2026-10-15 17:11:53
ᠬᠤᠯᠪᠤᠭᠠᠨᠤ ᠢᠮᠠᠭᠠᠳ ᠵᠦᠭ ᠵᠦᠭᠲᠡᠭᠡᠨ ᠴᠤᠢᠯᠤᠨ ᠲᠤᠳᠠᠭᠠᠭᠠᠳ ᠬᠤᠯᠪᠤᠭᠠᠨᠳᠤ ᠤᠷᠤᠳᠠᠭ ᠦᠭᠡᠢ᠃ ᠲᠠᠰᠤ ᠤᠷᠢᠶᠠᠯᠭᠠᠶᠠ ᠭᠡᠬᠦ᠌ᠪᠠᠷ ᠱᠢᠯᠪᠢᠬᠦᠷ ᠤᠯᠳᠠᠳᠠᠭ ᠦᠭᠡᠢ᠃ ᠬᠦᠶᠦᠶᠡ ᠭᠡᠬᠦᠯᠡᠷ ᠬᠦᠯ ᠶᠠᠮᠠᠷ ᠨᠢᠬᠡᠨ ᠵᠦᠢᠯᠳᠤ ᠤᠷᠢᠶᠠᠴᠠᠯᠳᠤᠭᠠᠳ ᠬᠦᠳᠡᠯᠳᠡᠭ ᠦᠭᠡᠢ᠂ ᠬᠠᠰᠭᠢᠷᠤᠶᠠ ᠬᠡᠬᠦᠯᠡᠷ ᠲᠠᠭᠤ ᠴᠦ᠍ ᠭᠠᠷᠳᠠᠭ ᠦᠭᠡᠢ᠃ ᠬᠢᠰᠠᠯᠠᠩᠲᠠᠢ ᠵᠡᠬᠦᠳᠦᠨᠳᠡᠭᠡᠨ ᠪᠡᠭᠲᠡᠷᠡᠨ ᠰᠡᠷᠡᠪᠡ᠃ ᠪᠠᠷᠢᠵᠤ ᠲᠠᠯᠪᠢᠨ ᠵᠡᠬᠦᠳᠦᠨᠤ ᠶᠢᠷᠳᠢᠨᠴᠦ᠍ ᠬᠠᠭᠤᠷᠮᠠᠭ ᠴᠦ᠍ ᠰᠠᠭᠠᠯᠢ ᠰᠦᠨᠤ ᠵᠦᠩᠨᠡᠯᠲᠠᠢ ᠰᠠᠢᠬᠠᠨ ᠯᠠ ᠵᠡᠬᠦᠳᠦ ᠭᠡᠵᠦ ᠪᠤᠳᠤᠯᠠ᠃
ᠰᠠᠭᠤᠭᠠᠯᠢ ᠲᠤᠭᠤᠷᠢᠭᠤᠨ ᠰᠠᠭ᠍ᠯᠠᠭᠠᠷ ᠮᠤᠳᠤᠳᠤᠨ ᠲᠡᠭᠡᠬᠦᠷ ᠪᠤᠷᠤ ᠪᠤᠯᠵᠤᠮᠤᠷᠤᠳ 《ᠪᠤᠰ᠂ ᠪᠤᠰ!》 ᠭᠡᠮᠡᠨ ᠪᠤᠰᠤᠨ ᠰᠠᠭᠤᠨ ᠱᠤᠯᠤᠭᠠᠨᠠᠯᠳᠤᠨᠠ᠃ ᠠᠯᠤᠰᠤᠨ ᠪᠠᠷᠠᠲᠠᠢ ᠲᠤᠩᠭᠠᠯᠠᠭ ᠦᠷᠯᠦᠭᠡ ᠰᠠᠭᠠᠳᠠᠵᠠᠢ᠃ ᠡᠢᠮᠦ᠍ ᠰᠠᠢᠬᠠᠨ ᠡᠳᠦᠷ ᠭᠡᠷᠤᠨ ᠮᠤᠬᠤᠷ ᠰᠠᠬᠢᠬᠤᠪᠠᠷ ᠲᠤᠭᠤᠨᠤᠳᠤᠶ᠋ᠢᠨ ᠵᠤᠰᠠᠯᠠᠩᠢᠶᠠᠨ ᠲᠤᠭᠤᠷᠢᠢᠠ ᠭᠡᠵᠤ ᠱᠢᠢᠳᠦᠯᠡ᠃
ᠵᠠᠮᠤᠨ ᠬᠤᠶᠠᠷ ᠲᠠᠯᠠᠪᠠᠷ ᠮᠠᠯ ᠰᠦᠷᠦᠭᠤᠨ ᠪᠠᠷᠠ ᠦᠯᠦ᠍ ᠬᠠᠷᠠᠭ᠍ᠳᠠᠨ ᠬᠠᠷᠠᠭᠠᠨᠤ ᠦᠵᠦᠬᠦᠷ ᠡᠯᠦᠢ ᠬᠤᠯᠤᠢ᠃ ᠶᠠᠭᠤ ᠶᠠᠭᠤᠨᠠᠴᠠ ᠪᠦᠳᠡᠭᠡᠯᠭᠡᠲᠠᠢ ᠪᠦᠳᠡᠭᠡᠯᠭᠡ ᠦᠭᠡᠢ ᠠᠰᠤᠷᠤ ᠲᠤᠮᠤ ᠲᠡᠭᠡᠭᠡᠪᠦᠷᠢᠶ᠋ᠢᠨ ᠲᠡᠷᠭᠡ ᠮᠠᠱᠢᠨᠨᠤᠭᠤᠳ ᠴᠦᠷᠭᠡᠲᠠᠢ ᠲᠡᠮᠡᠭᠡᠳ ᠱᠢᠭ ᠬᠦᠪᠦᠷᠡᠨ᠂ ᠤᠭ᠍ᠰᠠᠷᠠᠭ᠍ᠰᠠᠨ ᠤᠯᠠᠨ ᠬᠦᠷᠳᠦ᠍ᠨᠦᠭᠦᠳᠨᠢ ᠵᠢᠷᠠᠨ ᠬᠦᠯᠳᠦ ᠱᠢᠭ ᠵᠢᠷᠢᠯᠵᠠᠨ ᠠᠪᠤᠷᠭᠤ ᠮᠤᠭᠠᠢ ᠱᠢᠭ᠋ ᠭᠤᠯᠠᠰᠤᠨᠠ᠃ 《ᠮᠤᠭᠠᠢᠶ᠋ᠢᠨ ᠰᠡᠬᠦᠯ》 ᠶ᠋ᠢᠡᠷ ᠭᠤᠶᠠᠳᠠᠭᠤᠯᠴᠢᠬᠠᠬᠤ ᠪᠤᠢ! ᠬᠡᠮᠡᠨ ᠪᠠᠢᠨ ᠲᠠᠬᠢᠨ ᠲᠤᠷᠮᠤᠰᠤᠯᠠᠭᠠᠳ ᠵᠠᠮᠤᠨ ᠲᠦᠬᠦᠬᠦᠰᠢ ᠠᠨᠠᠢ᠃
ᠰᠠᠯᠬᠢᠨ ᠬᠦᠷᠳᠦ᠍ᠶ᠋ᠢᠨ ᠵᠢᠬᠦᠷ᠂ ᠨᠠᠷᠠᠨ ᠡᠨᠧᠷᠬᠢᠶ᠋ᠢᠨ ᠬᠠᠪᠳᠠᠰᠤ᠂ ᠠᠭᠤᠷᠬᠠᠢᠶ᠋ᠢᠨ ᠠᠱᠢᠭ᠍ᠳᠤ ᠮᠠᠯᠳᠠᠮᠠᠯ ᠁ ᠭᠡᠳ ᠶᠢᠰᠦᠨ ᠱᠢᠳᠢᠶ᠋ᠢᠨ ᠵᠦᠢᠯᠡᠰ ᠲᠡᠮᠡᠭᠡᠨ ᠬᠦᠰᠭᠡᠪᠠᠷ ᠪᠤᠰᠤ ᠲᠡᠷᠭᠡ ᠮᠠᠱᠢᠨᠢᠶᠠᠷ ᠲᠡᠭᠡᠭᠡᠪᠦᠷᠢᠯᠡᠭ᠌ᠳᠡᠨ ᠵᠦᠭᠡᠭᠡᠪᠦᠷᠢᠯᠡᠭ᠌ᠳᠡᠵᠦ᠍᠂ ᠠᠱᠢᠭ᠍ᠯᠠᠭ᠍ᠳᠠᠨ ᠪᠤᠷᠤᠯᠠᠭᠤᠯᠤᠭ᠍ᠳᠠᠳᠠᠭ ᠪᠤᠯᠤᠭ᠍ᠰᠠᠨᠢᠶᠠᠷ ᠠᠵᠤ ᠦᠢᠯᠡᠳᠪᠦᠷᠢ᠂ ᠠᠬᠤᠢ ᠠᠮᠢᠳᠤᠷᠠᠯ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠁ ᠠᠰᠤᠷᠤ ᠲᠦᠷᠭᠡᠨ ᠬᠦᠭ᠌ᠵᠢᠵᠦ᠍᠂ ᠪᠤᠷᠭᠠᠰᠤᠨ ᠮᠤᠷᠢ ᠪᠤᠯᠭᠢᠭᠤᠯᠵᠤ ᠦᠰᠦᠭ᠌ᠰᠡᠨ ᠬᠦᠳᠡᠭᠡᠶ᠋ᠢᠨ ᠪᠤᠷᠤ ᠦᠬᠢᠨ ᠬᠦᠷᠳᠡᠯᠡ ᠬᠦᠩᠬᠡᠨ ᠮᠠᠱᠢᠨ ᠬᠦᠯᠭᠡᠯᠡᠨ ᠵᠤᠷᠢᠭ᠍ᠰᠠᠨ ᠭᠠᠵᠠᠷᠲᠠᠭᠠᠨ ᠬᠦᠷᠳᠡᠭ ᠪᠤᠯᠤᠭ᠍ᠰᠠᠨᠨᠢ ᠪᠠᠭ᠍ᠠᠷᠬᠠᠯᠳᠠᠢ ᠠᠵᠢ᠃
ᠲᠤᠭᠤᠨᠤᠳᠤᠶ᠋ᠢᠨ ᠵᠤᠰᠠᠯᠠᠩᠳᠠᠭᠠᠨ ᠪᠠᠭᠤᠯᠠ᠃ ᠵᠤᠰᠠᠯᠠᠩᠤᠨ ᠮᠢᠨᠢ ᠭᠠᠭ᠍ᠴᠠ ᠲᠠᠰᠤᠯᠭᠠ ᠪᠤᠷᠤ ᠪᠠᠢᠱᠢᠩ ᠠᠯᠢ ᠬᠡᠳᠦᠢᠨ ᠨᠤᠷᠠᠵᠤ᠂ ᠰᠦᠬᠦᠮ ᠬᠢᠷᠢᠳᠡᠢ ᠤᠪᠤᠭᠤᠷ ᠱᠢᠪᠡᠷ ᠲᠤᠪᠤᠢᠨ ᠡᠳᠡᠭᠡᠷᠡᠵᠡᠢ᠃ ᠬᠦᠮᠦᠨ ᠠᠮᠢᠳᠠᠨ ᠤᠯᠠᠱᠢᠷᠠᠵᠤ ᠪᠡᠯᠴᠢᠬᠡᠷ ᠨᠤᠳᠤᠭ ᠲᠠᠪᠴᠢᠭᠤᠳᠠᠨ᠂ ᠨᠡᠬᠦᠳᠡᠯ ᠰᠠᠭᠤᠳᠠᠯ ᠭᠡᠷᠡᠭ᠌ᠴᠡᠭᠡᠠᠴᠠ ᠭᠠᠷᠴᠤ᠌᠂ ᠵᠤᠰᠠᠯᠠᠩᠤᠨ ᠪᠡᠯᠴᠢᠭᠡᠷ ᠠᠢᠯᠤᠨ ᠡᠪᠦᠯᠵᠢᠶᠡ ᠪᠤᠯᠤᠭᠠᠳ ᠱᠢᠪᠠᠷ ᠪᠠᠢᠱᠢᠩ ᠮᠢᠨᠢ ᠡᠢᠨᠬᠦ᠌ ᠡᠭᠡ ᠪᠠᠢᠭᠠᠯᠢᠳᠠᠭᠠᠨ ᠱᠢᠩᠭᠡᠵᠦ᠍ ᠤᠤᠭᠠᠯ ᠲᠦᠷᠬᠦ᠌ᠳᠡᠭᠡᠨ ᠪᠤᠴᠠᠵᠠᠢ᠃ ᠼᠧᠮᠧᠨ᠋ᠲᠤᠨ ᠬᠠᠭᠠᠷᠬᠠᠢ᠂ ᠲᠤᠭᠤᠰᠭᠠᠶ᠋ᠢᠨ ᠬᠤᠯᠳᠤᠷᠬᠠᠢ᠂ ᠲᠠᠮᠤᠷᠤᠨ ᠬᠤᠭᠤᠷᠬᠠᠢ ᠲᠠᠯᠠᠪᠠᠷ ᠨᠢᠬᠡ ᠲᠠᠷᠠᠵᠤ ᠪᠤᠳᠠᠷᠠᠨ ᠰᠡᠷᠲᠡᠢᠵᠦ᠍ ᠰᠤᠷᠳᠤᠢᠭᠠ ᠦᠭᠡᠢᠨᠢ ᠶᠠᠭᠠᠬᠢᠮᠠᠢ᠃ ᠱᠢᠪᠠᠷᠢᠶᠠᠷ ᠪᠤᠰᠭᠠᠭ᠍ᠰᠠᠨ ᠪᠠᠢᠱᠢᠩ ᠪᠠᠷᠢᠯᠭᠠ ᠡᠮᠳᠡᠷᠡᠵᠦ᠍ ᠬᠤᠯᠳᠤᠷᠠᠨ ᠠᠮᠠᠷᠬᠠᠨ ᠡᠳᠡᠭᠡᠷᠡᠳᠡᠭᠨᠢ ᠶᠠᠭᠤ ᠶᠠᠭᠤᠨᠠᠴᠠ ᠠᠱᠢᠳᠠᠢ᠃
ᠮᠠᠯᠵᠢᠬᠤᠶ᠋ᠢ ᠵᠤᠭ᠍ᠰᠤᠭᠠᠨ ᠪᠡᠯᠴᠢᠭᠡᠷᠢ ᠰᠡᠷᠬᠦᠭᠡᠬᠦ᠌ ᠤᠷᠢᠶᠠᠯᠭᠠᠶ᠋ᠢᠨ ᠲᠠᠭᠠᠤ ᠠᠳᠡ ᠡᠪᠦᠯᠵᠢᠳᠡᠭ ᠠᠢᠯ ᠴᠦ᠍ ᠪᠠᠯᠭᠠᠰᠤᠨᠳᠤ ᠰᠠᠭᠤᠷᠢᠱᠢᠨ ᠱᠢᠪᠠᠷ ᠪᠡᠢᠱᠢᠩᠤᠨ ᠬᠢᠨᠢ ᠢᠯᠠᠭᠠᠰᠤ ᠱᠢᠪᠠᠭᠠᠰᠤ ᠬᠤᠭ᠍ᠵᠢᠷᠠᠵᠤ ᠬᠤᠪᠬᠤᠷᠠᠨ᠂ ᠬᠤᠷᠤᠭᠠ ᠬᠠᠱᠢᠶᠠᠨᠢ ᠨᠤᠷᠠᠵᠤ ᠰᠡᠳᠡᠷᠡᠨ ᠡᠵᠡᠬᠦᠢᠷᠡᠵᠡᠢ᠃
ᠡᠷᠬᠢᠨ ᠲᠤᠭᠤᠷᠢᠨᠤ ᠲᠤᠪᠤ ᠲᠤᠯᠤᠭᠠᠳᠤᠨ ᠤᠷᠤᠢᠪᠠᠷ ᠦᠯᠦᠨ ᠵᠡᠷᠭᠡᠯᠬᠡᠨ ᠬᠦᠪᠦᠭᠡᠨᠡᠨ᠂ ᠬᠠᠮᠢᠭᠠᠨᠠ ᠴᠠᠭᠠᠨᠠ ᠭᠠᠭ᠍ᠴᠠ ᠨᠢᠬᠡ ᠭᠤᠯᠢᠶᠠ ᠵᠠᠯᠬᠠᠭᠤᠳᠠᠢᠬᠠᠨ ᠰᠠᠷᠬᠢᠨᠡ᠃ ᠪᠡᠯᠴᠢᠭᠡᠷ ᠨᠤᠳᠤᠭ ᠰᠠᠬᠤᠯᠢᠭ᠍ᠵᠢᠭ᠍ᠰᠠᠨ ᠴᠦ᠍ ᠮᠠᠯᠤᠨ ᠪᠠᠷᠠ ᠬᠠᠷᠠᠭ᠍ᠳᠠᠬᠤ ᠦᠭᠡᠢ ᠠᠵᠢᠩ ᠲᠠᠵᠢᠩ ᠲᠠᠭᠠᠷᠢᠭᠠᠳ ᠴᠠᠭᠠᠭᠤᠷᠢᠶᠠᠨ ᠨᠢᠬᠡ ᠯᠡ ᠠᠶᠠᠬᠦᠢ᠃
ᠲᠤᠭ᠍ᠯᠠᠵᠤ ᠦᠰᠦᠭ᠌ᠰᠡᠨ ᠲᠤᠭ᠍ᠯᠠᠭᠠᠮᠤᠨ ᠭᠠᠵᠠᠷᠢᠶᠠᠨ ᠬᠦᠷᠦᠯᠡ᠃ ᠲᠤᠭ᠍ᠯᠠᠭᠠᠮᠤᠨ ᠴᠢᠯᠠᠭᠤᠳ ᠪᠤᠳᠠᠷᠠᠵᠤ ᠲᠠᠷᠠᠬᠤ (ᠲᠠᠷᠬᠠᠬᠤ)ᠨᠢ ᠪᠤᠳᠠᠷᠠᠵᠤ ᠲᠠᠷᠠᠨ᠂ ᠪᠤᠯᠠᠭ᠍ᠳᠠᠵᠤ ᠲᠠᠯᠳᠠᠷᠠᠬᠤᠨᠢ ᠪᠤᠯᠠᠭ᠍ᠳᠠᠵᠤ ᠲᠠᠯᠳᠠᠷᠠᠭᠠᠳ ᠡᠮᠬᠢ ᠵᠠᠮᠪᠠᠷᠠᠭᠠᠪᠠᠨ ᠠᠯᠳᠠᠵᠠᠢ᠃
ᠪᠠᠯᠴᠢᠷ ᠨᠠᠰᠤᠨᠳᠤ ᠪᠤᠴᠠᠵᠤ ᠪᠠᠬᠠᠪᠠᠨ ᠬᠠᠨᠳᠠᠯᠠ ᠲᠤᠭ᠍ᠯᠠᠶᠠ ᠪᠠᠢᠵᠤ᠃ ᠴᠢᠯᠠᠭᠤᠨ ᠭᠡᠷᠤᠨ ᠮᠢᠨᠢ ᠴᠠᠢᠪᠤᠷ ᠪᠤᠷᠤ ᠴᠢᠯᠠᠭᠤᠳᠤᠨ ᠦᠨᠴᠦᠭ ᠢᠷᠮᠡᠭ᠂ ᠲᠠᠯᠠ ᠴᠤᠬᠤᠨᠢ 《ᠪᠢ ᠠᠳᠡ᠂ ᠪᠢ ᠠᠳᠡ!》 ᠬᠡᠬᠦ᠌ ᠱᠢᠭ ᠦᠯᠦ᠍ ᠮᠡᠳᠡᠭ ᠲᠤᠪᠤᠷᠠᠯᠴᠠᠨᠠ᠃ ᠬᠠᠨᠠᠪᠠᠨ ᠲᠤᠭᠤᠢᠯᠠᠨ᠂ ᠲᠤᠯᠭᠠᠪᠠᠨ ᠲᠤᠯᠵᠤ᠂ ᠱᠢᠷᠦᠢ ᠬᠤᠮᠠᠭᠤᠨ ᠲᠤᠤᠷᠠᠠᠴᠠ ᠠᠪᠳᠠᠷᠠ ᠬᠤᠷᠭᠤ᠂ ᠠᠶᠠᠭᠠ ᠱᠠᠭᠠᠵᠠᠩᠢᠶᠠᠨ ᠴᠤᠭ᠍ᠯᠠᠭᠤᠯᠤᠨ ᠤᠷᠤᠨ ᠪᠠᠢᠷᠢᠶ᠋ᠢᠨᠢ ᠤᠯᠤᠭᠤᠯᠵᠦ ᠪᠠᠢᠳᠠᠯᠠ ᠬᠤᠨᠳᠠᠭᠠᠨ ᠬᠡᠯᠪᠡᠷᠢᠳᠡᠢ ᠪᠤᠷᠤ ᠴᠢᠯᠠᠭᠤ ᠭᠠᠷᠴᠤ᠌ ᠢᠷᠡᠯᠡ᠃ ᠦ᠂ ᠬᠦᠭᠡᠷᠦᠬᠦᠢ! ᠮᠠᠨᠤ ᠰᠠᠭᠠᠯᠢᠶ᠋ᠢᠨ ᠰᠠᠭᠤᠯᠠᠭᠠ ᠭᠠᠷᠤᠭᠠᠳ ᠢᠷᠡᠬᠦ᠌ᠨᠢ ᠡᠨᠡ᠃ ᠰᠠᠭᠠᠯᠢᠶ᠋ᠢᠨ ᠰᠠᠭᠤᠯᠠᠭᠠᠲᠠᠢ ᠠᠢᠯᠳᠤ ᠰᠠᠭᠠᠬᠤ ᠮᠠᠯ ᠪᠠᠢᠵᠤ ᠯᠠ ᠲᠠᠭᠠᠷᠠᠨᠠ᠃
《ᠬᠤᠳᠠ》 ᠪᠠᠨ ᠲᠤᠭᠤᠷᠢᠭᠤᠯᠤᠨ ᠬᠠᠷᠠᠯᠠ᠃ ᠠᠯᠢ ᠲᠠᠯᠠᠳᠤ ᠶᠠᠮᠠᠷ ᠰᠦᠷᠦᠭ ᠬᠤᠳᠠᠯᠠᠭᠤᠯᠳᠠᠭ ᠪᠠᠢᠭ᠍ᠰᠠᠨ ᠮᠢᠨᠢ ᠰᠠᠨᠠᠭᠠᠨᠳᠤ ᠢᠯᠡᠬᠡᠨ᠃ ᠠᠳᠤᠭᠤ ᠮᠠᠯᠤᠨᠢᠶᠠᠨ ᠤᠶᠠᠭᠠ ᠰᠤᠢᠯᠭᠠᠶ᠋ᠢ ᠲᠠᠭᠠᠷᠠᠭᠤᠯᠤᠨ ᠠᠢᠷᠠᠭᠤᠨ ᠲᠠᠪᠤᠳᠤ ᠬᠤᠷᠳᠤᠯᠠᠭᠤᠯᠳᠠᠭ ᠵᠤᠨᠤ ᠲᠡᠯᠭᠡᠷ ᠤᠯᠠᠷᠢᠯᠳᠤ ᠵᠤᠰᠠᠯᠠᠩᠤᠨᠢᠶᠠᠨ ᠰᠠᠷᠠᠭᠤᠯ ᠬᠦᠨᠳᠡᠢᠳᠤ ᠰᠠᠭᠠᠳᠠᠵᠤ ᠳ᠋ᠡ᠂ ᠪᠢ!
《ᠭᠡᠷ》ᠤ᠋ᠨ ᠪᠠᠷᠠᠭᠤᠨ ᠲᠠᠯᠠᠪᠠᠷ 《ᠤᠷᠤᠭᠠ ᠬᠠᠩᠭᠠᠯ ᠠᠳᠤᠭᠤᠳᠢᠶᠠᠨ ᠤᠷᠭᠠᠯᠠᠵᠤ ᠨᠤᠭ᠍ᠳᠤᠯᠠᠨ ᠨᠤᠮᠤᠬᠠᠷᠠᠭᠤᠯᠤᠭᠠᠳ ᠤᠶᠠᠭᠠ ᠰᠤᠢᠯᠭᠠᠶ᠋ᠢ ᠲᠠᠭᠠᠷᠠᠭᠤᠯᠤᠨ ᠤᠷᠤᠯᠳᠤᠵᠤ ᠴᠡᠩᠭᠡᠵᠦ᠍ ᠨᠠᠭᠠᠳᠤᠭᠠᠷᠠᠢ!》 ᠬᠡᠮᠡᠨ ᠦᠩᠬᠡ ᠦᠩᠬᠡᠶ᠋ᠢᠨ ᠴᠢᠯᠠᠭᠤᠳ ᠦᠩᠭᠡ ᠪᠦᠷᠦᠭ᠌ᠬᠡᠨ ᠴᠤᠬᠤᠢᠨᠠ᠃ 《ᠤᠶᠠᠵᠤ ᠰᠤᠢᠵᠦ᠍ ᠬᠤᠷᠳᠤᠯᠠᠭᠤᠯᠤᠨ ᠦᠵᠦᠬᠦᠷ ᠲᠡᠷᠢᠬᠦᠨᠳᠤ ᠮᠠᠩᠯᠠᠢᠯᠠᠵᠤ᠂ ᠤᠷᠮᠠᠳᠠᠢ ᠰᠠᠢᠬᠠᠨ ᠲᠤᠭ᠍ᠯᠠᠯᠬᠦᠢ ᠶᠠᠭᠠᠬᠢᠬᠤ ᠪᠤᠢ?》 ᠭᠡᠳ ᠴᠤᠬᠤᠷ ᠠᠯᠠᠭ ᠴᠢᠯᠠᠭᠤᠳᠢ ᠴᠤᠬᠤᠢᠭ᠍ᠰᠠᠨ ᠭᠠᠵᠠᠷᠠᠴᠠᠨᠢ ᠭᠠᠷᠭᠠᠨ ᠤᠷᠤᠯᠳᠤᠭᠤᠯᠵᠤ ᠰᠤᠪᠤᠷᠠᠯᠳᠤᠭᠤᠯᠵᠤ᠂ ᠮᠠᠩᠯᠠᠢᠯᠠᠵᠤ ᠲᠦᠷᠦᠬᠦᠯᠡᠨ ᠪᠠᠶᠠᠷᠯᠠᠵᠤ ᠪᠠᠶᠠᠰᠤᠨ ᠬᠦᠭ᠌ᠰᠡᠭᠡᠳ ᠴᠡᠪᠡᠷ ᠠᠭᠠᠷᠲᠠᠢ ᠴᠡᠯᠡᠭᠡᠷ ᠲᠠᠯᠠ ᠤᠷᠤᠭᠤ ᠢᠪᠡᠭᠡᠯᠡ (ᠪᠡᠯᠴᠢᠭᠡᠯᠡ)᠃ ᠶᠠᠭ ᠯᠠ ᠡᠷᠡᠶ᠋ᠢᠨ ᠭᠤᠷᠪᠠᠨ ᠨᠠᠭᠠᠳᠤᠮᠤᠨ ᠡᠬᠦᠷᠢᠳᠡᠶ᠋ᠢᠨ ᠨᠡᠨᠳᠢᠨ ᠦᠷᠬᠦᠯᠵᠢᠯᠡᠯ ᠬᠡᠯᠳᠡᠢ!
《ᠵᠡᠯᠡᠪᠠᠷ ᠲᠦᠬᠦᠷᠡᠩ ᠲᠤᠭᠤᠯᠤᠳᠢᠶᠠᠨ ᠤᠶᠠᠵᠤ ᠲᠠᠯᠪᠢᠨ ᠲᠠᠰᠭᠠᠵᠤ᠂ ᠤᠢᠴᠢᠵᠤ ᠱᠢᠷᠤᠢᠳᠠᠨ ᠲᠤᠭ᠍ᠯᠠᠭᠠᠷᠠᠢ!》 ᠬᠡᠮᠡᠨ ᠱᠢᠷᠤᠢᠨ ᠲᠤᠤᠷᠠᠠᠴᠠ ᠬᠠᠷᠭᠠᠨᠠᠶ᠋ᠢᠨ ᠬᠦᠷᠡᠩ ᠢᠳᠡᠭᠡ ᠱᠢᠭ ᠬᠦᠷᠡᠩ ᠲᠠᠷᠯᠠᠨ ᠴᠢᠯᠠᠭᠤᠳ ᠮᠢᠨᠢ ᠬᠦᠰᠡᠵᠦ᠍ ᠬᠦᠯᠢᠶᠡᠨ ᠲᠤᠯᠪᠤᠳᠤᠨᠠ᠃ 《ᠪᠤᠷᠤ ᠬᠦᠷᠡᠩ ᠪᠤᠬᠠᠨᠳᠠᠢᠨᠤᠭᠤᠳᠢᠶᠠᠨ ᠪᠤᠷᠤᠭᠤ ᠵᠦᠪ ᠦᠭᠡᠢ ᠵᠠᠢᠳᠠᠯᠠᠵᠤ᠂ ᠪᠤᠭᠤᠷᠤᠯ ᠲᠤᠬᠤᠪᠠᠷᠢᠶᠠᠨ ᠱᠢᠷᠤᠢᠳᠠᠨ ᠪᠤᠵᠠᠭᠠᠢ ᠬᠦᠭᠡᠷᠦᠬᠦᠨ ᠨᠠᠭᠠᠳᠤᠯᠬᠦᠢ ᠶᠠᠭᠠᠬᠢᠬᠤ ᠪᠤᠢ!》 ᠬᠡᠮᠡᠨ ᠭᠠᠭ᠍ᠴᠠᠭᠠᠷᠢᠶᠠᠨ ᠪᠠᠯᠴᠢᠷ ᠬᠡᠦᠬᠡᠳ ᠱᠢᠭ ᠪᠠᠶᠠᠰᠤᠨ ᠱᠤᠯᠤᠭᠠᠨᠠᠵᠤ᠂ 《ᠤᠷᠤᠭᠠ ᠲᠤᠭ᠍ᠰᠢᠨ》 ᠢ᠋ᠨᠢ ᠱᠢᠯᠢᠨ ᠲᠤᠯᠢᠶᠠᠪᠤᠷ᠂ ᠲᠤᠮᠳᠠ ᠬᠤᠷᠤᠭᠤᠨᠳᠠᠭᠠᠨ ᠬᠠᠪᠴᠢᠭᠤᠯᠤᠨ᠂ ᠪᠤᠯᠬᠢᠭᠤᠯᠵᠤ ᠪᠤᠬᠠᠭᠤᠯᠵᠤ ᠲᠤᠭ᠍ᠯᠠᠭᠠᠳ 《ᠦᠩᠭᠡ ᠵᠢᠰᠦᠮ ᠨᠢᠬᠡᠳᠡᠢ ᠦᠭᠡᠷᠤᠨ ᠪᠡᠶᠡᠨ ᠰᠦᠷᠦᠭ ᠮᠢᠨᠢ ᠦᠰᠴᠦ᠍ ᠦᠷᠡᠵᠢᠨ ᠤᠯᠠᠱᠢᠷᠠᠵᠤ ᠦᠨᠢᠷ ᠦᠳᠭᠡᠨ ᠪᠤᠯᠤᠭᠠᠷᠠᠢ!》 ᠬᠡᠮᠡᠨ ᠱᠢᠪᠱᠢᠭᠡᠳ ᠦᠯᠦᠩ ᠲᠡᠷᠡᠰᠦ ᠪᠠᠭ᠍ᠰᠢᠷᠠᠭ᠍ᠰᠠᠨ ᠦᠯᠡᠮᠵᠢ ᠲᠠᠩᠰᠤᠭ ᠪᠡᠯᠴᠢᠭᠡᠷ ᠤᠷᠤᠭᠤᠨᠢ ᠵᠠᠯᠠᠯᠠ᠃ ᠬᠦᠳᠡᠭᠡᠶ᠋ᠢᠨ ᠬᠡᠦᠬᠡᠳᠤᠨ ᠬᠦᠴᠦ᠍ ᠲᠤᠷᠪᠢᠪᠠᠨ ᠴᠢᠩᠭᠠᠷᠠᠭᠤᠯᠬᠤ ᠬᠦᠮᠦᠵᠢᠯ ᠪᠤᠯᠪᠠᠰᠤᠷᠠᠯᠤᠨ ᠲᠠᠯᠠᠪᠠᠢ ᠬᠡᠯᠳᠡᠢ!
《ᠭᠡᠷ》ᠤ᠋ᠨ ᠪᠠᠷᠠᠭᠤᠨ ᠤᠷᠢᠳᠤᠭᠤᠷ ᠦᠳᠡ ᠲᠤᠮᠳᠠᠶ᠋ᠢᠨ ᠨᠠᠷᠠᠨᠳᠤ ᠦᠬᠡᠬᠦᠨ ᠴᠠᠭᠠᠨ ᠴᠢᠯᠠᠭᠤᠳ ᠦᠯᠦ᠍ ᠮᠡᠳᠡᠭ ᠴᠠᠢᠪᠤᠷᠳᠠᠨᠠ᠃ 《ᠲᠤᠩᠬᠤᠷ ᠴᠠᠭᠠᠨ ᠬᠤᠨᠢᠳ᠂ ᠲᠠᠷᠠᠭᠠᠢ ᠴᠠᠭᠠᠨ ᠢᠮᠠᠭᠠᠳ ᠮᠢᠨᠢ ᠱᠢᠮᠡᠳᠦ ᠲᠠᠩᠰᠤᠭ ᠪᠡᠯᠴᠢᠬᠡᠷᠲᠡᠭᠡᠨ ᠲᠠᠷᠬᠠᠵᠤ ᠰᠠᠢᠬᠠᠨ ᠢᠳᠡᠱᠢᠯᠡᠭᠡᠳ ᠠᠭᠤᠵᠢᠭᠤ ᠲᠠᠯᠪᠢᠭᠤ ᠲᠡᠨᠵᠢᠨ ᠲᠡᠭᠡᠷᠡ ᠰᠡᠷᠢᠬᠦᠴᠡᠵᠦ᠍ ᠰᠠᠢᠬᠠᠨ ᠦᠳᠡᠯᠡᠵᠦ᠍ ᠪᠠᠢᠨᠠ ᠤᠤ?》 ᠭᠡᠮᠡᠨ ᠮᠡᠨᠳᠦᠯᠡᠵᠦ᠍᠂ ᠴᠠᠢᠪᠤᠷ ᠴᠠᠭᠠᠨ ᠴᠢᠯᠠᠭᠤᠳᠢ ᠬᠤᠶᠠᠷ ᠬᠤᠶᠠᠷᠢᠶᠠᠷᠨᠢ ᠦᠬᠡᠳᠡ ᠦᠬᠡᠳᠡᠠᠴᠠᠨᠢ ᠬᠠᠷᠠᠭᠤᠯᠤᠨ᠂ ᠲᠠᠤᠯᠠᠢᠶ᠋ᠢᠨ ᠲᠠᠩᠨᠠᠢ (ᠤᠷᠭᠤᠮᠠᠯᠤᠨ ᠨᠠᠷᠠ) ᠱᠢᠭ᠋ ᠵᠡᠷᠭᠡᠯᠡᠵᠦ᠍᠂ ᠬᠤᠨᠢ ᠢᠮᠠᠭᠠᠳᠢᠶᠠᠨ ᠬᠤᠯᠪᠤᠨ᠂ ᠰᠠᠭᠠᠵᠤ ᠱᠢᠪᠳᠤᠷᠤᠨ ᠢᠪᠢᠯᠭᠡᠵᠦ᠍᠂ ᠰᠠᠭᠤᠯᠠᠭᠠ ᠬᠦᠨᠦᠭᠢᠶᠠᠨ ᠪᠢᠯᠬᠠᠭᠤᠯᠤᠨ ᠱᠤᠮᠳᠠᠢ ᠰᠠᠢᠬᠠᠨ ᠲᠤᠭ᠍ᠯᠠᠯᠠ᠃ ᠰᠠᠭᠠᠯᠢ ᠰᠦᠨᠤ ᠵᠦᠩᠨᠡᠯᠲᠠᠢ ᠰᠤᠪᠢᠩ ᠪᠡᠯᠭᠡᠳᠦ ᠵᠡᠬᠦᠳᠦ᠍ᠶ᠋ᠢᠨ ᠮᠢᠨᠢ ᠠᠱᠢᠳᠠᠶ᠋ᠢᠨ ᠪᠡᠶᠡᠯᠡᠯ ᠮᠦᠩᠭᠡᠶ᠋ᠢᠨ ᠲᠤᠷᠠᠳᠭᠠᠯ ᠪᠢᠯᠡ!
《ᠭᠡᠷ》ᠤ᠋ᠨ ᠵᠡᠬᠦᠬᠡᠨᠲᠠᠢ ᠲᠡᠮᠡᠬᠡᠨᠤ ᠬᠤᠳᠠᠨᠳᠤ ᠴᠢᠯᠠᠭᠤᠨ ᠲᠡᠮᠡᠭᠡᠳ ᠮᠢᠨᠢ ᠠᠳᠡ ᠲᠡᠨᠳᠡ ᠦᠭᠡᠢ ᠬᠡᠪᠳᠡᠬᠦ᠌ᠨᠢ ᠬᠡᠪᠳᠡᠵᠦ᠍ ᠨᠠᠯᠠᠬᠤᠨᠢ ᠨᠠᠯᠠᠨ 《ᠬᠤᠳᠠᠯᠠᠵᠠᠭᠠᠵᠠᠢ》᠃ 《ᠱᠢᠨᠡᠶ᠋ᠢᠨ ᠨᠢᠬᠡᠨᠤ ᠡᠳᠦᠷ ᠱᠢᠨᠡᠯᠡᠭᠡᠴᠢᠨ ᠤᠯᠠᠨᠤ ᠮᠠᠩᠯᠠᠢᠳᠤ᠂ ᠱᠢᠷᠡᠮᠦᠨ ᠲᠠᠪᠠᠭ᠍ᠠᠢᠶ᠋ᠢᠨᠢ ᠬᠢᠯᠠᠯᠵᠠᠭᠤᠯᠤᠨ᠂ ᠱᠢᠷᠡᠭᠡᠳᠦ᠍ᠶ᠋ᠢᠨ ᠵᠣᠪᠠᠷ ᠲᠠᠱᠢᠬᠦᠯᠦᠶᠡ ᠪᠠᠢᠵᠤ ᠁》 ᠬᠡᠮᠡᠨ ᠬᠠᠪᠳᠠᠭᠠᠢ ᠴᠢᠯᠠᠭᠤᠳᠢ ᠴᠤᠬᠢᠵᠤ ᠤᠷᠠᠯᠠᠵᠤ ᠪᠦᠳᠦᠭᠡᠭ᠌ᠰᠡᠨ ᠠᠬᠠ ᠲᠡᠬᠦᠦ ᠨᠠᠷᠤᠨᠢᠶᠠᠨ ᠪᠠᠯᠴᠢᠷ ᠨᠠᠰᠤᠶ᠋ᠢ ᠲᠤᠷᠠᠰᠤᠨ ᠲᠤᠷᠠᠰᠤᠨ ᠰᠠᠨᠠᠭᠠᠯᠵᠠᠵᠤ ᠴᠢᠯᠠᠭᠤᠨ ᠲᠡᠮᠡᠭᠡᠳᠢᠶᠠᠨ ᠪᠤᠰᠭᠠᠯᠠᠯᠠ᠃ ᠰᠤᠪᠤᠷᠭᠠᠨ ᠦᠨᠳᠦᠷ ᠪᠦᠬᠦ᠌ᠲᠠᠢ ᠴᠢᠪᠠᠭᠠᠨ ᠬᠦᠷᠡᠩ ᠲᠡᠮᠡᠭᠡᠳ ᠮᠢᠨᠢ ᠨᠠᠷᠠᠨᠤ ᠱᠢᠷᠭᠠᠯ ᠲᠤᠶᠠᠭᠠᠨ ᠲᠤᠤᠭᠤᠷ ᠨᠠᠯᠠᠢᠨ ᠲᠤᠭ᠍ᠳᠠᠨ ᠢᠳᠡᠱᠢᠯᠡᠬᠦ᠌ᠨᠢ ᠲᠠᠢᠪᠤᠩ ᠠᠮᠤᠭᠤᠯᠠᠩᠤᠨ ᠦᠨᠢᠳᠡᠶ᠋ᠢᠨ ᠠᠷᠢᠭᠤᠨ ᠲᠠᠯᠠᠯᠭᠠ ᠪᠢᠯᠡ!
《ᠴᠠᠷᠴᠠ ᠴᠠᠷᠬᠢᠯᠠ᠂ ᠱᠢᠪᠠᠭᠤᠳ ᠵᠡᠯᠡᠯᠡᠯᠡ᠃ ᠲᠤᠷᠤᠮ ᠱᠢᠯᠪᠡᠭᠢᠶᠠᠨ ᠠᠭ᠍ᠳᠠᠯᠠᠵᠤ᠂ ᠲᠤᠭᠤᠨᠤᠳᠤᠶ᠋ᠢᠨ ᠬᠦᠨᠳᠡᠢᠪᠠᠷ ᠪᠡᠯᠴᠢᠬᠡᠶᠡ!》 ᠭᠡᠮᠡᠨ ᠲᠤᠭ᠍ᠯᠠᠵᠤ ᠪᠠᠢᠭ᠍ᠰᠠᠨ ᠠᠬᠠ ᠲᠡᠬᠦᠦ ᠬᠡᠳᠦ ᠮᠢᠨᠢ ᠦᠰᠴᠦ᠍ ᠦᠨᠳᠡᠢᠨ ᠦᠪᠡᠷ ᠦᠪᠡᠷᠤᠨ ᠠᠮᠢᠳᠤᠷᠠᠯᠢᠶᠠᠨ ᠪᠤᠰᠭᠠᠨ ᠵᠦᠭ ᠵᠦᠭᠲᠡᠭᠡᠨ ᠲᠠᠷᠬᠠᠨ ᠤᠳᠤᠭ᠍ᠰᠠᠨ ᠴᠦ᠍ ᠨᠠᠭᠠᠳᠴᠤ᠌ ᠲᠤᠭ᠍ᠯᠠᠵᠤ ᠪᠠᠢᠭ᠍ᠰᠠᠨ 《ᠲᠠᠪᠤᠨ ᠬᠤᠱᠢᠭᠤ ᠮᠠᠯ》 ᠮᠢᠨᠢ ᠲᠤᠭᠤᠨᠤᠳᠤᠶ᠋ᠢᠨ ᠵᠤᠰᠠᠯᠠᠩᠤᠨ ᠲᠤᠷᠭᠠᠨ ᠬᠦᠷᠦᠰᠦᠨ ᠲᠡᠭᠡᠬᠦᠷ ᠲᠠᠷᠭᠤ ᠲᠡᠪᠡᠭᠡᠷᠡᠭᠲᠠᠢ ᠲᠠᠷᠬᠠᠨ ᠢᠳᠡᠱᠢᠯᠡᠬᠦ᠌ᠨᠢ ᠢᠷᠦᠭᠡᠯ ᠵᠦᠩᠨᠡᠯᠤᠨ ᠤᠷᠢᠶᠠ᠂ ᠢᠷᠡᠭᠡᠳᠦᠢ ᠬᠤᠢᠴᠢᠰᠤᠨ ᠮᠢᠨᠢ ᠭᠡᠷᠡᠯᠳᠦ ᠴᠠᠮᠬᠠᠭ ᠪᠢᠯᠡ!
ᠲᠠᠯᠠ ᠨᠤᠳᠤᠭᠤᠨ ᠮᠢᠨᠢ ᠲᠠᠪᠤᠨ ᠡᠷᠳᠡᠨᠢ᠂ ᠲᠠᠩᠰᠤᠭ ᠠᠮᠢᠳᠤᠷᠠᠯᠤᠨ ᠮᠢᠨᠢ ᠪᠤᠷᠤ ᠵᠢᠷᠤᠭ᠂ ᠪᠠᠶᠠᠷ ᠵᠢᠷᠭᠠᠯᠤᠨ ᠮᠢᠨᠢ ᠪᠠᠶᠠᠨ ᠦᠯᠦᠭᠡᠢ᠂ ᠪᠠᠭᠠ ᠨᠠᠰᠤᠨᠤ ᠮᠢᠨᠢ ᠬᠡᠬᠡᠨ ᠲᠤᠷᠠᠰᠤᠮᠵᠢ ᠪᠤᠯᠤᠭ᠍ᠰᠠᠨ ᠦᠩᠱᠢᠭ ᠴᠠᠭᠤᠨ ᠲᠠᠯᠠᠯᠭᠠᠲᠠᠢ᠂ ᠦᠯᠵᠡᠢ ᠬᠡᠢᠮᠦᠷᠢᠶ᠋ᠢᠨ ᠵᠦᠩᠨᠡᠯᠲᠠᠢ᠂ ᠦᠩᠬᠡᠶ᠋ᠢᠨ ᠴᠢᠯᠠᠭᠤᠳᠢᠶᠠᠷ ᠠᠮᠢᠯᠠᠨ ᠱᠤᠭᠤᠭ᠍ᠳᠠᠭ᠍ᠰᠠᠨ ᠦᠵᠡᠰᠭᠦᠯᠡᠩ ᠲᠡᠬᠦᠯᠳᠡᠷ ᠲᠤᠭ᠍ᠯᠠᠭᠠᠮ ᠮᠢᠨᠢ ᠰᠠᠢᠬᠠᠨ ᠪᠠᠢᠭᠠᠷᠠᠢ!
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃