2024-05-15 11:25:00
— ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠰᠣᠶᠣᠯᠤᠨ ᠲᠤᠬᠠᠢ ᠱᠢᠷᠢᠰ ᠮᠡᠳᠡᠭᠡᠯᠡᠯ (ᠭᠤᠷᠪᠠ)
ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠬᠢᠯᠢ ᠳᠣᠲᠣᠷᠠᠬᠢ ᠠᠯᠲᠠᠨ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠪᠠ ᠤᠮᠠᠷᠠᠲᠤ ᠸᠧᠶ ᠤᠯᠤᠰᠤᠨ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠤᠨ ᠪᠠᠭᠤᠷᠢ ᠴᠥᠮ ᠳᠣᠯᠣᠨ ᠨᠤᠤᠷ ᠱᠢᠶᠠᠨᠳᠤ ᠪᠠᠢᠵᠤ᠂ ᠬᠥᠮᠦᠰᠦᠨ ᠪᠥᠬᠥ᠌ ᠰᠡᠳᠭᠢᠯᠢᠶᠡᠷᠢᠶᠡᠨ ᠬᠠᠮᠠᠭᠠᠯᠠᠵᠤ ᠪᠠᠢᠭᠠ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯ ᠪᠣᠯᠵᠠᠶ᠃ ᠲᠡᠷᠡ ᠬᠦ᠌ ᠦᠶᠡᠯᠡᠨ ᠰᠤᠨᠤᠯᠵᠠᠭᠰᠠᠨ ᠳᠠᠯᠠᠩ ᠨᠢ ᠦᠨᠭᠭᠡᠷᠡᠭᠰᠡᠨᠳᠤ ᠵᠠᠭᠠᠭ ᠬᠢᠵᠠᠭᠠᠷ ᠪᠣᠯᠬᠤ ᠮᠥᠷᠲᠡᠭᠡᠨ ᠬᠣᠯᠪᠣᠭᠠᠰᠤ ᠪᠣᠯᠵᠣ᠂ 《ᠳᠣᠯᠣᠨ ᠨᠠᠭᠤᠷ》 ᠤ᠋ᠨ ᠲᠡᠦᠬᠡᠨᠳᠡᠬᠢ ᠥᠩᠭᠡ ᠢᠯᠭᠠᠷᠠᠭ᠍ᠰᠠᠨ ᠬᠠᠭᠤᠳᠠᠰᠤᠶ᠋ᠢ ᠬᠣᠯᠪᠣᠨ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃
ᠥᠨᠢ ᠤᠳᠠᠭᠠᠨ ᠲᠡᠦᠬᠡᠲᠡᠶ ᠪᠣᠭᠣᠮᠲᠠᠶ᠋ᠢᠨ ᠭᠠᠳᠠᠨᠠᠬᠢ ᠴᠢᠬᠤᠯᠠ ᠪᠠᠯᠭᠠᠰᠤ
ᠣᠳᠣᠬᠠᠨᠳᠤ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠬᠢᠯᠢ ᠳᠣᠲᠣᠷᠠᠬᠢ ᠬᠣᠶᠠᠷ ᠤᠷᠳᠤ ᠴᠠᠭᠠᠨ ᠬᠡᠷᠡᠮ ᠵᠥᠪᠬᠡᠨ ᠬᠣᠶᠠᠷ ᠵᠤᠷᠪᠤᠰ ᠭᠦᠢᠬᠡᠨ ᠨᠤᠮᠤᠯᠠᠭ᠍ᠰᠠᠨ ᠱᠤᠭᠤᠮ ᠦᠯᠡᠳᠡᠵᠠᠢ — ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠳ᠋ᠠ ᠪᠸᠢ ᠭᠧᠤ ᠪᠠᠯᠭᠠᠰᠤᠨᠤ ᠤᠮᠠᠷᠠᠲᠤ ᠸᠧᠢ ᠤᠯᠤᠰᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠡᠴᠡ ᠡᠬᠢᠯᠡᠵᠦ᠍᠂ ᠳ᠋ᠠ ᠭᠦ᠋ ᠱᠠᠨ ᠠᠭᠤᠯᠠᠶ᠋ᠢᠨ ᠵᠡᠭᠦᠨ ᠬᠣᠢᠲᠤ ᠪᠡᠯᠤᠨ ᠬᠤᠷᠮᠤᠢᠪᠡᠷ ᠪᠠᠷᠠᠭᠤᠨ ᠬᠣᠢᠰᠢ ᠰᠤᠨᠵᠤ᠂ ᠤᠷᠢᠳᠢᠶᠠᠷ ᠵᠡᠭᠦᠨ ᠬᠤᠢᠨᠠ ᠡᠴᠡ ᠪᠠᠷᠠᠭᠤᠨ ᠡᠮᠦᠨᠡᠰᠢ ᠠᠭᠤᠯᠨ ᠳᠠᠪᠠᠭᠠᠶ᠋ᠢ ᠭᠡᠲᠦᠯᠵᠦ᠍᠂ ᠳᠠᠷᠠᠭᠠ ᠨᠢ ᠪᠠᠷᠠᠭᠤᠨ ᠬᠣᠢᠰᠢ ᠮᠤᠷᠤᠢᠨ ᠶᠠᠪᠤᠵᠤ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠠᠭᠤᠯᠨᠶ᠋ᠢᠨ ᠪᠠᠷᠠᠭᠤᠨ ᠦᠵᠦᠭᠦᠷᠲᠦ ᠬᠦᠷᠴᠦ᠍᠂ ᠬᠣᠢᠰᠢ ᠡᠷᠭᠢᠭᠡᠳ ᠪᠠᠷᠠᠭᠤᠨᠱᠢᠯᠠᠵᠤ ᠱᠢᠯᠤᠭᠤᠨ ᠬᠦᠬᠡ ᠬᠣᠱᠢᠭᠤᠨᠤ ᠬᠢᠯᠢᠳᠦ ᠣᠷᠣᠪᠠ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠠᠯᠲᠠᠨ ᠤᠯᠤᠰᠤᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮ — ᠠᠯᠲᠠᠨ ᠤᠯᠤᠰᠤᠨ ᠰᠡᠷᠭᠡᠢᠯᠡᠯᠲᠡᠶᠢᠨ ᠰᠤᠪᠠᠭᠤᠨ ᠪᠠᠭᠤᠷᠢ᠂ ᠵᠡᠭᠦᠨᠰᠢ ᠪᠡᠨ ᠮᠠ ᠴᠢᠶᠦ᠋ᠨ ᠾᠧᠦ ᠭᠧᠤ ᠲᠣᠰᠭᠣᠨᠡᠴᠡ ᠡᠬᠢᠯᠡᠵᠦ᠍᠂ ᠨᠢᠤ ᠼᠤᠤᠸᠠ ᠲᠣᠰᠭᠣᠨ᠂ ᠬᠤᠳᠤᠩᠤᠨ ᠭᠤᠤ ᠲᠣᠰᠭᠣᠨ᠂ ᠪᠸᠢ ᠱ᠌ᠢ ᠮᠧᠨ ᠲᠣᠰᠭᠣᠨᠢᠶᠠᠷ ᠥᠩᠭᠡᠷᠡᠵᠦ᠍᠂ ᠪᠠᠷᠠᠭᠤᠨᠰᠢᠪᠠᠨ ᠮᠤᠷᠤᠯᠵᠠᠨ ᠱᠢᠯᠤᠭᠤᠨ ᠬᠥᠬᠡ ᠬᠣᠱᠢᠭᠤᠨᠤ ᠠᠭᠤᠯᠵᠠᠷᠲᠤ ᠬᠦᠷᠴᠦ᠍᠂ ᠣᠳᠣ ᠬᠠᠳᠠᠭᠠᠯᠠᠭ᠍ᠳᠠᠵᠤ ᠪᠠᠢᠭᠠ ᠪᠠᠭᠤᠷᠢᠶ᠋ᠢᠨ ᠪᠦᠬᠦ᠌ ᠣᠷᠳᠣ ᠨᠢ 17907 ᠮᠧᠲ᠋ᠷ ᠲᠦ᠍ ᠬᠦᠷᠴᠠᠢ᠃
ᠬᠡᠳᠦᠨ ᠮᠢᠩᠭᠠᠨ ᠵᠢᠯᠦᠨ ᠲᠡᠦᠬᠡᠨ ᠶᠠᠪᠤᠴᠠᠳᠤ ᠮᠣᠩᠭᠣᠯᠤᠨ ᠥᠨᠳᠥᠷᠯᠢᠭ ᠪᠣᠯᠤᠨ ᠤᠮᠠᠷᠠᠲᠤᠶ᠋ᠢᠨ ᠲᠠᠯᠠ ᠭᠠᠵᠠᠷᠤᠨ ᠱᠢᠯᠵᠢᠯᠲᠡᠶ᠋ᠢᠨ ᠪᠦᠰᠡᠳᠦ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠳᠣᠯᠣᠨ ᠨᠤᠤᠷ ᠱᠢᠶᠠᠨ ᠪᠣᠯ ᠨᠡᠭᠦᠳᠡᠯ ᠮᠠᠯᠵᠢᠯᠤᠨ ᠠᠵᠤ ᠠᠬᠤᠶ ᠪᠣᠯᠤᠨ ᠲᠠᠷᠢᠶᠠᠯᠠᠬᠤ ᠠᠵᠤ ᠠᠬᠤᠶᠶ᠋ᠢᠨ ᠠᠭᠤᠯᠵᠠᠷ ᠣᠷᠣᠨ ᠪᠣᠯᠤᠭ᠍ᠰᠠᠭᠠᠷ ᠢᠷᠡᠭ᠌ᠰᠡᠨ ᠪᠥᠭᠡᠳ ᠪᠠᠰᠠ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠪᠣᠯᠤᠨ ᠲᠠᠯᠠ ᠨᠤᠲᠤᠭᠤᠨ ᠰᠣᠶᠣᠯᠤᠨ ᠮᠥᠷᠭᠥᠯᠳᠦᠯ ᠬᠢᠭᠡᠳ ᠠᠭᠤᠰᠤᠯᠴᠠᠯᠤᠨ ᠬᠠᠮᠤᠭᠤᠨ ᠡᠮᠦᠨᠡ ᠹᠷᠣᠨᠲ ᠮᠥᠨ᠃ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠳᠠᠭᠠᠤ ᠣᠷᠣᠨᠤ ᠨᠡᠭᠦᠳᠡᠯ ᠠᠷᠠᠳ᠂ ᠴᠡᠷᠢᠭ ᠰᠠᠭᠤᠵᠤ ᠠᠲᠠᠷ ᠬᠠᠭᠠᠯᠪᠤᠷᠢᠯᠠᠬᠰᠠᠨ ᠪᠠ ᠳᠠᠢ᠌ᠨ ᠪᠠᠢᠯᠳᠤᠭᠠᠨ ᠨᠢ ᠪᠤᠰᠤᠳᠴᠢ ᠲᠠᠯᠡ ᠪᠡᠷ ᠦᠨᠳᠦᠰᠦᠲᠡᠨᠦ ᠠᠭᠤᠰᠤᠯᠴᠠᠯ ᠪᠠ ᠭᠠᠵᠠᠷ ᠣᠷᠣᠨᠤ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠪᠠ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠰᠣᠶᠣᠯ ᠲᠡᠦᠬᠡᠶ᠋ᠢᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨ ᠷᠧᠨ ᠶᠤᠸᠠᠢ ᠬᠠᠶᠶ᠋ᠢᠨ ᠦᠵᠡᠬᠦ᠌ᠪᠡᠷ᠂ ᠲᠡᠦᠬᠡᠨ ᠳᠡᠭᠡᠷᠡᠬᠢ 《ᠥᠪᠥᠷ ᠮᠣᠩᠭᠣᠯ》 ᠤ᠋ᠨ ᠭᠠᠵᠠᠷ ᠵᠦᠶᠶ᠋ᠢᠨ ᠣᠷᠣᠨ ᠪᠦᠰᠡ ᠭᠡᠳᠡᠭ ᠨᠢ ᠶᠡᠷᠦ᠍ᠳᠡᠭᠡᠨ ᠪᠠᠢᠭᠠᠯ ᠨᠠᠭᠤᠷᠡᠴᠡ ᠡᠮᠦᠨᠡᠰᠢ᠂ ᠣᠷᠳᠣ ᠴᠠᠭᠠᠨ ᠬᠡᠷᠡᠮᠡᠴᠡ ᠤᠮᠠᠷᠠᠱᠢᠬᠢ ᠮᠣᠩᠭᠣᠯᠤᠨ ᠥᠨᠳᠥᠷᠯᠢᠭᠦᠨ ᠡᠮᠦᠨᠡᠲᠦ ᠬᠡᠰᠡᠭᠢ ᠵᠢᠭᠠᠵᠤ ᠪᠠᠢᠨᠠ᠃ ᠡᠨᠳᠡ ᠱᠧᠩ ᠯᠧ᠂ ᠯᠢᠶᠣᠤ ᠤᠯᠤᠰᠤᠨ ᠳᠡᠭᠡᠳᠦ ᠨᠡᠢᠰᠯᠡᠯ᠂ ᠶᠤᠸᠠᠨᠤ ᠳᠡᠭᠡᠳᠦ ᠨᠡᠢᠰᠯᠡᠯ᠂ ᠶᠢᠩ ᠴᠠᠩ ᠬᠣᠲᠠ ᠵᠡᠷᠭᠡ ᠬᠣᠲᠠᠶ᠋ᠢ ᠪᠠᠢᠭᠤᠯᠵᠤ ᠥᠩᠭᠡᠷᠡᠭ᠌ᠰᠡᠨ ᠪᠣᠯᠪᠠᠴᠤ᠌ ᠬᠠᠭᠠᠨᠲᠤ ᠲᠥᠷᠥ᠍ ᠰᠣᠯᠢᠭ᠍ᠳᠠᠭ᠍ᠰᠠᠨ ᠪᠠ ᠳᠠᠢᠨ ᠳᠠᠵᠢᠨᠳᠤ ᠡᠪᠳᠡᠭ᠌ᠳᠡᠭ᠌ᠰᠡᠨ ᠵᠡᠷᠭᠡ ᠱᠢᠯᠲᠠᠭᠠᠨᠡᠴᠡ ᠪᠣᠯᠵᠤ ᠴᠥᠮ ᠦᠷᠭᠦᠯᠵᠢᠯᠡᠨ ᠤᠯᠠᠮᠵᠢᠯᠠᠬᠳᠠᠵᠤ ᠴᠢᠳᠠᠭ᠍ᠰᠠᠨ ᠦᠭᠡᠶ᠃ ᠣᠳᠣ ᠦᠶᠡᠲᠡᠶ ᠱᠢᠭᠤᠳ ᠬᠠᠷᠢᠴᠠᠭᠠᠲᠠᠶ ᠪᠥᠭᠡᠳ ᠣᠳᠣ ᠪᠣᠯᠲᠠᠯᠠ ᠦᠷᠭᠦᠯᠵᠢᠯᠡᠵᠦ᠍ ᠢᠷᠡᠭ᠌ᠰᠡᠨ ᠬᠣᠲᠠ ᠪᠠᠯᠭᠠᠰᠤ ᠨᠢ ᠦᠨᠳᠦᠰᠦᠨᠳᠡᠭᠡᠨ ᠪᠦᠷ ᠴᠢᠩ ᠤᠯᠤᠰᠤᠨ ᠦᠶᠡᠳᠦ ᠪᠠᠢᠭᠤᠯᠤᠭ᠍ᠳᠠᠭ᠍ᠰᠠᠨ ᠪᠥᠭᠡᠳ ᠬᠥᠭ᠌ᠵᠢᠯᠲᠡᠶ᠋ᠢᠨ ᠪᠠᠢᠷᠢᠱᠢᠯᠢ ᠪᠤᠶ ᠪᠣᠯᠭᠠᠭ᠍ᠰᠠᠨ ᠶᠤᠮ᠃
ᠲᠤᠯᠤᠨ ᠨᠠᠭᠤᠷ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠤᠷᠳᠤ ᠴᠠᠭᠠᠨ ᠬᠡᠷᠡᠮᠦᠨ ᠳᠠᠭᠠᠤ ᠬᠥᠭ᠌ᠵᠢᠨ ᠴᠡᠴᠡᠭ᠌ᠯᠡᠭ᠌ᠰᠡᠨ ᠬᠣᠲᠠ ᠪᠠᠯᠭᠠᠰᠤᠶ᠋ᠢᠨ ᠨᠢᠭᠡ ᠪᠣᠯᠤᠨᠠ᠃
ᠡᠮᠦᠨᠡ ᠤᠮᠠᠷᠡ ᠵᠢ ᠬᠤᠯᠪᠤᠬᠰᠠᠨ ᠭᠣᠪᠢᠶ᠋ᠢᠨ ᠡᠮᠦᠨᠡᠬᠢ ᠠᠷᠠᠯᠵᠢᠶᠠᠨᠤ ᠬᠤᠲᠠ
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠬᠤᠳᠠᠶ᠋ᠢᠨ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠦᠲᠦᠴᠡ ᠤᠷᠠᠨ ᠨᠠᠷᠢᠯᠢᠭ᠂ ᠰᠦᠷ ᠳᠠᠯᠠᠢᠴᠠᠲᠠᠢ ᠡᠷᠲᠡᠨᠦ ᠪᠠᠷᠢᠯᠭᠠ — ᠱᠠᠨ ᠰᠢᠶ᠋ᠢᠨ ᠴᠤᠭᠯᠠᠭᠠᠨᠤ ᠣᠷᠳᠣᠨ ᠰᠦᠨᠳᠡᠷᠯᠡᠨᠡ᠃ ᠣᠳᠣ ᠲᠩᠷᠢ ᠲᠡᠳᠬᠦᠭ᠌ᠴᠢᠶ᠋ᠢᠨ ᠠᠷᠪᠠᠳᠤᠭᠠᠷ ᠣᠨ (1745 ᠣᠨ) ᠳ᠋ᠤ ᠪᠠᠷᠢᠭ᠍ᠰᠠᠨ ᠡᠨᠡ ᠬᠦ᠌ ᠪᠠᠷᠢᠯᠭᠠ ᠪᠣᠯ ᠤᠯᠤᠰᠤᠨ ᠭᠣᠣᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠢᠯᠢ ᠬᠠᠮᠠᠭᠠᠯᠠᠬᠤ ᠨᠢᠭᠡᠴᠢ ᠪᠣᠯᠬᠤ ᠪᠥᠭᠡᠳ ᠳᠣᠯᠣᠨ ᠨᠠᠭᠤᠷ ᠱᠢᠶᠠᠨᠤ ᠨᠡᠷᠡᠲᠦ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠭᠠᠵᠠᠷᠤᠨ ᠨᠢᠭᠡ ᠪᠣᠯᠤᠨᠠ᠃ 280 ᠵᠢᠯᠦᠨ ᠲᠡᠦᠬᠡᠲᠡᠶ ᠱᠠᠨ ᠰᠢᠶ᠋ᠢᠨ ᠴᠤᠭ᠍ᠯᠠᠭᠠᠨᠤ ᠣᠷᠳᠣᠨ ᠪᠣᠯ ᠳᠣᠯᠣᠨ ᠨᠠᠭᠤᠷᠤᠨ ᠬᠡᠷᠡᠯ ᠰᠠᠴᠤᠷᠠᠩᠭᠤᠶ 《 ᠭᠣᠪᠢᠶ᠋ᠢᠨ ᠡᠮᠦᠨᠡᠬᠢ ᠠᠷᠠᠯᠵᠢᠶᠠᠨᠤ ᠬᠤᠲᠠ》 ᠢ᠋ᠢᠨ ᠭᠡᠷᠡᠴᠢᠯᠡᠭ᠌ᠴᠢ ᠪᠣᠯᠤᠨᠠ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠰᠣᠶᠣᠯ ᠪᠡᠶᠡᠶ᠋ᠢᠨ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠦᠨ ᠲᠣᠪᠴᠢᠶᠠᠨᠤ ᠳᠠᠷᠤᠭᠠ ᠸᠠᠩ ᠱᠢᠨ ᠫᠸᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠡᠩᠬᠡ ᠠᠮᠤᠭᠤᠯᠠᠩᠤᠨ ᠭᠤᠴᠢᠳᠤᠭᠠᠷ ᠣᠨ (1691 ᠣᠨ) ᠳ᠋ᠤ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ ᠠᠯᠳᠠᠷᠲᠤ 《ᠲᠤᠯᠤᠨ ᠨᠤᠤᠷᠤᠨ ᠴᠢᠭᠤᠯᠭᠠᠨ》ᠢ᠋ ᠡᠷᠬᠢᠯᠡᠵᠦ᠂ ᠭᠣᠪᠢᠶ᠋ᠢᠨ ᠠᠷᠤᠶ᠋ᠢᠨ ᠮᠣᠩᠭᠣᠯ ᠵᠢᠩᠬᠢᠨᠢᠪᠡᠷ ᠴᠢᠩ ᠤᠯᠤᠰᠤᠨ ᠲᠥᠪ ᠵᠠᠰᠠᠭᠤᠨ ᠣᠷᠳᠣᠨᠳᠤ ᠣᠷᠣᠵᠤ ᠥᠭ᠌ᠭᠦᠭᠡᠳ᠂ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠵᠡᠭᠦᠨ ᠬᠣᠢᠲᠤ ᠠᠽᠢᠶᠠᠶ᠋ᠢᠨ ᠤᠯᠤᠰ ᠲᠥᠷᠥᠶ᠋ᠢᠨ ᠪᠠᠢᠷᠢᠱᠢᠯᠢ ᠬᠤᠪᠢᠷᠠᠭᠤᠯᠵᠠᠶ᠃ ᠡᠭᠦᠨᠡᠴᠡ ᠬᠣᠢᠰᠢ ᠳᠣᠯᠣᠨ ᠨᠠᠭᠤᠷ ᠨᠢ ᠥᠪᠥᠷ ᠮᠣᠩᠭᠣᠯᠤᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ 《ᠮᠣᠩᠭᠣᠯᠳᠤ ᠰᠠᠭᠤᠭᠠ ᠬᠢᠲᠠᠳ ᠫᠦᠰᠡᠶᠢᠨ ᠨᠡᠢᠰᠯᠡᠯ》᠂ 《ᠦᠨᠳᠦᠰᠦᠲᠡᠨᠦ ᠭᠠᠷ ᠦᠢᠯᠡᠳᠪᠦᠷᠢᠶ᠋ᠢᠨ ᠨᠡᠢᠰᠯᠡᠯ》 ᠪᠠ ᠴᠡᠷᠢᠭᠦᠨ ᠶᠠᠪᠤᠳᠠᠯᠤᠨ ᠴᠢᠬᠤᠯᠠ ᠪᠠᠯᠭᠠᠰᠤ ᠪᠣᠯᠤᠭ᠍ᠰᠠᠨ ᠪᠠᠢᠨᠠ ᠭᠡᠵᠦ ᠬᠡᠯᠡᠵᠦ ᠥᠭᠪᠡ᠃
ᠴᠢᠩ ᠤᠯᠤᠰᠤᠨ ᠦᠶᠡᠳᠦ ᠤᠯᠤᠰ ᠣᠷᠣᠨᠤ ᠶᠡᠬᠡ ᠨᠢᠭᠡᠳᠦᠯᠦᠨ ᠪᠠᠢᠳᠠᠯ ᠠᠭᠠᠵᠢᠮᠢᠶᠠᠷ ᠪᠦᠷᠢᠯᠳᠦᠵᠦ᠍᠂ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠨᠢ ᠣᠲᠣᠷᠯᠠᠨ ᠮᠠᠯᠵᠢᠬᠤ ᠦᠨᠳᠦᠰᠦᠲᠡᠨ ᠪᠠ ᠲᠠᠷᠢᠶᠠᠯᠠᠬᠤ ᠦᠨᠳᠦᠰᠦᠲᠡᠨᠦ ᠬᠢᠯᠢ ᠵᠢᠨ ᠬᠡᠷᠡᠮ ᠪᠢᠰᠢ ᠪᠣᠯᠵᠠᠶ᠃ ᠪᠦᠬᠦ᠌ ᠤᠯᠤᠰᠤᠨ ᠨᠢᠭᠡᠳᠦᠯᠲᠡᠶ ᠵᠠᠬᠠ ᠳᠡᠯᠭᠡᠭᠦᠷᠦᠨ ᠪᠦᠷᠢᠯᠳᠦᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠬᠢᠯᠢᠶ᠋ᠢᠨ ᠠᠷᠠᠯᠵᠢᠶᠠ ᠨᠢ ᠬᠢᠯᠢᠶ᠋ᠢᠨ ᠪᠣᠭᠣᠮᠲᠠᠶ᠋ᠢᠨ ᠠᠷᠠᠯᠵᠢᠶᠠᠳᠤ ᠲᠦᠱᠢᠭ᠌ᠯᠡᠨ᠂ ᠲᠠᠯᠠ ᠨᠤᠲᠤᠭᠤᠨ ᠭᠦᠨᠳᠦ ᠣᠷᠣᠵᠤ᠂ ᠴᠢᠩ ᠤᠯᠤᠰᠤᠨ ᠦᠶᠡᠶ᠋ᠢᠨ ᠮᠣᠩᠭᠣᠯᠳᠤ ᠰᠠᠭᠤᠭᠠ ᠬᠢᠲᠠᠳ ᠫᠦᠰᠡᠵᠢ ᠪᠦᠷᠢᠯᠳᠦᠭᠦᠯᠵᠡᠶ᠃ ᠤᠷᠲᠤ ᠴᠠᠭᠠᠨ ᠬᠡᠷᠡᠮ ᠳᠠᠭᠠᠤᠶ᠋ᠢᠨ ᠵᠠᠬᠠᠶ᠋ᠢᠨ ᠬᠣᠲᠠᠨᠤᠭᠤᠳ ᠨᠢ ᠪᠠᠷᠠᠭᠤᠨ ᠬᠣᠢᠲᠤ ᠪᠣᠯᠤᠨ ᠬᠣᠢᠲᠤ ᠮᠣᠩᠭᠣᠯ ᠣᠷᠣᠨ ᠲᠡᠢᠰᠢ ᠨᠡᠪᠲᠡᠷᠡᠬᠦ᠌ ᠬᠦᠢᠰᠦ ᠪᠣᠯᠤᠨ ᠬᠤᠳᠠᠯᠳᠤᠭᠠᠨᠤ ᠬᠠᠭᠠᠯᠭᠠ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠳᠣᠯᠣᠨ ᠨᠠᠭᠤᠷ ᠨᠢ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠬᠦᠶ ᠬᠤᠸᠠ (ᠣᠳᠣᠶ᠋ᠢᠨ ᠬᠥᠬᠡᠬᠣᠲᠠ)᠂ ᠴᠢᠭᠤᠯᠤᠯᠲᠤ ᠬᠠᠭᠠᠯᠭᠠ᠂ ᠶᠡᠬᠡ ᠬᠦᠷᠢᠶᠡ (ᠣᠳᠣᠶ᠋ᠢᠨ ᠮᠣᠩᠭᠣᠯ ᠤᠯᠤᠰᠤᠨ ᠤᠯᠠᠭᠠᠨᠪᠠᠭᠠᠲᠤᠷ) ᠵᠡᠷᠭᠡᠲᠠᠶ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠤᠷᠲᠤ ᠴᠠᠭᠠᠨ ᠬᠡᠷᠡᠮᠦᠨ ᠳᠠᠭᠠᠤ ᠵᠢᠴᠢ ᠮᠣᠩᠭᠣᠯᠤᠨ ᠥᠨᠳᠥᠷᠯᠢᠭᠦᠨ ᠨᠡᠯᠢᠶᠡᠳ ᠶᠡᠬᠡ ᠠᠷᠠᠯᠵᠢᠶᠠᠨᠤ ᠵᠠᠬᠠ ᠳᠡᠯᠭᠡᠭᠦᠷ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠡᠳᠦᠭᠡ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠡᠷᠲᠡᠨᠦ ᠬᠤᠳᠠᠶ᠋ᠢᠨ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠶᠠᠪᠤᠬᠤᠳᠦ ᠲᠤᠬᠠᠢᠶ᠋ᠢᠨ ᠵᠢᠯᠦᠨ 《ᠬᠤᠳᠠᠯᠳᠤᠭᠠᠨᠤ ᠬᠤᠳᠠ》 ᠳ᠋ᠤ ᠲᠠᠰᠤᠷᠠᠭᠠ ᠦᠭᠡᠢ ᠴᠤᠪᠤᠷᠠᠵᠤ ᠪᠠᠢᠭ᠍ᠰᠠᠨ ᠬᠤᠳᠠᠯᠳᠤᠭᠠᠨᠤ ᠠᠩᠬᠢᠶ᠋ᠢᠨ ᠲᠡᠮᠡᠭᠡᠨ ᠵᠢᠩᠦᠨ ᠬᠤᠨᠭᠬᠤᠶᠢᠨ ᠳᠠᠭᠤᠨ ᠰᠣᠨᠣᠰᠳᠠᠵᠤ ᠪᠠᠢᠬᠤ ᠰᠢᠭ ᠪᠤᠯᠤᠨᠠᠮ᠃
ᠵᠠᠭᠤ ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ ᠤᠷᠤᠰᠤᠨ ᠠᠯᠳᠠᠷᠲᠤ ᠮᠣᠩᠭᠣᠯ ᠰᠤᠳᠤᠯᠤᠯᠤᠨ ᠡᠷᠳᠡᠮᠲᠡᠨ ᠫᠣᠽᠳ᠋ᠨᠧᠶᠧᠹ ᠳᠤᠮᠳᠠᠳᠤ ᠤᠯᠤᠰᠤᠨ ᠥᠷᠭᠡᠨ ᠠᠭᠤᠳᠠᠮ ᠮᠤᠩᠭᠤᠯ ᠭᠠᠵᠠᠷ ᠣᠷᠣᠨᠢᠶᠠᠷ ᠪᠠᠢᠴᠠᠭᠠᠯᠲᠠ ᠬᠢᠬᠦ᠌ᠳᠡᠭᠡᠨ ᠡᠳᠡᠭᠡᠷ ᠵᠡᠭᠡᠯᠢ ᠭᠤᠳᠤᠮᠵᠢᠪᠠᠷ ᠶᠠᠪᠤᠵᠤ ᠥᠩᠭᠡᠷᠡᠵᠡᠢ᠃ ᠲᠡᠭᠦᠨᠦ ᠦᠵᠡᠬᠦ᠌ᠪᠡᠷ ᠳᠣᠯᠣᠨ ᠨᠠᠭᠤᠷᠤᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠ ᠬᠥᠭ᠌ᠵᠢᠶᠡᠨ ᠨᠠᠷᠭᠢᠶᠠᠨᠲᠠᠶ᠂ ᠵᠠᠬᠠ ᠳᠡᠯᠭᠡᠭᠦᠷ ᠳᠡᠭᠡᠷᠡ ᠠᠷᠠᠯᠵᠢᠶᠠᠯᠠᠵᠤ ᠪᠠᠢᠭᠠ ᠲᠠᠸᠠᠷᠤᠨ ᠳᠣᠲᠣᠷᠠ ᠲᠤᠬᠠᠶᠶ᠋ᠢᠨ ᠭᠠᠵᠠᠷᠤᠨ ᠮᠣᠷᠢ᠂ ᠦᠬᠡᠷ᠂ ᠬᠣᠨᠢ ᠢᠮᠠᠭᠠ ᠵᠡᠷᠭᠡ ᠮᠠᠯ ᠪᠠᠢᠬᠤ ᠮᠥᠷᠲᠡᠭᠡᠨ ᠪᠠᠰᠠ ᠪᠦᠳᠦᠭᠦᠯᠢᠭ ᠬᠠᠷᠢᠶ᠋ᠢᠨ ᠪᠥᠰ᠂ ᠪᠣᠯᠣᠷ ᠱᠢᠯᠤᠨ ᠪᠦᠲᠦᠭᠡᠭ᠌ᠳᠡᠬᠦᠨ ᠵᠡᠷᠭᠡ ᠬᠠᠷᠢᠶᠢᠨ ᠪᠠᠷᠠᠭᠠ ᠪᠠᠢᠵᠤ᠂ ᠪᠠᠰᠠ ᠳᠣᠲᠣᠷᠠ ᠭᠠᠵᠠᠷᠲᠤ ᠦᠢᠯᠡᠳᠪᠦᠷᠢᠯᠡᠭ᠌ᠰᠡᠨ ᠵᠡᠭᠦᠦ ᠤᠲᠠᠰᠤ᠂ ᠰᠠᠮ᠂ ᠲᠠᠮᠠᠬᠢᠨ ᠤᠭᠤᠲᠠ ᠵᠡᠷᠭᠡ ᠡᠳᠦᠷ ᠲᠤᠲᠤᠮᠤᠨ ᠬᠡᠷᠡᠭ᠌ᠰᠡᠯ ᠪᠠᠢᠨᠠ᠃ ᠲᠡᠷᠡ ᠡᠳᠡᠭᠡᠷ ᠪᠠᠢᠳᠠᠯᠢ ᠥᠪᠡᠷᠦᠨ ᠵᠣᠬᠢᠶᠠᠯ ᠪᠦᠲᠦᠭᠡᠯ 《ᠮᠣᠩᠭᠣᠯ ᠵᠢᠴᠢ ᠮᠣᠩᠭᠣᠯᠴᠤᠳ》 ᠭᠡᠬᠦ᠌ ᠨᠣᠮᠳᠠᠭᠠᠨ ᠨᠠᠷᠢᠨ ᠪᠢᠴᠢᠵᠦ᠍ ᠣᠷᠣᠭᠤᠯᠤᠭᠠᠳ᠂ ᠬᠣᠵᠢᠮᠤᠨ ᠬᠥᠮᠦᠰᠲᠦ ᠳᠣᠯᠣᠨ ᠨᠠᠭᠤᠷᠤᠨ ᠵᠠᠭᠤᠨ ᠵᠢᠯᠦᠨ ᠡᠮᠦᠨᠡᠬᠢ ᠳᠦᠷᠰᠦ ᠪᠠᠢᠳᠠᠯᠢ ᠣᠢᠯᠠᠭᠠᠭᠤᠯᠤᠭ᠍ᠰᠠᠨ ᠶᠤᠮ᠃
ᠳᠣᠯᠣᠨ ᠨᠠᠭᠤᠷ ᠪᠣᠯ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮᠢᠶᠠᠷ ᠥᠪᠥᠷ ᠮᠣᠩᠭᠣᠯᠳᠤ ᠣᠷᠣᠬᠤ ᠴᠢᠬᠤᠯᠠ ᠡᠭᠦᠳᠡ ᠪᠣᠯᠤᠨᠠ᠃ ᠳᠣᠯᠣᠨ ᠨᠠᠭᠤᠷᠤᠨ ᠠᠷᠠᠯᠵᠢᠶᠠ ᠶᠡᠬᠡ ᠬᠥᠭ᠌ᠵᠢᠵᠦ᠍ ᠪᠠᠢᠭ᠍ᠰᠠᠨ ᠦᠶᠡᠳᠦ ᠪᠠᠷᠠᠭᠤᠨ ᠬᠣᠢᠲᠤᠡᠴᠡ ᠬᠦᠷᠢᠶᠡ᠂ ᠬᠣᠢᠲᠤᠡᠴᠡ ᠮᠠᠨᠵᠤᠤᠷ᠂ ᠬᠠᠢᠯᠠᠷ ᠬᠦᠷᠲᠡᠯᠡᠬᠢ ᠭᠠᠵᠠᠷ ᠨᠢ ᠪᠦᠷ ᠳᠣᠯᠣᠨ ᠨᠠᠭᠤᠷᠤᠨ ᠬᠤᠳᠠᠯᠳᠤᠭᠠᠴᠢᠳᠤᠨ ᠬᠤᠳᠠᠯᠳᠤᠭᠠ ᠮᠠᠢᠮᠠᠢ ᠬᠢᠳᠡᠭ ᠭᠠᠵᠠᠷ ᠪᠠᠢᠪᠠ᠃
ᠴᠢᠩ ᠤᠯᠤᠰᠤᠨ ᠳᠤᠮᠳᠠᠴᠢ ᠦᠶᠡ ᠪᠣᠯᠬᠤᠳᠤ ᠳᠣᠯᠣᠨ ᠨᠠᠭᠤᠷ ᠨᠢ ᠲᠡᠦᠬᠡᠶ᠋ᠢᠨ ᠪᠥᠬᠥ᠌ ᠬᠥᠭ᠌ᠵᠢᠯᠦᠨ ᠦᠶᠡᠳᠡᠭᠡᠨ ᠣᠷᠣᠵᠤ᠂ 《ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠳᠥᠷᠪᠡᠨ ᠭᠠᠵᠠᠷ ᠥᠷᠭᠡᠨ᠂ ᠡᠮᠦᠨᠡᠰᠢ ᠤᠮᠠᠷᠠᠰᠢ ᠲᠤᠯᠤᠭᠠᠨ ᠭᠠᠵᠠᠷ ᠣᠷᠳᠣ᠂ ᠠᠷᠪᠠᠨ ᠨᠠᠶ᠋ᠮᠠᠨ ᠵᠤᠷᠪᠤᠰ ᠵᠡᠭᠡᠯᠢ ᠭᠤᠳᠤᠮᠵᠢᠲᠠᠶ》 ᠬᠥᠭ᠌ᠵᠢᠶᠡᠨᠲᠦ ᠵᠡᠭᠡᠯᠢ ᠲᠠᠢ ᠪᠣᠯᠵᠣ᠂ ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ ᠳᠡᠭᠡᠷᠡᠬᠢ ᠴᠢᠬᠤᠯᠠ ᠬᠤᠳᠠᠯᠳᠤᠭᠠ ᠠᠷᠠᠯᠵᠢᠶᠠᠨᠤ ᠲᠥᠪᠯᠡᠷᠡᠭᠦᠯᠦᠨ ᠲᠠᠷᠬᠠᠭᠠᠬᠤ ᠭᠠᠵᠠᠷ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠴᠢᠩ ᠤᠯᠤᠰᠡᠴᠡ ᠢᠷᠭᠡᠨ ᠤᠯᠤᠰ ᠬᠦᠷᠲᠡᠯᠡᠬᠢ ᠬᠣᠶᠠᠷ ᠵᠠᠭᠤ ᠭᠠᠷᠤᠶ ᠵᠢᠯᠦᠨ ᠬᠤᠭᠤᠴᠠᠭᠠᠨᠳᠤ ᠳᠣᠯᠣᠨ ᠨᠠᠭᠤᠷ ᠨᠢ ᠨᠡᠷᠡ ᠨᠢᠳᠡᠷᠲᠡᠬᠡᠨ ᠨᠡᠢᠴᠡᠭ᠌ᠰᠡᠨ 《ᠭᠣᠪᠢᠶ᠋ᠢᠨ ᠡᠮᠦᠨᠡᠬᠢ ᠠᠷᠠᠯᠵᠢᠶᠠᠨᠤ ᠬᠣᠲᠠ》 ᠪᠣᠯᠵᠤ᠂ ᠲᠤᠬᠠᠶᠶ᠋ᠢᠨ ᠦᠶᠡᠶ᠋ᠢᠨ ᠮᠣᠩᠭᠣᠯ ᠣᠷᠣᠨᠤ ᠨᠢᠭᠡᠨ ᠴᠢᠬᠤᠯᠠ ᠬᠤᠳᠠᠯᠳᠤᠭᠠᠨᠤ ᠬᠣᠲᠠ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
20 ᠳ᠋ᠤᠭᠠᠷ ᠵᠠᠭᠤᠨᠤ ᠡᠬᠢᠪᠡᠷ᠂ ᠳᠣᠲᠣᠷ ᠭᠠᠵᠠᠷ ᠪᠣᠯᠤᠨ ᠠᠷᠤ ᠥᠪᠥᠷ ᠮᠣᠩᠭᠣᠯ᠂ ᠣᠷᠣᠰᠤᠨ ᠬᠤᠳᠠᠯᠳᠤᠭᠠᠨᠤ ᠵᠠᠮᠤᠨ ᠱᠢᠯᠵᠢᠯᠲᠡᠡᠴᠡ ᠪᠣᠯᠵᠤ᠂ ᠳᠣᠯᠣᠨ ᠨᠠᠭᠤᠷᠤᠨ ᠬᠤᠳᠠᠯᠳᠤᠭᠠ ᠦᠳᠲᠡᠷ ᠲᠦᠷᠭᠡᠨ ᠮᠠᠭᠤᠳᠠᠵᠤ᠂ ᠨᠢᠭᠡᠨ ᠦᠶᠡ ᠭᠡᠷᠡᠯ ᠰᠠᠴᠤᠷᠠᠩᠭᠤᠶ ᠪᠠᠢᠭ᠍ᠰᠠᠨ ᠳᠣᠯᠣᠨ ᠨᠠᠭᠤᠷᠤᠨ ᠬᠢᠯᠢᠶᠢᠨ ᠬᠣᠲᠠ ᠳᠣᠷᠣᠢᠳᠠᠪᠠ᠃
ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠲᠠᠬᠢᠨ ᠪᠠᠳᠠᠷᠠᠭᠰᠠᠨ ᠵᠠᠭᠤᠨ ᠵᠢᠯᠦᠨ ᠢᠷᠠᠭᠤ ᠡᠭᠡᠱᠢᠭ
ᠤᠨᠤ ᠬᠦᠷᠳᠦ ᠡᠷᠭᠢᠯᠳᠦᠨ᠂ ᠠᠭᠤᠯᠠ ᠤᠰᠤᠶ᠋ᠢ ᠳᠠᠪᠠᠨ ᠲᠦᠮᠡᠨ ᠭᠠᠵᠠᠷᠤᠨ ᠠᠯᠤᠰᠢ ᠵᠤᠷᠢᠨ ᠶᠠᠪᠤᠵᠤ ᠪᠠᠢᠭᠰᠠᠨ ᠲᠡᠳᠡᠭᠡᠷ ᠮᠤᠨᠭᠭᠤᠯᠳᠤ ᠰᠠᠭᠤᠭᠠ ᠬᠢᠲᠠᠳ ᠫᠦᠰᠡᠶᠢᠨ ᠬᠤᠳᠠᠯᠳᠤᠭᠠᠴᠢᠳᠤᠨ ᠪᠠᠷᠠ ᠨᠢ ᠠᠯᠢ ᠬᠡᠵᠢᠶᠡᠨᠦ ᠥᠩᠭᠡᠷᠡᠭ᠌ᠰᠡᠨᠦ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠳᠤᠮᠳᠠ ᠵᠠᠮᠬᠠᠷᠠᠨ ᠤᠳᠴᠠᠢ᠃
ᠲᠡᠦᠬᠡᠨ ᠳᠡᠭᠡᠷᠡ ᠨᠢᠭᠡᠨ ᠦᠶᠡ ᠬᠥᠭ᠌ᠵᠢᠨ ᠴᠡᠴᠡᠭ᠌ᠯᠡᠭ᠌ᠰᠡᠨ ᠳᠣᠯᠣᠨ ᠨᠠᠭᠤᠷ ᠣᠲᠣ ᠪᠣᠯᠲᠠᠯᠠ ᠮᠥᠨ ᠬᠦ᠌ ᠥᠪᠡᠷᠮᠢᠴᠡ ᠣᠷᠣᠨ ᠪᠠᠢᠷᠢᠶ᠋ᠢᠨ ᠳᠠᠪᠠᠭᠤᠯᠢᠭ ᠲᠠᠶ ᠪᠠᠢᠵᠤ — ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠳᠤᠮᠳᠠ ᠬᠡᠰᠡᠭ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠡᠮᠦᠨᠡ ᠬᠡᠰᠡᠭᠲᠦ ᠪᠠᠢᠷᠢᠯᠠᠵᠤ ᠪᠠᠢᠭᠠ ᠳᠣᠯᠣᠨ ᠨᠤᠤᠷ ᠱᠢᠶᠠᠨ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠪᠡᠭᠡᠵᠢᠩᠡᠴᠡ ᠬᠠᠮᠤᠭᠤᠨ ᠣᠢᠷᠠ ᠪᠠᠢᠭᠠ ᠬᠣᠱᠢᠭᠤ ᠱᠢᠶᠠᠨ ᠪᠣᠯᠤᠨᠠ᠂ ᠲᠡᠷᠡ ᠨᠢ ᠪᠡᠭᠡᠵᠢᠩ ᠲᠢᠶᠠᠨᠵᠢᠨᠲᠠᠶ ᠬᠥᠷᠱᠢᠯᠡᠵᠦ᠍᠂ ᠾᠸᠪᠸᠢ ᠲᠠᠢ ᠵᠠᠯᠭᠠᠯᠳᠤᠵᠤ᠂ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠾᠸᠪᠸᠢ ᠵᠢᠨ ᠠᠵᠤ ᠠᠬᠤᠶᠶ᠋ᠢᠨ ᠴᠠᠭᠠᠷᠢᠭ ᠪᠠ ᠪᠦᠸᠧᠬᠠᠶ ᠲᠠᠩᠭᠢᠰᠤᠨ ᠡᠷᠬᠢᠨ ᠲᠣᠭᠣᠷᠢᠨᠤ ᠠᠵᠤ ᠠᠬᠤᠶᠶ᠋ᠢᠨ ᠴᠠᠭᠠᠷᠢᠭᠤᠨ ᠨᠦᠯᠦᠭᠡᠳᠦ ᠣᠷᠣᠨᠳᠤ ᠪᠠᠢᠷᠢᠯᠠᠵᠤ᠂ ᠱᠢᠯᠢᠶ᠋ᠢᠨ ᠭᠤᠤᠯ ᠠᠢᠮᠠᠭᠤᠨ ᠵᠡᠭᠦᠨ ᠬᠣᠢᠲᠤ ᠣᠷᠣᠨ᠂ ᠤᠮᠠᠷᠠᠲᠤ ᠣᠷᠣᠨᠢ ᠬᠣᠯᠪᠣᠭ᠍ᠰᠠᠨ ᠴᠢᠬᠤᠯᠠ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠬᠦᠶ᠋ᠰᠦ ᠪᠠᠢᠵᠤ᠂ ᠬᠢᠯᠢ ᠳᠠᠭᠠᠤ ᠲᠡᠯᠡᠶᠲᠡᠶ ᠣᠢᠷᠠᠯᠴᠠᠭᠠ᠂ ᠳᠣᠲᠣᠷ ᠭᠠᠵᠠᠷᠲᠠᠶ ᠵᠠᠯᠭᠠᠵᠤ᠂ ᠮᠣᠩᠭᠣᠯ ᠣᠷᠣᠰᠲᠠᠢ ᠨᠡᠪᠲᠡᠷᠡᠯᠴᠡᠭᠰᠡᠨ ᠣᠨᠴᠠᠯᠢᠭᠲᠠᠶ ᠶᠤᠮ᠃ ᠣᠳᠣᠬᠠᠨᠳᠤ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠳᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠣᠪᠬᠢᠰᠲᠤ ᠨᠡᠪᠲᠡᠷᠡᠬᠦ᠌ ᠪᠣᠰᠣᠭᠠ ᠴᠣᠭ᠍ᠴᠠᠲᠤ ᠵᠠᠮ ᠬᠠᠷᠢᠯᠴᠠᠭᠠᠨᠤ ᠪᠠᠢᠷᠢᠱᠢᠯ ᠨᠢᠭᠡᠨᠲᠡ ᠦᠨᠳᠦᠰᠦᠨᠳᠡᠭᠡᠨ ᠪᠦᠷᠢᠯᠳᠦᠵᠦ᠍᠂ ᠶᠠᠭ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠾᠸᠪᠸᠢ ᠵᠢᠨ 3 ᠴᠠᠭᠤᠨ ᠠᠵᠤ ᠠᠬᠤᠢᠶ᠋ᠢᠨ ᠲᠤᠭᠤᠷᠢᠭᠲᠤ ᠠᠭᠤᠰᠤᠯᠴᠠᠵᠤ ᠪᠤᠢ᠃
ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡᠶ᠋ᠢᠨ ᠠᠭᠤᠯᠤᠭ᠍ᠳᠠᠬᠤᠨ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠳᠤ ᠡᠯᠪᠡᠭ ᠪᠠᠶᠠᠯᠢᠭ ᠰᠣᠶᠣᠯᠤᠨ ᠦᠯᠡᠳᠡᠭ᠌ᠳᠡᠯ ᠦᠯᠡᠳᠡᠭᠡᠵᠡᠶ᠃ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠳᠤ 4 ᠤᠯᠤᠰᠤᠨ ᠲᠠᠰᠤᠨ ᠭᠤᠤᠯᠳᠠᠯᠭᠠᠲᠠᠶ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ᠂ 4 ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠲᠠᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ᠂ 11 ᠱᠢᠶᠠᠨᠤ ᠲᠠᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠨᠢᠭᠡᠴᠢ ᠪᠣᠶ᠃ ᠣᠳᠣᠬᠠᠨᠳᠤ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰ ᠨᠢ ᠬᠤᠢ ᠽᠦᠩ ᠰᠧ ᠰᠦᠮᠡ᠂ ᠱᠠᠨ ᠶᠢᠨ ᠰᠧ ᠰᠦᠮᠡ᠂ ᠯᠢᠶᠣᠤ ᠤᠯᠤᠰᠤᠨ ᠦᠶᠡᠶ᠋ᠢᠨ ᠬᠠᠭᠠᠨᠤ ᠣᠷᠳᠣᠨᠤ ᠪᠠᠭᠤᠷᠢᠶ᠋ᠢᠨ ᠴᠡᠴᠡᠷᠯᠢᠭ᠂ ᠲᠤᠯᠤᠨ ᠨᠤᠤᠷ ᠡᠷᠲᠡᠨᠦ ᠪᠠᠷᠢᠯᠭᠠᠪᠠᠷ ᠭᠣᠣᠯ ᠪᠣᠯᠭᠠᠭ᠍ᠰᠠᠨ ᠬᠥᠮᠦᠨ ᠰᠣᠶᠣᠯ ᠲᠡᠦᠬᠡᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ; ᠲᠤᠯᠤᠨ ᠨᠠᠭᠤᠷ᠂ ᠬᠡᠦᠬᠡᠨ ᠨᠠᠭᠤᠷ᠂ ᠢᠦᠶ ᠮᠦ᠍ ᠴᠤᠸᠠᠨᠢᠶᠠᠷ ᠭᠤᠤᠯ ᠪᠣᠯᠭᠠᠭ᠍ᠰᠠᠨ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ; ᠴᠠᠬᠠᠷᠤᠨ ᠶᠠᠫᠣᠨᠢ ᠡᠰᠡᠷᠭᠦᠴᠡᠭ᠌ᠰᠡᠨ ᠲᠠᠢ᠌ᠨᠦ ᠳᠤᠷᠠᠰᠭᠠᠯᠤᠨ ᠲᠢᠩᠬᠢᠮ᠂ ᠲᠤᠯᠤᠨ ᠨᠤᠤᠷᠤᠨ ᠴᠢᠯᠥᠭᠡᠯᠡᠯᠲᠡᠶ᠋ᠢᠨ ᠳᠤᠷᠠᠰᠭᠠᠯᠤᠨ ᠣᠷᠳᠣᠨᠢᠶᠠᠷ ᠭᠣᠣᠯ ᠪᠣᠯᠭᠠᠭ᠍ᠰᠠᠨ ᠬᠤᠪᠢᠰᠭᠠᠯᠤᠨ ᠬᠥᠮᠦᠵᠢᠯ ᠵᠢᠭᠤᠯᠴᠢᠯᠠᠯᠤᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨᠢ ᠪᠦᠷᠢᠯᠳᠦᠭᠦᠯᠪᠡ᠃
2019 ᠣᠨᠤ 3 ᠰᠠᠷᠠᠳᠤ᠂ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠲᠣᠪᠴᠢᠶᠠᠡᠴᠡ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠢ᠋ 《ᠳᠤᠮᠳᠠᠳᠤ ᠤᠯᠤᠰᠤᠨ ᠳᠡᠯᠡᠬᠡᠶᠶ᠋ᠢᠨ ᠰᠣᠶᠣᠯᠤᠨ ᠥᠪᠦᠨ ᠪᠡᠯᠡᠳᠭᠡᠯ ᠨᠡᠷᠡᠰ》 ᠲᠤ᠌ ᠵᠢᠩᠬᠢᠨᠢᠪᠡᠷ ᠣᠷᠣᠭᠤᠯᠵᠤ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》ᠢ᠋ ᠰᠣᠶᠣᠯᠤᠨ ᠥᠪᠢᠶᠡᠷ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ᠌ ᠠᠵᠢᠯ ᠪᠤᠳᠠᠳᠠᠢ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ᠌ ᠲᠠᠰ ᠳᠠᠷᠠᠭᠠᠯᠠᠯᠤᠨ ᠱᠠᠲᠤᠨᠳᠤ ᠣᠷᠣᠪᠠ᠃ ᠣᠳᠣᠬᠠᠨᠳᠤ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠬᠤᠢ ᠽᠦᠡᠭ ᠰᠧ ᠰᠦᠮᠡ᠂ ᠱᠠᠨ ᠰᠢᠶ᠋ᠢᠨ ᠴᠤᠭᠯᠠᠭᠠᠨᠤ ᠣᠷᠳᠣᠨ ᠨᠢᠭᠡᠨᠲᠡ ᠠᠩᠬᠠᠳᠠᠭ᠍ᠴᠢ ᠪᠦᠯᠦᠭ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠤ᠋ᠨ ᠰᠤᠶᠤᠯᠤᠨ ᠦᠪᠢᠶᠡᠷ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ ᠨᠡᠷᠡᠰᠲᠦ ᠵᠢᠭ᠍ᠰᠠᠭᠠᠭ᠍ᠳᠠᠪᠠ᠃ 2021 ᠣᠨᠳᠤ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨ ᠨᠠᠢ᠍ᠮᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠳᠤᠮᠳᠠᠳᠤ ᠮᠣᠩᠭᠣᠯ ᠤᠷᠤᠰᠤᠨ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠬᠤᠲᠠᠶ᠋ᠢᠨ ᠬᠠᠮᠲᠤᠷᠠᠯᠴᠠᠭᠠᠨᠤ ᠬᠤᠷᠠᠯᠢ ᠠᠮᠵᠢᠯᠲᠠᠲᠠᠶ ᠬᠤᠷᠠᠯᠳᠤᠭᠤᠯᠵᠤ᠂ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠢᠶ᠋ᠢᠨ ᠵᠠᠮ》 ᠱᠢᠨᠡ ᠴᠠᠭ ᠦᠶᠡᠳᠦ ᠳᠠᠬᠢᠨᠲᠠ ᠠᠮᠢᠵᠢᠷᠠᠯᠤᠨ ᠬᠦᠴᠦᠨᠢᠶᠡᠨ ᠪᠠᠳᠠᠷᠠᠭᠤᠯᠪᠠ᠃
ᠰᠠᠢᠨ ᠰᠠᠢᠬᠠᠨ ᠠᠮᠢ ᠠᠬᠤᠶ ᠣᠷᠴᠢᠨ ᠲᠣᠭᠣᠷᠢᠨᠤ ᠬᠠᠮᠠᠭᠠᠯᠠᠯᠲᠠ ᠪᠠ ᠡᠯᠪᠡᠭ ᠪᠠᠶᠠᠯᠢᠭ ᠰᠣᠶᠣᠯ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠨᠡᠭᠡᠭᠡᠨ ᠠᠱᠢᠭ᠍ᠯᠠᠭ᠍ᠰᠠᠨᠢᠶᠠᠷ᠂ ᠳᠣᠯᠣᠨ ᠨᠤᠤᠷ ᠱᠢᠶᠠᠨ ᠤᠷᠢᠳ ᠬᠣᠵᠢᠳ 《ᠪᠥᠬᠥ᠌ ᠤᠯᠤᠰᠤᠨ ᠠᠮᠢ ᠠᠬᠤᠶᠶ᠋ᠢᠨ ᠪᠣᠯᠪᠠᠰᠤᠨᠤ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ᠌ ᠱᠢᠶᠠᠨ》᠂ 《ᠪᠥᠬᠥ᠌ ᠤᠯᠤᠰᠤᠨ ᠣᠨᠴᠠᠯᠢᠭᠲᠠᠶ ᠦᠵᠡᠮᠵᠢᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠨᠠᠷᠠᠲᠤ ᠪᠠᠯᠭᠠᠰᠤ 》᠂ 《ᠳᠤᠮᠳᠠᠳᠤ ᠤᠯᠤᠰᠤᠨ ᠲᠡᠦᠬᠡ ᠰᠣᠶᠣᠯᠤᠨ ᠨᠠᠷᠠᠲᠤ ᠪᠠᠯᠭᠠᠰᠤ》᠂ 《ᠪᠥᠬᠥ᠌ ᠤᠯᠤᠰᠤᠨ ᠬᠠᠮᠤᠭᠤᠨ ᠭᠣᠶᠣ 30 ᠱᠢᠶᠠᠨ》᠂ 《ᠪᠥᠬᠥ᠌ ᠤᠯᠤᠰᠤᠨ ᠲᠡᠦᠬᠡᠶ᠋ᠢᠨ ᠳᠤᠷᠠᠰᠭᠠᠯᠲᠤ ᠵᠦᠶ᠋ᠯᠡᠰᠦᠨ ᠬᠠᠮᠠᠭᠠᠯᠠᠯᠲᠠᠶ᠋ᠢᠨ ᠠᠵᠢᠯᠤᠨ ᠲᠡᠷᠢᠭᠦᠨᠦ ᠱᠢᠶᠠᠨ》᠂ 《ᠳᠤᠮᠳᠠᠳᠤ ᠤᠯᠤᠰᠤᠨ ᠪᠠᠢᠭᠠᠯᠢᠶ᠋ᠢᠨ ᠬᠦᠴᠢᠯᠲᠥ᠋ᠷᠥᠭ᠌ᠴᠢᠲᠦ ᠪᠠᠭᠠᠷ》 ᠵᠡᠷᠭᠡ ᠢᠷᠠᠭᠤ ᠠᠯᠳᠠᠷᠤᠨ ᠴᠣᠯᠠ ᠵᠢᠴᠢ 《ᠲᠦᠮᠡᠨ ᠭᠠᠵᠠᠷᠤᠨ ᠴᠠᠶᠶ᠋ᠢᠨ ᠵᠠᠮ》 ᠢ᠋ ᠰᠣᠶᠣᠯᠤᠨ ᠥᠪᠢᠶᠡᠷ ᠭᠤᠶᠤᠴᠢᠯᠠᠨ ᠮᠡᠳᠡᠭᠦᠯᠬᠦ᠌ ᠴᠢᠬᠤᠯᠠ ᠵᠠᠩᠭᠢᠯᠠᠭᠠᠶ᠋ᠢᠨ ᠬᠣᠲᠠ᠂ ᠤᠯᠤᠰᠤᠨ 《ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠳᠠᠪᠤᠨ ᠵᠢᠯ》 ᠤ᠋ᠨ ᠬᠤᠭᠤᠴᠠᠭᠠᠨᠳᠤ ᠭᠤᠤᠯᠳᠠᠯᠭᠠᠲᠠᠶ ᠨᠡᠭᠡᠭᠡᠨ ᠬᠥᠭ᠌ᠵᠢᠭᠦᠯᠦᠭ᠌ᠰᠡᠨ 14 ᠵᠢᠭᠤᠯᠴᠢᠯᠠᠯ ᠰᠡᠯᠡᠭᠦᠴᠡᠯᠦᠨ ᠬᠡᠯᠪᠡᠷᠢᠶ᠋ᠢᠨ ᠬᠣᠲᠠ ᠪᠠᠯᠭᠠᠰᠤ᠂ ᠬᠤᠶᠠᠳᠤᠭᠠᠷ ᠪᠦᠯᠦᠭᠤᠨ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠤᠷᠤᠨᠤ ᠳᠡᠰᠤᠨ ᠪᠦᠬᠦ ᠬᠦᠷᠢᠶᠡᠨᠤ ᠵᠢᠭᠤᠯᠴᠢᠯᠠᠯᠤᠨ ᠵᠢᠱ᠌ᠢᠶᠡ ᠦᠵᠡᠭᠦᠯᠬᠦ ᠤᠷᠤᠨ ᠵᠡᠷᠭᠡ ᠤᠯᠠᠨ ᠵᠦᠢᠯᠤᠨ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠲᠡᠪᠡ᠃
ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠨᠠᠮᠤᠨ ᠬᠣᠷᠢᠶᠠᠶᠢᠨ ᠤᠬᠠᠭᠤᠯᠬᠤ ᠬᠡᠯᠲᠡᠰᠦᠨ ᠳᠡᠳ᠋ ᠳᠠᠷᠤᠭᠠ ᠴᠧᠨ ᠮᠸᠩ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠤᠢ᠍ᠢᠷᠡᠶ᠋ᠢᠨ ᠵᠢᠯᠡᠴᠡ ᠨᠠᠭᠠᠰᠢ᠂ ᠲᠤᠯᠤᠨ ᠨᠤᠤᠷ ᠱᠢᠶᠠᠨ 《ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ ᠵᠢᠭᠤᠯᠴᠢᠯᠠᠯᠤᠨ ᠶᠡᠷᠦᠩᠬᠡᠢ ᠲᠥᠯᠥᠪᠵᠢᠭᠦᠯᠭᠡ》᠂ 《ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠱᠢᠯᠢᠶ᠋ᠢᠨ ᠭᠣᠣᠯ ᠠᠢᠮᠠᠭᠤᠨ ᠲᠤᠯᠤᠨ ᠨᠤᠤᠷ ᠱᠢᠶᠠᠨᠤ 〈ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯ〉ᠤ᠋ᠨ ᠰᠣᠶᠣᠯ ᠪᠡᠶᠡᠶ᠋ᠢᠨ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠲᠥᠯᠥᠪᠵᠢᠭᠦᠯᠭᠡ》 ᠵᠡᠷᠭᠡᠶ᠋ᠢ ᠨᠠᠢᠷᠠᠭᠤᠯᠤᠨ ᠵᠣᠬᠢᠶᠠᠵᠤ᠂ ᠵᠢᠭᠤᠯᠴᠢᠯᠠᠯᠤᠨ ᠦᠢᠯᠡᠰᠦᠨ ᠬᠥᠭ᠌ᠵᠢᠯᠲᠡᠶ᠋ᠢ ᠤᠯᠤᠰ ᠠᠷᠠᠳᠤᠨ ᠠᠵᠤ ᠠᠬᠤᠢ ᠪᠠ ᠨᠡᠢᠭᠡᠮᠦᠨ ᠬᠥᠭ᠌ᠵᠢᠯᠲᠡᠶ᠋ᠢᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠲᠠᠪᠤᠨ ᠵᠢᠯᠦᠨ ᠲᠥᠯᠥᠪᠵᠢᠭᠦᠯᠭᠡ ᠪᠠ 2035 ᠣᠨᠤ ᠠᠯᠤᠰᠤᠨ ᠬᠠᠷᠠᠯᠲᠠᠶ᠋ᠢᠨ ᠬᠥᠲᠥᠯᠪᠦᠷᠢᠳᠦ ᠣᠷᠣᠭᠤᠯᠵᠤ᠂ ᠪᠦᠬᠦ᠌ ᠱᠢᠶᠠᠨᠤ ᠠᠷᠪᠠᠨ ᠵᠦᠢᠯᠦᠨ ᠭᠣᠣᠯᠳᠠᠯᠭᠠᠲᠠᠶ ᠠᠵᠢᠯᠤᠨ ᠨᠢᠭᠡ ᠪᠣᠯᠭᠠᠨ ᠪᠦᠬᠦ᠌ ᠬᠦᠴᠦᠨᠢᠶᠡᠷᠢᠶᠡᠨ ᠠᠬᠢᠭᠤᠯᠵᠤ᠂ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠴᠢ ᠵᠦᠢ ᠵᠣᠬᠢᠰᠲᠠᠢ ᠲᠥᠯᠥᠪᠵᠢᠭᠦᠯᠭᠡᠪᠡᠷ ᠳᠠᠮᠵᠢᠭᠤᠯᠤᠨ᠂ ᠵᠢᠭᠤᠯᠴᠢᠯᠠᠯᠤᠨ ᠡᠬᠢ ᠪᠠᠶᠠᠯᠢᠭᠢ ᠪᠦᠲᠦᠮᠵᠢᠲᠡᠢ ᠨᠡᠢᠳᠭᠡᠵᠦ᠍᠂ ᠵᠢᠭᠤᠯᠴᠢᠯᠠᠯᠤᠨ ᠠᠵᠤ ᠦᠢᠯᠡᠰᠦᠨ ᠦᠷᠭᠦᠯᠵᠢᠯᠡᠬᠦ᠌ ᠬᠥᠭ᠌ᠵᠢᠯᠲᠡᠶ᠋ᠢ ᠠᠬᠢᠭᠤᠯᠬᠤᠪᠠᠷ ᠴᠢᠷᠮᠠᠢᠵᠤ ᠪᠠᠢᠨᠠ ᠭᠡᠵᠦ ᠬᠡᠯᠡᠵᠦ ᠥᠭᠪᠡ᠃
ᠲᠡᠮᠡᠭᠡᠨ ᠵᠢᠩᠤᠨ ᠬᠣᠩᠬᠣ ᠬᠣᠯᠠᠳᠠᠵᠤ᠂ ᠳᠡᠯᠡᠬᠡᠢ ᠶᠢᠷᠳᠢᠨᠴᠦ ᠬᠤᠪᠢᠰᠦᠨ ᠰᠢᠨᠡᠳᠪᠡ᠃ ᠭᠦᠨ ᠵᠤᠵᠠᠭᠠᠨ ᠲᠡᠦᠬᠡ ᠤᠳᠤ ᠦᠶᠡᠶ᠋ᠢᠨ ᠬᠥᠮᠦᠰᠦᠨ ᠤᠯᠠ ᠮᠥᠷᠲᠦ ᠰᠢᠨᠡ ᠠᠮᠢᠯᠠᠯᠢ ᠦᠷᠭᠦᠯᠵᠢᠯᠡᠭᠦᠯᠦᠨᠡ᠃ ᠮᠤᠷᠤᠯᠵᠠᠨ ᠰᠤᠨᠤᠯᠵᠠᠭᠰᠠᠨ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨᠤ ᠵᠠᠮ ᠨᠢ ᠦᠨᠭᠭᠡᠷᠡᠭᠰᠡᠨᠳᠤ ᠬᠣᠯᠪᠣᠭᠠᠰᠤ ᠱᠢᠭ᠋ᠢᠶᠡᠷ ᠠᠳᠠᠯᠢ ᠪᠤᠰᠤ ᠦᠨᠳᠦᠰᠦᠲᠡᠨᠦ ᠰᠣᠯᠢᠯᠴᠠᠭᠠ ᠪᠠ ᠠᠭᠤᠰᠤᠯᠴᠠᠯᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠵᠤ ᠪᠠᠢᠪᠠ᠃ ᠡᠳᠦᠭᠡ᠂ ᠠᠯᠢ ᠤᠯᠠᠨ ᠱᠢᠨᠡ ᠠᠵᠠ ᠲᠣᠬᠢᠶᠠᠯ᠂ ᠠᠯᠢ ᠤᠯᠠᠨ ᠭᠣᠢᠳᠠ ᠰᠠᠢᠬᠠᠨ ᠰᠣᠶᠣᠯᠤᠨ ᠠᠵᠢᠯᠯᠠᠭᠠ ᠨᠢ ᠥᠩᠭᠡᠷᠡᠭ᠌ᠰᠡᠨᠦ 《ᠭᠣᠪᠢᠶ᠋ᠢᠨ ᠡᠮᠦᠨᠡᠬᠢ ᠠᠷᠠᠯᠵᠢᠶᠠᠨᠤ ᠬᠤᠲᠠ》 ᠳ᠋ᠤ ᠴᠣ ᠱᠢᠨᠡ ᠴᠠᠭ ᠦᠶᠡᠶ᠋ᠢᠨ ᠠᠭᠤᠯᠤᠭ᠍ᠳᠠᠬᠤᠨ ᠨᠡᠮᠡᠷᠢᠯᠡᠨᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃