2021-04-28 16:11:06
ᠬᠥᠬᠡᠬᠣᠲᠠᠶᠢᠨ ᠤᠯᠠᠭᠠᠨ ᠵᠠᠭᠠᠯᠮᠠᠢᠳᠠᠨᠤ ᠨᠡᠶᠢᠭᠡᠮᠯᠢᠭᠤᠨ ︽ ᠡᠨᠡᠷᠢᠯᠲᠦ ᠡᠵᠢ︾ ᠰᠠᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠬᠢᠶᠢᠨ ᠳᠠᠷᠤᠭᠠ ᠯᠢᠦ ᠢᠦᠢ ᠮᠢᠨ 3 ᠰᠠᠢᠨ ᠲᠤᠷᠠᠶᠢᠨ ᠠᠵᠢᠯᠯᠠᠬᠰᠠᠳᠲᠠᠢᠪᠠᠨ ᠬᠠᠮᠲᠦ ᠬᠠᠪᠰᠤᠷᠤᠨ ᠲᠡᠳᠭᠦᠵᠤ ᠪᠠᠢᠭᠠ ᠵᠢᠤᠸᠠᠨ ᠵᠢᠤᠸᠠᠨ ᠪᠣᠯᠤᠨ ᠬᠤᠸᠠ ᠬᠤᠸᠠᠶᠢᠨ ᠭᠡᠷᠲᠤ ᠣᠷᠣᠮᠠᠭᠴᠠ ᠡᠬᠡᠴᠢ ᠦᠬᠢᠨ ᠲᠡᠬᠦᠦ ᠬᠤᠶᠠᠭᠤᠯᠠᠪᠠᠨ ︽ ᠯᠢᠦ ᠡᠵᠢ ᠡ︾ ᠬᠡᠵᠦ ᠲᠤᠲᠤᠨᠤᠪᠠᠷ ᠲᠠᠭᠤᠲᠠᠨ ᠦᠭᠡᠳᠠᠡᠴᠠᠨᠢ ᠬᠦᠶᠤᠨ ᠤᠴᠢᠯᠠ᠃

ᠤᠤᠯᠨᠢ ᠡᠨᠡ ᠡᠳᠦᠷ ︽ ᠡᠨᠡᠷᠢᠯᠲᠦ ᠡᠵᠢ︾ ᠨᠠᠷ ᠡᠭᠡᠴᠢ ᠥᠬᠢᠨ ᠳᠡᠭᠦᠤ ᠬᠣᠶᠠᠭᠤᠯᠠᠳ᠋ᠤ ᠠᠮᠠᠪᠴᠢ᠂ ᠭᠠᠷ ᠤᠬᠢᠶᠠᠬᠤ ᠰᠢᠩᠭᠡᠨ᠂ ᠭᠤᠯᠢᠷ ᠵᠡᠷᠭᠡ ᠡᠳ᠋ ᠪᠣᠳᠠᠰ ᠬᠦᠷᠬᠡᠵᠤ ᠢᠷᠡᠭᠰᠡᠨᠨᠢ ᠡᠨᠡ ᠪᠠᠢᠯᠠ᠃ ᠯᠢᠦ ᠢᠦᠢ ᠮᠢᠨ ᠪᠠᠰᠠ ᠥᠪᠡᠷᠤᠨ ᠵᠣᠭᠣᠰᠢᠶᠠᠷᠢᠶᠡᠨ ᠬᠡᠦᠬᠡᠳᠤᠳᠲᠤ ᠤᠯᠠᠭᠠᠨ ᠪᠠᠬᠯᠠᠭᠠ ᠭᠠᠷᠲᠠᠭᠤᠯᠵᠠᠢ᠃

ᠣᠳᠣᠬᠠᠨᠳ᠋ᠤ ᠠᠩᠬᠠ ᠵᠡᠷᠭᠡᠶᠢᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠬᠣᠶᠠᠳᠤᠭᠠᠷ ᠣᠨᠳ᠋ᠤ ᠰᠤᠷᠤᠯᠴᠠᠵᠦ ᠪᠠᠢᠭᠠ ᠵᠢᠦᠸᠠᠨ ᠵᠢᠤᠸᠠᠨ ᠪᠣᠯᠤᠨ ᠬᠤᠸᠠ ᠬᠤᠸᠠᠶᠢᠨ ᠯᠢᠦ ᠡᠵᠢᠯᠦᠭᠡᠶᠢᠨ ᠬᠤᠪᠢ ᠪᠠᠷᠢᠯᠳᠤᠯᠭᠠ 5 ᠵᠢᠯᠤᠨ ᠡᠮᠦᠨᠡᠡᠴᠠ ᠡᠬᠢᠯᠡᠵᠤ ᠪᠢᠯᠡ᠃ ᠯᠢᠦ ᠢᠦᠶ ᠮᠢᠨ ᠪᠣᠯ ᠠᠵᠢᠯᠡᠴᠠᠪᠠᠨ ᠠᠮᠠᠷᠠᠭᠰᠠᠨ ᠪᠠᠭᠰᠢ ᠪᠤᠯᠤᠨᠠ᠂ 2014 ᠣᠨᠳ᠋ᠤ ᠬᠦᠬᠡᠬᠤᠳᠠᠶᠢᠨ ᠤᠯᠠᠭᠠᠨ ᠵᠠᠭᠠᠯᠮᠠᠶᠢᠲᠠᠨᠤ ᠨᠡᠶᠢᠭᠡᠮᠯᠢᠭᠤᠨ ︽ ᠡᠨᠡᠷᠢᠯᠲᠦ ᠡᠵᠢ︾ ᠰᠠᠶᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢᠶᠢᠨ ᠳᠠᠷᠤᠭᠠᠪᠠᠷ ᠲᠣᠮᠢᠯᠠᠭᠳᠠᠵᠠᠶ᠃ 2016 ᠣᠨᠳ᠋ᠤ᠂ ᠯᠢᠦ ᠢᠦᠢ ᠮᠢᠨ ᠬᠥᠬᠡᠬᠣᠲᠠᠶᠢᠨ ᠬᠣᠲᠣᠩ ᠠᠷᠠᠳᠤᠨ ᠲᠣᠭᠣᠷᠢᠭᠤᠨ ᠵᠡᠭᠦᠨ ᠤᠰᠤᠲᠤ ᠲᠣᠰᠬᠣᠨᠤ ᠠᠪᠤᠷᠠᠨ ᠲᠤᠰᠠᠯᠠᠬᠤ ᠡᠲᠡᠭᠡᠳᠢ ᠵᠢᠬᠰᠠᠭᠠᠨ ᠪᠠᠶᠢᠴᠠᠭᠠᠬᠤ ᠦᠶᠡᠳ᠋ᠤ ᠵᠢᠦᠸᠠᠨ ᠵᠢᠤᠸᠠᠨ ᠪᠣᠯᠤᠨ ᠬᠤᠸᠠ ᠬᠤᠸᠠᠲᠠᠢ ᠲᠠᠨᠢᠯᠴᠠᠵᠠᠢ᠃ ᠲᠡᠭᠦᠨᠡᠴᠠ ᠬᠣᠶᠢᠰᠢᠬᠢ ᠬᠡᠳᠦᠨ ᠵᠢᠯᠳ᠋ᠤ᠂ ︽ ᠡᠨᠡᠷᠢᠯᠲᠦ ᠡᠵᠢ︾ᠶᠢᠨ ᠪᠦᠯᠬᠦᠮᠤᠨᠬᠢᠨ ᠡᠭᠡᠴᠢ ᠦᠬᠢᠨ ᠳᠡᠭᠦᠦ ᠬᠣᠶᠠᠭᠤᠯᠠᠶᠢ ᠦᠷᠭᠦᠯᠵᠢᠯᠡᠨ ᠬᠠᠪᠰᠤᠷᠴᠤ᠂ ᠳᠡᠳᠡᠨᠳ᠋ᠤ ᠬᠠᠶᠢᠷᠠ ᠬᠠᠯᠠᠮᠵᠢᠶᠢᠨ ᠪᠡᠯᠡ ᠮᠥᠩᠭᠥ ᠣᠯᠭᠣᠨ ᠂ ᠪᠠᠰᠠ ᠳᠡᠳᠡᠨᠢ ᠲᠤᠰ ᠪᠦᠯᠬᠦᠮᠤᠨ ᠪᠠᠶᠢᠭᠤᠯᠤᠭᠰᠠᠨ ︽ ᠲᠦᠭᠡᠮᠡᠯ ᠬᠠᠶᠢᠷᠠ ᠨᠡᠶᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠰᠤᠷᠭᠠᠭᠤᠯᠢᠶᠢᠨ ᠲᠦᠷᠦᠯ ᠵᠦᠢᠯ︾ᠳ᠋ᠤ ᠤᠷᠢᠵᠠᠢ ᠃

︽5 ᠵᠢᠯ ᠪᠤᠯᠤᠯᠠ᠂ ᠵᠢᠤᠧᠠᠨ ᠵᠢᠤᠧᠠᠨ ᠬᠤᠧᠠ ᠬᠤᠧᠠ ᠬᠣᠶᠠᠭᠤᠯᠠ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠰᠤᠷᠤᠭᠴᠢ ᠪᠠᠢᠬᠰᠠᠨᠡᠴᠠᠪᠠᠨ ᠤᠲᠤ ᠠᠩᠬᠠ ᠵᠡᠷᠭᠡᠶᠢᠨ ᠬᠣᠶᠠᠳᠤᠭᠠᠷ ᠣᠨᠤ ᠥᠭᠡᠯᠡᠢ ᠬᠡᠤᠬᠡᠳ ᠪᠤᠯᠤᠬᠰᠠᠨ ᠰᠢᠤ︾ ᠭᠡᠵᠦ ᠯᠢᠤ ᠢᠦᠢ ᠮᠢᠨ ᠠᠭᠤᠯᠵᠠᠬᠰᠡᠨ ᠪᠤᠯᠭᠠᠨᠳ᠋ᠤ ᠤᠮᠤᠬᠰᠢᠨ ᠶᠠᠷᠢᠳᠠᠭ᠋᠃

ᠣᠶᠢᠯᠠᠭᠠᠭᠰᠠᠨᠢᠶᠠᠷ᠂ ᠬᠥᠬᠡᠬᠣᠲᠠᠶᠢᠨ ᠤᠯᠠᠭᠠᠨ ᠵᠠᠭᠠᠯᠮᠠᠢᠲᠠᠨᠤ ᠨᠡᠢᠬᠡᠮᠯᠢᠭᠤᠨ ︽ ᠡᠨᠡᠷᠢᠯᠲᠦ ᠡᠵᠢ︾ ᠰᠠᠶᠢᠨ ᠳᠤᠷᠠᠶᠢᠨ ᠦᠢᠯᠡᠴᠢᠯᠡᠭᠡᠨᠤ ᠠᠩᠭᠢ 2014 ᠣᠨᠳ᠋ᠤ ᠪᠠᠶᠢᠭᠤᠯᠤᠭᠳᠠᠵᠤ᠂ ᠣᠳᠣᠬᠠᠨᠳ᠋ᠤ 120 ᠭᠠᠷᠤᠶ ᠰᠠᠶᠢᠨ ᠲᠤᠷᠠᠴᠤᠳᠲᠠᠢ ᠪᠠᠶᠢᠵᠤ᠂ ᠤᠷᠢᠳ ᠬᠣᠵᠢᠳ ︽ ᠲᠦᠭᠡᠮᠡᠯ ᠬᠠᠶᠢᠷᠠ ᠨᠡᠶᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠰᠤᠷᠭᠠᠭᠤᠯᠢᠶᠢᠨ ᠲᠦᠷᠦᠯ ᠵᠦᠢᠯ︾ ᠂ ︽ ᠬᠦᠰᠡᠯ ᠲᠡᠷᠭᠡᠯᠰᠢᠭᠦᠯᠭᠦ ᠨᠡᠶᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠲᠦᠷᠦᠯ ᠵᠦᠢᠯ︾ ᠂ ︽ ᠠᠶᠠᠯᠠᠯ ᠬᠠᠮᠠᠭᠠᠯᠠᠬᠤ ᠴᠣᠮᠣᠷᠯᠢᠭ᠋︾ ᠬᠡᠤᠬᠡᠳᠤᠨ ᠥᠪᠡᠷᠢᠪᠠᠨ ᠬᠠᠮᠠᠭᠠᠯᠠᠬᠤ ᠬᠢᠴᠢᠶᠡᠯᠤᠨ ᠲᠠᠩᠬᠢᠮ ᠵᠡᠷᠭᠡ ᠰᠠᠶᠢᠨ ᠳᠤᠷᠠᠶᠢᠨ ᠦᠶᠯᠡᠴᠢᠯᠡᠭᠡᠨᠤ ᠲᠦᠷᠦᠯ ᠵᠦᠢᠯᠢ ᠪᠠᠶᠢᠭᠤᠯᠵᠤ᠂ ᠥᠨᠥᠴᠢᠨ ᠥᠷᠥᠭᠡᠰᠦᠨ ᠬᠡᠤᠬᠡᠳ᠂ ᠬᠡᠷᠲᠡᠭᠡᠨ ᠬᠣᠴᠣᠷᠤᠭᠰᠠᠨ ᠬᠡᠤᠬᠡᠳ ᠵᠢᠴᠢ ᠨᠡᠭᠦᠳᠡᠯ ᠬᠡᠤᠬᠡᠳᠢ ᠦᠷᠭᠦᠯᠵᠢᠯᠡᠨ ᠠᠩᠬᠠᠷᠤᠨ ᠬᠠᠯᠠᠮᠵᠢᠯᠠᠵᠦ᠂ ᠬᠠᠪᠰᠤᠷᠤᠨ ᠲᠡᠳᠬᠦᠵᠦ᠂ ᠬᠡᠤᠬᠡᠳᠤᠳᠲᠤ ᠡᠵᠢᠶᠢᠨ ᠬᠠᠶᠢᠷᠠ ᠬᠠᠯᠠᠮᠵᠢᠶᠢ ᠬᠦᠷᠳᠡᠭᠡᠭᠰᠡᠭᠡᠷ ᠢᠷᠡᠵᠡᠢ᠃

︽ ᠰᠠᠶᠢᠨ ᠳᠤᠷᠠᠶᠢᠨ ᠠᠵᠢᠯᠲᠠᠨ ᠪᠣᠯᠤᠭᠰᠠᠨᠤ ᠬᠤᠪᠢᠳ᠋ᠤ᠂ ᠪᠤᠰᠤᠳᠲᠤ ᠦᠢᠯᠡᠴᠢᠯᠡᠨ᠂ ᠪᠤᠰᠤᠳᠢ ᠬᠠᠪᠰᠤᠷᠬᠤᠨᠢ ᠥᠪᠡᠷᠤᠨ ᠠᠮᠢ ᠨᠠᠰᠤᠪᠠᠨ ᠴᠤ ᠤᠮᠲᠠᠯᠠᠵᠦ ᠪᠠᠢᠭᠠ ᠶᠠᠪᠤᠳᠠᠯ᠃ ᠬᠡᠦᠬᠡᠳᠤᠨ ᠥᠰᠤᠨ ᠪᠤᠢᠵᠢᠯᠲᠠᠶᠢᠨ ᠬᠠᠮᠠᠭᠠᠯᠠᠬᠴᠢ ᠪᠤᠯᠵᠦ᠂ ᠲᠡᠳᠡᠨᠤ ᠡᠨᠡᠷᠢᠯᠲᠦ ᠡᠵᠢ ᠪᠣᠯᠤᠭᠰᠠᠨᠳᠠᠭᠠᠨ ᠪᠢᠳᠡ ᠮᠠᠰᠢ ᠪᠠᠶᠠᠷᠲᠠᠢ ᠵᠢᠷᠭᠠᠯᠲᠠᠢ ᠪᠠᠢᠨᠠ︾ ᠭᠡᠵᠦ ᠯᠢᠤ ᠢᠦᠢ ᠮᠢᠨ ᠬᠡᠯᠡᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠼᠠᠢ ᠬᠤᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃