2026-11-11 11:25:37
ᠲᠦᠨᠡᠷ ᠬᠠᠷᠠᠩᠭᠤᠢ ᠦᠳᠡᠰᠢᠶᠢ ᠭᠡᠭᠡ ᠲᠠᠲᠠᠲᠠᠯᠠ ᠵᠤᠷᠠᠵᠤ
ᠲᠦᠷᠢᠮᠡᠬᠡᠢ ᠳᠠᠢᠰᠤᠨᠤ ᠳᠡᠭᠡᠷᠡ ᠯᠡ ᠤᠨᠤᠬᠤ ᠶᠤᠮᠰᠠᠨ ᠭᠡᠵᠦ ᠬᠠᠷᠪᠤᠵᠤ
ᠲᠦᠭᠡᠵᠦ ᠪᠠᠢᠭᠰᠠᠨ ᠲᠡᠭᠷᠢᠡᠴᠡᠪᠡᠨ ᠣᠳᠤ ᠪᠣᠯᠣᠨ ᠰᠤᠮᠤᠳᠠᠵᠤ
ᠲᠥᠭᠡᠯᠡᠵᠦ ᠲᠠᠯᠪᠢᠭ᠍ᠰᠠᠨ ᠪᠡᠶᠡᠶᠢᠪᠡᠨ ᠲᠦᠮᠡ ᠬᠤᠪᠢᠶᠠᠨ ᠠᠮᠢᠯᠠᠭᠤᠯᠵᠤ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
ᠦᠷᠡᠭᠳᠡᠨᠡ ᠬᠡᠮᠡᠬᠦ ᠠᠶᠤᠯᠢ ᠠᠷᠤᠳᠠᠭᠠᠨ ᠣᠷᠬᠢᠨ ᠳᠠᠪᠬᠢᠵᠤ
ᠦᠯᠡᠳᠡᠨᠡ ᠬᠡᠮᠡᠬᠦ ᠢᠲᠡᠭᠡᠯᠢ ᠡᠮᠦᠨᠡᠪᠡᠨ ᠪᠠᠷᠢᠨ ᠬᠤᠰᠢᠭᠤᠷᠠᠵᠦ
ᠥᠩᠭᠡᠢᠵᠦ ᠢᠷᠡᠭᠰᠡᠨ ᠪᠥᠬᠦᠨᠡᠴᠡ ᠭᠠᠵᠠᠷ ᠨᠤᠲᠤᠭᠢᠶᠠᠨ ᠬᠠᠷᠠᠮᠨᠠᠵᠤ
ᠦᠭᠡᠢᠭᠦᠦ ᠬᠣᠭᠣᠰᠤᠨ ᠲᠦᠮᠡᠨᠢᠶᠡᠨ ᠠᠮᠢ ᠲᠡᠮᠡᠴᠡᠨ ᠥᠮᠥᠭᠡᠷᠡᠵᠦ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
ᠠᠳᠬᠤᠨᠤ ᠬᠤᠷᠴᠠ ᠰᠡᠯᠡᠮᠡ ᠲᠠᠢᠪᠠᠨ ᠵᠠᠯᠠᠭᠤ ᠨᠠᠰᠤᠨᠳᠠᠭᠠᠨ ᠭᠢᠯᠠᠯᠵᠠᠵᠤ
ᠠᠭᠲᠠ ᠮᠣᠷᠢᠨᠤ ᠨᠢᠷᠤᠭᠤᠨ ᠳᠡᠭᠡᠷᠡ ᠲᠤᠭ ᠲᠠᠢᠪᠠᠨ ᠬᠠᠮᠲᠤ ᠳᠦᠷᠡᠯᠵᠡᠵᠦ
ᠠᠶᠤᠩᠭᠠᠲᠤ ᠪᠣᠷᠣᠭᠠᠨᠤ ᠮᠥᠨᠳᠥᠷ ᠮᠡᠲᠦ ᠰᠤᠮᠤᠨ ᠳᠤᠮᠳᠠᠭᠤᠷ ᠰᠢᠷᠭᠤᠯᠠᠵᠤ
ᠠᠲᠠᠭᠠᠲᠠᠨ ᠲᠦᠷᠢᠮᠡᠬᠡᠢᠶᠢᠨ ᠡᠰᠡᠷᠭᠦ ᠦᠶᠡᠷᠦᠨ ᠤᠰᠤ ᠰᠢᠭ᠋ ᠳᠠᠭᠠᠷᠢᠵᠤ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
ᠬᠠᠷᠪᠤᠭᠰᠠᠨ ᠰᠤᠮᠤ ᠨᠢ ᠨᠢᠳᠦ ᠲᠠᠢ ᠪᠠᠢᠵᠤ ᠣᠨᠢᠯᠠᠭᠰᠠᠨ ᠪᠥᠬᠦᠨᠢᠶᠡᠨ ᠣᠨᠣᠭᠠᠵᠤ
ᠬᠠᠯᠠᠭᠤᠨ ᠴᠢᠰᠤ ᠨᠢ ᠣᠷᠭᠢᠯᠤᠨ ᠪᠠᠢᠵᠤ ᠡᠬᠡ ᠣᠷᠣᠨᠳᠠᠭᠠᠨ ᠠᠰᠬᠠᠷᠠᠳᠠᠭ
ᠬᠠᠷᠠᠩᠭᠤᠢ ᠲᠡᠷᠡ ᠴᠠᠭᠤᠨ ᠭᠡᠭᠡᠨ ᠳᠦᠯᠦᠶᠢ ᠠᠰᠠᠭᠠᠬᠤ ᠭᠡᠵᠦ
ᠬᠠᠮᠲᠤ ᠣᠯᠠᠨ ᠳᠠᠢᠴᠢᠳ ᠲᠠᠢᠪᠠᠨ ᠭᠠᠯ ᠰᠢᠭ᠋ ᠨᠣᠴᠣᠵᠤ ᠪᠠᠢᠭᠰᠠᠨ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
ᠢᠯᠠᠯᠲᠠᠶᠢᠨ ᠠᠯᠲᠠᠨ ᠪᠦᠷᠢᠶᠡᠨᠦ ᠳᠠᠭᠤᠨ ᠲᠠᠢ ᠬᠠᠮᠲᠤ ᠤᠷᠤᠭᠰᠢᠯᠠᠵᠤ
ᠢᠷᠡᠬᠦ ᠮᠠᠷᠭᠠᠰᠢᠶᠢᠨ ᠨᠠᠷᠠ ᠲᠠᠢ ᠲᠤᠭᠢᠶᠠᠨ ᠴᠤᠭ ᠡᠷᠭᠦᠵᠦ
ᠢᠷ ᠨᠢ ᠭᠢᠯᠠᠯᠵᠠᠵᠤ ᠬᠠᠷᠠᠭᠳᠠᠭᠰᠠᠨ ᠬᠢᠲᠤᠭᠠ ᠰᠢᠭ᠋ ᠵᠠᠮᠢᠶᠠᠷ ᠥᠭᠰᠥᠵᠦ
ᠢᠨᠢᠶᠡᠳᠦ ᠪᠠᠶᠠᠷ ᠴᠠᠯᠭᠢᠭᠤᠯᠤᠭᠰᠠᠨ ᠥᠨᠥᠳᠥᠷᠦᠨ ᠵᠢᠷᠭᠠᠯᠢ ᠠᠪᠴᠢᠷᠠᠭᠰᠠᠨ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
ᠡᠷᠯᠢᠭ ᠲᠠᠮᠤ ᠰᠢᠭ᠋ ᠳᠠᠢᠨᠤ ᠪᠠᠷᠠᠮᠤᠨ ᠤᠯᠠᠭᠠᠨ ᠲᠣᠭᠣᠰᠣ᠌ᠶᠢ
ᠡᠷᠭᠢᠵᠦ ᠪᠣᠰᠬᠤᠶᠢᠨ ᠴᠢᠯᠦᠭᠡ ᠦᠭᠡᠢ ᠪᠡᠶᠡᠪᠡᠷᠢᠶᠡᠨ ᠳᠠᠷᠤᠵᠤ ᠤᠨᠠᠭᠰᠠᠨ
ᠡᠩᠬᠡ ᠲᠠᠢᠪᠤᠩᠤᠨ ᠮᠠᠨᠠᠭᠠᠨᠳᠠᠭᠠᠨ ᠮᠥᠩᠬᠡᠶᠢᠨ ᠪᠠᠢᠷᠢ ᠡᠵᠡᠯᠡᠵᠦ
ᠡᠬᠡ ᠣᠷᠣᠨᠤᠪᠠᠨ ᠬᠢᠯᠢ ᠳᠡᠭᠡᠷᠡᠡᠴᠡ ᠭᠡᠷᠢᠶᠡᠨ ᠡᠷᠭᠢᠬᠦᠪᠡᠨ ᠮᠠᠷᠲᠠᠭᠰᠠᠨ
ᠠᠪᠤ ᠮᠢᠨᠢ ᠤᠯᠠᠭᠠᠨ ᠴᠡᠷᠢᠭ ᠪᠠᠢᠭᠰᠠᠨ
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃