2023-03-15 10:51:46
《ᠡᠯᠡ ᠸᠠᠭᠣᠨᠤ ᠦᠢᠯᠡᠴᠢᠯᠡᠭ᠌ᠴᠢ ᠰᠠᠢᠲᠤᠷ ᠪᠡᠯᠡᠳᠭᠡᠵᠦ᠍᠂ ᠲᠡᠷᠭᠡᠨ ᠡᠭᠦᠳᠡᠪᠡᠨ ᠨᠡᠭᠡᠭᠡᠵᠦ᠍ ᠠᠶᠠᠨᠴᠢᠳᠢ ᠤᠭ᠍ᠲᠤᠵᠤ ᠲᠡᠷᠭᠡᠨᠳᠦ ᠭᠠᠷᠭᠠᠭᠠᠷᠠᠶ》 ᠃ 2 ᠰᠠᠷᠠᠶ᠋ᠢᠨ 23 ᠤ᠋ ᠡᠳᠦᠷᠦᠨ 8 ᠴᠠᠭ 30 ᠮᠢᠨᠦ᠋ᠲᠲᠦ᠂ ᠭᠠᠯᠲᠤ ᠲᠡᠷᠭᠡᠨᠦ ᠷᠠᠳᠢᠣ᠋ ᠨᠡᠪᠲᠡᠷᠡᠭᠦᠯᠭᠡᠶ᠋ᠢᠨ ᠳᠠᠭᠤᠨ ᠵᠢᠡᠷ Z338 / 5 ᠡᠭᠡᠯᠵᠢ ᠵᠢᠨ ᠭᠠᠯᠲᠤ ᠲᠡᠷᠭᠡᠨᠦ ᠦᠢᠯᠡᠴᠢᠯᠡᠭ᠌ᠴᠢᠳ ᠲᠡᠷᠭᠡᠨ ᠡᠭᠦᠳᠡᠪᠡᠨ ᠨᠡᠭᠡᠭᠡᠨ᠂ ᠭᠠᠳᠤᠯᠭᠠᠳᠤ ᠬᠠᠪᠲᠠᠰᠤᠪᠡᠨ ᠲᠠᠯᠪᠢᠵᠤ᠂ ᠰᠡᠷᠡᠮᠵᠢᠯᠡᠬᠦᠯᠬᠦ ᠪᠦᠰᠡᠪᠡᠨ ᠰᠠᠢᠲᠤᠷ ᠲᠠᠲᠠᠵᠤ᠂ ᠡᠭᠦᠳᠡᠪᠡᠨ ᠰᠠᠬᠢᠨ ᠬᠠᠷᠠᠭᠤᠯ ᠵᠣᠭ᠍ᠰᠣᠵᠤ᠂ ᠠᠶᠠᠨᠴᠢᠳᠢ ᠤᠭ᠍ᠲᠤᠵᠤ ᠲᠡᠷᠭᠡᠨᠳᠦ ᠭᠠᠷᠭᠠᠨᠠ᠃
ᠬᠠᠪᠤᠷᠤᠨ ᠡᠬᠢᠪᠡᠷ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠤᠮᠠᠷᠠᠲᠤ ᠣᠷᠣᠨ ᠮᠥᠨ ᠬᠦ᠌ ᠬᠠᠬᠢᠷ ᠬᠦᠢᠲᠡᠨ ᠪᠠᠢᠬᠤᠳᠦ ᠡᠮᠦᠨᠡᠲᠦ ᠣᠷᠣᠨᠳᠦ ᠬᠠᠷᠢᠨ ᠬᠠᠪᠤᠷᠤᠨ ᠠᠮᠢᠰᠬᠤᠯᠢᠶᠡᠷ ᠪᠢᠯᠬᠠᠵᠤ ᠪᠠᠢᠳᠠᠭ᠃ 《ᠪᠢᠳᠡ ᠲᠡᠷᠭᠡ ᠲᠣᠰᠭᠤᠳᠠᠭᠠᠨ ᠡᠪᠦᠯᠦᠨ ᠬᠤᠪᠴᠠᠰᠤ ᠡᠮᠦᠰᠴᠦ᠍ ᠲᠤᠰᠳᠠᠭ᠂ ᠭᠡᠪᠡᠴᠦ᠍ ᠦᠴᠠᠩᠢ ᠥᠩᠭᠡᠷᠡᠪᠡᠯ ᠬᠠᠪᠤᠷ ᠨᠠᠮᠤᠷᠤᠨ ᠬᠤᠪᠴᠠᠰᠤ ᠡᠮᠦᠰᠴᠦ᠍ ᠪᠣᠯᠤᠨᠠ᠂ ᠵᠠᠷᠢᠮ ᠦᠶᠡᠳᠦ ᠠᠭᠤᠷ ᠠᠮᠢᠰᠭᠤᠯ ᠲᠤᠯᠠᠭᠠᠨ ᠲᠠᠭᠠᠯᠠᠮᠵᠢᠳᠠᠢ᠂ ᠴᠠᠮᠴᠠ ᠡᠮᠦᠰᠴᠤ ᠬᠠᠷᠠᠭᠤᠯ ᠵᠣᠭ᠍ᠰᠣᠵᠤ ᠪᠣᠯᠳᠠᠭ》ᠭᠡᠵᠦ᠍ ᠭᠠᠯᠲᠤ ᠲᠡᠷᠭᠡᠨᠦ ᠳᠠᠷᠤᠭᠠ ᠵᠠᠩ ᠵᠢᠩ ᠢᠦᠢ ᠰᠤᠷᠪᠤᠯᠵᠢᠯᠠᠭ᠍ᠴᠢᠳᠤ ᠬᠡᠯᠡᠪᠡ᠃
ᠥᠪᠥᠷ ᠮᠣᠩᠭᠣᠯᠤᠨ ᠪᠤᠭᠤᠲᠤ ᠡᠴᠡ ᠭᠤᠸᠠᠩᠰᠢᠶ᠋ᠢᠨ ᠨᠠᠨᠨᠢᠩᠳᠤ ᠱᠢᠭᠤᠳ ᠬᠦᠷᠬᠦ᠌ ᠡᠨᠡ ᠬᠦ᠌ ᠭᠠᠯᠲᠤ ᠲᠡᠷᠭᠡ ᠪᠣᠯ ᠡᠨᠡ ᠬᠤᠶᠠᠷ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠬᠣᠭᠣᠷᠣᠨᠳᠣᠬᠢ ᠠᠩᠬᠠᠳᠠᠭ᠍ᠴᠢ ᠡᠭᠡᠯᠵᠢᠶ᠋ᠢᠨ ᠱᠢᠭᠤᠳ ᠨᠡᠪᠲᠡᠷᠡᠬᠦ᠌ ᠠᠶᠠᠨᠴᠢᠳᠤᠨ ᠭᠠᠯᠲᠤ ᠲᠡᠷᠭᠡ ᠪᠣᠯᠤᠨᠠ᠃ ᠭᠠᠯᠲᠤ ᠲᠡᠷᠭᠡ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠮᠦᠨᠡ ᠤᠮᠠᠷᠠᠶ᠋ᠢ ᠰᠤᠨᠳᠠᠯᠠᠵᠤ᠂ ᠬᠣᠶᠠᠷ ᠭᠠᠵᠠᠷᠤᠨ ᠬᠠᠮᠤᠭᠤᠨ ᠥᠨᠳᠥᠷ ᠳᠤᠯᠠᠭᠠᠨᠤ ᠵᠥᠷᠢᠶᠡ ᠨᠢ 40 ᠭᠷᠠᠳᠦ᠋ᠰᠲᠦ ᠬᠦᠷᠴᠦ᠍᠂ ᠳᠠᠩ ᠴᠢᠭ᠌ᠯᠡᠯᠢᠶᠡᠷ 36 ᠴᠠᠭ 10 ᠮᠢᠨᠦ᠋ᠲ ᠠᠶᠠᠯᠠᠵᠤ᠂ ᠥᠪᠥᠷ ᠮᠣᠩᠭᠣᠯ᠂ ᠱᠠᠨ ᠰᠢ᠂ ᠾᠧᠪᠧᠶ᠂ ᠪᠡᠭᠡᠵᠢᠩ᠂ ᠾᠧᠨᠠᠨ᠂ ᠬᠤᠪᠧᠶ᠂ ᠬᠤᠨᠠᠨ᠂ ᠭᠤᠸᠠᠩᠰᠢ ᠬᠣᠶᠠᠷ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠲᠠᠪᠤᠨ ᠮᠤᠵᠢ ᠨᠢᠭᠡ ᠬᠣᠲᠠᠪᠠᠷ ᠥᠩᠭᠡᠷᠡᠵᠦ᠍᠂ ᠪᠦᠬᠦ᠌ ᠵᠠᠮᠤᠨ ᠤᠷᠳᠤ ᠨᠢ 3308 ᠺᠢᠯᠣᠮᠧᠲ᠋ᠷ ᠪᠣᠯᠤᠨᠠ᠃
ᠤᠳᠠᠭᠠ ᠪᠣᠯᠭᠠᠨ ᠲᠡᠷᠭᠡ ᠲᠠᠭᠠᠬᠤ ᠳ᠋ᠦ᠂ ᠵᠠᠩ ᠵᠢᠩ ᠢᠦᠢ ᠵᠢᠵᠢᠬᠦᠷ ᠳᠤᠭᠤᠢᠯᠠᠩᠤᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳᠲᠠᠶᠪᠠᠨ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡ 8 ᠡᠳᠦᠷ ᠦᠷᠭᠦᠯᠵᠢᠯᠡᠨ ᠠᠵᠢᠯᠯᠠᠵᠤ᠂ ᠨᠢᠭᠡ ᠡᠳᠦᠷᠦᠨ ᠠᠵᠢᠯᠯᠠᠬᠤ ᠴᠠᠭ ᠨᠢ 14 ᠴᠠᠭᠢ ᠬᠡᠲᠦᠷᠡᠨᠡ᠃ ᠭᠠᠯᠲᠤ ᠲᠡᠷᠭᠡᠨᠦ ᠳᠠᠷᠤᠭᠠ ᠪᠣᠯᠤᠭ᠍ᠰᠠᠨᠤ ᠬᠤᠪᠢᠳᠤ᠂ ᠵᠢᠵᠢᠭᠦᠷᠯᠡᠬᠦ᠌ ᠬᠤᠭᠤᠴᠠᠭᠠᠨᠳᠠᠭᠠᠨ 10 ᠭᠠᠷᠤᠢ ᠤᠳᠠᠭᠠ ᠲᠣᠭᠣᠷᠢᠨ ᠪᠠᠢᠴᠠᠭᠠᠵᠤ᠂ ᠳᠤᠮᠳᠠᠴᠢᠪᠠᠷ ᠡᠳᠦᠷ ᠪᠦᠷᠢ 2 ᠲᠦᠮᠡᠨ ᠠᠯᠬᠤᠮ ᠶᠠᠪᠤᠵᠤ᠂ ᠠᠶᠠᠨᠴᠢᠳᠤᠨ ᠵᠥᠭᠡᠭᠡᠪᠦᠷᠢᠶ᠋ᠢᠨ ᠠᠵᠢᠯᠢ ᠬᠢᠭ᠌ᠰᠡᠨ 10 ᠵᠢᠯᠦᠨ ᠲᠤᠷᠰᠢ᠂ ᠵᠠᠩ ᠵᠢᠩ ᠢᠦᠢ ᠭᠠᠯᠲᠤ ᠲᠡᠷᠭᠡᠨᠳᠦ 400 ᠭᠠᠷᠤᠢ ᠤᠳᠠᠭᠠ ᠰᠠᠭᠤᠵᠤ᠂ ᠵᠠᠭᠤ ᠭᠠᠷᠤᠢ ᠲᠦᠮᠡᠨ ᠬᠥᠮᠦᠨ ᠤᠳᠠᠭᠠᠶ᠋ᠢᠨ ᠠᠶᠠᠨᠴᠢᠳᠲᠤ ᠦᠢᠯᠡᠴᠢᠯᠡᠵᠦ᠍᠂ 120 ᠭᠠᠷᠤᠢ ᠲᠦᠮᠡᠨ ᠺᠢᠯᠣᠮᠧᠲ᠋ᠷ ᠠᠶᠠᠯᠠᠭ᠍ᠰᠠᠨ ᠪᠠᠢᠨᠠ᠃
《ᠭᠠᠯᠲᠤ ᠲᠡᠷᠭᠡ ᠪᠣᠯ ᠠᠶᠠᠨᠴᠢᠳᠤᠨ ᠨᠡᠬᠦᠳᠡᠯ ᠬᠡᠷ ᠪᠤᠯᠬᠤ ᠪᠦᠭᠡᠳ ᠪᠠᠰᠠ ᠴᠤ᠌ ᠮᠢᠨᠦ᠍ ᠬᠡᠷ ᠮᠥᠨ᠂ ᠠᠶᠠᠨᠴᠢᠳᠤᠨ ᠵᠦᠭᠡᠭᠡᠪᠤᠷᠢ ᠵᠢᠨ ᠠᠵᠢᠯᠢ ᠡᠳᠦᠶ ᠵᠢᠯ ᠬᠢᠭ᠌ᠰᠡᠨ ᠪᠣᠯᠬᠣᠷ ᠪᠢ ᠠᠶᠠᠨᠳᠠᠭᠠᠨ ᠠᠶᠠᠨᠴᠢᠳᠢ ᠥᠪᠡᠷᠦᠨ ᠬᠡᠷᠤ᠋ᠨ ᠬᠦᠮᠦᠨ ᠵᠢᠡᠨ ᠪᠤᠯᠭᠠᠴᠢᠬᠠᠵᠠᠢ》 ᠡᠵᠦ᠍ ᠵᠠᠩ ᠵᠢᠩ ᠢᠦᠢ ᠬᠡᠯᠡᠨᠠ᠃
ᠠᠶᠠᠨᠴᠢᠳᠲᠤ ᠨᠠᠩ ᠰᠠᠢᠲᠤᠷ ᠦᠶ᠋ᠯᠡᠴᠢᠯᠡᠬᠦ᠌ᠶ᠋ᠢᠨ ᠲᠥᠯᠥᠭᠡ᠂ ᠵᠠᠩ ᠵᠢᠩ ᠢᠦᠶ ᠠᠶᠠᠨᠴᠢᠳᠤᠨ ᠵᠥᠭᠡᠭᠡᠪᠦᠷᠢᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠲᠤᠬᠠᠢ ᠳ᠋ᠦᠨᠭᠨᠡᠭᠰᠡᠨ ᠠᠷᠭᠠᠪᠡᠨ ᠴᠥᠮ ᠨᠢᠭᠡᠨ ᠵᠢᠵᠢᠭ ᠳᠡᠪᠲᠡᠷ ᠳᠡᠭᠡᠷᠡ ᠲᠡᠮᠳᠡᠭ᠌ᠯᠡᠵᠦ᠍᠂ ᠵᠠᠪᠢᠶᠠᠷᠢᠶᠠᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠰᠠᠳᠲᠠᠶᠪᠠᠨ ᠰᠤᠳᠤᠯᠤᠨ ᠶᠠᠷᠢᠯᠴᠠᠵᠤ᠂ ᠡᠴᠦᠰᠲᠡᠬᠡᠨ 《ᠭᠤᠷᠪᠠᠨ ᠡᠷᠳᠡ ᠳᠥᠷᠪᠡᠨ ᠬᠥᠩᠭᠡᠨ ᠲᠠᠪᠤᠨ ᠲᠠᠭᠤᠨ ᠵᠢᠷᠭᠤᠭᠠᠨ ᠴᠡᠭ》ᠤ᠋ᠨ ᠠᠶᠠᠨᠴᠢᠳᠤᠨ ᠵᠥᠭᠡᠭᠡᠪᠦᠷᠢᠶ᠋ᠢᠨ ᠬᠠᠯᠠᠭᠤᠨ ᠳᠤᠯᠠᠭᠠᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠠᠷᠭᠠᠶ᠋ᠢ ᠳ᠋ᠦᠩᠨᠡᠨ ᠭᠠᠷᠭᠠᠵᠤ᠂ ᠥᠷᠭᠡᠨ ᠣᠯᠠᠨ ᠠᠶᠠᠨᠴᠢᠳᠤᠨ ᠰᠠᠢᠨ ᠦᠨᠡᠯᠡᠯᠲᠡᠶ᠋ᠢ ᠣᠯᠤᠭ᠍ᠰᠠᠨ ᠪᠠᠢᠨᠠ᠃ ᠵᠢᠵᠢᠬᠦᠷ ᠳᠤᠭᠤᠢᠯᠠᠩ ᠬᠣᠶᠠᠷ ᠵᠢᠯ ᠳᠠᠷᠠᠭᠠᠯᠠᠨ ᠠᠶᠠᠨᠴᠢᠳᠤᠨ ᠵᠠᠭᠠᠯᠳᠤᠯᠭᠠ ᠥᠬᠡᠶ ᠪᠠᠢᠬᠤᠶ᠋ᠢ ᠪᠡᠶᠡᠯᠡᠭᠦᠯᠵᠦ᠍᠂ ᠨᠢᠭᠡᠴᠢᠶ᠋ᠢᠨ ᠵᠢᠡᠨ ᠬᠡᠪ ᠳᠠᠭᠤᠷᠢᠶᠠᠯᠤᠨ ᠵᠢᠵᠢᠬᠦᠷ ᠳᠤᠭᠤᠢᠯᠠᠩ ᠪᠣᠯᠪᠠ᠃ ᠡᠨᠡ ᠬᠤᠭᠤᠴᠠᠭᠠᠨᠳᠤ᠂ ᠵᠠᠩ ᠵᠢᠩ ᠢᠦᠢ 60 ᠭᠠᠷᠤᠢ ᠬᠤᠪᠢ ᠲᠠᠯᠠᠷᠬᠠᠯᠤᠨ ᠵᠠᠬᠢᠳᠠᠯ᠂ 28 ᠬᠡᠮᠡᠷᠯᠢᠭ ᠲᠤᠭ ᠲᠤᠰᠤᠬᠰᠡᠨ ᠪᠠᠢᠯᠠ᠃
2020 ᠣᠨᠳᠤ᠂ ᠱᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯᠦᠨ ᠬᠢᠵᠢᠭᠦᠨ ᠪᠠᠢᠳᠠᠯ ᠶᠡᠬᠡᠪᠡᠷ ᠲᠡᠯᠭᠡᠷᠡᠵᠦ᠂ Z338 ᠤᠳᠠᠭᠠᠶ᠋ᠢᠨ ᠭᠠᠯᠲᠤ ᠲᠡᠷᠭᠡ ᠬᠤᠪᠸᠢ ᠵᠢᠨ ᠱᠢᠶᠤᠤ ᠭᠠᠨ᠂ ᠦᠬᠠᠨ᠂ ᠱᠢᠶᠠᠨ ᠨᠢᠩ ᠵᠡᠷᠭᠡ ᠬᠢᠵᠢᠭᠦᠨ ᠪᠠᠢᠳᠠᠯ ᠬᠦᠨᠳᠦ ᠨᠣᠴᠢᠲᠠᠢ ᠭᠠᠵᠠᠷ ᠣᠷᠣᠨᠢᠶᠠᠷ ᠥᠩᠭᠡᠷᠡᠬᠦ᠌ᠪᠤᠯᠬᠤᠷ ᠭᠠᠯᠲᠤ ᠲᠡᠷᠭᠡᠨᠦ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠠᠵᠢᠯ ᠯᠤᠲᠤ ᠶᠡᠬᠡ ᠥᠷᠢᠰᠥᠯᠳᠦᠭᠡᠨᠳᠦ ᠲᠤᠯᠭᠠᠷᠠᠪᠠ᠃ ᠵᠢᠵᠢᠬᠦᠷ ᠳᠤᠭᠤᠢᠯᠠᠩᠤᠨ 《ᠬᠣᠱᠢᠭᠤᠴᠢ ᠭᠠᠯᠠᠭᠤ》 ᠪᠣᠯᠤᠭ᠍ᠰᠠᠨ ᠵᠠᠩ ᠵᠢᠩ ᠢᠦᠢ ᠲᠦᠷᠦᠭᠦᠯᠡᠨ ᠬᠤᠷᠤᠭᠤᠨ ᠤᠷᠤᠮᠢᠶᠠᠨ ᠳᠠᠷᠤᠵᠤ᠂ ᠨᠠᠮᠤᠨ ᠭᠡᠱᠢᠭᠦᠨᠦ ᠭᠠᠪᠱᠢᠭᠠᠢ ᠠᠩᠬᠢᠳᠤ ᠣᠷᠣᠪᠠ᠃ ᠭᠠᠯᠳᠤ ᠲᠡᠷᠭᠡᠨ ᠳ᠋ᠤ ᠭᠠᠷᠬᠤᠡᠴᠡ ᠡᠮᠦᠨᠡ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠬᠡᠷᠡᠭ᠌ᠰᠡᠯ ᠪᠡᠯᠡᠳᠭᠡᠬᠦ ᠡᠴᠡ ᠵᠢᠵᠢᠭᠦᠷᠯᠡᠬᠦ᠌ ᠶᠠᠪᠤᠴᠠᠳᠤ ᠠᠶᠠᠨᠴᠢᠳᠤᠨ ᠪᠡᠶᠡᠶ᠋ᠢᠨ ᠬᠠᠯᠠᠭᠤᠨᠢ 4 ᠴᠠᠭ ᠪᠦᠷᠢᠳᠦ ᠨᠢᠭᠡ ᠤᠳᠠᠭᠠ ᠬᠡᠮᠵᠢᠵᠦ᠍ ᠥᠭ᠌ᠬᠦ ᠪᠣᠯᠲᠠᠯᠠ᠂ ᠲᠠᠬᠢᠭᠠᠳ ᠬᠠᠯᠠᠭᠤᠷᠠᠭ᠍ᠰᠠᠨ ᠠᠶᠠᠨᠴᠢᠳᠢ ᠵᠤᠬᠢᠰᠳᠠᠢ ᠱᠢᠢᠳᠪᠦᠷᠢᠯᠡᠬᠦ᠌ ᠬᠦᠷᠲᠡᠯᠡ᠂ ᠲᠡᠷᠡ ᠴᠥᠮ ᠲᠦᠷᠦᠭᠦᠯᠡᠨ ᠵᠢᠵᠢᠭᠦᠷᠯᠡᠵᠦ᠍᠂ ᠪᠠᠲᠤ ᠪᠡᠬᠢ 《ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠬᠠᠯᠬᠠᠪᠴᠢ》 ᠵᠢ ᠪᠠᠢᠭᠤᠯᠵᠠᠢ᠃ 1 ᠰᠠᠷᠠᠶ᠋ᠢᠨ ᠡᠴᠤᠰᠡᠴᠡ 5 ᠰᠠᠷᠠᠶ᠋ᠢᠨ ᠡᠴᠤᠰ ᠪᠣᠯᠲᠠᠯᠠ᠂ ᠵᠠᠩ ᠵᠢᠩ ᠢᠦᠢ ᠵᠢᠵᠢᠬᠦᠷ ᠳᠤᠭᠤᠢᠯᠠᠩᠤᠨ 34 ᠠᠵᠢᠯᠳᠠᠨ ᠠᠵᠢᠯᠴᠢᠨᠢ ᠳᠠᠭᠠᠭᠤᠯᠤᠨ᠂ ᠵᠠᠯᠭᠠᠭᠠᠪᠠᠷ 34 ᠤᠳᠠᠭᠠ ᠬᠤᠪᠸᠢ ᠵᠢᠨ ᠬᠢᠵᠢᠭᠦᠨ ᠪᠠᠢᠳᠠᠯ ᠬᠦᠨᠳᠦ ᠨᠣᠴᠢᠲᠠᠢ ᠭᠠᠵᠠᠷ ᠣᠷᠣᠨᠢᠶᠠᠷ ᠥᠩᠭᠡᠷᠡᠵᠦ᠍᠂ ᠬᠥᠮᠦᠨ ᠬᠠᠷᠠ ᠦᠯᠤ ᠬᠠᠯᠳᠠᠪᠤᠷᠢᠯᠠᠬᠳᠠᠵᠤ᠂ ᠭᠠᠯᠲᠤ ᠲᠡᠷᠭᠡ ᠬᠢᠵᠢᠭ ᠦᠯᠤ ᠲᠠᠷᠬᠠᠭ᠍ᠰᠠᠨ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ᠌ ᠦᠷᠡ ᠪᠦᠲᠦᠭᠡᠯ ᠣᠯᠵᠠᠢ᠃
《ᠵᠠᠩ ᠵᠢᠩ ᠢᠦᠢ ᠬᠡᠳᠦᠢᠪᠡᠷ ᠪᠢᠳᠡᠨ ᠲᠠᠢ ᠨᠠᠰᠤ ᠬᠤᠷᠠᠭ ᠪᠣᠯᠪᠠᠴᠤ᠌᠂ ᠲᠡᠷᠡ ᠵᠢᠵᠢᠬᠦᠷ ᠳᠤᠭᠤᠢᠯᠠᠩᠤᠨ ᠶᠡᠬᠡ ᠪᠠᠭᠠ ᠤᠴᠢᠷ ᠶᠠᠪᠤᠳᠠᠯᠢ ᠱᠢᠢᠳᠪᠦᠷᠢᠯᠡᠬᠦ᠌ᠳᠡᠭᠡᠨ ᠶᠠᠭ ᠨᠢᠭᠡᠨ ᠰᠡᠳᠭᠢᠯᠢ ᠮᠡᠳᠡᠭ᠌ᠴᠢ ᠡᠭᠡᠴᠢ ᠱᠢᠭ ᠪᠠᠢᠳᠠᠭ᠂ ᠪᠢᠳᠡ ᠲᠡᠭᠦᠨᠢ ᠮᠠᠰᠢ ᠪᠢᠱᠢᠷᠡᠳᠡᠭ》 ᠭᠡᠵᠤ ᠵᠢᠵᠢᠬᠦᠷ ᠳᠤᠭᠤᠢᠯᠠᠩᠤᠨ ᠬᠠᠮᠲᠤ ᠠᠵᠢᠯᠯᠠᠭ᠍ᠴᠢ ᠱᠠᠨ ᠱᠢᠨ ᠶᠤᠸᠠᠢ ᠲᠡᠭᠦᠨᠢ ᠢᠩᠭᠢᠵᠦ᠍ ᠦᠨᠡᠯᠡᠪᠡ᠃
2021 ᠣᠨᠳᠤ᠂ ᠲᠡᠷᠭᠡᠨ ᠠᠩᠭᠢᠡᠴᠡ 30 ᠵᠠᠯᠠᠭᠤ ᠠᠵᠢᠯᠴᠢᠨᠢ ᠰᠣᠩᠭᠣᠨ ᠲᠡᠭᠦᠨᠦ ᠨᠡᠷᠡᠪᠡᠷ 《ᠵᠢᠩ ᠢᠦᠶ ᠵᠢᠵᠢᠬᠦᠷ ᠳᠤᠭᠤᠢᠯᠠᠩ》 ᠢ᠋ ᠪᠠᠢᠭᠤᠯᠵᠤ᠂ ᠵᠠᠩ ᠵᠢᠩ ᠢᠦᠶ 《ᠵᠢᠩ ᠢᠦᠶ ᠵᠢᠵᠢᠬᠦᠷ ᠳᠤᠭᠤᠢᠯᠠᠩ》 ᠤ᠋ᠨ ᠦᠶ᠋ᠯᠡᠴᠢᠯᠡᠭᠡᠨᠦ ᠨᠠᠷᠠᠲᠤ ᠲᠡᠮᠳᠡᠭᠦᠨ ᠳᠠᠭᠠᠭᠤᠯᠤᠭ᠍ᠴᠢ ᠪᠣᠯᠪᠠ᠃ 2022 ᠣᠨᠳᠤ ᠵᠠᠩ ᠵᠢᠩ ᠢᠦᠶ 《ᠳᠣᠯᠣᠳᠤᠭᠠᠷ ᠪᠦᠯᠦᠭᠦᠨ ᠪᠥᠬᠥ᠌ ᠤᠯᠤᠰᠤᠨ ᠠᠵᠢᠯᠤᠨ ᠪᠠᠢᠷᠢᠳᠠᠭᠠᠨ ᠯᠸᠢ ᠹᠸᠩᠡᠴᠡ ᠰᠤᠷᠤᠯᠴᠠᠭ᠍ᠰᠠᠨ ᠵᠢᠱ᠌ᠢᠶᠡᠴᠢ》ᠶ᠋ᠢᠨ ᠢᠷᠠᠭᠤ ᠠᠯᠳᠠᠷᠢ ᠭᠥᠷᠳᠡᠪᠡ᠃
《ᠠᠶᠠᠨᠴᠢᠳᠤᠨ ᠵᠦᠭᠡᠭᠡᠪᠤᠷᠢ ᠵᠢᠨ ᠠᠵᠢᠯ ᠬᠡᠳᠦᠢᠪᠡᠷ ᠮᠠᠰᠢ ᠶᠠᠭᠠᠷᠠᠦ ᠮᠠᠰᠢ ᠶᠠᠳᠠᠷᠠᠯᠲᠠᠶ ᠪᠣᠯᠪᠠᠴᠤ᠌ ᠠᠶᠠᠨᠴᠢᠳᠢ ᠠᠮᠤᠷ ᠲᠦᠪᠱᠢᠨᠢᠶᠡᠷ ᠥᠷᠲᠡᠭᠡᠨᠳᠦ ᠬᠦᠷᠭᠡᠵᠦ᠍ ᠲᠠᠢᠯᠤᠨᠠ᠂ ᠮᠢᠨᠦ᠍ ᠦᠵᠡᠬᠦ᠌ᠪᠡᠷ ᠡᠨᠡ ᠪᠦᠬᠦᠨ ᠴᠥᠮ ᠪᠡᠨᠡᠲᠡᠶ ᠶᠤᠮ᠃ ᠱᠢᠨᠡ ᠨᠢᠭᠡ ᠵᠢᠯᠳᠦ᠂ ᠪᠢᠳᠡ ᠰᠦᠯᠵᠢᠶᠡᠨᠦ ᠪᠠᠢᠴᠠᠭᠠᠯᠲᠠᠶ᠋ᠢᠨ ᠠᠰᠠᠭᠤᠯᠲᠠᠶ᠋ᠢᠨ ᠬᠠᠭᠤᠳᠠᠰᠤ ᠵᠣᠬᠢᠶᠠᠬᠤᠪᠠᠷ ᠲᠥᠯᠥᠪᠯᠡᠵᠦ᠍᠂ ᠠᠶᠠᠨᠴᠢᠳᠢ ᠤᠷᠢᠵᠤ ᠰᠠᠨᠠᠯ ᠰᠠᠨᠠᠭᠤᠯᠭᠠ ᠳᠤᠷᠠᠳᠤᠭᠤᠯᠵᠤ᠂ ᠠᠶᠠᠨᠴᠢᠳᠤᠨ ᠵᠥᠭᠡᠭᠡᠪᠦᠷᠢᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡᠶ᠋ᠢ ᠦᠷᠭᠦᠯᠵᠢᠯᠡᠨ ᠲᠡᠭᠦᠯᠳᠡᠷᠵᠢᠭᠦᠯᠦᠨ ᠰᠠᠢᠵᠢᠷᠠᠭᠤᠯᠵᠤ᠂ 〈ᠵᠢᠩ ᠢᠦᠶ ᠵᠢᠵᠢᠬᠦᠷ ᠳᠤᠭᠤᠢᠯᠠᠩ〉 ᠤ᠋ᠨ ᠨᠠᠷᠠᠲᠤ ᠲᠡᠮᠳᠡᠭᠢ ᠨᠠᠩ ᠠᠯᠳᠠᠷᠱᠢᠭᠤᠯᠤᠨᠠ! ᠠᠶᠠᠨᠴᠢᠳᠤᠨ ᠭᠠᠯᠲᠤ ᠲᠡᠷᠭᠡᠨ ᠳᠡᠭᠡᠷᠡᠬᠢ ᠪᠠᠶᠠᠴᠢᠯᠡᠨ ᠣᠢᠯᠠᠭᠠᠯᠲᠠᠶ᠋ᠢ ᠨᠠᠩ ᠰᠠᠢᠨ ᠰᠠᠢᠬᠠᠨ ᠪᠣᠯᠭᠠᠨᠠ!》 ᠭᠡᠵᠦ᠍ ᠵᠠᠩ ᠵᠢᠩ ᠢᠦᠢ ᠬᠡᠯᠡᠪᠡ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃