ᠲᠡᠷᠢᠭᠦᠨ ᠨᠢᠭᠤᠷ>ᠬᠦᠮᠦᠨ ᠨᠡᠢᠭᠡᠮ>ᠬᠦᠮᠦᠨ ᠵᠣᠨ

2021-04-23 09:06:27

ᠵᠣᠬᠢᠶᠠᠭ᠍ᠴᠢ᠄ ᠳᠡᠯᠭᠡᠷᠴᠡᠴᠡᠭ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠰᠦᠨᠢᠳ ᠪᠠᠷᠠᠭᠤᠨ ᠬᠤᠰᠢᠭᠤᠨ᠎ᠤ ᠦᠷᠭᠡᠨᠳᠡᠯ᠎ᠡ ᠪᠠᠯᠭᠠᠰᠤᠨ᠎ᠤ ᠴᠠᠩᠳᠤᠰᠢᠯᠢ ᠭᠠᠴᠠᠭᠠᠨ᠎ᠤ ᠮᠠᠯᠴᠢᠨ ᠪᠦᠰᠡᠭᠦᠢ ᠡᠷᠳᠡᠨᠢᠴᠡᠴᠡᠭ ᠠᠵᠢᠯᠴᠢ ᠭᠠᠪᠰᠢᠭᠠᠢ᠎ᠪᠠᠷ᠎ᠢᠶᠡᠨ ᠤᠯᠠᠨ᠎ᠳ᠋ᠤ ᠱᠠᠭᠰᠢᠭᠳᠠᠨ ᠂ ᠴᠡᠪᠡᠷ ᠪᠤᠷᠤᠭᠵᠢᠭᠤᠨ ᠂ ᠤᠬᠠᠭᠠᠯᠢᠭ ᠵᠠᠩ᠎ᠢᠶᠠᠷ᠎ᠢᠶᠡᠨ ᠭᠤᠷᠪᠠᠨ ᠰᠠᠶᠢᠬᠠᠨ ᠦᠬᠢᠨ᠎ᠢᠶᠡᠨ ᠤᠶᠤᠳᠠᠨ ᠪᠤᠯᠭᠠᠨ ᠬᠦᠮᠦᠵᠢᠭᠦᠯᠵᠦ ᠂ ᠨᠤᠳᠤᠭ᠎ᠤᠨ ᠲᠦᠮᠡᠨ᠎ᠤ᠎ᠪᠠᠨ ᠪᠠᠭ᠋ᠠᠷᠬᠠᠯ ᠪᠤᠯᠵᠤ ᠶᠠᠪᠤᠨ᠎ᠠ ᠃

ᠬᠠᠪᠤᠷ᠎ᠤᠨ ᠤᠷᠢ ᠬᠠᠩᠭᠠᠢ ᠳᠡᠯᠡᠬᠡᠢ᠎ᠳ᠋ᠤ ᠰᠠᠭᠠᠳᠠᠨ ᠂ ᠲᠦᠯ᠎ᠤᠨ ᠳᠠᠭᠤᠨ ᠮᠠᠯᠴᠢᠨ᠎ᠤ ᠬᠤᠳᠠ᠎ᠳ᠋ᠤ ᠬᠠᠩᠭᠢᠨᠠᠨ ᠂ ᠠᠵᠢᠯᠰᠠᠭ ᠮᠠᠯᠴᠢᠳ᠎ᠤᠨ ᠶᠠᠭᠠᠷᠠᠤ ᠴᠠᠭ ᠡᠬᠢᠯᠡᠬᠦ᠎ᠳ᠋ᠤ ᠡᠷᠳᠡᠨᠢᠴᠡᠴᠡᠭ ᠨᠦᠬᠦᠷ᠎ᠲᠠᠢ᠎ᠪᠠᠨ ᠬᠤᠶᠠᠭᠤᠯᠠ ᠦᠷᠯᠦᠭᠡ᠎ᠡᠴᠠ ᠦᠳᠡᠰᠢ᠎ᠶᠢᠨ ᠪᠦᠷᠦᠢ ᠳᠠᠰᠤᠷᠠᠳᠠᠯ᠎ᠠ ᠬᠤᠷᠤᠭᠠᠨ᠎ᠳᠠᠭᠠᠨ ᠶᠠᠭᠠᠷᠠᠵᠤ ᠂ ᠭᠡᠳᠦᠨ ᠮᠠᠯ᠎ᠢᠶᠡᠨ ᠪᠦᠭᠡᠴᠡᠶᠢᠯᠡᠬᠦ᠎ᠶᠢᠨ ᠵᠡᠷᠬᠡᠪᠠᠷ ᠭᠡᠷ ᠤᠷᠤᠨ᠎ᠢᠶᠡᠨ ᠬᠢᠯᠡ ᠴᠢᠯᠡ ᠴᠡᠪᠡᠷᠯᠡᠡ ᠂ ᠴᠠᠭᠠᠨ ᠢᠳᠡᠭᠡ ᠪᠤᠯᠪᠠᠰᠤᠷᠠᠭᠤᠯᠵᠤ ᠠᠯᠢ ᠠᠯᠢᠨ᠎ᠢ᠎ᠨᠢ ᠠᠮᠵᠢᠭᠤᠯᠤᠨ᠎ᠠ ᠃ ︽ ᠠᠵᠢᠯᠴᠢ ᠠᠶᠢᠯ᠎ᠢ ᠠᠷᠭᠠᠯ᠎ᠡᠴᠠ᠎ᠨᠢ ︾ ᠭᠡᠳᠡᠭ᠎ᠢᠶᠠᠷ ᠵᠢᠭᠳᠡᠷᠡᠭᠦᠯᠦᠨ ᠬᠤᠷᠢᠶᠠᠭᠰᠠᠨ ᠳᠠᠯᠠᠩ᠎ᠲᠠᠢ ᠠᠷᠭᠠᠯ᠎ᠢ᠎ᠨᠢ ᠭᠡᠨ ᠬᠠᠷᠠᠭᠰᠠᠨ ᠴᠤ ᠡᠷᠳᠡᠨᠢᠴᠡᠴᠡᠭ᠎ᠤᠨ ᠠᠵᠢᠯ᠎ᠳ᠋ᠤ ᠡᠪ᠎ᠲᠠᠢ ᠂ ᠠᠮᠢᠳᠤᠷᠠᠯ᠎ᠳᠠᠭᠠᠨ ᠴᠢᠷᠮᠠᠢᠯᠭ᠎ᠠ᠎ᠲᠠᠢ ᠬᠦᠳᠡᠯᠮᠦᠷᠢᠴᠢ ᠪᠦᠰᠡᠭᠦᠢ ᠪᠤᠯᠬᠤ᠎ᠶᠢ ᠮᠡᠳᠡᠴᠢᠬᠡᠨ᠎ᠠ ᠃ ᠡᠷᠳᠡᠨᠢᠴᠡᠴᠡᠭ ᠄ ︽ ᠡᠭᠡᠴᠢ ᠳᠡᠭᠦᠦ ᠣᠯᠠᠨ ᠤᠴᠢᠷ᠎ᠡᠴᠠ ᠠᠪᠤ᠋ ᠡᠵᠢ᠎ᠳ᠋ᠡᠭᠡᠨ ᠬᠠᠪᠰᠤᠷᠴᠤ ᠠᠵᠢᠯ ᠬᠢᠬᠦ᠎ᠶᠢᠨ ᠲᠥᠯᠥᠭᠡ ᠪᠢ ᠪᠢᠴᠢᠭ ᠦᠵᠡᠭᠰᠡᠨ ᠦᠭᠡᠶ᠎ᠳ᠋ᠡᠭᠡᠨ ᠶᠡᠭᠡ ᠬᠠᠷᠠᠮᠰᠠᠳᠠᠭ ᠪᠤᠯᠬᠤᠷ ᠭᠤᠷᠪᠠᠨ ᠦᠬᠢᠨ᠎ᠢᠶᠡᠨ ᠮᠡᠳᠡᠯᠭᠡ ᠰᠤᠶᠤᠯ᠎ᠲᠠᠢ ᠬᠥᠮᠦᠨ ᠪᠣᠯᠭᠠᠬᠤ᠎ᠪᠠᠷ ᠰᠤᠷᠭᠠᠭᠤᠯᠢ ᠰᠤᠶᠤᠯ᠎ᠤᠨ ᠮᠦᠷ ᠬᠦᠭᠡᠭᠡᠯᠬᠡᠬᠦ᠎ᠪᠠᠷ ᠴᠢᠷᠮᠠᠢᠬᠰᠠᠠ ᠃ ᠮᠢᠨᠦ ᠭᠤᠷᠪᠠᠠ ᠦᠬᠢᠠ ᠰᠤᠶᠤᠯ ᠪᠤᠯᠪᠠᠰᠤᠷᠠᠯ ᠬᠦᠷᠳᠡᠵᠦ ᠭᠠᠳᠠᠭᠠᠳᠤ ᠳᠤᠳᠤᠭᠠᠳᠤ᠎ᠪᠠᠷ ᠶᠠᠪᠤᠵᠤ ᠨᠢᠳᠦ ᠨᠡᠭᠡᠭᠡᠭᠰᠡᠨ ᠴᠦ ᠬᠠᠷᠢᠵᠤ ᠢᠷᠡᠪᠡᠯ ᠠᠪᠤ᠋ ᠡᠵᠢ᠎ᠪᠠᠨ ᠬᠠᠪᠰᠤᠷᠤᠨ ᠮᠠᠯ ᠬᠠᠷ᠎ᠠ᠎ᠲᠠᠢ ᠨᠤᠴᠤᠯᠳᠤᠨ ︿ ᠬᠠᠰᠢᠷ ᠮᠠᠯᠴᠢᠨ ﹀ ᠪᠤᠯᠵᠠᠭᠠᠳᠠᠭ ᠃ ᠣᠯᠠᠨ ᠵᠢᠯ᠎ᠤᠨ ᠡᠮᠦᠨ᠎ᠡ ᠰᠠᠯᠬᠢ ᠰᠢᠭᠤᠷᠭ᠎ᠠ ᠶᠡᠭᠡ ᠂ ᠭᠠᠩ ᠭᠠᠴᠢᠭ᠎ᠲᠠᠢ ᠪᠤᠯᠬᠤᠷ ᠬᠤᠨᠢ ᠮᠠᠯᠵᠢᠭᠠᠳ ᠤᠷᠤᠯᠭ᠎ᠠ ᠳᠤᠤᠷ᠎ᠠ ᠂ ᠭᠤᠷᠪᠠᠨ ᠭᠡᠦᠭᠡᠳ ᠰᠤᠷᠭᠠᠭᠤᠯᠢ᠎ᠳ᠋ᠤ ᠰᠠᠭᠤᠬᠤ ᠵᠠᠷᠤᠳᠠᠯ ᠮᠦᠩᠭᠦ ᠴᠦ ᠶᠡᠬᠡ ᠪᠤᠯᠬᠤᠷ ᠠᠷᠭ᠎ᠠ ᠪᠤᠰᠤ ᠰᠠᠭᠠᠯᠢ᠎ᠶᠢᠨ ᠦᠨᠢᠶ᠎ᠠ ᠬᠤᠳᠠᠯᠳᠤᠨ ᠠᠪᠴᠤ ᠴᠠᠭᠠᠠ ᠢᠳᠡᠬᠡ ᠬᠢᠵᠥ ᠣᠷᠣᠯᠭ᠎ᠠ᠎ᠪᠠᠨ ᠨᠡᠮᠡᠭᠳᠡᠬᠦᠯᠬᠦ᠎ᠪᠠᠷ ᠴᠢᠷᠮᠠᠢᠵᠡᠢ ᠂ 2001 ᠣᠨ᠎ᠡᠴᠠ ᠤᠯᠠᠮᠵᠢᠯᠠᠯᠲᠤ ᠴᠠᠭᠠᠨ ᠢᠳᠡᠭᠡ ᠪᠤᠯᠪᠠᠰᠤᠷᠠᠭᠤᠯᠵᠤ ᠪᠣᠷᠣᠯᠠᠭᠤᠯᠤᠭᠠᠳ ᠣᠳᠣ ᠴᠠᠭᠠᠨ ᠢᠳᠡᠭᠡᠨ᠎ᠤ ᠵᠢᠯ᠎ᠤᠨ ᠣᠷᠣᠯᠭ᠎ᠠ 5 ᠲᠦᠮᠡᠨ ᠲᠥᠭᠦᠷᠢᠭ᠎ᠲᠤ ᠬᠦᠷᠴᠤ ᠪᠠᠢᠨ᠎ᠠ ᠃ ᠮᠠᠠ᠎ᠤ ᠤᠳᠤ ᠪᠠᠰᠠ 380 ᠭᠠᠷᠤᠢ ᠬᠤᠨᠢ ᠂ ᠳᠠᠪᠢᠭᠠᠳ ᠦᠬᠡᠷ᠎ᠢᠶᠡᠨ ᠠᠷᠠᠴᠢᠯᠠᠨ ᠮᠠᠯᠵᠢᠵᠤ ᠂ ᠵᠢᠯ᠎ᠤᠨ ᠣᠷᠣᠯᠭ᠎ᠠ 30 ᠭᠠᠷᠤᠢ ᠲᠦᠮᠡᠨ ᠲᠥᠭᠦᠷᠢᠭ᠎ᠲᠤ ᠬᠦᠷᠴᠦ ᠂ ᠴᠢᠨᠡᠭᠡᠯᠢᠭ ᠠᠮᠢᠳᠤᠷᠠᠯ᠎ᠳᠠᠭᠠᠨ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠪᠠᠢᠨ᠎ᠠ ︾ ᠬᠡᠵᠥ ᠦᠢᠯᠡᠳᠪᠤᠷᠢᠯᠠᠯ ᠠᠮᠢᠳᠤᠷᠠᠯ᠎ᠤᠨ ᠪᠠᠢᠳᠠᠯ᠎ᠢᠶᠡᠨ ᠲᠡᠨᠢᠯᠴᠠᠭᠤᠯᠤᠨ᠎ᠠ ᠃

ᠡᠷᠳᠡᠨᠢᠴᠡᠴᠡᠭ ᠦᠪᠡᠷ᠎ᠤᠨ ᠴᠢᠷᠮᠠᠢᠯᠭ᠎ᠠ᠎ᠪᠠᠷ᠎ᠢᠶᠡᠨ ᠭᠤᠷᠪᠠᠠ ᠬᠡᠤᠬᠡᠡ᠎ᠢᠶᠡᠨ ᠰᠤᠶᠤᠯ᠎ᠤᠨ ᠮᠦᠷ ᠬᠦᠬᠡᠬᠡᠬᠦ ᠬᠦᠰᠠᠯ᠎ᠢ᠎ᠨᠢ ᠪᠠᠶᠠᠯᠡᠬᠦᠯᠦᠭᠰᠡᠡ᠎ᠢᠶᠠᠷ ᠪᠠᠷᠠᠬᠤ ᠦᠬᠡᠢ ᠪᠤᠰᠤᠳ᠎ᠤᠨ ᠦᠷ᠎ᠡ᠎ᠶᠢ ᠴᠦ ᠠᠳᠠᠯᠢᠬᠠᠨ ᠰᠠᠨᠠᠵᠤ ᠂ 3 ᠵᠢᠯ ᠳᠠᠷᠠᠭᠠᠯᠠᠨ ᠶᠡᠭᠡ ᠰᠤᠷᠭᠠᠭᠤᠯᠢ᠎ᠳ᠋ᠤ ᠡᠯᠰᠡᠭᠳᠡᠭᠰᠡᠨ 30 ᠭᠠᠷᠤᠶ ᠬᠡᠦᠬᠡᠳ᠎ᠲᠤ ᠵᠣᠷᠢᠭᠵᠢᠭᠤᠯᠤᠯ᠎ᠤᠨ ᠮᠥᠩᠭᠦ ᠬᠠᠨᠳᠢᠪᠯᠠᠵᠠᠢ ᠃ ᠣᠯᠠᠨ ᠵᠢᠯ᠎ᠤᠨ ᠲᠤᠷᠰᠢ ᠡᠯ᠎ᠡ ᠱᠠᠲᠤᠨ᠎ᠤ ᠡᠯ᠎ᠡ ᠲᠥᠷᠥᠯ᠎ᠤᠨ ᠱᠠᠩᠨᠠᠯ ᠬᠦᠬᠢᠬᠦᠯᠦᠯ᠎ᠢ 30 ᠭᠠᠷᠤᠶ ᠤᠳᠠᠭ᠎ᠠ ᠬᠦᠷᠳᠡᠨ ᠂ 60 ᠨᠠᠰᠤᠨ᠎ᠤ ᠲᠦᠷᠦᠭᠡᠨ ᠲᠡᠭᠡᠷ᠎ᠡ ᠵᠤᠷᠢᠭ ᠰᠢᠨᠳᠠᠷᠠᠰᠢ ᠦᠬᠡᠢ ᠵᠢᠳᠬᠦᠨ ᠂ ᠮᠤᠩᠭᠤᠯ ᠪᠦᠰᠡᠭᠦᠢ᠎ᠶᠢᠨ ᠠᠵᠢᠯᠴᠢ ᠤᠬᠠᠭᠠᠯᠢᠭ ᠵᠠᠩ᠎ᠢᠶᠠᠷ᠎ᠢᠶᠡᠨ ᠳᠠᠭᠤᠷᠢᠶᠠᠯ ᠪᠤᠯᠵᠤ ᠶᠠᠪᠤᠨ᠎ᠠ ᠃ ᠲᠡᠷᠡ ᠄ ︽ ᠭᠠᠴᠠᠭᠠᠨ᠎ᠤ ᠵᠠᠯᠠᠭᠤ ᠨᠢᠭᠡ ᠦᠶ᠎ᠡ᠎ᠶᠢᠨ᠎ᠬᠢᠨ᠎ᠳ᠋ᠤ ᠳᠠᠭᠤᠷᠢᠶᠠᠯ ᠦᠵᠡᠭᠦᠯᠬᠦ᠎ᠶᠢᠨ ᠲᠥᠯᠥᠭᠡ ᠪᠢ ᠣᠲᠣ ᠦᠨᠢᠶ᠎ᠡ ᠰᠠᠭᠠᠬᠤ ᠂ ᠬᠠᠳᠬᠤᠮᠠᠯ ᠤᠷᠠᠯᠠᠬᠤ ᠂ ᠬᠤᠷᠤᠳ ᠬᠢᠬᠦ ᠂ ᠠᠷᠭᠠᠯ ᠬᠤᠷᠢᠶᠠᠬᠤ ᠵᠡᠷᠭᠡ ᠤᠯᠠᠮᠵᠢᠯᠠᠯᠲᠤ ᠤᠷ᠎ᠠ ᠮᠡᠷᠭᠡᠵᠢᠯ᠎ᠢ ᠬᠢᠵᠦ ᠪᠠᠶᠢᠨ᠎ᠠ ᠂ ᠮᠠᠨ᠎ᠤ ᠡᠨᠡ ᠦᠶ᠎ᠡ᠎ᠶᠢᠨ ᠬᠥᠮᠦᠰ᠎ᠤᠨ ᠨᠥᠯᠥᠭᠡ᠎ᠪᠠᠷ ᠵᠠᠯᠠᠭᠤᠴᠤᠳ ᠡᠲᠡᠭᠡᠷ ᠤᠯᠠᠮᠵᠢᠯᠠᠯᠲᠤ ᠤᠷ᠎ᠠ ᠮᠡᠷᠭᠡᠵᠢᠯ᠎ᠢ ᠠᠭᠠᠵᠢᠮ᠎ᠢᠶᠠᠷ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ ᠪᠤᠢ ᠃ ᠪᠢ ᠵᠠᠯᠠᠭᠤᠴᠤᠳ᠎ᠲᠤ ᠳᠠᠭᠤᠷᠢᠶᠠᠯ ᠪᠣᠯᠬᠤ᠎ᠪᠠᠷ ᠴᠢᠷᠮᠠᠢᠨ᠎ᠠ ︾ ᠬᠡᠵᠥ ᠪᠠᠢᠯ᠎ᠠ ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠪᠣᠣ ᠮᠧᠢ ᠷᠥᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面