2021-03-26 19:19:42
ᠲᠠᠯᠠᠶᠢᠨ ᠴᠠᠰᠦ ᠵᠠᠬᠠᠡᠴᠠᠪᠠᠨ ᠴᠤᠬᠤᠷᠳᠠᠨ ᠰᠡᠮᠡᠷᠡᠵᠦ᠂ ᠳᠤᠪᠤ᠋ ᠲᠤᠯᠤᠭᠠᠳ ᠪᠤᠷᠤᠯᠠᠭᠠᠳ ᠠᠭᠤᠯᠠᠶᠢᠨ ᠡᠩᠭᠡᠷ ᠪᠡᠯᠢᠶᠠᠷ ᠬᠠᠶᠢᠯᠤᠨ ᠤᠰᠤ ᠮᠡᠯᠳᠡᠭᠡᠨᠡᠨ ᠤᠷᠤᠰᠴᠦ᠂ ᠬᠠᠪᠤᠷᠤᠨ ᠦᠩᠭᠡᠶᠢ ᠮᠡᠳᠡᠭᠡᠯᠡᠨ᠂ ᠠᠶᠢᠯᠤᠨ ᠬᠤᠷᠤᠭᠠᠨᠳ᠋ᠤ ᠬᠤᠷᠠᠭᠠ ᠢᠰᠢᠭᠡ ᠲᠤᠬᠯᠠᠯᠳᠤᠨᠠ᠃

ᠰᠢᠯᠢᠡᠭᠬᠤᠲᠠᠶᠢᠨ ᠪᠠᠶᠠᠨᠰᠢᠯᠢ ᠮᠠᠯᠵᠢᠯᠤᠨ ᠲᠠᠯᠠᠪᠠᠢᠶᠢᠨ ᠪᠠᠶᠠᠨᠰᠢᠯᠢ ᠬᠤᠪᠢᠶᠠᠷᠢ ᠲᠠᠯᠠᠪᠠᠢᠶᠢᠨ ᠵᠠᠯᠠᠭᠤ ᠮᠠᠯᠴᠢᠨ ᠨᠠᠰᠤᠨᠵᠢᠷᠭᠠᠯᠤᠨ ᠬᠤᠨᠢᠨᠢ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠨᠢᠭᠡᠨᠡᠴᠠ ᠡᠬᠢᠯᠡᠵᠦ ᠬᠤᠷᠠᠭᠠᠯᠠᠭᠠᠳ ᠤᠳᠤ ᠪᠤᠯᠬᠤᠳ᠋ᠤ ᠰᠢᠪᠲᠤᠷᠠᠭᠠᠨᠳᠠᠭᠠᠨ ᠤᠷᠤᠭᠠᠳ ᠪᠤᠢ᠃ ᠡᠳᠡᠨᠤᠬᠢᠨ ᠤᠶᠢᠷᠠᠶᠢᠨ ᠵᠢᠯ ᠮᠠᠯ ᠰᠦᠷᠦᠭᠤᠨ ᠪᠦᠲᠦᠴᠡᠪᠠᠨ ᠰᠢᠯᠢᠳᠡᠭᠵᠢᠭᠦᠯᠦᠨ᠂ ᠴᠦᠭᠡᠨ ᠮᠠᠯᠡᠴᠠ ᠦᠨᠳᠦᠷ ᠦᠷᠡ ᠠᠰᠢᠭ ᠭᠦᠷᠲᠡᠬᠦ ᠵᠤᠷᠢᠯᠭᠠᠪᠠᠷ ᠮᠢᠬᠠ ᠰᠦᠶᠢᠨ ᠭᠠᠷᠤᠯᠲᠠ ᠰᠠᠶᠢᠲᠠᠢ᠂ ᠢᠬᠡᠷᠡᠯᠡᠬᠦ ᠨᠤᠷᠮᠠ ᠦᠨᠳᠦᠷ᠂ ᠦᠷᠡᠵᠢᠯᠲᠡ ᠪᠤᠶᠢᠵᠢᠯᠲᠠᠨᠢ ᠲᠦᠷᠭᠡᠨ ᠳ᠋ᠦ᠋ᠢᠪᠦᠸᠧ ᠬᠤᠨᠢ᠂ ᠰᠠᠹᠦᠺᠸ ᠬᠤᠨᠢ ᠵᠡᠷᠭᠡ ᠰᠢᠯᠢᠳᠡᠭ ᠡᠭᠦᠯᠳᠡᠷᠤᠨ ᠦᠷᠡᠶᠢᠨ ᠮᠠᠯ ᠬᠤᠳᠠᠯᠳᠤᠨ ᠠᠪᠬᠤᠶᠢᠨ ᠵᠡᠷᠭᠡᠪᠠᠷ ᠪᠠᠰᠠ ᠨᠤᠲᠤᠭᠤᠨ ᠡᠬᠡ ᠮᠠᠯᠳᠠᠭᠠᠨ ᠭᠠᠷ ᠬᠡᠭᠡᠯᠲᠦᠭᠦᠯᠭᠡ ᠬᠢᠵᠦ᠂ ᠮᠠᠯ ᠰᠦᠷᠦᠭᠤᠨ ᠡᠭᠦᠯᠳᠡᠷ ᠤᠬᠰᠠᠭᠠᠨᠢ ᠰᠠᠶᠢᠵᠢᠷᠠᠵᠦ᠂ ᠠᠰᠢᠭ ᠤᠷᠤᠯᠭᠠᠨᠢ ᠴᠦ ᠨᠡᠮᠡᠭᠳᠡᠵᠡᠢ ᠃ ᠨᠠᠰᠤᠨᠵᠢᠷᠭᠠᠯ᠄ ︽ ᠦᠩᠭᠡᠷᠡᠬᠦ ᠡᠪᠦᠯ ᠴᠠᠰᠦ ᠶᠡᠭᠡ᠂ ᠠᠭᠤᠷ ᠠᠮᠢᠰᠬᠤᠯ ᠬᠦᠢᠲᠡᠨ ᠪᠤᠯᠬᠤᠷ 11 ᠰᠠᠷᠠᠡᠴᠠ ᠤᠳᠤ ᠪᠤᠯᠲᠠᠯᠠ ᠮᠠᠯᠢᠶᠡᠨ ᠭᠠᠷᠭᠠᠬᠰᠠᠨ ᠦᠭᠡᠢ ᠲᠡᠵᠢᠭᠡᠵᠦ ᠪᠠᠶᠢᠨᠠ᠃ ᠮᠠᠨᠤ ᠤᠷᠢᠳᠢᠶᠠᠷ ᠬᠤᠷᠢᠭᠰᠠᠨᠨᠢ ᠤᠳᠤ ᠪᠦᠷ ᠬᠦᠷᠪᠡᠵᠢᠭᠡᠳ ᠡᠪᠡᠰᠦ ᠪᠤᠷᠳᠤᠭᠠᠨᠳ᠋ᠤ ᠤᠷᠤᠭᠠᠳ ᠪᠠᠶᠢᠭᠠ᠂ ᠳᠠᠯᠠᠭᠠᠳ ᠬᠤᠨᠢᠨᠳᠠᠭᠠᠨ ᠳ᠋ᠦ᠋ᠢᠪᠦᠸᠧ᠂ ᠰᠠᠹᠦᠺᠸ ᠡᠭᠦᠯᠳᠡᠷᠤᠨ ᠤᠬᠤᠷ ᠬᠤᠭᠤᠴᠠᠭᠠᠨᠳ᠋ᠤ ᠵᠡᠷᠭᠡᠪᠠᠷ ᠬᠤᠷᠠᠭᠠᠯᠠᠭᠤᠯᠬᠤ ᠮᠡᠷᠭᠡᠵᠢᠯᠤᠨ ᠭᠠᠷ ᠬᠡᠭᠡᠯᠲᠦᠭᠦᠯᠭᠡ ᠬᠢᠭᠰᠡᠨᠨᠢ ᠴᠠᠭᠠᠨ ᠰᠠᠷᠠᠶᠢᠨ ᠰᠢᠨᠡᠶᠢᠨ ᠨᠢᠭᠡᠨᠡᠴᠠ ᠡᠬᠢᠯᠡᠵᠦ ᠬᠤᠷᠠᠭᠠᠯᠠᠭᠠᠳ᠂ ᠳᠦᠷᠪᠡ ᠲᠠᠪᠤᠨ ᠡᠳᠦᠷᠲᠤ ᠭᠤᠤᠯ ᠬᠦᠭᠨᠢ ᠦᠩᠭᠡᠷᠡᠴᠢᠭᠡᠭᠰᠡᠨ ᠂ ᠪᠠᠷᠤᠭ ᠬᠠᠭᠠᠰᠨᠢ ᠢᠬᠡᠷᠡ ᠬᠤᠷᠠᠭᠠ᠂ ᠵᠠᠷᠢᠮᠨᠢ ᠪᠦᠷ ᠭᠤᠷᠪᠠᠯᠠᠬᠰᠡᠨ ᠰᠢᠤ᠂ ᠡᠬᠡ ᠮᠠᠯᠤᠨ ᠲᠠᠷᠭᠤ ᠬᠦᠴᠦ ᠰᠠᠶᠢᠨ ᠪᠤᠯᠬᠤᠷ ᠴᠠᠤᠡᠬᠠᠯᠲᠠ ᠴᠦ ᠰᠠᠶᠢᠨ ᠪᠠᠶᠢᠨᠠ︾ ᠭᠡᠵᠦ ᠲᠠᠨᠢᠯᠴᠠᠭᠤᠯᠤᠨᠡ᠃
ᠠᠵᠢᠯᠴᠢ ᠠᠶᠢᠯᠤᠨ ᠮᠠᠯᠨᠢ ᠦᠩᠭᠡᠲᠠᠢ ᠦᠭᠡᠳᠡᠲᠠᠢ᠂ ᠡᠳᠡᠨᠤᠬᠢ ᠢᠬᠡᠷᠡᠯᠡᠭᠰᠡᠨ ᠬᠤᠨᠢᠪᠠᠨ ᠪᠦᠷ ᠬᠤᠷᠠᠭᠠᠲᠠᠢᠨᠢ ᠠᠰ ᠠᠰᠢᠶᠠᠷᠨᠢ ᠨᠢᠭᠡ ᠬᠠᠰᠢᠶᠠᠨᠳ᠋ᠤ ᠲᠡᠵᠢᠭᠡᠵᠤ ᠪᠠᠶᠢᠯᠠ᠃ ᠢᠩᠭᠢᠵᠦ ᠮᠠᠯᠵᠢᠬᠤᠨᠢ ᠬᠡᠳᠦᠶᠢᠪᠡᠷ ᠠᠵᠦ ᠶᠡᠭᠡ ᠤᠷᠤᠳᠠᠭ ᠪᠤᠯᠪᠠᠴᠦ ᠬᠤᠷᠠᠭᠠᠨᠤ ᠥᠰᠦᠯᠲᠡ ᠪᠤᠶᠢᠵᠢᠯᠲᠠᠳ᠋ᠤ ᠰᠠᠶᠢᠨ ᠭᠡᠨᠡ᠃ ᠨᠠᠰᠤᠨᠵᠢᠷᠭᠠᠯ ᠭᠡᠷᠭᠡᠢ ᠭᠡᠷᠡᠯᠮᠡᠲᠠᠢᠪᠠᠨ ᠬᠤᠶᠠᠭᠤᠯᠠ ᠢᠬᠡᠷᠡᠯᠡᠭᠰᠡᠨ ᠬᠤᠨᠢᠨᠳᠠᠭᠠᠨ ᠡᠳᠦᠷᠲᠤ ᠢᠯᠡᠭᠦᠦ ᠨᠢᠭᠡ ᠤᠳᠠᠭᠠ ᠪᠤᠷᠳᠤᠭᠠ ᠦᠭᠭᠦ᠂ ᠬᠦᠷᠪᠡᠵᠢᠭᠰᠡᠨ ᠬᠤᠷᠠᠭᠠᠨᠳᠠᠭᠠᠨ ᠡᠪᠡᠰᠦ ᠪᠤᠷᠳᠤᠭᠠ ᠨᠡᠮᠡᠵᠦ ᠦᠭᠭᠦ ᠵᠡᠷᠭᠡ ᠠᠵᠢᠯᠳ᠋ᠤ ᠡᠳᠦᠷᠵᠢᠨ ᠪᠤᠷᠪᠢ ᠪᠤᠬᠢᠰᠬᠢᠯ ᠦᠭᠡᠢ ᠶᠠᠭᠠᠷᠠᠵᠤ᠂ ᠨᠢᠮᠪᠠᠢ ᠠᠷᠠᠴᠢᠯᠠᠵᠦ ᠨᠠᠷᠢᠨ ᠳᠤᠳᠤᠮᠳᠠᠳᠠᠭ ᠪᠤᠯᠬᠤᠷ ᠬᠤᠨᠢ ᠬᠤᠷᠠᠭᠠᠨᠤ ᠬᠢᠨᠢ ᠦᠰᠦᠯᠲᠠ ᠪᠤᠶᠢᠵᠢᠯᠲᠠᠨᠢ ᠴᠦ ᠰᠠᠶᠢᠨ ᠪᠠᠶᠢᠵᠦ᠂ ᠭᠠᠷᠭᠠᠯᠲᠠᠶᠢᠨ ᠦᠶᠡᠳ᠋ᠤ ᠦᠨᠡ ᠳᠠᠭᠠᠭᠠᠳᠠᠭ᠋᠃ ᠨᠠᠰᠤᠨᠵᠢᠷᠭᠠᠯ ᠨᠢᠭᠡ ᠰᠠᠢᠬᠠᠨ ᠬᠤᠷᠠᠭᠠᠯᠠᠭᠠᠳ ᠬᠤᠷᠠᠭᠠᠪᠠᠨ ᠳᠤᠯᠢᠶᠠᠵᠦ ᠪᠠᠶᠢᠭᠠ ᠬᠤᠨᠢᠶᠢ ᠵᠢᠭᠠᠵᠦ᠄ ︽ ᠡᠨᠡ ᠴᠢᠨᠢ ᠨᠢᠳᠤᠨᠤᠨᠤ ᠡᠨᠡ ᠦᠶᠡᠶᠢᠨ ᠬᠤᠷᠠᠭᠠ ᠰᠢᠲᠡ᠂ ᠡᠨᠡ ᠵᠢᠯ ᠲᠦᠯᠦᠭᠡᠨᠳ᠋ᠡᠭᠡᠨ ᠬᠤᠷᠠᠭᠠᠯᠠᠴᠢᠬᠠᠯᠠ᠃ ᠮᠠᠨᠤ ᠶᠡᠷᠦᠨᠢ ᠮᠠᠯ ᠰᠦᠷᠦᠭᠤᠨᠢᠶᠡᠨ ᠲᠠᠷᠭᠤ ᠬᠦᠴᠦᠶᠢ ᠪᠠᠲᠤᠯᠠᠵᠦ᠂ ᠳᠤᠰᠤᠬᠰᠡᠨ ᠬᠤᠷᠠᠭᠠᠪᠠᠨ ᠲᠤᠷᠨᠢᠭᠤᠨ ᠪᠤᠶᠢᠵᠢᠭᠤᠯᠵᠦ᠂ ᠭᠤᠷᠪᠠᠨ ᠰᠠᠷᠠ ᠭᠠᠷᠤᠢ ᠪᠤᠯᠵᠦ ᠭᠤᠴᠢᠭᠠᠳ ᠵᠢᠩ ᠬᠦᠷᠪᠡᠯ ᠦᠬᠢᠨ ᠬᠤᠷᠠᠭᠠᠪᠠᠨ ᠦᠯᠡᠳᠡᠭᠡᠭᠡᠳ ᠡᠷᠡ ᠬᠤᠷᠠᠭᠠᠪᠠᠨ ᠬᠤᠳᠠᠯᠳᠤᠴᠢᠬᠠᠳᠠᠭ᠋᠂ ᠮᠠᠨᠤ ᠬᠤᠷᠠᠭᠠ ᠵᠠᠬᠠᠡᠴᠠᠪᠠᠨ ᠯᠠ ᠮᠢᠩᠭᠠᠨ ᠲᠦᠭᠦᠷᠢᠭ ᠭᠠᠷᠳᠠᠭ ᠶᠤᠮ᠃ ᠬᠤᠷᠠᠭᠠᠪᠠᠨ ᠡᠷᠲᠡ ᠭᠠᠷᠭᠠᠴᠢᠬᠠᠪᠠᠯ ᠪᠡᠯᠴᠢᠭᠡᠷ ᠤᠰᠤᠨᠳᠠᠭᠠᠨ ᠭᠠᠮᠲᠠᠢ ᠮᠦᠷᠲᠡᠭᠡᠨ ᠡᠬᠡ ᠮᠠᠯᠤᠨ ᠲᠠᠷᠭᠤ ᠬᠦᠴᠦ ᠠᠪᠬᠤᠳ᠋ᠤ ᠴᠤ ᠰᠠᠶᠢᠨ︾ ᠭᠡᠯᠡ ᠃

︽ ᠲᠠ ᠪᠠᠰᠠ ᠮᠠᠰᠢᠨ᠂ ᠮᠤᠲ᠋ᠤᠷ ᠵᠠᠰᠠᠬᠤ ᠠᠵᠢᠯ ᠬᠢᠳᠡᠭ ᠭᠡᠰᠡᠨᠨᠢ ᠡᠨᠡ ᠬᠠᠪᠤᠷᠤᠨ ᠶᠠᠭᠠᠷᠠᠤ ᠴᠠᠭ ᠵᠠᠪᠳᠤᠵᠦ ᠪᠠᠶᠢᠨᠠ ᠤᠤ︖︾ ᠭᠡᠵᠦ ᠠᠰᠠᠭᠤᠬᠤᠳ᠋ᠤ ᠲᠡᠷᠡ᠄ ︽ ᠵᠠᠰᠠᠪᠤᠷᠢᠶᠢᠨ ᠠᠵᠢᠯᠢᠶᠡᠨ ᠮᠦᠨ ᠴᠢᠯᠦᠭᠡ ᠵᠠᠪᠢᠶᠠᠷᠢᠶᠡᠨ ᠬᠢᠵᠦ ᠯᠠ ᠪᠠᠶᠢᠨᠠ᠃ ᠤᠶᠢᠷᠠ ᠬᠠᠪᠢᠶᠢᠨ ᠬᠤᠲᠠ ᠤᠰᠤᠨᠤᠬᠢᠨ ᠵᠠᠷᠢᠮᠨᠢ ᠮᠠᠰᠢᠨᠢᠶᠡᠨ ᠠᠪᠤᠭᠠᠳ ᠢᠷᠡᠨᠡ᠂ ᠵᠠᠷᠢᠮᠳᠠᠭᠠᠨ ᠪᠢ ᠤᠴᠢᠨᠠ᠂ ᠵᠠᠷᠢᠮᠨᠢ ᠪᠠᠰᠠ ᠨᠠᠮᠠᠶᠢ ᠳᠤᠰᠤᠭᠠᠳ ᠶᠠᠪᠤᠨᠠ᠃ ᠦᠷᠯᠦᠭᠡ ᠬᠤᠨᠢ ᠬᠤᠷᠠᠭᠠᠪᠠᠨ ᠲᠠᠯᠪᠢᠭᠠᠳ ᠡᠪᠡᠰᠦᠯᠡᠵᠦ ᠪᠤᠷᠳᠤᠬᠰᠡᠨᠤ ᠳᠠᠷᠠᠭᠠ ᠵᠠᠰᠠᠪᠤᠷᠢᠶᠢᠨ ᠠᠵᠢᠯᠢᠶᠡᠨ ᠠᠮᠵᠢᠭᠤᠯᠳᠠᠭ᠋︾ ᠭᠡᠵᠦ ᠶᠠᠷᠢᠯᠠ᠃
ᠠᠵᠢᠯᠴᠢ ᠠᠶᠢᠯ ᠭᠡᠵᠦ ᠢᠩᠭᠢᠵᠦ ᠯᠠ ᠠᠵᠢᠯ ᠶᠠᠪᠤᠳᠠᠯᠢᠶᠡᠨ ᠠᠯᠢᠶᠢᠨᠢ ᠴᠦ ᠬᠤᠶᠢᠰᠢᠯᠠᠭᠤᠯᠤᠯ ᠦᠭᠡᠢ ᠵᠠᠪᠳᠤᠭᠤᠯᠤᠭᠠᠳ ᠪᠠᠶᠢᠳᠠᠭ ᠶᠤᠮ ᠪᠠᠶᠢᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠼᠠᠢ ᠬᠤᠩ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃