2026-11-11 16:30:33
ᠡᠳᠦᠷ ᠰᠠᠷᠠ ᠤᠯᠠᠷᠢᠨ ᠣᠷᠴᠢᠬᠰᠠᠭᠠᠷ᠂ ᠠᠪᠤ ᠮᠢᠨᠢ ᠪᠢᠳᠡᠨᠡᠴᠡ ᠠᠶᠠᠷᠯᠠᠨ ᠤᠳᠤᠭᠠᠳ ᠨᠢᠭᠡᠨᠲᠡ ᠠᠷᠪᠡᠨ ᠳᠦᠷᠪᠡᠨ ᠵᠢᠯᠦᠨ ᠨᠢᠭᠣᠷᠢ ᠦᠵᠡᠴᠢᠭᠡᠯᠡ᠃ ᠠᠪᠤᠶᠢᠨ ᠮᠢᠨᠢ ᠡᠷᠬᠢᠮᠰᠦᠭ ᠳᠦᠷᠢ᠂ ᠡᠶᠡᠯᠰᠡᠭ ᠬᠠᠷᠠᠴᠠ᠂ ᠵᠠᠩ ᠠᠭᠠᠰᠢ᠂ ᠬᠦᠳᠡᠯᠣᠯ ᠪᠠᠢᠳᠠᠯ ᠨᠢ ᠮᠢᠨᠦ᠍ ᠡᠳᠦᠷᠦᠨ ᠪᠣᠳᠣᠯ ᠰᠦᠨᠢᠶᠢᠨ ᠵᠠᠭᠦᠳᠦᠨ ᠡᠴᠡ ᠶᠡᠷᠦ ᠡᠴᠡ ᠭᠠᠷᠤᠭᠠ ᠦᠭᠡᠢ ᠪᠢᠯᠡ᠃
ᠮᠢᠨᠦ᠍ ᠠᠪᠤ ᠰᠦᠷᠦᠩᠵᠠᠪ ᠪᠣᠯ 1929 ᠣᠨᠤ 12 ᠰᠠᠷᠠᠳᠤ ᠤᠤᠯᠤᠨ ᠴᠠᠬᠠᠷ ᠠᠶ᠋ᠢᠮᠠᠭᠤᠨ ᠱᠠᠩᠳᠦ ᠠᠳᠣᠭᠣᠴᠢᠨ ᠬᠤᠰᠢᠭᠤ᠂ ᠣᠳᠣᠶᠢᠨ ᠰᠢᠯᠢ ᠵᠢᠨ ᠭᠣᠣᠯ ᠠᠶ᠋ᠢᠮᠠᠭᠤᠨ ᠬᠦᠪᠡᠭᠡᠳᠦ ᠰᠢᠷᠠ ᠬᠣᠰᠢᠭᠤᠨᠤ ᠵᠢᠷᠦᠨ ᠨᠢᠭᠡᠨ ᠮᠠᠯᠴᠢᠨᠤ ᠭᠡᠷᠲᠦ᠍ ᠲᠦᠷᠦᠵᠡᠢ᠃ ᠠᠷᠪᠡᠨ ᠭᠣᠷᠪᠡᠨ ᠨᠠᠰᠤᠳᠠᠢᠳᠠᠭᠠᠨ ᠬᠠᠯᠠᠭᠤᠨ ᠲᠣᠮᠣᠭᠣ ᠬᠡᠮᠡᠬᠦ᠌ ᠠᠶᠣᠯᠳᠣ ᠬᠢᠵᠢᠭᠲᠦ᠍ ᠨᠡᠷᠪᠡᠭᠳᠡᠵᠦ᠍ ᠠᠪᠤ ᠡᠵᠢ ᠪᠡᠨ ᠠᠯᠳᠠᠵᠦ᠍ ᠦᠨᠦᠴᠢᠷᠡᠨ ᠬᠣᠴᠣᠷᠣᠬᠰᠠᠨᠳᠤ ᠦᠷᠦᠪᠴᠢ ᠴᠠᠢᠯᠭᠠᠨ ᠰᠡᠳᠭᠢᠯᠲᠤ᠌ ᠰᠠᠭᠠᠬᠠᠯᠳᠠ ᠵᠢᠨ ᠬᠢᠨᠢ ᠠᠪᠤᠶᠢ ᠮᠢᠨᠢ ᠦᠷᠡᠴᠢᠯᠡᠨ ᠲᠡᠵᠢᠭᠡᠵᠦ᠍᠂ ᠭᠠᠷᠢ ᠨᠢ ᠭᠠᠨᠵᠤᠭᠠᠨᠳᠤ᠂ ᠬᠥᠯᠢ ᠨᠢ ᠳᠦᠷᠦᠭᠡᠨᠳᠦ ᠬᠦᠷᠭᠡᠵᠡᠢ᠃ ᠠᠪᠤᠶᠢᠨ ᠬᠠᠭᠣᠴᠢᠯᠠᠵᠦ ᠪᠠᠢᠬᠰᠠᠨ ᠵᠢᠡᠷ ᠮᠢᠨᠦ᠍ ᠡᠪᠣᠭᠡ ᠠᠪᠤ ᠽᠡᠪᠡᠭᠮᠢᠳ᠂ ᠡᠮᠡᠭᠡ ᠡᠵᠢ ᠠᠯᠲᠠᠨᠭᠡᠷᠡᠯ ᠭᠡᠳᠡᠭ ᠪᠦᠭᠡᠳ ᠪᠣᠷᠣᠬᠦᠦ᠂ ᠰᠦᠷᠦᠩᠵᠡᠪ ᠭᠡᠬᠦ᠌ ᠬᠣᠶᠡᠷ ᠬᠦᠪᠡᠭᠦᠨᠲᠡᠢ ᠪᠠᠶ᠋ᠢᠵᠦ᠍ ᠭᠡᠨᠡ᠃ ᠶᠡᠬᠡ ᠠᠪᠠᠭᠠ ᠪᠤᠷᠤᠬᠦᠦ ᠴᠡᠷᠢᠭᠲᠦ᠍ ᠪᠠᠷᠢᠭᠳᠠᠵᠤ ᠰᠡᠭᠦᠯᠳᠦᠨᠢ ᠪᠣᠳᠣ ᠡᠪᠡᠳᠴᠢᠨᠳᠦ ᠨᠡᠷᠪᠡᠭᠳᠡᠵᠦ᠍ ᠨᠠᠰᠤ ᠨᠦᠭᠴᠢᠭᠰᠡᠨ ᠲᠤᠯᠨ ᠠᠪᠤ ᠮᠢᠨᠢ ᠭᠠᠬᠴᠠᠭᠠᠷᠢᠶᠠᠨ ᠦᠨᠦᠴᠢᠷᠡᠨ ᠬᠣᠴᠣᠷᠴᠠᠢ᠃ ᠭᠠᠢ ᠭᠠᠵᠡᠷ ᠳᠣᠣᠷᠠᠠᠴᠠ ᠭᠡᠭᠴᠢ ᠪᠡᠷ ᠳᠡᠮᠡᠢ ᠤᠳᠠᠬᠰᠠᠨ ᠦᠭᠡᠢ ᠠᠪᠤᠶᠢᠨ ᠮᠢᠨᠢ ᠪᠡᠶᠡ ᠶᠡᠬᠡᠪᠡᠷ ᠲᠠᠮᠢᠷᠳᠠᠵᠦ᠍ ᠦᠨᠦᠬᠢ ᠠᠶᠣᠯᠳᠣ ᠬᠠᠯᠠᠭᠤᠨ ᠲᠣᠮᠣᠭᠣᠳᠦᠨᠢ ᠨᠡᠷᠪᠡᠭᠳᠡᠨ ᠤᠬᠠᠭᠠ ᠰᠡᠬᠡᠭᠡ ᠦᠭᠡᠢ ᠪᠤᠯᠵᠦ᠂ ᠦᠬᠦᠵᠦ᠍ ᠰᠡᠬᠡᠬᠦ᠌ᠶᠢᠨ ᠳᠠᠪᠠᠭᠠᠨ ᠲᠡᠭᠡᠷᠡ ᠲᠡᠯᠴᠢᠯᠡᠵᠦ ᠪᠠᠢᠭᠰᠠᠨᠳᠤ ᠠᠪᠤᠶᠢᠨ ᠪᠦᠯᠦ᠍ ᠠᠪᠠᠭᠠ ᠭᠣᠮᠪᠤ ᠨᠠᠰᠣᠳᠡᠨ ᠬᠢᠵᠢᠭ ᠲᠦ᠍ ᠬᠠᠯᠳᠠᠪᠤᠷᠢᠯᠠᠭᠳᠠᠬᠤ ᠵᠢ ᠦᠯᠤ ᠬᠠᠢᠬᠤᠷᠤᠨ ᠭᠠᠴᠠᠭᠠᠨᠠᠴᠠ ᠬᠣᠯᠡ ᠵᠠᠶ᠋ᠢᠲᠠᠢ ᠵᠡᠭᠦᠨ ᠴᠠᠭᠠᠨ ᠣᠪᠣᠭᠠᠨᠤ ᠪᠠᠷᠠᠭᠣᠨ ᠡᠮᠣᠨᠡ ᠳᠣᠣᠷᠡ ᠠᠭᠣᠯᠨ ᠵᠢᠨ ᠡᠩᠭᠡᠷᠲᠦ᠍ ᠪᠠᠶ᠋ᠢᠭᠠ 《ᠬᠣᠩᠬᠠ 》 ᠬᠡᠮᠡᠬᠦ᠌ ᠭᠠᠵᠠᠷ ᠮᠤᠩᠭᠤᠯ ᠭᠡᠷᠦᠨ ᠣᠨᠢᠶᠢ ᠪᠣᠰᠬᠠᠵᠦ᠍ ᠢᠰᠡᠭᠡᠢ ᠪᠡᠷ ᠪᠦᠷᠢᠭᠰᠡᠨ ᠣᠪᠣᠬᠠᠢ ᠪᠠᠷᠢᠵᠦ᠍᠂ ᠭᠠᠳᠠᠨᠠᠪᠠᠨ ᠭᠣᠷᠪᠡᠨ ᠴᠢᠯᠠᠭᠤᠪᠠᠷ ᠲᠣᠯᠭᠠ ᠲᠠᠯᠪᠢᠵᠦ᠍᠂ ᠬᠤᠭᠣᠯᠡ ᠴᠠᠢ᠂ ᠡᠮ ᠲᠠᠩ ᠴᠢᠨᠠᠵᠦ᠍ ᠴᠦᠬᠦᠷᠡᠯᠲᠡ ᠦᠭᠡᠢᠪᠡᠷ ᠠᠪᠤᠶᠢ ᠲᠤᠰᠠᠭᠠᠷᠯᠡᠨ ᠦᠪᠡᠷᠦᠨ ᠪᠡᠶᠡᠪᠡᠨ ᠴᠦᠯᠡᠵᠦ᠍ ᠡᠵᠡᠭᠦᠢ ᠬᠡᠭᠡᠷᠡ ᠳᠦᠷᠪᠡᠨ ᠰᠠᠷᠠ ᠭᠠᠷᠤᠢ ᠠᠰᠠᠷᠠᠵᠦ᠍ ᠡᠮᠴᠢᠯᠡᠨ᠂ ᠠᠪᠤ ᠵᠢᠨ ᠠᠮᠢ ᠵᠢ ᠠᠪᠤᠷᠠᠭᠰᠠᠨ ᠪᠤᠯᠪᠠᠴᠤ ᠭᠤᠮᠪᠤ ᠨᠠᠰᠦᠲᠡᠨ ᠭᠡᠨᠡᠳᠳᠠ ᠬᠠᠯᠠᠭᠤᠷᠡᠵᠦ᠍᠂ ᠬᠠᠯᠠᠭᠤᠨ ᠲᠣᠮᠣᠭᠣᠳᠤ ᠬᠠᠯᠳᠠᠪᠣᠷᠢᠯᠠᠬᠳᠠᠵᠦ᠍ ᠬᠡᠳᠦᠬᠡᠨ ᠡᠳᠦᠷ ᠪᠣᠯᠣᠭᠠᠳ ᠨᠠᠰᠦ ᠪᠠᠷᠠᠭᠰᠠᠨ ᠭᠡᠳᠡᠭ᠃ ᠤᠷᠴᠢᠯᠠᠩᠳᠤ ᠭᠠᠭᠴᠠᠭᠠᠷ ᠦᠨᠦᠴᠢᠷᠡᠨ ᠬᠤᠴᠤᠷᠤᠭᠰᠠᠨ ᠠᠪᠤ ᠮᠢᠨᠢ ᠰᠦᠮᠡᠳᠦ ᠰᠠᠭᠣᠵᠦ᠍ ᠡᠮᠴᠢ ᠮᠠᠮᠠᠳ᠋ᠤ ᠱᠠᠪᠢᠯᠠᠵᠤ᠂ ᠠᠨᠠᠭᠠᠬᠣ ᠣᠬᠠᠭᠠᠨᠤ ᠮᠡᠳᠡᠯᠭᠡᠶᠢ ᠵᠢᠷᠭᠤᠭᠠᠨ ᠵᠢᠯ ᠰᠣᠷᠴᠦ᠍ ᠪᠡᠶᠡᠪᠡᠨ ᠳᠠᠭᠠᠵᠦ᠍ ᠡᠮᠴᠢᠯᠡᠬᠦ᠌ ᠬᠡᠮᠵᠢᠶᠡᠨᠳᠦ ᠬᠦᠷᠴᠠᠢ᠃
ᠮᠢᠨᠦ ᠠᠪᠤ ᠬᠠᠷᠠᠩᠭᠤᠢ ᠨᠡᠶ᠋ᠢᠭᠡᠮᠦᠨ ᠬᠠᠯᠠᠶᠢ ᠬᠠᠰᠢᠷᠠᠳᠠᠯᠠ ᠠᠮᠰᠠᠵᠦ᠍ ᠂ ᠡᠷᠯᠢᠭᠦᠨ ᠡᠭᠦᠳᠡᠨᠳᠦ ᠬᠦᠷᠦᠭᠡᠳ ᠵᠣᠯᠲᠠᠢ ᠪᠣᠴᠠᠵᠦ᠍ ᠢᠷᠡᠭᠰᠡᠨ ᠬᠦᠮᠦᠨ ᠶᠤᠮ᠃
ᠰᠢᠨᠡ ᠳᠣᠮᠳᠠᠳᠣ ᠣᠯᠣᠰ ᠪᠠᠶ᠋ᠢᠭᠤᠯᠤᠬᠳᠠᠬᠰᠠᠨᠤ ᠳᠠᠷᠠᠭᠠ ᠠᠪᠤ ᠮᠢᠨᠢ ᠰᠢᠨᠡ ᠠᠮᠢᠯᠡᠯ ᠵᠢᠡᠨ ᠣᠯᠵᠦ᠍᠂ 1949 ᠣᠨᠳᠤ ᠵᠢᠩᠬᠢᠨᠢᠪᠡᠷ ᠬᠣᠪᠢᠰᠬᠠᠯᠤᠨ ᠠᠵᠢᠯᠳᠤ ᠣᠷᠣᠵᠦ᠍᠂ ᠬᠦᠪᠡᠭᠡᠳᠦ ᠰᠢᠷᠠ ᠬᠣᠰᠢᠭᠤᠨᠤ ᠳᠠᠪᠤᠳᠣᠭᠠᠷ ᠰᠣᠮᠣᠨᠳᠤ ᠡᠮᠴᠢᠪᠡᠷ ᠠᠵᠢᠯᠯᠠᠵᠦ᠍᠂ 1950 ᠣᠨᠳᠤ ᠴᠠᠬᠠᠷ ᠠᠶ᠋ᠢᠮᠠᠭᠤᠨ ᠬᠤᠯᠤᠭᠠᠨᠡ ᠵᠢᠨ ᠬᠢᠵᠢᠭᠢ ᠰᠡᠷᠭᠡᠶ᠋ᠢᠯᠡᠬᠦ᠌ ᠠᠩᠭᠢᠳᠤ ᠰᠣᠷᠣᠯᠴᠠᠵᠦ᠍᠂ ᠡᠸᠦ᠋ᠷᠤᠫᠡ ᠡᠮᠨᠡᠯᠭᠡᠶᠢᠨ ᠴᠢᠰᠦᠨ ᠳᠠᠷᠤᠯᠲᠡ᠂ ᠪᠡᠶᠡᠶᠢᠨ ᠬᠠᠯᠠᠭᠣᠨᠢ ᠬᠡᠮᠵᠢᠬᠦ᠂ ᠵᠢᠷᠦᠬᠡᠨ ᠴᠣᠬᠢᠯᠲᠡᠶᠢ ᠴᠢᠩᠨᠠᠬᠤ ᠶᠡᠷᠦᠶᠢᠨ ᠮᠡᠳᠡᠯᠭᠡ ᠪᠤᠯᠤᠨ ᠬᠤᠯᠤᠭᠠᠨᠠ ᠵᠢᠨ ᠬᠢᠵᠢᠭᠦᠨ ᠳᠣᠬᠠᠢ ᠪᠠ ᠲᠡᠭᠦᠨᠢ ᠰᠡᠷᠭᠡᠶ᠋ᠢᠯᠡᠬᠦ᠂ ᠬᠤᠪᠢ ᠬᠦᠮᠦᠨ ᠪᠤᠯᠤᠨ ᠣᠷᠴᠢᠨ ᠲᠣᠭᠣᠷᠢᠨᠤ ᠠᠷᠢᠭᠤᠨ ᠴᠡᠪᠡᠷᠢ ᠡᠷᠬᠢᠮᠯᠡᠬᠦ ᠮᠡᠳᠡᠯᠭᠡᠶᠢ ᠰᠣᠷᠣᠯᠴᠠᠪᠠ᠃ ᠲᠤᠰ ᠣᠳᠠᠭᠠᠨᠤ ᠰᠣᠷᠣᠯᠴᠠᠬᠤ ᠠᠩᠭᠢᠶᠢ ᠳᠣᠬᠠᠢᠶᠢᠨ ᠦᠶᠡᠶᠢᠨ ᠦᠪᠦᠷ ᠮᠣᠩᠭᠤᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠶᠠᠮᠤᠨ (ᠰᠡᠭᠦᠯ ᠳ᠋ᠣᠨᠢ ᠲᠢᠩᠬᠢᠮ ᠪᠣᠯᠭᠠᠪᠠ) ᠤ᠋ ᠰᠠᠶ᠋ᠢᠳ ᠬᠣᠷᠴᠢᠨᠪᠢᠯᠢᠭ᠌ ᠣᠳᠣᠷᠢᠳᠣᠨ ᠡᠷᠬᠢᠯᠡᠭᠰᠡᠨ ᠪᠦᠭᠡᠳ ᠪᠡᠶᠡᠪᠡᠷᠢᠶᠡᠨ ᠬᠢᠴᠢᠶᠡᠯ ᠣᠷᠣᠳᠠᠭ ᠪᠠᠶ᠋ᠢᠵᠠᠢ᠃ 1952 ᠣᠨᠳᠤ ᠰᠢᠯᠢ ᠵᠢᠨ ᠭᠣᠣᠯ ᠠᠶ᠋ᠢᠮᠠᠭᠤᠨ ᠮᠢᠩᠭᠠᠨ ᠲᠠᠶ᠋ᠢᠫᠦᠰᠸ ᠬᠣᠯᠪᠣᠭᠠᠳᠦ ᠬᠣᠰᠢᠭᠣᠨ(ᠦᠨᠥᠶᠢᠨ ᠰᠢᠯᠣᠭᠣᠨ ᠬᠥᠬᠡ ᠬᠤᠰᠢᠭᠤ)ᠳ᠋ᠤ ᠦᠷᠭᠦᠯᠵᠢᠯᠡᠨ ᠡᠮᠴᠢᠯᠡᠭᠡᠨᠦ ᠠᠵᠢᠯᠳᠤ ᠣᠷᠣᠯᠴᠠᠵᠦ᠍ ᠪᠠᠶ᠋ᠢᠪᠠ᠂ 1957 ᠣᠨᠤ ᠬᠠᠪᠣᠷ ᠲᠡᠭᠡᠳᠤ ᠱᠠᠲᠣᠨᠠᠴᠠ ᠴᠢᠮᠡᠭᠡ ᠢᠷᠡᠭᠦᠯᠵᠦ᠍ ᠠᠪᠤᠶᠢ ᠬᠦᠬᠡᠬᠣᠲᠡᠶᠢᠨ ᠤᠰᠤᠲᠦ᠍ ᠶᠢᠨ ᠵᠣᠣ ᠳ᠋ᠤ ᠮᠣᠩᠭᠣᠯ ᠡᠮᠨᠡᠯᠭᠡᠶᠢᠨ ᠳᠠᠪᠳᠡᠨ ᠪᠣᠯᠪᠠᠰᠣᠷᠠᠭᠤᠯᠬᠤ ᠠᠩᠭᠢᠳᠤ ᠰᠣᠷᠣᠯᠴᠠᠭᠣᠯᠬᠣ ᠪᠡᠷ ᠪᠤᠯᠪᠠ᠃ ᠰᠣᠷᠭᠠᠭᠣᠯᠢ ᠡᠬᠢᠯᠡᠬᠦ᠌ᠳᠦᠨᠢ ᠦᠪᠦᠷ ᠮᠤᠩᠭᠤᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠢᠩᠬᠢᠮᠦᠨ ᠳᠠᠷᠣᠭᠠ ᠬᠣᠷᠴᠢᠨᠪᠢᠯᠢᠭ᠌ ᠪᠡᠶᠡᠪᠡᠷᠢᠶᠡᠨ ᠣᠷᠣᠯᠴᠠᠵᠦ᠍ ᠶᠠᠷᠢᠶᠠ ᠲᠠᠯᠪᠢᠵᠠᠢ᠃ ᠲᠡᠷᠨ ᠶᠠᠷᠢᠶᠠᠨᠳᠠᠭᠠᠨ《 ᠮᠣᠩᠭᠤᠯ ᠡᠮᠨᠡᠯᠭᠡ ᠪᠣᠯ ᠮᠤᠩᠭᠤᠯ ᠦᠨᠳᠦᠰᠦᠲᠡᠨᠦ ᠰᠣᠶᠣᠯᠤᠨ ᠦᠨᠡᠲᠦ᠍ ᠥᠪ ᠬᠦᠷᠦᠩᠭᠡ ᠮᠦᠨ᠂ ᠬᠣᠴᠤᠷᠤᠩᠭᠤᠢ᠂ ᠮᠤᠬᠤᠷ ᠰᠦᠰᠦᠭᠦᠨ ᠶᠠᠭᠣᠮᠠ ᠣᠬᠲᠦ᠍ ᠪᠢᠰᠢ᠂ ᠮᠣᠩᠭᠤᠯ ᠡᠮᠨᠡᠯᠭᠡᠶᠢᠨ ᠮᠠᠰᠢ ᠣᠯᠡᠨ ᠭᠠᠶ᠋ᠢᠬᠠᠮᠰᠢᠬᠲᠦ᠍ ᠮᠡᠷᠭᠡᠵᠢᠯᠦᠳ ᠣᠳᠣ ᠬᠠᠶᠠᠬᠳᠡᠨ ᠭᠡᠭᠡᠭᠳᠡᠵᠦ᠍ ᠪᠠᠯᠠᠷᠠᠬᠤᠳᠤ ᠬᠦᠷᠴᠦ᠍ ᠪᠠᠶ᠋ᠢᠨᠠ᠃ ᠡᠭᠦᠨᠢ ᠳᠠᠷᠤᠢ ᠲᠦᠷᠭᠡᠨ ᠤᠯᠠᠮᠵᠢᠯᠡᠨ ᠠᠪᠴᠦ᠍ ᠬᠦᠭᠵᠢᠭᠦᠯᠬᠦ᠌ ᠦᠭᠡᠢ ᠪᠣᠯ ᠪᠢᠳᠡ ᠲᠡᠦᠬᠡᠶᠢᠨ ᠶᠠᠯᠠᠲᠣ ᠬᠦᠮᠦᠨ ᠪᠣᠯᠣᠨᠡ᠃ ᠵᠦᠪᠬᠡᠨ ᠡᠸᠦ᠋ᠷᠣᠫᠡ ᠡᠮᠨᠡᠯᠭᠡᠶᠢ ᠯᠡ ᠴᠢᠬᠤᠯᠠᠴᠢᠯᠠᠭᠠᠳ ᠪᠣᠯᠬᠣ ᠪᠢᠰᠢ᠂ ᠪᠠᠰᠠ ᠦᠪᠡᠷᠦᠨᠢᠶᠠᠨ ᠶᠠᠭᠣᠮᠠᠶᠢ ᠤᠯᠠᠮᠵᠢᠯᠠᠨ ᠬᠦᠭᠵᠢᠭᠦᠯᠵᠦ᠍᠂ ᠬᠣᠶᠡᠷ ᠬᠥᠯᠢᠶᠡᠷ ᠶᠠᠪᠤᠬᠤᠶᠢ ᠪᠠᠷᠢᠮᠳᠠᠯᠠᠬᠤ ᠬᠡᠷᠡᠭᠲᠡᠢ᠃ ᠮᠣᠩᠭᠤᠯ ᠡᠮᠨᠡᠯᠭᠡᠶᠢ ᠪᠦᠬᠦ᠌ ᠲᠠᠯᠡᠪᠠᠷ ᠰᠢᠰᠲᠸᠮᠵᠢᠭᠦᠯᠤᠨ ᠬᠦᠭᠵᠢᠭᠦᠯᠬᠦ᠌ ᠬᠡᠷᠡᠭᠲᠡᠢ᠃ ᠡᠨᠡ ᠠᠵᠢᠯᠢ ᠭᠠᠷᠳᠡᠨ ᠬᠢᠬᠦ᠌ ᠠᠩᠬᠠᠨᠤ ᠬᠦᠮᠦᠰ ᠪᠣᠯ ᠲᠠᠨᠠᠷ ᠶᠤᠮ᠃ ᠡᠨᠡ ᠤᠳᠠᠭᠠᠶᠢᠨ ᠳᠠᠪᠳᠡᠨ ᠪᠤᠯᠪᠠᠰᠣᠷᠠᠭᠤᠯᠬᠤ ᠠᠩᠭᠢᠳᠤ ᠮᠠᠨᠤ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠢᠩᠬᠢᠮᠡᠴᠡ ᠲᠤᠩ ᠶᠡᠬᠡ ᠢᠲᠡᠭᠡᠯ ᠨᠠᠶ᠋ᠢᠳᠠᠯᠭᠠ ᠲᠠᠯᠪᠢᠵᠦ᠍ ᠪᠠᠶ᠋ᠢᠨᠡ 》 ᠭᠡᠵᠠᠢ᠃ ᠡᠨᠡ ᠨᠢ ᠠᠪᠤᠶᠢᠨ ᠮᠢᠨᠢ ᠮᠣᠩᠭᠣᠯ ᠠᠨᠠᠭᠠᠬᠣ ᠣᠬᠠᠭᠠᠨᠢ ᠰᠣᠳᠣᠯᠣᠨ ᠰᠣᠷᠣᠯᠴᠠᠬᠤ ᠳ᠋ᠣᠨᠢ ᠳᠤᠶ᠋ᠢᠯᠤᠨ ᠶᠡᠬᠡ ᠵᠣᠷᠢᠭᠵᠢᠭᠤᠯᠤᠯ ᠪᠣᠯᠵᠦ᠍᠂ ᠤᠯᠠᠮ ᠢᠯᠡᠭᠦᠦ ᠬᠦᠴᠦ᠍ ᠲᠠᠯᠪᠢᠨ ᠰᠢᠷᠭᠠᠭᠣ ᠰᠣᠷᠣᠯᠴᠠᠬᠤ ᠬᠦᠪᠴᠢᠶᠢ ᠨᠢ ᠴᠢᠩᠭᠠᠯᠠᠵᠠᠢ᠃ ᠦᠨᠡᠨᠳᠡᠬᠡᠨ ᠡᠨᠡ ᠠᠩᠭᠢ ᠨᠢ ᠪᠠᠰᠡ ᠨᠦᠭᠦᠭᠡ ᠲᠠᠯᠠᠪᠠᠷᠢᠶᠠᠨ ᠦᠪᠦᠷ ᠮᠤᠩᠭᠤᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠤ ᠰᠣᠷᠭᠠᠭᠤᠯᠢᠳᠤ ᠮᠤᠩᠭᠤᠯ ᠡᠮᠨᠡᠯᠭᠡᠶᠢᠨ ᠵᠢᠩᠬᠢᠨᠢ ᠠᠩᠭᠢᠶᠢ ᠪᠠᠶ᠋ᠢᠭᠤᠯᠬᠤ ᠪᠠᠭᠰᠢ ᠨᠠᠷᠢ ᠪᠤᠯᠪᠠᠰᠤᠷᠠᠭᠤᠯᠤᠨ ᠰᠣᠩᠭᠤᠬᠤ ᠡᠭᠦᠷᠭᠡᠲᠡᠢ ᠪᠠᠶ᠋ᠢᠬᠰᠠᠨᠢ ᠠᠪᠤ ᠶᠠᠭᠠᠬᠢᠵᠦ᠍ ᠮᠡᠳᠡᠬᠦ᠌ ᠪᠢᠯᠡ ᠳ᠋ᠠ᠃ ᠰᠣᠷᠣᠯᠭᠠ ᠲᠡᠭᠦᠰᠬᠦ᠌ ᠶᠣᠰᠣᠯᠠᠯᠤᠨ ᠡᠮᠣᠨᠡ ᠨᠢᠭᠡ ᠡᠳᠦᠷ ᠬᠣᠷᠴᠢᠨᠪᠢᠯᠢᠭ᠌ ᠲᠢᠩᠬᠢᠮᠦᠨ ᠳᠠᠷᠣᠭᠠ ᠠᠪᠤ ᠪᠣᠯᠣᠨ ᠵᠢᠮᠪᠠ᠂ ᠴᠸᠨ·ᠰᠢᠷᠠᠪᠵᠠᠮᠰᠦ᠂ ᠢᠦᠢ ᠴᠢᠩ ᠰᠢᠶᠠᠩ ᠵᠡᠷᠭᠡ ᠬᠡᠳᠦᠨ ᠬᠦᠮᠦᠨᠢ ᠳᠣᠰᠬᠠᠢ ᠳᠠᠭᠣᠳᠠᠵᠦ᠍᠄《ᠦᠪᠦᠷ ᠮᠤᠩᠭᠤᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠣᠷᠭᠠᠭᠣᠯᠢᠳᠤ ᠮᠣᠩᠭᠤᠯ ᠡᠮᠨᠡᠯᠭᠡᠶᠢᠨ ᠵᠢᠩᠬᠢᠨᠢ ᠠᠩᠭᠢ ᠡᠯᠰᠡᠬᠦ᠌ ᠭᠡᠵᠦ᠍ ᠪᠠᠶ᠋ᠢᠨᠠ᠂ ᠲᠠᠨᠤ ᠬᠡᠳᠦᠶᠢ ᠮᠣᠩᠭᠤᠯ ᠡᠮᠨᠡᠯᠭᠡᠶᠢᠨ ᠮᠡᠷᠭᠡᠵᠢᠯᠦᠨ ᠪᠠᠭᠰᠢᠪᠠᠷ ᠦᠯᠡᠳᠡᠭᠡᠬᠦ᠌ ᠪᠠᠷ ᠪᠣᠯᠣᠯᠠ》 ᠬᠡᠵᠠᠢ᠃ ᠢᠩᠭᠢᠭᠡᠳ ᠯᠠ ᠠᠪᠤᠶᠢᠨ ᠮᠢᠨᠢ ᠬᠤᠪᠢ ᠵᠠᠶᠠᠭᠠᠨᠳᠤ ᠳᠣᠮᠣ ᠡᠷᠭᠢᠯᠲᠡ ᠭᠠᠷᠴᠦ᠍᠂ ᠮᠣᠩᠭᠤᠯ ᠠᠨᠠᠭᠠᠬᠤ ᠣᠬᠠᠭᠠᠨᠤ ᠦᠢᠯᠡᠰᠦᠨ ᠲᠦᠯᠦᠭᠡ ᠨᠠᠰᠣᠨ ᠲᠣᠷᠰᠢᠳᠡ ᠵᠢᠳᠬᠦᠵᠦ ᠡᠬᠢᠯᠡᠭᠰᠡᠨ ᠶᠤᠮ᠃
ᠠᠪᠤᠶᠢᠨ ᠨᠡᠶ᠋ᠢᠭᠡᠮ ᠨᠡᠶ᠋ᠢᠲᠡ ᠪᠠ ᠮᠣᠩᠭᠣᠯ ᠠᠨᠠᠭᠠᠬᠣ ᠣᠬᠠᠭᠠᠨᠤ ᠦᠢᠯᠡᠰᠦᠨ ᠲᠦᠯᠦᠭᠡ ᠵᠢᠳᠭᠦᠭᠰᠡᠨ ᠦᠢᠯᠡ ᠠᠵᠢᠯᠯᠠᠭᠠᠶᠢ ᠨᠢᠭᠡᠳ ᠨᠢᠭᠡᠪᠡᠷ ᠲᠡᠮᠳᠡᠭᠯᠡᠬᠦ᠌ ᠶᠤᠮ ᠪᠣᠯ ᠮᠠᠰᠢ ᠣᠯᠡᠨ ᠪᠤᠢ᠃ ᠬᠠᠭᠣᠳᠠᠰᠦᠨᠤ ᠬᠢᠵᠠᠭᠠᠷᠯᠠᠯᠠᠴᠠ ᠪᠤᠯᠵᠦ᠍ ᠤᠯᠤᠰ ᠪᠠᠶ᠋ᠢᠭᠣᠯᠣᠬᠳᠠᠬᠰᠠᠨᠠᠴᠠ ᠬᠣᠶ᠋ᠢᠰᠢᠬᠢ ᠦᠢᠯᠡ ᠶᠠᠪᠣᠳᠡᠯᠢ ᠳᠣᠣᠷᠡ ᠳᠦᠭᠦᠮᠢᠶᠡᠷ ᠵᠣᠷᠪᠣᠰᠯᠡᠨ ᠲᠠᠮᠳᠠᠭ᠌ᠯᠠᠰᠦᠭᠡᠢ᠃ 1949 ᠣᠨᠳᠤ ᠵᠢᠩᠬᠢᠨᠢᠪᠡᠷ ᠬᠤᠪᠢᠰᠬᠠᠯᠤᠨ ᠠᠵᠢᠯᠳᠤ ᠣᠷᠣᠯᠴᠠᠵᠦ᠍᠂ ᠬᠦᠪᠡᠭᠡᠳᠦ ᠰᠢᠷᠠ ᠬᠣᠰᠢᠭᠣᠨᠤ ᠲᠠᠪᠣᠳᠣᠭᠠᠷ ᠰᠣᠮᠣᠨ ᠳᠤ ᠡᠮᠴᠢᠪᠡᠷ ᠠᠵᠢᠯᠯᠠᠪᠠ;1952 ᠣᠨᠳᠤ ᠰᠢᠯᠢᠶᠢᠨ ᠭᠣᠣᠯ ᠠᠶ᠋ᠢᠮᠠᠭᠤᠨ ᠮᠢᠩᠭᠠᠨ ᠲᠠᠶ᠋ᠢᠫᠦᠰᠸ ᠬᠣᠯᠪᠣᠭᠠᠳᠣ ᠬᠣᠰᠢᠭᠣᠨ (ᠣᠳᠣᠶᠢᠨ ᠰᠢᠯᠣᠭᠣᠨ ᠬᠥᠬᠡ ᠬᠣᠰᠢᠭᠣ) ᠳ᠋ᠤ ᠠᠵᠢᠯ ᠰᠢᠯᠵᠢᠵᠦ᠍ ᠦᠷᠭᠦᠯᠵᠢᠯᠡᠨ ᠡᠮᠴᠢᠯᠡᠭᠡᠳᠦ ᠣᠷᠣᠯᠴᠠᠪᠠ;1959 ᠣᠨᠤ 6 ᠰᠠᠷᠠᠳᠤ ᠢᠷᠠᠭᠣ ᠠᠯᠳᠠᠷᠲᠠᠢᠪᠠᠷ ᠳᠣᠮᠳᠠᠳᠣ ᠤᠯᠤᠰᠤᠨ ᠡᠪ ᠬᠠᠮᠲᠣ ᠨᠠᠮᠳᠤ ᠡᠯᠰᠡᠭᠳᠡᠪᠡ;1958 ᠣᠨᠳᠤ ᠦᠪᠦᠷ ᠮᠣᠩᠭᠤᠯ ᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠣ ᠰᠣᠷᠭᠠᠭᠣᠯᠢᠳᠤ ᠰᠢᠯᠵᠢᠵᠦ᠍ ᠮᠣᠩᠭᠣᠯ ᠠᠨᠠᠭᠠᠬᠣ ᠣᠬᠠᠭᠠᠨᠤ ᠵᠢᠭᠠᠨ ᠰᠣᠷᠭᠠᠬᠤ ᠠᠵᠢᠯ ᠪᠠ ᠡᠮᠴᠢᠯᠡᠭᠡᠨᠦ ᠠᠵᠢᠯᠳᠤ ᠣᠷᠣᠯᠴᠠᠵᠦ᠍᠂ ᠮᠣᠩᠭᠤᠯ ᠡᠮᠨᠡᠯᠭᠡᠶᠢᠨ ᠠᠩᠬᠠᠨᠤ ᠵᠢᠩᠬᠢᠨᠢ ᠠᠩᠭᠢᠶᠢᠨ ᠡᠷᠬᠢᠯᠡᠭᠴᠢ᠂ ᠵᠢᠭᠠᠨ ᠰᠣᠷᠭᠠᠬᠤ ᠳᠠᠰᠣᠭᠤᠨ ᠡᠷᠬᠢᠯᠡᠭᠴᠢ᠂ ᠰᠠᠯᠪᠤᠷᠢᠶᠢᠨ ᠳᠡᠳ᠋ ᠡᠷᠬᠢᠯᠡᠭᠴᠢ᠂ ᠰᠠᠯᠪᠤᠷᠢᠶᠢᠨ ᠳᠡᠳ᠋ ᠱᠦᠵᠢ ᠵᠡᠷᠭᠡ ᠡᠭᠦᠷᠭᠡ ᠳᠣᠰᠢᠶᠠᠯ ᠬᠠᠷᠢᠭᠣᠴᠠᠵᠦ᠍ ᠪᠠᠶ᠋ᠢᠬᠰᠠᠨᠢᠶᠠᠨ 1984 ᠣᠨᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠦᠨᠳᠦᠰᠦᠲᠡᠨᠦ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠣᠷᠭᠠᠭᠣᠯᠢᠳᠤ ᠳᠡᠳ᠋ ᠬᠣᠷᠢᠶᠡᠨ ᠳᠠᠷᠣᠭᠠᠪᠠᠷ ᠠᠵᠢᠯ ᠰᠢᠯᠵᠢᠵᠦ᠍ ᠂ ᠬᠣᠵᠢᠮ ᠨᠢ ᠦᠪᠦᠷ ᠮᠣᠩᠭᠤᠯᠤᠨ ᠮᠣᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠣᠷᠭᠠᠭᠣᠯᠢᠶᠢᠨ ᠵᠠᠬᠢᠷᠣᠯᠢᠶᠠᠷ ᠠᠵᠢᠯᠯᠠᠵᠦ᠍ ᠪᠠᠶ᠋ᠢᠭᠠᠳ1992 ᠣᠨ ᠳᠤ ᠦᠪᠦᠷ ᠮᠣᠩᠭᠤᠯᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠡᠭᠡᠳᠦ ᠰᠣᠷᠭᠠᠭᠣᠯᠢᠳᠠᠭᠠᠨ ᠪᠣᠴᠠᠵᠦ᠍ ᠢᠷᠡᠭᠡᠳ ᠵᠢᠭᠠᠨ ᠰᠣᠷᠭᠠᠯᠲᠠ ᠪᠠ ᠡᠮᠴᠢᠯᠡᠭᠡᠨᠦ ᠠᠵᠢᠯᠳᠤ ᠣᠷᠣᠯᠴᠠᠵᠦ᠍ 1996 ᠣᠨᠳᠤ ᠠᠵᠢᠯᠤᠨ ᠠᠮᠠᠷᠠᠯᠲᠠᠪᠠᠨ ᠠᠪᠴᠠᠢ᠃ 1977—1996 ᠣᠨ ᠬᠦᠷᠳᠡᠯᠡ ᠦᠪᠦᠷ ᠮᠤᠩᠭᠣᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠪᠤ᠂ ᠵᠢᠷᠭᠤᠭᠠ᠂ ᠲᠤᠯᠤᠳᠤᠭᠠᠷ ᠬᠣᠭᠣᠴᠠᠭᠠᠨᠤ ᠠᠷᠠᠳᠤᠨ ᠲᠦᠯᠦᠭᠡᠯᠡᠭᠴᠢᠳᠦᠨ ᠶᠡᠬᠡ ᠬᠣᠷᠡᠯᠤᠨ ᠲᠦᠯᠦᠭᠡᠯᠡᠭᠴᠢ ᠪᠤᠯᠤᠨ ᠪᠦᠬᠦ᠌ ᠤᠯᠤᠰᠤᠨ ᠠᠷᠡᠳᠤᠨ ᠲᠦᠯᠦᠭᠡᠯᠡᠭᠴᠢᠳᠤ᠋ᠨ ᠶᠡᠬᠡ ᠬᠤᠷᠡᠯᠤᠨ ᠲᠤᠯᠤᠳᠤᠭᠠᠷ ᠬᠣᠭᠣᠴᠠᠭᠠᠨᠤ ᠲᠦᠯᠦᠭᠡᠯᠡᠭᠴᠢᠪᠡᠷ ᠰᠣᠩᠭᠣᠭᠳᠠᠵᠠᠢ᠃ ᠤᠷᠢᠳ ᠬᠣᠵᠢᠳ ᠦᠪᠦᠷ ᠮᠤᠩᠭᠣᠯᠤᠨ ᠳᠡᠭᠡᠳᠦ ᠵᠡᠷᠭᠡᠶᠢᠨ ᠰᠣᠷᠭᠠᠭᠣᠯᠢ ᠪᠤᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠰᠢᠰᠲᠸᠮᠦᠨ ᠡᠷᠳᠡᠮᠦᠨ ᠴᠣᠯᠠ ᠰᠢᠯᠭᠠᠨ ᠲᠣᠭᠳᠠᠭᠠᠬᠣ ᠵᠦᠪᠯᠡᠯᠦᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠭᠡᠰᠢᠭᠦᠨ᠂《ᠳᠣᠮᠳᠠᠳᠣ ᠤᠯᠤᠰᠤᠨ ᠠᠨᠠᠭᠠᠬᠤ ᠤᠬᠠᠭᠠᠨᠤ ᠨᠡᠪᠳᠡᠷᠬᠡᠢ ᠲᠣᠯᠢ᠂ ᠮᠤᠩᠭᠣᠯ ᠠᠨᠠᠭᠠᠬᠣ ᠤᠬᠠᠭᠠᠨ》 ᠤ᠋ ᠳᠡᠳ᠋ ᠶᠡᠷᠦᠩᠬᠡᠢ ᠨᠠᠶ᠋ᠢᠷᠠᠭᠣᠯᠣᠭᠴᠢ᠂ 《ᠮᠤᠩᠭᠤᠯ ᠰᠣᠳᠣᠯᠣᠯᠤᠨ ᠨᠡᠪᠳᠡᠷᠬᠡᠢ ᠲᠣᠯᠢ᠂ ᠮᠤᠩᠭᠤᠯ ᠠᠨᠠᠭᠠᠬᠤ ᠤᠬᠠᠭᠠᠨ》 ᠤ᠋ ᠶᠡᠷᠦᠩᠬᠡᠢ ᠨᠠᠶ᠋ᠢᠷᠠᠭᠣᠯᠣᠬᠴᠢ᠂ ᠠᠩᠬᠠᠳᠣᠭᠠᠷ ᠣᠳᠠᠭᠠᠨᠤ ᠪᠦᠬᠦ᠌ ᠤᠯᠤᠰᠤᠨ ᠬᠢᠲᠡᠳ ᠡᠮ ᠡᠮᠨᠡᠯᠭᠡᠶᠢᠨ ᠳᠣᠰᠬᠠᠢ ᠮᠡᠷᠭᠡᠵᠢᠯᠲᠡᠨ᠂ 2009 ᠣᠨ ᠳᠦ ᠮᠣᠩᠭᠣᠯ ᠠᠨᠠᠭᠠᠬᠤ ᠣᠬᠠᠭᠠᠨᠤ 《ᠲᠥᠷᠤᠶᠢᠨ ᠣᠲᠠᠴᠢ 》 ᠪᠡᠷ ᠡᠷᠭᠦᠮᠵᠢᠯᠡᠭᠳᠡᠵᠡᠢ᠃ ᠠᠪᠤ ᠮᠢᠨᠢ ᠤᠷᠢᠳ ᠬᠣᠵᠢᠳ ᠣᠯᠡᠨ ᠵᠦᠢᠯᠦᠨ ᠨᠣᠮ ᠪᠢᠴᠢᠭ ᠨᠠᠶ᠋ᠢᠷᠠᠭᠣᠯᠣᠨ ᠵᠣᠬᠢᠶᠠᠬᠰᠠᠨ ᠪᠦᠭᠡᠳ 25 ᠲᠦᠷᠦᠯᠦᠨ ᠨᠢᠭᠡᠳᠦᠯᠲᠠᠢ ᠵᠢᠭᠠᠬᠤ ᠪᠢᠴᠢᠭᠢ ᠣᠳᠣᠷᠢᠳᠦᠨ ᠨᠠᠶ᠋ᠢᠷᠠᠭᠣᠯᠵᠦ᠍᠂ 20 ᠭᠠᠷᠣᠢ ᠦᠭᠦᠯᠡᠯ ᠨᠡᠶ᠋ᠢᠲᠡᠯᠡᠭᠦᠯᠦᠭᠰᠡᠨ ᠪᠠᠶ᠋ᠢᠨᠡ᠃ ᠪᠠᠰᠠ ᠦᠪᠡᠷᠦᠨ ᠡᠮᠴᠢᠯᠡᠭᠡᠨᠦ ᠲᠤᠷᠰᠢᠯᠭᠠᠪᠠᠨ ᠦᠨᠳᠦᠰᠦᠯᠡᠵᠦ᠍ 《ᠱᠣᠱᠠ — 7᠂ ᠵᠢᠷᠦᠬᠡ — 2 ᠳ᠋ᠣᠭᠠᠷ ᠂ ᠵᠣᠩᠰᠢ — 11》 ᠵᠡᠷᠭᠡ ᠰᠢᠨᠡ ᠡᠮᠤᠳᠢ ᠨᠡᠶ᠋ᠢᠷᠠᠭᠣᠯᠣᠨ ᠪᠦᠲᠦᠭᠡᠪᠡ᠃ ᠭᠠᠷᠲᠤ᠌ ᠣᠯᠳᠠᠬᠰᠠᠨ ᠨᠣᠮ ᠵᠣᠬᠢᠶᠡᠯᠢ ᠰᠢᠭᠦᠵᠦ᠍ ᠦᠵᠡᠪᠡᠯ᠄ ᠬᠤᠪᠢᠪᠡᠷ ᠵᠢᠡᠨ ᠪᠤᠶᠤ ᠪᠣᠰᠣᠳᠲᠠᠢ ᠬᠠᠮᠳᠣᠷᠠᠵᠦ᠍ ᠪᠢᠴᠢᠭᠰᠡᠨ ᠨᠣᠮ 11 ᠳᠡᠪᠳᠡᠷ ᠂ ᠦᠨᠳᠦᠷ ᠦᠨᠡ ᠴᠠᠨᠠᠲᠠᠢ ᠦᠭᠦᠯᠡᠯ ᠪᠠᠰᠠ 11 ᠪᠤᠢ᠃ ᠱᠠᠩᠨᠡᠯ ᠬᠦᠬᠢᠭᠦᠯᠣᠯ ᠬᠡᠮᠡᠪᠡᠰᠦ ᠄ ᠤᠯᠤᠰ ᠪᠠ ᠣᠯᠡᠨ ᠤᠯᠤᠰᠤᠨ ᠲᠡᠰᠦᠨ ᠱᠠᠩᠨᠠᠯ 9 ᠂ ᠣᠷᠣᠨᠤ ᠲᠡᠰᠦᠨ ᠱᠠᠩᠨᠠᠯ 14 ᠬᠤᠪᠢ ᠪᠤᠢ ᠃
1988 ᠣᠨᠳᠤ ᠠᠯᠳᠠᠷᠲᠤ᠌ ᠮᠣᠩᠭᠤᠯ ᠠᠨᠠᠭᠠᠬᠣ ᠣᠬᠠᠭᠠᠨᠲᠡᠨ ᠢᠰᠢᠪᠠᠯᠵᠣᠤᠷᠤᠨ ᠲᠠᠭᠠᠯᠠᠯ ᠪᠤᠯᠤᠬᠰᠠᠨ ᠭᠣᠷᠪᠡᠨ ᠵᠠᠭᠤᠨ ᠵᠢᠯᠦᠨ ᠤᠢᠶᠢ ᠳᠣᠬᠢᠶᠠᠯᠳᠣᠭᠣᠯᠣᠨ ᠭᠠᠨᠳᠢᠭ ᠴᠠᠭᠠᠨ ᠴᠢᠯᠠᠭᠣᠨ ᠲᠣᠮᠣ ᠱᠤᠭᠤᠮᠡᠯ ᠰᠦᠨᠳᠡᠷᠯᠡᠭᠦᠯᠬᠦ᠌ᠳᠦ 15000 ᠲᠦᠭᠦᠷᠢᠭᠦᠨ ᠬᠠᠨᠳᠢᠪ ᠡᠷᠭᠦᠪᠡ; 2004 ᠣᠨᠳᠤ 《ᠢᠰᠢᠪᠠᠯᠵᠣᠤᠷ ᠨᠡᠷᠡᠮᠵᠢᠲᠤ᠌ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠱᠠᠩᠨᠡᠯᠤᠨ ᠰᠠᠭᠣᠷᠢ ᠮᠦᠩᠭᠦ᠌ 》 ᠳ᠋ᠦ 5000 ᠲᠦᠭᠦᠷᠢᠭ ᠬᠠᠨᠳᠢᠪᠯᠠᠪᠠ; 2006 ᠣᠨᠳᠤ ᠦᠪᠦᠷ ᠮᠤᠩᠭᠤᠯᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠣ ᠣᠷᠣᠨᠠᠴᠠ ᠱᠠᠩᠨᠠᠭᠰᠠᠨ 《ᠰᠣᠶᠣᠯ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠦᠢᠯᠠᠰᠲᠤ᠌ ᠭᠠᠷᠮᠠᠭᠠᠢ ᠵᠢᠳᠭᠦᠯ ᠦᠵᠡᠭᠦᠯᠦᠭᠰᠡᠨ ᠴᠢᠳᠠᠪᠤᠷᠢᠲᠡᠨᠤ ᠱᠠᠩᠨᠠᠯ 》 ᠤ᠋ᠨ ᠮᠦᠩᠭᠦ᠌ 20 ᠲᠦᠮᠡᠨ ᠲᠦᠭᠦᠷᠢᠭᠢᠶᠡᠷ 《ᠰᠦᠷᠦᠩᠵᠠᠪ ᠨᠡᠷᠡᠮᠵᠢᠲᠦ᠍ ᠮᠣᠩᠭᠣᠯ ᠠᠨᠠᠭᠠᠬᠣ ᠤᠬᠠᠭᠠᠨᠤ ᠰᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠤ ᠰᠣᠳᠣᠯᠣᠯᠤᠨ ᠱᠠᠩᠨᠠᠯᠤᠨ ᠰᠠᠭᠣᠷᠢ ᠮᠦᠩᠭᠦᠨᠦ ᠨᠡᠶ᠋ᠢᠭᠡᠮᠯᠢᠭ 》 ᠢ᠋ ᠪᠠᠶ᠋ᠢᠭᠣᠯᠪᠠ;1998 ᠣᠨᠠᠴᠠ ᠡᠬᠢᠯᠡᠨ ᠲᠦᠷᠦᠯᠬᠢ ᠨᠤᠳᠣᠭᠤᠨᠢᠶᠠᠨ ᠰᠣᠷᠭᠠᠨ ᠬᠦᠮᠦᠵᠢᠯᠦᠨ ᠬᠦᠭᠵᠢᠯᠲᠡᠶᠢᠨ ᠦᠢᠯᠡᠰᠢ ᠲᠡᠮᠵᠢᠨ 80000 ᠲᠦᠭᠦᠷᠢᠭᠢᠶᠡᠷ 《ᠰᠦᠷᠦᠩᠵᠠᠪ ᠨᠡᠷᠡᠮᠵᠢᠲᠦ᠍ ᠰᠣᠷᠭᠠᠨ ᠬᠦᠮᠦᠵᠢᠯᠦᠨ ᠱᠠᠩᠨᠠᠯᠤᠨ ᠰᠠᠭᠣᠷᠢ ᠮᠦᠩᠭᠦ᠌ 》 ᠪᠠᠢᠭᠤᠯᠪᠠ; 2007 ᠣᠨᠳᠤ ᠬᠦᠪᠡᠭᠡᠲᠦ᠍ ᠰᠢᠷᠠ ᠬᠣᠰᠢᠭᠣᠨᠳᠤ 《 ᠬᠣᠩᠬᠠ ᠰᠦᠷᠦᠩᠵᠠᠪ ᠪᠣᠶᠡᠨ ᠢᠪᠡᠭᠡᠯᠲᠦ᠍ ᠰᠣᠶᠣᠯ ᠲᠡᠦᠬᠡᠶᠢᠨ ᠮᠦᠽᠸᠢ》 ᠪᠠᠶ᠋ᠢᠭᠣᠯᠪᠠ;2007 ᠣᠨ ᠪᠣᠯᠳᠡᠯᠡ ᠲᠦᠷᠦᠭᠰᠡᠨ ᠨᠣᠲᠣᠭ ᠣᠰᠣᠨᠳᠠᠭᠠᠨ ᠨᠡᠶ᠋ᠢᠲᠡ 50 ᠭᠠᠷᠣᠢ ᠲᠦᠮᠡᠨ ᠲᠦᠭᠦᠷᠢᠭᠦᠨ ᠬᠠᠨᠳᠢᠪ ᠡᠷᠭᠦᠵᠡᠢ᠃
ᠠᠪᠤ ᠮᠢᠨᠢ ᠨᠢᠭᠡ ᠨᠠᠰᠤᠨᠳᠠᠭᠠᠨ ᠰᠤᠷᠬᠤᠳᠠᠭᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ᠂ ᠰᠣᠷᠭᠠᠬᠣᠳᠠᠭᠠᠨ ᠴᠢᠩᠭᠠ ᠨᠢᠮᠪᠠᠢ᠂ ᠡᠷᠳᠡᠮ ᠮᠡᠳᠡᠯᠭᠡ ᠬᠤᠤᠰᠯᠠᠬᠰᠠᠨ᠂ ᠡᠷᠬᠢᠮ ᠳᠡᠭᠡᠳᠤ ᠣᠪᠣᠷ ᠰᠣᠷᠲᠡᠯᠲᠠᠢ᠂ ᠭᠡᠷ ᠪᠦᠯᠢ ᠂ ᠦᠷᠡ ᠬᠡᠦᠬᠡᠳᠲᠡᠬᠡᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ ᠪᠠᠶ᠋ᠢᠵᠦ᠍᠂ ᠨᠠᠰᠣᠨ ᠲᠤᠷᠰᠢ ᠮᠣᠩᠭᠤᠯ ᠠᠨᠠᠭᠠᠬᠤ ᠣᠬᠠᠭᠠᠨᠤ ᠵᠢᠭᠠᠨ ᠰᠣᠷᠭᠠᠯᠲᠠ᠂ ᠡᠮᠴᠢᠯᠡᠭᠡ᠂ ᠡᠷᠳᠡᠮ ᠰᠢᠨᠵᠢᠯᠡᠭᠡᠨᠦ ᠲᠦᠷᠦᠬᠦᠨᠳᠦ ᠭᠠᠪᠰᠢᠭᠠᠶ᠋ᠢᠯᠠᠵᠦ᠍ ᠶᠠᠪᠤᠬᠤᠳᠠᠭᠠᠨ ᠡᠭᠦᠷᠭᠡ ᠳᠤᠰᠢᠶᠠᠯᠵᠢᠡᠨ ᠦᠨᠡᠨᠴᠢᠪᠡᠷ ᠭᠦᠢᠴᠠᠳᠭᠡᠵᠦ᠍᠂ ᠠᠯᠢᠪᠠᠪᠠᠨ ᠪᠣᠰᠣᠳᠤᠨ ᠲᠦᠯᠦᠭᠡ ᠭᠣᠶᠠᠴᠢ ᠦᠭᠡᠢ ᠡᠷᠭᠦᠵᠦ᠍᠂ ᠡᠶᠡᠯᠰᠡᠭ ᠳᠣᠳᠣᠨᠣᠪᠠᠷ ᠪᠣᠰᠣᠳᠲᠤ᠌ ᠬᠠᠨᠳᠣᠬᠣ᠂ ᠪᠤᠰᠣᠳᠤᠨ ᠰᠠᠨᠠᠯᠢ ᠬᠢᠨᠠᠮᠠᠭᠠᠢ ᠰᠣᠨᠣᠰᠬᠣ᠂ ᠦᠵᠡᠯ ᠰᠠᠨᠠᠭᠠᠨ ᠳᠡᠭᠡᠷᠡᠪᠡᠨ ᠤᠯᠤᠰ ᠪᠠ ᠰᠣᠷᠭᠠᠭᠣᠯᠢᠶᠢᠨ ᠠᠰᠢᠭ ᠲᠤᠰᠠᠶᠢ ᠬᠠᠮᠣᠭᠤᠨ ᠲᠦᠷᠦᠭᠦᠨᠳᠦ ᠲᠠᠯᠪᠢᠵᠦ᠍ ᠂ ᠨᠢᠭᠡᠨ ᠡᠪ ᠬᠠᠮᠲᠣ ᠨᠠᠮᠤᠨ ᠭᠡᠰᠢᠭᠦᠨᠦ ᠡᠷᠬᠢᠮ ᠳᠡᠭᠡᠳᠦ ᠬᠡᠪ ᠰᠣᠷᠲᠡᠯᠵᠶ᠋ᠠᠨ ᠦᠷᠭᠦᠯᠵᠢ ᠬᠠᠳᠠᠭᠠᠯᠠᠬᠰᠠᠭᠠᠷ ᠢᠷᠡᠭᠰᠡᠨ ᠪᠢᠯᠡ᠃
ᠠᠪᠤ ᠮᠢᠨᠢ ᠬᠡᠵᠢᠶᠡᠳᠡ ᠪᠢᠳᠡᠨᠦ ᠰᠡᠳᠬᠢᠯᠳᠦ ᠮᠦᠩᠬᠡᠷᠡᠭᠰᠡᠭᠡᠷ ᠁
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃