2022-11-10 19:46:32
— ᠲᠠ ᠰᠠᠢᠨ ᠦᠦ? ᠡᠨᠡ ᠪᠣᠯ ᠥᠪᠥᠷ ᠮᠣᠩᠭᠣᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ 12320 — 5 ᠰᠡᠳᠭᠢᠴᠡᠶ᠋ᠢᠨ ᠲᠤᠰᠠᠯᠠᠮᠵᠢᠶ᠋ᠢᠨ ᠬᠠᠯᠠᠮᠱᠢᠯ ᠤᠲᠠᠰᠤ ᠪᠣᠯᠤᠨᠠ᠂ ᠲᠠᠨᠳᠤ ᠬᠠᠪᠰᠤᠷᠤᠭᠤᠯᠬᠤ ᠵᠦᠶ᠋ᠯ ᠪᠠᠢᠨᠠ ᠦᠦ?
— ᠪᠢ ᠬᠡᠳᠦᠨ ᠡᠳᠦᠷ ᠨᠣᠢᠷ ᠬᠤᠯᠵᠢᠵᠤ᠂ ᠰᠡᠳᠭᠢᠯ ᠰᠠᠨᠠᠭᠠ ᠪᠤᠬᠢᠨᠢᠳᠤᠵᠤ ᠪᠠᠢᠨᠠ ᠁ ᠤᠲᠠᠰᠤᠨᠤ ᠨᠥᠭᠥᠭᠡ ᠦᠵᠦᠭᠦᠷᠲᠦ ᠯᠢᠦ ᠠᠪᠠᠬᠠᠶ ᠥᠪᠡᠷᠦᠨ ᠲᠥᠭᠡᠷᠢᠭ᠌ᠳᠡᠯᠢᠶᠡᠨ ᠨᠠᠮᠬᠠᠨ ᠲᠣᠭᠠᠴᠢᠨᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠶᠤᠨ ᠮᠡᠳᠡᠷᠡᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠥᠪᠦᠨ ᠰᠡᠳᠭᠢᠴᠡᠶ᠋ᠢᠨ ᠡᠮᠴᠢ ᠵᠠᠩ ᠱᠢᠶᠤᠤ ᠨᠠᠷᠢᠨ ᠬᠢᠨᠠᠮᠠᠭᠠᠢ ᠰᠣᠨᠣᠰᠴᠤ᠌᠂ ᠪᠠᠢᠨ ᠪᠠᠢᠨ ᠨᠦᠬᠦᠭᠡ ᠡᠲᠡᠭᠡᠳᠲᠡᠶᠪᠡᠨ ᠶᠠᠷᠢᠯᠴᠠᠨ ᠤᠢᠯᠠᠭᠠᠯᠴᠠᠵᠤ᠂ ᠲᠤᠰᠭᠠᠢ ᠮᠡᠷᠭᠡᠵᠢᠯᠦᠨ ᠤᠷᠠ ᠤᠬᠠᠭᠠᠨᠢᠶᠡᠷ ᠲᠡᠭᠦᠨᠦ ᠰᠡᠳᠭᠢᠯ ᠠᠮᠤᠷ ᠦᠭᠡᠢ ᠪᠠᠢᠬᠤ ᠪᠠ ᠠᠶᠤᠵᠤ ᠡᠮᠢᠶᠡᠬᠦ᠌ᠪᠠᠢᠳᠠᠯᠢ ᠲᠠᠢᠳᠭᠤᠷᠠᠭᠤᠯᠵᠤ᠂ ᠠᠭᠠᠵᠢᠮᠢᠶᠠᠷ ᠨᠦᠬᠦᠭᠡᠳᠡᠬᠢ ᠵᠢᠨ ᠵᠢᠠᠨ ᠲᠥᠭᠡᠷᠢᠭ᠌ᠳᠡᠯᠢ ᠠᠷᠢᠯᠭᠠᠪᠠ᠃
ᠲᠣᠰ ᠡᠭᠡᠯᠵᠢᠶ᠋ᠢᠨ ᠱᠢᠨᠡ ᠲᠢᠲᠢᠮᠯᠢᠭ ᠠᠭᠤᠰᠭᠢᠨ ᠦᠷᠪᠢᠰᠦᠯᠦᠨ ᠬᠢᠵᠢᠭᠦᠨ ᠪᠠᠢᠳᠠᠯ ᠭᠠᠷᠤᠭ᠍ᠰᠠᠨᠤ ᠳᠠᠷᠠᠭᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠡᠳᠭᠢᠴᠡᠶ᠋ᠢᠨ ᠲᠤᠰᠠᠯᠠᠮᠵᠢᠶ᠋ᠢᠨ ᠬᠠᠯᠠᠮᠱᠢᠯ ᠤᠲᠠᠰᠤ 12320 — 5ᠳ᠋ᠤ 5 ᠤᠲᠠᠰᠤ ᠨᠡᠪᠲᠡᠷᠡᠭᠦᠯᠵᠦ᠍᠂ 24 ᠴᠠᠭᠢᠶᠠᠷ ᠣᠯᠠᠨ ᠲᠦᠮᠡᠨᠳᠦ ᠰᠡᠳᠭᠢᠴᠡᠶ᠋ᠢᠨ ᠵᠥᠪᠯᠡᠯᠭᠡ ᠬᠠᠩᠭᠠᠪᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠶᠤᠨᠮᠡᠳᠡᠷᠡᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠥᠪᠨᠢ 129 ᠬᠥᠮᠦᠨᠦ ᠰᠡᠳᠭᠢᠴᠡᠶ᠋ᠢᠨ ᠲᠤᠰᠠᠯᠠᠮᠵᠢᠶ᠋ᠢᠨ ᠡᠩᠨᠡᠭᠡᠶ᠋ᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠲᠣᠭ᠍ᠲᠠᠭ᠍ᠰᠠᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ᠂ ᠰᠢᠷᠠ ᠺᠣᠳ᠋ᠤᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠵᠢᠨ ᠪᠠᠢᠭᠤᠯᠤᠭᠰᠠᠨ ᠮᠡᠳᠡᠷᠡᠯᠤᠨ ᠰᠠᠯᠠᠭᠠᠨᠤ ᠡᠪᠡᠳᠴᠢᠨᠤ ᠳᠠᠰᠤᠭᠲᠦ ᠪᠦᠬᠦᠯᠢ ᠴᠣᠭ᠍ᠴᠠᠪᠠᠷᠨᠢ ᠨᠠᠢᠳᠠᠨ ᠬᠠᠮᠢᠶᠠᠷᠤᠭᠤᠯᠵᠤ᠂ ᠲᠤᠰᠠᠭᠠᠷᠯᠠᠬᠳᠠᠭᠰᠠᠨ ᠬᠥᠮᠦᠰᠲᠦ ᠬᠢᠵᠢᠭᠢ ᠰᠡᠷᠭᠡᠢᠯᠡᠬᠦ᠌ ᠰᠡᠳᠭᠢᠴᠡᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠦᠢᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃
《ᠣᠨᠴᠠ ᠵᠠᠷᠢᠮ ᠤᠯᠠᠨ ᠲᠦᠮᠡᠨ ᠪᠣᠯᠤᠨ ᠲᠤᠰᠠᠭᠠᠷᠯᠠᠭ᠍ᠳᠠᠭ᠍ᠰᠠᠨ ᠬᠥᠮᠦᠰ ᠬᠢᠵᠢᠭᠦᠨ ᠪᠠᠢᠳᠠᠯᠤᠨ ᠡᠮᠦᠨᠡ ᠤᠨᠴᠠᠭᠠᠢ ᠰᠡᠳᠭᠢᠴᠠ ᠵᠢᠨ ᠭᠡᠯᠪᠡᠯᠵᠠᠯ ᠢᠯᠡᠷᠡᠵᠦ᠍ ᠪᠠᠢᠨᠠ᠂ ᠡᠨᠡ ᠪᠣᠯ ᠬᠡᠪᠦᠨ ᠰᠡᠳᠭᠢᠴᠡᠶ᠋ᠢᠨ ᠲᠤᠰᠭᠠᠯ ᠪᠣᠯᠤᠨᠠ᠃ ᠭᠡᠪᠡᠴᠦ᠍ ᠬᠡᠷᠪᠡ ᠬᠡᠲᠦᠷᠬᠡᠢ ᠲᠤᠰᠭᠠᠯ ᠭᠠᠷᠭᠠᠪᠠᠯ ᠪᠡᠶᠡ ᠰᠡᠳᠭᠢᠯᠦᠨ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢ ᠨᠥᠯᠥᠭᠡᠯᠡᠵᠦ᠍᠂ ᠰᠡᠳᠭᠢᠴᠡᠶ᠋ᠢᠨ ᠵᠣᠬᠢᠴᠠᠭᠤᠯᠭᠠ ᠬᠢᠬᠦ᠌ ᠴᠢᠬᠤᠯᠠᠲᠠᠢ》 ᠭᠡᠵᠦ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠶᠣᠨᠮᠡᠳᠡᠷᠡᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠥᠪᠦᠨ ᠣᠯᠠᠨ ᠨᠡᠢᠲᠡᠶ᠋ᠢᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠰᠠᠯᠠᠭᠠ (ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠤᠶᠤᠨᠮᠡᠳᠡᠷᠡᠯᠤᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠥᠷᠥᠯ ᠵᠦᠶ᠋ᠯᠦᠨ ᠠᠯᠪᠠᠨ ᠬᠡᠷ) ᠶ᠋ᠢᠨ ᠡᠷᠬᠢᠯᠡᠭ᠌ᠴᠢ ᠪᠠᠶ ᠶᠢᠨ ᠱᠢᠶᠠ ᠭᠡᠯᠡᠭᠰᠡᠨ ᠪᠦᠭᠡᠳ᠄ 《ᠪᠢᠳᠡ ᠰᠦᠯᠵᠢᠶᠡᠨ ᠳᠡᠭᠡᠷᠡᠬᠢ ᠪᠠ ᠪᠤᠳᠠᠳᠤ ᠴᠤᠭᠴᠠ ᠵᠢᠨ ᠬᠡᠯᠪᠡᠷᠢᠪᠡᠷ ᠬᠠᠯᠠᠮᠱᠢᠯ ᠤᠲᠠᠰᠤ ᠨᠡᠪᠲᠡᠷᠡᠭᠦᠯᠵᠦ᠍᠂ ᠳᠠᠷᠤᠯᠲᠠᠶ᠋ᠢ ᠪᠠᠭᠠᠰᠭᠠᠬᠤ ᠤᠷᠠ ᠮᠡᠷᠭᠡᠵᠢᠯᠦᠨ ᠲᠠᠭᠤ ᠳᠦᠷᠰᠦ ᠱᠢᠩᠭᠡᠭᠡᠯᠲᠡ ᠵᠢᠴᠢ ᠬᠣᠶᠠᠷ ᠬᠡᠮᠵᠢᠯᠳᠦ ᠺᠣᠳ᠋ ᠬᠦᠷᠭᠡᠵᠦ᠍᠂ ᠰᠡᠳᠭᠢᠴᠡᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠲᠠᠢᠯᠤᠮᠵᠢ ᠵᠡᠷᠭᠡᠶ᠋ᠢ ᠥᠷᠨᠢᠭᠦᠯᠵᠦ᠍᠂ ᠣᠯᠠᠨ ᠲᠦᠮᠡᠨ ᠵᠢᠴᠢ ᠡᠮᠦᠨᠡ ᠹᠷᠣᠨᠲᠤᠨ ᠬᠥᠮᠦᠰᠲᠦ ᠪᠥᠬᠥ᠌ ᠲᠠᠯᠠᠪᠠᠷ᠂ ᠣᠯᠠᠨ ᠠᠷᠭᠠ ᠵᠠᠮᠢᠶᠠᠷ ᠰᠡᠳᠭᠢᠴᠡᠶ᠋ᠢᠨ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠦᠶ᠋ᠯᠡᠴᠢᠯᠡᠭᠡ ᠬᠠᠩᠭᠠᠵᠤ ᠪᠠᠢᠨᠠ》 ᠭᠡᠯᠠ᠃
11 ᠰᠠᠷᠠᠶ᠋ᠢᠨ 8 ᠤ ᠡᠳᠦᠷ ᠪᠣᠯᠲᠠᠯᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠰᠡᠳᠭᠢᠴᠡᠶ᠋ᠢᠨ ᠲᠤᠰᠠᠯᠠᠮᠵᠢ ᠦᠵᠡᠭᠦᠯᠬᠦ᠌ ᠬᠠᠯᠠᠮᠱᠢᠯ ᠤᠲᠠᠰᠤ ᠨᠡᠢᠲᠡ ᠮᠢᠩᠭᠠ ᠭᠠᠷᠤᠶ ᠤᠲᠠᠰᠤ ᠵᠢ ᠭᠥᠯᠢᠶᠡᠨ ᠠᠪᠴᠤ᠌ ᠰᠣᠨᠣᠰᠤᠨ᠂ ᠥᠪᠡᠷᠢᠪᠡᠨ ᠲᠣᠬᠢᠷᠠᠭᠤᠯᠵᠤ ᠳᠠᠷᠤᠯᠲᠠᠶ᠋ᠢ ᠪᠠᠭᠠᠰᠭᠠᠬᠤ ᠠᠷᠭᠠ᠂ ᠵᠣᠪᠠᠨᠢᠬᠤ ᠭᠠᠩᠰᠠᠷᠠᠬᠤ ᠰᠡᠳᠭᠢᠯᠭᠡᠶ᠋ᠢ ᠢᠯᠭᠠᠨ ᠲᠠᠨᠢᠬᠤ ᠵᠡᠷᠭᠡ ᠡᠷᠡᠭᠦᠯ ᠮᠡᠨᠳᠦ᠍ᠶ᠋ᠢᠨ ᠱᠢᠨᠵᠢᠯᠡᠬᠦ᠌ ᠤᠬᠠᠭᠠᠨᠢ ᠲᠦᠭᠡᠮᠡᠯᠵᠢᠭᠦᠯᠬᠦ᠌ 90 ᠭᠠᠷᠤᠶ ᠵᠤᠷᠪᠤᠰ ᠮᠡᠳᠡᠯᠭᠡᠶ᠋ᠢ ᠲᠠᠨᠢᠯᠴᠠᠭᠤᠯᠪᠠ᠃
ᠣᠢᠯᠠᠭᠠᠭ᠍ᠰᠠᠨᠢᠶᠠᠷ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ ᠣᠶᠤᠨ ᠮᠡᠳᠡᠷᠡᠯᠦᠨ ᠡᠷᠡᠭᠦᠯ ᠬᠠᠮᠠᠭᠠᠯᠠᠯᠤᠨ ᠲᠥᠪ 43 ᠣᠶᠤᠨ ᠮᠡᠳᠡᠷᠡᠯ᠂ ᠰᠡᠳᠭᠢᠴᠡᠶ᠋ᠢᠨ ᠲᠤᠰᠭᠠᠶ ᠮᠡᠷᠭᠡᠵᠢᠯᠲᠡᠨᠢ ᠵᠣᠬᠢᠶᠠᠨ ᠪᠠᠢᠭᠤᠯᠵᠤ᠂ ᠬᠡᠰᠡᠭ ᠬᠡᠰᠡᠭᠢᠶᠡᠷ ᠳᠠᠭᠠᠭᠠᠴᠢᠯᠠᠬᠤ ᠬᠡᠯᠪᠡᠷᠢᠪᠡᠷ ᠬᠥᠬᠡᠬᠣᠲᠠᠶ᠋ᠢᠨ ᠳᠥᠷᠪᠡᠨ ᠲᠣᠭᠣᠷᠢᠭ ᠲᠠᠪᠤᠨ ᠱᠢᠶᠠᠨᠤ ᠥᠨᠳᠥᠷ (ᠳᠤᠮᠳᠠ) ᠲᠦᠭ᠌ᠰᠢᠭᠦᠷᠢᠳᠠᠢ ᠰᠠᠭᠤᠭᠠᠯᠢ ᠲᠣᠭᠣᠷᠢᠭᠢ ᠬᠠᠮᠤᠷᠴᠤ᠌᠂ ᠰᠡᠳᠭᠢᠴᠡᠶ᠋ᠢᠨ ᠵᠥᠪᠯᠡᠯᠭᠡ ᠥᠭ᠌ᠬᠦ ᠦᠶ᠋ᠯᠡᠴᠢᠯᠡᠭᠡ ᠬᠠᠩᠭᠠᠪᠠ᠃ 68 ᠬᠥᠮᠦᠨᠢ ᠲᠣᠮᠢᠯᠠᠵᠤ ᠲᠣᠭ᠍ᠲᠠᠭ᠍ᠰᠠᠨ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠ᠂ ᠰᠢᠷᠠ ᠺᠣᠳ᠋ ᠳᠠᠢ ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠤ ᠮᠡᠳᠡᠷᠡᠯᠦᠨ ᠰᠠᠯᠠᠭᠠᠨᠤ ᠡᠪᠡᠳᠴᠢᠲᠡᠨᠦ ᠥᠷᠥᠭᠡᠶ᠋ᠢ ᠬᠠᠮᠢᠶᠠᠷᠤᠭᠤᠯᠵᠤ᠂ ᠣᠶᠤᠨ ᠮᠡᠳᠡᠷᠡᠯᠦᠨ ᠰᠠᠭᠠᠳᠲᠠᠶ ᠡᠪᠡᠳᠴᠢᠲᠡᠨᠢ ᠣᠨᠣᠱᠢᠯᠠᠨ ᠵᠠᠰᠠᠵᠤ ᠪᠠᠢᠨᠠ᠃
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠴᠠᠨᠠ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃