2026-10-28 16:18:08
ᠤᠷᠴᠢᠨ ᠤᠳᠤ ᠦᠶᠠ ᠶ᠋ᠢᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠪᠤᠯ ᠤᠯᠠᠮᠵᠢᠯᠠᠬᠤ ᠪᠡ ᠰᠢᠨᠡᠴᠢᠯᠡᠬᠦ᠂ ᠤᠳᠤᠬᠢᠴᠢᠯᠠᠬᠤ ᠪᠡ ᠬᠠᠮᠠᠭᠠᠯᠠᠬᠤ᠂ ᠬᠤᠳᠡᠴᠢᠯᠡᠬᠤ ᠪᠡ ᠨᠤᠳᠤᠭᠴᠢᠯᠠᠬᠤ ᠵᠡᠷᠭᠡ ᠤᠯᠠᠨ ᠬᠠᠷᠠᠭᠠᠳᠤ ᠲᠤᠭᠳᠠᠮᠵᠢ ᠶ᠋ᠢᠨ ᠲᠤᠮᠳᠠ ᠲᠠᠰᠤᠷᠡᠯᠳᠡ ᠦᠭᠡᠢ ᠬᠤᠪᠢᠰᠴᠤ᠌ ᠢᠷᠡᠭᠰᠡᠨ ᠲᠡᠥᠬᠡ ᠶ᠋ᠢᠨ ᠤᠷᠤᠰᠬᠠᠯ ᠶᠤᠮ᠃ ᠡᠳᠡᠭᠡᠷᠤ᠋ᠨ ᠳᠤᠲᠤᠷᠠ ᠤᠯᠠᠮᠵᠢᠯᠠᠯ ᠪᠡ ᠰᠢᠨᠡᠴᠢᠯᠡᠯ᠂ ᠤᠳᠤᠬᠢᠴᠢᠯᠠᠬᠤ ᠪᠡ ᠬᠠᠮᠠᠭᠠᠯᠠᠬᠤ ᠠᠰᠠᠭᠤᠳᠡᠯᠤ᠋ᠨ ᠲᠠᠯᠠ ᠪᠡᠷ ᠡᠷᠳᠡᠮᠳᠡᠳ ᠨᠡᠯᠢᠶᠡᠳ ᠬᠦᠨᠵᠡᠭᠡᠢ ᠰᠤᠳᠤᠯᠤᠭᠰᠠᠨ ᠲᠤᠯᠠ ᠡᠨᠳᠡ ᠭᠤᠤᠯᠳᠠᠭᠤ ᠬᠤᠳᠡ ᠪᠠ ᠬᠦᠳᠡᠭᠡ ᠭᠡᠬᠦ᠌ ᠤᠨᠤᠯ ᠤ᠋ᠨ ᠲᠤᠭᠳᠠᠮᠵᠢ ᠡᠴᠡ ᠳᠦᠭᠦᠮᠭᠡᠨ ᠠᠵᠢᠭᠯᠠᠵᠤ᠂ ᠮᠦᠴᠢᠳ ᠤᠶ᠋ᠢᠯᠠᠭᠠᠯᠳᠠ ᠪᠡᠨ ᠶᠠᠷᠢᠪᠠ᠃
ᠨᠢᠭᠡ᠂ 《ᠬᠦᠳᠡᠭᠡ ᠲᠠᠯᠠ ᠪᠡᠨ ᠬᠤᠳᠡ ᠪᠠᠶ᠋ᠢᠭᠤᠯᠤᠯᠳᠠ ᠪᠡᠷ ᠲᠦᠭᠦᠷᠭᠡᠬᠦ᠌》 ᠬᠥᠰᠡᠯᠡᠩ ᠪᠤᠶᠤ 《ᠰᠢᠨᠡ ᠲᠢᠭᠯᠢᠮ》ᠤ᠋ᠨ ᠴᠤᠭᠴᠠᠯᠠᠯᠳᠠ
ᠤᠳᠤ ᠵᠢᠨ ᠤᠶ᠋ᠢᠯᠠᠭᠠᠯᠳᠠ ᠶ᠋ᠢ ᠦᠨᠳᠦᠰᠦᠯᠡᠪᠡᠯ ᠰᠢᠨᠡ ᠤᠳᠬᠠ ᠵᠤᠬᠢᠶᠠᠯ ᠭᠡᠳᠡᠭ ᠤᠬᠠᠭᠳᠠᠬᠤᠨ ᠨᠢ 《ᠬᠦᠳᠡᠭᠡ》 ᠵᠢᠨ ᠲᠤᠬᠠᠢ ᠰᠢᠨᠡ ᠤᠶ᠋ᠢᠯᠠᠭᠠᠭᠳᠠᠬᠤᠨ ᠯᠤᠭᠠ ᠲᠤᠶ᠋ᠢᠯ ᠤ᠋ᠨ ᠨᠢᠭᠳᠠ ᠬᠠᠷᠢᠴᠠᠭᠠ ᠲᠠᠢ ᠭᠡᠵᠤ ᠦᠵᠡᠬᠦ᠌ ᠮᠠᠭᠠᠳᠯᠠᠯ ᠲᠠᠢ᠃ ᠤᠴᠢᠷ ᠨᠢ ᠰᠢᠨᠡ ᠤᠳᠬᠠ ᠵᠤᠬᠢᠶᠠᠯ ᠭᠡᠳᠡᠭ ᠪᠤᠯ ᠲᠤᠭᠳᠠᠭᠰᠠᠨ ᠨᠢᠭᠡ ᠴᠠᠭ ᠦᠶᠡ ᠵᠢᠨ ᠨᠦᠭᠦᠴᠡᠯ ᠪᠠᠶ᠋ᠢᠳᠡᠯ ᠳ᠋ᠤ ᠬᠠᠷᠠᠭᠠᠯᠵᠠᠨ ᠪᠤᠢ ᠪᠤᠯᠤᠭᠰᠠᠨ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠱᠠᠳᠤᠯᠠᠯ ᠪᠤᠯᠬᠤ ᠪᠦᠭᠡᠳ ᠡᠨᠡ ᠬᠦ᠌ ᠱᠠᠳᠤ ᠦᠶᠡ ᠵᠢᠨ ᠪᠤᠢ ᠪᠤᠯᠤᠭᠰᠠᠨ ᠨᠢ ᠮᠦᠨ 《ᠬᠦᠳᠡᠭᠡ》 ᠵᠢᠨ ᠲᠤᠬᠠᠢ ᠰᠢᠨᠡ ᠤᠶ᠋ᠢᠯᠠᠭᠠᠯᠳᠡ ᠲᠠᠢ ᠬᠠᠮᠳᠤ ᠪᠠᠷᠢᠯᠳᠤᠨ ᠪᠤᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠤᠷᠴᠢᠨ ᠦᠶᠠ ᠵᠢᠨ ᠵᠤᠬᠢᠶᠠᠯᠴᠢ ᠬᠠᠳᠠ ᠵᠢᠨ 《ᠨᠡᠬᠦᠳᠡᠯ ᠠᠮᠢᠳᠤᠷᠠᠯᠳᠤ ᠮᠠᠨᠤ ᠮᠤᠡᠭᠭᠤᠯ》 ᠬᠡᠬᠦ ᠵᠤᠬᠢᠶᠠᠯᠳᠡᠬᠢ 《ᠮᠠᠨᠤ ᠨᠡᠬᠦᠳᠡᠯᠴᠢᠨ ᠮᠤᠡᠭᠭᠤᠯᠴᠤᠳ ᠡᠳᠤᠢ ᠲᠡᠳᠤᠢ ᠤᠨ ᠵᠢᠯ ᠦᠡᠭᠭᠡᠷᠡᠪᠡᠴᠤ ᠮᠦᠨ ᠬᠠᠭᠤᠴᠢᠨ ᠬᠡᠪ ᠵᠢᠡᠷ ᠠᠵᠢᠭ ᠦᠬᠡᠢ ᠬᠤᠨᠢ ᠦᠬᠡᠷ ᠵᠢᠡᠨ ᠠᠳᠤᠭᠤᠯᠤᠬᠰᠠᠭᠠᠷ ᠪᠦᠯᠤᠭᠡ ᠁ ᠡᠪᠤᠯ ᠬᠠᠪᠤᠷᠤᠨ ᠤᠰᠤ ᠴᠠᠰᠤᠨᠤ ᠪᠡᠷᠭᠡ ᠴᠠᠭ ᠲᠤᠷ ᠬᠦᠳᠡᠭᠡᠨᠤ ᠬᠦᠮᠤᠨ ᠤᠬᠳᠤ ᠭᠠᠳᠠᠬᠰᠢ ᠶᠠᠪᠤᠬᠤ ᠦᠬᠡᠢ ᠪᠢᠳᠡᠬᠦᠤ ᠰᠠᠭᠤᠵᠠᠭᠠᠮᠤᠢ᠃ ᠲᠡᠯᠡᠬᠡᠢ ᠲᠡᠭᠡᠷᠠ ᠶᠠᠭᠤ ᠪᠤᠯᠵᠤ ᠪᠠᠢᠬᠤᠢ ᠵᠢ ᠲᠤᠡᠭ ᠮᠡᠳᠡᠬᠦ ᠦᠬᠡᠢ᠂ ᠰᠤᠨᠢᠨ ᠪᠢᠴᠢᠭ ᠬᠢᠭᠡᠳ ᠰᠤᠳᠤᠷ ᠲᠡᠪᠳᠡᠷ ᠤᠡᠭᠰᠢᠬᠤ ᠦᠬᠡᠢ》 ᠬᠡᠳᠡᠭ ᠲᠦᠷᠰᠤᠯᠡᠯ ᠪᠤᠯ ᠲᠠᠷᠤᠢ ᠡᠢᠮᠤᠷᠬᠦᠤ ᠦᠢᠯᠠᠭᠠᠯᠳᠠ ᠵᠢᠨ ᠲᠦᠪᠯᠡᠷᠡᠡᠭᠭᠦᠢ ᠲᠤᠰᠬᠠᠯ ᠪᠤᠯᠬᠤ ᠶᠤᠮ᠃ ᠤᠴᠢᠷ ᠨᠢ 《ᠬᠠᠭᠤᠴᠢᠨ ᠬᠡᠪ ᠵᠢᠡᠷ》 ᠬᠡᠳᠡᠭ ᠨᠢᠭᠡᠯᠡ ᠦᠬᠦᠯᠡᠪᠤᠷᠢᠳᠤ ᠨᠢᠭᠡ ᠴᠠᠭ ᠦᠶᠠ ᠵᠢᠨ ᠠᠷᠤ ᠦᠵᠡᠭᠳᠡᠯ ᠪᠤᠯᠤᠨ ᠦᠷᠳᠡᠭ ᠤ᠋ᠨ ᠬᠠᠨᠳᠤᠯᠭᠠ ᠪᠦᠷ ᠲᠤᠰᠬᠠᠬᠳᠠᠵᠤ ᠪᠤᠢ ᠬᠡᠵᠤ ᠦᠵᠡᠵᠤ ᠪᠤᠯᠤᠨᠠ᠃
《ᠬᠦᠳᠡᠭᠡ》 ᠭᠡᠳᠡᠭ ᠦᠭᠡ ᠶ᠋ᠢ ᠬᠤᠷᠢᠳᠤᠭᠠᠷ ᠵᠠᠭᠤᠨ ᠤ᠋ ᠡᠬᠢᠨ ᠤ᠋ ᠦᠶᠡ ᠪᠡᠷ ᠬᠡᠪᠯᠡᠭᠳᠡᠭᠰᠡᠨ 《ᠮᠤᠩᠭᠤᠯ ᠦᠭᠡᠨ ᠤ᠋ ᠲᠠᠶ᠋ᠢᠯᠪᠤᠷᠢ ᠲᠤᠯᠢ》 ᠳ᠋ᠤ 《ᠲᠠᠷᠢᠶᠠ ᠲᠠᠷᠢᠭᠰᠠᠨ ᠦᠭᠡᠢ ᠲᠠᠯᠠ ᠭᠠᠵᠠᠷ ᠢ᠋᠂ ᠪᠠᠰᠠ ᠲᠠᠷᠢᠶᠠ ᠲᠠᠷᠢᠵᠤ ᠪᠤᠯᠬᠤ ᠤᠰᠤᠳᠡᠢ ᠭᠠᠵᠠᠷ ᠢ᠋ ᠪᠠᠰᠠ ᠠᠯᠢᠪᠡ ᠭᠡᠭᠡᠷᠠ ᠭᠠᠵᠠᠷ ᠢ᠋ ᠪᠠᠰᠠ ᠢᠳᠦᠮᠠᠯ ᠬᠦᠳᠡᠭᠡ ᠬᠡᠮᠡᠬᠦᠢ ᠳ᠋ᠤ ᠬᠡᠷᠡᠭᠯᠡᠮᠤᠢ》 ᠭᠡᠵᠤ ᠲᠠᠶ᠋ᠢᠯᠪᠤᠷᠢᠯᠠᠭᠰᠠᠨ ᠪᠠᠶ᠋ᠢᠳᠠᠭ᠃ ᠡᠭᠦᠨ ᠳ᠋ᠤ 《ᠢᠳᠦᠮᠡᠯ ᠬᠦᠳᠡᠭᠡ》 ᠭᠡᠬᠦ᠌ ᠠᠮᠢᠳᠡᠨ ᠤ᠋ ᠨᠡᠷᠡᠶ᠋ᠢᠳᠦᠯ ᠳ᠋ᠤ ᠬᠤᠯᠪᠤᠭᠳᠠᠭᠰᠠᠨ ᠤᠨᠴᠠᠭᠠᠢ ᠤᠳᠬᠠ ᠶ᠋ᠢ ᠭᠠᠷᠭᠠᠪᠡᠯ ᠦᠭᠡᠷᠠ ᠤᠳᠬᠠ ᠨᠢ ᠪᠦᠷ ᠨᠢᠭᠡ ᠵᠦᠢᠯᠤ᠋ᠨ ᠭᠠᠵᠠᠷ ᠵᠦᠢ ᠵᠢᠨ ᠤᠳᠬᠠ ᠪᠡᠷ ᠢᠯᠡᠷᠡᠭᠰᠡᠨ ᠪᠠᠶ᠋ᠢᠨᠠ᠃ ᠭᠡᠬᠦ᠌ ᠳ᠋ᠡᠭᠡᠨ ᠰᠠᠶ᠋ᠢᠨ ᠮᠠᠭᠤ ᠵᠢᠨ ᠦᠷᠳᠡᠭ ᠤ᠋ᠨ ᠬᠠᠨᠳᠤᠯᠭᠠ ᠬᠠᠷᠠᠭᠳᠠᠬᠤ ᠦᠭᠡᠢ᠂ ᠬᠠᠷᠢᠨ ᠵᠦᠪᠭᠡᠨ ᠨᠢᠭᠡ ᠵᠦᠢᠯᠤ᠋ᠨ ᠤᠷᠤᠰᠢᠬᠤᠢ ᠵᠢᠨ ᠨᠡᠷᠠ ᠵᠢᠨ ᠲᠡᠳᠦᠢ ᠲᠠᠶ᠋ᠢᠯᠪᠤᠷᠢᠯᠠᠭᠳᠠᠭᠰᠠᠨ ᠶᠤᠮ᠃ ᠭᠡᠪᠡᠴᠤ᠌ 《ᠨᠡᠬᠦᠳᠡᠯ ᠠᠮᠢᠳᠤᠷᠠᠯᠳᠤ ᠮᠠᠨᠤ ᠮᠤᠡᠭᠭᠤᠯ》 ᠵᠢᠡᠷ ᠲᠦᠯᠦᠭᠡᠯᠡᠭᠦᠯᠦᠭᠰᠡᠨ ᠤᠷᠴᠢᠨ ᠦᠶᠡ ᠵᠢᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠳ᠋ᠤ ᠬᠦᠳᠡᠭᠡ ᠨᠢ ᠬᠠᠷᠢᠨ ᠴᠠᠭ ᠦᠶᠡᠴᠢ ᠠᠭᠤᠯᠤᠭᠳᠠᠬᠤᠨ ᠲᠠᠢ ᠪᠤᠯᠵᠤ᠂ ᠬᠦᠳᠡᠭᠡ ᠵᠢᠴᠢ ᠬᠦᠳᠡᠭᠡ ᠯᠤᠭᠡ ᠰᠢᠳᠦᠯᠴᠡᠨ ᠤᠷᠤᠰᠢᠵᠤ ᠪᠦᠬᠦᠢ ᠠᠯᠢᠪᠡ ᠦᠵᠡᠭᠳᠡᠯ᠂ ᠬᠦᠮᠦᠨ ᠨᠢ ᠪᠦᠷ ᠬᠠᠭᠤᠴᠢᠨ ᠵᠦᠢᠯ ᠪᠤᠯᠤᠨ ᠦᠵᠡᠯ ᠰᠠᠨᠠᠭᠠᠵᠢᠭᠰᠠᠨ ᠪᠠᠶ᠋ᠢᠳᠠᠭ᠃ ᠠᠯᠢᠪᠡ ᠬᠤᠪᠢᠷᠡᠯᠳᠡ ᠦᠭᠡᠢ ᠵᠦᠢᠯ᠂ ᠠᠯᠢᠪᠠ ᠡᠮᠬᠢ ᠲᠢᠭᠯᠢᠮ ᠦᠭᠡᠢ ᠵᠦᠢᠯ᠂ ᠠᠯᠢᠪᠡ ᠬᠤᠴᠤᠷᠤᠩᠭᠤᠢ ᠵᠦᠢᠯ᠂ ᠠᠯᠢᠪᠡ ᠪᠦᠳᠦᠭᠦᠯᠢᠭ ᠵᠦᠢᠯ᠂ ᠦᠪᠡᠷᠤ᠋ᠨ ᠯᠡ ᠭᠡᠰᠡᠨ ᠵᠦᠢᠯ ᠢ᠋ 《ᠬᠦᠳᠡᠭᠡ ᠵᠢᠨ》 ᠪᠤᠶᠤ 《ᠬᠦᠳᠡᠭᠡᠪᠤᠷ》 ᠭᠡᠵᠤ ᠦᠷᠳᠡᠭᠯᠡᠨ ᠦᠵᠡᠬᠦ᠌ ᠰᠢᠨᠠ ᠬᠠᠨᠳᠤᠯᠭᠠ ᠪᠤᠢ ᠪᠤᠯᠤᠭᠰᠠᠨ ᠶᠤᠮ᠃ ᠡᠨᠡ ᠬᠦ᠌ ᠰᠢᠨᠡ ᠬᠠᠨᠳᠤᠯᠭᠠ ᠵᠢᠨ ᠠᠷᠤ ᠳ᠋ᠤ ᠬᠤᠷᠳᠤᠴᠠ᠂ ᠬᠦᠭᠵᠢᠯ ᠬᠤᠪᠢᠷᠡᠯ᠂ ᠰᠢᠨᠡᠳᠦᠯ ᠦᠭᠡᠷᠡᠴᠢᠯᠡᠯ᠂ ᠬᠤᠳᠠᠴᠢᠯᠠᠭᠰᠠᠨ᠂ ᠬᠠᠷᠢ ᠵᠢᠨ ᠵᠦᠢᠯ ᠢ᠋ 《ᠰᠢᠨᠡ》 ᠭᠡᠵᠤ ᠬᠦᠯᠢᠶᠡᠨ ᠠᠪᠤᠭᠰᠠᠨ ᠦᠷᠳᠡᠭ ᠤ᠋ᠨ ᠦᠵᠡᠯ ᠡᠭᠦᠰᠦᠭᠰᠡᠨ ᠪᠦᠭᠡᠳ ᠡᠭᠦᠨ ᠤ᠋ ᠤᠯᠠᠮ ᠡᠴᠠ ᠲᠡᠯᠡᠭᠡᠢ ᠨᠡᠶ᠋ᠢᠳᠡ ᠵᠢᠨ 《ᠰᠢᠨᠡ ᠲᠢᠭᠯᠢᠮ》 ᠳ᠋ᠤ ᠪᠠᠭᠳᠠᠨ ᠤᠷᠤᠬᠤ ᠬᠦᠰᠡᠯᠡᠩ ᠢ᠋ ᠢᠯᠡᠳᠭᠡᠭᠰᠡᠨ ᠪᠠᠶ᠋ᠢᠳᠠᠭ᠃
ᠶᠠᠭ ᠲᠡᠭᠡᠷᠡᠬᠢ ᠮᠡᠳᠦ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠬᠠᠨᠳᠤᠯᠭᠠ ᠪᠤᠢ ᠪᠤᠯᠤᠭᠰᠠᠨ ᠡᠴᠠ ᠤᠷᠴᠢᠨ ᠦᠶᠡ ᠵᠢᠨ ᠤᠳᠬᠠ ᠵᠤᠬᠢᠶᠠᠯ ᠨᠢ ᠡᠷᠳᠡᠨ ᠤ᠋ ᠤᠳᠬᠠ ᠵᠤᠬᠢᠶᠠᠯ ᠡᠴᠠ ᠢᠯᠭᠠᠭᠳᠠᠬᠤ ᠢᠯᠡᠷᠭᠡᠢ ᠤᠨᠴᠠᠯᠢᠭ ᠲᠠᠢ ᠪᠤᠯᠵᠤ᠂ 《ᠰᠢᠨᠡ》 ᠭᠡᠬᠦ᠌ ᠲᠤᠳᠤᠳᠬᠠᠯ ᠲᠠᠢ ᠪᠤᠯᠤᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠤᠨᠠ᠃ ᠲᠡᠳᠡᠭᠡᠷ ᠮᠠᠨ ᠤ᠋ ᠲᠠᠨᠢᠯ ᠲᠠᠰᠤᠯ ᠪᠤᠯᠤᠭᠰᠠᠨ ᠵᠤᠬᠢᠶᠠᠯᠤᠳ᠂ ᠵᠢᠱ᠌ᠢᠶᠡᠯᠡᠪᠡᠯ 《ᠲᠤᠤᠺᠢᠤ᠋ ᠬᠤᠳᠡ ᠵᠢᠨ ᠰᠠᠶ᠋ᠢᠬᠠᠨ》 (ᠰᠠᠶ᠋ᠢᠴᠤᠩᠭᠠ) ᠂ 《ᠶᠡᠭᠡ ᠬᠤᠳᠡ ᠪᠠᠯᠭᠠᠳ》 (ᠬᠠᠳᠠ) ᠂ 《ᠠᠯᠳᠠᠨ ᠠᠩᠭᠠ》 (ᠬᠠᠹᠦᠩᠭᠠ)᠂ 《ᠬᠤᠶᠠᠷ ᠦᠶᠡ ᠵᠢᠨ ᠬᠦᠮᠦᠨ》 (ᠡᠷᠳᠡᠮᠳᠡᠭᠦᠰ) ᠵᠡᠷᠭᠡ ᠰᠢᠯᠦᠭ᠂ ᠦᠭᠦᠯᠡᠯᠭᠡ᠂ ᠨᠠᠶ᠋ᠢᠷᠠᠭᠤᠯᠤᠯᠤᠳ ᠨᠢ ᠪᠦᠷ ᠯᠡ ᠬᠦᠳᠡᠭᠡ ᠪᠡ ᠬᠤᠳᠡ ᠵᠢ ᠬᠠᠷᠢᠴᠠᠭᠤᠯᠬᠤ ᠲᠤᠮᠳᠠ᠂ ᠬᠦᠭᠵᠢᠯ ᠪᠡ ᠤᠤᠷ ᠪᠠᠶ᠋ᠢᠳᠡᠯ ᠢ᠋ ᠠᠳᠠᠯᠢᠳᠬᠠᠬᠤ ᠪᠡᠷ ᠲᠠᠮᠵᠢᠨ᠂ ᠬᠦᠭᠵᠢᠯ ᠲᠡᠪᠰᠢᠯ ᠢ᠋ ᠨᠤᠳᠠᠯᠠᠨ ᠦᠵᠡᠵᠤ᠂ ᠬᠠᠭᠤᠴᠢᠨ ᠵᠦᠢᠯ ᠢ᠋ ᠡᠪᠳᠡᠬᠦ᠌ ᠤᠬᠠᠮᠰᠡᠷ ᠢ᠋ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶ᠋ᠢᠳᠠᠭ᠃
ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠲᠤᠰᠬᠠᠭᠰᠠᠨ ᠦᠵᠡᠯ ᠰᠠᠨᠠᠭᠠ ᠲᠡᠳᠦᠢ ᠦᠭᠡᠢ᠂ ᠪᠢᠴᠢᠬᠦ᠌ ᠠᠷᠭᠠ ᠵᠢᠨ ᠬᠤᠪᠢ ᠳ᠋ᠤ ᠰᠢᠨᠡ ᠠᠷᠭᠠ᠂ ᠰᠢᠨᠡ ᠪᠢᠴᠢᠯᠭᠡ ᠵᠢᠨ ᠵᠠᠭᠪᠤᠷ ᠢ᠋ ᠬᠦᠭᠡᠭᠡᠴᠡᠯᠳᠦᠬᠦ᠌ ᠤᠬᠠᠮᠰᠡᠷ ᠴᠤ᠌ ᠪᠤᠢ ᠪᠤᠯᠤᠭᠰᠠᠨ ᠪᠢᠯᠡ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠡᠷᠳᠡᠮᠳᠡᠭᠦᠰᠤ᠋ᠨ 《ᠬᠠᠪᠤᠷᠤ᠋ᠨ ᠰᠠᠯᠬᠢᠨ》 ᠭᠡᠳᠡᠭ ᠵᠤᠬᠢᠶᠠᠯᠤ᠋ᠨ ᠤᠷᠤᠰᠢᠯ ᠳ᠋ᠤ ᠬᠡᠯᠡᠬᠦ᠌ ᠳ᠋ᠡᠭᠡᠨ 《ᠡᠳᠦᠭᠡ ᠵᠢᠨ ᠮᠠᠨ ᠤ᠋ ᠮᠤᠩᠭᠤᠯᠤ᠋ᠨ ᠪᠢᠴᠢᠭ᠂ ᠤᠳᠬᠠ ᠶ᠋ᠢ ᠨᠡᠭᠡᠭᠡᠵᠤ ᠦᠵᠡᠭᠦᠯᠠ᠂ ᠦᠯᠢᠭᠡᠷᠤ᠋ᠨ ᠬᠠᠮᠢᠶᠠᠳᠡᠨ ᠠᠨᠤ᠂ ᠡᠷᠳᠡᠨ ᠡᠴᠡ ᠤᠯᠠᠮᠵᠢᠯᠡᠨ ᠢᠷᠡᠭᠰᠡᠨ ᠬᠦᠮᠦᠨ ᠤ᠋ ᠪᠡᠯᠡᠨ ᠢ᠋ ᠤᠷᠴᠢᠭᠤᠯᠤᠭᠰᠠᠨ ᠢᠯᠵᠠᠷᠠᠭᠰᠠᠨ ᠬᠡᠷᠡᠭ ᠦᠭᠡᠢ ᠬᠡᠳᠦᠨ ᠲᠡᠪᠳᠡᠷ ᠡᠴᠠ ᠭᠠᠳᠠᠨᠠ᠂ ᠲᠡᠷᠤᠢ ᠦᠯᠡᠳᠡᠭᠰᠡᠨ ᠢᠨᠤ ᠦᠭᠡᠷᠠ ᠤᠯᠤᠰ ᠡᠴᠠ ᠢᠷᠡᠭᠰᠡᠨ ᠤᠳᠬᠠ ᠬᠡᠳᠦᠨ ᠲᠤᠭᠳᠤᠢ ᠲᠡᠪᠳᠡᠷ ᠁ ᠤᠳᠠᠭᠠᠨ ᠵᠢᠯ ᠤᠯᠠᠮᠵᠢᠯᠠᠨ ᠢᠷᠡᠭᠰᠡᠨ ᠮᠤᠩᠭᠤᠯ ᠤᠳᠬᠠ ᠵᠢᠨ ᠤᠩᠰᠢᠭᠴᠢᠳ ᠤ᠋ᠨ ᠢᠳᠡᠭᠡᠨ ᠤ᠋ ᠠᠮᠳᠠ ᠶ᠋ᠢ ᠬᠠᠯᠠᠬᠤ ᠪᠡᠷ ᠵᠤᠷᠢᠭ ᠪᠤᠰᠭᠠᠵᠤ ᠁》 (《ᠬᠦᠭᠡ ᠲᠤᠭ》 ᠰᠤᠨᠢᠨ᠂ ᠡᠩᠭᠡ ᠡᠷᠳᠡᠮᠳᠤ ᠵᠢᠨ ᠨᠠᠢ᠍ᠮᠠᠳᠤᠭᠠᠷ ᠤᠨ 3 ᠰᠠᠷᠠ ᠵᠢᠨ 26) ᠭᠡᠵᠤ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠤ᠋ᠨ ᠤᠯᠠᠮᠵᠢᠯᠡᠯ ᠪᠤᠶᠤ ᠲᠤᠬᠠᠢ ᠵᠢᠨ ᠪᠠᠶ᠋ᠢᠳᠠᠯ ᠳ᠋ᠤ ᠬᠠᠨᠤᠮᠵᠢ ᠦᠭᠡᠢ᠂ ᠬᠤᠪᠢᠷᠡᠯᠳᠡ ᠦᠭᠡᠢ ᠪᠠᠶ᠋ᠢᠭᠠ ᠳ᠋ᠤ ᠲᠤᠷᠠ ᠦᠭᠡᠶ᠋ᠢᠴᠡᠭᠰᠡᠨ ᠰᠡᠳᠭᠢᠯᠭᠡ ᠪᠡᠨ ᠢᠯᠡᠳᠭᠡᠵᠤ᠂ ᠰᠢᠨᠡ ᠠᠷᠭᠠ ᠪᠡᠷ ᠵᠤᠬᠢᠶᠠᠯ ᠪᠢᠴᠢᠬᠦ᠌ ᠪᠡᠷ ᠤᠷᠤᠯᠳᠤᠭᠰᠠᠨ ᠲᠤᠬᠠᠢ ᠪᠡᠨ 《ᠤᠳᠠᠭᠠᠨ ᠵᠢᠯ ᠲᠠᠪᠤᠰᠤ ᠶ᠋ᠢ ᠠᠮᠳᠠᠯᠠᠬᠰᠠᠨ ᠬᠦᠮᠦᠨ ᠳ᠋ᠤ ᠰᠢᠬᠢᠷᠤ᠋ᠨ ᠠᠮᠳᠠ ᠶ᠋ᠢ ᠮᠡᠳᠡᠭᠦᠯᠬᠦ᠌》 ᠪᠡᠷ ᠤᠷᠤᠯᠳᠤᠭᠰᠠᠨ ᠭᠡᠵᠤ ᠦᠯᠢᠭᠡᠷᠯᠡᠨ ᠶᠠᠷᠢᠭᠰᠠᠨ ᠪᠠᠶ᠋ᠢᠨᠠ᠃ ᠡᠶ᠋ᠢᠮᠤᠷᠬᠦᠤ ᠤᠶ᠋ᠢᠯᠠᠭᠠᠯᠳᠠ ᠵᠢᠨ ᠲᠤᠤᠷᠠ ᠲᠡᠭᠦᠨ ᠤ᠋ ᠵᠤᠬᠢᠶᠠᠯ᠂ ᠵᠢᠴᠢ ᠡᠷᠳᠡᠮᠪᠡᠭᠠᠳᠤᠷ ᠨᠡᠷᠤ᠋ᠨ ᠦᠭᠦᠯᠡᠯᠭᠡ ᠨᠢ ᠬᠠᠭᠤᠴᠢᠨ ᠪᠢᠴᠢᠯᠭᠡ ᠵᠢᠨ ᠠᠷᠭᠠ ᠶ᠋ᠢ ᠤᠭᠤᠷᠴᠤ᠌᠂ ᠰᠢᠨᠡ ᠠᠷᠭᠠ ᠪᠡᠷ ᠰᠢᠨᠡ ᠰᠠᠨᠠᠭᠠ ᠶ᠋ᠢ ᠢᠯᠡᠷᠡᠭᠦᠯᠬᠦ᠌ ᠶ᠋ᠢ ᠬᠦᠭᠡᠭᠡᠴᠡᠯᠳᠦᠭᠰᠡᠨ ᠡᠴᠠ ᠤᠷᠴᠢᠨ ᠦᠶᠡ ᠵᠢᠨ ᠤᠳᠬᠠᠨ ᠲᠡᠭᠡᠷᠡᠬᠢ ᠬᠤᠪᠢᠰᠤᠯ ᠰᠢᠨᠡᠴᠢᠯᠡᠯ ᠪᠤᠶᠤ ᠤᠳᠤᠬᠢᠴᠢᠯᠠᠭᠰᠠᠨ ᠤᠨᠴᠠᠯᠢᠭ ᠢ᠋ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶ᠋ᠢᠳᠠᠭ᠃
ᠬᠤᠷᠢᠶᠠᠩᠭᠤᠶ᠋ᠢᠯᠠᠭᠠᠳ ᠬᠡᠯᠡᠪᠡᠯ᠂ ᠰᠢᠨᠡ ᠤᠳᠬᠠ ᠵᠤᠬᠢᠶᠠᠯ ᠭᠡᠳᠡᠭ ᠪᠤᠯ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠰᠢᠨᠡ ᠤᠶ᠋ᠢᠯᠠᠭᠠᠭᠳᠠᠬᠤᠨ ᠯᠤᠭᠠ ᠬᠠᠷᠠᠭᠠᠯᠵᠠᠨ ᠪᠤᠢ ᠪᠤᠯᠤᠭᠰᠠᠨ ᠪᠤᠶᠤ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠰᠢᠨᠡ ᠤᠶ᠋ᠢᠯᠠᠭᠠᠭᠳᠠᠬᠤᠨ ᠨᠢ ᠤᠳᠬᠠ ᠵᠤᠬᠢᠶᠠᠯ ᠢ᠋ ᠰᠢᠨᠡ ᠬᠠᠨᠳᠤᠯᠭᠠ ᠲᠠᠢ ᠪᠤᠯᠭᠠᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠤᠨᠠ᠃
ᠶᠠᠷᠢᠶᠠᠨ ᠦᠭᠡᠢ ᠰᠠᠶ᠋ᠢᠴᠤᠩᠭᠠ ᠵᠢᠨ ᠵᠤᠬᠢᠶᠠᠯ ᠳ᠋ᠤ ᠬᠠᠷᠢ ᠵᠢᠨ ᠭᠠᠵᠠᠷ ᠡᠴᠠ ᠬᠦᠳᠡᠭᠡ ᠨᠤᠳᠤᠭ ᠵᠢᠡᠨ ᠰᠠᠨᠠᠭᠠᠯᠵᠠᠨ ᠪᠢᠴᠢᠭᠰᠡᠨ ᠵᠦᠢᠯ ᠪᠠᠶ᠋ᠢᠳᠠᠭ ᠨᠢ ᠠᠪᠤᠨ ᠦᠵᠡᠬᠦ᠌ ᠳ᠋ᠤ ᠲᠡᠭᠡᠷᠡᠬᠢ ᠦᠵᠡᠯ ᠰᠠᠨᠠᠭᠠ ᠲᠠᠢ ᠵᠦᠷᠢᠵᠤ ᠪᠠᠶ᠋ᠢᠳᠠᠭ ᠰᠢᠭ᠋ ᠪᠤᠯᠪᠠᠴᠤ᠌ ᠦᠨᠡᠨ ᠳ᠋ᠡᠭᠡᠨ ᠲᠡᠷᠡ ᠨᠢ ᠰᠠᠶ᠋ᠢᠴᠤᠩᠭᠠ ᠵᠢᠨ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠶᠡᠷᠦᠩᠭᠡᠢ ᠦᠵᠡᠯᠳᠡ ᠶ᠋ᠢ ᠲᠦᠯᠦᠭᠡᠯᠡᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠰᠠᠶ᠋ᠢᠴᠤᠩᠭᠠ ᠵᠢᠨ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠶᠡᠷᠦᠩᠭᠡᠢ ᠬᠠᠨᠳᠤᠯᠭᠠ ᠪᠤᠯ 《ᠬᠦᠳᠡᠭᠡ ᠲᠠᠯᠠ ᠪᠡᠨ ᠬᠤᠳᠡ ᠪᠠᠶ᠋ᠢᠭᠤᠯᠤᠯᠳᠠ ᠪᠡᠷ ᠲᠦᠭᠦᠷᠭᠡᠬᠦ᠌》 ᠭᠡᠰᠡᠨ ᠴᠢᠭᠯᠡᠯ ᠲᠠᠢ ᠪᠠᠶ᠋ᠢᠭᠰᠠᠨ ᠪᠢᠯᠡ᠃ ᠰᠠᠭᠤᠬᠤ ᠭᠡᠷ ᠤᠷᠤᠨ ᠡᠴᠡ ᠲᠡᠷᠢᠭᠦᠯᠡᠨ ᠬᠤᠳᠡᠴᠢᠯᠠᠬᠤ᠂ ᠦᠭᠡᠷᠡᠴᠢᠯᠡᠬᠦ᠌ ᠶ᠋ᠢ ᠵᠤᠷᠢᠵᠤ ᠪᠠᠶ᠋ᠢᠭᠰᠠᠨ ᠨᠢ ᠰᠠᠶ᠋ᠢᠴᠣᠩᠭᠠ ᠪᠡᠷ ᠲᠦᠯᠦᠭᠡᠯᠡᠭᠦᠯᠦᠭᠰᠡᠨ ᠲᠤᠬᠠᠢ ᠵᠢᠨ ᠰᠡᠭᠡᠭᠡᠳᠡᠳᠤ᠋ᠨ ᠬᠠᠮᠳᠤ ᠵᠢᠨ ᠬᠦᠭᠡᠭᠡᠴᠡᠯᠳᠦᠯ ᠪᠠᠶ᠋ᠢᠭᠰᠠᠨ ᠶᠤᠮ᠃
ᠬᠤᠶᠠᠷ᠂ ᠬᠦᠳᠡᠯᠮᠤᠷᠢᠴᠢᠨ ᠪᠠ ᠰᠡᠭᠡᠭᠡᠳᠡᠨ ᠤ᠋ ᠡᠰᠡᠷᠭᠦᠴᠡᠯᠳᠤᠯᠤ᠋ᠨ ᠬᠠᠷᠢᠴᠠᠭᠠᠨ ᠳ᠋ᠡᠬᠢ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠨᠤᠳᠠᠯᠠᠯ
ᠤᠳᠤ ᠦᠶᠡ ᠵᠢᠨ ᠤᠳᠬᠠ ᠵᠤᠬᠢᠶᠠᠯ ᠨᠢ ᠤᠷᠴᠢᠨ ᠦᠶᠡ ᠵᠢᠨ ᠤᠳᠬᠠ ᠵᠤᠬᠢᠶᠠᠯ ᠡᠴᠠ ᠶᠠᠮᠡᠷ ᠲᠠᠯᠠ ᠪᠡᠷ ᠢᠯᠭᠠᠭᠳᠠᠵᠤ ᠪᠠᠶ᠋ᠢᠬᠤ ᠪᠤᠢ? ᠡᠭᠦᠨ ᠢ᠋ ᠤᠯᠠᠨ ᠲᠠᠯᠠ ᠡᠴᠠ ᠨᠤᠳᠠᠯᠠᠨ ᠦᠵᠡᠵᠤ ᠪᠤᠯᠬᠤ ᠡᠴᠠ ᠭᠠᠳᠠᠨᠠ ᠪᠠᠰᠠ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠦᠵᠡᠯᠳᠡ ᠲᠠᠨᠢᠯᠳᠡ᠂ ᠬᠦᠥᠷᠨᠢᠯᠤ᠋ᠨ ᠬᠤᠪᠢᠰᠤᠯ ᠲᠠᠢ ᠬᠠᠷᠠᠭᠠᠯᠵᠠᠭᠤᠯᠤᠨ ᠠᠵᠢᠭᠯᠠᠵᠤ ᠪᠤᠯᠬᠤ ᠶᠤᠮ᠃
ᠪᠠᠷᠤᠭ ᠲᠡᠭᠡᠷᠠ ᠵᠠᠭᠤᠨ ᠤ᠋ ᠲᠦᠴᠢᠭᠡᠳ ᠤᠨ ᠤ᠋ ᠰᠡᠭᠦᠯᠴᠢ ᠡᠴᠠ ᠡᠬᠢᠯᠡᠨ ᠮᠤᠩᠭᠤᠯ ᠬᠡᠯᠡᠨ ᠤ᠋ ᠤᠳᠬᠠ ᠵᠤᠬᠢᠶᠠᠯ ᠪᠤᠶᠤ ᠤᠳᠬᠠ ᠵᠤᠬᠢᠶᠠᠯ ᠯᠤᠭᠠ ᠬᠠᠮᠢᠶᠠᠳᠡᠢ ᠮᠡᠳᠡᠭᠡᠯᠡᠯ ᠵᠡᠷᠭᠡ ᠨᠢ ᠤᠯᠤᠰ ᠲᠦᠷᠦ᠍ ᠵᠢᠨ ᠰᠢᠨᠡ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠨᠦᠯᠦᠭᠡᠨ ᠲᠤᠤᠷᠠ ᠬᠦᠳᠡᠭᠡ ᠨᠤᠳᠤᠭ ᠤ᠋ᠨ ᠬᠦᠭᠵᠢᠯ ᠬᠤᠪᠢᠷᠡᠯ ᠢ᠋ ᠮᠠᠭᠳᠠᠨ ᠪᠢᠴᠢᠬᠦ᠌ ᠰᠢᠨᠡ ᠬᠡᠯᠪᠡᠷᠢᠯ ᠲᠠᠢ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠲᠠᠷᠤᠢ ᠤᠷᠴᠢᠨ ᠦᠶᠡ ᠳ᠋ᠤ ᠬᠤᠪᠢᠷᠠᠭᠤᠯᠬᠤ ᠶᠤᠰᠤᠳᠡᠢ ᠭᠡᠵᠤ ᠦᠵᠡᠵᠤ ᠪᠠᠶ᠋ᠢᠭᠰᠠᠨ ᠬᠦᠳᠡᠭᠡ ᠨᠢ ᠨᠢᠭᠡᠨᠳᠡ ᠬᠤᠪᠢᠷᠠᠭᠰᠠᠨ ᠭᠡᠬᠦ᠌ ᠲᠦᠰᠦᠭᠡᠯᠡᠮᠵᠢ ᠶ᠋ᠢ ᠢᠯᠡᠳᠭᠡᠬᠦ᠌ ᠪᠤᠯᠤᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠭᠡᠷᠠ ᠵᠠᠭᠤᠨ ᠤ᠋ ᠲᠠᠪᠢᠭᠠᠳ ᠤᠨ ᠳ᠋ᠤ ᠡᠨᠡ ᠬᠦ᠌ ᠪᠠᠶ᠋ᠢᠳᠡᠯ ᠨᠢ ᠨᠡᠩ ᠲᠤᠳᠤᠷᠬᠠᠢ ᠪᠤᠯᠤᠭᠰᠠᠨ ᠶᠤᠮ᠃ ᠨᠠ᠊·ᠰᠠᠶ᠋ᠢᠨᠴᠤᠭᠳᠤ ᠵᠢᠨ 《ᠰᠢᠯᠦᠭᠤᠨ ᠬᠦᠭᠡ ᠵᠢᠨ ᠲᠡᠮᠳᠡᠭᠯᠡᠯ ᠰᠢᠯᠦᠭ》᠂ ᠪ·ᠪᠦᠷᠢᠨᠪᠡᠬᠢ ᠵᠢᠨ 《ᠰᠠᠨᠠᠭᠠ ᠪᠡᠷ ᠵᠢᠡᠨ ᠲᠤᠪᠳᠤᠯ ᠳ᠋ᠡ ᠲᠡᠷᠭᠡ ᠮᠢᠨᠢ》᠂ ᠵᠠᠯᠭᠠᠭᠦᠤ ᠵᠢᠨ 《ᠲᠠᠯᠠ ᠨᠤᠳᠤᠭᠤ᠋ᠨ ᠰᠢᠨᠡ ᠬᠠᠪᠤᠷ》 ᠵᠡᠷᠭᠡ ᠤᠯᠠᠨ ᠤᠯᠠᠨ ᠵᠤᠬᠢᠶᠠᠯ ᠤᠳ ᠨᠢ ᠪᠦᠷ ᠡᠢᠮᠤᠷᠬᠦᠤ᠌ ᠦᠵᠡᠯ ᠬᠠᠨᠳᠤᠯᠭᠠ ᠵᠢᠨ ᠲᠦᠯᠦᠭᠡᠯᠡᠭᠴᠢ ᠵᠢᠱ᠌ᠢᠶᠡ ᠪᠤᠯᠵᠤ ᠪᠤᠯᠤᠨᠠ᠃ 《ᠰᠢᠯᠦᠭᠤᠨ ᠬᠦᠭᠡ ᠵᠢᠨ ᠲᠡᠮᠳᠡᠭᠯᠡᠯ ᠰᠢᠯᠦᠭ》 ᠵᠢᠡᠷ ᠵᠢᠱ᠌ᠢᠶᠡᠯᠡᠪᠡᠯ 《ᠭᠠᠩᠳᠠᠨ ᠰᠢᠷᠬᠢᠰᠢ ᠦᠭᠡᠢ ᠵᠢᠭᠠᠰᠤᠳᠡᠢ ᠨᠠᠭᠤᠷ ᠪᠤᠯ / ᠭᠠᠶ᠋ᠢᠬᠠᠮᠰᠢᠭ ᠰᠠᠶ᠋ᠢᠬᠠᠨ ᠨᠡᠷᠡᠳᠡᠢ ᠭᠠᠵᠠᠷ / ᠭᠠᠷᠤᠯᠳᠡ ᠲᠤᠷᠠᠰᠬᠠᠯ ᠵᠢᠡᠷ ᠡᠯᠪᠡᠭ ᠮᠦᠷᠳᠡᠭᠡᠨ / ᠭᠠᠩᠭᠠᠩ ᠦᠵᠡᠮᠵᠢ ᠪᠡᠷ ᠪᠠᠶᠠᠯᠢᠭ ᠤᠷᠤᠨ》 ᠭᠡᠵᠤ ᠮᠠᠭᠳᠠᠨ ᠰᠢᠯᠦᠭᠯᠡᠭᠰᠡᠨ ᠪᠠᠶ᠋ᠢᠳᠠᠭ᠃ ᠲᠡᠭᠡᠪᠡᠯ ᠶᠠᠭᠠᠬᠢᠭᠠᠳ ᠵᠢᠭᠠᠰᠤᠳᠡᠢ ᠨᠠᠭᠤᠷ ᠨᠢ ᠡᠶ᠋ᠢᠮᠦ᠍ ᠰᠠᠶ᠋ᠢᠬᠠᠨ ᠦᠵᠡᠮᠵᠢ ᠲᠠᠢ ᠪᠤᠯᠤᠭᠰᠠᠨ ᠪᠤᠢ? ᠭᠡᠪᠡᠯ ᠶᠠᠷᠢᠶᠡᠨ ᠦᠭᠡᠢ ᠡᠭᠦᠨ ᠤ᠋ ᠠᠷᠤ ᠳ᠋ᠤᠨᠢ ᠨᠠᠶ᠋ᠢᠭᠡᠮ ᠵᠢᠷᠤᠮᠳᠤ ᠬᠦᠳᠡᠭᠡ ᠲᠤᠰᠬᠤᠨ ᠭᠡᠬᠦ᠌ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠲᠤᠯᠭᠠᠭᠤᠷᠢ ᠪᠠᠶ᠋ᠢᠬᠤ ᠡᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠦᠭᠡᠷᠠ ᠪᠡᠷ ᠬᠡᠯᠡᠪᠡᠯ ᠡᠨᠡ ᠦᠶᠡ ᠳ᠋ᠤ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠠᠳᠠᠯᠢᠰᠢᠯᠤ᠋ᠨ ᠰᠡᠳᠭᠢᠯᠭᠡ ᠨᠢ ᠨᠡᠶ᠋ᠢᠭᠡᠮᠤ᠋ᠨ ᠲᠤᠭᠳᠠᠯᠴᠠᠭᠠᠨ ᠤ᠋ ᠲᠤᠬᠠᠢ ᠠᠳᠠᠯᠢᠰᠢᠯ ᠲᠠᠢ ᠪᠠᠷᠢᠯᠳᠤᠨ ᠤᠷᠤᠰᠢᠬᠤ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠡᠨᠡ ᠦᠶᠡ ᠳ᠋ᠤ ᠬᠤᠳᠡ ᠪᠠ ᠬᠦᠳᠡᠭᠡ ᠨᠢ ᠪᠠᠰᠠ ᠦᠭᠡᠷᠠ ᠨᠢᠭᠡ ᠬᠤᠤᠰ ᠬᠠᠷᠢᠯᠴᠠᠨ ᠡᠰᠡᠷᠭᠦᠴᠡᠯᠳᠦᠭᠰᠡᠨ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠰᠢᠰᠲᠸᠮ ᠳ᠋ᠤ ᠪᠠᠭᠳᠠᠵᠤ᠂ ᠬᠤᠳᠡ ᠪᠤᠯ ᠬᠦᠷᠦᠩᠭᠡᠳᠤ ᠶᠤᠰᠤᠨᠤ᠂ ᠬᠦᠳᠡᠭᠡ ᠪᠤᠯ ᠨᠠᠶ᠋ᠢᠭᠡᠮ ᠵᠢᠷᠤᠮᠤ᠋ᠨ᠂ ᠬᠤᠳᠡ ᠪᠤᠯ ᠰᠡᠭᠡᠭᠡᠳᠡᠨᠤ᠂ ᠬᠦᠳᠡᠭᠡ ᠨᠢ ᠬᠦᠳᠡᠯᠮᠤᠷᠢᠴᠢᠨ ᠠᠷᠠᠳ ᠲᠦᠮᠡᠨᠤ ᠭᠡᠬᠦ᠌ ᠤᠷᠤᠨ ᠵᠠᠢ ᠵᠢᠨ ᠢᠯᠭᠠᠯ ᠴᠤ᠌ ᠪᠤᠢ ᠪᠤᠯᠵᠠᠢ᠃ ᠲᠤᠬᠠᠢ ᠵᠢᠨ ᠦᠶᠡ ᠵᠢᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ ᠶ᠋ᠢ ᠵᠢᠯᠤᠭᠤᠳᠴᠤ᠌ ᠪᠠᠶ᠋ᠢᠭᠰᠠᠠ 《ᠠᠮᠢᠳᠤᠷᠡᠯ ᠳ᠋ᠤ ᠭᠦᠨᠵᠡᠭᠡᠶ᠋ᠢᠷᠡᠬᠦ᠌》᠂ 《ᠦᠵᠡᠯ ᠰᠠᠨᠠᠭᠠ ᠪᠡᠨ ᠦᠭᠡᠷᠡᠴᠢᠯᠡᠬᠦ᠌ 》 ᠵᠡᠷᠭᠡ ᠳᠤᠷᠠᠳᠤᠯᠭᠠ ᠨᠢ ᠦᠨᠡᠨᠳᠡᠭᠡᠨ ᠪᠦᠷ ᠴᠤ᠌ ᠡᠢᠮᠤᠷᠬᠦᠤ᠌ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠰᠢᠰᠲᠸᠮ ᠳ᠋ᠤ ᠪᠠᠭᠳᠠᠵᠤ ᠪᠠᠶ᠋ᠢᠭᠠ ᠵᠦᠢᠯᠡᠰ ᠶᠤᠮ᠃ ᠡᠭᠦᠨ ᠵᠢᠡᠷ ᠴᠤ᠌ ᠦᠯᠤ ᠪᠠᠷᠠᠮ᠂ 《ᠰᠤᠶᠤᠯᠤ᠋ᠨ ᠶᠡᠭᠡ ᠬᠤᠪᠢᠰᠬᠠᠯ》ᠤ᠋ᠨ ᠦᠶᠡ ᠳ᠋ᠤ ᠶᠠᠪᠤᠭᠳᠠᠭᠰᠠᠨ 《ᠰᠡᠭᠡᠭᠡᠳᠡᠨ ᠵᠠᠯᠠᠭᠤᠴᠤᠳ ᠬᠦᠳᠡᠭᠡ ᠪᠠᠭᠤᠬᠤ ᠬᠦᠳᠡᠯᠭᠡᠭᠡᠨ》 ᠡᠭᠦᠰᠦᠭᠰᠡᠨ ᠨᠢ ᠪᠠᠰᠠᠴᠤ᠌ ᠲᠡᠭᠡᠷᠡᠬᠢ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠦᠷᠭᠦᠯᠵᠢᠯᠡᠯ ᠪᠤᠯᠬᠤ ᠶᠤᠮ᠃
ᠭᠤᠷᠪᠡ᠂ ᠦᠭᠡᠷᠡᠴᠢᠯᠡᠯᠳᠡ ᠵᠢᠨ ᠲᠤᠬᠠᠢ ᠲᠤᠩᠭᠠᠯᠳᠡ ᠪᠤᠶᠤ ᠬᠦᠳᠡᠭᠡ ᠰᠤᠶᠤᠯᠤ᠋ᠨ ᠲᠤᠬᠠᠢ ᠰᠢᠨᠡ ᠠᠳᠠᠯᠢᠰᠢᠯ
ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠲᠡᠥᠬᠡᠨ ᠲᠡᠭᠡᠷᠠ ᠬᠡᠳᠦᠶ᠋ᠢᠪᠡᠷ ᠦᠭᠡᠷᠡᠴᠢᠯᠡᠯᠳᠡ ᠨᠡᠭᠡᠭᠡᠯᠳᠡ ᠵᠢᠨ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠲᠤᠬᠠᠢ ᠲᠤᠰᠬᠠᠢ ᠱᠠᠳᠤᠯᠠᠯ ᠪᠤᠯᠭᠠᠨ ᠶᠠᠷᠢᠵᠤ ᠪᠠᠶ᠋ᠢᠭᠠ ᠪᠤᠯᠪᠠᠴᠤ᠌ ᠬᠤᠳᠡ ᠪᠠ ᠬᠥᠳᠡᠭᠡ ᠭᠡᠬᠦ᠌ ᠤᠨᠤᠯᠤ᠋ᠨ ᠬᠠᠷᠠᠭᠠ ᠪᠡᠷ ᠠᠵᠢᠭᠯᠠᠪᠠᠯ᠂ ᠲᠡᠷᠡ ᠨᠢ ᠦᠨᠳᠦᠰᠦᠨ ᠳ᠋ᠡᠭᠡᠨ ᠤᠷᠴᠢᠨ ᠦᠶᠡ ᠵᠢᠨ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠬᠤᠳᠡ ᠪᠠ ᠬᠦᠳᠡᠭᠡ᠂ ᠰᠢᠨᠡ ᠪᠠ ᠬᠠᠭᠤᠴᠢᠨ ᠭᠡᠬᠦ᠌ ᠵᠠᠭᠪᠤᠷ ᠢ᠋ ᠰᠢᠨᠡ ᠪᠠᠶ᠋ᠢᠳᠡᠯ ᠲᠤᠤᠷᠠ ᠰᠢᠨᠡ ᠪᠡᠷ ᠤᠯᠠᠷᠢᠭᠤᠯᠤᠨ ᠬᠡᠷᠡᠭᠯᠡᠭᠰᠡᠨ ᠪᠠᠶ᠋ᠢᠳᠡᠯ ᠲᠠᠢ ᠶᠤᠮ᠃ ᠡᠢᠮᠤᠷᠬᠦᠤ᠌ ᠵᠤᠬᠢᠶᠠᠯ ᠳ᠋ᠤ ᠠᠶᠤᠩᠭᠠ᠂ ᠪᠦᠭᠡᠳᠡᠯᠭᠡᠷ᠂ ᠰᠠᠶ᠋ᠢᠨᠪᠠᠶᠠᠷ ᠵᠡᠷᠭᠡ ᠵᠤᠬᠢᠶᠠᠯᠴᠢᠳᠤ᠋ᠨ 《ᠮᠠᠩᠬᠠᠨ ᠤ᠋ ᠴᠠᠭᠠᠨᠠ ᠪᠤᠯ ᠠᠷᠪᠡᠨ ᠭᠤᠷᠪᠡᠳᠤᠭᠠᠷ ᠵᠠᠭᠤᠨ》᠂ 《ᠵᠢᠩᠤ᠋ᠨ ᠬᠤᠩᠬᠤᠨ ᠤ᠋ ᠲᠤᠤᠨᠢᠯ》 ᠂ 《ᠦᠨᠳᠡᠭᠡᠨ ᠰᠦᠢ》 ᠂ 《ᠶᠠᠮᠤ ᠵᠢᠨ ᠠᠶ᠋ᠢᠯᠤ᠋ᠨ ᠰᠢᠨᠡ ᠲᠤᠮᠤᠭ》 ᠵᠡᠷᠭᠡ ᠵᠤᠬᠢᠶᠠᠯ ᠢ᠋ ᠲᠤᠷᠠᠳᠴᠤ᠌ ᠪᠤᠯᠤᠨᠠ᠃ ᠭᠡᠬᠦ᠌ ᠳ᠋ᠡᠭᠡᠨ ᠡᠳᠡᠭᠡᠷ ᠵᠤᠬᠢᠶᠠᠯ ᠳ᠋ᠤ ᠬᠦᠳᠡᠭᠡ ᠶ᠋ᠢ ᠪᠦᠷᠢᠮᠦᠰᠦᠨ ᠦᠭᠡᠶ᠋ᠢᠰᠭᠡᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠨᠢᠭᠡ ᠵᠦᠢᠯᠤ᠋ᠨ ᠬᠤᠷᠭᠤᠳᠠᠬᠤ ᠰᠡᠳᠭᠢᠯᠭᠡ ᠠᠬᠤᠭᠤᠯᠵᠤ ᠪᠢᠴᠢᠭᠰᠡᠨ ᠡᠴᠡ ᠦᠪᠡᠷᠤ᠋ᠨ ᠭᠡᠰᠡᠨ ᠤᠨᠴᠠᠯᠢᠭ ᠲᠠᠢ ᠪᠤᠯᠵᠠᠢ᠃
ᠦᠭᠡᠷᠡᠴᠢᠯᠡᠯᠳᠡ ᠵᠢᠨ ᠰᠡᠳᠦᠪᠳᠤ ᠵᠤᠬᠢᠶᠠᠯ ᠨᠢ ᠦᠭᠡᠷᠠ ᠨᠢᠭᠡ ᠵᠦᠢᠯᠤ᠋ᠨ ᠤᠷᠤᠰᠬᠠᠯ — ᠠᠮᠢ ᠠᠬᠤᠢ ᠵᠢᠨ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠤᠷᠤᠰᠬᠠᠯ ᠲᠠᠢ ᠵᠤᠯᠭᠠᠬᠤ ᠦᠶᠡ ᠳ᠋ᠤ ᠤᠳᠤ ᠦᠶᠡ ᠵᠢᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠨᠢ ᠬᠤᠳᠡ ᠪᠠ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠪᠠᠰᠠ ᠨᠢᠭᠡ ᠵᠦᠢᠯᠤ᠋ᠨ ᠰᠢᠨᠡ ᠦᠷᠳᠡᠭᠤ᠋ᠨ ᠬᠠᠨᠳᠤᠯᠭᠠ ᠶ᠋ᠢ ᠢᠯᠡᠷᠡᠭᠦᠯᠦᠭᠰᠡᠨ ᠪᠠᠶ᠋ᠢᠨᠠ᠃ ᠲᠠᠷᠤᠢ ᠬᠤᠳᠡ ᠪᠤᠯ ᠬᠦᠰᠡᠯ ᠰᠢᠨᠤᠯᠤ᠋ᠨ᠂ ᠡᠪᠳᠡᠯᠡᠭᠡ ᠵᠢᠨ᠂ ᠬᠥᠳᠡᠭᠡ ᠪᠤᠯ ᠰᠠᠶᠢ ᠪᠠᠶ᠋ᠢᠭᠠᠯᠢᠯᠢᠭ᠂ ᠠᠮᠢ ᠠᠮᠢᠵᠢᠷᠡᠯᠤ᠋ᠨ ᠭᠡᠬᠦ᠌ ᠲᠠᠨᠢᠯᠳᠡ ᠪᠤᠶᠤ ᠠᠳᠠᠯᠢᠰᠢᠯ ᠢ᠋ ᠢᠯᠡᠷᠡᠭᠦᠯᠦᠭᠰᠡᠨ ᠵᠤᠬᠢᠶᠠᠯ ᠶᠡᠭᠡ ᠬᠡᠮᠵᠢᠶᠠ ᠪᠡᠷ ᠲᠦᠷᠦᠭᠳᠡᠨ᠂ ᠠᠮᠢ ᠠᠬᠤᠢ ᠵᠢᠨ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠦᠵᠡᠭᠳᠡᠯ ᠪᠤᠶᠤ ᠬᠦᠳᠡᠭᠡ ᠵᠢᠨ ᠠᠶ᠋ᠢᠳ᠋ᠸᠨᠲ᠋ᠢᠲᠢ᠋ ᠪᠠᠷᠢᠮᠳᠠᠯᠠᠭᠰᠠᠨ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠤᠷᠤᠰᠬᠠᠯ ᠢ᠋ ᠪᠤᠢ ᠪᠤᠯᠭᠠᠭᠰᠠᠨ ᠪᠠᠶ᠋ᠢᠨᠠ᠃ ᠲᠡᠷᠡ ᠨᠢ ᠡᠬᠢᠯᠡᠭᠡᠳ ᠪᠠᠶ᠋ᠢᠭᠠᠯᠢ ᠵᠢᠨ ᠠᠮᠢ ᠠᠬᠤᠢ ᠵᠢᠨ ᠡᠰᠢ ᠶᠤᠰᠤ ᠶ᠋ᠢ ᠵᠢᠷᠤᠮᠯᠠᠵᠤ᠂ ᠠᠮᠢ ᠨᠠᠰᠤ ᠶ᠋ᠢ ᠬᠤᠷᠤᠭᠠᠬᠤ ᠪᠡ ᠬᠠᠮᠠᠭᠠᠯᠠᠬᠤ ᠵᠢᠨ ᠬᠤᠭᠤᠷᠤᠨᠳᠤᠬᠢ ᠲᠡᠮᠡᠴᠡᠯ ᠪᠤᠯᠵᠤ ᠪᠠᠶ᠋ᠢᠭᠰᠠᠨ ᠪᠤᠯ ᠰᠡᠭᠦᠯᠳᠡᠵᠤ ᠢᠷᠡᠭᠡᠳ ᠰᠤᠶᠤᠯᠤ᠋ᠨ ᠠᠮᠢ ᠠᠬᠤᠢ᠂ ᠨᠤᠳᠤᠭ ᠪᠡᠯᠴᠢᠭᠡᠷ᠂ ᠦᠨᠳᠦᠰᠦᠳᠡᠨ ᠨᠡᠶ᠋ᠢᠳᠡ ᠭᠡᠬᠦ᠌ ᠠᠰᠠᠭᠤᠳᠠᠯ ᠳ᠋ᠤ ᠬᠤᠯᠪᠤᠭᠳᠠᠬᠤ ᠲᠤᠮᠤᠬᠠᠨ ᠰᠡᠳᠦᠪ ᠪᠤᠯᠤᠭᠰᠠᠨ ᠪᠠᠶ᠋ᠢᠳᠠᠭ᠃ ᠲᠡᠷᠡᠴᠢᠯᠡᠨ ᠡᠢᠮᠤᠷᠬᠦᠤ᠌ ᠦᠵᠡᠯ ᠤᠷᠤᠰᠬᠠᠯᠤ᠋ᠨ ᠠᠷᠤ ᠳ᠋ᠤ ᠬᠤᠳᠡᠴᠢᠯᠡᠯ ᠢ᠋ ᠡᠰᠡᠷᠭᠦᠴᠡᠬᠦ᠂ ᠤᠳᠤᠬᠢᠴᠢᠯᠡᠯᠳᠡ ᠶ᠋ᠢ ᠲᠠᠬᠢᠨ ᠲᠤᠩᠭᠠᠬᠤ᠂ ᠬᠤᠪᠢᠷᠠᠬᠤ ᠪᠡ ᠮᠦᠭᠦᠬᠦ᠌ ᠁ ᠵᠡᠷᠭᠡ ᠰᠢᠨᠡ ᠦᠵᠡᠯ ᠦᠢᠯᠠᠭᠠᠯᠳᠠ ᠴᠤ᠌ ᠪᠦᠷᠢᠯᠳᠤᠨ ᠲᠤᠭᠳᠠᠵᠤ ᠡᠬᠢᠯᠡᠭᠰᠡᠨ ᠪᠢᠯᠡ᠃
ᠲᠦᠷᠪᠡ᠂ 《ᠰᠢᠨᠡ ᠬᠦᠳᠡᠭᠡ ᠲᠤᠰᠬᠤᠨ》 ᠤ᠋ ᠲᠤᠬᠠᠢ ᠬᠦᠥᠷᠨᠢᠯ ᠪᠤᠶᠤ ᠵᠠᠪᠰᠡᠷᠤ᠋ᠨ ᠤᠷᠤᠨ ᠵᠠᠢ
《ᠰᠢᠨᠡ ᠬᠦᠳᠡᠭᠡ ᠲᠤᠰᠬᠤᠨ》 ᠤ᠋ ᠲᠤᠬᠠᠢ ᠬᠥᠥᠷᠨᠢᠯ ᠪᠤᠯ ᠲᠡᠭᠡᠷᠠ ᠵᠠᠭᠤᠨ ᠤ᠋ ᠶᠠᠷᠡᠭᠡᠳ ᠤᠨ ᠡᠴᠠ ᠨᠠᠭᠠᠰᠢ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ ᠲᠡᠭᠡᠷᠠ ᠢᠯᠡᠷᠡᠭᠰᠡᠨ ᠰᠢᠨᠡ ᠦᠵᠡᠭᠳᠡᠯ ᠪᠤᠯᠤᠨᠠ᠃ ᠬᠦᠳᠡᠭᠡ ᠵᠢᠨ ᠬᠦᠮᠦᠰ ᠢ᠋ ᠪᠠᠯᠭᠠᠰᠤᠵᠢᠭᠤᠯᠬᠤ᠂ ᠬᠤᠳᠠᠵᠢᠭᠤᠯᠬᠤ ᠭᠡᠰᠡᠨ ᠨᠡᠶ᠋ᠢᠭᠡᠮᠤ᠋ᠨ ᠲᠦᠷᠢᠮᠵᠢᠯ ᠢ᠋ ᠲᠠᠭᠠᠯᠳᠤᠨ ᠶᠡᠭᠡ ᠬᠡᠮᠵᠢᠶᠡᠨ ᠤ᠋ ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠬᠤᠳᠡ ᠪᠠᠯᠭᠠᠰᠤᠨ ᠳ᠋ᠤ ᠰᠠᠭᠤᠷᠢᠰᠢᠬᠤ ᠪᠤᠯᠤᠭᠰᠠᠨ ᠪᠤᠶᠤ ᠨᠢᠭᠡᠳᠦᠯᠳᠡᠢ ᠲᠤᠬᠢᠷᠠᠭᠤᠯᠤᠭᠰᠠᠨ ᠪᠠᠶ᠋ᠢᠷᠢ ᠪᠠᠶ᠋ᠢᠰᠢᠩ ᠳ᠋ᠤ ᠰᠠᠭᠤᠬᠤ ᠪᠤᠯᠤᠭᠰᠠᠨ ᠡᠴᠠ ᠤᠳᠬᠠ ᠵᠤᠬᠢᠶᠠᠯ ᠳ᠋ᠤ ᠦᠭᠡᠷᠠ ᠨᠢᠭᠡ ᠵᠦᠢᠯᠤ᠋ᠨ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠬᠦᠥᠷᠨᠢᠯ ᠪᠤᠢ ᠪᠤᠯᠵᠠᠢ᠃ ᠡᠢᠮᠤᠷᠬᠦᠤ᠌ ᠵᠤᠬᠢᠶᠠᠯᠤ᠋ᠨ ᠰᠢᠨᠡᠯᠢᠭ ᠲᠠᠯᠠ ᠨᠢ ᠭᠡᠪᠡᠯ ᠬᠠᠭᠠᠰ ᠬᠤᠳᠡ᠂ ᠬᠠᠭᠠᠰ ᠬᠦᠳᠡᠭᠡ ᠭᠡᠬᠦ᠌ ᠵᠠᠪᠰᠡᠷᠤ᠋ᠨ ᠤᠷᠤᠨ ᠵᠠᠢ ᠳ᠋ᠡᠬᠢ ᠮᠠᠯᠴᠢᠨ ᠲᠠᠷᠢᠶᠠᠴᠢᠨᠤ ᠲᠡᠯᠴᠢᠯᠡᠯ ᠪᠡ ᠮᠤᠬᠤᠷᠳᠡᠯ ᠢ᠋ ᠪᠢᠴᠢᠵᠤ᠂ ᠦᠪᠡᠷ ᠤ᠋ᠨ ᠭᠡᠬᠦ᠌ ᠤᠷᠤᠰᠢᠬᠤ ᠤᠷᠤᠨ ᠵᠠᠢ ᠵᠢᠨ ᠲᠤᠬᠠᠢ ᠮᠦᠷᠦᠭᠡᠳᠦᠯ᠂ ᠰᠠᠨᠠᠭᠠᠯᠵᠠᠯ (ᠡᠰᠡᠭᠦᠯᠠ ᠤᠤᠯᠤ᠋ᠨ ᠤᠷᠤᠨ ᠵᠠᠢ) ᠢ᠋ ᠢᠯᠡᠷᠡᠭᠦᠯᠦᠭᠰᠡᠨ ᠳ᠋ᠤ ᠤᠷᠤᠰᠢᠨᠠ᠃ ᠲᠤ· ᠲᠠᠮᠠᠷᠢᠨᠤ᠋ 《ᠠᠷᠭᠠᠯ ᠬᠤᠪᠤᠷᠳᠠᠭᠰᠠᠨ ᠬᠦᠳᠡᠭᠡ》᠂ ᠡᠳᠦᠨᠰᠠᠩᠪᠤ ᠵᠢᠨ 《ᠬᠡᠯᠳᠡᠭᠡᠢ ᠴᠢᠯᠠᠭᠤᠨ ᠬᠦᠰᠢᠶᠠ》 ᠂ ᠪᠠᠳᠦᠮᠦ᠋ᠩᠭᠡ ᠵᠢᠨ 《ᠲᠠᠭᠤᠳᠡᠢ ᠪᠤᠷᠣᠭᠠᠨ》 ᠵᠡᠷᠭᠡ ᠠᠯᠢ ᠤᠯᠠᠨ ᠵᠤᠬᠢᠶᠠᠯ ᠳ᠋ᠤ ᠪᠦᠷ ᠡᠨᠡ ᠠᠰᠠᠭᠤᠳᠠᠯ ᠢ᠋ ᠲᠤᠰᠬᠠᠨ ᠪᠢᠴᠢᠭᠰᠡᠨ ᠪᠠᠶ᠋ᠢᠳᠠᠭ᠃ ᠭᠡᠬᠦ᠌ ᠳ᠋ᠡᠭᠡᠨ ᠡᠢᠮᠤᠷᠬᠦᠤ᠌ ᠵᠠᠪᠰᠡᠷᠤ᠋ᠨ ᠤᠷᠤᠨ ᠵᠠᠢ ᠵᠢᠨ ᠲᠤᠬᠠᠢ ᠬᠦᠥᠷᠨᠢᠯ ᠭᠠᠭᠴᠠ ᠬᠦ᠌ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠳ᠋ᠤ ᠯᠡ ᠲᠤᠰᠬᠠᠭᠳᠠᠭᠰᠠᠨ ᠤᠨᠴᠠᠭᠠᠢ ᠠᠰᠠᠭᠤᠳᠡᠯ ᠪᠢᠰᠢ᠂ ᠬᠠᠷᠢᠨ ᠪᠦᠭᠦ᠌ ᠤᠯᠤᠰᠤ᠋ᠨ ᠴᠢᠨᠡᠷᠳᠡᠢ ᠦᠵᠡᠭᠳᠡᠯ ᠪᠠᠶ᠋ᠢᠭᠰᠠᠨ ᠭᠡᠳᠡᠭ ᠢ᠋ ᠪᠢᠳᠡ ᠴᠡᠷᠡᠩᠳᠤᠨᠳᠦᠪ ᠨᠡᠷᠤ᠋ᠨ ᠵᠤᠬᠢᠶᠠᠯ ᠢ᠋ ᠤᠩᠰᠢᠪᠡᠯ ᠨᠡᠩ ᠲᠤᠳᠤᠷᠬᠠᠢ ᠤᠶ᠋ᠢᠯᠠᠭᠠᠵᠤ ᠪᠤᠯᠬᠤ ᠶᠤᠮ᠃
ᠲᠠᠪᠤ᠂ ᠤᠨᠴᠠᠭᠠᠢ ᠪᠠᠶ᠋ᠢᠳᠡᠯ — ᠤᠷᠤᠨ ᠨᠤᠲᠤᠭᠤ᠋ᠨ ᠪᠤᠶᠤ ᠬᠦᠢᠰᠤ ᠢᠯᠭᠠᠯᠤ᠋ᠨ ᠬᠠᠷᠠᠭᠠᠨ ᠳ᠋ᠡᠬᠢ ᠬᠤᠳᠡ ᠪᠠ ᠬᠦᠳᠡᠭᠡ ᠵᠢᠨ ᠵᠦᠷᠢᠴᠡᠯᠳᠤ ᠬᠦᠥᠷᠨᠢᠯ
ᠵᠠᠷᠢᠮ ᠦᠶᠡ ᠳ᠋ᠤ ᠤᠳᠬᠠ ᠵᠤᠬᠢᠶᠠᠯ ᠢ᠋ ᠲᠡᠭᠦᠨ ᠤ᠋ ᠭᠤᠯᠳᠤ ᠬᠦᠭᠵᠢᠯᠤ᠋ᠨ ᠲᠠᠭᠠᠤ ᠠᠵᠢᠭᠯᠠᠬᠤ ᠳ᠋ᠤ ᠭᠦᠭᠵᠢᠯᠤ᠋ᠨ ᠶᠡᠷᠦᠩᠭᠡᠢ ᠬᠠᠨᠳᠤᠰᠢ ᠯᠤᠭᠠ ᠨᠢᠭᠡᠳᠦᠯ ᠦᠭᠡᠢ ᠦᠵᠡᠭᠳᠡᠯ ᠴᠤ᠌ ᠪᠠᠶ᠋ᠢᠬᠤ ᠶ᠋ᠢ ᠠᠩᠬᠠᠷᠤᠨ ᠤᠯᠵᠤ ᠪᠤᠯᠬᠤ ᠶᠤᠮ᠃ ᠤᠷᠴᠢᠨ᠂ ᠤᠳᠤ ᠦᠶᠡ ᠵᠢᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠢ᠋ ᠬᠤᠳᠡ ᠪᠠ ᠬᠦᠳᠡᠭᠡ ᠭᠡᠬᠦ᠌ ᠬᠠᠷᠠᠴᠠ ᠪᠡᠷ ᠠᠵᠢᠭᠯᠠᠬᠤ ᠳ᠋ᠤ ᠮᠦᠨ ᠡᠶ᠋ᠢᠮᠤ ᠠᠰᠠᠭᠤᠳᠠᠯ ᠲᠤᠯᠭᠠᠷᠠᠳᠠᠭ᠃ ᠵᠢᠱ᠌ᠢᠶᠡᠯᠡᠪᠡᠯ᠂ ᠬᠤᠷᠴᠢᠨ ᠤᠳᠬᠠ ᠵᠤᠬᠢᠶᠠᠯ ᠳ᠋ᠡᠬᠢ ᠬᠤᠳᠡ ᠵᠢᠨ ᠲᠤᠬᠠᠢ ᠪᠢᠴᠢᠯᠭᠡ᠂ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠲᠠᠨᠢᠯᠳᠡ᠂ ᠡᠮᠡᠭᠳᠡᠶ᠋ᠢᠴᠤᠳᠤ᠋ᠨ ᠤᠳᠬᠠ ᠵᠤᠬᠢᠶᠠᠯ ᠳ᠋ᠡᠬᠢ ᠬᠤᠳᠡ᠂ ᠬᠦᠳᠡᠭᠡ ᠵᠢᠨ ᠲᠤᠬᠠᠢ ᠵᠢᠨ ᠢᠯᠡᠷᠡᠭᠦᠯᠦᠯ ᠨᠢ ᠪᠦᠷ ᠦᠪᠡᠷ ᠦᠪᠡᠷᠤ᠋ᠨ ᠭᠡᠰᠡᠨ ᠤᠨᠴᠠᠭᠠᠢ ᠲᠠᠯᠠ ᠲᠠᠢ᠃ ᠲᠠᠷᠤᠢ ᠡᠢᠮᠤᠷᠬᠦᠤ᠌ ᠪᠦᠯᠦᠭ ᠴᠣᠭᠴᠠᠴᠢᠯᠠᠭᠰᠠᠨ ᠵᠤᠬᠢᠶᠠᠯᠴᠢᠳᠤ᠋ᠨ ᠪᠦᠳᠦᠭᠡᠯ ᠳ᠋ᠤ ᠬᠤᠳᠡ ᠪᠤᠶᠤ ᠬᠦᠳᠡᠭᠡ ᠨᠢ ᠬᠠᠷᠠᠬᠠᠨ ᠲᠤᠭᠳᠠᠪᠤᠷᠢ ᠦᠭᠡᠢ᠂ ᠬᠤᠪᠢᠷᠡᠯᠳᠡ ᠲᠠᠢ ᠬᠡᠯᠪᠡᠷᠢ ᠪᠡᠷ ᠲᠤᠰᠬᠠᠭᠳᠠᠭᠰᠠᠨ ᠭᠡᠵᠤ ᠦᠵᠡᠵᠤ ᠪᠤᠯᠤᠨᠠ᠃ ᠪᠤᠳᠠᠳᠠᠢ ᠪᠡᠷ ᠬᠡᠯᠡᠬᠦ᠌ ᠳ᠋ᠤ ᠬᠤᠷᠴᠢᠨ ᠤᠳᠬᠠ ᠵᠤᠬᠢᠶᠠᠯ ᠳ᠋ᠤ ᠬᠤᠳᠡ ᠶ᠋ᠢ ᠮᠦᠷᠦᠭᠡᠳᠴᠤ᠌᠂ ᠬᠦᠳᠡᠭᠡ ᠶ᠋ᠢ ᠭᠤᠯᠤᠭᠰᠠᠨ ᠦᠵᠡᠯ ᠰᠠᠨᠠᠭᠠᠨ ᠤ᠋ ᠬᠠᠨᠳᠤᠯᠭᠠ ᠲᠠᠢ ᠵᠤᠬᠢᠶᠠᠯ ᠪᠠᠶ᠋ᠢᠬᠤ ᠵᠢᠨ ᠬᠠᠮᠳᠤ ᠪᠠᠰᠠ ᠬᠤᠳᠡ ᠵᠢᠨ ᠵᠠᠷᠢᠮ ᠵᠠᠩᠰᠢᠯ ᠢ᠋ ᠦᠯᠤ ᠲᠠᠭᠠᠰᠢᠶᠠᠬᠤ᠂ ᠲᠡᠷᠡᠴᠢᠯᠡᠨ ᠬᠤᠳᠡ ᠡᠴᠠ ᠤᠶ᠋ᠢᠳᠴᠤ ᠬᠦᠳᠡᠭᠡ ᠳ᠋ᠤ ᠪᠤᠴᠠᠬᠤ ᠭᠡᠰᠡᠨ ᠦᠢᠯᠡ ᠶᠠᠪᠤᠳᠡᠯᠤ᠋ᠨ ᠰᠢ᠌ᠳᠪᠤᠷᠢᠯᠡᠯ ᠲᠠᠢ ᠵᠤᠬᠢᠶᠠᠯ ᠴᠤ᠌ ᠪᠠᠶ᠋ᠢᠳᠠᠭ᠃ ᠡᠮᠡᠭᠳᠡᠶ᠋ᠢᠴᠤᠳᠤ᠋ᠨ ᠤᠳᠬᠠ ᠵᠤᠬᠢᠶᠠᠯ ᠳ᠋ᠤ ᠮᠦᠨ ᠬᠤᠳᠡᠴᠢᠯᠡᠯ ᠢ᠋ ᠬᠦᠰᠡᠬᠦ᠌ ᠪᠦᠭᠡᠳᠡᠯᠠ ᠭᠠᠳᠠᠭᠤᠷᠰᠢᠶᠠᠬᠤ ᠪᠤᠶᠤ ᠬᠤᠳᠡ ᠵᠢᠨ ᠣᠷᠴᠢᠨ ᠳ᠋ᠡᠬᠢ ᠡᠮᠡᠭᠳᠡᠶ᠋ᠢᠴᠤᠳᠤ᠋ᠨ ᠬᠤᠪᠢ ᠵᠠᠶᠠᠭᠠᠨ ᠳ᠋ᠤ ᠭᠤᠨᠢᠭᠯᠠᠬᠤ᠂ ᠬᠦᠳᠡᠭᠡ ᠪᠡᠨ ᠰᠠᠨᠠᠭᠠᠯᠵᠠᠬᠤ᠂ ᠬᠦᠳᠡᠭᠡ ᠶ᠋ᠢ ᠬᠦᠰᠡᠯᠡᠩᠵᠢᠭᠦᠯᠬᠦ᠌ ᠭᠡᠬᠦ᠌ ᠮᠡᠳᠦ ᠵᠢᠨ ᠨᠢᠭᠡᠳᠦᠯ ᠦᠭᠡᠢ ᠪᠤᠶᠤ ᠤᠯᠠᠨ ᠲᠠᠯᠠᠳᠤ ᠬᠠᠨᠳᠤᠯᠭᠠ ᠬᠠᠷᠠᠭᠳᠠᠵᠤ ᠪᠠᠶ᠋ᠢᠳᠠᠭ ᠶᠤᠮ᠃ ᠡᠭᠦᠨ ᠡᠴᠡ ᠪᠢᠳᠡ ᠨᠢᠭᠡ ᠦᠨᠳᠦᠰᠦᠳᠡᠨ ᠤ᠋ ᠤᠳᠬᠠ ᠵᠤᠬᠢᠶᠠᠯᠤ᠋ᠨ ᠲᠤᠳᠤᠭᠠᠳᠤ ᠳ᠋ᠤ ᠮᠦᠨ ᠬᠠᠷᠢᠯᠴᠠᠨ ᠠᠳᠠᠯᠢ ᠦᠭᠡᠢ ᠦᠵᠡᠭᠳᠡᠯ ᠤᠷᠤᠰᠢᠵᠤ ᠪᠠᠶ᠋ᠢᠬᠤ ᠶ᠋ᠢ ᠮᠡᠳᠡᠵᠤ ᠪᠤᠯᠤᠨᠠ᠃
ᠶᠡᠷᠦᠩᠭᠡᠶ᠋ᠢᠯᠡᠭᠡᠳ ᠬᠡᠯᠡᠪᠡᠯ᠂ ᠤᠷᠴᠢᠨ ᠤᠳᠤ ᠦᠶᠡ ᠵᠢᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠨᠢ ᠬᠤᠳᠡ ᠪᠠ ᠬᠦᠳᠡᠭᠡ ᠵᠢᠨ ᠬᠦᠤᠷᠨᠢᠯᠤ᠋ᠨ ᠵᠠᠭᠪᠤᠷ ᠢ᠋ ᠠᠰᠢᠭᠯᠠᠨ ᠤᠯᠤᠰ ᠦᠨᠳᠦᠰᠦᠳᠡᠨ ᠤ᠋ ᠬᠦᠭᠵᠢᠯᠳᠡ ᠬᠤᠪᠢᠷᠠᠯᠳᠠ᠂ ᠬᠤᠪᠢ ᠴᠤᠭᠴᠠ ᠵᠢᠨ ᠤᠷᠤᠰᠢᠯ ᠲᠤᠭᠳᠠᠨᠢᠯᠤ᠋ᠨ ᠲᠤᠬᠠᠢ ᠤᠶᠤᠨᠴᠢ ᠪᠤᠳᠤᠯᠭᠠᠰᠢᠷᠡᠯ᠂ ᠢᠳᠡᠪᠬᠢᠳᠡᠢ ᠡᠷᠢᠯᠬᠢᠯᠡᠯ ᠬᠢᠵᠤ ᠪᠠᠶ᠋ᠢᠭᠰᠠᠨ ᠪᠦᠭᠡᠳ ᠲᠡᠷᠡ ᠨᠢ ᠦᠨᠦᠳᠦᠷᠤ᠋ᠨ ᠬᠤᠪᠢ ᠳ᠋ᠤ ᠮᠦᠨ ᠨᠢᠭᠡ ᠵᠦᠢᠯᠤ᠋ᠨ ᠤᠨᠤᠯᠤ᠋ᠨ ᠲᠤᠭᠳᠠᠴᠡ ᠪᠤᠯᠵᠤ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ ᠪᠡ ᠤᠨᠤᠯ ᠰᠤᠳᠤᠯᠤᠯ ᠢ᠋ ᠨᠦᠯᠦᠭᠡᠯᠡᠭᠰᠡᠭᠡᠷ ᠪᠠᠶ᠋ᠢᠭᠠ ᠪᠢᠯᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃