2022-04-27 16:36:29
ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠦᠷᠭᠦᠯᠵᠢᠯᠡᠭᠰᠡᠨ ᠳᠤᠮᠳᠠᠳᠤᠶ᠋ᠢᠨ ᠪᠣᠯᠪᠠᠰᠤᠨ ᠥᠪᠡᠷᠮᠢᠴᠡ ᠦᠷᠳᠡᠭᠦᠨ ᠱᠢᠰᠲ᠋ᠧᠮᠲᠡᠶ᠃ ᠳᠤᠮᠳᠠᠳᠤᠶ᠋ᠢᠨ ᠱᠢᠯᠢᠳᠡᠭ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠨᠢᠭᠡᠨᠲᠡ ᠳᠤᠮᠳᠠᠳᠤ ᠶ᠋ᠢᠨ ᠦᠨᠳᠦᠰᠦᠲᠡᠨᠦ ᠭᠧᠨ ᠪᠤᠯᠵᠤ᠂ ᠳᠤᠮᠳᠠᠳᠤᠴᠤᠳᠤᠨ ᠳᠣᠲᠣᠭᠠᠳᠤ ᠰᠡᠳᠭᠢᠯ ᠳ᠋ᠦ ᠦᠨᠳᠦᠰᠦᠯᠡᠵᠦ᠍᠂ ᠳᠤᠮᠳᠠᠳᠤᠴᠤᠳᠤᠨ ᠦᠵᠡᠯ ᠰᠠᠨᠠᠭᠠᠨᠤ ᠬᠡᠯᠪᠡᠷᠢ ᠪᠠ ᠦᠢᠯᠡ ᠠᠵᠢᠯᠯᠠᠭᠠᠶ᠋ᠢᠨ ᠬᠡᠯᠪᠡᠷᠢᠶ᠋ᠢ ᠠᠶᠠᠨᠳᠠᠭᠠᠨ ᠨᠥᠯᠥᠭᠡᠯᠡᠵᠦ᠍ ᠪᠠᠢᠳᠠᠭ᠃
— ᠶᠡᠷᠦᠩᠬᠡᠶ ᠱᠦᠵᠢ ᠰᠢ ᠵᠢᠨ ᠫᠢᠩᠦᠨ ᠪᠡᠭᠡᠵᠢᠩ ᠶᠡᠬᠡ ᠰᠤᠷᠭᠠᠭᠤᠯᠢᠶ᠋ᠢᠨ ᠪᠠᠭ᠍ᠰᠢ ᠰᠤᠷᠤᠭ᠍ᠴᠢᠳᠤᠨ ᠶᠠᠷᠢᠯᠴᠠᠬᠤ ᠬᠤᠷᠠᠯ ᠳᠡᠭᠡᠷᠡᠬᠢ ᠶᠠᠷᠢᠶᠠ ᠡᠴᠡ
( 2014 ᠣᠨᠤ 5ᠰᠠᠷᠠᠶ᠋ᠢᠨ 4ᠦ ᠡᠳᠦᠷ)
ᠬᠤᠷᠠ ᠤᠰᠤ ᠦᠩᠭᠡᠷᠡᠪᠡᠯ ᠵᠤᠨ ᠠᠢᠰᠤᠢ ᠵᠢᠨ ᠲᠡᠮᠲᠡᠭ ᠪᠢᠯᠠ᠂ 4 ᠰᠠᠷᠠᠶ᠋ᠢᠨ 20ᠤ᠋ ᠡᠳᠦᠷᠤᠨ10 ᠴᠠᠭ 24 ᠮᠢᠨᠦ᠋ᠲᠲᠦ ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯ ᠪᠤᠯᠤᠨᠠ᠃
ᠬᠤᠷᠠ ᠤᠰᠤ ᠦᠩᠭᠡᠷᠡᠭᠡᠳ ᠡᠳᠦᠷ ᠤᠷᠢᠨ ᠳᠤᠯᠠᠭᠠᠨ ᠪᠤᠯᠪᠠ᠂ ᠭᠡᠪᠡᠴᠦ᠍ ᠬᠠᠯᠠᠭᠤᠨ ᠢᠷᠡᠬᠦ ᠴᠠᠭ ᠠᠷᠠᠢ ᠪᠤᠯᠤᠭᠠ ᠦᠭᠡᠢ᠃ ᠬᠦᠶ᠋ᠲᠡᠨᠤ ᠡᠷᠴᠢ ᠨᠢᠬᠡᠨᠳᠡ ᠠᠷᠢᠯᠵᠤ᠂ ᠤᠷᠢᠬᠠᠨ ᠰᠠᠯᠬᠢ ᠬᠠᠴᠠᠷᠢ ᠢᠯᠪᠢᠨ᠂ ᠬᠠᠮᠤᠭᠤᠨ ᠲᠠᠭᠠᠯᠠᠮᠵᠢᠳᠠᠢ ᠤᠯᠠᠷᠢᠯ ᠪᠤᠯᠬᠤ ᠰᠠᠨ᠃ ᠭᠦᠢᠯᠡᠰᠦᠨ ᠴᠡᠴᠡᠭ ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ᠂ ᠲᠤᠭᠤᠷᠤᠨ ᠴᠡᠴᠡᠭ ᠥᠩᠭᠡ ᠮᠦᠴᠡᠭᠡᠷᠭᠡᠨ᠂ ᠬᠥᠬᠡ ᠡᠪᠡᠰᠦ ᠴᠤᠬᠤᠢᠵᠤ ᠪᠤᠷᠭᠠᠰᠤ ᠨᠠᠬᠢᠶᠠᠯᠠᠭᠠᠳ᠂ ᠲᠦᠮᠡᠨ ᠪᠣᠳᠠᠰ ᠡᠰᠡᠨᠢᠨ ᠠᠮᠢᠯᠠᠬᠤ ᠬᠠᠮᠤᠭᠤᠨ ᠰᠠᠢᠬᠠᠨ ᠴᠠᠭ ᠦᠶᠡ ᠬᠦᠷᠴᠦ ᠢᠷᠡᠯᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠡᠬᠡ ᠭᠠᠵᠠᠷᠲᠤ ᠠᠮᠢᠵᠢᠷᠠᠯᠤᠨ ᠬᠦᠴᠦᠨ ᠪᠢᠯᠬᠠᠵᠤ᠂ ᠠᠭᠤᠷ ᠠᠮᠢᠰᠭᠤᠯ ᠳᠤᠯᠠᠭᠠᠨ ᠴᠢᠬᠢᠭᠯᠢᠭ ᠪᠤᠯᠤᠭᠰᠠᠨ ᠨᠢ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠ ᠨᠢᠭᠡᠨᠲᠡ ᠡᠬᠢᠯᠡᠭ᠌ᠰᠡᠨᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ; ᠬᠠᠪᠤᠷᠤᠨ ᠰᠡᠭᠦᠯ ᠰᠢᠪᠲᠤᠷᠡᠵᠦ ᠵᠤᠨ ᠠᠢᠰᠤᠢ ᠨᠢ ᠱᠢᠨᠡ ᠨᠢᠭᠡ ᠡᠭᠡᠯᠵᠢᠶ᠋ᠢᠨ ᠠᠮᠢᠳᠤᠷᠠᠯᠤᠨ ᠠᠢᠵᠠᠮ ᠡᠬᠢᠯᠡᠬᠦ᠌ᠶ᠋ᠢ ᠬᠠᠷᠠᠭᠤᠯᠵᠤ ᠪᠠᠢᠨᠠ; ᠵᠤᠵᠠᠭᠠᠨ ᠬᠤᠪᠴᠠᠰᠤᠡᠴᠡ ᠪᠠᠨ ᠳᠠᠩ ᠬᠤᠪᠴᠠᠰᠤᠨᠳᠤ ᠰᠢᠯᠵᠢᠭᠡᠳ ᠬᠥᠮᠦᠰ ᠪᠠᠢᠭᠠᠯᠢ ᠵᠢᠨ ᠬᠤᠪᠢᠷᠠᠯᠲᠠ ᠤᠷᠴᠢᠯᠳᠤ ᠵᠣᠬᠢᠴᠠᠨ᠂ ᠤᠷᠮᠠ ᠰᠡᠳᠬᠢᠯᠠᠴᠠ ᠢᠳᠡᠭᠡᠨ ᠤᠮᠳᠠᠭᠠᠨ ᠬᠦᠷᠲᠡᠯᠡ ᠴᠠᠭ ᠤᠯᠠᠷᠢᠯᠢ ᠳᠠᠭᠠᠯᠳᠤᠨ ᠬᠤᠪᠢᠷᠠᠵᠤ ᠪᠠᠢᠳᠠᠭ᠃
ᠡᠳᠦᠷ ᠳᠤᠯᠠᠭᠠᠷᠠᠨ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠ ᠡᠬᠢᠯᠡᠨᠡ
ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯ ᠵᠢᠯ ᠪᠦᠷᠢᠶ᠋ᠢᠨ 4 ᠰᠠᠷᠠᠶ᠋ᠢᠨ 20 ᠤ᠋ ᠡᠳᠦᠷ ᠪᠤᠶᠤ 21ᠤ᠋ ᠡᠳᠦᠷ᠂ ᠳᠠᠷᠤᠢ ᠨᠠᠷᠠ ᠱᠢᠷᠠ ᠤᠷᠲᠤᠷᠢᠭᠤᠨ 30 ᠭᠷᠠᠳᠦ᠋ᠰ ᠬᠥᠷᠬᠥ᠌ ᠦᠶᠡᠳᠦ ᠮᠠᠨᠤ ᠳᠡᠷᠭᠡᠲᠡ ᠬᠦᠷᠴᠦ ᠢᠷᠡᠳᠡᠭ᠂ ᠬᠤᠷᠠ ᠤᠰᠤ ᠪᠤᠯ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠡᠴᠦᠰᠦᠨ ᠴᠠᠭ ᠤᠯᠠᠷᠢᠯ ᠪᠣᠯᠤᠨᠠ᠃
ᠡᠷᠲᠡᠨᠦ ᠦᠶᠡᠳᠦ ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯᠢ ᠭᠤᠷᠪᠠᠨ ᠴᠠᠭ ᠠᠭᠤᠷ ᠬᠤᠪᠢᠶᠠᠳᠠᠭ ᠪᠠᠢᠵᠠᠢ᠂ 《ᠨᠢᠭᠡᠳᠦᠭᠡᠷ ᠴᠠᠭ ᠠᠭᠤᠷ ᠨᠢ ᠤᠨᠠᠭᠠᠨ ᠲᠤᠷᠤᠭᠤ ᠤᠰᠤᠨᠳᠤ ᠤᠷᠭᠤᠵᠤ ᠡᠬᠢᠯᠡᠨᠡ; ᠬᠤᠶᠠᠳᠤᠭᠠᠷ ᠴᠠᠭ ᠠᠭᠤᠷ ᠨᠢ ᠬᠦᠬᠦᠭᠡ ᠰᠢᠪᠠᠭᠤ ᠳᠤᠩᠭᠤᠳᠤᠨ ᠦᠳᠦ ᠪᠠᠨ ᠰᠠᠮᠨᠡᠨᠡ; ᠭᠤᠷᠪᠠᠳᠤᠭᠠᠷ ᠴᠠᠭ ᠠᠭᠤᠷ ᠨᠢ ᠪᠦᠪᠡᠭᠡᠯᠵᠢ ᠢᠯᠠᠮᠠ ᠵᠢᠨ ᠮᠤᠳᠤᠨᠳᠤ ᠪᠠᠭᠤᠨᠠ》᠃ ᠡᠨᠡ ᠨᠢ ᠲᠠᠷᠢᠶᠠᠯᠠᠩᠤᠨ ᠪᠣᠷᠣᠭᠠᠨᠤ ᠳᠠᠷᠠᠭᠠ ᠬᠤᠷᠠ ᠲᠣᠨᠣᠳᠠᠰᠤ ᠨᠡᠮᠡᠭ᠌ᠳᠡᠵᠦ᠍᠂ ᠤᠨᠠᠭᠠᠨ ᠲᠤᠷᠤᠭᠤ ᠤᠰᠤᠨᠳᠤ ᠤᠷᠭᠤᠵᠤ᠂ ᠵᠠᠯᠭᠠᠭᠠᠳ ᠬᠥᠬᠥᠭᠡ ᠱᠢᠪᠠᠭᠤ ᠬᠥᠮᠦᠰᠲᠦ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠ ᠵᠢᠨ ᠴᠠᠭ ᠬᠦᠷᠴᠦ ᠢᠷᠡᠭᠰᠡᠨᠢ ᠮᠡᠳᠡᠭᠡᠯᠡᠨᠡ᠂ ᠳᠠᠷᠠᠭᠠ ᠨᠢ ᠢᠯᠠᠮᠠᠶ᠋ᠢᠨ ᠮᠣᠳᠣᠨ ᠳᠡᠭᠡᠷᠡᠡᠴᠡ ᠪᠦᠪᠡᠭᠡᠯᠵᠢᠶ᠋ᠢ ᠣᠯᠵᠤ ᠦᠵᠡᠬᠦ᠌ ᠪᠣᠯᠤᠨᠠ ᠭᠡᠰᠡᠨ ᠤᠳᠬᠠ ᠲᠡᠢ᠃
ᠪᠠᠢᠭᠠᠯᠢᠶ᠋ᠢᠨ ᠵᠢᠮᠡ ᠶᠣᠰᠣᠶ᠋ᠢ ᠳᠠᠭᠠᠵᠤ᠂ ᠵᠢᠯ ᠪᠦᠷᠢᠶ᠋ᠢᠨ ᠬᠤᠷᠠ ᠤᠰᠤ ᠬᠦᠷᠴᠦ ᠢᠷᠡᠬᠦᠶᠢ ᠲᠠᠭᠠᠯᠳᠤᠨ ᠥᠪᠥᠷ ᠮᠣᠩᠭᠣᠯᠤᠨ ᠳᠤᠮᠳᠠ ᠪᠠᠷᠠᠭᠤᠨ ᠬᠡᠰᠡᠭ ᠲᠦ᠍ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠ ᠭᠡᠳ ᠮᠠᠰᠢ ᠶᠠᠭᠠᠷᠠᠯᠲᠠᠶ ᠪᠤᠯᠳᠠᠭ᠃
《ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯᠢ ᠪᠥᠬᠥ᠌ ᠣᠷᠣᠨᠤ ᠭᠤᠤᠯ ᠲᠠᠷᠢᠮᠠᠯᠤᠨ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠᠶ᠋ᠢᠨ ᠱᠠᠲᠤᠨᠳᠤ ᠤᠷᠤᠬᠰᠠᠨᠤ ᠰᠢᠨᠵᠢ ᠲᠡᠮᠳᠡᠭ ᠭᠡᠵᠦ᠍ ᠬᠡᠯᠡᠵᠦ ᠪᠣᠯᠤᠨᠠ》 ᠭᠡᠵᠦ ᠥᠪᠥᠷ ᠮᠣᠩᠭᠣᠯᠤᠨ ᠠᠮᠢ ᠠᠬᠤᠶ ᠬᠢᠭᠡᠳ ᠲᠠᠷᠢᠶᠠᠯᠠᠩᠤᠨ ᠴᠠᠭ ᠠᠭᠤᠷᠤᠨ ᠲᠥᠪᠦᠨ ᠳᠡᠭᠡᠳᠦ ᠵᠡᠷᠭᠡᠶ᠋ᠢᠨ ᠢᠨᠵᠧᠨᠧᠷ ᠦ᠋ ᠷᠦᠩ ᠱᠧᠩ ᠬᠡᠯᠡᠵᠦ ᠪᠠᠢᠯᠠ᠂ ᠵᠢᠯ ᠪᠦᠷᠢᠶ᠋ᠢᠨ 4 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢᠠᠴᠠ ᠡᠬᠢᠯᠡᠨ᠂ ᠪᠥᠬᠥ᠌ ᠣᠷᠣᠨᠳᠤ ᠪᠠᠷᠠᠭᠤᠨᠠᠴᠠ ᠵᠡᠭᠦᠨᠰᠢ ᠡᠷᠳᠡᠨᠢ ᠱᠢᠰᠢ ᠪᠠ ᠲᠥᠮᠥᠰᠥ ᠳᠠᠷᠢᠵᠤ ᠡᠬᠢᠯᠡᠨ ᠂ ᠮᠠᠨᠤ ᠣᠷᠣᠨᠤ ᠳᠤᠮᠳᠠ ᠪᠠᠷᠠᠭᠤᠨ ᠪᠡᠶᠠ ᠵᠢᠨ ᠭᠠᠵᠠᠷ ᠣᠷᠣᠨ ᠶᠡᠬᠡ ᠬᠡᠪᠴᠢᠶᠡᠪᠡᠷ ᠬᠠᠪᠤᠷᠤᠨ ᠳᠠᠷᠢᠶᠠᠯᠠᠭᠠ ᠵᠢᠨ ᠱᠠᠲᠤᠨᠳᠤ ᠣᠷᠤᠳᠠᠭ᠃
ᠡᠸ᠋ ᠷᠦᠩ ᠱᠧᠩᠤᠨ ᠬᠡᠯᠡᠬᠦ᠌ᠪᠡᠷ᠂ ᠡᠨᠡ ᠦᠶᠡᠳᠦ ᠪᠣᠷᠣᠲᠣᠬᠣᠶᠶ᠋ᠢᠨ ᠤᠰᠤᠯᠠᠯᠲᠠᠶ᠋ᠢᠨ ᠣᠷᠣᠨᠤ ᠪᠣᠭᠣᠳᠠᠶᠶ᠋ᠢᠨ ᠲᠠᠷᠢᠶᠠᠯᠠᠭᠠ ᠰᠢᠪᠲᠤᠷᠠᠭᠠᠨᠳᠠᠭᠠᠨ ᠤᠷᠤᠵᠤ᠂ ᠡᠷᠳᠡᠨᠢ ᠱᠢᠰᠢ ᠳᠠᠷᠢᠬᠤ ᠠᠵᠢᠯ ᠶᠠᠪᠤᠭᠳᠠᠨ᠂ ᠱᠢᠷᠠ ᠪᠤᠷᠴᠠᠭ᠂ ᠲᠥᠮᠥᠰᠥᠶ᠋ᠢ 4 ᠰᠠᠷᠠᠶ᠋ᠢᠨ ᠰᠡᠭᠦᠯᠴᠢᠡᠴᠡ 5 ᠰᠠᠷᠠᠶ᠋ᠢᠨ ᠡᠬᠢ ᠪᠣᠯᠲᠠᠯᠠ ᠳᠠᠷᠢᠨᠠ ᠭᠡᠨᠡ᠃
ᠲᠠᠷᠢᠶᠠᠯᠠᠭᠠ ᠵᠢᠨ ᠠᠵᠢᠯ ᠦᠷᠨᠢᠭᠦᠯᠬᠦᠳᠤ ᠠᠭᠤᠷ ᠠᠮᠢᠰᠭᠤᠯᠤᠨ ᠨᠥᠬᠥᠴᠡᠯ ᠲᠠᠷᠢᠮᠠᠯᠳᠤ ᠲᠣᠬᠢᠷᠠᠬᠤ ᠬᠡᠷᠡᠭᠲᠡᠢ ᠃
ᠥᠪᠥᠷ ᠮᠣᠩᠭᠣᠯᠤᠨ ᠠᠮᠢ ᠠᠬᠤᠶ ᠬᠢᠭᠡᠳ ᠲᠠᠷᠢᠶᠠᠯᠠᠩᠤᠨ ᠴᠠᠭ ᠠᠭᠤᠷᠤᠨ ᠲᠥᠪᠦᠨ ᠬᠢᠨᠠᠨ ᠬᠡᠮᠵᠢᠯᠲᠡᠶ᠋ᠢ ᠦᠨᠳᠦᠰᠦᠯᠡᠪᠡᠯ ᠂ ᠡᠨᠡ ᠵᠢᠯᠦᠨ 4 ᠰᠠᠷᠠᠶ᠋ᠢᠨ ᠡᠬᠢᠪᠡᠷ ᠂ ᠮᠠᠨᠤ ᠣᠷᠣᠨᠤ ᠲᠠᠷᠢᠶᠠᠯᠠᠩᠤᠨ ᠴᠠᠭ ᠠᠭᠤᠷᠤᠨ ᠨᠥᠬᠥᠴᠡᠯᠳᠦ 《ᠥᠨᠳᠥᠷ ᠳᠤᠯᠠᠭᠠᠨ ᠪᠣᠷᠣᠭᠠᠨ ᠪᠠᠭᠠ ᠂ ᠴᠢᠭᠢᠭᠦᠨ ᠪᠠᠢᠳᠠᠯ ᠨᠡᠯᠢᠶᠡᠳ ᠰᠠᠢᠨ》 ᠪᠠᠢᠬᠤ ᠣᠨᠴᠠᠯᠢᠭ ᠢᠯᠡᠷᠡᠵᠦ᠍ ᠂ ᠲᠠᠷᠢᠶᠠᠯᠠᠩ ᠦᠶ᠋ᠯᠡᠳᠪᠦᠷᠢᠯᠡᠯᠳᠦ ᠠᠱᠢᠭ᠍ᠲᠠᠶ᠃
ᠠᠷᠪᠠᠨ ᠡᠳᠦᠷᠦᠨ ᠳᠣᠲᠣᠷᠠ᠂ ᠮᠠᠨᠤ ᠣᠷᠣᠨᠤ ᠪᠣᠭᠣᠳᠠᠶ ᠳᠠᠷᠢᠬᠤ ᠠᠵᠢᠯ ᠪᠠᠷᠠᠭᠤᠨᠠᠴᠠ ᠵᠡᠭᠦᠨᠰᠢ ᠪᠥᠬᠥ᠌ ᠲᠠᠯᠠᠪᠠᠷ ᠡᠬᠢᠯᠡᠪᠡ᠃ ᠬᠠᠪᠤᠷᠤᠨ ᠪᠣᠭᠣᠳᠠᠶᠶ᠋ᠢ ᠪᠣᠷᠣᠲᠣᠬᠣᠶᠶ᠋ᠢᠨ ᠭᠠᠵᠠᠷ ᠣᠷᠣᠨᠳᠤ ᠨᠢᠭᠡᠨᠲᠡ ᠳᠠᠷᠢᠵᠤ ᠳᠠᠭᠤᠰᠭᠠᠵᠠᠢ᠂ ᠣᠷᠳᠣᠰ ᠬᠣᠲᠠ᠂ ᠪᠤᠭᠤᠲᠤ ᠬᠣᠲᠠ ᠪᠣᠯᠤᠨ ᠲᠦᠩᠯᠢᠶᠣᠤ ᠬᠣᠲᠠ ᠲᠣᠰ ᠲᠣᠰ 6.3 ᠲᠦᠮᠡᠨ ᠮᠥ᠍ ᠂ 0.96 ᠲᠦᠮᠡᠨ ᠮᠥ᠍ ᠪᠠ 5 ᠲᠦᠮᠡᠨ ᠮᠥ᠍ ᠳᠠᠷᠢᠵᠤ᠂ ᠪᠤᠰᠤᠳ ᠭᠠᠵᠠᠷ ᠣᠷᠣᠨᠳᠤ ᠬᠡᠰᠡᠭ ᠪᠤᠰᠠᠭᠢᠶᠠᠷ ᠳᠠᠷᠢᠬᠰᠠᠨ ᠪᠠᠢᠨᠠ᠃ ᠣᠳᠣᠬᠠᠨᠳᠤ ᠪᠣᠷᠣᠲᠣᠬᠣᠶ ᠣᠷᠣᠨᠤ ᠬᠠᠪᠤᠷᠤᠨ ᠪᠤᠭᠤᠳᠠᠶ ᠨᠢᠭᠡᠨᠲᠡ ᠴᠢᠬᠢᠯᠡᠬᠦ᠌ ᠬᠤᠭᠤᠴᠠᠭᠠᠨᠳᠠᠭᠠᠨ ᠣᠷᠣᠵᠠᠶ᠃ ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯᠤᠨ ᠳᠤᠮᠳᠠᠴᠢ ᠠᠭᠠᠷᠤᠨ ᠳᠤᠯᠠᠭᠠᠨ 10 ᠭᠷᠠᠳᠦ᠋ᠰᠡᠴᠡ ᠳᠡᠭᠡᠭ᠌ᠰᠢ ᠪᠠᠢᠵᠤ᠂ ᠡᠷᠳᠡᠨᠢ ᠱᠢᠰᠢ ᠪᠠ ᠲᠥᠮᠥᠰᠥ᠍ ᠳᠠᠷᠢᠬᠤᠳᠤ ᠮᠠᠰᠢ ᠲᠣᠬᠢᠷᠠᠮᠵᠢᠲᠠᠶ᠃
《ᠭᠡᠪᠡᠴᠦ᠍ ᠬᠠᠪᠤᠷ ᠲᠠᠭᠠᠨ ᠬᠦᠢᠲᠡᠷᠡᠬᠦ᠌ ᠪᠣᠯᠤᠮᠵᠢᠶ᠋ᠢ ᠦᠭᠡᠢᠰᠭᠡᠬᠦ᠌ᠶ᠋ᠢᠨ ᠠᠷᠭᠠ ᠦᠭᠡᠶ》 ᠭᠡᠵᠦ ᠡᠸ᠋ ᠷᠦᠩ ᠱᠧᠩ ᠬᠡᠯᠡᠵᠦ ᠪᠠᠢᠯᠠ᠂ ᠬᠦᠶ᠋ᠲᠡᠨ ᠴᠠᠭ ᠠᠭᠤᠷᠤᠨ ᠨᠦᠯᠦᠭᠡ ᠪᠡᠷ ᠠᠭᠠᠷᠤᠨ ᠳᠤᠯᠠᠭᠠᠨ ᠨᠡᠯᠢᠶᠡᠳ ᠪᠠᠭᠤᠷᠠᠪᠠᠯ᠂ ᠬᠠᠪᠤᠷᠤᠨ ᠲᠠᠷᠢᠶᠠᠯᠠᠭᠠ ᠵᠢ ᠨᠥᠯᠥᠭᠡᠯᠡᠨᠡ᠂ ᠳᠠᠬᠢᠭᠠᠳ ᠬᠠᠪᠤᠷ ᠬᠠᠷᠠ ᠰᠠᠯᠬᠢ ᠡᠯᠡᠰᠦᠨ ᠱᠢᠭᠤᠷᠭᠠᠲᠠᠶ ᠴᠠᠭ ᠠᠭᠤᠷ ᠨᠡᠯᠢᠶᠡᠳ ᠠᠷᠪᠢᠨ ᠢᠯᠡᠷᠡᠬᠦ ᠪᠣᠯᠬᠣᠷ ᠲᠣᠮᠣ ᠬᠡᠯᠪᠡᠷᠢᠶ᠋ᠢᠨ ᠮᠠᠰᠢᠨ ᠵᠢᠡᠷ ᠠᠵᠢᠯᠯᠠᠬᠤᠳᠤ ᠠᠱᠢᠭ ᠥᠬᠡᠶ᠃
ᠡᠬᠡ ᠪᠠᠢᠭᠠᠯᠢ ᠵᠢᠨ ᠰᠠᠢᠨ ᠰᠠᠢᠬᠠᠨᠢ ᠪᠠᠬᠠᠷᠬᠠᠨᠠ
ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯ ᠬᠦᠷᠴᠦ ᠢᠷᠡᠬᠦᠳᠤ᠂ ᠡᠮᠦᠨᠡᠲᠦ ᠣᠷᠣᠨᠳᠤ ᠤᠳᠠᠨ ᠤᠩᠭᠠᠷᠢᠯ ᠪᠠᠭᠤᠵᠤ᠂ ᠬᠥᠬᠥᠭᠡ ᠵᠢᠷᠭᠢᠨ᠂ ᠮᠠᠨᠳᠠᠷᠠᠸᠠ ᠴᠡᠴᠡᠭ ᠳᠡᠯᠭᠡᠷᠡᠭᠡᠳ᠂ ᠢᠩᠲᠣᠣᠷ ᠤᠯᠠᠢᠵᠤ ᠪᠣᠯᠪᠠᠰᠤᠷᠠᠨᠠ᠃ ᠡᠮᠦᠨᠡᠲᠦ ᠣᠷᠣᠨᠤ ᠵᠦᠢᠯ ᠪᠦᠷᠢ ᠵᠢᠨ ᠴᠡᠴᠡᠭ ᠦᠩᠭᠡ ᠢᠯᠭᠠᠷᠠᠨ ᠳᠡᠯᠭᠡᠷᠡᠬᠦ ᠦᠵᠡᠮᠵᠢ ᠯᠤᠭᠡ ᠬᠠᠷᠢᠴᠠᠭᠤᠯᠪᠠᠯ ᠤᠮᠠᠷᠠᠲᠤ ᠣᠷᠣᠨᠳᠤ ᠪᠠᠢᠭᠠ ᠥᠪᠥᠷ ᠮᠣᠩᠭᠣᠯ ᠬᠠᠷᠢᠨ ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯᠤᠨ ᠦᠶᠡᠳᠤ ᠦᠭᠡᠷᠡ ᠵᠦᠢᠯᠤᠨ ᠦᠩᠭᠡ ᠦᠵᠡᠮᠵᠢ ᠲᠠᠢ᠃ ᠲᠤᠭᠤᠷᠤᠨ ᠴᠡᠴᠡᠭ ᠶᠠᠭᠠᠨ ᠦᠩᠭᠡ ᠪᠠᠨ ᠭᠠᠢᠬᠠᠭᠤᠯᠬᠤᠳᠤ ᠬᠦᠶ᠋ᠯᠡᠰᠦᠨ ᠴᠡᠴᠡᠭ ᠴᠠᠭᠠᠨ ᠦᠩᠭᠡ ᠪᠡᠷ ᠮᠦᠴᠡᠭᠡᠷᠭᠡᠨᠡ᠂ ᠬᠣᠲᠠ ᠵᠡᠭᠡᠯᠢᠪᠡᠷ ᠴᠡᠴᠡᠭᠦᠨ ᠦᠨᠦᠷ ᠬᠠᠩᠬᠤᠯᠵᠤ ᠰᠡᠳᠬᠢᠯᠳᠤ ᠲᠠᠭᠠᠲᠡᠢ᠃
ᠵᠠᠭᠤ ᠮᠢᠩᠭᠠᠨ ᠵᠢᠯᠦᠨ ᠲᠤᠷᠰᠢ᠂ ᠡᠨᠡ ᠬᠦ᠌ ᠪᠠᠢᠭᠠᠯᠢ ᠡᠴᠡ ᠰᠣᠶᠣᠷᠬᠠᠭ᠍ᠰᠠᠨ ᠡᠯᠳᠡᠪ ᠵᠦᠶ᠋ᠯᠦᠨ ᠭᠣᠶᠣ ᠦᠵᠡᠮᠵᠢ ᠠᠩᠬᠢᠯᠦᠮᠠ ᠦᠨᠦᠷᠳᠦ᠍ ᠰᠤᠭᠲᠤᠭᠤᠷᠠᠬᠤᠳᠠᠭᠠᠨ ᠬᠥᠮᠦᠰ ᠪᠠᠢᠭᠠᠯᠢᠶ᠋ᠢ ᠭᠦᠨᠳᠦᠳᠭᠡᠨ᠂ ᠪᠠᠢᠭᠠᠯᠢᠳᠤ ᠲᠠᠯᠠᠷᠬᠠᠵᠠᠭᠠᠨᠠ᠂ ᠲᠡᠭᠡᠬᠦᠳᠡᠭᠡᠨ ᠪᠠᠢᠭᠠᠯᠢᠶ᠋ᠢᠨ ᠵᠢᠮᠠ ᠶᠤᠰᠤ ᠵᠢ ᠳᠠᠭᠠᠭᠰᠠᠨ ᠠᠮᠢᠳᠤᠷᠠᠯᠤᠨ ᠠᠢᠵᠠᠮᠳᠤ ᠪᠠᠶᠠᠯᠢᠭ ᠰᠠᠢᠬᠠᠨ ᠦᠶ᠋ᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯᠤᠨ ᠵᠠᠩ ᠦᠢᠯᠡ ᠵᠢ ᠪᠦᠷᠢᠯᠳᠦᠭᠦᠯᠦᠭᠰᠡᠨ ᠪᠠᠢᠨᠠ᠃
ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯ ᠪᠤᠯᠪᠠᠯ ᠵᠢᠭᠠᠰᠤᠴᠢᠳ ᠲᠡᠯᠡᠶᠶ᠋ᠢᠨ ᠲᠠᠬᠢᠯᠭᠠ ᠬᠢᠵᠦ᠍ ᠂ ᠲᠡᠯᠡᠶᠶ᠋ᠢᠨ ᠰᠠᠬᠢᠭᠤᠯᠰᠤᠨᠳᠤ ᠠᠮᠤᠷ ᠲᠦᠪᠰᠢᠨᠵᠢᠡᠨ ᠳᠠᠭᠠᠳᠭᠠᠳᠠᠭ; ᠴᠠᠶᠶ᠋ᠢᠨ ᠲᠠᠷᠢᠶᠠᠴᠢᠳ 《ᠬᠤᠷᠠ ᠤᠰᠤ ᠵᠢᠨ ᠴᠠᠶ》 ᠲᠡᠭᠦᠵᠦ᠍᠂ ᠭᠠᠶ ᠪᠠᠷᠴᠢᠳᠵᠢᠡᠨ ᠠᠷᠢᠯᠭᠠᠨ᠂ ᠬᠠᠯᠠᠭᠤᠨᠢ ᠲᠠᠭᠤᠵᠤ ᠨᠢᠳᠦ᠍ᠪᠠᠨ ᠲᠤᠩᠭᠠᠯᠠᠭᠰᠢᠭᠤᠯᠬᠤ ᠵᠢ ᠵᠤᠷᠢᠳᠠᠭ; ᠡᠨᠡ ᠦᠶᠡᠳᠤ ᠤᠮᠠᠷᠠᠲᠤ ᠣᠷᠣᠨᠳᠤ ᠶᠠᠭ ᠰᠠᠢᠬᠠᠨ ᠦᠨᠦᠷᠲᠦ ᠨᠢᠴᠦᠭᠦᠨ ᠬᠣᠪᠣᠯᠣ ᠢᠳᠡᠬᠦ᠌ ᠴᠠᠭ ᠦᠶᠡ ᠪᠤᠯᠳᠠᠭ; ᠮᠠᠨᠳᠠᠷᠠᠸᠠ ᠴᠡᠴᠡᠭ ᠬᠤᠷᠠ ᠤᠰᠤ ᠵᠢᠨ ᠤᠷᠢᠳ ᠬᠣᠵᠢᠳᠢᠶᠠᠷ ᠳᠡᠯᠭᠡᠷᠡᠬᠦ ᠪᠤᠯᠬᠤᠷ ᠪᠠᠰᠠ ᠬᠤᠷᠠ ᠤᠰᠤ ᠴᠡᠴᠡᠭ ᠭᠡᠳᠡᠭ᠃ ᠬᠤᠷᠠ ᠤᠰᠤ ᠵᠢᠨ ᠦᠶᠡᠳᠤ ᠮᠠᠨᠳᠠᠷᠠᠸᠠ ᠴᠡᠴᠡᠭ ᠰᠣᠨᠢᠷᠬᠠᠬᠤ ᠨᠢ ᠱᠠᠨᠳᠦ᠋ᠩ᠂ ᠾᠧᠨᠠᠨ᠂ ᠰᠸᠴᠤᠸᠠᠨ ᠵᠡᠷᠭᠡ ᠭᠠᠵᠠᠷᠤᠨ ᠬᠥᠮᠦᠰᠦᠨ ᠰᠡᠯᠡᠭᠦᠦ ᠦᠶᠡᠶ᠋ᠢᠨ ᠴᠢᠬᠤᠯᠠ ᠵᠤᠭᠠ ᠴᠡᠩᠭᠡᠯ ᠪᠣᠯᠤᠨᠠ᠃
ᠥᠪᠥᠷ ᠮᠣᠩᠭᠣᠯᠳᠤ ᠬᠤᠷᠠ ᠤᠰᠤ ᠵᠢᠨ ᠦᠶᠡᠰ ᠮᠠᠨᠳᠠᠷᠠᠸᠠ ᠴᠡᠴᠡᠭ ᠥᠬᠡᠶ ᠪᠣᠯᠪᠠᠴᠤ᠌ ᠲᠤᠭᠤᠷᠤᠨ ᠴᠡᠴᠡᠭ ᠬᠦᠶ᠋ᠯᠡᠰᠦᠨ ᠴᠡᠴᠡᠭ ᠦᠩᠭᠡ ᠢᠯᠭᠠᠷᠠᠭᠠᠳ᠂ ᠠᠩᠬᠢᠯᠤᠮᠠ ᠦᠨᠦᠷ ᠵᠢᠡᠨ ᠭᠠᠵᠠᠷ ᠰᠠᠢ ᠦᠭᠡᠢ ᠰᠡᠩᠬᠢᠨᠡᠭᠦᠯᠦᠨᠡ᠃
ᠬᠥᠬᠡᠬᠣᠲᠠᠶ᠋ᠢᠨ ᠲᠦᠮᠡᠳ ᠵᠡᠭᠦᠨ ᠬᠣᠱᠢᠭᠤᠨᠤ ᠴᠠᠭᠠᠰᠤᠴᠢ ᠪᠠᠯᠭᠠᠰᠤᠨᠤ ᠬᠥ᠋ᠴᠧᠩ ᠲᠣᠰᠭᠣᠨᠤ ᠬᠤᠷᠠ ᠤᠰᠤ ᠵᠢᠨ ᠤᠷᠢᠳ ᠬᠣᠵᠢᠳᠢᠶᠠᠷ ᠳᠡᠯᠭᠡᠷᠡᠬᠦ ᠦᠩᠭᠡ ᠵᠢᠨ ᠴᠡᠴᠡᠭᠤᠨ ᠦᠵᠡᠮᠵᠢ ᠨᠢ ᠬᠤᠯᠠ ᠤᠢᠷᠠᠳᠠᠭᠠᠨ ᠠᠯᠳᠠᠷᠰᠢᠵᠠᠢ᠃ ᠲᠤᠰ ᠲᠤᠰᠬᠤᠨ ᠨᠢᠳᠤᠨᠤᠨ ᠠᠩᠬᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠲᠤᠭᠤᠷᠤᠨ ᠴᠡᠴᠡᠭ ᠭᠦᠢᠯᠡᠰᠦᠨ ᠴᠡᠴᠡᠭᠦᠨ ᠵᠢᠭᠤᠯᠴᠢᠯᠠᠯᠤᠨ ᠨᠠᠢᠷ ᠡᠷᠬᠢᠯᠡᠭ᠌ᠰᠡᠨ ᠰᠠᠭᠤᠷᠢᠨ ᠳᠡᠭᠡᠷᠡ᠂ ᠡᠨᠡ ᠵᠢᠯᠦᠨ 4 ᠰᠠᠷᠠᠶ᠋ᠢᠨ 12 ᠤ᠋ᠨ ᠡᠳᠦᠷ ᠬᠣᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨᠤ ᠰᠣᠶᠣᠯᠤᠨ ᠨᠠᠢᠷ ᠲᠣᠭ᠍ᠲᠠᠭ᠍ᠰᠠᠨ ᠬᠤᠭᠤᠴᠠᠭᠠᠨᠳᠠᠭᠠᠨ ᠶᠠᠪᠤᠭ᠍ᠳᠠᠭᠠᠳ 10 ᠡᠳᠦᠷ ᠦᠷᠭᠦᠯᠵᠢᠯᠡᠵᠡᠢ᠃
ᠬᠥ᠋ᠴᠧᠩ ᠲᠣᠰᠭᠣᠨᠳᠤ ᠲᠣᠭᠣᠷᠤᠨ ᠮᠣᠳᠣ᠂ ᠬᠦᠶ᠋ᠯᠡᠰᠦᠨ ᠮᠣᠳᠣ᠂ ᠤᠯᠠᠭᠠᠨ ᠬᠦᠢᠯᠡᠰᠦᠨ ᠮᠣᠳᠣ 4000 ᠭᠠᠷᠤᠶ ᠰᠠᠭᠤᠷᠢ ᠪᠠᠢᠵᠤ᠂ ᠵᠠᠭᠤ ᠭᠠᠷᠤᠶ ᠮᠥ᠍ ᠡᠵᠡᠯᠡᠨ᠂ ᠠᠢᠯ ᠡᠷᠦᠬᠡ ᠪᠤᠯᠭᠠᠨ ᠬᠡᠷ ᠪᠠᠢᠱᠢᠩᠤᠨᠢᠶᠠᠨ ᠡᠮᠦᠨᠡ ᠬᠣᠢᠨᠠ ᠡᠯᠡ ᠵᠦᠶ᠋ᠯᠦᠨ ᠵᠢᠮᠢᠰᠦᠨ ᠮᠣᠳᠣ ᠵᠢ ᠳᠦᠭᠦᠷᠲᠡᠯᠡ ᠳᠠᠷᠢᠵᠤ᠂ ᠬᠣᠯᠠᠠᠴᠠ ᠬᠠᠷᠠᠬᠤᠳᠤ ᠠᠢᠯ ᠡᠷᠦᠬᠡ ᠪᠣᠯᠭᠠᠨ ᠬᠤᠸᠠᠷ ᠴᠡᠴᠡᠭᠦᠨ ᠥᠷᠥᠭᠡ ᠱᠢᠭ ᠭᠣᠶᠣ ᠦᠵᠡᠮᠦᠷᠢ ᠲᠠᠢ ᠬᠠᠷᠠᠭᠳᠠᠨᠠ᠃ ᠵᠢᠯ ᠪᠦᠷᠢᠶ᠋ᠢᠨ 4 ᠰᠠᠷᠠᠶ᠋ᠢᠨ ᠳᠤᠮᠳᠠᠴᠢᠪᠠᠷ ᠭᠦᠴᠸᠩ ᠲᠣᠰᠭᠣᠨᠤ ᠲᠤᠭᠤᠷᠤᠨ ᠮᠤᠳᠤ᠂ ᠬᠦᠢᠯᠡᠰᠦᠨ ᠮᠤᠳᠤ᠂ ᠤᠯᠠᠭᠠᠨ ᠭᠦᠢᠯᠡᠰᠦᠨ ᠮᠤᠳᠤ ᠤᠷᠢᠳ ᠬᠤᠵᠢᠳ ᠪᠠᠳᠠᠷᠠᠨ ᠳᠡᠯᠭᠡᠷᠡᠵᠦ᠍᠂ ᠲᠣᠰᠭᠣᠨᠤ ᠳᠤᠮᠳᠠ ᠠᠩᠬᠢᠯᠤᠮᠠ ᠦᠨᠦᠷ ᠰᠡᠩᠬᠢᠨᠡᠨ᠂ ᠰᠡᠳᠬᠢᠯ ᠪᠠᠶᠠᠰᠬᠠᠨ ᠤᠷᠮᠡ ᠵᠢ ᠰᠡᠷᠭᠦᠭᠡᠨᠡ᠃ ᠡᠨᠡ ᠦᠶᠡᠳᠤ ᠭᠦᠴᠸᠩ ᠲᠣᠰᠭᠣᠨ ᠴᠡᠴᠡᠭᠡᠰᠦᠨ ᠶᠢᠷᠲᠢᠨᠴᠦ᠍ ᠪᠣᠯᠵᠣ᠂ ᠮᠠᠰᠢ ᠣᠯᠠᠨ ᠬᠡᠷᠡᠯ ᠵᠢᠷᠤᠭᠤᠨ ᠪᠠᠬᠠᠲᠠᠳ᠂ ᠵᠢᠭᠤᠯᠴᠢᠯᠠᠭᠴᠢᠳᠤᠨ ᠪᠠᠬᠠᠷᠬᠠᠯᠢ ᠲᠠᠲᠠᠳᠠᠭ᠃
ᠬᠤᠷᠠ ᠤᠰᠤ ᠵᠢᠨ ᠴᠠᠭ ᠤᠯᠠᠷᠢᠯᠤᠨ ᠦᠶᠡᠳᠤ ᠬᠥᠬᠡᠬᠣᠲᠠ ᠵᠢᠨ ᠵᠡᠭᠡᠯᠢ ᠭᠤᠳᠤᠮᠵᠢ ᠪᠡᠷ ᠲᠤᠭᠤᠷᠤᠨ ᠴᠡᠴᠡᠭᠪᠠᠳᠠᠷᠠᠨ ᠳᠡᠯᠭᠡᠷᠡᠭᠡᠳ ᠬᠠᠷᠠᠭᠠ ᠪᠠᠶᠠᠰᠬᠠᠨᠠ᠃ ᠲᠤᠭᠤᠷᠤᠨ ᠣᠢ᠂ ᠭᠦᠢᠯᠡᠰᠦᠨ ᠣᠢ ᠲᠣᠭᠠᠯᠠᠰᠢ ᠦᠭᠡᠢ ᠣᠯᠠᠨ ᠪᠠᠢᠵᠤ᠂ ᠦᠪᠡᠷ ᠦᠪᠡᠷᠤᠨ ᠦᠩᠭᠡ ᠦᠵᠡᠮᠵᠢ ᠪᠠᠨ ᠭᠠᠢᠬᠠᠭᠤᠯᠤᠨᠠ᠂ ᠭᠦᠩᠵᠦ᠍ᠶ᠋ᠢᠨ ᠣᠷᠳᠣᠨᠤ ᠴᠡᠴᠡᠷᠯᠢᠭᠤᠨ ᠲᠤᠭᠤᠷᠤᠨ ᠴᠡᠴᠡᠭ᠂ ᠮᠠᠨᠳᠤᠬᠠᠢ ᠴᠡᠴᠡᠷᠯᠢᠭᠤᠨ ᠲᠤᠭᠤᠷᠤᠨ ᠴᠡᠴᠡᠭ᠂ ᠬᠥᠬᠡᠬᠣᠲᠠ ᠴᠡᠴᠡᠷᠯᠢᠭᠤᠨ ᠲᠤᠭᠤᠷᠤᠨ ᠴᠡᠴᠡᠭ᠂ ᠥᠪᠥᠷ ᠮᠣᠩᠭᠣᠯᠤᠨ ᠪᠠᠭ᠍ᠰᠢᠶ᠋ᠢᠨ ᠶᠡᠬᠡ ᠰᠤᠷᠭᠠᠭᠤᠯᠢ (ᠱᠧᠩ ᠯᠧ ᠰᠤᠷᠭᠠᠭᠤᠯᠢᠶ᠋ᠢᠨ ᠲᠣᠭᠣᠷᠢᠭ) ᠶ᠋ᠢᠨ ᠲᠤᠭᠤᠷᠤᠨ ᠴᠡᠴᠡᠭ᠂ ᠤᠰᠤᠲᠤᠶ᠋ᠢᠨ ᠭᠦᠢᠯᠡᠰᠦᠨ ᠴᠡᠴᠡᠭ ᠁ᠤᠳ ᠮᠦᠴᠡᠭᠡᠷᠭᠡᠨ ᠳᠡᠯᠭᠡᠷᠡᠨᠡ᠃ ᠲᠤᠭᠤᠷᠤᠨ ᠴᠡᠴᠡᠭ᠂ ᠭᠦᠢᠯᠡᠰᠦᠨ ᠴᠡᠴᠡᠭᠤᠨ ᠮᠢᠷᠠᠯᠵᠠᠭᠠᠨᠳᠤ ᠬᠦᠮᠦᠰ ᠨᠠᠭᠠᠳᠤᠨ ᠵᠤᠭᠠᠯᠠᠨᠠ᠂ ᠭᠡᠷᠡᠯ ᠵᠢᠷᠤᠭ ᠰᠡᠭᠦᠳᠡᠷᠯᠡᠨᠡ᠂ ᠬᠡᠭᠡᠷᠡ ᠬᠣᠭᠣᠯᠠᠯᠠᠨᠡ᠂ ᠵᠢᠷᠤᠭ ᠵᠢᠷᠤᠨᠠ᠂ ᠨᠣᠮ ᠤᠩᠱᠢᠨᠡ ᠁ ᠬᠦᠮᠦᠰ ᠢᠩᠬᠢᠵᠦ ᠬᠠᠪᠤᠷᠤᠨ ᠬᠠᠮᠤᠭᠤᠨ ᠭᠤᠶᠤ ᠠᠮᠢᠯᠠᠯ ᠬᠥᠭ᠌ᠵᠢᠯᠳᠤ ᠵᠢᠷᠭᠠᠨ ᠰᠤᠭᠲᠤᠭᠤᠷᠠᠵᠠᠭᠠᠨᠠ᠃
《ᠵᠠᠩ ᠦᠢᠯᠡ ᠪᠣᠯ ᠤᠳᠠᠭᠠᠨ ᠡᠳᠦᠷ ᠵᠤᠵᠠᠭᠠᠨ ᠬᠣᠨᠣᠭ ᠲᠦ᠍ ᠠᠶᠠᠠᠳᠠᠭᠠᠨ ᠪᠦᠷᠢᠯᠳᠦᠭ᠌ᠰᠡᠨ ᠪᠠᠢᠳᠠᠭ᠃ ᠬᠤᠷᠠ ᠤᠰᠤ ᠵᠢᠨ ᠤᠷᠢᠳ ᠬᠤᠵᠢᠳ ᠵᠢᠡᠷ ᠲᠤᠭᠤᠷᠤᠨ ᠴᠡᠴᠡᠭ ᠂ ᠭᠦᠢᠯᠡᠰᠦᠨ ᠴᠡᠴᠡᠭ ᠰᠣᠨᠢᠷᠬᠠᠬᠤ ᠨᠢ ᠬᠥᠬᠡᠬᠣᠲᠠᠶ᠋ᠢᠨ ᠬᠥᠮᠦᠰᠦᠨ ᠰᠡᠯᠡᠭᠦᠦ ᠦᠶᠡᠶ᠋ᠢᠨ ᠬᠠᠮᠤᠭᠤᠨ ᠴᠢᠬᠤᠯᠠ ᠵᠤᠭᠠ ᠴᠡᠩᠭᠡᠯ ᠪᠣᠯᠵᠠᠶ》ᠭᠡᠵᠦ᠍ ᠬᠥᠬᠡᠬᠣᠲᠠᠶ᠋ᠢᠨ ᠱᠢᠨᠡ ᠬᠤᠳᠠ ᠲᠣᠭᠣᠷᠢᠭᠤᠨ ᠵᠣᠬᠢᠶᠠᠯᠴᠢᠳᠤᠨ ᠡᠪᠯᠡᠯᠦᠨ ᠵᠥᠪᠯᠡᠭ᠌ᠴᠢ ᠭᠤᠤᠶ᠋ᠢᠨ ᠬᠦᠢ ᠶᠠᠷᠢᠨᠠ᠃
ᠰᠡᠳᠬᠢᠯ ᠰᠠᠨᠠᠭᠠ ᠪᠡᠨ ᠲᠠᠢᠪᠤᠩ ᠪᠠᠢᠯᠭᠠᠵᠤ ᠠᠭᠤᠷ ᠤᠴᠠᠭᠠᠷ ᠵᠢᠠᠨ ᠲᠠᠷᠤᠨᠠ
ᠲᠩᠷᠢ ᠭᠠᠵᠠᠷ ᠪᠤᠯ ᠶᠡᠬᠡ ᠣᠷᠴᠢᠯᠠᠩ᠂ ᠬᠥᠮᠦᠨᠦ ᠪᠡᠶᠡᠪᠤᠯ ᠵᠢᠵᠢᠭ ᠣᠷᠴᠢᠯᠠᠩ ᠪᠤᠯᠬᠤ ᠶᠤᠮ᠃
ᠵᠠᠭᠤ ᠮᠢᠩᠭᠠᠨ ᠵᠢᠯᠦᠨ ᠲᠤᠷᠰᠢ ᠡᠬᠡ ᠪᠠᠢᠭᠠᠯᠢᠯᠤᠭᠠ ᠡᠶᠡ ᠵᠣᠬᠢᠴᠠᠩᠭᠤᠢᠬᠠᠮᠲᠤ ᠣᠷᠣᠱᠢᠬᠤ ᠶᠠᠪᠤᠴᠠᠳᠤ ᠡᠷᠲᠡᠨᠦ ᠬᠥᠮᠦᠰ ᠲᠦᠷᠪᠡᠨ ᠤᠯᠠᠷᠢᠯᠤᠨ ᠠᠭᠤᠷ ᠠᠮᠢᠰᠭᠤᠯᠤᠨ ᠬᠤᠪᠢᠷᠠᠯᠲᠠ ᠪᠣᠯᠤᠨ ᠬᠥᠮᠦᠨᠦ ᠪᠡᠶᠡ ᠤᠶᠤᠨ ᠰᠠᠨᠠᠭᠠᠨᠤ ᠬᠦᠳᠡᠯᠭᠡᠭᠡᠨᠳᠤ ᠦᠵᠡᠭᠦᠯᠬᠦ ᠨᠥᠯᠥᠭᠡᠶ᠋ᠢ ᠳ᠋ᠦᠩᠨᠡᠨ ᠭᠠᠷᠭᠠᠪᠠ᠃ 《ᠬᠤᠸᠠᠩᠳᠢᠶ᠋ᠢᠨ ᠳᠣᠲᠣᠭᠠᠳᠤ ᠰᠤᠳᠤᠷᠤᠨ ᠦᠨᠳᠦᠰᠦᠨ ᠠᠰᠠᠭᠤᠯᠲᠠ ᠱᠢᠭᠤᠳ ᠲᠠᠢᠯᠪᠤᠷᠢ》ᠳ᠋ᠦ᠂ ᠳᠥᠷᠪᠡᠨ ᠤᠯᠠᠷᠢᠯ ᠵᠢᠪᠬᠤᠭᠠ ᠲᠠᠮᠢᠷᠢ ᠵᠤᠬᠢᠴᠠᠭᠤᠯᠤᠨᠠ᠂ ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠳᠥᠷᠪᠡᠨ ᠤᠯᠠᠷᠢᠯᠢ ᠳᠠᠭᠠᠵᠤ ᠡᠯᠢᠭᠡ᠂ ᠵᠢᠷᠦᠬᠡ᠂ ᠳᠡᠯᠢᠭᠦᠦ᠂ ᠠᠭᠤᠰᠭᠢ᠂ ᠪᠥᠭᠡᠷᠡ ᠲᠠᠪᠤᠨ ᠴᠤᠯᠤᠶ᠋ᠢᠨ ᠪᠠᠢᠳᠠᠯᠢ ᠳᠤᠬᠢᠷᠠᠭᠤᠯᠳᠠᠭ ᠭᠡᠵᠦ ᠪᠤᠢ᠃
ᠥᠪᠥᠷ ᠮᠣᠩᠭᠣᠯᠤᠨ ᠱᠢᠮᠡ ᠲᠡᠵᠢᠭᠡᠯ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠬᠠᠮᠢᠶᠠᠷᠤᠯᠲᠠᠶ᠋ᠢᠨ ᠨᠡᠢᠭᠡᠮᠯᠢᠭᠦᠨ ᠳᠡᠳ᠋ ᠳᠠᠷᠤᠭᠠ᠂ ᠤᠯᠤᠰᠤᠨ ᠣᠯᠠᠨ ᠨᠡᠢᠲᠡᠶ᠋ᠢᠨ ᠱᠢᠮᠡ ᠲᠡᠵᠢᠭᠡᠯᠦᠨ ᠮᠡᠷᠭᠡᠵᠢᠯᠲᠡᠨ ᠱᠢᠩ ᠶᠠᠨ ᠴᠦᠨᠤ ᠬᠡᠯᠡᠬᠦ᠌ᠪᠡᠷ᠂ 《ᠳᠥᠷᠪᠡᠨ ᠤᠯᠠᠷᠢᠯ》 ᠭᠡᠳᠡᠭ ᠨᠢ ᠳᠠᠷᠤᠶ ᠬᠠᠪᠤᠷ᠂ ᠵᠤᠨ᠂ ᠨᠠᠮᠤᠷ᠂ ᠡᠪᠦᠯ ᠳᠥᠷᠪᠡᠨ ᠤᠯᠠᠷᠢᠯᠤᠨ ᠠᠭᠤᠷ ᠠᠮᠢᠰᠭᠤᠯ ᠪᠣᠯᠤᠨᠠ; 《ᠵᠢᠪᠬᠤᠭᠠ》 ᠭᠡᠳᠡᠭ ᠨᠢ ᠬᠥᠮᠦᠰᠦᠨ ᠤᠶᠤᠨ ᠰᠠᠨᠠᠭᠠ ᠵᠣᠷᠢᠭ ᠰᠠᠨᠠᠭᠠᠶ᠋ᠢ ᠵᠢᠭᠠᠵᠤ ᠪᠠᠢᠨᠠ᠃ ᠳᠥᠷᠪᠡᠨ ᠤᠯᠠᠷᠢᠯᠤᠨ ᠠᠭᠤᠷ ᠠᠮᠢᠰᠭᠤᠯᠤᠨ ᠬᠤᠪᠢᠷᠠᠯᠲᠠ ᠪᠣᠯ ᠭᠠᠳᠠᠭᠠᠳᠤ ᠣᠷᠴᠢᠨ ᠲᠣᠭᠣᠷᠢᠨᠤ ᠭᠤᠤᠯ ᠲᠠᠯᠠ ᠪᠣᠯᠤᠨᠠ; ᠣᠶᠤᠨ ᠰᠠᠨᠠᠭᠠᠨᠤ ᠬᠥᠳᠡᠯᠭᠡᠭᠡᠨ ᠪᠣᠯ ᠬᠥᠮᠦᠨᠦ ᠪᠡᠶᠡ ᠵᠢᠨ ᠳᠣᠲᠣᠷ ᠴᠤᠯᠤ ᠬᠡᠢᠶ᠋ᠢᠨ ᠬᠥᠳᠡᠯᠭᠡᠭᠡᠨᠦ ᠵᠠᠬᠢᠷᠤᠭᠴᠢ ᠮᠥᠨ᠂ ᠵᠥᠪᠬᠡᠨ ᠳᠣᠲᠣᠷ ᠴᠤᠯᠤ ᠬᠡᠢ ᠪᠣᠯᠤᠨ ᠭᠠᠳᠠᠭᠠᠳᠤ ᠣᠷᠴᠢᠨᠢ ᠨᠢᠭᠡᠳᠦᠯᠲᠡᠶ ᠵᠣᠬᠢᠴᠠᠭᠤᠯᠪᠠᠯ ᠰᠠᠶᠢ ᠪᠡᠶᠡ ᠮᠠᠬᠠᠪᠣᠳᠤᠨ ᠡᠷᠡᠭᠦᠯ ᠮᠡᠨᠳᠦ ᠵᠢ ᠪᠠᠲᠤᠯᠠᠵᠤ ᠴᠢᠳᠠᠨᠠ ᠭᠡᠨᠡ᠃
《ᠬᠤᠷᠠ ᠤᠰᠤ ᠵᠢᠨ ᠳᠠᠷᠠᠭᠠ ᠬᠤᠷᠠ ᠲᠤᠨᠳᠠᠰᠤ ᠨᠡᠮᠡᠭ᠌ᠳᠡᠵᠦ᠍᠂ ᠠᠭᠠᠷᠤᠨ ᠴᠢᠭᠢᠭᠦᠨ ᠬᠡᠮᠵᠢᠶᠡ ᠠᠭᠠᠵᠢᠮᠢᠶᠠᠷ ᠨᠡᠮᠡᠭ᠌ᠳᠡᠨᠡ᠂〈ᠬᠤᠸᠠᠩᠳᠢᠶ᠋ᠢᠨ ᠲᠤᠳᠤᠭᠠᠳᠤ ᠰᠤᠳᠤᠷ〉ᠢ᠋ ᠦᠨᠳᠦᠰᠦᠯᠡᠪᠡᠯ᠂ ᠡᠨᠡ ᠦᠶᠡᠳᠦ ᠪᠡᠶᠡ ᠰᠤᠪᠢᠯᠠᠬᠤᠳᠤ ᠭᠤᠤᠯᠳᠠᠭᠤ ᠬᠠᠯᠠᠭᠤᠨ ᠭᠦᠢᠲᠡᠨ ᠵᠢᠡᠨ ᠲᠡᠭᠰᠢᠯᠡᠨ᠂ ᠡᠯᠢᠭᠡᠪᠠᠨ ᠲᠦᠯᠵᠢᠭᠦᠯᠵᠦ᠂ ᠳᠡᠯᠢᠭᠦᠦ᠍ᠪᠠᠨ ᠲᠡᠮᠢᠷᠵᠢᠭᠤᠯᠤᠨᠠ᠃ ᠡᠭᠦᠨᠦ ᠬᠠᠮᠲᠤ ᠬᠠᠪᠤᠷ ᠤᠨ ᠤᠯᠠᠷᠢᠯ ᠳ᠋ᠦ ᠴᠡᠴᠡᠭᠦᠨ ᠲᠣᠭᠣᠰᠣ ᠪᠣᠯᠤᠨ ᠤᠩᠭᠠᠷᠢᠯ ᠬᠡᠢᠰᠭᠦᠪᠤᠯᠬᠤᠷ ᠬᠠᠷᠰᠢᠬᠤ ᠡᠴᠡ ᠰᠡᠷᠭᠡᠢᠯᠡᠬᠦ᠌ ᠬᠡᠷᠡᠭ᠌ᠲᠡᠶ》 ᠭᠡᠵᠦ᠍ ᠱᠢᠩ ᠶᠠᠨ ᠴᠦᠨ ᠬᠡᠯᠡᠵᠦ ᠪᠠᠢᠯᠠ᠃
ᠱᠢᠩ ᠶᠠᠨ ᠴᠦᠨᠦ ᠦᠵᠡᠬᠦ᠌ᠪᠡᠷ᠂ ᠬᠤᠷᠠ ᠤᠰᠤ ᠵᠢᠨ ᠦᠶᠡᠰ ᠪᠡᠶᠡ ᠰᠤᠪᠢᠯᠠᠬᠤᠳᠤ ᠣᠶᠤᠨ ᠰᠠᠨᠠᠭᠠ ᠪᠠᠨ ᠳᠤᠬᠢᠷᠠᠭᠤᠯᠤᠨ ᠰᠤᠪᠢᠯᠠᠬᠤ᠂ ᠤᠨᠲᠠᠵᠤ ᠠᠮᠠᠷᠠᠬᠤ ᠪᠠᠨ ᠳᠤᠬᠢᠷᠠᠭᠤᠯᠤᠨ ᠰᠤᠪᠢᠯᠠᠬᠤ᠂ ᠢᠳᠡᠭᠡᠨ ᠤᠮᠳᠠᠭᠠᠨ ᠵᠢᠡᠨ ᠳᠤᠬᠢᠷᠠᠭᠤᠯᠤᠨ ᠰᠤᠪᠢᠯᠠᠬᠤ ᠵᠡᠷᠭᠡ ᠭᠤᠷᠪᠠᠨ ᠲᠠᠯᠠᠪᠡᠷ ᠭᠠᠷᠳᠠᠵᠤ ᠬᠢᠪᠡᠯ ᠵᠤᠬᠢᠨᠠ ᠭᠡᠨᠡ᠃
ᠲᠡᠭᠦᠨᠤ ᠬᠡᠯᠡᠭᠦ ᠪᠡᠷ᠂ ᠬᠠᠪᠤᠷᠤᠨ ᠤᠯᠠᠷᠢᠯ ᠪᠤᠯ ᠲᠠᠪᠤᠨ ᠮᠠᠬᠠᠪᠤᠳᠤᠨ ᠮᠣᠳᠣᠨᠳᠤ ᠬᠠᠷᠢᠶᠠᠯᠠᠭᠳᠠᠵᠤ᠂ ᠡᠯᠢᠭᠡᠲᠡᠶ ᠲᠣᠬᠢᠷᠠᠯᠴᠠᠨᠠ᠃ ᠡᠢᠮᠦ᠍ᠡᠴᠡ ᠬᠠᠪᠤᠷ ᠪᠡᠶᠡ ᠰᠤᠪᠢᠯᠠᠬᠤᠳᠤ ᠠᠭᠤᠷᠯᠠᠵᠤ ᠬᠢᠯᠢᠩᠨᠡᠬᠦ᠌ᠶ᠋ᠢ ᠴᠡᠭᠡᠷᠯᠡᠬᠦ᠌ᠪᠡᠷ ᠪᠠᠷᠠᠬᠤ ᠥᠬᠡᠶ᠂ ᠨᠠᠩ ᠴᠤ᠌ ᠰᠡᠳᠭᠢᠯ ᠰᠠᠨᠠᠭᠠ ᠪᠤᠬᠢᠨᠢᠳᠤᠬᠤᠶ᠋ᠢ ᠴᠡᠭᠡᠷᠯᠡᠨᠡ᠂ ᠰᠡᠳᠭᠢᠯ ᠰᠠᠨᠠᠭᠠ ᠠᠭᠤᠵᠢᠭᠤ ᠲᠠᠯᠪᠢᠭᠤ᠂ ᠪᠠᠶᠠᠰᠤᠩᠭᠤᠶ ᠪᠠᠢᠵᠤ᠂ ᠦᠷᠭᠦᠯᠵᠢ ᠬᠡᠭᠡᠷᠡ ᠭᠠᠳᠠᠭᠠ ᠶᠠᠪᠤᠵᠤ᠂ ᠰᠡᠳᠬᠢᠯ ᠰᠠᠨᠠᠭᠠ ᠪᠠᠨ ᠠᠮᠤᠷᠵᠢᠭᠤᠯᠪᠠᠯ ᠰᠠᠢᠨ᠂ ᠥᠪᠡᠷᠦᠨ ᠣᠶᠤᠨ ᠰᠠᠨᠠᠭᠠ ᠤᠷᠮᠠ ᠰᠡᠳᠬᠢᠯ ᠵᠢᠡᠨ ᠬᠠᠪᠤᠷᠤᠨ ᠤᠯᠠᠷᠢᠯᠤᠨ ᠡᠬᠡ ᠪᠠᠢᠭᠠᠯᠢᠲᠠᠶ ᠵᠣᠬᠢᠴᠠᠭᠤᠯᠵᠤ᠂ ᠤᠷᠮᠠ ᠵᠤᠷᠢᠬ ᠵᠢᠡᠨ ᠳᠠᠢᠴᠢᠯᠠᠨ᠂ ᠴᠤᠭ ᠵᠢᠪᠬᠤᠭᠠ ᠲᠠᠢ ᠪᠠᠢᠪᠠᠯ ᠰᠠᠢᠨ ᠭᠡᠨᠡ᠃
ᠤᠨᠲᠠᠵᠤ ᠠᠮᠠᠷᠠᠬᠤ ᠲᠠᠯᠠᠪᠠᠷ᠂ ᠡᠷᠲᠡ ᠤᠨᠲᠠᠵᠤ ᠡᠷᠲᠡ ᠪᠣᠰᠤᠨᠠ᠂ ᠵᠠᠯᠬᠠᠭᠤᠷᠠᠨ ᠤᠨᠲᠠᠬᠤ ᠵᠢ ᠲᠠᠪᠴᠢᠨᠡ; ᠬᠠᠪᠤᠷᠤᠨ ᠲᠡᠭᠷᠢ ᠬᠠᠭᠠᠰ ᠲᠠᠢ ᠬᠤᠭᠤᠰ ᠲᠠᠢ ᠬᠡᠳᠡᠭ ᠵᠢᠡᠷ᠂ ᠭᠡᠨᠡᠳᠲᠡ ᠳᠤᠯᠠᠭᠠᠷᠠᠵᠤ ᠭᠡᠨᠡᠳᠲᠡ ᠬᠦᠢᠲᠡᠷᠡᠬᠦ ᠪᠠᠢᠳᠠᠯ ᠭᠠᠷᠳᠠᠭ᠂ ᠬᠠᠪᠤᠷᠤᠨ ᠤᠯᠠᠷᠢᠯᠠᠴᠠ ᠡᠬᠢᠯᠡᠨ ᠬᠥᠮᠦᠨᠦ ᠪᠡᠶᠡᠶ᠋ᠢᠨ ᠮᠢᠬᠠᠨ ᠰᠢᠷᠬᠡᠭ ᠨᠢ ᠰᠤᠯᠠᠷᠠᠵᠤ᠂ ᠬᠦᠶ᠋ᠲᠡᠨᠢ ᠡᠰᠡᠷᠭᠦᠴᠡᠬᠦ᠌ ᠴᠢᠳᠠᠪᠤᠷᠢ ᠨᠢ ᠪᠠᠭᠤᠷᠠᠳᠠᠭ᠃ ᠡᠢᠮᠦ᠍ᠡᠴᠡ᠂ ᠬᠠᠪᠤᠷᠤᠨ ᠤᠯᠠᠷᠢᠯᠳᠤ ᠬᠥᠪᠥᠩ ᠬᠤᠪᠴᠠᠰᠤᠪᠠᠨ ᠡᠷᠲᠡ ᠲᠠᠢᠯᠵᠤ ᠪᠣᠯᠬᠤ ᠥᠬᠡᠶ᠂ ᠣᠨᠴᠠᠭᠠᠢᠯᠠᠨ ᠨᠠᠰᠤ ᠠᠭᠢᠭᠰᠠᠨ ᠪᠡᠶᠡ ᠳᠤᠷᠤᠢ ᠬᠥᠮᠦᠰ ᠡᠪᠦᠯᠦᠨ ᠬᠤᠪᠴᠠᠰᠤᠪᠠᠨ ᠲᠠᠢᠯᠬᠤᠳᠤ ᠣᠨᠴᠠᠭᠠᠢᠯᠠᠨ ᠪᠣᠯᠭᠣᠮᠵᠢᠯᠠᠬᠤ ᠬᠡᠷᠡᠭ᠌ᠲᠡᠶ᠂ ᠨᠢᠭᠡ ᠯᠡ ᠳᠡᠭᠡᠷᠡ ᠨᠢᠮᠬᠡᠯᠡᠵᠦ ᠪᠣᠯᠬᠤ ᠥᠬᠡᠶ᠃
ᠬᠠᠪᠤᠷ ᠭᠤᠱᠤᠭᠤᠨ ᠰᠢᠬᠢᠷᠯᠢᠭ ᠠᠮᠲᠠ ᠲᠠᠢ ᠲᠠᠷᠬᠠᠭᠠᠬᠤ ᠦᠢᠯᠡᠳᠦᠯ ᠲᠠᠢ ᠢᠳᠡᠭᠡᠨ ᠢᠳᠡᠪᠡᠯ ᠵᠣᠬᠢᠨᠠ᠂ ᠵᠢᠱ᠌ᠢᠶᠡᠯᠡᠪᠡᠯ ᠪᠣᠭᠣᠳᠠᠶ᠂ ᠴᠢᠪᠠᠭᠠ᠂ ᠯᠣᠬᠠᠱᠧᠡᠭ᠂ ᠰᠣᠩᠭᠢᠨᠠ᠂ ᠦᠨᠦᠷᠲᠦ ᠨᠣᠭᠣᠭᠠ ᠵᠡᠷᠭᠡ ᠵᠢ ᠵᠤᠬᠢᠰᠲᠠᠢ ᠢᠳᠡᠵᠦ ᠪᠣᠯᠤᠨᠠ᠃ ᠬᠣᠳᠣᠭᠣᠳᠣ ᠳᠡᠯᠢᠭᠦᠦ᠍ᠶ᠋ᠢ ᠭᠡᠮᠲᠦᠭᠡᠬᠦ᠌ᠡᠴᠡ ᠵᠠᠢᠯᠠᠰᠭᠢᠬᠦ ᠵᠢᠨ ᠲᠦᠯᠦᠭᠡ ᠲᠦᠭᠦᠬᠡᠢ ᠬᠦᠶ᠋ᠲᠡᠨ ᠨᠠᠩᠬᠢ ᠢᠳᠡᠭᠡᠨᠢ ᠪᠠᠭᠠ ᠢᠳᠡᠪᠡᠯ ᠵᠤᠬᠢᠨᠠ᠂᠃

ᠳᠤᠭᠤᠷᠤᠨ ᠴᠡᠴᠡᠭ ᠮᠢᠷᠠᠯᠵᠠᠨ ᠳᠡᠯᠬᠡᠷᠡᠨᠡ
ᠰᠤᠷᠪᠤᠯᠵᠢᠯᠠᠭ᠍ᠴᠢ ᠴᠸᠩ ᠶᠢᠩ ᠵᠢᠶᠦᠢ᠍ᠨ ᠰᠡᠭᠦᠳᠡᠷᠯᠡᠪᠡ

ᠤᠰᠤᠲᠤ ᠶ᠋ᠢᠨ ᠭᠦᠢᠯᠡᠰᠦᠨ ᠣᠶ
ᠰᠤᠷᠪᠤᠯᠵᠢᠯᠠᠭ᠍ᠴᠢ ᠸᠠᠩ ᠯᠸᠢ ᠰᠡᠭᠦᠳᠡᠷᠯᠡᠪᠡ
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠤᠶᠤᠨᠲᠠᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃