2026-11-19 11:09:45
ᠬᠠᠮᠢᠶᠠ ᠪᠦᠬᠦᠢ ᠬᠤᠯᠪᠤᠭᠠᠰᠦ ᠄
ᠴᠠᠭᠠᠨᠨᠠᠭᠤᠷ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠯᠠᠭᠠᠨᠴᠠᠪ ᠬᠤᠳᠠᠶᠢᠨ ᠱᠠᠩᠳᠤ ᠰᠢᠶᠠᠨ ᠪᠣᠯᠣᠨ ᠾᠸᠪᠸᠢ ᠮᠤᠵᠢ ᠶᠢᠨ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ ᠬᠤᠳᠠᠶᠢᠨ ᠱᠠᠩ ᠢ ᠰᠢᠶᠠᠨ ᠤ ᠠᠭᠤᠯᠵᠠᠷᠲᠤ ᠪᠠᠢᠷᠢᠯᠠᠵᠤ᠂ ᠤᠯᠠᠭᠠᠨᠴᠠᠪ ᠬᠤᠳᠠᠶᠢᠨ ᠴᠢᠬᠤᠯᠠ ᠨᠤᠭᠤ ᠭᠠᠵᠠᠷ ᠤᠨ ᠠᠮᠢ ᠠᠬᠤᠢᠶᠢᠨ ᠰᠢᠰᠲᠧᠮ ᠪᠣᠯᠣᠨᠠ᠃ ᠲᠡᠦᠬᠡᠨ ᠳᠡᠭᠡᠷᠡ ᠴᠠᠭᠠᠨᠨᠠᠭᠤᠷ ᠵᠢᠯ ᠲᠤᠷᠰᠢ ᠤᠰᠤ ᠡᠯᠪᠡᠭ᠂ ᠨᠠᠭᠤᠷ ᠤᠨ ᠭᠠᠳᠠᠷᠭᠤ ᠥᠷᠭᠡᠨ ᠠᠭᠤᠳᠠᠮ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠠᠭᠤᠷ ᠠᠮᠢᠰᠬᠤᠯ ᠤᠨ ᠬᠤᠪᠢᠷᠠᠯᠲᠠ ᠪᠣᠯᠣᠨ ᠬᠥᠮᠥᠨ ᠲᠥᠷᠥᠯᠬᠢᠲᠡᠨᠦ ᠠᠵᠢᠯᠯᠠᠭᠠᠶᠢᠨ ᠨᠥᠯᠥᠭᠡᠯᠡᠯᠵᠢᠡᠷ ᠨᠢᠭᠡ ᠦᠶᠡ ᠤᠰᠤ ᠲᠠᠲᠠᠷᠠᠵᠤ᠂ ᠤᠰᠤᠨᠤ ᠴᠢᠨᠠᠷ ᠮᠠᠭᠤᠳᠠᠨ᠂ ᠠᠮᠢ ᠠᠬᠤᠢᠶᠢᠨ ᠰᠢᠰᠲᠸᠮ ᠨᠢ ᠡᠪᠳᠡᠭᠳᠡᠵᠠᠢ᠃
ᠱᠠᠩᠳᠤ ᠰᠢᠶᠠᠨᠤ ᠨᠠᠮᠤᠨ ᠬᠣᠷᠢᠶᠠ᠂ ᠵᠠᠰᠠᠭᠤᠨ ᠣᠷᠳᠣᠨ ᠴᠠᠭᠠᠨᠨᠠᠭᠤᠷ ᠤᠨ ᠠᠮᠢ ᠠᠬᠤᠢ ᠣᠷᠴᠢᠨ ᠲᠣᠭᠣᠷᠢᠨᠤ ᠪᠦᠬᠦᠯᠢ ᠴᠣᠭᠴᠠᠶᠢᠨ ᠴᠢᠨᠠᠷᠲᠠᠢ ᠬᠠᠮᠠᠭᠠᠯᠠᠯᠲᠠ ᠪᠠ ᠰᠢᠰᠲᠧᠮᠲᠦ ᠴᠢᠨᠠᠷᠲᠠᠢ ᠰᠡᠷᠭᠦᠭᠡᠯᠲᠡᠶᠢ ᠠᠬᠢᠭᠤᠯᠬᠤᠵᠢᠨ ᠲᠥᠯᠥᠭᠡ 2020 ᠣᠨᠤ 8 ᠰᠠᠷᠠᠶᠢᠨ 14ᠤ᠋ ᠡᠳᠦᠷ ᠤᠯᠠᠭᠠᠨᠴᠠᠪᠤᠨ ᠴᠠᠭᠠᠨᠨᠠᠭᠤᠷ ᠤᠨ ᠨᠤᠭᠤ ᠭᠠᠵᠠᠷᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠲᠥᠪᠢ ᠪᠠᠢᠭᠤᠯᠵᠤ᠂ 2020 ᠣᠨᠤ 10 ᠰᠠᠷᠠᠶᠢᠨ 20ᠤ᠋ ᠡᠳᠦᠷ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰ ᠤᠨ ᠨᠤᠭᠤ ᠭᠠᠵᠠᠷ ᠤᠨ ᠴᠡᠴᠡᠷᠯᠢᠭᠢ ᠪᠠᠢᠭᠤᠯᠵᠠᠢ᠃ 2022 ᠣᠨ ᠤ 12 ᠰᠠᠷᠠᠶᠢᠨ 29ᠤ᠋ ᠡᠳᠦᠷ ᠴᠠᠭᠠᠨᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷ ᠤᠨ ᠴᠡᠴᠡᠷᠯᠢᠭ ᠨᠢ ᠤᠯᠤᠰ ᠤᠨ ᠲᠠᠰ ᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭ ᠪᠤᠯᠵᠠᠢ᠃
ᠦᠪᠦᠷ ᠮᠤᠩᠭᠤᠯ ᠾᠸᠪᠸᠢ ᠵᠢᠨ ᠬᠢᠯᠢ ᠰᠤᠨᠳᠠᠯᠠᠨ ᠪᠠᠢᠷᠢᠰᠢᠬᠤ ᠴᠠᠭᠠᠨᠨᠠᠭᠤᠷᠤᠨ ᠳᠤᠬᠠᠢ 《ᠸᠸᠢ ᠤᠯᠤᠰᠤᠨ ᠪᠢᠴᠢᠭ》 ᠲᠸ᠋ ᠲᠡᠮᠳᠡᠭᠯᠡᠵᠦ ᠪᠠᠢᠭᠠ ᠪᠦᠭᠡᠳ ᠲᠡᠷᠡ ᠨᠢ ᠤᠮᠠᠷᠠᠳᠦ ᠤᠷᠤᠨᠤ ᠨᠠᠷᠠᠳᠦ ᠨᠠᠭᠤᠷ ᠬᠡᠮᠡᠬᠦ ᠰᠠᠢᠬᠠᠨ ᠠᠯᠳᠠᠷ ᠲᠠᠢ ᠪᠠᠢᠵᠠᠢ᠃
ᠡᠬᠡ ᠭᠠᠵᠠᠷᠤᠨ ᠬᠡᠪᠡᠯᠢᠳᠦ ᠤᠨᠠᠭᠰᠠᠨ ᠰᠤᠨᠳᠤᠷᠤᠨ ᠳᠠᠰᠤᠷᠬᠠᠢ ᠭᠡᠮᠡᠷᠭᠡᠨ ᠡᠨᠡ ᠠᠷᠢᠭᠤᠨ ᠤᠰᠤᠨ ᠵᠠᠭᠤ ᠮᠢᠩᠭᠠᠨ ᠵᠢᠯᠤᠨ ᠳᠤᠷᠰᠢ ᠱᠠᠩᠳᠦ ᠵᠢᠨ ᠲᠠᠯᠠ ᠪᠠᠨ ᠤᠮᠳᠠᠯᠠᠨ ᠂ ᠬᠦᠭᠡ ᠳᠡᠭᠷᠢ ᠪᠠᠨ ᠳᠤᠯᠢᠳᠠᠨ ᠮᠡᠯᠮᠡᠷᠡᠵᠦ᠂ ᠬᠦᠪᠡᠬᠡ ᠳᠠᠭᠠᠭᠰᠠᠨ ᠬᠦᠮᠦᠨ ᠵᠤᠨᠳᠠᠭᠠᠨ ᠠᠮᠢᠨ ᠳᠡᠵᠢᠭᠡᠯ ᠪᠤᠯᠵᠦ᠂ ᠬᠦᠷᠦᠰᠦᠳᠦ ᠠᠯᠳᠠᠨ ᠳᠡᠯᠡᠭᠡᠢᠳᠡᠭᠡᠨ ᠷᠡᠰᠢᠶᠠᠨ ᠤᠰᠤᠨ ᠪᠤᠯᠵᠦ ᠢᠷᠡᠵᠠᠢ᠃
ᠪᠤᠷᠤᠭᠠᠨ ᠬᠤᠷᠠ ᠪᠠᠭᠠᠰᠤᠭᠰᠠᠨ᠂ ᠭᠠᠵᠠᠷ ᠳᠤᠤᠷᠠᠬᠢ ᠤᠰᠤ ᠵᠢ ᠭᠡᠳᠦ ᠬᠡᠷᠡᠭᠯᠡᠭᠰᠡᠨ ᠵᠡᠷᠭᠡ ᠰᠢᠯᠳᠠᠭᠠᠨ ᠡᠴᠡ ᠪᠤᠯᠵᠦ᠂ ᠴᠠᠭᠠᠨᠨᠠᠭᠤᠷᠤᠨ ᠤᠰᠤ ᠳᠠᠳᠠᠷᠠᠵᠦ᠂ ᠨᠢᠭᠡ ᠦᠶᠡ ᠰᠢᠷᠬᠢᠬᠦ ᠰᠢᠬᠠᠵᠠᠢ᠃
ᠬᠤᠤᠬᠢᠬᠤ ᠰᠠᠯᠬᠢ᠂ ᠬᠡᠢᠰᠬᠦ ᠬᠤᠵᠢᠷ ᠁ ᠴᠠᠭᠠᠨᠨᠠᠭᠤᠷ ᠮᠢᠨᠢ ᠢᠷᠡᠭᠡᠴᠢ ᠭᠡᠵᠦ ᠬᠦᠮᠦᠰ ᠦᠭᠡᠢᠯᠡᠯᠡ! ᠲᠡᠷᠡ ᠯᠡ ᠴᠠᠭ ᠡᠴᠡ ᠴᠠᠭᠠᠨᠨᠠᠭᠤᠷᠤᠨ ᠬᠦᠮᠦᠰ ᠨᠢᠳᠦᠨ ᠴᠡᠴᠡᠭᠡᠢ ᠪᠠᠨ ᠰᠢᠭ ᠨᠠᠭᠤᠷ ᠵᠢᠡᠨ ᠬᠠᠮᠠᠭᠠᠯᠠᠵᠦ᠂ ᠨᠠᠭᠤᠷᠤᠨ ᠬᠦᠪᠡᠭᠡ ᠪᠠᠷ ᠮᠠᠯ ᠵᠢᠡᠨ ᠪᠡᠯᠴᠢᠭᠡᠬᠦ ᠦᠭᠡᠢ᠂ ᠨᠠᠭᠤᠷᠤᠨ ᠬᠠᠪᠢ ᠵᠢᠨ ᠭᠠᠵᠠᠷ ᠳᠤᠤᠷᠠᠬᠢ ᠤᠰᠤ ᠪᠠᠷ ᠳᠠᠷᠢᠶᠠ ᠪᠠᠨ ᠤᠰᠤᠯᠠᠬᠤ ᠦᠭᠡᠢ᠂ ᠬᠦᠪᠡᠭᠡ ᠪᠠᠷ ᠨᠢ ᠶᠠᠪᠤᠬᠤᠳᠠᠭᠠᠨ ᠴᠸ᠋ ᠬᠢᠴᠢᠶᠠᠵᠦ᠂ ᠬᠦᠷᠦᠰᠦᠨ ᠳᠡᠭᠡᠷᠡ ᠨᠢ ᠬᠢᠰᠬᠢᠬᠦ ᠳᠡᠭᠡᠨ ᠴᠸ᠋ ᠡᠮᠢᠶᠠᠵᠦ᠂ ᠬᠢᠴᠢᠶᠠᠩᠬᠦᠢᠯᠡᠨ ᠬᠠᠮᠠᠭᠠᠯᠠᠭᠰᠠᠨ ᠵᠢᠡᠷ ᠴᠠᠭᠠᠠᠨᠠᠭᠤᠷᠤᠨ ᠤᠰᠤᠨᠳᠤᠨᠢ ᠵᠢᠭᠠᠰᠦ ᠢᠷᠠᠭᠠᠯᠠᠨ᠂ ᠲᠡᠭᠷᠢᠳᠤᠨᠢ ᠰᠢᠪᠠᠭᠤᠳ ᠬᠠᠯᠢᠨ᠂ ᠵᠡᠭᠡᠰᠦ ᠬᠤᠯᠤᠰᠤ ᠬᠠᠯᠢᠭᠤᠷᠠᠨ ᠨᠠᠢᠭᠤᠬᠤ ᠪᠤᠯᠪᠠ᠃
ᠴᠠᠭᠠᠠᠨᠠᠭᠤᠷ ᠡᠷᠬᠢᠨ ᠢᠷᠡᠵᠠᠢ᠃

ᠴᠠᠭᠠᠠᠨᠠᠭᠤᠷᠵᠢᠡᠨ ᠪᠠᠢᠴᠠᠭᠠᠵᠤ ᠲᠡᠮᠳᠡᠭᠯᠡᠨᠡ — ᠯᠢᠦ ᠡᠾᠸᠩ ᠢᠦᠢᠵᠢᠨ ᠬᠠᠲᠠᠭᠤ ᠪᠠᠷᠢᠮᠲᠠᠯᠠᠯ
ᠭᠡᠰᠢᠭᠳᠡᠨ ᠬᠤᠰᠢᠭᠤᠨᠤ ᠪᠢᠷᠠᠭᠤ ᠪᠠᠯᠭᠠᠰᠤᠨ ᠡᠴᠡ ᠪᠢᠳᠡ ᠭᠠᠯᠳᠦ ᠳᠡᠷᠭᠡ ᠪᠠᠷ ᠱᠠᠩᠳᠦ ᠰᠢᠶᠠᠨ ᠤ ᠱᠠᠩᠳᠦ ᠪᠠᠯᠭᠠᠰᠦ ᠬᠦᠷᠬᠦ ᠪᠠᠷ ᠪᠤᠯᠤᠭᠰᠠᠨ ᠶᠤᠮ᠃ ᠭᠠᠯᠳᠦ ᠳᠡᠷᠭᠡ ᠪᠠᠷᠠᠭᠤᠨᠰᠢᠯᠠᠬᠤ ᠳᠤᠳᠤᠮ ᠭᠠᠵᠠᠷᠤᠨ ᠳᠦᠷᠬᠦ ᠬᠤᠪᠢᠷᠠᠵᠦ᠂ ᠬᠠᠷᠠᠭᠠ ᠠᠯᠳᠠᠮᠠ ᠰᠢᠷᠭᠠᠯᠳᠤᠭᠰᠠᠨ ᠲᠠᠯᠠ ᠭᠠᠵᠠᠷ ᠡᠴᠡ ᠪᠠᠨ ᠬᠠᠶᠠ ᠨᠢᠭᠡ ᠮᠠᠩᠬᠠᠨ ᠳᠤᠪᠤ ᠳᠦᠩᠬᠦᠢᠨ᠂ ᠳᠡᠭᠦᠨᠤ ᠬᠠᠵᠠᠭᠤ ᠪᠠᠷ ᠬᠠᠢᠯᠡᠰᠦ᠂ ᠪᠤᠷᠭᠠᠰᠦ᠂ ᠪᠤᠳᠠ ᠬᠠᠷᠭᠠᠨᠠ ᠵᠡᠷᠭᠡ ᠡᠯᠡᠰᠦᠨ ᠭᠠᠵᠠᠷᠤᠨ ᠡᠪᠡᠰᠦ ᠮᠤᠳᠤ ᠡᠮᠵᠢᠶᠡᠷᠢᠯᠡᠭᠰᠡᠨ ᠨᠤᠳᠤᠭ ᠲᠸ᠋ ᠤᠷᠤᠵᠦ ᠢᠷᠡᠭᠰᠡᠨ ᠨᠢ ᠬᠤᠯᠠᠨ ᠰᠢᠷᠭᠠ ᠳᠠᠭᠠ ᠵᠢᠨ ᠡᠯᠡᠰᠦᠨᠳᠦ ᠶᠠᠪᠤᠭᠠ ᠭᠡᠳᠡᠭᠢ ᠬᠡᠯᠡᠵᠦ ᠪᠠᠢᠯᠠ᠃ ᠲᠡᠭᠦᠨ ᠡᠴᠡ ᠪᠠᠷᠠᠭᠤᠨ ᠬᠤᠢᠰᠢ ᠭᠠᠷᠬᠤᠳᠦ ᠳᠠᠬᠢᠨ ᠨᠢᠳᠦ ᠴᠢᠯᠡᠭᠡᠭᠰᠡᠨ ᠳᠠᠯᠠ ᠪᠤᠯᠵᠦ᠂ ᠤᠳᠠᠯ ᠦᠭᠡᠢ ᠭᠠᠵᠠᠷᠤᠨ ᠪᠠᠢᠴᠠ ᠨᠠᠮ ᠪᠤᠯᠵᠦ᠂ ᠭᠡᠰᠡᠭ ᠭᠡᠰᠡᠭ ᠵᠢᠡᠷ ᠪᠦᠭᠡᠮᠨᠡᠷᠡᠨ ᠰᠠᠭᠤᠭᠰᠠᠨ ᠠᠢᠯ ᠳᠤᠰᠬᠤᠨ᠂ ᠳᠤᠮᠤ ᠰᠠᠮ ᠵᠢᠡᠷ ᠰᠠᠮᠨᠠᠭᠰᠠᠨ ᠬᠡᠮᠡᠷ ᠵᠤᠷᠬᠠ ᠨᠢ ᠬᠠᠷᠠᠯᠠᠨ ᠬᠠᠷᠠᠭᠳᠠᠬᠤ ᠳᠠᠷᠢᠶᠠᠨ ᠭᠠᠵᠠᠷ ᠵᠢᠡᠷ ᠰᠤᠯᠢᠬᠳᠠᠯᠠ᠃
ᠦᠳᠡ ᠬᠡᠯᠪᠡᠢᠬᠦ ᠵᠢᠨ ᠦᠶᠡ ᠪᠠᠷ ᠪᠢᠳᠡ ᠵᠤᠷᠢᠭᠰᠠᠨ ᠭᠠᠵᠠᠷ ᠱᠠᠩᠳᠦ ᠪᠠᠯᠭᠠᠰᠤᠨᠤ ᠳᠡᠷᠭᠡᠨ ᠦᠷᠳᠡᠭᠡᠨᠳᠦ ᠪᠠᠭᠤᠵᠦ᠂ ᠬᠦᠮᠦᠨᠤ ᠤᠷᠤᠰᠬᠠᠯᠢ ᠳᠠᠭᠠᠨ ᠦᠷᠳᠡᠭᠡᠨ ᠡᠴᠡ ᠭᠠᠷᠬᠤᠳᠦ ᠰᠡᠬᠦᠳᠡᠷᠯᠡᠬᠦ ᠮᠠᠰᠢᠨ ᠵᠡᠷᠭᠡ ᠡᠬᠦᠷᠭᠡ ᠳᠡᠬᠦᠷᠭᠡ ᠲᠠᠢ ᠶᠠᠪᠤᠭᠠ ᠪᠠᠷ ᠮᠢᠨᠢ ᠭᠠᠳᠠᠷᠯᠠᠭᠰᠠᠨ ᠱᠠᠩᠳᠦ ᠰᠢᠶᠠᠨᠤ ᠤᠬᠠᠭᠤᠯᠬᠤ ᠭᠡᠯᠳᠡᠰᠤᠨ ᠳᠡᠳ᠋ ᠳᠠᠷᠤᠭᠠ ᠪᠢᠳᠡᠨᠢ ᠢᠨᠢᠶᠠᠮᠰᠦᠭᠯᠡᠨ ᠤᠭᠳᠤᠵᠦ ᠠᠪᠤᠯᠠ᠃
ᠱᠠᠩᠳᠦ ᠪᠠᠯᠭᠠᠰᠤᠨᠳᠦ ᠬᠦᠷᠦᠭᠰᠡᠨ ᠡᠳᠦᠷ ᠮᠢᠨᠢ ᠭᠠᠷᠠᠭᠤᠨ ᠰᠡᠭᠦᠯᠴᠢ ᠪᠠᠢᠭᠰᠠᠨ ᠪᠤᠯᠬᠤᠷ ᠪᠢᠳᠡ ᠦᠳᠡ ᠵᠢᠨ ᠬᠤᠢᠨᠠ ᠨᠢ ᠠᠮᠠᠷᠠᠵᠦ᠂ ᠮᠠᠷᠭᠠᠰᠢ ᠡᠴᠡ ᠨᠢ ᠠᠵᠢᠯ ᠵᠢᠡᠨ ᠡᠬᠢᠯᠡᠬᠦᠯᠬᠦ ᠪᠠᠷ ᠪᠤᠯᠤᠭᠰᠠᠨ ᠶᠤᠮ᠃ ᠭᠠᠷᠠᠭᠤᠨ ᠨᠢᠭᠡᠨᠤ ᠦᠷᠯᠦᠭᠡ ᠰᠠᠷᠡᠭᠡᠳ ᠴᠤᠩᠬᠤ ᠪᠠᠷ ᠬᠠᠷᠠᠬᠤᠳᠦ ᠲᠡᠭᠷᠢᠳᠦ ᠠᠯᠠᠭᠠᠨ ᠴᠢᠨᠡᠭᠡ ᠴᠸ᠋ ᠡᠬᠦᠯᠡ ᠦᠭᠡᠢ᠂ ᠳᠤᠩᠭᠠᠯᠠᠭ ᠰᠠᠢᠬᠠᠨ ᠡᠳᠦᠷ ᠪᠤᠯᠵᠦ᠂ ᠴᠠᠭᠠᠨᠨᠠᠭᠤᠷ ᠶᠤᠰᠤᠳᠠᠢ ᠪᠢᠳᠡᠨᠢ ᠨᠠᠷᠠ ᠪᠠᠨ ᠭᠠᠷᠭᠠᠨ ᠤᠭᠳᠤᠭᠰᠠᠨ ᠶᠤᠮ᠃
ᠠᠭᠠᠷᠡᠴᠡ ᠱᠤᠩᠭᠤᠨ ᠪᠠᠭᠤᠬᠤ ᠪᠦᠷᠭᠦᠳᠤᠨ ᠰᠢᠷᠦᠭᠦᠨ ᠳᠠᠭᠠᠷᠢᠯᠲᠠᠡᠴᠡ ᠮᠤᠯᠳᠤᠷᠠᠵᠤ ᠴᠢᠳᠠᠯ ᠦᠭᠡᠢ᠂ ᠬᠦᠵᠦᠭᠦᠦᠪᠡᠨ ᠳᠠᠰᠤ ᠡᠮᠭᠦᠭᠦᠯᠦᠨ ᠰᠢᠷᠬᠠᠳᠤᠭᠰᠠᠨ ᠨᠤᠭᠤᠰᠤ ᠠᠷᠢᠶᠠᠳᠠᠨ ᠠᠮᠢᠲᠠᠨᠤ ᠬᠠᠳᠠᠭᠤ ᠰᠢᠯᠭᠠᠯᠲᠠᠵᠢ ᠳᠠᠪᠠᠵᠤ ᠴᠢᠳᠠᠯ ᠦᠭᠡᠢ ᠠᠮᠢ ᠲᠠᠯᠪᠢᠭᠰᠠᠨ ᠪᠠᠢᠯᠠ᠃ ᠬᠠᠷᠢᠨ ᠪᠦᠷᠭᠦᠳᠤᠨ ᠬᠤᠪᠢᠳᠦ ᠬᠡᠨᠡᠭᠴᠦ ᠦᠭᠡᠢ ᠵᠤᠭᠤᠭᠵᠢᠡᠨ ᠵᠤᠭᠤᠭᠯᠠᠨᠠ᠃ ᠡᠢᠮᠦᠷᠬᠦᠦ ᠪᠠᠢᠭᠠᠯᠢᠵᠢᠨ ᠦᠵᠡᠭᠳᠡᠯᠢ ᠱᠠᠩᠳᠤᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠯᠤᠰᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠳᠡᠳ᠋ ᠡᠷᠬᠢᠯᠡᠭᠴᠢ ᠯᠢᠦ ᠡᠾᠸᠩ ᠢᠦᠢ ᠲᠤᠭᠠ ᠦᠭᠡᠢ ᠤᠳᠠᠭᠠ ᠦᠵᠡᠭᠰᠡᠨ ᠪᠠᠢᠯᠠ᠃

— ᠴᠠᠭᠠᠨᠨᠠᠭᠤᠷᠤᠨ ᠤᠷᠴᠢᠨ ᠠᠬᠤᠢ ᠰᠠᠢᠵᠢᠷᠠᠵᠤ ᠪᠠᠢᠭᠠ ᠨᠢ ᠡᠨᠡ ᠰᠢᠦ! ᠬᠡᠮᠡᠨ ᠯᠢᠦ ᠡᠾᠸᠩ ᠢᠦᠢ ᠭᠠᠷᠲᠡᠬᠢ ᠳᠤᠷᠠᠨᠵᠢᠡᠨ ᠲᠠᠯᠪᠢᠯ ᠦᠭᠡᠢ ᠶᠠᠷᠢᠨᠠ᠃ ᠡᠳᠦᠷ ᠳᠤᠳᠤᠮᠤᠨ ᠨᠠᠭᠤᠷᠤᠨ ᠪᠠᠢᠴᠠᠭᠠᠯᠲᠠ ᠬᠢᠵᠦ᠂ ᠴᠠᠭ ᠲᠤᠬᠠᠢᠳᠤᠨᠢ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠬᠦ ᠨᠢ ᠲᠡᠭᠦᠨᠤ ᠭᠤᠤᠯ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠠᠵᠢᠯᠤᠨ ᠨᠢᠭᠡ ᠨᠢ ᠪᠢᠯᠡ᠃ ᠲᠡᠷᠡ ᠡᠨᠡᠬᠦ ᠠᠵᠢᠯᠢ ᠬᠠᠷᠢᠭᠤᠴᠠᠭᠠᠳ ᠠᠷᠠᠢ ᠳᠥᠩᠭᠡᠵᠢ ᠨᠢᠭᠡ ᠵᠢᠯ ᠪᠤᠯᠤᠭᠠ ᠦᠭᠡᠢ ᠴᠸ᠋ ᠡᠨᠡᠬᠦ ᠨᠠᠭᠤᠷᠤᠨ ᠤᠷᠴᠢᠨ ᠠᠬᠤᠢᠵᠢ ᠡᠩ ᠦᠭᠡᠢ ᠶᠡᠬᠡ ᠬᠠᠢᠷᠠᠯᠠᠨ ᠨᠠᠨᠳᠢᠩᠨᠠᠬᠤ ᠪᠤᠯᠤᠭᠰᠠᠨ ᠨᠢ ᠤᠴᠢᠷᠲᠠᠢ ᠰᠠᠨ᠃ 2020 ᠤᠨᠳᠦ ᠨᠤᠭᠤ ᠭᠠᠵᠠᠷᠤᠨ ᠬᠠᠮᠠᠭᠠᠯᠠᠯᠲᠠᠵᠢᠨ ᠲᠥᠪᠢ ᠪᠠᠢᠭᠤᠯᠬᠤᠡᠴᠡ ᠡᠮᠦᠨᠡ ᠡᠨᠳᠡᠬᠢ ᠨᠠᠭᠤᠷᠤᠨ ᠤᠰᠤ ᠶᠡᠬᠡ ᠬᠡᠮᠵᠢᠶᠡᠪᠡᠷ ᠰᠢᠷᠭᠢᠵᠦ᠂ ᠨᠠᠮᠤᠭ ᠲᠠᠢ ᠭᠠᠵᠠᠷᠵᠢᠡᠷ ᠶᠠᠪᠤᠭᠠᠳ ᠢᠷᠡᠬᠦᠳᠦ ᠱᠠᠬᠠᠢᠵᠢᠨ ᠤᠯᠠ ᠰᠠᠯᠴᠢᠬᠠᠳᠠᠭ ᠪᠠᠢᠭᠰᠠᠨ᠃ ᠲᠡᠷᠡ ᠦᠶᠡᠳᠦ ᠬᠤᠯᠠᠡᠴᠡ ᠴᠠᠢᠷᠠᠨ ᠬᠠᠷᠠᠭᠳᠠᠬᠤ ᠬᠤᠵᠢᠷᠯᠢᠭ ᠭᠠᠵᠠᠷᠲᠦ ᠰᠠᠯᠬᠢ ᠲᠠᠢ ᠡᠳᠦᠷ ᠲᠤᠬᠢᠶᠠᠯᠳᠤᠪᠠᠯ ᠡᠨᠳᠡ ᠲᠡᠨᠳᠡ ᠦᠭᠡᠢ ᠴᠠᠭᠠᠨ ᠲᠤᠭᠤᠰᠤ ᠮᠠᠨᠠᠷᠠᠨ᠂ ᠬᠠᠵᠠᠭᠤ ᠬᠠᠪᠢᠵᠢᠨ ᠠᠷᠠᠳᠤᠳᠤᠨ ᠰᠡᠳᠬᠢᠯᠢ ᠰᠢᠨᠠᠯᠭᠠᠳᠠᠭ ᠪᠠᠢᠵᠠᠢ᠃ ᠴᠠᠢᠷᠠᠨ ᠬᠠᠷᠠᠭᠳᠠᠬᠤ ᠬᠤᠵᠢᠷᠯᠢᠭ ᠨᠠᠭᠤᠷᠲᠦ ᠠᠳᠬᠤ ᠡᠪᠡᠰᠦᠨᠤ ᠪᠠᠷᠠ ᠠᠯᠠᠭᠠ ᠪᠠᠢᠭᠰᠠᠨᠵᠢᠡᠨ ᠥᠨᠥ ᠪᠤᠯᠬᠤᠳᠦ ᠨᠡᠯᠦᠢᠨ ᠬᠠᠷᠠᠭᠳᠠᠬᠤ ᠨᠠᠭᠤᠷᠤᠨ ᠤᠰᠤᠨᠳᠦ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠭᠰᠠᠨᠢ ᠰᠢᠩᠭᠡᠭᠡᠨ ᠵᠢᠷᠤᠭᠯᠠᠭᠰᠠᠨ ᠵᠢᠷᠤᠭ ᠰᠢᠩᠭᠡᠭᠡᠯᠲᠡᠪᠡᠨ ᠲᠡᠷᠡ ᠵᠢᠭᠤᠯᠴᠢᠯᠠᠭᠰᠠᠳᠲᠦ ᠤᠯᠠᠨᠴᠤ ᠤᠳᠠᠭᠠ ᠦᠵᠡᠭᠦᠯᠵᠡᠢ᠃
— ᠪᠢ ᠡᠨᠳᠡ ᠤᠳᠠᠭᠠᠨ ᠵᠢᠯ ᠠᠵᠢᠯᠯᠠᠭᠰᠠᠨ ᠠᠬᠠᠮᠠᠳ ᠠᠵᠢᠯᠲᠠᠨᠡᠴᠡ ᠴᠠᠭᠠᠨᠨᠠᠭᠤᠷᠤᠨᠤᠷᠴᠢᠨ ᠠᠬᠤᠢ ᠶᠡᠬᠡᠪᠡᠷ ᠮᠠᠭᠤᠳᠠᠭᠰᠠᠨ ᠭᠡᠳᠡᠭ ᠢ ᠰᠤᠨᠤᠰᠤᠭᠰᠠᠨ᠃ ᠤᠳᠤ ᠪᠤᠯ ᠴᠠᠭᠠᠨᠨᠠᠭᠤᠷᠢ 108.09 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷᠤᠨ ᠬᠠᠮᠠᠭᠠᠯᠠᠨ ᠰᠡᠷᠭᠦᠭᠡᠬᠦ ᠣᠷᠣᠨ᠂ 342.17 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠤᠨ ᠭᠠᠵᠠᠷ ᠳᠣᠣᠷᠠᠬᠢ ᠤᠰᠤᠶᠢ ᠬᠡᠲᠦᠷᠡᠲᠡᠯᠡ ᠲᠠᠲᠠᠬᠤᠶᠢ ᠵᠠᠰᠠᠬᠤ ᠣᠷᠣᠨ᠂ 4434.74 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷᠤᠨ ᠨᠤᠭᠤ ᠭᠠᠵᠠᠷᠢ ᠬᠠᠮᠠᠭᠠᠯᠠᠬᠤ ᠣᠷᠣᠨ ᠭᠡᠬᠦ 3 ᠣᠷᠣᠨ ᠪᠦᠰᠡ ᠬᠤᠪᠢᠶᠠᠵᠤ ᠬᠠᠮᠠᠭᠠᠯᠠᠭᠰᠠᠨ ᠵᠢᠡᠷ ᠳᠤᠷᠠ ᠲᠠᠪᠠᠪᠡᠷᠵᠢᠡᠨ ᠤᠰᠤ ᠲᠠᠲᠠᠵᠤ ᠬᠡᠷᠡᠭᠯᠡᠬᠦ᠂ ᠭᠡᠳᠦᠷᠠᠳᠠᠯᠠ ᠮᠠᠯᠵᠢᠵᠤ ᠭᠡᠳᠦᠷᠠᠳᠠᠯᠠ ᠲᠠᠷᠢᠶᠠᠯᠠᠬᠤ᠂ ᠵᠢᠭᠠᠰᠤ ᠬᠦᠬᠢᠳᠡᠬᠦ ᠦᠵᠡᠭᠳᠡᠯ ᠦᠭᠡᠢ ᠪᠤᠯᠤᠭᠰᠠᠨ ᠰᠢᠦ᠃ ᠲᠡᠭᠡᠭᠡᠳ ᠯᠡ ᠥᠨᠥᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠰᠤ ᠨᠢ ᠡᠯᠪᠡᠭ᠂ ᠨᠠᠭᠤᠷ ᠨᠢ ᠲᠤᠩᠭᠠᠯᠠᠭ᠂ ᠰᠢᠪᠠᠭᠤᠳ ᠨᠢ ᠥᠶᠥᠭ ᠦᠵᠡᠭᠳᠡᠯ ᠲᠠᠢ ᠪᠤᠯᠤᠭᠰᠠᠨ ᠪᠢᠯᠡ ᠬᠡᠮᠡᠨ ᠲᠡᠷᠡ ᠤᠴᠢᠷᠯᠠᠨᠠ᠃
ᠯᠢᠦ ᠡᠾᠸᠩ ᠢᠦᠢ ᠰᠢᠪᠠᠭᠤᠨᠤ ᠲᠥᠷᠥᠯ᠂ ᠡᠪᠡᠰᠦᠨᠤ ᠲᠥᠷᠥᠯᠢ ᠲᠤᠳᠤᠷᠬᠠᠢ ᠮᠡᠳᠡᠬᠦᠪᠡᠷ ᠪᠠᠷᠠᠬᠤ ᠦᠭᠡᠢ ᠠᠯᠢ ᠲᠥᠷᠥᠯᠤᠨ ᠰᠢᠪᠠᠭᠤ ᠨᠢ ᠠᠯᠢ ᠵᠢᠯ ᠢᠷᠡᠬᠦ ᠪᠤᠯᠤᠭᠰᠠᠨ᠂ ᠬᠡᠵᠢᠶᠡ ᠪᠤᠴᠠᠳᠠᠭ᠂ ᠠᠯᠢ ᠲᠥᠷᠥᠯᠤᠨ ᠰᠢᠪᠠᠭᠤ ᠨᠢ ᠬᠦᠮᠦᠨᠡᠴᠡ ᠠᠶᠤᠳᠠᠭ ᠵᠡᠷᠭᠡᠵᠢ ᠠᠨᠳᠠᠬᠤ ᠦᠭᠡᠢ ᠮᠡᠳᠡᠬᠦ ᠨᠢ ᠭᠠᠢᠬᠠᠯᠲᠠᠢ!
— ᠨᠠᠭᠤᠷᠤᠨ ᠤᠰᠤ ᠰᠠᠢᠨ ᠡᠰᠡᠬᠦᠵᠢ ᠰᠢᠪᠠᠭᠤ ᠯᠠ ᠮᠡᠳᠡᠨᠡ ᠰᠢᠦ᠂ ᠰᠢᠪᠠᠭᠤᠨᠤ ᠲᠥᠷᠥᠯ ᠪᠠ ᠲᠤᠭᠠ ᠨᠡᠮᠡᠭᠳᠡᠵᠦ ᠯᠡ ᠪᠠᠢᠪᠠᠯ ᠤᠰᠤᠨᠤ ᠴᠢᠨᠠᠷ ᠰᠠᠢᠨ ᠪᠤᠯᠵᠤ ᠯᠠ ᠪᠠᠢᠨᠠ ᠭᠡᠰᠡᠨ ᠦᠭᠡ᠃ ᠮᠠᠨᠤ ᠲᠡᠮᠳᠡᠭᠯᠡᠯᠢ ᠦᠨᠳᠦᠰᠦᠯᠡᠪᠡᠯ 2020 ᠣᠨᠳᠤ ᠨᠠᠭᠤᠷᠤᠨ ᠰᠢᠪᠠᠭᠤᠨᠤ ᠲᠥᠷᠥᠯ ᠮᠠᠰᠢ ᠴᠥᠬᠡᠨ᠂ ᠵᠥᠪᠬᠡᠨ 12 ᠵᠦᠢᠯ᠂ 27 ᠢᠵᠠᠭᠤᠷ᠂ 79 ᠲᠥᠷᠥᠯᠦᠨ ᠰᠢᠪᠠᠭᠤ ᠲᠠᠢ ᠪᠠᠢᠭᠰᠠᠨ᠃ ᠣᠳᠣᠬᠠᠨᠳᠤ ᠰᠢᠪᠠᠭᠤᠨᠤ ᠲᠥᠷᠥᠯ ᠵᠦᠢᠯ ᠤᠯᠠᠰᠢᠷᠠᠵᠤ᠂ 20 ᠵᠦᠢᠯ᠂ 44 ᠢᠵᠠᠭᠤᠷ᠂ 202 ᠲᠥᠷᠥᠯᠳᠦ ᠬᠦᠷᠴᠦ᠂ ᠲᠣᠭᠠ ᠬᠡᠮᠵᠢᠶᠡ ᠨᠢ ᠳᠠᠬᠢᠨᠢᠶᠠᠷ ᠨᠡᠮᠡᠭᠳᠡᠪᠡ᠃ ᠡᠭᠦᠨᠤ ᠳᠤᠮᠳᠠ ᠤᠯᠤᠰᠤᠨ ᠲᠠᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠰᠢᠪᠠᠭᠤᠨᠤ ᠲᠥᠷᠥᠯᠦᠨ ᠲᠤᠭᠠᠴᠤ ᠤᠯᠠᠰᠢᠷᠠᠵᠤ᠂ ᠣᠲᠤᠬᠠᠨᠳᠦ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠲᠠᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠮᠢᠲᠠᠨ 12 ᠵᠦᠢᠯ᠂ ᠤᠯᠤᠰᠤᠨ ᠬᠤᠶᠠᠳᠤᠭᠠᠷ ᠲᠠᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠮᠢᠲᠠᠨ 39 ᠵᠦᠢᠯ ᠪᠠᠢᠨᠠ ᠭᠡᠵᠦ ᠲᠡᠷᠡ ᠲᠤᠭᠠ ᠪᠠᠷᠢᠮᠲᠠ ᠲᠠᠢ ᠲᠤᠭᠠᠴᠢᠨᠠ᠃
ᠬᠤᠷᠠ ᠳᠤᠨᠲᠠᠰᠤ ᠠᠷᠪᠢᠨ ᠪᠤᠯ ᠨᠠᠭᠤᠷᠤᠨ ᠤᠰᠤᠨ ᠲᠥᠪᠰᠢᠨ ᠳᠡᠭᠡᠭᠰᠢᠯᠡᠵᠤ᠂ ᠤᠰᠤᠨᠤ ᠴᠢᠨᠠᠷ ᠰᠠᠢᠵᠢᠷᠠᠨᠠ ᠬᠡᠮᠡᠨ ᠯᠢᠦ ᠡᠾᠸᠩ ᠢᠦᠢ ᠬᠤᠪᠢᠳᠠᠭᠠᠨ ᠦᠵᠡᠳᠡᠭ᠃ 2020 ᠣᠨᠤ ᠦᠶᠡᠪᠡᠷ ᠴᠠᠭᠠᠨᠨᠠᠭᠤᠷᠤᠨ ᠤᠰᠤᠨ ᠭᠠᠳᠠᠷᠭᠤᠵᠢᠨ ᠲᠠᠯᠠᠪᠠᠢ ᠨᠢ 2 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ ᠬᠦᠷᠬᠦ ᠦᠭᠡᠢ ᠪᠠᠢᠵᠠᠢ᠃ 2026 ᠣᠨᠤ 10 ᠰᠠᠷᠠᠶᠢᠨ 1ᠦ ᠡᠳᠦᠷᠤᠨ ᠪᠠᠢᠴᠠᠭᠠᠯᠲᠠᠵᠢ ᠦᠨᠳᠦᠰᠦᠯᠡᠪᠡᠯ᠂ ᠨᠠᠭᠤᠷ ᠤᠨ ᠲᠠᠯᠠᠪᠠᠶ ᠨᠢ 76.9 ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠣᠮᠧᠲᠷ᠂ ᠳᠤᠮᠳᠠᠴᠢ ᠤᠰᠤᠨᠤ ᠭᠦᠨ ᠨᠢ 1.5 ᠮᠧᠲᠷᠲᠦ ᠬᠦᠷᠦᠭᠰᠡᠨᠢ ᠲᠡᠷᠡ ᠲᠡᠮᠳᠡᠭᠯᠡᠯ ᠳᠡᠭᠡᠷᠡᠪᠡᠨ ᠨᠢᠭᠡᠳ ᠨᠢᠭᠡᠪᠡᠷ ᠲᠡᠮᠳᠡᠭᠯᠡᠭᠰᠡᠨ ᠪᠠᠢᠯᠠ᠃ ᠡᠭᠦᠨᠦ ᠬᠠᠮᠲᠤ ᠲᠡᠷᠡᠪᠡᠷ 2026 ᠣᠨᠳᠤ ᠴᠠᠭᠠᠨᠨᠠᠭᠤᠷᠲᠦ ᠥᠯᠢᠭ ᠬᠠᠮᠠᠷᠲᠤ ᠬᠤᠨ ᠭᠠᠯᠠᠭᠤ᠂ ᠴᠠᠬᠢᠷ ᠨᠤᠭᠤᠰᠤ᠂ ᠠᠯᠠᠭ ᠲᠣᠯᠣᠭᠠᠢᠲᠤ ᠡᠯᠡᠰᠦᠨ ᠨᠤᠭᠤᠰᠤ᠂ ᠴᠠᠭᠠᠨ ᠬᠥᠮᠥᠰᠬᠡᠲᠦ ᠨᠤᠭᠤᠰᠤ᠂ ᠠᠯᠠᠭ ᠬᠠᠴᠠᠷᠲᠤ ᠨᠤᠭᠤᠰᠤ ᠵᠡᠷᠭᠡ ᠣᠯᠠᠨ ᠵᠦᠢᠯᠦᠨ ᠰᠢᠪᠠᠭᠤ ᠠᠩᠬᠠ ᠤᠳᠠᠭᠠ ᠢᠯᠡᠷᠡᠭᠰᠡᠨᠢ ᠡᠳᠦᠷ ᠰᠠᠷᠠ ᠲᠠᠢ ᠨᠢ ᠲᠡᠮᠳᠡᠭᠯᠡᠵᠡᠢ᠃ ᠲᠡᠷᠡ ᠪᠡᠷ ᠳᠣᠷᠣᠨᠠᠳᠠᠬᠢᠨᠤ ᠴᠠᠭᠠᠨ ᠥᠷᠪᠢ᠂ ᠬᠠᠷᠠ ᠥᠷᠪᠢ ᠵᠡᠷᠭᠡ ᠤᠯᠤᠰᠤᠨ ᠨᠢᠭᠡᠳᠦᠭᠡᠷ ᠳᠡᠰᠤᠨ ᠬᠠᠮᠠᠭᠠᠯᠠᠯᠲᠠᠶᠢᠨ ᠠᠮᠢᠲᠠᠨ ᠨᠢᠭᠡᠨᠲᠡ 6 ᠰᠠᠷᠠ ᠦᠷᠭᠦᠯᠵᠢᠯᠡᠨ ᠡᠨᠳᠡ ᠬᠥᠯ ᠲᠣᠭᠲᠠᠵᠤ ᠪᠠᠢᠭᠠᠳᠦ ᠰᠡᠳᠬᠢᠯ ᠳᠤᠭᠳᠤᠯᠤᠨᠠ᠃
ᠨᠡᠭᠦᠳᠡᠯᠤᠨ ᠤᠯᠠᠷᠢᠯ ᠤᠢᠷᠠᠳᠬᠤ ᠳᠤᠰᠤᠮ ᠨᠠᠭᠤᠷᠤᠨ ᠬᠥᠪᠡᠭᠡᠨᠤ ᠡᠪᠡᠰᠦᠨ ᠳᠤᠯᠤᠭᠠᠳᠤᠨ ᠨᠠᠬᠢᠯᠵᠠᠨ ᠪᠥᠭᠥᠯᠵᠡᠬᠦ ᠨᠢ ᠬᠦᠷᠲᠡᠯᠡ ᠲᠡᠢᠮᠦ ᠯᠡ ᠭᠤᠨᠢᠭᠲᠠᠢ ᠰᠠᠨᠠᠭᠳᠠᠳᠠᠭ ᠳᠠ᠃ ᠭᠡᠬᠦᠳᠦ ᠨᠢᠳᠤᠨᠤᠨ ᠡᠪᠦᠯ ᠴᠠᠭᠠᠨᠨᠠᠭᠤᠷᠤᠨ ᠨᠢᠭᠡ ᠬᠡᠰᠡᠭ ᠨᠢ ᠬᠥᠯᠳᠡᠭᠰᠡᠨ ᠦᠭᠡᠢᠡᠴᠡ ᠨᠡᠭᠦᠳᠡᠯᠯᠡᠬᠦ ᠤᠯᠠᠷᠢᠯ ᠬᠦᠷᠴᠦ ᠢᠷᠡᠭᠰᠡᠨᠴᠤ ᠬᠡᠰᠡᠭ ᠰᠢᠪᠠᠭᠤᠳ ᠪᠤᠴᠠᠭᠰᠠᠨ ᠦᠭᠡᠢ ᠦᠵᠡᠭᠳᠡᠯ ᠭᠠᠷᠤᠭᠰᠠᠨ ᠨᠢᠯᠢᠦ ᠡᠾᠸᠩ ᠢᠦᠢᠳᠦ ᠮᠠᠰᠢ ᠰᠤᠨᠢᠷᠬᠠᠯᠲᠠᠢ ᠰᠠᠨᠠᠭᠳᠠᠵᠠᠢ᠃ ᠲᠡᠷᠡ ᠡᠨᠡ ᠵᠢᠯ ᠪᠠᠰᠠ ᠡᠢᠮᠦᠷᠬᠦᠦ ᠦᠵᠡᠭᠳᠡᠯ ᠭᠠᠷᠳᠠᠭ ᠪᠤᠯᠪᠠᠤ ᠬᠡᠮᠡᠨ ᠬᠥᠭᠰᠡᠨ ᠬᠦᠯᠢᠶᠡᠵᠦ ᠪᠠᠢᠯᠠ᠃
ᠴᠠᠭᠠᠨᠨᠠᠭᠤᠷᠵᠢᠡᠨ ᠴᠠᠭᠳᠠᠵᠤ ᠬᠠᠮᠠᠭᠠᠯᠠᠨᠠ — ᠬᠤᠶᠠᠷ ᠠᠵᠢᠯᠴᠢᠨᠤ ᠭᠤᠶᠠᠴᠢ ᠦᠭᠡᠢ ᠰᠡᠳᠬᠢᠯ
ᠯᠢ ᠱᠦ᠍ ᠸᠸᠨ ᠡᠨᠡ ᠵᠢᠯ ᠵᠢᠷᠠᠨ ᠨᠠᠰᠤᠵᠢ ᠵᠤᠭᠤᠭᠯᠠᠵᠤ ᠶᠠᠪᠤᠭᠠ᠂ ᠲᠡᠷᠡ ᠪᠤᠯ ᠱᠠᠩᠳᠤᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠯᠤᠰᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ 22 ᠲᠤᠭᠤᠷᠢᠨ ᠬᠠᠮᠠᠭᠠᠯᠠᠭᠴᠢᠵᠢᠨ ᠨᠢᠭᠡ᠂ ᠡᠨᠡᠬᠦ ᠠᠵᠢᠯᠢ ᠬᠠᠷᠢᠭᠤᠴᠠᠭᠠᠳ ᠳᠦᠷᠪᠡᠨ ᠵᠢᠯᠤᠨ ᠨᠢᠭᠤᠷᠢ ᠦᠵᠡᠬᠦ ᠭᠡᠵᠦ ᠪᠠᠢᠭᠠ ᠠᠵᠢ᠃ ᠲᠡᠭᠦᠨᠤ ᠵᠢᠯᠤᠨ ᠳᠦᠷᠪᠡᠨ ᠤᠯᠠᠷᠢᠯᠳᠦ ᠴᠡᠪᠡᠷᠯᠡᠭᠴᠢᠵᠢᠨ ᠰᠢᠷᠠ ᠬᠤᠪᠴᠠᠰᠤᠪᠡᠨ ᠡᠮᠦᠰᠴᠦ᠂ ᠪᠠᠭᠠᠵᠢᠪᠡᠨ ᠳᠡᠭᠦᠵᠢᠯᠡᠭᠰᠡᠭᠡᠷ ᠶᠠᠪᠤᠭᠠ ᠪᠠᠷᠠ ᠨᠢ ᠴᠠᠭᠠᠨᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠪᠠᠰᠠ ᠨᠢᠭᠡᠨ ᠦᠵᠡᠮᠵᠢ ᠪᠤᠯᠵᠠᠢ᠃

ᠡᠳᠦᠷᠲᠦ 3 ᠺᠢᠯᠤᠮᠸᠲᠷ ᠵᠠᠢ ᠲᠠᠢ ᠭᠠᠰᠢᠭᠤᠨ ᠤᠰᠦ᠍ ᠲᠤᠰᠬᠤᠨᠡᠴᠡ ᠨᠠᠭᠤᠷᠤᠨ ᠬᠥᠪᠡᠭᠡᠨᠳᠦ ᠢᠷᠡᠵᠦ᠂ ᠭᠠᠯᠤᠨ ᠠᠶᠤᠯ ᠭᠠᠷᠬᠤ ᠳᠦᠭᠰᠢᠭᠦᠷᠢ ᠪᠠᠢᠬᠤ ᠡᠰᠡᠬᠦᠵᠢ ᠴᠠᠭᠳᠠᠨ ᠪᠠᠢᠴᠠᠭᠠᠬᠤ᠂ ᠠᠷᠢᠭᠤᠨ ᠴᠡᠪᠡᠷᠢ ᠪᠠᠲᠤᠯᠠᠬᠤ᠂ ᠵᠢᠭᠤᠯᠴᠢᠯᠠᠭᠰᠠᠳᠲᠦ ᠭᠠᠯᠤᠨ ᠠᠶᠤᠯᠡᠴᠡ ᠰᠡᠷᠭᠡᠢᠯᠡᠬᠦ᠂ ᠬᠤᠭ ᠨᠤᠪᠰᠢᠪᠡᠨ ᠳᠤᠷᠠᠪᠡᠷ ᠬᠠᠶᠠᠵᠤ ᠪᠤᠯᠬᠤ ᠦᠭᠡᠢ ᠲᠤᠬᠠᠢ ᠰᠡᠷᠡᠮᠵᠢᠯᠡᠭᠦᠯᠬᠦ ᠪᠤᠯ ᠲᠡᠭᠦᠨᠤ ᠡᠳᠦᠷ ᠲᠤᠳᠤᠮᠤᠨ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠠᠵᠢᠯ ᠪᠢᠯᠡ᠃ ᠲᠡᠭᠦᠨᠤ ᠡᠷᠭᠢᠴᠡᠭᠦᠯᠦᠯᠵᠢᠡᠷ ᠡᠨᠳᠡᠬᠢ ᠨᠠᠭᠤᠷᠤᠨ ᠤᠰᠤ ᠬᠤᠵᠢᠷᠰᠢᠬᠰᠠᠨ ᠦᠶᠡᠳᠦ ᠰᠢᠪᠠᠭᠤᠨᠤ ᠪᠠᠷᠠᠵᠢ ᠪᠦᠦ ᠬᠡᠯᠡ᠂ ᠬᠦᠮᠦᠨᠤ ᠪᠠᠷᠠᠴᠤ ᠴᠥᠬᠡᠨ ᠪᠠᠢᠭᠰᠠᠨ᠃ ᠰᠠᠯᠬᠢ ᠰᠢᠷᠤᠢ ᠲᠡᠭᠳᠡᠬᠦ ᠦᠶᠡᠳᠦ ᠨᠢᠳᠦᠪᠡᠨ ᠨᠡᠭᠡᠭᠡᠬᠦᠵᠢᠨᠴᠤ ᠠᠷᠭᠠ ᠦᠭᠡᠢ᠂ ᠭᠡᠷᠲᠡᠭᠡᠨ ᠬᠠᠷᠢᠬᠤᠳᠦ ᠨᠢᠭᠤᠷ ᠴᠢᠬᠢ ᠪᠦᠷ ᠴᠠᠭᠠᠷᠠᠭᠰᠠᠨ ᠪᠠᠢᠳᠠᠭ ᠭᠡᠨᠡ᠃
— ᠠᠮᠢᠳᠤᠷᠠᠯᠤᠨ ᠡᠷᠬᠡᠪᠡᠷ ᠤᠯᠠᠨ ᠠᠵᠢᠯ ᠬᠢᠵᠦ ᠂ ᠥᠲᠡᠯᠬᠦ ᠵᠢᠨ ᠦᠵᠦᠭᠦᠷᠲᠦ ᠪᠡᠶᠡᠳᠡᠭᠡᠨ ᠠᠮᠠᠷ ᠠᠵᠢᠯ ᠬᠢᠬᠦ ᠪᠤᠳᠤᠯ ᠶᠡᠷᠦᠡᠴᠡᠪᠡᠨ ᠯᠠ ᠪᠠᠢᠭᠰᠠᠨ᠃ 2023 ᠤᠨᠳᠦ ᠴᠡᠴᠡᠷᠯᠢᠭ ᠠᠰᠢᠭᠯᠠᠯᠲᠠᠳᠦ ᠤᠷᠤᠬᠤᠳᠦ ᠴᠡᠪᠡᠷᠯᠡᠭᠴᠢ ᠡᠯᠰᠡᠵᠦ ᠪᠠᠢᠬᠤ ᠴᠢᠮᠡᠭᠡᠪᠡᠷ ᠲᠤᠷᠰᠢᠵᠤ ᠦᠵᠡᠬᠦ ᠪᠤᠳᠤᠯ ᠲᠠᠢ ᠢᠷᠡᠵᠤ ᠠᠵᠢᠯᠯᠠᠭᠰᠠᠨ ᠪᠢᠯᠡ᠃ ᠬᠥᠨᠳᠥ ᠭᠡᠴᠡᠭᠦᠦ ᠠᠵᠢᠯ ᠬᠢᠵᠦ ᠶᠠᠪᠤᠭᠰᠠᠨ ᠥᠩᠭᠡᠷᠡᠭᠰᠡᠨᠤ ᠬᠠᠳᠠᠭᠤ ᠡᠳᠦᠷ ᠬᠤᠨᠤᠭᠤᠳ ᠵᠢᠡᠨ ᠪᠤᠳᠤᠬᠤᠳᠦ ᠰᠡᠳᠬᠢᠯ ᠬᠦᠨᠳᠦᠷᠡᠳᠡᠭ ᠴᠸ᠋ ᠠᠮᠢᠯᠠᠨ ᠰᠡᠷᠭᠦᠵᠦ ᠪᠠᠢᠭᠠ ᠨᠠᠭᠤᠷᠵᠢᠡᠨ ᠦᠵᠡᠬᠦ ᠪᠠᠷ ᠯᠡ ᠰᠡᠳᠬᠢᠯ ᠰᠡᠷᠭᠦᠳᠡᠭ ᠰᠢᠦ ᠬᠡᠮᠡᠨ ᠲᠡᠷᠡ ᠰᠡᠳᠬᠢᠯ ᠬᠠᠩᠬᠤᠯᠤᠭᠤᠨ ᠶᠠᠷᠢᠵᠤ ᠪᠠᠢᠯᠠ᠃
ᠯᠢ ᠱᠦ᠍ ᠸᠸᠨ ᠡᠬᠡᠨᠡᠷ ᠲᠠᠢᠪᠡᠨ ᠴᠦᠮ ᠥᠨᠳᠥᠷ ᠳᠤᠮᠳᠠᠳᠤᠲᠡᠭᠦᠰᠴᠡᠢ᠂ ᠮᠡᠳᠡᠯᠭᠡᠵᠢᠨ ᠬᠡᠮᠵᠢᠶᠡᠨᠳᠡᠭᠡᠨ ᠲᠦᠰᠢᠭᠯᠡᠨ 2000 – 2017 ᠤᠨ ᠬᠦᠷᠲᠡᠯᠡ ᠰᠤᠷᠭᠠᠭᠤᠯᠢᠵᠢᠨ ᠨᠠᠰᠤᠨᠡᠴᠡ ᠡᠮᠦᠨᠡᠬᠢ ᠨᠠᠰᠤᠨᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭ ᠪᠠᠢᠭᠤᠯᠤᠭᠰᠠᠨ ᠥᠩᠭᠡᠷᠡᠯᠲᠡ ᠲᠠᠢ᠃ ᠭᠡᠬᠦᠳᠡᠭᠡᠨ ᠰᠡᠭᠦᠯᠤᠨ ᠦᠶᠡᠳᠦ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭ ᠪᠠᠢᠭᠤᠯᠬᠤ ᠨᠥᠬᠥᠴᠡᠯ ᠴᠢᠩᠭᠠ᠂ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠲᠦ ᠰᠠᠭᠤᠬᠤ ᠬᠡᠦᠬᠡᠳ ᠴᠥᠭᠡᠷᠡᠭᠰᠡᠨ ᠵᠡᠷᠭᠡ ᠡᠯᠡ ᠵᠦᠢᠯᠤᠨ ᠰᠢᠯᠲᠠᠭᠠᠨᠡᠴᠡ ᠪᠤᠯᠵᠤ ᠬᠡᠦᠬᠡᠳᠤᠨ ᠴᠡᠴᠡᠷᠯᠢᠭᠵᠢᠡᠨ ᠠᠷᠭᠠ ᠪᠤᠰᠤ ᠬᠠᠭᠠᠭᠰᠠᠨ ᠭᠡᠳᠡᠭ᠃ ᠰᠤᠷᠭᠠᠭᠤᠯᠢᠳᠦ ᠰᠠᠭᠤᠬᠤ ᠬᠡᠦᠬᠡᠳ ᠴᠥᠭᠡᠷᠡᠭᠰᠡᠨ ᠲᠤᠬᠠᠢᠪᠡᠨ ᠶᠡᠷᠢᠬᠤᠳᠠᠭᠠᠨ ᠲᠡᠷᠡ᠄《ᠲᠤᠰᠬᠤᠨᠤ ᠪᠠᠢᠩᠭᠤ ᠰᠠᠭᠤᠭᠠ ᠬᠦᠮᠦᠨ ᠠᠮᠠ ᠴᠥᠬᠡᠨ᠂ ᠨᠥᠬᠥᠴᠡᠯ ᠲᠠᠢ ᠪᠤᠯ ᠬᠡᠦᠬᠡᠳᠵᠢᠡᠨ ᠭᠠᠳᠠᠭᠰᠢ ᠰᠤᠷᠭᠠᠭᠤᠯᠢᠳᠦ ᠶᠠᠪᠤᠭᠤᠯᠬᠤ ᠨᠢ ᠤᠯᠠᠰᠢᠷᠠᠭᠰᠠᠨ》ᠭᠡᠵᠦ ᠪᠠᠢᠯᠠ᠃ ᠯᠢ ᠱᠦ᠍ ᠸᠸᠨ᠄《ᠨᠠᠰᠤᠨᠤ ᠨᠠᠮᠤᠷ ᠢᠷᠡᠬᠦ ᠦᠶᠡᠪᠡᠷ ᠡᠬᠡᠨᠡᠷ ᠲᠠᠢᠪᠡᠨ ᠨᠤᠲᠤᠭ ᠤᠰᠤᠪᠡᠨ ᠪᠥᠲᠥᠭᠡᠨ ᠪᠠᠢᠭᠤᠯᠬᠤ ᠠᠵᠢᠯᠳᠦ ᠤᠷᠤᠯᠴᠠᠬᠤᠵᠢᠨ ᠳᠠᠭᠠᠤ ᠬᠥᠯᠥᠰᠥ ᠤᠯᠭᠤᠮᠵᠢ ᠤᠯᠬᠤ ᠨᠢ ᠡᠩ ᠦᠭᠡᠢ ᠶᠡᠬᠡ ᠵᠢᠷᠭᠠᠯ ᠡ》 ᠭᠡᠮᠡᠨ ᠬᠡᠯᠡᠵᠦ ᠪᠠᠢᠯᠠ᠃
ᠵᠠᠩ ᠶᠦᠨ ᠰᠢᠶᠠᠩ ᠪᠤᠯ《ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠥᠭᠡᠷᠡᠴᠢᠯᠡᠯᠲᠡ》ᠵᠢ ᠥᠪᠡᠷᠤᠨ ᠲᠠᠷᠢᠶᠠᠨᠳᠠᠭᠠᠨ ᠪᠡᠶᠡᠯᠡᠭᠦᠯᠦᠭᠰᠡᠨ ᠭᠠᠰᠢᠭᠤᠨ ᠤᠰᠤ ᠲᠤᠰᠬᠤᠨᠤ ᠲᠠᠷᠢᠶᠠᠴᠢᠨ᠂ ᠱᠠᠩᠳᠤᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠯᠤᠰᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠴᠡᠪᠡᠷᠯᠡᠭᠴᠢᠵᠢᠨ ᠠᠵᠢᠯᠢ ᠬᠠᠷᠢᠭᠤᠴᠠᠵᠤ ᠪᠠᠢᠭᠠ ᠠᠵᠢᠯᠴᠢᠨ᠃
ᠱᠠᠩᠳᠤ ᠰᠢᠶᠠᠨ ᠤᠳᠤᠬᠠᠨᠳᠦ 14.3 ᠲᠦᠮᠡᠨ ᠮᠦ᠍ᠵᠢᠨ《ᠤᠰᠤᠨ ᠠᠰᠢᠭ᠍ᠯᠠᠯᠲᠠᠶᠢᠨ ᠥᠭᠡᠷᠡᠴᠢᠯᠡᠯᠲᠡ》ᠵᠢ ᠪᠡᠶᠡᠯᠡᠭᠦᠯᠵᠠᠢ᠃ ᠬᠠᠵᠠᠭᠤ ᠬᠠᠪᠢᠳᠡᠬᠢ ᠲᠤᠰᠬᠤᠨᠤ ᠠᠷᠠᠳᠵᠢᠡᠨ ᠳᠠᠢᠴᠢᠯᠠᠨ ᠴᠠᠭᠠᠨᠨᠠᠭᠤᠷᠤᠨ ᠤᠰᠤᠵᠢ ᠶᠡᠬᠡᠪᠡᠷ ᠬᠣᠷᠣᠭᠳᠠᠭᠤᠯᠬᠤ ᠲᠠᠷᠢᠮᠠᠯᠢ 20 ᠲᠦᠮᠡᠨ ᠮᠦ᠍ ᠪᠠᠭᠠᠰᠬᠠᠵᠤ᠂ ᠤᠰᠤ ᠪᠠᠭᠠ ᠬᠣᠷᠣᠭᠳᠠᠭᠤᠯᠬᠤ ᠭᠠᠩᠳᠤ ᠲᠡᠰᠪᠦᠷᠢᠲᠡᠢ ᠲᠠᠷᠢᠮᠠᠯᠢ 24 ᠲᠦᠮᠡᠨ ᠮᠦ᠍ ᠥᠷᠭᠡᠳᠬᠡᠵᠦ᠂ ᠬᠠᠭᠤᠷᠠᠢ ᠲᠠᠷᠢᠶᠠᠯᠠᠩᠢ 100 ᠲᠦᠮᠡᠨ ᠮᠦ᠍ ᠪᠤᠢᠵᠢᠭᠤᠯᠵᠠᠢ᠃ ᠡᠭᠦᠨᠳᠦ ᠵᠠᠩ ᠶᠦᠨ ᠰᠢᠶᠠᠩᠤᠨ ᠬᠢᠴᠤ ᠪᠠᠭᠲᠠᠭᠰᠠᠨ ᠪᠠᠢᠨᠠ᠃ ᠲᠡᠷᠡ ᠪᠡᠷ ᠬᠤᠶᠠᠷ ᠬᠡᠦᠬᠡᠳ ᠲᠠᠢ᠂ ᠦᠬᠢᠨ ᠨᠢ ᠤᠷᠤᠨᠤ ᠲᠥᠪ ᠬᠦᠬᠡᠬᠤᠲᠠᠳᠦ ᠠᠵᠢᠯ ᠦᠢᠯᠡᠰᠵᠢᠡᠨ ᠪᠤᠰᠬᠠᠵᠤ᠂ ᠬᠦᠦ ᠨᠢ ᠲᠤᠬᠠᠢᠵᠢᠨ ᠭᠠᠵᠠᠷᠲᠠᠭᠠᠨ ᠰᠤᠷᠤᠯᠭᠠ ᠰᠤᠶᠤᠯᠤᠨ ᠮᠥᠷ ᠬᠥᠭᠡᠭᠡᠵᠦ ᠪᠠᠢᠭᠠ ᠠᠵᠢ᠃
— ᠮᠠᠨᠤ ᠬᠢ 100 ᠢᠯᠡᠭᠦᠦ ᠮᠦ᠍ ᠭᠠᠵᠠᠷᠲᠠᠢ᠂ 2020 ᠤᠨᠡᠴᠡ ᠬᠤᠢᠰᠢ ᠰᠢᠶᠠᠨᠤ ᠲᠥᠷᠥᠵᠢᠨ ᠪᠤᠳᠤᠯᠭᠠᠵᠢ ᠴᠤᠤᠷᠢᠶᠠᠳᠤᠨ ᠲᠠᠷᠢᠮᠠᠯᠤᠨ ᠪᠥᠲᠥᠴᠡᠳᠡᠭᠡᠨ ᠥᠭᠡᠷᠡᠴᠢᠯᠡᠯᠲᠡ ᠬᠢᠵᠡᠢ᠃ ᠤᠳᠤᠬᠠᠨᠳᠦ ᠤᠰᠤᠨᠤ ᠠᠰᠢᠭᠯᠠᠯᠲᠠᠪᠡᠷ ᠪᠠᠭᠠ ᠪᠤᠭᠤᠳᠠᠢ ᠲᠠᠷᠢᠵᠤ ᠪᠠᠢᠭᠠ ᠪᠢᠯᠡ᠃ ᠲᠤᠬᠠᠢᠵᠢᠨ ᠦᠶᠡᠳᠦ ᠥᠭᠡᠷᠡᠴᠢᠯᠡᠯᠲᠡᠵᠢᠨ ᠲᠤᠬᠠᠢ ᠪᠠᠭᠠ ᠰᠠᠭᠠ ᠤᠢᠯᠠᠭᠠᠯᠲᠠ ᠲᠠᠢ ᠪᠠᠢᠭᠰᠠᠨ᠂ ᠠᠮᠢ ᠠᠬᠤᠢᠪᠡᠨ ᠰᠡᠷᠭᠦᠭᠡᠬᠦᠵᠢᠨ ᠲᠥᠯᠥᠭᠡ ᠲᠤᠷᠰᠢᠵᠤ ᠦᠵᠡᠭᠰᠡᠨ ᠰᠢᠦ᠃ ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦᠡᠴᠡ ᠡᠮᠦᠨᠡ ᠨᠢᠭᠡ ᠮᠦ᠍ᠳᠦ 200 ᠲᠥᠭᠥᠷᠢᠭᠤᠨ ᠨᠥᠬᠥᠪᠥᠷᠢ ᠲᠠᠢ᠂ 135 ᠮᠦ᠍ ᠭᠠᠵᠠᠷᠲᠠᠭᠠᠨ 27000 ᠲᠥᠭᠥᠷᠢᠭᠤᠨ ᠤᠷᠤᠯᠭᠠ ᠤᠯᠳᠠᠭ ᠪᠠᠢᠭᠰᠠᠨ᠃ ᠥᠭᠡᠷᠡᠴᠢᠯᠡᠯᠲᠡ ᠬᠢᠭᠰᠡᠨᠤ ᠳᠠᠷᠠᠭᠠ ᠨᠥᠬᠥᠪᠥᠷᠢᠵᠢᠨ ᠲᠤᠭᠠ ᠬᠤᠪᠢᠷᠠᠯᠲᠠ ᠦᠭᠡᠢ᠂ ᠡᠭᠦᠨᠤᠪᠡᠨ ᠳᠡᠭᠡᠷᠡᠪᠡᠨ ᠴᠡᠴᠡᠷᠯᠢᠭ ᠴᠡᠪᠡᠷᠯᠡᠬᠦ ᠠᠵᠢᠯᠬᠢᠵᠦ ᠲᠥᠮᠡᠨ ᠲᠥᠭᠥᠷᠢᠭᠤᠨ ᠤᠷᠤᠯᠭᠠ ᠢᠯᠡᠭᠦᠦ ᠤᠯᠬᠤ ᠪᠤᠯᠤᠭᠰᠠᠨ᠃ ᠡᠨᠡ ᠨᠢ ᠮᠠᠨᠤ ᠭᠡᠷᠤᠨ ᠳᠦᠷᠪᠡᠨ ᠬᠦᠮᠦᠨᠳᠦ ᠪᠠᠭᠠ ᠦᠭᠡᠢ ᠲᠤᠰᠠ ᠬᠦᠷᠭᠡᠭᠰᠡᠨ ᠭᠡᠵᠦ ᠲᠡᠷᠡ ᠮᠠᠰᠢ ᠬᠠᠨᠤᠮᠵᠢᠲᠠᠢ ᠶᠠᠷᠢᠵᠤ ᠪᠠᠢᠯᠠ᠃
ᠴᠠᠭᠠᠨᠨᠠᠭᠤᠷ ᠢᠩᠭᠢᠵᠦ ᠯᠡ ᠨᠤᠲᠤᠭᠤᠨ ᠲᠥᠮᠡᠨᠳᠡᠭᠡᠨ ᠥᠭᠭᠥᠭᠡᠵᠢ ᠲᠠᠢ ᠵᠢᠷᠭᠠᠯᠤᠨ ᠨᠠᠭᠤᠷ ᠪᠤᠯᠵᠤ ᠳᠦᠯᠭᠡᠨ ᠳᠤᠯᠭᠢᠶᠠᠯᠠᠭᠰᠠᠭᠠᠷ ᠁
ᠴᠠᠭᠠᠠᠨᠠᠭᠤᠷᠵᠢᠡᠨ ᠰᠡᠷᠭᠦᠭᠡᠵᠦ ᠰᠠᠢᠵᠢᠷᠠᠭᠤᠯᠤᠨᠠ — ᠳ᠋ᠦᠩ ᠫᠸᠢᠵᠢᠨ ᠠᠵᠢᠯᠤᠨ ᠲᠡᠮᠡᠦᠯᠦᠯ
ᠱᠠᠩᠳᠤᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠯᠤᠰᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠴᠠᠭᠳᠠᠨ ᠪᠠᠢᠴᠠᠭᠠᠬᠤ ᠲᠥᠪᠤᠨ ᠠᠰᠠᠷ ᠴᠠᠭᠠᠨᠨᠠᠭᠤᠷᠡᠴᠡ ᠲᠡᠮᠡᠢᠴᠤ ᠬᠤᠯᠠ ᠦᠭᠡᠢ ᠪᠠᠢᠷᠢᠯᠠᠨᠠ᠃ ᠴᠠᠭᠳᠠᠨ ᠪᠠᠢᠴᠠᠭᠠᠬᠤ ᠲᠥᠪᠤᠨ ᠨᠢᠭᠡᠳᠦᠭᠡᠷ ᠳᠠᠪᠬᠤᠷᠭᠠᠳᠦ ᠳ᠋ᠦᠩ ᠫᠸᠢ ᠠᠯᠪᠠᠨ ᠮᠠᠲᠸᠷᠢᠶᠠᠯ ᠡᠷᠭᠢᠭᠦᠯᠦᠨ᠂ ᠤᠳᠠᠰᠤᠪᠡᠨ ᠲᠤᠰᠤᠨ ᠶᠠᠭᠠᠷᠠᠵᠤ ᠯᠠ ᠪᠠᠢᠯᠠ᠃ ᠠᠯᠪᠠᠨ ᠭᠡᠷᠤᠨ ᠬᠢᠨᠢ ᠴᠤᠩᠬᠤᠨᠤ ᠬᠠᠵᠠᠭᠤᠳᠦ ᠲᠠᠯᠪᠢᠭᠠᠰᠤᠳᠠᠢ ᠲᠤᠮᠤ ᠳᠤᠷᠠᠨᠵᠢᠡᠷ ᠭᠠᠳᠠᠭᠰᠢ ᠬᠠᠷᠠᠪᠠᠯ ᠨᠠᠭᠤᠷᠤᠨ ᠳᠡᠭᠡᠭᠦᠷ ᠬᠠᠯᠢᠨ ᠨᠢᠰᠬᠦ ᠰᠢᠪᠠᠭᠤᠳᠤᠨ ᠪᠠᠷᠠ ᠳᠤᠪ ᠲᠤᠳᠤᠬᠠᠨ᠃

ᠳ᠋ᠦᠩ ᠫᠸᠢ 2022 ᠣᠨᠤ ᠪᠦᠬᠦ ᠤᠯᠤᠰᠤᠨ 《ᠬᠠᠮᠤᠭᠤᠨ ᠭᠤᠶᠤ ᠴᠡᠷᠢᠭᠦᠨ ᠠᠯᠪᠠᠠᠴᠠ ᠬᠠᠯᠠᠭᠳᠠᠭᠰᠠᠳ》᠂ ᠪᠦᠬᠦ ᠤᠯᠤᠰᠤᠨ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠲᠤᠯᠬᠤ ᠲᠠᠢᠯᠠᠯᠳᠤᠭᠠᠨᠤ ᠲᠡᠷᠢᠭᠦᠨᠦ ᠬᠤᠪᠢ ᠬᠥᠮᠥᠨ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠡᠷᠢᠭᠦᠨᠦ ᠠᠵᠢᠯᠲᠠᠨᠤ ᠴᠤᠯᠠ ᠲᠠᠢ᠃ ᠬᠠᠷᠢᠨ ᠡᠳᠡᠭᠡᠷ ᠴᠤᠯᠠᠡᠴᠡ ᠢᠯᠡᠭᠦᠦ ᠲᠠᠢ ᠱᠠᠩᠳᠤᠵᠢᠨ ᠴᠠᠭᠠᠨᠨᠠᠭᠤᠷᠤᠨ ᠤᠯᠤᠰᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠡᠷᠬᠢᠯᠡᠭᠴᠢᠵᠢᠨ ᠬᠠᠷᠢᠭᠤᠴᠠᠯᠭᠠ ᠲᠡᠭᠦᠨᠳᠦ ᠨᠡᠩ ᠢᠯᠡᠭᠦᠦ ᠢᠷᠠᠭᠤ ᠠᠯᠳᠠᠷ ᠲᠠᠢ ᠰᠠᠨᠠᠭᠳᠠᠳᠠᠭ ᠪᠠᠢᠵᠠᠢ᠃ ᠲᠡᠷᠡ ᠬᠡᠳᠦᠢᠪᠡᠷ ᠡᠨᠳᠡᠬᠢ ᠠᠵᠢᠯᠤᠨ ᠡᠭᠦᠷᠭᠡᠵᠢ ᠬᠠᠷᠢᠭᠤᠴᠠᠭᠠᠳ ᠰᠠᠶᠢ ᠨᠢᠭᠡ ᠵᠢᠯᠤᠨ ᠨᠢᠭᠤᠷᠢ ᠦᠵᠡᠵᠦ ᠪᠠᠢᠭᠠ ᠪᠤᠯᠪᠠᠴᠤ ᠴᠠᠭᠠᠨᠨᠠᠭᠤᠷᠤᠨ ᠰᠢᠰᠲᠧᠮᠲᠦ ᠴᠢᠨᠠᠷᠲᠠᠢ ᠠᠮᠢ ᠠᠬᠤᠢᠶᠢᠨ ᠰᠡᠷᠭᠦᠭᠡᠯᠲᠡᠶᠢ ᠲᠦᠷᠦᠭᠦᠯᠡᠨ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠲᠣᠣᠷᠯᠠᠵᠤ ᠪᠢᠲᠡᠭᠦᠮᠵᠢᠯᠡᠨ ᠪᠣᠢᠵᠢᠭᠤᠯᠬᠤ᠂ ᠬᠤᠵᠢᠷᠯᠢᠭ᠋ ᠭᠠᠵᠠᠷᠤᠨ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡᠶᠢ ᠰᠡᠷᠭᠦᠭᠡᠬᠦ᠂ ᠠᠮᠢ ᠠᠬᠤᠢᠶᠢᠨ ᠤᠰᠤ ᠨᠥᠬᠥᠪᠦᠷᠢᠯᠡᠬᠦ ᠵᠡᠷᠭᠡ ᠢᠨᠵᠧᠨᠧᠷᠢᠩᠢ ᠠᠬᠢᠭᠤᠯᠬᠤ ᠠᠵᠢᠯᠳᠦ ᠭᠠᠷᠮᠠᠭᠠᠢᠯᠠᠨ ᠵᠢᠳᠬᠦᠭᠰᠡᠨ ᠪᠢᠯᠡ᠃
— ᠴᠠᠭᠠᠨᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷ ᠨᠢ ᠬᠣᠶᠠᠷ ᠮᠤᠵᠢ ᠣᠷᠣᠨ᠂ ᠭᠤᠷᠪᠠᠨ ᠠᠢᠮᠠᠭ ᠬᠣᠲᠠ᠂ ᠶᠢᠰᠦᠨ ᠬᠣᠰᠢᠭᠤ ᠰᠢᠶᠠᠨᠳᠤ ᠬᠣᠯᠪᠣᠭᠳᠠᠨᠠ᠃ ᠪᠢᠳᠡ ᠾᠧᠪᠧᠢ ᠮᠤᠵᠢᠶᠢᠨ ᠱᠠᠩ ᠢ ᠰᠢᠶᠠᠨᠲᠠᠢ ᠠᠵᠢᠯᠤᠨ ᠬᠠᠷᠢᠯᠴᠠᠭᠠ ᠬᠤᠯᠪᠤᠭᠠᠪᠡᠷ ᠮᠠᠰᠢ ᠨᠢᠭᠲᠠ᠃ ᠰᠠᠶᠢ ᠪᠠᠰᠠ ᠤᠳᠠᠰᠤ ᠢᠷᠡᠭᠡᠳ ᠤᠰᠤᠨ ᠠᠰᠢᠭ᠍ᠯᠠᠯᠲᠠ᠂ ᠲᠠᠷᠢᠶᠠᠯᠠᠩ ᠮᠠᠯ ᠠᠵᠤ ᠠᠬᠤᠢ᠂ ᠴᠠᠭ ᠠᠭᠤᠷ ᠵᠡᠷᠭᠡ 7 ᠲᠠᠯᠠᠶᠢᠨ ᠣᠷᠣᠨ ᠪᠦᠰᠡ ᠠᠯᠤᠰᠯᠠᠭᠰᠠᠨ 17 ᠵᠦᠢᠯᠦᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠵᠦᠢᠯᠡᠰᠤᠨ ᠲᠤᠬᠠᠢ ᠶᠠᠷᠢᠯᠴᠠᠭᠰᠠᠠ᠂ ᠤᠳᠤ ᠤᠳᠠᠬᠤ ᠦᠭᠡᠢ ᠪᠠᠰᠠ ᠤᠬᠠᠭᠤᠯᠭᠠ ᠰᠤᠷᠲᠠᠯᠴᠢᠯᠠᠭᠠᠵᠢᠨ ᠠᠵᠢᠯ ᠥᠷᠨᠢᠭᠦᠯᠬᠦᠪᠡᠷ ᠪᠤᠢ᠃
ᠴᠡᠷᠢᠭ ᠬᠦᠮᠦᠨᠤ ᠲᠥᠪ ᠬᠢᠴᠢᠶᠡᠩᠭᠦᠢ᠂ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠳᠦᠷᠢ ᠪᠠᠢᠳᠠᠯ ᠲᠡᠭᠦᠨᠤ ᠠᠯᠬᠤᠵᠤ ᠬᠢᠰᠬᠢᠬᠦ᠂ ᠶᠠᠷᠢᠬᠤ ᠶᠠᠷᠢᠶᠠᠨᠡᠴᠡ ᠨᠢ ᠬᠦᠷᠲᠡᠯᠡ ᠮᠡᠳᠡᠷᠡᠭᠳᠡᠨᠡ᠃ ᠡᠢᠨᠬᠦ ᠴᠠᠭᠠᠨᠨᠠᠭᠤᠷᠤᠨ ᠠᠵᠢᠯᠤᠨ ᠵᠤᠬᠢᠶᠠᠨ ᠪᠠᠢᠭᠤᠯᠤᠯᠲᠠᠵᠢ ᠠᠯᠠᠭᠠᠨᠤᠪᠡᠨ ᠵᠢᠷᠤᠭᠠᠰᠦ ᠰᠢᠭ᠋ᠵᠢᠡᠨ ᠠᠨᠳᠠᠬᠤ ᠦᠭᠡᠢ ᠮᠡᠳᠡᠳᠡᠭ ᠨᠢ ᠲᠡᠭᠦᠨᠤ ᠤᠳᠠᠭᠠᠨ ᠵᠢᠯ ᠦᠨᠳᠦᠰᠦᠨ ᠱᠠᠲᠤᠨᠤ ᠠᠵᠢᠯᠳᠦ ᠭᠦᠨᠵᠡᠭᠡᠢᠷᠡᠭᠰᠡᠨᠳᠦ ᠪᠤᠢ᠃
ᠲᠡᠷᠡ ᠪᠡᠷ ᠶᠠᠳᠠᠭᠤᠠᠴᠠ ᠠᠩᠭᠢᠵᠢᠷᠠᠭᠤᠯᠬᠤ ᠪᠣᠭᠣᠮᠲᠠ ᠰᠢᠪᠲᠤᠯᠬᠤ ᠬᠤᠭᠤᠴᠠᠭᠠᠨᠳᠤ ᠮᠠᠨᠢᠵᠢᠨ ᠬᠤᠩᠬᠤᠷ ᠲᠣᠰᠬᠣᠨᠤ ᠨᠢᠭᠡᠳᠦᠭᠡᠷ ᠱᠦᠵᠢᠶᠢᠨ ᠲᠤᠰᠢᠶᠠᠯᠢ ᠡᠭᠦᠷᠭᠡᠯᠡᠵᠦ᠂ ᠲᠤᠬᠠᠢᠶᠢᠨ ᠭᠠᠵᠠᠷᠤᠨ ᠬᠥᠷᠥᠰᠥ ᠰᠢᠷᠣᠢᠶᠢᠨ ᠨᠥᠬᠥᠴᠡᠯᠳᠦ ᠰᠠᠭᠤᠷᠢᠯᠠᠵᠤ᠂ ᠬᠦᠢᠲᠡᠨ ᠰᠡᠷᠢᠭᠦᠨ ᠤᠷᠤᠨᠤ ᠢᠳᠡᠰᠢᠨ ᠨᠣᠭᠣᠭᠠᠶᠢᠨ ᠵᠠᠬᠢᠶᠠᠯᠠᠭᠠᠶᠢᠨ ᠠᠵᠤ ᠦᠢᠯᠡᠰᠢ ᠶᠡᠬᠡᠪᠡᠷ ᠬᠥᠭᠵᠢᠭᠦᠯᠵᠦ᠂ ᠢᠳᠡᠰᠢᠨ ᠨᠣᠭᠣᠭᠠᠶᠢᠨ ᠬᠦᠯᠡᠮᠵᠢ ᠪᠣᠯᠣᠨ ᠲᠥᠮᠥᠰᠥ ᠬᠠᠳᠠᠭᠠᠯᠠᠬᠤ ᠵᠣᠭᠣᠷᠢᠶᠢ ᠪᠠᠢᠭᠤᠯᠵᠠᠢ᠃ ᠵᠠᠮ᠂ ᠣᠷᠴᠢᠨ ᠲᠣᠭᠣᠷᠢᠨᠤ ᠠᠷᠢᠭᠤᠨ ᠴᠡᠪᠡᠷ ᠵᠡᠷᠭᠡ ᠰᠠᠭᠤᠷᠢ ᠲᠦᠬᠦᠭᠡᠷᠦᠮᠵᠢᠶᠢ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠂ ᠨᠡᠶ᠋ᠢᠲᠡᠶᠢᠨ ᠠᠰᠠᠷᠠᠮᠵᠢᠶᠢᠨ ᠴᠢᠨᠠᠷᠲᠠᠢ ᠬᠡᠲᠦ ᠳᠡᠯᠭᠡᠭᠦᠷᠢ ᠪᠠᠢᠭᠤᠯᠤᠨ᠂ ᠰᠠᠭᠤᠷᠢ ᠨᠥᠬᠥᠴᠡᠯᠢ ᠨᠠᠢᠳᠠᠪᠤᠷᠢᠵᠢᠭᠤᠯᠬᠤ ᠡᠯᠡ ᠵᠦᠢᠯᠦᠨ ᠲᠥᠷᠥᠶᠢᠨ ᠪᠣᠳᠣᠯᠭᠠᠶᠢ ᠰᠠᠢᠳᠤᠷ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠶᠤᠮ᠃
ᠡᠨᠳᠡ ᠠᠵᠢᠯᠯᠠᠭᠰᠠᠨᠡᠴᠡ ᠬᠤᠢᠰᠢ ᠲᠠᠷᠠ ᠤᠷᠭᠤᠮᠠᠯᠤᠨ ᠲᠥᠷᠥᠯ ᠵᠦᠢᠯᠳᠦ ᠤᠨᠴᠠᠭᠠᠢ ᠠᠩᠬᠠᠷᠤᠯᠵᠢᠡᠨ ᠲᠠᠯᠪᠢᠬᠤ ᠪᠤᠯᠵᠠᠢ᠃ ᠲᠡᠭᠦᠨᠤ ᠦᠵᠡᠬᠦᠪᠡᠷ ᠡᠨᠳᠡ ᠬᠤᠵᠢᠷᠯᠢᠭ ᠭᠠᠵᠠᠷ ᠲᠠᠷᠢᠬᠤᠳᠦ ᠲᠤᠬᠢᠷᠠᠮᠵᠢᠲᠠᠢ ᠤᠷᠭᠤᠮᠠᠯᠢ ᠲᠠᠷᠢᠬᠤ ᠨᠢ ᠮᠠᠰᠢ ᠴᠢᠬᠤᠯᠠ᠃ 2020 ᠣᠨᠳᠤ ᠡᠨᠳᠡᠬᠢ ᠤᠷᠭᠤᠮᠠᠯᠤᠨ ᠡᠬᠢ ᠪᠠᠶᠠᠯᠢᠭ᠋ ᠨᠡᠯᠢᠶᠡᠳ ᠳᠤᠲᠠᠮᠠᠭ᠂ ᠵᠥᠪᠬᠡᠨ 25 ᠰᠠᠯᠠᠭᠠ᠂ 77 ᠵᠦᠢᠯ᠂ 99 ᠲᠦᠷᠦᠯ ᠪᠠᠢᠵᠠᠢ᠃ ᠣᠳᠣᠬᠠᠨᠳᠤ ᠤᠷᠭᠤᠮᠠᠯᠤᠨ ᠳᠦᠷᠥᠯ ᠨᠡᠮᠡᠭᠳᠡᠭᠡᠳ 41 ᠰᠠᠯᠠᠭᠠ᠂ 99 ᠵᠦᠢᠯ᠂ 168 ᠲᠦᠷᠦᠯ ᠪᠣᠯᠤᠭᠰᠠᠨ᠃ ᠬᠤᠵᠢᠷᠯᠢᠭ᠋ ᠭᠠᠵᠠᠷᠲᠤ ᠲᠡᠰᠪᠦᠷᠢᠲᠡᠢ ᠬᠢᠯᠭᠠᠨᠠ᠂ ᠬᠢᠶᠠᠭ ᠡᠪᠡᠰᠦ᠂ ᠬᠤᠯᠤᠰᠤ ᠵᠡᠷᠭᠡ ᠡᠪᠡᠰᠦᠨᠤ ᠬᠡᠮᠵᠢᠶᠡ ᠨᠡᠮᠡᠭᠳᠡᠵᠦ᠂ ᠬᠡᠷᠡᠰᠦ ᠪᠠ ᠳᠡᠷᠡᠰᠦᠨᠤ ᠤᠷᠭᠤᠮᠠᠯᠤᠨ ᠪᠦᠷᠬᠦᠴᠡ ᠨᠡᠯᠢᠶᠡᠳ ᠲᠣᠭᠲᠠᠭᠤᠨ ᠪᠤᠯᠵᠠᠢ᠃ ᠤᠨᠴᠠᠭᠠᠢᠯᠠᠨ ᠤᠯᠠᠷᠢᠯᠤᠨᠵᠢᠡᠨ ᠠᠶᠠᠰᠢ ᠳᠠᠭᠠᠵᠤ ᠥᠩᠭᠡ ᠨᠢ ᠬᠤᠪᠢᠷᠠᠳᠠᠭ ᠬᠡᠷᠡᠰᠦ ᠡᠪᠡᠰᠦ ᠠᠷᠪᠢᠨ ᠤᠷᠭᠤᠬᠤ ᠪᠤᠯᠵᠠᠢ᠃ ᠨᠠᠭᠤᠷᠤᠨ ᠬᠥᠪᠡᠭᠡᠪᠡᠷ ᠤᠯᠠᠭᠠᠨ ᠥᠩᠭᠡᠪᠡᠷ ᠭᠠᠩᠭᠠᠷᠠᠬᠤ ᠬᠡᠷᠡᠰᠦ ᠡᠪᠡᠰᠦ ᠶᠠᠭᠠᠬᠢᠬᠤᠵᠢᠨ ᠠᠷᠭᠠ ᠦᠭᠡᠢ ᠡᠭᠦᠨᠢ ᠮᠡᠳᠡᠷᠡᠭᠦᠯᠦᠨᠡ᠃
ᠳ᠋ᠦᠩ ᠫᠸᠢᠵᠢᠨ ᠬᠡᠯᠡᠭᠰᠡᠨᠴᠢᠯᠡᠨ ᠴᠠᠭᠠᠨᠨᠠᠭᠤᠷᠤᠨ ᠨᠤᠭᠤ ᠭᠠᠵᠠᠷᠤᠨ ᠴᠡᠴᠡᠷᠯᠢᠭᠤᠨ ᠤᠷᠭᠤᠮᠠᠯᠤᠨ ᠲᠤᠭᠠ ᠬᠡᠮᠵᠢᠶᠡ ᠢᠯᠡᠳᠳᠡ ᠨᠡᠮᠡᠭᠳᠡᠭᠰᠡᠨ ᠨᠢ ᠲᠤᠭᠠ ᠪᠠᠷᠢᠮᠲᠠ ᠲᠠᠢ ᠠᠵᠢ᠃ 2020 ᠣᠨᠳᠤ ᠡᠨᠳᠡᠬᠢ ᠨᠤᠲᠤᠭ ᠪᠡᠯᠴᠢᠭᠡᠷᠦᠨ ᠤᠷᠭᠤᠮᠠᠯᠤᠨ ᠬᠤᠴᠢᠯᠭᠠᠶᠢᠨ ᠨᠤᠷᠮᠠ ᠵᠥᠪᠬᠡᠨ 48.49% ᠪᠠᠢᠵᠤ᠂ 2025 ᠣᠨ ᠪᠤᠯᠬᠤᠳᠤ 53.9% ᠪᠣᠯᠵᠤ ᠳᠡᠭᠡᠭᠰᠢᠯᠡᠵᠡᠢ᠃ ᠡᠳᠡᠭᠡᠷ ᠲᠤᠭᠠ ᠪᠠᠷᠢᠮᠲᠠᠵᠢ ᠲᠡᠮᠳᠡᠭᠯᠡᠭᠰᠡᠨ ᠲᠡᠮᠳᠡᠭᠯᠡᠯᠵᠢᠡᠨ ᠪᠢᠳᠡᠨᠳᠦ ᠦᠵᠡᠭᠦᠯᠬᠦᠳᠦ ᠳ᠋ᠦᠩ ᠫᠸᠢᠵᠢᠨ ᠴᠢᠷᠠᠢᠳᠦ ᠥᠪᠡᠷᠤᠨ ᠡᠷᠬᠡ ᠦᠭᠡᠢ ᠵᠢᠷᠭᠠᠯᠤᠨ ᠢᠨᠢᠶᠡᠳᠦ ᠳᠤᠳᠤᠷᠠᠵᠤ ᠪᠠᠢᠯᠠ᠃
ᠴᠠᠭᠠᠨᠨᠠᠭᠤᠷᠤᠨ ᠳᠡᠭᠡᠭᠦᠷ ᠳᠡᠭᠦᠯᠢᠨ ᠬᠠᠯᠢᠬᠤ ᠨᠡᠭᠦᠳᠡᠯᠤᠨ ᠰᠢᠪᠠᠭᠤᠳ᠂ ᠨᠠᠮᠤᠷᠤᠨ ᠳᠤᠮᠳᠠ ᠰᠠᠷᠠᠵᠢᠨ ᠥᠩᠭᠡᠪᠡᠷ ᠤᠯᠠᠭᠠᠷᠠᠨ ᠭᠠᠩᠭᠠᠷᠠᠬᠤ ᠡᠪᠡᠰᠦᠨᠳᠤᠯᠤᠭᠠᠳ᠂ ᠬᠦᠴᠦᠲᠦ ᠵᠢᠭᠦᠷᠵᠢᠡᠨ ᠳᠡᠪᠢᠨ ᠱᠤᠩᠭᠤᠨ ᠳᠠᠭᠠᠷᠢᠬᠤ ᠲᠠᠯᠠᠵᠢᠨ ᠪᠦᠷᠭᠦᠳ᠂ ᠬᠤᠯᠠᠡᠴᠡ ᠨᠡᠯᠦᠢᠨ ᠬᠠᠷᠠᠭᠳᠠᠬᠤ ᠲᠤᠩᠭᠠᠯᠠᠭ ᠤᠰᠤ ᠪᠦᠭᠦᠳᠡ ᠪᠠᠢᠭᠠᠯᠢ ᠠᠬᠤᠢᠵᠢᠨ ᠡᠶᠡ ᠵᠤᠬᠢᠴᠠᠯᠢ ᠪᠦᠷᠢᠨ ᠬᠠᠷᠠᠭᠤᠯᠤᠨᠠ᠃ᠲᠡᠭᠷᠢ ᠨᠢ ᠴᠡᠯᠮᠡᠭ᠂ ᠤᠰᠤ ᠨᠢ ᠲᠤᠩᠭᠠᠯᠠᠭ᠂ ᠲᠠᠯᠠ ᠨᠢ ᠨᠤᠭᠤᠭᠠᠨ ᠦᠵᠡᠮᠵᠢ ᠪᠦᠷᠢᠳᠦᠭᠰᠡᠨ ᠳᠠᠷᠬᠠᠨ ᠰᠠᠢᠬᠠᠨ ᠤᠷᠤᠨ ᠵᠢᠡᠨ ᠬᠠᠮᠠᠭᠠᠯᠠᠬᠤᠵᠢᠨ ᠬᠠᠮᠲᠤ ᠴᠤᠭᠴᠠᠯᠠᠨ ᠪᠠᠢᠭᠤᠯᠵᠤ ᠶᠠᠪᠤᠭᠠ ᠴᠠᠭᠠᠨᠨᠠᠭᠤᠷᠤᠨ ᠬᠦᠮᠦᠰᠤᠨ ᠵᠢᠳᠬᠦᠯ ᠴᠢᠷᠮᠠᠢᠯᠭᠠ ᠬᠤᠭᠤᠰᠤᠳᠠᠭᠠ ᠦᠭᠡᠢ ᠭᠡᠳᠡᠭᠢ ᠴᠠᠭᠠᠨᠨᠠᠭᠤᠷᠤᠨ ᠲᠡᠭᠷᠢᠳᠤᠨᠢ ᠬᠠᠯᠢᠬᠤ ᠰᠢᠪᠠᠭᠤᠳ᠂ ᠴᠡᠭᠡᠯᠳᠤᠨᠢ ᠢᠷᠠᠭᠠᠯᠠᠬᠤ ᠵᠢᠭᠠᠰᠦ᠂ ᠬᠦᠪᠡᠭᠡᠨᠳᠤᠨᠢ ᠨᠠᠢᠭᠤᠬᠤ ᠵᠡᠭᠡᠰᠦ ᠬᠤᠯᠤᠰᠤ ᠬᠡᠯᠡᠭᠡᠳ ᠪᠠᠢᠭᠠ ᠶᠤᠮ!
ᠰᠤᠷᠪᠤᠯᠵᠢᠯᠠᠬᠴᠢ ᠵᠢᠨ ᠡᠪᠦᠷ ᠲᠡᠮᠳᠡᠭᠯᠡᠯ ᠄
ᠬᠡᠳᠦᠬᠡᠨ ᠵᠢᠯᠤᠨ ᠳᠤᠳᠤᠷᠠ ᠴᠠᠭᠠᠨᠨᠠᠭᠤᠷᠤᠨ ᠤᠰᠤᠨᠤ ᠴᠠᠷᠠᠭᠠ ᠤᠤᠯᠤᠨ ᠬᠡᠪ ᠲᠡᠭᠡᠨ ᠤᠷᠤᠵᠦ᠂ ᠨᠠᠭᠤᠷᠤᠨ ᠬᠦᠪᠡᠭᠡᠨᠳᠦ ᠬᠦᠷᠬᠦᠳᠦ ᠴᠢᠬᠢᠭᠯᠢᠭ ᠠᠮᠢᠰᠬᠤᠯ ᠴᠡᠭᠡᠵᠢ ᠠᠭᠤᠵᠢᠷᠠᠭᠤᠯᠤᠨ᠂ ᠤᠰᠤᠨᠤ ᠰᠢᠪᠠᠭᠤᠳᠤᠨ ᠭᠠᠩᠭᠠᠨᠠᠯᠳᠤᠬᠤ ᠳᠠᠭᠤᠨ ᠰᠤᠨᠤᠷ ᠪᠠᠶᠠᠰᠬᠠᠨᠠ᠃ ᠰᠠᠯᠬᠢᠨᠳᠦ ᠱᠤᠤᠬᠢᠬᠤ ᠡᠪᠡᠰᠦᠨᠤ ᠴᠢᠮᠡᠭᠡ ᠵᠢ ᠴᠢᠩᠨᠠᠨ ᠰᠡᠳᠬᠢᠯᠤᠨ ᠴᠢᠯᠡᠭᠡ ᠳᠠᠢᠯᠤᠨ᠂ ᠳᠤᠬᠢᠯᠵᠠᠨ ᠪᠦᠵᠢᠭᠯᠡᠬᠦ ᠵᠡᠭᠡᠰᠦ ᠬᠤᠯᠤᠰᠦ ᠵᠢ ᠬᠠᠷᠠᠨ ᠲᠦᠷ ᠵᠠᠭᠤᠷᠠ ᠵᠢᠨ ᠨᠠᠮ ᠰᠡᠯᠡᠬᠦᠨᠢ ᠡᠳ᠋ᠯᠡᠬᠦ ᠨᠢ ᠠᠷᠤ ᠪᠤᠮᠪᠠ ᠵᠢᠨ ᠤᠷᠤᠨᠤ ᠠᠷᠢᠭᠤᠨ ᠳᠠᠭᠱ᠌ᠢᠨᠢ ᠮᠡᠳᠡᠷᠡᠬᠦᠯᠦᠨᠡ᠃
ᠴᠠᠭᠠᠨᠨᠠᠭᠤᠷᠤᠨ ᠵᠠᠰᠠᠯᠳᠠ ᠵᠢᠨ ᠬᠤᠷᠳᠤ᠂ ᠵᠠᠰᠠᠯᠳᠠ ᠵᠢᠨ ᠵᠠᠭᠪᠤᠷ ᠨᠢ ᠱᠠᠩᠳᠦ ᠵᠢᠨ ᠲᠠᠯᠠ ᠵᠢᠨ ᠨᠤᠮᠢᠨ ᠨᠤᠭᠤᠭᠠᠨᠢ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ ᠵᠢᠡᠷ ᠪᠠᠷᠠᠬᠤ ᠦᠭᠡᠢ ᠦᠪᠦᠷ ᠮᠤᠩᠭᠤᠯ ᠤᠨ ᠨᠤᠭᠤ ᠭᠠᠵᠠᠷ ᠤᠨ ᠵᠠᠰᠠᠯᠳᠠᠳᠦ ᠰᠢᠨᠠ ᠳᠤᠷᠰᠢᠯᠭᠠ ᠬᠠᠩᠭᠠᠭᠰᠠᠨ ᠪᠠᠢᠨᠠ᠃ ᠡᠨᠳᠡ ᠡᠴᠡ ᠪᠢᠳᠡ ᠵᠢᠯ ᠳᠤᠳᠤᠮ ᠵᠢᠡᠨ ᠰᠠᠷᠭᠦᠨ ᠰᠠᠢᠵᠢᠷᠠᠵᠦ ᠪᠠᠢᠭᠠ ᠠᠮᠢ ᠠᠬᠤᠢ ᠂ ᠡᠳᠦᠷ ᠪᠤᠯᠭᠠᠨ ᠦᠭᠡᠳᠡᠯᠡᠨ ᠰᠠᠢᠵᠢᠷᠠᠵᠦ ᠪᠠᠢᠭᠠ ᠠᠷᠠᠳᠤᠨ ᠠᠮᠢᠳᠤᠷᠠᠯ ᠂ ᠴᠠᠭ ᠪᠦᠷᠢ ᠵᠢᠷᠭᠠᠯ ᠢ ᠮᠡᠳᠡᠷᠡᠵᠦ ᠪᠠᠢᠭᠠ ᠬᠦᠮᠦᠨ ᠵᠤᠨᠢ ᠬᠠᠷᠠᠨ ᠳᠤᠭᠳᠤᠯᠵᠦ᠂ ᠵᠤᠷᠢᠬᠵᠢᠨ ᠪᠠᠶᠠᠰᠴᠤ ᠶᠠᠪᠤᠯᠠ᠃
ᠨᠠᠭᠤᠷᠤᠨ ᠮᠠᠨᠳᠠᠯᠳᠦ ᠮᠠᠨᠠᠨ ᠬᠦᠰᠢᠭᠡᠯᠡᠵᠦ᠂ ᠲᠡᠭᠷᠢ ᠵᠢᠨ ᠴᠡᠭᠡᠯ ᠵᠢᠡᠷ ᠰᠢᠪᠠᠭᠤᠳ ᠵᠠᠯᠡᠯᠠᠨᠠ᠃ ᠴᠠᠭᠠᠠᠨᠠᠭᠤᠷ ᠵᠦᠭᠡᠯᠡᠨ ᠳᠤᠯᠬᠢᠶᠠᠯᠠᠬᠤ ᠨᠢ ᠦᠴᠦᠭᠡᠳᠦᠷᠤᠨ ᠳᠡᠦᠭᠡ᠂ ᠦᠨᠦᠳᠦᠷᠤᠨ ᠪᠠᠶᠠᠰᠤᠯ ᠵᠢᠡᠨ ᠬᠤᠪᠢᠶᠠᠯᠴᠠᠬᠤ ᠰᠢᠭ᠋ ᠁
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠰᠠᠢᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃