2024-05-14 09:31:11
— ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠤᠨ ᠲᠤᠬᠠᠢ ᠱᠢᠷᠢᠰ ᠮᠡᠳᠡᠭᠡᠯᠡᠯ (ᠬᠣᠶᠠᠷ)
ᠬᠠᠪᠤᠷᠤᠨ ᠰᠡᠭᠦᠯᠴᠢᠪᠡᠷ᠂ ᠬᠥᠬᠡᠬᠣᠲᠠᠶ᠋ᠢᠨ ᠴᠢᠩ ᠱᠦᠢ ᠾᠧ ᠱᠢᠶᠠᠨᠳᠤ᠃ ᠡᠩᠬᠦᠯ ᠳᠤᠩᠬᠤᠯ ᠠᠭᠤᠯᠠᠨ ᠵᠠᠮᠢᠶᠠᠷ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠬᠡᠰᠡᠭᠲᠦ ᠭᠠᠷᠤᠯᠠ᠃ ᠠᠯᠤᠰᠢ ᠪᠠᠷᠠᠯᠠᠬᠤᠶᠠ᠂ ᠰᠢᠷᠤᠢᠶᠢᠨ ᠲᠤᠪᠵᠢᠶᠠ᠂ ᠬᠤᠳᠠᠶ᠋ᠢᠨ ᠬᠡᠷᠡᠮ ᠨᠣᠮᠢᠨ ᠨᠣᠭᠣᠭᠠᠨ ᠠᠭᠤᠯᠠ ᠤᠰᠤᠨᠤ ᠬᠣᠭᠣᠷᠣᠨᠳᠣ ᠮᠤᠷᠤᠯᠵᠠᠨ ᠰᠦᠨᠳᠡᠷᠯᠡᠵᠦ᠂ ᠡᠬᠡᠯ ᠪᠣᠷᠣᠭ᠍ᠵᠢᠭᠤᠨᠤ ᠳᠤᠮᠳᠠ ᠨᠠᠮ ᠰᠡᠯᠡᠭᠦᠨ ᠪᠥᠭᠡᠳ ᠲᠦᠪ ᠶᠡᠬᠡᠮᠰᠦᠭ ᠬᠠᠷᠠᠭ᠍ᠳᠠᠨᠠ᠃
ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠨᠢ ᠲᠦᠮᠡᠨ ᠭᠠᠵᠠᠷᠤᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠳᠤᠮᠳᠠ ᠬᠡᠰᠡᠭᠲᠦ ᠪᠠᠢᠷᠢᠯᠠᠵᠤ᠂ ᠪᠥᠬᠥ᠌ ᠣᠷᠳᠣᠨᠢ 155 ᠺᠢᠯᠣᠮᠧᠲ᠋ᠷ ᠪᠠᠢᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ 17%ᠶ᠋ᠢ ᠡᠵᠡᠯᠡᠵᠦ᠍᠂ ᠡᠬᠢ ᠪᠠᠶᠠᠯᠢᠭ ᠡᠯᠪᠡᠭ ᠳᠡᠯᠪᠡᠭ᠂ ᠲᠥᠷᠥᠯ ᠬᠡᠯᠪᠡᠷᠢ ᠣᠯᠠᠨ ᠶᠠᠩᠵᠤᠶ᠋ᠢᠨ ᠪᠠᠢᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠣᠲᠣ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠠᠢᠭᠠ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠬᠠᠮᠤᠭᠤᠨ ᠰᠠᠢᠨ ᠨᠢᠭᠡ ᠬᠡᠰᠡᠭ ᠪᠣᠯᠤᠨᠠ᠃
ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ 600 ᠭᠠᠷᠤᠢ ᠵᠢᠯᠦᠨ ᠰᠠᠯᠬᠢ ᠪᠣᠷᠣᠭᠠᠨᠢ ᠥᠩᠭᠡᠷᠡᠭᠦᠯᠵᠦ᠍᠂ ᠴᠢᠩ ᠱᠦᠢ ᠾᠧᠶᠢᠨ ᠡᠬᠡ ᠭᠠᠵᠠᠷ ᠳᠡᠭᠡᠷᠡ ᠭᠦᠨ ᠭᠦᠨᠵᠡᠭᠡᠢ ᠰᠣᠶᠣᠯᠤᠨ ᠤᠯᠠ ᠮᠥᠷᠢᠶᠡᠨ ᠦᠯᠡᠳᠡᠭᠡᠵᠡᠢ᠃ ᠮᠢᠨᠭ ᠤᠯᠤᠰᠤᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠤ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠬᠥᠮᠦᠰ ᠦᠪᠡᠷᠤᠨ ᠵᠢᠡᠨ ᠬᠠᠷᠠᠭᠠᠰᠤᠡᠴᠡᠪᠠᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠯᠢᠭᠡᠷᠢ ᠶᠠᠷᠢᠵᠤ᠂ ᠡᠨᠡ ᠬᠦ᠌ ᠳᠤᠮᠳᠠᠳᠤᠶ᠋ᠢᠨ ᠰᠣᠶᠣᠯᠤᠨ ᠤᠭ ᠦᠨᠳᠦᠰᠦᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠤᠢ᠃
ᠪᠤᠭᠤᠮᠲᠠᠶᠢᠨ ᠴᠠᠢᠵᠠ ᠦᠶᠡᠯᠡᠨ ᠰᠤᠨᠤᠯᠵᠠᠵᠤ ᠤᠷᠠᠯᠢᠭᠤᠨ ᠠᠶᠠᠰ ᠦᠨᠢ ᠤᠷᠲᠦ ᠳᠠᠭᠤᠷᠢᠰᠦᠨᠠ
ᠴᠢᠩ ᠱᠦᠢ ᠾᠧ ᠱᠢᠶᠠᠨ ᠬᠥᠬᠡᠬᠣᠲᠠᠶ᠋ᠢᠨ ᠡᠮᠦᠨᠡ ᠬᠡᠰᠡᠭᠲᠦ ᠪᠠᠢᠷᠢᠯᠠᠵᠤ᠂ ᠵᠡᠭᠦᠨ ᠡᠮᠦᠨᠡ ᠲᠠᠯᠠᠪᠠᠷᠢᠶᠠᠨ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢᠶᠡᠷ ᠵᠠᠭᠠᠭ ᠪᠣᠯᠭᠠᠵᠤ᠂ ᠱᠠᠨ ᠰᠢ ᠮᠤᠵᠢᠶ᠋ᠢᠨ ᠫᠢᠩ ᠯᠦ᠍ ᠲᠣᠭᠣᠷᠢᠭ᠂ ᠫᠢᠶᠠᠨ ᠭᠤᠸᠠᠨ ᠱᠢᠶᠠᠨᠲᠠᠶ ᠵᠠᠬᠠ ᠨᠡᠢᠯᠡᠵᠦ᠍ ᠪᠠᠢᠨᠠ᠃ ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠬᠡᠪᠴᠢᠶᠡᠨᠳᠦ ᠭᠤᠷᠪᠠᠨ ᠵᠤᠷᠪᠤᠰ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠲᠠᠷᠬᠠᠵᠤ᠂ ᠲᠣᠰ ᠲᠣᠰ ᠶᠡᠬᠡ ᠵᠠᠬᠠ (ᠭᠠᠳᠠᠷ ᠣᠷᠳᠣ ᠴᠠᠭᠠᠨ ᠬᠡᠷᠡᠮ)᠂ ᠬᠣᠶᠠᠳᠤᠭᠠᠷ ᠵᠠᠬᠠ (ᠳᠡᠳ᠋ ᠣᠷᠳᠣ ᠴᠠᠭᠠᠨ ᠬᠡᠷᠡᠮ)᠂ ᠭᠤᠷᠪᠠᠳᠤᠭᠠᠷ ᠵᠠᠬᠠ (ᠳᠣᠲᠣᠷ ᠣᠷᠳᠣ ᠴᠠᠭᠠᠨ ᠬᠡᠷᠡᠮ) ᠭᠡᠳᠡᠭ᠃ ᠣᠳᠣᠬᠠᠨᠳᠤ ᠱᠠᠨ ᠰᠢᠶ᠋ᠢᠨ ᠠᠭᠤᠯᠵᠠᠷᠲᠠᠬᠢ ᠬᠣᠶᠠᠳᠤᠭᠠᠷ ᠵᠠᠬᠠᠶ᠋ᠢᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠢ ᠨᠡᠯᠢᠶᠡᠳ ᠰᠠᠢᠨ ᠬᠠᠳᠠᠭᠠᠯᠠᠵᠤ ᠪᠠᠢᠨᠠ᠃ 1987 ᠣᠨᠤ 12 ᠰᠠᠷᠠᠳᠤ᠂ ᠴᠢᠩ ᠱᠦᠢ ᠾᠧᠶᠢᠨ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢ ᠤᠯᠠᠨ ᠤᠯᠤᠰᠤᠨ ᠬᠣᠯᠪᠣᠭᠠᠲᠤ ᠪᠠᠢᠭᠤᠯᠭᠠᠶ᠋ᠢᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨ ᠰᠣᠶᠣᠯᠤᠨ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠳᠡᠯᠡᠬᠡᠢᠶ᠋ᠢᠨ ᠥᠪᠦᠨ ᠵᠥᠪᠯᠡᠯᠡᠴᠡ ᠳᠡᠯᠡᠬᠡᠢᠶ᠋ᠢᠨ ᠰᠣᠶᠣᠯᠤᠨ ᠥᠪᠢᠶᠡᠷ ᠨᠡᠢᠲᠡᠯᠡᠪᠡ; 2001 ᠣᠨᠤ 6 ᠰᠠᠷᠠᠳᠤ᠂ ᠲᠥᠷᠥᠶ᠋ᠢᠨ ᠶᠠᠪᠤᠳᠠᠯᠤᠨ ᠬᠣᠷᠢᠶᠠᠡᠴᠡ ᠲᠠᠪᠤᠳᠤᠭᠠᠷ ᠪᠦᠯᠦᠭᠦᠨ ᠪᠦᠬᠦ᠌ ᠤᠯᠤᠰᠤᠨ ᠭᠣᠣᠯᠳᠠᠯᠭᠠ ᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢᠪᠡᠷ ᠨᠡᠢᠲᠡᠯᠡᠪᠡ; 2020 ᠣᠨᠤ 11 ᠰᠠᠷᠠᠳᠤ᠂ ᠪᠠᠨ ᠱᠸᠠ ᠭᠸᠦᠶ᠋ᠢᠨ ᠬᠡᠰᠡᠭ᠂ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠬᠡᠰᠡᠭ ᠪᠣᠯᠤᠨ ᠯᠣᠣ ᠨᠢᠤ ᠸᠠᠨᠤ ᠬᠡᠰᠡᠭᠦᠨ ᠮᠢᠩ ᠤᠯᠤᠰᠤᠨ ᠤᠷᠲᠤ ᠴᠠᠭᠠᠨ ᠭᠡᠷᠡᠮᠢ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰᠦᠨ ᠲᠣᠪᠴᠢᠶᠠᠡᠴᠡ ᠨᠢᠭᠡᠳᠦᠭᠡᠷ ᠪᠦᠯᠦᠭᠦᠨ ᠤᠯᠤᠰᠤᠨ ᠲᠡᠰᠤᠨ ᠤᠷᠲᠤ ᠴᠠᠭᠠᠨ ᠭᠡᠷᠡᠮᠦᠨ ᠴᠢᠬᠤᠯᠠ ᠬᠡᠰᠡᠭ ᠪᠣᠯᠭᠠᠨ ᠨᠡᠢᠲᠡᠯᠡᠪᠡ᠃
ᠡᠳᠦᠭᠡ᠂ ᠴᠢᠩ ᠱᠦᠢ ᠾᠧ ᠱᠢᠶᠠᠨᠤ ᠮᠢᠩ ᠤᠯᠤᠰᠤᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠨᠢᠭᠡᠨᠲᠡ ᠴᠢᠩ ᠱᠦᠢ ᠾᠧ ᠱᠢᠶᠠᠨᠤ ᠤᠨᠴᠠᠯᠢᠬ᠍ᠳᠤ ᠰᠣᠶᠣᠯᠤᠨ 《ᠭᠸᠨ》 ᠤ᠋ ᠲᠡᠮᠳᠡᠭ ᠪᠣᠯᠵᠠᠢ᠃ ᠠᠭᠤᠯᠠ ᠨᠢᠷᠤᠭᠤᠳ ᠳᠠᠪᠠᠯᠭᠠᠯᠠᠭᠰᠠᠨ᠂ ᠰᠢᠷᠤᠢᠶᠢᠨ ᠲᠤᠪᠵᠢᠶᠠ ᠰᠡᠬᠦᠢᠨ ᠰᠦᠨᠳᠡᠷᠯᠡᠭ᠌ᠰᠡᠨ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ᠂ ᠱᠢᠨᠡ ᠴᠠᠭ ᠦᠶᠡᠳᠦ ᠲᠡᠦᠬᠡᠶ᠋ᠢᠨ ᠬᠤᠪᠢᠷᠠᠯᠲᠠ ᠪᠣᠯᠤᠨ ᠳᠡᠯᠡᠬᠡᠢᠶ᠋ᠢᠨ ᠭᠠᠰᠠᠯᠠᠩ ᠵᠤᠪᠠᠯᠠᠨᠭᠲᠦ ᠬᠡᠷᠡᠭ ᠶᠠᠪᠤᠳᠠᠯᠤᠨ ᠦᠯᠢᠭᠡᠷᠢ ᠬᠦᠦᠷᠨᠢᠨᠡ᠃
ᠶᠡᠬᠡ ᠵᠠᠬᠠᠶᠢᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠪᠣᠯ ᠮᠢᠩ ᠤᠯᠤᠰᠤᠨ ᠦᠶᠡᠳᠦ ᠪᠠᠢᠭᠤᠯᠤᠭ᠍ᠰᠠᠨ ᠬᠠᠮᠤᠭ ᠡᠷᠲᠡᠨᠦ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠪᠠᠢᠵᠤ᠂ ᠮᠢᠩ ᠤᠯᠤᠰᠤᠨ ᠡᠬᠢᠨᠦ ᠦᠶᠡᠳᠦ ᠶᠡᠬᠡ ᠵᠠᠬᠠ᠂ ᠭᠣᠣᠯ ᠵᠠᠬᠠ ᠪᠤᠶᠤ ᠲᠤᠢᠯᠤᠨ ᠵᠠᠬᠠ ᠭᠡᠳᠡᠭ᠃ ᠰᠤᠷᠪᠤᠯᠵᠢ ᠪᠢᠴᠢᠭ ᠲᠡᠦᠬᠡᠶ᠋ᠢᠨ ᠲᠡᠮᠳᠡᠭ᠌ᠯᠡᠯ ᠴᠥᠭᠡᠨᠡᠴᠡ ᠪᠣᠯᠵᠤ᠂ ᠪᠣᠳᠠᠲᠠᠶ ᠪᠠᠢᠭᠤᠯᠤᠭ᠍ᠰᠠᠨ ᠣᠨ ᠵᠢᠯᠢ ᠨᠢ ᠲᠣᠭ᠍ᠲᠠᠭᠠᠵᠤ ᠴᠢᠳᠠᠭᠠ ᠦᠭᠡᠢ ᠪᠠᠢᠬᠰᠠᠭᠠᠷ᠃
ᠬᠤᠶᠠᠳᠤᠭᠠᠷ ᠵᠠᠬᠠ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠦᠨᠳᠦᠰᠦᠨᠳᠡᠭᠡᠨ ᠱᠢᠶᠠᠨᠤ ᠬᠢᠯᠢᠶ᠋ᠢᠨ ᠵᠡᠭᠦᠨ ᠡᠮᠦᠨᠡ ᠬᠡᠰᠡᠭᠢᠶᠡᠷ ᠲᠠᠷᠬᠠᠵᠤ᠂ ᠶᠡᠬᠡᠩᠬᠢ ᠬᠡᠰᠡᠭ ᠭᠠᠵᠠᠷ ᠨᠢ ᠱᠠᠨ ᠰᠢ ᠮᠤᠵᠢᠶ᠋ᠢᠨ ᠫᠢᠩ ᠯᠦ᠍ ᠲᠣᠭᠣᠷᠢᠭ ᠪᠣᠯᠤᠨ ᠫᠢᠶᠠᠨ ᠭᠤᠸᠠᠨ ᠱᠢᠶᠠᠨᠲᠠᠢ ᠵᠠᠯᠭᠠᠯᠳᠤᠵᠤ᠂ ᠣᠳᠣ ᠮᠤᠵᠢᠶ᠋ᠢᠨ ᠵᠠᠭᠠᠭ ᠱᠤᠭᠤᠮ ᠪᠣᠯᠵᠤ ᠬᠤᠪᠢᠷᠠᠪᠠ᠃
ᠭᠤᠷᠪᠠᠳᠤᠭᠠᠷ ᠵᠠᠬᠠ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠱᠢᠶᠠᠨᠤ ᠬᠢᠯᠢᠳᠦ ᠵᠥᠪᠬᠡᠨ 5 ᠺᠢᠯᠣᠮᠧᠲ᠋ᠷ ᠦᠯᠡᠳᠡᠵᠦ᠍᠂ ᠪᠸᠢ ᠪᠤᠤ ᠱᠢᠶᠠᠩᠤᠨ ᠯᠣᠣ ᠸᠠ ᠭᠸᠤ ᠲᠣᠰᠭᠣᠨᠤ ᠡᠮᠦᠨᠡ ᠠᠭᠤᠯᠠᠶ᠋ᠢᠨ ᠨᠢᠷᠤᠭᠤᠪᠠᠷ ᠲᠠᠷᠬᠠᠵᠤ᠂ ᠪᠠᠢ ᠶᠠᠩ ᠯᠢᠩ ᠠᠭᠤᠯᠠᠪᠠᠷ ᠥᠩᠭᠡᠷᠡᠵᠦ᠍ ᠱᠠᠨ ᠰᠢ ᠮᠤᠵᠢᠳᠤ ᠣᠷᠣᠳᠠᠭ᠃
ᠯᠢᠦ ᠵᠢᠶᠠᠨ ᠭᠦᠸᠧ᠂ ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠪᠠᠢᠷᠢ ᠰᠠᠭᠤᠷᠢ ᠪᠠ ᠣᠨᠴᠠᠯᠢᠭ ᠨᠢ ᠭᠤᠤᠯᠳᠠᠭᠤ ᠡᠬᠢ ᠪᠠᠶᠠᠯᠢᠭ ᠡᠯᠪᠡᠭ ᠳᠡᠯᠪᠡᠭ ᠪᠠ ᠲᠥᠷᠥᠯ ᠬᠡᠯᠪᠡᠷᠢ ᠣᠯᠠᠨ ᠶᠠᠩᠵᠤᠶ᠋ᠢᠨ ᠪᠠᠢᠳᠠᠭ᠃ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠰᠲ᠋ᠧᠮ ᠨᠢ ᠨᠡᠯᠢᠶᠡᠳ ᠪᠦᠷᠢᠨ ᠪᠦᠲᠦᠨ ᠪᠠᠢᠵᠤ᠂ ᠶᠡᠬᠡ ᠵᠠᠬᠠ ᠬᠣᠶᠠᠳᠤᠭᠠᠷ ᠵᠠᠬᠠ ᠪᠠ ᠳᠣᠲᠣᠷᠵᠠᠬᠠ ᠪᠠᠢᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠮᠠᠰᠢ ᠣᠯᠠᠨ ᠪᠣᠭᠣᠮᠲᠠᠶ᠋ᠢᠨ ᠪᠠᠭᠤᠷᠢ ᠪᠠᠢᠨᠠ᠃ ᠬᠣᠶᠠᠳᠤᠭᠠᠷ ᠵᠠᠬᠠᠶᠢᠨ ᠬᠡᠷᠡᠮ ᠳᠡᠭᠡᠷᠡ ᠬᠤᠲᠠᠶᠢᠨ ᠬᠡᠷᠡᠮᠤᠨ ᠠᠰᠠᠷ᠂ ᠬᠠᠨᠠᠨ ᠲᠠᠢᠰᠠ᠂ ᠰᠢᠷᠤᠢᠶᠢᠨ ᠲᠤᠪᠵᠢᠶᠠ᠂ ᠴᠣᠨᠵᠢ᠂ ᠬᠤᠸᠠᠷᠠᠨ ᠵᠡᠷᠭᠡ ᠪᠦᠷᠢᠨ ᠪᠦᠲᠦᠨ ᠲᠥᠬᠥᠭᠡᠷᠦᠮᠵᠢᠶ᠋ᠢ ᠬᠠᠳᠠᠭᠠᠯᠠᠵᠤ ᠪᠠᠢᠨᠠ᠃ ᠡᠭᠦᠨᠳᠦ ᠰᠢᠷᠤᠢᠶᠢᠨ ᠲᠤᠪᠵᠢᠶᠠᠶᠢᠨ ᠲᠣᠭᠠ ᠣᠯᠠᠨ᠂ ᠲᠠᠷᠬᠠᠯᠲᠠ ᠨᠢᠭ᠍ᠲᠠ᠂ ᠪᠦᠷᠢᠨ ᠪᠦᠲᠦᠨ ᠨᠣᠷᠮᠠ ᠥᠨᠳᠥᠷ ᠪᠠᠢᠵᠤ᠂ ᠡᠨᠡ ᠨᠢ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠳᠠᠭᠠᠤ ᠣᠷᠣᠨᠳᠤ ᠴᠥᠭᠡᠨ ᠬᠠᠷᠠᠭ᠍ᠳᠠᠬᠤ ᠪᠥᠭᠡᠳ ᠲᠡᠦᠬᠡ ᠪᠠ ᠰᠣᠶᠣᠯᠤᠨ ᠥᠪ ᠬᠥᠷᠥᠩᠭᠡᠶ᠋ᠢᠨ ᠴᠢᠬᠤᠯᠠ ᠦᠨᠡ ᠥᠷᠲᠡᠭᠲᠡᠶ ᠶᠤᠮ ᠭᠡᠵᠦ ᠲᠠᠨᠢᠯᠴᠠᠭᠤᠯᠪᠠ᠃
ᠬᠡᠳᠦᠨ ᠵᠠᠭᠤᠨ ᠵᠢᠯᠦᠨ ᠲᠤᠷᠰᠢ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠨᠢ ᠤᠯᠠᠨ ᠡᠱᠢᠲᠦ ᠰᠣᠶᠣᠯᠤᠨ ᠰᠣᠯᠢᠯᠴᠠᠭᠠ ᠠᠭᠤᠰᠤᠯᠴᠠᠯᠢ ᠭᠡᠷᠡᠴᠢᠯᠡᠭ᠌ᠰᠡᠨ ᠪᠥᠭᠡᠳ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠡᠬᠢ ᠠᠷᠠᠳ ᠲᠦᠮᠡᠨᠦ ᠠᠮᠢᠳᠤᠷᠠᠯᠤᠨ ᠯᠤᠲᠤ ᠶᠡᠬᠡ ᠬᠤᠪᠢᠷᠠᠯᠲᠠᠶ᠋ᠢ ᠴᠤ᠌ ᠭᠡᠷᠡᠴᠢᠯᠡᠭ᠌ᠰᠡᠨ ᠶᠤᠮ᠃
ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠳᠠᠢ ᠪᠠᠨ ᠲᠦᠱᠢᠯᠴᠡᠨ ᠡᠭᠦᠷᠢᠳᠡ ᠬᠠᠮᠳᠤ ᠣᠷᠣᠱᠢᠨᠠ
ᠳᠣᠪᠣᠷᠬᠠᠭ ᠭᠤᠤ ᠭᠠᠩᠭᠠᠶ᠋ᠢᠨ ᠳᠤᠮᠳᠠ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠪᠧᠢ ᠪᠦᠦ ᠱᠢᠶᠠᠩᠤᠨ ᠳ᠋ᠦᠶ ᠵᠢᠦ ᠫᠢᠩ ᠲᠣᠰᠭᠣᠨᠤ ᠥᠷᠯᠥᠭᠡ ᠨᠠᠮ ᠵᠢᠮ ᠪᠥᠭᠡᠳ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠪᠠᠢᠯᠠ᠃
ᠥᠷᠯᠥᠭᠡᠶ᠋ᠢᠨ ᠬᠣᠭᠣᠯᠠᠨᠤ ᠳᠠᠷᠠᠭᠠ ᠳ᠋ᠦᠶ ᠵᠢᠦ ᠫᠢᠩ ᠲᠣᠰᠭᠣᠨᠤ ᠬᠠᠮᠠᠭᠠᠯᠠᠭ᠍ᠴᠢ ᠺᠠᠩ ᠬᠠᠶ ᠯᠢᠶᠠᠩ ᠪᠡᠯᠡᠳᠭᠡᠯ ᠠᠵᠢᠯ ᠵᠢᠡᠨ ᠰᠠᠢᠳᠤᠷ ᠬᠢᠵᠦ᠂ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠢ᠋ ᠴᠠᠭᠳᠠᠨ ᠪᠠᠢᠴᠠᠭᠠᠬᠤᠪᠠᠷ ᠮᠤᠷᠳᠠᠪᠠ᠃ ᠨᠢᠭᠡ ᠮᠣᠲ᠋ᠣᠷ ᠲᠡᠷᠭᠡ᠂ ᠨᠢᠭᠡ ᠯᠣᠩᠬᠣ ᠤᠰᠤ᠂ ᠨᠢᠭᠡ ᠭᠠᠯ ᠤᠨᠲᠠᠷᠠᠭᠠᠬᠤ ᠪᠠᠭᠠᠵᠢ ᠪᠣᠯ ᠲᠡᠭᠦᠨᠦ ᠪᠦᠬᠦ᠌ ᠲᠥᠬᠥᠭᠡᠷᠦᠮᠵᠢ ᠪᠣᠯᠤᠨᠠ᠃
ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠴᠠᠭ᠍ᠳᠠᠨ ᠪᠠᠢᠴᠠᠭᠠᠯᠲᠠᠳᠤ ᠶᠠᠪᠤᠴᠢᠬᠠᠮᠠᠷ ᠰᠠᠢᠬᠠᠨ ᠵᠠᠮ ᠪᠠᠢᠬᠤ ᠦᠭᠡᠢ᠃ ᠮᠣᠲ᠋ᠣᠷ ᠲᠡᠷᠭᠡ ᠶᠠᠪᠤᠵᠤ ᠳᠡᠢᠯᠬᠦ᠌ ᠦᠭᠡᠢ ᠮᠤᠷᠤᠢ ᠰᠠᠷᠤᠢ ᠠᠭᠤᠯᠠᠨ ᠵᠠᠮ ᠵᠢᠡᠷ ᠺᠠᠩ ᠬᠠᠢ ᠯᠢᠶᠠᠩ ᠵᠥᠪᠬᠡᠨ ᠠᠯᠬᠤᠭᠠᠳ ᠯᠡ ᠶᠠᠪᠤᠨᠠ᠃ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠢ ᠴᠠᠭ᠍ᠳᠠᠨ ᠪᠠᠢᠴᠠᠭᠠᠬᠤ ᠨᠢ ᠳᠥᠭᠥᠮᠭᠡᠨ ᠲᠤᠭᠤᠷᠢᠨ ᠶᠠᠪᠤᠬᠤ ᠶᠠᠪᠤᠳᠠᠯ ᠪᠢᠰᠢ᠂ ᠬᠠᠷᠢᠨ ᠨᠢᠭᠡ ᠵᠦᠶ᠋ᠯᠦᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠠᠵᠢᠯ ᠪᠣᠯᠤᠨᠠ᠃ ᠲᠣᠭᠣᠰᠭᠠ ᠨᠢᠭᠡ ᠪᠦᠷᠢ᠂ ᠬᠡᠷᠡᠮ ᠨᠢᠭᠡ ᠪᠦᠷᠢ ᠵᠢᠨ ᠡᠪᠳᠡᠭ᠌ᠳᠡᠭ᠌ᠰᠡᠨ ᠡᠰᠡᠬᠦ᠌ᠶ᠋ᠢ ᠪᠠᠢᠴᠠᠭᠠᠨ ᠦᠵᠡᠬᠦ᠌ ᠬᠡᠷᠡᠭ᠌ᠲᠡᠶ᠂ ᠪᠠᠰᠠ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠠᠮᠠᠷᠬᠠᠨ ᠱᠢᠲᠠᠬᠤ ᠪᠣᠳᠠᠰᠢ ᠴᠡᠪᠡᠷᠯᠡᠵᠦ᠍᠂ ᠲᠣᠰᠭᠣᠨᠤ ᠠᠷᠠᠳ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠡᠷᠬᠢᠨ ᠲᠣᠭᠣᠷᠢᠨᠳᠤ ᠮᠠᠯᠵᠢᠵᠤ ᠪᠠᠢᠬᠤ ᠡᠰᠡᠬᠦ᠌ᠶ᠋ᠢ ᠪᠠᠢᠴᠠᠭᠠᠨ ᠦᠵᠡᠬᠦ᠌ ᠬᠡᠷᠡᠭ᠌ᠲᠡᠶ ᠁
ᠡᠨᠡ ᠵᠢᠯ 55 ᠨᠠᠰᠤᠲᠠᠢ ᠺᠠᠩ ᠬᠠᠢ ᠯᠢᠶᠠᠩᠳᠤ ᠠᠪᠴᠤ᠌ ᠬᠡᠯᠡᠪᠡᠯ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠨᠢᠭᠡᠨᠲᠡ ᠲᠡᠭᠦᠨᠦ ᠠᠮᠢᠳᠤᠷᠠᠯᠳᠤ ᠠᠭᠤᠰᠤᠯᠴᠠᠵᠠᠢ᠄ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠳᠣᠣᠷᠠ ᠦᠰᠦᠨ ᠪᠣᠢᠵᠢᠵᠤ᠂ ᠨᠠᠰᠤᠨᠳᠤ ᠬᠦᠷᠦᠭ᠌ᠰᠡᠨᠦ ᠲᠠᠷᠠᠭᠠ ᠪᠠᠰᠠ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨ ᠳ᠋ᠤ ᠬᠥᠳᠡᠯᠮᠦᠷᠢᠯᠡᠪᠡ᠃ 8 ᠵᠢᠯᠦᠨ ᠡᠮᠦᠨᠡ ᠲᠡᠷᠡ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠬᠠᠮᠠᠭᠠᠯᠠᠭ᠍ᠴᠢ ᠪᠤᠯᠵᠤ᠂ 20 ᠭᠠᠷᠤᠢ ᠺᠢᠯᠤᠮᠸᠲᠷ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠠᠵᠢᠯᠢ ᠬᠠᠷᠢᠭᠤᠴᠠᠪᠠ᠃
ᠴᠢᠩ ᠱᠦᠢ ᠾᠧ ᠱᠢᠶᠠᠨᠳᠤ ᠺᠠᠩ ᠬᠠᠢ ᠯᠢᠶᠠᠩ ᠱᠢᠭ᠋ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠬᠠᠮᠠᠭᠠᠯᠠᠭ᠍ᠴᠢ ᠪᠠᠰᠠ 29 ᠬᠥᠮᠦᠨ ᠪᠤᠢ᠃ ᠳᠡᠳᠡ ᠪᠣᠯ ᠪᠦᠷ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨ ᠳ᠋ᠤ ᠰᠠᠭᠤᠵᠤ ᠪᠠᠢᠭᠠ ᠲᠣᠰᠭᠣᠨᠤ ᠠᠷᠠᠳ ᠪᠣᠯᠤᠨᠠ᠃ ᠳᠡᠳᠡ ᠬᠠᠮᠤᠭᠤᠨ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡᠪᠡᠷ ᠥᠪᠡᠷᠦᠨ ᠪᠡᠶᠡ ᠲᠠᠢᠪᠠᠨ ᠡᠳᠦᠷ ᠰᠥᠨᠢ ᠦᠬᠡᠢ ᠬᠠᠮᠲᠤ ᠪᠠᠢᠬᠤ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠤᠢ᠃
ᠤᠷᠲᠤ ᠴᠠᠭᠠᠨ ᠬᠡᠷᠡᠮᠢ ᠬᠠᠮᠠᠭᠠᠯᠠᠵᠤ᠂ ᠵᠣᠷᠢᠭ ᠰᠠᠨᠠᠭᠠᠨᠤ ᠦᠨᠳᠦᠰᠦ ᠰᠠᠭᠤᠷᠢᠶ᠋ᠢ ᠪᠡᠬᠢᠵᠢᠭᠦᠯᠦᠨᠡ᠃ ᠣᠢᠷᠠᠶ᠋ᠢᠨ ᠵᠢᠯᠦᠳᠲᠦ ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠨᠠᠮᠤᠨ ᠬᠣᠷᠢᠶᠠ᠂ ᠱᠢᠶᠠᠨᠤ ᠵᠠᠰᠠᠭᠤᠨ ᠣᠷᠳᠣᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠢ ᠬᠠᠮᠠᠭᠠᠯᠠᠬᠤ ᠪᠠ ᠠᠱᠢᠭ᠍ᠯᠠᠬᠤᠶ᠋ᠢ ᠪᠥᠬᠥ᠌ ᠱᠢᠶᠠᠨᠤ ᠠᠵᠤ ᠠᠬᠤᠶ ᠨᠡᠢᠭᠡᠮᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠴᠢᠬᠤᠯᠠ ᠶᠡᠬᠡ ᠱᠢᠶ᠋ᠳᠪᠦᠷᠢᠲᠦ ᠪᠣᠳᠣᠯᠭᠠᠳᠤ ᠣᠷᠣᠭᠤᠯᠵᠤ᠂ ᠶᠡᠬᠡ ᠬᠦᠴᠦ᠍ ᠣᠷᠣᠭᠤᠯᠤᠨ᠂ ᠦᠨᠡᠨ ᠬᠦ᠌ ᠬᠦᠴᠦ᠍ ᠣᠷᠣᠭᠤᠯᠵᠤ ᠪᠠᠢᠭᠠᠳ ᠬᠢᠯᠢᠶ᠋ᠢᠨ ᠳᠣᠲᠣᠷᠠᠬᠢ ᠥᠨᠳᠥᠷ ᠰᠦᠷᠯᠢᠭ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠢ ᠬᠠᠮᠠᠭᠠᠯᠠᠭ᠍ᠰᠠᠨ ᠪᠠᠢᠨᠠ᠃
《ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠨᠢ ᠪᠤᠰᠤᠳᠤᠨ ᠨᠢᠳᠦᠨᠳᠦ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠡᠰ ᠪᠤᠯᠵᠤ ᠬᠠᠷᠠᠭᠳᠠᠳᠠᠭ᠂ ᠪᠢᠳᠡᠨᠦ ᠨᠢᠳᠦᠨᠳᠦ ᠪᠣᠯ ᠬᠠᠷᠢᠨ ᠨᠤᠲᠤᠭ ᠤᠰᠤ ᠮᠦᠨ᠃ ᠡᠳᠡᠭᠡᠷ ᠵᠢᠯᠦᠳᠲᠦ ᠤᠯᠤᠰᠡᠴᠡ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢ ᠬᠠᠮᠠᠭᠠᠯᠠᠬᠤ ᠡᠷᠴᠢᠮᠢᠶᠡᠨ ᠴᠢᠩᠭᠠᠷᠠᠭᠤᠯᠤᠭᠰᠠᠨ ᠳ᠋ᠤ ᠪᠢᠳᠡ ᠦᠨᠡᠨ ᠰᠡᠳᠭᠢᠯ ᠡᠴᠡ ᠪᠡᠨᠪᠠᠶᠠᠷᠯᠠᠵᠤ ᠪᠠᠢᠨᠠ᠃ ᠬᠡᠷᠪᠡ ᠶᠠᠮᠠᠷ ᠨᠢᠭᠡᠨ ᠬᠥᠮᠦᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠢ ᠡᠪᠳᠡᠪᠡᠯ ᠨᠤᠲᠤᠭᠤᠨ ᠬᠥᠮᠦᠰ ᠪᠤᠯᠤᠭᠰᠠᠨ ᠪᠢᠳᠡ ᠬᠠᠮᠤᠭ ᠲᠡᠷᠢᠭᠦᠨᠳᠦ ᠵᠥᠪᠱᠢᠶᠡᠷᠡᠬᠦ᠌ ᠦᠭᠡᠢ᠃ ᠡᠪᠦᠭᠡ ᠳᠡᠭᠡᠳᠦᠰᠡᠴᠡ ᠦᠯᠡᠳᠡᠭᠡᠭ᠌ᠰᠡᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠢ ᠪᠢᠳᠡ ᠰᠠᠢᠲᠤᠷ ᠬᠠᠮᠠᠭᠠᠯᠠᠬᠤ ᠬᠡᠷᠡᠭ᠌ᠲᠡᠶ》ᠭᠡᠵᠦ ᠺᠠᠩ ᠬᠠᠢ ᠯᠢᠶᠠᠩ ᠬᠡᠯᠡᠪᠡ᠃
ᠠᠭᠤᠯᠠ ᠤᠰᠤ ᠥᠨᠢ ᠮᠥᠩᠬᠡ᠂ ᠲᠡᠭᠡᠳᠦᠰ ᠤ᠋ᠨ ᠤᠯᠠᠮᠵᠢᠯᠠᠯ ᠮᠢᠩᠭᠠᠨ ᠵᠢᠯ ᠦᠷᠬᠦᠯᠵᠢᠯᠡᠨᠡ᠃ ᠲᠡᠦᠬᠡ ᠬᠡᠳᠦᠢᠪᠡᠷ ᠡᠷᠭᠢᠯᠳᠦᠨ ᠤᠷᠴᠢᠭᠰᠠᠨ ᠪᠣᠯᠪᠠᠴᠤ᠌᠂ ᠮᠤᠷᠤᠯᠵᠠᠨ ᠦᠷᠭᠦᠯᠵᠢᠯᠡᠭ᠌ᠰᠡᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮ᠂ ᠦᠯᠡᠳᠡᠭ᠌ᠳᠡᠯ ᠪᠡᠬᠢᠯᠡᠯᠲᠡ᠂ ᠰᠡᠬᠦᠢᠨ ᠰᠦᠨᠳᠡᠷᠯᠡᠭ᠌ᠰᠡᠨ ᠴᠤᠨᠵᠢ ᠨᠢ ᠮᠥᠨ ᠯᠡ ᠲᠡᠭᠦᠨᠦ ᠦᠷᠦᠴᠡᠨ ᠳ᠋ᠡᠬᠢ ᠠᠢᠯ ᠲᠣᠰᠭᠣᠨᠲᠠᠶᠪᠠᠨ ᠬᠠᠮᠲᠤ ᠪᠠᠢᠳᠠᠭ᠃ ᠦᠶᠡᠶ᠋ᠢᠨ ᠦᠶᠡᠳᠡᠭᠡᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨ ᠳ᠋ᠤ ᠠᠮᠢᠳᠤᠷᠠᠵᠤ ᠪᠠᠢᠭ᠍ᠰᠠᠨ ᠬᠥᠮᠦᠰᠲᠦ ᠠᠪᠴᠤ᠌ ᠬᠡᠯᠡᠪᠡᠯ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠪᠣᠯ ᠪᠠᠯᠠᠷᠠᠰᠢ ᠦᠭᠡᠢ ᠬᠠᠢᠷᠠ ᠰᠡᠳᠭᠢᠯᠭᠡ ᠪᠠᠢᠵᠦ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠢ ᠰᠠᠬᠢᠨ ᠬᠠᠮᠠᠭᠠᠯᠠᠬᠤ ᠪᠣᠯ ᠳᠠᠷᠤᠢ ᠥᠪᠡᠷᠦᠨ ᠭᠡᠷ ᠣᠷᠣᠨᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠶᠠᠪᠤᠳᠠᠯ ᠪᠣᠯᠤᠨᠠ᠃
ᠰᠤᠶᠤᠯᠢᠶᠠᠷ ᠡᠨᠧᠷᠭᠢ ᠤᠯᠭᠤᠵᠤ ᠦᠶᠡ ᠤᠯᠠᠷᠢᠨ ᠣᠷᠣᠱᠢᠨ ᠲᠣᠭ᠍ᠲᠠᠨᠢᠨᠠ
《ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠤᠭᠠ ᠰᠡᠯᠡᠬᠦᠴᠡᠯᠤᠨ ᠭᠠᠵᠠᠷ》ᠲᠤ᠌ ᠣᠷᠣᠪᠠᠯ ᠨᠢᠭᠡᠨ ᠡᠷᠲᠡᠨᠦ ᠴᠢᠯᠠᠭᠤᠨ ᠬᠡᠷᠡᠮ ᠨᠢ ᠬᠥᠮᠦᠰᠦᠨ ᠠᠩᠬᠠᠷᠤᠯᠢ ᠲᠠᠲᠠᠨᠠ᠂ ᠬᠡᠷᠡᠮᠦᠨ ᠠᠷᠤᠳᠠᠬᠢ ᠬᠦᠷᠢᠶᠡ ᠬᠠᠱᠢᠶᠠᠶ᠋ᠢ ᠬᠢᠯᠠᠢᠳᠠᠯᠠ ᠴᠡᠪᠡᠷᠯᠡᠭᠰᠡᠨ ᠪᠠᠢᠯᠠ᠃ 54 ᠨᠠᠰᠤᠲᠠᠢ ᠵᠠᠩ ᠼᠦᠨ ᠳ᠋ᠢᠶ᠋ᠢᠨ ᠬᠢᠨ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰ ᠡᠷᠬᠢᠯᠡᠵᠦ᠍᠂ ᠨᠠᠭᠠᠰᠢ ᠴᠠᠭᠠᠰᠢ ᠵᠣᠷᠴᠢᠵᠤ ᠪᠠᠢᠭᠠ ᠬᠤᠳᠠᠯᠳᠤᠭᠠᠴᠢᠨ᠂ ᠵᠢᠭᠤᠯᠴᠢᠯᠠᠭᠰᠡᠳᠲᠤ ᠵᠢᠩᠬᠢᠨᠢ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠦᠨᠦᠷ ᠠᠮᠲᠠ ᠲᠠᠢ ᠬᠤᠭᠤᠯᠠ ᠤᠮᠳᠠ ᠬᠠᠩᠭᠠᠵᠤ ᠪᠤᠢ᠃
ᠪᠧᠶ ᠪᠦᠦ ᠱᠢᠶᠠᠩᠤᠨ ᠺᠸᠦ ᠽᠢ ᠱᠠᠩ ᠲᠣᠰᠭᠣᠨ ᠮᠢᠩ ᠤᠯᠤᠰᠤᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠤ ᠪᠤᠢ᠃ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨᠳᠤ ᠡᠨᠳᠡᠬᠢ ᠬᠡᠰᠡᠭ ᠲᠣᠰᠭᠣᠨᠤ ᠠᠷᠠᠳᠤᠨ ᠡᠪᠦᠭᠡ ᠳᠡᠭᠡᠳᠦᠰ ᠪᠣᠯ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠬᠠᠮᠠᠭᠠᠯᠠᠭ᠍ᠴᠢ ᠪᠠᠢᠬᠰᠠᠨ ᠭᠡᠳᠡᠭ᠃ ᠤᠳᠤ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠤ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠬᠥᠮᠦᠰ ᠤᠯᠠᠮᠡᠴᠡ ᠤᠯᠠᠮᠤᠯᠠᠨᠤ ᠬᠦᠷᠢᠶᠡᠯᠡᠯᠢ ᠣᠯᠵᠤ᠂ ᠬᠥᠮᠦᠰᠦᠨ ᠠᠮᠢᠳᠤᠷᠠᠯ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠡᠴᠡ ᠪᠤᠯᠵᠤ ᠡᠳᠦᠷ ᠢᠷᠡᠬᠦᠶᠡ ᠰᠠᠢᠵᠢᠷᠠᠵᠤ ᠪᠤᠢ᠃
ᠤᠳᠤᠬᠠᠨᠳᠤ ᠵᠢᠭᠤᠯᠴᠢᠯᠠᠯᠤᠨ ᠬᠦᠭᠵᠢᠶᠡᠨᠲᠦ ᠤᠯᠠᠷᠢᠯ ᠪᠣᠯᠤᠭᠠ ᠦᠭᠡᠢᠪᠡᠷ ᠵᠠᠩ ᠼᠦᠨ ᠳᠢ ᠨᠢᠭᠡᠨᠲᠡ ᠶᠠᠭᠠᠷᠠᠵᠤ ᠡᠬᠢᠯᠡᠪᠡ᠃ ᠵᠠᠩ ᠼᠦᠨ ᠳ᠋ᠢ᠄ 《ᠪᠢ ᠡᠨᠡ ᠬᠡᠰᠡᠭ ᠭᠠᠵᠠᠷᠲᠤ ᠢᠳᠡᠱᠢᠨ ᠨᠣᠭᠣᠭᠠ ᠲᠠᠷᠢᠵᠤ᠂ ᠥᠪᠡᠷᠦᠨ ᠲᠠᠷᠢᠭ᠍ᠰᠠᠨ ᠢᠳᠡᠱᠢᠨ ᠨᠣᠭᠣᠭᠠᠪᠠᠨ ᠲᠠᠷᠢᠶᠠᠴᠢᠨ ᠠᠢᠯᠤᠨ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠲᠦᠬᠡᠷᠡᠭ᠌ᠯᠡᠭᠦᠯᠵᠦ᠍᠂ ᠵᠣᠴᠢᠳ ᠲᠸ᠋ ᠱᠢᠨᠡ ᠰᠣᠷᠭᠣᠭ ᠨᠤᠭᠤᠭᠠ ᠢᠳᠡᠭᠦᠯᠬᠦ᠌ ᠵᠢ ᠰᠠᠨᠠᠵᠦ ᠪᠠᠢᠨᠠ》 ᠭᠡᠪᠡ᠃
ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠤ 《ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠤᠨ ᠬᠣᠭᠣᠯᠠ》 ᠢᠳᠡᠵᠦ᠍᠂ ᠲᠣᠰᠭᠣᠨᠤ ᠠᠷᠠᠳ ᠭᠠᠳᠠᠭ᠍ᠰᠢ ᠭᠠᠷᠬᠤ ᠦᠭᠡᠢ ᠴᠦ᠍ ᠭᠡᠰᠡᠨ ᠵᠣᠭᠣᠰ ᠤᠯᠵᠤ ᠪᠣᠯᠤᠨᠠ᠃ ᠲᠣᠰᠭᠣᠨᠳᠤ ᠢᠷᠡᠵᠦ᠍ ᠰᠤᠳᠤᠯᠤᠨ ᠰᠤᠷᠤᠯᠴᠠᠵᠤ᠂ ᠵᠢᠭᠤᠯᠴᠢᠯᠠᠬᠤ ᠬᠥᠮᠦᠨ ᠶᠠᠪᠤᠬᠤ ᠲᠤᠳᠤᠮ ᠣᠯᠠᠱᠢᠷᠠᠵᠠᠢ᠃ ᠵᠠᠩ ᠼᠦᠨ ᠳᠢ᠄ 《ᠶᠠᠭᠠᠷᠠᠦ ᠦᠶᠡᠳᠦ ᠪᠢ ᠲᠣᠭᠣᠭᠠᠴᠢ ᠮᠦᠷᠲᠡᠭᠡᠨ ᠪᠠᠰᠠ ᠦᠢᠯᠡᠴᠢᠯᠡᠭ᠌ᠴᠢ ᠪᠣᠯᠳᠠᠭ᠃ ᠵᠣᠴᠢᠨ ᠬᠠᠮᠤᠭ ᠠᠷᠪᠢᠨ ᠨᠢᠭᠡ ᠡᠳᠦᠷ ᠪᠢᠳᠡ 60 ᠭᠠᠷᠤᠶ ᠬᠥᠮᠦᠨᠢ ᠵᠣᠴᠢᠯᠠᠵᠤ᠂ 3000 ᠱᠢᠬᠠᠮ ᠲᠥᠭᠥᠷᠢᠭᠤᠨ ᠤᠷᠤᠯᠭᠠ ᠤᠯᠪᠠ᠃ 〈ᠤᠷᠲᠤ ᠴᠠᠭᠠᠨ ᠬᠡᠷᠡᠮ〉 ᠪᠢᠳᠡᠨᠳᠦ ᠮᠠᠰᠢ ᠰᠠᠢᠨ ᠣᠷᠣᠯᠭᠠ ᠠᠪᠴᠢᠷᠠᠵᠤ ᠥᠭ᠌ᠭᠦᠨᠡ ᠭᠡᠵᠦ᠍ ᠪᠣᠳᠣᠵᠤ ᠣᠯᠤᠭ᠍ᠰᠠᠨ ᠦᠭᠡᠢ》 ᠭᠡᠵᠦ ᠪᠠᠶᠠᠷᠲᠠᠢ ᠭᠡᠯᠡᠨᠡ᠃
ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠨᠢ ᠲᠡᠦᠬᠡᠶ᠋ᠢᠨ ᠤᠯᠠᠷᠢᠯ ᠬᠤᠪᠢᠰᠤᠯ ᠪᠣᠯᠤᠨ ᠴᠠᠭ ᠦᠶᠡᠶ᠋ᠢᠨ ᠯᠤᠲᠤ ᠶᠡᠬᠡ ᠬᠤᠪᠢᠷᠠᠯᠲᠠᠶ᠋ᠢ ᠭᠡᠷᠡᠴᠢᠯᠡᠵᠦ᠍᠂ ᠳᠤᠮᠳᠠᠳᠤᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠣᠷᠣᠱᠢᠨ ᠲᠣᠭ᠍ᠲᠠᠨᠢᠵᠤ ᠦᠷᠡᠵᠢᠨ ᠲᠥᠯᠵᠢᠬᠦ᠌᠂ ᠦᠶᠡᠶ᠋ᠢᠨ ᠦᠶᠡᠳᠡᠭᠡᠨ ᠠᠮᠢᠳᠤᠷᠠᠨ ᠰᠠᠭᠤᠷᠢᠰᠢᠬᠤᠳᠦ ᠰᠠᠬᠢᠨ ᠬᠠᠮᠠᠭᠠᠯᠠᠭᠴᠢ ᠪᠤᠯᠪᠠ᠃
2020 ᠣᠨᠤ 11 ᠰᠠᠷᠠᠶ᠋ᠢᠨ 24ᠤ᠋ ᠡᠳᠦᠷ᠂ ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠬᠡᠰᠡᠭᠨᠢ ᠨᠢᠭᠡᠳᠦᠭᠡᠷ ᠪᠦᠯᠦᠭᠦᠨ ᠤᠯᠤᠰᠤᠨ ᠲᠠᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠴᠢᠬᠤᠯᠠ ᠬᠡᠰᠡᠭᠦᠨ ᠨᠡᠷᠡᠰᠲᠦ ᠰᠣᠩᠭᠣᠭ᠍ᠳᠠᠪᠠ᠃ 2021 ᠣᠨᠤ 3 ᠰᠠᠷᠠᠳᠤ᠂ ᠴᠢᠩ ᠱᠦᠢ ᠾᠧ ᠱᠢᠶᠠᠨᠤ ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠬᠡᠰᠡᠭᠢ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠪᠦᠳᠦᠭᠡᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠲᠦᠷᠦᠯ ᠵᠦᠢᠯᠳᠦ ᠣᠷᠣᠭᠤᠯᠪᠠ᠃
ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠴᠢᠩ ᠱᠦᠶ ᠾᠧᠶᠢᠨ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠪᠠᠭᠠ ᠬᠡᠰᠡᠭᠦᠨ ᠬᠠᠮᠠᠭᠠᠯᠠᠨ ᠠᠱᠢᠭ᠍ᠯᠠᠬᠤ ᠲᠥᠷᠥᠯ ᠵᠦᠶ᠋ᠯᠦᠨ ᠭᠠᠵᠠᠷᠢ ᠴᠢᠩ ᠱᠦᠶ ᠾᠧ ᠱᠢᠶᠠᠨᠤ ᠪᠧᠶ ᠪᠦᠦ ᠱᠢᠶᠠᠩᠤᠨ ᠬᠢᠯᠢ ᠳᠣᠲᠣᠷᠠ ᠰᠣᠩᠭᠣᠪᠠ᠃ 《ᠣᠷᠳᠣ ᠴᠠᠭᠠᠨ ᠬᠡᠷᠡᠮᠤᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠦᠨ ᠪᠥᠲᠥᠭᠡᠨ ᠪᠠᠢᠭᠤᠯᠤᠯᠲᠠ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠲᠥᠯᠥᠪᠵᠢᠭᠦᠯᠭᠡ》 ᠳ᠋ᠠᠬᠢ ᠳᠥᠷᠪᠡᠨ ᠲᠥᠷᠥᠯᠦᠨ ᠭᠤᠤᠯ ᠴᠣᠭ᠍ᠴᠠᠶ᠋ᠢᠨ ᠴᠢᠳᠠᠮᠵᠢᠲᠤ ᠣᠷᠣᠨᠤ ᠬᠤᠪᠢᠶᠠᠷᠢᠯᠠᠯᠤᠨ ᠱᠠᠭᠠᠷᠳᠠᠯᠭᠠᠳᠤ ᠵᠣᠬᠢᠴᠠᠭᠤᠯᠤᠨ᠂ ᠲᠥᠷᠥᠯ ᠵᠦᠶ᠋ᠯᠦᠨ ᠭᠠᠵᠠᠷᠤᠨ ᠡᠬᠢ ᠪᠠᠶᠠᠯᠢᠭᠤᠨ ᠪᠠᠢᠳᠠᠯᠲᠠᠶ ᠤᠶᠠᠯᠳᠤᠭᠤᠯᠵᠤ᠂ ᠴᠡᠴᠡᠷᠯᠢᠭᠢ 《ᠭᠤᠤᠯ ᠰᠡᠳᠦᠪᠲᠦ ᠦᠵᠡᠭᠦᠯᠭᠡᠶ᠋ᠢᠨ ᠲᠣᠭᠣᠷᠢᠭ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠯᠤᠨ ᠲᠣᠭᠣᠷᠢᠭ᠂ ᠬᠠᠮᠢᠶᠠᠷᠤᠨ ᠡᠵᠡᠮᠳᠡᠵᠦ᠍ ᠬᠠᠮᠠᠭᠠᠯᠠᠬᠤ ᠲᠣᠭᠣᠷᠢᠭ᠂ ᠤᠯᠠᠮᠵᠢᠯᠠᠯᠲᠤ ᠠᠱᠢᠭ᠍ᠯᠠᠯᠲᠠᠶ᠋ᠢᠨ ᠲᠣᠭᠣᠷᠢᠭ》 ᠭᠡᠬᠦ 4 ᠬᠡᠰᠡᠭ ᠤᠷᠤᠨᠤ ᠣᠷᠣᠨ ᠵᠠᠶᠶ᠋ᠢᠨ ᠪᠠᠢᠷᠢᠱᠢᠭᠤᠯᠤᠯᠲᠠᠪᠠᠷ ᠬᠤᠪᠢᠶᠠᠷᠢᠯᠠᠪᠠ᠃ ᠡᠭᠦᠨᠳᠦ᠂ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠯᠤᠨ ᠲᠤᠭᠤᠷᠢᠭ ᠨᠢ ᠪᠸᠢ ᠪᠦᠦ ᠱᠢᠶᠠᠩᠤᠨ ᠯᠣᠣ ᠨᠢᠦ ᠫᠦᠸᠸ ᠲᠣᠰᠭᠣᠨ᠂ ᠺᠸᠦ ᠽᠢ ᠱᠠᠩ ᠲᠣᠰᠭᠣᠨ ᠪᠣᠯᠤᠨ ᠪᠸᠢ ᠪᠦᠦ ᠲᠣᠰᠭᠣᠨᠢᠶᠠᠷ ᠪᠦᠷᠢᠯᠳᠦᠵᠡᠢ᠃
《ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠨᠢ ᠠᠮᠢᠳᠤ ᠰᠣᠷᠭᠣᠭ ᠡᠬᠢ ᠪᠤᠯᠠᠭ ᠮᠡᠲᠦ ᠪᠠᠢᠵᠤ᠂ ᠮᠠᠨᠤ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠶ᠋ᠯᠡᠰᠢ ᠳᠠᠢᠴᠢᠯᠠᠵᠤ 〈ᠠᠮᠢᠯᠠᠭᠤᠯᠵᠤ〉 ᠪᠠᠢᠨᠠ᠂ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠤᠯᠤᠰᠤᠨ ᠰᠣᠶᠣᠯᠤᠨ ᠴᠡᠴᠡᠷᠯᠢᠭᠢ ᠪᠥᠲᠥᠭᠡᠨ ᠪᠠᠢᠭᠤᠯᠤᠭ᠍ᠰᠠᠨᠤ ᠳᠠᠷᠠᠭᠠ ᠮᠠᠨᠤ ᠨᠠᠩ ᠣᠯᠠᠨ ᠲᠣᠰᠭᠣᠨᠤ ᠠᠷᠠᠳ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠯᠤᠨ ᠠᠱᠢᠭ ᠲᠤᠰᠠᠶ᠋ᠢ ᠬᠤᠪᠢᠶᠠᠯᠴᠠᠨ ᠡᠳ᠋ᠯᠡᠵᠦ᠍᠂ ᠨᠤᠲᠤᠭᠤᠨ ᠠᠬᠠ ᠳᠡᠭᠦᠦ᠍ᠨᠡᠷᠦᠨ ᠠᠮᠢᠳᠤᠷᠠᠯ ᠨᠠᠩ ᠥᠭᠡᠳᠡᠯᠡᠬᠦ ᠪᠤᠯᠤᠨᠠ》 ᠭᠡᠵᠦ ᠠᠭᠤᠯᠠ ᠨᠢᠷᠤᠭᠤᠳ ᠰᠡᠬᠦᠢᠨ ᠰᠦᠨᠳᠡᠷᠯᠡᠭᠰᠡᠨ ᠮᠢᠩ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠢ ᠬᠠᠷᠠᠭᠠᠳ ᠪᠸᠢ ᠪᠤᠤ ᠱᠢᠶᠠᠩᠤᠨ ᠨᠠᠮᠤᠨ ᠭᠡᠱᠢᠭᠦᠨ ᠣᠯᠠᠨ ᠲᠦᠮᠡᠨᠦ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠥᠪᠦᠨ ᠳᠡᠳ᠋ ᠡᠷᠬᠢᠯᠡᠭ᠌ᠴᠢ᠂ ᠳ᠋ᠦᠶ ᠵᠢᠦ ᠫᠢᠩ ᠲᠣᠰᠭᠣᠨᠤ ᠨᠠᠮᠤᠨ ᠡᠭᠦᠷᠦᠨ ᠱᠦᠵᠢ ᠯᠢᠦ ᠷᠦᠩ ᠱᠢᠨ ᠰᠡᠳᠭᠢᠯ ᠬᠦᠳᠡᠯᠦᠨ ᠬᠡᠯᠡᠨᠡ᠃
ᠴᠢᠩ ᠱᠦᠢ ᠾᠧ ᠱᠢᠶᠠᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯ᠂ ᠦᠵᠡᠮᠵᠢ ᠪᠣᠯᠤᠨ ᠤᠶᠤᠨ ᠰᠠᠨᠠᠭᠠᠨᠤ ᠦᠨᠡ ᠦᠷᠳᠡᠭᠢ ᠭᠦᠨᠵᠡᠭᠡᠢ ᠠᠭᠤᠳᠠᠯᠵᠤ᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠵᠢᠴᠢ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠦᠷᠦᠴᠡᠨᠳᠠᠬᠢ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ 《ᠬᠣᠯᠪᠣᠨ》 ᠬᠥᠭ᠌ᠵᠢᠭᠦᠯᠵᠦ᠍᠂ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠪᠠᠭᠤᠷᠢ ᠳᠠᠭᠠᠤᠶ᠋ᠢᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ᠂ ᠰᠡᠯᠡᠭᠦᠴᠡᠯᠦᠨ ᠲᠠᠷᠢᠶᠠᠯᠠᠩ ᠵᠡᠷᠭᠡ ᠲᠦᠷᠦᠯ ᠵᠦᠢᠯᠢ ᠭᠦᠨᠵᠡᠭᠡᠢ ᠨᠡᠭᠡᠭᠡᠨ ᠠᠱᠢᠭ᠍ᠯᠠᠵᠤ᠂ ᠬᠥᠳᠡᠭᠡ ᠲᠣᠰᠭᠣᠨᠤ ᠵᠢᠭᠤᠯᠴᠢᠯᠠᠯ᠂ ᠰᠤᠳᠤᠯᠤᠨ ᠰᠤᠷᠤᠯᠴᠠᠬᠤ ᠵᠢᠭᠤᠯᠴᠢᠯᠠᠯ᠂ ᠠᠵᠤ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠤᠯᠠᠨ ᠡᠱᠢᠵᠢᠭ᠌ᠰᠡᠨ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠢ ᠠᠭᠤᠰᠤᠯᠴᠠᠭᠤᠯᠤᠨ ᠬᠥᠭ᠌ᠵᠢᠭᠦᠯᠬᠦ᠌ ᠵᠠᠮᠢᠶᠠᠷ ᠵᠠᠮᠨᠠᠪᠠ᠃
《ᠮᠢᠩ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠱᠢᠶᠤᠤ ᠶᠤᠸᠠᠨ ᠮᠤᠤᠶ᠋ᠢᠨ ᠬᠡᠰᠡᠭ᠂ ᠪᠠᠨ ᠱᠸᠩ ᠭᠸᠦᠶ᠋ᠢᠨ ᠬᠡᠰᠡᠭ ᠪᠣᠯ ᠤᠯᠤᠰᠤᠨ ᠲᠡᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠴᠢᠬᠤᠯᠠ ᠬᠡᠰᠡᠭ ᠪᠠᠢᠵᠤ᠂ ᠡᠷᠬᠢᠨ ᠲᠣᠭᠣᠷᠢᠨᠤ ᠥᠨᠭᠭᠡ ᠦᠵᠡᠮᠵᠢ ᠭᠣᠢᠳᠠ ᠰᠠᠢᠬᠠᠨ᠂ ᠰᠣᠶᠣᠯᠤᠨ ᠥᠪ ᠡᠯᠪᠡᠭ ᠪᠠᠶᠠᠯᠢᠭ ᠪᠠᠢᠵᠤ᠂ ᠴᠢᠬᠤᠯᠠ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭ ᠪᠣᠯᠤᠨᠠ᠃ ᠪᠢᠳᠡ ᠰᠣᠶᠣᠯᠢᠶᠠᠷ ᠵᠢᠭᠤᠯᠴᠢᠯᠠᠯᠢ ᠱᠤᠭᠤᠵᠤ᠂ ᠵᠢᠭᠤᠯᠴᠢᠯᠠᠯᠢᠶᠠᠷ ᠰᠣᠶᠣᠯᠢ ᠢᠯᠡᠷᠡᠭᠦᠯᠬᠦ᠌ᠶ᠋ᠢ ᠪᠠᠷᠢᠮᠲᠠᠯᠠᠵᠤ᠂ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠤᠨ ᠡᠬᠢ ᠪᠠᠶᠠᠯᠢᠭᠲᠤ ᠲᠦᠱᠢᠭ᠌ᠯᠡᠨ ᠨᠢᠭᠡ ᠪᠦᠯᠦᠭ ᠵᠢᠭᠤᠯᠴᠢᠯᠠᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢ ᠦᠷᠭᠦᠯᠵᠢᠯᠡᠨ ᠠᠬᠢᠭᠤᠯᠵᠤ ᠳᠡᠢᠯᠬᠦ᠌ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠠᠭᠤᠰᠤᠯᠴᠠᠯᠤᠨ ᠲᠥᠷᠥᠯ ᠵᠦᠶ᠋ᠯᠢ ᠰᠤᠳᠤᠯᠤᠨ ᠲᠥᠰᠦᠪᠯᠡᠨ ᠬᠡᠷᠡᠭ᠌ᠵᠢᠭᠦᠯᠵᠦ᠍᠂ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠳᠬᠦᠨᠦ ᠠᠭᠤᠯᠤᠭ᠍ᠳᠠᠬᠤᠨᠢ ᠲᠠᠰᠤᠷᠠᠯᠲᠠ ᠥᠬᠡᠶ ᠳᠡᠭᠡᠭ᠌ᠰᠢᠯᠡᠭᠦᠯᠦᠨ᠂ ᠵᠢᠭᠤᠯᠴᠢᠯᠠᠯᠤᠨ ᠦᠶ᠋ᠯᠡᠳᠬᠦᠨᠦ ᠡᠵᠡᠩᠨᠡᠯᠲᠡᠶ᠋ᠢᠨ ᠬᠡᠯᠪᠡᠷᠢᠶ᠋ᠢ ᠪᠠᠶᠠᠯᠢᠭ᠍ᠵᠢᠭᠤᠯᠵᠤ᠂ ᠵᠢᠭᠤᠯᠴᠢᠯᠠᠯᠤᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠣᠷᠣᠨ ᠵᠠᠶᠶ᠋ᠢ ᠥᠷᠭᠡᠳᠭᠡᠨᠡ》 ᠭᠡᠵᠦ᠍ ᠴᠢᠩ ᠱᠦᠢ ᠾᠧ ᠱᠢᠶᠠᠨᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠣᠪᠴᠢᠶᠠᠨᠤ ᠨᠠᠮᠤᠨ ᠤᠳᠤᠷᠢᠳᠭᠤ ᠳᠤᠭᠤᠢᠯᠠᠩᠤᠨ ᠱᠦᠵᠢ᠂ ᠲᠣᠪᠴᠢᠶᠠᠨ ᠳᠠᠷᠤᠭᠠ ᠴᠢᠶᠣᠤ ᠨᠠᠨ ᠬᠡᠯᠡᠪᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃