2026-09-07 11:14:59
ᠠᠯᠳᠠᠨ ᠰᠢᠷᠭᠠᠯ ᠨᠠᠮᠤᠷ ᠵᠢᠡᠷ ᠦᠪᠦᠷ ᠮᠤᠩᠭᠤᠯᠤᠨ ᠡᠯᠠ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠬᠢᠬᠡᠳ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠤᠨ ᠬᠢᠨ ᠰᠢᠨᠡ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠪᠠᠨ ᠤᠳᠬᠠ ᠳᠡᠬᠦᠯᠳᠡᠷ ᠡᠬᠢᠯᠡᠬᠦᠯᠵᠦ᠂ ᠡᠯᠡ ᠰᠤᠷᠭᠠᠭᠤᠯᠢ ᠪᠠᠶᠠᠯᠢᠭ ᠠᠭᠤᠯᠭᠠ ᠪᠦᠬᠦᠢ《ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ》 ᠵᠢᠡᠷ ᠰᠤᠷᠤᠭᠴᠢᠳᠤᠨ ᠵᠢᠡᠨ ᠤᠶᠤᠨᠢ ᠤᠮᠳᠠᠯᠠᠵᠤ᠂ ᠤᠬᠠᠭᠠᠨᠢ ᠰᠡᠩᠬᠡᠷᠡᠬᠦᠯᠵᠦ᠂ ᠠᠮᠤᠷ ᠲᠦᠪᠰᠢᠨᠤ ᠮᠡᠳᠡᠯᠬᠡ ᠵᠢ ᠨᠡᠮᠡᠭᠳᠡᠬᠦᠯᠦᠨ᠂ ᠬᠦᠰᠡᠯ ᠮᠦᠷᠦᠬᠡᠳᠦᠯᠵᠦᠭᠢᠶᠡᠨ ᠤᠷᠤᠭᠰᠢᠯᠠᠬᠤ ᠢᠳᠡᠭᠡᠯ ᠰᠡᠳᠭᠢᠯᠢ ᠨᠢ ᠬᠦᠪᠴᠢᠯᠡᠯᠡ᠃

ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠮᠦᠵᠢᠯᠤᠨ ᠠᠩᠬᠠᠨᠤ ᠬᠢᠴᠢᠶᠡᠯ
《ᠮᠠᠨᠤ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢ᠍ᠢᠨ》
ᠲᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠳᠤ ᠨᠠᠮ ᠪᠠᠢᠭᠤᠯᠤᠭᠳᠠᠭᠰᠠᠨ 105 ᠵᠢᠯᠦᠨ ᠤᠢ᠂ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢ᠍ᠢᠨᠦ ᠢᠯᠠᠯᠲᠠ ᠣᠯᠣᠭᠰᠠᠨ 90 ᠵᠢᠯᠦᠨ ᠤᠢ ᠵᠢ ᠳᠤᠬᠢᠶᠠᠯᠳᠤᠭᠤᠯᠤᠨ᠂ ᠲᠦᠪᠤᠨ ᠤᠬᠠᠭᠤᠯᠬᠤ ᠬᠡᠯᠳᠡᠰ᠂ ᠰᠤᠷᠭᠠᠨ ᠬᠦᠮᠦᠵᠢᠯᠤᠨ ᠶᠠᠮᠤᠨ᠂ ᠲᠦᠪᠤᠨ ᠷᠠᠳᠢᠤ᠋ ᠲᠧᠯᠧᠢ᠍ᠰᠤᠨ ᠶᠡᠷᠦᠩᠬᠡᠢ ᠬᠤᠷᠢᠶᠠ ᠡᠴᠡ ᠬᠠᠮᠳᠤᠷᠠᠨ ᠭᠤᠤᠯᠯᠠᠨ ᠡᠷᠬᠢᠯᠡᠭᠰᠡᠨ 2026 ᠣᠨᠤ 《ᠮᠠᠨᠤ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢ᠍ᠢᠨ》 ᠭᠤᠤᠯ ᠰᠡᠳᠦᠪᠳᠤ 《ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ》 ᠢ᠋ 9 ᠰᠠᠷᠠ ᠵᠢᠨ 1 ᠤ᠋ ᠤᠷᠤᠢ ᠲᠦᠪ ᠲᠧᠯᠧᠢ᠍ᠰ ᠪᠠ ᠰᠦᠯᠵᠢᠶᠠ ᠪᠡᠷ ᠨᠡᠪᠳᠡᠷᠡᠬᠦᠯᠵᠦ᠂ ᠦᠪᠦᠷ ᠮᠤᠩᠭᠤᠯᠤᠨ ᠡᠯᠠ ᠱᠠᠳᠤᠨᠤ ᠰᠤᠷᠭᠠᠭᠤᠯᠢ ᠵᠢᠨ ᠰᠤᠷᠤᠭᠴᠢᠳ ᠬᠦᠯᠢᠶᠡᠨ ᠠᠪᠴᠤ ᠰᠤᠨᠢᠷᠬᠠᠵᠠᠢ᠃
《ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢᠨ ᠪᠤᠯ ᠨᠢᠬᠡᠨ ᠤᠳᠠᠭᠠ ᠵᠢᠨ ᠢᠳᠡᠬᠡᠯ ᠪᠢᠰᠢᠷᠡᠯᠤᠨ ᠲᠦᠯᠦᠬᠡ ᠳᠡᠮᠡᠴᠡᠭᠰᠡᠨ ᠠᠯᠤᠰ ᠬᠤᠯᠠ ᠵᠢᠨ ᠠᠶᠠᠯᠠᠯ᠃ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢᠨ ᠪᠤᠯ ᠨᠢᠬᠡᠨ ᠤᠳᠠᠭᠠ ᠵᠢᠨ ᠦᠨᠡᠨ ᠶᠤᠰᠤ ᠵᠢ ᠰᠢᠯᠭᠠᠭᠰᠠᠨ ᠠᠯᠤᠰ ᠬᠤᠯᠠ ᠵᠢᠨ ᠠᠶᠠᠯᠠᠯ᠃ ᠤᠷᠳᠤ ᠵᠠᠮᠤᠨ ᠠᠶᠠᠨ ᠲᠠᠢᠨ ᠪᠤᠯ ᠨᠢᠬᠡᠨ ᠤᠳᠠᠭᠠ ᠵᠢᠨ ᠤᠯᠠᠨ ᠲᠦᠮᠡᠨᠢ ᠳᠠᠭᠤᠳᠠᠨ ᠰᠡᠷᠢᠬᠡᠭᠰᠡᠨ ᠠᠯᠤᠰ ᠬᠤᠯᠠ ᠵᠢᠨ ᠠᠶᠠᠯᠠᠯ᠃ ᠤᠷᠳᠤ ᠵᠠᠮᠤᠨ ᠠᠶᠠᠨ ᠳᠠᠢᠨ ᠪᠤᠯ ᠨᠢᠬᠡᠨ ᠤᠳᠠᠭᠠ ᠵᠢᠨ ᠰᠢᠨᠠ ᠪᠠᠢᠳᠠᠯᠢ ᠨᠡᠬᠡᠬᠡᠭᠰᠡᠨ ᠠᠯᠤᠰ ᠬᠤᠯᠠ ᠵᠢᠨ ᠠᠶᠠᠯᠠᠯ ᠁》 ᠡᠨᠡ ᠬᠦ᠌ ᠠᠩᠬᠠᠨᠤ ᠬᠢᠴᠢᠶᠡᠯ ᠨᠢ ᠤᠯᠠᠭᠠᠨ ᠴᠡᠷᠢᠭᠦᠨ 34 ᠳ᠋ᠤᠭᠡᠷ ᠳ᠋ᠢᠸᠢᠽᠢᠶᠢᠨ ᠬᠢᠨ ᠴᠢᠰᠤᠪᠠᠨ ᠤᠷᠤᠰᠬᠠᠨ ᠬᠣᠷᠢᠭ᠍ᠯᠠᠨ ᠴᠣᠬᠢᠭ᠍ᠰᠠᠨ᠂ ᠴᠧᠨ ᠱᠤ᠌ ᠰᠢᠶᠠᠩᠤᠨ ᠪᠠᠭᠠᠲᠤᠷᠯᠢᠭ᠋ ᠵᠢᠡᠷ ᠳᠡᠮᠡᠴᠡᠭᠰᠡᠨ᠂ ᠽᠦᠨ ᠢ ᠵᠢᠨ ᠬᠤᠷᠠᠯᠤᠨ ᠠᠭᠤᠤ ᠶᠡᠬᠡ ᠡᠷᠭᠢᠯᠲᠡ᠂ ᡂᠢ ᠱᠦᠢ ᠾᠸ ᠭᠣᠣᠯᠢ ᠳᠥᠷᠪᠡᠨᠲᠡ ᠭᠡᠲᠦᠯᠦᠭᠰᠡᠨ᠂ ᠳᠠ ᠳᠦ ᠾᠧ ᠭᠣᠣᠯᠢ ᠭᠡᠲᠦᠯᠵᠦ᠂ ᠯᠦ᠍ ᠳ᠋ᠢᠩ ᠴᠢᠶᠣᠤ ᠬᠥᠭᠥᠷᠭᠡ ᠵᠢ ᠪᠤᠯᠢᠶᠠᠨ ᠠᠪᠤᠭᠰᠠᠨ ᠵᠡᠷᠭᠡ ᠪᠠᠭᠠᠲᠤᠷᠯᠢᠭ᠋ ᠦᠯᠢᠬᠡᠷᠤᠳᠢ ᠳᠠᠬᠢᠨᠲᠠ ᠡᠷᠬᠢᠴᠡᠬᠦᠯᠵᠦ᠂ ᠤᠯᠠᠭᠠᠨ ᠴᠡᠷᠢᠭᠦᠨ ᠨᠤᠭᠤᠷᠠᠰᠢ ᠦᠭᠡᠢ ᠲᠡᠮᠡᠴᠡᠬᠦ ᠡᠷᠡᠰ ᠪᠠᠲᠤ ᠢᠲᠡᠭᠡᠯ ᠵᠣᠷᠢᠭ᠋ᠢ ᠢᠯᠡᠷᠡᠭᠦᠯᠵᠡᠢ᠃ ᠬᠢᠴᠢᠶᠡᠯ ᠨᠢ ᠪᠠᠰᠠ ᠦᠩᠭᠡᠷᠡᠭᠰᠡᠨ ᠪᠠ ᠡᠳᠦᠭᠡ ᠵᠢ ᠤᠶᠠᠯᠳᠤᠭᠤᠯᠵᠤ᠂ ᠴᠠᠩ ᠵᠧᠩ ᠠᠷᠪᠠᠳᠤᠭᠠᠷ ᠬᠥᠬᠡᠭᠴᠢᠨ ᠬᠥᠯᠭᠡ ᠲᠡᠢᠷᠦᠯᠲᠦ ᠰᠤᠮᠤᠶᠢ ᠠᠮᠵᠢᠯᠲᠠᠲᠠᠢ ᠬᠣᠷᠢᠶᠠᠨ ᠠᠪᠤᠭᠰᠠᠨ ᠵᠢᠡᠷ ᠦᠯᠢᠬᠡᠷ ᠵᠢᠱ᠌ᠢᠶᠠ ᠪᠣᠯᠭᠠᠵᠤ᠂ ᠰᠠᠨᠰᠠᠷᠴᠢᠳᠤᠨ 70 ᠵᠢᠯᠤᠨ ᠲᠡᠮᠡᠴᠡᠯᠤᠨ ᠦᠯᠢᠭᠡᠷᠢ ᠶᠠᠷᠢᠵᠤ᠂ ᠰᠢᠨᠡ ᠴᠠᠭ ᠦᠶᠡᠶᠢᠨ ᠵᠠᠯᠠᠭᠤᠴᠤᠳ ᠪᠠᠭᠠᠴᠤᠳᠤᠨ ᠬᠦᠴᠢᠷᠪᠡᠷᠬᠡ ᠡᠴᠡ ᠠᠶᠤᠬᠤ ᠦᠬᠡᠢ ᠡᠷᠡᠯᠬᠡᠭ ᠪᠠᠭᠠᠲᠤᠷᠯᠢᠭ᠋ᠢᠶᠠᠷ ᠤᠷᠤᠭᠰᠢᠯᠠᠨ ᠳᠠᠪᠰᠢᠬᠤ ᠵᠢ ᠬᠦᠰᠡᠨ ᠵᠤᠷᠢᠭᠵᠢᠭᠤᠯᠤᠭᠰᠠᠨ ᠪᠠᠢᠨᠠ᠃
《ᠡᠨᠡ ᠤᠳᠠᠭᠠᠨᠤ 〈ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ〉 ᠵᠢᠡᠷ᠂ ᠤᠷᠳᠤ ᠵᠠᠮᠤᠨ ᠠᠶᠠᠨ ᠳᠠᠢᠨ ᠳ᠋ᠤ ᠤᠯᠠᠭᠠᠨ ᠴᠡᠷᠢᠭᠤᠨ ᠪᠠᠢᠯᠳᠤᠭᠴᠢᠳ ᠠᠮᠢ ᠪᠡᠶᠠ ᠪᠠᠨ ᠦᠷᠡᠭᠳᠡᠬᠦᠯᠬᠦ ᠡᠴᠡ ᠰᠦᠷᠳᠡᠬᠦ ᠦᠬᠡᠢ᠂ ᠴᠠᠰᠤᠳᠤ ᠠᠭᠤᠯᠠ ᠨᠠᠮᠤᠭᠳᠤ ᠳᠠᠯᠠ ᠵᠢ ᠳᠤᠭᠤᠯᠤᠨ᠂ ᠳᠤᠭᠠ ᠦᠬᠡᠢ ᠤᠯᠠᠨ ᠬᠦᠴᠢᠷ ᠪᠡᠷᠬᠡ ᠵᠢ ᠳᠤᠭᠤᠯᠵᠤ᠂ ᠡᠷᠡᠰ ᠪᠠᠳᠤ ᠢᠳᠡᠬᠡᠯ ᠵᠤᠷᠢᠭ ᠵᠢᠡᠷ ᠡᠴᠦᠰᠤᠨ ᠢᠯᠠᠯᠳᠠ ᠵᠢ ᠲᠡᠮᠡᠴᠡᠨ ᠤᠯᠤᠭᠰᠠᠨ ᠦᠯᠢᠬᠡᠷᠢ ᠰᠤᠷᠤᠭᠴᠢ ᠪᠢᠳᠡᠨ ᠳ᠋ᠤ ᠠᠮᠢᠳᠤᠯᠢᠭ ᠪᠤᠳᠠᠳᠠᠢ ᠳᠠᠢᠯᠪᠤᠷᠢᠯᠠᠵᠤ ᠦᠭᠴᠡᠢ᠃ ᠰᠢᠨᠡ ᠴᠠᠭ ᠦᠶᠠ ᠵᠢᠨ ᠪᠠᠭᠠᠴᠤᠳ ᠪᠢᠳᠡ ᠤᠷᠳᠤ ᠵᠠᠮᠤᠨ ᠠᠶᠠᠨ ᠳᠠᠢᠨᠤ ᠵᠤᠷᠢᠭ ᠰᠠᠨᠠᠭᠠ ᠵᠢ ᠰᠤᠷᠤᠯᠴᠠᠨ᠂ ᠬᠦᠴᠢᠷ ᠪᠡᠷᠬᠡ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠡᠴᠡ ᠠᠶᠤᠬᠤ ᠦᠬᠡᠢ ᠪᠡᠷ ᠬᠢᠴᠢᠶᠡᠯ ᠰᠤᠷᠤᠯᠭᠠ ᠳ᠋ᠠᠭᠠᠨ ᠰᠢᠮᠳᠠᠵᠤ᠂ ᠬᠤᠵᠢᠮ ᠬᠤᠢᠰᠢᠳᠠ ᠡᠬᠡ ᠤᠯᠤᠰ ᠲᠠᠭᠠᠨ ᠬᠡᠷᠡᠭᠴᠡᠬᠡ ᠳᠠᠢ ᠬᠦᠮᠦᠨ ᠪᠤᠯᠬᠤ ᠪᠡᠷ ᠴᠢᠷᠮᠠᠢᠨᠠ》 ᠬᠡᠵᠦ ᠬᠦᠬᠡᠬᠤᠳᠠ ᠵᠢᠨ ᠭᠤᠴᠢᠳᠤᠭᠠᠷ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠵᠢᠨ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠡᠯᠳᠡᠰᠤᠨ ᠳᠠᠪᠤᠳᠤᠭᠠᠷ ᠤᠨᠤ ᠰᠤᠷᠤᠭᠴᠢ ᠤᠬᠠᠭᠠᠨ ᠠᠩᠬᠠᠨᠤ ᠬᠢᠴᠢᠶᠡᠯ ᠤᠷᠤᠭᠰᠠᠨ ᠲᠦᠷᠦᠭᠳᠡᠯᠢᠶᠡᠨ ᠶᠠᠷᠢᠯᠠ᠃

ᠠᠮᠤᠷ ᠲᠦᠪᠰᠢᠨᠤ ᠬᠦᠮᠦᠵᠢᠯᠤᠨ ᠠᠨᠭᠬᠠᠨᠤ ᠬᠢᠴᠢᠶᠡᠯ
ᠤᠯᠤᠰᠤᠨ ᠲᠤᠭᠤᠨ ᠳᠤᠤᠷᠠᠬᠢ ᠬᠦᠮᠦᠵᠢᠯ
《ᠬᠠᠮᠳᠤ ᠰᠤᠷᠤᠭᠴᠢ ᠯᠢ ᠪᠢᠨᠤ᠋ ᠠᠯᠳᠠ ᠤᠯᠪᠠᠴᠤ ᠠᠮᠢᠨ ᠳ᠋ᠠᠭᠠᠨ ᠠᠪᠬᠤ ᠦᠬᠡᠢ ᠵᠤᠷᠢᠭ ᠰᠠᠨᠠᠭᠠ ᠦᠨᠡᠬᠡᠷ ᠮᠠᠭᠳᠠᠭᠤᠰᠢᠳᠠᠢ !》᠃ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠨᠠᠢ᠍ᠮᠠᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠶᠣᠰᠣᠯᠠᠯ ᠨᠢ ᠤᠯᠤᠰᠤᠨ ᠲᠤᠭ ᠮᠠᠨᠳᠤᠭᠤᠯᠬᠤ ᠶᠤᠰᠤᠯᠠᠯᠤᠨ ᠳᠠᠷᠠᠭᠠ ᠡᠢᠮᠦᠷᠬᠦᠦ ᠤᠳᠬᠠ ᠳᠡᠬᠦᠯᠳᠡᠷ ᠡᠬᠢᠯᠡᠯᠡ᠃ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ᠂ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠲᠣᠪᠴᠢᠶᠠᠶᠢᠨ ᠣᠨᠴᠠ ᠴᠠᠭᠳᠠᠭᠠᠶᠢᠨ ᠶᠡᠬᠡ ᠠᠩᠭᠢᠶᠢᠨ ᠠᠷᠠᠳᠤᠨ ᠴᠠᠭᠳᠠᠭᠠ ᠣᠨᠴᠠᠭᠠᠢ ᠵᠣᠴᠢᠨᠤ ᠬᠤᠪᠢᠪᠠᠷ ᠤᠷᠢᠭᠳᠠᠨ ᠰᠠᠭᠠᠳᠠᠵᠤ᠂ ᠪᠦᠬᠦ ᠰᠤᠷᠭᠠᠭᠤᠯᠢᠶᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠤᠨ ᠡᠮᠦᠨᠡ ᠳᠤᠰ ᠰᠤᠷᠭᠠᠭᠤᠯᠢ ᠵᠢᠨ ᠭᠤᠷᠪᠠᠳᠤᠭᠠᠷ ᠣᠨ ᠤ᠋ ᠭᠤᠷᠪᠠᠳᠤᠭᠠᠷ ᠠᠩᠭᠢᠶᠢᠨ ᠰᠤᠷᠤᠭᠴᠢ ᠯᠢ ᠪᠢᠨ ᠳ᠋ᠤ ᠢᠯᠡᠬᠡᠭᠰᠡᠨ ᠳᠠᠯᠠᠷᠬᠠᠯᠤᠨ ᠵᠠᠬᠢᠳᠠᠯᠢ ᠤᠩᠰᠢᠵᠤ ᠦᠭᠴᠡᠢ᠃
ᠡᠨᠡᠬᠦ ᠰᠤᠷᠭᠠᠭᠤᠯᠢ ᠡᠬᠢᠯᠡᠬᠦ ᠨᠠᠨᠳᠢᠨ ᠪᠡᠯᠡᠭ ᠪᠤᠯᠤᠭᠰᠠᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠦᠯᠢᠬᠡᠷ ᠵᠤᠨᠤ ᠠᠮᠠᠷᠠᠯᠳᠠ ᠳ᠋ᠤ ᠡᠬᠦᠰᠴᠡᠢ᠃ ᠵᠧᠦ ᠠᠪᠠᠬᠠᠢ ᠨᠠᠢ᠍ᠮᠠᠨ ᠰᠠᠷᠠᠶᠢᠨ ᠡᠬᠢ ᠪᠡᠷ ᠣᠪᠣᠭᠠᠨ ᠴᠡᠴᠡᠷᠯᠢᠭᠲᠦ ᠳᠤᠭᠤᠷᠢᠵᠤ ᠪᠠᠢᠭᠠᠳ 8000 ᠲᠥᠭᠥᠷᠢᠭᠦᠨ ᠦᠷᠳᠡᠭ ᠪᠦᠬᠦᠢ ᠭᠠᠷ ᠤᠲᠠᠰᠤ ᠪᠠᠨ ᠬᠢᠴᠢᠶᠡᠮᠵᠢ ᠦᠬᠡᠢ ᠪᠡᠷ ᠡᠯᠡᠰᠦᠨ ᠳ᠋ᠤ ᠤᠨᠠᠭᠠᠭᠠᠳ ᠬᠡᠬᠡᠴᠢᠬᠡᠵᠡᠢ᠃ ᠭᠠᠷ ᠤᠲᠠᠰᠤᠨᠳ᠋ᠤᠨᠢ ᠶᠡᠬᠡ ᠬᠡᠮᠵᠢᠶᠡᠨᠦ ᠬᠣᠪᠣᠷ ᠨᠠᠨᠳᠢᠨ ᠭᠡᠷᠡᠯ ᠵᠢᠷᠤᠭ ᠪᠠ ᠴᠢᠬᠤᠯᠠ ᠮᠠᠲᠧᠷᠢᠶᠠᠯ ᠬᠠᠳᠠᠭᠠᠯᠠᠵᠤ ᠪᠠᠢᠳᠠᠭ ᠪᠤᠯᠬᠤᠷ ᠲᠡᠷᠡ ᠶᠡᠬᠡ ᠪᠠᠴᠢᠮᠳᠠᠨ ᠰᠠᠨᠳᠤᠷᠴᠤ ᠬᠡᠳᠦᠢ ᠡᠷᠢᠭᠰᠡᠨ ᠪᠤᠯᠪᠠᠴᠤ ᠡᠷᠢᠵᠦ ᠤᠯᠤᠭᠰᠠᠨ ᠦᠬᠡᠢ᠃ ᠠᠷᠭᠠ ᠮᠤᠬᠤᠷᠳᠠᠭᠰᠠᠨ ᠵᠧᠦ ᠠᠪᠠᠬᠠᠢ ᠭᠡᠷᠲᠡᠬᠡᠨ ᠬᠠᠷᠢᠭ᠍ᠰᠠᠨᠤ ᠳᠠᠷᠠᠭᠠ᠂ ᠥᠪᠡᠷᠦᠨ ᠭᠠᠷ ᠤᠲᠠᠰᠤᠨ ᠨᠣᠮᠧᠷ ᠲᠠᠭᠠᠨ ᠤᠲᠠᠰᠤᠳᠠᠭᠰᠠᠨᠳᠤ ᠤᠲᠠᠰᠤ ᠨᠢ ᠮᠠᠰᠢ ᠲᠦᠷᠭᠡᠨ ᠵᠢᠡᠷ ᠨᠡᠪᠲᠡᠷᠡᠪᠡ᠃ ᠤᠤᠯ ᠨᠢ᠂ ᠰᠤᠷᠤᠭᠴᠢ ᠯᠢ ᠪᠢᠨ ᠵᠧᠦ ᠠᠪᠠᠬᠠᠢ ᠵᠢᠨ ᠭᠠᠷ ᠤᠳᠠᠰᠤ ᠵᠢ ᠤᠯᠵᠤ ᠠᠪᠤᠭᠰᠠᠨᠤ ᠳᠠᠷᠠᠭᠠ᠂ ᠭᠡᠷᠦᠨ ᠠᠬᠠᠮᠠᠳᠤᠨ ᠵᠢᠡᠨ ᠪᠠᠷᠠ ᠪᠤᠯᠤᠯᠭᠠᠪᠠᠷ ᠳᠣᠲᠣᠭᠠᠳᠤᠶᠢ ᠬᠠᠮᠠᠭᠠᠯᠠᠬᠤ ᠭᠠᠵᠠᠷ ᠲᠤ᠌ ᠬᠦᠷᠴᠦ ᠴᠠᠭᠳᠠᠭᠠ ᠳ᠋ᠤ ᠳᠤᠰᠢᠶᠠᠭᠰᠠᠨ ᠠᠵᠠᠢ᠃ ᠠᠰᠪᠤᠷ ᠰᠢᠯᠤᠭᠤᠨ ᠬᠡᠦᠬᠡᠳᠤᠨ ᠬᠢᠳᠡᠯ ᠳ᠋ᠤ ᠰᠡᠳᠬᠢᠯ ᠳᠤᠭᠳᠤᠯᠤᠭᠰᠠᠨ ᠵᠧᠦ ᠠᠪᠠᠬᠠᠢ ᠯᠢ ᠪᠢᠨ ᠳ᠋ᠤ ᠪᠢᠴᠢᠭᠤᠨ ᠬᠡᠷᠡᠭᠰᠡᠯ᠂ ᠨᠤᠮ ᠳᠡᠪᠳᠡᠷ ᠠᠪᠴᠤ ᠬᠦᠷᠭᠡᠬᠦ ᠵᠢᠨ ᠳᠠᠭᠠᠤ ᠳᠠᠯᠠᠷᠬᠠᠯᠤᠨ ᠪᠢᠴᠢᠭ ᠪᠢᠴᠢᠵᠦ᠄《ᠲᠠ ᠰᠠᠶᠢ ᠭᠤᠷᠪᠠᠳᠤᠭᠠᠷ ᠤᠨᠤ ᠰᠤᠷᠤᠭᠴᠢ ᠪᠤᠯᠪᠠᠴᠤ ᠠᠯᠳᠠ ᠤᠯᠪᠠᠴᠤ ᠠᠮᠢᠨ ᠳ᠋ᠠᠭᠠᠨ ᠠᠪᠬᠤ ᠦᠬᠡᠢ ᠡᠷᠬᠢᠮ ᠰᠤᠷᠳᠠᠯᠢ ᠴᠢᠨᠢ ᠠᠨᠢᠶᠠ ᠨᠢ ᠬᠠᠷᠠᠭᠠᠳ ᠮᠠᠰᠢ ᠪᠢᠰᠢᠷᠡᠵᠦ ᠪᠠᠢᠨᠠ᠃ ᠡᠨᠡ ᠬᠦ᠌ ᠠᠯᠳᠠ ᠰᠢᠭ᠋ ᠴᠡᠪᠡᠷ ᠴᠠᠢᠯᠭᠠᠨ ᠰᠡᠳᠬᠢᠯ ᠵᠢᠡᠨ ᠡᠬᠦᠷᠢᠳᠡ ᠪᠠᠷᠢᠮᠳᠠᠯᠠᠵᠤ ᠶᠠᠪᠤᠬᠤ ᠵᠢ ᠴᠢᠨᠢ ᠬᠦᠰᠡᠵᠦ ᠪᠠᠢᠨᠠ ᠁》 ᠬᠡᠰᠡᠨ ᠪᠢᠯᠡ᠃
《ᠪᠢᠳᠡ ᠰᠤᠷᠤᠭᠴᠢᠳ ᠵᠢᠡᠨ ᠠᠯᠳᠠ ᠤᠯᠪᠠᠴᠤ ᠠᠮᠢᠨ ᠳ᠋ᠠᠭᠠᠨ ᠠᠪᠬᠤ ᠦᠬᠡᠢ ᠦᠨᠡᠨᠴᠢ ᠢᠳᠡᠬᠡᠮᠵᠢᠳᠡᠢ ᠰᠠᠢᠨ ᠰᠠᠢᠬᠠᠨ ᠵᠠᠩ ᠰᠤᠷᠳᠠᠯ ᠳᠠᠢ ᠬᠡᠦᠬᠡᠳ ᠪᠤᠯᠬᠤ ᠬᠡᠷᠡᠭᠳᠡᠢ ᠬᠡᠵᠦ ᠳᠠᠩᠳᠠ ᠰᠤᠷᠭᠠᠳᠠᠭ᠃ ᠮᠠᠨᠤ ᠰᠤᠷᠤᠭᠴᠢ ᠯᠢ ᠪᠢᠨ ᠪᠤᠳᠠᠳᠤ ᠠᠵᠢᠯᠯᠠᠭᠠ ᠪᠡᠷᠢᠶᠡᠨ ᠡᠨᠡᠬᠦ ᠰᠠᠢᠨ ᠰᠠᠢᠬᠠᠨ ᠵᠠᠩ ᠰᠤᠷᠳᠠᠯᠢ ᠦᠢᠯᠡᠳᠦᠯᠬᠡᠵᠢᠬᠦᠯᠦᠭᠰᠡᠨ ᠪᠤᠯᠬᠤᠷ ᠪᠢᠳᠡ ᠳᠡᠬᠦᠨ ᠡᠴᠡ ᠳᠠᠭᠠᠨ ᠰᠤᠷᠤᠯᠴᠠᠪᠠᠯ ᠵᠤᠬᠢᠨᠠ》 ᠬᠡᠵᠦ ᠠᠯᠠᠱᠠ ᠵᠡᠭᠦᠨ ᠬᠣᠰᠢᠭᠤᠨᠤ ᠨᠠᠢ᠍ᠮᠠᠳᠤᠭᠠᠷ ᠪᠠᠭᠠ ᠰᠤᠷᠭᠠᠭᠤᠯᠢᠶᠢᠨ ᠭᠤᠷᠪᠠᠳᠤᠭᠠᠷ ᠣᠨᠤ ᠭᠤᠷᠪᠠᠳᠤᠭᠠᠷ ᠠᠩᠭᠢᠶᠢᠨ ᠠᠩᠭᠢᠶᠢᠨ ᠡᠷᠬᠢᠯᠡᠭᠴᠢ ᠭᠤᠸᠠᠩ ᠮᠧᠩ ᠷᠦ ᠶᠠᠷᠢᠵᠤ ᠪᠠᠢᠯᠠ᠃
ᠰᠤᠷᠤᠭᠴᠢ ᠯᠢ ᠪᠢᠨᠤ ᠡᠨᠡᠬᠦ ᠡᠷᠬᠢᠮ ᠰᠠᠢᠬᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠪᠤᠰᠤᠳᠤᠨ ᠰᠡᠳᠬᠢᠯᠢ ᠳᠤᠯᠠᠭᠠᠴᠠᠭᠤᠯᠤᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠬᠡᠢ᠂ ᠤᠯᠤᠰᠤᠨ ᠲᠣᠭᠤᠨ ᠳᠤᠤᠷᠠᠬᠢ ᠠᠮᠢᠳᠤᠯᠢᠭ᠋ ᠰᠠᠢᠬᠠᠨ 《ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ》 ᠪᠤᠯᠵᠤ᠂ ᠪᠦᠬᠦ ᠰᠤᠷᠭᠠᠭᠤᠯᠢᠶᠢᠨ ᠬᠡᠦᠬᠡᠳᠦᠨ ᠰᠡᠳᠬᠢᠯᠳᠦ ᠦᠨᠡᠨᠴᠢ ᠢᠲᠡᠭᠡᠮᠵᠢᠲᠡᠢ ᠴᠠᠢᠯᠭᠠᠨ ᠰᠡᠳᠬᠢᠯᠲᠠᠢ ᠪᠠᠢᠬᠤ ᠦᠷᠡᠶᠢ ᠰᠠᠴᠤᠵᠤ᠂ ᠢᠳᠡᠪᠬᠢ ᠬᠦᠴᠦᠨᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠦᠨᠳᠦᠰᠦᠯᠡᠭᠦᠯᠦᠨ ᠰᠣᠶᠣᠭᠠᠯᠠᠭᠤᠯᠵᠠᠢ᠃

ᠪᠢᠳᠡ ᠰᠤᠷᠭᠠᠭᠤᠯᠢ ᠡᠬᠢᠯᠡᠯᠡ
ᠢᠷᠠᠭᠤ ᠡᠬᠡᠰᠢᠭᠳᠤ ᠰᠢᠨᠠ ᠠᠶᠠᠨᠤ ᠡᠬᠢᠯᠡᠯ
ᠲᠥᠪᠦᠨ ᠦᠨᠳᠦᠰᠦᠲᠡᠨᠦ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠠᠷᠢᠶᠠᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠬᠥᠬᠡᠬᠣᠲᠠᠳᠠᠬᠢ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶᠢᠨ ᠳᠠᠭᠤᠤ ᠬᠥᠭᠵᠢᠮᠦᠨ ᠲᠢᠩᠬᠢᠮᠳᠦ 《ᠭᠤᠤᠠ ᠰᠠᠢᠬᠠᠨ ᠵᠢᠡᠷ ᠤᠭ ᠰᠠᠨᠠᠭᠠ ᠵᠢ ᠤᠮᠳᠠᠯᠠᠨ ᠬᠦᠮᠦᠨᠢ ᠬᠦᠮᠦᠵᠢᠬᠦᠯᠵᠦ ᠢᠷᠠᠭᠤ ᠡᠬᠡᠰᠢᠭ ᠵᠢᠡᠷ ᠰᠢᠨᠡ ᠠᠶᠠᠨᠢᠶᠠᠨ ᠡᠬᠢᠯᠡᠭᠦᠯᠦᠶᠡ》 ᠭᠡᠬᠦ ᠡᠷᠬᠢᠮᠰᠦᠭ ᠤᠷᠠᠯᠢᠭ᠋ᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠣᠷᠣᠭᠤᠯᠬᠤ ᠲᠤᠰᠬᠠᠢ ᠲᠣᠭᠯᠠᠯᠲᠠ 8 ᠰᠠᠷᠠᠶᠢᠨ 28 ᠤ᠋ ᠤᠷᠤᠢ ᠶᠠᠪᠤᠭᠳᠠᠪᠠ᠃ ᠡᠨᠡ ᠨᠢ ᠰᠢᠨᠡ ᠰᠤᠷᠤᠯᠭᠠᠶᠢᠨ ᠬᠤᠭᠤᠴᠠᠭᠠᠨᠤ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ ᠪᠣᠯᠤᠭᠰᠠᠨᠤ ᠬᠤᠪᠢᠳᠤ᠂ ᠰᠤᠷᠭᠠᠭᠤᠯᠢᠨᠢ ᠥᠨᠳᠥᠷ ᠬᠢᠷᠢ ᠲᠦᠪᠰᠢᠨ ᠪᠦᠬᠦᠢ ᠨᠠᠢᠷᠠᠯ ᠳᠠᠭᠤᠤᠶᠢᠨ ᠲᠣᠭᠯᠠᠯᠲᠠᠪᠠᠷ ᠳᠠᠮᠵᠢᠭᠤᠯᠤᠨ ᠶᠣᠰᠣ᠌ ᠰᠤᠷᠳᠠᠬᠤᠨ ᠵᠢᠡᠷ ᠬᠥᠮᠥᠨᠢ ᠬᠥᠮᠥᠵᠢᠭᠦᠯᠬᠦ ᠦᠨᠳᠦᠰᠦᠨ ᠡᠭᠦᠷᠭᠡ ᠵᠢ ᠨᠠᠢᠳᠠᠪᠤᠷᠢᠵᠢᠭᠤᠯᠵᠠᠢ᠃
ᠲᠤᠰ ᠤᠳᠠᠭᠠᠶᠢᠨ ᠲᠣᠭᠯᠠᠯᠲᠠᠶᠢ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠠᠯᠢᠭ ᠵᠦᠴᠦᠭᠡᠶᠢᠨ ᠬᠦᠷᠢᠶᠡᠯᠡᠩᠦᠨ ᠨᠠᠢᠷᠠᠯ ᠳᠠᠭᠤᠤᠶᠢᠨ ᠪᠦᠯᠬᠦᠮᠡᠴᠡ ᠳᠤᠭᠯᠠᠪᠠ᠃ ᠲᠤᠰ ᠪᠦᠯᠬᠦᠮ ᠨᠢ ᠬᠥᠭᠵᠢᠮᠦᠨ ᠬᠠᠪᠰᠤᠷᠤᠯᠭᠠ ᠦᠭᠡᠢ ᠨᠠᠢᠷᠠᠯ ᠳᠠᠭᠤᠤᠳᠠᠭᠤᠯᠠᠳᠠᠭ᠂ ᠤᠷᠳᠤᠶᠢᠨ ᠳᠠᠭᠤᠤ᠂ ᠬᠦᠬᠡᠮᠡᠢ᠂ ᠮᠣᠷᠢᠨ ᠬᠤᠭᠤᠷ ᠵᠡᠷᠭᠡ ᠮᠣᠩᠭᠣᠯ ᠦᠨᠳᠦᠰᠦᠲᠡᠨᠦ ᠤᠷᠠᠯᠢᠭ᠋ᠤᠨ ᠡᠯᠧᠮᠧᠨ᠋ᠲᠢ ᠠᠭᠤᠰᠤᠯᠴᠠᠭᠤᠯᠳᠠᠭ ᠵᠢᠡᠷ ᠵᠢᠡᠨ ᠤᠨᠴᠠᠯᠠᠭᠳᠠᠵᠤ᠂ ᠤᠯᠠᠨ ᠤᠳᠠᠭᠠ ᠭᠠᠳᠠᠭᠠᠳᠤᠳᠤ ᠭᠠᠷᠴᠤ ᠤᠯᠠᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠᠳᠤ ᠤᠷᠤᠯᠴᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠰᠣᠶᠣᠯ ᠢ᠋ ᠤᠯᠠᠮᠵᠢᠯᠠᠨ ᠪᠠᠳᠠᠷᠠᠭᠤᠯᠬᠤ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠨᠡᠷᠡᠶᠢᠨ ᠬᠠᠭᠤᠳᠠᠰᠤ ᠪᠤᠯᠵᠤ ᠪᠠᠢᠭᠠ ᠶᠤᠮ᠃ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠳᠤ᠂ 《ᠬᠥᠯᠥᠨ ᠪᠤᠢ᠍ᠢᠷᠤᠨ ᠲᠠᠯᠠ ᠨᠤᠲᠤᠭ》᠂《ᠬᠦᠰᠡᠯ ᠮᠦᠷᠦᠬᠡᠳᠦᠯ》 ᠮᠡᠳᠤ ᠵᠢᠨ ᠰᠡᠳᠬᠢᠯ ᠬᠥᠳᠡᠯᠭᠡᠮᠡ ᠢᠷᠠᠭᠤ ᠰᠠᠢᠬᠠᠨ ᠡᠭᠡᠰᠢᠭᠢᠶᠡᠷ ᠵᠢᠡᠨ ᠲᠤᠬᠠᠢᠶᠢᠨ ᠲᠠᠯᠠᠪᠠᠢᠶᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠲᠤ ᠦᠨᠳᠦᠰᠦᠲᠡᠨᠦ ᠳᠠᠭᠤᠤ ᠬᠥᠭᠵᠢᠮᠦᠨ ᠥᠪᠡᠷᠮᠢᠴᠡ ᠷᠢᠳᠢ ᠰᠢᠳᠢᠶᠢ ᠣᠢᠷᠠ ᠵᠠᠢᠠᠴᠠ ᠮᠡᠳᠡᠷᠡᠭᠦᠯᠵᠡᠢ᠃ 《ᠡᠷᠬᠢᠮᠰᠦᠭ ᠤᠷᠠᠯᠢᠭ᠋ᠢ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠳᠦ ᠣᠷᠣᠭᠤᠯᠬᠤ ᠠᠵᠢᠯᠯᠠᠭᠠᠪᠤᠯ ᠡᠷᠡᠭᠦᠯ ᠮᠡᠨᠳᠦ ᠰᠤᠷᠭᠠᠭᠤᠯᠢ᠂ ᠰᠤᠷᠤᠯᠴᠠᠯᠭᠠᠶᠢᠨ ᠨᠥᠬᠥᠷᠰᠡᠭ ᠬᠡᠯᠪᠡᠷᠢᠶᠢᠨ ᠰᠤᠷᠭᠠᠭᠤᠯᠢ᠂ ᠦᠵᠡᠰᠬᠦᠯᠡᠩᠲᠦ ᠰᠠᠢᠬᠠᠨ ᠠᠮᠤᠷ ᠲᠦᠪᠰᠢᠨ ᠰᠤᠷᠭᠠᠭᠤᠯᠢ ᠵᠡᠷᠭᠡ ᠭᠤᠷᠪᠠᠨ ᠵᠦᠢᠯᠦᠨ ᠪᠠᠢᠭᠤᠯᠤᠯᠲᠠᠶᠢ ᠠᠬᠢᠭᠤᠯᠬᠤ ᠴᠢᠬᠤᠯᠠ ᠠᠷᠭᠠ ᠬᠡᠮᠵᠢᠶᠡ ᠮᠥᠨ᠃ ᠡᠷᠬᠢᠮᠰᠦᠭ ᠤᠷᠠᠯᠢᠭ᠋ ᠢ᠋ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠦᠷᠢᠶᠡᠨᠳᠦ ᠤᠷᠤᠭᠤᠯᠬᠤ ᠨᠢ ᠭᠤᠸᠠ ᠰᠠᠢᠬᠠᠨᠤ ᠬᠥᠮᠦᠵᠢᠯᠦᠨ ᠦᠵᠡᠯ ᠰᠡᠳᠬᠢᠯᠭᠡ ᠶ᠋ᠢ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠣᠶᠤᠨ ᠰᠠᠨᠠᠭᠠ ᠶ᠋ᠢ ᠤᠮᠳᠠᠯᠠᠬᠤ ᠦᠢᠯᠡᠳᠦᠯ ᠢ᠋ ᠭᠦᠢᠴᠡᠳ ᠪᠠᠳᠠᠷᠠᠭᠤᠯᠬᠤ ᠶ᠋ᠢᠨ ᠲᠥᠯᠥᠭᠡ ᠶᠤᠮ》 ᠬᠡᠵᠦ ᠲᠥᠪᠦᠨ ᠦᠨᠳᠦᠰᠦᠲᠡᠨᠦ ᠶᠡᠬᠡ ᠰᠤᠷᠭᠠᠭᠤᠯᠢᠶᠢᠨ ᠬᠠᠷᠢᠶᠠᠲᠤ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶᠢᠨ ᠬᠥᠬᠡᠬᠣᠲᠠᠳᠠᠬᠢ ᠬᠤᠪᠢᠶᠠᠷᠢ ᠰᠤᠷᠭᠠᠭᠤᠯᠢᠶᠢᠨ ᠵᠠᠬᠢᠷᠤᠯ ᠸᠠᠩ ᠵᠢᠶᠠᠨ ᠰᠢᠤᠸᠠᠢ ᠶᠠᠷᠢᠯᠠ᠃
ᠸᠠᠩ ᠵᠢᠶᠠᠨ ᠰᠢᠤᠸᠠᠢ ᠵᠠᠬᠢᠷᠤᠯᠤᠨ ᠳᠠᠨᠢᠯᠴᠠᠭᠤᠯᠤᠭᠰᠠᠨ ᠵᠢᠡᠷ᠂ ᠰᠢᠨᠡ ᠬᠤᠭᠤᠴᠠᠭᠠᠡᠴᠡ ᠡᠬᠢᠯᠡᠨ ᠰᠤᠷᠭᠠᠭᠤᠯᠢᠨᠢ ᠤᠷᠠᠯᠢᠭ᠋ᠤᠨ ᠬᠢᠴᠢᠶᠡᠯᠦᠨ ᠥᠭᠡᠷᠡᠴᠢᠯᠡᠯᠲᠡᠶᠢ ᠭᠦᠨᠵᠡᠭᠡᠢᠷᠡᠭᠦᠯᠵᠦ᠂ ᠤᠷᠠᠯᠢᠭ᠋ᠤᠨ ᠦᠵᠡᠭᠦᠯᠭᠡᠶᠢᠨ ᠲᠣᠭᠯᠠᠯᠲᠠᠶᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠤᠷᠠᠯᠢᠭ᠋ᠤᠨ ᠨᠡᠢᠬᠡᠮᠤᠨ ᠪᠦᠯᠬᠦᠮᠢ ᠬᠦᠴᠦᠷᠬᠡᠭᠵᠢᠭᠦᠯᠵᠦ᠂ ᠰᠤᠷᠤᠭ᠍ᠴᠢ ᠨᠢᠭᠡᠪᠦᠷᠢᠳᠦ ᠨᠢᠭᠡᠡᠴᠡ ᠬᠣᠶᠠᠷ ᠲᠦᠷᠦᠯᠦᠨ ᠤᠷᠠᠯᠢᠭ᠋ᠤᠨ ᠲᠤᠰᠬᠠᠢ ᠮᠡᠷᠭᠡᠵᠢᠯᠢ ᠡᠵᠡᠮᠰᠢᠭᠦᠯᠬᠦᠪᠡᠷ ᠴᠢᠷᠮᠠᠢᠵᠤ᠂ ᠤᠶᠠᠩᠭᠠ ᠡᠬᠡᠰᠢᠭ ᠬᠠᠩᠬᠢᠨᠠᠭᠰᠠᠨ ᠰᠤᠷᠭᠠᠭᠤᠯᠢᠶᠢᠨ ᠬᠦᠷᠢᠶᠡᠨᠦ ᠠᠭᠤᠷ ᠠᠮᠢᠰᠬᠤᠯᠢ ᠪᠤᠢ ᠪᠣᠯᠭᠠᠵᠤ᠂ ᠭᠤᠸᠠ ᠰᠠᠢᠬᠠᠨᠤ ᠬᠥᠮᠦᠵᠢᠯᠢᠶᠡᠷ ᠬᠥᠮᠥᠨᠢ ᠬᠥᠮᠥᠵᠢᠭᠦᠯᠬᠦᠶᠢ ᠪᠣᠳᠠᠲᠠᠢᠳᠤ ᠨᠠᠢᠳᠠᠪᠤᠷᠢᠵᠢᠭᠤᠯᠤᠨᠠ᠃
ᠥᠨᠳᠥᠷ ᠳᠤᠮᠳᠠᠳᠤᠶᠢᠨ ᠨᠢᠭᠡᠳᠦᠭᠡᠷ ᠣᠨᠤ ᠬᠤᠶᠠᠳᠤᠭᠠᠷ ᠠᠩᠭᠢᠶᠢᠨ ᠰᠣᠷᠣᠭ᠍ᠴᠢ ᠶᠠᠨ ᠠᠠ᠄ 《ᠲᠤᠰᠬᠠᠢ ᠮᠡᠷᠭᠡᠵᠢᠯᠦᠨ ᠨᠠᠢᠷᠠᠯ ᠳᠠᠭᠤᠤᠶᠢᠨ ᠲᠣᠭᠯᠠᠯᠲᠠᠶᠢ ᠠᠩᠬᠠ ᠤᠳᠠᠭᠠ ᠰᠣᠨᠢᠷᠬᠠᠵᠤ ᠪᠠᠢᠨᠠ᠃ 〈ᠬᠥᠯᠥᠨ ᠪᠤᠢ᠍ᠢᠷᠤᠨ ᠲᠠᠯᠠ ᠨᠤᠲᠤᠭ〉 ᠬᠡᠬᠦ ᠳᠠᠭᠤᠤ ᠨᠠᠳᠠ ᠳ᠋ᠤ ᠬᠠᠮᠤᠭᠤᠨ ᠬᠦᠨ ᠰᠠᠭᠤᠭᠳᠠᠯ ᠦᠯᠡᠳᠡᠬᠡᠭᠰᠡᠨ᠃ ᠡᠢᠮᠦᠷᠬᠦᠦ ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ ᠨᠢ ᠮᠠᠰᠢ ᠥᠪᠡᠷᠮᠢᠴᠡ ᠤᠳᠬᠠ ᠠᠭᠤᠯᠭᠠ ᠳᠠᠢ ᠰᠠᠨᠠᠭᠳᠠᠯᠠ᠃ ᠬᠣᠵᠢᠮ ᠬᠤᠢᠰᠢᠳᠠ ᠰᠤᠷᠭᠠᠭᠤᠯᠢ ᠡᠴᠡ ᠡᠢᠮᠦᠷᠬᠦᠦ ᠮᠠᠶᠢᠭᠤᠨ ᠨᠠᠢᠷᠠᠯ ᠳᠠᠭᠤᠤᠶᠢᠨ ᠪᠦᠯᠬᠦᠮ ᠢ᠋ ᠪᠠᠢᠭᠤᠯᠪᠠᠯ ᠪᠢ ᠳᠤᠷᠠᠳᠠᠶᠠ ᠢᠳᠡᠪᠬᠢᠳᠡᠢ ᠤᠷᠤᠯᠴᠠᠵᠤ᠂ ᠤᠷᠠᠯᠢᠭ᠋ᠢᠶᠠᠷ ᠳᠠᠮᠵᠢᠨ ᠭᠠᠵᠠᠷ ᠤᠷᠤᠨᠤ ᠪᠠᠨ ᠰᠣᠶᠣᠯᠢ ᠨᠡᠩ ᠭᠦᠨᠵᠡᠭᠡᠢ ᠣᠢᠯᠠᠭᠠᠬᠤᠶᠢ ᠬᠦᠰᠡᠵᠦ ᠪᠠᠢᠨᠠ》 ᠬᠡᠵᠦ ᠶᠠᠷᠢᠨᠠ᠃
ᠳᠤᠮᠳᠠᠳᠤ ᠵᠢᠨ ᠦᠨᠳᠦᠰᠦᠳᠡᠨᠤ ᠬᠠᠮᠳᠤ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷᠢ ᠪᠠᠳᠤ ᠴᠤᠭᠴᠠᠯᠠᠬᠤ᠂ ᠬᠤᠪᠢᠰᠬᠠᠯᠳᠤ ᠰᠤᠶᠤᠯᠢ᠋ ᠤᠯᠠᠮᠵᠢᠯᠠᠬᠤ᠂ ᠳᠤᠮᠳᠠᠳᠤ ᠵᠢᠨ ᠰᠢᠯᠢᠳᠡᠭ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯᠢ ᠵᠠᠯᠭᠠᠮᠵᠢᠯᠠᠬᠤ᠂ ᠠᠮᠤᠷ ᠲᠦᠪᠰᠢᠨᠤ ᠬᠦᠮᠦᠵᠢᠯ᠂ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠬᠦᠮᠦᠵᠢᠯ᠂ ᠰᠡᠳᠬᠢᠴᠡ ᠵᠢᠨ ᠬᠦᠮᠦᠵᠢᠯ᠂ ᠬᠦᠳᠡᠯᠮᠦᠷᠢ ᠵᠢᠨ ᠬᠦᠮᠦᠵᠢᠯ ᠁ ᠬᠡᠬᠦᠴᠢᠯᠡᠨ ᠦᠪᠦᠷ ᠮᠤᠩᠭᠤᠯᠤᠨ ᠡᠯᠠ ᠳᠤᠮᠳᠠᠳᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠵᠢᠨ ᠬᠢᠨ ᠪᠠᠶᠠᠯᠢᠭ ᠠᠭᠤᠯᠭᠠ ᠳᠠᠢ 《ᠰᠤᠷᠭᠠᠭᠤᠯᠢ ᠡᠬᠢᠯᠡᠭᠰᠡᠨ ᠠᠩᠬᠠᠨᠤ ᠬᠢᠴᠢᠶᠡᠯ》 ᠤᠷᠤᠵᠤ᠂ ᠰᠤᠷᠤᠭᠴᠢᠳ ᠲᠸ᠋ ᠤᠯᠤᠰ ᠵᠢᠡᠨ ᠬᠠᠢᠷᠠᠯᠠᠬᠤ᠂ ᠪᠦᠯᠬᠦᠮᠳᠡᠯᠢ ᠡᠷᠬᠢᠮᠯᠡᠬᠦ᠂ ᠠᠮᠤᠷ ᠲᠦᠪᠰᠢᠨᠤ ᠤᠬᠠᠮᠰᠠᠷ ᠵᠢᠡᠨ ᠳᠡᠬᠡᠭᠰᠢᠯᠡᠬᠦᠯᠬᠦ᠂ ᠬᠦᠳᠡᠯᠮᠦᠷᠢ ᠵᠢ ᠲᠡᠭᠡᠳᠦᠯᠡᠬᠦ ᠮᠡᠳᠤ ᠵᠢᠨ ᠬᠦᠮᠦᠵᠢᠯ ᠬᠦᠷᠳᠡᠬᠡᠵᠦ᠂ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠰᠢᠨᠡ ᠰᠤᠷᠤᠯᠭᠠ ᠵᠢᠨ ᠬᠤᠭᠤᠴᠠᠭᠠ ᠪᠠᠨ ᠤᠬᠳᠤᠯᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃