2020-04-23 18:00:29
● ᠤ᠊ · ᠠᠯᠳᠠᠩᠭᠤᠸᠠ

ᠤ · ᠠᠯᠳᠠᠩᠭᠤᠸᠠ ᠄ ᠤᠯᠠᠭᠠᠨᠬᠠᠳᠠ ᠬᠤᠳᠠᠶᠢᠨ ᠤᠩᠨᠢᠭᠤᠳ ᠬᠤᠰᠢᠭᠤᠪᠠᠷ ᠨᠤᠳᠤᠭᠳᠠᠢ ᠃ ︽ ᠤᠰᠤᠨᠤ ᠬᠡ ︾ ᠬᠡᠬᠦ ᠦᠬᠦᠯᠡᠯᠬᠡᠶᠢᠨ ᠲᠡᠬᠦᠪᠦᠷᠢ ᠪᠠ ︽ ᠠᠵᠠ ᠵᠢᠷᠭᠠᠯᠤᠨ ᠮᠤᠳᠤᠨ ︾ ᠂ ︽ ᠡᠪᠡᠰᠦᠨᠤ ᠦᠨᠦᠷ ︾ ᠬᠡᠬᠦ ᠬᠤᠶᠠᠷ ᠨᠠᠶᠢᠷᠠᠭᠤᠯᠤᠯᠤᠨ ᠲᠡᠬᠦᠪᠦᠷᠢ ᠲᠠᠢ ᠃
ᠠᠩᠬᠠᠳᠤᠭᠠᠷ ᠤᠳᠠᠭᠠᠨᠤ ︽ ᠤᠩᠨᠢᠭᠤᠳ ︾ ᠨᠡᠷᠡᠮᠵᠢᠳᠦ ᠤᠬᠤᠷ ᠦᠬᠦᠯᠡᠯᠬᠡᠶᠢᠨ ᠤᠷᠤᠯᠳᠤᠭᠠᠨ ᠂ ᠠᠩᠬᠠᠳᠤᠭᠠᠷ ᠤᠳᠠᠭᠠᠨᠤ ︽ ᠦᠪᠦᠷ ᠮᠤᠩᠭᠤᠯᠤᠨ ᠵᠠᠯᠠᠭᠤᠴᠤᠳ ︾ ᠨᠡᠷᠡᠮᠵᠢᠳᠦ ᠪᠢᠴᠢᠯ ᠦᠬᠦᠯᠡᠯᠬᠡᠶᠢᠨ ᠤᠷᠤᠯᠳᠤᠭᠠᠨ ᠵᠡᠷᠬᠡᠳ᠋ᠤ ᠱᠠᠩᠨᠠᠯ ᠬᠦᠷᠳᠡᠵᠦ ᠪᠠᠢᠵᠠᠢ ᠃
ᠤᠷᠠᠨ ᠵᠤᠬᠢᠶᠠᠯᠢ ᠨᠡᠶᠢᠳᠡᠶᠢᠨ ᠤᠷᠠᠨ ᠵᠤᠬᠢᠶᠠᠯ ᠂ ᠬᠡᠬᠡᠨᠴᠢᠷ ᠤᠷᠠᠨ ᠵᠤᠬᠢᠶᠠᠯ ᠂ ᠰᠤᠩᠭᠤᠮᠠᠯ ᠤᠷᠠᠨ ᠵᠤᠬᠢᠶᠠᠯ ᠂ ᠰᠤᠩᠭᠤᠳᠠᠭ ᠤᠷᠠᠨ ᠵᠤᠬᠢᠶᠠᠯ ᠬᠡᠵᠦ ᠲᠦᠷᠪᠡᠨ ᠲᠦᠷᠦᠯ ᠬᠤᠪᠢᠶᠠᠳᠠᠭ ᠃ ᠡᠨᠡ ᠲᠦᠷᠪᠡᠨ ᠲᠦᠷᠦᠯᠤᠨ ᠵᠤᠬᠢᠶᠠᠯ ᠲᠤᠳᠤᠷᠠᠡᠴᠠ ᠤᠯᠠᠨ ᠨᠡᠶᠢᠳᠡᠶᠢᠨ ᠤᠷᠠᠨ ᠵᠤᠬᠢᠶᠠᠯᠨᠢ ᠬᠠᠮᠤᠭ ᠤᠷᠢᠳᠢᠶᠠᠷ ᠪᠤᠢ ᠪᠤᠯᠤᠨᠠ ᠃ ᠤᠯᠠᠨ ᠨᠡᠶᠢᠳᠡᠶᠢᠨ ᠤᠷᠠᠨ ᠵᠤᠬᠢᠶᠠᠯᠡᠴᠠ ᠤᠩᠰᠢᠭᠴᠢᠶᠢᠨ ᠲᠠᠭᠠᠰᠢᠶᠠᠯᠳ᠋ᠤ ᠬᠦᠷᠬᠦ ᠬᠡᠬᠡᠨᠴᠢᠷ ᠤᠷᠠᠨ ᠵᠤᠬᠢᠶᠠᠯ ᠪᠤᠢ ᠪᠤᠯᠤᠨᠠ ᠃ ᠬᠡᠬᠡᠨᠴᠢᠷ ᠤᠷᠠᠨ ᠵᠤᠬᠢᠶᠠᠯᠡᠴᠠ ᠵᠠᠷᠢᠮ ᠬᠡᠰᠡᠭᠨᠢ ᠰᠢᠭᠰᠢᠭᠳᠡᠵᠦ ᠰᠤᠩᠭᠤᠮᠠᠯ ᠤᠷᠠᠨ ᠵᠤᠬᠢᠶᠠᠯ ᠪᠤᠯᠳᠠᠭ ᠃ ᠰᠤᠩᠭᠤᠮᠠᠯ ᠤᠷᠠᠨ ᠵᠤᠬᠢᠶᠠᠯ ᠲᠤᠳᠤᠷᠠᠡᠴᠠ ᠦᠶᠡ ᠦᠶᠡᠶᠢᠨ ᠤᠩᠰᠢᠭᠴᠢᠶᠢᠨ ᠬᠦᠯᠢᠶᠡᠨ ᠵᠦᠪᠰᠢᠶᠡᠷᠡᠳᠡᠭ ᠰᠤᠩᠭᠤᠳᠠᠭ ᠤᠷᠠᠨ ᠵᠤᠬᠢᠶᠠᠯ ᠮᠡᠨᠳᠦᠯᠡᠳᠡᠭ ᠃ ᠲᠡᠶᠢᠮᠦᠡᠴᠠ ᠪᠦᠬᠦ ᠲᠦᠷᠦᠯᠤᠨ ᠵᠤᠬᠢᠶᠠᠯ ᠲᠤᠳᠤᠷᠠ ᠮᠦᠩᠬᠡ ᠦᠯᠡᠳᠡᠵᠦ ᠲᠡᠶᠢᠯᠬᠦᠨᠢ ᠭᠠᠭᠴᠠ ᠰᠤᠩᠭᠤᠳᠠᠭ ᠤᠷᠠᠨ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ ᠃ ᠡᠬᠦᠨᠡᠴᠠ ᠪᠢᠳᠡ ᠵᠢᠩᠬᠢᠨᠢ ᠰᠠᠶᠢᠨ ᠤᠷᠠᠨ ᠵᠤᠬᠢᠶᠠᠯᠤᠨ ᠰᠢᠯᠭᠠᠭᠤᠷ ᠪᠤᠯ ᠴᠠᠭ ᠬᠤᠭᠤᠴᠠᠭᠠ ᠪᠤᠯᠬᠤᠶᠢ ᠮᠡᠳᠡᠵᠦ ᠲᠡᠶᠢᠯᠦᠨᠡ ᠃ ᠳ᠋ᠤᠰᠲᠤᠶᠸᠧᠰᠺᠢᠶᠢᠨ ︽ ᠺᠠᠷᠠᠮᠠᠽᠥᠸᠤᠨ ᠬᠦᠪᠡᠬᠦᠳ ︾ ᠂ ᠤᠰᠺᠡᠷ ᠸᠠᠶᠢᠯᠳ᠋ᠤᠨ ︽ ᠳ᠋ᠤᠷᠶᠠᠨ ᠭᠷᠸᠢᠶᠢᠨ ᠬᠦᠷᠦᠭ ︾ ᠂ ᠺᠠᠹᠺᠠᠶᠢᠨ ︽ ᠴᠠᠶᠢᠵᠠ ︾ ᠂ ︽ ᠰᠢᠬᠦᠬᠦ ᠠᠵᠢᠯᠯᠠᠬ᠌ᠠ ︾ ᠂ ᠠ᠊ · ᠴᠧᠬᠤᠸᠤᠨ ︽ ᠭᠦᠷᠪᠡᠯ ︾ ᠂ ᠤ᠊ · ᠾᠧᠩᠷᠢᠶᠢᠨ ︽ ᠡᠴᠦᠰᠤᠨ ᠨᠠᠪᠴᠢ ︾ ᠂ ︽ ᠮᠧᠭᠢᠶᠢᠨ ᠪᠡᠯᠡᠭ ︾ ᠂ ᠮᠠᠤᠫᠠᠰᠰᠠᠨᠤ ︽ ᠦᠭᠡᠬᠦᠨ ᠪᠦᠮᠪᠦᠭᠡ ︾ ᠂ ︽ ᠰᠤᠨᠳᠤᠷ ︾ ᠂ ︽ ᠮᠢᠨᠤ ᠠᠪᠠᠭᠠ ᠷᠦᠷ ︾ ᠁ ᠮᠡᠳᠦᠶᠢᠨ ᠤᠯᠠᠨ ᠤᠯᠠᠨ ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ᠪᠤᠯ ᠬᠡᠵᠢᠶᠡᠳᠡ ᠴᠤ ᠲᠠᠪᠳᠠᠭᠳᠠᠰᠢ ᠦᠬᠡᠢ ᠤᠷᠠᠯᠢᠭ ᠪᠤᠯᠬᠤᠶᠢ ᠴᠠᠭ ᠬᠤᠭᠤᠴᠠᠭᠠ ᠨᠢᠬᠡᠨᠳᠡ ᠬᠡᠷᠡᠴᠢᠯᠡᠵᠡᠢ ᠃
ᠮᠦᠷᠠᠰᠠᠺᠢ ᠰᠢᠺᠢᠪᠦ᠋ᠶᠢᠨ ︽ ᠬᠡᠩᠵᠢᠶᠢᠨ ᠲᠤᠮᠤᠭ ︾ ᠬᠡᠰᠡᠨ ᠷᠤᠮᠠᠨᠢ ᠪᠢ ᠲᠤᠩ ᠪᠠᠭ᠋ᠠᠷᠬᠠᠳᠠᠭ ᠃ ︽ ᠬᠡᠩᠵᠢᠶᠢᠨ ᠲᠤᠮᠤᠭ ︾ ᠪᠤᠯ ᠠᠷᠪᠠᠨ ᠨᠢᠬᠡᠳᠦᠬᠡᠷ ᠵᠠᠭᠤᠨᠳ᠋ᠤ ᠪᠢᠴᠢᠭᠳᠡᠭᠰᠡᠨ ᠲᠠᠪᠢᠨ ᠲᠦᠷᠪᠡᠨ ᠪᠦᠯᠦᠭᠢᠶᠠᠷ ᠪᠦᠷᠢᠯᠳᠦᠭᠰᠡᠨ ᠵᠠᠭᠤᠨ ᠲᠦᠮᠡ ᠭᠠᠷᠤᠢ ᠦᠰᠦᠭᠲᠠᠢ ᠶᠠᠫᠤᠨᠤ ᠠᠩᠬᠠᠨᠤ ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ᠪᠤᠯᠬᠤ ᠶᠤᠮ ᠃ ᠲᠤᠰ ᠷᠤᠮᠠᠨᠳ᠋ᠤ ᠬᠠᠭᠠᠨᠤ ᠬᠦᠦ ᠬᠡᠩᠵᠢᠶᠢᠨ ᠠᠮᠢᠳᠤᠷᠠᠯ ᠪᠠ ᠤᠯᠠᠨ ᠡᠮᠡᠭᠳᠡᠢᠶᠢᠨ ᠬᠤᠭᠤᠷᠤᠨᠳᠤᠬᠢ ᠬᠠᠶᠢᠷᠠ ᠰᠡᠳᠬᠢᠯᠬᠡᠶᠢᠨ ᠦᠯᠢᠬᠡᠷᠢ ᠪᠢᠴᠢᠬᠦᠪᠠᠷ ᠲᠠᠮᠵᠢᠭᠤᠯᠵᠦ ᠶᠠᠫᠤᠨᠤ ᠬᠠᠮᠤᠭ ᠬᠦᠭᠵᠢᠯᠲᠠᠢ ᠦᠶᠡᠶᠢᠨ ᠬᠠᠭᠠᠨᠤ ᠰᠢᠳᠡᠷ ᠲᠦᠰᠢᠮᠡᠳ ᠪᠠ ᠬᠠᠳᠤᠳᠤᠨ ᠬᠤᠭᠤᠷᠤᠨᠳᠤᠬᠢ ᠡᠷᠬᠡᠶᠢᠨ ᠲᠡᠮᠡᠴᠡᠯ ᠂ ᠤᠷᠳᠤᠨᠤ ᠬᠡᠬᠡᠨᠴᠢᠷ ᠡᠷᠬᠢᠮᠰᠦᠭ ᠮᠦᠷᠳᠡᠯᠡᠪᠠᠨ ᠲᠤᠷᠤᠶᠢᠳᠠᠮᠠᠯ ᠪᠠᠶᠢᠳᠠᠯ ᠪᠠ ᠰᠢᠨᠤᠯᠡᠴᠠᠪᠠᠨ ᠪᠤᠯᠵᠦ ᠬᠦᠮᠤᠨ ᠴᠢᠨᠠᠷᠢᠶᠡᠨ ᠠᠯᠳᠠᠭᠰᠠᠨ ᠲᠤᠬᠠᠢᠶᠢᠨ ᠴᠠᠭ ᠦᠶᠡᠶᠢᠨ ᠬᠦᠮᠤᠰᠤᠨ ᠦᠨᠡᠨ ᠲᠦᠷᠢᠶᠢ ᠢᠯᠡᠴᠢᠯᠡᠵᠡᠢ ᠃ ᠬᠡᠩᠵᠢ ᠪᠤᠯ ᠬᠠᠭᠠᠨᠤ ᠬᠠᠶᠢᠷᠠᠳᠠᠢ ᠬᠠᠳᠤᠨᠡᠴᠠ ᠲᠦᠷᠦᠭᠰᠡᠨ ᠬᠦᠦ ᠤᠴᠢᠷ ᠪᠠᠶᠢᠷᠢ ᠰᠠᠭᠤᠷᠢᠪᠠᠷ ᠬᠠᠮᠤᠭ ᠦᠨᠳᠦᠷ ᠬᠠᠭᠠᠨᠤ ᠨᠦᠬᠦᠬᠡ ᠬᠠᠳᠤᠨᠤ ᠬᠢᠬᠠᠯ ᠲᠠᠷᠤᠯᠠᠯᠢ ᠬᠠᠨᠳᠠᠯᠠ ᠠᠮᠰᠠᠭᠰᠠᠨ ᠪᠢᠯᠡ ᠃ ᠲᠤᠰ ᠷᠤᠮᠠᠨᠤ ᠲᠦᠷᠢ ᠪᠦᠳᠦᠬᠡᠯᠳᠡᠨᠢ ᠠᠮᠵᠢᠯᠳᠠᠳ᠋ᠤ ᠬᠦᠷᠦᠯᠡ ᠬᠡᠵᠦ ᠪᠢ ᠪᠤᠳᠤᠳᠠᠭ ᠂ ᠵᠤᠬᠢᠶᠠᠭᠴᠢᠡᠴᠠ ᠬᠠᠵᠠᠭᠤᠡᠴᠠ ᠵᠢᠷᠤᠭᠯᠠᠬᠤ ᠠᠷᠭᠠᠪᠠᠷ ᠭᠤᠤᠯᠳᠠᠭᠤᠯᠵᠦ ᠂ ᠬᠡᠩᠵᠢᠶᠢᠨ ᠰᠡᠴᠡᠨ ᠰᠡᠷᠬᠦᠯᠡᠩ ᠂ ᠬᠡᠳᠦᠶᠢᠳᠦᠭᠰᠡᠨ ᠠᠪᠢᠶᠠᠰ ᠪᠢᠯᠢᠭ ᠂ ᠠᠮᠢᠳᠤᠷᠠᠯ ᠲᠡᠮᠡᠴᠡᠯ ᠬᠢᠬᠡᠳ ᠲᠤᠩ ᠤᠯᠠᠨ ᠭᠤᠸᠠ ᠰᠠᠶᠢᠬᠠᠨ ᠡᠮᠡᠭᠳᠡᠢᠶᠢᠨ ᠲᠦᠷᠢᠶᠢ ᠠᠮᠵᠢᠯᠳᠠᠲᠠᠢ ᠪᠦᠳᠦᠬᠡᠵᠡᠢ ᠃ ︽ ᠬᠡᠩᠵᠢᠶᠢᠨ ᠲᠤᠮᠤᠭ ︾ᠢ ᠪᠢ ᠶᠡᠭᠡ ᠰᠤᠷᠭᠠᠭᠤᠯᠢᠳ᠋ᠤ ᠪᠠᠶᠢᠬᠤᠳᠠᠭᠠᠨ ᠤᠯᠵᠦ ᠤᠩᠰᠢᠭᠰᠠᠨ ᠪᠢᠯᠡ ᠂ ᠲᠤᠬᠠᠢᠶᠢᠨ ᠦᠶᠡᠳ᠋ᠤ ᠲᠤᠰ ᠷᠤᠮᠠᠨᠢ ᠤᠩᠰᠢᠬᠤᠳ᠋ᠤ ᠲᠤᠮᠳᠠᠳᠤ ᠤᠯᠤᠰᠤᠨ ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ︽ ᠤᠯᠠᠭᠠᠨ ᠠᠰᠠᠷᠤᠨ ᠵᠡᠬᠦᠳᠦ ︾ ᠪᠠ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ︽ ᠨᠢᠬᠡᠨ ᠲᠠᠪᠬᠤᠷ ᠠᠰᠠᠷ ︾ ᠲᠤᠳᠤᠷᠠᠬᠢ ᠲᠡᠬᠡᠳᠦ ᠲᠠᠪᠬᠤᠷᠭᠠᠳᠠᠳᠤᠨ ᠠᠮᠢᠳᠤᠷᠠᠯ ᠵᠢᠷᠤᠭᠯᠠᠯ ᠂ ᠵᠤᠬᠢᠶᠠᠯᠤᠨ ᠪᠠᠭᠠᠳᠤᠷ ᠪᠤᠤ ᠢᠦᠢ ᠂ ᠫᠦ᠋ ᠢᠦᠢ ᠪᠠ ᠵᠤᠬᠢᠶᠠᠯ ᠲᠤᠳᠤᠷᠠᠬᠢ ᠡᠮᠡᠭᠳᠡᠶᠢᠴᠤᠳᠤᠨ ᠲᠦᠷᠢᠨᠢ ᠤᠢ ᠰᠠᠭᠤᠭᠳᠠᠯᠳ᠋ᠤ ᠪᠠᠶᠢᠨ ᠪᠠᠶᠢᠨ ᠲᠤᠳᠤᠷᠠᠵᠦ ᠂ ᠡᠨᠡ ᠵᠤᠬᠢᠶᠠᠯᠢ ᠲᠤᠩ ᠰᠢᠮᠡᠲᠠᠢ ᠤᠩᠰᠢᠭᠰᠠᠨ ᠪᠢᠯᠡ ᠃
ᠵᠤᠬᠢᠶᠠᠯ ᠪᠦᠳᠦᠬᠡᠯ ᠪᠢᠴᠢᠵᠦ ᠤᠷᠤᠯᠳᠤᠳᠠᠭ ᠬᠦᠮᠤᠰ ᠰᠤᠩᠭᠤᠳᠠᠭ ᠵᠤᠬᠢᠶᠠᠯᠢ ᠤᠩᠰᠢᠭᠠᠳ ᠲᠦᠷᠢᠶᠢ ᠬᠡᠷᠬᠢᠨ ᠪᠦᠳᠦᠬᠡᠬᠦ ᠂ ᠵᠤᠬᠢᠶᠠᠮᠵᠢᠪᠠᠨ ᠬᠡᠷᠬᠢᠨ ᠪᠠᠶᠢᠷᠢᠯᠠᠭᠤᠯᠬᠤ ᠂ ᠦᠯᠢᠬᠡᠷᠢᠶᠡᠨ ᠬᠡᠷᠬᠢᠨ ᠰᠡᠳᠬᠢᠮᠵᠢᠯᠡᠬᠦᠶᠢ ᠰᠤᠷᠴᠦ ᠪᠤᠯᠳᠠᠭ ᠃ ︽ ᠬᠡᠩᠵᠢᠶᠢᠨ ᠲᠤᠮᠤᠭ ︾ᠢ ᠤᠩᠰᠢᠭᠰᠠᠨᠤ ᠲᠠᠷᠠᠭᠠ ᠮᠢᠨᠤ ᠵᠤᠬᠢᠶᠠᠨ ᠪᠢᠴᠢᠬᠦ ᠲᠤᠷᠠ ᠪᠠᠬᠠ ᠶᠡᠭᠡ ᠬᠦᠳᠡᠯᠵᠦ ᠪᠢ ᠴᠤ ᠦᠪᠡᠷᠢᠶᠡᠨ ᠨᠢᠬᠡ ᠰᠠᠶᠢᠬᠠᠨ ᠵᠤᠬᠢᠶᠠᠯ ᠪᠢᠴᠢᠶᠡ ᠬᠡᠵᠦ ᠪᠤᠳᠤᠭᠰᠠᠨ ᠶᠤᠮ ᠃ ᠲᠤᠰ ᠵᠤᠬᠢᠶᠠᠯᠤᠨ ᠡᠮᠡᠭᠳᠡᠢ ᠲᠦᠷᠢᠶᠢᠨ ᠰᠡᠳᠬᠢᠯᠢ ᠲᠠᠳᠠᠬᠤ ᠬᠦᠴᠦᠨᠳ᠋ᠤ ᠨᠦᠯᠦᠬᠡᠯᠡᠭᠳᠡᠵᠦ ᠵᠤᠬᠢᠶᠠᠯ ᠲᠤᠳᠤᠷᠠᠪᠠᠨ ᠭᠤᠶᠤ ᠡᠮᠡᠭᠳᠡᠢᠶᠢᠨ ᠲᠦᠷᠢᠶᠢ ᠪᠦᠳᠦᠬᠡᠬᠦ ᠰᠠᠨ ᠬᠡᠵᠦ ᠪᠤᠳᠤᠭᠠᠳ ︽ ᠲᠡᠨᠵᠢᠨ ᠤᠪᠤᠭᠠᠨᠤ ᠮᠡᠯᠵᠢᠶᠡ ︾ ᠬᠡᠰᠡᠨ ᠲᠤᠭᠤᠵᠢᠶᠢ ᠪᠢᠴᠢᠬᠦᠳ᠋ᠤᠪᠠᠨ ᠬᠤᠶᠠᠷ ᠭᠤᠶᠤ ᠡᠮᠡᠭᠳᠡᠢᠶᠢᠨ ᠲᠦᠷᠢᠶᠢ ᠪᠦᠳᠦᠭᠡᠭᠰᠡᠨ ᠪᠢᠯᠡ ᠂ ᠲᠡᠬᠡᠬᠦᠳ᠋ᠡᠭᠡᠨ ᠪᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠤᠨᠴᠠᠯᠢᠭᠲᠠᠢ ᠲᠦᠷᠰᠦᠯᠡᠭᠰᠡᠨ ᠶᠤᠮ ᠃ ᠭᠤᠷᠺᠢᠶᠢᠨ ︽ ᠮᠢᠨᠤ ᠪᠠᠭᠠ ᠨᠠᠰᠤ ︾ ᠬᠡᠰᠡᠨ ᠵᠤᠬᠢᠶᠠᠯᠤᠨ ᠬᠡᠤᠬᠡᠳᠤᠨ ᠨᠢᠳᠦᠪᠠᠷ ᠨᠡᠶᠢᠬᠡᠮᠤᠨ ᠰᠠᠶᠢᠨ ᠰᠠᠶᠢᠬᠠᠨᠢ ᠬᠠᠷᠠᠭᠤᠯᠤᠭᠰᠠᠨ ᠪᠢᠴᠢᠯᠬᠡᠶᠢᠨ ᠠᠷᠭᠠ ᠬᠡᠯᠪᠡᠷᠢᠶᠢᠨᠢ ᠪᠢ ᠶᠡᠭᠡ ᠲᠤᠭᠤᠳᠠᠭ ᠃ ᠮᠦᠨ ᠴᠤ ᠦᠪᠡᠷᠤᠨ ᠵᠤᠬᠢᠶᠠᠨ ᠪᠢᠴᠢᠯᠬᠡᠳ᠋ᠡᠭᠡᠨ ᠵᠤᠷᠢᠯᠭᠠᠲᠠᠢ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠃ ᠵᠢᠱᠢᠶᠡᠯᠡᠪᠡᠯ ᠮᠢᠨᠤ ︽ ᠰᠡᠳᠬᠢᠯᠤᠨ ᠲᠡᠩᠬᠡᠭᠡ ︾ ᠂ ︽ ᠠᠪᠤ᠋ ︾ ᠂ ︽ ᠨᠤᠳᠤᠭ ᠪᠤᠴᠠᠭᠰᠠᠨ ᠰᠢᠪᠠᠭᠤ ︾ ᠂ ︽ ᠡᠪᠦᠬᠡᠳᠤᠨ ᠦᠷᠦᠲᠠᠢ ᠨᠤᠳᠤᠭ ︾ ᠂ ︽ ᠡᠪᠦᠬᠡᠨ ᠠᠬᠠ ︾ ᠵᠡᠷᠬᠡ ᠵᠤᠬᠢᠶᠠᠯ ᠪᠤᠯ ᠪᠦᠷ ᠯᠠ ᠬᠡᠤᠬᠡᠳᠤᠨ ᠬᠠᠷᠠᠭᠠᠰᠤᠡᠴᠠ ᠪᠢᠴᠢᠵᠠᠢ ᠃ ᠮᠠᠤᠫᠠᠰᠰᠠᠨᠤ ︽ ᠦᠭᠡᠬᠦᠨ ᠪᠦᠮᠪᠦᠭᠡ ︾ᠶᠢ ᠦᠵᠡᠭᠡᠳ ᠦᠪᠡᠷᠤᠨ ᠤᠤᠷ ᠴᠢᠨᠠᠷᠢᠶᠡᠨ ᠠᠯᠳᠠᠭᠰᠠᠨ ᠬᠦᠮᠦᠰᠤᠨ ᠦᠨᠡᠨ ᠴᠠᠭᠠᠨ ᠵᠢᠩᠬᠢᠨᠢ ᠰᠠᠶᠢᠨ ᠰᠠᠶᠢᠬᠠᠨᠢ ᠲᠤᠷᠤᠮᠵᠢᠯᠠᠨ ᠱᠤᠤᠯᠠᠵᠦ ᠪᠠᠶᠢᠭᠠᠶᠢ ᠵᠦᠪ ᠲᠠᠯᠠᠡᠴᠠ ᠪᠢᠴᠢᠨ ᠂ ᠤᠩᠰᠢᠭᠴᠢᠶᠢᠨ ᠰᠡᠳᠬᠢᠯᠳ᠋ᠤ ᠬᠢᠯᠢᠩᠤᠨ ᠲᠦᠯᠦ ᠨᠤᠴᠤᠭᠠᠵᠦ ᠦᠯᠡᠳᠡᠬᠡᠬᠦ ᠪᠢᠴᠢᠯᠬᠡᠶᠢᠨ ᠠᠷᠭᠠ ᠬᠡᠯᠪᠡᠷᠢᠶᠢᠨᠢ ᠶᠡᠭᠡ ᠲᠤᠭᠤᠭᠰᠠᠨ ᠂ ᠮᠢᠨᠤ ︽ ᠬᠦᠬᠡᠷᠦᠬᠦᠶᠢᠯᠡᠯᠳᠡᠢ ᠬᠦᠮᠤᠨ ︾ ᠂ ︽ ᠵᠠᠩᠭᠠ ᠪᠠᠭᠰᠢ ︾ ᠵᠡᠷᠬᠡ ᠵᠤᠬᠢᠶᠠᠯ ᠪᠤᠯ ᠡᠶᠢᠮᠤᠷᠬᠦ ᠬᠡᠯᠪᠡᠷᠢᠪᠠᠷ ᠪᠢᠴᠢᠭᠳᠡᠵᠡᠢ ᠃ ᠲᠡᠶᠢᠮᠦᠡᠴᠠ ᠰᠤᠩᠭᠤᠳᠠᠬ ᠵᠤᠬᠢᠶᠠᠯᠨᠢ ᠦᠪᠡᠷᠮᠢᠴᠡ ᠪᠢᠴᠢᠯᠬᠡᠶᠢᠨ ᠠᠷᠭᠠ ᠂ ᠰᠢᠨᠡᠷᠬᠡᠬᠦᠨ ᠰᠡᠳᠬᠢᠮᠵᠢᠪᠠᠷᠢᠶᠡᠨ ᠵᠤᠬᠢᠶᠠᠭᠴᠢᠶᠢ ᠨᠦᠯᠦᠬᠡᠯᠡᠵᠦ ᠤᠷᠠᠨ ᠪᠦᠳᠦᠬᠡᠯᠬᠡᠶᠢᠨ ᠲᠡᠬᠡᠭᠰᠢᠯᠡᠯᠳᠡᠳ᠋ᠤ ᠲᠤᠰᠠ ᠪᠤᠯᠳᠠᠭ ᠃ ᠵᠢᠱᠢᠶᠡᠯᠡᠪᠡᠯ ᠮᠢᠯᠥᠷᠡᠳ᠋ ᠫᠠᠸᠢᠴᠤᠨ ᠲᠤᠯᠢ ᠪᠢᠴᠢᠭᠤᠨ ᠬᠡᠯᠪᠡᠷᠢᠪᠠᠷ ᠪᠢᠴᠢᠭᠰᠡᠨ ︽ ᠬᠠᠽᠠᠷ ᠬᠡᠯᠡᠨᠤ ᠲᠤᠯᠢ ︾ ᠬᠡᠳᠡᠭ ᠷᠤᠮᠠᠨᠨᠢ ᠲᠤᠯᠢ ᠪᠢᠴᠢᠭᠤᠨ ᠬᠡᠯᠪᠡᠷᠢᠪᠠᠷ ᠬᠠᠽᠠᠷᠤᠨ ᠠᠶᠢᠮᠠᠭ ᠤᠭᠰᠠᠭᠠ ᠂ ᠲᠡᠤᠬᠡᠳᠦ ᠬᠦᠮᠤᠨ ᠵᠡᠷᠬᠡᠶᠢ ᠲᠤᠯᠢᠴᠢᠯᠠᠨ ᠲᠠᠨᠢᠯᠴᠠᠭᠤᠯᠬᠤ ᠬᠡᠯᠪᠡᠷᠢᠪᠠᠷ ᠪᠢᠴᠢᠵᠡᠢ ᠃ ᠡᠨᠡ ᠬᠡᠯᠪᠡᠷᠢᠶᠢ ᠲᠠᠭᠤᠷᠢᠶᠠᠵᠦ ᠤᠯᠠᠨ ᠬᠦᠮᠦᠨ ᠡᠶᠢᠮᠤᠷᠬᠦᠤ ᠬᠡᠯᠪᠡᠷᠢᠪᠠᠷ ᠵᠤᠬᠢᠶᠠᠯ ᠪᠢᠴᠢᠭᠰᠡᠨ ᠪᠤᠯᠪᠠᠴᠦ ᠬᠠᠭᠤᠯᠪᠤᠷᠢᠡᠴᠠ ᠬᠡᠳᠦᠷᠡᠬᠦ ᠦᠬᠡᠢ ᠶᠤᠮ ᠃ ︽ ᠳ᠋ᠧᠺᠡᠮᠧᠷᠦᠨ ︾ᠳ᠋ᠤ ᠨᠢᠬᠡ ᠤᠯᠤᠰᠲᠤ ᠬᠢᠵᠢᠭ ᠲᠡᠯᠬᠡᠷᠡᠭᠰᠡᠨᠳ᠋ᠤ ᠪᠠᠶᠠᠨ ᠠᠶᠢᠯᠤᠨ ᠬ᠋ᠤᠷᠪᠠᠨ ᠵᠠᠯᠠᠭᠤ ᠨᠠᠶᠢᠵᠠ ᠦᠬᠢᠳ ᠪᠠ ᠰᠠᠳᠤᠨ ᠲᠦᠷᠦᠯᠤᠨ ᠬᠢᠨᠢ ᠲᠦᠷᠪᠡᠨ ᠦᠬᠢᠨᠲᠠᠢ ᠬᠠᠮᠳᠤ ᠠᠷᠪᠠᠭᠤᠯᠠ ᠪᠤᠯᠵᠦ ᠠᠭᠤᠯᠠᠨ ᠵᠤᠰᠠᠯᠠᠩᠳ᠋ᠤ ᠤᠴᠢᠵᠦ ᠨᠢᠭᠤᠭᠳᠠᠨ ᠰᠠᠭᠤᠵᠠᠢ ᠃ ᠲᠡᠳᠡ ᠡᠳᠦᠷ ᠪᠦᠷᠢ ᠨᠢᠬᠡ ᠬᠦᠮᠤᠨᠤ ᠨᠢᠬᠡ ᠦᠯᠢᠬᠡᠷ ᠶᠠᠷᠢᠵᠦ ᠠᠷᠪᠠᠨ ᠡᠳᠦᠷ ᠶᠠᠭ ᠵᠠᠭᠤᠨ ᠦᠯᠢᠬᠡᠷ ᠶᠠᠷᠢᠭᠰᠠᠨ ᠪᠠᠶᠢᠯᠠ ᠃ ᠡᠳᠡᠬᠡᠷ ᠦᠯᠢᠬᠡᠷ ᠪᠤᠯᠭᠠᠨᠨᠢ ᠨᠢᠬᠡ ᠤᠬᠤᠷ ᠦᠬᠦᠯᠡᠯᠬᠡ ᠪᠤᠯᠵᠠᠢ ᠃ ᠱᠧᠺᠸᠰᠫᠧᠷ ᠵᠡᠷᠬᠡ ᠵᠤᠬᠢᠶᠠᠯᠴᠢᠳ ︽ ᠳ᠋ᠧᠺᠡᠮᠧᠷᠦᠨ ︾ ᠲᠤᠳᠤᠷᠠᠬᠢ ᠦᠯᠢᠬᠡᠷᠤᠨ ᠮᠠᠲ᠋ᠧᠷᠢᠶᠠᠯᠢ ᠠᠰᠢᠬᠯᠠᠵᠦ ᠵᠤᠬᠢᠶᠠᠯ ᠪᠢᠴᠢᠵᠦ ᠪᠠᠶᠢᠵᠠᠢ ᠃
ᠰᠤᠩᠭᠤᠳᠠᠭ ᠵᠤᠬᠢᠶᠠᠯ ᠪᠤᠯ ᠵᠤᠬᠢᠶᠠᠭᠴᠢᠶᠢᠨ ᠤᠶᠤᠨ ᠰᠠᠨᠠᠭᠠᠨᠤ ᠪᠦᠳᠦᠬᠡᠭᠳᠡᠬᠦᠨ ᠂ ᠰᠢᠮᠡᠳᠦ ᠤᠷᠴᠢᠯᠠᠩᠳ᠋ᠤ ᠦᠯᠡᠳᠡᠬᠡᠭᠰᠡᠨ ᠮᠦᠩᠬᠡᠶᠢᠨ ᠪᠢᠯᠢᠭ ᠃ ᠬᠤᠷᠢᠨ ᠨᠢᠬᠡᠳᠦᠬᠡᠷ ᠵᠠᠭᠤᠨᠤ ᠰᠤᠷᠠᠭ ᠵᠠᠩᠬᠢᠴᠢᠯᠠᠭᠰᠠᠨ ᠴᠠᠭ ᠡᠷᠡᠨᠳ᠋ᠤ ᠠᠮᠢᠳᠤᠷᠠᠵᠦ ᠶᠠᠪᠤᠭᠠ ᠤᠷᠠᠨ ᠪᠦᠳᠦᠬᠡᠯᠴᠢᠳ ᠮᠢᠨᠢ ᠰᠤᠩᠭᠤᠳᠠᠭ ᠪᠦᠳᠦᠬᠡᠯᠢ ᠪᠠᠶᠢᠨ ᠲᠠᠬᠢᠨ ᠤᠩᠰᠢᠵᠦ ᠪᠢᠯᠢᠭ ᠤᠬᠠᠭᠠᠨᠢᠶᠡᠨ ᠲᠡᠵᠢᠬᠡᠵᠦ ᠂ ᠮᠤᠩᠭᠤᠯ ᠰᠤᠶᠤᠯᠤᠨ ᠬᠦᠭᠵᠢᠯᠳᠡᠳ᠋ᠤ ᠦᠪᠡᠷᠤᠨ ᠬᠦᠴᠦᠨ ᠵᠢᠳᠬᠦᠯᠢᠶᠡᠨ ᠡᠷᠬᠦᠬᠦᠨᠢ ᠵᠦᠢᠳᠠᠢ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠷᠢᠭᠤᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃