᠲᠠᠨᠢᠭᠤᠯᠵᠦ᠂ ᠦᠪᠡᠷᠤᠨ ᠪᠡᠶᠡ ᠪᠡᠷᠶ᠋ᠢᠡᠨ ᠲᠠᠯᠠ ᠨᠤᠲᠤᠭ ᠲᠦ᠍ ᠬᠦᠷᠦᠭᠡᠳ ᠤᠴᠢᠬᠰᠠᠨ ᠶᠤᠮ ᠰᠢᠬ ᠲᠦᠷᠦᠭᠳᠡᠯ ᠦᠭᠳᠡᠭ ᠪᠠᠢᠨᠠ᠃
ᠦᠵᠡᠭᠦᠯᠭᠡᠶᠢᠨ ᠣᠷᠳᠣᠨ ᠨᠢ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠤᠯᠤᠰᠤᠨ ᠪᠠᠲᠤᠯᠠᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠰᠤᠷᠭᠠᠨ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠭᠠᠵᠠᠷᠲᠠᠶ ᠬᠣᠯᠪᠤᠭᠠᠯᠠᠨ ᠬᠥᠳᠡᠯᠦᠯᠴᠡᠵᠦ᠍᠂ ᠬᠠᠮᠲᠤᠪᠠᠷ ᠪᠠᠶ᠋ᠢᠭᠤᠯᠤᠨ ᠬᠠᠮᠲᠤᠪᠠᠷ ᠡᠳ᠋ᠯᠡᠵᠦ᠍᠂ ᠠᠮᠢ ᠠᠬᠤᠢᠶᠢ ᠬᠠᠮᠠᠭᠠᠯᠠᠬᠤ ᠤᠢᠯᠠᠭᠠᠭᠲᠠᠬᠤᠨᠢ ᠤᠯᠠᠮᠵᠢᠯᠠᠵᠦ᠂ ᠣᠯᠠᠨ ᠲᠦᠮᠡᠨᠢ ᠬᠥᠲᠥᠯᠥᠨ ᠵᠢᠯᠤᠭᠣᠳᠴᠤ᠌᠂ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠬᠠᠮᠠᠭᠠᠯᠠᠯᠲᠠᠶᠢ ᠤᠢᠯᠠᠭᠠᠬᠤ ᠪᠠ ᠠᠮᠢ ᠠᠬᠤᠢᠶᠢᠨ ᠬᠠᠮᠠᠭᠠᠯᠠᠯᠲᠠᠳᠤ ᠪᠡᠶᠡᠳᠡᠨ ᠣᠷᠣᠯᠴᠠᠬᠤ ᠴᠢᠬᠤᠯᠠ ᠲᠠᠪᠴᠠᠩ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃
ᠠᠮᠢ ᠠᠬᠤᠢ ᠪᠠᠨ ᠨᠢᠲᠦᠨ ᠴᠡᠴᠡᠭᠡᠢ ᠪᠠᠨ ᠰᠢᠭ ᠬᠠᠢᠷᠠᠯᠠᠬᠤ ᠭᠡᠷᠡᠭᠳᠡᠢ ᠭᠡᠰᠡᠨ ᠤᠢᠯᠠᠭᠠᠭᠲᠠᠬᠤᠨ ᠨᠢᠬᠡᠨᠳᠡ ᠤᠷᠠᠳᠴᠤᠳᠤᠨ ᠴᠡᠭᠡᠵᠢᠨᠳᠤ ᠬᠦᠨ ᠬᠠᠲᠠᠨᠭᠰᠢᠬᠰᠠᠨ ᠪᠠᠢᠨᠠ᠃ ᠲᠠᠷᠠᠭᠠᠴᠢᠶᠢᠨ ᠠᠯᠬᠤᠮᠳᠤ᠂ ᠤᠷᠠᠳᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠪᠠ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ ᠠᠭᠤᠯᠭᠠᠪᠠᠨ ᠦᠷᠭᠦᠯᠵᠢᠯᠡᠨ ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠤᠬᠠᠭᠤᠯᠤᠨ ᠬᠥᠮᠥᠵᠢᠭᠦᠯᠬᠦ᠌ ᠵᠠᠭᠪᠤᠷᠤᠨ ᠲᠠᠯᠠ ᠪᠡᠷ ᠰᠢᠨᠡᠶᠢ ᠡᠭᠦᠳᠴᠦ᠍᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠸᠭᠨᠢᠢᠡ᠋ ᠮᠡᠷᠭᠡᠵᠢᠯᠢ ᠲᠦᠭᠡᠮᠡᠯᠵᠢᠭᠦᠯᠦᠨ᠂ ᠤᠮᠠᠷᠠᠲᠤᠶᠢᠨ ᠲᠠᠯᠠ ᠨᠤᠲᠤᠭᠤᠨ ᠠᠮᠢ ᠠᠬᠤᠢᠶᠢᠨ ᠪᠣᠯᠪᠠᠰᠤᠨᠤ ᠪᠠᠶ᠋ᠢᠭᠤᠯᠤᠯᠲᠠ ᠵᠢ ᠦᠷᠬᠦᠯᠵᠢᠯᠡᠨ ᠠᠬᠢᠭᠤᠯᠬᠤ ᠪᠡᠷ ᠴᠢᠷᠮᠠᠢᠵᠦ ᠪᠠᠢᠨᠠ᠃
ᠢᠷᠡᠯᠲᠡ᠄ ᠤᠷᠠᠳᠤᠨ ᠲᠤᠮᠲᠠᠲᠦ ᠬᠤᠰᠢᠭᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠥᠪ
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃