2025-01-03 15:01:40
— ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠦᠪᠦᠨ 《ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯ》 ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡᠵᠢᠨ ᠲᠤᠬᠠᠢ ᠲᠡᠮᠳᠡᠭᠯᠡᠯ
ᠪᠤᠭᠤᠳᠤ ᠬᠤᠳᠠᠶᠢᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ ᠨᠢ ᠳᠠᠯᠠᠨ ᠬᠠᠷᠠᠶᠢᠨ ᠠᠷᠤ ᠦᠨᠳᠦᠷᠯᠢᠭᠲᠦ ᠪᠠᠢᠷᠢᠰᠢᠵᠦ᠂ ᠡᠮᠦᠨᠡ ᠲᠠᠯᠠ ᠪᠠᠷᠢᠶᠠᠨ ᠬᠦᠬᠡᠬᠤᠳᠠ᠂ ᠪᠠᠷᠠᠭᠤᠨ ᠵᠡᠭᠦᠨ ᠪᠡᠶᠡᠪᠡᠷᠢᠶᠡᠨ ᠪᠠᠶᠠᠠᠨᠠᠭᠤᠷ᠂ ᠤᠯᠠᠭᠠᠨᠴᠠᠪ ᠬᠤᠳᠠ ᠲᠠᠢ ᠬᠦᠷᠰᠢᠯᠡᠨ᠂ ᠬᠤᠢᠳᠤ ᠵᠠᠬᠠᠪᠠᠷᠢᠶᠠᠨ ᠮᠤᠩᠭᠤᠯ ᠤᠯᠤᠰᠤᠨ ᠲᠤᠷᠤᠨᠠᠭᠤᠪᠢ ᠠᠢᠮᠠᠭ ᠲᠠᠢ ᠵᠠᠯᠭᠠᠯᠳᠤᠳᠠᠭ᠃ ᠦᠪᠦᠷ ᠮᠤᠩᠭᠤᠯᠤᠨ 23 ᠮᠠᠯᠵᠢᠬᠤ ᠬᠤᠰᠢᠭᠤ ᠰᠢᠶᠠᠨᠤ ᠨᠢᠭᠡ᠂ 19 ᠬᠢᠯᠢ ᠬᠢᠵᠠᠭᠠᠷᠤᠨ ᠬᠤᠰᠢᠭᠤ ᠨᠤᠳᠤᠭᠤᠨ ᠨᠢᠭᠡ ᠪᠤᠯᠬᠤ ᠶᠤᠮ᠃ ᠰᠢᠨᠡ ᠲᠤᠮᠳᠠᠳᠤ ᠤᠯᠤᠰ ᠪᠠᠢᠭᠤᠯᠤᠬ᠍ᠳᠠᠬᠤᠳᠤ ᠳᠠᠷᠬᠠᠨ ᠮᠤᠤᠮᠢᠩᠭᠠᠨᠤ ᠠᠷᠠᠳ ᠲᠦᠮᠡᠨ ᠬᠤᠪᠢᠰᠬᠠᠯᠤᠨ ᠢᠯᠴᠢ ᠭᠡᠷᠡᠯᠢ ᠮᠡᠳᠡᠷᠡᠨ ᠰᠠᠢᠨ ᠳᠤᠷᠠ ᠡᠴᠡ ᠪᠠᠨ ᠪᠠᠶᠠᠷᠯᠠᠨ ᠤᠬ᠍ᠳᠤᠵᠤ᠂ 1950 ᠤᠨᠳᠤ ᠳᠠᠷᠬᠠᠨ ᠬᠤᠰᠢᠭᠤ ᠪᠠᠢᠭᠤᠯᠤᠬ᠍ᠳᠠᠨ᠂ 1952 ᠤᠨᠳᠤ ᠤᠤᠯᠤᠨ ᠮᠤᠤᠮᠢᠩᠭᠠᠨ ᠬᠤᠰᠢᠭᠤ ᠲᠠᠢ ᠨᠡᠢᠯᠡᠵᠦ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ ᠪᠤᠯᠤᠬ᠍ᠰᠠᠨ ᠪᠢᠯᠡ᠃ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤ ᠨᠢ ᠤᠤᠯ ᠡᠴᠡ ᠪᠠᠨ ᠬᠤᠪᠢᠰᠬᠠᠯᠤᠨ ᠰᠠᠭᠤᠷᠢᠨ ᠭᠠᠵᠠᠷ ᠪᠠᠢᠵᠤ᠂ ᠶᠡᠫᠦᠨ ᠡᠵᠡᠷᠭᠡᠭ ᠲᠦᠷᠢᠮᠡᠭᠡᠢᠳᠡᠨᠢ ᠡᠰᠡᠷᠭᠦᠴᠡᠨ ᠲᠡᠮᠡᠴᠡᠭᠰᠡᠨ ᠠᠩᠬᠠᠨᠤ ᠫᠤᠤᠶᠢᠨ ᠲᠠᠭᠤᠨ ᠪᠤᠯᠤᠬ᠍ᠰᠠᠨ 《ᠪᠠᠳᠤᠬᠠᠭᠠᠯᠭᠠᠶᠢᠨ ᠪᠤᠰᠤᠯᠭᠠ》 ᠨᠢ ᠡᠨᠳᠡ ᠡᠭᠦᠰᠦᠭᠰᠡᠨ ᠪᠢᠯᠡ᠃ ᠴᠢᠯᠦᠭᠡᠯᠡᠭᠳᠡᠭᠰᠡᠨᠦ ᠳᠠᠷᠠᠭᠠ ᠡᠬᠡ ᠤᠯᠤᠰᠢᠶᠠᠨ ᠴᠤᠬ᠍ᠴᠠᠯᠠᠨ ᠪᠠᠢᠭᠤᠯᠬᠤ ᠤᠷᠢᠶᠠ ᠪᠤᠯᠤᠬ᠍ᠰᠠᠨ 《ᠲᠠᠯᠠ ᠨᠤᠳᠤᠭᠤᠨ ᠦᠷᠯᠦᠭᠡᠶᠢᠨ ᠤᠶᠠᠩᠭᠠ》 ᠲᠠᠭᠤᠤ᠂ 《ᠪᠠᠭᠠᠳᠤᠷᠤᠨ ᠭᠠᠷ》᠂ 《ᠭᠠᠯ ᠱᠤᠩᠬᠤᠷᠤᠨ ᠲᠠᠭᠤᠯᠠᠯ》 ᠵᠡᠷᠭᠡ ᠬᠤᠪᠢᠰᠬᠠᠯᠳᠤ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠨᠢ ᠳᠠᠷᠬᠠᠨ ᠮᠤᠤᠮᠢᠩᠭᠠᠨᠦ ᠠᠷᠠᠳ ᠲᠦᠮᠡᠨᠦ ᠪᠠᠭᠠᠳᠤᠷᠯᠢᠭ᠋ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠮᠠᠬ᠍ᠳᠠᠨ ᠲᠠᠭᠤᠯᠠᠬ᠍ᠰᠠᠨ ᠪᠢᠯᠡ᠃

2023 ᠤᠨᠤ ᠵᠢᠯᠦᠨ ᠰᠡᠭᠦᠯᠴᠢ ᠡᠴᠡ ᠡᠬᠢᠯᠡᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠬᠠᠮ ᠵᠠᠭᠤᠴᠢᠯᠠᠭᠤᠷᠤᠨ ᠲᠦᠪ 《ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯ》 ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡᠪᠡᠨ ᠵᠤᠬᠢᠶᠠᠨ ᠪᠦᠳᠦᠭᠡᠵᠦ᠂ ᠦᠤᠭᠡ ᠲᠡᠤᠭᠡ ᠵᠤᠵᠠᠭᠠᠨ ᠲᠠᠢ ᠳᠠᠷᠬᠠᠨ ᠮᠤᠤᠮᠢᠩᠭᠠᠨᠤ ᠪᠠᠨ ᠰᠤᠶᠤᠯ ᠲᠡᠤᠭᠡᠶᠢ ᠲᠡᠯᠭᠡᠨ ᠬᠠᠷᠠᠭᠤᠯᠵᠤ᠂ ᠬᠤᠪᠢᠰᠬᠠᠯᠤᠨ ᠰᠤᠶᠤᠯ᠂ ᠲᠠᠯᠠ ᠨᠤᠳᠤᠭᠤᠨ ᠰᠤᠶᠤᠯ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠤᠶᠤᠯ᠂ ᠲᠠᠷᠢᠶᠠᠯᠠᠩᠤᠨ ᠰᠤᠶᠤᠯ ᠵᠡᠷᠭᠡ ᠰᠤᠶᠤᠯᠤᠨ ᠬᠦᠷᠢᠶᠡ ᠴᠠᠷᠠᠭᠠᠨᠳᠠᠬᠢ ᠮᠠᠨᠤ ᠨᠤᠳᠤᠭᠤᠨ ᠦᠨᠡ ᠴᠠᠨᠠ ᠲᠠᠢ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠲᠡᠤᠭᠡ᠂ ᠮᠠᠬ᠍ᠳᠠᠨ ᠲᠠᠭᠤᠯᠠᠭᠤᠰᠢᠳᠠᠢ ᠬᠤᠪᠢᠰᠬᠠᠯᠤᠨ ᠦᠯᠢᠭᠡᠷ ᠵᠢᠱ᠌ᠢᠶᠡ᠂ ᠨᠠᠢᠷ ᠨᠠᠭᠠᠳᠤᠮ᠂ ᠲᠠᠭᠤᠤ ᠰᠢᠯᠦᠭ ᠵᠡᠷᠭᠡ ᠰᠤᠶᠤᠯ ᠤᠷᠠᠯᠢᠭ᠋ᠤᠨ ᠠᠵᠢᠯᠯᠠᠭᠠ᠂ ᠮᠠᠨᠤ ᠬᠤᠰᠢᠭᠤᠨᠤ ᠲᠠᠷᠢᠶᠠᠯᠠᠩ ᠦᠢᠯᠡᠳᠪᠦᠷᠢᠯᠡᠯᠦᠨ ᠬᠦᠭᠵᠢᠯᠳᠡ ᠬᠤᠪᠢᠰᠤᠯᠳᠠ ᠵᠡᠷᠭᠡ ᠦᠷᠭᠡᠨ ᠬᠦᠷᠢᠶᠡᠨᠳᠦ ᠨᠡᠪᠳᠡᠷᠡᠭᠦᠯᠭᠡ ᠪᠠᠨ ᠪᠡᠯᠡᠳᠭᠡᠵᠦ᠂ ᠵᠢᠯ ᠭᠠᠷᠤᠢᠶᠢᠨ ᠲᠤᠷᠰᠢ ᠬᠤᠷᠢ ᠰᠢᠬᠠᠭᠤ ᠬᠤᠭᠤᠴᠠᠭᠠᠨᠤ ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡᠶᠢ ᠵᠤᠬᠢᠶᠠᠨ ᠦᠢᠯᠡᠳᠴᠦ ᠦᠵᠡᠭᠴᠢ ᠤᠯᠠᠨᠳᠤ ᠪᠠᠨ ᠲᠡᠪᠰᠢᠭᠦᠯᠦᠭᠰᠡᠨ ᠪᠠᠢᠨᠠ᠃
ᠪᠢᠳᠠ ᠬᠤᠪᠢᠰᠬᠠᠯᠤᠨ ᠰᠤᠶᠤᠯᠤᠨ ᠲᠠᠯᠠ ᠪᠡᠷ ᠪᠠᠲᠤᠬᠠᠭᠠᠯᠭᠠᠶᠢᠨ ᠶᠠᠫᠤᠨᠢ ᠡᠰᠡᠷᠭᠦᠴᠡᠬᠦ ᠵᠡᠪᠰᠡᠭᠲᠦ ᠪᠣᠰᠣᠯᠭᠠᠶᠢᠨ ᠳᠤᠷᠠᠰᠬᠠᠯᠤᠨ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮ᠂ ᠳᠤᠮᠳᠠᠳᠤᠶᠢᠨ ᠦᠨᠳᠦᠰᠦᠲᠡᠨᠦ ᠬᠠᠮᠲᠤᠶᠢᠨ ᠴᠣᠭᠴᠠᠶᠢᠨ ᠤᠬᠠᠮᠰᠠᠷᠢ ᠪᠠᠳᠤᠳᠬᠠᠬᠤ ᠬᠥᠮᠦᠵᠢᠯ ᠦᠢᠯᠡᠳᠦᠯᠭᠡᠶᠢᠨ ᠰᠠᠭᠤᠷᠢᠨ ᠭᠠᠵᠠᠷ᠂ ᠤᠮᠠᠷᠠᠲᠤᠶᠢᠨ ᠬᠤᠪᠢᠰᠬᠠᠯᠤᠨ ᠬᠥᠮᠦᠵᠢᠯ ᠦ᠋ᠨ ᠰᠠᠭᠤᠷᠢᠨ ᠵᠡᠷᠭᠡ ᠨᠢᠭᠡ ᠪᠦᠯᠦᠭ ᠢᠯᠡ ᠲᠣᠳᠣ᠌ ᠣᠨᠴᠠᠯᠢᠭ᠋ ᠲᠠᠢ ᠨᠠᠮᠴᠢ ᠴᠢᠨᠠᠷᠤᠨ ᠬᠥᠮᠦᠵᠢᠯᠦᠨ ᠰᠠᠭᠤᠷᠢᠨ ᠭᠠᠵᠠᠷᠢ 《ᠪᠠᠲᠤᠬᠠᠭᠠᠯᠭᠠᠶᠢᠨ ᠶᠡᠫᠦᠨᠢ ᠡᠰᠡᠷᠭᠦᠴᠡᠭᠰᠡᠨ ᠵᠡᠪᠰᠡᠭᠳᠦ ᠪᠤᠰᠤᠯᠭᠠᠶᠢᠨ ᠳᠤᠷᠠᠰᠬᠠᠯᠤᠨ ᠬᠦᠰᠢᠶᠡ》᠂ 《ᠦᠯᠢᠭᠡᠷ ᠲᠡᠤᠭᠡ ᠬᠦᠦᠷᠨᠢᠭᠰᠡᠨ ᠦᠨᠳᠦᠰᠦᠨ ᠱᠠᠳᠤᠨᠤ ᠬᠤᠪᠢᠰᠬᠠᠯᠤᠨ ᠬᠦᠮᠦᠵᠢᠯᠦᠨ ᠰᠠᠭᠤᠷᠢᠨ ᠭᠠᠵᠠᠷ》 ᠵᠡᠷᠭᠡ ᠨᠡᠪᠳᠡᠷᠡᠭᠦᠯᠭᠡᠪᠡᠷᠢᠶᠡᠨ ᠲᠠᠨᠢᠯᠴᠠᠭᠤᠯᠤᠨ ᠬᠦᠷᠭᠡᠵᠦ᠂ 《ᠲᠠᠯᠠ ᠨᠤᠳᠤᠭᠤᠨ ᠪᠢᠴᠢᠬᠠᠨ ᠪᠠᠭᠠᠳᠤᠷ ᠡᠭᠡᠴᠢ ᠥᠬᠢᠨ ᠲᠡᠭᠦᠦᠶᠢᠨ ᠬᠠᠭᠤᠴᠢᠨ ᠰᠠᠭᠤᠴᠠ》 ᠨᠡᠪᠳᠡᠷᠡᠭᠦᠯᠭᠡᠪᠡᠷᠢᠶᠡᠨ ᠮᠠᠨᠤ ᠨᠤᠳᠤᠭᠤᠨ ᠯᠦᠩ ᠮᠧᠢ ᠢᠤᠢ ᠷᠦᠩ ᠡᠭᠡᠴᠢ ᠥᠬᠢᠨ ᠲᠡᠬᠦᠦ ᠬᠤᠶᠠᠷᠤᠨ ᠬᠠᠮᠳᠤ ᠨᠡᠢᠲᠡᠶᠢᠨ ᠡᠳ᠋ ᠬᠦᠷᠦᠩᠭᠡᠶᠢ ᠬᠠᠮᠠᠭᠠᠯᠠᠬ᠍ᠰᠠᠨ ᠪᠠᠭᠠᠳᠤᠷᠯᠢᠭ᠋ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠠᠬᠢᠨ ᠨᠢᠭᠡ ᠤᠳᠠᠭᠠ ᠲᠡᠯᠭᠡᠨ ᠶᠠᠷᠢᠵᠤ᠂ ᠮᠠᠰᠢ ᠤᠯᠠᠨ ᠦᠵᠡᠭᠴᠢ ᠰᠤᠨᠤᠰᠤᠬ᠍ᠴᠢᠶᠢᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯ᠂ ᠦᠨᠳᠦᠷ ᠦᠨᠡᠯᠡᠭᠡ ᠶ᠋ᠢ ᠤᠯᠵᠤ᠂ 《ᠤᠷᠳᠤ ᠴᠠᠭᠠᠨ ᠬᠡᠷᠡᠮᠤᠨ ᠰᠤᠶᠤᠯ》 ᠨᠡᠪᠳᠡᠷᠡᠭᠦᠯᠭᠡᠪᠡᠷ ᠮᠠᠨᠤ ᠬᠤᠰᠢᠭᠤᠨᠤ ᠬᠡᠪᠴᠢᠶᠡᠨᠳᠦ ᠪᠠᠢᠭᠠ ᠬᠠᠨ ᠤᠯᠤᠰ᠂ ᠤᠮᠠᠷᠠᠳᠤ ᠸᠸᠢ ᠤᠯᠤᠰ᠂ ᠠᠯᠳᠠᠨ ᠤᠯᠤᠰᠤᠨ ᠦᠶᠡᠶᠢᠨ ᠲᠠᠪᠤᠨ ᠭᠡᠰᠡᠭ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠯᠢᠭᠡᠷ ᠲᠡᠤᠭᠡᠶᠢ ᠲᠠᠨᠢᠯᠴᠠᠭᠤᠯᠤᠨ ᠬᠦᠷᠭᠡᠬᠦᠶᠢᠨ ᠬᠠᠮᠳᠤ ᠲᠡᠤᠭᠡᠶᠢᠨ ᠲᠤᠷᠠᠰᠬᠠᠯᠳᠤ ᠵᠤᠢᠯᠡᠰᠢᠶᠠᠨ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠬᠤ ᠲᠤᠬᠠᠢ ᠲᠡᠤᠭᠡ ᠰᠤᠳᠤᠯᠤᠭᠠᠴᠢ ᠰᠤᠶᠤᠯᠳᠤ ᠭᠤᠸᠠᠢ ᠲᠠᠢ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠶᠠᠷᠢᠯᠴᠠᠵᠤ᠂ ᠮᠠᠨᠤ ᠨᠤᠳᠤᠭᠤᠨ ᠨᠡᠷᠡᠶᠢᠨ ᠬᠠᠭᠤᠳᠠᠰᠤ ᠪᠤᠯᠤᠬ᠍ᠰᠠᠨ 《ᠬᠠᠳᠠᠨ ᠵᠢᠷᠤᠭ》ᠤᠨ ᠲᠤᠬᠠᠢ ᠨᠡᠪᠳᠡᠷᠡᠭᠦᠯᠭᠡᠪᠡᠷᠢᠶᠡᠨ ᠮᠠᠨᠤ ᠨᠤᠳᠤᠭᠤᠨ ᠬᠠᠭᠤᠴᠢ ᠰᠤᠳᠤᠯᠤᠭᠠᠴᠢ᠂ ᠲᠡᠳ᠋ ᠫᠷᠤᠹᠸᠰᠰᠤᠷ ᠲᠡᠷᠢᠬᠦᠨᠪᠠᠶᠠᠷᠢ ᠰᠤᠷᠪᠤᠯᠵᠢᠯᠠᠨ ᠬᠠᠳᠠᠨ ᠵᠢᠷᠤᠭᠤᠨ ᠲᠠᠯᠠ ᠪᠡᠷ ᠬᠢ ᠰᠤᠳᠤᠯᠤᠭᠠ ᠰᠢᠨᠵᠢᠯᠡᠭᠡᠨᠦ ᠲᠤᠬᠠᠢ ᠶᠠᠷᠢᠯᠴᠠᠭᠠ ᠦᠷᠨᠢᠭᠦᠯᠵᠡᠢ᠃
ᠦᠨᠢ ᠡᠷᠲᠡᠨᠦ ᠲᠡᠤᠭᠡ ᠰᠤᠶᠤᠯᠤᠨ ᠠᠯᠳᠠᠨ ᠮᠦᠷ ᠲᠠᠢ ᠲᠠᠯᠠ ᠨᠤᠳᠤᠭᠤᠨ ᠰᠤᠶᠤᠯᠤᠨ ᠲᠠᠯᠠ ᠪᠡᠷ ᠮᠠᠨᠤ ᠨᠤᠳᠤᠭᠤᠨ ᠲᠡᠤᠭᠡᠨᠳᠠᠬᠢ ᠭᠠᠷᠮᠠᠭᠠᠢ ᠬᠤᠷᠳᠤᠨ ᠬᠦᠯᠦᠭᠤᠳ ᠡᠴᠡ ᠲᠠᠨᠢᠯᠴᠠᠭᠤᠯᠤᠨ ᠬᠦᠷᠭᠡᠵᠦ᠂ ᠠᠳᠤᠭᠤᠨ ᠰᠤᠶᠤᠯᠤᠨ ᠦᠨᠢᠷ ᠶᠡᠭᠡ ᠦᠪ ᠰᠠᠩ ᠡᠴᠡ ᠨᠤᠳᠤᠭ ᠤᠷᠤᠨᠤ ᠪᠠᠨ ᠤᠮᠤᠬ᠍ᠰᠢᠯ ᠪᠤᠯᠤᠬ᠍ᠰᠠᠨ ᠨᠡᠷᠡᠳᠦ ᠬᠤᠷᠳᠤᠨ ᠬᠦᠯᠦᠭᠦᠳᠢ ᠠᠬᠠᠮᠠᠳ ᠪᠤᠭᠤᠷᠤᠯᠴᠤᠳᠤᠨ ᠶᠠᠷᠢᠶᠠᠨᠠᠴᠠ ᠲᠠᠶᠠᠭᠠᠷ ᠤᠯᠠᠨᠳᠤ ᠪᠠᠨ ᠰᠤᠨᠤᠰᠬᠠᠵᠤ᠂ 《ᠮᠤᠩᠭᠤᠯ ᠮᠤᠷᠢᠨᠤ ᠵᠤᠷᠢᠭ᠋ ᠰᠠᠨᠠᠭᠠ ᠵᠢᠴᠢ ᠠᠳᠤᠭᠤᠨ ᠰᠤᠶᠤᠯᠤᠨ ᠦᠵᠡᠭᠦᠯᠭᠡ》ᠶᠢᠨ ᠲᠢᠩᠬᠢᠮ ᠨᠡᠪᠳᠡᠷᠡᠭᠦᠯᠭᠡ ᠨᠢ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠬᠤᠯᠪᠤᠭᠠᠳᠤ ᠬᠤᠰᠢᠭᠤᠨᠤ ᠮᠦᠽᠧᠢᠶᠢᠨ 《ᠮᠤᠩᠭᠤᠯ ᠮᠤᠷᠢᠨᠤ ᠮᠠᠬ᠍ᠲᠠᠭᠤ᠂ ᠦᠪᠦᠷ ᠮᠤᠩᠭᠤᠯᠤᠨ ᠠᠳᠤᠭᠤᠨ ᠰᠤᠶᠤᠯᠤᠨ ᠦᠵᠡᠭᠦᠯᠭᠡ》ᠵᠢᠨ ᠲᠢᠩᠬᠢᠮ ᠵᠢᠴᠢ ᠮᠤᠷᠢᠨᠤ ᠡᠳ᠋ᠯᠡᠯ ᠬᠡᠷᠡᠭᠰᠡᠯᠦᠨ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨ ᠬᠡᠰᠡᠭ ᠪᠤᠯᠤᠬ᠍ᠰᠠᠨ ᠡᠮᠡᠭᠡᠯᠦᠨ ᠲᠤᠬᠠᠢ ᠲᠠᠨᠢᠯᠴᠠᠭᠤᠯᠤᠬ᠍ᠰᠠᠨ ᠮᠠᠰᠢ ᠰᠤᠳᠤᠨ ᠨᠡᠪᠳᠡᠷᠡᠭᠦᠯᠭᠡ ᠪᠤᠯᠵᠤ᠂ ᠮᠠᠨᠤ ᠬᠤᠰᠢᠭᠤᠨᠤ ᠮᠦᠽᠧᠢᠶᠢᠨ ᠬᠢᠯᠡᠰ ᠴᠡᠭ ᠪᠤᠯᠤᠬ᠍ᠰᠠᠨ ᠠᠳᠤᠭᠤᠨ ᠰᠤᠶᠤᠯᠤᠨ ᠦᠵᠡᠭᠦᠯᠭᠡᠶᠢᠨ ᠲᠢᠩᠬᠢᠮ ᠨᠢ ᠨᠡᠢᠭᠡᠮᠦᠨ ᠤᠯᠠᠨ ᠬᠦᠮᠦᠰ ᠪᠤᠯᠤᠨ ᠮᠡᠳᠡᠭᠡ ᠵᠠᠭᠤᠴᠢᠯᠠᠭᠤᠷᠤᠨ ᠠᠩᠬᠠᠷᠤᠯᠢ ᠲᠠᠳᠠᠬ᠍ᠰᠠᠨ ᠪᠠᠢᠨᠠ᠃ ᠮᠠᠨᠤ ᠬᠤᠰᠢᠭᠤᠨᠤ ᠮᠢᠩᠭᠠ ᠶᠢᠰᠦᠨ ᠵᠠᠭᠤ ᠬᠤᠷᠢ ᠭᠤᠴᠢᠭᠠᠳ ᠤᠨ ᠡᠴᠡ ᠡᠬᠢᠯᠡᠨ 34 ᠵᠢᠯᠤᠨ ᠤᠷᠳᠤ ᠠᠶᠠᠨᠢ ᠲᠤᠭᠤᠯᠤᠭᠰᠠᠨ ᠬᠤᠰᠢᠭᠤ ᠨᠠᠭᠠᠳᠤᠮᠤᠨ ᠶᠡᠭᠡ ᠬᠤᠷᠠᠯᠤᠨ ᠲᠤᠬᠠᠢ ᠵᠠᠭᠤᠭᠠᠳ ᠵᠢᠯᠢ ᠡᠷᠬᠢᠴᠡᠭᠦᠯᠦᠭᠰᠡᠨ ᠰᠠᠢᠬᠠᠨ ᠨᠡᠪᠳᠡᠷᠡᠭᠦᠯᠭᠡᠶᠢ ᠦᠵᠡᠭᠴᠢᠶᠢᠨ ᠲᠠᠭᠠᠰᠢᠶᠠᠯᠳᠤ ᠬᠦᠷᠭᠡᠵᠦ᠂ ᠤᠯᠤᠰᠤᠨ ᠬᠡᠤᠬᠡᠳᠤᠨ ᠲᠠᠯᠠ ᠪᠡᠷ ᠬᠢ 《ᠤᠯᠤᠰᠤᠨ ᠭᠡᠤᠭᠡᠳ ᠤᠶᠠᠩᠭᠠ ᠬᠠᠢᠷᠠᠶᠢᠨ ᠡᠭᠡᠰᠢᠭᠢᠶᠡᠷ ᠲᠠᠯᠠ ᠨᠤᠳᠤᠭᠢᠶᠠᠨ ᠲᠠᠭᠤᠯᠠᠵᠤ ᠪᠠᠢᠨᠠ》 ᠭᠡᠬᠦ ᠨᠡᠪᠳᠡᠷᠡᠭᠦᠯᠬᠡ ᠪᠡᠷᠢᠶᠠᠨ ᠬᠤᠶᠠᠳᠠᠬ᠍ᠴᠢ ᠠᠮᠢ ᠨᠠᠰᠤᠶᠢ ᠤᠯᠭᠤᠬ᠍ᠰᠠᠨ ᠡᠬᠡ ᠨᠤᠳᠤᠭ᠂ ᠡᠵᠢ ᠠᠪᠤᠶᠢᠨᠢᠶᠡᠨ ᠡᠨᠡᠷᠢᠯ ᠬᠠᠢᠷᠠᠶᠢ ᠮᠠᠬ᠍ᠳᠠᠨ ᠲᠠᠭᠤᠯᠠᠬ᠍ᠰᠠᠨ ᠨᠡᠪᠳᠡᠷᠡᠭᠦᠯᠭᠡ ᠦᠢᠯᠡᠳᠴᠦ᠂ ᠮᠠᠨᠤ ᠨᠤᠳᠤᠭᠲᠤ 20 ᠳ᠋ᠤᠭᠠᠷ ᠵᠠᠭᠤᠨᠤ ᠲᠠᠪᠢᠭᠠᠳ ᠤᠨᠳᠤ ᠪᠤᠯᠤᠬ᠍ᠰᠠᠨ ᠰᠤᠪᠤᠳ ᠵᠡᠷᠭᠡ 《ᠤᠯᠤᠰᠤᠨ ᠭᠡᠤᠭᠡᠳ》ᠤᠨ ᠦᠨᠡᠨ ᠪᠤᠳᠠᠳᠠᠢ ᠦᠯᠢᠭᠡᠷ ᠵᠢᠱ᠌ᠢᠶᠡᠶᠢ ᠲᠡᠯᠭᠡᠨ ᠶᠠᠷᠢᠭ᠍ᠰᠠᠨ ᠨᠢ ᠤᠯᠠᠨ ᠬᠦᠮᠦᠰᠦᠨ ᠲᠠᠭᠠᠰᠢᠶᠠᠯᠢ ᠤᠯᠤᠭᠰᠠᠨ ᠪᠠᠢᠨᠠ᠃
《ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯ》 ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡ ᠨᠢ ᠪᠦᠬᠦᠯᠢ ᠨᠢᠭᠡ ᠵᠢᠯᠦᠨ ᠲᠤᠷᠰᠢ ᠶᠠᠪᠤᠬ᠍ᠳᠠᠬᠤᠳᠤ ᠪᠠᠨ ᠳᠠᠷᠬᠠᠨ ᠮᠤᠤᠮᠢᠩᠭᠠᠨᠤ ᠦᠵᠡᠰᠭᠦᠯᠡᠩᠳᠦ ᠰᠠᠢᠬᠠᠨ ᠲᠠᠯᠠ ᠨᠤᠳᠤᠭᠤᠨᠢᠶᠠᠨ ᠦᠩ ᠰᠢᠮᠡᠯᠢᠭ ᠠᠭᠤᠯᠠ ᠤᠰᠤ᠂ ᠦᠨᠢᠷ ᠰᠠᠢᠬᠠᠨ ᠪᠠᠢᠭᠠᠯᠢ ᠨᠤᠳᠤᠭ᠂ ᠤᠴᠠᠷᠠᠯ ᠢᠷᠦᠭᠡᠯᠳᠦ ᠬᠦᠮᠦᠨ ᠠᠷᠠᠳᠤᠨᠢᠶᠠᠨ ᠳᠤᠬᠠᠢ ᠤᠯᠠᠨ ᠰᠠᠢᠬᠠᠨ ᠨᠡᠪᠳᠡᠷᠡᠭᠦᠯᠭᠡᠶᠢ ᠬᠢᠭᠰᠡᠨ ᠪᠦᠭᠡᠳ ᠬᠤᠪᠢᠰᠬᠠᠯᠳᠤ ᠲᠠᠯᠠ ᠨᠤᠳᠤᠭ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠴᠢᠭᠤᠯᠭᠠ ᠬᠤᠯᠪᠤᠭᠠᠨᠤ ᠰᠤᠶᠤᠯᠤᠨ ᠦᠯᠦᠭᠡᠢ᠂ ᠬᠢᠯᠢ ᠨᠤᠳᠤᠭᠤᠨ ᠤᠨᠴᠠᠯᠢᠭ᠋ ᠵᠡᠷᠭᠡᠳᠦ ᠪᠠᠨ ᠳᠤᠬᠢᠷᠠᠭᠤᠯᠤᠨ ᠳᠤᠰᠬᠠᠢ ᠰᠡᠳᠤᠪ ᠰᠤᠩᠭᠤᠯᠳᠠ ᠬᠢᠵᠦ᠂ 《ᠲᠠᠯᠠ ᠨᠤᠳᠤᠭᠤᠨ ᠬᠠᠢᠷᠠ ᠤᠷᠠᠯᠢᠭ᠋ᠤᠨ ᠪᠦᠯᠬᠦᠮ》᠂ 《ᠡᠭᠡᠯ ᠵᠢᠷᠦᠨ ᠬᠢᠯᠢᠶᠢᠨ ᠮᠠᠯᠴᠢᠨᠤ ᠬᠢᠯᠢ ᠨᠤᠳᠤᠭᠢᠶᠠᠨ ᠰᠠᠬᠢᠨ ᠬᠠᠷᠠᠬ᠍ᠰᠠᠨ 40 ᠵᠢᠯᠦᠨ ᠦᠨᠡᠳᠦ ᠪᠠᠷᠢᠮᠳᠠᠯᠠᠯ》᠂ 《ᠢᠵᠠᠭᠤᠷ ᠤᠷᠠᠯᠢᠭ᠋ ᠬᠦᠭᠡᠮᠡᠢ》 ᠵᠡᠷᠭᠡ ᠨᠠᠨᠳᠢᠨ ᠰᠠᠢᠬᠠᠨ ᠦᠯᠢᠭᠡᠷ ᠤᠴᠠᠷᠠᠯᠢ ᠠᠯᠢ ᠤᠯᠠᠨ ᠲᠠᠯᠠ ᠡᠴᠡ ᠲᠡᠯᠬᠡᠨ ᠶᠠᠷᠢᠵᠤ᠂ 《ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠦ ᠠᠯᠳᠠᠷᠳᠤ ᠲᠠᠭᠤᠤᠷᠢᠯᠢᠬ᠍ᠴᠢᠨ ᠲᠤᠷᠵᠢᠷᠢᠨᠴᠢᠨ》᠂ 《ᠰᠤᠶᠤᠯ ᠤᠷᠠᠯᠢᠭ᠋ᠤᠨ ᠵᠢᠳᠭᠦᠯᠳᠡᠨ ᠳᠠᠸᠠᠶᠢᠨ ᠪᠦᠭᠡᠴᠢᠯᠠᠭᠤ》 ᠵᠡᠷᠭᠡ ᠮᠠᠨᠤ ᠨᠤᠳᠤᠭᠤᠨ ᠰᠤᠳᠤᠨ ᠬᠦᠮᠦᠰᠢ ᠰᠤᠷᠪᠤᠯᠵᠢᠯᠠᠵᠤ᠂ ᠲᠡᠳᠡᠨᠦ ᠨᠡᠷᠡᠳᠦ ᠪᠦᠳᠦᠭᠡᠯ 《ᠴᠢᠨᠳᠠᠭᠠᠨ ᠴᠠᠭᠠᠨ ᠮᠤᠷᠢᠨᠤ ᠴᠤᠯᠠ (ᠲᠤᠷᠵᠢᠷᠢᠨᠴᠢᠨ)》᠂ 《ᠰᠠᠢᠬᠠᠨ ᠮᠤᠩᠭᠤᠯ ᠤᠷᠤᠨ (ᠳᠠᠸᠠᠶᠢᠨ ᠪᠦᠭᠡᠴᠢᠯᠠᠭᠤ)》 ᠵᠡᠷᠭᠡᠶᠢ ᠨᠢ ᠦᠵᠡᠭᠴᠢ ᠤᠯᠠᠨᠤ ᠲᠠᠭᠠᠰᠢᠶᠠᠯᠳᠤ ᠬᠦᠷᠭᠡᠨ᠂ ᠠᠬᠠᠮᠠᠳ ᠨᠢᠭᠡ ᠦᠶᠡᠶᠢᠨ ᠤᠷᠠᠯᠢᠬ᠍ᠴᠢᠳᠤᠨ ᠶᠠᠪᠤᠵᠤ ᠦᠩᠭᠡᠷᠡᠭᠦᠯᠦᠭᠰᠡᠨ ᠦᠩᠭᠡ ᠭᠡᠷᠡᠯᠳᠦᠮᠡ ᠵᠠᠮ ᠮᠦᠷᠢ ᠰᠤᠷᠪᠤᠯᠵᠢᠯᠠᠭᠠ ᠶᠠᠷᠢᠯᠴᠠᠭᠠ᠂ ᠦᠪᠡᠷᠦᠨ ᠬᠢᠨᠢ ᠲᠤᠷᠠᠰᠤᠮᠵᠢ ᠬᠦᠦᠷᠨᠢᠯᠢᠶᠡᠷ ᠳᠡᠯᠭᠡᠨ ᠬᠠᠷᠠᠭᠤᠯᠵᠤ᠂ ᠦᠵᠡᠭᠴᠢ ᠤᠯᠠᠨᠳᠤ ᠪᠠᠨ ᠨᠤᠳᠤᠭ ᠤᠰᠤ ᠪᠠᠨ ᠬᠠᠢᠷᠠᠯᠠᠬᠤ᠂ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠲᠡᠤᠭᠡᠪᠠᠨ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠬᠤ᠂ ᠨᠤᠳᠤᠭᠤᠨ ᠰᠤᠳᠤᠨ ᠬᠦᠮᠦᠰᠢᠶᠡᠷᠢᠶᠡᠨ ᠪᠠᠬᠠᠷᠬᠠᠬᠤ ᠤᠶᠤᠨᠤ ᠬᠦᠷᠳᠡᠭᠡᠯ ᠬᠠᠩᠭᠠᠬ᠍ᠰᠠᠨ ᠪᠠᠢᠨᠠ᠃
《ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯ》 ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡ ᠨᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠦ ᠨᠠᠮᠤᠨ ᠬᠤᠷᠢᠶᠠ ᠶᠡᠷᠦᠩᠭᠡᠢ ᠱᠦᠵᠢ ᠰᠢ ᠵᠢᠨ ᠫᠢᠩᠦᠨ ᠦᠪᠦᠷ ᠮᠤᠩᠭᠤᠯᠤᠨ ᠲᠤᠬᠠᠢ ᠴᠢᠬᠤᠯᠠ ᠵᠢᠭᠠᠪᠤᠷᠢᠶᠢᠨ ᠵᠤᠷᠢᠭ᠋ ᠰᠠᠨᠠᠭᠠᠶᠢ ᠬᠦᠨᠵᠡᠭᠡᠢ ᠲᠤᠭᠤᠰᠢᠯᠠᠭᠤᠯᠵᠤ᠂ ᠰᠢ ᠵᠢᠨ ᠫᠢᠩᠦᠨ ᠰᠤᠶᠤᠯᠤᠨ ᠦᠵᠡᠯ ᠰᠠᠨᠠᠭᠠ ᠪᠡᠷ ᠶᠡᠷᠦᠩᠬᠡᠢᠯᠡᠨ ᠵᠢᠯᠤᠭᠤᠳᠤᠭᠤᠯᠵᠤ᠂ ᠲᠡᠤᠭᠡᠶᠢᠨ ᠰᠢᠨᠡ ᠭᠠᠷᠤᠭᠠ ᠲᠡᠭᠡᠷᠡ ᠡᠴᠡ ᠰᠤᠶᠤᠯᠤᠨ ᠴᠡᠴᠡᠭᠯᠡᠯ ᠬᠦᠭᠵᠢᠯᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠬᠤ᠂ ᠰᠤᠶᠤᠯᠤᠨ ᠬᠦᠴᠦᠷᠭᠡᠭ ᠤᠯᠤᠰᠢ ᠪᠦᠳᠦᠭᠡᠨ ᠪᠠᠢᠭᠤᠯᠬᠤ᠂ ᠲᠤᠮᠳᠠᠳᠤᠶᠢᠨ ᠦᠨᠳᠦᠰᠦᠳᠡᠨ ᠦ ᠤᠳᠤ ᠦᠶᠡᠶᠢᠨ ᠪᠤᠯᠪᠠᠰᠤᠨᠢ ᠪᠠᠢᠭᠤᠯᠬᠤ ᠡᠨᠡ ᠬᠦ᠌ ᠰᠤᠶᠤᠯᠤᠨ ᠰᠢᠨᠡ ᠡᠬᠦᠷᠭᠡᠶᠢᠨ ᠲᠤᠭᠤᠷᠢᠨᠳᠤ᠂ ᠰᠤᠶᠤᠯᠤᠨ ᠲᠠᠯᠠ ᠪᠡᠷ ᠦᠪᠡᠷᠢ ᠪᠠᠨ ᠬᠦᠴᠦᠷᠭᠡᠭᠵᠢᠬᠦᠯᠬᠦᠶᠢ ᠪᠠᠳᠤᠳᠬᠠᠵᠤ᠂ ᠰᠤᠶᠤᠯᠤᠨ ᠬᠦᠭᠵᠢᠯᠳᠡᠶᠢᠨ ᠵᠢᠮᠡ ᠶᠤᠰᠤᠶᠢ ᠡᠵᠡᠮᠳᠡᠵᠦ᠂ ᠪᠤᠳᠠᠳᠤ ᠪᠠᠢᠳᠠᠯ ᠲᠠᠢ ᠪᠠᠨ ᠨᠢᠬ᠍ᠳᠠ ᠤᠶᠠᠯᠳᠤᠭᠤᠯᠵᠤ᠂ ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯᠤᠨ ᠲᠦᠷᠦᠯ ᠲᠡᠮᠳᠡᠭᠢ ᠡᠭᠦᠳᠴᠦ᠂ ᠲᠤᠮᠳᠠᠳᠤᠶᠢᠨ ᠦᠨᠳᠦᠰᠦᠳᠡᠨᠦ ᠤᠳᠤ ᠦᠶᠡᠶᠢᠨ ᠪᠤᠯᠪᠠᠰᠤᠨᠦ ᠦᠪᠦᠷ ᠮᠤᠩᠭᠤᠯᠤᠨ ᠬᠠᠭᠤᠳᠠᠰᠤᠶᠢ ᠴᠢᠷᠮᠠᠢᠨ ᠪᠢᠴᠢᠭᠯᠡᠨᠡ ᠭᠡᠵᠦ ᠳᠤᠷᠠᠳᠤᠬ᠍ᠰᠠᠨ ᠠᠭᠤᠯᠤᠬ᠍ᠳᠠᠬᠤᠨᠳᠤ ᠦᠨᠳᠦᠰᠦᠯᠡᠨ ᠮᠡᠳᠡᠭᠡᠯᠡᠯᠦᠨ ᠴᠢᠭ ᠱᠤᠭᠤᠮᠢᠶᠠᠨ ᠲᠤᠬ᠍ᠳᠠᠭᠠᠵᠤ᠂ ᠮᠠᠨᠤ ᠬᠤᠰᠢᠭᠤᠨᠤᠪᠡᠨ ᠰᠤᠶᠤᠯ ᠲᠡᠤᠭᠡᠶᠢᠨ ᠪᠤᠳᠠᠳᠤ ᠪᠠᠢᠳᠠᠯᠳᠤ ᠰᠠᠭᠤᠷᠢᠯᠠᠨ ᠨᠡᠪᠳᠡᠷᠡᠭᠦᠯᠭᠡ ᠪᠠᠨ ᠰᠤᠷᠪᠤᠯᠵᠢᠯᠠᠭᠠ ᠶᠠᠷᠢᠯᠴᠠᠭᠠ᠂ ᠵᠢᠷᠤᠭ ᠰᠡᠭᠦᠳᠡᠷ᠂ ᠦᠰᠦᠭ ᠪᠢᠴᠢᠭ ᠵᠡᠷᠭᠡ ᠤᠯᠠᠨ ᠬᠡᠯᠪᠡᠷᠢᠪᠠᠷ ᠰᠢᠩᠭᠡᠭᠡᠨ ᠦᠢᠯᠡᠳᠴᠦ᠂ ᠮᠠᠨᠤ ᠨᠤᠳᠤᠭᠤᠨ ᠡᠷᠳᠡᠮᠳᠡᠨ ᠮᠡᠷᠭᠡᠳ᠂ ᠰᠤᠶᠤᠯᠤᠨ ᠵᠢᠳᠭᠦᠯᠳᠡᠨ᠂ ᠨᠤᠳᠤᠭᠤᠨ ᠠᠬᠠᠮᠠᠳ ᠪᠤᠭᠤᠷᠤᠯᠴᠦᠳ᠂ ᠤᠷᠠᠯᠢᠭ᠋ ᠰᠤᠶᠤᠯᠤᠨ ᠠᠵᠢᠯᠳᠠᠨ ᠵᠡᠷᠭᠡ ᠤᠯᠠᠨ ᠬᠦᠮᠦᠰᠦᠨ ᠬᠠᠯᠠᠭᠤᠨ ᠲᠡᠮᠵᠢᠯᠭᠡᠪᠡᠷ ᠮᠠᠨᠤ ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡ ᠨᠢ ᠢᠯᠭᠤᠮ ᠤᠷᠤᠬ᠍ᠰᠢᠳᠠᠢ ᠶᠠᠪᠤᠬ᠍ᠳᠠᠬ᠍ᠰᠠᠨᠢ ᠡᠨᠳᠡ ᠤᠴᠢᠷᠯᠠᠨ ᠦᠬᠦᠯᠡᠬᠦᠳᠦ ᠲᠠᠭᠠᠳᠠᠢ ᠪᠠᠢᠨᠠ᠃
ᠤᠨ ᠰᠤᠯᠢᠬ᠍ᠳᠠᠬᠤ ᠡᠨᠡ ᠠᠯᠳᠠᠨ ᠮᠦᠴᠡᠪᠡᠷ ᠬᠢᠵᠦ ᠪᠦᠳᠦᠭᠡᠭᠰᠡᠨ ᠠᠵᠢᠯᠢᠶᠠᠨ ᠳ᠋ᠦᠩᠨᠡᠵᠦ᠂ ᠠᠯᠳᠠᠭᠠ ᠤᠨᠤᠭᠠ ᠪᠠᠨ ᠰᠢᠭᠦᠵᠦ ᠰᠠᠭᠤᠬᠤᠳᠤ 《ᠤᠮᠠᠷᠠᠳᠤ ᠬᠢᠯᠢᠶᠢᠨ ᠰᠤᠶᠤᠯ》 ᠰᠢᠷᠢᠰ ᠨᠡᠪᠳᠡᠷᠡᠭᠦᠯᠭᠡ ᠮᠢᠨᠢ ᠴᠠᠯ ᠵᠠᠯᠠᠭᠤᠬᠠᠨ ᠪᠦᠰᠡᠭᠦᠢ ᠬᠦᠮᠦᠨᠦ ᠲᠦᠷᠢ ᠪᠡᠷ ᠰᠡᠳᠬᠢᠯᠳᠦ ᠮᠢᠨᠢ ᠢᠯᠡᠷᠡᠵᠦ᠂ ᠲᠡᠷᠡ ᠠᠯᠬᠤᠵᠤ ᠦᠩᠭᠡᠷᠡᠭᠰᠡᠨ ᠵᠠᠮ ᠮᠦᠷᠲᠦ ᠪᠠᠨ ᠴᠡᠴᠡᠭ ᠤᠷᠭᠤᠭᠤᠯᠤᠨ᠂ ᠬᠦᠰᠡᠨ ᠬᠦᠯᠢᠶᠡᠵᠦ ᠪᠤᠢ ᠢᠷᠡᠬᠦ ᠡᠳᠦᠷᠦᠳᠲᠦ ᠪᠠᠨ ᠪᠠᠰᠠ ᠯᠡ ᠦᠵᠡᠭᠴᠢ ᠲᠦᠮᠡᠨᠦ ᠪᠠᠨ ᠦᠵᠡᠨ ᠪᠠᠬᠠᠷᠬᠠᠬᠤ ᠲᠤᠷᠠᠳᠠᠢ 《ᠰᠤᠶᠤᠯ》ᠤᠨ ᠴᠡᠴᠡᠭᠡᠰᠢ ᠲᠡᠷᠢᠬᠤᠪᠠᠷ ᠵᠤᠷᠢᠭ᠋ ᠰᠢᠯᠤᠭᠤᠬᠠᠨ ᠠᠯᠬᠤᠯᠠᠬ᠍ᠰᠠᠭᠠᠷ ᠪᠠᠢᠨᠠ…

ᠬᠣᠶᠠᠷ ᠬᠡᠮᠵᠢᠯᠲᠦ ᠺᠣᠲᠢ ᠱᠢᠷᠪᠢᠵᠦ᠍ ᠨᠠᠷᠢᠨ ᠠᠭᠤᠯᠭᠠᠶ᠋ᠢ ᠦᠵᠡᠭᠡᠷᠡᠢ!
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃