ᠲᠡᠷᠢᠭᠦᠨ ᠨᠢᠭᠤᠷ>ᠬᠦᠮᠦᠨ ᠨᠡᠢᠭᠡᠮ>ᠮᠣᠩᠭᠤᠯ ᠬᠡᠯᠡᠳᠡᠳ

2020-09-17 17:45:20

ᠵᠣᠬᠢᠶᠠᠭ᠍ᠴᠢ᠄ ᠶᠡᠬᠡ ᠬᠦᠷᠦᠭᠡᠴᠢᠨ ᠰᠤᠪᠤᠳ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

 ᠵᠠᠩᠶᠸ ᠶᠢᠨ ᠬᠠᠯᠬ᠎ᠠ ᠮᠤᠩᠭᠤᠯᠴᠤᠳ ‍ᠤᠨ ᠤᠯᠤᠰ ‍ᠤᠨ ᠪᠠᠶᠠᠷ᠎ᠢᠶᠡᠨ ᠤᠭᠲᠤᠬᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ᠎ᠤ ︽ ᠮᠦᠩᠭᠡ ᠶᠢᠨ ᠬᠠᠢᠷ᠎ᠠ ︾ ᠪᠤᠭᠤᠷᠤᠯᠴᠤᠳ ‍ᠤᠨ ᠵᠤᠯᠭᠠᠯᠳᠠ ᠶᠢᠨ ᠬᠠᠵᠠᠭᠤ ᠲᠠᠳᠠᠯᠭ᠎ᠠ

︽ 9 ᠰᠠᠷ᠎ᠠ ᠶᠢᠨ 7᠎ᠤ ᠡᠳᠦᠷ ᠪᠤᠯ ᠶᠡᠬᠡ ᠪᠡᠯᠭᠡᠳᠡᠯ ᠲᠠᠢ ᠡᠳᠦᠷ ᠪᠠᠢᠭ᠎ᠠ ᠃ ᠮᠤᠩᠭᠤᠯᠴᠤᠳ ‍ᠤᠨ ᠦᠪ ᠤᠯᠠᠮᠵᠢᠯᠠᠯ ᠪᠡᠯᠭᠡᠳᠡᠯ ᠰᠤᠶᠤᠯ ‍ᠤᠨ ᠰᠠᠢᠬᠠᠨ ᠠᠭᠤᠯᠭ᠎ᠠ ᠪᠠᠭᠳᠠᠵᠤ ᠪᠠᠢᠳᠠᠭ ᠂ ᠶᠡᠷᠦ ᠡᠴᠡ ᠪᠠᠨ ᠮᠤᠩᠭᠤᠯᠴᠤᠳ ‍ᠤᠨ ᠤᠯᠠᠮᠵᠢᠯᠠᠯ ᠳ᠋ᠥ ᠶᠢᠰᠦ ᠶᠢᠨ ᠲᠤᠭ᠎ᠠ ᠪᠤᠯ ᠬᠠᠮᠤᠭ ‍ᠤᠨ ᠬᠦᠴᠦᠷᠭᠡᠭ ᠂ ᠬᠠᠮᠤᠭ ‍ᠤᠨ ᠶᠡᠬᠡ ᠂ ᠬᠠᠮᠤᠭ ‍ᠤᠨ ᠲᠡᠭᠡᠳᠦ ᠲᠤᠭ᠎ᠠ ᠪᠠᠢᠵᠤ ᠂ ᠲᠡᠭᠦᠨ ‍ᠢ ︿ ᠬᠠᠭᠠᠨ ᠲᠦᠷᠦ ᠶᠢᠨ ᠲᠤᠭ᠎ᠠ ﹀ ᠭᠡᠮᠡᠨ ᠪᠡᠯᠭᠡᠳᠡᠳᠡᠭ ᠃ ᠲᠤᠯᠤᠭ᠎ᠠ ᠶᠢᠨ ᠲᠤᠭ᠎ᠠ ᠶᠢ ᠮᠤᠩᠭᠤᠯᠴᠤᠳ ‍ᠤᠨ ᠤᠯᠠᠮᠵᠢᠯᠠᠯ ᠳ᠋ᠥ ︿ ᠲᠡᠭᠷᠢ ᠶᠢᠨ ᠲᠤᠭ᠎ᠠ ﹀ ᠭᠡᠮᠡᠳᠡᠭ ᠃ ᠡᠬᠦᠨ ᠳ᠋ᠥ ᠂ ᠲᠤᠯᠤᠭᠠᠨ ᠪᠤᠷᠬᠠᠨ ᠂ ᠲᠤᠯᠤᠭᠠᠨ ᠤᠲᠤᠨ ᠂ ᠲᠤᠯᠤᠭᠠᠨ ᠡᠭᠡᠰᠢᠭ ᠂ ᠲᠤᠯᠤᠭᠠᠨ ᠨᠤᠲ ᠁ ᠭᠡᠵᠤ ᠪᠡᠯᠬᠡᠰᠢᠳᠡᠭ ︾ ᠭᠡᠮᠡᠨ ᠶᠠᠭ ᠡᠨᠡᠬᠦ ᠵᠤᠯᠭᠠᠯᠳᠠ ᠲᠡᠭᠡᠷ᠎ᠡ ᠪᠠᠷᠠᠭᠤᠨ ᠬᠤᠢᠲᠤ ᠶᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠸᠰᠰᠤᠷ ᠡᠷᠳᠡᠮᠳᠡᠨ ᠴᠦᠢᠳᠠᠨᠳᠠᠷ ᠪᠠᠭᠰᠢ ᠶᠠᠷᠢᠵᠤ ᠪᠠᠢᠯ᠎ᠠ ᠃ ᠡᠢᠨᠬᠦ ᠡᠢᠮᠤ ᠰᠠᠢᠬᠠᠨ ︽ ᠬᠠᠭᠠᠨ ᠲᠦᠷᠦ ᠶᠢᠨ ᠲᠤᠭ᠎ᠠ ︾ ︽ ᠲᠡᠭᠷᠢ ᠶᠢᠨ ᠲᠤᠭ᠎ᠠ ︾ ᠬᠠᠶᠠᠭ᠎ᠠ ᠨᠡᠢᠯᠡᠭᠰᠡᠨ ᠦᠯᠵᠡᠢᠲᠤ ᠰᠠᠢᠬᠠᠨ ᠡᠳᠦᠷ ᠂ ᠰᠡᠴᠡᠨ ᠂ ᠰᠡᠷᠭᠦᠯᠡᠩ ᠭᠡᠳᠡᠭ ᠬᠠᠮᠲᠤ ᠶᠢᠨ ᠬᠦᠰᠡᠯ ᠲᠠᠢ ᠬᠠᠴᠠᠷ ᠭᠤᠸ᠎ᠠ ᠬᠤᠶᠠᠷ ᠪᠦᠰᠡᠬᠦᠢ ᠡᠴᠡ ᠭᠤᠤᠯᠯᠠᠨ ᠡᠷᠭᠢᠯᠡᠭᠰᠡᠨ ᠵᠠᠩᠶᠸ ᠶᠢᠨ ᠬᠠᠯᠬ᠎ᠠ ᠮᠤᠩᠭᠤᠯᠴᠤᠳ ‍ᠤᠨ ᠤᠯᠤᠰ ‍ᠤᠨ ᠪᠠᠶᠠᠷ᠎ᠢᠶᠡᠨ ᠤᠭᠲᠤᠬᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ᠎ᠤ ︽ ᠮᠦᠩᠭᠡ ᠶᠢᠨ ᠬᠠᠢᠷ᠎ᠠ ︾ ᠪᠤᠭᠤᠷᠤᠯᠴᠤᠳ ‍ᠤᠨ ᠵᠤᠯᠭᠠᠯᠳᠠ ᠶᠢ ᠰᠦᠨᠠᠨ᠎ᠤ ᠶᠤᠭᠤᠷ ᠦᠨᠳᠦᠰᠦᠳᠡᠨ᠎ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ᠎ᠤ ᠪᠠᠶᠠᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠎ᠤ ᠰᠤᠮᠤ ᠳ᠋ᠥ ᠬᠢᠭᠰᠡᠨ ᠨᠢ ᠶᠡᠬᠡᠬᠡᠨ ᠠᠵᠠ ᠬᠡᠢᠮᠤᠷᠢ ᠲᠠᠢ ᠪᠤᠶᠠᠨᠰᠠᠭ ᠠᠵᠢᠯᠯᠠᠭ᠎ᠠ ᠪᠤᠯᠤᠨ᠎ᠠ ᠃

ᠨᠠᠢᠷ ‍ᠤᠨ ᠡᠬᠢᠨ ᠳ᠋ᠥ ᠂ ᠪᠤᠭᠤᠷᠤᠯᠴᠤᠳ ᠮᠠᠨᠢ ᠠᠮᠤᠷ ᠮᠡᠨᠳᠦ ᠪᠠᠨ ᠠᠰᠠᠭᠤᠯᠴᠠᠨ ᠂ ᠬᠠᠴᠠᠷ ᠬᠠᠴᠠᠷ᠎ᠢᠶᠡᠨ ᠦᠨᠦᠷᠯᠡᠨ ᠦᠨᠦᠰᠴᠦ ᠂ ᠦᠷᠴᠢᠯᠡᠭᠡᠰᠦᠲᠤ ᠴᠢᠷᠠᠢ ᠳ᠋ᠠᠭᠠᠨ ᠤᠷᠭᠤᠬᠤ ᠨᠠᠷᠠᠨ ᠰᠢᠭ᠋ ᠰᠠᠴᠤᠷᠠᠭᠰᠠᠨ ᠢᠨᠢᠶᠠᠲᠤ ᠭᠡᠷᠡᠯᠳᠦᠬᠦᠯᠦᠨ ᠪᠠᠢᠵᠤ ᠂ ᠨᠤᠲᠤᠭ ‍ᠤᠨ᠎ᠢᠶᠡᠨ ᠰᠤᠯᠤᠩᠭᠠᠨ ᠠᠭᠤᠯᠠ ᠰᠢᠭ᠋ ᠦᠩᠭᠡ ᠢᠯᠭᠠᠷᠠᠭᠰᠠᠨ ᠲᠡᠷᠯᠢᠭ ᠲᠡᠪᠡᠯ᠎ᠢᠶᠠᠷ ᠭᠤᠶᠤᠯᠠᠵᠤ ᠂ ᠬᠠᠮᠲᠤ ᠶᠢᠨ ᠵᠢᠷᠤᠭ ᠪᠠᠭᠤᠯᠭᠠᠨ ᠂ ᠭᠡᠷ ᠦᠷᠦᠭᠡ ᠤᠷᠤᠭᠤ ᠬᠦᠨᠳᠦᠳᠭᠡᠨ ᠵᠠᠯᠠᠭᠳᠠᠵᠤ ᠂ ᠮᠤᠩᠭᠤᠯ ᠭᠡᠷ ‍ᠤᠨ ᠬᠤᠢᠮᠤᠷ ᠲᠦᠭᠦᠷᠭᠡᠨ ᠰᠠᠭᠤᠵᠠᠭᠠᠨ ᠂ ᠠᠵᠠ ᠵᠢᠷᠭᠠᠯ ‍ᠤᠨ ᠮᠦᠰᠢᠶᠡᠳᠤ ᠪᠡᠷ ᠠᠩᠭᠢᠷ ᠨᠠᠮᠤᠷ ‍ᠤᠨ ᠪᠤᠯᠵᠤᠭ᠎ᠠ ᠪᠠᠨ ᠤᠭᠲᠤᠯ᠎ᠠ ᠃ ᠲᠡᠭᠡᠳᠦᠰ ‍ᠤᠨ᠎ᠢᠶᠡᠨ ᠨᠠᠨᠳᠢᠨ ᠵᠠᠩᠰᠢᠯ᠎ᠢᠶᠠᠷ ᠬᠦᠬᠦᠷ᠎ᠢᠶᠠᠷ ᠮᠡᠨᠳᠦᠴᠢᠯᠡᠨ ᠵᠤᠯᠭᠠᠵᠤ ᠂ ᠬᠠᠯᠬ᠎ᠠ ᠮᠤᠩᠭᠤᠯ ‍ᠤᠨ ︽ ᠲᠡᠯᠬᠡᠷ ᠰᠠᠢᠬᠠᠨ ᠵᠤᠨ᠎ᠤ ᠰᠠᠷ᠎ᠠ ︾ ᠤᠷᠲᠤ ᠶᠢᠨ ᠲᠠᠭᠤᠤ ᠂ ︽ ᠪᠢ ᠮᠤᠩᠭᠤᠯ ᠬᠦᠮᠦᠨ ︾ ᠵᠤᠬᠢᠶᠠᠯ ‍ᠤᠨ ᠲᠠᠭᠤᠤ ᠂ ︽ ᠬᠦᠨᠳᠦᠳᠦ ᠬᠠᠢᠷᠠᠲᠠᠢ ᠮᠠᠤ ᠵᠦᠰᠢ ︾ ᠬᠤᠪᠢᠰᠬᠠᠯ ‍ᠤᠨ ᠲᠠᠭᠤᠤ ᠵᠡᠷᠭᠡ ᠭᠤᠷᠪᠠᠨ ᠲᠠᠭᠤᠤ ᠶᠢᠨ ᠲᠤᠮᠳᠠ ᠨᠠᠢᠷ ᠵᠢᠩᠭᠢᠨᠢ ᠪᠡᠷ ᠡᠬᠢᠯᠡᠵᠤ ᠂ ᠮᠤᠷᠢᠯᠠᠨ ᠰᠠᠭᠠᠳᠠᠭᠰᠠᠨ ᠬᠦᠨᠳᠦᠳᠦ ᠵᠤᠴᠢᠳ ᠪᠤᠯᠤᠨ ᠪᠤᠭᠤᠷᠤᠯᠴᠤᠳ ‍ᠤᠨ ᠲᠦᠯᠦᠬᠡᠯᠡᠭᠴᠢᠳ᠎ᠢᠶᠡᠨ ᠲᠠᠨᠢᠯᠴᠠᠭᠤᠯᠤᠨ ᠂ ᠵᠠᠯᠭᠠᠪᠡᠷ ᠪᠠᠶᠠᠷ ‍ᠤᠨ ᠦᠬᠡ ᠶᠠᠷᠢᠭᠰᠠᠨ ᠪᠠᠢᠨ᠎ᠠ ᠃ ᠪᠠᠷᠠᠭᠤᠨ ᠬᠤᠢᠳᠦ ᠶᠢᠨ ᠦᠨᠳᠦᠰᠦᠳᠡᠨ᠎ᠤ ᠶᠡᠬᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠸᠰᠰᠤᠷ ᠴᠦᠢᠳᠠᠨᠳᠠᠷ ᠪᠠᠭᠰᠢ ᠂ ᠲᠤᠰ ᠤᠳᠠᠭᠠᠨ᠎ᠤ ᠠᠵᠢᠯᠯᠠᠭ᠎ᠠ ᠶᠢ ᠡᠷᠬᠢᠯᠡᠨ ᠬᠢᠵᠤ ᠪᠠᠢᠭ᠎ᠠ ᠰᠡᠴᠡᠨ ᠂ ᠰᠡᠷᠭᠦᠯᠡᠩ ᠵᠢᠴᠢ ᠰᠦᠪᠸᠢ ᠶᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠎ᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠰᠢᠶᠠᠨ᠎ᠤ ᠢᠷᠠᠭᠤ ᠨᠠᠢᠷᠠᠭᠴᠢ ᠼ · ᠤᠯᠠᠭᠠᠠᠠᠤᠲᠤ ᠵᠡᠷᠭᠡ ᠨᠦᠬᠦᠷ ᠲᠤᠰ ᠲᠤᠰ ᠶᠠᠷᠢᠶ᠎ᠠ ᠲᠠᠯᠪᠢᠨ ᠰᠡᠳᠬᠢᠯ᠎ᠢᠶᠡᠨ ᠢᠯᠡᠳᠭᠡᠵᠤ ᠂ ᠪᠤᠭᠤᠷᠤᠯᠴᠤᠳ ᠲᠠᠭᠠᠨ ᠪᠠᠶᠠᠷ ‍ᠤᠨ ᠡᠳᠦᠷ ‍ᠤᠨ ᠵᠦᠩᠨᠠᠯ ᠲᠠᠪᠰᠢᠬᠦᠯᠵᠤ ᠂ ᠬᠤᠶᠠᠷ ᠨᠤᠲᠤᠭ ‍ᠤᠨ ᠬᠠᠯᠬ᠎ᠠ ᠮᠤᠩᠭᠤᠯᠴᠤᠳ ᠬᠠᠢᠷ᠎ᠠ ᠰᠡᠳᠬᠢᠯ᠎ᠢᠶᠡᠨ ᠰᠤᠯᠢᠯᠴᠠᠨ ᠂ ᠦᠩᠭᠡᠷᠡᠭᠰᠡᠨ ᠡᠳᠦᠭᠡ᠎ᠢᠶᠡᠨ ᠡᠷᠭᠢᠴᠡᠬᠦᠯᠵᠤ ᠂ ᠪᠠᠰᠠ ᠰᠡᠴᠡᠨ ᠪᠠᠭᠰᠢ ᠡᠴᠡ ᠨᠤᠲᠤᠭ ‍ᠤᠨ᠎ᠢᠶᠡᠨ ᠢᠳᠡᠭᠡᠨ᠎ᠤ ᠲᠡᠬᠡᠵᠢ ᠪᠤᠯᠤᠭᠰᠠᠨ ᠱᠦᠮᠦᠷ ᠂ ᠪᠦᠬᠦᠯᠢ ᠰᠢᠬᠦᠰᠦᠨ᠎ᠤ ᠲᠦᠯᠦᠬᠡᠯᠡᠯ ᠪᠤᠯᠤᠭᠰᠠᠨ ᠲᠦᠳ᠎ᠢᠶᠡᠨ ᠡᠷᠭᠦᠵᠤ ᠂ ᠤᠯᠠᠨ ᠳ᠋ᠠᠭᠠᠨ ᠲᠠᠨᠢᠯᠴᠠᠭᠤᠯᠵᠤ ᠠᠮᠰᠠᠭᠤᠯᠤᠭᠰᠠᠨ ᠨᠢ ᠶᠡᠬᠡᠬᠡᠨ ᠤᠴᠢᠷ ᠲᠠᠢ ᠮᠦᠷᠳᠡᠭᠡᠨ ᠬᠤᠶᠠᠷ ᠭᠠᠵᠠᠷ ᠤᠷᠤᠨ᠎ᠤ ᠮᠤᠩᠭᠤᠯᠴᠤᠳ ᠢᠳᠡᠭᠡᠨ ᠤᠮᠳᠠᠭᠠᠨ᠎ᠤ ᠰᠤᠶᠤᠯ᠎ᠢᠶᠡᠨ ᠰᠤᠯᠢᠯᠴᠠᠵᠤ ᠂ ᠬᠠᠷᠢᠯᠴᠭ᠎ᠠ ᠪᠠᠨ ᠴᠢᠩᠭᠠᠳᠬᠠᠭᠰᠠᠨ ᠪᠠᠢᠨ᠎ᠠ ᠃

ᠦᠳᠡ ᠶᠢᠨ ᠬᠤᠢᠨ᠎ᠠ ᠂ ᠨᠠᠰᠤᠳᠠᠢᠴᠤᠳ ‍ᠤᠨ ᠲᠦᠯᠦᠬᠡᠯᠡᠭᠴᠢ ᠡᠴᠡ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠤ ᠂ ᠴᠠᠢ ᠬᠤᠭᠤᠯᠠ ᠪᠠᠨ ᠵᠤᠭᠤᠭᠯᠠᠨ ᠨᠠᠢᠷᠯᠠᠵᠤ ᠂ ᠴᠢᠯᠦᠬᠡᠲᠠᠢ ᠶᠠᠷᠢᠯᠴᠠᠵᠤ ᠡᠬᠢᠯᠡᠪᠡ ᠃ ᠬᠠᠭᠤᠴᠢ ᠶᠠᠷᠢᠶᠠᠨ᠎ᠤ ᠤᠴᠢᠭ ᠰᠦᠪᠡᠯᠡᠵᠤ ᠂ ᠡᠷᠳᠡ ᠡᠳᠦᠭᠡ ᠪᠠᠨ ᠲᠤᠷᠠᠰᠤᠨ ᠵᠠᠩᠭᠢᠴᠠᠵᠤ ᠂ ᠤᠲᠤ ᠢᠷᠡᠭᠡᠳᠦᠢ ᠪᠠᠨ ᠶᠠᠷᠢᠨ ᠵᠦᠩᠨᠡᠵᠤ ᠪᠠᠢᠯ᠎ᠠ ᠃ ᠮᠤᠩᠭᠤᠯᠴᠤᠳ ‍ᠤᠨ ᠤᠯᠠᠮᠵᠢᠯᠠᠯᠲᠤ ᠲᠤᠭᠯᠠᠭᠠᠮ ᠨᠠᠭᠠᠲᠤᠮ᠎ᠢᠶᠡᠨ ᠴᠤ ᠲᠠᠷᠠᠭᠠᠯᠠᠨ ᠶᠠᠪᠤᠭᠤᠯᠵᠤ ᠂ ᠪᠤᠭᠤᠷᠤᠯᠴᠤᠳ ᠴᠦ ᠱᠠᠭ᠎ᠠ ᠂ ᠳ᠋ᠠᠯᠢᠤ ︵ ᠳ᠋ᠠᠯᠤᠤ ︶ ᠶᠢᠨ ᠨᠠᠭᠠᠲᠤᠮ᠎ᠢᠶᠠᠷ ︽ ᠶᠠᠩᠵᠤ ᠶᠢᠨ ᠰᠠᠢᠬᠠᠨ ᠪᠤᠯᠵᠤ ᠪᠠᠢᠨ᠎ᠠ ︾ ᠭᠡᠮᠡᠨ ᠢᠨᠢᠶᠡᠲᠤ ︽ ᠬᠦᠭᠯᠡᠬᠦᠯᠦᠨ ︾ ᠂ ᠵᠢᠯ ᠨᠠᠭᠠᠲᠤᠮ ᠳ᠋ᠥ ︽ ᠲᠦᠷᠪᠡᠨ ᠬᠤᠯᠤᠭᠠᠨ᠎ᠠ ᠲᠤᠲᠤᠷᠠᠵᠠᠢ ᠂ ᠶᠤᠰᠤᠳᠠᠢ ᠪᠤᠶᠠᠨ ᠬᠡᠰᠢᠭ᠎ᠢᠶᠠᠷ ᠲᠦᠭᠦᠷᠡᠩ ᠂ ᠪᠡᠯᠬᠡ ᠲᠡᠮᠪᠠᠷᠢᠯ ᠶᠡᠬᠡᠳᠠᠢ ᠪᠠᠢᠨ᠎ᠠ ᠁ ︾ ᠭᠡᠵᠡᠭᠡᠨ ᠂ ︽ ᠦᠢᠴᠤᠷ ︾ ᠨᠠᠭᠠᠲᠤᠮ ᠳ᠋ᠥ ᠮᠦᠨ ᠬᠦ ︽ ᠬᠠᠨ ᠭᠠᠷᠤᠳᠠᠢ ︾ ᠭᠠᠷᠴᠤ ᠢᠷᠡᠬᠦ ᠪᠡᠷ ᠲᠦᠬᠦᠭᠡᠯᠡᠨ ᠰᠠᠭᠤᠭᠰᠠᠨ ᠪᠤᠭᠤᠷᠤᠯᠴᠤᠳ ︽ ᠨᠢᠰ ᠨᠢᠰ ᠨᠢᠰ ᠨᠢᠰ ᠁ ︾ ᠭᠡᠵᠡᠭᠡᠨ ᠲᠠᠭᠤ ᠬᠤᠭᠤᠯᠠᠢ ᠨᠠᠢᠯᠡᠬᠦᠯᠦᠨ ᠬᠤᠶᠠᠷ ᠭᠠᠷ᠎ᠢᠶᠡᠨ ᠲᠡᠷᠪᠡᠵᠡᠬᠡᠵᠤ ᠂ ᠢᠨᠢᠶᠡᠲᠤ ᠪᠢᠯᠬᠠᠭᠤᠯᠤᠨ ᠵᠢᠷᠭᠠᠯ ᠬᠦᠪᠪᠦᠵᠤ ᠪᠠᠢᠯ᠎ᠠ ᠃ ᠲᠠᠭᠤᠤ ᠲᠠᠭᠤᠯᠠᠵᠤ ᠂ ᠰᠢᠬᠦᠰᠦ ᠲᠠᠯᠪᠢᠨ ᠨᠠᠢᠷ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠁ ᠨᠠᠢᠷ ‍ᠤᠨ ᠲᠡᠭᠦᠰᠭᠡᠯ ᠳ᠋ᠥ ᠰᠡᠴᠡᠨ ᠂ ᠰᠡᠷᠭᠦᠯᠡᠩ ᠬᠤᠶᠠᠷ ᠡᠴᠡ ᠦᠪᠡᠷ ‍ᠤᠨ᠎ᠢᠶᠡᠨ ᠰᠡᠳᠬᠢᠯ᠎ᠢᠶᠡᠨ ᠡᠷᠭᠦᠵᠤ ᠂ ᠰᠠᠮᠪᠠᠢ ᠴᠠᠭᠠᠨ ᠬᠠᠳᠠᠭ᠎ᠢᠶᠡᠨ ᠠᠯᠳᠠᠯᠠᠨ ᠂ ᠮᠤᠲᠤᠨ ᠠᠶᠠᠭ᠎ᠠ ᠲᠤᠲᠤᠷ᠎ᠠ ᠮᠦᠰᠦᠨ ᠰᠢᠬᠢᠷ ᠬᠢᠵᠤ ᠂ ᠪᠤᠭᠤᠷᠤᠯᠴᠤᠳ ‍ᠤᠨ᠎ᠢᠶᠡᠨ ᠭᠠᠷ᠎ᠢ ᠴᠠᠢᠯᠭᠠᠵᠦ ᠪᠡᠯᠡᠭ ᠵᠢᠡᠨ ᠡᠷᠭᠦᠭᠰᠡᠨ ᠪᠠᠢᠨ᠎ᠠ ᠃ ᠨᠡᠩ ᠲᠤᠷᠠᠳᠤᠭᠤᠰᠢᠳᠠᠢ ᠨᠢ ᠪᠠᠰᠠ ᠠᠯᠠᠱᠠ ᠠᠢᠮᠠᠭ ‍ᠤᠨ ᠬᠠᠯᠬ᠎ᠠ ᠰᠤᠶᠤᠯ ‍ᠤᠨ ᠬᠦᠭᠵᠢᠯᠳᠠ ᠶᠢᠨ ᠬᠢᠵᠠᠭᠠᠷᠲᠤ ᠺᠤᠮᠫᠠᠨᠢ ᠶᠢᠨ ᠲᠤᠷᠵᠢ ᠂ ᠢᠤᠢ ᠷᠦᠩ ᠬᠤᠶᠠᠷ ᠵᠤᠯᠭᠠᠯᠳᠠ ᠳ᠋ᠥ ᠬᠦᠷᠦᠯᠴᠡᠨ ᠢᠷᠡᠵᠤ 50 ᠵᠠᠬ᠎ᠠ ᠲᠡᠪᠡᠯ ‍ᠤᠨ ᠲᠤᠷᠭ᠎ᠠ ᠪᠠᠨ ᠪᠤᠭᠤᠷᠤᠯᠴᠤᠳ ᠲᠠᠭᠠᠨ ᠪᠡᠯᠡᠭᠯᠡᠨ ᠪᠠᠷᠢᠵᠤ ᠂ ᠦᠭᠡᠷ᠎ᠡ ᠪᠤᠰᠤᠳ ᠬᠦᠮᠦᠰ ᠴᠦ ᠦᠪᠡᠷ ‍ᠤᠨ ᠬᠠᠢᠷ᠎ᠠ ᠰᠡᠳᠬᠢᠯ᠎ᠢᠶᠡᠨ ᠡᠷᠭᠦᠵᠡᠬᠡᠨ ᠂ ᠪᠤᠭᠤᠷᠤᠯᠴᠤᠳ᠎ᠢᠶᠡᠨ ᠪᠠᠶᠠᠷᠯᠠᠭᠤᠯᠵᠤ ᠂ ᠵᠠᠩᠶᠸ ᠬᠤᠳᠠ ᠶᠢᠨ ᠤᠰᠤᠨ ᠠᠰᠢᠭᠯᠠᠯᠳᠠ ᠶᠢᠨ ᠲᠤᠪᠴᠢᠶᠠᠨ᠎ᠤ ᠲᠡᠳ᠋ ᠲᠠᠷᠤᠭ᠎ᠠ ᠨᠠᠷᠠᠨᠴᠢᠮᠡᠭ ᠡᠴᠡ ᠳ᠋ᠦᠩᠨᠡᠯᠳᠡ ᠬᠢᠵᠤ ᠨᠠᠢᠷ ᠲᠡᠭᠦᠰ ᠠᠮᠵᠢᠯᠳᠠᠳᠠᠢ ᠦᠨᠳᠦᠷᠯᠡᠪᠡ ᠃ ᠡᠨᠡᠬᠦ ᠠᠵᠢᠯᠯᠠᠭ᠎ᠠ ᠳ᠋ᠥ ᠪᠠᠶᠠᠨ ᠰᠤᠮᠤᠨ᠎ᠤ ᠲᠠᠷᠤᠭ᠎ᠠ ᠂ ᠭᠤᠷᠪᠠᠨ ᠮᠤᠩᠭᠤᠯ ᠭᠠᠴᠠᠭᠠᠨ ︵ ᠪᠠᠷᠢᠭᠠᠳᠠ ︶᠎ᠤ ᠲᠠᠷᠤᠭ᠎ᠠ ᠨᠠᠷ ᠂ ︽ ᠲᠤᠶᠠᠭ᠎ᠠ ᠵᠤᠭᠠᠴᠠᠯ ‍ᠤᠨ ᠺᠤᠮᠫᠠᠨᠢ ︾ ᠶᠢᠨ ᠡᠵᠡᠨ ᠵᠡᠷᠭᠡ ᠬᠦᠮᠦᠰ ‍ᠤᠨ ︽ ᠲᠠᠯᠠᠢ ᠳ᠋ᠥ ᠲᠤᠰᠤᠯ ᠂ ᠤᠪᠤᠭ᠎ᠠ ᠳ᠋ᠥ ᠴᠢᠯᠠᠭᠤ ︾ ᠨᠡᠮᠡᠷᠢᠯᠡᠵᠤ ᠂ ᠬᠠᠮᠤᠭ ᠬᠦᠴᠦ ᠬᠠᠯᠠᠭᠤᠨ ᠬᠦᠯᠦᠰᠤ ᠪᠠᠨ ᠤᠷᠤᠰᠬᠠᠵᠤ ᠲᠡᠮ ᠲᠤᠰᠠ ᠦᠵᠡᠬᠦᠯᠦᠭᠰᠡᠨ ᠡᠷᠭᠢᠮ ᠨᠠᠨᠳᠢᠨ ᠵᠠᠩ ᠰᠤᠷᠳᠠᠯ ᠨᠢ ᠪᠦᠷ ᠴᠦ ᠮᠠᠭᠳᠠᠭᠤᠰᠢᠳᠠᠢ ᠃

ᠨᠠᠮᠤᠷ ‍ᠤᠨ ︽ ᠵᠢᠩ ‍ᠤᠨ ᠴᠤᠪᠤᠭ᠎ᠠ ︾ ᠶᠢ ᠴᠦᠷᠭᠦᠯᠡᠨ ᠨᠢᠰᠦᠭᠰᠡᠨ ᠰᠢᠪᠠᠭᠤᠳ ᠦᠩᠭᠡ ᠶᠢ ᠨᠢ ᠨᠤᠲᠤᠭ ᠲᠤᠨᠢ ᠦᠯᠡᠳᠡᠭᠡᠨ ᠂ ᠨᠠᠰᠤᠳᠠᠳ ‍ᠤᠨ ︽ ᠵᠢᠷᠭᠠᠯ ‍ᠤᠨ ᠤᠴᠢ ︾ ᠶᠢ ᠪᠠᠳᠮᠠᠯᠠᠨ ᠪᠠᠳᠠᠷᠠᠭᠠᠭᠰᠠᠨ ᠲᠤᠷᠠᠰᠤᠮᠵᠢ ᠲᠤᠷᠠᠳᠬᠠᠯ ‍ᠢ ᠨᠢ ᠰᠤᠨᠲᠤᠷ ᠪᠤᠯᠭᠠᠨ ᠬᠡᠯᠬᠢᠭᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠠᠵᠢᠯᠯᠠᠭ᠎ᠠ ᠨᠢ ᠪᠡᠯ ᠪᠡᠯ᠎ᠢᠶᠠᠷ᠎ᠢᠶᠡᠨ ᠲᠦᠰᠢᠯᠴᠡᠭᠰᠡᠨ ᠠᠭᠤᠯᠠ ᠰᠢᠭ᠋ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠲᠦᠰᠢᠭᠰᠡᠨ ᠪᠤᠭᠤᠷᠤᠯᠴᠤᠳ ‍ᠤᠨ ᠬᠦᠰᠡᠯ ‍ᠤᠨ ᠲᠡᠭᠡᠳᠦ ᠪᠤᠶᠠᠨ ‍ᠢ ᠤᠯᠠᠮ ᠲᠡᠯᠭᠡᠷᠡᠭᠦᠯᠦᠭᠰᠡᠨ᠎ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠪᠠᠰᠠ ᠡᠷᠭᠢᠯᠡᠨ ᠬᠢᠭᠰᠡᠨ ᠰᠡᠴᠡᠨ ᠂ ᠰᠡᠷᠭᠦᠯᠡᠩ ‍ᠤᠨ ᠵᠢᠷᠦᠬᠡᠨ᠎ᠤ ᠬᠦᠨ ᠡᠴᠡ ᠪᠠᠨ ᠰᠡᠳᠬᠢᠯ ‍ᠤᠨ ᠰᠦ ᠪᠠᠨ ᠢᠪᠢᠯᠭᠡᠵᠤ ᠂ ᠤᠶᠠᠨ ᠬᠠᠳᠠᠨ ᠪᠦᠰᠡᠬᠦᠢ ᠬᠦᠮᠦᠨ᠎ᠤ ᠢᠵᠢᠯᠢᠬᠡᠨ ᠬᠦᠰᠡᠯ ᠵᠤᠷᠢᠯᠭ᠎ᠠ ᠪᠡᠷ ᠭᠦᠭ ᠨᠠᠢᠯᠠᠬᠦᠯᠦᠨ ᠪᠤᠶᠠᠨᠰᠠᠭ ᠦᠢᠯᠡᠰ ‍ᠤᠨ ᠨᠠᠬᠢᠶ᠎ᠠ ᠨᠠᠮᠠᠭ᠎ᠠ ᠶᠢ ᠴᠡᠴᠡᠭᠯᠡᠬᠦᠯᠦᠨ ᠲᠡᠯᠭᠡᠷᠡᠭᠦᠯᠵᠤ ᠶᠠᠪᠤᠭ᠎ᠠ ᠨᠢ ᠲᠡᠭᠡᠳᠦ ᠶᠢᠨ ᠪᠤᠶᠠᠨ ᠪᠢᠯᠡ ᠃ ᠪᠤᠶᠠᠨ ᠲᠠᠯᠠᠯᠤᠨ ᠂ ᠭᠡᠰᠢᠭ ᠬᠤᠷᠤᠢᠯᠠᠵᠤ ᠴᠢᠷᠮᠠᠢᠨ ᠵᠢᠳᠭᠦᠭᠰᠡᠨ ᠬᠦᠮᠦᠰ ‍ᠤᠨ ᠰᠡᠳᠬᠢᠯ ᠳ᠋ᠥ ᠴᠠᠭᠯᠠᠰᠢ ᠦᠬᠡᠢ ᠪᠠᠶᠠᠷ ᠵᠢᠷᠭᠠᠯ ‍ᠤᠨ ᠦᠨᠦᠷ ᠠᠮᠳᠠ ᠠᠮᠳᠠᠯᠠᠭᠳᠠᠳᠠᠭ ᠶᠤᠮ ᠃ ᠬᠠᠢᠯᠭᠠᠨ ᠰᠡᠳᠬᠢᠯ ‍ᠤᠨ ᠦᠵᠦᠬᠦᠷ ᠲᠣ ᠰᠦ ᠠᠮᠳᠠᠭᠳᠠᠨ ᠂ ᠬᠠᠩᠬᠠᠢᠭᠰᠠᠨ ᠬᠠᠨᠠᠭᠠᠷ ᠴᠡᠬᠡᠵᠢᠨ᠎ᠤ ᠬᠦᠨ ᠳ᠋ᠥ ᠨᠠᠷᠠᠨ᠎ᠤ ᠦᠨᠦᠷ ᠰᠢᠩᠭᠡᠭᠰᠡᠨ ᠪᠤᠭᠤᠷᠤᠯ ᠠᠪᠤ᠋ ᠡᠵᠢ ᠶᠢᠨ ᠰᠤᠷᠭᠠᠯ ᠵᠠᠬᠢᠶ᠎ᠠ ᠪᠡᠷ ᠦᠷ᠎ᠠ ᠬᠤᠢᠴᠢᠰ ‍ᠤᠨ ᠬᠢᠨ ᠪᠢᠯᠢᠭ ‍ᠤᠨ ᠲᠡᠭᠷᠢ ᠴᠡᠯᠮᠡᠭᠰᠢᠨ ᠶᠠᠪᠤᠭ᠎ᠠ ᠠᠵᠢ ︕

ᠪᠤᠶᠠᠨ᠎ᠤ ᠦᠢᠯᠡᠰ ‍ᠤᠨ ᠬᠠᠷᠭᠤᠢ ᠤᠯᠠᠮ ᠰᠠᠷᠠᠭᠤᠯ ᠲᠠᠷᠳᠠᠩ ᠪᠤᠯᠤᠭᠠᠰᠠᠢ ︕

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠼᠠᠢ ᠬᠤᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠦᠪᠦᠷ ᠮᠤᠩᠭᠤᠯ ‍ᠤᠨ ᠡᠳᠦᠷ ‍ᠤᠨ ᠰᠤᠨᠢᠨ
兼容浏览器的HTML页面