2023-01-25 13:24:45
ᠴᠠᠭᠠᠨ ᠰᠠᠷᠠ ᠵᠢᠨ ᠰᠢᠨᠠ ᠵᠢᠨ ᠬᠤᠶᠠᠷᠲᠦ ᠂ ᠪᠠᠶᠠᠷᠤᠨ ᠡᠳᠦᠷᠤᠨ ᠠᠭᠤᠷ ᠠᠮᠢᠰᠭᠤᠯ ᠥᠳᠭᠡᠨ ᠪᠠᠢᠯᠠ᠃ ᠬᠥᠬᠡᠬᠣᠲᠠᠶ᠋ᠢᠨ ᠸᠠᠩ ᠹᠦ᠋ ᠵᠢᠩ ᠤ᠋ᠨ ᠤ᠌ᠤ ᠯᠠᠶ ᠵᠦᠩ ᠱᠠᠨ ᠵᠠᠮ ᠤ᠋ᠨ ᠳᠡᠯᠭᠡᠭᠦᠷᠲᠦ ᠵᠡᠭᠡᠯᠢ ᠲᠣᠭᠣᠷᠢᠵᠤ ᠪᠠᠷᠠᠭᠠ ᠠᠪᠬᠤᠪᠠᠷ ᠢᠷᠡᠭ᠌ᠰᠡᠨ ᠰᠠᠭᠤᠭᠠᠯᠢ ᠠᠷᠠᠳ ᠬᠣᠢᠨᠠ ᠬᠣᠢᠨᠠᠡᠴᠡᠪᠠᠨ ᠴᠤᠪᠤᠷᠠᠵᠤ᠂ ᠳᠡᠯᠭᠡᠭᠦᠷ ᠳᠤᠳᠤᠷᠠᠬᠢ ᠪᠤᠷᠤᠯᠠᠭᠤᠯᠭᠠ ᠵᠤᠴᠢᠳ ᠤ᠋ᠨ ᠬᠠᠷᠠᠭᠠ ᠵᠢ ᠪᠤᠯᠢᠶᠠᠵᠤ᠂ ᠬᠥᠭ᠌ᠵᠢᠶᠡᠨ ᠨᠠᠷᠭᠢᠶᠠᠨᠢᠶᠠᠷ ᠪᠢᠯᠬᠠᠨᠠ᠃
ᠨᠢᠭᠡ ᠱᠢᠵᠢᠷ ᠠᠯᠳᠠ ᠰᠤᠪᠤᠳ ᠡᠷᠳᠡᠨᠢᠶ᠋ᠢᠨ ᠳᠡᠯᠭᠡᠭᠦᠷᠲᠦ᠂ ᠬᠡᠷᠡᠭ᠌ᠯᠡᠭ᠌ᠴᠢᠳ ᠯᠠᠩᠭᠦᠶᠶ᠋ᠢᠨ ᠡᠮᠦᠨᠡ ᠪᠠᠷᠠᠭᠠ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠯᠠᠩᠭᠦᠶ ᠳᠣᠲᠣᠷᠠ ᠲᠠᠤᠯᠠᠢᠶ᠋ᠢᠨ ᠬᠡᠯᠪᠡᠷᠢ ᠲᠠᠢ ᠱᠢᠵᠢᠷ ᠠᠯᠲᠠᠨ ᠴᠢᠮᠡᠭ᠌ᠯᠡᠯ ᠤᠯᠠᠨ ᠪᠠᠢᠯᠠ᠃ ᠪᠣᠷᠣᠯᠠᠭᠤᠯᠤᠭ᠍ᠴᠢᠡᠴᠡ᠄ 《 ᠡᠨᠡ ᠵᠢᠯ ᠠᠷᠪᠠᠨ ᠬᠣᠶᠠᠷ ᠵᠢᠯᠦᠨ ᠵᠠᠰᠠᠯ ᠴᠢᠮᠡᠭ᠌ᠯᠡᠯ ᠣᠨᠴᠠᠭᠠᠶ ᠪᠣᠷᠣᠯᠠᠭᠤᠯᠭᠠ ᠰᠠᠢᠲᠠᠶ ᠪᠠᠢᠨᠠ》 ᠭᠡᠵᠤ ᠲᠠᠨᠢᠯᠴᠠᠭᠤᠯᠤᠯᠠ᠃
《 ᠴᠠᠭᠠᠨ ᠰᠠᠷᠠ ᠵᠢᠨ ᠠᠵᠤ ᠠᠬᠤᠶ 》 ᠲᠠᠰᠤᠷᠠᠯᠲᠠ ᠦᠭᠡᠢ ᠬᠦᠭᠵᠢᠶᠠᠨᠳᠠᠢ ᠪᠤᠯᠵᠤ ᠬᠤᠳᠠᠯᠳᠤᠭᠠᠴᠢᠳ ᠤ᠋ᠨ ᠢᠲᠡᠭᠡᠯᠢ ᠨᠡᠮᠡᠭ᠌ᠳᠡᠭᠦᠯᠪᠡ᠃ 《ᠴᠠᠭᠠᠨ ᠰᠠᠷᠠᠶ᠋ᠢᠨ ᠵᠠᠬᠠ ᠳᠡᠯᠭᠡᠭᠦᠷ ᠲᠸ᠋ ᠵᠤᠷᠢᠭᠤᠯᠤᠨ ᠂ ᠪᠢᠳᠡ ᠭᠦᠶ᠋ᠴᠡᠳ ᠪᠡᠯᠡᠳᠭᠡᠯ ᠬᠢᠵᠦ᠍᠂ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠷᠠᠭᠠᠨᠤ ᠨᠠᠢᠷ᠂ ᠡᠪᠦᠯᠦᠨ ᠭᠤᠲᠤᠯᠤᠨ ᠨᠠᠢᠷ᠂ ᠬᠤᠨᠢ ᠢᠮᠠᠭᠠᠨ ᠨᠣᠤᠯᠤᠭᠤᠷᠤᠨ ᠨᠠᠢᠷ᠂ ᠰᠤᠪᠤᠳ ᠡᠷᠳᠡᠨᠢ ᠴᠠᠭᠤᠨ ᠨᠠᠢᠷ ᠵᠡᠷᠭᠡ ᠡᠯᠪᠡᠭ ᠪᠠᠶᠠᠯᠢᠭ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠣᠷᠣᠯᠠᠭᠤᠯᠭᠠ ᠵᠢᠨ ᠬᠦᠳᠡᠯᠭᠡᠭᠡᠨ ᠥᠷᠨᠢᠭᠦᠯᠵᠦ᠍᠂ ᠳᠡᠯᠭᠡᠭᠦᠷ ᠡᠴᠡ ᠪᠠᠰᠠ ᠪᠠᠷᠠᠭᠠᠨ ᠤ᠋ ᠦᠨᠠ ᠪᠠᠨ ᠲᠦᠢᠯ ᠤ᠋ᠨ ᠶᠡᠬᠡ ᠪᠡᠷ ᠬᠢᠮᠳᠠᠷᠠᠭᠤᠯᠪᠠ᠃ ᠲᠣᠭᠠ ᠪᠠᠷᠢᠮᠲᠠᠡᠴᠡ ᠦᠵᠡᠪᠡᠯ᠂ ᠣᠢᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠤ ᠬᠤᠳᠠᠯᠳᠤᠭᠠᠨᠤ ᠲᠠᠯᠠᠪᠤᠷᠤᠨ ᠠᠶᠠᠨᠴᠢᠳᠤᠨ ᠲᠣᠭᠠ ᠦᠨᠳᠦᠰᠦᠨᠳᠡᠭᠡᠨ ᠨᠢᠳᠤᠨᠤᠨᠤ ᠠᠳᠠᠯᠢ ᠬᠤᠭᠤᠴᠠᠭᠠᠨᠤ ᠲᠦᠪᠱᠢᠨᠳᠦ ᠬᠦᠷᠴᠡᠶ᠃ ᠡᠨᠡ ᠵᠢᠯ᠂ ᠪᠢᠳᠡ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠰᠡᠷᠭᠦᠯᠲᠡᠳᠦ ᠢᠲᠡᠭᠡᠯ ᠳᠦᠭᠦᠷᠡᠩ ᠪᠠᠢᠨᠠ》 ᠭᠡᠵᠦ᠍ ᠸᠠᠩ ᠹᠦ᠋ ᠵᠢᠩ ᠤ᠋ᠨ ᠤ᠌ᠤ ᠯᠠᠢ ᠵᠦᠩ ᠱᠠᠨ ᠵᠠᠮ ᠤ᠋ᠨ ᠳᠡᠯᠭᠡᠭᠦᠷᠦᠨ ᠳᠡᠳ᠋ ᠶᠡᠷᠦᠩᠬᠡᠢ ᠳᠠᠭᠠᠭᠠᠮᠠᠯ ᠸᠠᠩ ᠺᠦᠨ ᠬᠡᠯᠡᠪᠡ᠃
ᠺᠢᠨᠣ᠋ᠶ᠋ᠢᠨ ᠣᠷᠳᠣᠨ ᠨᠢ ᠬᠤᠳᠠᠯᠳᠤᠭᠠᠨ ᠤ ᠲᠠᠯᠠᠪᠤᠷᠲᠠᠶ ᠠᠳᠠᠯᠢ ᠬᠥᠭ᠌ᠵᠢᠶᠡᠨᠲᠡᠢ ᠪᠠᠢᠯᠠ᠂ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠬᠥᠬᠡᠬᠣᠲᠠᠶ᠋ᠢᠨ ᠱᠢᠨᠬᠤᠸᠠ ᠵᠡᠭᠦᠨ ᠵᠡᠭᠡᠯᠢᠶ᠋ᠢᠨ ᠸᠠᠨ ᠳ᠋ᠠ ᠠᠭᠤᠳᠠᠮ ᠲᠠᠯᠠᠪᠠᠢᠶ᠋ᠢᠨ ᠸᠠᠨ ᠳ᠋ᠠ ᠺᠢᠨᠣ᠋ᠶ᠋ᠢᠨ ᠬᠤᠳᠠᠳᠤ ᠬᠦᠷᠬᠦ᠌ᠳᠦ ᠴᠠᠭᠠᠨ ᠰᠠᠷᠠᠶ᠋ᠢᠨ ᠠᠭᠤᠷ ᠠᠮᠢᠰᠭᠤᠯ ᠵᠢᠡᠷ ᠪᠢᠯᠬᠠᠨᠠ᠃ ᠬᠦᠭᠵᠢᠯ ᠪᠠᠶᠠᠷ ᠢ᠋ ᠪᠡᠯᠭᠡᠳᠡᠭᠰᠡᠨ ᠤᠯᠠᠭᠠᠨ ᠦᠩᠭᠡ ᠲᠠᠢ ᠬᠦᠰᠢᠭᠡ ᠵᠢᠨ ᠡᠮᠦᠨᠠ᠂ ᠺᠢᠨᠣ᠋ ᠦᠵᠡᠬᠦ᠌ᠪᠡᠷ ᠢᠷᠡᠭ᠌ᠰᠡᠨ ᠤᠯᠠᠨ ᠲᠦᠮᠡᠨ ᠡᠮᠬᠢ ᠵᠢᠷᠤᠮᠲᠠᠶᠪᠠᠷ ᠪᠢᠯᠧᠲ ᠬᠤᠳᠠᠯᠳᠤᠨ ᠠᠪᠴᠤ᠌᠂ ᠡᠨᠡ ᠵᠢᠯᠦᠨ 《 ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨ ᠤ᠋ ᠺᠢᠨᠦ᠌》 ᠵᠢ ᠦᠵᠡᠬᠦ ᠬᠡᠮᠡᠨ ᠬᠦᠭᠰᠡᠨ ᠬᠦᠯᠢᠶᠡᠵᠤ ᠪᠠᠢᠯᠠ᠃
《ᠴᠠᠭᠠᠨ ᠰᠠᠷᠠᠳᠤ ᠺᠢᠨᠣ᠋ ᠦᠵᠡᠬᠦ᠌ ᠪᠣᠯ ᠮᠠᠨᠤ ᠭᠡᠷᠦᠨ ᠵᠠᠩᠰᠢᠯ ᠪᠣᠯᠤᠨᠠ᠂ ᠳᠡᠭᠡᠷᠠ ᠤᠳᠠᠭᠠ ᠬᠡᠦᠬᠡᠳᠢᠶᠡᠨ ᠳᠠᠭᠠᠭᠤᠯᠤᠨ ᠺᠢᠨᠣ᠋ ᠦᠵᠡᠭ᠌ᠰᠡᠨ ᠨᠢ ᠨᠢᠳᠤᠨᠤᠨᠤ ᠴᠠᠭᠠᠨ ᠰᠠᠷᠠ ᠶᠤᠮ᠂ ᠡᠨᠡ ᠨᠢ ᠨᠢᠭᠡᠨᠲᠡ ᠮᠠᠨᠤ ᠪᠥᠬᠥ᠌ ᠬᠡᠷᠦᠨ ᠤᠳᠬᠠ ᠠᠭᠤᠯᠭᠠ ᠲᠠᠢ ᠠᠵᠢᠯᠯᠠᠭᠠ ᠪᠣᠯᠤᠭ᠍ᠰᠠᠨ ᠪᠠᠢᠨᠠ》 ᠭᠡᠵᠤ ᠯᠢ ᠠᠪᠠᠬᠠᠢ ᠬᠡᠯᠡᠨᠠ᠃
ᠺᠢᠨᠣ᠋ᠶ᠋ᠢᠨ ᠣᠷᠳᠣᠨᠤ ᠬᠠᠷᠢᠭᠤᠴᠠᠯᠭᠠᠲᠠᠨ᠂ ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ ᠺᠢᠨᠣ᠋ ᠦᠵᠡᠬᠦ᠌ ᠬᠥᠮᠦᠰ ᠭᠤᠤᠯᠳᠠᠭᠤ ᠬᠡᠷ ᠪᠦᠯᠢᠪᠡᠷ ᠵᠢᠡᠨ ᠢᠷᠡᠳᠡᠭ᠂ ᠮᠠᠰᠢ ᠣᠯᠠᠨ ᠺᠢᠨᠦ᠌ ᠵᠢᠨ ᠪᠢᠯᠸᠲ ᠢ᠋ ᠤᠯᠬᠤ ᠳ᠋ᠤ ᠬᠦᠴᠢᠷ ᠪᠠᠢᠵᠤ᠂ ᠺᠢᠨᠣ᠋ᠶ᠋ᠢᠨ ᠣᠷᠳᠣᠨᠤ ᠡᠳᠦᠷ ᠳᠤᠮᠳᠠᠴᠢᠶ᠋ᠢᠨ ᠪᠢᠯᠧᠲ ᠬᠤᠲᠠᠯᠲᠤᠬᠤ ᠬᠡᠮᠵᠢᠶᠡ ᠴᠦ᠍ ᠵᠠᠯᠭᠠᠭᠠ ᠪᠠᠷ ᠳᠡᠭᠡᠭ᠌ᠰᠢᠯᠡᠪᠡ᠃ ᠲᠣᠰ ᠤᠳᠠᠭᠠᠨᠤ 《ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠ》 ᠵᠢ ᠤᠭ᠍ᠲᠤᠬᠤᠶ᠋ᠢᠨ ᠲᠥᠯᠥᠭᠡ᠂ ᠺᠢᠨᠣ᠋ᠶ᠋ᠢᠨ ᠣᠷᠳᠣᠨ ᠠᠯᠢ ᠡᠷᠳᠡ ᠡᠴᠡ ᠲᠣᠨᠣᠭ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠰᠠᠢᠳᠤᠷ ᠠᠷᠠᠴᠢᠯᠠᠬᠤ ᠵᠢᠨ ᠬᠠᠮᠲᠤ ᠣᠷᠴᠢᠨ ᠲᠣᠭᠣᠷᠢᠨ ᠢ ᠠᠷᠢᠭᠤᠳᠭᠠᠬᠤ ᠵᠢᠴᠢ ᠰᠠᠯᠬᠢ ᠨᠡᠪᠲᠡᠷᠡᠭᠦᠯᠬᠦ᠌ ᠠᠵᠢᠯ ᠢ᠋ ᠰᠠᠢᠲᠤᠷ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠦᠵᠡᠭ᠌ᠴᠢᠳᠦᠨ ᠺᠢᠨᠣ᠋ ᠦᠵᠡᠬᠦ᠌ ᠠᠮᠤᠷ ᠲᠦᠪᠱᠢᠨ ᠪᠠ ᠬᠠᠨᠤᠮᠵᠢ ᠵᠢ ᠪᠠᠲᠤᠯᠠᠪᠠ ᠭᠡᠵᠤ ᠲᠠᠨᠢᠯᠴᠠᠭᠤᠯᠵᠠᠢ᠃
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠤᠳᠠᠯᠳᠤᠭᠠᠨᠤ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠦᠨ ᠮᠡᠳᠡᠭᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ᠂ ᠴᠠᠭᠠᠨ ᠰᠠᠷᠠᠶ᠋ᠢᠨ ᠬᠤᠭᠤᠴᠠᠭᠠᠨᠳᠤ᠂ ᠮᠠᠨᠤ ᠣᠷᠣᠨ ᠠᠷᠠᠳᠲᠤ ᠠᠱᠢᠭ ᠬᠦᠷᠲᠡᠭᠡᠬᠦ᠌ ᠬᠡᠷᠡᠭ᠌ᠯᠡᠭᠡᠨᠦ ᠲᠡᠮᠳᠡᠭ᠌ᠲᠦ (ᠨᠥᠬᠥᠪᠥᠷᠢ) ᠵᠢ 7000 ᠲᠦᠮᠡ ᠱᠢᠬᠠᠮ ᠲᠥᠭᠥᠷᠢᠭ ᠲᠠᠷᠬᠠᠭᠠᠵᠤ᠂ ᠡᠯᠡ ᠲᠥᠷᠥᠯᠦᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠭᠤᠤᠯ ᠴᠣᠭ᠍ᠴᠠᠶ᠋ᠢᠨ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢ ᠪᠥᠬᠥ᠌ ᠲᠠᠯᠠᠪᠠᠷ ᠬᠥᠭ᠌ᠵᠢᠭᠡᠪᠡ᠃ ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠡᠯᠡ ᠠᠢᠮᠠᠭ ᠬᠣᠲᠠ ᠲᠣᠰ ᠲᠣᠰᠤᠨ ᠣᠨᠴᠠᠯᠢᠭᠲᠠᠶ᠂ ᠣᠯᠠᠨ ᠬᠡᠯᠪᠡᠷᠢ ᠶᠠᠩᠵᠤᠶ᠋ᠢᠨ ᠬᠡᠷᠡᠭ᠌ᠯᠡᠭᠡᠶ᠋ᠢ ᠠᠬᠢᠭᠤᠯᠬᠤ ᠠᠵᠢᠯᠯᠠᠭᠠ 300 ᠭᠠᠷᠤᠶ ᠲᠠᠯᠠᠪᠤᠷ ᠡᠷᠭᠢᠯᠡᠵᠦ᠍᠂ ᠬᠡᠷᠡᠭ᠌ᠯᠡᠭᠡᠨᠦ ᠵᠠᠬᠠ ᠳᠡᠯᠭᠡᠭᠦᠷ ᠬᠥᠭ᠌ᠵᠢᠶᠡᠨᠲᠡᠶ ᠪᠣᠯᠪᠠ᠃
《ᠲᠣᠰ ᠤᠳᠠᠭᠠᠨ ᠤ ᠴᠠᠭᠠᠨ ᠰᠠᠷᠠᠶ᠋ᠢᠨ ᠱᠢᠷᠢᠰ ᠠᠵᠢᠯᠯᠠᠭᠠ ᠨᠢ 〈ᠪᠦᠷᠢᠨ ᠪᠠᠷᠠᠭᠠ ᠵᠢᠨ ᠪᠣᠷᠣᠯᠠᠭᠤᠯᠭᠠ᠂ ᠠᠮᠲᠠᠲᠤ ᠢᠳᠡᠭᠡᠨᠢᠶᠡᠷ ᠴᠠᠭᠠᠨ ᠰᠠᠷᠠᠶ᠋ᠢ ᠤᠭ᠍ᠲᠤᠬᠤ᠂ ᠴᠠᠭᠠᠨ ᠰᠠᠷᠠᠶ᠋ᠢᠨ ᠦᠨᠦᠷ ᠠᠮᠲᠠᠶ᠋ᠢ ᠭᠡᠷ ᠲᠤᠨᠢ ᠬᠦᠷᠭᠡᠬᠦ᠌᠂ ᠱᠢᠨᠡ ᠮᠠᠱᠢᠨ ᠲᠡᠷᠭᠡ ᠠᠪᠴᠤ ᠴᠠᠭᠠᠨ ᠰᠠᠷᠠᠶ᠋ᠢ ᠥᠩᠭᠡᠷᠡᠭᠦᠯᠬᠦ᠌᠂ ᠬᠡᠷᠦᠨ ᠴᠠᠬᠢᠯᠭᠠᠨ ᠬᠡᠷᠡᠭ᠌ᠰᠡᠯ ᠠᠪᠴᠤ ᠴᠠᠭᠠᠨ ᠰᠠᠷᠠ ᠪᠠᠨ ᠪᠡᠯᠭᠡᠯᠡᠬᠦ᠌᠂ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠴᠠᠭᠠᠨ ᠰᠠᠷᠠᠶ᠋ᠢᠨ ᠪᠠᠷᠠᠭᠠᠨᠤ ᠨᠠᠢᠷ᠂ ᠰᠥᠨᠢᠶ᠋ᠢᠨ ᠬᠡᠷᠡᠭ᠌ᠯᠡᠭᠡ ᠵᠢ ᠠᠬᠢᠭᠤᠯᠬᠤ᠂ ᠮᠥᠰᠥ᠍ ᠴᠠᠰᠤᠨ ᠤ᠋ ᠨᠠᠢᠷ〉 ᠵᠡᠷᠭᠡ ᠨᠠᠶ᠋ᠮᠠᠨ ᠶᠡᠬᠡ ᠭᠤᠤᠯ ᠰᠡᠳᠦᠪᠲᠦ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠍᠂ ᠬᠤᠳᠠᠯᠳᠤᠭᠠᠨᠤ ᠲᠣᠭᠣᠷᠢᠭᠤᠨ ᠠᠵᠤ ᠠᠬᠤᠶ᠂ ᠲᠠᠪᠴᠠᠩᠤᠨ ᠠᠵᠤ ᠠᠬᠤᠶ᠂ ᠠᠮᠠᠷᠠᠯᠲᠠᠶ᠋ᠢᠨ ᠡᠳᠦᠷᠦᠨ ᠠᠵᠤ ᠠᠬᠤᠶ ᠵᠡᠷᠭᠡ ᠭᠤᠷᠪᠠᠨ ᠶᠡᠬᠡ ᠬᠡᠷᠡᠭ᠌ᠯᠡᠭᠡᠨᠦ ᠬᠠᠯᠠᠮᠱᠢᠯ ᠢ᠋ ᠳᠣᠪᠣᠢᠯᠭᠠᠵᠤ᠂ ᠬᠡᠷᠡᠭ᠌ᠯᠡᠭᠡᠨᠦ ᠲᠠᠯᠠᠪᠤᠷᠤᠨ ᠱᠢᠨᠡᠶ᠋ᠢ ᠡᠭᠦᠳᠬᠦ᠌᠂ ᠬᠡᠷᠡᠭ᠌ᠯᠡᠭᠡᠨᠦ ᠬᠠᠩᠭᠠᠯᠭᠠᠶ᠋ᠢ ᠪᠠᠶᠠᠯᠢᠭ᠍ᠵᠢᠭᠤᠯᠬᠤ᠂ ᠬᠡᠷᠡᠭ᠌ᠯᠡᠭᠡᠨᠦ ᠠᠭᠤᠷ ᠠᠮᠢᠰᠭᠤᠯᠢ ᠪᠣᠶ ᠪᠣᠯᠭᠠᠬᠤ ᠲᠠᠯᠠᠪᠠᠷ ᠬᠦᠴᠦᠯᠡᠵᠦ᠍᠂ ᠬᠡᠷᠡᠭ᠌ᠯᠡᠭ᠌ᠴᠢᠳᠦᠨ ᠥᠪᠡᠷᠮᠢᠴᠡ᠂ ᠣᠯᠠᠨ ᠶᠠᠩᠵᠤᠲᠤ᠂ ᠶᠠᠰᠤ ᠴᠢᠨᠠᠷᠤᠨ ᠬᠡᠷᠡᠭ᠌ᠴᠡᠭᠡᠶ᠋ᠢ ᠬᠦᠴᠦᠯᠡᠨ ᠬᠠᠩᠭᠠᠵᠠᠢ》 ᠭᠡᠵᠤ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠬᠤᠳᠠᠯᠳᠤᠭᠠᠨ ᠤ ᠶᠠᠪᠤᠳᠠᠯᠤᠨ ᠲᠢᠩᠬᠢᠮᠦᠨ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠠᠵᠢᠯᠯᠠᠭᠠᠨ ᠪᠠ ᠬᠡᠷᠡᠭ᠌ᠯᠡᠭᠡᠶ᠋ᠢ ᠠᠬᠢᠭᠤᠯᠬᠤ ᠭᠠᠵᠠᠷᠤᠨ ᠬᠠᠮᠢᠶᠠ ᠪᠥᠬᠥᠶ ᠬᠠᠷᠢᠭᠤᠴᠠᠯᠭᠠᠲᠠᠨ ᠲᠠᠨᠢᠯᠴᠠᠭᠤᠯᠪᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠠᠨᠠᠷ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃