ᠲᠡᠷᠢᠭᠦᠨ ᠨᠢᠭᠤᠷ>ᠲᠠᠯ᠎ᠠ᠎ᠶ᠋ᠢᠨ ᠲᠤᠶᠠᠭ᠎ᠠ>ᠤᠷᠠᠨ ᠵᠣᠬᠢᠶᠠᠯ

2026-11-04 11:36:16

ᠵᠣᠬᠢᠶᠠᠭ᠍ᠴᠢ᠄ ᠸᠠᠩ ᠰᠢᠶᠤᠤ ᠮᠢᠩ ᠣᠩᠱᠢᠭ᠍ᠰᠠᠨ ᠣᠳᠠᠭ᠎ᠠ᠄ 3

ᠨᠠᠢᠷᠠᠭᠣᠯᠣᠬᠴᠢ᠎ᠶᠢᠨ ᠦᠭᠡ᠄ ᠬᠦᠮᠦᠨ ᠎ᠤ ᠬᠣᠷᠸ᠎ᠠ᠎ᠶᠢᠨ ᠪᠦᠬᠦᠢᠯᠡ ᠦᠢᠯᠡ ᠠᠵᠢᠯᠯᠠᠭ᠎ᠠ᠎ᠶᠢ ᠠᠮᠢᠲᠣᠷᠠᠯ ᠭᠡᠬᠦ ᠭᠠᠬᠴᠠ ᠦᠭᠡᠨ ᠳ᠋ᠦ ᠬᠣᠷᠢᠶᠠᠩᠭᠣᠢᠯᠠᠵᠦ ᠪᠣᠯᠬᠣ ᠠᠲᠠᠯ᠎ᠠ ᠲᠡᠷᠡ ᠣᠯᠠᠨ ᠰᠠᠯᠠᠭ᠎ᠠ ᠵᠦᠷᠢᠭ᠂ ᠠᠶᠠᠯᠠᠯ ᠲᠡᠮᠡᠦᠯᠦᠯ᠎ᠤᠨ ᠠᠯᠬᠣᠮ ᠪᠦᠷᠢ ᠨᠢ ᠶᠠᠷᠢᠵᠦ ᠪᠢᠴᠢᠭᠡᠳ ᠲᠠᠭᠣᠰᠣᠰᠢ ᠦᠭᠡᠢ ᠣᠶᠠᠩᠭ᠎ᠠ ᠨᠠᠢᠷᠠᠬ᠂ ᠦᠯᠢᠭᠡᠷ ᠲᠣᠮᠣᠬ ᠭᠡᠯᠲᠡᠢ᠃ 《ᠠᠮᠢᠲᠣᠷᠠᠯ ᠭᠡᠲᠡᠭ ᠠᠰᠠᠭᠣᠯᠲᠠ ᠶᠣᠮ᠂ ᠠᠯᠬᠣᠮ ᠪᠦᠷᠢ ᠨᠢ ᠬᠠᠷᠢᠭᠣᠯᠲᠠ ᠶᠣᠮ》  ᠭᠡᠲᠡᠭᠴᠢᠯᠡᠨ ᠪᠢᠳᠡᠨ᠎ᠤ ᠦᠵᠡᠵᠦ ᠰᠣᠨᠣᠰᠣᠬᠰᠠᠨ᠂ ᠦᠩᠭᠡᠷᠡᠬᠦᠯᠵᠦ ᠲᠣᠭᠣᠯᠣᠬᠰᠠᠨ᠂ ᠣᠬᠠᠵᠦ ᠰᠡᠳᠬᠢᠭᠰᠡᠨ ᠵᠦᠢᠯ ᠪᠦᠬᠦᠨ ᠡᠭᠡᠯ ᠪᠣᠷᠣ ᠠᠮᠢᠲᠣᠷᠠᠯ᠎ᠤᠨ ᠮᠠᠨᠢ ᠦᠩᠭᠡ ᠴᠢᠮᠡᠭ᠂ ᠦᠨᠦᠷ ᠠᠮᠲᠠ᠂ ᠦᠨᠡᠳᠦ ᠦᠪ ᠪᠣᠶᠣ᠃ ᠡᠢᠨ᠎ᠬᠦ ᠦᠩᠭᠡ᠂ ᠦᠨᠦᠷ᠂ ᠠᠮᠲᠠ᠎ᠶᠢ ᠨᠢ ᠡᠪᠯᠡᠬᠦᠯᠵᠦ ᠨᠠᠢᠷᠠᠬᠰᠠᠨ 《ᠠᠮᠢᠲᠣᠷᠠᠯ᠎ᠤᠨ ᠴᠢᠮᠡᠭ》 ᠰᠢᠷᠢᠰ ᠣᠷᠠᠨ ᠪᠦᠲᠦᠭᠡᠯ ᠶ᠋ᠢᠡᠨ ᠣᠩᠰᠢᠬᠴᠢ ᠣᠯᠠᠨ ᠎ᠤ  ᠭᠡᠭᠡᠨ ᠮᠠᠯᠮᠡᠢ  ᠳ᠋ᠤ ᠲᠣᠯᠢᠯᠠᠭᠣᠯᠵᠦ ᠪᠠᠢᠨ᠎ᠠ᠃ ᠲᠠ ᠪᠦᠬᠦᠨ ᠲᠠᠭᠠᠯᠠᠨ ᠰᠣᠨᠢᠷᠬᠠᠮᠣ!


ᠬᠡᠷᠢᠶ᠎ᠡ᠎ᠶᠢᠨ ᠶᠢᠷᠲᠢᠨᠴᠦ ᠳ᠋ᠦ ᠬᠣᠨ ᠪᠣᠷᠣᠭᠣ ᠲᠠᠢ ᠭᠡᠯᠴᠡᠲᠡᠭ᠃ ᠦᠩᠭᠡ ᠵᠢᠰᠦ ᠡᠲᠡᠭᠡᠳ ᠦᠪᠡᠷᠦᠮᠰᠡᠭ ᠡᠴᠡ ᠪᠣᠯᠣᠭᠠᠳ ᠲᠡᠷᠡ ᠪᠢᠵᠠ᠃ ᠦᠩᠭᠡᠲᠦ ᠬᠣᠷᠸ᠎ᠠ ᠶᠣᠮ ᠬᠣᠢᠨ᠎ᠠ ᠦᠩᠭᠡ᠎ᠶᠢ ᠦᠬᠦᠯᠡᠵᠦ ᠶᠠᠷᠢᠬᠣ ᠨᠢ ᠴᠦ᠍ ᠲᠦᠮᠡᠨ ᠵᠦᠪ᠃ ᠦᠭᠡᠷ᠎ᠡ᠎ᠶᠢ ᠬᠡᠯᠡᠬᠦ ᠦᠭᠡᠢ᠂ ᠬᠠᠷ᠎ᠠ ᠦᠰᠦᠨ ᠳ᠋ᠦ ᠣᠨᠠᠬᠰᠠᠨ ᠬᠢᠷᠠᠭᠣ ᠭᠡᠮᠡᠷ ᠬᠡᠲᠦᠨ ᠰᠢᠷᠬᠡᠭ ᠴᠠᠭᠠᠨ ᠦᠰᠦ ᠮᠠᠨᠢ ᠲᠠᠩᠲᠡ ᠭᠣᠨᠢᠬ ᠪᠣᠯᠵᠦ ᠣᠩᠰᠢᠬᠲᠠᠨ᠎ᠠ᠃ ᠬᠣᠷᠸ᠎ᠠ᠎ᠶᠢᠨ ᠵᠢᠮ᠎ᠡ ᠪᠡᠷ ᠬᠠᠯᠠᠭᠣᠨ ᠵᠠᠯᠠᠭᠣ ᠨᠠᠰᠣ ᠮᠢᠨᠢ ᠬᠠᠷᠢᠵᠦ ᠪᠣᠢ᠎ᠶᠢ ᠲᠡᠷᠡ ᠬᠡᠲᠦᠨ ᠰᠢᠷᠬᠡᠭ ᠦᠰᠦ ᠯᠡ ᠴᠠᠬ ᠢᠮᠠᠬᠲᠠ ᠰᠠᠨᠠᠭᠣᠯᠵᠦ ᠰᠢᠪᠡᠨᠡᠬᠦ ᠮᠡᠲᠦ᠃ ᠶᠠᠭᠠᠬᠢᠬᠣ ᠪᠣᠢ᠂ ᠦᠭᠲᠡᠭᠡᠬᠦ᠎ᠤᠤ᠂ ᠡᠰᠡᠬᠦᠯ᠎ᠡ ᠪᠣᠲᠣᠬᠣ᠎ᠤᠤ ᠭᠡᠵᠦ ᠣᠯᠠᠨ ᠣᠲᠠᠭ᠎ᠠ ᠡᠷᠡᠭᠡᠯᠵᠡᠵᠦ ᠪᠣᠲᠣᠯ ᠪᠣᠯᠵᠦ ᠦᠩᠭᠡᠷᠡᠪᠡ᠃ ᠨᠠᠰᠣᠨ᠎ᠤ ᠡᠷᠬᠡ ᠪᠡᠷ ᠣᠷᠭᠣᠵᠦ᠂ ᠨᠠᠷᠡᠢᠲᠦᠯ ᠣᠳᠬ᠎ᠠ ᠨᠢ ᠬᠦᠷᠲᠡᠯ᠎ᠡ ᠢᠵᠢᠯᠭᠡᠨ ᠪᠠᠢᠲᠠᠬ ᠠᠲᠠᠯ᠎ᠠ ᠦᠩᠭᠡ᠎ᠶᠢᠨ ᠠᠲᠠᠯᠢ ᠪᠣᠰᠣ ᠡᠴᠡ ᠪᠣᠯᠵᠦ ᠦᠰᠦᠳ ᠦᠭᠡᠷ᠎ᠡ ᠪᠡᠷ ᠬᠠᠨᠲᠣᠬᠣ ᠨᠢ ᠶᠠᠮᠠᠷ ᠰᠣᠨᠢᠷᠬᠠᠯᠲᠠᠢ ᠭᠡᠵᠢ⁈

ᠦᠩᠭᠡ ᠭᠡᠵᠦ ᠶᠠᠭᠣᠮ᠎ᠠ ᠦᠵᠡᠭᠲᠡᠯ᠎ᠤᠨ ᠭᠠᠲᠠᠭᠠᠲᠣ ᠴᠢᠨᠠᠷ ᠪᠢᠯᠡ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠪᠢᠳᠡ ᠦᠩᠭᠡ᠎ᠶᠢ ᠭᠠᠵᠠᠷ ᠪᠣᠯᠭᠠᠨ ᠡᠴᠡ ᠬᠠᠷᠠᠵᠦ ᠣᠩᠰᠢᠲᠠᠬ᠃ ᠬᠦᠮᠦᠨ ᠶᠠᠭᠣᠮ᠎ᠠ᠎ᠶᠢᠨ ᠦᠩᠭᠡ ᠲᠦᠷᠬᠦ ᠨᠢ ᠡᠩ ᠲᠡᠷᠢᠬᠦᠨ ᠳ᠋ᠦ ᠬᠦᠮᠦᠰ᠎ᠤᠨ ᠬᠠᠷᠠᠭᠠᠨ ᠳ᠋ᠦ ᠲᠣᠰᠬᠣ ᠪᠦᠭᠡᠳ ᠵᠠᠯᠭᠠᠭᠠᠳ ᠬᠡᠯᠪᠡᠷᠢ ᠲᠦᠷᠰᠦ᠂ ᠬᠢᠴᠡ ᠪᠦᠲᠦᠴᠡ᠂ ᠦᠨᠳᠦᠷ ᠪᠣᠭᠣᠨᠢ ᠭᠡᠬᠦᠴᠢᠯᠡᠨ ᠣᠨᠴᠠᠯᠢᠬ ᠰᠢᠨᠵᠢ᠎ᠶᠢ ᠨᠢ ᠠᠵᠢᠬᠯᠠᠨ ᠲᠣᠬᠲᠠᠭᠠᠬᠣ ᠬᠡᠪᠰᠢᠯ ᠵᠢᠷᠣᠮ ᠲᠠᠢ ᠶᠣᠮ᠃ ᠰᠠᠨᠰᠠᠷ ᠡᠴᠡ ᠬᠠᠷᠠᠬᠣ ᠳ᠋ᠦ ᠪᠢᠳᠡᠨ᠎ᠤ ᠣᠷᠣᠰᠢᠨ ᠠᠮᠢᠲᠣᠷᠠᠬᠣ ᠲᠡᠯᠡᠬᠡᠢ᠎ᠶᠢᠨ ᠪᠦᠮᠪᠦᠷᠴᠡᠭ ᠪᠣᠯ ᠬᠦᠬᠡ ᠴᠠᠭᠠᠨ ᠵᠣᠷᠪᠣᠰ ᠰᠦᠯᠵᠢᠯᠲᠦᠭᠰᠡᠨ ᠪᠣᠯᠣᠷ ᠲᠣᠩᠭᠠᠯᠠᠬ ᠪᠦᠮᠪᠦᠷᠴᠡᠭ ᠪᠣᠯᠵᠦ ᠬᠠᠷᠠᠭᠲᠠᠨ᠎ᠠ ᠭᠡᠲᠡᠭ᠃ ᠬᠦᠬᠡ ᠣᠬᠲᠠᠷᠭᠣᠢ ᠴᠡᠯᠡᠢᠨ᠂ ᠬᠦᠪᠦᠩ ᠴᠠᠭᠠᠨ ᠡᠬᠦᠯᠡᠰ ᠬᠦᠪᠦᠯᠵᠡᠵᠦ᠂ ᠬᠦᠲᠡᠭᠡ ᠲᠠᠯ᠎ᠠ ᠨᠢ ᠡᠩ ᠳ᠋ᠡᠭᠡᠨ ᠨᠣᠮᠢᠨ ᠨᠣᠭᠣᠭᠠᠨ ᠦᠩᠭᠡ ᠲᠠᠢ ᠡᠢᠮᠦᠷᠬᠦᠦ ᠪᠦᠮᠪᠦᠷᠴᠡᠭ ᠲᠦ᠍ ᠠᠵᠦ ᠲᠦᠷᠦᠵᠦ ᠪᠠᠢᠨ᠎ᠠ ᠭᠡᠵᠦ ᠪᠣᠲᠣᠬᠣ ᠡᠴᠡ ᠵᠢᠷᠦᠬᠡᠨ᠎ᠤ ᠣᠬ ᠡᠴᠡ ᠵᠢᠷᠭᠠᠯ ᠪᠠᠶᠠᠷ ᠣᠨᠲᠣᠷᠣᠨ᠎ᠠ᠃ ᠰᠢᠨ᠎ᠡ ᠨᠢᠭᠡ ᠵᠢᠯ᠎ᠤᠨ ᠡᠬᠢᠯᠡᠯ᠎ᠢ ᠦᠩᠭᠡ ᠪᠡᠷ ᠲᠣᠲᠣᠳᠬᠠᠵᠦ ᠦᠯᠵᠡᠢᠲᠦ ᠴᠠᠭᠠᠨ ᠰᠠᠷ᠎ᠠ ᠬᠡᠮᠡᠨ᠎ᠡ᠃ ᠡᠪᠦᠭᠡᠳ ᠬᠦᠭᠰᠢᠳ ᠪᠠᠰᠠ ᠴᠠᠭᠠᠨ ᠰᠠᠷ᠎ᠠ᠎ᠶᠢᠨ ᠰᠢᠨ᠎ᠡ᠎ᠶᠢᠨ ᠨᠢᠭᠡᠨ᠎ᠤ ᠡᠳᠦᠷ᠎ᠤᠨ ᠠᠭᠣᠷ ᠠᠮᠢᠰᠬᠣᠯ᠂ ᠡᠰᠢ ᠡᠷᠬᠡᠲᠡᠨ᠎ᠤ ᠲᠣᠬᠢᠶᠠᠯᠲᠣᠯ ᠶ᠋ᠢᠡᠷ ᠨᠢᠭᠡ ᠵᠢᠯ᠎ᠤᠨ ᠠᠮᠣ ᠲᠠᠷᠢᠶ᠎ᠠ᠂ ᠠᠲᠣᠭᠣ ᠮᠠᠯ᠎ᠤᠨ ᠦᠰᠦᠯᠲᠡ ᠣᠨᠲᠣᠷᠣᠯᠲᠠ᠎ᠶᠢ ᠪᠡᠯᠭᠡᠰᠢᠶᠡᠵᠦ᠂ ᠵᠢᠯ᠎ᠤᠨ ᠦᠩᠭᠡ ᠰᠢᠨᠵᠢᠲᠡᠭ ᠶᠣᠮ᠃ ᠲᠡᠬᠦᠨ ᠡᠴᠡ ᠴᠢᠨᠠᠬᠰᠢ ᠦᠭᠰᠦᠭᠡᠯᠡᠵᠦ᠂ ᠨᠣᠭᠣᠭᠠᠨ ᠵᠣᠨ᠂ ᠠᠯᠲᠠᠨ ᠨᠠᠮᠣᠷ᠂ ᠮᠦᠩᠬᠦᠨ ᠡᠪᠦᠯ ᠭᠡᠵᠦ ᠲᠦᠷᠪᠡᠨ ᠣᠯᠠᠷᠢᠯ 《ᠦᠪᠡᠷ ᠦᠪᠡᠷ᠎ᠤᠨ ᠦᠩᠭᠡ ᠪᠡᠷ ᠶ᠋ᠢᠡᠨ ᠡᠭᠡᠰᠢᠭᠯᠡᠵᠦ》 ᠦᠯᠢᠭᠡᠷ ᠬᠦᠣᠷᠨᠢᠵᠦ ᠦᠵᠡᠰᠬᠦᠯᠡᠩ ᠶ᠋ᠢᠡᠨ ᠭᠠᠢᠬᠠᠭᠣᠯᠲᠠᠬ᠃ ᠬᠠᠪᠣᠷ ᠵᠣᠨ ᠨᠠᠮᠣᠷ ᠡᠪᠦᠯ ᠭᠡᠮᠡᠬᠦ ᠪᠠᠢᠭᠠᠯᠢ᠎ᠶᠢᠨ ᠣᠷᠴᠢᠯ᠂ ᠣᠯᠠᠷᠢᠯ᠎ᠤᠨ ᠦᠩᠭᠡ ᠨᠢ ᠮᠠᠩᠨᠠᠢ ᠳ᠋ᠦ ᠰᠢᠩᠭᠡᠵᠦ ᠦᠷᠴᠢᠯᠡᠭᠡᠰᠦ ᠠᠲᠣᠷᠢᠶ᠎ᠠ ᠪᠣᠯᠵᠦ ᠲᠣᠲᠣᠷᠠᠨ᠎ᠠ᠃ ᠦᠷᠴᠢᠯᠡᠭᠡᠰᠦ ᠪᠣᠯᠭᠠᠨ ᠨᠢ ᠦᠩᠭᠡᠷᠡᠵᠦ ᠣᠲᠣᠬᠰᠠᠨ ᠤᠨ ᠵᠢᠯ᠎ᠤᠨ ᠮᠦᠷ᠎ᠢ ᠬᠠᠲᠠᠭᠠᠯᠠᠬᠰᠠᠨ ᠪᠣᠯᠬᠣᠷ ᠴᠢᠮᠡᠯᠡᠵᠦ ᠪᠣᠯᠣᠰᠢ ᠦᠭᠡᠢ ᠨᠠᠰᠣᠨ᠎ᠤ ᠦᠩᠭᠡ ᠪᠠᠢᠵᠦ ᠲᠠᠭᠠᠷᠠᠨ᠎ᠠ᠃ ᠠᠯᠲᠠᠬᠣ ᠲᠣᠰᠣᠮ ᠣᠬᠠᠭᠠᠵᠢᠵᠦ᠂ ᠦᠲᠡᠯᠬᠦ ᠲᠣᠰᠣᠮ ᠬᠠᠰᠢᠷᠵᠢᠲᠠᠬ᠎ᠢ ᠪᠠᠰᠠ ᠠᠮᠢᠲᠣᠷᠠᠯ᠎ᠤᠨ ᠦᠩᠭᠡ ᠭᠡᠵᠦ ᠣᠢᠯᠠᠭᠠᠲᠠᠬ ᠪᠢᠯᠢᠦ ᠳ᠋ᠠ⁈

ᠬᠡᠦᠬᠡᠳ ᠨᠠᠰᠣᠨ᠎ᠤ ᠣᠢ ᠲᠣᠷᠠᠰᠣᠮᠵᠢ ᠳ᠋ᠦ ᠬᠦᠬᠡ ᠦᠮᠦᠲᠦ ᠴᠠᠭᠠᠨ ᠬᠠᠨᠲᠠᠭᠠᠵᠠ ᠦᠩᠭᠡ ᠢᠯᠭᠠᠷᠠᠵᠦ ᠲᠡᠷᠪᠡᠨ᠎ᠡ᠃ ᠣᠯᠠᠭᠠᠨ ᠪᠦᠴᠡ᠎ᠶᠢ ᠪᠣᠯ ᠣᠨᠴᠠ ᠰᠣᠷᠲᠠᠬ ᠬᠡᠦᠬᠡᠳ ᠰᠠᠶᠢ ᠣᠷᠢᠳ ᠶ᠋ᠢᠡᠷ ᠵᠡᠬᠦᠵᠦ ᠱᠠᠬᠰᠢᠭᠣᠯᠲᠠᠬ ᠶᠣᠮᠰᠠᠨ᠃ ᠲᠡᠷᠡ ᠦᠶ᠎ᠡ᠎ᠶᠢᠨ ᠲᠠᠮᠢᠷ᠎ᠤᠨ ᠲᠠᠯᠠᠪᠠᠢ ᠳ᠋ᠦ ᠢᠵᠢᠯᠭᠡᠨ ᠦᠩᠭᠡ᠎ᠶᠢᠨ ᠬᠣᠪᠴᠠᠰᠣ ᠪᠡᠷ ᠭᠣᠶᠣᠯᠠᠵᠦ ᠣᠷᠠᠢ ᠬᠠᠰᠬᠢᠷᠣᠨ ᠦᠩᠭᠡᠷᠡᠬᠦ ᠪᠠᠭᠠᠴᠣᠳ᠎ᠤᠨ ᠡᠩᠨᠡᠭᠡ ᠢᠲᠡᠷᠡᠬᠦᠨ ᠪᠦᠭᠡᠳ ᠵᠢᠪᠬᠣᠯᠠᠩᠲᠠᠢ᠃ ᠬᠦᠭᠡᠷᠦᠬᠦᠢ᠂ ᠬᠦᠲᠡᠭᠡ᠎ᠶᠢᠨ ᠬᠡᠦᠬᠡᠳ ᠲᠦ᠍ ᠬᠦᠷᠲᠡᠯ᠎ᠡ ᠴᠠᠬ ᠬᠣᠭᠣᠴᠠᠭ᠎ᠠ ᠢᠩᠬᠢᠵᠦ ᠦᠩᠭᠡ ᠲᠦᠷᠬᠦ ᠪᠠᠨ ᠦᠯᠡᠲᠡᠭᠡᠲᠡᠭ ᠠᠵᠢ᠃

《ᠠᠯᠢᠪᠠ ᠶᠠᠭᠣᠮᠠᠨ᠎ᠤ ᠵᠢᠰᠦ᠎ᠶᠢ ᠦᠩᠭᠡ ᠬᠡᠮᠡᠮᠦᠢ》 ᠭᠡᠵᠦ 《ᠬᠣᠷᠢᠨ ᠨᠢᠭᠡᠲᠦ ᠲᠠᠢᠯᠪᠣᠷᠢ ᠲᠣᠯᠢ》 ᠳ᠋ᠦ ᠲᠠᠢᠯᠪᠣᠷᠢᠯᠠᠬᠰᠠᠨ ᠨᠢ ᠪᠣᠢ᠃ ᠣᠯᠠᠭᠠᠨ᠂ ᠨᠣᠭᠣᠭᠠᠨ᠂ ᠬᠦᠬᠡ᠂ ᠰᠢᠷ᠎ᠠ᠂ ᠴᠠᠭᠠᠨ ᠁ ᠭᠡᠬᠦᠴᠢᠯᠡᠨ ᠦᠩᠭᠡ᠎ᠶᠢ ᠠᠲᠠᠯᠢ ᠪᠣᠰᠣ ᠲᠦᠷᠦᠯ ᠳ᠋ᠦ᠍ ᠠᠩᠬᠢᠯᠠᠵᠦ ᠪᠣᠯᠬᠣ ᠪᠦᠭᠡᠳ ᠶᠢᠷᠲᠢᠨᠴᠦ᠎ᠶᠢᠨ ᠲᠣᠭᠣᠰᠣ ᠬᠦᠲᠡᠯᠭᠡᠨ ᠠᠮᠢ ᠵᠢᠭᠣᠬᠣ ᠠᠮᠢᠲᠠᠨ ᠭᠣᠣᠯᠲᠠᠨ ᠡᠴᠡ ᠡᠬᠢᠯᠡᠭᠡᠳ ᠡᠭᠡᠯᠵᠢᠯᠡᠬᠦ ᠲᠦᠷᠪᠡᠨ ᠣᠯᠠᠷᠢᠯ ᠬᠦᠷᠲᠡᠯ᠎ᠡ ᠣᠷᠴᠢᠨ ᠲᠣᠭᠣᠷᠢᠨ ᠲᠠᠢ ᠪᠠᠨ ᠡᠪᠯᠡᠨ ᠵᠣᠬᠢᠴᠠᠯᠲᠣᠵᠦ᠂ ᠦᠪᠡᠷ ᠦᠪᠡᠷ᠎ᠤᠨ᠎ᠶ᠋ᠢᠡᠨ ᠦᠩᠭᠡ ᠵᠢᠰᠦᠮ᠂ ᠦᠵᠡᠮᠵᠢ ᠪᠣᠲᠣᠬ ᠶ᠋ᠢᠡᠷ ᠢᠯᠭᠠᠷᠠᠲᠠᠬ᠃ ᠲᠡᠷᠡ ᠲᠣᠰᠣᠮ ᠶ᠋ᠢᠡᠨ ᠲᠠᠪᠣᠨ ᠦᠩᠭᠡ᠎ᠶᠢᠨ ᠢᠲᠡᠭᠡ᠂ ᠲᠠᠪᠣᠨ ᠦᠩᠭᠡ ᠵᠢᠨ ᠬᠠᠳᠠᠭ ᠡᠰᠡᠭᠦᠯ᠎ᠡ ᠲᠤᠯᠤᠭᠠᠨ ᠦᠩᠭᠡ ᠵᠢᠨ ᠰᠤᠯᠤᠩᠭ᠎ᠠ ᠁ ᠭᠡᠵᠦ ᠦᠩᠭᠡ ᠲᠠᠢ ᠬᠣᠯᠪᠣᠵᠦ ᠦᠬᠦᠯᠡᠭᠰᠡᠨ ᠵᠦᠢᠯ ᠦᠷᠬᠦᠢ ᠣᠯᠠᠨ᠃ ᠣᠰᠣᠨ ᠣᠷᠣᠰᠬᠠᠯ ᠮᠡᠲᠦ ᠴᠣᠪᠣᠷᠠᠬᠣ ᠬᠣᠲᠠ ᠵᠡᠭᠡᠯᠢ᠎ᠶᠢᠨ ᠲᠡᠷᠭᠡ ᠬᠦᠰᠭᠡ᠎ᠶᠢ ᠣᠯᠠᠭᠠᠨ ᠨᠣᠭᠣᠭᠠᠨ ᠦᠩᠭᠡ᠎ᠶᠢᠨ ᠲᠣᠬᠢᠶᠠᠨ ᠳ᠋ᠸᠩ ᠵᠢᠭᠠᠵᠦ ᠵᠢᠯᠣᠭᠣᠲᠣᠨ᠎ᠠ᠃ ᠴᠢᠨᠠᠬᠰᠢᠯᠠᠨ ᠣᠷᠣᠰᠢᠨ ᠠᠮᠢᠲᠣᠷᠠᠬᠣ ᠬᠣᠲᠠ ᠰᠠᠭᠣᠷᠢᠨ᠎ᠶ᠋ᠢᠡᠨ ᠬᠦᠷᠲᠡᠯ᠎ᠡ ᠮᠠᠨᠠᠢᠬᠢᠨ ᠦᠩᠭᠡ ᠪᠣᠲᠣᠬ ᠶ᠋ᠢᠡᠷ ᠨᠡᠷᠡᠰᠢᠬᠦᠯᠵᠦ ᠲᠠᠭᠣᠲᠠᠬᠣ ᠨᠢ ᠮᠠᠰᠢ ᠰᠣᠨᠢᠷᠬᠠᠯᠲᠠᠢ ᠪᠢᠯᠡ᠃ ᠮᠢᠨᠦᠬᠢ ᠠᠮᠢ ᠵᠢᠭᠣᠵᠦ ᠠᠮᠢᠲᠣᠷᠠᠯ ᠰᠡᠬᠦᠭᠰᠡᠨ ᠬᠣᠲᠠ᠎ᠶᠢ 《ᠬᠦᠬᠡᠬᠣᠲᠠ》 ᠭᠡᠵᠦ ᠨᠡᠷᠡᠯᠡᠨ ᠲᠠᠭᠣᠲᠠᠬᠣ ᠳ᠋ᠦ ᠮᠠᠨᠠᠢᠬᠢᠨ᠎ᠤ ᠵᠠᠷᠢᠮ ᠨᠢ ᠪᠠᠰᠠ ᠪᠣᠷᠣᠬᠣᠲᠠ᠂ ᠣᠯᠠᠭᠠᠨᠬᠣᠲᠠ᠂ ᠤᠯᠠᠭᠠᠨᠬᠠᠳᠠ ᠭᠡᠵᠦ ᠠᠲᠠᠯᠢ ᠪᠣᠰᠣ᠎ᠶᠢᠨ ᠦᠩᠭᠡ ᠪᠡᠷ ᠨᠡᠷᠡᠯᠡᠭᠰᠡᠨ ᠬᠣᠲᠠ ᠪᠠᠯᠭᠠᠳ ᠲᠦ᠍ ᠠᠵᠦ ᠲᠦᠷᠦᠲᠡᠭ᠃ ᠡᠢᠨ᠎ᠬᠦ ᠨᠡᠷ᠎ᠡ ᠲᠠᠭᠣᠲᠠᠯᠭ᠎ᠠ ᠨᠢ ᠬᠦᠷᠲᠡᠯ᠎ᠡ ᠦᠩᠭᠡ ᠵᠢᠭᠠᠬᠰᠠᠨ ᠦᠢᠮᠡᠭᠡᠨᠲᠦ ᠬᠣᠲᠠ ᠳ᠋ᠦ ᠪᠢᠳᠡ ᠦᠩᠭᠡ ᠲᠠᠢ ᠦᠭᠡᠲᠡ ᠲᠠᠢ ᠶᠠᠪᠣᠬᠣ ᠭᠡᠮᠡᠨ ᠡᠳᠦᠷ ᠡᠳᠦᠷ᠎ᠤᠨ ᠨᠠᠷᠠ᠎ᠶᠢ ᠣᠬᠲᠣᠵᠦ ᠵᠢᠳᠬᠦᠬᠦ ᠠᠵᠢᠶᠠᠨᠠᠮ᠃

《ᠦᠩᠭᠡ ᠴᠢᠨᠦ ᠭᠣᠷᠪᠠᠨ ᠬᠠᠪᠣᠷ᠎ᠤᠨ ᠲᠣᠭᠣᠷ᠎ᠤᠨ ᠴᠡᠴᠡᠭ ᠮᠡᠲᠦ᠂ ᠦᠨᠦᠷ ᠴᠢᠨᠦ ᠶᠢᠰᠦᠨ ᠨᠠᠮᠣᠷ᠎ᠤᠨ ᠰᠦᠮᠡᠨ ᠡᠪᠡᠰᠦ ᠠᠲᠠᠯᠢ᠃ ᠦᠰᠦ᠎ᠶᠢᠨ ᠬᠠᠷ᠎ᠠ ᠡᠭᠡᠨᠡᠭᠲᠡ ᠪᠡᠬᠡᠰ᠎ᠤᠨ ᠬᠠᠷ᠎ᠠ᠎ᠶᠢ ᠲᠠᠷᠣᠨ ᠴᠢᠲᠠᠭᠠᠳ᠂ ᠦᠨᠡᠨ ᠣᠯᠠᠭᠠᠨ ᠶᠠᠭᠠᠬᠢᠨ ᠲᠡᠬᠦᠨ᠎ᠤ ᠣᠷᠣᠭᠣᠯ᠎ᠤᠨ ᠣᠯᠠᠭᠠᠨ᠎ᠢ ᠬᠦᠢᠴᠡᠮᠦᠢ》 ᠭᠡᠮᠡᠨ ᠲᠡᠷᠲᠡᠭᠡ ᠵᠠᠭᠣᠨ᠎ᠤ ᠴᠢᠨᠠᠲᠣ ᠪᠢᠴᠢᠭᠰᠡᠨ ᠬᠦᠯᠡᠷᠡᠨᠰᠡ᠎ᠶᠢᠨ ᠰᠢᠯᠦᠭ᠎ᠤᠨ ᠪᠠᠲᠠᠬ ᠪᠣᠢ᠃ ᠡᠨᠲᠡ ᠰᠠᠢᠬᠠᠨ ᠭᠡᠬᠦ ᠦᠭᠡ᠎ᠶᠢ ᠴᠣᠬᠣᠮ ᠭᠠᠬᠴᠠ ᠣᠲᠠᠭ᠎ᠠ ᠬᠡᠷᠡᠭᠯᠡᠭᠰᠡᠨ ᠦᠭᠡᠢ ᠠᠲᠠᠯ᠎ᠠ ᠦᠭᠡ ᠦᠰᠦᠭ ᠪᠣᠯᠭᠠᠨ᠎ᠤ ᠴᠠᠭᠠᠨ᠎ᠠ ᠦᠵᠡᠰᠬᠦᠯᠡᠩ ᠰᠠᠢᠬᠠᠨ᠎ᠢ ᠦᠬᠦᠯᠡᠵᠦ ᠪᠠᠬᠠᠲᠣᠬᠰᠠᠨ ᠨᠢ ᠢᠯᠡᠬᠡᠨ᠃ ᠦᠨᠡᠨ᠎ᠢ ᠦᠵᠡᠰᠬᠦᠯᠡᠩ ᠲᠠᠢ᠂ ᠦᠵᠡᠭᠲᠡᠵᠦ ᠬᠠᠷᠠᠬᠲᠠᠬᠣ ᠦᠩᠭᠡ ᠪᠣᠲᠣᠬ ᠲᠠᠢ᠂ ᠦᠨᠦᠷᠲᠦᠵᠦ ᠰᠡᠩᠬᠢᠨᠡᠬᠦ ᠦᠨᠦᠷ ᠴᠢᠮᠡᠭ ᠲᠠᠢ ᠪᠣᠯᠭᠠᠨ ᠠᠮᠢᠯᠠᠭᠣᠯᠬᠣ ᠭᠡᠵᠦ ᠪᠠᠰᠠ ᠴᠦ᠍ ᠨᠢᠭᠡ ᠶᠣᠰᠣᠨ᠎ᠤ ᠡᠷᠳᠡᠮ ᠪᠣᠶᠣ᠃

ᠦᠭᠡᠨ ᠳ᠋ᠦ ᠴᠦ᠍ ᠦᠩᠭᠡ ᠪᠣᠢ ᠭᠡᠵᠦ ᠡᠷᠳᠡᠮᠲᠡᠳ ᠰᠡᠴᠡᠯᠡᠳᠡᠭ᠃ ᠣᠬᠣᠴᠢᠯᠠᠵᠦ ᠰᠦᠪᠡᠭᠴᠢᠯᠡᠪᠡᠯ ᠲᠡᠷᠡ ᠨᠢ ᠴᠣᠬᠣᠮ ᠳ᠋ᠠᠭᠠᠨ ᠰᠡᠳᠬᠢᠯᠭᠡ᠎ᠶᠢᠨ ᠦᠩᠭᠡ ᠪᠣᠯᠬᠣ ᠨᠢ ᠮᠡᠳᠡᠭᠡᠵᠢ᠃ ᠡᠨᠲᠡ ᠵᠢᠭᠠᠬᠰᠠᠨ ᠦᠩᠭᠡ ᠨᠢ ᠲᠣᠲᠣᠭᠠᠲᠣ ᠴᠢᠨᠠᠷ ᠵᠦᠭ ᠰᠢᠯᠵᠢᠵᠦ᠂ ᠦᠯᠦ ᠣᠬᠠᠬᠣ ᠨᠢᠭᠣᠴᠠᠭᠠᠢ ᠪᠣᠯᠣᠬᠰᠠᠨ ᠭᠡᠯᠲᠡᠢ᠃ ᠶᠠᠬ ᠡᠢᠮᠦ ᠡᠴᠡ ᠪᠢᠳᠡ ᠦᠭᠡ᠎ᠶᠢᠨ ᠦᠩᠭᠡ᠎ᠶᠢ ᠣᠬᠠᠵᠦ ᠣᠢᠯᠠᠭᠠᠬᠣ᠎ᠶᠢᠨ ᠲᠣᠰᠠᠲᠠ ᠵᠠᠷᠢᠮ ᠳ᠋ᠠᠭᠠᠨ ᠲᠠᠷᠢᠬᠢ ᠪᠠᠨ ᠭᠠᠰᠢᠯᠲᠠᠯ᠎ᠠ ᠰᠡᠳᠬᠢᠵᠦ 《ᠦᠭᠡ᠎ᠶᠢᠨ ᠲᠣᠲᠣᠷᠠᠬᠢ ᠦᠭᠡ᠂ ᠦᠨᠢᠶᠡᠨ᠎ᠤ ᠲᠣᠲᠣᠷᠠᠬᠢ ᠲᠣᠭᠣᠯ》 ᠎ᠢ᠋ ᠡᠷᠢᠵᠦ ᠴᠦᠬᠦᠷᠡᠲᠡᠭ᠃ ᠦᠩᠭᠡ ᠨᠡᠮᠡᠷᠢᠯᠡᠭᠰᠡᠨ᠎ᠤ ᠣᠴᠢᠷ ᠡᠴᠡ ᠦᠭᠡ ᠨᠢ ᠰᠠᠶᠢ ᠡᠯᠲᠡᠪ ᠶᠠᠩᠵᠦ᠎ᠶᠢᠨ ᠰᠡᠳᠬᠢᠯᠭᠡ᠎ᠶᠢ ᠢᠯᠡᠷᠡᠬᠦᠯᠬᠦ ᠪᠣᠯᠵᠦ᠂ ᠣᠴᠢᠷ ᠣᠳᠬ᠎ᠠ ᠭᠡᠬᠦ ᠣᠬᠠᠬᠲᠠᠬᠣᠨ ᠡᠬᠦᠰᠦᠭᠰᠡᠨ ᠪᠠᠢᠵᠦ ᠮᠠᠭᠠᠳ᠃ ᠦᠭᠡ᠎ᠶᠢᠨ ᠦᠩᠭᠡ ᠭᠡᠵᠦ ᠣᠳᠬ᠎ᠠ ᠣᠬᠠᠬᠲᠠᠬᠣᠨ᠎ᠤ ᠢᠯᠡᠳᠭᠡᠮᠵᠢ ᠪᠣᠯᠬᠣ ᠪᠦᠭᠡᠳ ᠡᠬᠦᠨ ᠳ᠋ᠦ ᠦᠭᠡ ᠦᠰᠦᠭ᠂ ᠦᠢᠯᠡ ᠬᠦᠲᠡᠯᠦᠯ ᠲᠡᠷᠡᠴᠢᠯᠡᠨ ᠠᠶᠠᠯᠭᠣ᠎ᠶᠢᠨ ᠦᠨᠳᠦᠷ ᠨᠠᠮ᠂ ᠴᠢᠷᠠᠢ᠎ᠶᠢᠨ ᠬᠣᠪᠢᠷᠠᠯ ᠭᠡᠬᠦᠴᠢᠯᠡᠨ ᠨᠢ ᠪᠦᠷ ᠦᠭᠡ᠎ᠶᠢᠨ ᠦᠩᠭᠡ᠎ᠶᠢ ᠲᠣᠰᠠᠯᠠᠵᠦ ᠲᠠᠮᠵᠢᠭᠣᠯᠲᠠᠬ᠃ ᠲᠡᠭᠡᠬᠦ ᠳ᠋ᠡᠭᠡᠨ ᠦᠭᠡ᠎ᠶᠢᠨ ᠦᠩᠭᠡ᠎ᠶᠢ ᠮᠡᠳᠡᠬᠦ ᠦᠭᠡᠢ ᠪᠣᠯ ᠴᠣᠬᠣᠮ ᠦᠭᠡᠷ᠎ᠤᠨ ᠴᠢᠨᠡᠭᠡᠨ ᠦ ᠦᠰᠦᠭ᠎ᠢ ᠲᠠᠨᠢᠬᠣ ᠦᠭᠡᠢ ᠯᠣᠭᠡ ᠢᠯᠭᠠᠭ᠎ᠠ ᠪᠠᠢᠬᠣ ᠭᠡᠵᠢ᠎ᠤᠤ⁈

ᠲᠦᠮᠡᠨ ᠪᠣᠲᠠᠰ ᠬᠠᠮᠲᠣ ᠪᠡᠷ ᠪᠠᠲᠠᠷᠠᠵᠦ ᠮᠢᠩᠭᠠᠨ ᠴᠡᠴᠡᠭᠡᠰ ᠵᠡᠷᠭᠡ ᠪᠡᠷ ᠴᠡᠴᠡᠭᠯᠡᠬᠦ ᠦᠶ᠎ᠡ ᠳ᠋ᠦ ᠶᠢᠷᠲᠢᠨᠴᠦ ᠲᠡᠯᠡᠬᠡᠢ ᠦᠩᠭᠡ ᠪᠣᠲᠣᠬ ᠢᠯᠭᠠᠷᠠᠮ᠎ᠠ ᠪᠣᠯᠲᠠᠬ᠃ 《ᠶᠢᠷᠲᠢᠨᠴᠦ᠎ᠶᠢᠨ ᠠᠭᠣᠷ ᠠᠮᠢᠰᠬᠣᠯ ᠲᠦᠢᠯ᠎ᠤᠨ ᠰᠠᠢᠬᠠᠨ ᠦᠩᠭᠡᠲᠦ ᠨᠢ ᠴᠡᠴᠡᠭ ᠠᠲᠠᠯ᠎ᠠ ᠴᠡᠴᠡᠭ ᠪᠦᠷᠢ ᠠᠲᠠᠯᠢ ᠦᠭᠡᠢ᠂ ᠦᠪᠡᠷ ᠦᠪᠡᠷ ᠲᠡᠭᠡᠨ ᠨᠢᠭᠡᠨ ᠵᠦᠢᠯ᠎ᠤᠨ ᠰᠠᠢᠬᠠᠨ ᠦᠩᠭᠡ ᠪᠣᠢ᠂ ᠪᠠᠰᠠ ᠶᠢᠷᠲᠢᠨᠴᠦ᠎ᠶᠢᠨ ᠠᠭᠣᠷ ᠠᠮᠢᠰᠬᠣᠯ᠎ᠤᠨ ᠠᠮᠲᠠᠲᠠᠢᠬᠠᠨ ᠨᠢ ᠵᠢᠮᠢᠰ ᠪᠦᠭᠡᠲᠡᠯ᠎ᠡ ᠵᠢᠮᠢᠰ ᠪᠦᠷᠢ ᠠᠲᠠᠯᠢ ᠦᠭᠡᠢ᠂ ᠲᠣᠰ ᠲᠣᠰ ᠲᠠᠭᠠᠨ ᠨᠢᠭᠡᠨ ᠵᠦᠢᠯ᠎ᠤᠨ ᠠᠮᠲᠠᠲᠠᠢᠬᠠᠨ ᠠᠮᠲᠠ ᠪᠣᠢ》 ᠭᠡᠵᠦ ᠶᠡᠬᠡ ᠵᠣᠬᠢᠶᠠᠯᠴᠢ ᠢᠨᠵᠠᠨᠨᠠᠰᠢ ᠠᠯᠢ ᠡᠷᠳᠡ ᠰᠡᠴᠡᠯᠡᠭᠰᠡᠨ ᠪᠣᠢ᠎ᠠ᠃ ᠡᠬᠦᠨ ᠡᠴᠡ ᠴᠢᠨᠠᠬᠰᠢ ᠯᠠᠪᠰᠢᠷᠠᠭᠣᠯᠣᠨ ᠦᠩᠭᠡ ᠲᠠᠢ ᠪᠠᠢᠮᠠᠨ ᠰᠠᠶᠢ ᠠᠮᠲᠠ ᠲᠠᠢ ᠪᠣᠯᠵᠦ᠂ ᠦᠨᠦᠷ ᠠᠮᠲᠠ ᠪᠦᠷᠢᠲᠦᠲᠡᠭ ᠭᠡᠵᠦ ᠣᠷᠭᠣᠭᠣᠯᠣᠨ ᠰᠡᠳᠬᠢᠵᠦ ᠪᠣᠯᠣᠮᠠᠷ᠃

ᠦᠩᠭᠡ ᠦᠩᠭᠡ ᠪᠡᠷ ᠶ᠋ᠢᠡᠨ ᠪᠠᠢᠲᠠᠬ ᠦᠭᠡᠢ᠂ ᠡᠪᠡᠰᠦ ᠨᠣᠭᠣᠭᠠᠨ ᠶ᠋ᠢᠡᠷ ᠶ᠋ᠢᠡᠨ ᠪᠠᠢᠲᠠᠬ ᠦᠭᠡᠢ᠃ ᠰᠢᠨ᠎ᠡ ᠵᠦᠢᠯ ᠬᠠᠭᠣᠴᠢᠷᠠᠵᠦ᠂ ᠣᠯᠠᠷᠢᠯ ᠎ᠤᠨ ᠵᠢᠮ᠎ᠡ ᠪᠡᠷ ᠦᠩᠭᠡ ᠪᠠᠭᠣᠷᠠᠨ ᠪᠣᠲᠣᠬ ᠬᠣᠯᠲᠣᠷᠠᠬᠣ᠎ᠶᠢ ᠬᠡᠨ ᠴᠦ᠍ ᠭᠡᠳ ᠡᠰᠡ ᠬᠣᠷᠢᠬᠯᠠᠵᠦ ᠴᠢᠲᠠᠨ᠎ᠠ᠃ ᠬᠠᠪᠤᠷ ᠵᠤᠨ ᠨᠠᠮᠤᠷ ᠡᠪᠦᠯ ᠠᠳᠠᠯᠢ ᠪᠤᠰᠤ ᠦᠩᠭᠡ ᠲᠠᠢ᠂ ᠭᠡᠦᠭᠡᠳ ᠵᠠᠯᠠᠭᠤ ᠢᠳᠡᠷ ᠦᠳᠡᠯᠦᠭᠡ ᠠᠳᠠᠯᠢ ᠪᠤᠰᠤ ᠦᠩᠭᠡ ᠲᠠᠢ᠃ ᠲᠡᠯᠭᠡᠷ ᠵᠣᠨ᠎ᠤ ᠴᠠᠬ ᠲᠦ᠍ ᠲᠡᠨᠵᠢ ᠵᠣ᠎ᠶᠢ ᠪᠦᠷᠬᠦᠨ ᠣᠯᠠᠭᠠᠨ ᠶᠠᠭᠠᠨ ᠰᠢᠷ᠎ᠠ ᠭᠡᠵᠦ ᠦᠩᠭᠡ ᠠᠯᠠᠬᠯᠠᠨ ᠲᠡᠯᠭᠡᠷᠡᠭᠰᠡᠨ ᠴᠡᠴᠡᠭᠡᠰ ᠨᠢᠭᠡ ᠯᠡ ᠰᠦᠨᠢ᠎ᠶᠢᠨ ᠰᠠᠯᠬᠢᠨ ᠳ᠋ᠦ᠍ ᠭᠣᠨᠲᠠᠵᠦ᠂ ᠨᠠᠪᠴᠢ ᠨᠠᠮᠠᠭ᠎ᠠ ᠰᠢᠷᠠᠯᠠᠨ ᠬᠣᠪᠠᠬᠠᠢᠷᠠᠬᠣ᠎ᠶᠢ ᠬᠠᠷᠠᠭᠠᠳ ᠭᠣᠨᠢᠬᠯᠠᠮᠠᠷ᠃ ᠣᠷᠢ ᠵᠠᠯᠠᠭᠣ ᠨᠠᠰᠣᠨ ᠳ᠋ᠠᠭᠠᠨ ᠣᠮᠣᠬᠯᠠᠩ ᠢᠲᠡᠷᠡᠬᠦᠨ ᠭᠠᠯᠬᠢᠭᠣᠯᠵᠦ ᠶᠠᠪᠣᠬᠰᠠᠨ ᠴᠣᠬᠯᠢᠬ ᠵᠠᠯᠠᠭᠣᠰ ᠭᠣᠸᠠᠯᠢᠬ ᠬᠡᠦᠬᠡᠨᠴᠦᠳ ᠨᠢᠭᠡ ᠮᠡᠳᠡᠬᠦ ᠳ᠋ᠦ ᠦᠰᠦ ᠴᠠᠢᠵᠦ ᠵᠢᠰᠦ ᠦᠷᠴᠡᠢᠨ ᠡᠪᠦᠭᠡᠷᠡᠵᠦ ᠬᠦᠭᠰᠢᠷᠡᠬᠦ ᠨᠢ ᠪᠠᠰᠠ ᠶᠠᠭᠣᠲᠠᠢ ᠭᠣᠨᠢᠶᠠᠯᠲᠠᠢ ᠠᠵᠢ⁈  ᠦᠩᠭᠡ ᠭᠡᠵᠦ ᠣᠷᠣᠰᠢᠯ᠎ᠤᠨ ᠵᠢᠰᠦ᠂ ᠣᠷᠴᠢᠯ᠎ᠤᠨ ᠵᠢᠮ᠎ᠠ ᠪᠣᠶᠣ᠃

ᠦᠩᠭᠡ ᠲᠠᠢ ᠦᠭᠡᠲᠡ ᠲᠠᠢ ᠶᠠᠪᠣᠬᠣ ᠳ᠋ᠦ ᠦᠵᠡᠰᠬᠦᠯᠡᠩ ᠲᠡᠬᠦᠯᠲᠡᠷ ᠲᠡᠯᠡᠬᠡᠢ᠂ ᠦᠩᠭᠡ ᠪᠠᠨ ᠠᠯᠲᠠᠵᠦ ᠪᠠᠭᠣᠷᠠᠬᠣ ᠳ᠋ᠦ ᠦᠯᠦ ᠲᠠᠨᠢᠮᠠᠷ ᠡᠷᠢᠶᠡᠨ ᠬᠣᠷᠸ᠎ᠠ᠃ ᠦᠩᠭᠡ ᠪᠠᠭᠣᠷᠠᠵᠦ ᠵᠢᠰᠦ ᠭᠣᠨᠲᠠᠬᠣ ᠨᠢ ᠰᠢᠯᠵᠢᠰᠢ ᠦᠭᠡᠢ ᠦᠨᠡᠨ ᠪᠣᠯᠬᠣ ᠲᠣᠯᠠ ᠡᠷᠬᠢᠮᠯᠡᠵᠦ ᠨᠠᠨᠳᠢᠩᠨᠠᠬᠣ ᠨᠢ ᠵᠦᠢ ᠪᠣᠶᠣ᠃ ᠡᠬᠦᠨ᠎ᠢ ᠡᠪᠦᠭᠡᠳ᠎ᠤᠨ ᠰᠣᠷᠭᠠᠯ ᠶ᠋ᠢᠡᠷ ᠵᠢᠷᠣᠮᠯᠠᠵᠦ ᠶᠠᠷᠢᠪᠠᠯ ᠦᠩᠭᠡ ᠲᠠᠢ ᠦᠭᠡᠲᠡ ᠲᠠᠢ ᠬᠢᠯᠠᠷᠠᠭᠣᠯᠵᠦ ᠶᠠᠪᠣᠨ᠎ᠠ ᠭᠡᠰᠡᠨ ᠦᠭᠡ᠃ ᠵᠣᠬᠢᠶᠠᠯᠴᠢ ᠪ · ᠪᠤᠶᠠᠨᠬᠡᠰᠢᠭ ᠨᠢᠭᠡ ᠨᠣᠮ ᠳ᠋ᠠᠭᠠᠨ 《ᠬᠦᠮᠦᠨ ᠶᠡᠷᠦ ᠨᠢ ᠡᠨᠡ ᠬᠣᠷᠸ᠎ᠠ ᠳ᠋ᠦ ᠦᠪᠡᠷ᠎ᠤᠨ᠎ᠶ᠋ᠢᠡᠨ ᠭᠡᠬᠦ ᠣᠷᠣ ᠪᠠᠨ ᠣᠯᠣᠬᠰᠠᠨ ᠯᠡ ᠪᠠᠢᠬᠣ ᠣᠴᠢᠷᠲᠠᠢ — ᠢᠩᠬᠢᠪᠡᠯ ᠪᠢᠳᠡ ᠡᠴᠦᠰ ᠲᠡᠭᠡᠨ 〈ᠦᠩᠭᠡ ᠦᠩᠭᠡ᠎ᠶᠢᠨ ᠲᠡᠭᠷᠢ〉 ᠲᠣᠣᠷ᠎ᠠ ᠬᠦᠷᠴᠦ ᠴᠢᠲᠠᠨ᠎ᠠ》 ᠭᠡᠵᠦ ᠪᠢᠴᠢᠭᠰᠡᠨ ᠶᠣᠮ᠃ ᠲᠡᠢᠮᠦ ᠡ᠂ ᠦᠰᠴᠦ ᠣᠷᠭᠣᠬᠣ᠎ᠶᠢᠨ ᠵᠢᠮ᠎ᠡ ᠪᠡᠷ ᠬᠦᠮᠦᠰ ᠦᠪᠡᠷ ᠦᠪᠡᠷ᠎ᠤᠨ ᠣᠷᠣᠨ ᠪᠠᠢᠷᠢ ᠪᠠᠨ ᠣᠯᠵᠦ᠂ ᠦᠨᠳᠦᠰᠦ ᠬᠠᠳᠬᠣᠨ ᠦᠷᠡᠯᠡᠵᠦ ᠪᠣᠯᠪᠠᠰᠣᠷᠠᠬᠣ ᠬᠡᠮᠡᠨ ᠵᠢᠳᠬᠦᠬᠦ ᠳ᠋ᠦ ᠰᠠᠶᠢ ᠦᠩᠭᠡ ᠪᠦᠷᠢᠲᠦᠨ ᠦᠯᠡᠮᠵᠢ᠎ᠶᠢᠨ ᠰᠠᠢᠬᠠᠨ ᠪᠣᠯᠲᠠᠬ ᠶᠣᠮ ᠡ᠃

  • ᠨᠠᠢᠷᠠᠭᠤᠯᠤᠭ᠍ᠴᠢ᠄

  • ᠨᠡᠪᠲᠡᠷᠡᠭᠦᠯᠦᠭᠴᠢ᠄

  • ᠮᠡᠷᠭᠡᠵᠢᠯ᠄

ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨ᠎ᠠ

ᠣᠷᠴᠢᠭᠤᠯᠤᠭ᠍ᠴᠢ᠄

ᠢᠷᠡᠯᠲᠡ᠄ ᠲᠤᠮᠳᠠᠳᠤ ᠤᠯᠤᠰ ᠎ᠤᠨ ᠮᠤᠩᠭᠤᠯ ᠬᠡᠯᠡᠨ ᠰᠤᠨᠢᠨ ᠮᠡᠳᠡᠭᠡᠨ ᠎ᠦ ᠰᠦᠯᠵᠢᠶ᠎ᠠ
兼容浏览器的HTML页面