2025-02-02 16:10:47
— ᠳᠣᠯᠣᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 《ᠠᠷᠠᠳ ᠲᠦᠮᠡᠨᠳᠦ ᠲᠠᠭᠠᠱᠢᠶᠠᠭ᠍ᠳᠠᠭ᠍ᠰᠠᠨ ᠠᠯᠪᠠᠲᠠᠨ》 ᠭᠦᠸᠧ ᠸᠠᠩ ᠶᠠᠩ ᠢ᠋ ᠲᠡᠮᠳᠡᠭ᠌ᠯᠡᠪᠠ
1 ᠰᠠᠷᠠᠶ᠋ᠢᠨ 13ᠤ᠋ ᠡᠳᠦᠷ᠂ ᠡᠪᠦᠯᠦᠨ ᠠᠮᠠᠷᠠᠯᠲᠠᠶ᠋ᠢᠨ ᠨᠢᠭᠡᠳᠦᠭᠡᠷ ᠡᠳᠦᠷ᠂ ᠦᠬᠠᠶ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠥᠪᠦᠨ ᠪᠡᠶᠡᠶ᠋ᠢᠨ ᠲᠠᠮᠢᠷ ᠴᠢᠳᠠᠯᠤᠨ ᠪᠣᠯᠪᠠᠰᠤᠷᠠᠯᠤᠨ ᠣᠷᠳᠣᠨᠳᠤ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠡᠪᠦᠯᠦᠨ ᠪᠣᠯᠪᠠᠰᠤᠷᠠᠯᠤᠨ ᠬᠢᠴᠢᠶᠡᠯ ᠶᠠᠪᠤᠭ᠍ᠳᠠᠵᠤ ᠪᠠᠢᠯᠠ᠃ ᠦᠬᠠᠶ ᠬᠣᠲᠠᠶ᠋ᠢᠨ ᠰᠣᠶᠣᠯ ᠪᠡᠶᠡᠶ᠋ᠢᠨ ᠲᠠᠮᠢᠷ ᠵᠢᠭᠤᠯᠴᠢᠯᠠᠯ ᠷᠠᠳᠢᠣ᠋ ᠲᠧᠯᠸᠢᠰᠦᠨ ᠲᠣᠪᠴᠢᠶᠠᠶ᠋ᠢᠨ ᠣᠯᠠᠨ ᠲᠦᠮᠡᠨᠦ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠰᠠᠯᠠᠭᠠᠨᠤ ᠳᠠᠷᠤᠭᠠ ᠭᠦᠸᠧ ᠸᠠᠩ ᠶᠠᠩ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠳᠤᠮᠳᠠᠳᠤ ᠰᠤᠷᠭᠠᠭᠤᠯᠢᠶ᠋ᠢᠨ 13 ᠰᠣᠷᠣᠭ᠍ᠴᠢᠶ᠋ᠢ ᠳᠠᠭᠠᠭᠤᠯᠤᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠠᠮᠢᠶᠠ ᠪᠥᠬᠥᠶ ᠲᠤᠰᠭᠠᠶ ᠮᠡᠷᠭᠡᠵᠢᠯᠦᠨ ᠮᠡᠳᠡᠯᠭᠡᠶ᠋ᠢ ᠨᠠᠷᠢᠨ ᠣᠢᠯᠠᠭᠠᠭ᠍ᠰᠠᠨ ᠪᠥᠭᠡᠳ ᠬᠠᠨᠳᠤᠯᠭᠠᠲᠤ ᠴᠢᠨᠠᠷᠲᠠᠶ ᠪᠡᠶᠡᠶ᠋ᠢᠨ ᠲᠠᠮᠢᠷ ᠴᠢᠳᠠᠯᠤᠨ ᠪᠣᠯᠪᠠᠰᠤᠷᠠᠯ ᠥᠷᠨᠢᠭᠦᠯᠪᠡ᠃ ᠨᠢᠭᠡ ᠨᠢᠭᠡ ᠬᠦᠮᠦᠨᠢᠶᠡᠷ ᠵᠢᠭᠠᠨ ᠵᠢᠯᠣᠭᠣᠳᠴᠤ᠌᠂ ᠨᠢᠭᠡ ᠦᠳᠡ ᠵᠢᠨ ᠡᠮᠦᠨᠡ ᠰᠤᠷᠤᠭ᠍ᠴᠢᠳ ᠮᠠᠰᠢ ᠤᠯᠤᠯᠳᠠ ᠲᠠᠢ ᠪᠠᠢᠵᠤ᠂ ᠲᠡᠳᠡᠨᠤ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠳᠤᠷᠠ ᠪᠠᠬᠠᠶ᠋ᠢ ᠨᠡᠮᠡᠭᠳᠡᠬᠦᠯᠪᠠ᠃
ᠡᠨᠡ ᠵᠢᠯ 39 ᠨᠠᠰᠤᠲᠠᠶ ᠭᠦᠸᠧ ᠸᠠᠩ ᠶᠠᠩ ᠨᠢᠭᠡᠨᠲᠡ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠪᠤᠯᠪᠠᠰᠤᠷᠠᠯᠤᠨ ᠠᠵᠢᠯ ᠳ᠋ᠤ 16 ᠵᠢᠯ ᠵᠢᠳᠬᠦᠪᠡ᠃ ᠲᠡᠷᠡ ᠡᠩᠦᠨ ᠦᠶᠡᠳᠦ ᠤᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠲᠠᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠠᠵᠢᠯᠯᠠᠭᠠᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ ᠥᠷᠨᠢᠭᠦᠯᠬᠦ᠌ᠡᠴᠡ ᠭᠠᠳᠠᠨᠠ ᠪᠠᠰᠠ ᠥᠪᠥᠷ ᠮᠣᠩᠭᠣᠯᠤᠨ ᠦᠬᠠᠢᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠦᠯ ᠪᠥᠮᠪᠥᠭᠡᠶ᠋ᠢᠨ ᠠᠩᠬᠢᠶ᠋ᠢᠨ ᠭᠡᠱᠢᠭᠦᠨ ᠤ᠋ ᠨᠢᠬᠡ ᠨᠢ ᠶᠤᠮ᠃ ᠪᠣᠯᠪᠠᠰᠤᠷᠠᠯ ᠪᠠ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤᠶ᠋ᠢᠨ ᠬᠠᠮᠲᠤ ᠭᠦᠸᠧ ᠸᠠᠩ ᠶᠠᠩ ᠣᠯᠠᠨ ᠲᠦᠮᠡᠨᠦ ᠳᠤᠮᠳᠠ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢ ᠲᠦᠭᠡᠮᠡᠯᠵᠢᠭᠦᠯᠦᠨ ᠳᠡᠯᠭᠡᠷᠡᠭᠦᠯᠵᠦ᠍᠂ ᠡᠨᠡ ᠬᠦ᠌ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠢ ᠨᠠᠩ ᠣᠯᠠᠨ ᠬᠥᠮᠦᠨᠳᠦ ᠤᠢᠯᠠᠭᠠᠭᠤᠯᠪᠠ᠃
《ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠨᠢᠭᠡ ᠵᠦᠶ᠋ᠯᠦᠨ ᠬᠡᠯᠪᠡᠷᠢ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡ ᠨᠢ ᠥᠪᠡᠷᠮᠢᠴᠡ ᠲᠠᠲᠠᠬᠤ ᠬᠦᠴᠦᠨᠢᠶᠡᠷ ᠵᠢᠡᠨ ᠦᠳᠲᠡᠷ ᠲᠦᠷᠭᠡᠨ ᠬᠥᠭ᠌ᠵᠢᠪᠡ᠃》 ᠭᠦᠸᠧ ᠸᠠᠩ ᠶᠠᠩᠤᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠵᠢᠡᠷ᠂ ᠦᠬᠠᠶ ᠬᠣᠲᠠ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢ ᠬᠥᠭ᠌ᠵᠢᠭᠦᠯᠬᠦ ᠣᠯᠠᠨ ᠲᠦᠮᠡᠨᠦ ᠰᠠᠭᠤᠷᠢᠲᠠᠶᠪᠠᠷ ᠪᠠᠷᠠᠬᠤ ᠥᠬᠡᠶ ᠪᠠᠰᠠ ᠡᠯᠡᠰᠦᠨ ᠲᠠᠩᠤᠨ ᠥᠪᠡᠷᠮᠢᠴᠡ ᠪᠠᠢᠭᠠᠯᠢᠶ᠋ᠢᠨ ᠨᠥᠬᠥᠴᠡᠯᠲᠡᠶ ᠶᠤᠮ᠃ 2018 ᠣᠨᠳᠤ ᠲᠠᠳᠠ ᠦᠬᠠᠶ ᠬᠣᠲᠠᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠺᠯᠦᠪᠦᠨ ᠤᠷᠤᠯᠳᠤᠭᠠᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠦᠭ᠌ᠰᠡᠨ ᠪᠥᠭᠡᠳ ᠤᠷᠤᠯᠳᠤᠭᠠᠨᠤ ᠳᠤᠮᠳᠠᠡᠴᠡ ᠱᠢᠯᠢᠳᠡᠭ ᠲᠠᠮᠢᠷᠴᠢᠨ ᠰᠣᠩᠭᠣᠵᠤ᠂ ᠥᠪᠥᠷ ᠮᠣᠩᠭᠣᠯᠤᠨ ᠦᠬᠠᠶᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢᠶ᠋ᠢ ᠪᠠᠢᠭᠤᠯᠵᠠᠢ᠃ ᠲᠡᠷᠡ ᠦᠶᠡᠡᠴᠡ ᠡᠬᠢᠯᠡᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡ ᠭᠡᠬᠦ᠌ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨ ᠦᠬᠠᠶᠳᠤ ᠥᠷᠨᠢᠨ ᠬᠥᠭ᠌ᠵᠢᠭᠰᠡᠨ ᠪᠠᠢᠨᠠ᠃
《ᠡᠬᠢᠨᠳᠡᠭᠡᠨ ᠪᠢᠳᠡ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠳᠦᠷᠢᠮ ᠲᠣᠭ᠍ᠲᠠᠭᠠᠯ ᠨᠢ ᠶᠠᠭᠤ ᠬᠡᠳᠡᠭᠢ ᠮᠡᠳᠡᠬᠦ᠌ ᠦᠭᠡᠢ᠂ ᠬᠠᠮᠲᠤᠪᠠᠷ ᠸᠢᠳᠢᠣ᠋ ᠦᠵᠡᠵᠦ᠍᠂ ᠪᠤᠰᠤᠳᠢ ᠳᠠᠭᠤᠷᠢᠶᠠᠵᠤ᠂ ᠬᠦᠮᠦᠨᠤ ᠬᠢ ᠵᠢ ᠰᠤᠳᠤᠯᠵᠤ᠂ ᠪᠣᠯᠪᠠᠰᠤᠷᠠᠯᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠦ ᠪᠠᠢᠭᠰᠠᠨ᠃ ᠠᠩᠭᠢᠶ᠋ᠢᠨ ᠭᠡᠱᠢᠭᠦᠳ ᠡᠯᠡ ᠠᠵᠢᠯ ᠲᠥᠷᠥᠯᠤᠨ ᠬᠢᠨᠡᠴᠡ ᠢᠷᠡᠵᠤ᠂ ᠠᠯᠪᠠᠲᠠᠨ᠂ ᠪᠠᠭ᠍ᠰᠢ᠂ ᠦᠢᠯᠡᠳᠪᠦᠷᠢ ᠬᠤᠳᠠᠯᠳᠤᠭᠠᠨᠤ ᠬᠤᠪᠢ ᠡᠷᠦᠬᠡ ᠵᠢᠨ ᠡᠵᠡᠩᠨᠡᠭᠴᠢ ᠪᠦᠷ ᠪᠤᠢ ᠃ ᠭᠠᠷᠠᠭ ᠪᠦᠷᠢ ᠬᠠᠮᠲᠤ ᠴᠤᠭ᠍ᠯᠠᠷᠠᠵᠤ ᠪᠣᠯᠪᠠᠰᠤᠷᠠᠯ ᠬᠢᠵᠦ᠍᠂ ᠤᠷᠤᠯᠳᠤᠭᠠᠨ ᠡᠷᠬᠢᠯᠡᠳᠡᠭ》 ᠭᠡᠵᠦ ᠭᠦᠸᠧ ᠸᠠᠩ ᠶᠠᠩ ᠳᠠᠨᠢᠯᠴᠠᠭᠤᠯᠤᠨᠠ᠃ ᠪᠥᠮᠪᠥᠭᠡ ᠢᠰᠭᠦᠯᠬᠦ᠌ ᠬᠢᠷᠢ ᠲᠦᠪᠱᠢᠨᠦ ᠠᠯᠬᠤᠮ ᠠᠯᠬᠤᠮᠢᠶᠠᠷ ᠳᠡᠭᠡᠭ᠌ᠰᠢᠯᠡᠬᠦ᠌ᠶ᠋ᠢ ᠳᠠᠭᠠᠯᠳᠤᠨ ᠲᠡᠳᠡ ᠪᠠᠰᠠ ᠦᠬᠠᠶ ᠬᠣᠲᠠ ᠵᠢᠴᠢ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠢ ᠲᠥᠯᠥᠭᠡᠯᠡᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠪᠠ᠃ ᠡᠨᠡ ᠵᠢᠯ ᠦᠬᠠᠶᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢ ᠪᠠᠰᠠ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠢ ᠲᠥᠯᠥᠭᠡᠯᠡᠨ 《ᠪᠥᠬᠥ᠌ ᠤᠯᠤᠰᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨ》 ᠤ᠋ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠤᠷᠤᠯᠳᠤᠭᠠᠨᠳᠤ ᠣᠷᠣᠯᠴᠠᠬᠤ ᠪᠤᠯᠤᠨᠠ᠃
ᠦᠬᠠᠶᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢᠶ᠋ᠢᠨ ᠭᠤᠤᠯ ᠳᠠᠰᠭᠠᠯᠵᠢᠭᠤᠯᠤᠭ᠍ᠴᠢ ᠰᠦᠨ ᠪᠥᠸᠧ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ᠂ ᠭᠦᠸᠧ ᠸᠠᠩ ᠶᠠᠩ ᠪᠣᠯ ᠬᠦᠯ ᠪᠦᠮᠪᠦᠬᠡ ᠵᠢᠨ ᠲᠠᠯᠠᠪᠠᠶ ᠳ᠋ᠤ ᠤᠷᠤᠯᠳᠤᠬᠴᠢ ᠲᠠᠮᠢᠷᠴᠢᠨ ᠪᠣᠯᠬᠤ ᠪᠥᠭᠡᠳ ᠦᠬᠠᠶ ᠬᠣᠲᠠᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠵᠣᠬᠢᠶᠠᠨ ᠪᠠᠢᠭᠤᠯᠤᠭ᠍ᠴᠢ ᠪᠣᠯᠤᠨᠠ᠃ ᠡᠩᠦᠨ ᠦᠶᠡᠶ᠋ᠢᠨ ᠪᠣᠯᠪᠠᠰᠤᠷᠠᠯ ᠪᠠ ᠤᠷᠤᠯᠳᠤᠭᠠᠨᠳᠤ ᠭᠦᠸᠧ ᠸᠠᠩ ᠶᠠᠩ ᠪᠦᠷ ᠢᠳᠡᠪᠬᠢᠲᠡᠢ ᠲᠡᠮᠡᠴᠡᠬᠦ᠌ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠢᠯᠡᠷᠡᠭᠦᠯᠳᠡᠭ᠃ ᠲᠡᠭᠦᠨᠦ ᠡᠨᠡ ᠬᠦ᠌ ᠵᠣᠷᠢᠭ ᠰᠠᠨᠠᠭᠠᠨᠤ ᠳᠠᠭᠠᠭᠤᠯᠭᠠ ᠳᠤᠤᠷᠠ ᠦᠬᠠᠶ ᠬᠣᠲᠠᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡ ᠵᠢᠴᠢ ᠪᠤᠰᠤᠳ ᠣᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠲᠠᠶ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨ ᠴᠥᠮ ᠰᠠᠢᠨ ᠰᠠᠢᠬᠠᠨ ᠬᠥᠭ᠌ᠵᠢᠯᠲᠡ ᠲᠠᠢ ᠪᠤᠯᠪᠠ ᠭᠡᠪᠡ᠃
ᠡᠲᠡᠭᠡᠷ ᠵᠢᠯᠦᠳᠲᠦ ᠦᠬᠠᠶᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠠᠩᠭᠢ ᠤᠷᠢᠳ ᠬᠣᠵᠢᠳ ᠳᠤᠮᠳᠠᠳᠤ ᠤᠯᠤᠰᠤᠨ ᠣᠯᠠᠨ ᠤᠯᠤᠰᠤᠨ ᠠᠵᠢᠯᠲᠠᠨ ᠠᠵᠢᠯᠴᠢᠨᠤ ᠡᠯᠡᠰᠦᠨ ᠲᠠᠩᠤᠨ ᠲᠠᠮᠢᠷᠤᠨ ᠴᠤᠭ᠍ᠯᠠᠭᠠᠨᠤ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠲᠥᠷᠥᠯ ᠵᠦᠶ᠋ᠯᠦᠨ ᠮᠠᠩᠯᠠᠶ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠲᠣᠭᠣᠷᠢᠨ ᠤᠷᠤᠯᠳᠤᠬᠤ ᠤᠷᠤᠯᠳᠤᠭᠠᠨ (ᠬᠠᠢᠨᠠᠨᠤ ᠯᠢᠩ ᠱᠦᠶ ᠥᠷᠲᠡᠭᠡ)ᠤ᠋ ᠳᠡᠳ᠋᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠶᠡᠷᠦᠩᠬᠡᠶ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ (ᠥᠪᠥᠷ ᠮᠣᠩᠭᠣᠯᠤᠨ ᠦᠬᠠᠶ ᠥᠷᠲᠡᠭᠡ)ᠤ᠋ ᠭᠤᠷᠪᠠᠳᠤᠭᠠᠷ ᠲᠤ᠌ ᠤᠷᠤᠬᠰᠠᠨ ᠵᠡᠷᠭᠡ ᠮᠠᠰᠢ ᠣᠯᠠᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠭᠰᠡᠨ ᠶᠤᠮ᠃ ᠦᠬᠠᠶ ᠬᠣᠲᠠᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ 3 ᠲᠠᠮᠢᠷᠴᠢᠨ ᠪᠠᠰᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠡᠭ᠌ᠲᠡᠶᠶ᠋ᠢᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠤᠯᠤᠰᠤᠨ ᠠᠩᠭᠢᠳᠤ ᠰᠣᠩᠭᠣᠭ᠍ᠳᠠᠪᠠ᠃
ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠲᠡᠮᠢᠷᠤᠨ ᠬᠥᠳᠡᠯᠭᠡᠭᠡᠨᠦ ᠬᠥᠭ᠌ᠵᠢᠯᠲᠡ ᠨᠢ ᠵᠥᠪᠬᠡᠨ ᠦᠬᠠᠶ ᠬᠣᠲᠠᠶ᠋ᠢᠨ ᠣᠯᠠᠨ ᠲᠦᠮᠡᠨᠴᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠦᠶ᠋ᠯᠡᠰᠦᠨ ᠥᠷᠨᠢᠩᠭᠦᠶ ᠬᠥᠭ᠌ᠵᠢᠯᠲᠡᠶ᠋ᠢᠨ ᠨᠢᠭᠡᠨ ᠠᠮᠢᠳᠤᠯᠢᠭ ᠬᠤᠷᠢᠶᠠᠩᠭᠤᠶ ᠳᠦᠷᠰᠦ ᠪᠣᠯᠤᠨᠠ᠃ ᠡᠳᠦᠭᠡ ᠪᠦᠬᠦ᠌ ᠠᠷᠠᠳᠤᠨ ᠪᠡᠶᠡ ᠴᠢᠭᠢᠷᠠᠭ᠍ᠵᠢᠭᠤᠯᠬᠤ ᠬᠥᠳᠡᠯᠭᠡᠭᠡᠨᠳᠦ ᠣᠷᠣᠯᠴᠠᠬᠤ ᠬᠠᠯᠠᠮᠱᠢᠯ ᠨᠢ ᠠᠭᠠᠵᠢᠮᠢᠶᠠᠷ ᠮᠠᠰᠢ ᠤᠯᠠᠨ ᠦᠬᠠᠢᠶ᠋ᠢᠨ ᠬᠥᠮᠦᠰᠦᠨ ᠬᠥᠭᠡᠭᠡᠴᠡᠯᠳᠦᠯ ᠪᠣᠯᠪᠠ᠃
ᠭᠦᠸᠧ ᠸᠠᠩ ᠶᠠᠩᠤᠨ ᠲᠠᠨᠢᠯᠴᠠᠭᠤᠯᠤᠭ᠍ᠰᠠᠨᠢᠶᠠᠷ᠂ ᠣᠳᠣᠬᠠᠨᠳᠤ ᠦᠬᠠᠶ ᠬᠣᠲᠠᠳᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ ᠣᠷᠳᠣᠨ 56᠂ ᠪᠥᠬᠥ᠌ ᠠᠷᠠᠳᠤᠨ ᠪᠡᠶᠡ ᠴᠢᠭᠢᠷᠠᠭ᠍ᠵᠢᠭᠤᠯᠬᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ ᠣᠷᠳᠣᠨ 5᠂ ᠨᠡᠢᠭᠡᠮ ᠲᠣᠭᠣᠷᠢᠭᠤᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ ᠣᠷᠳᠣᠨ 13᠂ ᠡᠯᠡ ᠱᠠᠲᠤᠨᠤ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ ᠣᠷᠳᠣᠨ 38 ᠪᠠᠢᠵᠤ᠂ ᠪᠥᠬᠥ᠌ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ 169.47 ᠲᠦᠮᠡᠨ ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷᠲᠦ ᠬᠦᠷᠴᠦ᠍᠂ ᠬᠥᠮᠦᠨ ᠳᠤᠮᠳᠠᠴᠢᠳ᠋ᠤ ᠨᠤᠬᠳᠠᠬᠤ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠠᠯᠠᠪᠠᠶ 3.04 ᠲᠡᠭ᠌ᠰᠢ ᠳᠥᠷᠪᠡᠯᠵᠢᠨ ᠮᠧᠲ᠋ᠷᠲᠦ ᠬᠦᠷᠴᠦ᠍᠂ ᠪᠥᠬᠥ᠌ ᠬᠣᠲᠠᠶ᠋ᠢᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠪᠣᠯᠪᠠᠰᠤᠷᠠᠯᠳᠤ ᠪᠠᠢᠩᠭᠤ ᠣᠷᠣᠯᠴᠠᠳᠠᠭ ᠬᠥᠮᠦᠨ ᠠᠮᠠᠶ᠋ᠢᠨ ᠬᠠᠷᠢᠴᠠᠯ 38.7%ᠳ᠋ᠤ ᠬᠦᠷᠴᠡᠶ᠃ ᠡᠭᠦᠨᠦ ᠬᠠᠮᠲᠤ ᠦᠬᠠᠶ ᠬᠣᠲᠠ ᠪᠠᠰᠠ ᠣᠯᠠᠨ ᠲᠦᠮᠡᠨᠴᠢ ᠴᠢᠨᠠᠷᠲᠠᠶ ᠤᠷᠤᠯᠳᠤᠭᠠᠨᠤ ᠠᠵᠢᠯᠯᠠᠭᠠᠶ᠋ᠢ ᠢᠳᠡᠪᠬᠢᠲᠡᠶ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠥᠷᠨᠢᠭᠦᠯᠵᠦ᠍᠂ 2024 ᠣᠨᠳᠤ ᠤᠷᠢᠳ ᠬᠣᠵᠢᠳ 2024 ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ 《ᠨᠢᠭᠡ ᠪᠦᠰᠡ ᠨᠢᠭᠡ ᠵᠠᠮ》 ᠬᠤᠨᠳᠠᠭᠠᠲᠤ ᠣᠯᠠᠨ ᠤᠯᠤᠰᠤᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠤᠷᠢᠯᠭᠠᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ ᠡᠯᠡᠰᠦᠨ ᠲᠠᠩᠤᠨ ᠬᠥᠯ ᠪᠥᠮᠪᠥᠭᠡᠶ᠋ᠢᠨ ᠲᠣᠭᠣᠷᠢᠨ ᠤᠷᠤᠯᠳᠤᠬᠤ ᠤᠷᠤᠯᠳᠤᠭᠠᠨᠤ ᠶᠡᠷᠦᠩᠬᠡᠶ ᠱᠢᠶ᠋ᠳᠪᠦᠷᠢᠲᠦ ᠤᠷᠤᠯᠳᠤᠭᠠᠨ᠂ ᠬᠠᠲᠤᠨ ᠭᠤᠤᠯᠳᠠᠭᠠᠤᠵᠢᠨ ᠶᠢᠰᠦᠨ ᠮᠤᠵᠢ ᠣᠷᠣᠨᠤ ᠦᠬᠠᠶ ᠨᠠᠭᠤᠷᠤᠨ ᠢᠯᠡ ᠤᠰᠤᠨ ᠣᠷᠣᠨᠤ ᠤᠮᠪᠠᠯᠲᠠᠶ᠋ᠢᠨ ᠤᠷᠤᠯᠳᠤᠭᠠᠨ ᠵᠡᠷᠭᠡ 91 ᠵᠦᠶ᠋ᠯᠦᠨ ᠠᠵᠢᠯᠯᠠᠭᠠᠥᠷᠨᠢᠭᠦᠯᠵᠦ᠍᠂ 22.8 ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠵᠢ ᠳᠠᠢᠴᠢᠯᠠᠨ ᠤᠷᠤᠯᠳᠤᠭᠠᠨᠳᠦ ᠣᠷᠣᠯᠴᠠᠭᠤᠯᠵᠤ᠂ ᠣᠯᠠᠨ ᠲᠦᠮᠡᠨ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠦ ᠭᠤᠤᠯ ᠴᠤᠬᠴᠠ ᠪᠣᠯᠤᠭ᠍ᠰᠠᠨ ᠪᠠᠢᠨᠠ᠃
ᠠᠵᠢᠯᠤᠨ ᠳᠤᠮᠳᠠ ᠭᠦᠸᠧ ᠸᠠᠩ ᠶᠠᠩ ᠶᠡᠷᠦ ᠡᠴᠡ ᠪᠠᠷᠤᠭᠢ ᠨᠢ ᠦᠵᠡᠵᠤ ᠪᠤᠯᠭᠠᠳᠠᠭ ᠦᠬᠡᠢ᠂ ᠬᠠᠷᠢᠨ ᠶᠠᠪᠤᠳᠠᠯ ᠪᠦᠬᠦᠨ ᠳ᠋ᠤ ᠨᠢᠬᠳᠠ ᠡᠴᠡ ᠨᠢᠬᠳᠠ ᠪᠠᠢᠬᠤ ᠵᠢ ᠬᠦᠭᠡᠭᠡᠴᠡᠯᠳᠦᠳᠡᠭ᠃ ᠶᠠᠭ ᠡᠢᠮᠦᠷᠬᠦᠦ ᠨᠢᠭ᠍ᠲᠠᠠᠴᠠ ᠨᠢᠭ᠍ᠲᠠ᠂ ᠲᠡᠭᠦᠰ ᠰᠠᠢᠬᠠᠨᠢ ᠬᠥᠭᠡᠭᠡᠴᠡᠯᠳᠦᠬᠦ᠌ ᠢᠲᠡᠭᠡᠯ ᠵᠣᠷᠢᠭ ᠪᠠᠢᠭ᠍ᠰᠠᠨᠠᠴᠠ ᠭᠦᠸᠧ ᠸᠠᠩ ᠶᠠᠩ ᠤᠷᠢᠳ ᠬᠣᠵᠢᠳ ᠪᠦᠬᠦ᠌ ᠤᠯᠤᠰᠤᠨ ᠤᠯᠠᠨ ᠲᠦᠮᠡᠨᠴᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠡᠷᠢᠭᠦᠨᠦ ᠬᠤᠪᠢ ᠬᠥᠮᠦᠨ᠂ ᠪᠦᠬᠦ᠌ ᠣᠷᠣᠨᠤ ᠤᠯᠠᠨ ᠲᠦᠮᠡᠨᠴᠢ ᠪᠡᠶᠡᠶ᠋ᠢᠨ ᠲᠠᠮᠢᠷᠤᠨ ᠲᠡᠷᠢᠭᠦᠨᠦ ᠬᠤᠪᠢ ᠬᠥᠮᠦᠨᠤ ᠢᠷᠠᠭᠤ ᠠᠯᠳᠠᠷᠢ ᠬᠦᠷᠳᠡᠵᠤ ᠪᠢᠯᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠬᠦᠰᠡᠯᠡᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃