ᠲᠡᠷᠢᠭᠦᠨ ᠨᠢᠭᠤᠷ>ᠬᠦᠮᠦᠨ ᠨᠡᠢᠭᠡᠮ>ᠬᠦᠮᠦᠨ ᠵᠣᠨ

2021-03-15 16:57:37

ᠵᠣᠬᠢᠶᠠᠭ᠍ᠴᠢ᠄ ᠬᠠᠰᠬᠥᠥ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠤᠶᠤᠩᠭᠤᠸ᠎ᠠ ᠪᠤᠯ ᠰᠢᠯᠤᠭᠤᠨ ᠬᠥᠪᠡᠭᠡᠲᠥ ᠴᠠᠭᠠᠨ ᠬᠤᠰᠢᠭᠤᠨ᠎ᠤ ᠪᠤᠯᠠᠭᠠᠨᠲᠤᠬᠤᠢ ᠰᠤᠮᠤ᠎ᠶᠢᠨ ᠲᠤᠯᠢᠨᠪᠤᠯᠠᠭ ᠭᠠᠴᠠᠭᠠᠨ᠎ᠤ ᠮᠠᠯᠴᠢᠨ ᠃ 2006 ᠤᠨ᠎ᠳ᠋ᠤ ᠬᠤᠲᠠ ᠤᠷᠤᠵᠥ ᠤᠨᠳᠤᠤ ᠠᠵᠤ ᠥᠢᠯᠡᠰ ᠡᠷᠬᠢᠯᠡᠵᠥ ᠥᠵᠡᠶ᠎ᠠ ᠬᠡᠰᠡᠨ ᠪᠤᠲᠤᠯ᠎ᠢᠶᠠᠷ ᠨᠦᠬᠦᠷ ᠬᠦᠤ᠎ᠲᠠᠢ᠎ᠪᠠᠨ ᠭᠤᠷᠪᠠᠭᠤᠯᠠ ᠰᠢᠯᠢᠩᠬᠤᠳᠠ᠎ᠳ᠋ᠤ ᠢᠷᠡᠵᠡᠢ ᠃ ᠤᠶᠤᠩᠭᠤᠸ᠎ᠠ ᠨᠦᠬᠦᠷ ᠰᠤᠶᠤᠯᠲᠤ᠎ᠲᠠᠢ᠎ᠪᠠᠨ ᠬᠤᠶᠠᠭᠤᠯᠠ ᠵᠠᠬ᠎ᠠ ᠲᠡᠯᠭᠡᠭᠥᠷ᠎ᠤᠨ ᠬᠥᠭᠵᠢᠯᠲᠡ᠎ᠶᠢᠨ ᠬᠠᠨᠲᠤᠰᠢ ᠂ ᠬᠤᠲᠠ᠎ᠶᠢᠨ ᠰᠠᠭᠤᠭᠠᠯᠢ ᠠᠷᠠᠳ᠎ᠤᠨ ᠢᠲᠡᠭᠡᠨ ᠤᠮᠲᠠᠭᠠᠨ᠎ᠤ ᠬᠡᠷᠡᠭᠴᠡᠭᠡ ᠱᠠᠭᠠᠷᠲᠠᠯᠭ᠎ᠠ ᠵᠢᠴᠢ ᠥᠪᠡᠷ᠎ᠤᠨ ᠮᠡᠷᠭᠡᠵᠢᠯ ᠴᠢᠲᠠᠪᠤᠷᠢ ᠵᠡᠷᠭᠡ ᠤᠯᠠᠨ ᠲᠠᠯ᠎ᠠ᠎ᠡᠴᠠ ᠠᠵᠢᠬᠯᠠᠵᠤ ᠪᠤᠲᠤᠯᠬᠢᠯᠠᠭᠰᠠᠨ᠎ᠤ ᠳ᠋ᠥᠡᠭ᠎ᠳ᠋ᠤ ᠮᠤᠩᠭᠤᠯ ᠪᠥᠰᠡᠬᠥᠢᠢᠴᠤᠤᠯ᠎ᠳ᠋ᠤ ᠪᠡᠯᠡᠨ ᠪᠠᠢᠲᠠᠭ ᠴᠠᠭᠠᠨ ᠢᠲᠡᠭᠡᠨ ᠬᠢᠬᠥ ᠮᠡᠷᠭᠡᠵᠢᠯ᠎ᠢᠶᠠᠷ ᠥᠪᠡᠷᠰᠡᠳ᠎ᠤᠨ ᠤᠷᠤᠨ ᠵᠠᠢ᠎ᠪᠠᠨ ᠤᠯᠬᠤ᠎ᠪᠠᠷ ᠰᠢᠢᠳᠪᠠ ᠃


QQ图片20210315162024.png


ᠤᠶᠤᠩᠭᠤᠸ᠎ᠠ ᠪᠠᠭ᠎ᠠ᠎ᠡᠴᠠ᠎ᠪᠠᠨ ᠬᠥᠲᠡᠭᠡ ᠥᠰᠥᠭᠰᠡᠨ ᠪᠤᠯᠬᠤᠷ ᠬᠤᠷᠤᠳ ᠂ ᠵᠥᠭᠡᠭᠡᠢ ᠂ ᠰᠢᠷ᠎ᠠ ᠲᠤᠰᠤ ᠂ ᠴᠤᠷ᠎ᠠ ᠂ ᠴᠥᠴᠥᠭᠡᠢ ᠮᠡᠲᠥ᠎ᠶᠢᠨ ᠬᠥᠮᠥᠰ᠎ᠤᠨ ᠡᠲᠥᠷ ᠲᠤᠲᠤᠮ ᠡᠳ᠋ᠯᠡᠲᠡᠭ ᠴᠠᠭᠠᠨ ᠢᠲᠡᠭᠡᠨ ᠬᠢᠬᠥ ᠮᠡᠷᠭᠡᠵᠢᠯ᠎ᠢ ᠡᠵᠢ᠎ᠡᠴᠠ᠎ᠪᠠᠨ ᠥᠪᠯᠡᠵᠥ ᠂ ᠰᠠᠢᠬᠠᠨ ᠴᠥ ᠬᠢᠵᠥ ᠴᠢᠲᠠᠲᠠᠭ ᠃ ᠡᠬᠢᠨ᠎ᠤ ᠬᠤᠭᠤᠴᠠᠭᠠᠨ᠎ᠳ᠋ᠤ ᠲᠡᠳᠡᠨ᠎ᠤ᠎ᠬᠢᠨ ᠡᠲᠥᠷ᠎ᠲᠤ 1000 ᠭᠠᠷᠤᠢ ᠵᠢᠡᠭ ᠰᠥ᠋ ᠪᠤᠯᠪᠠᠰᠤᠷᠠᠭᠤᠯᠵᠥ ᠂ ᠵᠠᠷᠢᠮ ᠡᠲᠥᠷ᠎ᠲᠤ 2000 ᠭᠠᠷᠤᠢ ᠵᠢᠡᠭ ᠰᠥ᠋ ᠪᠤᠯᠪᠠᠰᠤᠷᠠᠭᠤᠯᠵᠥ ᠂ ᠶᠤᠰᠤᠲᠠᠢ ᠥᠷᠯᠥᠭᠡ᠎ᠶᠢᠨ ᠨᠠᠷᠠ᠎ᠶᠢ ᠰᠥ᠋᠎ᠪᠠᠷ ᠤᠭᠲᠤᠵᠥ ᠂ ᠰᠥ᠋ ᠬᠤᠷᠢᠶᠠᠨ ᠠᠪᠬᠤ ᠂ ᠶᠡᠬᠥᠯᠡᠬᠥ ᠂ ᠱᠥᠬᠥᠵᠥ ᠠᠷᠢᠭᠤᠳᠬᠠᠬᠤ ᠂ ᠡᠬᠡᠲᠡᠬᠥᠯᠬᠥ ᠂ ᠬᠤᠷᠤᠳ ᠨᠤᠬᠤᠬᠤ ᠵᠡᠷᠭᠡ ᠠᠵᠢᠯ᠎ᠢᠶᠡᠨ ᠡᠬᠢᠯᠡᠬᠥᠯᠵᠥ ᠂ ᠶᠠᠭᠠᠷᠠᠯᠳᠠᠢ ᠮᠥᠷᠲᠡᠭᠡᠨ ᠪᠠᠶᠠᠷᠲᠠᠢ ᠠᠵᠢᠯᠯᠠᠵᠥ ᠪᠠᠢᠯ᠎ᠠ ᠃

ᠴᠠᠭᠠᠨ ᠢᠲᠡᠭᠡᠨ᠎ᠤ ᠴᠢᠨᠠᠷ ᠂ ᠴᠡᠪᠡᠷ᠎ᠢ ᠪᠠᠲᠤᠯᠠᠵᠥ ᠂ ᠥᠨᠡᠨᠴᠢ ᠢᠲᠡᠭᠡᠯ᠎ᠲᠠᠢ ᠡᠵᠡᠩᠨᠡᠯᠳᠡ᠎ᠶᠢ ᠡᠷᠬᠢᠮᠯᠡᠵᠥ ᠢᠷᠡᠭᠰᠡᠨ ᠪᠤᠯᠬᠤᠷ ᠤᠶᠤᠩᠭᠤᠸ᠎ᠠ᠎ᠶᠢᠨ᠎ᠬᠢᠨ᠎ᠳ᠋ᠤ ᠡᠷᠬᠢᠵᠦ ᠢᠷᠡᠬᠦ ᠭᠡᠢᠴᠢᠨ ᠤᠯᠠᠰᠢᠷᠠᠬᠰᠡᠨ᠎ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠲᠡᠳᠡᠨ᠎ᠤ ᠲᠠᠨᠢᠯᠴᠠᠭᠤᠯᠭ᠎ᠠ᠎ᠪᠠᠷ ᠳᠠᠮᠵᠢᠨ ᠢᠷᠡᠭᠰᠡᠨ ᠭᠠᠲᠠᠨ᠎ᠠ ᠭᠠᠵᠠᠷ᠎ᠤᠨ ᠬᠡᠷᠡᠭᠯᠡᠭᠴᠢ ᠴᠥ ᠠᠭᠠᠵᠢᠮ᠎ᠢᠶᠠᠷ ᠤᠯᠠᠰᠢᠷᠠᠵᠥ ᠂ ᠪᠥᠭᠡᠮ᠎ᠢᠶᠠᠷ ᠬᠤᠳᠠᠯᠳᠤᠨ ᠠᠪᠲᠠᠭ᠎ᠨᠢ ᠵᠦᠩᠳᠡᠭᠡᠨ ᠪᠤᠯᠵᠠᠢ ᠃ ᠪᠤᠷᠤᠯᠠᠭᠤᠯᠭ᠎ᠠ ᠨᠡᠮᠡᠭᠲᠡᠬᠥ᠎ᠶᠢ ᠲᠠᠭᠠᠯᠲᠤᠨ ᠤᠶᠤᠩᠭᠤᠸ᠎ᠠ᠎ᠶᠢᠨ᠎ᠬᠢᠨ ᠴᠠᠭᠠᠨ ᠢᠲᠡᠭᠡᠨ᠎ᠤ ᠠᠮᠲᠠ ᠴᠢᠨᠠᠷ ᠪᠤᠯᠤᠨ ᠲᠥᠷᠥᠯ ᠵᠥᠢᠯ᠎ᠢᠶᠡᠨ ᠤᠯᠠᠮ ᠠᠩᠬᠠᠷᠬᠤ ᠪᠤᠯᠵᠦ ᠂ ᠪᠦᠲᠦᠭᠡᠭᠳᠡᠭᠦᠨ᠎ᠤ᠎ᠪᠠᠨ ᠴᠢᠨᠠᠷ ᠴᠢᠨᠰᠠᠭ᠎ᠠ ᠂ ᠠᠷᠢᠭᠤᠨ ᠴᠡᠪᠡᠷ᠎ᠢ ᠢᠮᠠᠬᠲᠠ ᠪᠠᠲᠤᠯᠠᠬᠰᠠᠭᠠᠷ ᠢᠷᠡᠵᠡᠢ ᠃

︽ ᠤᠳᠤ ᠮᠠᠨᠠᠢᠬᠢᠨ ᠰᠢᠯᠢᠩᠬᠤᠳᠠ᠎ᠡᠴᠠ ᠭᠠᠳᠠᠨ᠎ᠡ ᠬᠦᠬᠡᠬᠤᠲᠠ ᠂ ᠬᠢᠩᠭᠠᠨ ᠠᠢᠮᠠᠭ ᠂ ᠬᠦᠯᠦᠨ ᠪᠤᠢᠷ ᠬᠤᠲᠠ ᠵᠡᠷᠭᠡ ᠭᠠᠵᠠᠷ᠎ᠤᠨ ᠬᠡᠷᠡᠭᠯᠡᠭᠴᠢᠳ᠎ᠤᠨ ᠵᠠᠬᠢᠶᠠᠯᠠᠭ᠎ᠠ᠎ᠶᠢ ᠲᠤᠰᠴᠦ ᠪᠤᠢ ᠃ ᠰᠠᠭᠠᠯᠢ᠎ᠶᠢᠨ ᠥᠨᠢᠶ᠎ᠠ ᠮᠠᠯᠵᠢᠬᠤ ᠡᠷᠥᠭᠡ ᠴᠦᠭᠡᠷᠡᠭᠰᠡᠨ ᠂ ᠴᠠᠭᠠᠨ ᠢᠲᠡᠭᠡᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠡᠷᠥᠭᠡ ᠨᠡᠮᠡᠭᠲᠡᠭᠰᠡᠨ ᠵᠢᠴᠢ ᠰᠦ᠎ᠶᠢᠨ ᠥᠨ᠎ᠠ ᠥᠰᠥᠭᠰᠡᠨ᠎ᠢᠶᠠᠷ ᠤᠲᠤ ᠡᠲᠥᠷ᠎ᠲᠤ 600  700 ᠵᠢᠡᠭ ᠰᠥ᠋ ᠪᠤᠯᠪᠠᠰᠤᠷᠠᠭᠤᠯᠵᠥ ᠂ ᠵᠢᠯ᠎ᠤᠨ ᠠᠷᠪᠠ ᠭᠠᠷᠤᠢ ᠲᠥᠮᠡᠨ ᠲᠥᠭᠥᠷᠢᠭ᠎ᠤᠨ ᠴᠡᠪᠡᠷ ᠤᠷᠤᠯᠭ᠎ᠠ ᠤᠯᠲᠠᠭ ︾ ᠭᠡᠵᠦ ᠤᠶᠤᠩᠭᠤᠸ᠎ᠠ ᠤᠳᠤᠬᠢ ᠪᠠᠢᠳᠠᠯ᠎ᠢᠶᠡᠨ ᠲᠠᠨᠢᠯᠴᠠᠭᠤᠯᠤᠨ᠎ᠡ ᠃

ᠠᠩᠬ᠎ᠠ ᠢᠷᠡᠬᠥ᠎ᠳ᠋ᠤ ᠰᠤᠷᠭᠠᠭᠤᠯᠢ᠎ᠳ᠋ᠤ ᠰᠠᠭᠤᠭ᠎ᠠ ᠬᠥᠥ᠎ᠪᠠᠨ ᠬᠠᠷᠠᠵᠥ ᠲᠤᠲᠤᠮᠲᠠᠬᠤ᠎ᠳ᠋ᠤ ᠲᠥᠭᠥᠮ᠎ᠢ ᠪᠤᠲᠤᠵᠥ ᠂ ᠰᠤᠷᠭᠠᠭᠤᠯᠢ᠎ᠶᠢᠨ ᠬᠠᠪᠢ᠎ᠳ᠋ᠤ ᠭᠡᠷ ᠲᠥᠷᠢᠶᠡᠰᠥᠯᠡᠨ ᠰᠠᠭᠤᠵᠥ ᠪᠠᠢᠭᠰᠠᠨ᠎ᠢᠶᠡᠨ ᠤᠲᠤ ᠥᠪᠡᠷᠰᠡᠳ᠎ᠢᠶᠡᠨ ᠠᠰᠠᠷ ᠰᠠᠭᠤᠴᠠ᠎ᠲᠠᠢ ᠪᠤᠯᠤᠭᠰᠠᠨ᠎ᠢᠶᠠᠷ ᠪᠠᠷᠠᠬᠤ ᠥᠭᠡᠢ ᠬᠦᠤ᠎ᠳ᠋ᠡᠭᠡᠨ ᠴᠦ ᠤᠷᠤᠨ ᠰᠠᠭᠤᠴᠠ᠎ᠶᠢᠨ ᠠᠰᠠᠷ ᠠᠪᠤᠪᠠ ᠃ ᠡᠪ ᠨᠠᠢᠷᠲᠠᠢ ᠵᠤᠯ ᠵᠢᠷᠭᠠᠯᠲᠤ ᠠᠮᠢᠲᠤᠷᠠᠯ ᠢᠩᠭᠢᠵᠦ ᠲᠡᠳᠡᠨ᠎ᠤ ᠥᠪᠡᠷ᠎ᠤᠨ ᠬᠢᠨᠢ ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠬᠤᠶᠠᠷ ᠭᠠᠷ᠎ᠢᠶᠠᠷ᠎ᠨᠢ ᠴᠤᠬᠴᠠᠯᠠᠬᠳᠠᠨ᠎ᠡ ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠪᠣᠣ ᠮᠧᠢ ᠷᠥᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面