2020-05-06 15:27:39
ᠪᠤᠷᠢᠶᠠᠳ ᠮᠤᠩᠭᠤᠯ ᠪᠤᠯ ᠮᠤᠩᠭᠤᠯ ᠤᠬᠰᠠᠭᠠᠲᠠᠨᠤ ᠨᠢᠭᠡᠨ ᠶᠠᠰᠤᠲᠠᠨ ᠮᠦᠨ ᠃ ᠪᠤᠷᠢᠶᠠᠳᠴᠤᠳ 10 ᠳ᠋ᠤᠭᠠᠷ ᠵᠠᠭᠤᠨᠡᠴᠠ 13 ᠳ᠋ᠤᠭᠠᠷ ᠵᠠᠭᠤᠨ ᠪᠤᠯᠳᠠᠯᠠ ᠪᠠᠢᠭᠠᠯ ᠨᠠᠭᠤᠷᠤᠨ ᠬᠤᠢᠲᠤ ᠲᠠᠯᠠ ᠬᠢᠯᠤᠭᠤ ᠂ ᠯᠧᠨᠠ ᠭᠤᠤᠯᠤᠨ ᠤᠷᠴᠢᠮ ᠨᠤᠲᠤᠬᠯᠠᠵᠤ ᠂ ᠠᠩ ᠠᠪᠠᠯᠠᠬᠤ ᠪᠠ ᠵᠢᠭᠠᠰᠤ ᠪᠠᠷᠢᠵᠤ ᠠᠮᠢᠳᠤᠷᠠᠬᠤᠡᠴᠠ ᠭᠠᠳᠠᠨᠠ ᠂ ᠬᠤᠳᠤᠷᠢᠶᠢᠨ ᠲᠠᠯᠠ ᠪᠤᠯᠤᠨ ᠰᠡᠯᠡᠩᠭᠡ ᠭᠤᠤᠯᠢᠶᠠᠷ ᠲᠠᠷᠬᠠᠨ ᠰᠠᠭᠤᠷᠢᠰᠢᠵᠤ ᠂ ᠪᠠᠷᠭᠤᠵᠢᠨ ᠲᠦᠭᠦᠮ ᠂ ᠪᠠᠢᠭᠠᠯ ᠨᠠᠭᠤᠷᠤᠨ ᠡᠮᠦᠨᠡ ᠠᠮᠤᠷ ᠮᠦᠷᠡᠨ ᠬᠦᠯᠦᠨ ᠪᠤᠢᠷ ᠬᠦᠷᠳᠡᠯᠡᠬᠢ ᠨᠤᠳᠤᠭᠢᠶᠠᠷ ᠮᠠᠯ ᠮᠠᠯᠵᠢᠵᠤ ᠨᠡᠭᠦᠳᠡᠯᠯᠡᠨ ᠠᠮᠢᠳᠤᠷᠠᠵᠤ ᠪᠠᠢᠵᠠᠢ ᠃ ᠬᠤᠷᠢᠳᠤᠭᠠᠷ ᠵᠠᠭᠤᠨᠤ ᠡᠬᠢᠪᠠᠷ ᠬᠦᠯᠦᠨ ᠪᠤᠢᠷᠤᠨ ᠲᠠᠯᠠ ᠨᠤᠳᠤᠭᠤᠨ ᠪᠠᠷᠠᠭᠤᠨ ᠬᠡᠰᠡᠭᠤᠨ ᠰᠢᠨᠡ ᠪᠠᠷᠭᠤ ᠪᠠᠷᠠᠭᠤᠨ ᠬᠤᠰᠢᠭᠤᠨᠤ ᠬᠢᠯᠢᠳ᠋ᠠᠬᠢ ᠬᠡᠷᠦᠯᠦᠨ ᠭᠤᠤᠯᠤᠨ ᠲᠤᠤᠷᠠᠳᠤ ᠤᠷᠤᠰᠬᠠᠯ ᠂ ᠬᠦᠯᠦᠨ ᠨᠠᠭᠤᠷ ᠂ ᠬᠠᠢᠯᠠᠷ ᠨᠠᠭᠤᠷᠤᠨ ᠲᠤᠤᠷᠠᠳᠤ ᠤᠷᠤᠰᠬᠠᠯ ᠲᠠᠭᠠᠤ ᠨᠡᠬᠦᠳᠡᠯᠯᠡᠵᠦ ᠢᠷᠡᠵᠡᠢ ᠃ ᠡᠨᠡᠬᠦ ᠤᠷᠳᠤ ᠤᠳᠠᠭᠠᠨ ᠲᠡᠦᠭᠡᠨ ᠠᠶᠠᠨᠳ᠋ᠤ ᠪᠤᠷᠢᠶᠠᠳᠴᠤᠳ ᠦᠪᠡᠷᠮᠢᠴᠡ ᠰᠤᠶᠤᠯ ᠤᠷᠠᠯᠢᠭᠢ ᠪᠦᠷᠢᠯᠳᠦᠬᠦᠯᠦᠭᠰᠡᠨ ᠶᠤᠮ ᠃ ᠰᠤᠷᠪᠤᠯᠵᠢᠯᠠᠭᠴᠢ ᠂ ᠬᠦᠯᠦᠨ ᠪᠤᠢᠷᠤᠨ ᠲᠠᠯᠠ ᠨᠤᠲᠤᠬᠢᠶᠠᠷ ᠰᠤᠷᠪᠤᠯᠵᠢᠯᠠᠵᠤ ᠶᠠᠪᠤᠬᠤᠳᠠᠭᠠᠨ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠵᠠᠰᠠᠯ ᠪᠠ ᠭᠠᠷ ᠤᠷᠠᠯᠠᠯᠤᠨ ᠰᠤᠶᠤᠯᠢᠶᠡᠨ ᠲᠡᠭᠡᠳᠦᠯᠡᠵᠦ ᠂ ᠠᠵᠠ ᠵᠢᠷᠭᠠᠯᠳᠤ ᠠᠮᠢᠳᠤᠷᠠᠯᠢᠶᠡᠨ ᠴᠤᠬᠴᠠᠯᠠᠵᠤ ᠶᠠᠪᠤᠭᠠ ᠪᠤᠷᠢᠶᠠᠳ ᠪᠦᠰᠡᠭᠦᠢᠲᠠᠢ ᠲᠠᠭᠠᠷᠠᠯᠳᠤᠵᠤ ᠲᠡᠬᠦᠨᠤ ᠦᠢᠯᠡᠰᠤᠨ ᠰᠠᠢᠬᠠᠨ ᠬᠦᠰᠡᠯ ᠲᠡᠮᠡᠦᠯᠦᠯᠡᠴᠠ ᠤᠢᠯᠠᠭᠠᠵᠤ ᠪᠢᠯᠡ ᠃

ᠬᠦᠯᠦᠨ ᠪᠤᠢᠷ ᠬᠤᠳᠠᠶᠢᠨ ᠡᠸᠠᠩᠬᠢ ᠦᠨᠳᠦᠰᠦᠳᠡᠨᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨᠤ ᠲᠦᠪ ᠪᠠᠶᠠᠨᠳᠤᠬᠤᠢ ᠪᠠᠯᠭᠠᠰᠤᠨᠳ᠋ᠤ ᠬᠦᠷᠪᠡᠯ ᠂ ᠦᠪᠡᠷᠮᠢᠴᠡ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠷᠢᠶᠡᠨ ᠭᠤᠶᠤᠭᠰᠠᠨ ᠪᠤᠷᠢᠶᠠᠳᠴᠤᠳ ᠡᠨᠡ ᠨᠤᠳᠤᠭᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭᠢ ᠭᠠᠢᠬᠠᠭᠤᠯᠤᠨᠠ ᠪᠢᠯᠠ ᠃ ᠪᠠᠶᠠᠨᠳᠤᠬᠤᠢ ᠪᠠᠯᠭᠠᠰᠤᠨᠤ ᠪᠠᠷᠠᠭᠤᠨ ᠬᠤᠢᠨᠠ ᠪᠠᠢᠷᠢᠯᠠᠭᠰᠠᠨ ᠡᠸᠠᠩᠬᠢ ᠦᠨᠳᠦᠰᠦᠳᠡᠨᠤ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨᠤ ᠰᠤᠶᠤᠯᠤᠨ ᠦᠢᠯᠡᠰ ᠪᠤᠰᠬᠠᠬᠤ ᠬᠦᠷᠢᠶᠡᠯᠡᠩᠳ᠋ᠤ ᠪᠤᠷᠢᠶᠡᠳ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠠᠵᠢᠯᠯᠠᠬᠤ ᠦᠷᠦᠭᠡ ᠬᠡᠬᠦ ᠫᠠᠢᠰᠠ ᠢᠯᠡ ᠬᠠᠷᠠᠭᠳᠠᠵᠤ ᠬᠠᠷᠠᠭᠠᠶᠢ ᠪᠤᠯᠢᠶᠠᠨᠠ ᠃
ᠠᠵᠢᠯᠯᠠᠬᠤ ᠦᠷᠦᠭᠡᠳ᠋ᠤ ᠤᠷᠤᠵᠤ ᠤᠴᠢᠪᠠᠯ ᠂ ᠦᠨᠳᠦᠰᠦᠳᠡᠨᠤ ᠤᠨᠴᠠᠯᠢᠬ ᠢᠯᠭᠤᠮ ᠲᠤᠳᠤ ᠦᠩᠭᠡ ᠢᠯᠭᠠᠷᠠᠭᠰᠠᠨ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠵᠠᠰᠠᠯ ᠲᠦᠬᠦᠷᠡᠩ ᠡᠯᠬᠦᠭᠡᠰᠦᠳᠡᠢ ᠪᠠᠢᠵᠤ ᠂ ᠬᠡᠷᠤᠨ ᠡᠵᠡᠭᠳᠡᠢᠶᠢᠨ ᠤᠷᠠᠨ ᠰᠠᠨᠠᠭᠠ ᠨᠠᠷᠢᠨ ᠤᠶᠤᠳᠠᠯᠨᠢ ᠮᠡᠳᠡᠷᠡᠭᠳᠡᠨᠠ ᠃
︽ ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠪᠤᠯ ᠦᠨᠢ ᠤᠳᠠᠭᠠᠨ ᠲᠡᠤᠬᠡᠲᠠᠢ ᠶᠤᠮ ᠃ ᠪᠤᠷᠢᠶᠠᠳᠴᠤᠳ ᠡᠷᠳᠡ ᠤᠵᠤᠭᠤᠷᠡᠴᠠ ᠡᠮᠡᠭᠲᠡᠢᠴᠤᠳᠢ ᠤᠶᠤᠳᠠᠯᠳ᠋ᠤ ᠰᠤᠷᠭᠠᠬᠤᠶᠢ ᠡᠷᠬᠢᠮᠯᠡᠳᠡᠭ ᠵᠠᠩᠰᠢᠯᠲᠠᠢ ᠪᠦᠬᠡᠳ ᠡᠮᠦᠰᠬᠡᠯ ᠵᠠᠰᠠᠯᠢᠶᠡᠨ ᠪᠦᠬᠦᠨᠢ ᠦᠪᠡᠷᠰᠡᠳᠢᠶᠡᠨ ᠤᠶᠤᠳᠠᠬ ︾ ᠬᠡᠵᠦ ᠬᠡᠷᠤᠨ ᠡᠵᠡᠭᠳᠡᠢ ᠠ᠊ · ᠲᠤᠶᠠᠭᠠ ᠪᠢᠳᠡᠨᠳ᠋ᠤ ᠲᠠᠨᠢᠯᠴᠠᠭᠤᠯᠤᠯᠠ ᠃
ᠡᠸᠡᠩᠬᠢ ᠬᠤᠰᠢᠭᠤᠨᠤ ᠰᠢᠨᠡᠭᠡᠨ ᠵᠡᠭᠦᠨ ᠰᠤᠮᠤᠨᠤ ᠪᠦᠷᠢᠲᠤ ᠭᠠᠴᠠᠭᠠᠪᠠᠷ ᠨᠤᠲᠤᠬᠲᠠᠢ ᠪᠤᠷᠢᠶᠠᠳ ᠪᠦᠰᠡᠭᠦᠢ ᠠ᠊ · ᠲᠤᠶᠠᠭᠠ ᠬᠠᠷᠠᠬᠠᠨ ᠪᠠᠭᠠᠡᠴᠠᠪᠠᠨ ᠤᠶᠤᠳᠠᠯᠳ᠋ᠤ ᠪᠠᠬᠠᠲᠠᠢ ᠪᠠᠢᠵᠤ ᠂ 16 ᠨᠠᠰᠤᠨᠡᠴᠠᠪᠠᠨ ᠡᠬᠢᠯᠡᠨ ᠡᠮᠡᠭᠡ ᠡᠵᠢ ᠪᠤᠯᠤᠨ ᠨᠠᠭᠠᠴᠤ ᠡᠵᠢᠡᠴᠠᠪᠠᠨ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠡᠰᠭᠡᠵᠦ ᠤᠶᠤᠬᠤᠶᠢ ᠰᠤᠷᠴᠠᠢ ᠃ ᠤᠳᠤ ᠪᠤᠯᠬᠤᠳ᠋ᠤ ᠲᠡᠷᠡ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠤᠶᠤᠭᠠᠳ 30 ᠭᠠᠷᠤᠢ ᠵᠢᠯᠤᠨ ᠨᠢᠭᠤᠷ ᠦᠵᠡᠵᠦ ᠪᠠᠢᠭᠠ ᠪᠦᠬᠡᠳ ᠤᠯᠤᠰᠤᠨ ᠲᠤᠳᠤᠭᠠᠳᠤ ᠭᠠᠳᠠᠭᠠᠳᠤᠶᠢᠨ ᠤᠷᠤᠯᠳᠤᠭᠠᠨᠳ᠋ᠤ ᠤᠯᠠᠨᠲᠠ ᠤᠷᠤᠯᠴᠠᠵᠤ ᠂ ᠠᠯᠳᠠ ᠮᠦᠩᠭᠦᠨ ᠮᠧᠳᠠᠯᠢᠶᠠᠷ ᠤᠯᠠᠨ ᠤᠳᠠᠭᠠ ᠡᠩᠬᠡᠷᠢᠶᠡᠨ ᠮᠢᠯᠢᠶᠠᠯᠭᠠᠵᠦ ᠶᠠᠪᠤᠵᠠᠢ ᠃ ᠠᠵᠢᠯᠯᠠᠬᠤ ᠦᠷᠦᠭᠡᠶᠢᠨ ᠲᠠᠯᠠ ᠬᠡᠷᠡᠮᠢᠶᠠᠷ ᠲᠦᠬᠦᠷᠡᠩ ᠡᠯᠬᠦᠬᠡᠰᠦᠳᠡᠢ ᠱᠠᠩᠨᠠᠯᠤᠨ ᠲᠡᠮᠳᠡᠭᠤᠳᠨᠢ ᠲᠡᠬᠦᠨᠤ ᠬᠡᠳᠦᠨ ᠠᠷᠪᠠᠨ ᠵᠢᠯᠤᠨ ᠲᠤᠷᠰᠢᠬᠢ ᠤᠢᠭᠠ ᠦᠭᠡᠢ ᠴᠢᠷᠮᠠᠢᠯᠭᠠ ᠪᠤᠯᠤᠨ ᠠᠮᠵᠢᠯᠳᠠ ᠪᠦᠳᠦᠮᠵᠢᠶᠢ ᠬᠠᠷᠠᠭᠤᠯᠤᠨ ᠪᠠᠢᠯᠠ ᠃
ᠡᠮᠡᠭᠡ ᠡᠵᠢᠨᠢ ᠨᠡᠷᠡᠲᠡᠢ ᠡᠯᠳᠡᠬᠦᠷᠢᠴᠢᠨ ᠪᠠᠢᠵᠤ ᠂ ᠠᠪᠤ᠋ᠨᠢ ᠨᠡᠷᠡᠳᠡᠢ ᠭᠠᠷ ᠤᠷᠠᠯᠠᠯᠴᠢᠨ ᠪᠠᠢᠭᠰᠠᠨᠨᠢ ᠠ᠊ · ᠲᠤᠶᠠᠭᠠᠳ᠋ᠤ ᠮᠠᠰᠢ ᠬᠦᠨ ᠨᠦᠯᠦᠭᠡ ᠬᠦᠷᠳᠡᠭᠡᠭᠰᠡᠨ ᠪᠠᠢᠵᠠᠢ ᠃ ᠲᠡᠭᠡᠷᠡ ᠵᠠᠭᠤᠨᠤ ᠨᠠᠶᠠᠭᠠᠳ ᠤᠨᠳ᠋ᠤ ᠂ ᠠᠢᠯ ᠰᠠᠭᠠᠬᠠᠯᠲᠠᠶᠢᠨ ᠬᠢᠨᠢ ᠪᠤᠶᠤ ᠬᠦᠷᠰᠢ ᠰᠤᠮᠤᠨᠤ ᠬᠦᠮᠦᠰ ᠬᠤᠷᠢᠮᠤᠨ ᠬᠤᠪᠴᠠᠰᠤ ᠂ ᠲᠠᠢᠰᠠᠨᠤ ᠬᠤᠪᠴᠠᠰᠤ ᠬᠢᠯᠬᠡᠬᠦᠪᠠᠷ ᠪᠦᠰ ᠲᠤᠷᠭᠠᠪᠠᠨ ᠠᠪᠤᠭᠠᠳ ᠢᠷᠡᠬᠦᠪᠠᠷᠨᠢ ᠲᠡᠷᠡ ᠵᠠᠷᠤᠳᠠᠯ ᠮᠦᠩᠬᠦ ᠠᠪᠬᠤ ᠦᠭᠡᠢᠪᠠᠷ ᠤᠶᠤᠵᠤ ᠦᠭᠳᠡᠭ ᠪᠠᠢᠬᠰᠠᠨ ᠬᠡᠨᠡ ᠃ ᠲᠡᠭᠦᠨᠤ ᠤᠶᠤᠬᠰᠠᠨ ᠲᠡᠪᠡᠯᠨᠢ ᠲᠤᠬᠢᠷᠠᠮᠵᠢ ᠰᠠᠢᠳᠠᠢ ᠪᠠᠢᠳᠠᠬᠢᠶᠠᠷ ᠤᠷᠠᠨ ᠤᠶᠤᠳᠠᠯᠴᠢᠨ ᠭᠡᠵᠦ ᠬᠤᠳᠠᠯᠠ ᠤᠯᠠᠨᠳᠠᠭᠠᠨ ᠠᠯᠳᠠᠷᠰᠢᠵᠠᠢ ᠃ ᠡᠨᠡᠨᠢ ᠮᠦᠨ ᠴᠤ ᠲᠡᠬᠦᠨᠤ ᠦᠨᠳᠦᠰᠦᠳᠡᠨᠤ ᠤᠯᠠᠮᠵᠢᠯᠠᠯᠳᠤ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠰᠤᠶᠤᠯᠢᠶᠡᠨ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠬᠦ ᠤᠷᠮᠠ ᠵᠤᠷᠢᠭᠢᠨᠢ ᠡᠷᠴᠢᠯᠡᠵᠠᠢ ᠃
ᠪᠤᠷᠢᠶᠡᠳᠴᠤᠳᠤᠨ ᠬᠤᠪᠴᠠᠰᠤ ᠵᠠᠰᠠᠯᠨᠢ ᠪᠤᠰᠤᠳ ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠳᠠᠨᠡᠴᠠ ᠢᠯᠡᠳᠳᠡ ᠢᠯᠭᠠᠬᠳᠠᠳᠠᠬ ᠃ ᠬᠠᠪᠤᠷ ᠂ ᠵᠤᠨ ᠂ ᠨᠠᠮᠤᠷ ᠂ ᠡᠪᠦᠯᠤᠨ ᠬᠤᠪᠴᠠᠰᠤᠡᠴᠠ ᠲᠤᠳᠤᠷ ᠬᠤᠪᠴᠠᠰᠤ ᠬᠦᠷᠳᠡᠯᠡ ᠪᠦᠷ ᠢᠯᠭᠠᠭᠠᠲᠠᠢᠪᠠᠷ ᠪᠠᠷᠠᠬᠤ ᠦᠭᠡᠢ ᠂ ᠡᠷᠡᠭᠲᠡᠢ ᠂ ᠡᠮᠡᠭᠲᠡᠢ ᠂ ᠬᠦᠭᠰᠢᠨ ᠂ ᠵᠠᠯᠠᠭᠤ ᠂ ᠬᠡᠤᠬᠡᠳ ᠪᠠᠭᠠᠴᠤᠳ ᠂ ᠪᠠᠰᠠᠭᠠᠨ ︵ ᠦᠬᠢᠨ ︶ ᠂ ᠰᠠᠮᠠᠭᠠᠨ ︵ ᠪᠡᠷᠢ ︶ᠤ ᠡᠮᠦᠰᠬᠦ ᠬᠤᠪᠴᠠᠰᠦᠨᠢ ᠪᠦᠷ ᠠᠳᠠᠯᠢ ᠦᠭᠡᠢ ᠪᠠᠢᠳᠠᠬ ᠃ ᠲᠤᠬᠠᠢᠯᠠᠪᠠᠯ ᠂ ᠤᠷᠤᠭᠯᠠᠭᠰᠠᠨ ᠡᠷᠡᠭᠳᠡᠢ ᠡᠮᠡᠭᠳᠡᠢ ᠮᠦᠷᠦᠳ᠋ᠡᠭᠡᠨ ᠬᠤᠨᠢᠶᠠᠰᠤᠲᠠᠢ ᠬᠤᠪᠴᠠᠰᠦ ᠡᠮᠦᠰᠴᠦ ᠂ ᠤᠷᠤᠭᠯᠠᠭᠠ ᠦᠭᠡᠢ ᠪᠤᠯ ᠬᠤᠨᠢᠶᠠᠰᠤ ᠦᠭᠡᠢᠶᠢ ᠡᠮᠦᠰᠳᠡᠭ ᠃ ᠮᠠᠯᠠᠭᠠᠢ ᠭᠤᠳᠤᠯᠨᠢ ᠴᠤ ᠶᠦᠳᠡᠩ ᠮᠠᠯᠠᠭᠠᠢ ᠂ ᠲᠤᠭᠤᠷᠤᠪᠴᠢ ᠮᠠᠯᠠᠭᠠᠢ ᠂ ᠪᠤᠯᠢᠭᠠᠷᠢ ᠭᠤᠳᠤᠯ ᠂ ᠡᠷᠡᠭᠲᠡᠢ ᠭᠤᠳᠤᠯ ᠂ ᠶᠠᠪᠠᠭᠠᠨ ᠭᠤᠳᠤᠯ ᠭᠡᠳ ᠤᠯᠠᠨ ᠵᠦᠢᠯᠤᠨ ᠪᠠᠢᠳᠠᠬ ᠭᠡᠵᠦ ᠠ᠊ · ᠲᠤᠶᠠᠭᠠ ᠪᠢᠳᠡᠨᠳ᠋ᠤ ᠲᠠᠨᠢᠯᠴᠠᠭᠤᠯᠵᠤ ᠪᠠᠢᠯᠠ ᠃
ᠪᠤᠷᠢᠶᠠᠳ ᠬᠤᠪᠴᠠᠰᠤ ᠤᠨᠴᠠ ᠨᠠᠷᠢᠯᠢᠬ ᠬᠢᠴᠠᠲᠠᠢ ᠂ ᠪᠦᠬᠦᠨᠢ ᠭᠠᠷᠢᠶᠠᠷ ᠤᠶᠤᠳᠠᠭ ᠪᠤᠯᠬᠤᠷ ᠭᠡᠷᠡᠭᠰᠡᠬᠦ ᠴᠠᠭᠨᠢ ᠤᠷᠳᠤ ᠃ ᠲᠡᠭᠡᠭᠡᠳ 1996 ᠤᠨᠡᠴᠠ ᠠ᠊ · ᠲᠤᠶᠠᠭᠠ ᠬᠤᠪᠴᠠᠰᠦ ᠤᠶᠤᠬᠤᠳᠠᠭᠠᠨ ᠪᠠᠢᠳᠠᠯᠢᠨᠢ ᠦᠨᠳᠦᠰᠦᠯᠡᠨ ᠵᠤᠬᠢᠬᠤ ᠬᠦᠯᠦᠰᠦᠨ ᠮᠦᠩᠬᠦ ᠠᠪᠳᠠᠬ ᠪᠤᠯᠤᠬᠰᠠᠨ ᠪᠤᠯ ᠂ 2006 ᠤᠨᠳ᠋ᠤ ᠬᠦᠳᠡᠭᠡ ᠨᠤᠲᠤᠬᠡᠴᠠᠪᠠᠨ ᠬᠤᠰᠢᠭᠤᠨ ᠲᠦᠪᠲᠤ ᠢᠷᠡᠵᠤ ᠲᠤᠰᠬᠠᠢᠯᠠᠨ ᠬᠤᠪᠴᠠᠰᠤ ᠤᠶᠤᠵᠦ ᠡᠬᠢᠯᠡᠵᠡᠢ ᠃ ᠬᠡᠪᠡᠴᠤ ᠲᠤᠬᠠᠢᠶᠢᠨ ᠦᠶᠡᠰ ᠦᠪᠡᠷᠤᠨ ᠰᠠᠭᠤᠭᠠᠯᠢ ᠬᠡᠷᠲᠡᠭᠡᠨ ᠤᠶᠤᠳᠠᠬ ᠪᠤᠯᠬᠤᠷ ᠲᠡᠬᠦᠨᠢ ᠮᠡᠳᠡᠬᠦ ᠬᠦᠮᠦᠨ ᠬᠢᠵᠠᠭᠠᠷᠲᠠᠢ ᠂ ᠪᠦᠲᠦᠭᠡᠭᠳᠡᠭᠦᠨᠨᠢ ᠴᠤ ᠲᠠᠩ ᠴᠤᠯᠭᠤᠢ ᠪᠠᠢᠵᠤ ᠂ ᠤᠷᠤᠯᠭᠠ ᠪᠠᠷᠤᠭᠳᠠᠢ ᠪᠠᠢᠯᠠ ᠃
2010 ᠤᠨᠳ᠋ᠤ ᠂ ᠮᠤᠩᠭᠤᠯ ᠤᠯᠤᠰᠤᠨ ᠨᠡᠷᠡᠲᠤ ᠤᠷᠠᠨ ᠵᠢᠷᠤᠬᠴᠢᠨ ᠂ ᠤᠶᠤᠳᠠᠯᠴᠢᠨ ᠳ᠋ᠤᠯᠭᠠᠷᠮᠠ ᠪᠠᠬᠰᠢ ᠡᠸᠡᠩᠬᠢ ᠬᠤᠰᠢᠭᠤᠨᠳ᠋ᠤ ᠢᠷᠡᠵᠦ ᠢᠰᠡᠬᠡᠢ ᠤᠷᠠᠯᠠᠯ ᠬᠢᠬᠦᠶᠢ ᠵᠢᠭᠠᠬᠤ ᠲᠤᠬᠢᠶᠠᠯ ᠲᠠᠭᠠᠷᠠᠬᠰᠠᠨᠢᠶᠠᠷ ᠲᠦᠷᠦᠯᠬᠢ ᠤᠶᠤᠵᠤ ᠬᠠᠳᠬᠤᠬᠤ ᠲᠤᠷᠠᠲᠠᠢ ᠠ᠊ · ᠲᠤᠶᠠᠭᠠ ᠢᠰᠡᠬᠡᠢ ᠤᠷᠠᠯᠠᠯᠢ ᠰᠤᠷᠴᠦ ᠡᠬᠢᠯᠡᠵᠡᠢ ᠃ ︽ ᠲᠤᠷᠠᠳ᠋ᠤ ᠰᠢᠷᠠ ᠦᠭᠡᠢ ︾ ᠭᠡᠳᠡᠭᠢᠶᠠᠷ ᠂ 2013 ᠤᠨᠳ᠋ᠤ ᠲᠡᠷᠡ ᠦᠪᠡᠷᠢᠶᠡᠨ ᠮᠤᠩᠭᠤᠯ ᠤᠯᠤᠰᠲᠤ ᠤᠴᠢᠵᠤ ᠰᠸᠢᠰᠤᠨ ᠪᠠᠬᠰᠢᠡᠴᠠ ᠢᠰᠡᠭᠡᠢ ᠤᠷᠠᠯᠠᠯᠤᠨ ᠮᠡᠷᠭᠡᠵᠢᠯ ᠰᠤᠷᠴᠤ ᠂ 2011 2012 ᠤᠨᠤ ᠬᠤᠭᠤᠷᠤᠨᠳᠤ ᠡᠷᠭᠦᠨᠡᠶᠢᠨ ᠮᠤᠩᠭᠤᠯ ᠱᠢ ᠸᠸᠢᠶᠢᠨ ᠵᠤᠭᠠᠴᠠᠯᠤᠨ ᠭᠠᠵᠠᠷᠲᠤ ᠮᠤᠩᠭᠤᠯ ᠬᠡᠷᠤᠨ ᠪᠦᠷᠢᠶᠡᠰᠦ ᠂ ᠢᠰᠡᠬᠡᠢ ᠤᠷᠠᠯᠠᠯ ᠬᠢᠵᠦ ᠡᠬᠢᠯᠡᠵᠡᠢ ᠃ ᠲᠡᠭᠦᠨᠡᠴᠠ ᠡᠬᠢᠯᠡᠨ ᠲᠡᠪᠢᠰᠭᠡᠷ ᠂ ᠬᠡᠷᠡᠮᠤᠨ ᠵᠢᠷᠤᠬ ᠂ ᠬᠡᠪᠢᠰᠦ ᠵᠡᠷᠭᠡ ᠢᠰᠡᠭᠡᠢ ᠤᠷᠠᠯᠠᠯ ᠬᠢᠬᠦ ᠮᠡᠷᠭᠡᠵᠢᠯᠢ ᠴᠦ ᠡᠷᠴᠢᠮᠲᠡᠢ ᠰᠠᠢᠨ ᠡᠵᠡᠮᠰᠢᠭᠰᠡᠨ ᠪᠠᠢᠯᠠ ᠃
ᠶᠡᠷᠦᠨᠢ ᠢᠰᠡᠬᠡᠢ ᠤᠷᠠᠯᠠᠯ ᠬᠢᠬᠦᠳ᠋ᠤ ᠂ ᠲᠡᠮᠡᠬᠡᠨ ᠨᠤᠤᠰᠤᠪᠠᠷ ᠤᠳᠠᠰᠤ ᠡᠬᠡᠷᠡᠬᠦ ᠂ ᠵᠤᠯᠠᠬᠤ ᠂ ᠰᠢᠷᠢᠬᠦ ᠬᠡᠬᠦ ᠵᠡᠷᠭᠡ ᠤᠯᠠᠨ ᠶᠠᠪᠤᠴᠠᠶᠢ ᠦᠩᠭᠡᠷᠡᠭᠦᠯᠳᠡᠭ ᠃ ᠠ᠊ · ᠲᠤᠶᠠᠭᠠ ᠡᠳᠡᠭᠡᠷ ᠶᠠᠪᠤᠴᠠᠶᠢ ᠭᠠᠬᠴᠠᠭᠠᠷᠢᠶᠡᠨ ᠬᠦᠢᠴᠡᠳᠭᠡᠳᠡᠭ ᠤᠷᠠᠨ ᠲᠡᠮᠲᠠᠢ ᠬᠦᠮᠦᠨ ᠪᠠᠢᠯᠠ ᠃ ᠰᠤᠶᠤᠯᠤᠨ ᠤᠯᠠᠮᠵᠢᠯᠠᠯ ᠪᠠ ᠰᠢᠨᠡᠴᠢᠯᠡᠯᠢ ᠤᠶᠠᠯᠳᠤᠭᠤᠯᠬᠤ ᠪᠤᠯ ᠠ᠊ · ᠲᠤᠶᠠᠭᠠᠶᠢᠨ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠭᠦᠨᠤ ᠭᠤᠤᠯ ᠤᠨᠴᠠᠯᠢᠬ ᠪᠤᠯᠤᠨᠠ ᠃
ᠦᠵᠡ ᠳ᠋ᠠ ᠂ ᠡᠨᠡ ᠲᠠᠪᠢᠰᠭᠡᠷ ᠬᠤᠷᠢᠭᠠᠳ ᠵᠢᠯ ᠪᠤᠯᠵᠤ ᠪᠠᠢᠨᠠ ᠃ 1998 ᠤᠨᠳ᠋ᠤ ᠤᠨᠠᠭᠠᠶᠢᠨ ᠠᠷᠠᠰᠤᠪᠠᠷ ᠬᠤᠶᠠᠷ ᠬᠦᠮᠦᠨᠤ ᠲᠤᠮᠦ ᠲᠡᠪᠢᠰᠭᠡᠷ ᠬᠢᠭᠡᠳ ᠦᠯᠡᠳᠡᠭᠰᠡᠨ ᠰᠢᠯᠪᠢᠶᠢᠨ ᠠᠷᠠᠰᠦᠶᠢᠨ ᠦᠩᠭᠡᠶᠢᠨᠢ ᠲᠠᠭᠠᠷᠠᠭᠤᠯᠤᠨ ᠂ ᠦᠰᠦᠨᠤ ᠬᠢᠨᠢ ᠰᠢᠷᠭᠡᠭᠢ ᠭᠤᠷᠪᠠᠨ ᠲᠡᠰᠢ ᠬᠠᠷᠠᠭᠤᠯᠤᠨ ᠵᠦᠢᠵᠦ ᠤᠶᠤᠭᠠᠳ ᠨᠠᠷᠢᠨ ᠤᠷᠲᠤ ᠲᠦᠷᠪᠡᠯᠵᠢᠨ ᠲᠡᠪᠢᠰᠭᠡᠷ ᠬᠢᠵᠡᠢ ᠃
ᠡᠨᠡᠨᠢ ᠮᠦᠨ ᠶᠡᠷᠡᠭᠡᠳ ᠤᠨᠳ᠋ᠤ ᠬᠢᠭᠰᠡᠨ ᠡᠳ᠋ ᠂ ᠤᠳᠤ ᠪᠦᠷ ᠡᠯᠡᠭᠳᠡᠴᠢᠬᠡᠵᠡᠢ ︕ ᠬᠡᠳ ᠤᠷᠤ ᠲᠡᠭᠡᠷᠡᠬᠢ ᠴᠠᠭᠠᠨ ᠢᠰᠡᠭᠡᠢ ᠲᠡᠭᠡᠷᠡ ᠨᠤᠭᠤᠭᠠᠨ ᠦᠩᠭᠡᠶᠢᠨ ᠬᠡ ᠤᠭᠠᠯᠵᠠ ᠰᠢᠷᠢᠭᠰᠡᠨ ᠲᠡᠪᠢᠰᠬᠡᠷᠢᠶᠡᠨ ᠵᠢᠭᠠᠨᠠ ᠃
ᠦᠨᠳᠦᠰᠦᠳᠡᠨᠤ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠬᠦᠯᠬᠦ ᠂ ᠰᠤᠶᠤᠯᠤᠨ ᠠᠵᠤ ᠦᠢᠯᠡᠰᠵᠢᠯᠳᠡᠶᠢ ᠠᠬᠢᠭᠤᠯᠬᠤ ᠤᠯᠤᠰ ᠤᠷᠤᠨᠤ ᠬᠠᠮᠢᠶᠠ ᠪᠦᠬᠦᠢ ᠲᠦᠷᠦᠶᠢᠨ ᠪᠤᠳᠤᠯᠭᠠᠨᠢ ᠦᠨᠳᠦᠰᠦᠳᠡᠨᠤ ᠰᠤᠶᠤᠯᠢᠶᠡᠨ ᠤᠯᠠᠮᠵᠢᠯᠠᠨ ᠪᠦᠳᠦᠭᠡᠯᠴᠢᠪᠠᠷ ᠬᠦᠭᠵᠢᠬᠦᠯᠬᠦᠪᠠᠷ ᠮᠡᠷᠡᠢᠨ ᠵᠢᠳᠬᠦᠵᠦ ᠶᠠᠪᠤᠭᠠ ᠠ᠊ · ᠲᠤᠶᠠᠭᠠ ᠨᠠᠷᠲᠤ ᠤᠯᠳᠠᠰᠢ ᠦᠭᠡᠢ ᠠᠵᠠ ᠲᠤᠬᠢᠶᠠᠯᠢ ᠠᠪᠴᠢᠷᠠᠵᠤ ᠦᠭᠬᠦᠭᠰᠡᠨ ᠪᠠᠢᠵᠠᠢ ᠃ 2016 ᠤᠨᠳ᠋ᠤ ᠠ᠊ · ᠲᠤᠶᠠᠭᠠ ᠡᠸᠡᠩᠬᠢ ᠬᠤᠰᠢᠭᠤᠨᠤ ᠵᠠᠰᠠᠬᠤᠨ ᠤᠷᠳᠤᠨᠤ ᠲᠡᠮᠵᠢᠯᠭᠡᠶᠢ ᠬᠦᠷᠳᠡᠵᠦ ᠂ ᠰᠤᠶᠤᠯᠤᠨ ᠦᠢᠯᠡᠰ ᠪᠤᠰᠬᠠᠬᠤ ᠬᠦᠷᠢᠶᠡᠯᠡᠩᠳ᠋ᠤ ᠢᠷᠡᠵᠦ ᠂ ᠡᠨᠡ ᠬᠦ ᠪᠤᠷᠢᠶᠠᠳ ᠬᠤᠪᠴᠠᠰᠦ ᠵᠠᠰᠠᠯᠤᠨ ᠠᠵᠢᠯᠯᠠᠬᠤ ᠦᠷᠦᠭᠡᠪᠠᠨ ᠪᠠᠢᠭᠤᠯᠤᠨ ᠂ ᠪᠤᠷᠢᠶᠠᠳ ᠤᠯᠠᠮᠵᠢᠯᠠᠯᠳᠤ ᠬᠤᠪᠴᠠᠰᠤ ᠵᠠᠰᠠᠯ ᠂ ᠲᠠᠢᠰᠠᠨᠤ ᠬᠤᠪᠴᠠᠰᠤ ᠵᠠᠰᠠᠯ ᠂ ᠬᠠᠨᠠᠶᠢᠨ ᠡᠯᠭᠦᠭᠡᠰᠦ ᠂ ᠲᠡᠪᠢᠰᠭᠡᠷ ᠵᠡᠷᠭᠡ ᠴᠤᠯ ᠭᠠᠷ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠬᠦᠨ ᠬᠢᠳᠡᠭ ᠪᠤᠯᠵᠠᠢ ᠃ ᠲᠡᠭᠦᠨᠤ ᠠᠵᠢᠯᠯᠠᠬᠤ ᠦᠷᠦᠭᠡᠨᠢ ᠪᠤᠰᠤᠳᠤᠨᠬᠢᠲᠠᠢ ᠠᠳᠠᠯᠢ ᠦᠭᠡᠢ ᠂ ᠲᠡᠷᠡ ᠦᠪᠡᠷᠢᠶᠡᠨ ᠪᠦᠰ ᠲᠤᠷᠭᠠ ᠬᠡᠳ ᠮᠠᠲ᠋ᠧᠷᠢᠶᠠᠯ ᠬᠤᠳᠠᠯᠳᠤᠨ ᠠᠪᠳᠠᠬ ᠦᠭᠡᠢ ᠂ ᠬᠦᠮᠦᠰ ᠦᠪᠡᠰᠦᠪᠡᠨ ᠪᠦᠰ ᠲᠤᠷᠭᠠᠪᠠᠨ ᠠᠪᠴᠢᠷᠠᠵᠤ ᠬᠤᠪᠴᠠᠰᠦ ᠬᠢᠯᠭᠡᠳᠡᠭ ᠃ ︽ ᠡᠳᠡᠭᠡᠷ ᠴᠢᠨᠢ ᠪᠦᠷ ᠬᠦᠮᠦᠰᠤᠨ ᠬᠢᠯᠭᠡᠭᠡᠳ ᠠᠪᠠᠴᠢᠭᠠᠳᠦᠢ ᠬᠤᠪᠴᠠᠰᠤ ᠪᠠᠢᠨᠠ ︾ ᠬᠡᠳ ᠠ᠊ · ᠲᠤᠶᠠᠭᠠ ᠡᠯᠬᠦᠬᠦᠷ ᠲᠦᠬᠦᠷᠡᠩ ᠬᠤᠪᠴᠠᠰᠤᠨᠤᠭᠤᠳᠢ ᠵᠢᠭᠠᠨ ᠶᠠᠷᠢᠵᠤ ᠪᠠᠢᠯᠠ ᠃
ᠪᠤᠷᠢᠶᠠᠳ ᠮᠤᠩᠭᠤᠯᠴᠤᠳᠤᠨ ᠮᠠᠯᠠᠭᠠᠢᠳ᠋ᠤ ᠠᠷᠪᠠᠨ ᠨᠢᠬᠡᠨ ᠬᠦᠰᠢᠶᠡᠰᠦᠲᠠᠢ ᠂ ᠡᠨᠡᠨᠢ ᠪᠤᠷᠢᠶᠠᠳᠤᠨ ᠠᠷᠪᠠᠨ ᠨᠢᠭᠡᠨ ᠡᠴᠢᠭᠡ ︵ ᠤᠪᠤᠭ ᠂ ᠠᠢᠮᠠᠬ ︶ᠶᠢ ᠲᠦᠯᠦᠭᠡᠯᠡᠳᠡᠭ ᠃ ᠮᠠᠯᠠᠭᠠᠢᠶᠢᠨ ᠤᠷᠤᠢ ᠲᠡᠭᠡᠷᠡᠬᠢ ᠤᠯᠠᠭᠠᠨ ᠵᠢᠯᠠᠭᠠᠨᠢ ᠨᠠᠷᠠᠶᠢ ᠲᠦᠯᠦᠭᠡᠯᠡᠬᠦ ᠪᠦᠭᠡᠳ ᠭᠠᠯ ᠭᠤᠯᠤᠮᠳᠠ ᠂ ᠬᠡᠢ ᠮᠤᠷᠢᠶᠢ ᠪᠡᠯᠭᠡᠰᠢᠶᠡᠳᠡᠭ ᠃
ᠬᠤᠰᠢᠭᠤᠨᠤ ᠵᠠᠰᠠᠬᠤᠨ ᠤᠷᠳᠤᠨᠡᠴᠠ ᠦᠢᠯᠡᠰ ᠪᠤᠰᠬᠠᠬᠤ ᠬᠦᠷᠢᠶᠡᠯᠡᠩᠤᠨ ᠬᠤᠳᠠᠯᠳᠤᠭᠠᠨᠤ ᠠᠰᠠᠷᠢ ᠲᠦᠷᠢᠶᠡᠰᠦ ᠮᠦᠩᠬᠦ ᠦᠭᠡᠢᠪᠠᠷ ᠬᠠᠩᠭᠠᠨ ᠦᠭᠴᠦ ᠂ ᠡᠮᠡᠭᠳᠡᠢᠴᠤᠳᠤᠨ ᠬᠤᠯᠪᠤᠭᠠᠡᠴᠠ ᠬᠦᠦ ᠮᠦᠩᠬᠦ ᠦᠭᠡᠢ ᠵᠢᠭᠡᠯᠡᠯᠭᠡ ᠦᠭᠬᠦᠭᠰᠡᠨ ᠵᠡᠷᠬᠡ ᠤᠯᠠᠨ ᠲᠠᠯᠠᠶᠢᠨ ᠲᠡᠮᠵᠢᠯᠭᠡᠪᠠᠷ ᠭᠤᠷᠪᠠᠨ ᠵᠢᠯᠤᠨ ᠲᠤᠷᠰᠢ ᠤᠯᠠᠨ ᠬᠦᠮᠦᠰᠲᠤ ᠲᠠᠨᠢᠬᠳᠠᠵᠤ ᠮᠡᠳᠡᠷᠡᠭᠳᠡᠨ ᠂ ᠵᠠᠬᠠ ᠲᠡᠯᠭᠡᠭᠦᠷ ᠦᠷᠭᠡᠳᠴᠤ ᠤᠷᠤᠯᠭᠠ ᠴᠤ ᠨᠡᠮᠡᠭᠳᠡᠵᠡᠢ ᠃ ᠮᠠᠨᠤ ᠤᠯᠤᠰᠤᠨ ᠭᠠᠳᠠᠷ ᠮᠤᠵᠢ ᠤᠷᠤᠨ ᠪᠤᠶᠤ ᠭᠠᠳᠠᠷ ᠤᠯᠤᠰ ᠤᠷᠤᠨᠤ ᠵᠢᠭᠤᠯᠴᠢᠯᠠᠬᠰᠠᠳ ᠪᠤᠷᠢᠶᠠᠳ ᠭᠠᠷ ᠤᠷᠠᠯᠠᠯ ᠂ ᠬᠤᠪᠴᠠᠰᠤ ᠬᠤᠨᠠᠷ ᠪᠤᠯᠤᠨ ᠢᠰᠡᠭᠡᠢ ᠤᠷᠠᠯᠠᠯᠤᠨ ᠪᠦᠲᠦᠭᠡᠭᠳᠡᠭᠦᠨᠢ ᠶᠡᠬᠡᠳᠡ ᠰᠤᠨᠢᠷᠬᠠᠨ ᠵᠠᠬᠢᠶᠠᠯᠠᠳᠠᠭ ᠃ ᠤᠤᠯᠤᠨᠬᠢᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠪᠤᠷᠤᠯᠠᠭᠤᠯᠭᠠ ᠨᠡᠯᠢᠶᠡᠳ ᠰᠠᠢᠵᠢᠷᠠᠵᠠᠢ ᠬᠡᠵᠦ ᠠ᠊ · ᠲᠤᠶᠠᠭᠠ ᠬᠠᠨᠤᠮᠵᠢᠳᠠᠢ ᠶᠠᠷᠢᠨᠠ ᠃
ᠲᠡᠬᠡᠷᠠ ᠵᠠᠭᠤᠨᠤ ᠶᠡᠷᠡᠭᠡᠳ ᠤᠨᠡᠴᠠ ᠠ᠊ · ᠲᠤᠶᠠᠭᠠ ᠬᠤᠪᠴᠠᠰᠦ ᠵᠠᠰᠠᠯᠤᠨ ᠤᠷᠤᠯᠳᠤᠭᠠᠨᠳ᠋ᠤ ᠤᠷᠤᠯᠴᠠᠬᠤ ᠪᠤᠯᠵᠤ ᠂ ᠤᠳᠠᠭᠠ ᠪᠤᠯᠭᠠᠨ ᠭᠠᠷ ᠬᠤᠭᠤᠰᠤᠨ ᠪᠤᠴᠠᠬᠰᠠᠨ ᠦᠬᠡᠢ ᠬᠡᠬᠦᠳ᠋ᠤ ᠠᠬᠠᠳᠠᠬᠤ ᠦᠬᠡᠢ ᠃ 2012 ᠤᠨᠳ᠋ᠤ ᠤᠷᠤᠰᠲᠤ ᠪᠤᠯᠤᠬᠰᠠᠨ ᠤᠷᠤᠰ ᠂ ᠮᠤᠩᠭᠤᠯ ᠂ ᠲᠤᠮᠳᠠᠳᠤ ᠤᠯᠤᠰᠤᠨ ᠤᠯᠠᠨ ᠤᠯᠤᠰᠤᠨ ᠨᠠᠭᠠᠳᠤᠮᠳ᠋ᠤ ᠢᠰᠡᠭᠡᠢ ᠲᠡᠪᠡᠯᠢᠶᠠᠷᠢᠶᠡᠨ ᠠᠯᠳᠠᠨ ᠮᠸᠳᠠᠯ ᠤᠯᠵᠦ ᠂ 2014 ᠤᠨᠤ ᠵᠤᠨ ᠂ ᠮᠤᠩᠭᠤᠯ ᠤᠯᠤᠰᠲᠤ ᠢᠰᠡᠬᠡᠢ ᠤᠷᠠᠯᠠᠯᠢᠶᠠᠷᠢᠶᠡᠨ ᠮᠦᠩᠭᠦᠨ ᠮᠸᠳᠠᠯ ᠤᠯᠵᠤ ᠂ ᠨᠢᠳᠤᠨᠤᠨ ᠤᠤᠮᠧᠨᠳ᠋ᠤ ᠶᠠᠪᠤᠭᠳᠠᠭᠰᠠᠨ ︽ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠤᠷᠠᠯᠢᠬᠤᠨ ᠤᠷᠤᠯᠳᠤᠭᠠᠨ ︾ᠳ᠋ᠤ ᠮᠦᠩᠭᠦᠨ ᠮᠧᠳᠠᠯ ᠭᠠᠷᠳᠠᠬᠰᠠᠨ ᠪᠠᠢᠨᠠ ᠃ 2019 ᠤᠨᠤ 9 ᠰᠠᠷᠠᠳ᠋ᠤ ᠂ ᠪᠡᠭᠡᠵᠢᠩᠳ᠋ᠤ ᠶᠠᠪᠤᠭᠳᠠᠭᠰᠠᠨ ᠤᠯᠠᠨ ᠤᠯᠤᠰᠤᠨ ᠵᠢᠷᠤᠵᠦ ᠲᠦᠯᠦᠪᠯᠡᠬᠦ ᠨᠠᠢᠷ ᠡᠧᠡᠩᠬᠢ ᠦᠨᠳᠦᠰᠦᠲᠡᠨᠤ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠰᠢᠨᠡ ᠤᠷᠤᠰᠬᠠᠯᠤᠨ ᠵᠠᠬᠪᠤᠷ ᠨᠡᠢᠲᠡᠯᠡᠬᠦ ᠬᠤᠷᠠᠯ ᠵᠢᠴᠢ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪᠤᠨ ᠪᠦᠲᠦᠭᠡᠭᠳᠡᠭᠦᠨᠤ ᠦᠵᠡᠭᠦᠯᠭᠡᠳ᠋ᠤ ᠰᠢᠯᠢᠳᠡᠭ ᠱᠠᠩᠨᠠᠯ ᠬᠦᠷᠳᠡᠵᠦ ᠂ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠵᠠᠰᠠᠯ ᠂ ᠭᠠᠷ ᠤᠷᠠᠯᠠᠯᠤᠨ ᠬᠡᠪ ᠨᠠᠮᠪᠠ ᠂ ᠭᠤᠸᠠ ᠰᠠᠢᠬᠠᠨ ᠴᠢᠨᠠᠬᠰᠢᠯᠠᠪᠠᠯ ᠪᠤᠷᠢᠶᠠᠳ ᠲᠡᠤᠬᠡ ᠰᠤᠶᠤᠯᠢ ᠲᠡᠯᠡᠬᠡᠢᠳ᠋ᠤ ᠭᠠᠢᠬᠠᠭᠤᠯᠤᠭᠰᠠᠨ ᠪᠠᠢᠨᠠ ᠃
ᠱᠠᠩᠨᠠᠯᠢ ᠭᠠᠳᠠᠭᠤᠷ ᠭᠠᠷᠭᠠᠳᠠᠭ ᠦᠬᠡᠢᠶᠢᠨ ᠨᠢᠭᠤᠴᠠ ᠵᠤᠷ ᠶᠠᠭᠤ ᠪᠠᠢᠨᠠ ︖ ᠬᠡᠬᠦᠳ᠋ᠤ ᠄ ︽ ᠮᠢᠨᠦ ᠬᠢᠵᠦ ᠪᠠᠢᠭᠠ ᠶᠠᠭᠤᠮᠠᠰ ᠪᠤᠰᠤᠳᠤᠨᠬᠢᠲᠠᠢ ᠲᠠᠪᠬᠤᠴᠠᠳᠠᠬ ᠦᠭᠡᠢ ᠂ ᠲᠠᠩᠳᠠ ᠬᠠᠭᠤᠴᠢᠨᠤ ᠤᠯᠠᠮᠵᠢᠯᠠᠯᠲᠤ ᠵᠦᠢᠯᠢ ᠬᠢᠳᠡᠭ ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯᠤᠨᠢᠶᠡᠨ ᠠᠰᠢᠬ ᠰᠢᠮᠡᠪᠠᠷ ᠯᠡ ᠬᠢᠳᠡᠭ ᠪᠤᠯᠬᠤᠷ ᠪᠤᠬᠢᠷᠳᠤᠯ ᠦᠭᠡᠢ ᠂ ᠴᠤᠯ ᠪᠠᠢᠭᠠᠯᠢᠯᠢᠬ ᠃ ᠬᠤᠨᠢᠨ ᠠᠷᠠᠰᠤᠶᠢ ᠤᠳᠤᠵᠤ ᠪᠠᠢᠭᠠᠳ ᠲᠡᠭᠡᠷᠡᠨᠢ ᠬᠡ ᠭᠠᠷᠭᠠᠭᠠᠳ ᠪᠦᠲᠦᠭᠡᠭᠳᠡᠭᠦᠨ ᠪᠤᠯᠭᠠᠨ ᠤᠷᠤᠯᠳᠤᠭᠠᠨᠳ᠋ᠤ ᠤᠷᠤᠯᠴᠠᠵᠤ ᠪᠠᠢᠬᠰᠠᠨ ᠃ ᠮᠦᠨ ᠲᠡᠷᠡ ᠲᠡᠪᠡᠯᠢᠶᠠᠷᠢᠶᠡᠨ 2006 ᠤᠨᠳ᠋ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠭᠠᠷ ᠤᠷᠠᠯᠠᠯ ᠤᠷᠠᠨ ᠵᠢᠷᠤᠬᠤᠨ ᠦᠵᠡᠭᠦᠯᠭᠡᠶᠢᠨ ᠨᠢᠭᠡᠳᠦᠭᠡᠷ ᠲᠡᠰᠤᠨ ᠱᠠᠩᠨᠠᠯᠢ ᠭᠠᠷᠳᠠᠭᠰᠠᠨ ︾ ᠬᠡᠵᠦ ᠠ᠊ · ᠲᠤᠶᠠᠭᠠ ᠪᠡᠶᠡᠷᠳᠡᠢ ᠢᠨᠢᠶᠡᠨᠠ ᠃
2019 ᠤᠨᠳ᠋ᠤ ᠬᠤᠰᠢᠭᠤᠨᠡᠴᠠ ᠰᠢᠨᠡᠭᠡᠨ ᠵᠡᠭᠦᠨ ᠰᠤᠮᠤᠨᠤ ᠶᠠᠳᠠᠭᠤᠡᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠪᠤᠭᠤᠮᠳᠠ ᠰᠢᠪᠲᠤᠯᠬᠤ ᠲᠠᠢᠯᠠᠯᠳᠤᠭᠠᠨᠤ ︽ ᠢᠳᠡᠭᠡᠯ ᠵᠤᠷᠢᠭᠢᠶᠠᠷ ᠲᠡᠮᠵᠢᠬᠦ ︾ ᠰᠢᠷᠢᠰ ᠪᠤᠯᠪᠠᠰᠤᠷᠠᠯᠤᠨ ᠤᠶᠤᠳᠠᠯᠤᠨ ᠠᠩᠬᠢ ᠡᠷᠬᠢᠯᠡᠬᠦᠳ᠋ᠤ ᠂ ᠠ᠊ · ᠲᠤᠶᠠᠭᠠ ᠰᠤᠮᠤᠨᠤᠪᠠᠨ ᠶᠠᠳᠠᠭᠤ ᠬᠦᠴᠢᠷᠳᠡᠯᠲᠡᠢ ᠡᠷᠦᠭᠡᠳ᠋ᠤ ᠬᠡᠳᠦ ᠤᠳᠠᠭᠠ ᠬᠢᠴᠢᠶᠠᠯ ᠤᠷᠤᠵᠠᠢ ᠃ ᠨᠡᠩ ᠤᠯᠠᠨ ᠬᠦᠮᠦᠨᠳ᠋ᠤ ᠪᠤᠷᠢᠶᠠᠳ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠤᠷᠠᠯᠠᠯᠢᠶᠡᠨ ᠤᠯᠠᠮᠵᠢᠯᠠᠬᠤ ᠂ ᠤᠯᠠᠮᠵᠢᠯᠠᠯᠳᠤ ᠭᠠᠷ ᠤᠷᠠᠯᠠᠯᠢᠶᠡᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠳ᠋ᠤ ᠠᠭᠤᠰᠤᠯᠴᠠᠭᠤᠯᠤᠨ ᠠᠮᠢᠯᠠᠭᠤᠯᠵᠤ ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠦᠨᠡ ᠦᠷᠳᠡᠭᠢᠨᠢ ᠨᠡᠮᠡᠭᠳᠡᠬᠦᠯᠬᠦᠪᠠᠷ ᠲᠡᠷᠡ ᠲᠦᠯᠬᠢᠵᠦ ᠪᠤᠯᠤᠰᠢ ᠦᠭᠡᠢ ᠡᠬᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠪᠤᠯᠭᠠᠨᠠ ᠃ ᠡᠢᠨ ᠬᠦ ᠂ ᠲᠡᠷᠡ ᠪᠠᠰᠠ ᠬᠤᠰᠢᠭᠤᠨᠤ ᠠᠵᠢᠯ ᠮᠡᠷᠭᠡᠵᠢᠯᠤᠨ ᠲᠡᠬᠡᠳᠦ ᠰᠤᠷᠭᠠᠭᠤᠯᠢ ᠂ ᠨᠠᠮᠤᠨ ᠰᠤᠷᠭᠠᠭᠤᠯᠢᠳ᠋ᠤ ᠬᠤᠪᠴᠠᠰᠤ ᠤᠶᠤᠬᠤ ᠂ ᠢᠰᠡᠭᠡᠢ ᠤᠷᠠᠯᠠᠯ ᠬᠢᠬᠦ ᠮᠡᠷᠭᠡᠵᠢᠯᠤᠨ ᠪᠤᠯᠪᠠᠰᠤᠷᠠᠯ ᠬᠢᠵᠦ ᠪᠤᠢ ᠃
ᠤᠳᠤ ᠨᠤᠤᠰᠤ ᠵᠤᠯᠠᠵᠤ ᠢᠰᠡᠭᠡᠢ ᠬᠢᠳᠡᠭ ᠬᠦᠮᠦᠨ ᠴᠦᠭᠡᠷᠡᠵᠡᠢ ᠃ ᠬᠡᠪᠡᠴᠤ ᠤᠢᠷᠠᠶᠢᠨ ᠵᠢᠯᠳ᠋ᠤ ᠦᠨᠳᠦᠰᠦᠲᠡᠨᠤ ᠬᠤᠪᠴᠠᠰᠤ ᠵᠠᠰᠠᠯᠢᠶᠠᠷᠢᠶᠡᠨ ᠭᠤᠶᠤᠯᠠᠬᠤᠶᠢ ᠤᠯᠠᠮᠢᠶᠠᠷ ᠴᠢᠬᠤᠯᠠᠴᠢᠯᠠᠬᠤ ᠪᠤᠯᠤᠭᠰᠠᠨᠢᠶᠠᠷ ᠦᠨᠳᠦᠰᠦᠲᠡᠨᠤ ᠬᠤᠪᠴᠠᠰᠤ ᠵᠠᠰᠠᠯ ᠤᠶᠤᠬᠤ ᠮᠡᠷᠭᠡᠵᠢᠯ ᠰᠤᠷᠬᠤ ᠬᠦᠮᠦᠰ ᠬᠠᠷᠢᠨ ᠤᠯᠠᠰᠢᠷᠠᠵᠤ ᠪᠠᠢᠨᠠ ᠃ ᠡᠨᠡᠨᠢ ᠪᠤᠷᠢᠶᠠᠳ ᠭᠠᠷ ᠤᠷᠠᠯᠠᠯᠢᠶᠠᠷ ᠨᠠᠰᠤᠨᠤ ᠦᠢᠯᠡᠰᠢᠶᠡᠨ ᠪᠤᠯᠭᠠᠭᠰᠠᠨ ᠠ᠊ · ᠲᠤᠶᠠᠭᠠᠳ᠋ᠤ ᠠᠪᠴᠤ ᠭᠡᠯᠡᠪᠡᠯ ᠨᠢᠭᠡ ᠵᠦᠢᠯᠤᠨ ᠲᠠᠢᠳᠬᠤᠷᠠᠭᠤᠯᠤᠯ ᠪᠤᠯᠬᠤ ᠶᠤᠮ ᠃
ᠤᠳᠤᠬᠠᠨᠳ᠋ᠤ ᠂ ᠠ᠊ · ᠲᠤᠶᠠᠭᠠᠶᠢᠨ ᠪᠤᠷᠢᠶᠠᠳ ᠬᠤᠪᠴᠠᠰᠦ ᠵᠠᠰᠠᠯᠤᠨ ᠠᠵᠢᠯᠯᠠᠬᠤ ᠦᠷᠦᠭᠡᠨᠢ ︽ ᠬᠦᠯᠦᠨ ᠪᠤᠢᠷ ᠬᠤᠳᠠᠶᠢᠨ ᠶᠠᠳᠠᠭᠤᠡᠴᠠ ᠠᠩᠬᠢᠵᠢᠷᠠᠭᠤᠯᠬᠤ ᠭᠠᠷᠮᠠᠭᠠᠢ ᠡᠮᠡᠭᠳᠡᠢᠴᠤᠳᠤᠨ ᠵᠢᠱᠢᠶᠡ ᠦᠵᠡᠭᠦᠯᠬᠦ ᠰᠠᠭᠤᠷᠢᠨ ︾ ᠪᠤᠯᠵᠤ ᠂ ᠲᠡᠷᠡ ᠬᠦᠯᠦᠨ ᠪᠤᠢᠷ ᠬᠤᠳᠠᠶᠢᠨ ᠲᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠪᠤᠷᠢᠶᠠᠳ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠦᠪᠯᠡᠨ ᠤᠯᠠᠮᠵᠢᠯᠠᠬᠴᠢ ᠂ ᠬᠦᠯᠦᠨ ᠪᠤᠢᠷ ᠬᠤᠳᠠᠶᠢᠨ ᠲᠡᠰᠤᠨ ᠪᠤᠳᠠᠰᠤᠨ ᠪᠤᠰᠤ ᠰᠤᠶᠤᠯᠤᠨ ᠦᠪ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠤ ᠬᠤᠪᠴᠠᠰᠤ ᠵᠠᠰᠠᠯᠤᠨ ᠲᠦᠯᠦᠭᠡᠯᠡᠬᠦ ᠴᠢᠨᠠᠷᠳᠠᠢ ᠦᠪᠯᠡᠨ ᠤᠯᠠᠮᠵᠢᠯᠠᠬᠴᠢ ᠪᠤᠯᠵᠦ ᠬᠢᠯᠠᠷᠠᠭᠤᠯᠵᠤ ᠶᠠᠪᠤᠨᠠ ᠃
ᠰᠤᠷᠪᠤᠯᠵᠢᠯᠠᠭᠠ ᠦᠨᠳᠦᠷᠯᠡᠬᠦ ᠪᠤᠯᠤᠯᠠ ᠃ ᠠ᠊ · ᠲᠤᠶᠠᠭᠠ ᠄ ︽ ᠲᠠᠷᠠᠭᠠᠴᠢᠪᠠᠷ ᠡᠷᠳᠡᠨᠤ ᠪᠤᠷᠢᠶᠠᠳ ᠬᠤᠪᠴᠠᠰᠤᠲᠠᠢ ᠬᠦᠮᠦᠨᠢ ᠢᠰᠡᠭᠡᠢ ᠲᠡᠭᠡᠷᠡ ᠰᠢᠷᠢᠵᠦ ᠤᠶᠤᠭᠠᠳ ᠤᠷᠤᠯᠳᠤᠭᠠᠨᠳ᠋ᠤ ᠤᠷᠤᠯᠴᠠᠬᠤᠪᠠᠷ ᠲᠦᠯᠦᠪᠯᠡᠵᠦ ᠪᠠᠢᠨᠠ ︾ ᠭᠡᠵᠦ ᠪᠢᠳᠡᠨᠳ᠋ᠤ ᠰᠠᠢᠬᠠᠨᠤ ᠰᠤᠷᠠᠭ ᠲᠤᠭᠤᠯᠳᠠᠭᠤᠯᠤᠯᠠ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠼᠠᠢ ᠬᠤᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃