2020-05-18 09:37:56
ᠰᠤᠷᠪᠤᠯᠵᠢᠯᠠᠭᠴᠢ ᠦᠩᠭᠡᠶᠢᠨ ᠴᠡᠴᠡᠭᠤᠨ ᠮᠢᠷᠠᠯᠵᠠᠭᠠᠨᠲᠠᠢ ᠦᠵᠡᠮᠵᠢᠳᠦ ᠵᠤᠨᠤ ᠡᠬᠢᠨᠤ ᠨᠢᠭᠡᠨ ᠡᠳᠦᠷ ᠂ ᠲᠦᠩᠯᠢᠶᠤᠤ ᠬᠤᠳᠠᠶᠢᠨ ᠬᠤᠷᠴᠢᠨ ᠲᠤᠭᠤᠷᠢᠭᠤᠨ ᠵᠢᠶᠠᠨ ᠭᠦᠸᠸ ᠬᠤᠢᠳᠦ ᠵᠠᠮᠤᠨ ᠨᠠᠭᠠᠳᠤᠮ ᠵᠠᠩ᠌ ᠦᠢᠯᠡᠶᠢᠨ ᠬᠦᠷᠢᠶᠡᠯᠡᠩᠳ᠋ᠤ ᠬᠦᠷᠴᠦ ᠂ ᠦᠯᠡᠮᠵᠢᠶᠢᠨ ᠴᠢᠷᠮᠠᠢᠯᠭᠠᠪᠠᠷᠢᠶᠡᠨ ᠦᠨᠳᠦᠰᠦᠳᠡᠨᠤ ᠦᠪ ᠰᠤᠶᠤᠯᠢᠶᠡᠨ ᠤᠯᠠᠮᠵᠢᠯᠠᠨ ᠲᠡᠯᠭᠡᠷᠡᠭᠦᠯᠵᠦ ᠂ ᠦᠯᠦᠭᠡᠢ ᠨᠤᠳᠤᠭᠲᠠᠭᠠᠨ ᠦᠢᠯᠡᠰᠤᠨ ᠠᠮᠵᠢᠯᠳᠠᠪᠠᠨ ᠰᠦᠮᠪᠦᠷᠯᠡᠭᠦᠯᠵᠦ ᠶᠠᠪᠤᠭᠠ ︽ ᠰᠤᠶᠤᠯ ᠮᠤᠩᠭᠤᠯ ᠵᠢᠷᠤᠭᠯᠠᠯ ︾ᠤᠨ ᠲᠠᠭᠠᠭᠠᠮᠠᠯ ᠰᠠᠴᠤᠷᠠᠯᠳᠤᠶᠢ ᠰᠤᠷᠪᠤᠯᠵᠢᠯᠠᠯᠠ ᠃
ᠰᠤᠷᠪᠤᠯᠵᠢᠯᠠᠭᠴᠢ ︽ ᠰᠤᠶᠤᠯ ᠮᠤᠩᠭᠤᠯ ᠵᠢᠷᠤᠭᠯᠠᠯ ︾ᠤᠨ ᠡᠭᠦᠳᠡᠪᠠᠷ ᠠᠯᠬᠤᠨ ᠤᠷᠤᠬᠤᠶᠠ ᠂ ᠭᠡᠷᠡᠮ ᠬᠠᠨᠠ ᠲᠡᠭᠡᠷᠠ ᠡᠯᠭᠦᠭᠰᠡᠨ ᠮᠤᠩᠭᠤᠯ ᠵᠠᠰᠠᠯ ᠵᠢᠮᠰᠡᠭᠢᠶᠠᠷᠢᠶᠡᠨ ᠭᠤᠶᠤᠯᠠᠭᠰᠠᠨ ᠠᠮᠠᠷᠠᠭ ᠬᠤᠤᠰᠤᠨ ᠭᠡᠷᠡᠯ ᠵᠢᠷᠤᠭ ᠂ ᠦᠩᠭᠡᠶᠢᠨ ᠰᠠᠢᠬᠠᠨ ᠲᠡᠷᠯᠢᠭ ᠡᠮᠦᠰᠦᠭᠰᠡᠨ ᠭᠡᠷ ᠪᠦᠯᠢᠶᠢᠨ ᠭᠡᠷᠡᠯ ᠵᠢᠷᠤᠭ ᠂ ᠦᠵᠡᠮᠵᠢᠳᠦ ᠬᠤᠷᠴᠢᠨᠤ ᠭᠠᠩᠭᠠᠩ᠌ ᠪᠠᠢᠭᠠᠯᠢᠶᠢ ᠲᠤᠰᠬᠠᠭᠰᠠᠨ ᠤᠷᠠᠯᠢᠭ ᠰᠠᠢᠬᠠᠨ ᠭᠡᠷᠡᠯ ᠵᠢᠷᠤᠭᠤᠳᠨᠢ ᠬᠠᠷᠠᠭᠠᠶᠢ ᠪᠤᠯᠢᠶᠠᠨᠡ ᠃ ᠰᠠᠴᠤᠷᠠᠯᠳᠤᠲᠠᠢ ᠭᠠᠷ ᠠᠳᠬᠤᠨ ᠮᠡᠨᠳᠦᠴᠢᠯᠡᠨ ᠵᠤᠯᠭᠠᠵᠤ ᠂ ᠵᠤᠭᠤᠭᠳᠠᠬᠤ ᠵᠠᠭᠤᠷᠠ ᠡᠳᠡᠭᠡᠷ ᠪᠦᠬᠦᠨᠨᠢ ᠲᠠᠭᠦᠨᠤ ᠤᠷᠠᠨ ᠪᠦᠲᠦᠭᠡᠯ ᠪᠤᠯᠬᠤᠶᠢ ᠤᠬᠠᠵᠠᠢ ᠃
ᠰᠠᠴᠤᠷᠠᠯᠳᠤ ᠪᠤᠯ ᠪᠤᠷᠤᠭᠵᠢᠭᠤᠨ ᠂ ᠶᠤᠰᠤᠷᠬᠠᠭ ᠂ ᠬᠠᠯᠠᠭᠤᠮᠰᠤᠭ ᠵᠠᠩᠲᠠᠢ ᠵᠠᠯᠠᠭᠤ ᠭᠡᠭᠴᠢᠨᠢ ᠭᠠᠳᠠᠷᠯᠠᠭᠳᠠᠨᠠ ᠃ ᠲᠡᠷᠡ ᠡᠨᠡ ᠵᠢᠯ 37 ᠨᠠᠰᠤᠳᠠᠢ ᠃ 2002 ᠤᠨᠳ᠋ᠤ ᠰᠠᠴᠤᠷᠠᠯᠳᠤ ᠦᠨᠳᠦᠷ ᠲᠤᠮᠳᠠᠳᠤᠪᠠᠨ ᠲᠡᠭᠦᠰᠦᠭᠡᠳ ᠂ ᠰᠢᠯᠢᠳᠡᠭ ᠬᠢᠷᠢ ᠪᠦᠲᠦᠮᠵᠢᠪᠠᠷ ᠦᠪᠦᠷ ᠮᠤᠩᠭᠤᠯᠤᠨ ᠠᠵᠤ ᠦᠢᠯᠡᠳᠪᠦᠷᠢᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠲᠤᠭᠠᠨᠤ ᠤᠬᠠᠭᠠᠨᠤ ᠰᠠᠯᠪᠤᠷᠢᠳ᠋ᠤ ᠰᠢᠯᠭᠠᠭᠤᠯᠤᠨ ᠤᠷᠤᠪᠠ ᠃ ᠲᠡᠷᠡ ᠲᠠᠪᠤᠨ ᠵᠢᠯᠤᠨ ᠤᠶᠤᠳᠠᠨᠤ ᠠᠮᠢᠳᠤᠷᠠᠯᠢᠶᠡᠨ ᠲᠠᠯᠠᠭᠠᠷ ᠦᠩᠭᠡᠷᠡᠭᠡᠭᠰᠡᠨ ᠦᠭᠡᠢ ᠂ ᠦᠪ ᠰᠤᠶᠤᠯᠳᠠᠭᠠᠨ ᠤᠬᠠᠭᠠᠨ ᠲᠠᠮᠢᠷᠢᠶᠡᠨ ᠡᠷᠭᠦᠬᠦ ᠬᠦᠰᠡᠯ ᠪᠤᠳᠤᠯᠢ ᠡᠪᠦᠷᠯᠡᠵᠦ ᠂ ᠤᠶᠤᠳᠠᠨᠤ ᠠᠮᠢᠳᠤᠷᠠᠯᠢᠶᠡᠨ ᠡᠬᠢᠯᠡᠭᠦᠯᠦᠮᠡᠭᠴᠡ ᠲᠤᠰᠬᠠᠢ ᠮᠡᠷᠭᠡᠵᠢᠯᠢᠶᠡᠨ ᠰᠠᠢᠨ ᠰᠤᠷᠤᠭᠰᠠᠨᠡᠴᠠ ᠭᠠᠳᠠᠨᠠ ᠪᠠᠰᠠ ᠺᠤᠮᠫᠢᠦ᠋ᠲ᠋ᠧᠷ ᠂ ᠢᠡᠲ᠋ᠸᠷ ᠰᠦᠯᠵᠢᠶᠠᠶᠢᠨ ᠬᠠᠮᠢᠶᠠᠲᠠᠢ ᠬᠢᠴᠢᠶᠡᠯᠢᠲᠠᠭᠠᠨ ᠰᠤᠷᠴᠤ ᠂ ᠪᠡᠶᠠᠪᠠᠨ ᠲᠠᠭᠠᠭᠠᠵᠤ ᠰᠤᠷᠤᠯᠴᠠᠨ ᠡᠵᠡᠮᠰᠢᠵᠤ ᠂ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠭᠤᠷᠪᠠᠳᠤᠭᠠᠷ ᠤᠨᠤ ᠦᠶᠠᠳ᠋ᠡᠭᠡᠨ ︽ ᠮᠤᠩᠭᠤᠯ ᠰᠦᠯᠵᠢᠶᠠ ︾ ᠭᠡᠬᠦ ᠮᠤᠩᠭᠤᠯ ᠵᠠᠯᠠᠭᠤᠷᠢ ᠵᠤᠬᠢᠶᠠᠵᠤ ᠂ ᠮᠤᠩᠭᠤᠯ ᠰᠦᠯᠵᠢᠶᠡᠨ ᠠᠠᠳᠡᠳ᠋ᠤ ᠠᠱᠢᠭᠦᠢ ᠰᠠᠢᠨ ᠦᠢᠯᠡ ᠬᠢᠭᠰᠡᠨ ᠪᠠᠢᠯᠠ ᠃ ᠲᠡᠷᠡ ᠤᠷᠢᠳ ᠬᠤᠵᠢᠳ ᠰᠤᠶᠤᠯ ᠰᠦᠯᠵᠢᠶᠠ ᠂ ᠲᠠᠭᠤᠤᠳ᠋ᠤ ᠤᠶᠠᠷᠠᠬᠤ ᠬᠤᠷ ᠣᠠ ᠂ ᠡᠬᠡ ᠬᠡᠯᠡ ᠂ ᠪᠡᠭᠡᠵᠢᠩᠤᠨ ᠮᠤᠩᠭᠤᠯ ᠬᠡᠯᠡ ᠰᠤᠶᠤᠯᠤᠨ ᠠᠩᠬᠢ ᠂ ᠰᠠᠢᠬᠠᠨ ᠰᠦᠯᠵᠢᠶᠠ ᠵᠡᠷᠭᠡ ᠮᠤᠩᠭᠤᠯ ᠰᠦᠯᠵᠢᠶᠠᠨᠦᠭᠦᠳᠢ ᠡᠭᠦᠰᠭᠡᠨ ᠪᠠᠢᠭᠤᠯᠵᠤ ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠰᠤᠶᠤᠯ ᠲᠡᠦᠭᠡᠪᠠᠨ ᠦᠪᠯᠡᠵᠤ ᠤᠯᠠᠮᠵᠢᠯᠠᠨ ᠲᠡᠯᠭᠡᠷᠡᠭᠦᠯᠵᠦ ᠂ ᠦᠡᠳᠤᠰᠤᠳᠠᠨᠤ ᠦᠪ ᠰᠤᠶᠤᠯᠤᠨ ᠴᠠᠭ ᠦᠶᠠᠲᠠᠢ ᠬᠠᠮᠳᠤᠪᠠᠷ ᠤᠷᠤᠭᠰᠢᠯᠠᠬᠤᠳ᠋ᠤ ᠴᠢᠬᠤᠯᠠ ᠬᠤᠪᠢ ᠨᠡᠮᠡᠷᠢ ᠦᠵᠡᠭᠦᠯᠦᠭᠰᠡᠨ ᠪᠢᠯᠡ ᠃
ᠮᠡᠳᠡᠯᠭᠡᠶᠢᠨ ᠲᠠᠯᠠᠢᠳ᠋ᠤ ᠱᠤᠩᠪᠠᠨ ᠂ ᠮᠡᠷᠭᠡᠵᠢᠯᠤᠨ ᠢᠯᠳᠦᠪᠠᠨ ᠬᠤᠷᠴᠠᠯᠠᠬᠤᠶᠢᠨ ᠲᠦᠯᠦᠭᠡ ᠂ ᠶᠡᠬᠡ ᠰᠤᠷᠭᠠᠭᠤᠯᠢᠪᠠᠨ ᠲᠡᠭᠦᠰᠦᠭᠰᠡᠨ ᠰᠠᠴᠤᠷᠠᠯᠳᠤ ᠲᠤᠮᠤ ᠬᠤᠳᠠᠳ᠋ᠤ ᠠᠵᠢᠯᠯᠠᠵᠤ ᠂ ᠬᠠᠷᠠᠭᠠᠪᠠᠨ ᠦᠷᠭᠡᠳᠭᠡᠬᠦᠪᠠᠷ ᠪᠤᠯᠵᠠᠢ ᠃ ᠲᠡᠷᠡ ᠠᠯᠢ ᠤᠯᠠᠨ ᠭᠢᠯᠠᠯᠵᠠᠮᠠ ᠠᠮᠵᠢᠯᠳᠠᠶᠢ ᠲᠡᠮᠳᠡᠭᠯᠡᠭᠰᠡᠨ ᠬᠤᠪᠢᠶᠢᠨ ᠨᠠᠮᠳᠠᠷᠢᠶᠠᠷᠢᠶᠡᠨ ᠤᠷᠤᠨᠤ ᠲᠤᠳᠤᠨᠠ ᠭᠠᠳᠠᠨᠠᠬᠢ ᠠᠯᠢ ᠤᠯᠠᠨ ᠠᠵᠤ ᠠᠬᠤᠢᠯᠠᠯ ᠠᠵᠢᠯ ᠦᠢᠯᠡᠰᠤᠨ ᠨᠢᠭᠡᠴᠡᠳ᠋ᠤ ᠠᠵᠢᠯᠯᠠᠬᠤ ᠪᠤᠯᠤᠮᠵᠢ ᠪᠠᠢᠭᠰᠠᠨ ᠪᠤᠯᠪᠠᠴᠤ ᠂ ᠲᠡᠷᠡ ᠪᠡᠭᠡᠵᠢᠩᠤᠨ ᠬᠤᠧᠠᠨ ᠶᠠ ᠱᠢ ᠳ᠋ᠠᠢ ᠮᠡᠳᠡᠭᠡ ᠵᠠᠩᠬᠢᠶᠢᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢᠳ᠋ᠤ ᠠᠵᠢᠯᠤᠨ ᠭᠠᠷᠤᠭᠠᠪᠠᠨ ᠠᠪᠴᠡᠢ ᠃ ᠰᠠᠴᠤᠷᠠᠯᠳᠤ ᠲᠤᠰ ᠨᠡᠷᠡᠳᠦ ᠺᠤᠮᠫᠠᠨᠢᠳ᠋ᠤ ᠪᠠᠢᠬᠤ ᠬᠤᠭᠤᠴᠠᠭᠠᠨᠳᠠᠭᠠᠨ ᠦᠢᠯᠡᠳᠦᠯᠭᠡ ᠲᠤᠮᠳᠠᠪᠠᠨ ᠮᠡᠷᠭᠡᠵᠢᠯᠢᠶᠡᠨ ᠲᠡᠭᠡᠭᠰᠢᠯᠡᠭᠦᠯᠵᠤ ᠂ ᠤᠯᠠᠨ ᠤᠯᠠᠨ ᠰᠤᠷᠤᠯᠴᠠᠬᠤ ᠵᠠᠪᠰᠢᠶᠠᠨ ᠤᠯᠵᠠᠢ ᠃ ᠰᠠᠴᠤᠷᠠᠯᠳᠤ ᠨᠤᠮ ᠪᠢᠴᠢᠭᠲᠠᠢ ᠬᠠᠨᠢᠯᠠᠵᠤ ᠂ ᠮᠡᠳᠡᠯᠭᠡᠪᠠᠨ ᠬᠦᠨᠵᠡᠭᠡᠢᠷᠡᠭᠦᠯᠬᠦᠪᠠᠷ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠢᠴᠢᠶᠡᠯᠢ ᠴᠤᠲᠠᠭᠠᠨ ᠰᠤᠷᠤᠯᠴᠠᠵᠤ ᠪᠠᠢᠪᠠ ᠃ ᠮᠡᠳᠡᠯᠭᠡ ᠴᠢᠳᠠᠪᠤᠷᠢᠶᠢᠨ ᠲᠡᠭᠡᠭᠰᠢᠯᠡᠭᠦᠶᠢ ᠲᠠᠭᠠᠯᠳᠤᠨ ᠂ ᠲᠡᠷᠡ ᠤᠳᠤᠬᠢ ᠪᠠᠢᠳᠠᠯᠳᠠᠭᠠᠨ ᠰᠡᠳᠭᠢᠯ ᠬᠠᠨᠤᠬᠤ ᠦᠭᠡᠢ ᠪᠤᠯᠵᠤ ᠂ ᠪᠡᠭᠡᠵᠢᠩᠤᠨ ᠱᠧᠩ ᠱᠢ ᠵᠠᠷ ᠮᠡᠳᠡᠭᠡᠶᠢᠨ ᠬᠢᠵᠠᠭᠠᠷᠳᠤ ᠺᠤᠮᠫᠠᠨᠢᠳ᠋ᠤ ᠠᠵᠢᠯ ᠰᠢᠯᠵᠢᠪᠠ ᠃ ᠡᠨᠡ ᠬᠦ ᠰᠢᠨᠠ ᠰᠡᠪᠡᠭᠦᠨ ᠮᠦᠷᠳᠡᠭᠡᠨ ᠭᠤᠸᠠ ᠰᠠᠢᠬᠠᠨᠤ ᠮᠡᠳᠡᠷᠡᠮᠵᠢᠳ᠋ᠤ ᠴᠢᠩᠭᠠ ᠱᠠᠭᠠᠷᠳᠠᠯᠭᠠᠲᠠᠢ ᠠᠵᠢᠯᠨᠢ ᠲᠡᠭᠦᠨᠤ ᠲᠤᠷᠠ ᠪᠠᠬᠠᠶᠢ ᠲᠠᠬᠢᠨ ᠰᠡᠷᠭᠦᠭᠡᠭᠰᠡᠨ ᠪᠠᠢᠨᠠ ᠃ ᠶᠠᠭ ᠲᠤᠰ ᠺᠤᠮᠫᠠᠨᠢᠳ᠋ᠤ ᠤᠷᠤᠵᠤ ᠠᠵᠢᠯᠯᠠᠭᠰᠠᠨᠨᠢ ᠲᠡᠭᠦᠨᠤ ᠬᠤᠵᠢᠮ ᠬᠤᠢᠰᠢᠳᠠ ᠨᠤᠳᠤᠭᠲᠠᠭᠠᠨ ᠪᠤᠴᠠᠵᠤ ᠂ ᠦᠢᠯᠡᠰ ᠪᠤᠰᠬᠠᠬᠤᠳ᠋ᠤᠨᠢ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠪᠠᠢᠨᠠ ᠃ ︽ ᠨᠢᠳᠤ ᠢᠷᠮᠡᠬᠦ ᠵᠠᠭᠤᠷᠠ ᠪᠡᠭᠡᠵᠢᠩᠳ᠋ᠤ ᠠᠵᠢᠯᠯᠠᠭᠠᠳ 10 ᠵᠢᠯ ᠪᠤᠯᠴᠢᠬᠠᠵᠠᠢ ᠂ ᠡᠨᠡ ᠬᠦ ᠬᠤᠭᠤᠴᠠᠭᠠᠨᠳ᠋ᠤ ᠠᠵᠢᠯᠤᠨ ᠴᠢᠬᠤᠯᠠᠴᠢᠯᠠᠭᠠᠡᠴᠠ ᠤᠯᠤᠰᠤᠨ ᠲᠤᠳᠤᠷᠠᠬᠢ ᠲᠤᠮᠤ ᠲᠤᠮᠤ ᠬᠤᠳᠠᠪᠠᠷ ᠪᠦᠷ ᠶᠠᠪᠤᠯᠠ ᠂ ᠦᠵᠡᠭᠰᠡᠨ ᠵᠦᠢᠯᠡᠰ ᠤᠯᠠᠨ ᠪᠠᠢᠨᠠ ᠂ ᠰᠤᠷᠤᠭᠰᠠᠨ ᠮᠡᠳᠡᠯᠭᠡ ᠮᠤᠩ᠌ ᠦᠭᠡᠢ ᠂ ᠤᠳᠤ ᠡᠷᠳᠡ ᠡᠳᠦᠷ ᠨᠤᠳᠤᠭᠲᠠᠭᠠᠨ ᠬᠠᠷᠢᠵᠤ ᠦᠢᠯᠡᠰ ᠪᠤᠰᠬᠠᠶᠠ ︾ ᠭᠡᠵᠦ ᠪᠤᠳᠤᠬᠰᠠᠨ ᠰᠠᠴᠤᠷᠠᠯᠳᠤ ᠮᠤᠩᠭᠤᠯ ᠵᠢᠷᠤᠭᠯᠠᠯ ᠡᠷᠬᠢᠯᠡᠬᠦᠪᠠᠷ ᠪᠤᠯᠵᠠᠢ ᠃ ᠮᠤᠩᠭᠤᠯ ᠵᠢᠷᠤᠭᠯᠠᠯᠢᠶᠡᠨ ᠴᠢᠨᠠᠷ ᠰᠠᠢᠳᠠᠢ ᠡᠷᠬᠢᠯᠡᠬᠦᠶᠢᠨ ᠲᠦᠯᠦᠭᠡ ᠂ ᠲᠡᠷᠡ ᠪᠠᠰᠠ ᠲᠧᠯᠧᠢᠰ ᠬᠤᠷᠢᠶᠠᠪᠠᠷ ᠠᠵᠢᠯᠯᠠᠵᠤ ᠂ ᠪᠤᠳᠠᠳᠠᠢ ᠲᠤᠷᠰᠢᠯᠭᠠ ᠬᠤᠷᠠᠮᠳᠤᠭᠤᠯᠵᠤ ᠶᠠᠪᠤᠵᠠᠢ ᠃ ᠰᠠᠴᠤᠷᠠᠯᠳᠤ ᠪᠠᠭᠠᠡᠴᠠᠪᠠᠨ ᠵᠢᠷᠤᠭ ᠵᠢᠷᠤᠬᠤ ᠠᠪᠢᠶᠠᠰᠲᠠᠢ ᠪᠠᠢᠵᠤ ᠂ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢᠳ᠋ᠤ ᠪᠠᠢᠬᠤᠳᠠᠭᠠᠨ ᠤᠯᠠᠨ ᠠᠷᠪᠢᠨ ᠱᠠᠩᠨᠠᠯ ᠬᠦᠬᠢᠭᠦᠯᠦᠯ ᠬᠦᠷᠳᠡᠵᠦ ᠪᠠᠢᠭᠰᠠᠨ ᠤᠴᠢᠷᠡᠴᠠ ᠲᠡᠭᠦᠨᠤ ᠭᠤᠸᠠ ᠰᠠᠢᠬᠠᠨᠤ ᠮᠡᠳᠡᠷᠡᠮᠵᠢ ᠤᠨᠴᠠ ᠰᠠᠢᠨ ᠪᠠᠢᠵᠤ ᠂ ᠵᠢᠷᠤᠭᠯᠠᠭᠠᠴᠢᠶᠢᠨ ᠠᠪᠢᠶᠠᠰᠢ ᠪᠦᠷᠢᠯᠳᠤᠬᠦᠯᠵᠠᠢ ᠃
ᠨᠢᠳᠤᠨᠤᠨᠤ 4 ᠰᠠᠷᠠᠳ᠋ᠤ ᠂ ᠮᠤᠩᠭᠤᠯ ᠰᠤᠶᠤᠯᠢᠶᠡᠨ ᠮᠤᠯᠤᠷ ᠡᠷᠳᠡᠨᠢ ᠭᠡᠵᠦ ᠲᠡᠭᠡᠳᠦᠯᠡᠳᠡᠭ ᠰᠠᠴᠤᠷᠠᠯᠳᠤᠶᠢᠨ ︽ ᠰᠤᠶᠤᠯ ᠮᠤᠩᠭᠤᠯ ᠵᠢᠷᠤᠭᠯᠠᠯ ︾ᠨᠢ ᠡᠷᠦᠭᠡᠪᠠᠨ ᠰᠡᠭᠦᠵᠤ ᠡᠵᠡᠩᠨᠡᠯᠳᠡᠪᠠᠨ ᠡᠬᠢᠯᠡᠭᠦᠯᠵᠡᠢ ᠃ ︽ ᠰᠤᠶᠤᠯ ᠮᠤᠩᠭᠤᠯ ᠵᠢᠷᠤᠭᠯᠠᠯ ︾ ᠮᠤᠩᠭᠤᠯ ᠨᠤᠳᠤᠭᠤᠨ ᠦᠩᠭᠡ ᠦᠵᠡᠮᠵᠢᠳ᠋ᠤ ᠰᠠᠭᠤᠷᠢᠯᠠᠨ ᠂ ᠦᠨᠳᠦᠰᠦᠳᠡᠨᠤ ᠰᠤᠶᠤᠯ ᠂ ᠵᠠᠩ᠌ ᠦᠢᠯᠡ ᠂ ᠮᠤᠩᠭᠤᠯ ᠬᠤᠪᠴᠠᠰᠤ ᠵᠠᠰᠠᠯᠢ ᠬᠡᠷᠡᠯ ᠵᠢᠷᠤᠭᠢᠶᠠᠷ ᠵᠢᠷᠤᠭᠯᠠᠨ ᠲᠡᠮᠳᠡᠭᠯᠡᠵᠤ ᠂ ᠤᠳᠤᠶᠢᠨ ᠬᠦᠮᠦᠰᠤᠨ ᠭᠤᠸᠠ ᠰᠠᠢᠬᠠᠨᠤ ᠬᠦᠬᠡᠭᠡᠴᠡᠯᠳᠦᠯᠢ ᠬᠠᠩᠭᠠᠬᠤᠶᠢᠨ ᠲᠠᠭᠠᠤ ᠦᠨᠳᠦᠰᠦᠳᠡᠨᠤ ᠤᠨᠴᠠᠯᠢᠭᠳᠤ ᠰᠤᠶᠤᠯᠢᠶᠡᠨ ᠲᠡᠯᠭᠡᠷᠡᠭᠦᠯᠬᠦ ᠵᠤᠷᠢᠯᠭᠠᠲᠠᠢ ᠪᠠᠢᠭᠤᠯᠵᠠᠢ ᠃ ︽ ᠰᠤᠶᠤᠯ ᠮᠤᠩᠭᠤᠯ ᠵᠢᠷᠤᠭᠯᠠᠯ ︾ ᠮᠤᠩᠭᠤᠯ ᠭᠡᠷᠤᠨ ᠬᠠᠨᠠ ᠂ ᠠᠶᠠᠭᠠᠨ ᠬᠤᠷᠭᠤ ᠂ ᠠᠪᠳᠠᠷᠠ ᠵᠡᠷᠭᠡ ᠮᠤᠩᠭᠤᠯ ᠤᠨᠴᠠᠯᠢᠭᠳᠤ ᠠᠷᠤ ᠦᠵᠡᠮᠵᠢᠲᠠᠢ ᠂ ᠮᠤᠩᠭᠤᠯ ᠠᠮᠢᠳᠤᠷᠠᠯᠢ ᠬᠠᠷᠠᠭᠤᠯᠤᠭᠰᠠᠨ ᠭᠡᠷᠡᠯ ᠵᠢᠷᠤᠭ ᠠᠪᠬᠤ ᠪᠦᠷᠢᠨ ᠨᠦᠬᠦᠴᠡᠯ ᠪᠤᠯᠤᠮᠵᠢᠶᠢ ᠪᠦᠷᠢᠯᠳᠦᠭᠦᠯᠵᠤ ᠂ ᠭᠤᠤᠯᠳᠠᠭᠤ ᠬᠤᠷᠢᠮ ᠨᠠᠢᠷᠤᠨ ᠭᠡᠷᠡᠯ ᠵᠢᠷᠤᠭ ᠂ ᠲᠦᠷᠢ ᠰᠢᠩᠭᠡᠭᠡᠯᠳᠡ ᠂ ᠭᠡᠷ ᠪᠦᠯᠢᠶᠢᠨ ᠭᠡᠷᠡᠯ ᠵᠢᠷᠤᠭ ᠵᠡᠷᠭᠡ ᠵᠢᠷᠤᠭ ᠰᠡᠭᠦᠳᠡᠷ ᠠᠪᠬᠤ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠠᠢᠨᠠ ᠃ ᠰᠠᠴᠤᠷᠠᠯᠳᠤᠶᠢᠨ ᠲᠠᠳᠠᠭᠰᠠᠨ ᠭᠡᠷᠡᠯ ᠵᠢᠷᠤᠭ ᠂ ᠲᠦᠷᠢ ᠰᠢᠩᠭᠡᠭᠡᠯᠳᠡᠨᠢ ᠮᠤᠩᠭᠤᠯ ᠨᠤᠳᠤᠭᠤᠨ ᠲᠠᠩᠰᠤᠭ ᠰᠠᠢᠬᠠᠨ ᠪᠠᠢᠭᠠᠯᠢᠶᠢᠨ ᠦᠵᠡᠮᠵᠢ ᠂ ᠦᠨᠳᠦᠰᠦᠳᠡᠨᠤ ᠬᠤᠪᠴᠠᠰᠤ ᠵᠠᠰᠠᠯ ᠂ ᠵᠠᠩ᠌ ᠦᠢᠯᠡ ᠂ ᠤᠷᠠᠯᠢᠭᠤᠨ ᠰᠠᠢᠬᠠᠨᠢ ᠤᠶᠠᠯᠳᠤᠭᠤᠯᠤᠭᠰᠠᠨ ᠵᠡᠷᠭᠡ ᠤᠨᠴᠠᠯᠢᠭᠲᠠᠢ ᠃
ᠰᠠᠴᠤᠷᠠᠯᠳᠤ ᠮᠤᠩᠭᠤᠯ ᠵᠢᠷᠤᠭᠯᠠᠯ ᠡᠷᠬᠢᠯᠡᠬᠦᠳ᠋ᠡᠭᠡᠨ ᠰᠢᠷᠭᠠᠭᠤ ᠬᠦᠳᠡᠯᠮᠦᠷᠢ ᠂ ᠰᠤᠳᠤᠨ ᠭᠡᠷᠡᠯ ᠵᠢᠷᠤᠭ ᠪᠤᠯᠤᠨ ᠲᠦᠷᠢ ᠰᠢᠩᠭᠡᠭᠡᠯᠳᠡ ᠂ ᠴᠢᠨᠠᠷᠯᠢᠭ ᠦᠢᠯᠡᠴᠢᠯᠡᠭᠡᠶᠢ ᠠᠵᠢᠯ ᠦᠢᠯᠡᠰᠤᠨᠢᠶᠡᠨ ᠠᠮᠢᠨ ᠰᠤᠳᠠᠰᠤ ᠪᠤᠯᠭᠠᠵᠤ ᠂ ᠪᠤᠰᠤᠳᠡᠴᠠ ᠢᠯᠭᠠᠭᠳᠠᠭᠰᠠᠨ ᠦᠨᠳᠦᠰᠦᠳᠡᠨᠤ ᠤᠨᠴᠠᠯᠢᠭ ᠂ ᠭᠠᠷᠰᠢᠨ ᠮᠡᠷᠭᠡᠰᠢᠭᠰᠡᠨ ᠰᠡᠭᠦᠳᠡᠷᠯᠡᠬᠦ ᠤᠷᠠ ᠮᠡᠷᠭᠡᠵᠢᠯ ᠂ ᠲᠤᠬᠢᠯᠢᠭ ᠦᠨᠠ ᠬᠠᠩᠰᠢᠪᠠᠷᠢᠶᠡᠨ ᠬᠡᠷᠡᠭᠯᠡᠭᠴᠢᠳᠤᠨ ᠬᠦᠷᠢᠶᠡᠯᠡᠯᠢ ᠤᠯᠵᠤ ᠶᠠᠪᠤᠨᠡ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠪᠣᠣ ᠮᠧᠢ ᠷᠥᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃