2022-08-31 09:34:40
8 ᠰᠠᠷᠠᠶ᠋ᠢᠨ 23 ᠤ᠋ ᠡᠳᠦᠷ ᠂ ᠪ ᠤᠨ ᠳᠣᠯᠣ ᠭᠠᠨ ᠰᠠᠷᠠᠶ᠋ᠢᠨ ᠬᠣᠷᠢᠨ ᠵᠢᠷᠭᠤᠭᠠᠨ ᠪᠣᠯ ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤᠯᠠᠷᠢᠯᠤᠨ ᠠᠷᠪᠠᠨ ᠳᠥᠷᠪᠡᠳᠦᠭᠡᠷ ᠴᠠᠭ ᠤᠯᠠᠷᠢᠯ ᠪᠣᠯᠤᠨᠠ᠃ ᠬᠠᠯᠠᠭᠤᠨ ᠠᠭᠤᠷ ᠡᠨᠳᠡ ᠬᠦᠷᠦᠭᠡᠳ ᠵᠣᠭ᠍ᠰᠣᠵᠤ ᠂ ᠭᠤᠷᠪᠠᠨ ᠹᠦ ᠳᠠᠭᠤᠰᠤᠭᠠᠳ ᠂ ᠠᠭᠠᠭᠢᠮᠠ ᠬᠠᠯᠠᠭᠤᠨ ᠥᠩᠭᠡᠷᠠᠨ ᠤᠳᠤᠭᠰᠠᠨᠢ ᠬᠠᠷᠠᠭᠤᠯᠤᠨᠠ᠃
ᠡᠨᠡ ᠦᠶᠡᠰ ᠥᠪᠥᠷ ᠮᠣᠩᠭᠣᠯᠳᠤ ᠲᠩᠷᠢ ᠴᠡᠯᠡᠢᠵᠤ ᠡᠭᠦᠯᠡ ᠨᠢ ᠨᠢᠮᠭᠡᠷᠡᠨᠡ᠂ ᠬᠦᠢᠲᠡᠨ ᠴᠦ᠍ ᠦᠭᠡᠢ ᠬᠠᠯᠠᠭᠤᠨ ᠴᠤ᠌ ᠦᠭᠡᠢ᠂ ᠦᠩᠭᠡ ᠦᠵᠡᠮᠵᠢ ᠵᠢᠷᠤᠭ ᠰᠢᠭ᠋ ᠭᠤᠶᠤ; ᠲᠠᠯᠠᠳᠤ ᠪᠡᠯᠴᠢᠬᠦ ᠦᠬᠡᠷ ᠬᠣᠨᠢᠳ ᠲᠤᠰᠤᠨ ᠲᠠᠷᠭᠤ ᠠᠪᠴᠤ ᠡᠬᠢᠯᠡᠨᠡ; ᠲᠠᠷᠢᠶᠠ ᠲᠦᠮᠦᠰᠦ ᠪᠤᠯᠪᠠᠰᠤᠷᠠᠵᠤ᠂ ᠭᠠᠵᠠᠷ ᠪᠣᠯᠭᠠᠨᠳᠤ ᠲᠠᠩᠰᠤᠭ ᠬᠤᠷᠢᠶᠠᠯᠲᠠ ᠶ᠋ᠢᠨ ᠦᠵᠡᠮᠵᠢ ᠬᠠᠷᠠᠬᠳᠠᠵᠤ ᠬᠠᠷᠠᠭᠠ ᠪᠠᠶᠠᠰᠬᠠᠨᠠ᠃
ᠬᠠᠯᠠᠭᠤᠨ ᠡᠬᠡᠬᠦ ᠴᠠᠭᠤᠨ ᠲᠠᠷᠢᠶᠠᠯᠠᠩᠤᠨ ᠵᠦᠢᠷ ᠰᠡᠴᠡᠨ ᠦᠭᠡ᠄ ᠲᠦᠷᠰᠦᠯᠢᠭ ᠦᠬᠡ ᠬᠡᠯᠡ ᠪᠡᠷ ᠶᠣᠰᠣ ᠵᠢ ᠱᠢᠭᠤᠳ ᠦᠬᠦᠯᠡᠵᠡᠢ
ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤᠯᠠᠷᠢᠯᠳᠤ《ᠭᠤᠷᠪᠠᠨ ᠬᠠᠯᠠᠭᠤᠨ》ᠪᠤᠢ ᠂ ᠲᠤᠬᠠᠢᠯᠠᠪᠠᠯ ᠪᠠᠭᠠ ᠬᠠᠯᠠᠭᠤᠨ᠂ ᠶᠡᠬᠡ ᠬᠠᠯᠠᠭᠤᠨ᠂ ᠬᠠᠯᠠᠭᠤᠨ ᠡᠭᠡᠬᠦ ᠪᠤᠯᠤᠨᠠ᠂ ᠳᠡᠰ ᠳᠠᠷᠠᠭᠠᠪᠠᠷ ᠨᠢ ᠲᠤᠰ ᠲᠤᠰ ᠡᠬᠢᠨᠤ ᠬᠠᠯᠠᠭᠤᠨ᠂ ᠳᠤᠮᠳᠠ ᠬᠠᠯᠠᠭᠤᠨ᠂ ᠡᠴᠦᠰᠦᠨ ᠬᠠᠯᠠᠭᠤᠨ ᠭᠡᠳᠡᠭ᠃《ᠭᠤᠷᠪᠠᠨ ᠬᠠᠯᠠᠭᠤᠨ》 ᠤ᠋ ᠳᠤᠮᠳᠠ ᠪᠠᠰᠠ ᠨᠠᠮᠤᠷᠤᠨ ᠠᠭᠤᠷ ᠪᠤᠢ ᠂ ᠨᠠᠮᠤᠷᠤᠨ ᠠᠭᠤᠷ ᠤᠷᠤᠭ᠍ᠰᠠᠨᠤ ᠳᠠᠷᠠᠭᠠ ᠰᠠᠶᠢ ᠬᠠᠯᠠᠭᠤᠨ ᠡᠬᠡᠬᠦ ᠪᠣᠯᠤᠨᠠ᠂ ᠬᠠᠯᠠᠭᠤᠨᠤ ᠴᠠᠭ ᠨᠡᠯᠢᠶᠡᠳ ᠣᠷᠳᠣ ᠪᠠᠢᠳᠠᠭ᠂ ᠡᠨᠡ ᠬᠤᠭᠤᠴᠠᠭᠠᠨᠳᠤ ᠡᠨᠡ ᠵᠢᠯᠶᠠᠭ ᠭᠤᠷᠪᠠᠨ ᠹᠦ᠋ ᠵᠢᠨ ᠬᠠᠯᠠᠭᠤᠨ ᠳᠤᠬᠢᠶᠠᠵᠤ᠂ 7 ᠰᠠᠷᠠᠶ᠋ᠢᠨ 16 ᠤ᠋ ᠡᠳᠦᠷᠡᠴᠡ 8 ᠰᠠᠷᠠᠶ᠋ᠢᠨ 24 ᠤ᠋ ᠡᠳᠦᠷ ᠪᠣᠯᠲᠠᠯᠠ 40 ᠡᠳᠦᠷ ᠪᠤᠯᠤᠨᠠ᠃
ᠤᠯᠤᠰᠤᠨ ᠣᠯᠠᠨ ᠨᠡᠢᠲᠡᠶ᠋ᠢᠨ ᠱᠢᠮᠡ ᠲᠡᠵᠢᠭᠡᠯᠤᠨ ᠮᠡᠷᠬᠡᠵᠢᠯᠳᠠᠨ᠂ ᠥᠪᠥᠷ ᠮᠣᠩᠭᠣᠯᠤᠨ ᠱᠢᠮᠡ ᠲᠡᠵᠢᠭᠡᠯ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ ᠳᠡᠳ᠋ ᠳᠠᠷᠤᠭᠠ ᠱᠢᠩ ᠶᠠᠨ ᠴᠦᠨᠤ ᠬᠡᠯᠡᠬᠦ᠌ᠪᠡᠷ ᠂ ᠬᠠᠯᠠᠭᠤᠨ ᠡᠭᠡᠬᠦ ᠪᠣᠯ ᠬᠣᠷᠢᠨ ᠳᠥᠷᠪᠡᠨ ᠴᠠᠭ ᠤᠯᠠᠷᠢᠯᠤᠨ ᠠᠭᠤᠷ ᠠᠮᠢᠰᠭᠤᠯᠤᠨ ᠬᠤᠪᠢᠷᠠᠯᠲᠠᠶ᠋ᠢ ᠲᠤᠰᠭᠠᠬᠰᠠᠨ ᠴᠠᠭ ᠤᠯᠠᠷᠢᠯ ᠪᠤᠯᠤᠨᠠ ᠂ ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯ ᠥᠩᠭᠡᠷᠡᠭ᠌ᠰᠡᠨᠦ ᠳᠠᠷᠠᠭᠠ ᠠᠭᠠᠷᠤᠨ ᠳᠤᠯᠠᠭᠠᠨ ᠢᠳᠡᠭ ᠢᠳᠡᠭᠢᠶᠡᠷ ᠪᠠᠭᠤᠷᠠᠬᠤ ᠨᠢ ᠤᠯᠠᠮ ᠢᠯᠡᠷᠬᠡᠶ ᠪᠣᠯᠤᠨᠠ ᠂ ᠭᠡᠪᠡᠴᠦ᠍ ᠡᠮᠦᠨᠡᠲᠦ ᠣᠷᠣᠨᠳᠤ ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯᠤᠨ ᠡᠴᠦᠰ ᠲᠦ᠍ ᠠᠭᠠᠬᠢᠮᠠ ᠬᠠᠯᠠᠭᠤᠨ ᠴᠠᠭ ᠠᠭᠤᠷ ᠳᠠᠬᠢᠨᠲᠠ ᠲᠣᠬᠢᠶᠠᠯᠳᠤᠳᠠᠭ ᠂ ᠡᠨᠡ ᠪᠣᠯ ᠳᠠᠷᠤᠶ ᠨᠡᠷᠡ ᠨᠢᠳᠡᠷᠲᠡᠬᠡᠨ ᠨᠡᠢᠴᠡᠭ᠌ᠰᠡᠨ ᠨᠠᠮᠤᠷᠤᠨ ᠬᠠᠯᠠᠭᠤᠨ ᠬᠡᠯᠳᠡᠢ᠃
ᠥᠪᠥᠷ ᠮᠣᠩᠭᠣᠯᠤᠨ ᠠᠷᠠᠳᠤᠨ ᠤᠳᠭᠠ ᠤᠷᠠᠯᠢᠬᠤᠨ ᠬᠢᠨᠤ ᠨᠡᠢᠭᠡᠮᠯᠢᠭᠦᠨ ᠭᠡᠱᠢᠭᠦᠨ ᠯᠢ ᠶᠦᠩ ᠠᠨ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠲᠣᠭ᠍ᠲᠠᠬᠤ ᠱᠢᠶᠠᠨᠤ ᠬᠥᠮᠦᠨ ᠪᠤᠯᠤᠨᠠ᠂ ᠠᠷᠠᠳᠤᠨ ᠵᠠᠩ ᠦᠢᠯᠡᠶ᠋ᠢᠨ ᠰᠣᠶᠣᠯᠳᠤ ᠪᠠᠬᠠᠲᠠᠢ᠂ ᠤᠯᠠᠨ ᠵᠢᠯᠦᠨ ᠲᠤᠷᠰᠢ ᠴᠠᠭ ᠤᠯᠠᠷᠢᠯᠤᠨ ᠲᠤᠬᠠᠢ ᠮᠠᠰᠢ ᠠᠷᠪᠢᠨ ᠲᠠᠷᠢᠶᠠᠯᠠᠩᠤᠨ ᠵᠦᠢᠷ ᠰᠡᠴᠡᠨ ᠦᠭᠡᠶ᠋ᠢ ᠴᠤᠭ᠍ᠯᠠᠭᠤᠯᠵᠠᠢ᠂ ᠨᠢᠬᠡᠨ ᠴᠠᠭ ᠤᠯᠠᠷᠢᠯ ᠬᠦᠷᠴᠤ ᠢᠷᠡᠬᠦ ᠪᠦᠷᠢ ᠲᠡᠷᠡ ᠲᠠᠷᠢᠶᠠᠯᠠᠩᠤᠨ ᠵᠦᠢᠷ ᠰᠡᠴᠡᠨ ᠦᠭᠡᠪᠡᠷ ᠲᠤᠰ ᠴᠠᠭ ᠤᠯᠠᠷᠢᠯᠤᠨ ᠣᠨᠴᠠᠯᠢᠭᠢ ᠢᠯᠡᠳᠭᠡᠳᠡᠭ᠂ ᠡᠳᠡᠭᠡᠷ ᠵᠦᠢᠷ ᠰᠡᠴᠡᠨ ᠦᠭᠡ ᠨᠢ ᠠᠮᠢᠳᠤᠯᠢᠭ ᠪᠦᠭᠡᠳ ᠶᠣᠰᠣ ᠤᠴᠢᠷᠢ ᠱᠢᠭᠤᠳ ᠢᠯᠡᠳᠭᠡᠵᠦ᠂ ᠵᠠᠷᠢᠮ ᠨᠢ ᠪᠠᠰᠠ ᠱᠣᠭ ᠶᠦᠮᠦᠷᠯᠢᠭ ᠪᠠᠢᠳᠠᠭ᠃
ᠯᠢ ᠶᠦᠩ ᠠᠨᠤ ᠶᠠᠷᠢᠬᠤ ᠪᠡᠷ᠂ ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯ ᠬᠦᠷᠴᠦ ᠢᠷᠡᠪᠡᠯ᠂ ᠬᠠᠯᠠᠭᠤᠨ ᠠᠭᠤᠷ ᠠᠭᠠᠵᠢᠮᠢᠶᠠᠷ ᠪᠠᠭᠤᠷᠠᠵᠤ᠂ ᠨᠠᠮᠤᠷᠤᠨ ᠰᠡᠷᠢᠬᠦᠦ ᠤᠷᠤᠨᠠ᠂ ᠡᠳᠦᠷ ᠰᠥᠨᠢᠶ᠋ᠢᠨ ᠳᠤᠯᠠᠭᠠᠨᠤ ᠵᠥᠷᠢᠶᠡ ᠶᠡᠬᠡ ᠪᠤᠯᠤᠨᠠ᠂ ᠡᠢᠨᠬᠦ ᠂ ᠲᠠᠷᠢᠶᠠᠯᠠᠩᠤᠨ ᠵᠦᠶ᠋ᠷ ᠰᠡᠴᠡᠨ ᠦᠭᠡ ᠪᠡᠷ《ᠥᠷᠯᠥᠭᠡ ᠠᠷᠠᠰᠤᠨ ᠳᠡᠪᠡᠯ ᠬᠡᠲᠡᠷᠴᠦ᠂ ᠦᠳᠡᠳᠦ ᠱᠠ ᠬᠤᠪᠴᠠᠰᠤ ᠡᠮᠦᠰᠦᠨ᠂ ᠵᠤᠤᠬᠠ ᠵᠢᠨ ᠬᠠᠵᠠᠭᠤ ᠳ᠋ᠤ ᠰᠠᠭᠤᠵᠤ ᠲᠠᠷᠪᠤᠰ ᠢᠳᠡᠨᠡ》ᠭᠡᠵᠦ᠍ ᠵᠦᠶ᠋ᠷᠯᠡᠳᠡᠭ᠃ ᠡᠨᠡ ᠦᠶᠡᠰ ᠨᠠᠮᠤᠷᠤᠨ ᠲᠠᠷᠢᠶᠠ ᠡᠬᠢᠯᠡᠨ ᠪᠤᠳᠠᠭᠠ ᠴᠢᠩᠭᠠᠷᠠᠵᠦ ᠂ ᠱᠢᠮᠡ ᠲᠡᠵᠢᠭᠡᠯ ᠬᠤᠷᠠᠮᠳᠤᠭᠤᠯᠵᠤ ᠪᠣᠯᠪᠠᠰᠤᠷᠠᠬᠤᠶ᠋ᠢ ᠬᠦᠯᠢᠶᠡᠨᠡ᠂ ᠭᠡᠪᠡᠴᠦ᠍ ᠭᠠᠩ ᠬᠠᠭ᠍ᠰᠠᠷᠠᠭᠠᠨᠠᠴᠠ ᠪᠣᠯᠵᠣ ᠲᠠᠷᠢᠶᠠ ᠳᠠᠷᠢᠬᠤ ᠴᠠᠭ ᠨᠢ ᠣᠷᠣᠢᠲᠠᠵᠤ᠂ ᠲᠠᠷᠢᠶᠠᠨᠤ ᠤᠷᠭᠤᠴᠠ ᠨᠢ ᠤᠳᠠᠭᠠᠨ ᠪᠣᠯ ᠲᠠᠷᠢᠶᠠᠯᠠᠩᠤᠨ ᠵᠦᠶ᠋ᠷ ᠦᠭᠡ《ᠬᠠᠯᠠᠭᠤᠨ ᠡᠭᠡᠬᠦᠳᠤ ᠲᠦᠷᠦᠭᠦᠦ ᠭᠠᠷᠬᠤ ᠥᠬᠡᠶ ᠪᠤᠯ ᠬᠠᠳᠤᠭᠠᠳ ᠦᠬᠡᠷ ᠲᠡᠵᠢᠭᠡᠨᠡ》ᠭᠡᠵᠦ ᠶᠠᠷᠢᠳᠠᠭ᠃ ᠬᠠᠷᠢᠨ ᠡᠷᠲᠡ ᠪᠣᠯᠪᠠᠰᠤᠷᠠᠭ᠍ᠰᠠᠨ ᠡᠷᠳᠡᠨᠢ ᠱᠢᠰᠢ᠂ ᠱᠢᠬᠢᠷᠯᠢᠭ ᠠᠮᠲᠠᠲᠠᠢ ᠬᠤᠯᠤ᠂ ᠬᠦᠬᠡ ᠪᠤᠷᠴᠠᠭ ᠨᠢᠭᠡᠨᠲᠡ ᠬᠣᠭᠣᠯᠠᠨ ᠱᠢᠷᠡᠭᠡᠨᠳᠦ ᠭᠠᠷᠬᠤ ᠪᠣᠯᠬᠣᠷ ᠠᠷᠠᠳᠤᠳ《ᠱᠢᠨᠡ ᠠᠮᠤ ᠣᠯᠵᠤ ᠢᠳᠡᠭᠡᠳ ᠨᠢᠭᠡ ᠨᠠᠰᠤ ᠨᠡᠮᠡᠭᠳᠡᠯᠡ》 ᠭᠡᠵᠦ᠍ ᠪᠠᠶᠠᠷᠯᠠᠵᠠᠭᠠᠳᠠᠭ᠃
《ᠠᠯᠲᠠᠨ ᠨᠠᠮᠤᠷᠰᠠᠭᠠᠳᠠᠵᠤ ᠂ ᠭᠠᠵᠠᠷ ᠪᠤᠯᠭᠠᠨ ᠳ᠋ᠤ ᠲᠠᠩᠰᠤᠭ ᠬᠤᠷᠢᠶᠠᠯᠲᠠ ᠣᠯᠤᠭ᠍ᠰᠠᠨ ᠦᠵᠡᠭ᠌ᠳᠡᠯᠢ ᠲᠠᠷᠢᠶᠠᠯᠠᠩᠤᠨ ᠵᠦᠢᠷ ᠦᠭᠡ ᠪᠡᠷ〈ᠬᠠᠯᠠᠭᠤᠨᠡᠭᠡᠬᠦᠳᠤ ᠭᠠᠵᠠᠷ ᠳᠦᠭᠦᠷᠡᠩ ᠰᠢᠵᠢᠷᠲᠤᠨ᠂ ᠭᠡᠷ ᠪᠣᠯᠭᠠᠨ ᠠᠮᠤ ᠪᠤᠳᠠᠭᠠᠨᠤ ᠬᠥᠮᠥᠷᠭᠡ ᠪᠠᠨ ᠵᠠᠰᠠᠨᠠ〉ᠭᠡᠵᠤ ᠶᠠᠷᠢᠳᠠᠭ》 ᠭᠡᠵᠦ᠍ ᠯᠢ ᠶᠦᠩ ᠠᠨ ᠬᠡᠯᠡᠨᠡ᠂ ᠲᠡᠭᠦᠨᠤ ᠶᠠᠷᠢᠬᠤ ᠪᠡᠷ ᠂ ᠬᠣᠵᠢᠮᠳᠠᠵᠤ ᠤᠷᠤᠬᠤ ᠨᠠᠮᠤᠷᠤᠨ ᠪᠣᠷᠣᠭᠠᠨ ᠲᠠᠷᠢᠶᠠᠨᠳᠤ ᠶᠠᠮᠠᠷ ᠴᠦ᠍ ᠲᠤᠰᠠ ᠥᠬᠡᠶ᠂ ᠭᠡᠳᠡᠷᠭᠦᠪᠡᠨ ᠬᠠᠳᠤᠵᠤ ᠬᠤᠷᠢᠶᠠᠬᠤ᠂ ᠪᠤᠯᠤᠳᠠᠵᠤ ᠬᠠᠶᠠᠬᠤ ᠵᠡᠷᠭᠡ ᠲᠠᠷᠢᠶᠠᠨ ᠠᠵᠢᠯᠢ ᠨᠥᠯᠥᠭᠡᠯᠡᠨᠡ᠂ ᠠᠷᠠᠳᠤᠨ ᠳᠤᠮᠳᠠ ᠪᠠᠰᠠ《ᠮᠠᠭᠤ ᠨᠠᠮᠤᠷᠤᠨ ᠪᠣᠷᠣᠭᠠᠨ ᠲᠠᠢ》ᠭᠡᠳᠡᠭ ᠬᠡᠯᠡᠯᠭᠡ ᠪᠣᠶ ᠭᠡᠨᠡ᠃
《ᠲᠠᠷᠢᠶᠠᠯᠠᠩᠤᠨ ᠵᠦᠢᠷ ᠰᠡᠴᠡᠨ ᠦᠭᠡ ᠪᠣᠯ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠷᠲᠡᠨᠦ ᠬᠥᠮᠦᠰᠦᠨ ᠠᠭᠤᠷ ᠠᠮᠢᠰᠭᠤᠯᠤᠨ ᠵᠢᠮᠡ ᠶᠣᠰᠣ ᠵᠢ ᠣᠨᠣᠪᠴᠢᠲᠠᠢ ᠡᠵᠡᠮᠰᠢᠨ᠂ ᠵᠦᠪ ᠲᠠᠨᠢᠵᠤ᠂ ᠮᠠᠨᠤ ᠤᠯᠤᠰᠤᠨ ᠬᠥᠳᠡᠭᠡ ᠠᠵᠤ ᠠᠬᠤᠢᠶ᠋ᠢ ᠴᠢᠬᠤᠯᠠᠴᠢᠯᠠᠬᠰᠠᠨ ᠭᠦᠨ ᠵᠤᠵᠠᠭᠠᠨ ᠤᠯᠠᠮᠵᠢᠯᠠᠯ ᠪᠣᠯᠤᠨ ᠳᠤᠮᠳᠠᠳᠤ ᠵᠢᠨ ᠤᠶᠤᠨ ᠤᠬᠠᠭᠠᠨᠢ ᠢᠯᠡᠷᠡᠭᠦᠯᠵᠡᠢ》ᠭᠡᠵᠦ᠍ ᠯᠢ ᠶᠦᠩ ᠠᠨ ᠶᠠᠷᠢᠵᠤ ᠪᠠᠢᠯᠠ᠃
ᠪᠡᠶᠡᠰᠤᠪᠢᠯᠠᠯ᠄ ᠡᠷᠲᠡ ᠤᠨᠲᠠᠵᠤ ᠡᠷᠲᠡ ᠪᠣᠰᠤᠨᠠ
ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭᠤᠯᠠᠷᠢᠯᠳᠤ ᠡᠳᠦᠷᠤᠨ ᠠᠭᠠᠷᠤᠨ ᠳᠤᠯᠠᠭᠠᠨ ᠮᠥᠨ ᠯᠡ ᠥᠨᠳᠥᠷ ᠪᠠᠢᠳᠠᠭ ᠪᠣᠯᠪᠠᠴᠤ᠌ ᠥᠷᠯᠥᠭᠡ ᠦᠳᠡᠰᠢᠶ᠋ᠢᠨ ᠠᠭᠠᠷᠤᠨ ᠳᠤᠯᠠᠭᠠᠨ ᠳᠤᠤᠷᠠ ᠪᠦᠭᠡᠳ ᠵᠥᠷᠢᠶᠡ ᠨᠢ ᠶᠡᠬᠡ ᠪᠠᠢᠳᠠᠭ᠂ ᠡᠢᠮᠤ ᠪᠠᠢᠳᠠᠯ ᠳᠤᠤᠷᠠ ᠬᠥᠮᠦᠰ ᠬᠡᠷᠬᠢᠨ ᠪᠡᠶᠡᠪᠡᠨ ᠰᠤᠪᠢᠯᠠᠬᠤ ᠪᠣᠶ?
ᠱᠢᠩ ᠶᠠᠨ ᠴᠦᠨ ᠡᠭᠦᠨᠦ ᠲᠤᠬᠠᠶ ᠭᠤᠤᠯᠳᠠᠭᠤ ᠲᠠᠭ᠍ᠰᠢᠭᠤᠷᠢ ᠰᠡᠷᠭᠡᠢᠯᠡᠬᠦ᠌ ᠨᠢ ᠴᠢᠬᠤᠯᠠ ᠭᠡᠵᠦ ᠰᠠᠨᠠᠭᠤᠯᠵᠤ ᠪᠠᠢᠪᠡ᠃
ᠲᠡᠭᠦᠨᠤ ᠬᠡᠯᠡᠬᠦ᠌ᠪᠡᠷ᠂ ᠡᠷᠲᠡᠨᠦ ᠬᠥᠮᠦᠰ ᠨᠠᠮᠤᠷᠤᠨ ᠠᠭᠤᠷᠤᠷᠤᠭᠰᠠᠨ ᠡᠴᠡ ᠨᠠᠮᠤᠷᠤᠨ ᠬᠤᠭᠤᠰ ᠪᠣᠯᠲᠠᠯᠠᠬᠢ ᠴᠠᠭ ᠬᠤᠭᠤᠴᠠᠭᠠ ᠵᠢ ᠦᠷᠬᠦᠯᠵᠢᠯᠡᠬᠦ ᠵᠤᠨ ᠭᠡᠵᠦ ᠬᠡᠯᠡᠳᠡᠭ᠃ ᠬᠢᠲᠡᠳ ᠡᠮᠨᠡᠯᠭᠡᠳᠤ ᠨᠢᠭᠡ ᠵᠢᠯᠢ ᠬᠠᠪᠤᠷ᠂ ᠵᠤᠨ᠂ ᠦᠷᠬᠦᠯᠵᠢᠯᠡᠬᠦ ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠭᠡᠵᠦ᠍ ᠲᠠᠪᠤᠨ ᠤᠯᠠᠷᠢᠯ ᠬᠤᠪᠢᠶᠠᠳᠠᠭ᠃ ᠦᠷᠬᠦᠯᠵᠢᠯᠡᠬᠦ ᠵᠣᠨ ᠨᠢ ᠵᠣᠨᠤ ᠰᠡᠭᠦᠯᠴᠢ ᠨᠠᠮᠤᠷᠤᠨ ᠡᠬᠢᠨᠳᠤ ᠳᠤᠬᠢᠶᠠᠵᠤ᠂ ᠪᠠᠭᠠ ᠬᠠᠯᠠᠭᠤᠨ᠂ ᠶᠡᠬᠡ ᠬᠠᠯᠠᠭᠤᠨ᠂ ᠨᠠᠮᠤᠷᠤᠨ ᠠᠭᠤᠷ᠂ ᠬᠠᠯᠠᠭᠤᠨ ᠡᠭᠡᠬᠦ᠌ ᠭᠡᠬᠦ ᠳᠥᠷᠪᠡᠨ ᠤᠯᠠᠷᠢᠯᠢ ᠬᠠᠮᠤᠷᠳᠠᠭ᠂ ᠠᠭᠤᠷ ᠠᠮᠢᠰᠭᠤᠯᠤᠨ ᠣᠨᠴᠠᠯᠢᠭ ᠨᠢ ᠴᠢᠭᠢᠭ᠌ ᠬᠠᠯᠠᠭᠤᠨ ᠪᠠᠳᠠᠷᠠᠵᠤ ᠂ ᠴᠢᠭᠢᠭ᠌ᠯᠢᠭ ᠬᠠᠯᠠᠭᠤᠨ ᠴᠠᠭ ᠠᠭᠤᠷ ᠤᠯᠠᠨ ᠳᠤᠬᠢᠶᠠᠯᠳᠤᠳᠠᠭ᠃ ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯᠤᠨ ᠳᠠᠷᠠᠭᠠ ᠂ ᠬᠥᠮᠦᠨᠦ ᠪᠡᠶᠡ ᠵᠢᠨ ᠬᠥᠯᠥᠰᠥ᠍ ᠭᠠᠷᠬᠤ ᠨᠢ ᠮᠡᠳᠡᠭ᠌ᠳᠡᠮᠡ ᠪᠠᠭᠠᠰᠴᠤ᠌᠂ ᠤᠰᠤ ᠳᠠᠪᠤᠰᠤᠨᠤ ᠰᠣᠯᠢᠯᠴᠠᠭᠠᠨᠤ ᠠᠵᠢᠯᠯᠠᠭᠠ ᠠᠭᠠᠵᠢᠮᠢᠶᠠᠷ ᠲᠡᠩᠴᠡᠭᠦᠷᠢᠪᠡᠨ ᠰᠡᠷᠭᠦᠭᠡᠵᠦ᠍᠂ ᠹᠢᠽᠢᠣᠯᠣᠭᠢᠶ᠋ᠢᠨ ᠠᠮᠠᠷᠠᠵᠤ ᠴᠡᠭ᠌ᠴᠡᠯᠡᠬᠦ᠌ ᠱᠠᠲᠤᠨᠳᠤ ᠣᠷᠣᠭᠠᠳ᠂ ᠪᠡᠶᠡ ᠮᠠᠬᠠᠪᠣᠳ ᠶᠠᠳᠠᠷᠠᠵᠤ ᠵᠦᠳᠡᠷᠡᠬᠦ᠌ ᠪᠠᠢᠳᠠᠯ ᠭᠠᠷᠴᠤ᠌᠂ ᠨᠠᠮᠤᠷ ᠲᠠᠮᠢᠷᠳᠠᠬᠤ ᠪᠣᠯᠤᠨᠠ᠃ ᠨᠠᠮᠤᠷᠤᠨ ᠴᠢᠯᠡᠭᠡᠶ᠋ᠢ ᠲᠠᠢᠯᠬᠤᠳᠤ ᠰᠠᠢᠨ ᠤᠨᠲᠠᠵᠤ ᠂ ᠡᠷᠲᠡ ᠤᠨᠲᠠᠵᠤ ᠡᠷᠲᠡ ᠪᠣᠰᠪᠠᠯ ᠵᠤᠬᠢᠨᠠ; ᠲᠤᠰᠤ ᠮᠢᠬᠠ ᠪᠠᠭᠠ ᠢᠳᠡᠵᠦ᠂ ᠲᠥᠪᠡᠳ ᠬᠠᠰᠢ᠂ ᠬᠠᠰᠢ᠂ ᠲᠥᠮᠥᠰᠥ᠍ ᠂ ᠦᠵᠦᠮ ᠪᠠ ᠠᠯᠢᠮᠠ ᠵᠡᠷᠭᠡ ᠢᠳᠡᠭᠡᠨᠢ ᠠᠷᠪᠢᠨ ᠢᠳᠡᠪᠡᠯ ᠵᠣᠬᠢᠨᠠ᠃
《ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯᠤᠨ ᠳᠠᠷᠠᠭᠠ ᠨᠠᠮᠤᠷᠤᠨ ᠦᠩᠭᠡ ᠤᠷᠤᠵᠤ ᠂ ᠬᠡᠭᠡᠷᠡ ᠲᠠᠯᠠᠪᠠᠷ ᠵᠢᠭᠤᠯᠴᠢᠯᠠᠵᠤ ᠂ ᠨᠠᠮᠤᠷᠢ ᠤᠭ᠍ᠲᠤᠨ ᠦᠵᠡᠮᠵᠢ ᠰᠣᠨᠢᠷᠬᠠᠵᠤ ᠂ ᠥᠨᠳᠥᠷᠲᠦ ᠵᠣᠭ᠍ᠰᠣᠨ ᠠᠯᠤᠰᠢ ᠪᠠᠷᠠᠯᠠᠬᠤ ᠰᠠᠢᠬᠠᠨ ᠴᠠᠭ ᠪᠣᠯᠤᠨᠠ》ᠭᠡᠵᠦ᠍ ᠱᠢᠩ ᠶᠠᠨ ᠴᠦᠨ ᠬᠡᠯᠡᠵᠤ ᠪᠠᠢᠯᠠ᠃ ᠨᠠᠮᠤᠷ ᠪᠡᠶᠡ ᠪᠤᠯᠪᠠᠰᠤᠷᠠᠬᠤᠳᠠᠭᠠᠨ ᠲᠦᠷᠭᠡᠨ ᠠᠯᠬᠤᠬᠤ᠂ ᠠᠭᠤᠯᠠ ᠠᠪᠠᠷᠢᠬᠤ᠂ ᠪᠥᠮᠪᠥᠭᠡ ᠨᠠᠭᠠᠳᠭᠤ ᠵᠡᠷᠭᠡ ᠲᠠᠮᠢᠷᠤᠨ ᠬᠦᠳᠡᠯᠭᠡᠭᠡᠨᠢ ᠰᠣᠩᠭᠣᠵᠤ ᠪᠣᠯᠤᠨᠠ ᠂ ᠨᠠᠰᠤᠲᠠᠢᠴᠤᠳᠲᠤ ᠠᠪᠴᠤ᠌ ᠬᠡᠯᠡᠪᠡᠯ ᠂ ᠲᠠᠮᠢᠷᠤᠨ ᠬᠥᠳᠡᠯᠭᠡᠭᠡᠨᠬᠢᠬᠦᠳᠡᠭᠡᠨ ᠬᠡᠳᠤ ᠶᠠᠳᠠᠷᠠᠵᠤ ᠪᠤᠯᠬᠤ ᠦᠭᠡᠢ᠃ ᠬᠥᠳᠡᠯᠭᠡᠭᠡᠨ ᠬᠢᠬᠦ᠌ ᠴᠠᠭᠢ ᠬᠠᠮᠤᠭᠤᠨ ᠰᠠᠢᠨ ᠨᠢ ᠡᠷᠲᠡ ᠣᠷᠣᠶᠶ᠋ᠢ ᠰᠣᠩᠭᠣᠬᠤ ᠬᠡᠷᠡᠭ᠌ᠲᠡᠶ᠂ ᠦᠳᠡᠳᠦ ᠬᠠᠯᠠᠭᠤᠨ ᠪᠣᠯᠬᠣᠷ ᠬᠡᠷᠦᠨ ᠭᠠᠳᠠᠨᠠ ᠬᠥᠳᠡᠯᠭᠡᠭᠡᠨ ᠬᠢᠬᠦ᠌ᠡᠴᠡ ᠵᠠᠢᠯᠠᠰᠭᠢᠪᠡᠯ ᠵᠤᠬᠢᠨᠠ᠃
ᠰᠡᠯᠡᠭᠦᠴᠡᠯ ᠵᠢᠭᠤᠯᠴᠢᠯᠠᠯ᠄ ᠰᠡᠷᠢᠭᠦᠨ ᠲᠠᠭᠠᠯᠠᠮᠵᠢᠳᠠᠢ
ᠴᠠᠭ ᠲᠦ᠍ ᠡᠬᠡ ᠪᠠᠢᠭᠠᠯᠢᠲᠠᠢ ᠤᠢᠷᠠᠳᠤᠶᠠ
《ᠬᠠᠯᠠᠭᠤᠨ ᠡᠭᠡᠬᠦ ᠴᠠᠭ ᠤᠯᠠᠷᠢᠯᠤᠨ ᠦᠶᠡᠰ ᠥᠪᠥᠷ ᠮᠣᠩᠭᠣᠯᠳᠤ ᠬᠦᠢᠳᠡᠨ ᠴᠦ᠍ ᠦᠭᠡᠢ ᠬᠠᠯᠠᠭᠤᠨ ᠴᠤ᠌ ᠦᠭᠡᠢ ᠰᠠᠷᠢᠭᠦᠨ ᠲᠠᠭᠠᠲᠠᠢ ᠴᠠᠭ ᠪᠤᠯᠵᠤ ᠂ ᠲᠩᠷᠢ ᠴᠡᠯᠮᠡᠢᠨ ᠂ ᠡᠪᠡᠰᠦᠨᠤ ᠦᠨᠦᠷ ᠰᠡᠩᠬᠢᠨᠡᠵᠤ ᠂ ᠴᠡᠩᠬᠡᠷ ᠤᠰᠤᠨ ᠲᠤᠯᠬᠢᠶᠠᠯᠠᠨ᠂ ᠲᠠᠯᠠ ᠨᠤᠲᠤᠭ᠂ ᠨᠠᠭᠤᠷᠤᠨ ᠬᠦᠪᠡᠭᠡ ᠂ ᠤᠢ ᠱᠢᠭᠤᠢ ᠥᠪᠡᠷᠮᠢᠴᠡ ᠡᠳᠡᠭᠡᠳ ᠦᠵᠡᠮᠵᠢ ᠲᠠᠢ ᠪᠤᠯᠳᠠᠭ᠃ ᠬᠡᠷᠪᠡ ᠴᠠᠭᠲᠠᠶ ᠪᠣᠯ ᠭᠡᠷᠦᠨ ᠬᠥᠮᠦᠰᠢᠶᠡᠨ ᠳᠠᠭᠠᠭᠤᠯᠤᠨ ᠥᠪᠥᠷ ᠮᠣᠩᠭᠣᠯᠢᠶᠠᠷ ᠵᠢᠭᠤᠯᠴᠢᠯᠠᠵᠤ ᠢᠷᠡᠬᠡᠷᠡᠢ ᠭᠡᠵᠦ ᠤᠯᠠᠨᠳᠤ ᠰᠠᠨᠠᠭᠤᠯᠵᠤ ᠪᠠᠢᠨᠠ》ᠭᠡᠵᠦ ᠬᠥᠬᠡᠬᠣᠲᠠᠶ᠋ᠢᠨ ᠵᠢᠭᠤᠯᠴᠢᠯᠠᠯᠤᠨ ᠰᠠᠢᠨ ᠵᠠᠮᠴᠢᠯᠠᠬᠴᠢ ᠯᠢ ᠴᠦ ᠴᠦ ᠶᠠᠷᠢᠵᠤ ᠪᠠᠢᠯᠠ᠃ ᠲᠡᠷᠡ ᠵᠢᠭᠤᠯᠴᠢᠯᠠᠯᠤᠨ ᠵᠠᠮᠴᠢᠯᠠᠬᠴᠢᠶ᠋ᠢᠨ ᠠᠵᠢᠯᠢ 10 ᠭᠠᠷᠤᠶ ᠵᠢᠯ ᠬᠢᠵᠦ᠍ ᠂ ᠳᠦᠷᠪᠡᠨ ᠵᠦᠭ ᠨᠠᠢ᠍ᠮᠠᠨ ᠵᠤᠪᠬᠢᠰᠤᠨ ᠵᠢᠭᠤᠯᠴᠢᠯᠠᠭᠰᠠᠳᠢ ᠳᠠᠭᠠᠭᠤᠯᠤᠨ ᠂ ᠥᠪᠥᠷ ᠮᠣᠩᠭᠣᠯᠤᠨ ᠠᠭᠤᠯᠠ ᠤᠰᠤᠪᠠᠷ ᠶᠠᠪᠤᠵᠤ ᠂ ᠬᠠᠯᠠᠭᠤᠨ ᠡᠭᠡᠬᠦ ᠦᠶᠡᠰᠤᠨ ᠥᠪᠥᠷ ᠮᠣᠩᠭᠣᠯᠳᠤ ᠣᠨᠴᠠᠭᠠᠶ ᠬᠠᠢᠷᠠ ᠰᠡᠳᠭᠢᠯᠭᠡᠲᠡᠶ ᠪᠣᠯᠵᠠᠶ᠃
ᠲᠡᠭᠦᠨᠦ ᠪᠤᠳᠤᠯᠳᠤ ᠬᠠᠯᠠᠭᠤᠨ ᠡᠭᠡᠬᠦ ᠦᠶᠡᠰ ᠥᠪᠥᠷ ᠮᠣᠩᠭᠣᠯᠤᠨ ᠠᠭᠤᠯᠠ ᠤᠰᠤ ᠬᠢᠵᠠᠭᠠᠯᠠᠰᠢ ᠦᠬᠡᠢ ᠭᠤᠶᠤ ᠦᠵᠡᠮᠦᠷᠢ ᠲᠠᠢ ᠪᠤᠯᠵᠤ ᠂ ᠲᠤᠰᠤᠨ ᠵᠢᠷᠤᠭ ᠬᠡᠮᠠᠷ ᠴᠠᠭ ᠮᠦᠴᠡ ᠵᠤᠭᠰᠤᠩᠭᠤᠢᠷᠠᠭᠰᠠᠨ ᠰᠢᠬ ᠰᠠᠨᠠᠭᠳᠠᠨ᠂ ᠬᠥᠮᠦᠨᠦ ᠠᠮᠢᠳᠤᠷᠠᠯᠢ ᠱᠢᠯᠦᠭ᠌ᠯᠢᠭ ᠪᠤᠯᠭᠠᠳᠠᠭ᠃
ᠲᠡᠷᠡ᠂ 8 ᠰᠠᠷᠠᠶ᠋ᠢᠨ ᠲᠠᠯᠠ ᠨᠤᠲᠤᠭ ᠮᠥᠨ ᠯᠡ ᠦᠵᠡᠰᠭᠦᠯᠡᠩᠲᠦ ᠰᠠᠢᠬᠠᠨ ᠬᠡᠪᠢᠶᠡᠷᠢᠶᠡᠨ᠃ ᠡᠨᠡ ᠦᠶᠡᠳᠦ ᠥᠪᠥᠷ ᠮᠣᠩᠭᠣᠯᠤᠨ ᠲᠠᠯᠠ ᠨᠤᠲᠤᠭ ᠪᠠᠰᠠ ᠨᠣᠮᠢᠨ ᠨᠣᠭᠣᠭᠠᠨᠢᠶᠠᠷ ᠭᠣᠣᠯᠳᠠᠵᠤ ᠂ ᠬᠠᠲᠤᠯᠠᠩᠤᠨ ᠭᠠᠵᠠᠷ ᠰᠢᠵᠢᠷᠲᠦᠨ᠂ ᠪᠦᠬᠦᠢᠯᠡ ᠨᠣᠮᠢᠨ ᠨᠣᠭᠣᠭᠠᠨ ᠲᠠᠯᠠ ᠨᠤᠲᠤᠭᠲᠤ ᠡᠳᠡᠭᠡᠳ ᠦᠵᠡᠮᠵᠢ ᠨᠡᠮᠡᠷᠢᠯᠡᠨᠡ᠃ ᠠᠯᠤᠰᠢ ᠪᠠᠷᠠᠯᠠᠬᠤᠶᠠ ᠂ ᠬᠦᠬᠡ ᠣᠭ᠍ᠲᠠᠷᠭᠤᠢ ᠬᠥᠪᠥᠩ ᠴᠠᠭᠠᠨ ᠡᠭᠦᠯᠡᠰ ᠦᠷᠬᠦᠯᠵᠢᠯᠡᠨ ᠵᠠᠯᠭᠠᠯᠳᠤᠵᠤ᠂ ᠨᠠᠭᠤᠷ ᠭᠣᠣᠯᠤᠨ ᠤᠰᠤᠨᠳᠤ ᠠᠳᠤᠭᠤᠨ ᠰᠦᠷᠦᠭ ᠴᠤᠭᠯᠠᠷᠠᠨ᠂ ᠬᠠᠷᠠᠬᠰᠠᠨ ᠵᠦᠭ ᠪᠤᠯᠭᠠᠨ ᠳ᠋ᠤ ᠭᠤᠸᠠ ᠰᠠᠢᠬᠠᠨ ᠦᠵᠡᠮᠵᠢ ᠬᠠᠷᠠᠭᠠ ᠲᠦᠬᠦᠷᠡᠩ ᠦᠷᠬᠦᠯᠵᠢᠯᠡᠨᠡ ᠬᠡᠪᠡ᠃
ᠡᠨᠡ ᠦᠶᠡᠰ ᠬᠠᠷᠠᠠᠤᠰᠤ ᠨᠠᠭᠤᠷ᠂ ᠳᠠᠯᠠᠢᠨᠠᠭᠤᠷᠤᠨ ᠤᠰᠤ ᠨᠢ ᠬᠦᠢᠲᠡᠨ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠪᠠᠰᠠ ᠣᠨᠳᠣᠣ ᠦᠵᠡᠮᠵᠢᠲᠠᠶ ᠪᠠᠢᠳᠠᠭ᠃ ᠨᠠᠷᠠ ᠦᠷᠦᠨᠡ ᠵᠦᠭ ᠲᠦ᠍ ᠢᠳᠡᠭ ᠢᠳᠡᠭᠢᠶᠡᠷ ᠤᠢᠷᠠᠳᠬᠤ ᠦᠶᠡ ᠪᠡᠷ ᠡᠬᠡ ᠭᠠᠵᠠᠷᠢ ᠰᠢᠵᠢᠷᠲᠦᠬᠦᠯᠦᠨ ᠭᠡᠷᠡᠯᠲᠦᠭᠦᠯᠦᠨᠡ᠂ ᠡᠨᠡ ᠦᠶᠡᠰ ᠮᠥᠨ ᠴᠦ᠍ ᠨᠠᠷᠠᠠ ᠵᠢᠷᠭᠠᠬᠤ ᠡᠴᠡ ᠡᠮᠦᠨᠡᠬᠢ ᠬᠠᠮᠤᠭᠤᠨ ᠭᠤᠶᠤ ᠴᠠᠭ ᠮᠥᠴᠡ ᠪᠣᠯᠤᠨᠠ᠂ ᠨᠡᠷᠡᠨᠦ ᠬᠡᠷᠡᠯ ᠲᠤᠰᠬᠤ ᠪᠡᠷ ᠭᠦᠨ ᠴᠡᠩᠬᠡᠷ ᠨᠠᠭᠤᠷ ᠳᠣᠯᠭᠢᠶᠠᠯᠠᠨ ᠭᠢᠯᠲᠠᠭᠠᠨᠠᠭᠠᠳ ᠂ ᠣᠭ᠍ᠲᠠᠷᠭᠤᠶᠵᠢᠨ ᠦᠩᠭᠡ ᠲᠠᠶ ᠢᠯᠡ ᠲᠣᠳᠣ ᠬᠠᠷᠢᠴᠠᠭᠤᠯᠤᠯ ᠪᠣᠯᠤᠨᠠ᠃
ᠬᠠᠯᠠᠭᠤᠨ ᠡᠭᠡᠬᠦ ᠦᠶᠡᠰ ᠣᠢ ᠱᠢᠭᠤᠶ ᠴᠦ᠍ ᠮᠦᠴᠡᠭᠡ ᠪᠠᠨ ᠦᠭᠬᠦ ᠦᠭᠡᠢ ᠭᠤᠶᠤ ᠪᠤᠯᠳᠠᠭ᠃ ᠷᠠᠱᠢᠶᠠᠨᠤ ᠤᠯᠤᠰᠤᠨ ᠣᠶ ᠱᠢᠭᠤᠶᠶ᠋ᠢᠨ ᠴᠡᠴᠡᠷᠯᠢᠭ᠂ ᠮᠤᠷᠢᠳᠠᠭᠠ ᠤᠯᠤᠰᠤᠨ ᠣᠶ ᠱᠢᠭᠤᠶᠶ᠋ᠢᠨ ᠴᠡᠴᠡᠷᠯᠢᠭ᠂ ᠰᠤᠮᠤᠨ ᠠᠭᠤᠯᠠᠶ᠋ᠢᠨ ᠦᠵᠡᠮᠵᠢᠶ᠋ᠢᠨ ᠣᠷᠣᠨ ᠵᠡᠷᠭᠡᠤᠢᠲᠤ ᠤᠷᠤᠨ ᠨᠠᠩ ᠡᠳᠡᠭᠡᠳ ᠭᠤᠶᠤ ᠪᠤᠯᠳᠠᠭ᠃ ᠡᠨᠡ ᠦᠶᠡᠰ ᠣᠶ ᠱᠢᠭᠤᠶᠶ᠋ᠢᠨ ᠥᠩᠭᠡ ᠬᠠᠮᠤᠭᠤᠨ ᠡᠯᠪᠡᠭ ᠪᠣᠯᠤᠨᠠ᠂ ᠮᠣᠳᠣᠨᠤ ᠣᠯᠠᠩᠬᠢ ᠨᠢ ᠪᠠᠰᠠ ᠨᠣᠭᠣᠭᠠᠨᠢᠶᠠᠷᠢᠶᠠᠨ ᠪᠠᠢᠬᠤᠳᠤ ᠪᠤᠭᠤᠳᠠᠶᠶ᠋ᠢᠨ ᠲᠦᠷᠦᠭᠦᠦ ᠱᠢᠭ ᠱᠢᠷᠠ ᠦᠩᠭᠡ ᠂ ᠲᠡᠮᠦᠷᠤᠨ ᠵᠢᠪᠡ ᠮᠡᠲᠦ ᠬᠦᠷᠡᠩ ᠦᠩᠭᠡ ᠡᠨᠳᠡ ᠲᠠᠨᠳᠡ ᠬᠠᠷᠠᠭ᠍ᠳᠠᠳᠠᠭ᠃ ᠪᠠᠰᠠ ᠬᠡᠰᠡᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠪᠡᠯ ᠂ ᠭᠠᠯ ᠮᠡᠲᠦ ᠤᠯᠠᠭᠠᠨ ᠦᠩᠭᠡ ᠢᠯᠡᠷᠡᠨᠡ ᠂ ᠭᠦᠨ᠂ ᠭᠦᠢᠬᠡᠨ᠂ ᠭᠡᠭᠡᠨ᠂ ᠪᠦᠲᠡᠬᠢ ᠁ ᠪᠤᠳᠤᠭ ᠲᠣᠬᠢᠷᠠᠭᠤᠯᠬᠤ ᠲᠠᠪᠠᠭᠢ ᠤᠨᠠᠭᠠᠭᠰᠠᠨ ᠰᠢᠬ ᠡᠯᠳᠡᠪ ᠦᠭᠡ ᠢᠯᠡᠷᠡᠵᠤ ᠬᠠᠷᠠᠭᠠ ᠪᠠᠶᠠᠰᠬᠠᠨᠠ᠃
《ᠨᠠᠮᠤᠷ ᠴᠠᠭ ᠲᠤ᠌ ᠥᠪᠥᠷ ᠮᠣᠩᠭᠣᠯᠳᠤ ᠢᠷᠡᠵᠤ ᠠᠭᠤᠯᠠ ᠤᠰᠤ ᠰᠣᠨᠢᠷᠬᠠᠨ᠂ ᠰᠡᠳᠭᠢᠯ ᠰᠠᠨᠠᠭᠠᠪᠠᠨ ᠪᠠᠶᠠᠰᠭᠠᠭᠠᠷᠠᠢ》ᠭᠡᠵᠦ ᠯᠢ ᠴᠦ ᠴᠦ ᠤᠷᠢᠵᠤ ᠬᠡᠯᠡᠪᠡ᠃



( ᠵᠢᠷᠤᠭ᠄ ᠲᠤᠰ ᠰᠣᠨᠢᠨᠤ ᠰᠤᠷᠪᠤᠯᠵᠢᠯᠠᠭ᠍ᠴᠢ ᠪᠢᠯᠢᠭ᠌ᠲᠦ)
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠴᠠᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃