ᠲᠡᠷᠢᠭᠦᠨ ᠨᠢᠭᠤᠷ>ᠲᠠᠯ᠎ᠠ᠎ᠶ᠋ᠢᠨ ᠲᠤᠶᠠᠭ᠎ᠠ>ᠴᠢᠬᠢᠨ᠎ᠤ ᠴᠢᠮᠡᠭ

2026-09-30 11:35:31

ᠵᠣᠬᠢᠶᠠᠭ᠍ᠴᠢ᠄ ᠰ·ᠦᠨᠳᠦᠷᠯᠢᠭ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠨᠠᠪᠴᠢᠨ ᠳ᠋ᠤ᠌ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠴᠠᠭ ᠤ᠋ᠨ ᠠᠨᠢᠷ ᠢ᠋ᠶ᠋ᠠᠷ

ᠨᠠᠷᠠᠨ᠎ᠤ ᠪᠤᠳᠤᠭ ᠨᠢ ᠨᠠᠪᠴᠢᠨ ᠳ᠋ᠤ᠌ ᠲᠦᠷᠢᠵᠤ ᠤᠨᠠᠨ᠎ᠠ ᠡ

ᠶᠠᠯᠢᠩ ᠮᠦᠩᠬᠦᠨ ᠰᠠᠷᠠᠨ᠎ᠤ ᠰᠦᠨ ᠲᠤᠶᠠᠭ᠎ᠠ ᠶ᠋ᠢ ᠠᠮᠰᠠᠵᠤ

ᠢᠷᠠᠭᠤ ᠨᠠᠢᠷᠠᠭ ᠨᠠᠮᠤᠷ ᠤ᠋ᠨ ᠵᠢᠮᠢᠰ ᠮᠡᠳᠤ ᠪᠤᠯᠪᠠᠰᠤᠷᠠᠨ᠎ᠠ ᠡ


ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠲᠠᠯ᠎ᠠ ᠶ᠋ᠢᠨ ᠡᠪᠡᠰᠤᠨ ᠳ᠋ᠤ᠌ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠠᠢᠰᠤᠢ ᠤᠯᠠᠷᠢᠯ ᠤ᠋ᠨ ᠠᠶᠠᠯᠭᠤᠨ ᠢ᠋ᠶ᠋ᠠᠷ

ᠭᠡᠭᠡᠯᠵᠡᠵᠤ ᠪᠤᠢ ᠬᠢᠯᠭᠠᠨ᠎ᠠ ᠶ᠋ᠢᠨ ᠨᠠᠮᠠᠭᠠᠨ ᠡᠴᠡ ᠲᠤᠰᠤ ᠲᠠᠭᠠᠭᠠᠪᠤᠷᠢᠯᠠᠨ᠎ᠠ

ᠢᠷᠠᠭᠤ ᠨᠠᠢᠷᠠᠭ ᠦᠷᠦᠮ᠎ᠡ ᠲᠤᠰᠤᠨ᠎ᠤ ᠱᠠᠩᠳᠠᠭᠤᠨ ᠦᠨᠦᠷ ᠲᠤ᠌ ᠪᠢᠯᠠᠭᠤᠷᠠᠵᠤ

ᠦᠭᠡᠬᠦᠨ ᠰᠦᠷᠦᠭ ᠮᠡᠳᠤ ᠰᠢᠯᠦᠭ ᠤ᠋ᠨ ᠦᠭᠡᠰ ᠪᠦᠮᠪᠦᠷᠢᠨ᠎ᠡ ᠡ


ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠲᠠᠭᠠᠨ᠎ᠠ ᠶ᠋ᠢᠨ ᠴᠠᠭᠠᠨ ᠴᠡᠴᠡᠭ ᠲᠤ᠌ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠠᠢᠰᠤᠢ ᠮᠦᠴᠡ ᠶ᠋ᠢᠨ ᠦᠩᠬᠡ ᠪᠡᠷ

ᠪᠦᠵᠢᠵᠤ ᠪᠤᠢ ᠡᠷᠢᠶᠡᠨ ᠪᠠᠩᠵᠠᠯᠳᠤ ᠡᠷᠪᠡᠬᠡᠢ ᠲᠦᠷᠬᠦᠮ ᠳ᠋ᠡᠭᠡᠨ ᠦᠳᠡᠯᠦᠨ᠎ᠡ

ᠢᠷᠠᠭᠤ ᠨᠠᠢᠷᠠᠭ ᠪᠠᠭᠪᠠᠭᠠᠢ ᠴᠡᠴᠡᠭ ᠤ᠋ᠨ ᠦᠳᠦᠨ ᠮᠠᠯᠠᠭᠠᠢ ᠵᠡᠬᠦᠵᠤ

ᠶᠡᠬᠡ ᠲᠠᠯ᠎ᠠ ᠶ᠋ᠢᠨ ᠠᠨᠢᠷ ᠬᠦᠮ ᠳ᠋ᠤ᠌ ᠦᠵᠡᠰᠭᠦᠯᠡᠩ ᠪᠤᠯᠵᠤ ᠴᠡᠴᠡᠭᠯᠡᠨ᠎ᠡ ᠡ


ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠲᠤᠷᠤᠨ᠎ᠠ ᠶ᠋ᠢᠨ ᠴᠠᠭᠠᠨ ᠰᠠᠷᠠᠨ ᠳ᠋ᠤ᠌ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠤᠩᠭᠤᠨ ᠮᠡᠳᠡᠷᠡᠮᠵᠢ ᠶ᠋ᠢᠨ ᠬᠡᠷᠡᠯ ᠢ᠋ᠶ᠋ᠠᠷ

ᠶᠡᠬᠡ ᠡᠷᠳᠡᠨ᠎ᠤ ᠬᠡᠬᠡᠷ᠎ᠡ ᠲᠠᠯ᠎ᠠ ᠳ᠋ᠤ᠌ ᠤᠩᠭᠤᠳ ᠦᠦᠷᠰᠡᠨ᠎ᠡ

ᠢᠷᠠᠭᠤ ᠨᠠᠢᠷᠠᠭ ᠪᠠᠳᠤᠴᠠᠭᠠᠨ᠎ᠤ ᠨᠠᠪᠴᠢ ᠰᠢᠭ᠋ ᠴᠢᠰ ᠤᠯᠠᠢᠵᠤ

ᠶᠡᠬᠡ ᠠᠷᠰᠢ ᠶ᠋ᠢᠨ ᠰᠡᠷᠬᠤᠳ ᠤ᠋ᠨ ᠦᠨᠦᠷ ᠨᠢ ᠬᠠᠩᠬᠤᠯᠣᠨ᠎ᠠ ᠡ


ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠠᠮᠠᠷᠠᠭ ᠲᠡᠬᠦᠨ ᠳ᠋ᠡᠭᠡᠨ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠨᠢᠭᠤᠴᠠᠬᠠᠨ ᠰᠡᠳᠬᠢᠯ ᠤ᠋ᠨ ᠡᠮᠵᠡᠭᠬᠡᠨ ᠲᠤᠷᠠᠯᠠᠯ ᠢ᠋ᠶ᠋ᠠᠷ

ᠬᠤᠵᠢᠮᠳᠠᠭᠰᠠᠨ ᠬᠠᠢᠷ᠎ᠠ ᠶ᠋ᠢᠨ ᠬᠠᠷᠠᠭᠤᠰᠣᠯ ᠤ᠋ᠨ ᠮᠠᠨᠠᠨ ᠳ᠋ᠤ᠌ ᠲᠦᠭᠡᠷᠢᠨ᠎ᠡ

ᠢᠷᠠᠭᠤ ᠨᠠᠢᠷᠠᠭ ᠭᠠᠭᠴᠠᠭᠠᠷᠳᠠᠯ ᠤ᠋ᠨ ᠮᠤᠳᠤᠨ ᠳ᠋ᠤ᠌ ᠬᠡᠨᠵᠡ ᠰᠢᠪᠠᠭᠤ ᠮᠡᠳᠤ ᠭᠤᠨᠢᠭ᠍ᠳᠠᠢ ᠡᠭᠡᠰᠢᠭᠯᠡᠭᠡᠳ

ᠶᠠᠭᠠᠬᠢᠬᠤ ᠪᠠᠨ ᠤᠯᠬᠤ ᠦᠭᠡᠢ ᠽᠠᠮᠪᠦᠯᠢᠩ ᠶᠠᠪᠤᠬᠤ ᠵᠠᠮ ᠦᠭᠡᠢ ᠲᠠᠪᠴᠢᠭᠤᠳᠠᠨ᠎ᠠ ᠡ


ᠨᠠᠮᠤᠷ ᠢ᠋ ᠲᠠᠭᠤᠳᠠᠵᠤ ᠪᠢ

ᠢᠵᠢᠢ ᠳ᠋ᠡᠬᠡᠨ ᠰᠢᠯᠦᠭ ᠪᠢᠴᠢᠨ᠎ᠡ ᠡ

ᠢᠷᠡᠵᠤ ᠪᠤᠢ ᠤᠢᠳᠡᠢ ᠤᠯᠠᠷᠢᠯ ᠤ᠋ᠨ ᠦᠩᠬᠡ ᠪᠡᠷ

ᠶᠡᠬᠡ ᠬᠠᠢᠷ᠎ᠠ ᠶ᠋ᠢᠨ ᠰᠢᠳᠦᠬᠡᠨ᠎ᠤ ᠮᠢᠨᠢ ᠬᠡᠵᠢᠬᠡᠨ ᠳ᠋ᠤ᠌ ᠴᠠᠭᠠᠨ ᠰᠤᠷ ᠨᠡᠮᠡᠨ᠎ᠡ

ᠢᠷᠠᠭᠤ ᠨᠠᠢᠷᠠᠭ ᠭᠡᠷᠡᠯ ᠨᠢ ᠬᠠᠷᠢᠭ᠍ᠰᠠᠨ ᠢᠵᠢᠢ ᠶ᠋ᠢᠨ ᠨᠢᠳᠤᠨ ᠨᠠᠭᠤᠷ ᠲᠤ᠌

ᠨᠠᠮᠤᠷ ᠤ᠋ᠨ ᠰᠢᠪᠠᠭᠤ ᠮᠡᠳᠤ ᠡᠷᠬᠢᠴᠡᠵᠤ

ᠪᠤᠳᠤᠷᠤᠤᠯ ᠰᠢᠭ᠋ ᠨᠠᠪᠴᠢ ᠮᠤᠳᠤᠨ ᠡᠴᠡ ᠲᠠᠰᠤᠷᠠᠬᠤ ᠮᠡᠳᠤ

ᠪᠤᠷᠬᠠᠨ᠎ᠤ ᠲᠡᠢᠳᠡᠢ ᠢᠵᠢᠢ ᠳ᠋ᠡᠭᠡᠨ ᠨᠠᠰᠤᠨ ᠬᠤᠳᠤᠭ ᠭᠤᠶᠤᠨ᠎ᠠ ᠡ

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠳᠤᠮᠳᠠᠳᠤ ᠤᠯᠤᠰ᠎ᠤ᠋ᠨ ᠮᠣᠩᠭᠣᠯ ᠬᠡᠯᠡᠨ᠎ᠦ᠌ ᠰᠣᠨᠢᠨ ᠮᠡᠳᠡᠭᠡ᠎ᠶ᠋ᠢᠨ ᠰᠦᠯᠵᠢᠶ᠎ᠡ
兼容浏览器的HTML页面