2022-08-20 17:38:29
8 ᠰᠠᠷᠠ ᠵᠢᠨ 19 ᠤ᠋ ᠤᠷᠤᠢ ᠂ ᠠᠷᠪᠠ ᠶᠢᠰᠦᠳᠦᠭᠡᠷ ᠬᠤᠭᠤᠴᠠᠭᠠᠨ ᠤ᠋ ᠲᠤᠮᠳᠠᠳᠦ ᠤᠯᠤᠰ·ᠦᠪᠦᠷ ᠮᠤᠨᠭᠭᠤᠯ ᠤ᠋ᠨ ᠳᠠᠯᠠ ᠨᠤᠲᠤᠭ ᠤ᠋ᠨ ᠰᠤᠶᠤᠯ ᠤ᠋ᠨ ᠨᠠᠢᠷ ᠤ᠋ᠨ ᠰᠢᠯᠢᠳᠡᠭ ᠪᠦᠳᠦᠭᠡᠯ ᠤ᠋ᠨ ᠦᠵᠡᠬᠦᠯᠭᠡ ᠵᠢᠨ ᠲᠤᠭᠯᠠᠯᠳᠠ ᠵᠢᠨ ᠨᠢᠭᠡ ᠪᠤᠯᠬᠤ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠲᠤᠰᠬᠠᠢ ᠳᠠᠯᠠᠪᠠᠢ ᠳᠠᠭᠤᠤ ᠬᠦᠭᠵᠢᠮ ᠤ᠋ᠨ ᠴᠤᠭᠯᠠᠭᠠᠨ ᠦᠪᠦᠷ ᠮᠤᠨᠭᠭᠤᠯ ᠤ᠋ᠨ ᠤᠷᠠᠯᠢᠭ ᠵᠦᠴᠦᠭᠡ ᠵᠢᠨ ᠬᠦᠷᠢᠶᠡᠯᠡᠩ ᠳ᠋ᠤ ᠤᠶᠠᠨᠭᠭᠠ ᠬᠥᠭ ᠲᠠᠢ ᠨᠢᠵᠢᠬᠢᠷ ᠶᠠᠪᠤᠭᠳᠠᠪᠠ ᠃
ᠲᠤᠮᠳᠠᠳᠦ ᠵᠢᠨ ᠦᠨᠳᠦᠰᠦᠳᠡᠨ ᠤ᠋ ᠬᠠᠮᠳᠦ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷ ᠢ᠋ ᠪᠠᠳᠤ ᠴᠤᠭᠴᠠᠯᠠᠬᠤ ᠪᠡᠷ ᠭᠤᠤᠯ ᠰᠡᠳᠦᠪ ᠪᠤᠯᠭᠠᠭᠰᠠᠨ ᠲᠤᠰ ᠦᠳᠡᠰᠢᠯᠡᠬᠡ ᠨᠢ 《ᠳᠠᠯᠠ ᠨᠤᠲᠤᠭ ᠤ᠋ᠨ ᠪᠠᠶᠠᠷᠲᠦ ᠳᠠᠭᠤᠯᠠᠯ》 ᠬᠡᠬᠦ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠲᠠᠢ ᠬᠦᠭᠵᠢᠮ ᠵᠢᠡᠷ ᠡᠬᠢᠯᠡᠵᠦ ᠂ ᠳᠡᠭᠡᠳᠤ ᠬᠠᠭᠠᠰ ᠲᠠᠯᠠᠪᠠᠢ ᠦᠳᠡᠰᠢᠯᠡᠬᠡ ᠵᠢ ᠦᠥᠰᠢᠨ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠰᠢᠮᠫᠤᠨᠢ ᠬᠦᠭᠵᠢᠮ ᠤ᠋ᠨ ᠪᠦᠯᠬᠦᠮ ᠭᠤᠤᠯᠴᠢᠯᠠᠨ ᠲᠤᠭᠯᠠᠵᠦ᠂ 《ᠲᠡᠭᠷᠢ ᠠᠭᠤᠯᠠ ᠵᠢᠨ ᠲᠠᠨᠭᠰᠤᠬ ᠦᠵᠡᠮᠵᠢ》᠂ 《ᠬᠦᠰᠡᠯ ᠤ᠋ᠨ ᠰᠠᠢᠬᠠᠨ ᠲᠡᠮᠡᠤᠯᠤᠯ》᠂ 《ᠰᠢᠷᠠᠤ᠋ᠰᠤᠨᠤ ᠲᠡᠭᠷᠢᠯᠢᠭ ᠤᠶᠠᠩᠭᠠ》᠂ 《ᠤᠷᠤᠭᠰᠢᠯᠠᠯᠳᠠ》᠂ 《ᠪᠡᠭᠡᠵᠢᠩ ᠤ᠋ᠨ ᠪᠠᠶᠠᠷᠲᠦ ᠴᠢᠮᠡᠭᠡ》 ᠵᠡᠷᠭᠡ ᠦᠪᠡᠷᠮᠢᠴᠡ ᠰᠤᠳᠤᠨ ᠠᠶᠠᠰ ᠢ᠋ ᠬᠦᠭᠵᠢᠮᠳᠡᠵᠡᠢ ᠃
ᠳᠠᠯᠠ ᠨᠤᠲᠤᠭ ᠤ᠋ᠨ ᠰᠤᠶᠤᠯ ᠤ᠋ᠨ ᠨᠠᠢᠷ ᠲᠦ᠍ ᠠᠩᠬᠠ ᠤᠷᠤᠯᠴᠠᠵᠦ ᠪᠠᠢᠭᠠ ᠦᠥᠰᠢᠨ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠰᠢᠮᠫᠤᠨᠢ ᠬᠦᠭᠵᠢᠮ ᠤ᠋ᠨ ᠪᠦᠯᠬᠦᠮ ᠤ᠋ᠨ ᠬᠢᠨ ᠡᠷᠳᠡ ᠡᠴᠡ ᠪᠡᠯᠡᠳᠬᠡᠯ ᠪᠤᠯᠪᠠᠰᠤᠷᠠᠯ ᠵᠢᠡᠨ ᠰᠠᠢᠳᠤᠷ ᠬᠢᠵᠦ᠂ ᠦᠪᠡᠷ ᠤ᠋ᠨ ᠬᠡᠰᠡᠨ ᠰᠢᠨᠡ ᠪᠦᠳᠦᠭᠡᠯ ᠲᠠᠢ ᠤᠷᠤᠯᠴᠠᠭᠰᠠᠨ ᠪᠠᠢᠯᠠ᠃ ᠪᠦᠯᠬᠦᠮ ᠤ᠋ᠨ ᠳᠠᠷᠤᠭᠠ ᠵᠢᠨ ᠬᠠᠢ ᠄ 《ᠪᠢᠳᠡ ᠲᠤᠰ ᠤᠳᠠᠭᠠᠨ ᠤ᠋ ᠲᠤᠭᠯᠠᠯᠳᠠ ᠳ᠋ᠤ 〈ᠬᠤᠶᠠᠷ ᠢ᠋ ᠴᠤᠭᠴᠠᠯᠠᠬᠤ〉 ᠪᠡᠷ ᠭᠤᠤᠯ ᠰᠡᠳᠦᠪ ᠪᠤᠯᠭᠠᠨ ᠨᠠᠢᠷᠠᠭᠤᠯᠤᠨ ᠵᠤᠬᠢᠶᠠᠭᠰᠠᠨ 〈ᠲᠡᠭᠷᠢ ᠠᠭᠤᠯᠠ ᠵᠢᠨ ᠲᠠᠨᠭᠰᠤᠬ ᠦᠵᠡᠮᠵᠢ〉 ᠪᠤᠯᠤᠨ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠲᠤᠭᠯᠠᠯᠳᠠ ᠵᠢᠨ ᠲᠡᠥᠬᠡᠨ ᠳ᠋ᠡᠬᠢ ᠠᠩᠬᠠᠳᠠᠭᠴᠢ ᠨᠠᠢᠷᠠᠯ ᠬᠦᠭᠵᠢᠮ 〈ᠰᠢᠷᠠᠤ᠋ᠰᠤᠨᠤ ᠲᠡᠭᠷᠢᠯᠢᠭ ᠤᠶᠠᠩᠭᠠ〉 ᠭᠡᠬᠦ ᠬᠤᠶᠠᠷ ᠰᠢᠨᠡ ᠪᠦᠳᠦᠭᠡᠯ ᠢ᠋ ᠲᠤᠭᠯᠠᠯᠠ᠃ ᠲᠠᠯᠠ ᠨᠤᠳᠤᠭ ᠤ᠋ᠨ ᠰᠤᠶᠤᠯ ᠤ᠋ᠨ ᠨᠠᠢᠷ ᠨᠢ ᠪᠢᠳᠡᠨ ᠳ᠋ᠤ ᠦᠷᠬᠡᠨ ᠲᠠᠯᠬᠡᠷ ᠰᠤᠷᠤᠯᠴᠠᠯᠭᠠ ᠵᠢᠨ ᠳᠠᠪᠴᠠᠩ ᠬᠠᠩᠭᠠᠵᠦ᠂ ᠤᠯᠳᠠᠰᠢ ᠦᠬᠡᠢ ᠰᠠᠢᠨ ᠠᠵᠠ ᠲᠤᠬᠢᠶᠠᠯ ᠤᠯᠭᠤᠬᠰᠠᠨ ᠡ!》 ᠭᠡᠵᠦ ᠪᠠᠶᠠᠷᠳᠠᠢᠬᠠᠨ ᠶᠠᠷᠢᠵᠤ ᠪᠠᠢᠯᠠ ᠃
《ᠮᠠᠭᠳᠠᠭᠠᠯ ᠳᠠᠭᠤᠤ》 ᠵᠢᠨ ᠠᠶᠠ ᠡᠬᠢᠯᠡᠬᠦ ᠳ᠋ᠤ ᠲᠠᠯᠠᠪᠠᠢ ᠲᠦᠬᠦᠷᠡᠩ ᠦᠵᠡᠭᠴᠢᠳ ᠦᠶᠠ ᠦᠶᠠ ᠠᠯᠠᠭᠠ ᠲᠠᠰᠢᠵᠤ᠂ 《ᠰᠤᠩᠭᠤᠳᠠᠭ ᠳᠠᠭᠤᠤ ᠬᠦᠭᠵᠢᠮ ᠤ᠋ᠨ ᠭᠠᠢᠬᠠᠮᠰᠢᠭ᠂ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠷᠢᠳᠢ ᠰᠢᠳᠢᠭᠡᠵᠦ ᠴᠠᠭᠠᠨᠠ ᠪᠠᠨ ᠤᠨᠳᠤᠤ ᠰᠢᠦ! 》 ᠬᠡᠮᠡᠨ ᠨᠠᠮ ᠲᠠᠭᠤ ᠪᠡᠷ ᠶᠠᠷᠢᠯᠴᠠᠵᠠᠭᠠᠨᠠ᠃ ᠲᠤᠤᠷᠠᠳᠦ ᠬᠠᠭᠠᠰ ᠲᠠᠯᠠᠪᠠᠢ ᠦᠳᠡᠰᠢᠯᠡᠭᠡ ᠡᠢᠨ ᠬᠦ᠌ ᠴᠢ᠊·ᠪᠤᠯᠠᠭ ᠤ᠋ᠨ 《ᠳᠠᠬᠢ》 ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠬᠦᠭᠵᠢᠮ ᠤ᠋ᠨ ᠪᠦᠯᠬᠦᠮ ᠤ᠋ᠨ ᠲᠤᠭᠯᠠᠯᠳᠠ ᠪᠡᠷ ᠡᠬᠢᠯᠡᠵᠦ ᠂ 《ᠤᠷᠳᠤᠰ ᠤ᠋ᠨ ᠦᠨᠳᠦᠷᠯᠢᠭ》᠂ 《ᠮᠠᠨᠳᠤᠬᠤ ᠨᠠᠷᠠᠨ》᠂《ᠡᠷᠡᠦ ᠴᠠᠭᠠᠨ ᠰᠢᠪᠠᠭᠤ》᠂ 《ᠥᠷᠭᠡᠨ ᠰᠡᠯᠡᠩᠭᠡ》᠂ 《ᠡᠷᠬᠢᠴᠡᠬᠦᠯᠦᠯ》᠂ 《ᠰᠦᠬᠡ ᠵᠢᠨ ᠰᠠᠷᠠᠯ》᠂ 《ᠰᠡᠳᠬᠢᠯ ᠤ᠋ᠨ ᠤᠶᠠᠩᠭᠠ》 ᠂ 《ᠡᠬᠡ ᠤᠯᠤᠰ》 ᠵᠡᠷᠭᠡ ᠰᠤᠩᠭᠤᠳᠠᠭ ᠠᠶᠠ ᠨᠢ ᠬᠤᠶᠠᠷᠬᠠᠨ ᠤᠳᠠᠰᠤᠨ ᠳ᠋ᠤ ᠬᠤᠷᠤᠠ ᠵᠢ ᠤᠶᠠᠷᠠᠭᠠᠵᠦ ᠴᠢᠳᠠᠳᠠᠭ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠢᠷᠠᠭᠤ ᠭᠠᠢᠬᠠᠮᠰᠢᠭ ᠢ᠋ ᠳᠠᠬᠢᠨ ᠨᠢᠭᠡ ᠤᠳᠠᠭᠠ ᠬᠠᠷᠠᠭᠤᠯᠤᠭᠰᠠᠨ ᠪᠢᠯᠡ ᠃
ᠴᠢ᠊·ᠪᠤᠯᠠᠭ ᠤ᠋ᠨ 《ᠳᠠᠬᠢ》 ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠬᠦᠭᠵᠢᠮ ᠤ᠋ᠨ ᠪᠦᠯᠬᠦᠮ ᠤ᠋ᠨ ᠳᠠᠷᠤᠭᠠ ᠴᠢ᠊· ᠪᠦᠷᠬᠦᠳ᠄ 《ᠡᠨᠡ ᠤᠳᠠᠭᠠ ᠵᠢᠨ ᠮᠠᠨ ᠤ᠋ ᠬᠦᠭᠵᠢᠮᠳᠡᠭᠰᠡᠨ ᠠᠶᠠ ᠨᠤᠭᠤᠳ ᠪᠦᠷ ᠰᠤᠩᠭᠤᠳᠠᠭ ᠪᠦᠳᠦᠭᠡᠯ ᠪᠠᠢᠵᠤ᠂ ᠠᠷᠪᠠᠨ ᠬᠡᠳᠦᠨ ᠵᠢᠯ ᠤ᠋ᠨ ᠡᠮᠦᠨᠡ ᠡᠴᠡ ᠤᠳᠤ ᠳ᠋ᠤ ᠲᠤᠯᠳᠠᠯᠠ ᠬᠡᠵᠢᠶᠡ ᠬᠠᠮᠢᠭᠠ ᠬᠦᠭᠵᠢᠮᠳᠡᠭᠰᠡᠨ ᠴᠦ᠍ ᠦᠵᠡᠭᠴᠢᠳ ᠤ᠋ᠨ ᠲᠠᠭᠠᠰᠢᠶᠠᠯ ᠢ᠋ ᠬᠦᠷᠳᠡᠭᠰᠡᠬᠡᠷ ᠢᠷᠡᠵᠠᠢ᠃ ᠡᠳᠡᠭᠡᠷ ᠵᠢᠯ ᠳᠤ ᠮᠠᠰᠢ ᠤᠯᠠᠨ ᠵᠠᠯᠠᠭᠤ ᠪᠠᠭᠠᠴᠤᠳ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠡᠴᠢᠨᠡ ᠰᠠᠢᠬᠠᠨ ᠠᠢᠵᠠᠮ ᠳ᠋ᠤ ᠳᠠᠳᠠᠭᠳᠠᠵᠦ᠂ ᠮᠤᠷᠢᠨ ᠬᠤᠭᠤᠷ ᠲᠦ᠍ ᠰᠤᠨᠢᠷᠬᠠᠯ ᠲᠦᠷᠦᠵᠦ ᠂ ᠮᠤᠷᠢᠨ ᠬᠤᠭᠤᠷ ᠰᠤᠷᠴᠤ ᠡᠬᠢᠯᠡᠭᠰᠡᠨ ᠶᠤᠮ ᠃ ᠲᠠᠯᠠ ᠨᠤᠳᠤᠭ ᠤ᠋ᠨ ᠰᠤᠶᠤᠯ ᠤ᠋ᠨ ᠨᠠᠢᠷ ᠮᠠᠨᠤᠰ ᠲᠦ᠍ ᠮᠤᠷᠢᠨ ᠬᠤᠭᠤᠷ ᠵᠢᠡᠷ ᠲᠠᠮᠵᠢᠨ ᠲᠤᠮᠳᠠᠳᠦ ᠤᠯᠤᠰ ᠤ᠋ᠨ ᠦᠯᠢᠬᠡᠷ ᠢ᠋ ᠰᠠᠢᠬᠠᠨ ᠶᠠᠷᠢᠬᠤ ᠠᠵᠠ ᠲᠤᠬᠢᠶᠠᠯ ᠬᠠᠩᠭᠠᠭᠰᠠᠨ ᠳ᠋ᠤ ᠮᠠᠰᠢ ᠪᠠᠶᠠᠷᠯᠠᠵᠤ ᠪᠠᠢᠨᠠ》 ᠭᠡᠵᠦ ᠪᠠᠢᠯᠠ ᠃
ᠲᠤᠮᠳᠠᠳᠦ ᠵᠢᠨ ᠦᠨᠳᠦᠰᠦᠳᠡᠨ ᠤ᠋ ᠬᠠᠮᠳᠦ ᠵᠢᠨ ᠴᠤᠭᠴᠠ ᠵᠢᠨ ᠤᠬᠠᠮᠰᠠᠷ ᠢ᠋ ᠪᠠᠳᠤ ᠴᠤᠭᠴᠠᠯᠠᠵᠤ᠂ 《ᠬᠤᠶᠠᠷ ᠢ᠋ ᠴᠤᠭᠴᠠᠯᠠᠬᠤ》 ᠪᠡᠷ ᠵᠤᠷᠢᠯᠳᠠ ᠪᠤᠯᠭᠠᠨ᠂ ᠦᠨᠳᠦᠰᠦᠳᠡᠨ ᠨᠤᠬᠦᠳ ᠤ᠋ᠨ ᠠᠷᠠᠳ ᠲᠦᠮᠡᠨ ᠤ᠋ ᠪᠦᠯᠬᠦᠮᠳᠡᠨ ᠲᠡᠮᠡᠴᠡᠬᠦ ᠤᠶᠤᠨ ᠰᠠᠨᠠᠭᠠᠨ ᠤ᠋ ᠲᠦᠷᠰᠦ ᠪᠠᠢᠳᠠᠯ ᠢ᠋ ᠬᠠᠷᠠᠭᠤᠯᠤᠭᠰᠠᠨ ᠲᠠᠯᠠ ᠨᠤᠳᠤᠭ ᠤ᠋ᠨ ᠰᠤᠶᠤᠯ ᠤ᠋ᠨ ᠨᠠᠢᠷ ᠤ᠋ᠨ ᠮᠤᠷᠢᠨ ᠬᠤᠭᠤᠷ ᠤ᠋ᠨ ᠲᠤᠰᠬᠠᠢ ᠲᠠᠯᠠᠪᠠᠢ ᠳᠠᠭᠤᠤ ᠬᠦᠭᠵᠢᠮ ᠤ᠋ᠨ ᠴᠤᠭᠯᠠᠭᠠᠨ ᠨᠢ 《ᠲᠦᠮᠡᠨ ᠠᠭᠳᠠ ᠵᠢᠨ ᠲᠦᠪᠡᠷᠭᠡᠨ 》 ᠵᠢᠡᠷ ᠲᠡᠬᠦᠰ ᠠᠮᠵᠢᠯᠳᠠ ᠲᠠᠢ ᠦᠨᠳᠦᠷᠯᠡᠵᠡᠢ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃