2026-09-30 11:20:53
ᠨᠠᠮ ᠨᠠᠮᠤᠭᠤᠬᠠᠨ ᠲᠥᠪ ᠳᠥᠯᠭᠡᠬᠡᠨ ᠨᠠᠭᠤᠷ ᠴᠦᠭᠦᠷᠦᠮᠦᠨ ᠲᠠᠯᠮᠢᠶᠠᠷᠠᠬᠤ ᠨᠢ
ᠨᠠᠭᠠᠨᠠ ᠨᠢ ᠭᠠᠩᠭᠠᠨᠠᠯᠳᠤᠬᠤ ᠭᠠᠯᠠᠭᠤᠳᠠᠴᠠᠪᠠᠨ ᠰᠠᠯᠵᠤ ᠶᠠᠳᠠᠭᠠ ᠰᠢᠭ᠋
ᠨᠠᠳᠠᠠᠴᠠ ᠬᠣᠯᠠᠳᠬᠤ ᠮᠦᠴᠡᠰᠢᠶᠡᠨ ᠣᠰᠣᠨᠳᠤᠨᠢ ᠰᠢᠪᠡᠨᠡᠵᠦ ᠣᠷᠬᠢᠭᠠᠳ
ᠨᠠᠮᠤᠷᠢ ᠪᠢ ᠵᠢᠷᠤᠭ ᠪᠣᠯᠭᠠᠵᠤ ᠵᠢᠷᠦᠬᠡᠨ ᠲᠣᠯᠲᠤᠨᠳᠠᠭᠠᠨ ᠰᠡᠢᠯᠥᠯᠡ
ᠰᠡᠪ ᠰᠡᠷᠢᠭᠦᠬᠡᠨ ᠵᠥᠪ ᠵᠥᠭᠡᠯᠡᠬᠡᠨ ᠤᠷᠢᠬᠠᠨ ᠰᠠᠯᠬᠢ ᠢᠯᠪᠢᠬᠦ ᠨᠢ
ᠰᠡᠳᠬᠢᠯᠢ ᠭᠡᠵᠢᠭᠡᠳᠡᠬᠦ ᠮᠥᠷᠥᠭᠡᠳᠦᠯᠢ ᠮᠢᠨᠢ ᠵᠤᠨ ᠲᠡᠢᠰᠢ ᠬᠠᠶᠢᠭ᠍ᠯᠠᠭᠤᠯᠤᠨᠠ
ᠰᠡᠮᠡᠵᠡᠨ ᠴᠠᠭᠠᠨ ᠡᠭᠦᠯᠡᠰᠲᠦ ᠵᠠᠬᠢᠶᠠᠪᠠᠨ ᠰᠡᠮᠡᠭᠡᠷ ᠳᠠᠮᠵᠢᠭᠤᠯᠤᠭᠠᠳ
ᠨᠠᠮᠤᠷᠢ ᠪᠢ ᠨᠠᠪᠴᠢᠰ ᠪᠣᠯᠭᠠᠵᠤ ᠲᠡᠮᠳᠡᠭᠯᠡᠯᠦᠨ ᠵᠠᠪᠰᠠᠷᠢᠶᠠᠨ ᠬᠠᠳᠠᠭᠠᠯᠠᠯᠠ
ᠠᠨᠢᠷ ᠦᠭᠡᠢ ᠴᠢᠮᠡᠭᠡ ᠥᠭᠡᠢᠬᠡᠨ ᠰᠢᠷᠭᠠᠯ ᠪᠥᠷᠥᠢ ᠳᠣᠯᠤᠩᠳᠠᠬᠤ ᠨᠢ
ᠠᠯᠤᠰᠠᠴᠠ ᠠᠯᠢᠶᠠᠯᠠᠨ ᠢᠷᠡᠬᠦ ᠴᠢᠨᠤᠬᠢ ᠬᠠᠴᠠᠷᠤᠨ ᠲᠤᠶᠠᠭᠠᠷᠠᠯ ᠰᠢᠭ᠋
ᠠᠢᠵᠠᠮ ᠨᠡᠢᠯᠡᠭᠦᠯᠬᠦ ᠭᠦᠷᠡᠯᠵᠡᠭᠡᠨᠡᠶᠢᠨ ᠳᠠᠭᠤᠨᠳᠤ ᠨᠣᠲ ᠢ᠋ᠶ᠋ᠠᠨ ᠰᠢᠩᠭᠡᠭᠡᠳ
ᠨᠠᠮᠤᠷᠢ ᠪᠢ ᠥᠳᠡᠰᠢᠶᠢᠨ ᠴᠢᠯᠥᠭᠡ ᠲᠠᠢ ᠨᠢ ᠭᠤᠨᠢᠭ᠋ᠲᠠᠭᠠᠨ ᠪᠠᠭᠯᠠᠵᠤ ᠬᠠᠷᠮᠠᠯᠠᠯᠠ
ᠰᠠᠨᠠᠭᠠᠨᠳᠤ ᠦᠭᠡᠢ ᠣᠪᠠᠢᠨᠳᠤ ᠦᠭᠡᠢ ᠪᠤᠷᠤᠭᠠᠨ ᠭᠡᠨᠡᠳᠲᠡ ᠠᠰᠬᠠᠷᠠᠬᠤ ᠨᠢ
ᠰᠠᠷᠠ ᠲᠠᠢ ᠰᠦᠨᠢᠪᠡᠷ ᠵᠡᠭᠦᠳᠦᠯᠡᠬᠦ ᠲᠡᠷᠡ ᠵᠢᠯᠦᠨ ᠤᠴᠠᠷᠠᠯ ᠰᠢᠭ᠋
ᠱᠠᠭᠢᠲᠠᠯᠠ ᠣᠷᠣᠬᠤ ᠵᠦᠰᠡᠷᠡᠭᠡᠨᠳᠦᠨᠢ ᠨᠢᠯᠪᠤᠰᠤᠪᠠᠨ ᠬᠠᠮᠲᠤ ᠳ᠋ᠤᠨᠢ ᠠᠭᠤᠰᠬᠠᠭᠠᠳ
ᠨᠠᠮᠤᠷᠢ ᠪᠢ ᠬᠢᠷᠠᠭᠤ ᠪᠣᠯᠭᠠᠨ ᠰᠠᠨᠴᠢᠭ᠋ᠲᠠᠭᠠᠨ ᠨᠠᠭᠠᠵᠤ ᠴᠠᠢᠷᠠᠭᠤᠯᠤᠯᠠ
ᠤᠷᠤᠰᠬᠤ ᠰᠢᠭ᠋ ᠳᠠᠪᠬᠢᠬᠤ ᠰᠢᠭ᠋ ᠡᠳᠦᠷ ᠬᠣᠨᠤᠭ ᠡᠭᠡᠯᠵᠢᠯᠡᠬᠦ ᠨᠢ
ᠣᠨᠢ ᠬᠣᠯᠪᠣᠵᠤ ᠬᠠᠷᠪᠣᠭᠰᠠᠨ ᠥᠳᠦᠲᠥ ᠵᠡᠪᠡ ᠰᠢᠭ
ᠤᠬᠤᠷᠢᠵᠤ ᠪᠣᠴᠠᠳᠠᠭ ᠦᠭᠡᠢ ᠡᠷᠴᠢᠨ ᠳᠡᠭᠡᠷᠡ ᠨᠢ ᠬᠣᠷᠸᠠ ᠵᠣᠬᠢᠴᠠᠳᠠᠭᠤᠨ ᠤᠴᠢᠷ
ᠨᠠᠮᠤᠷᠢ ᠪᠢ ᠬᠤᠨᠳᠠᠭᠠᠳᠤ ᠬᠡᠮᠨᠡᠨ ᠨᠠᠢᠷᠠᠭ ᠠᠮᠰᠠᠨ ᠰᠣᠭᠲᠣᠯᠠ
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃