2023-07-19 09:32:54
ᠰᠠᠭᠠᠬ ᠤ᠋ᠨ ᠴᠡᠴᠡᠭ ᠴᠢᠨᠡᠭᠡᠯᠢᠭ ᠠᠮᠢᠲᠣᠷᠠᠯ ᠤ᠋ᠨ ᠪᠡᠯᠭᠡᠲᠡᠯ ᠪᠣᠯᠵᠦ ᠲᠡᠯᠭᠡᠷᠡᠨᠡ᠃ 7 ᠰᠠᠷᠠ ᠵᠢᠨ 18 ᠤ᠋ ᠣᠷᠣᠢ᠂ ᠲᠦᠩᠯᠢᠶᠣᠣ ᠬᠣᠲᠠ ᠵᠢᠨ ᠬᠦᠷᠢᠶᠠ ᠬᠣᠰᠢᠭᠣᠨ ᠤ᠋ ᠣᠯᠠᠭᠠᠨᠮᠦᠢ᠍ᠴᠢᠷ ᠤ᠋ᠨ ᠲᠣᠬᠯᠠᠬᠰᠠᠨ ᠲᠠᠭᠣᠣ ᠪᠦᠵᠢᠭᠲᠦ ᠵᠦᠴᠦᠭᠡ 《ᠰᠠᠭᠠᠬ ᠤ᠋ᠨ ᠴᠡᠴᠡᠭ ᠲᠡᠯᠭᠡᠷᠡᠬᠦᠶᠡ》 ᠶ᠋ᠢ ᠬᠦᠬᠡᠬᠣᠲᠠ ᠵᠢᠨ ᠦᠨᠳᠦᠰᠦᠲᠡᠨ ᠤ᠋ ᠲᠢᠶᠠᠲ᠋ᠷ ᠲᠦ᠍ ᠲᠣᠬᠯᠠᠪᠠ᠃

ᠬᠣᠷᠢᠲᠣᠭᠠᠷ ᠬᠣᠭᠣᠴᠠᠭᠠᠨ ᠤ᠋ ᠲᠣᠮᠲᠠᠲᠣ ᠣᠯᠣᠰ·ᠦᠪᠦᠷ ᠮᠣᠩᠭᠣᠯ ᠤ᠋ᠨ ᠲᠠᠯᠠ ᠨᠣᠲᠣᠬ ᠤ᠋ᠨ ᠰᠣᠶᠣᠯ ᠤ᠋ᠨ ᠨᠠᠢᠷ ᠤ᠋ᠨ ᠲᠣᠬᠯᠠᠯᠲᠠ ᠵᠢᠨ ᠨᠢᠭᠡ ᠪᠣᠯᠬᠣ ᠲᠣᠰ ᠵᠦᠴᠦᠭᠡ ᠨᠢ ᠡᠭᠡᠯ ᠵᠢᠷ ᠤ᠋ᠨ ᠬᠦᠮᠦᠰ ᠤ᠋ᠨ ᠦᠯᠢᠭᠡᠷ ᠵᠢᠡᠷ ᠡᠷᠢᠨ ᠴᠠᠬ ᠤ᠋ᠨ ᠬᠦᠭᠵᠢᠯᠲᠡ ᠬᠣᠪᠢᠷᠠᠯᠲᠠ ᠵᠢ ᠲᠣᠰᠬᠠᠵᠠᠢ᠃ ᠲᠣᠰ ᠵᠦᠴᠦᠭᠡ ᠵᠢ ᠨᠢᠳᠤᠨᠤᠨ ᠤ᠋ 9 ᠰᠠᠷᠠ ᠡᠴᠡ ᠡᠬᠢᠯᠡᠨ ᠵᠣᠬᠢᠶᠠᠨ ᠪᠦᠲᠦᠭᠡᠭᠰᠡᠨ ᠪᠣᠯᠪᠠᠴᠣ ᠬᠢᠵᠢᠭ ᠤ᠋ᠨ ᠪᠠᠢᠲᠠᠯ ᠤ᠋ᠨ ᠨᠦᠯᠦᠭᠡ ᠡᠴᠡ ᠪᠣᠯᠵᠦ ᠬᠣᠢᠰᠢᠯᠠᠭᠣᠯᠵᠦ᠂ ᠡᠨᠡ ᠵᠢᠯ ᠤ᠋ᠨ ᠡᠬᠢ ᠪᠡᠷ ᠰᠠᠶᠢ ᠵᠣᠬᠢᠶᠠᠨ ᠪᠦᠲᠦᠭᠡᠯᠭᠡ ᠪᠠᠨ ᠲᠠᠭᠣᠰᠬᠠᠭᠠᠳ ᠣᠷᠢᠳ ᠬᠣᠵᠢᠳ 15 ᠲᠠᠯᠠᠪᠠᠢ ᠲᠣᠬᠯᠠᠵᠦ᠂ ᠲᠣᠬᠠᠢ ᠵᠢᠨ ᠭᠠᠵᠠᠷ ᠤ᠋ᠨ ᠣᠯᠠᠨ ᠲᠦᠮᠡᠨ ᠤ᠋ ᠬᠠᠯᠠᠭᠣᠨ ᠬᠦᠷᠢᠶᠡᠯᠡᠯ ᠢ᠋ ᠣᠯᠣᠬᠰᠠᠨ ᠪᠠᠢᠨᠠ ᠃

ᠵᠦᠴᠦᠭᠡ ᠵᠢᠨ ᠶᠡᠷᠦᠩᠬᠡᠢ ᠣᠲᠣᠷᠢᠲᠣᠭᠠᠴᠢ᠂ ᠲᠠᠭᠣᠴᠢᠨ ᠨᠠᠰᠣᠨ᠄ 《ᠰᠠᠭᠠᠬ ᠪᠣᠯ ᠬᠦᠷᠢᠶᠡ ᠬᠣᠰᠢᠭᠣᠨ ᠤ᠋ ᠲᠦᠷᠦᠯ ᠲᠡᠮᠲᠡᠭ ᠮᠦᠨ᠃ 〈ᠰᠠᠭᠠᠭ ᠤ᠋ᠨ ᠴᠡᠴᠡᠭ ᠲᠡᠯᠭᠡᠷᠡᠬᠦᠶᠡ〉 ᠭᠡᠬᠦ ᠵᠦᠴᠦᠭᠡ ᠪᠣᠯ ᠬᠦᠷᠢᠶᠡ ᠬᠣᠰᠢᠭᠣᠨ ᠤ᠋ ᠬᠡᠲᠦᠨ ᠠᠷᠪᠠᠨ ᠵᠢᠯ ᠤ᠋ᠨ ᠬᠦᠭᠵᠢᠯᠲᠡ ᠬᠣᠪᠢᠷᠠᠯᠲᠠ ᠵᠢ ᠲᠣᠰᠬᠠᠬᠰᠠᠨ ᠵᠦᠴᠦᠭᠡ ᠪᠣᠯᠣᠨᠠ᠃ ᠪᠢᠳᠡ ᠲᠤᠰ ᠵᠦᠴᠦᠭᠡ ᠪᠡᠷ ᠲᠠᠮᠵᠢᠨ ᠬᠦᠷᠢᠶᠡ ᠬᠣᠰᠢᠭᠣᠨ ᠤ᠋ ᠨᠠᠮ ᠵᠠᠰᠠᠬ ᠤ᠋ᠨ ᠣᠲᠣᠷᠢᠲᠣᠯᠭᠠ ᠠᠷᠠᠳ ᠲᠦᠮᠡᠨ ᠲᠠᠢ ᠨᠢᠬᠲᠠᠷᠠᠨ ᠪᠦᠯᠬᠦᠮᠲᠡᠵᠦ᠂ ᠡᠯᠡᠰᠦ ᠮᠠᠩᠬᠠᠨ ᠨᠣᠲᠣᠬ ᠢ᠋ ᠣᠢ ᠮᠣᠲᠣ ᠨᠣᠭᠣᠭᠠᠷᠠᠭᠰᠠᠨ᠂ ᠠᠷᠠᠳ ᠤ᠋ᠨ ᠠᠮᠢᠲᠣᠷᠠᠯ ᠴᠢᠨᠡᠭᠡᠯᠢᠭᠵᠢᠭᠰᠡᠨ ᠬᠦᠭᠵᠢᠯᠳᠤ ᠨᠤᠳᠤᠭ ᠪᠤᠯᠭᠠᠨ ᠬᠤᠪᠢᠷᠠᠭᠤᠯᠵᠤ᠂ ᠬᠦᠲᠡᠭᠡ ᠲᠣᠰᠬᠣᠨ ᠢ᠋ ᠬᠦᠭᠵᠢᠬᠦᠯᠦᠨ ᠮᠠᠨᠲᠣᠭᠣᠯᠬᠣ ᠵᠠᠮ ᠶ᠋ᠢᠡᠷ ᠢᠲᠡᠷᠡᠬᠦᠨ ᠣᠷᠣᠬᠰᠢᠯᠠᠵᠤ ᠪᠠᠢᠭᠠ ᠵᠢ ᠬᠠᠷᠠᠭᠣᠯᠣᠬᠰᠠᠨ ᠶᠤᠮ》 ᠬᠡᠵᠤ ᠲᠠᠨᠢᠯᠴᠠᠭᠤᠯᠤᠯᠠ᠃
ᠲᠠᠭᠤᠤ ᠪᠦᠵᠢᠭᠳᠤ ᠵᠦᠴᠦᠬᠡ 《ᠰᠠᠭᠠᠬ ᠤ᠋ᠨ ᠴᠡᠴᠡᠭ ᠲᠡᠯᠭᠡᠷᠡᠬᠦᠶᠡ》 ᠵᠢᠨ ᠭᠣᠣᠯ ᠪᠠᠭᠠᠲᠣᠷ ᠬᠦᠬᠡ ᠵᠢᠨ ᠲᠦᠷᠢ ᠵᠢ ᠲᠣᠬᠯᠠᠬᠰᠠᠨ ᠬᠦᠷᠢᠶᠡ ᠬᠣᠰᠢᠭᠣᠨ ᠤ᠋ ᠣᠯᠠᠭᠠᠨᠮᠦᠢ᠍ᠴᠢᠷ ᠤ᠋ᠨ ᠲᠣᠬᠯᠠᠬᠴᠢ ᠴᠢᠩ ᠰᠦᠩ ᠰᠣᠷᠪᠣᠯᠵᠢᠯᠠᠭᠠ ᠬᠦᠯᠢᠶᠡᠬᠦ ᠳ᠋ᠡᠭᠡᠨ᠄ 《ᠪᠢ ᠪᠦᠵᠢᠭ ᠤ᠋ᠨ ᠲᠣᠰᠬᠠᠢ ᠮᠡᠷᠭᠡᠵᠢᠯ ᠰᠣᠷᠣᠬᠰᠠᠨ ᠪᠤᠯᠪᠠᠴᠦ ᠠᠩᠬᠠ ᠣᠲᠠᠭᠠ ᠡᠢᠮᠦ ᠲᠣᠮᠣ ᠬᠡᠯᠪᠡᠷᠢ ᠵᠢᠨ ᠵᠦᠴᠦᠭᠡ ᠵᠢ ᠲᠣᠬᠯᠠᠵᠤ ᠪᠠᠢᠭᠠ ᠪᠤᠯᠬᠤᠷ ᠦᠢᠯᠡ ᠬᠦᠲᠡᠯᠦᠯ᠂ ᠢᠯᠡᠷᠡᠬᠦᠯᠬᠦ ᠠᠷᠭᠠ ᠵᠡᠷᠭᠡ ᠲᠠᠯᠠ ᠪᠡᠷ ᠪᠦᠷ ᠲᠣᠩ ᠶᠡᠬᠡ ᠰᠢᠯᠭᠠᠯᠲᠠ ᠳ᠋ᠤ ᠤᠴᠠᠷᠠᠵᠠᠢ᠃ ᠵᠦᠴᠦᠭᠡ ᠵᠢᠨ ᠭᠣᠣᠯ ᠪᠠᠭᠠᠲᠣᠷ ᠬᠦᠭᠡ ᠪᠣᠯ ᠡᠭᠡᠯ ᠲᠠᠷᠣᠣ ᠵᠠᠩ ᠲᠠᠢ ᠪᠦᠭᠡᠳ ᠬᠡᠨ ᠲᠠᠢ ᠴᠦ᠍ ᠬᠦᠩᠭᠡᠮᠰᠦᠭ ᠬᠠᠷᠢᠯᠴᠠᠲᠠᠬ ᠬᠦᠮᠦᠨ ᠃ ᠲᠡᠬᠦᠨ ᠤ᠋ ᠦᠬᠢᠨ ᠲᠡᠬᠦᠦ ᠲᠠᠢ ᠪᠠᠨ ᠬᠠᠭᠠᠴᠠᠨ ᠰᠠᠯᠵᠦ᠂ ᠡᠳᠦᠷᠵᠢᠨ ᠬᠠᠷᠠ ᠲᠠᠷᠣᠵᠦ ᠰᠡᠷᠡᠬᠦ ᠦᠵᠡᠭᠲᠡᠯ ᠢ᠋ ᠬᠡᠷᠬᠢᠨ ᠢᠯᠡᠷᠡᠬᠦᠯᠬᠦ ᠨᠢ ᠨᠠᠲᠠ ᠳ᠋ᠤ ᠬᠠᠮᠤᠭ ᠤ᠋ᠨ ᠶᠡᠬᠡ ᠰᠢᠯᠭᠠᠯᠳᠠ ᠪᠤᠯᠵᠤ ᠂ ᠣᠯᠠᠨ ᠲᠠᠬᠢᠨ ᠲᠣᠬᠯᠠᠵᠦ ᠪᠠᠢᠭᠠᠳ ᠬᠢᠷᠢ ᠲᠡᠩᠴᠡᠭᠰᠡᠨ ᠶᠤᠮ》 ᠭᠡᠵᠦ ᠶᠠᠷᠢᠨᠠ ᠃
ᠰᠠᠭᠠᠬ ᠤ᠋ᠨ ᠴᠡᠴᠡᠭ ᠲᠡᠯᠭᠡᠷᠡᠬᠦᠶᠡ ᠰᠠᠢᠬᠠᠨ ᠠᠮᠢᠲᠣᠷᠠᠯ ᠤ᠋ᠨ ᠵᠢᠷᠣᠬ ᠲᠡᠯᠭᠡᠭᠲᠡᠨᠡ᠃ ᠵᠦᠴᠦᠭᠡ ᠰᠣᠨᠢᠷᠬᠠᠬᠰᠠᠨ ᠬᠦᠬᠡᠬᠣᠲᠠ ᠵᠢᠨ ᠦᠵᠡᠭᠴᠢ ᠵᠠᠩ ᠵᠢᠶᠠ ᠢ᠄《ᠰᠠᠢᠬᠠᠨ ᠵᠦᠴᠦᠬᠡ ᠪᠠᠢᠨᠠ᠂ ᠪᠢ ᠡᠨᠡ ᠵᠦᠴᠦᠭᠡ ᠵᠢ ᠦᠵᠡᠭᠡᠳ ᠬᠦᠷᠢᠶᠡ ᠬᠣᠰᠢᠭᠣᠨ ᠳ᠋ᠦ ᠬᠦᠷᠴᠦ᠂ ᠰᠠᠭᠠᠬ ᠤ᠋ᠨ ᠴᠡᠴᠡᠭ ᠢ᠋ ᠬᠠᠨᠤᠳᠠᠯᠠ ᠰᠣᠨᠢᠷᠬᠠᠬᠣ ᠪᠣᠲᠣᠯ ᠣᠷᠣᠯᠠ》 ᠭᠡᠵᠦ ᠶᠠᠷᠢᠨᠡ ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠴᠠᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃