2026-10-16 16:56:44
ᠬᠦᠷᠢᠶᠡ ᠬᠤᠰᠢᠭᠤ᠂ ᠤᠮᠠᠷᠠᠲᠤ᠌ ᠥᠷᠭᠡᠷᠢᠭᠤᠨ 42 - 43 ᠭᠷᠠᠳᠦ᠋ᠰᠤᠨ ᠬᠣᠭᠣᠷᠣᠨᠳᠦ᠂ ᠬᠤᠷᠴᠢᠨᠤ ᠡᠯᠡᠰᠦᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠠᠬᠠᠳᠤ ᠪᠠᠢᠷᠢᠯᠠᠲᠠᠭ᠃ ᠡᠨᠳᠡᠬᠢ ᠭᠠᠵᠠᠷ ᠵᠦᠢᠶᠢᠨ ᠪᠠᠢᠷᠢᠰᠢᠯ᠂ ᠬᠦᠷᠦᠰᠦ ᠰᠢᠷᠤᠢᠶᠢᠨ ᠨᠦᠬᠦᠴᠡᠯ ᠨᠢ ᠰᠠᠭᠠᠭ ᠲᠠᠷᠢᠬᠤᠳᠤ ᠮᠠᠰᠢ ᠲᠤᠬᠢᠷᠠᠬᠰᠠᠨ ᠪᠣᠯᠬᠣᠷ ᠬᠦᠷᠢᠶᠡᠴᠤᠳ ᠮᠢᠩᠭᠠ ᠭᠠᠷᠤᠢ ᠵᠢᠯᠤᠨ ᠡᠮᠦᠨᠡ ᠡᠴᠡ ᠰᠠᠭᠠᠭ ᠲᠠᠷᠢᠵᠦ ᠡᠬᠢᠯᠡᠭᠰᠡᠨ ᠪᠦᠬᠡᠳ ᠬᠦᠷᠢᠶᠡ ᠬᠤᠰᠢᠭᠤ ᠨᠢ ᠤᠳᠤ ᠪᠤᠯᠬᠤ ᠳ᠋ᠤ ᠨᠢᠬᠡᠨᠳᠡ ᠳᠡᠯᠡᠬᠡᠶ ᠨᠡᠶ᠋ᠢᠲᠡ ᠳ᠋ᠦ᠍ ᠮᠡᠳᠡᠷᠡᠭᠳᠡᠭᠰᠡᠨ ᠰᠠᠭᠠᠭᠤᠨ ᠰᠢᠵᠢᠷ ᠠᠯᠲᠠᠨ ᠲᠠᠷᠢᠮᠠᠯᠤᠨ ᠤᠷᠤᠨ ᠪᠤᠯᠤᠭᠰᠠᠨ ᠶᠤᠮ᠃
2006 ᠤᠨ ᠳ᠋ᠤ 《ᠬᠦᠷᠢᠶᠡ ᠰᠠᠭᠠᠭ》 ᠨᠢ ᠤᠭ ᠭᠠᠷᠤᠯᠳᠠᠶᠢᠨ ᠤᠷᠤᠨᠤ ᠦᠨᠡᠮᠯᠡᠯ ᠲᠠᠢ ᠲᠠᠸᠠᠷᠤᠨ ᠲᠡᠮᠳᠡᠭᠶ᠋ᠢᠡᠷ ᠵᠦᠪᠰᠢᠶᠡᠷᠡᠭᠳᠡᠵᠦ᠂ 2012 ᠤᠨᠳᠤ ᠤᠯᠤᠰᠤᠨ ᠭᠠᠵᠠᠷ ᠵᠦᠢᠶᠢᠨ ᠢᠯᠡᠷᠭᠡᠢᠯᠡᠯᠳᠦ ᠬᠠᠮᠠᠭᠠᠯᠠᠯᠳᠠᠶᠢᠨ ᠪᠦᠲᠦᠭᠡᠭᠳᠡᠬᠦᠨᠶ᠋ᠢᠡᠷ ᠦᠨᠡᠯᠡᠭᠳᠡᠵᠦ᠂ 2018 ᠣᠨ ᠳ᠋ᠤ ᠭᠠᠵᠠᠷ ᠵᠦᠶᠶᠢᠨ ᠢᠯᠡᠷᠭᠡᠢᠯᠡᠯᠳᠦ ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨ ᠪᠤᠯᠵᠦ᠂ 2025 ᠣᠨ ᠪᠣᠯᠬᠤᠳᠤ 《ᠬᠦᠷᠢᠶᠡ ᠰᠠᠭᠠᠭ》ᠤ᠋ᠨ ᠣᠷᠣᠨ ᠪᠦᠰᠡᠶᠢᠨ ᠨᠡᠶ᠋ᠢᠲᠡᠶᠢᠨ ᠬᠡᠷᠡᠭᠯᠡᠭᠡᠨᠤ ᠲᠦᠷᠦᠯ ᠲᠡᠮᠳᠡᠭᠤᠨ ᠦᠷᠳᠡᠭ ᠨᠢᠭᠡᠨᠲᠡ 112.86 ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠢ ᠳᠠᠪᠠᠵᠦ᠂ ᠬᠦᠷᠢᠶᠡ ᠬᠤᠰᠢᠭᠤ ᠨᠢ ᠪᠠᠰᠠ 2014 ᠣᠨ ᠳ᠋ᠤ 《ᠳᠤᠮᠳᠠᠳᠤ ᠤᠯᠤᠰᠤᠨ ᠰᠠᠭᠠᠭᠤᠨ ᠰᠣᠶᠣᠯᠤᠨ ᠨᠤᠲᠤᠭ》 ᠬᠡᠮᠡᠨ ᠨᠡᠷᠡᠶ᠋ᠢᠳᠦᠭᠳᠡᠭᠰᠡᠨ ᠪᠠᠢᠨᠠ᠃
ᠵᠠᠭᠤ ᠮᠢᠩᠭᠠᠨ ᠵᠢᠯᠤᠨ ᠲᠡᠷᠳᠡᠭᠡᠬᠢ ᠮᠦᠬᠦᠯᠢᠭ ᠰᠠᠭᠠᠭ ᠡᠴᠡ ᠵᠠᠭᠤᠨ ᠳ᠋ᠦᠩᠰᠢᠭᠤᠷ ᠲᠥᠭᠥᠷᠢᠭᠤᠨ ᠲᠦᠷᠦᠯ ᠲᠡᠮᠳᠡᠭᠬᠦᠷᠲᠡᠯᠡ᠂ ᠰᠠᠭᠠᠭ ᠨᠢ ᠬᠦᠷᠢᠶᠡ ᠨᠤᠲᠤᠭᠤᠨ ᠠᠷᠠᠳ ᠲᠦᠮᠡᠨᠤ ᠡᠷᠡᠨᠤ ᠬᠤᠭᠤᠯᠠ᠂ ᠢᠳᠡᠭᠡᠨᠤ ᠤᠬᠢ ᠪᠤᠯᠤᠬᠰᠠᠨ ᠲᠡᠲᠦᠢ ᠦᠬᠡᠢ᠂ ᠠᠵᠦ ᠠᠬᠤᠢᠶᠢᠨ ᠤᠷᠤᠯᠭᠠᠶᠢᠨ ᠬᠢᠨᠢ ᠴᠢᠬᠤᠯᠠ ᠢᠷᠡᠯᠳᠡ᠂ ᠠᠵᠦ ᠦᠢᠯᠡᠰᠵᠢᠨ ᠬᠦᠭᠵᠢᠵᠦ᠂ ᠬᠤᠰᠢᠭᠤ ᠨᠤᠲᠤᠭᠶ᠋ᠢᠡᠨ ᠬᠦᠭᠵᠢᠬᠦᠯᠦᠨ ᠮᠠᠨᠲᠤᠭᠤᠯᠬᠤᠶᠢᠨ ᠬᠢᠨᠢ ᠭᠤᠤᠯ ᠬᠦᠳᠡᠯᠭᠡᠬᠦ ᠬᠦᠴᠦᠨ ᠪᠤᠯᠤᠬᠰᠠᠨ ᠪᠢᠯᠡ᠃

ᠣᠷᠣᠨ ᠨᠤᠳᠤᠭ ᠤᠨ ᠲᠠᠪᠠᠭᠤᠯᠢᠭ ᠡᠴᠡ ᠨᠠᠷᠠᠲᠤ᠌ ᠲᠡᠮᠳᠡᠭᠤᠨ ᠲᠠᠪᠠᠭᠤᠯᠢᠭ ᠪᠤᠯᠲᠠᠯᠠ
ᠬᠦᠷᠢᠶᠡ ᠠᠷᠠᠳᠤᠨ ᠠᠮᠠᠨ ᠶᠠᠷᠢᠶᠠᠨ ᠳ᠋ᠤ 《ᠰᠠᠶ᠋ᠢᠨ ᠣᠨᠣᠭᠠ ᠰᠠᠷᠠᠯ ᠡᠯᠵᠢᠭᠡ᠂ ᠰᠠᠶ᠋ᠢᠨ ᠪᠣᠳᠠᠭᠠ ᠰᠠᠭᠠᠭᠤᠨ ᠭᠣᠯᠢᠷ》 ᠭᠡᠳᠡᠭ᠂ ᠶᠡᠷᠦ ᠨᠢ ᠬᠦᠷᠢᠶᠡᠴᠤᠳ ᠲᠦ᠍ ᠠᠪᠴᠦ ᠬᠡᠯᠡᠪᠡᠯ ᠰᠠᠭᠠᠭ ᠪᠤᠯ ᠠᠮᠲᠠᠯᠠᠬᠤᠢᠶᠢᠨ ᠰᠡᠷᠡᠯ ᠪᠠ ᠤᠢ ᠲᠤᠢᠳᠤᠨᠢ ᠲᠠᠮᠠᠭᠠᠯᠠᠬᠲᠠᠨ ᠦᠯᠡᠳᠡᠭᠰᠡᠨ ᠴᠢᠬᠤᠯᠠ ᠢᠳᠡᠭᠡᠨ ᠪᠤᠯᠬᠤ ᠶᠤᠮ᠃
ᠰᠠᠭᠠᠭ ᠪᠤᠯ ᠰᠡᠷᠢᠬᠦᠨ ᠲᠠᠭᠠᠲᠠᠢ ᠠᠭᠣᠷ ᠠᠮᠢᠰᠬᠣᠯ ᠳ᠋ᠤ ᠵᠣᠬᠢᠴᠠᠲᠠᠭ᠂ ᠣᠰᠣ ᠪᠣᠷᠳᠣᠭᠣᠷ ᠬᠡᠷᠡᠭᠰᠡᠬᠦ᠌ ᠬᠡᠮᠵᠢᠶᠡ ᠨᠢ ᠪᠠᠭᠠ᠂ ᠣᠷᠴᠢᠨ ᠳᠣᠭᠣᠷᠢᠨ ᠳ᠋ᠤ ᠵᠣᠬᠢᠴᠠᠬᠣ ᠴᠢᠳᠠᠪᠣᠷᠢ ᠪᠡᠷ ᠰᠠᠶ᠋ᠢᠨ᠂ ᠳᠠᠴᠢᠷ ᠭᠠᠵᠠᠷ ᠪᠠ ᠡᠷᠬᠦᠭᠳᠡᠴᠡ ᠦᠨᠳᠦᠷ᠂ ᠦᠨᠳᠦᠷ ᠦᠷᠭᠡᠷᠢᠭᠤᠨ ᠭᠠᠵᠠᠷ ᠲᠤ᠌ ᠳᠣᠬᠢᠷᠠᠳᠠᠭ ᠬᠤᠶᠠᠷ ᠨᠠᠪᠴᠢᠲᠦ ᠤᠷᠭᠤᠮᠠᠯ ᠪᠣᠯᠣᠨᠠ᠃ ᠰᠠᠭᠠᠭᠤᠨ ᠲᠦᠷᠦᠯ ᠵᠦᠢᠯ ᠣᠯᠠᠨ ᠪᠠᠶ᠋ᠢᠳᠠᠭ ᠪᠤᠯᠪᠠᠴᠦ ᠬᠦᠮᠦᠰ ᠠᠮᠢᠳᠣᠷᠠᠯ ᠲᠤᠮᠲᠠᠪᠠᠨ ᠭᠣᠣᠯᠳᠠᠭᠣ ᠰᠢᠬᠢᠷᠯᠢᠭ ᠰᠠᠭᠠᠭ ᠪᠠ ᠭᠠᠰᠢᠭᠣᠨ ᠰᠠᠭᠠᠭ ᠬᠤᠶᠠᠷ ᠲᠦᠷᠦᠯᠢ ᠡᠳ᠋ᠯᠡᠵᠦ ᠭᠡᠷᠡᠭᠯᠡᠳᠡᠭ᠃ ᠪᠦᠬᠦ᠌ ᠣᠯᠣᠰᠤᠨ ᠡᠯᠡ ᠭᠠᠵᠠᠷᠤᠨ ᠠᠭᠣᠷ ᠠᠮᠢᠰᠬᠣᠯᠤᠨ ᠨᠦᠬᠦᠴᠡᠯ ᠠᠳᠠᠯᠢ ᠦᠭᠡᠢ ᠡᠴᠡ ᠪᠣᠯᠵᠦ᠍ ᠰᠠᠭᠠᠭ ᠢ᠋ ᠲᠦᠷᠪᠡᠨ ᠣᠯᠠᠷᠢᠯ ᠳ᠋ᠤ ᠪᠦᠷ ᠳᠠᠷᠢᠵᠦ᠍ ᠪᠤᠯᠲᠠᠭ ᠪᠣᠯᠪᠠᠴᠦ᠂ ᠬᠦᠷᠢᠶᠡ ᠨᠤᠳᠤᠭᠤᠨ ᠠᠭᠣᠷ ᠠᠮᠢᠰᠬᠣᠯ ᠪᠠ ᠭᠠᠵᠠᠷᠤᠨ ᠪᠠᠶ᠋ᠢᠴᠠᠶᠢᠨ ᠨᠦᠬᠦᠴᠡᠯ ᠡᠴᠡ ᠪᠣᠯᠵᠦ᠍᠂ ᠵᠦᠪᠬᠡᠨ ᠨᠠᠮᠣᠷᠤᠨ ᠰᠠᠭᠠᠭ ᠲᠠᠷᠢᠳᠠᠭ᠃ ᠲᠡᠭᠡᠬᠦ ᠮᠦᠷᠳᠡᠭᠡᠨ ᠰᠠᠭᠠᠭ ᠴᠡᠴᠡᠭᠯᠡᠬᠦᠳᠤ ᠡᠷᠬᠡᠪᠰᠢ ᠦᠨᠳᠦᠷ ᠬᠠᠯᠠᠭᠣᠨ ᠡᠴᠡ ᠵᠠᠶ᠋ᠢᠯᠠᠰᠬᠢᠵᠦ᠍᠂ ᠬᠢᠷᠠᠭᠣ ᠣᠨᠠᠬᠣ ᠡᠴᠡ ᠡᠮᠦᠨᠡ ᠬᠣᠷᠢᠶᠠᠬᠣ ᠴᠢᠬᠤᠯᠠᠳᠠᠢ ᠪᠠᠶ᠋ᠢᠳᠠᠭ᠂ ᠡᠶ᠋ᠢᠮᠦ᠍ ᠡᠴᠡ ᠰᠠᠭᠠᠭᠤᠨ ᠳᠠᠷᠢᠵᠦ᠍ ᠬᠣᠷᠢᠶᠠᠬᠣ ᠬᠣᠭᠣᠴᠠᠭᠠ ᠶ᠋ᠢ ᠰᠠᠶ᠋ᠢᠳᠣᠷ ᠡᠵᠡᠮᠰᠢᠬᠦ᠌ ᠨᠢ ᠣᠨᠠᠯᠳᠠ ᠪᠠ ᠴᠢᠨᠠᠷ ᠴᠢᠨᠰᠠᠭᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ ᠪᠠᠢᠲᠠᠭ᠃ ᠰᠠᠭᠠᠭ᠂ ᠳᠠᠷᠢᠭᠰᠠᠨ ᠤ᠋ ᠳᠠᠷᠠᠭᠠᠬᠢ 3 ᠡᠳᠦᠷ ᠲᠤ᠌ ᠰᠣᠶᠣᠭᠠᠯᠠᠵᠦ᠍᠂ 30 ᠡᠳᠦᠷ ᠲᠡᠭᠡᠨ ᠴᠡᠴᠡᠭᠯᠡᠨ᠂ 60 ᠡᠳᠦᠷ ᠳᠡᠭᠡᠨ ᠪᠣᠯᠪᠠᠰᠣᠷᠠᠵᠦ᠍᠂ 70 ᠡᠳᠦᠷ ᠳᠡᠭᠡᠷᠡ ᠬᠣᠷᠢᠶᠠᠨ ᠠᠪᠳᠠᠭ ᠶᠣᠮ᠃ ᠬᠦᠷᠢᠶᠡ ᠨᠤᠳᠤᠭᠤᠨ ᠬᠢᠨ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠠᠭᠤᠷ ᠠᠮᠢᠰᠬᠤᠯᠳᠠᠭᠠᠨ ᠲᠤᠬᠢᠷᠠᠭᠤᠯᠤᠨ᠂ ᠪᠢᠯᠢᠭ ᠤᠨ ᠣᠯᠠᠷᠢᠯᠤᠨ 7 ᠰᠠᠷᠠᠶᠢᠨ ᠡᠬᠢᠨ ᠳ᠋ᠤ ᠳᠠᠷᠢᠵᠦ᠍᠂ 9 ᠰᠠᠷᠠᠶᠢᠨ ᠡᠬᠢᠨ ᠳ᠋ᠤ ᠬᠣᠷᠢᠶᠠᠵᠦ᠍ ᠠᠪᠳᠠᠭ᠃
ᠰᠠᠭᠠᠭ ᠲᠤ᠌ 18 ᠵᠦᠢᠯᠤᠨ ᠰᠢᠪᠳᠣᠷᠳᠣ ᠬᠦᠴᠢᠯ᠂ 9 ᠵᠦᠢᠯᠤᠨ ᠦᠭᠡᠬᠦᠨ ᠬᠦᠴᠢᠯ ᠵᠢᠴᠢ ᠣᠯᠠᠨ ᠵᠦᠢᠯᠤᠨ ᠡᠷᠦᠳᠡᠰᠦ ᠡᠯᠧᠮᠧᠨ᠋ᠲ ᠠᠭᠣᠯᠤᠭᠳᠠᠵᠦ᠍ ᠪᠠᠶ᠋ᠢᠭᠠ ᠪᠣᠯᠬᠣᠷ ᠦᠷᠬᠦᠯᠵᠢ ᠢᠳᠡᠪᠡᠯ ᠬᠣᠳᠣᠭᠣᠳᠣ ᠬᠡᠳᠡᠰᠦᠨ ᠤ᠋ ᠴᠢᠳᠠᠪᠬᠢ ᠶ᠋ᠢ ᠰᠠᠶ᠋ᠢᠵᠢᠷᠠᠭᠣᠯᠵᠦ᠍᠂ ᠴᠢᠰᠣᠨ ᠳᠠᠷᠣᠯᠳᠠ ᠪᠠ ᠴᠢᠰᠣᠨ ᠤ᠋ ᠦᠭᠡᠬᠦ᠌ ᠶ᠋ᠢ ᠪᠠᠭᠣᠷᠠᠭᠣᠯᠬᠣ ᠳ᠋ᠤ ᠠᠰᠢᠭᠳᠠᠢ ᠪᠠᠶ᠋ᠢᠲᠠᠭ᠃ ᠰᠠᠭᠠᠭᠤᠨ ᠡᠳᠡᠭᠡᠷ ᠦᠢᠯᠡᠲᠦᠯ ᠨᠡᠩ ᠤᠯᠠᠨ ᠬᠦᠮᠦᠰ ᠲᠦ᠍ ᠲᠠᠨᠢᠬᠲᠠᠵᠦ᠂ ᠡᠷᠡᠭᠦᠯ ᠮᠡᠨᠳᠦ ᠪᠦᠬᠡᠳ ᠪᠠᠶ᠋ᠢᠭᠠᠯᠢᠯᠢᠭ ᠢᠳᠡᠭᠡᠨ ᠭᠡᠮᠡᠭᠳᠡᠨ᠂ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠠᠩᠬᠠᠷᠤᠯ ᠢ᠋ ᠶᠡᠬᠡᠳᠡ ᠲᠠᠲᠠᠵᠤ ᠪᠠᠶ᠋ᠢᠨᠠ᠃
ᠰᠠᠭᠠᠭᠤᠨ ᠢᠷᠡᠯᠳᠡᠶᠢᠨ ᠶᠠᠰᠤ ᠴᠢᠨᠠᠷ ᠢ᠋ ᠪᠠᠲᠤᠯᠠᠬᠤᠶᠢᠨ ᠲᠥᠯᠥᠭᠡ᠂ ᠬᠦᠷᠢᠶᠡ ᠬᠣᠰᠢᠭᠤ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠢ᠋ ᠶᠡᠬᠡ ᠪᠡᠷ ᠳᠡᠯᠭᠡᠷᠡᠭᠦᠯᠵᠦ᠍᠂ ᠰᠠᠶ᠋ᠢᠨ ᠡᠭᠦᠯᠳᠡᠷ ᠰᠤᠲᠤᠯᠤᠨ ᠨᠡᠭᠡᠭᠡᠬᠦ ᠰᠠᠭᠤᠷᠢᠨ ᠪᠠᠶ᠋ᠢᠭᠤᠯᠵᠤ᠂ ᠰᠠᠭᠠᠭ ᠲᠠᠷᠢᠬᠤ ᠬᠡᠪᠴᠢᠶᠡ ᠪᠠᠨ ᠲᠣᠭᠲᠠᠭᠤᠨᠶ᠋ᠢᠡᠷ ᠥᠷᠭᠡᠳᠬᠡᠵᠦ᠍᠂ ᠲᠠᠯᠠᠪᠠᠶ ᠨᠢᠭᠡᠴᠢᠶᠢᠨ ᠤᠨᠠᠯᠲᠠ ᠶ᠋ᠢ ᠲᠡᠭᠡᠭᠰᠢᠯᠡᠬᠦᠯᠵᠤ ᠪᠠᠶ᠋ᠢᠨᠠ᠃ ᠣᠳᠣᠬᠠᠨ ᠳ᠋ᠤ ᠪᠥᠬᠥ᠌ ᠬᠣᠰᠢᠭᠤᠨ ᠤ᠋ ᠰᠠᠭᠠᠭ ᠲᠠᠷᠢᠬᠤ ᠲᠠᠯᠠᠪᠠᠶ 10 ᠲᠦᠮᠡᠨ ᠮᠥ᠍ ᠡᠴᠡ ᠳᠡᠭᠡᠭᠰᠢ ᠪᠤᠯᠤᠨ ᠲᠣᠭᠲᠠᠪᠤᠷᠢᠵᠢᠵᠤ᠂ ᠵᠢᠯᠤᠨ ᠤᠨᠠᠯᠲᠠ ᠨᠢ 3000 ᠲᠦᠮᠡᠨ ᠵᠢᠩ ᠳ᠋ᠦ᠍ ᠬᠦᠷᠴᠠᠢ᠂ ᠡᠨᠡ ᠨᠢ ᠪᠠᠷᠤᠭ ᠪᠥᠬᠥ᠌ ᠤᠯᠤᠰᠤᠨ ᠰᠠᠭᠠᠭᠤᠨ ᠶᠡᠷᠦᠩᠬᠡᠶ ᠭᠠᠷᠤᠯᠲᠠᠶᠢᠨ ᠳᠥᠷᠪᠡᠨᠤ ᠨᠢᠭᠡ ᠶ᠋ᠢ ᠡᠵᠡᠯᠡᠵᠦ᠍ ᠪᠠᠶ᠋ᠢᠨᠠ᠃ ᠡᠬᠦᠨᠤ ᠬᠠᠮᠲᠦ᠂ ᠬᠦᠷᠢᠶᠡ ᠬᠣᠰᠢᠭᠤ ᠨᠢ ᠪᠠᠷᠢᠮᠵᠢᠶᠠᠵᠢᠭᠤᠯᠤᠨ ᠳᠠᠷᠢᠬᠤ᠂ ᠵᠢᠷᠤᠮᠵᠢᠭᠤᠯᠤᠨ ᠡᠳ᠋ᠰᠢᠭᠦᠯᠬᠦ᠌ ᠶ᠋ᠢ ᠴᠢᠬᠤᠯᠠᠴᠢᠯᠠᠨ᠂ ᠶᠠᠰᠤ ᠴᠢᠨᠠᠷ ᠪᠠ ᠨᠠᠷᠠᠲᠤ᠌ ᠲᠥᠷᠥᠯ ᠲᠡᠮᠳᠡᠭᠤᠨ ᠳᠠᠪᠠᠭᠤᠯᠢᠭ ᠲᠠᠭᠠᠨ ᠲᠦᠰᠢᠭᠯᠡᠨ᠂ 《ᠬᠦᠷᠢᠶᠡ ᠰᠠᠭᠠᠭ ᠲᠠᠨᠤ ᠡᠷᠡᠭᠦᠯ ᠮᠡᠨᠳᠦᠶᠢ ᠪᠠᠲᠤᠯᠠᠨᠠ》 ᠭᠡᠬᠦ᠌ ᠨᠠᠷᠠᠲᠤ᠌ ᠲᠥᠷᠥᠯ ᠲᠡᠮᠳᠡᠭᠤᠨ ᠳᠦᠷᠢ ᠲᠥᠷᠬᠦ᠌ ᠶ᠋ᠢ ᠬᠦᠴᠦᠯᠡᠨ ᠴᠤᠬᠴᠠᠯᠠᠵᠦ᠂ ᠬᠡᠪᠴᠢᠶᠡᠵᠢᠭᠦᠯᠦᠨ ᠳᠠᠷᠢᠬᠤ᠂ ᠰᠤᠳᠤᠯᠤᠨ ᠨᠡᠭᠡᠭᠡᠵᠦ᠍ ᠳᠡᠯᠭᠡᠷᠡᠭᠦᠯᠬᠦ᠂ ᠨᠠᠷᠢᠯᠢᠭ ᠡᠳ᠋ᠰᠢᠭᠦᠯᠬᠦ᠂ ᠬᠤᠳᠠᠯᠳᠤᠨ ᠪᠣᠷᠣᠯᠠᠭᠤᠯᠬᠤ᠂ ᠭᠠᠳᠠᠭᠠᠳᠤ ᠳ᠋ᠤ ᠭᠠᠷᠭᠠᠬᠤ᠂ ᠰᠡᠯᠡᠬᠦᠴᠡᠨ ᠵᠢᠭᠤᠯᠴᠢᠯᠠᠬᠤ ᠶ᠋ᠢ ᠨᠢᠭᠡ ᠴᠣᠭᠴᠠᠵᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠠᠵᠤ ᠦᠢᠯᠡᠰ ᠠᠭᠤᠰᠤᠯᠴᠠᠬᠰᠠᠨ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠡ ᠶ᠋ᠢ ᠪᠤᠢ ᠪᠤᠯᠭᠠᠪᠠ᠃ 2019 ᠣᠨ ᠳ᠋ᠤ᠂ ᠬᠦᠷᠢᠶᠡ ᠰᠠᠭᠠᠭ ᠨᠢ ᠪᠥᠬᠥ᠌ ᠤᠯᠤᠰᠤᠨ 《ᠨᠠᠷᠠᠲᠤ᠌ ᠣᠨᠴᠠ ᠰᠢᠯᠢᠳᠡᠭ ᠰᠢᠨᠡ》 ᠲᠠᠷᠢᠶᠠᠯᠠᠩᠤᠨ ᠪᠦᠲᠦᠭᠡᠭᠳᠡᠬᠦᠨᠶ᠋ᠢᠡᠷ ᠦᠨᠡᠯᠡᠭᠳᠡᠵᠤ᠂ 2025 ᠣᠨ ᠳ᠋ᠤ ᠪᠦᠬᠦ᠌ ᠤᠯᠤᠰᠤᠨ ᠲᠠᠷᠢᠶᠠᠯᠠᠩᠤᠨ ᠲᠦᠷᠦᠯ ᠲᠡᠮᠳᠡᠭᠤᠨ ᠰᠣᠳᠣᠨ ᠪᠦᠲᠦᠭᠡᠯ ᠢ᠋ ᠪᠣᠶ᠋ᠢᠵᠢᠭᠤᠯᠬᠤ ᠲᠥᠯᠥᠪᠯᠡᠭᠡᠶᠢᠨ ᠨᠡᠷᠡᠰ ᠲᠦ᠍ ᠵᠢᠭᠰᠠᠭᠠᠭᠳᠠᠭᠰᠠᠨ ᠪᠥᠭᠡᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠴᠢᠬᠤᠯᠠ ᠲᠠᠷᠢᠶᠠᠯᠠᠩᠤᠨ ᠰᠣᠶᠣᠯ ᠤᠨ ᠥᠪ ᠤᠨ ᠵᠢᠱ᠌ᠢᠭᠳᠡᠭᠰᠡᠳᠤᠨ ᠨᠡᠷᠡᠰ ᠲᠦ᠍ ᠰᠣᠩᠭᠣᠭᠳᠠᠵᠠᠢ᠃
ᠣᠯᠠᠨ ᠲᠠᠯᠠᠶᠢᠨ ᠡᠷᠬᠡ ᠰᠦᠷᠲᠦ᠍ ᠭᠡᠷᠡᠴᠢᠯᠡᠭᠡ ᠨᠢ ᠬᠦᠷᠢᠶᠡ ᠰᠠᠭᠠᠭᠤᠨ ᠦᠨᠦᠷ ᠠᠮᠲᠠ ᠪᠠ ᠶᠠᠰᠦ ᠴᠢᠨᠠᠷᠢ ᠲᠠᠯᠠ ᠲᠠᠯᠠ ᠡᠴᠡ ᠨᠢ ᠨᠤᠲᠠᠯᠠᠵᠦ᠂ ᠬᠦᠷᠢᠶᠡ ᠰᠠᠭᠠᠭ ᠨᠢ ᠨᠢᠬᠡᠨᠳᠡ ᠬᠦᠷᠢᠶᠡ ᠨᠤᠲᠤᠭ ᠡᠴᠡ ᠪᠠᠨ ᠪᠤᠰᠤᠳ ᠠᠢᠮᠠᠬ ᠬᠤᠲᠠ᠂ ᠮᠤᠵᠢ ᠤᠷᠤᠨ᠂ ᠴᠢᠨᠠᠬᠰᠢᠯᠠᠪᠠᠯ ᠲᠡᠯᠡᠭᠡᠢᠶᠢᠨ ᠪᠤᠰᠤᠳ ᠭᠠᠵᠠᠷ ᠤᠷᠤᠨ ᠵᠦᠭ ᠪᠤᠷᠤᠯᠠᠭᠤᠯᠤᠬᠲᠠᠵᠦ᠂ ᠡᠷᠡᠬᠦᠯ ᠮᠡᠨᠲᠦ ᠢᠳᠡᠭᠡᠨᠤ ᠠᠵᠦ ᠦᠢᠯᠡᠰ ᠪᠤᠯᠤᠨ ᠲᠡᠰ ᠲᠡᠪᠰᠢᠵᠦ᠂ ᠲᠠᠶᠠᠩᠳᠤ ᠠᠯᠲᠠᠷᠰᠢᠵᠦ᠂ ᠲᠡᠯᠡᠭᠡᠢᠶᠢᠨ ᠵᠠᠬᠠ ᠲᠡᠯᠭᠡᠬᠦᠷ ᠲᠦ᠍ ᠦᠪᠡᠷᠤᠨ ᠭᠡᠰᠡᠨ ᠤᠷᠤᠨ ᠪᠠᠢᠷᠢ ᠲᠠᠢ ᠪᠤᠯᠤᠬᠰᠠᠨ ᠪᠢᠯᠡ᠃

ᠬᠦᠷᠢᠶᠡ ᠨᠤᠲᠤᠭ ᠡᠴᠡ ᠬᠠᠷᠢ ᠬᠦᠷᠦᠨᠳᠤ
ᠣᠶ᠋ᠢᠷᠠᠶᠢᠨ ᠵᠢᠯ ᠡᠴᠡ ᠨᠠᠭᠠᠰᠢ᠂ ᠬᠦᠷᠢᠶᠡ ᠬᠣᠰᠢᠭᠤ ᠡᠬᠢ ᠪᠠᠶᠠᠯᠢᠭᠤᠨ ᠳᠠᠪᠠᠭᠤᠯᠢᠭ ᠲᠠᠭᠠᠨ ᠰᠠᠭᠤᠷᠢᠯᠠᠵᠤ᠂ ᠠᠵᠤ ᠦᠢᠯᠡᠰᠤᠨ ᠬᠦᠭᠵᠢᠯᠲᠡ ᠪᠡᠷ ᠤᠳᠤᠷᠢᠳᠤᠮᠵᠢ ᠪᠣᠯᠭᠠᠵᠤ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠤᠨ ᠰᠢᠨᠡ ᠶ᠋ᠢ ᠡᠭᠦᠳᠬᠦ᠌ ᠪᠡᠷ ᠬᠦᠳᠡᠯᠭᠡᠬᠦ ᠬᠦᠴᠤᠨ ᠪᠣᠯᠭᠠᠵᠤ᠂ ᠰᠠᠭᠠᠭᠤᠨ ᠠᠵᠤ ᠦᠢᠯᠡᠰᠤᠨ ᠲᠠᠩ ᠴᠤᠯᠭᠤᠶ ᠲᠠᠷᠢᠮᠠᠯ ᠡᠴᠠ ᠪᠥᠬᠥ᠌ ᠬᠡᠯᠬᠢᠶᠡ ᠳᠠᠢᠰᠢ ᠠᠭᠤᠰᠤᠯᠴᠠᠨ ᠬᠥᠭᠵᠢᠬᠦ᠌ ᠶ᠋ᠢ ᠠᠬᠢᠭᠤᠯᠵᠤ ᠪᠠᠶ᠋ᠢᠨᠠ᠃ ᠪᠦᠬᠦ᠌ ᠬᠣᠰᠢᠭᠤᠨ ᠤ᠋ ᠵᠢᠯ ᠳ᠋ᠦ᠍ ᠲᠦᠮᠡᠨ ᠲᠣᠨ ᠡᠴᠠ ᠳᠡᠭᠡᠭᠰᠢ ᠰᠠᠭᠠᠭᠤᠨ ᠭᠤᠯᠢᠷ ᠪᠣᠯᠪᠠᠰᠤᠷᠠᠭᠤᠯᠬᠤ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠭᠣᠣᠯ ᠴᠣᠭᠴᠠ ᠨᠢᠭᠡᠨᠳᠡ 10 ᠭᠠᠷᠤᠢ ᠪᠤᠯᠵᠦ᠂ ᠲᠤᠰᠬᠠᠢ ᠬᠣᠷᠰᠢᠶᠠᠵᠢᠯ ᠵᠢᠴᠢ ᠭᠡᠷ ᠪᠦᠯᠢᠶᠢᠨ ᠪᠣᠯᠪᠠᠰᠤᠷᠠᠭᠤᠯᠬᠤ ᠦᠢᠯᠡᠳᠪᠦᠷᠢ 80 ᠭᠠᠷᠤᠢ ᠪᠣᠯᠪᠠ᠃ ᠲᠠᠷᠢᠵᠤ ᠤᠷᠭᠤᠭᠤᠯᠬᠤ ᠲᠠᠯᠠ ᠪᠡᠷ 《ᠠᠵᠤ ᠠᠬᠤᠶ᠋ᠢᠯᠠᠯ + ᠲᠤᠰᠬᠠᠢ ᠬᠤᠷᠰᠢᠶᠠᠵᠢᠯ+ ᠲᠠᠷᠢᠶᠠᠴᠢᠨ ᠡᠷᠦᠬᠡ》 ᠶ᠋ᠢᠨ ᠵᠠᠬᠢᠶᠠᠯᠠᠭᠠᠶᠢᠨ ᠲᠠᠷᠢᠶᠠᠯᠠᠩᠤᠨ ᠵᠠᠭᠪᠤᠷ ᠢ᠋ ᠬᠡᠷᠡᠭᠵᠢᠭᠦᠯᠵᠦ᠍᠂ ᠪᠣᠬᠢᠷᠲᠤᠯ ᠥᠬᠡᠶ ᠪᠠᠷᠢᠮᠵᠢᠶᠠ ᠶ᠋ᠢ ᠨᠢᠭᠡᠳᠬᠡᠭᠰᠡᠨ ᠪᠥᠭᠡᠳ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠦᠨᠡ ᠡᠴᠡ ᠥᠨᠳᠥᠷ ᠦᠨᠡ ᠪᠡᠷ ᠬᠣᠷᠢᠶᠠᠨ ᠠᠪᠴᠤ᠌᠂ ᠲᠠᠷᠢᠶᠠᠴᠢᠨ ᠡᠷᠦᠬᠡᠶᠢᠨ ᠰᠠᠭᠠᠭ ᠲᠠᠷᠢᠬᠤ ᠢᠳᠡᠪᠬᠢᠵᠢᠯ ᠢ᠋ ᠳᠠᠶ᠋ᠢᠴᠢᠯᠠᠵᠦ᠂ ᠲᠠᠷᠢᠶᠠᠴᠢᠳᠤᠨ ᠣᠷᠣᠯᠭᠠ ᠶ᠋ᠢ ᠲᠣᠭᠲᠠᠭᠤᠨᠶ᠋ᠢᠡᠷ ᠨᠡᠮᠡᠭᠳᠡᠭᠦᠯᠬᠦ᠌ ᠶ᠋ᠢ ᠪᠠᠳᠤᠯᠠᠵᠤ ᠪᠠᠶ᠋ᠢᠨᠠ᠃ ᠪᠤᠯᠪᠠᠰᠤᠷᠠᠭᠤᠯᠵᠤ ᠡᠳ᠋ᠰᠢᠬᠦᠯᠬᠦ᠌ ᠲᠠᠯᠠ ᠪᠡᠷ᠂ ᠲᠤᠰᠬᠠᠶ ᠲᠥᠬᠥᠭᠡᠷᠦᠮᠵᠢᠶᠢ ᠤᠷᠤᠭᠤᠯᠤᠨ ᠠᠪᠴᠢᠷᠠᠵᠦ᠂ ᠰᠠᠭᠠᠭᠤᠨ ᠬᠠᠯᠢᠰᠤ ᠰᠠᠯᠭᠠᠬᠤ ᠨᠣᠷᠮᠠ ᠶ᠋ᠢ 90% ᠪᠣᠯᠲᠠᠯᠠ ᠳᠡᠭᠡᠭᠰᠢᠯᠡᠭᠦᠯᠵᠦ᠍᠂ ᠬᠠᠮᠤᠭᠤᠨ ᠶᠡᠬᠡ ᠬᠡᠮᠵᠢᠶᠡ ᠪᠡᠷ ᠰᠢᠮᠡ ᠲᠡᠵᠢᠭᠡᠯ ᠢ᠋ ᠨᠢ ᠪᠠᠲᠤᠯᠠᠵᠦ ᠪᠠᠶ᠋ᠢᠨᠠ᠃ ᠦᠢᠯᠡᠳᠬᠦᠨᠤ ᠲᠠᠯᠠ ᠪᠡᠷ᠂ ᠦᠢᠯᠡᠳᠪᠦᠷᠢᠯᠡᠬᠦ᠌ ᠰᠤᠳᠤᠯᠬᠤ ᠶ᠋ᠢ ᠬᠠᠮᠲᠤᠳᠬᠠᠨ᠂ ᠡᠷᠡᠭᠦᠯ ᠮᠡᠨᠳᠦᠶᠢᠨ ᠬᠡᠷᠡᠭᠯᠡᠭᠡᠶᠢᠨ ᠰᠢᠨᠡ ᠬᠡᠷᠡᠭᠴᠡᠭᠡ ᠱᠠᠭᠠᠷᠳᠠᠯᠭᠠ ᠳ᠋ᠤ ᠠᠩᠬᠠᠷᠤᠯᠶ᠋ᠢᠡᠨ ᠲᠥᠪᠯᠡᠷᠡᠭᠦᠯᠵᠦ᠍᠂ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠡ ᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠤᠷᠲᠤᠳᠬᠠᠵᠤ᠂ ᠥᠷᠲᠡᠭ ᠤᠨ ᠬᠡᠮᠵᠢᠶᠡ ᠶ᠋ᠢ ᠲᠡᠭᠡᠭᠰᠢᠯᠡᠬᠦᠯᠵᠤ ᠪᠠᠶ᠋ᠢᠨᠠ᠃ ᠨᠢᠭᠡ ᠪᠦᠯᠦᠭ ᠲᠤᠯᠤᠭᠠᠶ᠋ᠢᠯᠠᠬᠴᠢ ᠠᠵᠤ ᠠᠬᠤᠶ᠋ᠢᠯᠡᠯ ᠨᠢ ᠰᠠᠭᠠᠭᠶ᠋ᠢᠡᠷ ᠤᠤᠯ ᠮᠠᠲ᠋ᠧᠷᠢᠶᠡᠯ ᠪᠤᠯᠭᠠᠵᠤ᠂ ᠤᠯᠠᠨ ᠲᠦᠷᠤᠯᠤᠨ ᠪᠦᠳᠤᠭᠡᠭᠳᠡᠬᠦᠨ ᠦᠢᠯᠡᠳᠪᠤᠷᠢᠯᠡᠵᠤ᠂ ᠠᠮᠢᠳᠤᠯᠢᠭᠶ᠋ᠢᠡᠷ ᠠᠵᠢᠯ ᠣᠯᠬᠤ ᠶ᠋ᠢ ᠬᠠᠪᠰᠤᠷᠬᠤ ᠦᠢᠯᠡᠳᠪᠦᠷᠢᠶᠢᠨ ᠲᠠᠰᠤᠭ ᠪᠠᠶ᠋ᠢᠭᠤᠯᠵᠤ᠂ ᠡᠳ᠋ᠰᠢᠭᠦᠯᠵᠦ ᠪᠤᠯᠪᠠᠰᠤᠷᠠᠭᠤᠯᠬᠤ ᠮᠠᠰᠢᠨ ᠲᠥᠬᠥᠭᠡᠷᠦᠮᠵᠢ ᠶ᠋ᠢ ᠭᠠᠳᠠᠭᠰᠢ ᠭᠠᠷᠬᠤ ᠳ᠋ᠤ ᠳᠥᠭᠥᠮ ᠦᠭᠡᠢ ᠡᠮᠡᠭᠲᠡᠶ᠋ᠢᠴᠦᠳᠤᠨ ᠬᠡᠷ ᠲᠦ᠍ ᠬᠦᠷᠭᠡᠵᠦ᠍᠂ 125 ᠠᠵᠢᠯᠤᠨ ᠪᠠᠶ᠋ᠢᠷᠢ ᠬᠠᠩᠭᠠᠵᠤ᠂ 300 ᠭᠠᠷᠤᠶ ᠡᠮᠡᠭᠲᠡᠶ᠋ᠢᠴᠦᠳ ᠢ᠋ ᠳᠠᠶ᠋ᠢᠴᠢᠯᠠᠨ ᠠᠵᠢᠯ ᠣᠯᠭᠣᠵᠤ᠂ ᠬᠥᠮᠦᠨ ᠳᠤᠮᠳᠠᠴᠢᠶᠢᠨ ᠵᠢᠯᠤᠨ ᠣᠷᠣᠯᠭᠠ ᠶ᠋ᠢ ᠪᠠᠷᠤᠭ 4 ᠲᠦᠮᠡᠨ ᠲᠥᠭᠥᠷᠢᠭ ᠨᠡᠮᠡᠭᠳᠡᠬᠦᠯᠵᠤ ᠪᠠᠶ᠋ᠢᠨᠠ᠃
ᠡᠵᠡᠩᠨᠡᠯᠲᠡᠶᠢᠨ ᠠᠵᠤ ᠠᠬᠤᠶ᠋ᠢᠯᠡᠯ ᠨᠢ ᠰᠢᠨᠡ ᠵᠠᠭᠪᠤᠷ ᠢ᠋ ᠰᠦᠪᠡᠭᠴᠢᠯᠡᠨ᠂ ᠰᠠᠭᠠᠭᠤᠨ ᠴᠡᠴᠡᠭ ᠢ᠋ ᠰᠢᠷᠠ ᠺᠧᠲ᠋ᠣᠨ᠂ ᠰᠧᠯᠧᠨ ᠪᠠ ᠤᠭᠤᠷᠠᠭ ᠡᠯᠪᠡᠭ ᠠᠭᠤᠯᠬᠤ ᠰᠠᠭᠠᠭᠤᠨ ᠴᠡᠴᠡᠭᠲᠦ᠍ ᠴᠠᠶ ᠪᠣᠯᠭᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤᠶᠢᠨ ᠲᠠᠭᠠᠤ ᠪᠠᠰᠠ ᠡᠮ ᠪᠠ ᠢᠳᠡᠭᠡᠨᠶ᠋ᠢᠡᠷ ᠪᠦᠷ ᠭᠡᠷᠡᠭᠯᠡᠵᠦ ᠪᠤᠯᠬᠤ ᠤᠨᠴᠠᠯᠢᠭᠢ ᠨᠢ ᠠᠰᠢᠭᠯᠠᠨ᠂ ᠰᠠᠭᠠᠭᠶ᠋ᠢᠡᠷ ᠤᠤᠯ ᠮᠠᠲ᠋ᠧᠷᠢᠶᠡᠯ ᠪᠤᠯᠭᠠᠨ ᠲᠤᠬᠠᠶᠶᠢᠨ ᠭᠠᠵᠠᠷᠤᠨ ᠣᠨᠴᠠᠯᠢᠭᠲᠤ᠌ ᠲᠦᠭᠦᠬᠡᠶ ᠮᠠᠲ᠋ᠧᠷᠢᠶᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ ᠪᠡᠶᠡ ᠰᠤᠪᠢᠯᠠᠬᠤ ᠰᠢᠷᠢᠰ ᠪᠦᠲᠦᠭᠡᠭᠳᠡᠬᠦᠨ ᠰᠤᠳᠤᠯᠤᠨ ᠨᠡᠭᠡᠭᠡᠵᠤ ᠪᠠᠶ᠋ᠢᠨᠠ᠃ ᠡᠳᠦᠭᠡ᠂ ᠭᠠᠰᠢᠭᠤᠨ ᠰᠠᠭᠠᠭᠤᠨ ᠴᠠᠢ᠂ ᠰᠠᠭᠠᠭᠤᠨ ᠼᠤᠤ᠂ ᠰᠠᠭᠠᠭᠤᠨ ᠠᠷᠢᠬᠢ᠂ ᠰᠠᠭᠠᠭᠤᠨ ᠭᠤᠸᠠᠮᠢᠶᠠᠨ᠂ ᠰᠠᠭᠠᠭᠤᠨ ᠳᠥᠭᠥᠮ ᠭᠤᠯᠢᠷ᠂ ᠰᠠᠭᠠᠭᠤᠨ ᠪᠠᠯ᠂ ᠰᠠᠭᠠᠭᠤᠨ ᠬᠠᠯᠢᠰᠤᠨ ᠳᠡᠷᠡ ᠲᠠᠪᠢᠰᠬᠡᠷ ᠵᠡᠷᠭᠡ ᠢᠳᠡᠭᠡᠨ᠂ ᠣᠨᠴᠠᠯᠢᠭᠲᠤ᠌ ᠬᠥᠩᠭᠡᠨ ᠵᠠᠭᠤᠰᠢ᠂ ᠡᠩᠤᠨ ᠬᠡᠷᠡᠭᠯᠡᠬᠡᠨᠤ ᠪᠦᠲᠦᠭᠡᠭᠳᠡᠬᠦᠨ ᠵᠡᠷᠭᠡ ᠭᠤᠷᠪᠠᠨ ᠶᠡᠬᠡ ᠲᠥᠷᠥᠯᠤᠨ 19 ᠵᠢᠵᠢᠭ ᠲᠥᠷᠥᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠦᠢᠯᠡᠳᠪᠤᠷᠢᠯᠡᠵᠤ ᠪᠠᠶ᠋ᠢᠨᠠ᠃
ᠬᠦᠷᠢᠶᠡ ᠬᠣᠰᠢᠭᠤ ᠨᠢ 《ᠬᠦᠷᠢᠶᠡ ᠰᠠᠭᠠᠭ》 ᠤ᠋ᠨ ᠣᠷᠣᠨ ᠪᠦᠰᠡᠶᠢᠨ ᠨᠡᠶ᠋ᠢᠲᠡᠶᠢᠨ ᠬᠡᠷᠡᠭᠯᠡᠭᠡᠨᠤ ᠨᠠᠷᠠᠲᠤ᠌ ᠲᠥᠷᠥᠯ ᠲᠡᠮᠳᠡᠭᠤᠨ ᠡᠷᠬᠡ ᠣᠯᠭᠣᠵᠤ ᠬᠡᠷᠡᠭᠯᠡᠬᠦ᠌ ᠬᠢᠭᠡᠳ ᠪᠤᠭᠤᠲᠠᠯ ᠲᠡᠮᠳᠡᠭᠢ᠋ ᠵᠢᠷᠤᠮᠵᠢᠭᠤᠯᠤᠨ ᠨᠢᠬᠡᠳᠭᠡᠵᠦ᠂ ᠡᠯᠡ ᠲᠥᠷᠥᠯᠤᠨ ᠡᠵᠡᠩᠨᠡᠯᠲᠡᠶᠢᠨ ᠭᠣᠤᠯ ᠴᠣᠭᠴᠠ ᠶ᠋ᠢ ᠬᠥᠲᠥᠯᠥᠨ ᠵᠢᠯᠣᠭᠣᠳᠴᠤ᠌᠂ ᠵᠠᠬᠠ ᠳᠡᠯᠭᠡᠭᠦᠷᠶ᠋ᠢᠡᠨ ᠥᠷᠭᠡᠳᠬᠡᠵᠦ᠍᠂ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠪᠠ ᠰᠦᠯᠵᠢᠶᠡᠨ ᠡᠴᠡ ᠭᠠᠳᠠᠨᠠᠬᠢ ᠡᠵᠡᠩᠨᠡᠨ ᠪᠣᠷᠣᠯᠠᠭᠤᠯᠤᠯᠲᠠ ᠪᠠ ᠡᠯᠧᠺᠲᠷᠣᠨ ᠬᠤᠳᠠᠯᠳᠤᠭᠠ ᠵᠡᠷᠬᠡ ᠶ᠋ᠢ ᠠᠰᠢᠭᠯᠠᠨ᠂ ᠦᠢᠯᠡᠳᠬᠦᠨᠶ᠋ᠢᠡᠨ ᠡᠮᠦᠨᠡᠲᠦ᠍ ᠣᠷᠣᠨᠤ ᠡᠯᠡ ᠲᠣᠮᠣ ᠬᠣᠲᠠ ᠪᠡᠷ ᠪᠣᠷᠣᠯᠠᠭᠤᠯᠬᠤᠶᠢᠨ ᠬᠠᠮᠲᠤ᠌ ᠠᠽᠢᠶᠠ ᠲᠢᠪᠤᠨ ᠣᠯᠠᠨ ᠤᠯᠤᠰ ᠲᠤ᠌ ᠭᠠᠷᠭᠠᠵᠤ᠂ ᠵᠠᠬᠠ ᠳᠡᠯᠭᠡᠭᠦᠷᠤᠨ ᠡᠵᠡᠯᠡᠬᠦ᠌ ᠨᠣᠷᠮᠠ ᠶ᠋ᠢ ᠲᠣᠭᠲᠠᠭᠤᠨᠶ᠋ᠢᠡᠷ ᠳᠡᠭᠡᠭᠰᠢᠯᠡᠭᠦᠯᠦᠨ᠂ ᠡᠯᠧᠺᠲᠷᠣᠨ ᠬᠤᠳᠠᠯᠳᠤᠭᠠᠨᠤ ᠵᠢᠯᠤᠨ ᠪᠣᠷᠣᠯᠠᠭᠤᠯᠭᠠ ᠶ᠋ᠢ ᠦᠷᠭᠦᠯᠵᠢᠯᠡᠨ ᠨᠡᠮᠡᠭᠳᠡᠬᠦᠯᠵᠦ᠂ ᠬᠦᠷᠢᠶᠡ ᠰᠠᠭᠠᠭᠶ᠋ᠢᠡᠨ ᠤᠯᠤᠰᠤᠨ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠳ᠋ᠤ ᠪᠣᠷᠣᠯᠠᠭᠤᠯᠬᠤ 《ᠬᠤᠪᠤᠷ ᠠᠮᠤ》 ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠤᠬᠰᠠᠨ ᠪᠠᠶ᠋ᠢᠨᠠ᠃

ᠡᠷᠡᠬᠦᠯ ᠢᠳᠡᠭᠡᠨ ᠡᠴᠡ ᠰᠠᠷᠠᠭᠤᠯ ᠢᠷᠡᠬᠡᠲᠦᠢ
ᠤᠲᠤ᠂ ᠮᠦᠬᠦᠯᠢᠭ ᠰᠠᠭᠠᠭ ᠨᠢ ᠲᠠᠷᠢᠶᠠᠴᠢᠳᠤᠨ ᠤᠷᠤᠯᠭᠠᠶᠢ ᠨᠡᠮᠡᠭᠳᠡᠬᠦᠯᠬᠦ ᠠᠵᠦ ᠦᠢᠯᠡᠰ ᠪᠤᠯᠤᠬᠰᠠᠨ ᠲᠡᠲᠦᠢ ᠪᠢᠰᠢ᠂ ᠪᠠᠰᠠ ᠬᠦᠷᠢᠶᠡ ᠨᠤᠲᠤᠭᠤᠨ ᠤᠮᠲᠤᠭᠠᠢᠯᠠᠵᠦ ᠪᠤᠯᠤᠰᠢ ᠦᠬᠡᠢ ᠨᠢᠬᠡᠨ ᠦᠪᠡᠷᠮᠢᠴᠡ ᠰᠤᠶᠤᠯ ᠪᠤᠯᠤᠬᠰᠠᠨ ᠪᠠᠢᠨᠠ᠃
ᠨᠠᠯᠠᠭᠠᠷ ᠨᠠᠮᠤᠷᠤᠨ ᠨᠢ᠋ᠮᠠᠨ ᠰᠠᠷᠠ ᠪᠤᠯ ᠶᠠᠭ ᠰᠠᠭᠠᠭᠤᠨ ᠴᠡᠴᠡᠭᠤᠨ ᠪᠠᠲᠠᠷᠠᠨ ᠲᠡᠯᠭᠡᠷᠡᠬᠦ᠌ ᠦᠶᠡ ᠪᠠᠶ᠋ᠢᠵᠤ᠂ ᠬᠤᠯᠠ ᠡᠴᠡ ᠪᠠᠷᠠᠯᠠᠪᠠᠯ ᠬᠦᠷᠢᠶᠡ ᠨᠤᠲᠤᠭᠤᠨ ᠲᠠᠯᠠ ᠵᠤ ᠶᠠᠭ ᠯᠡ ᠮᠦᠩᠬᠦᠨ ᠴᠠᠰᠦᠨᠳᠤ ᠬᠤᠴᠢᠭᠳᠠᠭᠰᠠᠨ ᠮᠡᠲᠦ ᠬᠤᠯᠠ ᠡᠴᠡ ᠴᠠᠢᠷᠠᠨ᠂ ᠰᠠᠭᠠᠭᠤᠨ ᠴᠡᠴᠡᠭᠤᠨ ᠲᠤᠮᠲᠠᠭᠤᠷ ᠠᠵᠢᠯᠴᠢ ᠵᠦᠬᠡᠢ ᠰᠦᠯᠵᠢᠯᠲᠦᠨ᠂ ᠬᠦᠷᠢᠶᠡ ᠨᠤᠳᠤᠭᠤᠨ ᠨᠢᠬᠡᠨ ᠦᠪᠡᠷᠮᠢᠴᠡ ᠦᠵᠡᠮᠵᠢ ᠪᠤᠯᠤᠬᠰᠠᠨ ᠪᠠᠢᠲᠠᠭ᠃ ᠬᠦᠷᠢᠶᠡ ᠬᠣᠰᠢᠭᠤ ᠨᠢ ᠡᠨᠡ ᠬᠦ᠌ ᠤᠨᠴᠠᠯᠢᠠᠠᠲᠦ᠍ ᠦᠵᠡᠮᠵᠢᠳᠡᠭᠡᠨ ᠲᠦᠰᠢᠭᠯᠡᠨ᠂ ᠵᠢᠯ ᠳᠠᠷᠠᠭᠠᠯᠠᠨ ᠰᠠᠭᠠᠭᠤᠨ ᠠᠮᠲᠠᠲᠤ᠌ ᠢᠳᠡᠭᠡᠨ ᠤ᠋ ᠰᠣᠶᠣᠯᠤᠨ ᠭᠠᠷᠠᠭᠤᠨ ᠠᠵᠢᠯᠯᠠᠭᠠᠶᠢ ᠡᠷᠬᠢᠯᠡᠵᠦ᠂ ᠴᠡᠴᠡᠭ ᠰᠣᠨᠢᠷᠬᠠᠬᠤ᠂ ᠠᠮᠲᠠᠲᠦ ᠢᠳᠡᠭᠡᠨ ᠠᠮᠲᠠᠯᠠᠬᠤ᠂ ᠰᠠᠭᠠᠭ ᠬᠠᠳᠤᠵᠤ ᠬᠤᠷᠢᠶᠠᠬᠤ ᠡᠴᠠ ᠭᠤᠯᠢᠷ ᠲᠠᠯᠬᠠᠳᠠᠬᠤ ᠤᠯᠠᠮᠵᠢᠯᠠᠯᠲᠤ᠌ ᠤᠷᠠ ᠮᠡᠷᠭᠡᠵᠢᠯ ᠢ᠋ ᠪᠡᠶᠡᠳᠡᠨ ᠤᠢ᠌ᠯᠠᠭᠠᠬᠤ ᠵᠡᠷᠭᠡ ᠡᠯᠪᠡᠭ ᠪᠠᠶᠠᠯᠢᠭ ᠲᠦᠷᠦᠯ ᠵᠦᠢᠯ ᠲᠤᠬᠢᠷᠠᠭᠤᠯᠵᠦ᠂ ᠵᠢᠭᠤᠯᠴᠢᠯᠠᠬᠰᠠᠳᠤᠨ ᠠᠩᠬᠠᠷᠤᠯᠢ ᠲᠠᠲᠠᠵᠦ ᠪᠠᠢᠨᠠ᠃
ᠡᠷᠡᠭᠦᠯ ᠢᠳᠡᠭᠡᠨ ᠤᠯᠠᠮᠶ᠋ᠢᠡᠷ ᠬᠦᠮᠦᠰ ᠲᠦ᠍ ᠲᠠᠭᠠᠰᠢᠶᠠᠬᠲᠠᠬᠤᠶᠢ ᠲᠠᠭᠠᠯᠲᠤᠨ᠂ ᠰᠠᠭᠠᠭ ᠨᠢ ᠰᠢᠬᠢᠷ ᠪᠠᠭᠠ᠂ ᠥᠭᠡᠬᠦ᠌ ᠴᠦᠭᠡᠨ᠂ ᠰᠢᠷᠬᠡᠭᠯᠢᠭ ᠡᠳ᠋ ᠡᠯᠪᠡᠭ ᠠᠭᠤᠯᠤᠭᠲᠠᠬᠤ ᠤᠨᠴᠠᠯᠢᠭᠶ᠋ᠢᠡᠷᠶ᠋ᠢᠡᠨ ᠡᠷᠡᠭᠦᠯ ᠠᠮᠢᠳᠤᠷᠠᠯ ᠢ᠋ ᠬᠥᠭᠡᠭᠡᠴᠡᠯᠳᠦᠳᠡᠭ ᠤᠲᠤᠶᠢᠨ ᠬᠥᠮᠦᠰᠤᠨ ᠰᠤᠨᠭᠭᠤᠨ ᠠᠪᠬᠤ ᠲᠤᠷᠠᠲᠠᠢ ᠴᠢᠬᠤᠯᠠ ᠪᠦᠲᠦᠭᠡᠭᠳᠡᠬᠦᠨ ᠪᠤᠯᠵᠦ ᠪᠤᠢ᠃ ᠬᠠᠮᠢᠶᠠ ᠪᠦᠬᠦᠢ ᠰᠤᠲᠤᠯᠭᠠᠨᠢ ᠦᠨᠳᠦᠰᠦᠯᠡᠪᠡᠯ᠂ ᠬᠦᠷᠢᠶᠡ ᠰᠠᠭᠠᠭᠤᠨ ᠰᠢᠷᠠ ᠺᠧᠲ᠋ᠣᠨ ᠤ᠋ ᠠᠭᠤᠯᠤᠭᠳᠠᠴᠠ ᠡᠯᠪᠡᠭ ᠪᠠᠶ᠋ᠢᠵᠤ᠂ ᠦᠷᠭᠦᠯᠵᠢ ᠢᠳᠡᠪᠡᠯ ᠴᠢᠰᠤᠨ ᠰᠢᠬᠢᠷ ᠢ᠋ ᠲᠣᠭᠲᠠᠪᠤᠷᠢᠵᠢᠭᠤᠯᠵᠤ᠂ ᠴᠢᠰᠤᠨ ᠥᠭᠡᠬᠦ᠌ ᠶ᠋ᠢ ᠲᠣᠬᠢᠷᠠᠭᠤᠯᠲᠠᠭ᠃ ᠡᠢᠨ ᠬᠦ᠌᠂ ᠬᠦᠷᠢᠶᠡ ᠬᠣᠰᠢᠭᠤ ᠨᠢ ᠰᠠᠭᠠᠭᠤᠨ ᠰᠣᠶᠣᠯᠤᠨ ᠪᠠᠶᠠᠯᠢᠭ ᠠᠭᠤᠷᠬᠠᠶ ᠪᠠᠨ ᠦᠷᠭᠦᠯᠵᠢᠯᠡᠨ ᠭᠦᠨ ᠠᠭᠤᠳᠠᠯᠵᠤ᠂ ᠰᠠᠭᠠᠭᠤᠨ ᠰᠣᠶᠣᠯᠤᠨ ᠨᠠᠶ᠋ᠢᠷ᠂ ᠨᠣᠬᠠᠶᠶᠢᠨ ᠬᠣᠰᠢᠭᠤ ᠶᠢᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠤ ᠰᠤᠳᠤᠯᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯᠢ ᠪᠠᠶ᠋ᠢᠩᠭᠤ ᠥᠷᠨᠢᠭᠦᠯᠵᠦ᠍᠂ ᠰᠠᠭᠠᠭᠤᠨ ᠭᠣᠤᠯ ᠰᠡᠳᠦᠪᠲᠦ᠍ ᠤᠷᠠᠨ ᠪᠢᠴᠢᠯᠭᠡ ᠬᠡᠷᠡᠯ ᠵᠢᠷᠤᠭᠤᠨ ᠦᠵᠡᠰᠬᠦᠯᠡᠩ᠂ ᠠᠷᠠᠳᠤᠨ ᠵᠠᠩ ᠦᠢᠯᠡᠶᠢᠨ ᠥᠯᠢᠭᠡᠷ ᠶᠠᠷᠢᠬᠤ ᠵᠡᠷᠭᠡ ᠰᠣᠶᠣᠯᠤᠨ ᠰᠢᠷᠢᠰ ᠠᠵᠢᠯᠯᠠᠭᠠ ᠶ᠋ᠢ ᠤᠬᠠᠭᠠᠯᠠᠨ ᠲᠥᠰᠦᠪᠯᠡᠵᠦ᠍᠂ ᠵᠠᠭᠤ ᠮᠢᠩᠭᠠᠨ ᠵᠢᠯᠤᠨ ᠲᠤᠷᠰᠢᠬᠢ ᠰᠠᠭᠠᠭᠲᠠᠷᠢᠬᠤ ᠵᠠᠩ ᠵᠠᠩᠰᠢᠯ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠤ᠋ ᠤᠯᠠᠮᠵᠢᠯᠠᠯ ᠢ᠋ ᠠᠮᠢᠳᠤᠯᠢᠭᠶ᠋ᠢᠡᠷ ᠳᠡᠯᠭᠡᠨ ᠦᠵᠡᠭᠦᠯᠵᠦ᠍᠂ ᠰᠠᠭᠠᠭᠤᠨ ᠰᠣᠶᠣᠯᠶ᠋ᠢᠡᠨ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠵᠦ ᠪᠠᠶ᠋ᠢᠨᠠ᠃ ᠰᠠᠭᠠᠭ ᠬᠤᠷᠢᠶᠠᠬᠤ ᠤᠯᠠᠷᠢᠯᠪᠤᠯᠬᠤ ᠪᠦᠷᠢ ᠬᠦᠷᠢᠶᠡ ᠬᠤᠰᠢᠭᠤᠨᠤ ᠡᠤᠯᠠᠭᠠᠨᠮᠥ᠋ᠴᠢᠷᠤᠨ ᠬᠢᠨ ᠠᠨᠳᠠᠶ ᠪᠥᠵᠢᠭᠶ᠋ᠢᠡᠨ ᠪᠦᠵᠢᠭᠯᠡᠵᠤ᠂ ᠡᠯᠪᠡᠭ ᠬᠤᠷᠢᠶᠠᠯᠲᠠᠶᠢᠨ ᠪᠠᠶᠠᠷ ᠪᠠᠬᠠᠳᠤᠯᠶ᠋ᠢᠡᠨ ᠪᠡᠯᠭᠡᠯᠡᠬᠦᠶᠢᠨ ᠲᠠᠭᠠᠦ᠂ ᠬᠤᠯᠠ ᠡᠴᠡ ᠰᠠᠭᠠᠲᠠᠭᠰᠠᠨ ᠵᠢᠭᠤᠯᠴᠢᠯᠠᠬᠰᠠᠳ ᠲᠦ᠍ ᠬᠦᠷᠢᠶᠡ ᠨᠤᠲᠤᠭᠤᠨ ᠦᠩᠬᠡ ᠦᠵᠡᠮᠵᠢ ᠪᠠ ᠦᠪᠡᠷᠮᠢᠴᠡ ᠰᠤᠶᠤᠯᠢ ᠭᠠᠢᠠᠬᠭᠤᠯᠲᠠᠭ᠃ ᠤᠲᠤ᠂ ᠬᠦᠷᠢᠶᠡ ᠰᠠᠭᠠᠭ ᠨᠢ ᠬᠥᠳᠡᠭᠡ ᠲᠣᠰᠬᠣᠨ ᠤ᠋ ᠵᠢᠭᠤᠯᠴᠢᠯᠠᠯ ᠲᠠᠢ ᠭᠦᠨᠵᠡᠭᠡᠢ ᠠᠭᠤᠰᠤᠯᠴᠠᠵᠤ᠂ 《ᠵᠢᠭᠤᠯᠴᠢᠯᠠᠯᠶ᠋ᠢᠡᠷ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶ᠋ᠢ ᠠᠬᠢᠭᠤᠯᠵᠤ᠂ ᠰᠣᠶᠣᠯᠶ᠋ᠢᠡᠷ ᠦᠢᠯᠡᠳᠪᠦᠷᠢᠯᠡᠯᠶ᠋ᠢᠡᠨ ᠮᠠᠨᠳᠤᠭᠤᠯᠬᠤ》 ᠵᠢ ᠦᠨᠡᠨ ᠬᠦ᠌ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠢᠨᠠ᠃
ᠶᠠᠪᠤᠵᠦ ᠢᠷᠡᠭᠰᠡᠨ ᠵᠠᠮ ᠮᠦᠷ ᠲᠤᠲᠤᠬᠠᠨ᠂ ᠤᠷᠤᠭᠰᠢ ᠠᠬᠢᠬᠤ ᠬᠦᠭᠵᠢᠯᠳᠡᠶᠢᠨ ᠬᠠᠷᠭᠤᠢ ᠰᠠᠷᠠᠭᠤᠯᠬᠠᠨ᠃ ᠬᠦᠷᠢᠶᠡ ᠬᠣᠰᠢᠭᠤ ᠨᠢ ᠭᠠᠵᠠᠷ ᠵᠦᠢ ᠤᠷᠤᠨ ᠨᠤᠲᠤᠭᠤᠨ ᠲᠠᠪᠠᠭᠤᠯᠢᠭ ᠲᠠᠭᠠᠨ ᠲᠦᠰᠢᠭᠯᠡᠨ᠂ 《ᠬᠦᠷᠢᠶᠡ ᠰᠠᠭᠠᠭ》 ᠤ᠋ᠨ ᠨᠡᠷᠡᠲᠦ ᠲᠡᠮᠳᠡᠭᠢ ᠪᠤᠢ ᠪᠤᠯᠭᠠᠨ᠂ ᠰᠠᠶ᠋ᠢᠨ ᠡᠭᠦᠯᠳᠡᠷ ᠢ᠋ ᠲᠠᠷᠢᠵᠦ᠂ ᠰᠢᠨᠡ ᠮᠡᠷᠭᠡᠵᠢᠯᠢ ᠤᠷᠤᠭᠤᠯᠤᠨ᠂ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯᠶ᠋ᠢᠡᠷ ᠬᠦᠳᠡᠯᠭᠡᠬᠦ ᠬᠦᠴᠦᠨ ᠪᠤᠯᠭᠠᠵᠦ᠂ ᠪᠥᠬᠥ᠌ ᠠᠵᠤ ᠦᠢᠯᠡᠰᠤᠨ ᠬᠡᠯᠬᠢᠶᠡ ᠶ᠋ᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠲᠡᠭᠦᠯᠳᠡᠷᠵᠢᠭᠦᠯᠦᠨ᠂ 《ᠬᠦᠷᠢᠶᠡ ᠰᠠᠭᠠᠭ》 ᠢ᠋ ᠦᠪᠦᠷ ᠮᠤᠩᠭᠤᠯ ᠡᠴᠡ ᠪᠦᠬᠦ ᠤᠯᠤᠰ᠂ ᠪᠦᠬᠦ ᠤᠯᠤᠰ ᠡᠴᠡ ᠲᠡᠯᠡᠭᠡᠢᠳᠤ ᠲᠠᠨᠢᠭᠤᠯᠤᠬᠰᠠᠨ ᠪᠢᠯᠡ᠃
ᠢᠷᠡᠭᠡᠳᠦᠶ ᠳ᠋ᠦ᠍᠂ ᠬᠦᠷᠢᠶᠡ ᠬᠣᠰᠢᠭᠤ ᠨᠢ ᠲᠠᠪᠠᠭᠤᠯᠢᠭᠶ᠋ᠢᠡᠨ ᠤᠯᠠᠮ ᠪᠠᠲᠠᠷᠠᠭᠤᠯᠤᠨ᠂ ᠬᠦᠴᠦᠨᠶ᠋ᠢᠡᠨ ᠲᠥᠪᠯᠡᠷᠡᠭᠦᠯᠦᠨ ᠰᠢᠨᠡ ᠶ᠋ᠢ ᠡᠭᠦᠳᠴᠦ᠍᠂ 《ᠬᠦᠷᠢᠶᠡ ᠰᠠᠭᠠᠭ》 ᠤ᠋ᠨ ᠲᠥᠷᠥᠯ ᠲᠡᠮᠳᠡᠭᠶ᠋ᠢᠡᠨ ᠦᠷᠬᠦᠯᠵᠢᠯᠡᠨ ᠠᠯᠲᠠᠷᠰᠢᠭᠤᠯᠵᠦ᠂ ᠪᠤᠷᠤᠯᠠᠭᠤᠯᠭᠠᠶᠢᠨ ᠵᠠᠮᠢ ᠨᠢ ᠰᠢᠯᠤᠭᠤᠳᠬᠠᠵᠦ᠂ ᠰᠢᠨᠡ ᠮᠡᠷᠭᠡᠵᠢᠯᠢ ᠪᠦᠬᠦ ᠲᠠᠯᠠ ᠪᠡᠷ ᠠᠰᠢᠬᠯᠠᠵᠦ᠂ 《ᠬᠦᠷᠢᠶᠡ ᠰᠠᠭᠠᠭ》ᠢ᠋ ᠤᠷᠤᠨ ᠨᠤᠲᠤᠭᠤᠨ ᠴᠢᠨᠠᠷ ᠰᠠᠶ᠋ᠢᠲᠠᠶ ᠬᠥᠭᠵᠢᠯᠲᠡ ᠪᠠ ᠬᠥᠳᠡᠭᠡ ᠲᠣᠰᠬᠣᠨ ᠢ᠋ ᠬᠥᠭᠵᠢᠭᠦᠯᠦᠨ ᠮᠠᠨᠳᠤᠭᠤᠯᠬᠤᠶᠢᠨ ᠴᠢᠬᠤᠯᠠ ᠲᠤᠯᠭᠠᠭᠤᠷᠢᠯᠠᠯ ᠪᠤᠯᠭᠠᠵᠦ᠂ ᠠᠵᠤ ᠦᠢᠯᠡᠰ ᠬᠥᠭᠵᠢᠭᠰᠡᠨ᠂ ᠠᠷᠠᠳ ᠢᠷᠭᠡᠳ ᠴᠢᠨᠡᠭᠡᠯᠢᠭᠵᠢᠭᠰᠡᠨ᠂ ᠠᠮᠢ ᠠᠬᠤᠶ ᠦᠵᠡᠰᠬᠦᠯᠡᠩᠲᠦ᠍ ᠰᠠᠶ᠋ᠢᠬᠠᠨ᠂ ᠰᠣᠶᠣᠯ ᠪᠠᠲᠠᠷᠠᠨ ᠴᠡᠴᠡᠭᠯᠡᠭᠰᠡᠨ ᠬᠦᠷᠢᠶᠡ ᠬᠤᠰᠢᠭᠤᠶᠢᠨ ᠰᠢᠨᠡ ᠬᠠᠭᠤᠳᠠᠰᠤ ᠶ᠋ᠢ ᠦᠷᠭᠦᠯᠵᠢᠯᠡᠨ ᠪᠢᠴᠢᠭᠯᠡᠬᠦ ᠪᠤᠯᠤᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃