2021-04-06 10:32:18
ᠤᠶᠢᠷᠠᠳ᠋ᠤ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨᠤ ᠦᠨᠳᠦᠰᠦᠳᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯᠡᠴᠠ ᠪᠦᠬᠦ ᠬᠤᠰᠢᠭᠤᠨᠤ ᠵᠢᠷᠭᠤᠭᠠᠨ ᠭᠠᠴᠠᠭᠠᠨᠳ᠋ᠤ ᠨᠢᠭᠡ ᠭᠠᠷᠠᠭᠤᠨ ᠬᠤᠭᠤᠴᠠᠭᠠᠲᠠᠢ ︽ ᠲᠤᠮᠳᠠᠳᠣᠶᠢᠨ ᠦᠨᠳᠣᠰᠦᠳᠡᠨᠤ ᠬᠠᠮᠳᠦ ᠴᠣᠭᠴᠠᠶᠢᠨ ᠣᠬᠠᠮᠰᠠᠷᠢ ᠪᠠᠳᠣ ᠴᠣᠭᠴᠠᠯᠠᠬᠤ︾ ᠲᠤᠰᠬᠠᠢ ᠰᠡᠳᠣᠪᠳᠦ ᠣᠬᠠᠭᠤᠯᠣᠨ ᠲᠠᠶᠢᠯᠪᠤᠷᠢᠯᠠᠬᠤ ᠬᠦᠳᠡᠯᠭᠡᠭᠡᠨ ᠵᠢᠴᠢ ᠮᠠᠯᠴᠢᠳᠤᠨ ᠲᠠᠭᠤᠨᠤ ᠤᠷᠤᠯᠳᠤᠭᠠᠨ ᠪᠤᠯᠤᠨ ᠮᠡᠳᠡᠯᠭᠡᠶᠢᠨ ᠣᠷᠣᠯᠳᠣᠭᠠᠨᠢ ᠠᠮᠵᠢᠯᠲᠠᠲᠠᠢ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃
ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠳᠠᠶᠢᠨ ᠦᠵᠡᠯ ᠣᠬᠠᠮᠰᠠᠷᠢ ᠣᠯᠠᠮ ᠨᠢᠭᠡ ᠠᠯᠬᠤᠮ ᠬᠦᠨᠵᠡᠬᠡᠶᠢᠷᠡᠭᠦᠯᠬᠦ ᠵᠣᠷᠢᠯᠭᠠᠡᠴᠠ ᠵᠤᠬᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠠᠶᠢᠭᠠ ᠲᠤᠰ ᠣᠳᠠᠭᠠᠨᠤ ᠠᠵᠢᠯᠯᠠᠭᠠᠨᠢ ᠬᠦᠬᠡᠨᠠᠭᠤᠷ ᠪᠠᠯᠭᠠᠰᠤᠨᠤ ᠦᠪᠦᠷᠨᠠᠭᠤᠷ ᠭᠠᠴᠠᠭᠠ᠂ ᠪᠠᠶᠠᠨᠬᠠᠳᠠ ᠰᠤᠮᠤᠨᠤ ᠤᠯᠠᠭᠠᠨᠴᠢᠯᠠᠭᠤ ᠭᠠᠴᠠᠭᠠ ᠪᠤᠯᠤᠨ ᠡᠸᠡᠩᠬᠢ ᠦᠨᠳᠣᠰᠦᠳᠡᠨᠤ ᠰᠣᠮᠣᠶᠢᠨ ᠬᠠᠵᠢ ᠭᠠᠴᠠᠭᠠ ᠵᠡᠷᠭᠡ ᠵᠢᠷᠭᠤᠭᠠᠨ ᠭᠠᠴᠠᠭᠠᠨᠤ ᠮᠠᠯᠴᠢᠳᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠣᠯᠵᠣ᠂ ᠲᠠᠶᠢᠯᠤᠮᠵᠢ ᠰᠣᠨᠣᠰᠴᠣ᠂ ᠲᠠᠭᠤᠨᠤ ᠤᠷᠤᠯᠳᠣᠭᠠᠨᠳ᠋ᠤ ᠣᠷᠣᠯᠴᠠᠬᠤᠪᠠᠷ ᠬᠤᠷᠠᠨ ᠴᠣᠭᠯᠠᠷᠠᠭᠰᠠᠨ ᠪᠠᠶᠢᠨᠠ᠃
ᠲᠤᠰ ᠣᠳᠠᠭᠠᠨᠤ ᠬᠦᠳᠡᠯᠭᠡᠭᠡᠨᠳ᠋ᠤ ᠦᠷᠭᠡᠨ ᠣᠯᠠᠨ ᠮᠠᠯᠴᠢᠳᠤᠨ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯᠤᠨ ᠴᠢᠬᠤᠯᠠ ᠴᠢᠨᠠᠷᠤᠨ ᠲᠤᠬᠠᠢ ᠲᠠᠨᠢᠯᠳᠠᠶᠢ ᠣᠯᠠᠮ ᠴᠢᠨᠠᠭᠰᠢᠳᠠ ᠬᠦᠨᠵᠡᠭᠡᠶᠢᠷᠡᠬᠦᠯᠬᠦᠶᠢᠨ ᠲᠦᠯᠦᠭᠡ᠂ ᠬᠤᠰᠢᠭᠤᠨᠤ ᠨᠠᠮᠤᠨ ᠰᠣᠷᠭᠠᠭᠤᠯᠢᠶᠢᠨ ᠪᠠᠭᠰᠢᠶᠢ ᠣᠷᠢᠨ ᠵᠠᠯᠠᠵᠤ᠂ ︽ ᠲᠤᠮᠳᠠᠳᠣᠶᠢᠨ ᠦᠨᠳᠣᠰᠦᠳᠡᠨᠤ ᠬᠠᠮᠳᠦ ᠴᠣᠭᠴᠠᠶᠢᠨ ᠣᠬᠠᠮᠰᠠᠷᠢ ᠬᠡᠷᠬᠢᠨ ᠪᠤᠢ ᠪᠤᠯᠭᠠᠬᠤ ᠪᠤᠢ︾ ᠬᠡᠬᠦ ᠰᠡᠳᠦᠪᠢᠶᠠᠷ ᠣᠬᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠯᠳᠠ ᠬᠢᠯᠭᠡᠭᠰᠡᠨ ᠪᠠᠶᠢᠨᠠ᠃
ᠤᠬᠠᠭᠤᠯᠤᠨ ᠲᠠᠶᠢᠯᠪᠤᠷᠢᠯᠠᠯᠳᠠᠶᠢᠨ ᠲᠠᠷᠠᠭᠠ᠂ ᠤᠷᠤᠯᠳᠤᠭᠠᠨ ᠬᠦᠷ ᠬᠦᠭᠵᠢᠶᠡᠨᠲᠠᠢ ᠡᠬᠢᠯᠡᠵᠦ᠂ ᠲᠠᠭᠤᠨᠤ ᠤᠷᠤᠯᠳᠤᠭᠠᠨᠳ᠋ᠤ ︽ ᠪᠠᠷᠭᠤᠶᠢᠨ ᠵᠤᠰᠠᠯᠠᠩ ᠮᠡᠷᠭᠡᠯ︾ ᠂ ︽ ᠦᠨᠦᠴᠢᠨ ᠪᠦᠬᠦᠨᠢ ᠲᠡᠮᠵᠢᠶᠡ︾᠂ ︽ ᠪᠠᠷᠤᠶᠢᠭᠠᠳ ᠨᠡᠭᠦᠭᠰᠡᠨ ᠵᠤᠨ︾ ᠵᠡᠷᠭᠡ ᠭᠤᠴᠤ ᠰᠠᠶᠢᠬᠠᠨ ᠲᠠᠭᠤᠤᠪᠠᠷ ᠦᠪᠡᠷ ᠦᠪᠡᠷᠤᠨ ᠠᠪᠢᠶᠠᠰᠢᠶᠡᠨ ᠮᠦᠷᠦᠶᠢᠴᠡᠭᠰᠡᠨ ᠪᠠᠶᠢᠨᠠ᠃
ᠮᠡᠳᠡᠯᠭᠡᠶᠢᠨ ᠣᠷᠣᠯᠳᠣᠭᠠᠨᠳ᠋ᠤ᠂ ᠦᠨᠳᠦᠰᠦᠳᠡᠨᠤ ᠪᠦᠯᠬᠦᠮᠳᠡᠯ ᠲᠠᠪᠰᠢᠯᠲᠠ᠂ ᠮᠤᠩᠭᠤᠯ ᠨᠡᠭᠦᠳᠡᠯ ᠰᠣᠶᠣᠯ᠂ ᠵᠦᠢᠷ ᠰᠡᠴᠡᠨ ᠦᠭᠡ ᠵᠡᠷᠭᠡ ᠡᠯᠪᠡᠭ ᠪᠠᠶᠠᠯᠢᠭ ᠬᠦᠷᠢᠶᠡ ᠴᠠᠷᠠᠡᠴᠠ ᠰᠡᠳᠦᠪ ᠭᠠᠷᠭᠠᠨ᠂ ᠮᠠᠯᠴᠢᠳᠤᠨ ᠣᠶᠣᠨᠢ ᠬᠤᠷᠴᠠᠯᠠᠵᠤ᠂ ᠮᠡᠳᠡᠯᠭᠡᠶᠢᠨ ᠬᠦᠷᠢᠶᠡ ᠬᠡᠪᠴᠢᠶᠡᠶᠢ ᠳᠡᠯᠡᠭᠰᠡᠨ ᠪᠠᠶᠢᠨᠠ᠃

ᠦᠰᠪᠤᠷᠢᠶᠢᠨ ᠨᠠᠰᠣᠨᠤ ᠵᠠᠯᠠᠭᠤᠴᠤᠳ ᠪᠠᠭᠠᠴᠣᠳᠲᠤᠪᠠᠨ ᠲᠤᠮᠳᠠᠳᠣᠶᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠦ ᠴᠣᠭᠴᠠᠶᠢᠨ ᠲᠠᠨᠢᠯᠳᠠᠶᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠪᠠᠳᠣᠵᠢᠭᠤᠯᠬᠤᠶᠢᠨ ᠲᠦᠯᠦᠭᠡ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨᠤ ᠦᠨᠳᠦᠰᠦᠳᠡᠨᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠵᠦᠪᠯᠡᠯᠡᠴᠠ ᠭᠤᠤᠯᠯᠠᠨ ᠡᠷᠬᠢᠯᠡᠵᠤ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨᠤ ᠡᠮᠡᠭᠲᠡᠶᠢᠴᠦᠳᠤᠨ ᠬᠤᠯᠪᠤᠭᠠᠳᠤ ᠬᠤᠷᠠᠯ ᠪᠤᠯᠤᠨ ᠦᠨᠳᠦᠰᠦᠳᠡᠨᠤ ᠲᠤᠮᠳᠠᠳᠣ ᠰᠣᠷᠭᠠᠭᠤᠯᠢᠡᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠭᠰᠡᠨ ︽ ᠲᠤᠮᠳᠠᠳᠣᠶᠢᠨ ᠦᠨᠳᠣᠰᠦᠳᠡᠨᠤ ᠬᠠᠮᠳᠦ ᠴᠣᠭᠴᠠᠶᠢᠨ ᠣᠬᠠᠮᠰᠠᠷᠢ ᠪᠠᠳᠣ ᠴᠣᠭᠴᠠᠯᠠᠬᠤ︾ ᠲᠤᠰᠬᠠᠢ ᠰᠡᠳᠣᠪᠳᠦ ᠣᠬᠠᠭᠤᠯᠣᠨ ᠲᠠᠶᠢᠯᠪᠤᠷᠢᠯᠠᠬᠤ ᠠᠵᠢᠯᠯᠠᠭᠠ ᠵᠢᠴᠢ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨᠤ ᠦᠨᠳᠦᠰᠦᠳᠡᠨᠤ ᠲᠤᠮᠳᠠᠳᠣ ᠰᠣᠷᠭᠠᠭᠤᠯᠢᠶᠢᠨ ᠬᠠᠮᠳᠦᠶᠢᠨ ᠲᠠᠭᠤᠨᠤ ᠤᠷᠤᠯᠳᠤᠭᠠᠨᠢ ᠴᠦ ᠠᠮᠵᠢᠯᠲᠠᠲᠠᠢ ᠶᠠᠪᠤᠭᠳᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠃

ᠤᠷᠤᠯᠳᠦᠭᠠᠨᠳ᠋ᠤ ᠠᠩᠬᠠ ᠨᠢᠭᠡ ᠪᠤᠯᠤᠨ ᠠᠩᠬᠠ ᠬᠤᠶᠠᠳᠣᠭᠠᠷ ᠤᠨᠤ 200 ᠭᠠᠷᠤᠢ ᠰᠤᠷᠤᠭᠴᠢ ᠤᠷᠤᠯᠴᠠᠵᠦ᠂ ᠨᠢᠭᠡᠳᠦᠭᠡᠷ ᠰᠢᠭᠰᠢᠭᠡ ᠣᠷᠣᠯᠳᠣᠭᠠᠨᠳ᠋ᠤ ᠡᠬᠡ ᠤᠯᠤᠰᠢᠶᠡᠨ ᠮᠠᠭᠳᠠᠨ ᠲᠠᠭᠤᠯᠠᠬᠤᠪᠠᠷ ᠭᠤᠤᠯ ᠰᠡᠳᠦᠪᠢᠶᠡᠨ ᠪᠤᠯᠭᠠᠭᠰᠠᠨ ︽ ᠡᠬᠡ ᠣᠯᠣᠰᠢᠶᠡᠨ ᠮᠠᠭᠳᠠᠨ ᠲᠠᠭᠤᠯᠠᠶᠠ︾ ᠭᠡᠬᠦ ᠲᠠᠭᠤᠤᠪᠠᠷ ᠬᠦᠰᠢᠭᠡᠪᠠᠨ ᠢᠷᠠᠵᠤ᠂ ᠬᠤᠶᠠᠳᠣᠭᠠᠷ ᠰᠢᠭᠰᠢᠭᠡ ᠤᠷᠤᠯᠳᠤᠭᠠᠨᠳ᠋ᠤ ᠠᠩᠭᠢ ᠨᠢᠭᠡᠴᠢᠶᠢᠨ ᠦᠪᠡᠷᠰᠡᠳᠤᠨ ᠰᠣᠩᠭᠤᠭᠰᠠᠨ ︽ ᠬᠡᠦᠬᠡᠳ ᠮᠣᠷᠢ ᠬᠤᠶᠠᠷ︾ ᠂ ︽ ᠪᠠᠶᠠᠷᠳᠣ ᠮᠣᠩᠭᠤᠯ ᠣᠷᠣᠨ︾ ᠵᠡᠷᠭᠡ ᠬᠦᠭᠵᠢᠶᠡᠨᠳᠦ ᠲᠠᠭᠤᠤᠪᠠᠨ ᠬᠠᠩᠬᠢᠨᠠᠭᠤᠯᠤᠨ᠂ ᠠᠬᠤᠢ ᠲᠠᠯᠠᠪᠠᠢᠶᠢᠨ ᠪᠠᠭᠰᠢ ᠰᠣᠷᠣᠭᠴᠢᠳ ᠭᠡᠷᠤᠨ ᠠᠬᠠᠮᠠᠳᠤᠨ ᠬᠠᠯᠠᠭᠤᠨ ᠬᠦᠷᠢᠶᠡᠯᠡᠯᠢ ᠣᠯᠣᠭᠰᠠᠨ ᠪᠠᠶᠢᠨᠠ᠃

- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠼᠠᠢ ᠬᠤᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃