2020-10-02 09:42:16
ᠠᠯᠲᠠ ᠡᠵᠢᠶᠢᠨ ︽ ᠡᠪᠦᠷ ᠲᠡᠮᠲᠡᠭᠯᠡᠯ ︾
ᠪᠠᠯᠠᠷᠠᠵᠤ ᠪᠠᠳᠠᠷᠠᠬᠤ ᠶᠢᠷᠲᠢᠨᠴᠦᠶᠢᠨ ᠵᠢᠮᠡ
ᠪᠠᠭᠠᠳ᠋ᠤ ᠶᠠᠪᠤᠭᠰᠠᠨ ᠪᠢᠳᠡᠨᠤ ᠵᠠᠮ
ᠪᠠᠭᠠᠴᠤᠳ ᠬᠡᠦᠬᠡᠳᠲᠤ ᠦᠯᠡᠳᠡᠭᠡᠬᠦ ᠭᠡᠷᠡᠴᠢ
ᠪᠢᠴᠢᠭ ᠰᠤᠳᠤᠷᠤᠨ ᠦᠨᠡᠨ ᠲᠡᠮᠲᠡᠭᠯᠡᠯ ᠃
︽ ᠮᠢᠨᠦ ᠡᠳᠦᠷᠤᠨ ᠲᠡᠮᠲᠡᠭᠯᠡᠯ ︾
︽ ᠳᠤᠯᠤᠭᠠᠨᠴᠢᠷᠭᠠ ᠶᠡᠬᠡ ᠳ᠋ᠦᠢ ︵ ᠶᠡᠬᠡ ᠪᠠᠷᠢᠭᠠᠳᠠ ︶ᠶᠢᠨ 73 ᠤᠨᠤ ᠤᠷᠤᠯᠭᠠ ᠵᠠᠷᠤᠳᠠᠯᠤᠨ ᠲᠡᠮᠲᠡᠭᠯᠡᠯ ︾ ᠂ ︽ 0~7 ᠨᠠᠰᠤᠨᠤ 8 ~12 ᠨᠠᠰᠤᠨᠤ ᠬᠡᠦᠬᠡᠳᠤᠨ ᠪᠦᠷᠢᠳᠬᠡᠯᠤᠨ ᠬᠦᠰᠦᠨᠦᠭᠲᠦ ︾ ᠵᠡᠷᠭᠡ ᠠᠭᠤᠯᠭᠠᠶᠢ ᠬᠦᠬᠡ ᠤᠰᠤᠨ ᠪᠢᠷᠢᠶᠠᠷ ᠬᠦᠰᠦᠨᠦᠭ ᠵᠢᠷᠤᠵᠤ ᠴᠡᠪᠡᠷ ᠳᠡᠭᠰᠢ ᠂ ᠲᠤᠳᠤᠷᠬᠠᠢ ᠰᠠᠢᠬᠠᠨ ᠲᠡᠮᠲᠡᠭᠯᠡᠭᠰᠡᠨ ᠂ ᠪᠢᠳᠡᠨᠤ ᠪᠠᠭᠠᠶᠢᠨ ᠦᠶᠡᠳ᠋ᠤ ᠬᠠᠶᠠ ᠦᠵᠡᠵᠦ ᠪᠠᠢᠭᠰᠠᠨ ᠲᠡᠢᠮᠦᠷᠬᠦ ᠳᠤᠮᠳᠠᠪᠠᠨ ᠪᠤᠳᠤᠭᠲᠤ ᠵᠢᠷᠤᠭ ᠬᠠᠪᠴᠢᠭᠤᠯᠤᠭᠰᠠᠨ ᠂ ᠦᠵᠡᠮᠵᠢᠶᠢᠨ ᠵᠢᠷᠤᠭᠲᠠᠢ ᠂ ᠤᠯᠠᠭᠠᠨ ᠨᠤᠭᠤᠭᠠᠨ ᠰᠦᠯᠢᠶᠤᠤ ᠭᠠᠳᠠᠷᠲᠠᠢ ᠡᠳᠡᠭᠡᠷ ᠲᠡᠮᠲᠡᠭᠯᠡᠯᠤᠨ ᠲᠡᠪᠲᠡᠷ ᠪᠤᠯ ᠳᠠᠷᠤᠢ ᠦᠯᠢᠭᠡᠷᠲᠠᠢ ᠤᠴᠢᠷᠲᠠᠢ ᠠᠯᠲᠠ ᠡᠵᠢᠶᠢᠨ ᠡᠪᠦᠷ ᠲᠡᠮᠲᠡᠭᠯᠡᠯᠤᠳ ᠶᠤᠮ ᠃

ᠬᠠᠩᠭᠢᠨ ᠬᠤᠰᠢᠭᠤᠨᠤ ᠠᠷᠰᠯᠠᠩᠲᠤ ᠰᠤᠮᠤᠨᠤ ᠨᠠᠮᠤᠨ ᠬᠤᠷᠢᠶᠠ ᠂ ᠡᠮᠡᠭᠲᠡᠢᠴᠦᠳᠤᠨ ᠬᠤᠯᠪᠤᠭᠠᠲᠤ ᠬᠤᠷᠠᠯᠤᠨ ᠨᠢᠭᠡᠳᠦᠯᠲᠡᠢ ᠳᠤᠬᠢᠷᠠᠭᠤᠯᠤᠯᠲᠠ ᠳᠤᠤᠷᠠ ᠂ ᠰᠤᠮᠤᠨᠤ ᠡᠮᠡᠭᠲᠡᠢᠴᠦᠳᠤᠨ ᠬᠤᠯᠪᠤᠭᠠᠲᠤ ᠬᠤᠷᠠᠯᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠪᠠᠢᠬᠰᠠᠨ ᠠᠯᠲᠠᠶᠢ ᠰᠤᠮᠤᠨᠤ ᠵᠠᠰᠠᠭᠤᠨ ᠤᠷᠳᠤᠨᠡᠴᠠ ᠬᠠᠮᠤᠭᠤᠨ ᠬᠤᠯᠠ ᠂ ᠵᠠᠮ ᠨᠡᠪᠲᠡᠷᠡᠯᠭᠡ ᠮᠠᠭᠤ ᠳᠤᠯᠤᠭᠠᠨᠴᠢᠷᠭᠠ ᠪᠠᠷᠢᠭᠠᠳᠠᠳ᠋ᠤ ᠤᠷᠲᠤ ᠬᠤᠭᠤᠴᠠᠭᠠᠨᠤ ᠳᠤᠰᠬᠤᠨᠳ᠋ᠤ ᠪᠠᠭᠤᠵᠤ ᠪᠠᠢᠬᠤ ᠺᠠᠳ᠋ᠷᠢᠶᠠᠷ ᠲᠤᠮᠢᠯᠠᠵᠠᠢ ᠃ ︽ ᠪᠢ ᠳᠤᠭᠤᠢ ᠤᠨᠤᠵᠤ ᠵᠤᠭᠤᠰ ᠪᠠ ᠪᠤᠳᠠᠭᠠᠨ ᠫᠢᠶᠤᠤᠪᠠᠨ ᠠᠪᠴᠤ ᠂ ᠳᠤᠯᠤᠭᠠᠨᠴᠢᠷᠭᠠ ᠪᠠᠷᠢᠭᠠᠳᠠᠳ᠋ᠤ ᠢᠷᠡᠵᠦ ᠰᠤᠮᠤᠨᠤ ᠳᠤᠬᠢᠷᠠᠭᠤᠯᠤᠯᠲᠠ ᠶᠤᠰᠤᠭᠠᠷ ᠪᠠᠷᠢᠭᠠᠳᠠᠶᠢᠨ ᠨᠠᠮᠤᠨ ᠡᠭᠦᠷᠤᠨ ᠳᠡᠮᠵᠢᠯᠭᠡ ᠪᠠ ᠪᠠᠷᠢᠭᠠᠳᠠᠶᠢᠨ ᠳᠠᠷᠤᠭᠠ ᠤᠶᠤᠩᠭᠤᠸᠠ ᠡᠵᠢᠶᠢᠨ ᠰᠢᠭᠤᠳ ᠵᠢᠯᠤᠭᠤᠳᠤᠯᠭᠠ ᠳᠤᠤᠷᠠ ᠂ ᠳᠤᠯᠤᠭᠠᠨᠴᠢᠷᠭᠠ ᠪᠠᠷᠢᠭᠠᠳᠠᠳ᠋ᠤ ᠳ᠋ᠠᠵᠠᠢᠶᠢᠨ ᠭᠦᠧᠧ ᠹᠧᠩ ᠯᠢᠶᠠᠨᠡᠴᠠᠲᠠᠭᠠᠨ ᠰᠤᠷᠤᠯᠴᠠᠭᠰᠠᠨ ᠬᠠᠩᠭᠢᠨ ᠬᠤᠰᠢᠭᠤᠨᠤ ᠨᠢᠭᠡᠳᠦᠭᠡᠷ ᠲᠡᠮᠦᠷ ᠬᠡᠦᠬᠡᠨᠴᠦᠳᠤᠨ ᠳᠤᠭᠤᠢᠯᠠᠩᠢ ᠪᠠᠢᠭᠤᠯᠤᠭᠰᠠᠨ ᠶᠤᠮ ︾ ᠭᠡᠵᠦ ᠠᠯᠲᠠ ᠡᠵᠢ ᠰᠤᠷᠪᠤᠯᠵᠢᠯᠠᠭᠴᠢᠳ᠋ᠤ ᠡᠷᠬᠢᠴᠡᠭᠦᠯᠵᠦ ᠪᠠᠢᠯᠠ ᠃ ᠡᠨᠡᠨᠢ 1973 ᠤᠨᠤ ᠬᠠᠪᠤᠷᠤᠨ ᠶᠠᠪᠤᠳᠠᠯ ᠪᠠᠢᠵᠠᠢ ᠃ ᠲᠤᠰ ᠪᠠᠷᠢᠭᠠᠳᠠᠶᠢᠨ 16 18 ᠨᠠᠰᠤᠨᠤ 14 ᠬᠡᠦᠬᠡᠨᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠡᠨᠡ ᠬᠦ ᠲᠡᠮᠦᠷ ᠬᠡᠦᠬᠡᠨᠴᠦᠳᠤᠨ ᠳᠤᠭᠤᠢᠯᠠᠩᠳ᠋ᠤ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠᠪᠠᠷ ᠡᠷᠳᠡᠨᠢᠲᠤᠭᠤᠰ ᠂ ᠳᠡᠳ᠋ ᠳᠠᠷᠤᠭᠠᠪᠠᠷ ᠰᠡᠴᠡᠨᠴᠢᠮᠡᠭᠢ ᠰᠤᠩᠭᠤᠵᠤ ᠂ ᠭᠡᠰᠢᠭᠦᠨᠨᠢ ᠱᠢᠷᠦᠨᠴᠢᠮᠡᠭ ᠂ ᠡᠷᠳᠡᠨᠢᠴᠢᠮᠡᠭ ᠂ ᠤᠳᠬᠤᠨᠴᠢᠮᠡᠭ ᠂ ᠴᠢᠮᠡᠳᠰᠸᠠ ᠂ ᠤᠷᠲᠤᠨᠠᠰᠤᠨ ᠂ ᠤᠳᠤᠨᠪᠠᠷ ᠂ ᠤᠳᠬᠠᠩᠡᠷᠡᠯ ᠂ ᠵᠢᠷᠠᠨᠴᠢᠮᠡᠭ ᠂ ᠵᠢᠷᠠᠨᠬᠤᠸᠠᠷ ᠂ ᠷᠧᠨ ᠵᠦᠩ ᠶᠢᠩ ᠂ ᠷᠧᠨ ᠹᠧᠩ ᠶᠢᠩ ᠂ ᠭᠤᠤ ᠰᠢᠤ ᠯᠠᠨ ᠨᠠᠷ ᠪᠠᠢᠯᠴᠠᠵᠠᠢ ᠃
︽ ᠪᠢ 72 ᠤᠨᠳ᠋ᠤ ᠠᠵᠢᠯᠳ᠋ᠤ ᠭᠠᠷᠬᠤᠳ᠋ᠤ 18 ᠨᠠᠰᠤᠲᠠᠢ ᠪᠠᠢᠵᠠᠢ ᠂ ᠨᠠᠮᠤᠨ ᠰᠢᠨᠡ ᠺᠠᠳ᠋ᠷ ᠬᠡᠷᠡᠭᠯᠡᠬᠦ ᠱᠠᠭᠠᠷᠳᠠᠯᠭᠠᠪᠠᠷ ᠪᠤᠳᠠᠲᠠᠢᠳ᠋ᠤ ᠭᠦᠨᠵᠡᠭᠡᠢᠷᠡᠵᠦ ᠂ ᠦᠢᠯᠡᠳᠦᠯᠭᠡᠶᠢᠨ ᠳᠤᠮᠳᠠ ᠳᠠᠪᠲᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤᠪᠠᠷ ᠠᠷᠰᠯᠠᠩᠲᠤ ᠰᠤᠮᠤᠨᠤ ᠳᠤᠯᠤᠭᠠᠨᠴᠢᠷᠭᠠ ᠶᠡᠬᠡ ᠪᠠᠷᠢᠭᠠᠳᠠᠳ᠋ᠤ ᠬᠤᠪᠢᠶᠠᠭᠳᠠᠭᠰᠠᠨᠳᠠᠭᠠᠨ ᠪᠢ ᠠᠵᠢᠯ ᠡᠭᠦᠷᠭᠡᠪᠠᠨ ᠶᠡᠬᠡ ᠪᠠᠶᠠᠷᠲᠠᠢ ᠬᠦᠯᠢᠶᠠᠨ ᠠᠪᠴᠤ ᠡᠬᠢᠯᠡᠭᠦᠯᠵᠡᠢ ︾ ᠭᠡᠵᠦ ᠠᠯᠳᠠ ᠡᠵᠢ ᠳᠤᠷᠠᠰᠤᠨᠠ ᠃ ᠲᠡᠭᠦᠨᠤ ᠬᠠᠳᠠᠭᠠᠯᠠᠵᠤ ᠢᠷᠡᠭᠰᠡᠨ ᠡᠳᠡᠭᠡᠷ ᠲᠡᠮᠲᠡᠭᠯᠡᠯ ᠪᠤᠯ 1973 1988 ᠤᠨ ᠬᠦᠷᠲᠡᠯᠡᠬᠢ ᠬᠤᠷᠠᠯᠤᠨ ᠲᠡᠮᠲᠡᠭᠯᠡᠯ ᠂ ᠰᠤᠷᠤᠯᠴᠠᠯᠭᠠᠶᠢᠨ ᠲᠡᠮᠲᠡᠭᠯᠡᠯ ᠂ ᠠᠵᠢᠯᠤᠨ ᠪᠠᠢᠷᠢᠯᠠᠭᠤᠯᠤᠯᠲᠠᠶᠢᠨ ᠲᠡᠮᠲᠡᠭᠯᠡᠯ ᠂ ᠠᠵᠢᠯᠤᠨ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ ᠵᠡᠷᠭᠡ ᠪᠤᠯᠤᠨᠠ ᠃ ᠳᠡᠭᠡᠷᠡ ᠱᠠᠲᠤᠨᠤ ᠬᠤᠷᠠᠯᠤᠨ ᠵᠤᠷᠢᠭ ᠰᠠᠨᠠᠭᠠ ᠪᠠ ᠪᠤᠳᠠᠲᠠᠢ ᠠᠵᠢᠯᠤᠨ ᠪᠠᠢᠷᠢᠯᠠᠭᠤᠯᠤᠯᠲᠠᠶᠢ ᠳᠤᠷᠤᠭᠰᠢ ᠪᠠᠭᠤᠵᠤ ᠪᠠᠷᠢᠭᠠᠳᠠ ᠪᠤᠯᠤᠨ ᠤᠯᠠᠨ ᠲᠦᠮᠡᠨᠳ᠋ᠤ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ ᠲᠤᠭᠤᠰᠢᠯᠠᠭᠤᠯᠬᠤ ᠂ ᠠᠵᠢᠯ ᠡᠭᠦᠷᠭᠡᠪᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠪᠠᠢᠳᠠᠯᠢᠶᠡᠨ ᠳᠡᠭᠡᠳᠦ ᠱᠠᠲᠤᠨᠳ᠋ᠤ ᠬᠠᠷᠢᠭᠤ ᠮᠡᠳᠡᠭᠦᠯᠬᠦ ᠵᠡᠷᠭᠡ ᠪᠠᠢᠳᠠᠯᠳ᠋ᠤ ᠴᠦᠮ ᠱᠠᠭᠠᠷᠳᠠᠯᠭᠠ ᠶᠤᠰᠤᠭᠠᠷ ᠲᠡᠮᠲᠡᠭᠯᠡᠯ ᠬᠢᠳᠡᠭ ᠪᠠᠢᠵᠠᠢ ᠃ ᠬᠦᠰᠦᠨᠦᠭᠢᠶᠠᠷ ᠢᠯᠡᠳᠭᠡᠭᠰᠡᠨᠨᠢ ᠰᠤᠮᠤ ᠪᠤᠶᠤ ᠪᠠᠷᠢᠭᠠᠳᠠᠶᠢᠨ ᠦᠨᠳᠦᠰᠦᠨ ᠪᠠᠢᠳᠠᠯ ᠂ ᠡᠯᠡ ᠰᠠᠯᠠᠭᠠ ᠮᠦᠴᠢᠷ ᠵᠤᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶᠢᠨ ᠪᠦᠷᠢᠯᠳᠦᠭᠦᠨ ᠂ ᠲᠤᠭᠠ ᠪᠦᠷᠢᠳᠭᠡᠯ ᠵᠡᠷᠭᠡ ᠵᠦᠢᠯᠡᠰ ᠪᠤᠯᠤᠨᠠ ᠃ ︽ ᠲᠡᠷᠡ ᠦᠶᠡᠰ ᠶᠡᠬᠡ ᠬᠠᠮᠲᠤ ᠪᠠᠢᠬᠰᠠᠨ ᠪᠤᠯᠬᠤᠷ ᠤᠯᠠᠨ ᠲᠦᠮᠡᠨ ᠪᠦᠷ ᠨᠢᠭᠡᠳᠦᠯᠲᠡᠢ ᠠᠵᠢᠯᠯᠠᠵᠤ ᠂ ᠶᠡᠬᠡ ᠪᠠᠷᠢᠭᠠᠳᠠᠪᠠᠷ ᠨᠢᠭᠡᠴᠢ ᠪᠤᠯᠭᠠᠨ ᠬᠤᠪᠢᠶᠠᠷᠢᠯᠠᠯᠲᠠ ᠬᠢᠵᠦ ᠬᠤᠪᠢ ᠪᠤᠳᠤᠳᠠᠭ ᠪᠠᠢᠭᠰᠠᠨ ︾ ᠭᠡᠵᠦ ᠠᠯᠲᠠ ᠡᠵᠢ ᠡᠷᠬᠢᠴᠡᠭᠦᠯᠵᠦ ᠪᠠᠢᠨᠠ ᠃

︽ ᠠᠷᠰᠯᠠᠩᠲᠤ ᠭᠦᠩᠱᠧᠶᠢᠨ 1974 ᠤᠨᠤ ᠮᠠᠯ ᠠᠵᠤ ᠠᠬᠤᠢᠶᠢᠨ ᠳ᠋ᠠᠵᠠᠢᠡᠴᠠ ᠰᠤᠷᠤᠯᠴᠠᠭᠰᠠᠨ ᠳᠤᠷᠰᠢᠯᠭᠠᠪᠠᠨ ᠰᠤᠯᠢᠯᠴᠠᠬᠤ ᠶᠡᠬᠡ ᠬᠤᠷᠠᠯᠤᠨ ᠳᠤᠷᠠᠰᠬᠠᠯ ︾ ᠭᠡᠰᠡᠨ ᠪᠢᠴᠢᠭᠲᠠᠢ ᠡᠨᠡ ᠲᠡᠮᠲᠡᠭᠯᠡᠯᠤᠨ ᠲᠠᠪᠲᠡᠷᠢ ᠬᠠᠷᠠᠩᠭᠤᠲᠠ ᠯᠠ ᠬᠠᠭᠠᠰ ᠵᠠᠭᠤᠨᠤ ᠲᠡᠷᠲᠡᠭᠡᠬᠢ ᠮᠠᠯᠵᠢᠬᠤ ᠳ᠋ᠠᠵᠠᠢᠡᠴᠠ ᠰᠤᠷᠤᠯᠴᠠᠬᠤ ᠳᠤᠬᠠᠢᠶᠢᠨ ᠴᠠᠭ ᠦᠶᠡᠶᠢᠨ ᠤᠷᠢᠶᠠᠯᠠᠭᠠ ᠂ ᠰᠤᠮᠤᠶᠢ ᠭᠦᠩᠱᠧ ᠂ ᠭᠠᠴᠠᠭᠠᠶᠢ ᠪᠠᠷᠢᠭᠠᠳᠠ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠢᠬᠰᠠᠨ ᠂ ᠪᠤᠳᠠᠭᠠᠨ ᠫᠢᠶᠤᠤᠪᠠᠨ ᠠᠪᠴᠤ ᠬᠦᠳᠡᠭᠡ ᠪᠠᠭᠤᠳᠠᠭ ᠺᠠᠳ᠋ᠷ ᠵᠡᠷᠭᠡ ᠲᠡᠦᠬᠡᠨ ᠠᠬᠤᠢ ᠪᠠᠢᠳᠠᠯ ᠳᠠᠬᠢᠨ ᠳᠤᠲᠤᠷᠠᠨᠠ ᠃ ᠡᠨᠡ ᠲᠡᠮᠲᠡᠭᠯᠡᠯᠢ ᠨᠠᠷᠢᠪᠴᠢᠯᠠᠵᠤ ᠦᠵᠡᠪᠡᠯ ᠂ 1974 ᠤᠨᠤ ᠤᠤᠯᠤᠨ ᠶᠡᠬᠡ ᠵᠤᠤ ᠠᠢᠮᠠᠭᠤᠨ ᠬᠠᠩᠭᠢᠨ ᠬᠤᠰᠢᠭᠤᠨᠤ ᠠᠷᠰᠯᠠᠩᠲᠤ ᠭᠦᠩᠱᠧᠶᠢᠨ ᠳᠤᠯᠤᠭᠠᠨᠴᠢᠷᠭᠠ ᠪᠠᠷᠢᠭᠠᠳᠠᠶᠢᠨ ᠤᠷᠤᠯᠭᠠ ᠵᠠᠷᠤᠯᠭᠠᠶᠢᠨ ᠪᠠᠢᠳᠠᠯᠢ ᠤᠯᠤᠰᠤᠨ ᠭᠠᠢᠯᠢ ᠳᠤᠰᠢᠶᠠᠬᠰᠠᠨ ᠂ ᠠᠰᠠᠷᠠᠮᠵᠢᠶᠢᠨ ᠮᠦᠩᠭᠦ ᠬᠤᠪᠢᠶᠠᠭᠰᠠᠨ ᠂ ᠮᠠᠯᠤᠨ ᠠᠰᠢᠭ ᠰᠢᠮᠡᠶᠢᠨ ᠤᠷᠤᠯᠭᠠ ᠂ ᠳᠠᠷᠠᠭᠠ ᠵᠢᠯᠤᠨ ᠦᠢᠯᠡᠳᠪᠦᠷᠢᠯᠡᠯᠤᠨ ᠵᠠᠷᠤᠳᠠᠯ ᠂ ᠦᠯᠡᠳᠡᠭᠡᠬᠦ ᠮᠦᠩᠭᠦ ᠭᠡᠭᠦ ᠮᠡᠲᠦᠪᠠᠷ ᠲᠦᠷᠦᠯ ᠠᠩᠭᠢᠯᠠᠨ ᠲᠡᠮᠲᠡᠭᠯᠡᠵᠦ ᠂ ᠬᠡᠳᠦᠢᠪᠠᠷ ᠳᠦᠭᠦᠮᠬᠡᠨ ᠨᠢᠭᠡ ᠯᠡ ᠬᠠᠭᠤᠳᠠᠰᠤᠶᠢᠨ ᠲᠡᠮᠲᠡᠭᠯᠡᠯ ᠪᠤᠯᠪᠠᠴᠤ ᠠᠯᠢᠨᠢ ᠭᠡᠳᠦᠢ ᠳᠦᠭᠦᠷᠢᠭ ᠵᠤᠭᠤᠰ ᠂ ᠡᠨᠡᠨᠢ ᠪᠦᠬᠦ ᠤᠷᠤᠯᠭᠠᠶᠢᠨᠢᠶᠡᠨ ᠵᠠᠭᠤᠨᠤ ᠬᠡᠳᠦᠢ ᠬᠤᠪᠢᠶᠢ ᠡᠵᠡᠯᠡᠬᠦ ᠭᠡᠳᠡᠭᠢ ᠳᠤᠲᠤᠷᠬᠠᠢ ᠲᠡᠮᠲᠡᠭᠯᠡᠵᠡᠢ ᠃
ᠠᠯᠲᠠ ᠡᠵᠢ ᠡᠳᠡᠭᠡᠷ ᠬᠠᠭᠤᠴᠢᠨ ᠲᠡᠮᠲᠡᠭᠯᠡᠯᠤᠨ ᠳᠡᠪᠲᠠᠷᠢᠶᠡᠨ ᠡᠮᠬᠢᠯᠡᠨ ᠲᠢᠭᠯᠡᠵᠦ ᠂ ᠨᠤᠮ ᠪᠤᠯᠭᠠᠨ ᠬᠡᠪᠯᠡᠭᠦᠯᠦᠭᠡᠳ ᠲᠦᠷᠦᠭᠦᠬᠡᠨ ᠬᠠᠩᠬᠢᠨ ᠬᠤᠰᠢᠭᠤᠨᠤ ᠤᠤᠯᠤᠨ ᠠᠷᠰᠯᠠᠩᠲᠤ ᠰᠤᠮᠤᠨᠤ ᠳᠤᠯᠤᠭᠠᠨᠴᠢᠷᠭᠠ ᠪᠠᠷᠢᠭᠠᠳᠠ ᠪᠠ ᠬᠠᠪᠢᠷᠭᠠ ᠪᠠᠷᠢᠭᠠᠳᠠ ᠂ ᠤᠳᠤᠶᠢᠨ ᠰᠢᠨᠠᠪᠠᠯᠭᠠᠰᠤᠨᠤ ᠪᠠᠶᠠᠨᠪᠤᠯᠠᠭ ᠭᠠᠴᠠᠭᠠᠨᠤ ︽ ᠲᠡᠮᠦᠷ ᠬᠡᠦᠬᠡᠨᠴᠦᠳ ︾ᠤᠨ ᠴᠤᠭᠯᠠᠭᠠᠨ ᠳᠡᠭᠡᠷᠡ ᠪᠡᠯᠡᠭ ᠪᠤᠯᠭᠠᠵᠤ ᠬᠦᠷᠭᠡᠭᠰᠡᠨ ᠪᠠᠢᠯᠠ ᠃ ︽ ᠠᠵᠢᠯᠳ᠋ᠤ ᠤᠷᠤᠭᠰᠠᠨ ᠬᠠᠮᠤᠭ ᠠᠩᠬᠠᠨᠤ ᠠᠵᠢᠯ ᠪᠤᠯ ᠳᠠᠷᠤᠢ ᠳᠤᠯᠤᠭᠠᠨᠴᠢᠷᠭᠠ ᠶᠡᠬᠡ ᠪᠠᠷᠢᠭᠠᠳᠠᠶᠢᠨ ︿ ᠲᠡᠮᠦᠷ ᠬᠡᠦᠡᠬᠡᠨᠴᠦᠳᠤᠨ ᠳᠤᠭᠤᠢᠯᠠᠩ ﹀ᠢ ᠪᠠᠢᠭᠤᠯᠵᠤ ᠂ ᠲᠡᠳᠡᠨᠲᠠᠢ ᠬᠠᠮᠲᠤ ᠠᠵᠢᠯᠯᠠᠵᠤ ᠠᠮᠢᠳᠤᠷᠠᠵᠤ ᠂ ᠶᠡᠬᠡ ᠠᠷᠪᠢᠨ ᠬᠦᠴᠢᠷ ᠪᠡᠷᠬᠡᠶᠢ ᠬᠠᠮᠲᠤᠪᠠᠷ ᠲᠤᠭᠤᠯᠵᠤ ᠂ ᠨᠢᠭᠡᠨ ᠬᠢᠷᠢ ᠲᠡᠩᠴᠡᠭᠰᠡᠨ ᠤᠯᠤᠰᠤᠨ ᠺᠠᠳ᠋ᠷ ᠪᠤᠯᠬᠤ ᠵᠠᠮᠢᠶᠠᠷ ᠤᠷᠤᠭᠰᠠᠨ ᠦᠶᠡ ᠶᠤᠮ ︾ ᠭᠡᠵᠦ ᠠᠯᠲᠠ ᠡᠵᠢ ᠡᠷᠭᠢᠴᠡᠭᠦᠯᠦᠨᠡ ᠃ ᠦᠩᠭᠡᠷᠡᠭᠰᠡᠨᠤ ᠶᠠᠳᠠᠭᠤ ᠬᠦᠴᠢᠷᠲᠡᠢ ᠤᠨ ᠵᠢᠯᠤᠨ ᠲᠡᠦᠬᠡᠲᠦ ᠪᠠᠢᠳᠠᠯ ᠵᠢᠴᠢ ᠲᠡᠮᠦᠷ ᠬᠡᠦᠬᠡᠨᠴᠦᠳᠤᠨ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠨᠡᠢᠬᠡᠮ ᠨᠡᠢᠲᠡᠳ᠋ᠤ ᠮᠡᠳᠡᠷᠡᠭᠦᠯᠵᠦ ᠰᠤᠷᠲᠠᠯᠴᠢᠯᠠᠨ ᠂ ᠲᠡᠳᠡᠨᠤ ᠵᠤᠷᠢᠭ ᠰᠠᠨᠠᠭᠠᠶᠢ ᠬᠤᠢᠴᠢ ᠦᠶᠡᠶᠢᠨᠬᠢᠨᠳ᠋ᠤ ᠤᠯᠠᠮᠵᠢᠯᠠᠬᠤᠶᠢᠨ ᠲᠦᠯᠦᠭᠡ ᠬᠠᠭᠤᠴᠢᠨ ᠲᠡᠮᠲᠡᠭᠯᠡᠯᠢᠶᠡᠨ ︽ ᠮᠢᠨᠦ ᠡᠳᠦᠷᠤᠨ ᠲᠡᠮᠲᠡᠭᠯᠡᠯ ︾ ᠭᠡᠰᠡᠨ ᠰᠢᠨᠡ ᠨᠤᠮ ᠪᠤᠯᠭᠠᠵᠤ ᠬᠡᠪᠯᠡᠭᠦᠯᠦᠨ ᠂ ᠲᠡᠮᠦᠷ ᠬᠡᠦᠬᠡᠨᠴᠦᠳ ᠵᠢᠴᠢ ᠦᠪᠠᠷᠤᠨ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠤᠨ ᠵᠢᠯᠢᠶᠡᠨ ᠳᠤᠷᠠᠳᠬᠠᠬᠰᠠᠨ ᠪᠠᠢᠵᠠᠢ ᠃

ᠡᠨᠡᠨᠢ ᠳᠤᠬᠠᠢᠶᠢᠨ ᠴᠠᠭ ᠦᠶᠠᠶᠢᠨ ᠬᠦᠮᠦᠰᠤᠨ ᠶᠠᠳᠠᠭᠤ ᠬᠦᠴᠢᠷᠲᠡᠢ ᠂ ᠬᠠᠲᠠᠭᠤ ᠬᠦᠳᠡᠭᠦᠦ ᠤᠷᠴᠢᠨ ᠲᠤᠭᠤᠷᠢᠨᠳ᠋ᠤ ᠪᠠᠢᠭᠰᠠᠨ ᠴᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠭᠦᠢᠴᠡᠳᠭᠡᠵᠦ ᠂ ᠬᠠᠮᠲᠤ ᠨᠡᠢᠲᠡᠶᠢᠨ ᠲᠦᠯᠦᠭᠡ ᠠᠮᠢ ᠬᠤᠪᠢᠪᠠᠨ ᠮᠠᠷᠲᠠᠨ ᠬᠢᠴᠢᠶᠡᠩᠭᠦᠢᠢᠯᠡᠨ ᠵᠢᠳᠬᠦᠵᠦ ᠂ ᠬᠦᠴᠢᠷᠡᠴᠠ ᠬᠤᠢᠰᠢ ᠤᠬᠤᠷᠢᠯ ᠦᠭᠡᠢ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠵᠤ ᠬᠦᠳᠡᠯᠮᠦᠷᠢᠯᠡᠳᠡᠭ ᠂ ᠴᠦᠬᠦᠷᠡᠯ ᠦᠭᠡᠢ ᠵᠢᠳᠭᠦᠨ ᠲᠡᠮᠡᠦᠯᠳᠡᠭ ᠲᠡᠢᠮᠦᠷᠬᠦ ᠨᠢᠭᠡᠨ ᠴᠠᠭ ᠦᠶᠡᠶᠢᠨ ᠵᠤᠷᠢᠭ ᠰᠠᠨᠠᠭᠠ ᠪᠠᠢᠭᠰᠠᠨ ᠶᠤᠮ ᠃ ᠡᠨᠡ ᠪᠤᠯ ᠮᠦᠨ ᠴᠤ ᠠᠯᠲᠠ ᠡᠵᠢ ᠨᠠᠷᠤᠨ ᠪᠢᠳᠡᠨᠳ᠋ᠤ ᠦᠯᠡᠳᠡᠭᠡᠵᠦ ᠦᠭᠭᠦᠭᠰᠡᠨ ᠡᠷᠬᠢᠮ ᠨᠠᠨᠳᠢᠨ ᠤᠶᠤᠨ ᠰᠠᠨᠠᠭᠠᠨᠤ ᠦᠪ ᠬᠦᠷᠦᠩᠭᠡ ᠪᠠᠢᠬᠤ ᠶᠤᠰᠤᠲᠠᠢ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠪᠣᠣ ᠮᠧᠢ ᠷᠥᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃