ᠲᠡᠷᠢᠭᠦᠨ ᠨᠢᠭᠤᠷ>ᠬᠦᠮᠦᠨ ᠨᠡᠢᠭᠡᠮ>ᠬᠦᠮᠦᠨ ᠵᠣᠨ

2020-07-17 11:16:30

ᠵᠣᠬᠢᠶᠠᠭ᠍ᠴᠢ᠄ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

7 ᠰᠠᠷ᠎ᠠ᠎ᠶᠢᠨ 15᠎ᠤ ᠡᠳᠦᠷ ᠂ ᠠᠩᠬᠠᠳᠤᠭᠠᠷ ᠤᠳᠠᠭ᠎ᠠ᠎ᠶᠢᠨ ︽ ᠦᠪᠦᠷ ᠮᠤᠩᠭᠤᠯ᠎ᠤᠨ ᠲᠡᠮᠦᠷ ᠬᠡᠤᠬᠡᠨᠴᠤᠳ ︾᠎ᠤᠨ ᠵᠤᠯᠭᠠᠯᠲᠠ᠎ᠶᠢᠨ ᠨᠠᠢᠷ ᠤᠷᠤᠨ᠎ᠤ ᠲᠦᠪ ᠬᠦᠭᠡᠬᠤᠳᠠ᠎ᠳ᠋ᠤ ᠶᠠᠪᠤᠬᠳᠠᠵᠤ ᠂ ᠲᠡᠮᠤᠷ ᠬᠡᠦᠭᠡᠨᠴᠤᠳ ᠬᠠᠷᠢᠭᠤ ᠮᠡᠳᠡᠭᠦᠯᠦᠯᠲᠡ᠎ᠶᠢᠨ ᠲᠤᠬᠯᠠᠯᠲᠠ ᠭᠠᠷᠭᠠᠵᠤ ᠂ ᠵᠤᠯᠭᠠᠯᠲᠠ᠎ᠶᠢᠨ ᠨᠠᠢᠷ᠎ᠢᠶᠡᠨ ᠤᠳᠬ᠎ᠠ ᠲᠡᠭᠦᠯᠳᠡᠷ ᠲᠡᠮᠳᠡᠭᠯᠡᠯ᠎ᠠ ᠃

ᠠᠭᠤᠯᠵᠠᠯᠳᠠ᠎ᠶᠢᠨ ᠵᠢᠷᠭᠠᠯ᠎ᠳ᠋ᠤ ᠰᠤᠬᠳᠤᠭᠤᠷᠠᠬᠰᠡᠨ ᠲᠡᠮᠤᠷ ᠬᠡᠤᠬᠡᠨᠴᠤᠳ ᠦᠩᠭᠡᠷᠡᠭᠰᠡᠨ᠎ᠢᠶᠡᠨ ᠡᠷᠬᠢᠴᠡᠭᠦᠯᠭᠦ᠎ᠲᠠᠢ ᠵᠡᠷᠭᠡ ᠦᠪᠡᠷ᠎ᠤᠨ ᠡᠷᠭᠡ ᠦᠭᠡᠢ ᠰᠡᠳᠬᠢᠯ ᠲᠤᠬᠳᠤᠯᠤᠨ ᠂ ᠵᠠᠷᠢᠮ᠎ᠨᠢ ᠪᠠᠶᠠᠷᠯᠠᠯ ᠲᠤᠬᠳᠤᠯᠤᠯ᠎ᠤᠨ ᠰᠡᠳᠬᠢᠯᠭᠡ᠎ᠪᠠᠨ ᠲᠠᠷᠤᠵᠤ ᠶᠠᠳᠠᠨ ᠰᠡᠮᠡᠭᠡᠷ ᠨᠢᠯᠪᠤᠰᠤ᠎ᠪᠠᠨ ᠠᠷᠴᠢᠨ᠎ᠠ ᠂ ᠵᠠᠷᠢᠮᠠᠳ᠎ᠨᠢ ᠭᠠᠷ ᠭᠠᠷ᠎ᠢᠶᠡᠨ ᠠᠳᠬᠤᠬᠰᠡᠨ ᠭᠡᠪ᠎ᠢᠶᠠᠷ᠎ᠢᠶᠡᠨ ᠶᠠᠭᠤ ᠶᠠᠷᠢᠬᠤ᠎ᠪᠠᠨ ᠤᠯᠵᠤ ᠶᠠᠳᠠᠨ ᠴᠢᠮᠡᠭᠡ ᠦᠭᠡᠢ ᠨᠢᠭᠡ ᠨᠢᠭᠡᠨ᠎ᠢᠶᠡᠨ ᠨᠠᠯᠠᠨ ᠰᠠᠭᠤᠨ᠎ᠠ ᠁ ᠃ ᠲᠡᠭᠡᠷ᠎ᠡ ᠵᠠᠭᠤᠨ᠎ᠤ ᠵᠢᠷᠠ ᠲᠠᠯᠠᠭᠠᠳ ᠤᠨ᠎ᠤ ᠦᠶ᠎ᠡ᠎ᠪᠠᠷ ᠂ ᠦᠪᠦᠷ ᠮᠤᠩᠭᠤᠯ᠎ᠤᠨ ᠲᠠᠯ᠎ᠠ ᠨᠤᠲᠤᠬ᠎ᠲᠤ ︽ ᠮᠠᠯᠴᠢᠨ ᠳ᠋ᠠᠵᠠᠢ᠎ᠡᠴᠠ ᠰᠤᠷᠤᠯᠴᠠᠬᠤ ︾ ᠦᠷᠨᠢᠯᠳᠠ ᠭᠠᠷᠴᠤ ᠂ ᠬᠤᠷᠢ ᠬᠥᠷᠥᠬᠡ ᠥᠬᠡᠢ ᠬᠡᠤᠬᠡᠨᠴᠤᠳ ᠵᠠᠯᠠᠭᠤ ᠽᠠᠨᠳᠠᠨ ᠨᠠᠰᠤᠨ᠎ᠤ ᠬᠠᠯᠠᠭᠤᠨ ᠰᠡᠳᠬᠢᠯ ᠬᠠᠳᠠᠨ ᠵᠤᠷᠢᠬ᠎ᠢᠶᠠᠷ ᠬᠠᠮᠲᠤ ᠨᠡᠢᠲᠡ᠎ᠶᠢᠨ ᠠᠵᠢᠯ᠎ᠳ᠋ᠤ ᠤᠷᠤᠯᠴᠠᠵᠤ ᠂ ᠪᠠᠷᠢᠭᠠᠳᠠ᠎ᠶᠢᠨ ᠬᠤᠨᠢ ᠮᠠᠯ᠎ᠢ ᠬᠠᠷᠢᠭᠤᠯᠬᠤ ᠂ ᠬᠤᠳᠳᠤᠬ ᠮᠠᠯᠳᠠᠬᠤ ᠂ ᠠᠭᠤᠯᠠ ᠲᠡᠯᠪᠡᠴᠢᠨ ᠴᠢᠯᠠᠭᠤ ᠭᠠᠷᠭᠠᠬᠤ ᠂ ᠭᠡᠷ ᠬᠤᠷᠤᠭ᠎ᠠ ᠪᠠᠷᠢᠬᠤ ᠂ ᠮᠤᠳᠤ ᠲᠠᠷᠢᠬᠤ ᠁ ᠬᠡᠬᠦ ᠮᠡᠲᠤ᠎ᠪᠠᠷ ᠬᠠᠮᠢᠭ᠎ᠠ ᠬᠦᠴᠢᠷᠳᠡᠯᠳᠡᠢ ᠪᠤᠯ ᠲᠡᠨᠳᠠ ᠤᠴᠢᠨ ᠂ ᠬᠠᠮᠢᠭ᠎ᠠ ᠬᠦᠳᠡᠯᠮᠦᠷᠢ ᠬᠦᠴᠦᠨ ᠲᠤᠳᠠᠬᠳᠠᠪᠠᠯ ᠲᠡᠨᠳᠡ ᠤᠴᠢᠵᠤ ᠂ ᠠᠴᠢ ᠬᠠᠷᠢᠭᠤᠯᠤᠯᠳᠠ ᠠᠰᠢᠬ ᠤᠷᠤᠯᠭ᠎ᠠ ᠬᠦᠰᠡᠬᠦ ᠦᠭᠡᠢ᠎ᠪᠠᠷ ᠭᠠᠪᠰᠢᠭᠠᠢᠯᠠᠨ ᠠᠵᠢᠯᠯᠠᠵᠤ ᠭᠠᠷᠮᠠᠭᠠᠢ ᠵᠢᠳᠭᠦᠯ ᠦᠵᠡᠭᠦᠯᠦᠭᠰᠡᠨ ᠦᠢᠯᠡ ᠠᠵᠢᠯᠯᠭ᠎ᠠ ᠂ ᠵᠤᠷᠢᠬ ᠰᠠᠨᠠᠭ᠎ᠠ᠎ᠨᠢ ᠤᠷᠤᠨ ᠳᠠᠶᠠᠭᠠᠷ ᠴᠢᠨᠠᠬᠰᠢᠯᠠᠨ ᠤᠯᠤᠰ ᠳᠠᠶᠠᠭᠠᠷ ᠤᠯᠠᠮᠵᠢᠯᠠᠬᠳᠠᠨ ᠳᠠᠷᠬᠠᠵᠤ ᠂ ︽ ᠲᠡᠮᠤᠷ ᠬᠡᠤᠬᠡᠨᠴᠤᠳ ︾ ᠬᠡᠮᠡᠨ ᠠᠯᠳᠠᠷᠰᠢᠬᠰᠠᠨ ᠪᠠᠢᠪᠠ ᠃


1.JPG


ᠲᠡᠮᠦᠷ ᠬᠡᠤᠬᠡᠨᠴᠤᠳ᠎ᠤᠨ ᠦᠢᠯᠠ ᠠᠵᠢᠯᠯᠠᠭ᠎ᠠ᠎ᠶᠢ ᠨᠡᠢᠬᠡᠮ ᠨᠡᠢᠲᠡ᠎ᠳ᠋ᠤ ᠮᠡᠳᠡᠭᠦᠯᠦᠨ ᠂ ᠬᠤᠢᠴᠢ ᠦᠶ᠎ᠠ᠎ᠶᠢᠨ᠎ᠬᠢᠨ᠎ᠳ᠋ᠡᠭᠡᠨ ᠲᠠᠳᠠ ᠨᠡᠷ᠎ᠤᠨ ᠦᠢᠯᠡ ᠠᠵᠢᠯᠯᠠᠭ᠎ᠠ ᠪᠠ ᠵᠤᠷᠢᠬ ᠰᠠᠨᠠᠭ᠎ᠠ᠎ᠶᠢ ᠤᠯᠠᠮᠵᠢᠯᠠᠵᠤ ᠲᠡᠯᠭᠡᠷᠡᠭᠦᠯᠬᠦ᠎ᠶᠢᠨ ᠵᠤᠷᠢᠯᠭ᠎ᠠ᠎ᠡᠴᠠ ᠂ ᠬᠦᠯᠦᠨ ᠪᠤᠢᠷ ᠬᠤᠳᠠ᠎ᠶᠢᠨ ᠰᠢᠨ᠎ᠡ ᠪᠠᠷᠭᠤ ᠵᠡᠬᠦᠨ ᠬᠤᠰᠢᠭᠤᠨ᠎ᠤ ᠰᠢᠨᠡᠪᠤᠯᠠᠭ ᠰᠤᠮᠤᠨ᠎ᠤ ᠮᠠᠯᠴᠢᠨ ᠂ ᠦᠪᠤᠷ ᠮᠤᠩᠭᠤᠯ ᠤᠷᠤᠨ᠎ᠤ ︽ ᠲᠡᠮᠤᠷ ᠬᠡᠤᠬᠡᠨᠴᠤᠳ᠎ᠤᠨ ᠬᠤᠯᠪᠤᠭ᠎ᠠ ︾᠎ᠶᠢᠨ ᠠᠬᠠᠯᠠᠬᠴᠢ ᠳᠤᠯᠭᠠᠷ ᠨᠠᠰᠤᠲᠠᠨ᠎ᠡᠴᠠ ᠡᠯ᠎ᠡ ᠠᠢᠮᠠᠭ ᠬᠤᠳᠠ᠎ᠶᠢᠨ ︽ ᠲᠡᠮᠤᠷ ᠬᠡᠤᠬᠡᠨ ︾ ᠵᠢᠷᠭᠢᠶ᠎ᠡ ᠬᠤᠯᠪᠤᠭᠠᠨ᠎ᠤ ᠠᠬᠠᠯᠠᠬᠴᠢ ᠨᠠᠷ᠎ᠲᠠᠢ᠎ᠪᠠᠨ ᠬᠠᠮᠳᠤᠷᠠᠨ ᠲᠤᠰ ᠤᠳᠠᠭ᠎ᠠ᠎ᠶᠢᠨ ᠠᠵᠢᠯᠯᠠᠭ᠎ᠠ᠎ᠶᠢ ᠵᠤᠬᠢᠶᠠᠨ ᠪᠠᠢᠭᠤᠯᠵᠦ ᠂ ᠬᠦᠯᠦᠨ ᠪᠤᠢᠷ ᠂ ᠤᠯᠠᠭᠠᠨᠬᠠᠳᠠ ᠂ ᠤᠷᠳᠤᠰ ᠂ ᠪᠠᠶᠠᠨᠨᠠᠭᠤᠷ ᠂ ᠰᠢᠯᠢ᠎ᠶᠢᠨ ᠭᠤᠤᠯ ᠵᠡᠷᠭᠡ ᠲᠠᠪᠤᠨ ᠠᠢᠮᠠᠬ ᠬᠤᠳᠠ᠎ᠡᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ 140 ᠭᠠᠷᠤᠢ ᠲᠡᠮᠦᠷ ᠭᠡᠦᠭᠡᠨ ᠲᠤᠰ ᠤᠳᠠᠭᠠᠨ᠎ᠤ ᠵᠤᠯᠭᠠᠯᠲᠠ᠎ᠳ᠋ᠤ ᠤᠷᠤᠯᠴᠠᠬᠰᠠᠨ ᠪᠠᠢᠨ᠎ᠠ ᠃ ᠡᠭᠦᠨ᠎ᠳ᠋ᠤ ᠂ ᠨᠠᠶᠠ᠎ᠶᠢᠨ ᠲᠠᠪᠠᠭ᠎ᠠ᠎ᠶᠢ ᠲᠠᠪᠠᠬᠰᠠᠨ ᠦᠤᠰᠢᠨ ᠨᠤᠲᠤᠬ᠎ᠲᠠᠢ ᠰᠡᠴᠡᠩᠡᠷᠡᠯ ᠨᠠᠰᠤᠳᠠᠨ ᠂ ︽ ᠳᠠᠯ᠎ᠠ ᠨᠤᠲᠤᠭ᠎ᠤᠨ ᠪᠢᠴᠢᠬᠠᠨ ᠪᠠᠭᠠᠳᠤᠷ ᠡᠭᠡᠴᠢ ᠦᠬᠢᠨ ᠳᠡᠬᠦᠦ ︾᠎ᠶᠢᠨ ᠬᠡᠦᠭᠡᠨ ᠲᠡᠭᠦᠦ ᠢᠤᠢ ᠷᠦᠩ ᠴᠤ ᠬᠦᠷᠦᠯᠴᠡᠨ ᠢᠷᠡᠵᠤ ᠨᠠᠨᠳᠢᠨ ᠲᠤᠷᠠᠳᠬᠠᠯ ᠦᠯᠡᠳᠡᠭᠡᠭᠰᠡᠨ ᠪᠠᠢᠨ᠎ᠠ ᠃


22.JPG



ᠨᠠᠢᠷ᠎ᠤᠨ ᠠᠬᠤᠢ ᠲᠠᠯᠠᠪᠠᠢ᠎ᠳ᠋ᠤ ᠂ ᠬᠠᠭᠤᠴᠢᠨ ᠪᠠᠷᠭᠤ ᠬᠤᠰᠢᠭᠤᠨ᠎ᠤ ᠡᠸᠡᠩᠬᠢ ᠰᠤᠮᠦ᠎ᠪᠠᠷ ᠨᠤᠲᠤᠬ᠎ᠲᠠᠢ 67 ᠨᠠᠰᠤᠲᠠᠢ ᠲ᠊ · ᠳ᠋ᠠᠷᠢᠮ᠎ᠠ ᠡᠵᠢ ᠄ ︽ 1974  1976 ᠤᠨ᠎ᠳ᠋ᠤ ᠮᠠᠨ᠎ᠤ ᠡᠨᠳᠡ ︿ ᠲᠡᠮᠦᠷ ᠬᠡᠤᠬᠡᠨᠴᠤᠳ ﹀᠎ᠤᠨ ᠭᠠᠪᠰᠢᠭᠠᠢ ᠲᠤᠭᠤᠢᠯᠠᠩ ᠪᠠᠢᠭᠤᠯᠤᠬᠳᠠᠨ ᠂ ᠬᠤᠷᠢᠭᠠᠳ ᠨᠠᠰᠤᠲᠠᠢ ᠬᠡᠤᠬᠡᠨᠴᠤᠳ ᠬᠠᠳᠠ ᠴᠢᠯᠠᠭᠤ ᠲᠡᠯᠪᠡᠴᠢᠬᠦ ᠂ ᠴᠢᠯᠠᠭᠤᠨ ᠬᠡᠷᠡᠮ ᠪᠠᠷᠢᠬᠤ ᠂ ᠡᠪᠡᠰᠦ ᠪᠤᠷᠳᠤᠭ᠎ᠠ ᠬᠠᠳᠤᠬᠤ ᠬᠡᠳ ᠪᠠᠷᠢᠭᠠᠳᠠ᠎ᠶᠢᠨ ᠡᠯ᠎ᠡ ᠵᠦᠢᠯ᠎ᠤᠨ ᠠᠵᠢᠯ᠎ᠢ ᠬᠢᠳᠡᠭ ᠪᠠᠢᠬᠰᠠᠨ ᠃ ᠵᠠᠷᠢᠮ᠎ᠳᠠᠭᠠᠨ ᠬᠦᠴᠦ ᠴᠢᠳᠠᠯ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠤᠯᠬᠤᠷ ᠬᠦᠯ ᠭᠠᠷ᠎ᠢᠶᠡᠨ ᠬᠡᠮᠳᠦᠭᠡᠵᠦ ᠂ ᠬᠦᠴᠢᠷᠳᠡᠯ᠎ᠳ᠋ᠤ ᠲᠤᠯᠭᠠᠷᠠᠵᠤ ᠪᠠᠢᠬᠰᠠᠨ ᠃ ᠬᠡᠪᠡᠴᠤ ᠠᠷᠠᠳ ᠲᠦᠮᠡᠨ᠎ᠤ ᠲᠦᠯᠦᠭᠡ ᠠᠵᠢᠯ ᠬᠢᠵᠦ ᠪᠠᠢᠨ᠎ᠠ ᠬᠡᠵᠦ ᠪᠤᠳᠤᠬᠤ᠎ᠳᠠᠭᠠᠨ ᠶᠡᠷᠦ᠎ᠨᠢ ᠬᠦᠴᠢᠷ ᠭᠡᠮᠡᠨ ᠪᠤᠳᠤᠳᠠᠬ ᠦᠭᠡᠢ ᠪᠠᠢᠵᠠᠢ ᠃ ᠦᠨᠦ ᠡᠷᠬᠢᠴᠡᠭᠦᠯᠦᠨ ᠪᠤᠳᠤᠬᠤ᠎ᠳ᠋ᠤ ᠮᠠᠰᠢ ᠰᠠᠢᠬᠠᠨ ᠰᠠᠨᠠᠬᠳᠠᠬᠤ ᠶᠤᠮ ᠃ ᠡᠨᠡ ᠤᠳᠠᠭᠠᠨ᠎ᠤ ᠴᠤᠬᠯᠠᠭᠠᠨ᠎ᠳ᠋ᠤ ᠤᠷᠤᠯᠴᠠᠭᠠᠳ ᠰᠡᠳᠬᠢᠯ ᠮᠠᠰᠢ ᠬᠠᠨᠤᠮᠵᠢᠳᠠᠢ ᠪᠠᠢᠨ᠎ᠠ ᠂ ᠪᠠᠶᠠᠷᠳᠠᠢ ᠪᠠᠢᠨ᠎ᠠ ᠂ ᠲᠡᠷᠡ ᠦᠶ᠎ᠡ᠎ᠶᠢᠨ ᠵᠢᠭᠠᠬᠠᠨ ᠬᠡᠤᠬᠡᠨᠴᠤᠳ ᠲᠦᠴᠢ ᠲᠠᠪᠢᠭᠠᠳ ᠵᠢᠯ᠎ᠤᠨ ᠲᠠᠷᠠᠭ᠎ᠠ ᠂ ᠵᠢᠷᠠ ᠲᠠᠯᠠ ᠬᠦᠷᠦᠭᠡᠳ ᠲᠠᠬᠢᠭᠠᠳ ᠤᠴᠠᠷᠠᠨ ᠵᠤᠯᠭᠠᠨ᠎ᠠ ᠬᠡᠳᠡᠭ ᠠᠮᠠᠷ ᠦᠭᠡᠢ ᠶᠠᠪᠤᠳᠠᠯ ᠡ ︕ ︾ ᠬᠡᠵᠦ ᠰᠡᠳᠬᠢᠯ ᠲᠤᠬᠳᠤᠯᠤᠨ ᠶᠠᠷᠢᠬᠤ᠎ᠳ᠋ᠤ ᠂ ᠬᠦᠪᠡᠭᠡᠲᠤ ᠰᠢᠷ᠎ᠠ ᠬᠤᠰᠢᠭᠤᠨ᠎ᠤ ᠪᠤᠬᠳᠠ᠎ᠶᠢᠨ ᠭᠤᠤᠯ ᠰᠤᠮᠤᠨ᠎ᠤ ᠬᠤᠨᠢᠴᠢᠨ ᠬᠠᠰᠢᠶᠠᠲᠤ ᠭᠠᠴᠠᠭᠠᠨ᠎ᠤ ᠲᠡᠮᠦᠷ ᠬᠡᠤᠬᠡᠨ ᠰᠸᠫᠯᠮ᠎ᠠ ᠨᠠᠰᠤᠲᠠᠨ 17 ᠨᠠᠰᠤᠲᠠᠢ᠎ᠳᠠᠭᠠᠨ ᠪᠠᠷᠢᠭᠠᠳᠠ᠎ᠶᠢᠨ ᠲᠦᠪ᠎ᠲᠤ ᠶᠢᠰᠦᠨ᠎ᠤ ᠬᠦᠢᠳᠡᠨ᠎ᠳ᠋ᠤ ᠬᠦᠮᠦᠨ᠎ᠤ ᠬᠦᠴᠦ᠎ᠪᠠᠷ ᠬᠤᠳᠳᠤᠬ ᠮᠠᠯᠳᠠᠨ ᠂ ᠱᠦᠢᠨᠢ ᠭᠠᠵᠠᠷ ᠲᠡᠭᠡᠷ᠎ᠡ ᠢᠰᠡᠭᠡᠢ ᠲᠡᠪᠢᠰᠴᠤ ᠤᠨᠳᠠᠨ ᠂ ᠦᠯᠦᠰᠴᠤ ᠲᠠᠭᠠᠷᠠᠵᠤ ᠶᠠᠪᠤᠵᠤ ᠪᠠᠢᠬᠰᠠᠨ ᠬᠠᠳᠠᠭᠤ ᠪᠡᠷᠭᠡᠰᠢᠶᠡᠯᠳᠦ ᠦᠶ᠎ᠠ᠎ᠶᠢᠨ ᠪᠠᠢᠳᠠᠯ᠎ᠢᠶᠡᠨ ᠡᠷᠬᠢᠴᠡᠭᠦᠯᠤᠨ ᠶᠠᠷᠢᠯ᠎ᠠ ᠃

ᠰᠤᠷᠪᠤᠯᠵᠢᠯᠠᠭ᠎ᠠ ᠦᠨᠳᠦᠷᠯᠡᠬᠦ᠎ᠶᠢᠨ ᠦᠶ᠎ᠡ᠎ᠪᠠᠷ ᠂ ᠲᠤᠯᠭᠠᠷ ᠨᠠᠰᠤᠲᠠᠨ᠎ᠡᠴᠠ ᠂ ᠳᠠᠷᠠᠭᠠᠴᠢ᠎ᠪᠠᠷ ᠦᠪᠦᠷ ᠮᠤᠩᠭᠤᠯ᠎ᠤᠨ ᠬᠡᠪᠴᠢᠶᠡᠨ᠎ᠤ ᠲᠡᠮᠦᠷ ᠬᠡᠤᠬᠡᠨᠴᠤᠳ᠎ᠤᠨ ᠶᠠᠪᠤᠵᠤ ᠢᠷᠡᠭᠰᠡᠨ ᠤᠯᠠ ᠮᠦᠷ ᠂ ᠨᠠᠮᠳᠠᠷ ᠲᠡᠤᠬᠡ᠎ᠶᠢ ᠬᠤᠷᠢᠶᠠᠨ ᠴᠤᠬᠯᠠᠭᠤᠯᠵᠤ ᠂ ᠠᠯᠪᠠᠨ ᠳ᠋ᠤᠭᠠᠷ᠎ᠲᠠᠢ ᠵᠢᠷᠤᠬᠲᠤ ᠲᠡᠪᠳᠡᠷ ᠭᠠᠷᠭᠠᠵᠤ ᠲᠤᠷᠠᠰᠬᠠᠨ ᠲᠡᠮᠳᠡᠭᠯᠡᠬᠦ᠎ᠪᠠᠷ ᠪᠠᠢᠭ᠎ᠠ ᠪᠠᠶᠡᠷ᠎ᠤᠨ ᠴᠢᠮᠡᠭᠡ᠎ᠪᠠᠨ ᠤᠯᠠᠨ᠎ᠳ᠋ᠤ ᠲᠠᠮᠵᠢᠭᠤᠯᠤᠯ᠎ᠠ ᠃


4.JPG


ᠠᠪᠤ᠋ ᠡᠵᠢ᠎ᠶᠢᠨ ᠠᠮᠢᠨ ᠡᠷᠳᠡᠨᠢ ᠪᠤᠯᠤᠨ ᠪᠦᠪᠡᠢᠯᠡᠭᠳᠡᠵᠦ ᠪᠠᠢᠬᠰᠡᠨ ᠭᠡᠦᠭᠡᠨᠴᠤᠳ ᠲᠤᠬᠠᠢ᠎ᠶᠢᠨ ᠦᠶ᠎ᠡ᠎ᠶᠢᠨ ︽ ᠲᠡᠮᠦᠷ ᠬᠡᠤᠬᠡᠨ ︾᠎ᠤ ᠤᠷᠬᠢᠯᠤᠮ᠎ᠠ ᠰᠡᠳᠭᠢᠯᠭᠡ ᠂ ᠠᠷᠢᠭᠤᠨ ᠬᠦᠳᠡᠯᠮᠦᠷᠢ᠎ᠪᠠᠷ᠎ᠢᠶᠡᠨ ᠲᠡᠦᠭᠡ᠎ᠶᠢᠨ ᠬᠠᠭᠤᠳᠠᠰᠤᠨ᠎ᠳ᠋ᠤ ᠲᠡᠮᠳᠡᠭᠯᠡᠭᠳᠡᠯ᠎ᠠ ᠃ ᠨᠢᠭᠡᠨ ᠴᠠᠬ ᠦᠶ᠎ᠡ᠎ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠤᠬᠰᠡᠨ ︽ ᠲᠡᠮᠤᠷ ᠬᠡᠦᠭᠡᠨ ︾᠎ᠤ ᠬᠦᠴᠢᠷ ᠪᠡᠷᠭᠡᠰᠢᠶᠡᠯ᠎ᠡᠴᠠ ᠠᠶᠤᠬᠤ ᠦᠭᠡᠢ ᠂ ᠦᠪᠡᠷ ᠪᠤᠰᠤᠳ ᠬᠡᠵᠦ ᠢᠯᠭᠠᠬᠤ ᠦᠭᠡᠢ᠎ᠪᠠᠷ ᠴᠢᠷᠮᠠᠢᠨ ᠠᠵᠢᠯᠯᠠᠵᠤ ᠦᠢᠯᠡᠴᠢᠯᠡᠵᠤ ᠪᠠᠢᠬᠰᠡᠨ ᠡᠷᠡᠰ ᠬᠠᠳᠠᠨ ᠵᠤᠷᠢᠬ ᠰᠠᠨᠠᠭ᠎ᠠ ᠪᠠ ᠡᠷᠬᠢᠮ ᠲᠡᠭᠡᠳᠦ ᠦᠵᠡᠯ ᠰᠠᠨᠠᠭ᠎ᠠ᠎ᠶᠢ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠶᠤᠰᠤᠲᠠᠢ ᠃


5.jpg


7.JPG


6.JPG



9.jpg


8.JPG

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠷᠢᠭᠤᠨ᠎ᠠ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面