2025-05-26 10:37:03
ᠨᠠᠢᠷᠠᠭᠤᠯᠤᠭᠴᠢ ᠵᠢᠨ ᠦᠬᠡ᠄ ᠨᠡᠢᠳᠡ ᠤᠯᠠᠨᠤ ᠰᠡᠳᠭᠢᠯ ᠢ ᠰᠢᠵᠢᠮᠳᠡᠭᠰᠡᠨ ᠶᠡᠬᠡ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠳ᠋ᠤ ᠰᠤᠷᠤᠭᠴᠢ ᠡᠯᠰᠡᠬᠦ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠬᠤᠨᠤᠭ ᠳᠤᠭᠠᠯᠠᠭᠰᠠᠭᠠᠷ ᠬᠦᠷᠦᠭᠡᠳ ᠢᠷᠡᠯᠠ᠃ ᠦᠷᠯᠦᠭᠡ ᠦᠳᠡᠰᠢ ᠵᠢ ᠲᠡᠮᠡᠴᠡᠨ᠂ ᠬᠠᠭᠤᠳᠠᠰᠤ ᠬᠠᠭᠤᠳᠠᠰᠤ ᠰᠢᠯᠭᠠᠯᠳᠠ ᠤᠪᠤᠭᠠ ᠤᠪᠤᠭᠠ ᠰᠡᠳᠦᠪ ᠵᠢᠡᠷ ᠦᠪᠡᠷᠢ ᠪᠠᠨ ᠰᠤᠷᠢᠵᠤ ᠪᠤᠯᠪᠠᠰᠤᠷᠠᠵᠤ ᠢᠷᠡᠭᠰᠡᠨ ᠲᠠᠬᠦᠦ ᠨᠡᠷ ᠮᠠᠨᠢ ᠤᠶᠤᠨ ᠮᠡᠳᠡᠯᠬᠡ ᠵᠢᠨ ᠦᠷᠢᠰᠦᠯᠳᠦᠬᠡᠨ ᠵᠢᠷᠦᠬᠡᠨ ᠳᠠᠮᠢᠷᠤᠨ ᠰᠤᠷᠢᠯᠳᠠ ᠪᠤᠯᠤᠭᠰᠠᠨ ᠲᠡᠷᠡ ᠬᠦ᠌ ᠰᠢᠯᠭᠠᠯᠳᠠ ᠵᠢᠨ ᠳᠠᠯᠠᠪᠠᠢ ᠳ᠋ᠤ ᠤᠳᠠᠯ ᠦᠬᠡᠢ ᠦᠷᠢᠰᠦᠯᠳᠦᠬᠦ ᠪᠤᠯᠤᠨᠠ᠃ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠬᠡᠭᠴᠢ ᠲᠠ ᠨᠠᠷᠤᠨ ᠠᠮᠢᠳᠤᠷᠠᠯᠤᠨ ᠠᠶᠠᠨ ᠳ᠋ᠤ ᠳᠤᠬᠢᠶᠠᠭᠰᠠᠨ ᠨᠢᠬᠡᠨ ᠦᠨᠳᠦᠷᠬᠡᠨ ᠳᠠᠪᠠᠭᠠ ᠳᠡᠳᠦᠢ᠃ 《ᠰᠡᠳᠬᠢᠯ ᠪᠠᠢᠪᠠᠯ ᠵᠢᠳᠬᠦᠯ ᠲᠦᠷᠦᠨᠡ᠂ ᠵᠢᠳᠬᠦᠯ ᠪᠠᠢᠪᠠᠯ ᠪᠦᠳᠦᠬᠡᠯ ᠲᠦᠷᠦᠨᠡ》 ᠬᠡᠳᠡᠭ ᠵᠢᠡᠷ ᠠᠷᠪᠠ ᠭᠠᠷᠤᠢ ᠵᠢᠯᠤᠨ ᠰᠢᠷᠭᠠᠭᠤ ᠴᠢᠷᠮᠠᠢᠯᠭᠠ ᠪᠡᠷᠢᠶᠡᠨ ᠡᠨᠡ ᠬᠦ᠌ ᠲᠠᠪᠠᠭᠠ ᠵᠢ ᠰᠢᠯᠤᠭᠤᠬᠠᠨ ᠲᠠᠪᠠᠨᠠ ᠭᠡᠳᠡᠭ ᠲᠡᠭᠡᠨ ᠢᠳᠡᠭᠡᠭᠡᠷᠡᠢ᠃
ᠡᠨᠡ ᠵᠢᠯ ᠪᠤᠯ ᠮᠠᠨ ᠤ᠋ ᠤᠷᠤᠨ 《3 + 1+ 2》 ᠰᠢᠨᠡ ᠬᠡᠯᠪᠡᠷᠢ ᠵᠢᠨ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠵᠢ ᠬᠡᠷᠡᠭᠵᠢᠬᠦᠯᠬᠦ ᠠᠩᠬᠠᠨᠤ ᠵᠢᠯ ᠪᠤᠯᠤᠨᠠ᠂ ᠡᠭᠦᠨᠤ ᠬᠠᠮᠳᠤ ᠶᠡᠬᠡ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠳ᠋ᠤ ᠰᠤᠷᠤᠭᠴᠢ ᠡᠯᠰᠡᠬᠦ ᠡᠷᠡᠮᠡᠯᠵᠡᠯ ᠳᠠᠭᠯᠠᠬᠤ ᠲᠠᠯᠠ ᠪᠡᠷ ᠴᠤ᠌ ᠵᠡᠷᠬᠡᠴᠡᠬᠡ ᠡᠷᠡᠮᠡᠯᠵᠡᠯ ᠳᠠᠭᠯᠠᠬᠤ ᠠᠷᠭᠠ ᠵᠢ ᠬᠡᠷᠡᠭᠵᠢᠬᠦᠯᠦᠨᠡ᠃ ᠰᠢᠨᠡ ᠰᠢᠯᠭᠠᠯᠳᠠ ᠵᠢᠨ ᠬᠡᠯᠪᠡᠷᠢ ᠳ᠋ᠤ ᠵᠤᠬᠢᠴᠠᠵᠤ᠂ ᠰᠤᠷᠭᠠᠭᠤᠯᠢ᠂ ᠪᠠᠭᠰᠢ᠂ ᠬᠡᠷᠤᠨ ᠠᠬᠠᠮᠠᠳ ᠬᠢᠷᠢ ᠵᠡᠷᠭᠡ ᠪᠡᠯᠡᠳᠭᠡᠯ ᠬᠢᠭᠰᠡᠨ᠂ ᠰᠤᠷᠤᠭᠴᠢᠳ ᠦᠯᠡᠳᠡᠵᠦ ᠪᠠᠢᠭᠠ ᠤᠬᠤᠷᠬᠠᠨ ᠴᠠᠭ ᠵᠢᠡᠨ ᠬᠡᠷᠬᠢᠨ ᠠᠰᠢᠭᠯᠠᠬᠤ᠂ ᠰᠡᠳᠬᠢᠯᠤᠨ ᠡᠷᠡᠬᠡᠯᠵᠡᠯ ᠬᠦᠯᠢᠶᠡᠰᠤ ᠪᠠᠨ ᠶᠠᠭᠠᠬᠢᠨ ᠠᠯᠳᠠᠷᠠᠭᠠᠬᠤ᠂ ᠰᠢᠯᠭᠠᠯᠳᠠ ᠵᠢᠨ ᠳᠠᠯᠠᠪᠠᠢ ᠳ᠋ᠤ ᠦᠪᠡᠷᠤᠨ ᠬᠢᠷᠢ ᠪᠦᠳᠦᠮᠵᠢ ᠪᠠᠨ ᠬᠡᠷᠬᠢᠨ ᠰᠠᠢᠨ ᠪᠠᠳᠠᠷᠠᠭᠤᠯᠬᠤ ᠳᠤᠬᠠᠢ ᠳᠤᠰᠠ ᠳᠡᠮ ᠬᠠᠩᠭᠠᠬᠤ ᠵᠢ ᠵᠤᠷᠢᠵᠤ᠂ ᠪᠢᠳᠡ ᠦᠩᠬᠡᠷᠡᠭᠰᠡᠨ ᠵᠢᠯ ᠤᠯᠤᠰᠤᠨ ᠨᠢᠭᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠳ᠋ᠤ ᠤᠷᠤᠯᠴᠠᠨ ᠰᠡᠳᠭᠢᠯ ᠳ᠋ᠡᠭᠡᠨ ᠲᠠᠭᠠᠯᠠᠬᠳᠠᠬᠰᠠᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠶᠠᠪᠤᠬᠰᠠᠨ ᠨᠤᠮᠤᠨ ᠠᠬᠠ ᠡᠬᠡᠴᠢ ᠨᠠᠷ ᠵᠢᠴᠢ ᠲᠤᠷᠰᠢᠯᠭᠠ ᠪᠠᠶᠠᠨ ᠪᠠᠭᠰᠢ᠂ ᠬᠡᠷᠤᠨ ᠠᠬᠠᠮᠠᠳ ᠡᠴᠡ ᠨᠠᠨᠳᠢᠨ ᠵᠦᠪᠯᠡᠯᠬᠡ ᠠᠪᠴᠤ ᠰᠢᠯᠭᠠᠯᠳᠠ ᠳ᠋ᠤ ᠪᠡᠯᠡᠳᠭᠡᠭᠡ ᠳᠡᠬᠦᠦ ᠨᠡᠷ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠠᠵᠤ ᠪᠠᠢᠨᠠ᠃

ᠬᠤᠰᠢᠭᠤᠴᠢᠨ᠂ ᠲᠦᠪᠤᠨ ᠡᠳ᠋ᠤᠨ ᠵᠠᠰᠠᠭ ᠠᠵᠤ ᠠᠬᠤᠢ ᠵᠢᠨ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡᠳᠦᠭᠡᠷ ᠤᠨᠤ ᠤᠶᠤᠳᠠᠨ᠃ 2024 ᠤᠨ ᠳ᠋ᠤ ᠤᠷᠳᠤᠰ ᠬᠤᠳᠠ ᠵᠢᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠳᠡᠬᠦᠰᠴᠡᠢ᠃
ᠬᠦᠰᠡᠯ ᠬᠦᠪᠦᠷᠡᠬᠦᠯᠵᠦ ᠮᠦᠷᠦᠬᠡᠳᠦᠯ ᠪᠢᠯᠬᠠᠭᠤᠯᠤᠭᠰᠠᠨ ᠵᠢᠷᠭᠤᠭᠠᠨ ᠰᠠᠷᠠ ᠳ᠋ᠤ ᠲᠦᠮᠡ ᠮᠢᠩᠭᠠᠨ ᠰᠤᠷᠤᠭᠴᠢᠳ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠵᠢᠨ ᠳᠠᠯᠠᠪᠤᠷ ᠲᠤ᠌ ᠤᠶᠤᠨ ᠤᠬᠠᠭᠠᠨ ᠵᠢᠡᠨ ᠰᠤᠷᠢᠳᠠᠭ᠃ ᠰᠢᠯᠭᠠᠯᠳᠠ ᠬᠠᠭᠠᠯᠭᠠᠨ ᠭᠠᠳᠠᠨᠠ ᠰᠠᠭᠠᠳᠠᠯᠠ᠃ ᠬᠡᠳᠦ ᠤᠳᠠᠭᠠ ᠵᠢᠨ ᠲᠦᠰᠦᠬᠡᠳᠦᠬᠦᠯᠬᠦ ᠰᠤᠷᠢᠯᠳᠠ ᠰᠢᠯᠭᠠᠯᠳᠠ ᠪᠡᠷ ᠳᠠᠮᠵᠢᠵᠤ᠂ ᠨᠤᠮᠤᠨ ᠳᠡᠬᠦᠦ ᠨᠠᠷ ᠮᠠᠨᠢ ᠦᠪᠡᠷᠤᠨ ᠰᠡᠳᠦᠪ ᠬᠠᠷᠢᠭᠤᠯᠬᠤ ᠠᠢᠵᠠᠮ ᠵᠢᠡᠨ ᠤᠯᠵᠤ᠂ ᠦᠪᠡᠷᠤᠨ ᠬᠢᠷᠢ ᠪᠦᠳᠦᠮᠵᠢ ᠳ᠋ᠡᠬᠡᠨ ᠨᠡᠯᠢᠶᠡᠳ ᠳᠤᠭᠠ ᠳᠠᠢ ᠪᠤᠯᠤᠭᠰᠠᠨ ᠪᠠᠢᠬᠠ ᠡ᠃ ᠬᠡᠪᠡᠴᠦ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠵᠢᠨ ᠳᠠᠯᠠᠪᠠᠢ ᠳ᠋ᠤ ᠲᠠ ᠦᠪᠡᠷᠤᠨ ᠳᠠᠯᠳᠠ ᠴᠢᠳᠠᠪᠤᠷᠢ ᠪᠠᠨ ᠪᠠᠳᠠᠷᠠᠭᠤᠯᠵᠤ ᠨᠡᠩ ᠰᠢᠯᠢᠳᠡᠭ ᠬᠢᠷᠢ ᠪᠦᠳᠦᠮᠵᠢ ᠤᠯᠬᠤ ᠵᠠᠪᠰᠢᠶᠠᠨ ᠪᠠᠰᠠ ᠪᠠᠢᠭᠠ ᠰᠢᠤ᠂ ᠳᠡᠬᠡᠬᠦ ᠪᠡᠷ ᠪᠢᠳᠡᠬᠡᠢ ᠰᠢᠨᠳᠠᠷᠠ᠂ ᠪᠢᠳᠡᠬᠡᠢ ᠰᠠᠨᠳᠤᠷ᠃
ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠵᠢᠨ ᠰᠡᠳᠦᠪ ᠮᠠᠨᠤ ᠶᠡᠷᠦ ᠵᠢᠨ ᠪᠤᠯᠪᠠᠰᠤᠷᠠᠳᠠᠭ ᠰᠡᠳᠦᠪ ᠡᠴᠡ ᠬᠦᠩᠬᠡᠨ ᠰᠢᠭ ᠰᠠᠨᠠᠭᠳᠠᠬᠤ ᠶᠤᠮ᠃ ᠡᠢᠮᠦ ᠡᠴᠡ ᠦᠯᠡᠳᠡᠵᠦ ᠪᠠᠢᠭᠠ ᠤᠬᠤᠷᠬᠠᠨ ᠴᠠᠭ ᠲᠤ᠌ ᠲᠡᠭᠦᠦ ᠨᠠᠷ ᠮᠢᠨᠢ ᠦᠪᠡᠷᠤᠨ ᠶᠡᠷᠦ ᠳ᠋ᠡᠭᠡᠨ ᠪᠤᠷᠤᠭᠤ ᠬᠢᠭᠰᠡᠨ ᠰᠡᠳᠦᠪ ᠵᠢᠡᠨ ᠳ᠋ᠦᠩᠨᠡᠵᠦ ᠳᠤᠳᠠᠭᠤ ᠮᠡᠬᠦᠰ ᠳᠠᠯᠠ ᠪᠠᠨ ᠳᠠᠬᠢᠨ ᠨᠢᠬᠡ ᠤᠳᠠᠭᠠ ᠡᠷᠬᠢᠴᠡᠬᠦᠯᠵᠦ ᠪᠠᠳᠤᠳᠬᠠᠵᠤ ᠪᠤᠯᠤᠨᠠ᠃ ᠰᠢᠯᠭᠠᠯᠳᠠ ᠳ᠋ᠤ ᠰᠠᠭᠤᠷᠢ ᠮᠡᠳᠡᠯᠬᠡ ᠪᠠᠳᠤ ᠪᠢᠰᠢ ᠪᠤᠯ ᠬᠢᠯᠪᠠᠷ ᠰᠡᠳᠦᠪᠢ ᠠᠯᠳᠠᠵᠤ ᠮᠡᠳᠡᠨᠡ᠂ ᠡᠢᠮᠦ ᠡᠴᠡ ᠰᠠᠭᠤᠷᠢ ᠮᠡᠳᠡᠯᠬᠡ ᠪᠠᠨ ᠪᠠᠳᠤᠳᠬᠠᠵᠤ᠂ ᠤᠯᠬᠤ ᠶᠤᠰᠤᠳᠠᠢ ᠬᠤᠪᠢ ᠪᠠᠨ ᠵᠠᠪᠠᠯ ᠤᠯᠬᠤ ᠬᠡᠷᠡᠭᠳᠡᠢ᠃ ᠬᠡᠯᠡ ᠪᠢᠴᠢᠭᠤᠨ ᠰᠢᠯᠭᠠᠯᠳᠠ ᠳ᠋ᠤ ᠵᠤᠬᠢᠶᠠᠯᠤᠨ ᠬᠤᠪᠢ ᠵᠢᠨ ᠡᠵᠡᠯᠡᠬᠦ ᠬᠠᠷᠢᠴᠠᠯ ᠦᠨᠳᠦᠷ ᠪᠤᠯᠬᠤᠷ ᠤᠢᠷᠠ ᠵᠢᠨ ᠬᠡᠳᠦᠨ ᠡᠳᠦᠷ ᠵᠤᠬᠢᠶᠠᠨ ᠪᠢᠴᠢᠯᠬᠡ ᠵᠢᠨ ᠪᠤᠷᠤ ᠮᠠᠲᠧᠷᠢᠶᠠᠯ ᠴᠤᠭᠯᠠᠭᠤᠯᠤᠨ ᠦᠵᠡᠵᠦ᠂ ᠰᠢᠯᠭᠠᠯᠳᠠ ᠳ᠋ᠤ ᠠᠮᠢᠳᠤᠯᠢᠭ ᠬᠡᠷᠡᠭᠯᠡᠬᠦ ᠪᠡᠷ ᠪᠡᠯᠡᠳᠬᠡᠵᠦ ᠪᠤᠯᠤᠨᠠ᠃
ᠳᠡᠬᠦᠦ ᠨᠡᠷ ᠳᠡᠬᠡᠨ ᠪᠠᠰᠠ ᠨᠢᠬᠡ ᠰᠠᠨᠠᠭᠤᠯᠬᠤ ᠨᠢ ᠬᠡᠳᠦᠢᠪᠡᠷ ᠰᠢᠯᠭᠠᠯᠳᠠ ᠤᠢᠷᠠᠳᠤᠭᠰᠠᠨ ᠪᠤᠯᠪᠠᠴᠤ ᠪᠠᠭᠰᠢ ᠰᠤᠷᠤᠭᠴᠢ ᠠᠯᠬᠤᠮ ᠵᠢᠡᠨ ᠨᠢᠬᠡᠳᠬᠡᠵᠦ ᠳᠠᠪᠳᠠᠪᠠᠯ ᠰᠠᠢᠨ᠃ ᠨᠢᠳᠤᠨᠤᠨ ᠪᠢ ᠤᠯᠤᠰ ᠲᠦᠷᠦ ᠵᠢᠨ ᠪᠠᠭᠰᠢ ᠵᠢᠨ ᠬᠠᠮᠤᠭᠤᠨ ᠰᠡᠬᠦᠯᠴᠢ ᠵᠢᠨ ᠳ᠋ᠦᠩᠨᠡᠯᠳᠡ ᠵᠢᠨ ᠬᠢᠴᠢᠶᠡᠯ ᠡᠴᠡ ᠬᠤᠴᠤᠷᠤᠭᠰᠠᠨ ᠨᠢ ᠨᠠᠳᠠ ᠳ᠋ᠤ ᠶᠡᠬᠡ ᠬᠠᠷᠠᠮᠰᠠᠯ ᠦᠯᠡᠳᠡᠬᠡᠭᠰᠡᠨ᠃ ᠪᠠᠭᠰᠢ ᠮᠠᠨᠢ ᠳᠡᠷᠡ ᠬᠢᠴᠢᠶᠡᠯ ᠳᠡᠬᠡᠷᠡ ᠤᠯᠠᠨ ᠮᠡᠳᠡᠯᠬᠡ ᠵᠢᠨ ᠴᠡᠭ ᠢ ᠬᠡᠯᠡᠵᠦ ᠰᠠᠨᠠᠭᠤᠯᠤᠭᠰᠠᠨ ᠪᠠᠢᠵᠠᠢ᠃ ᠡᠢᠮᠦ ᠡᠴᠡ ᠪᠠᠭᠰᠢ ᠵᠢᠨ ᠵᠢᠡᠨ ᠠᠢᠵᠠᠮᠢ ᠳᠠᠭᠠᠵᠤ ᠶᠠᠪᠤᠬᠤ ᠨᠢ ᠠᠰᠢᠭᠳᠠᠢ᠂ ᠤᠴᠢᠷ ᠨᠢ ᠮᠠᠨᠤ ᠪᠠᠬᠰᠢ ᠨᠠᠷ ᠪᠤᠯ ᠪᠦᠷ ᠮᠠᠰᠢ ᠪᠠᠶᠠᠯᠢᠭ ᠲᠤᠷᠰᠢᠯᠭᠠ ᠲᠠᠢ ᠰᠢᠦ᠃
ᠰᠢᠯᠭᠠᠯᠳᠠ ᠵᠢᠨ ᠳᠠᠯᠠᠪᠤᠷ ᠲᠤ᠌ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠬᠤ ᠪᠤᠯ ᠶᠡᠷᠦᠳᠡ ᠵᠢᠨ ᠦᠵᠡᠭᠳᠡᠯ᠃ ᠰᠢᠯᠭᠠᠯᠳᠠ ᠵᠢᠨ ᠰᠡᠳᠦᠪ ᠵᠢᠡᠨ ᠳᠤᠰᠴᠢᠬᠠᠭᠠᠳ ᠬᠡᠯᠡ ᠪᠢᠴᠢᠭ᠂ ᠠᠩᠭᠯᠢ ᠬᠡᠯᠡᠨᠤ ᠵᠤᠬᠢᠶᠠᠯ ᠵᠢᠡᠨ ᠶᠠᠭᠠᠬᠢᠵᠤ ᠪᠢᠴᠢᠬᠦ ᠪᠠᠨ ᠤᠯᠬᠤ ᠦᠬᠡᠢ᠂ ᠵᠠᠷᠢᠮ ᠲᠤᠮᠤ ᠦᠬᠦᠯᠡᠬᠦ ᠰᠡᠳᠦᠪ ᠢ᠋ ᠶᠠᠭᠠᠬᠢᠵᠤ ᠬᠠᠷᠢᠭᠤᠯᠬᠤ ᠪᠠᠨ ᠮᠡᠳᠡᠬᠦ ᠦᠬᠡᠢ ᠪᠠᠯᠠᠭ ᠠᠯᠳᠠᠨ ᠰᠠᠨᠳᠤᠷᠬᠤ ᠮᠠᠭᠠᠳ᠃ ᠡᠨᠡ ᠦᠶᠡ ᠳ᠋ᠤ ᠬᠦᠨ ᠠᠮᠢᠰᠬᠤᠵᠤ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠳᠤᠭᠳᠠᠪᠤᠷᠢᠵᠢᠭᠤᠯᠵᠤ᠂ ᠴᠢᠳᠠᠬᠤ ᠵᠢᠨ ᠬᠢᠷᠢ ᠳ᠋ᠤ ᠬᠠᠷᠢᠭᠤᠯᠵᠤ ᠳᠠᠭᠤᠰᠬᠠᠬᠤ ᠪᠡᠷ ᠴᠢᠷᠮᠠᠢᠬᠤ ᠬᠡᠷᠡᠭᠳᠡᠢ᠃ ᠰᠠᠨᠠᠭᠠ ᠳᠠᠢᠪᠤᠭᠤ ᠪᠤᠯ ᠤᠬᠠᠭᠠᠨ ᠰᠠᠷᠠᠭᠤᠯ ᠬᠡᠳᠡᠭ ᠵᠢᠡᠷ ᠲᠠᠢᠪᠤᠭᠤᠬᠠᠨ ᠬᠠᠨᠳᠤᠬᠤ ᠨᠢ ᠠᠮᠵᠢᠯᠳᠠ ᠵᠢᠨ ᠴᠢᠨᠢ ᠨᠢᠬᠡ ᠬᠡᠰᠡᠭ ᠰᠢᠤ᠃
ᠰᠡᠳᠦᠪ ᠬᠠᠷᠢᠭᠤᠯᠬᠤ ᠠᠷᠭᠠ ᠵᠢᠨ ᠬᠤᠪᠢ ᠳ᠋ᠤ᠂ ᠳᠡᠦᠬᠡ᠂ ᠭᠠᠵᠠᠷ ᠵᠦᠢ ᠵᠢᠨ ᠰᠡᠳᠦᠪ ᠬᠠᠷᠢᠭᠤᠯᠬᠤ ᠳ᠋ᠠᠭᠠᠨ ᠰᠡᠳᠦᠪᠤᠨ ᠱᠠᠭᠠᠷᠳᠠᠯᠭᠠ ᠪᠠᠨ ᠨᠢᠭᠳᠠᠯᠠᠵᠤ ᠦᠵᠡᠭᠡᠷᠡᠢ᠃ ᠳᠡᠦᠬᠡ ᠵᠢᠨ ᠰᠠᠳᠦᠪ ᠪᠤᠯ ᠳᠡᠦᠬᠡ ᠵᠢᠨ ᠪᠤᠳᠠᠳᠤ ᠬᠡᠷᠡᠭ ᠶᠠᠪᠤᠳᠠᠯ ᠳᠠᠢ ᠤᠶᠠᠯᠳᠤᠭᠤᠯᠵᠤ᠂ ᠦᠪᠡᠷ ᠵᠢᠡᠨ ᠵᠦᠢᠴᠢᠯᠡᠵᠦ᠂ ᠬᠤᠯᠪᠤᠨ ᠪᠤᠳᠤᠬᠤ ᠰᠡᠳᠦᠪ ᠤᠯᠠᠨ ᠪᠠᠢᠳᠠᠭ᠃ ᠭᠠᠵᠠᠷ ᠵᠦᠢ ᠵᠢᠨ ᠰᠡᠳᠦᠪ ᠶᠡᠬᠡ ᠠᠮᠢᠳᠤᠯᠢᠭ ᠪᠠᠢᠳᠠᠭ᠂ ᠵᠠᠷᠢᠮ ᠰᠡᠳᠦᠪᠢ ᠬᠡᠳᠦᠷᠬᠡᠢ ᠪᠤᠳᠤᠯᠢᠶᠠᠨᠳᠠᠢ ᠰᠡᠳᠬᠢᠵᠦ ᠪᠤᠯᠬᠤ ᠦᠬᠡᠢ᠃ ᠤᠯᠤᠰ ᠲᠦᠷᠦ ᠵᠢᠨ ᠬᠢᠴᠢᠶᠡᠯᠤᠨ ᠮᠡᠳᠡᠯᠬᠡ ᠵᠢᠨ ᠴᠡᠭ ᠨᠢ ᠳᠠᠷᠠᠬᠠᠢ ᠪᠤᠳᠠᠷᠬᠠᠢ ᠪᠤᠯᠪᠠᠴᠤ ᠰᠡᠳᠦᠪ ᠬᠠᠷᠢᠭᠤᠯᠬᠤ ᠳ᠋ᠤ ᠨᠡᠯᠢᠶᠡᠳ ᠬᠢᠯᠪᠠᠷ ᠪᠠᠢᠳᠠᠭ᠂ ᠤᠴᠢᠷ ᠨᠢ ᠵᠠᠷᠢᠮ ᠰᠤᠩᠭᠤᠬᠤ ᠰᠡᠳᠦᠪᠤᠨ ᠨᠡᠢᠳᠡᠯᠢᠭ ᠪᠤᠷᠤᠭᠤ ᠵᠦᠢᠯᠢ ᠠᠮᠠᠷᠬᠠᠨ ᠮᠡᠳᠡᠵᠦ ᠳᠡᠢᠯᠦᠨᠡ᠃ ᠤᠯᠤᠰ ᠲᠦᠷᠦᠶᠢᠨ ᠦᠭᠦᠯᠡᠬᠦ ᠰᠡᠳᠦᠪᠢ ᠬᠠᠷᠢᠭᠤᠯᠬᠤ ᠳ᠋ᠠᠭᠠᠨ ᠰᠡᠳᠦᠪᠤᠨ ᠬᠡᠪᠴᠢᠶᠡ ᠪᠠᠨ ᠠᠩᠬᠠᠷᠴᠤ᠂ ᠰᠡᠳᠬᠢᠴᠡ ᠪᠠᠨ ᠳᠤᠳᠤᠷᠬᠠᠢ ᠪᠠᠢᠯᠭᠠᠬᠤ ᠬᠡᠷᠡᠭᠳᠡᠢ᠃
ᠰᠢᠯᠭᠠᠯᠳᠠ ᠵᠢᠨ ᠳᠠᠷᠠᠭᠠ᠂ ᠰᠤᠷᠤᠭᠴᠢ ᠡᠯᠰᠡᠬᠦ ᠲᠦᠷᠦ ᠵᠢᠨ ᠪᠤᠳᠤᠯᠭᠠ ᠵᠢ ᠠᠩᠬᠠᠷᠴᠤ᠂ ᠦᠪᠡᠷᠤᠨ ᠰᠢᠯᠭᠠᠭᠰᠠᠨ ᠬᠤᠪᠢ ᠵᠢᠨ ᠤᠢᠷᠠᠯᠴᠠᠭᠠ ᠶᠡᠬᠡ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ ᠡᠯᠰᠡᠬᠦ ᠲᠦᠷᠢᠮᠢ ᠰᠠᠢᠳᠤᠷ ᠤᠢᠯᠠᠭᠠᠵᠤ᠂ ᠮᠡᠷᠬᠡᠵᠢᠯᠤᠨ ᠴᠢᠨᠠᠷ ᠵᠢᠡᠷ ᠴᠢᠩᠭᠠ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠰᠤᠷᠬᠤ ᠵᠢ ᠡᠨᠳᠡ ᠰᠠᠨᠠᠭᠤᠯᠵᠤ ᠪᠠᠢᠨᠠ᠃ ᠪᠢ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠬᠠᠤᠯᠢ ᠵᠢᠨ ᠤᠬᠠᠭᠠᠨᠤ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠰᠤᠩᠭᠤᠭᠰᠠᠨ ᠳ᠋ᠠᠭᠠᠨ ᠰᠡᠳᠬᠢᠯ ᠬᠠᠨᠤᠮᠵᠢᠳᠠᠢ ᠪᠠᠢᠨᠠ᠃
ᠢᠷᠡᠬᠡᠳᠦᠢ ᠵᠢᠨ ᠴᠢᠨᠢ ᠵᠢᠯᠤᠭᠤ ᠲᠠ ᠨᠠᠷᠤᠨ ᠭᠠᠷ ᠲᠤ᠌ ᠪᠤᠢ᠂ ᠦᠨᠳᠦᠷ ᠠᠮᠵᠢᠯᠳᠠ ᠬᠦᠰᠡᠶᠠ᠃

ᠬᠠᠢᠷᠠ᠂ ᠱᠠᠩᠬᠠᠢ ᠵᠢᠨ ᠭᠠᠳᠠᠭᠠᠳᠤ ᠬᠡᠯᠡᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡᠳᠦᠭᠡᠷ ᠤᠨᠤ ᠤᠶᠤᠳᠠᠨ᠃ 2024 ᠤᠨ ᠳ᠋ᠤ ᠰᠢᠯᠢ ᠵᠢᠨ ᠭᠤᠤᠯᠤᠨ ᠮᠤᠩᠭᠤᠯ ᠦᠨᠳᠦᠰᠦᠳᠡᠨᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠳᠡᠬᠦᠰᠴᠡᠢ᠃
ᠤᠯᠤᠰᠤᠨ ᠨᠢᠭᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠤᠢᠷᠠᠳᠴᠤ ᠢᠷᠡᠬᠦ ᠪᠡᠷ ᠰᠢᠯᠭᠠᠯᠳᠠ ᠳ᠋ᠤ ᠪᠡᠯᠡᠳᠭᠡᠭᠡ ᠲᠡᠭᠦᠦ ᠨᠠᠷ ᠲᠡᠭᠡᠨ ᠦᠪᠡᠷᠤᠨ ᠲᠤᠷᠰᠢᠯᠭᠠ ᠡᠴᠡ ᠪᠠᠨ ᠬᠤᠪᠢᠶᠠᠯᠴᠠᠶᠠ᠃
ᠰᠢᠯᠭᠠᠯᠳᠠ ᠤᠢᠷᠠᠳᠬᠤ ᠳᠤᠳᠤᠮ ᠦᠪᠡᠷᠤᠨ ᠠᠮᠠᠷᠠᠵᠤ ᠰᠤᠷᠤᠯᠴᠠᠬᠤ ᠴᠠᠭ ᠵᠢᠡᠨ ᠵᠤᠬᠢᠰᠳᠠᠢ ᠳᠤᠬᠢᠷᠠᠭᠤᠯᠬᠤ ᠴᠢᠬᠤᠯᠠ ᠳᠠᠢ᠃ ᠰᠤᠷᠤᠯᠴᠠᠬᠤ ᠴᠠᠭ ᠵᠢᠡᠨ ᠬᠡᠳᠦ ᠤᠷᠳᠤ ᠪᠠᠢᠯᠭᠠᠵᠤ ᠪᠤᠯᠬᠤ ᠦᠬᠡᠢ᠂ ᠬᠦᠢᠴᠡᠳ ᠠᠮᠠᠷᠠᠭᠰᠠᠨ ᠰᠠᠭᠤᠷᠢᠨ ᠳᠡᠬᠡᠷᠡ ᠰᠤᠷᠤᠯᠴᠠᠪᠠᠯ ᠠᠰᠢᠭᠯᠠᠮᠵᠢ ᠰᠠᠢᠨ ᠪᠠᠢᠳᠠᠭ᠂ ᠡᠰᠡ ᠳᠡᠬᠡᠪᠡᠯ ᠶᠠᠭᠠᠷᠠᠵᠤ ᠪᠠᠴᠢᠮᠳᠠᠬᠤ ᠡᠴᠡ ᠪᠤᠯᠵᠤ ᠰᠤᠷᠤᠯᠴᠠᠬᠤ ᠠᠰᠢᠭᠯᠠᠮᠵᠢ ᠳᠤᠤᠷᠠ ᠪᠤᠯᠤᠨᠠ᠃ ᠦᠯᠡᠳᠡᠵᠦ ᠪᠠᠢᠭᠠ ᠠᠷᠪᠠᠭᠠᠳᠬᠠᠨ ᠡᠳᠦᠷᠤᠨ ᠵᠠᠢ ᠳ᠋ᠤ ᠬᠡᠳᠦ ᠬᠦᠴᠢᠷ ᠰᠡᠳᠦᠪ ᠤᠷᠤᠯᠳᠤᠭᠰᠠᠨᠤ ᠬᠡᠷᠡᠭ ᠦᠬᠡᠢ᠂ ᠦᠨᠳᠦᠰᠦᠨ ᠮᠡᠳᠡᠯᠭᠡᠶᠢᠨ ᠴᠡᠭᠢᠶᠡᠨ ᠪᠠᠳᠤᠳᠠᠢ ᠡᠵᠡᠮᠰᠢᠴᠢᠭᠡᠪᠡᠯ ᠳᠤᠭᠠᠨᠤ ᠤᠬᠠᠭᠠᠨᠤ ᠰᠢᠯᠭᠠᠯᠳᠠᠶᠢᠨ ᠲᠦᠷᠦᠭᠦᠦ ᠬᠡᠳᠦᠨ ᠰᠡᠳᠦᠪᠤᠨ ᠬᠤᠪᠢ ᠵᠢ ᠠᠯᠳᠠᠯ ᠦᠭᠡᠢ ᠤᠯᠬᠤ ᠡᠨᠡᠤᠬᠡᠨ ᠳ᠋ᠤ᠃ ᠳᠡᠦᠬᠡ ᠤᠯᠤᠰ ᠲᠦᠷᠦ ᠭᠠᠵᠠᠷ ᠵᠦᠢ ᠵᠢᠨ ᠬᠢᠴᠢᠶᠡᠯ ᠵᠢᠡᠨ ᠦᠨᠳᠦᠰᠦᠨ ᠮᠡᠳᠡᠯᠬᠡ ᠪᠠᠨ ᠤᠯᠠᠮ ᠨᠢᠬᠡ ᠠᠯᠬᠤᠮ ᠪᠠᠳᠤᠳᠬᠠᠭᠰᠠᠨ ᠰᠠᠭᠤᠷᠢᠨ ᠳᠡᠬᠡᠷᠡ ᠦᠩᠬᠡᠷᠡᠭᠰᠡᠨ ᠬᠡᠳᠦᠨ ᠵᠢᠯᠤᠨ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠵᠢᠨ ᠰᠡᠳᠦᠪ ᠢ ᠲᠤᠭᠤᠯᠵᠤ ᠪᠤᠯᠤᠨᠠ᠃
ᠰᠢᠯᠭᠠᠯᠳᠠ ᠳ᠋ᠤ ᠬᠦᠴᠢᠷ ᠰᠡᠳᠦᠪ ᠳᠤᠬᠢᠶᠠᠯᠳᠤᠪᠠᠯ ᠪᠠᠯᠢᠳᠠᠵᠤ ᠰᠠᠨᠳᠤᠷᠤᠭᠰᠠᠨ ᠤ᠋ ᠬᠡᠷᠡᠭ ᠦᠬᠡᠢ᠂ ᠴᠢ ᠴᠢᠳᠠᠬᠤ ᠦᠬᠡᠢ ᠪᠤᠯ ᠪᠤᠰᠤᠳ ᠬᠦᠮᠦᠰ ᠴᠤ᠌ ᠴᠢᠳᠠᠬᠤ ᠦᠬᠡᠢ ᠬᠡᠵᠦ ᠪᠤᠳᠤᠴᠢᠬᠠ᠃ ᠬᠦᠴᠢᠷ ᠰᠡᠳᠦᠪ ᠵᠢᠡᠨ ᠤᠷᠢᠳ ᠵᠢᠡᠷ ᠦᠯᠡᠳᠡᠬᠡᠵᠦ᠂ ᠴᠢᠳᠠᠬᠤ ᠰᠡᠳᠦᠪ ᠵᠢᠡᠨ ᠪᠦᠬᠦᠨᠢ ᠬᠢᠵᠦ ᠳᠠᠭᠤᠰᠬᠠᠭᠰᠠᠨᠤ ᠳᠠᠷᠠᠭᠠ ᠴᠠᠭ ᠦᠯᠡᠳᠡᠪᠡᠯ ᠬᠦᠴᠢᠷ ᠰᠡᠳᠦᠪ ᠵᠢᠡᠨ ᠳᠠᠬᠢᠨ ᠤᠷᠤᠯᠳᠤᠵᠤ ᠬᠢ᠃ ᠨᠡᠢᠬᠡᠮᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠰᠢᠯᠭᠠᠯᠳᠠ ᠵᠢ ᠬᠠᠷᠢᠭᠤᠯᠬᠤ ᠳ᠋ᠠᠭᠠᠨ ᠰᠡᠳᠦᠪᠤᠨ ᠱᠠᠭᠠᠷᠳᠠᠯᠭᠠ ᠪᠠᠨ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠤᠩᠰᠢᠬᠤ ᠬᠡᠷᠡᠭᠳᠡᠢ᠂ ᠵᠠᠷᠢᠮ ᠦᠶᠡ ᠳ᠋ᠤ ᠨᠢᠬᠡ ᠦᠬᠡ ᠦᠰᠦᠭᠤᠨ ᠵᠦᠷᠢᠶᠠ ᠡᠴᠡ ᠪᠤᠯᠵᠤ ᠡᠨᠳᠡᠬᠦᠦ ᠪᠤᠷᠤᠭᠤ ᠤᠢᠯᠠᠭᠠᠵᠤ ᠮᠡᠳᠡᠨᠡ᠃ ᠰᠡᠭᠦᠯᠴᠢᠶᠢᠨ ᠦᠭᠦᠯᠡᠬᠦ ᠰᠡᠳᠦᠪᠢ ᠬᠢᠬᠦ ᠳ᠋ᠤ ᠮᠠᠲ᠋ᠧᠷᠢᠶᠠᠯ ᠵᠢᠡᠨ ᠰᠠᠢᠨ ᠤᠢᠯᠠᠭᠠᠭᠰᠠᠨ ᠰᠠᠭᠤᠷᠢᠨ ᠳᠡᠬᠡᠷᠡ ᠬᠢᠴᠢᠶᠡᠯᠤᠨ ᠲᠡᠪᠳᠡᠷ ᠳᠡᠬᠡᠷᠡᠬᠢ ᠮᠡᠳᠡᠯᠬᠡ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠤ ᠬᠠᠷᠢᠭᠤᠯᠪᠠᠯ ᠪᠤᠯᠴᠢᠬᠠᠨᠠ᠃
ᠰᠢᠯᠭᠠᠯᠳᠠ ᠡᠴᠡ ᠡᠮᠦᠨᠡ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠬᠤ ᠨᠢ ᠡᠩᠤᠨ ᠦᠵᠡᠭᠳᠡᠯ ᠪᠠᠢᠬᠠ ᠡ ? ᠡᠢᠮᠦ ᠦᠶᠡ ᠳ᠋ᠤ ᠬᠡᠷᠤᠨ ᠬᠦᠮᠦᠰ ᠳᠡᠬᠡᠨ ᠤᠳᠠᠰᠤᠳᠠᠵᠤ ᠶᠠᠷᠢᠵᠤ ᠪᠤᠯᠤᠨᠠ᠂ ᠳᠠᠭᠤᠤ ᠰᠤᠨᠤᠰᠬᠤ᠂ ᠳᠠᠮᠢᠷᠤᠨ ᠬᠦᠳᠡᠯᠬᠡᠬᠡᠨ ᠳ᠋ᠤ ᠤᠷᠤᠯᠴᠠᠬᠤ ᠮᠡᠳᠦ ᠪᠡᠷ ᠪᠡᠶᠠ ᠰᠡᠳᠬᠢᠴᠡ ᠪᠠᠨ ᠲᠠᠢᠪᠤᠰᠢᠷᠠᠭᠤᠯᠵᠤ ᠪᠤᠯᠤᠨᠠ᠃ ᠦᠪᠡᠷᠤᠨ ᠪᠡᠶᠠ ᠳ᠋ᠡᠬᠡᠨ ᠢᠳᠡᠬᠡᠯ ᠳᠠᠢ ᠪᠠᠢᠵᠤ᠂ ᠠᠮᠵᠢᠯᠳᠠ ᠮᠢᠨᠦᠬᠢ ᠬᠡᠮᠡᠨ ᠪᠠᠳᠤ ᠢᠳᠡᠬᠡᠯ ᠳᠠᠢ ᠪᠠᠢᠭᠠᠷᠠᠢ᠃
ᠲᠡᠭᠦᠦ ᠨᠠᠷ ᠲᠡᠭᠡᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯᠵᠢᠡᠨ ᠵᠢᠭᠠᠬᠠᠨ ᠬᠤᠪᠢᠶᠠᠯᠴᠠᠵᠤ ᠰᠤᠷᠤᠯᠭᠠᠶᠢᠨ ᠴᠢᠯᠡᠭᠡ ᠵᠢ ᠴᠢᠨᠢ ᠬᠤᠷᠤᠮ ᠵᠠᠭᠤᠷᠠ ᠴᠸ᠋ ᠭᠡᠰᠡᠨ ᠲᠠᠢᠯᠤᠶᠠ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯ ᠭᠡᠭᠴᠢ ᠦᠨᠳᠦᠷ ᠳᠤᠮᠳᠠᠳᠤ ᠵᠢᠨ ᠦᠶᠠ ᠳᠠᠢ ᠬᠠᠷᠢᠴᠠᠭᠤᠯᠪᠠᠯ ᠨᠡᠩ ᠢᠯᠡᠬᠦᠦ ᠦᠪᠡᠷᠤᠨ ᠬᠡᠬᠦ ᠰᠤᠯᠡ ᠰᠡᠯᠡᠬᠦᠦ ᠴᠠᠭ ᠳᠠᠢ ᠪᠤᠯᠵᠤ᠂ ᠦᠪᠡᠷᠤᠨ ᠳᠤᠷᠠᠳᠠᠢ ᠵᠦᠢᠯ ᠵᠢᠡᠨ ᠬᠢᠵᠦ ᠪᠤᠯᠤᠨᠠ᠃ ᠪᠢ ᠰᠤᠷᠭᠠᠭᠤᠯᠢ ᠵᠢᠨᠢᠶᠡᠨ ᠪᠡᠬᠢᠯᠡᠯᠳᠡ ᠪᠦᠮᠪᠦᠬᠡ ᠵᠢᠨ ᠪᠦᠯᠬᠦᠮ ᠳ᠋ᠤ ᠤᠷᠤᠯᠴᠠᠵᠤ ᠤᠯᠠᠨ ᠵᠦᠢᠯᠢ ᠰᠤᠷᠴᠠᠢ᠃ ᠦᠨᠡᠨ ᠳ᠋ᠡᠭᠡᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ ᠡᠯᠡ ᠵᠦᠢᠯᠤᠨ ᠤᠷᠤᠯᠳᠤᠭᠠᠨ ᠮᠦᠷᠦᠢᠴᠡᠬᠡᠨ ᠦᠷᠬᠦᠯᠵᠢ ᠶᠠᠪᠤᠬᠳᠠᠵᠤ᠂ ᠤᠶᠤᠳᠠᠳᠤᠨ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠵᠤ᠂ ᠦᠪᠡᠷ ᠢ᠋ ᠪᠠᠨ ᠡᠯᠡ ᠳᠠᠯᠠ ᠪᠡᠷ ᠳᠠᠪᠳᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠳ᠋ᠤ ᠨᠦᠬᠦᠴᠡᠯ ᠬᠠᠩᠭᠠᠵᠤ ᠪᠠᠢᠳᠠᠭ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯ ᠬᠡᠭᠴᠢ ᠳᠠᠨᠤ ᠰᠠᠨᠠᠭᠰᠠᠨ ᠰᠢᠭ᠋ ᠰᠠᠢᠬᠠᠨ ᠶᠤᠮ ᠡ !
ᠲᠡᠭᠦᠦ ᠨᠡᠷ ᠮᠢᠨᠢ᠂ ᠰᠢᠯᠭᠠᠯᠳᠠ ᠡᠴᠡ ᠪᠢᠳᠡᠬᠡᠢ ᠠᠶᠤ᠂ ᠶᠠᠭᠤ ᠪᠦᠬᠦᠨ ᠰᠠᠢᠬᠠᠨ ᠵᠦᠭ ᠤᠢᠷᠠᠳᠴᠤ ᠪᠠᠢᠨᠠ᠃ ᠡᠭᠡᠴᠢ ᠨᠢ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠠᠭᠠᠨ ᠲᠠ ᠨᠠᠷᠢᠶᠡᠨ ᠬᠦᠯᠢᠶᠡᠨ ᠪᠠᠢᠨᠠ ᠰᠢᠦ !

ᠬᠠᠨ ᠶᠤᠸᠠᠨ ᠶᠤᠸᠠᠨ᠂ ᠨᠠᠨᠵᠢᠩᠤᠨ ᠰᠢᠤᠳᠠᠨᠤ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠨᠢᠭᠡᠳᠦᠭᠡᠷ ᠤᠨᠤ ᠤᠶᠤᠳᠠᠨ᠃ 2024 ᠤᠨ ᠳ᠋ᠤ ᠬᠢᠩᠭᠠᠨ ᠠᠢᠮᠠᠭᠤᠨ ᠤᠯᠠᠭᠠᠨᠬᠤᠳᠠ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠳᠡᠬᠦᠰᠴᠡᠢ᠃
ᠵᠤᠨ ᠪᠤᠯᠵᠤ ᠵᠦᠢᠯᠤᠨ ᠴᠡᠴᠡᠭᠡᠰ ᠲᠡᠯᠭᠡᠷᠡᠬᠦ ᠪᠡᠷ᠂ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠤ ᠨᠠᠷᠢᠬᠠᠨ ᠵᠦᠷᠢᠭᠢᠶᠡᠷ ᠰᠡᠯᠡᠬᠦᠴᠡᠨ᠂ ᠲᠠᠮᠢᠷᠤᠨ ᠲᠠᠯᠠᠪᠠᠢᠪᠠᠷ ᠭᠦᠶᠦᠬᠦ ᠳ᠋ᠡᠭᠡᠨ ᠦᠨᠳᠦᠷ ᠳᠤᠮᠳᠠᠳᠤᠶᠢᠨ ᠲᠡᠭᠦᠰᠬᠦ ᠤᠨᠤ ᠲᠡᠭᠦᠦ ᠨᠠᠷᠢᠶᠡᠨ ᠡᠷᠬᠡ ᠦᠭᠡᠢ ᠰᠠᠨᠠᠯᠠ᠃ ᠲᠠ ᠨᠠᠷ ᠮᠢᠨᠢ ᠵᠦᠳᠡᠷᠡᠯᠡ !
ᠨᠢᠳᠤᠨᠤᠨᠤ ᠡᠨᠡ ᠦᠶᠡ ᠪᠡᠷ ᠪᠢ ᠴᠸ᠋ ᠲᠠ ᠨᠠᠷ ᠲᠠᠢ ᠠᠳᠠᠯᠢᠬᠠᠨ ᠠᠩᠬᠢᠶᠢᠨ ᠭᠡᠷ᠂ ᠲᠠᠮᠢᠷᠤᠨ ᠲᠠᠯᠠᠪᠤᠷ᠂ ᠨᠤᠮᠤᠨ ᠰᠠᠩ ᠭᠡᠮᠡᠨ ᠠᠯᠢ ᠲᠠᠭᠠᠳᠠᠢ ᠲᠠᠪᠠᠳᠠᠢ ᠭᠠᠵᠠᠷ ᠰᠤᠩᠭᠤᠨ ᠨᠠᠮ ᠵᠢᠮᠬᠡᠨ ᠰᠠᠭᠤᠭᠠᠳ ᠬᠢᠴᠢᠶᠡᠯ ᠲᠦᠷᠦᠯᠢᠶᠡᠨ ᠲᠠᠪᠳᠠᠵᠤ᠂ ᠴᠡᠭᠡᠵᠢᠯᠡᠵᠦ ᠪᠠᠢᠬᠰᠠᠨ ᠳ᠋ᠠ᠃ ᠲᠡᠷᠡ ᠦᠶᠡ ᠳ᠋ᠤ ᠬᠦᠶᠢ ᠪᠠᠢᠵᠠ ᠵᠢ ᠬᠦᠯᠢᠶᠡᠯ ᠦᠭᠡᠢ ᠤᠷᠤᠰᠤᠨ ᠤᠳᠬᠤ ᠴᠠᠭ ᠮᠦᠴᠡ᠂ ᠦᠵᠡᠵᠦ ᠠᠮᠵᠢᠭᠠ ᠦᠭᠡᠢ ᠨᠤᠮ ᠳᠡᠪᠳᠡᠷ᠂ ᠬᠢᠵᠦ ᠠᠮᠵᠢᠭᠠ ᠦᠭᠡᠢ ᠰᠢᠯᠭᠠᠯᠳᠠᠶᠢᠨ ᠬᠠᠭᠤᠳᠠᠰᠤᠶᠢᠨ ᠡᠮᠦᠨᠡ ᠶᠠᠭᠤ ᠬᠢᠬᠦ ᠪᠠᠨ ᠤᠯ ᠶᠠᠳᠠᠬᠰᠠᠨ ᠨᠠᠳᠠ ᠲᠠᠢ ᠠᠳᠠᠯᠢᠬᠠᠨ ᠲᠠ ᠨᠠᠷ ᠮᠢᠨᠢ ᠪᠠᠰᠠ ᠪᠠᠴᠢᠮᠳᠠᠨ ᠰᠠᠨᠳᠤᠷᠴᠤ ᠪᠠᠢᠨᠠ ᠤᠤ ? ᠭᠡᠪᠡᠴᠦ ᠪᠤᠷᠤᠭᠠᠨ ᠰᠠᠯᠬᠢᠨᠢ ᠬᠠᠢᠬᠤᠷᠤᠯ ᠦᠭᠡᠢ ᠰᠢᠳᠦ ᠵᠠᠭᠤᠨ 《 ᠪᠠᠢᠯᠳᠤᠭᠰᠠᠨ》 ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ᠂ ᠡᠷᠳᠡᠮ ᠮᠡᠳᠡᠯᠭᠡᠶᠢᠨ ᠲᠦᠯᠦᠭᠡ ᠴᠦᠬᠦᠷᠡᠰᠢ ᠦᠬᠡᠢ ᠰᠤᠷᠴᠤ ᠰᠣᠳᠤᠯᠵᠤ᠂ ᠴᠢᠳᠠᠬᠤ ᠦᠬᠡᠢ ᠮᠡᠳᠡᠬᠦ ᠦᠭᠡᠢ ᠰᠡᠳᠦᠪ ᠵᠢᠡᠨ ᠳᠠᠬᠢᠨ ᠳᠠᠪᠳᠠᠨ ᠬᠢᠵᠦ ᠪᠤᠯᠪᠠᠰᠤᠷᠠᠭᠰᠠᠨ ᠵᠤᠷᠢᠭ ᠰᠦᠰᠦ᠂ ᠳᠤᠭᠠ ᠳᠤᠮᠰᠢ ᠦᠬᠡᠢ ᠦᠷᠢᠰᠦᠯᠳᠦᠬᠡᠨ ᠳᠠᠪᠳᠠᠯᠳᠠ ᠵᠢ ᠲᠠᠪᠠᠵᠤ ᠲᠤᠭᠤᠯᠵᠤ ᠢᠷᠡᠭᠰᠡᠨ ᠤᠶᠤᠨ ᠤᠬᠠᠭᠠᠨ ᠴᠢᠨᠢ ᠲᠠ ᠨᠠᠷ ᠲᠸ᠋ ᠠᠭᠤᠯᠠ ᠤᠪᠤᠭᠠ ᠠᠮᠵᠢᠯᠳᠠ ᠪᠡᠯᠡᠭᠯᠡᠬᠦ ᠨᠢ ᠯᠠᠪᠳᠠᠢ᠃ ᠦᠯᠡᠳᠡᠭᠡᠳ ᠪᠠᠢᠭᠠ ᠠᠷᠪᠠᠭᠠᠳ ᠡᠳᠦᠷ ᠪᠤᠯ ᠮᠠᠰᠢ ᠴᠢᠬᠤᠯᠠ ᠶᠤᠮ᠂ ᠲᠠ ᠨᠠᠷ ᠮᠢᠨᠢ ᠲᠠᠢᠪᠤᠭᠤᠬᠠᠨ ᠪᠠᠢᠵᠤ᠂ ᠯᠠᠪᠳᠠᠭᠤᠬᠠᠨ ᠬᠠᠨᠳᠤᠭᠠᠷᠠᠢ᠃
ᠪᠠᠢᠭᠠᠯᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠰᠢᠯᠭᠠᠯᠳᠠ ᠳ᠋ᠤ ᠰᠠᠭᠤᠷᠢ ᠮᠡᠳᠡᠯᠬᠡ ᠪᠣᠯ ᠵᠠᠩᠭᠢᠯᠠᠭᠠ ᠪᠤᠯᠤᠨᠠ᠃ ᠲᠣᠭᠠ᠂ ᠹᠢᠽᠢᠺ᠂ ᠬᠢᠮᠢᠶᠢᠨ ᠠᠯᠢ ᠲᠦᠷᠦᠯ ᠨᠢ ᠴᠸ᠋ ᠭᠡᠰᠡᠨ ᠤᠬᠠᠭᠳᠠᠬᠤᠨ᠂ ᠲᠣᠮᠢᠶᠠ ᠪᠠ ᠪᠠᠲᠤᠶᠣᠰᠤ ᠪᠠᠨ ᠳᠤᠭᠤᠷᠠᠳᠠᠯᠠ ᠡᠵᠡᠮᠰᠢᠬᠦ ᠬᠡᠷᠡᠭᠳᠡᠢ᠃ ᠳᠡᠳᠡᠬᠡᠷ ᠮᠡᠳᠡᠯᠬᠡ ᠵᠢᠨ ᠴᠡᠭ ᠨᠢ ᠮᠠᠨ ᠤ᠋ ᠰᠡᠳᠦᠪ ᠵᠠᠳᠠᠯᠬᠤ ᠵᠢᠨ ᠴᠢᠬᠤᠯᠠ ᠵᠡᠪᠰᠡᠭ ᠪᠤᠯᠤᠨᠠ᠃ ᠭᠠᠭᠴᠠ ᠬᠦ᠌ ᠰᠠᠭᠤᠷᠢᠪᠠᠨ ᠪᠠᠲᠤᠳᠬᠠᠪᠠᠯ ᠰᠠᠶᠢ ᠬᠣᠢᠰᠢᠳᠠᠶᠢᠨ ᠰᠡᠳᠦᠪ ᠵᠠᠳᠠᠯᠵᠤ ᠠᠰᠠᠭᠤᠳᠠᠯᠢ ᠰᠢᠢᠳᠪᠦᠷᠢᠯᠡᠬᠦ ᠳ᠋ᠤ ᠳᠠᠳᠮᠠᠭᠠᠢ ᠪᠤᠯᠵᠤ ᠴᠢᠳᠠᠨᠠ᠃ ᠤᠬᠤᠷᠬᠠᠨ ᠡᠳᠡᠭᠡᠷ ᠡᠳᠦᠷᠤᠳ ᠲᠸ᠋ ᠤᠳᠤ ᠪᠢᠳᠡ ᠬᠢᠴᠢᠶᠡᠯᠦᠨ ᠳᠡᠪᠲᠡᠷᠲᠡᠬᠡᠨ ᠪᠤᠴᠠᠵᠤ᠂ ᠮᠡᠳᠡᠯᠭᠡᠶᠢᠨ ᠴᠡᠭᠵᠢᠡᠨ ᠬᠤᠷᠢᠶᠠᠩᠭᠤᠢᠯᠡᠨ ᠳ᠋ᠦᠩᠨᠡᠵᠦ᠂ ᠠᠳᠠᠯᠢᠪᠲᠤᠷ ᠠᠰᠠᠭᠤᠳᠠᠯᠢ ᠲᠦᠷᠦᠯᠵᠢᠭᠦᠯᠦᠨ᠂ ᠲᠡᠭᠦᠨᠦ ᠳᠣᠲᠤᠷᠠᠬᠢ ᠵᠢᠮᠡ ᠶᠣᠰᠣ᠌ ᠪᠠ ᠨᠡᠢᠲᠡᠯᠢᠭ ᠴᠢᠨᠠᠷᠢ ᠡᠷᠢᠵᠤ ᠡᠵᠡᠮᠰᠢᠨ ᠪᠠᠰᠠ ᠨᠢᠬᠡ ᠤᠳᠠᠭᠠ ᠪᠠᠳᠤᠳᠬᠠᠵᠤ ᠪᠤᠯᠤᠨᠠ᠂ ᠢᠩᠭᠢᠪᠡᠯ ᠰᠤᠷᠤᠯᠴᠠᠯᠭᠠ ᠵᠢᠨ ᠦᠷᠡ ᠪᠦᠲᠦᠮᠵᠢᠶᠢ ᠴᠢᠨᠢ ᠶᠡᠬᠡᠪᠡᠷ ᠳᠡᠭᠡᠭᠰᠢᠯᠡᠭᠦᠯᠵᠦ ᠴᠢᠳᠠᠨᠠ᠃ ᠪᠠᠰᠠ ᠰᠤᠷᠣᠯᠭᠠ ᠪᠠ ᠠᠮᠢᠳᠤᠷᠠᠯᠵᠢᠡᠨ ᠲᠡᠩᠴᠡᠭᠦᠷᠢᠲᠠᠢ ᠪᠠᠢᠯᠭᠠᠬᠤᠶᠢ ᠠᠩᠬᠠᠷᠴᠤ᠂ ᠬᠡᠲᠦᠷᠬᠡᠢ ᠶᠠᠳᠠᠷᠠᠬᠤ ᠡᠴᠡ ᠰᠡᠷᠭᠡᠢᠯᠡᠵᠦ᠂ ᠢᠳᠡᠪᠬᠢᠳᠡᠢ ᠪᠠᠶᠠᠰᠤᠩᠭᠤᠢ ᠰᠡᠳᠬᠢᠯᠬᠡ ᠪᠡᠷ ᠰᠢᠯᠭᠠᠯᠳᠠ ᠪᠠᠨ ᠤᠭᠳᠤᠬᠤ ᠬᠡᠷᠡᠭᠳᠡᠢ᠃ ᠰᠢᠯᠭᠠᠯᠳᠠ ᠵᠢᠨ ᠳᠤᠮᠳᠠ ᠬᠢᠨᠠᠭᠤᠷ ᠯᠠᠪᠳᠠᠭᠤᠨ ᠪᠠᠢᠵᠤ᠂ ᠬᠢᠨᠠᠮᠠᠭᠠᠢ ᠪᠤᠰᠤ ᠡᠴᠡ ᠪᠤᠯᠵᠤ ᠴᠢᠳᠠᠬᠤ ᠰᠡᠳᠦᠪ ᠵᠢᠡᠨ ᠠᠯᠳᠠᠬᠤ ᠡᠴᠡ ᠬᠢᠴᠢᠶᠡᠭᠡᠷᠡᠢ᠃
ᠬᠠᠢᠷᠠᠲᠤ ᠨᠣᠮᠤᠨ ᠳᠡᠭᠦᠦ ᠨᠠᠷ ᠮᠢᠨᠢ᠂ ᠰᠢᠯᠭᠠᠯᠳᠠ ᠶᠤᠮ ᠴᠢᠨᠢ ᠰᠠᠨᠳᠤᠷᠬᠤ ᠨᠢ ᠵᠠᠢᠯᠠᠰᠢ ᠦᠭᠡᠢ᠂ ᠭᠡᠪᠡᠴᠦ ᠡᠨᠡ ᠪᠠᠴᠢᠮᠳᠠᠯᠳᠤ ᠪᠢᠲᠡᠭᠡᠢ ᠬᠦᠯᠢᠶᠡᠰᠦᠯᠡᠭᠳᠡᠭᠡᠳ ᠪᠠᠢ᠃ ᠡᠳᠦᠷ ᠰᠦᠨᠢᠶᠢᠨ ᠬᠠᠲᠠᠭᠤᠵᠢᠯᠲᠠᠢ ᠰᠤᠷᠤᠯᠴᠠᠯᠭᠠ᠂ ᠬᠦᠴᠢᠷ ᠰᠡᠳᠦᠪ ᠨᠢᠭᠡᠪᠦᠷᠢᠶᠢᠨ ᠰᠢᠪᠲᠤᠯᠥᠯᠲᠠ᠂ ᠤᠳᠠᠭᠠ ᠪᠦᠷᠢᠶᠢᠨ ᠰᠤᠷᠢᠯᠳᠠ ᠰᠢᠯᠭᠠᠯᠳᠠ ᠴᠢᠨᠢ ᠪᠦᠷ ᠴᠢᠨᠦ ᠪᠣᠳᠠᠳᠤ ᠬᠦᠴᠦᠨᠦ ᠭᠡᠷᠡᠴᠢᠯᠡᠯ ᠪᠤᠯᠤᠨᠠ᠃ ᠲᠠ ᠨᠢᠭᠡᠨᠲᠡ ᠬᠠᠮᠤᠭᠤᠨ ᠪᠦᠷᠢᠨ ᠪᠡᠯᠡᠳᠭᠡᠯ ᠬᠢᠭᠰᠡᠨ᠃ ᠭᠦᠨ ᠠᠮᠢᠰᠬᠤᠵᠤ᠂ ᠲᠠᠯᠪᠢᠭᠤᠨ ᠳᠤᠭᠳᠠᠭᠤᠨ ᠵᠢᠡᠷ ᠤᠯᠤᠰᠤᠨ ᠰᠢᠯᠭᠠᠯᠲᠠᠳ᠋ᠠᠭᠠᠨ ᠦᠪᠡᠷᠦᠨ ᠴᠢᠳᠠᠪᠤᠷᠢ ᠪᠠᠨ ᠰᠤᠷᠢᠭᠠᠷᠠᠢ᠃ ᠲᠠ ᠢᠮᠠᠭᠲᠠ ᠴᠢᠷᠮᠠᠢᠭᠰᠠᠭᠠᠷ ᠢᠷᠡᠭᠰᠡᠨ᠂ ᠡᠨᠡ ᠬᠦ᠌ ᠴᠢᠷᠮᠠᠢᠯᠭᠠ ᠡᠴᠦᠰᠲᠡᠬᠡᠨ ᠴᠡᠴᠡᠭᠯᠡᠨ ᠵᠢᠮᠢᠰᠯᠡᠬᠦ ᠶᠤᠮ᠃
ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠪᠤᠯ ᠰᠤᠷᠤᠯᠴᠠᠯᠭᠠ ᠵᠢᠨ ᠬᠡᠰᠡᠭ ᠱᠠᠳᠤᠨ ᠤ᠋ ᠬᠤᠷᠢᠶᠠᠩᠭᠤᠢᠯᠠᠯ᠂ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠠᠮᠢᠳᠤᠷᠠᠯ ᠪᠤᠯ ᠪᠠᠰᠠ ᠨᠢᠬᠡᠨ ᠰᠢᠨᠡ ᠡᠬᠢᠯᠡᠯᠳᠡ ᠪᠤᠯᠤᠨᠠ᠃ ᠪᠢ ᠵᠢᠯᠤᠨ ᠡᠮᠦᠨᠡ ᠳᠠᠨᠢᠯ ᠪᠤᠰᠤ ᠤᠷᠴᠢᠨ ᠳ᠋ᠤ ᠢᠷᠡᠬᠡᠳ ᠡᠷᠡᠬᠡᠯᠵᠡᠭᠡ ᠲᠡᠭᠡᠭᠡᠷᠡ ᠳᠠᠢ ᠪᠠᠢᠭᠰᠠᠨ ᠴᠤ᠌ ᠳᠤᠷᠠ ᠰᠤᠨᠢᠷᠬᠠᠯ ᠳᠠᠢ ᠬᠢᠴᠢᠶᠡᠯᠢᠶᠡᠨ ᠰᠤᠷᠴᠤ᠂ ᠪᠠᠶᠠᠯᠢᠭ ᠰᠠᠢᠬᠠᠨ ᠠᠵᠢᠯᠯᠠᠭᠠ ᠳ᠋ᠤ ᠤᠷᠤᠯᠴᠠᠬᠤ ᠪᠡᠷ ᠲᠠᠮᠵᠢᠨ ᠮᠠᠰᠢ ᠲᠦᠷᠬᠡᠨ ᠳᠠᠰᠴᠤ᠂ ᠤᠳᠤ ᠦᠪᠡᠷᠤᠨ ᠰᠤᠷᠤᠭᠰᠠᠨ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠳ᠋ᠡᠬᠡᠨ ᠨᠡᠩ ᠪᠠᠬᠠ ᠳᠠᠢ ᠪᠤᠯᠵᠠᠢ᠃ ᠶᠡᠬᠡ ᠰᠤᠷᠭᠠᠭᠤᠯᠢ ᠵᠢᠨ ᠬᠦᠷᠢᠶᠡᠨ ᠳ᠋ᠤ ᠬᠠᠷᠠᠭᠠ ᠮᠠᠨᠢ ᠳᠡᠯᠡᠵᠦ᠂ ᠰᠢᠨᠡ ᠨᠢᠬᠡᠨ ᠬᠦᠰᠡᠯ ᠮᠦᠷᠦᠬᠡᠳᠦᠯᠤᠨ ᠵᠢᠡᠨ ᠲᠦᠯᠦᠬᠡ ᠳᠡᠮᠡᠦᠯᠵᠦ ᠪᠠᠢᠨᠠ᠃ ᠪᠢᠳᠠ ᠬᠠᠮᠳᠤ ᠳ᠋ᠠᠭᠠᠨ ᠴᠢᠷᠮᠠᠢᠵᠠᠭᠠᠶᠠ !

ᠪᠡᠯᠡᠳᠭᠡᠯ ᠰᠠᠢᠳᠠᠢ ᠪᠢᠳᠡ ᠪᠠᠯᠢᠳᠠᠬᠤ ᠦᠭᠡᠢ

ᠶᠡᠬᠡ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠳ᠋ᠤ ᠰᠤᠷᠤᠭᠴᠢ ᠡᠯᠰᠡᠬᠦ ᠤᠯᠤᠰᠤᠨ ᠨᠢᠭᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠤᠢᠷᠠᠳᠤᠯᠠ᠃ ᠪᠠᠭᠰᠢ ᠰᠤᠷᠤᠭᠴᠢᠶᠢᠨ ᠬᠦᠴᠦ ᠲᠠᠮᠢᠷ᠂ ᠤᠶᠤᠨ ᠪᠢᠯᠢᠭᠢ ᠰᠤᠷᠢᠬᠤ ᠵᠠᠩᠬᠢᠯᠠᠭᠠᠶᠢᠨ ᠮᠦᠴᠡ ᠲᠤᠯᠤᠭᠠᠳ ᠢᠷᠡᠵᠡᠢ᠃ ᠲᠡᠭᠡᠪᠡᠯ ᠡᠨᠡ ᠬᠦ᠌ ᠨᠢᠭᠡᠳᠦᠯᠳᠡᠢ ᠰᠢᠯᠭᠠᠯᠳᠠᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠬᠤᠪᠢᠷᠠᠯᠳᠠᠶᠢᠨ ᠡᠮᠦᠨᠡ ᠮᠠᠨᠤ ᠰᠤᠷᠭᠠᠭᠤᠯᠢ᠂ ᠪᠠᠬᠰᠢ ᠨᠠᠷ ᠪᠦᠷ ᠶᠠᠮᠠᠷᠬᠠᠨ ᠪᠡᠯᠡᠳᠭᠡᠯ ᠬᠢᠭᠰᠡᠨ ᠪᠤᠯ ? ᠰᠤᠷᠤᠭᠴᠢ ᠬᠡᠤᠬᠡᠳᠢᠶᠡᠨ ᠬᠡᠷᠬᠢᠨ ᠬᠠᠯᠠᠮᠵᠢᠯᠠᠵᠤ ᠤᠷᠮᠠᠰᠢᠭᠤᠯᠵᠤ ᠪᠠᠢᠭᠠ ᠪᠤᠯ ? ᠪᠢᠳᠡ ᠡᠳᠡᠭᠡᠷ ᠠᠰᠠᠭᠤᠳᠠᠯ ᠳ᠋ᠤ ᠴᠢᠭᠯᠡᠬᠦᠯᠦᠨ ᠬᠢᠩᠭᠠᠨ ᠠᠢᠮᠠᠭᠤᠨ ᠤᠯᠠᠭᠠᠨᠬᠤᠳᠠ ᠬᠤᠶᠠᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠦᠨᠳᠦᠷ ᠭᠤᠷᠪᠠ ᠵᠢᠨ ᠠᠩᠬᠢ ᠵᠢᠨ ᠡᠷᠬᠢᠯᠡᠭᠴᠢ ᠺᠠᠢ ᠬᠤᠸᠠ ᠪᠠᠭᠰᠢ ᠵᠢ ᠰᠤᠷᠪᠤᠯᠵᠢᠯᠠᠭᠰᠠᠨ ᠶᠤᠮ᠃
ᠰᠢᠯᠭᠠᠯᠳᠠ ᠵᠢᠨ ᠦᠭᠡᠷᠡᠴᠢᠯᠡᠯᠳᠡ ᠬᠤᠪᠢᠷᠠᠯᠳᠠ ᠳ᠋ᠤ ᠬᠠᠨᠳᠤᠭᠤᠯᠵᠤ᠂ ᠲᠡᠳᠡᠨᠤ ᠰᠤᠷᠭᠠᠭᠤᠯᠢ ᠡᠷᠳᠡ ᠡᠴᠡ ᠤᠯᠠᠨ ᠵᠦᠢᠯᠤᠨ ᠠᠷᠭᠠ ᠠᠪᠴᠠᠯ ᠠᠪᠴᠠᠢ᠃ ᠴᠦᠬᠡᠨ ᠪᠤᠰᠤ ᠰᠤᠷᠤᠭᠴᠢᠳᠤᠨ ᠬᠡᠯᠡ ᠪᠢᠴᠢᠭ᠂ ᠠᠩᠭᠯᠢ ᠬᠡᠯᠡᠨᠤ ᠬᠢᠷᠢ ᠪᠦᠳᠦᠮᠵᠢ ᠠᠨᠠᠢ ᠪᠠᠢᠳᠠᠯ ᠳ᠋ᠤ ᠴᠢᠭᠯᠡᠬᠦᠯᠵᠦ᠂ ᠲᠡᠳᠡ ᠡᠩ ᠳᠡᠷᠢᠬᠦᠨ ᠳ᠋ᠤ ᠪᠠᠭᠰᠢ ᠵᠢᠨ ᠡᠩᠨᠡᠬᠡ ᠵᠢᠨ ᠪᠤᠯᠪᠠᠰᠤᠷᠠᠯᠢ ᠴᠢᠩᠭᠠᠳᠬᠠᠵᠤ᠂ ᠤᠯᠠᠭᠠᠨᠬᠤᠳᠠ ᠨᠢᠬᠡᠳᠦᠬᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠡᠴᠡ ᠰᠤᠷᠭᠠᠨ ᠬᠦᠮᠦᠵᠢᠯᠢ ᠳᠡᠮᠵᠢᠬᠦ ᠪᠠᠭᠰᠢ ᠤᠷᠢᠭᠰᠠᠨ ᠪᠠᠢᠯᠠ᠃ ᠰᠤᠷᠭᠠᠭᠤᠯᠢ ᠡᠴᠡ ᠪᠠᠰᠠ ᠪᠠᠭᠰᠢ ᠨᠠᠷᠤᠨ ᠠᠢᠮᠠᠭᠤᠨ ᠳᠤᠳᠤᠨᠠ ᠭᠠᠳᠠᠨᠠ ᠬᠦᠷᠴᠦ ᠡᠯᠠ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠰᠤᠷᠤᠯᠴᠠᠯᠭᠠ ᠪᠠ ᠳᠠᠪᠳᠠᠨ ᠪᠤᠯᠪᠠᠰᠤᠷᠠᠯ ᠳ᠋ᠤ ᠤᠷᠤᠯᠴᠠᠬᠤ ᠵᠢ ᠢᠳᠡᠪᠬᠢᠳᠡᠢ ᠳᠡᠮᠵᠢᠵᠦ᠂ ᠠᠩᠭᠯᠢ ᠬᠡᠯᠡ ᠪᠠ ᠬᠡᠯᠡ ᠪᠢᠴᠢᠭᠤᠨ ᠳᠠᠰᠤᠭᠤᠨ ᠪᠠᠭᠰᠢ ᠵᠢᠨ ᠰᠤᠷᠤᠯᠴᠠᠯᠭᠠ ᠪᠠ ᠬᠠᠮᠵᠢᠯᠴᠠᠭᠠ ᠵᠢ ᠴᠢᠩᠭᠠᠳᠬᠠᠪᠠ᠃ ᠦᠨᠳᠦᠷ ᠭᠤᠷᠪᠠ ᠵᠢᠨ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠢᠯᠠᠩᠤᠨ ᠬᠤᠭᠤᠷᠤᠨᠳᠤᠬᠢ ᠬᠠᠮᠵᠢᠯᠴᠠᠭᠠ ᠵᠢ ᠴᠢᠩᠭᠠᠳᠬᠠᠵᠤ᠂ ᠬᠢᠴᠢᠶᠡᠯ ᠪᠡᠯᠡᠳᠬᠡᠬᠦ ᠳᠤᠭᠤᠢᠯᠠᠩᠤᠨ ᠳᠠᠷᠤᠭᠠ ᠡᠴᠡ ᠳᠤᠭᠤᠢᠯᠠᠩᠤᠨ ᠪᠠᠭᠰᠢ ᠪᠠᠨ ᠵᠤᠬᠢᠶᠠᠨ ᠪᠠᠢᠭᠤᠯᠤᠨ ᠰᠤᠷᠤᠭᠴᠢᠳ ᠲᠤ᠌ ᠭᠠᠷᠠᠭ ᠪᠦᠷᠢ ᠳᠤᠰᠬᠠᠢ ᠰᠡᠳᠦᠪᠤᠨ ᠪᠤᠯᠪᠠᠰᠤᠷᠠᠯ ᠪᠠ ᠶᠡᠷᠦᠩᠬᠡᠢ ᠪᠤᠯᠪᠠᠰᠤᠷᠠᠯᠢ ᠡᠷᠴᠢᠮ ᠳᠠᠢ ᠴᠢᠨᠠᠷᠯᠢᠭ ᠬᠢᠵᠡᠢ᠃ 《ᠪᠢᠳᠡ ᠪᠠᠰᠠ ᠠᠬᠠ ᠳᠡᠬᠦᠦ ᠰᠤᠷᠭᠠᠭᠤᠯᠢ ᠡᠴᠡ ᠳᠠᠭᠠᠨ ᠰᠤᠷᠤᠯᠴᠠᠵᠤ᠂ ᠴᠠᠩᠴᠦ᠋ᠨᠤ ᠠᠷᠪᠠᠨ ᠨᠢᠬᠡᠳᠦᠬᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠪᠠ ᠤᠯᠠᠭᠠᠨᠬᠤᠳᠠ ᠨᠢᠬᠡᠳᠦᠬᠡᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠳᠠᠢ ᠠᠵᠢᠯ ᠲᠦᠷᠦᠯᠤᠨ ᠬᠠᠮᠵᠢᠯᠴᠠᠭᠠ ᠪᠠᠢᠭᠤᠯᠤᠨ᠂ ᠵᠢᠭᠠᠨ ᠰᠤᠷᠭᠠᠯᠳᠠ ᠵᠢᠨ ᠳᠠᠯᠠ ᠪᠡᠷ ᠪᠠᠭᠰᠢ ᠰᠤᠷᠤᠭᠴᠢᠳ ᠵᠢᠡᠨ ᠢᠳᠡᠪᠬᠢᠳᠡᠢ ᠵᠢᠯᠤᠭᠤᠳᠴᠠᠢ》 ᠬᠡᠵᠦ ᠺᠠᠢ ᠬᠤᠸᠠ ᠪᠠᠭᠰᠢ ᠳᠠᠨᠢᠯᠴᠠᠭᠤᠯᠤᠯᠠ᠃
ᠦᠨᠳᠦᠷ ᠭᠤᠷᠪᠠ ᠵᠢᠨ ᠰᠤᠷᠤᠭᠴᠢᠳᠤᠨ ᠰᠤᠷᠤᠯᠭᠠ ᠵᠢᠨ ᠳᠠᠷᠤᠭᠠᠰᠤ ᠬᠦᠨᠳᠤ ᠪᠠᠢᠳᠠᠭ ᠡᠴᠡ ᠰᠤᠷᠭᠠᠭᠤᠯᠢ ᠨᠢ ᠰᠤᠷᠤᠭᠴᠢᠳᠢᠶᠡᠨ ᠬᠠᠯᠠᠮᠵᠢᠯᠠᠵᠤ ᠳᠤᠳᠤᠮᠳᠠᠬᠤ ᠳᠠᠯᠠ ᠪᠡᠷ ᠶᠡᠬᠡᠳᠡ ᠠᠩᠬᠠᠷᠤᠭᠰᠠᠭᠠᠷ ᠢᠷᠡᠵᠡᠢ᠃ ᠰᠤᠷᠤᠯᠭᠠ ᠳ᠋ᠠᠭᠠᠨ ᠬᠦᠴᠢᠷᠳᠡᠵᠦ ᠪᠠᠢᠬᠤ ᠰᠤᠷᠤᠭᠴᠢᠳ ᠲᠤ᠌ ᠴᠢᠭᠯᠡᠬᠦᠯᠦᠨ ᠰᠤᠷᠭᠠᠭᠤᠯᠢ ᠡᠴᠡ ᠳᠤᠰᠬᠠᠢ ᠴᠠᠭ ᠭᠠᠷᠭᠠᠵᠤ ᠬᠢᠴᠢᠶᠡᠯ ᠨᠦᠬᠦᠵᠦ ᠦᠭᠬᠦᠭᠰᠡᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ ᠰᠤᠷᠤᠯᠭᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢ ᠰᠠᠢᠨ ᠬᠡᠦᠬᠡᠳᠤᠨ ᠠᠨᠠᠢ ᠬᠢᠴᠢᠶᠡᠯ ᠲᠦᠷᠦᠯᠢ ᠪᠠᠭᠰᠢ ᠨᠠᠷ ᠡᠴᠡ ᠳᠤᠰᠬᠠᠢ ᠨᠦᠬᠦᠪᠦᠷᠢᠯᠡᠵᠦ᠂ ᠰᠤᠷᠤᠭᠴᠢᠳᠤᠨ ᠶᠡᠷᠦᠩᠬᠡᠢ ᠬᠢᠷᠢ ᠪᠦᠳᠦᠮᠵᠢ ᠵᠢ ᠳᠡᠬᠡᠭᠰᠢᠯᠡᠬᠦᠯᠬᠦ ᠪᠡᠷ ᠴᠢᠷᠮᠠᠢᠪᠠ᠃ ᠪᠠᠰᠠ ᠰᠤᠷᠭᠠᠭᠤᠯᠢ ᠪᠠ ᠬᠡᠷᠤᠨ ᠠᠬᠠᠮᠠᠳᠤᠨ ᠬᠠᠮᠵᠢᠯᠴᠠᠭᠠ ᠵᠢ ᠴᠢᠩᠭᠠᠳᠬᠠᠵᠤ᠂ ᠤᠳᠠᠭᠠ ᠪᠦᠷᠢ ᠵᠢᠨ ᠰᠤᠷᠢᠯᠳᠠ ᠰᠢᠯᠭᠠᠯᠳᠠ ᠵᠢ ᠬᠦᠢᠴᠡᠳ ᠵᠠᠳᠠᠯᠵᠤ᠂ ᠰᠤᠷᠤᠭᠴᠢ ᠵᠢᠨ ᠪᠠᠢᠳᠠᠯᠢ ᠬᠡᠷᠤᠨ ᠠᠬᠠᠮᠠᠳᠲᠤ᠌ ᠰᠠᠢᠳᠤᠷ ᠤᠢᠯᠠᠭᠠᠭᠤᠯᠵᠤ᠂ ᠰᠤᠷᠤᠭᠴᠢ ᠵᠢᠨ ᠪᠡᠶᠠ ᠳᠡᠬᠡᠷᠡ ᠶᠠᠮᠠᠷ ᠨᠢᠬᠡᠨ ᠠᠰᠠᠭᠤᠳᠠᠯ ᠢᠯᠡᠷᠡᠬᠦ ᠦᠶᠠ ᠬᠡᠷᠤᠨ ᠠᠬᠠᠮᠠᠳ ᠳᠠᠢ ᠬᠠᠮᠵᠢᠯᠴᠠᠵᠤ᠂ ᠳᠡᠳᠡᠨᠤ ᠠᠷᠤ ᠲᠦᠰᠢᠭᠤᠨ ᠦᠢᠯᠡᠳᠦᠯᠢ ᠪᠠᠳᠠᠷᠠᠭᠤᠯᠵᠤ ᠪᠠᠢᠨᠠ᠃ ᠪᠠᠰᠠ ᠰᠤᠷᠭᠠᠭᠤᠯᠢ ᠵᠢᠨ ᠰᠡᠳᠬᠢᠴᠡ ᠵᠢᠨ ᠪᠠᠭᠰᠢ ᠳᠠᠢ ᠬᠠᠮᠵᠢᠯᠴᠠᠵᠤ᠂ ᠰᠤᠷᠤᠭᠴᠢᠳᠤᠨ ᠰᠡᠳᠬᠢᠯᠤᠨ ᠳᠠᠷᠤᠭᠠᠰᠤ ᠵᠢ ᠬᠦᠩᠬᠡᠷᠡᠭᠦᠯᠵᠦ᠂ ᠤᠷᠮᠠ ᠰᠡᠳᠬᠢᠯᠢ ᠨᠢ ᠳᠠᠢᠳᠬᠤᠷᠠᠭᠤᠯᠵᠤ ᠵᠤᠷᠢᠭᠵᠢᠭᠤᠯᠵᠤ ᠪᠠᠢᠳᠠᠭ᠃ 《ᠪᠡᠯᠡᠳᠭᠡᠯ ᠲᠡᠢ ᠪᠤᠯ ᠪᠠᠯᠢᠳᠠᠬᠤ ᠦᠭᠡᠢ᠃ ᠪᠢᠳᠡ ᠰᠤᠷᠭᠠᠭᠤᠯᠢᠶᠢᠨ ᠡᠯᠡ ᠲᠠᠯᠠᠶᠢᠨ ᠤᠳᠤᠷᠢᠳᠤᠯᠭᠠ ᠵᠤᠬᠢᠶᠠᠨ ᠪᠠᠢᠭᠤᠯᠤᠯᠳᠠ᠂ ᠪᠠᠬᠰᠢᠶᠢᠨ ᠪᠤᠯᠪᠠᠰᠤᠷᠠᠯ᠂ ᠬᠢᠴᠢᠶᠡᠯ ᠲᠦᠷᠦᠯᠤᠨ ᠵᠠᠳᠠᠯᠤᠯᠳᠠ᠂ ᠡᠷᠡᠮᠡᠯᠵᠡᠯ ᠲᠠᠭᠯᠠᠬᠤ ᠵᠡᠷᠭᠡ ᠤᠯᠠᠨ ᠲᠠᠯᠠ ᠪᠠᠷ ᠪᠡᠯᠡᠳᠭᠡᠯ ᠬᠢᠵᠦ᠂ ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠪᠠᠨ ᠢᠳᠡᠬᠡᠯ ᠳᠡᠬᠦᠯᠳᠡᠷ ᠤᠭᠳᠤᠬᠤ ᠪᠡᠷ ᠬᠠᠮᠳᠤ ᠪᠠᠷ ᠴᠢᠷᠮᠠᠢᠵᠤ ᠪᠠᠢᠨᠠ》 ᠬᠡᠵᠦ ᠺᠠᠢ ᠬᠤᠸᠠ ᠪᠠᠭᠰᠢ ᠶᠠᠷᠢᠨᠠ᠃
ᠬᠡᠦᠬᠡᠳᠤᠨᠢᠶᠡᠨ ᠪᠠᠳᠤ ᠲᠦᠰᠢᠭ ᠪᠤᠯᠤᠭᠠᠰᠠᠢ

ᠤᠯᠤᠰᠤᠨ ᠨᠢᠬᠡᠳᠦᠯᠳᠡᠢ ᠰᠢᠯᠭᠠᠯᠳᠠ ᠡᠭᠦᠳᠡᠨ ᠭᠠᠳᠠᠭᠠ ᠬᠦᠷᠦᠭᠡᠳ ᠢᠷᠡᠯᠡ᠃ ᠡᠨᠡ ᠦᠶᠠ ᠳ᠋ᠤ ᠵᠠᠷᠢᠮ ᠰᠤᠷᠤᠭᠴᠢ ᠪᠠ ᠬᠡᠷᠤᠨ ᠠᠬᠠᠮᠠᠳᠤᠨ ᠰᠡᠳᠬᠢᠯᠤᠨ ᠳᠠᠷᠤᠭᠠᠰᠤ ᠬᠦᠨᠳᠦᠷᠡᠵᠦ᠂ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠬᠤ ᠪᠤᠶᠤ ᠪᠤᠬᠢᠨᠢᠳᠤᠬᠤ ᠪᠠᠢᠳᠠᠯ ᠢᠯᠡᠷᠡᠬᠦ ᠮᠠᠭᠠᠳ᠃ ᠰᠡᠳᠬᠢᠯ ᠳ᠋ᠡᠬᠡᠨ ᠬᠡᠳᠦ ᠶᠡᠬᠡ ᠳᠠᠷᠤᠭᠠᠰᠤ ᠳᠠᠢ ᠪᠠᠢᠬᠤ ᠨᠢ ᠰᠢᠯᠭᠠᠭᠤᠯᠤᠭᠴᠢ ᠵᠢᠨ ᠬᠡᠪᠤᠨ ᠰᠤᠷᠤᠯᠴᠠᠯᠭᠠ ᠪᠤᠶᠤ ᠰᠢᠯᠭᠠᠯᠳᠠ ᠵᠢᠨ ᠬᠢᠷᠢ ᠪᠦᠳᠦᠮᠵᠢ ᠵᠢᠴᠢ ᠪᠡᠶᠡ ᠰᠡᠳᠬᠢᠯᠤᠨ ᠡᠷᠡᠬᠦᠯ ᠮᠡᠨᠳᠤ ᠵᠢ ᠨᠦᠯᠦᠬᠡᠯᠡᠵᠦ ᠮᠡᠳᠡᠨᠡ᠃ ᠡᠢᠮᠦᠷᠬᠦᠦ ᠪᠠᠢᠳᠠᠯ ᠳ᠋ᠤ ᠮᠠᠨᠤ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠡᠷᠬᠢᠨ ᠬᠠᠨᠳᠤᠪᠠᠯ ᠵᠤᠬᠢᠬᠤ ᠪᠤᠢ ? ᠬᠡᠷᠬᠢᠨ ᠬᠡᠦᠬᠡᠳᠤᠨ ᠵᠢᠡᠨ ᠪᠠᠳᠤ ᠲᠦᠰᠢᠭ ᠪᠤᠯᠵᠤ᠂ ᠲᠡᠭᠡᠭᠡᠷᠡ ᠳᠠᠷᠤᠭᠠᠰᠤ ᠵᠢ ᠨᠢ ᠬᠦᠩᠬᠡᠯᠡᠨ᠂ ᠰᠡᠳᠬᠢᠯ ᠰᠠᠨᠠᠭᠠ ᠵᠢ ᠨᠢ ᠳᠠᠢᠳᠬᠤᠷᠠᠭᠤᠯᠬᠤ ᠪᠢᠯᠡ ? ᠡᠨᠡ ᠲᠤᠬᠠᠢ ᠪᠢᠳᠡ ᠨᠢᠳᠤᠨᠤᠨ ᠬᠡᠦᠬᠡᠨ ᠵᠢᠡᠨ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ ᠠᠮᠵᠢᠯᠳᠠ ᠲᠠᠢ ᠰᠢᠯᠭᠠᠭᠤᠯᠤᠨ ᠬᠦᠷᠭᠡᠭᠰᠡᠨ ᠬᠡᠷᠤᠨ ᠠᠬᠠᠮᠠᠳ ᠰᠠᠷᠠᠨᠠ ᠵᠢᠨ ᠪᠤᠳᠠᠳᠤ ᠳᠤᠷᠰᠢᠯᠭᠠ ᠡᠴᠡ ᠬᠤᠪᠢᠶᠠᠯᠴᠠᠶᠠ᠃
— ᠰᠢᠯᠭᠠᠯᠳᠠ ᠤᠢᠷᠠᠳᠬᠤ ᠪᠡᠷ ᠬᠡᠦᠬᠡᠳᠤᠨ ᠵᠢᠡᠨ ᠪᠡᠶᠠ ᠰᠡᠳᠬᠢᠴᠡ ᠵᠢᠨ ᠪᠠᠢᠳᠠᠯᠢ ᠤᠨᠴᠠ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠃ ᠡᠨᠡ ᠦᠶᠠ ᠳ᠋ᠤ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠬᠡᠦᠬᠡᠳᠤᠨᠢᠶᠡᠨ ᠪᠠᠳᠤ ᠲᠦᠰᠢᠭ ᠪᠤᠯᠵᠤ᠂ ᠬᠡᠦᠬᠡᠳ ᠬᠡᠳᠦᠷᠬᠡᠢ ᠪᠠᠴᠢᠮᠳᠠᠵᠤ ᠬᠡᠳᠦ ᠳᠠᠷᠤᠭᠠᠰᠤ ᠲᠠᠢ ᠪᠠᠢᠪᠠᠯ᠂ 《ᠰᠢᠯᠭᠠᠯᠳᠠ ᠵᠢᠨ ᠬᠤᠪᠢ ᠬᠠᠮᠤᠭ ᠴᠢᠬᠤᠯᠠ ᠪᠢᠰᠢ᠂ ᠴᠢᠷᠮᠠᠢᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ ᠴᠢᠨᠢ ᠯᠠᠪᠳᠠᠢ ᠠᠮᠵᠢᠯᠳᠠ ᠤᠯᠵᠤ ᠴᠢᠳᠠᠨᠠ᠂ ᠲᠠᠨᠢ ᠡᠯᠰᠡᠬᠦ ᠶᠡᠬᠡ ᠰᠤᠷᠭᠠᠭᠤᠯᠢ ᠯᠠᠪ ᠪᠠᠢᠨᠠ》 ᠬᠡᠵᠦ ᠦᠷᠬᠦᠯᠵᠢ ᠬᠡᠯᠡᠵᠦ ᠵᠤᠷᠢᠭᠵᠢᠭᠤᠯᠤᠨ᠂ ᠬᠡᠦᠬᠡᠳ ᠳᠡᠬᠡᠨ ᠢᠳᠡᠪᠬᠢᠳᠡᠢ ᠰᠡᠳᠬᠢᠴᠡ ᠵᠢᠨ ᠳᠤᠬᠢᠶᠠ ᠦᠭᠪᠡᠯ ᠰᠠᠢᠨ᠃ ᠬᠡᠦᠬᠡᠳᠤᠨ ᠵᠢᠡᠨ ᠶᠡᠷᠦᠶᠢᠨ ᠴᠠᠭᠤᠨ ᠲᠠᠪᠠᠭᠤᠯᠢᠭ ᠲᠠᠯᠠ᠂ ᠠᠮᠵᠢᠯᠳᠠ ᠵᠢ ᠨᠢ ᠢᠯᠡᠬᠦᠬᠡᠨ ᠶᠠᠷᠢᠵᠤ᠂ ᠬᠦᠷᠦᠯᠴᠡᠬᠦ ᠦᠭᠡᠢ ᠵᠦᠢᠯ᠂ ᠳᠤᠳᠠᠭᠳᠠᠯᠢ ᠨᠢ ᠳᠤᠳᠠᠭᠤ ᠶᠠᠷᠢᠵᠤ᠂ ᠬᠡᠦᠬᠡᠳᠤᠨ ᠦᠪᠡᠷᠤᠨ ᠲᠦᠯᠦᠪᠯᠡᠬᠡ ᠪᠡᠷ ᠵᠢᠡᠨ ᠰᠤᠷᠤᠯᠴᠠᠬᠤ ᠵᠢ ᠬᠦᠨᠳᠦᠳᠬᠡᠪᠡᠯ ᠵᠤᠬᠢᠨᠠ᠃
— ᠰᠢᠯᠭᠠᠯᠳᠠ ᠡᠴᠡ ᠡᠮᠦᠨᠡ᠂ ᠬᠡᠷᠤᠨ ᠠᠬᠠᠮᠠᠳ ᠪᠤᠯᠤᠭᠰᠠᠳ ᠴᠤ᠌ ᠠᠳᠠᠯᠢᠬᠠᠨ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠤᠨᠠ᠃ ᠬᠡᠪᠡᠴᠦ ᠪᠠᠴᠢᠮᠳᠠᠵᠤ ᠰᠠᠨᠳᠤᠷᠴᠤ ᠪᠠᠢᠬᠤ ᠪᠠᠨ ᠬᠡᠦᠬᠡᠳ ᠳᠡᠬᠡᠨ ᠮᠡᠳᠡᠭᠳᠡᠬᠦ ᠦᠬᠡᠢ ᠪᠠᠢᠪᠠᠯ ᠰᠠᠢᠨ᠂ ᠡᠳᠦᠷ ᠪᠦᠷᠢ ᠬᠡᠷ ᠪᠦᠯᠢᠶᠢᠨᠢᠶᠡᠨ ᠡᠶᠠ ᠨᠠᠢᠷ ᠳᠠᠢ᠂ ᠡᠷᠬᠡ ᠲᠠᠪᠠ ᠲᠡᠢ᠂ ᠢᠨᠢᠶᠡᠳᠤ ᠬᠦᠷ ᠲᠡᠢ ᠰᠤᠷᠤᠯᠴᠠᠬᠤ ᠤᠷᠴᠢᠨ ᠳᠤᠭᠤᠷᠢᠨᠢ ᠪᠠᠳᠤᠯᠠᠬᠤ ᠬᠡᠷᠡᠭᠳᠡᠢ᠃ ᠪᠢ ᠲᠡᠷᠡ ᠦᠶᠡ ᠳ᠋ᠤ ᠡᠳᠦᠷ ᠪᠦᠷᠢ ᠬᠡᠦᠬᠡᠨᠤ ᠪᠠᠨ ᠮᠠᠩᠨᠠᠢ ᠳᠡᠬᠡᠷᠡ ᠨᠢ ᠦᠨᠦᠰᠴᠦ᠂ ᠬᠡᠤᠬᠡᠨᠢᠶᠡᠨ ᠳᠡᠪᠡᠷᠢᠵᠦ᠂ ᠬᠡᠦᠬᠡᠨ ᠮᠢᠨᠢ ᠵᠦᠳᠡᠷᠡᠯᠡ ᠬᠡᠵᠦ ᠲᠠᠢᠳᠬᠤᠷᠠᠭᠤᠯᠤᠨ ᠵᠤᠷᠢᠭᠵᠢᠭᠤᠯᠳᠠᠭ ᠪᠠᠢᠭᠰᠠᠨ᠃ ᠬᠤᠭᠤᠯᠠ ᠤᠮᠳᠠ ᠵᠢᠨ ᠳᠠᠯᠠ ᠪᠡᠷ᠂ ᠬᠡᠦᠬᠡᠳᠢ ᠴᠠᠭ ᠲᠤᠬᠠᠢ ᠳᠤᠨᠢ ᠢᠳᠡᠬᠦᠯᠵᠦ ᠠᠮᠠᠷᠠᠭᠤᠯᠤᠨ᠂ ᠬᠡᠳᠦ ᠳᠤᠰᠤᠯᠢᠭ ᠢᠳᠡᠬᠡᠨ ᠢᠳᠡᠬᠦᠯᠬᠦ ᠡᠴᠡ ᠵᠠᠢᠯᠠᠰᠬᠢᠨ᠂ ᠭᠤᠸᠠ ᠵᠢᠮᠢᠰ ᠢᠯᠡᠬᠦᠬᠡᠨ ᠢᠳᠡᠬᠦᠯᠵᠦ ᠪᠠᠢᠬᠰᠠᠨ᠃ ᠬᠡᠷᠪᠡ ᠬᠡᠤᠬᠡᠳ ᠰᠢᠯᠭᠠᠯᠳᠠᠶᠢᠨ ᠲᠤᠮᠳᠠ ᠰᠦᠨᠢ ᠤᠷᠤᠢ ᠨᠤᠢᠷ ᠬᠤᠯᠵᠢᠬᠤ ᠮᠡᠳᠤ ᠵᠢᠨ ᠬᠡᠨᠡᠳᠳᠡ ᠵᠢᠨ ᠪᠠᠢᠳᠠᠯ ᠭᠠᠷᠪᠠᠯ 〈ᠮᠢᠨᠦ ᠬᠡᠤᠬᠡᠨ᠂ ᠪᠢᠳᠡᠬᠡᠢ ᠪᠠᠴᠢᠮᠳᠠᠵᠤ ᠰᠠᠨᠳᠤᠷ᠂ ᠨᠠᠮ ᠲᠠᠢᠪᠤᠭᠤ ᠬᠡᠪᠳᠡᠭᠰᠡᠨ ᠴᠸ᠋ ᠪᠡᠶᠠ ᠰᠡᠳᠬᠢᠯ ᠠᠮᠠᠷᠠᠴᠢᠬᠠᠨᠠ᠃ ᠬᠦᠮᠦᠨᠤ ᠪᠡᠶᠠ ᠪᠠᠴᠢᠮ ᠪᠠᠢᠳᠠᠯᠢ ᠠᠷᠭᠠᠴᠠᠭᠠᠬᠤ ᠴᠢᠳᠠᠪᠤᠷᠢ ᠳᠠᠢ ᠲᠤᠯᠠ ᠨᠤᠢᠷ ᠬᠤᠯᠵᠢᠭᠰᠠᠨ ᠴᠤ᠌ ᠬᠡᠪᠤᠨ ᠪᠠᠢᠳᠠᠯ ᠵᠢᠡᠷ ᠰᠡᠷᠬᠡᠭ ᠰᠢᠭᠤᠷᠬᠠᠢ ᠠᠵᠢᠯᠯᠠᠵᠤ ᠴᠢᠳᠠᠨᠠ〉 ᠭᠡᠵᠦ ᠬᠡᠯᠡᠵᠦ ᠦᠭᠴᠦ ᠪᠤᠯᠤᠨᠠ᠃ ᠰᠢᠯᠭᠠᠯᠳᠠ ᠵᠢᠨ ᠬᠡᠳᠦᠨ ᠡᠳᠦᠷ ᠬᠡᠦᠬᠡᠳᠤᠨ ᠰᠢᠯᠭᠠᠭᠰᠠᠨ ᠪᠠᠢᠳᠠᠯᠢ ᠳᠤᠳᠠᠭᠤ ᠠᠰᠠᠭᠤᠨᠠ᠂ ᠬᠠᠷᠢᠨ ᠳᠠᠷᠠᠭᠠᠴᠢᠶᠢᠨ ᠬᠢᠴᠢᠶᠡᠯ ᠵᠢᠡᠨ ᠰᠠᠢᠨ ᠰᠢᠯᠭᠠᠬᠤ ᠪᠡᠷ ᠪᠡᠯᠡᠳᠬᠡᠬᠦ ᠨᠢ ᠨᠡᠩ ᠴᠢᠬᠤᠯᠠ᠃
— ᠰᠢᠯᠭᠠᠯᠳᠠ ᠵᠢᠨ ᠳᠠᠷᠠᠭᠠ᠂ ᠡᠷᠡᠮᠡᠯᠵᠡᠯ ᠳᠠᠭᠯᠠᠬᠤ ᠪᠤᠯ ᠰᠢᠯᠭᠠᠯᠳᠠ ᠡᠴᠡ ᠳᠤᠳᠠᠭᠤ ᠦᠬᠡᠢ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠶᠤᠮ᠃ ᠦᠩᠬᠡᠷᠡᠭᠰᠨᠨ ᠳ᠋ᠤ ᠵᠠᠷᠢᠮ ᠬᠡᠦᠬᠡᠳ ᠦᠨᠳᠦᠷ ᠬᠤᠪᠢ ᠪᠡᠷ ᠶᠡᠬᠡ ᠰᠤᠷᠭᠠᠭᠤᠯᠢ ᠳ᠋ᠤ ᠰᠢᠯᠭᠠᠭᠤᠯᠤᠨ ᠤᠷᠤᠴᠢᠬᠠᠭᠠᠳ ᠰᠤᠩᠭᠤᠭᠰᠠᠨ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠳ᠋ᠡᠬᠡᠨ ᠬᠠᠨᠤᠮᠵᠢ ᠦᠬᠡᠢ ᠪᠤᠯᠵᠤ᠂ ᠪᠤᠴᠠᠨ ᠢᠷᠡᠬᠡᠳ ᠳᠠᠬᠢᠨ ᠰᠢᠯᠭᠠᠳᠠᠭ ᠶᠠᠪᠤᠳᠠᠯ ᠴᠤ᠌ ᠭᠠᠷᠴᠤ ᠪᠠᠢᠭᠰᠠᠨ ᠶᠤᠮ᠃ ᠳᠡᠬᠡᠬᠦ ᠪᠡᠷ ᠵᠢᠡᠨ ᠦᠪᠡᠷᠤᠨ ᠳᠤᠷᠠ ᠪᠠᠬᠠ᠂ ᠳᠤᠰᠬᠠᠢ ᠮᠡᠷᠬᠡᠵᠢᠯᠤᠨ ᠬᠦᠭᠵᠢᠯᠳᠡ ᠵᠢᠴᠢ ᠤᠳᠤ ᠵᠢᠨ ᠨᠡᠢᠬᠡᠮᠤᠨ ᠬᠦᠭᠵᠢᠯᠳᠡ ᠵᠢᠨ ᠪᠠᠢᠳᠠᠯ ᠵᠡᠷᠬᠡ ᠵᠢ ᠬᠦᠢᠴᠡᠳ ᠳᠤᠩᠭᠠᠨ ᠪᠤᠳᠤᠯᠬᠢᠯᠠᠵᠤ᠂ ᠢᠯᠡᠬᠦᠬᠡᠨ ᠠᠰᠠᠭᠤᠵᠤ ᠰᠤᠷᠠᠵᠤ ᠪᠠᠢᠭᠠᠳ ᠬᠡᠦᠬᠡᠳ ᠪᠡᠶᠡ ᠳ᠋ᠡᠭᠡᠨ ᠳᠤᠬᠢᠷᠠᠭᠰᠠᠨ ᠳᠤᠰᠬᠠᠢ ᠮᠡᠷᠬᠡᠵᠢᠯᠢ ᠰᠤᠩᠭᠤᠬᠤ ᠨᠢ ᠮᠠᠰᠢ ᠴᠢᠬᠤᠯᠠ᠃ ᠳᠡᠬᠡᠬᠦ ᠪᠡᠷ ᠵᠢᠡᠨ ᠬᠡᠷᠤᠨ ᠠᠬᠠᠮᠠᠳ ᠴᠤ᠌ ᠡᠷᠡᠮᠡᠯᠵᠡᠯ ᠳᠠᠭᠯᠠᠬᠤ ᠶᠠᠪᠤᠳᠠᠯᠢ ᠬᠦᠨᠳᠦᠳᠭᠡᠵᠦ᠂ ᠡᠯᠠ ᠶᠡᠬᠡ ᠳᠡᠬᠡᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢ ᠡᠯᠰᠡᠬᠦ ᠨᠠᠷᠢᠨ ᠲᠦᠷᠢᠮ ᠢ᠋ ᠨᠠᠷᠢᠪᠴᠢᠯᠠᠨ ᠤᠢᠯᠠᠭᠠᠵᠤ᠂ ᠬᠡᠦᠬᠡᠳ ᠰᠢᠯᠭᠠᠭᠰᠠᠨ ᠬᠤᠪᠢ ᠵᠢᠨ ᠵᠢᠡᠨ ᠬᠢᠷᠢ ᠳ᠋ᠤ ᠦᠪᠡᠷᠤᠨ ᠬᠠᠮᠤᠭᠤᠨ ᠳᠤᠬᠢᠳᠠᠢ ᠳᠤᠰᠬᠠᠢ ᠮᠡᠷᠬᠡᠵᠢᠯ ᠵᠢᠡᠨ ᠰᠤᠩᠭᠤᠬᠤ ᠳ᠋ᠤ ᠳᠡᠮᠵᠢᠯᠬᠡ ᠰᠠᠨᠠᠭᠤᠯᠭᠠ ᠦᠭᠬᠦ ᠬᠡᠷᠡᠭᠳᠡᠢ᠂ ᠬᠠᠷᠢᠨ ᠪᠦᠬᠦᠳᠡ ᠵᠢ ᠬᠡᠦᠬᠡᠳ ᠲᠡᠭᠡᠨ ᠨᠠᠢᠳᠠᠵᠤ 《ᠠᠶᠠ ᠪᠠᠷᠢᠶᠡᠨ ᠪᠤᠯ》 ᠭᠡᠮᠡᠨ ᠪᠦᠷᠢᠮᠦᠰᠦᠨ ᠬᠠᠮᠢᠶᠠᠷᠬᠤ ᠦᠬᠡᠢ ᠪᠠᠢᠵᠤ ᠪᠤᠯᠬᠤ ᠦᠬᠡᠢ᠂ ᠡᠭᠦᠨ ᠲᠡᠢ ᠡᠰᠡᠷᠬᠦ ᠪᠡᠷ ᠬᠡᠳᠦ ᠭᠠᠷ ᠲᠦᠷᠦᠵᠦ᠂ ᠳᠤᠷᠠ ᠦᠬᠡᠢ ᠵᠦᠢᠯᠢ ᠨᠢ ᠠᠯᠪᠠᠳᠠᠯᠭᠠ ᠪᠡᠷ ᠰᠤᠩᠭᠤᠭᠤᠯᠬᠤ ᠵᠢ ᠴᠸ᠋ ᠲᠡᠪᠴᠢᠬᠦ ᠬᠡᠷᠡᠭᠳᠡᠢ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃