ᠲᠡᠷᠢᠭᠦᠨ ᠨᠢᠭᠤᠷ>ᠰᠤᠷᠭᠠᠨ ᠬᠦᠮᠦᠵᠢᠯ >ᠲᠤᠷᠰᠢᠯᠭ᠎ᠠ᠎ᠪᠠᠨ ᠰᠣᠯᠢᠯᠴᠠᠶ᠎ᠠ

2025-02-24 16:50:52

ᠵᠣᠬᠢᠶᠠᠭ᠍ᠴᠢ᠄ ᠸᠠᠩ ᠰᠢᠶᠣᠣ ᠮᠢᠩ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠴᠠᠭᠠᠨ ᠰᠠᠷ᠎ᠠ ᠦᠩᠭᠡᠷᠡᠵᠦ ᠬᠠᠪᠣᠷ᠎ᠤᠨ ᠣᠷᠢᠨ ᠨᠠᠭᠠᠰᠢᠯᠠᠬᠣ ᠪᠡᠷ ᠰᠢᠨ᠎ᠡ ᠰᠣᠷᠣᠯᠭ᠎ᠠ᠎ᠶᠢᠨ ᠬᠣᠭᠣᠴᠠᠭ᠎ᠠ ᠴᠦ᠍ ᠡᠬᠢᠯᠡᠯ᠎ᠡ᠃ ᠢᠯᠦᠮ ᠵᠢᠯᠣᠮ ᠪᠠᠢᠬᠰᠠᠨ ᠰᠣᠷᠭᠠᠭᠣᠯᠢ᠎ᠶᠢᠨ ᠬᠦᠷᠢᠶ᠎ᠡ ᠲᠦᠲᠡᠬᠡᠨ ᠵᠠᠭᠣᠷ᠎ᠠ ᠨᠣᠮ ᠣᠩᠰᠢᠯᠭ᠎ᠠ᠎ᠶᠢᠨ ᠲᠠᠭᠣᠨ ᠪᠣᠯᠣᠨ ᠨᠠᠷᠬᠢᠯᠲᠣᠨ ᠬᠦᠭᠡᠷᠡᠯᠲᠦᠬᠦ ᠬᠦᠷ ᠪᠠᠶᠠᠷ ᠶ᠋ᠢᠡᠷ ᠴᠠᠯᠬᠢᠯᠠᠬᠣ ᠨᠢ ᠲᠡᠷᠡ᠃

ᠠᠮᠠᠷᠠᠯᠲᠠ᠎ᠶᠢᠨ ᠴᠢᠯᠦᠭᠡᠨ ᠳ᠋ᠦ ᠠᠯᠢᠶᠠᠯᠠᠵᠦ ᠲᠣᠬᠯᠠᠨ᠂ ᠠᠢᠯᠰᠠᠵᠦ ᠲᠣᠭᠣᠷᠢᠨ ᠲᠠᠪᠠᠲᠠᠢ ᠲᠣᠬᠠᠲᠠᠢ ᠦᠩᠭᠡᠷᠡᠬᠦᠯᠦᠭᠰᠡᠨ ᠠᠢᠯ᠎ᠤᠨ ᠡᠷᠬᠡ ᠵᠢᠭᠠᠯ᠎ᠤ᠋ᠤᠨ ᠠᠩᠬᠢ᠎ᠶᠢᠨ ᠭᠡᠷ ᠲᠡᠭᠡᠨ ᠪᠣᠴᠠᠵᠦ᠂ ᠰᠣᠷᠣᠨ᠎ᠠ ᠮᠡᠳᠡᠨ᠎ᠡ ᠭᠡᠵᠦ ᠶᠠᠭᠠᠷᠠᠵᠦ ᠮᠣᠩᠭᠠᠨᠢᠬᠣ ᠨᠢ ᠶᠠᠭᠣᠲᠠᠢ ᠪᠠᠶᠠᠷ᠂ ᠶᠠᠮᠠᠷ ᠶᠡᠬᠡ ᠵᠢᠷᠭᠠᠯᠲᠠᠢ ! ᠭᠡᠬᠦ ᠳ᠋ᠡᠭᠡᠨ ᠬᠡᠦᠬᠡᠳ᠎ᠤᠨ ᠪᠡᠶ᠎ᠡ ᠰᠡᠳᠬᠢᠯ᠎ᠢ ᠠᠮᠠᠷᠠᠯᠲᠠ ᠴᠢᠯᠦᠭᠡ ᠡᠴᠡ ᠬᠢᠴᠢᠶᠡᠯ ᠰᠣᠷᠣᠯᠭ᠎ᠠ ᠲᠠᠢᠰᠢ ᠵᠢᠯᠣᠭᠣ᠎ᠶᠢ ᠨᠢ ᠲᠠᠲᠠᠵᠦ ᠣᠢᠷᠠᠲᠣᠭᠣᠯᠬᠣ ᠭᠡᠵᠦ ᠴᠣᠬᠣᠮ ᠠᠲᠠᠷ ᠬᠡᠭᠡᠷ᠎ᠡ ᠪᠡᠷ ᠴᠢᠯᠦᠭᠡᠲᠡᠢ ᠲᠠᠪᠬᠢᠵᠦ ᠪᠠᠢᠬᠰᠠᠨ ᠵᠡᠭᠡᠷ᠎ᠡ ᠬᠦᠷᠦᠭᠡᠰᠦ᠎ᠶᠢ ᠠᠢᠯ᠎ᠤᠨ ᠬᠠᠰᠢᠶᠠᠨ ᠳ᠋ᠦ ᠬᠣᠷᠢᠬᠣ ᠭᠡᠲᠡᠭ ᠲᠠᠢ ᠦᠭᠡᠷ᠎ᠡ ᠶᠠᠭᠣᠨ ? ᠠᠮᠠᠷᠠᠯᠲᠠ ᠡᠴᠡ ᠪᠠᠨ ᠰᠣᠷᠣᠯᠭ᠎ᠠ ᠲᠡᠢᠰᠢ ᠰᠢᠯᠵᠢᠬᠦ ᠳ᠋ᠦ ᠨᠠᠭᠠᠲᠣ ᠵᠠᠬ᠎ᠠ ᠳ᠋ᠠᠭᠠᠨ ᠣᠨᠲᠠᠵᠦ ᠠᠮᠠᠷᠠᠬᠣ ᠴᠠᠬ᠂ ᠡᠳᠦᠷ ᠲᠣᠲᠣᠮ᠎ᠤᠨ ᠠᠮᠢᠲᠣᠷᠠᠯ᠎ᠤᠨ ᠲᠠᠳᠬᠠᠯ᠂ ᠣᠪᠣᠷ ᠰᠡᠳᠬᠢᠴᠡ ᠵᠡᠷᠭᠡ ᠣᠯᠠᠨ ᠲᠠᠯ᠎ᠠ ᠪᠡᠷ ᠦᠪᠡᠷ᠎ᠢ ᠪᠠᠨ ᠲᠣᠬᠢᠷᠠᠭᠣᠯᠬᠣ ᠱᠠᠭᠠᠷᠲᠠᠯᠭ᠎ᠠ ᠭᠠᠷᠣᠨ᠎ᠠ᠃ ᠡᠢᠨ᠎ᠬᠦ ᠬᠡᠦᠬᠡᠳ ᠬᠡᠰᠡᠭ ᠬᠣᠭᠣᠴᠠᠭ᠎ᠠ ᠰᠣᠷᠭᠠᠭᠣᠯᠢ᠎ᠶᠢᠨ ᠠᠮᠢᠲᠣᠷᠠᠯ ᠳ᠋ᠦ ᠲᠠᠳᠬᠣ ᠦᠭᠡᠢ᠂ ᠡᠷᠡᠭᠡᠯᠵᠡᠵᠦ ᠲᠦᠲᠡᠭᠡᠯᠵᠡᠬᠦ᠂ ᠠᠩᠬᠠᠷᠣᠯ ᠲᠦᠪᠯᠡᠷᠡᠬᠦ ᠦᠭᠡᠢ ᠪᠠᠢᠲᠠᠯ ᠭᠠᠷᠬᠣ ᠨᠢ ᠮᠡᠳᠡᠭᠡᠵᠢ ᠬᠡᠷᠡᠭ ᠪᠢᠯᠡ᠃ ᠲᠡᠷᠡᠴᠢᠯᠡᠨ ᠬᠡᠦᠬᠡᠳ᠎ᠢ ᠪᠣᠣ ᠬᠡᠯᠡ᠂ ᠲᠣᠮᠣᠴᠣᠣᠯ ᠴᠦ᠍ ᠨᠢᠭᠡ ᠵᠦᠢᠯ᠎ᠤᠨ ᠠᠮᠢᠲᠣᠷᠠᠯ᠎ᠤᠨ ᠬᠡᠪᠰᠢᠯ ᠡᠴᠡ ᠦᠭᠡᠷ᠎ᠡ ᠨᠢᠭᠡ ᠪᠠᠢᠳᠠᠯ ᠳ᠋ᠦ ᠰᠢᠯᠵᠢᠬᠦ ᠦᠶᠡᠰ ᠲᠠᠳᠣᠯ ᠵᠣᠷᠰᠢᠯ ᠪᠣᠶᠣ ᠰᠡᠳᠬᠢᠴᠡ᠎ᠶᠢᠨ ᠲᠠᠯ᠎ᠠ ᠪᠡᠷ ᠦᠯᠦ ᠮᠡᠳᠡᠭᠲᠡᠮ᠎ᠡ ᠬᠡᠯᠪᠡᠯᠵᠡᠯ ᠡᠬᠦᠰᠲᠡᠭ ᠶᠣᠮ᠃ ᠢᠩᠬᠢᠬᠦ ᠳ᠋ᠡᠭᠡᠨ ᠰᠢᠨ᠎ᠡ ᠰᠣᠷᠣᠯᠭ᠎ᠠ᠎ᠶᠢᠨ ᠬᠣᠭᠣᠴᠠᠭ᠎ᠠ ᠡᠬᠢᠯᠡᠬᠦ ᠪᠡᠷ ᠬᠡᠦᠬᠡᠳ᠎ᠤᠨ ᠠᠮᠢᠲᠣᠷᠠᠯ᠎ᠤᠨ ᠵᠣᠷᠰᠢᠯ᠎ᠢ ᠬᠢᠴᠢᠶᠡᠯ ᠰᠣᠷᠣᠯᠭ᠎ᠠ ᠳ᠋ᠦ ᠲᠠᠲᠠᠵᠦ᠂ ᠰᠣᠷᠣᠯᠭ᠎ᠠ ᠠᠮᠢᠲᠣᠷᠠᠯ᠎ᠢ ᠡᠪᠲᠡᠢ ᠲᠣᠬᠢᠷᠠᠭᠣᠯᠬᠣ ᠪᠣᠯ ᠭᠡᠷ᠎ᠤᠨ ᠠᠬᠠᠮᠠᠳ ᠬᠢᠭᠡᠳ ᠪᠠᠬᠰᠢ ᠨᠠᠷ᠎ᠤᠨ ᠡᠩ ᠲᠡᠷᠢᠬᠦᠨ᠎ᠤ ᠴᠢᠬᠣᠯᠠ ᠡᠬᠦᠷᠭᠡ ᠪᠣᠯᠬᠣ ᠶᠣᠮ᠃

ᠰᠣᠷᠭᠠᠨ ᠬᠦᠮᠦᠵᠢᠯ ᠳ᠋ᠦ ᠶᠡᠷᠦ ᠡᠴᠡ ᠵᠢᠵᠢᠭ ᠶᠠᠪᠣᠲᠠᠯ ᠭᠡᠵᠦ ᠪᠠᠢᠲᠠᠬ ᠦᠭᠡᠢ᠂ ᠰᠣᠷᠭᠠᠨ ᠬᠦᠮᠦᠵᠢᠯ᠎ᠤᠨ ᠪᠦᠬᠦ ᠶᠠᠪᠣᠴᠠ ᠨᠢ ᠪᠦᠷ ᠯᠡ ᠲᠣᠮᠣ ᠶᠠᠪᠣᠲᠠᠯ ᠪᠠᠢᠵᠦ ᠲᠠᠭᠠᠷᠠᠨ᠎ᠠ ᠭᠡᠵᠦ ᠠᠯᠢ ᠨᠢᠭᠡ ᠡᠷᠳᠡᠮᠲᠡᠨ ᠬᠡᠯᠡᠭᠰᠡᠨ ᠶᠣᠮ᠃ ᠰᠢᠨ᠎ᠡ ᠰᠣᠷᠣᠯᠭ᠎ᠠ᠎ᠶᠢᠨ ᠬᠣᠭᠣᠴᠠᠭ᠎ᠠ ᠳ᠋ᠦ ᠬᠡᠦᠬᠡᠳ᠎ᠤᠨ ᠪᠡᠶ᠎ᠡ ᠪᠠᠨ ᠲᠠᠭᠠᠭᠠᠵᠦ ᠰᠣᠷᠣᠯᠭ᠎ᠠ᠎ᠶᠢᠨ ᠠᠰᠠᠭᠣᠲᠠᠯ ᠶ᠋ᠢᠡᠨ ᠦᠪᠡᠰᠦᠪᠡᠨ ᠰᠢᠢᠳᠪᠦᠷᠢᠯᠡᠬᠦ ᠵᠢ ᠰᠣᠷᠭᠠᠬᠣ ᠳ᠋ᠦ ᠭᠣᠣᠯ ᠨᠢ 《ᠡᠨᠡ ᠪᠣᠯ ᠮᠢᠨᠦ ᠬᠢᠬᠦ ᠴᠢᠬᠣᠯᠠᠲᠠᠢ ᠶᠠᠪᠣᠲᠠᠯ》 ᠭᠡᠲᠡᠭ ᠲᠠᠨᠢᠯᠲᠠ ᠲᠠᠢ ᠪᠣᠯᠭᠠᠬᠣ ᠨᠢ ᠴᠢᠬᠣᠯᠠ᠃ ᠠᠮᠠᠷᠠᠯᠲᠠ ᠳ᠋ᠦ ᠭᠡᠷ᠎ᠤᠨ ᠬᠦᠮᠦᠵᠢᠯ᠎ᠢ ᠭᠣᠣᠯᠴᠠᠭᠣ ᠲᠦᠰᠢᠭᠯᠡᠵᠦ ᠪᠠᠢᠬᠰᠠᠨ ᠪᠣᠯ ᠣᠲᠣ ᠰᠣᠷᠭᠠᠭᠣᠯᠢ᠎ᠶᠢᠨ ᠬᠦᠷᠢᠶᠡᠨ ᠳ᠋ᠡᠭᠡᠨ ᠪᠣᠴᠠᠵᠦ᠂ ᠪᠠᠬᠰᠢ᠎ᠶᠢᠨ ᠬᠦᠮᠦᠵᠢᠯ ᠬᠢᠭᠡᠳ ᠪᠡᠶ᠎ᠡ ᠪᠠᠨ ᠲᠠᠭᠠᠭᠠᠬᠣ ᠴᠢᠲᠠᠪᠣᠷᠢ᠎ᠶᠢ ᠰᠢᠯᠭᠠᠬᠣ ᠪᠣᠯᠣᠬᠰᠠᠨ ᠭᠡᠲᠡᠭ᠎ᠢ ᠬᠡᠦᠬᠡᠳ ᠲᠦ᠍ ᠬᠡᠯᠡᠵᠦ ᠮᠡᠳᠡᠷᠡᠬᠦᠯᠪᠡᠯ ᠲᠠᠭᠠᠷᠠᠨ᠎ᠠ᠃

ᠰᠢᠨ᠎ᠡ ᠰᠣᠷᠣᠯᠭ᠎ᠠ᠎ᠶᠢᠨ ᠬᠣᠭᠣᠴᠠᠭ᠎ᠠ ᠰᠢᠨ᠎ᠡ ᠪᠡᠷ ᠡᠬᠢᠯᠡᠨ᠎ᠡ᠃ ᠡᠨᠲᠡ ᠬᠡᠯᠡᠵᠦ ᠪᠣᠢ ᠰᠢᠨ᠎ᠡ ᠭᠡᠲᠡᠭ ᠲᠦ᠍ ᠣᠯᠠᠨ ᠬᠣᠪᠢᠷᠠᠯᠲᠠ᠎ᠶᠢ ᠠᠭᠣᠯᠵᠦ ᠪᠠᠬᠲᠠᠭᠠᠵᠦ ᠪᠠᠢᠭ᠎ᠠ᠎ᠶᠢ ᠣᠢᠯᠠᠭᠠᠭᠣᠰᠢᠲᠠᠢ᠃ ᠦᠰᠪᠦᠷᠢ᠎ᠶᠢᠨ ᠬᠡᠦᠬᠡᠳ᠎ᠤᠨ ᠨᠠᠰᠣ ᠨᠡᠮᠡᠭᠲᠡᠬᠦ᠎ᠶᠢ ᠲᠠᠭᠠᠯᠲᠣᠨ ᠦᠵᠡᠵᠦ ᠲᠣᠭᠣᠯᠣᠬᠰᠠᠨ ᠵᠦᠢᠯ ᠣᠯᠠᠰᠢᠷᠠᠵᠦ ᠬᠠᠷᠠᠭ᠎ᠠ ᠨᠢ ᠦᠷᠭᠡᠵᠢᠯ᠎ᠡ᠂ ᠣᠬᠠᠭᠠᠵᠢᠨ ᠲᠣᠮᠣᠭᠠᠵᠢᠵᠦ ᠦᠵᠡᠯᠲᠡ ᠲᠠᠨᠢᠯᠲᠠ ᠨᠢ ᠴᠦ᠍ ᠰᠢᠨᠡᠲᠦᠯ᠎ᠡ᠃ ᠦᠪᠡᠷ᠎ᠢ ᠪᠠᠨ ᠢᠩᠬᠢᠵᠦ ᠰᠢᠨ᠎ᠡ ᠪᠡᠷ ᠲᠠᠨᠢᠬᠣ᠎ᠶᠢᠨ ᠣᠯᠠᠮ ᠶ᠋ᠢᠡᠷ ᠰᠢᠨ᠎ᠡ ᠨᠣᠮ᠂ ᠰᠢᠨ᠎ᠡ ᠡᠳᠦᠷ᠂ ᠰᠢᠨ᠎ᠡ ᠰᠣᠷᠣᠯᠭ᠎ᠠ᠎ᠶᠢᠨ ᠬᠣᠭᠣᠴᠠᠭ᠎ᠠ ᠁ ᠭᠡᠬᠦᠴᠢᠯᠡᠨ ᠣᠯᠠᠨ ᠰᠢᠨ᠎ᠡ ᠵᠦᠢᠯ ᠲᠨᠳᠡᠨ᠎ᠢ ᠣᠬᠲᠣᠨ ᠬᠦᠯᠢᠶᠡᠵᠦ ᠪᠠᠢᠬᠤ ᠵᠢ ᠮᠡᠳᠡᠨ᠂ ᠣᠷᠣᠯᠲᠣᠨ ᠦᠷᠢᠰᠬᠦ ᠪᠡᠷ ᠪᠡᠯᠡᠳᠭᠡᠬᠦ ᠬᠡᠷᠡᠭᠲᠡᠢ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠭᠡᠷ᠎ᠤᠨ ᠠᠬᠠᠮᠠᠳ ᠪᠣᠯᠣᠬᠰᠠᠳ ᠬᠡᠦᠬᠡᠳ ᠦᠰᠴᠦ ᠲᠣᠮᠣᠭᠠᠵᠢᠬᠰᠠᠨ ᠶᠣᠮ ᠭᠡᠳ ᠭᠠᠷ ᠰᠠᠵᠢᠨ ᠬᠣᠢᠰᠢ ᠰᠠᠭᠣᠵᠦ ᠬᠡᠷᠡᠭ ᠡᠴᠡ ᠭᠠᠷᠣᠬᠰᠠᠨ ᠲᠦᠷᠢᠯᠡᠵᠦ ᠪᠣᠯᠬᠣ ᠦᠭᠡᠢ᠂ ᠬᠠᠷᠢᠨ ᠬᠡᠦᠬᠡᠳ᠎ᠤᠨ ᠪᠡᠶ᠎ᠡ ᠪᠠᠨ ᠲᠠᠭᠠᠭᠠᠬᠣ ᠴᠢᠲᠠᠪᠣᠷᠢ᠎ᠶᠢ ᠬᠦᠮᠦᠵᠢᠬᠦᠯᠬᠦ᠎ᠶᠢᠨ ᠬᠠᠮᠲᠣ ᠪᠡᠶ᠎ᠡ ᠰᠡᠳᠬᠢᠴᠡ᠎ᠶᠢᠨ ᠬᠣᠪᠢᠷᠠᠯᠲᠠ᠎ᠶᠢ ᠨᠢ ᠠᠵᠢᠬᠯᠠᠵᠦ᠂ ᠴᠠᠬ ᠲᠣᠬᠠᠢ ᠳ᠋ᠣᠨᠢ ᠵᠢᠭᠠᠨ ᠵᠢᠯᠣᠭᠣᠳᠬᠣ᠎ᠶᠢ ᠠᠩᠬᠠᠷᠪᠠᠯ ᠵᠦᠢᠲᠡᠢ᠃

ᠰᠣᠷᠴᠣ ᠮᠡᠳᠡᠬᠦ᠎ᠶᠢ ᠵᠣᠷᠢᠬᠰᠠᠨ ᠰᠢᠨ᠎ᠡ ᠬᠣᠭᠣᠴᠠᠭ᠎ᠠ ᠰᠣᠷᠣᠬᠴᠢ ᠪᠣᠯᠭᠠᠨ ᠳ᠋ᠦ ᠠᠲᠠᠯᠢᠬᠠᠨ ᠰᠢᠨ᠎ᠡ ᠰᠡᠪᠡᠬᠦᠨ ᠰᠠᠨᠠᠬᠲᠠᠬᠣ ᠨᠢ ᠮᠡᠳᠡᠭᠡᠵᠢ᠃ ᠠᠮᠢᠲᠣᠷᠠᠯ᠎ᠤᠨ ᠨᠠᠷᠠᠨ ᠭᠠᠬᠴᠠ᠎ᠬᠦ ᠦᠷᠯᠦᠭᠡ ᠮᠠᠨᠲᠣᠲᠠᠬ ᠦᠭᠡᠢ ᠬᠣᠢᠨ᠎ᠠ ᠬᠡᠵᠢᠶ᠎ᠡ ᠡᠬᠢᠯᠡᠭᠰᠡᠨ ᠴᠦ᠍ ᠬᠣᠵᠢᠬᠲᠠᠬᠣ ᠣᠴᠢᠷ ᠠᠯᠠᠭ᠎ᠠ ᠭᠡᠰᠡᠨ᠎ᠢ ᠬᠡᠦᠬᠡᠳ ᠲᠡᠬᠦᠦ ᠨᠠᠷ ᠲᠡᠬᠡᠨ ᠰᠠᠨᠠᠭᠣᠯᠣᠶ᠎ᠠ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面