2026-11-04 11:45:44
ᠠᠢᠯᠤᠨ ᠲᠡᠷᠡ ᠠᠪᠤ
ᠠᠶᠤᠮᠠᠷᠤᠨ ᠬᠠᠷᠠ ᠠᠪᠤ
ᠶᠠᠯᠠᠲᠠᠨ ᠡᠴᠡ ᠮᠠᠭᠤᠬᠠᠢ ᠳᠦᠷᠢ ᠲᠠᠢ
ᠢᠮᠠᠭᠠᠴᠢᠨ ᠠᠪᠤ
ᠪᠠᠷᠢᠭᠠᠳᠠᠶᠢᠨ ᠰᠦᠷᠦᠭ ᠬᠠᠷᠢᠭᠤᠯᠳᠠᠭ
ᠪᠠᠷᠤᠭᠠᠷ ᠴᠢᠷᠠᠢ ᠲᠠᠢ ᠠᠪᠤ
ᠪᠠᠷᠠᠭᠤᠨ ᠠᠭᠤᠯᠠ ᠵᠡᠭᠦᠨ ᠮᠠᠩᠬᠠ ᠪᠠᠷ
ᠪᠡᠯᠴᠢᠭᠡᠷ ᠰᠡᠯᠬᠦᠳᠡᠭ ᠠᠪᠤ
ᠶᠠᠰᠤ ᠶᠠᠩᠭᠢᠨᠠᠮᠠ ᠬᠦᠢᠲᠡᠨ ᠳ᠋ᠥ ᠴᠦ᠍
ᠢᠮᠠᠭᠠ ᠪᠠᠠ ᠬᠠᠷᠢᠭᠤᠯᠵᠤ ᠳᠤᠯᠠᠭᠠᠴᠠᠳᠠᠭ ᠠᠪᠤ
ᠶᠠᠳᠠᠷᠠᠵᠤ ᠲᠤᠢᠯᠳᠠᠵᠤ ᠪᠠᠢᠯᠠ ᠴᠦ᠍
ᠬᠡᠥᠬᠡᠳ ᠴᠤᠤᠭᠢᠭᠤᠯᠵᠤ ᠠᠮᠠᠷᠠᠳᠠᠭ ᠠᠪᠤ
ᠠᠷᠠᠰᠤᠨ ᠳᠡᠪᠡᠯᠢᠶᠡᠨ ᠤᠷᠪᠠᠭᠤᠯᠵᠤ ᠡᠮᠦᠰᠦᠭᠡᠳ
ᠴᠢᠳᠬᠦᠷ ᠰᠢᠭ ᠠᠶᠤᠯᠭᠠᠳᠠᠭ ᠠᠪᠤ
ᠠᠯᠢᠶᠠ ᠲᠦᠢᠳᠬᠡᠷᠢ ᠭᠤᠶᠠᠳᠠᠵᠤ ᠵᠠᠩᠨᠠᠭᠠᠳ
ᠴᠢᠨ᠋ᠸᠠ ᠰᠢᠭ᠋ ᠳᠤᠭᠰᠢᠷᠠᠳᠠᠭ ᠠᠪᠤ
ᠦᠪᠡᠷᠦᠨ ᠬᠦᠮᠦᠨᠤ ᠢᠯᠭᠠᠯ ᠦᠭᠡᠢ
ᠡᠭᠡᠷᠡᠲᠡᠯᠡ ᠲᠠᠰᠢᠭᠤᠷᠳᠠᠵᠤ ᠰᠤᠷᠭᠠᠳᠠᠭ
ᠡᠪᠦᠭᠡᠳᠦᠨ ᠬᠠᠲᠠᠭᠤ ᠶᠤᠰᠤᠨ
ᠡᠷᠡᠭᠡ ᠦᠭᠡᠢ ᠮᠤᠩᠭᠤᠯ ᠵᠠᠩ
ᠬᠡ ᠦᠭᠡᠢ ᠭᠦᠳᠦᠰᠭᠢᠨ ᠠᠪᠤᠶᠢᠨ ᠠᠴᠢ ᠪᠠᠷ
ᠬᠡᠷᠡᠭ ᠲᠠᠲᠠᠭᠠ ᠦᠭᠡᠢ ᠨᠣᠮᠤᠬᠠᠨ ᠦᠰᠴᠡᠢ
ᠬᠡᠳᠡᠷ ᠳᠤᠭ᠍ᠰᠢᠨ ᠠᠭᠠᠰᠢᠶᠢᠨ ᠬᠢᠨᠢ ᠰᠠᠢᠨᠢᠶᠠᠷ
ᠬᠡᠷᠡᠭᠦᠯ ᠬᠢᠭᠡ ᠦᠭᠡᠢ ᠳᠠᠷᠤᠤᠬᠠᠨ ᠰᠤᠷᠴᠠᠢ
ᠡᠪᠦᠯ ᠤ᠋ᠨ ᠳᠤᠭ᠍ᠰᠢᠨ ᠰᠢᠭᠤᠷᠭᠠ ᠶ᠋ᠢ
ᠡᠪᠦᠳᠦᠭ ᠳᠤᠤᠷᠠ ᠪᠠᠨ ᠨᠤᠮᠤᠬᠠᠳᠬᠠᠳᠠᠭ ᠡᠮᠨᠢᠭᠴᠢᠨ
ᠦᠨᠦᠴᠢᠨ ᠢᠰᠢᠭᠡ ᠡᠨᠳᠡᠬᠦ ᠳ᠋ᠥ
ᠦᠷᠦ ᠨᠢ ᠦᠮᠦᠯᠵᠡᠳᠡᠭ ᠮᠠᠯᠴᠢᠨ
ᠰᠢᠷᠬᠡᠭ ᠮᠢᠨᠳᠠᠰᠤᠨ ᠨᠤᠤᠯᠤᠭᠤᠷ ᠢ᠋
ᠰᠢᠩᠭᠡᠭᠡᠵᠦ ᠬᠤᠪᠢᠨ ᠳ᠋ᠠᠭᠠᠨ ᠲᠠᠲᠠᠭᠠ ᠦᠭᠡᠢ
ᠵᠢᠱ᠌ᠢᠶᠡᠴᠢ ᠮᠠᠯᠴᠢᠨᠤ ᠲᠡᠮᠳᠡᠭ ᠢ᠋
ᠵᠡᠭᠦᠵᠦ ᠡᠩᠭᠡᠷ ᠲᠡᠭᠡᠨ ᠭᠢᠯᠠᠯᠵᠠᠭᠤᠯᠤᠭᠠ ᠦᠭᠡᠢ
ᠬᠡᠥᠬᠡᠳ ᠢᠮᠠᠭᠠ ᠬᠣᠶᠠᠷ ᠲᠣ᠌
ᠬᠡᠮᠵᠢᠶᠠ ᠦᠭᠡᠢ ᠯᠠ ᠬᠠᠢᠷᠠᠲᠠᠢ ᠶᠠᠪᠤᠭᠰᠠᠨ
ᠬᠡᠭᠡᠷᠡ ᠬᠣᠨᠤᠵᠤ ᠬᠡᠲᠡ ᠳᠡᠷᠡᠯᠡᠭᠰᠡᠨ
ᠬᠦᠭᠡᠷᠦᠬᠦᠢ ᠨᠢᠭᠡᠨ ᠢᠮᠠᠭᠠᠴᠢᠨ ᠡᠪᠦᠭᠡᠨ
ᠰᠦᠷᠦᠭ ᠦᠰᠬᠡᠭᠰᠡᠨ ᠭᠠᠪᠢᠶᠠ ᠶ᠋ᠢ ᠨᠢ
ᠰᠡᠭᠦᠯᠴᠢᠶᠢᠨ ᠦᠶᠡ ᠳ᠋ᠥ ᠮᠠᠷᠲᠠᠭᠠ ᠭᠡᠵᠦ ᠤᠤ
ᠪᠠᠢᠭᠠᠯᠢ ᠶ᠋ᠢᠨ ᠨᠢᠭᠡᠨ ᠦᠰᠦᠲᠡᠢ ᠠᠮᠢᠲᠠᠨ
ᠪᠠᠷᠠᠭᠳᠠᠯ ᠰᠦᠢᠳᠦᠯ ᠳ᠋ᠥ ᠤᠴᠠᠷᠠᠭᠠ ᠭᠡᠵᠦ ᠤᠤ
ᠨᠠᠷᠠᠨ ᠳ᠋ᠥ ᠭᠦᠶᠦᠭᠰᠡᠨ ᠢᠮᠠᠭᠠᠴᠢᠨ ᠠᠪᠤ ᠳ᠋ᠠᠭᠠᠨ
ᠨᠠᠮᠲᠠᠷ ᠪᠢᠴᠢᠬᠦ ᠴᠢᠳᠠᠯ ᠬᠣᠮᠰᠠ ᠴᠦ᠍
ᠢᠮᠠᠭᠠ ᠳ᠋ᠥ ᠬᠠᠢᠷᠠᠲᠠᠢ ᠠᠪᠤ
ᠨᠠᠢᠷᠠᠭ ᠲᠣ᠌ ᠮᠢᠨᠢ ᠮᠦᠩᠬᠡᠷᠡᠵᠡᠢ
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃