2022-11-17 21:34:27
ᠬᠥᠬᠡᠬᠣᠲᠠ ᠄ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠡᠪᠡᠳᠴᠢᠲᠡᠨ 77᠂ ᠡᠪᠡᠳᠴᠢᠨᠦ᠌ ᠢᠯᠡᠷᠡᠯ ᠦᠭᠡᠢ ᠬᠠᠯᠳᠠᠪᠤᠷᠢᠯᠠᠭᠳᠠᠭᠴᠢ 888 ᠰᠢᠨᠡ ᠪᠡᠷ ᠨᠡᠮᠡᠭᠳᠡᠵᠡᠢ᠂ 177 ᠦᠨᠳᠦᠷ ᠲᠦᠭᠰᠢᠭᠦᠷᠢᠲᠡᠢ ᠣᠷᠣᠨᠢ ᠳᠤᠤᠷᠠ ᠲᠦᠭᠰᠢᠭᠦᠷᠢᠲᠠᠢ ᠣᠷᠣᠨ ᠪᠣᠯᠭᠠᠨ ᠲᠤᠬᠢᠷᠠᠭᠤᠯᠪᠠ
ᠬᠥᠬᠡᠬᠣᠲᠠᠶ᠋ᠢᠨ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠤ᠋ᠨ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ( 76 ᠳ᠋ᠤᠭᠠᠷ ᠲᠠᠯᠠᠪᠠᠢ ) ᠳᠡᠭᠡᠷᠡ ᠨᠡᠢᠲᠡᠯᠡᠭᠰᠡᠨᠢ᠋ᠶ᠋ᠡᠷ᠂ 11 ᠰᠠᠷᠠᠶ᠋ᠢᠨ 16ᠤ᠋ ᠡᠳᠦᠷᠦ᠋ᠨ 0 ᠠ᠋ᠴᠠ 24 ᠴᠠᠭ ᠪᠣᠯᠲᠠᠯᠠ᠂ ᠬᠥᠬᠡᠬᠣᠲᠠᠳ᠋ᠤ᠌ ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠡᠪᠡᠳᠴᠢᠲᠡᠨ 77᠂ ᠡᠪᠡᠳᠴᠢᠨᠦ᠌ ᠢᠯᠡᠷᠡᠯ ᠦᠭᠡᠢ ᠬᠠᠯᠳᠠᠪᠤᠷᠢᠯᠠᠭᠳᠠᠭᠴᠢ 888 ᠰᠢᠨᠡ ᠪᠡᠷ ᠨᠡᠮᠡᠭᠳᠡᠵᠡᠢ᠃ ᠰᠢᠨᠡᠪᠡᠷ ᠨᠡᠮᠡᠭᠳᠡᠭᠰᠡᠨ ᠬᠠᠯᠳᠠᠪᠤᠷᠢᠯᠠᠭᠳᠠᠭᠰᠠᠳᠤ᠋ᠨ ᠳᠣᠲᠣᠷᠠ 891 ᠵᠢᠱ᠌ᠢᠶᠡ ᠨᠢ ᠲᠤᠰᠠᠭᠠᠷᠯᠠᠨ ᠬᠠᠮᠢᠶᠠᠷᠴᠤ ᠡᠵᠡᠮᠳᠡᠵᠦ ᠪᠠᠢᠭᠠ ᠬᠥᠮᠦᠨᠦ᠌ ᠳᠣᠲᠣᠷᠠ ᠡᠴᠡ ᠪᠠᠢᠴᠠᠭᠠᠨ ᠭᠠᠷᠭᠠᠵᠠᠢ᠃ ᠲᠤᠰ ᠡᠳᠦᠷ 87 ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠡᠪᠡᠳᠴᠢᠲᠡᠨ ᠢᠯᠡᠷᠢᠰᠢᠵᠦ ᠡᠮᠨᠡᠯᠭᠡ ᠡᠴᠡ ᠭᠠᠷᠴᠤ᠂ 1725 ᠲᠤᠬᠠᠢ ᠵᠢᠨ ᠭᠠᠵᠠᠷᠤᠨ ᠡᠪᠡᠳᠴᠢᠨᠦ᠌ ᠢᠯᠡᠷᠡᠯ ᠦᠭᠡᠢ ᠬᠠᠯᠳᠠᠪᠤᠷᠢᠯᠠᠭᠳᠠᠭᠴᠢ ᠵᠢ ᠠᠨᠠᠭᠠᠬᠤ ᠤᠬᠠᠭᠠᠨ ᠤ ᠠᠵᠢᠭᠯᠠᠯᠲᠠ ᠡᠴᠡ ᠭᠠᠷᠭᠠᠵᠡᠢ᠃
11 ᠰᠠᠷᠠᠶ᠋ᠢᠨ 16ᠤ᠋ ᠡᠳᠦᠷ᠂ ᠬᠦᠬᠡᠬᠤᠲᠠ 102 ᠳᠤᠤᠷᠠ ᠲᠦᠭᠰᠢᠭᠦᠷᠢᠲᠡᠢ ᠤᠷᠤᠨᠢ ᠦᠨᠳᠦᠷ ᠲᠦᠭᠰᠢᠭᠦᠷᠢᠲᠡᠢ ᠤᠷᠤᠨ ᠪᠤᠯᠭᠠᠨ᠂ 177 ᠦᠨᠳᠦᠷ ᠲᠦᠭᠰᠢᠭᠦᠷᠢᠲᠡᠢ ᠣᠷᠣᠨᠢ ᠳᠤᠤᠷᠠ ᠲᠦᠭᠰᠢᠭᠦᠷᠢᠲᠠᠢ ᠣᠷᠣᠨ ᠪᠣᠯᠭᠠᠨ ᠲᠤᠬᠢᠷᠠᠭᠤᠯᠪᠠ᠃
ᠬᠥᠬᠡᠬᠣᠲᠠᠶ᠋ᠢᠨ 50269 ᠺᠠᠳ᠋ᠷ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ᠌ ᠭᠠᠪᠰᠢᠭᠠᠢᠯᠠᠵᠤ ᠪᠠᠢᠨᠠ
ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠤ᠋ ᠪᠠᠢᠭᠤᠯᠭᠠᠶ᠋ᠢᠨ ᠺᠠᠳ᠋ᠷᠴᠤᠳ ᠬᠥᠬᠡᠬᠣᠲᠠ ᠵᠢᠨ ᠡᠯᠡ ᠨᠡᠢᠭᠡᠮ ᠲᠣᠭᠣᠷᠢᠭᠤ᠋ᠨ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ᠌ ᠭᠦᠨᠵᠡᠭᠡᠢᠷᠡᠨ᠂ ᠨᠡᠢᠭᠡᠮ ᠲᠣᠭᠣᠷᠢᠭᠤ᠋ᠨ ᠬᠢᠵᠢᠭᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠳ᠋ᠤ᠌ ᠬᠦᠴᠦᠨ ᠨᠡᠮᠡᠷᠢᠯᠡᠵᠦ ᠪᠤᠢ᠃ ᠬᠥᠬᠡᠬᠣᠲᠠᠶ᠋ᠢᠨ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠠᠵᠢᠯᠤ᠋ᠨ ᠰᠣᠨᠢᠨ ᠮᠡᠳᠡᠭᠡ ᠨᠡᠢᠲᠡᠯᠡᠬᠦ ᠬᠤᠷᠠᠯ ( 76 ᠳ᠋ᠤᠭᠠᠷ ᠲᠠᠯᠠᠪᠠᠢ ) ᠳᠡᠭᠡᠷᠡ᠂ ᠬᠥᠬᠡᠬᠣᠲᠠᠶ᠋ᠢᠨ ᠨᠠᠮᠤ᠋ᠨ ᠬᠣᠷᠢᠶᠠᠶ᠋ᠢᠨ ᠵᠣᠬᠢᠶᠠᠨ ᠪᠠᠢᠭᠤᠯᠬᠤ ᠬᠡᠯᠲᠡᠰᠦ᠋ᠨ ᠪᠠᠢᠩᠭᠤᠶ᠋ᠢᠨ ᠳᠡᠳ᠋ ᠳᠠᠷᠤᠭᠠ ᠪᠤᠯᠠᠭ ᠲᠠᠨᠢᠯᠴᠠᠭᠤᠯᠬᠤᠳ᠋ᠠᠭᠠᠨ᠂ ᠬᠢᠵᠢᠭ ᠭᠠᠷᠤᠭᠰᠠᠨ ᠡᠴᠡ ᠨᠡᠭᠠᠰᠢ ᠬᠥᠬᠡᠬᠣᠲᠠ ᠤᠯᠤᠰᠤ᠋ᠨ ᠠᠵᠢᠯᠯᠠᠬᠤ ᠳᠤᠭᠤᠢᠯᠠᠩ᠂ ᠤᠷᠤᠨ ᠬᠣᠲᠠᠶ᠋ᠢᠨ ᠬᠣᠶᠠᠷ ᠱᠠᠲᠤᠨᠤ᠋ ᠵᠢᠯᠣᠭᠣᠳᠬᠤ ᠭᠠᠵᠠᠷᠤᠨ ᠪᠠᠢᠷᠢᠯᠠᠭᠤᠯᠤᠯᠲᠠᠶ᠋ᠢᠨ ᠱᠠᠭᠠᠷᠳᠠᠯᠭᠠᠶ᠋ᠢ ᠴᠢᠩᠭᠠ ᠵᠢᠷᠤᠮᠯᠠᠨ᠂ ᠬᠣᠷᠢᠨ ᠵᠤᠷᠪᠤᠰ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠬᠢᠨᠠᠮᠠᠭᠠᠢ ᠨᠠᠢᠳᠠᠪᠤᠷᠢᠵᠢᠭᠤᠯᠵᠤ᠂ ᠨᠡᠢᠭᠡᠮ ᠲᠣᠭᠣᠷᠢᠭᠤ᠋ᠨ ᠬᠠᠮᠢᠶᠠᠷᠤᠨ ᠡᠵᠡᠮᠳᠡᠬᠦ ᠠᠷᠭᠠ ᠬᠡᠮᠵᠢᠶᠡᠶ᠋ᠢ ᠲᠠᠰᠤᠷᠠᠯᠲᠠ ᠦᠭᠡᠢ ᠲᠣᠬᠢᠷᠠᠭᠤᠯᠤᠨ ᠲᠡᠭᠦᠯᠳᠡᠷᠵᠢᠭᠦᠯᠵᠦ᠂ ᠨᠡᠢᠭᠡᠮ ᠲᠣᠭᠣᠷᠢᠭᠤ᠋ᠨ ᠬᠠᠮᠢᠶᠠᠷᠤᠨ ᠡᠵᠡᠮᠳᠡᠬᠦ ᠬᠢᠷᠢ ᠬᠡᠮᠵᠢᠶᠡ ᠪᠣᠯᠤᠨ ᠴᠢᠳᠠᠪᠤᠷᠢᠶ᠋ᠢ ᠰᠢᠯᠢᠳᠡᠭᠵᠢᠭᠦᠯᠦᠨ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠳᠠᠪᠠᠭᠤᠯᠢᠭᠢ᠋ᠶ᠋ᠠᠨ ᠴᠢᠨᠠᠭᠰᠢᠳᠠ ᠪᠠᠳᠠᠷᠠᠭᠤᠯᠵᠤ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠡᠬᠢ ᠪᠠᠶᠠᠯᠢᠭᠢ᠋ ᠳᠠᠢᠴᠢᠯᠠᠨ᠂ ᠥᠷᠭᠡᠨ ᠣᠯᠠᠨ ᠨᠠᠮᠤ᠋ᠨ ᠭᠡᠰᠢᠭᠦᠨ ᠺᠠᠳ᠋ᠷᠢ᠋ ᠪᠦᠬᠦ ᠲᠠᠯᠠᠪᠠᠷ ᠳᠠᠢᠴᠢᠯᠠᠵᠤ ᠬᠢᠵᠢᠭᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠳᠠᠢᠨᠳ᠋ᠦ᠍ ᠣᠷᠣᠯᠴᠠᠭᠤᠯᠵᠤ᠂《ᠬᠥᠬᠡᠬᠣᠲᠠᠶ᠋ᠢ ᠬᠠᠮᠠᠭᠠᠯᠠᠬᠤ ᠲᠡᠢᠯᠠᠯᠳᠤᠭᠠᠨ 》 ᠢ᠋ ᠰᠠᠢᠲᠤᠷ ᠬᠢᠬᠦᠳ᠋ᠦ᠍ ᠬᠦᠴᠦᠲᠡᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠᠶ᠋ᠢᠨ ᠪᠠᠲᠤᠯᠠᠭᠠ ᠬᠠᠩᠭᠠᠭᠰᠠᠨ ᠪᠠᠢᠨᠠ᠃ ᠣᠳᠣᠬᠠᠨᠳ᠋ᠤ᠌ ᠪᠦᠬᠦ ᠬᠣᠲᠠᠶ᠋ᠢᠨ ᠨᠡᠢᠲᠡ 50269 ᠺᠠᠳ᠋ᠷ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ᠌ ᠭᠠᠪᠰᠢᠭᠠᠢᠯᠠᠵᠤ ᠪᠠᠢᠨᠠ᠃ ᠣᠢᠷᠠᠳ᠋ᠤ᠌ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠺᠠᠳ᠋ᠷᠢ᠋ 《ᠡᠮᠨᠡᠯᠭᠡᠶ᠋ᠢᠨ ᠬᠣᠷᠢᠶᠠᠨᠳ᠋ᠤ᠌ ᠣᠷᠣᠭᠤᠯᠬᠤ᠂ ᠬᠤᠯᠪᠤᠭᠠᠨ ᠳ᠋ᠤ ᠣᠷᠣᠭᠤᠯᠬᠤ᠂ ᠬᠢᠵᠢᠭᠤᠨ ᠳᠠᠢᠨᠤ ᠲᠠᠯᠠᠪᠤᠷ ᠲᠤ᠌ᠣᠷᠣᠭᠤᠯᠬᠤ》 ᠶ᠋ᠢᠨ ᠲᠣᠭᠣᠷᠢᠨᠳ᠋ᠤ᠌ ᠭᠣᠣᠯᠳᠠᠭᠤ ᠳᠣᠣᠷᠠᠬᠢ ᠮᠡᠲᠦ ᠠᠵᠢᠯᠤ᠋ᠳᠢ᠋ ᠬᠢᠪᠡ ᠭᠡᠵᠦ ᠪᠠᠢᠯᠠ᠃
ᠨᠢᠭᠡᠳ᠋ᠦ᠍᠂《ᠠᠵᠢᠯᠲᠠᠨᠤ᠋ ᠬᠦᠴᠦᠨ ᠬᠦᠷᠦᠯᠴᠡᠬᠦ ᠥᠬᠡᠢ》ᠠᠰᠠᠭᠤᠳᠠᠯᠳ᠋ᠤ᠌ ᠴᠢᠭᠯᠡᠭᠦᠯᠦᠨ᠂ ᠵᠣᠬᠢᠶᠠᠨ ᠪᠠᠢᠭᠤᠯᠤᠨ ᠳᠠᠢᠴᠢᠯᠠᠬᠤ ᠠᠵᠢᠯᠢ᠋ ᠪᠥᠬᠥ ᠬᠦᠴᠦᠨᠢ᠋ᠶ᠋ᠡᠷ ᠰᠠᠢᠲᠤᠷ ᠠᠳᠬᠤᠪᠠ᠃ 11 ᠰᠠᠷᠠᠶ᠋ᠢᠨ 16ᠤ᠋ ᠡᠳᠦᠷ ᠪᠣᠯᠲᠠᠯᠠ᠂ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨ᠂ ᠬᠣᠲᠠ᠂ ᠬᠣᠰᠢᠭᠤ ᠲᠣᠭᠣᠷᠢᠭᠤ᠋ᠨ ᠭᠤᠷᠪᠠᠨ ᠱᠠᠲᠤᠨᠤ᠋ ᠬᠢᠨ ᠨᠡᠢᠲᠡ 6762 ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠴᠡᠭᠲᠦ᠍ ᠰᠠᠭᠤᠬᠤ ᠺᠠᠳ᠋ᠷᠢ᠋ ᠰᠣᠩᠭᠣᠨ ᠲᠣᠮᠢᠯᠠᠵᠤ᠂ 3.6 ᠲᠦᠮᠡᠨ ᠠᠵᠢᠯᠤ᠋ᠨ ᠪᠠᠢᠷᠢ ᠳᠡᠭᠡᠷᠡᠪᠡᠨ ᠪᠠᠢᠬᠤ ᠨᠠᠮᠤ᠋ᠨ ᠭᠡᠰᠢᠭᠦᠨᠢ᠋ ᠳᠠᠢᠴᠢᠯᠠᠵᠤ᠂ ᠦᠨᠳᠦᠰᠦᠨ ᠱᠠᠲᠤᠨᠤ᠋ ᠠᠵᠢᠯᠲᠠᠨᠤ᠋ ᠬᠦᠴᠦᠨ ᠬᠦᠷᠦᠯᠴᠡᠬᠦ ᠦᠭᠡᠢ ᠪᠠᠢᠬᠤ ᠠᠰᠠᠭᠤᠳᠠᠯᠢ᠋ ᠪᠦᠲᠦᠮᠵᠢᠲᠡᠢ ᠨᠠᠮᠳᠠᠭᠤᠯᠪᠠ᠃ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠣᠨᠠ᠋ᠴᠠ ᠬᠥᠬᠡᠬᠣᠲᠠᠳ᠋ᠤ᠌ ᠳᠡᠮᠵᠢᠯᠭᠡ ᠦᠵᠡᠭᠦᠯᠬᠦ ᠡᠷᠴᠢᠮᠢ᠋ᠶ᠋ᠡᠨ ᠤᠯᠠᠮ ᠨᠢᠭᠡ ᠠᠯᠬᠤᠮ ᠴᠢᠩᠭᠠᠷᠠᠭᠤᠯᠵᠤ᠂ ᠲᠢᠩᠬᠢᠮ ᠲᠣᠪᠴᠢᠶᠠᠠ᠋ᠴᠠ 287 ᠺᠠᠳ᠋ᠷᠢ᠋ ᠰᠣᠩᠭᠣᠨ ᠲᠣᠮᠢᠯᠠᠵᠤ᠂ 138 ᠰᠠᠭᠤᠭᠠᠯᠢ ᠲᠣᠭᠣᠷᠢᠭᠲᠤ᠌ ᠰᠢᠭᠤᠳ ᠣᠴᠢᠭᠤᠯᠵᠤ᠂ ᠡᠪᠡᠳᠴᠢᠨᠤ ᠵᠢᠱ᠌ᠢᠶᠡ ᠵᠢ ᠦᠭᠡᠢ ᠪᠤᠯᠭᠠᠬᠤ ᠠᠵᠢᠯᠢ᠋ ᠬᠠᠪᠰᠤᠷᠤᠨ ᠠᠬᠢᠭᠤᠯᠪᠠ᠃ ᠡᠭᠦᠨᠦ᠌ ᠬᠠᠮᠲᠤ᠂ ᠬᠥᠬᠡᠬᠣᠲᠠᠶ᠋ᠢᠨ ᠰᠢᠭᠤᠳ ᠬᠠᠷᠢᠶᠠ ᠪᠠᠢᠭᠤᠯᠭᠠ ᠡᠴᠡ 525 ᠺᠠᠳ᠋ᠷᠢ᠋ ᠪᠠᠴᠢᠮ ᠰᠢᠯᠵᠢᠭᠦᠯᠦᠨ ᠵᠣᠴᠢᠳᠤ᠋ᠨ ᠪᠠᠭᠤᠳᠠᠯ᠂ ᠭᠣᠣᠯᠳᠠᠯᠭᠠᠲᠠᠢ ᠰᠠᠭᠤᠭᠠᠯᠢ ᠲᠣᠭᠣᠷᠢᠭᠲᠤ᠌ ᠣᠴᠢᠭᠤᠯᠵᠤ᠂ ᠴᠡᠷᠢᠭᠦ᠋ᠨ ᠬᠦᠴᠦᠨᠢ᠋ᠶ᠋ᠡᠨ ᠲᠥᠪᠯᠡᠷᠡᠭᠦᠯᠦᠨ ᠪᠣᠭᠣᠮᠲᠠ ᠰᠢᠪᠲᠤᠯᠵᠠᠢ᠃
ᠬᠣᠶᠠᠷᠲᠤ᠌᠂ 《ᠦᠢᠯᠡᠳᠦᠯ ᠢ᠋ ᠪᠦᠲᠦᠮᠵᠢᠲᠡᠢ ᠪᠠᠳᠠᠷᠠᠭᠤᠯᠬᠤ》 ᠠᠰᠠᠭᠤᠳᠠᠯᠳ᠋ᠤ᠌ ᠴᠢᠭᠯᠡᠭᠦᠯᠦᠨ᠂ ᠠᠵᠢᠯᠤ᠋ᠨ ᠵᠢᠯᠣᠭᠣᠳᠤᠯᠭᠠᠶ᠋ᠢ ᠪᠥᠬᠥ ᠶᠠᠪᠤᠴᠠᠳ᠋ᠤ᠌ ᠴᠢᠩᠭᠠᠳᠬᠠᠪᠠ᠃ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠺᠠᠳ᠋ᠷᠲᠤ᠌ 《ᠠᠵᠢᠯᠤ᠋ᠨ ᠵᠢᠯᠣᠭᠣᠳᠤᠮᠵᠢ》ᠲᠣᠭᠲᠠᠭᠠᠨ ᠦᠭᠴᠦ᠂ ᠪᠥᠭᠡᠮ ᠬᠦᠴᠢᠯᠤᠨ ᠦᠯᠢᠭᠡᠷ ᠠᠪᠬᠤ᠂ ᠠᠮᠢᠳᠤᠷᠠᠯᠤ᠋ᠨ ᠬᠠᠩᠭᠠᠯᠭᠠ ᠵᠢ ᠪᠠᠲᠤᠯᠠᠬᠤ᠂ ᠣᠨᠴᠠ ᠬᠠᠯᠠᠮᠵᠢᠯᠠᠯ ᠦᠵᠡᠭᠦᠯᠬᠦ ᠵᠡᠷᠭᠡ 7 ᠲᠥᠷᠥᠯᠦ᠋ᠨ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢ ᠲᠣᠳᠣᠷᠬᠠᠢᠯᠠᠵᠤ᠂ ᠳᠡᠰ ᠳᠠᠷᠠᠭᠠᠯᠠᠯᠢ᠋ ᠨᠢ ᠵᠦᠢᠯ ᠳᠠᠷᠠᠭᠠᠯᠠᠨ ᠰᠢᠯᠢᠳᠡᠭᠵᠢᠭᠦᠯᠵᠦ᠂ ᠲᠡᠳᠡᠨᠤ ᠦᠷᠡ ᠪᠦᠲᠦᠮᠵᠢᠲᠡᠢ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠪᠠᠨ ᠭᠦᠢᠴᠡᠳᠬᠡᠬᠦᠶ᠋ᠢ ᠨᠢ ᠬᠠᠪᠰᠤᠷᠤᠨ ᠳᠡᠮᠵᠢᠪᠡ᠃ ᠨᠡᠢᠭᠡᠮ ᠲᠣᠭᠣᠷᠢᠭᠤ᠋ᠨ ᠺᠠᠳ᠋ᠷᠲᠤ᠌《1+8+N》 ᠰᠠᠭᠤᠭᠠᠯᠢ ᠲᠣᠭᠣᠷᠢᠭᠤ᠋ᠨ ᠬᠢᠵᠢᠭᠦ᠋ᠨ ᠪᠠᠢᠳᠠᠯᠢ᠋ ᠰᠡᠷᠭᠡᠢᠯᠡᠨ ᠡᠵᠡᠮᠳᠡᠬᠦ ᠪᠠᠢᠯᠳᠤᠭᠠᠨ ᠬᠢᠬᠦ ᠰᠢᠰᠲ᠋ᠧᠮᠢ᠋ ᠪᠠᠢᠭᠤᠯᠤᠨ ᠦᠭᠴᠦ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠᠶ᠋ᠢᠨ ᠠᠵᠢᠯᠤ᠋ᠨ ᠬᠤᠪᠢᠶᠠᠷᠢᠯᠠᠯ ᠶᠣᠰᠣᠭᠠᠷ 《ᠳᠣᠲᠣᠭᠠᠳᠤ ᠲᠠᠯᠠᠪᠤᠷ》 ᠲᠤ᠌ ᠣᠷᠣᠵᠤ ᠠᠵᠢᠯᠯᠠᠬᠤᠶ᠋ᠢ ᠱᠠᠭᠠᠷᠳᠠᠵᠤ᠂ ᠣᠨᠴᠠᠭᠠᠢᠯᠠᠨ ᠣᠨᠴᠠᠭᠠᠢ ᠬᠦᠴᠢᠷᠳᠡᠯᠲᠡᠢ ᠬᠥᠮᠦᠰᠦ᠋ᠨ ᠠᠮᠢᠳᠤᠷᠠᠯᠤ᠋ᠨ ᠪᠠᠢᠳᠠᠯᠢ᠋ ᠠᠩᠬᠠᠷᠬᠤᠪᠠᠷ ᠴᠢᠬᠤᠯᠠ ᠡᠭᠦᠷᠭᠡᠪᠡᠨ ᠪᠣᠯᠭᠠᠵᠤ᠂ ᠬᠠᠯᠠᠮᠵᠢᠯᠠᠬᠤ᠂ ᠠᠮᠢᠳᠤᠷᠠᠯᠢ᠋ ᠨᠢ ᠪᠠᠲᠤᠯᠠᠬᠤ᠂ ᠰᠡᠳᠬᠢᠴᠡᠶ᠋ᠢᠨ ᠵᠢᠯᠣᠭᠣᠳᠤᠯᠭᠠ ᠬᠢᠬᠦ ᠵᠡᠷᠭᠡ ᠠᠵᠢᠯᠢ᠋ ᠰᠠᠢᠲᠤᠷ ᠬᠢᠬᠦ ᠬᠡᠷᠡᠭᠲᠡᠢ ᠭᠡᠵᠦ ᠱᠠᠭᠠᠷᠳᠠᠵᠠᠢ᠃
ᠭᠤᠷᠪᠠᠳ᠋ᠤ᠌᠂ 《ᠣᠯᠠᠨ ᠲᠦᠮᠡᠨ ᠦ᠌ ᠬᠦᠰᠡᠯ ᠱᠠᠭᠠᠷᠳᠠᠯᠭᠠ ᠶ᠋ᠢ ᠰᠢᠢᠳᠪᠦᠷᠢᠯᠡᠬᠦ》ᠠᠰᠠᠭᠤᠳᠠᠯᠳ᠋ᠤ᠌ ᠴᠢᠭᠯᠡᠭᠦᠯᠦᠨ᠂ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠺᠠᠳ᠋ᠷᠴᠤᠳᠤ᠋ᠨ 《ᠭᠤᠷᠪᠠ ᠳᠤ ᠣᠷᠣᠭᠤᠯᠬᠤ 》᠂《ᠬᠣᠶᠠᠷ ᠠᠰᠠᠭᠤᠳᠠᠯ 》 ᠢ ᠰᠢᠢᠳᠪᠦᠷᠢᠯᠡᠬᠦ ᠠᠵᠢᠯᠯᠠᠭᠠᠶ᠋ᠢ ᠪᠥᠬᠥ ᠲᠠᠯᠠᠪᠠᠷ ᠥᠷᠨᠢᠭᠦᠯᠪᠡ᠃ ᠤᠷᠤᠨ ᠬᠣᠲᠠᠶ᠋ᠢᠨ ᠵᠢᠯᠣᠭᠣᠳᠬᠤ ᠭᠠᠵᠠᠷᠤ᠋ᠨ ᠪᠠᠢᠷᠢᠯᠠᠭᠤᠯᠤᠯᠲᠠᠶ᠋ᠢᠨ ᠱᠠᠭᠠᠷᠳᠠᠯᠭᠠ ᠶᠣᠰᠣᠭᠠᠷ᠂ 11 ᠰᠠᠷᠠᠶ᠋ᠢᠨ 15ᠤ᠋ ᠡᠳᠦᠷ《ᠭᠤᠷᠪᠠᠳᠤ ᠣᠷᠣᠭᠤᠯᠬᠤ》 ᠠᠵᠢᠯᠳ᠋ᠤ᠌ ᠲᠤᠰᠬᠠᠢ ᠪᠠᠢᠷᠢᠯᠠᠭᠤᠯᠤᠯᠲᠠ ᠬᠢᠪᠡ᠃ 《ᠡᠮᠨᠡᠯᠭᠡ ᠵᠢᠨ ᠬᠤᠷᠢᠶᠠᠨᠳ᠋ᠦ᠍ ᠣᠷᠣᠭᠤᠯᠬᠤ》 ᠲᠠᠯᠠᠪᠠᠷ᠂ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠪᠠᠢᠭᠤᠯᠭᠠ ᠵᠢᠨ 《ᠨᠢᠭᠡᠳᠦᠭᠡᠷ ᠭᠠᠷ》 ᠡᠷᠬᠡᠪᠰᠢ ᠨᠢᠭᠡᠳᠦᠭᠡᠷ ᠹᠷᠣᠨᠲᠲᠤ᠌ ᠭᠦᠨᠵᠡᠭᠡᠢᠷᠡᠨ᠂ ᠳᠠᠭᠠᠭᠠᠴᠢᠯᠠᠨ ᠬᠣᠯᠪᠣᠭᠠᠯᠠᠬᠤ ᠺᠠᠳ᠋ᠷᠴᠤᠳ ᠪᠦᠬᠦ ᠲᠠᠯᠠᠪᠠᠷ ᠰᠠᠭᠤᠭᠠᠯᠢ ᠲᠣᠭᠣᠷᠢᠭ᠂ 《ᠴᠡᠭ》 ᠦ᠋ᠨ ᠳᠣᠲᠣᠭᠠᠳᠤ ᠲᠠᠯᠠᠪᠤᠷᠲᠤ᠌ ᠣᠷᠣᠵᠤ ᠰᠠᠭᠤᠬᠤᠶ᠋ᠢ ᠱᠠᠭᠠᠷᠳᠠᠵᠠᠢ᠃ ᠣᠳᠣᠬᠠᠨᠳ᠋ᠤ᠌ ᠤᠷᠤᠨ ᠬᠣᠲᠠᠶ᠋ᠢᠨ ᠬᠣᠶᠠᠷ ᠱᠠᠲᠤᠨᠤ᠋ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠬᠤ ᠨᠢᠭᠡᠴᠢᠶ᠋ᠢᠨ 3335 ᠨᠠᠮᠤ᠋ᠨ ᠭᠡᠰᠢᠭᠦᠨ ᠺᠠᠳ᠋ᠷ ᠰᠠᠭᠤᠭᠠᠯᠢ ᠠᠷᠠᠳᠤ᠋ᠨ ᠲᠣᠭᠣᠷᠢᠭᠲᠤ᠌ ᠭᠦᠨᠵᠡᠭᠡᠢᠷᠡᠵᠦ ᠠᠵᠢᠯᠢ᠋ᠶ᠋ᠠᠨ ᠥᠷᠨᠢᠭᠦᠯᠵᠦ ᠪᠠᠢᠨᠠ᠃ 《ᠬᠤᠯᠪᠤᠭᠠᠨ ᠳ᠋ᠤ ᠤᠷᠤᠭᠤᠯᠬᠤ》 ᠲᠠᠯᠠᠪᠠᠷ ᠪᠦᠬᠦ ᠳᠠᠭᠠᠭᠠᠴᠢᠯᠠᠭᠰᠠᠨ ᠺᠠᠳ᠋ᠷ᠂ ᠳᠣᠷᠣᠭᠰᠢ ᠲᠣᠮᠢᠯᠠᠬᠰᠠᠨ ᠺᠠᠳ᠋ᠷᠢ᠋ ᠱᠠᠭᠠᠷᠳᠠᠨ ᠠᠵᠢᠯᠤ᠋ᠨ ᠬᠤᠯᠪᠤᠭᠠ ᠪᠠᠢᠭᠤᠯᠤᠭᠤᠯᠵᠤ᠂ ᠨᠡᠪᠲᠡᠷᠡᠯᠴᠡᠨ ᠬᠠᠮᠵᠢᠯᠴᠠᠬᠤᠪᠠᠨ ᠴᠢᠩᠭᠠᠳᠬᠠᠵᠤ᠂ ᠠᠵᠢᠯᠤ᠋ᠨ ᠦᠷᠡ ᠪᠦᠲᠦᠮᠵᠢᠪᠡᠨ ᠳᠡᠭᠡᠭᠰᠢᠯᠡᠭᠦᠯᠬᠦ ᠵᠢ ᠱᠠᠭᠠᠷᠳᠠᠵᠠᠢ︔ ᠡᠭᠦᠨᠦ᠌ ᠬᠠᠮᠲᠤ᠂ ᠬᠤᠯᠪᠤᠭᠠ ᠠᠪᠤᠭᠴᠢ ᠵᠢᠨ ᠬᠤᠯᠪᠤᠭᠠ᠂ ᠨᠢᠭᠡ ᠠᠰᠠᠷᠤ᠋ᠨ ᠬᠢᠨᠤ ᠬᠤᠯᠪᠤᠭᠠ᠂ ᠰᠠᠭᠤᠭᠠᠯᠢ ᠠᠷᠠᠳᠤᠨ ᠬᠤᠯᠪᠤᠭᠠ ᠳ᠋ᠤ ᠤᠷᠤᠵᠤ᠂ ᠣᠯᠠᠨ ᠲᠦᠮᠡᠨᠦ᠌ ᠰᠢᠭᠦᠮᠵᠢᠯᠡᠯᠢ᠋ ᠳᠠᠷᠤᠤ ᠬᠢᠴᠢᠶᠡᠩᠭᠦᠢᠪᠡᠷ ᠬᠦᠯᠢᠶᠡᠨ ᠠᠪᠴᠤ᠂ ᠣᠯᠠᠨ ᠲᠦᠮᠡᠨᠦ᠌ ᠰᠠᠨᠠᠯᠢ᠋ ᠰᠠᠨᠠᠭᠠᠴᠢᠯᠠᠭᠠᠠ᠋ᠴᠠᠪᠠᠨ ᠰᠣᠨᠣᠰᠬᠤ ᠬᠡᠷᠡᠭᠲᠡᠢ ᠭᠡᠵᠡᠢ᠃ 11 ᠰᠠᠷᠠᠶ᠋ᠢᠨ 16ᠤ ᠡᠳᠦᠷ ᠪᠣᠯᠲᠠᠯᠠ᠂ 2330 ᠺᠠᠳ᠋ᠷ ᠨᠢᠭᠡᠨᠲᠡ 《ᠬᠤᠯᠪᠤᠭᠠᠨᠳ᠋ᠦ᠍ ᠣᠷᠣᠬᠤ》 ᠠᠵᠢᠯᠢ᠋ ᠪᠡᠶᠡᠯᠡᠭᠦᠯᠵᠡᠢ᠃ 《ᠬᠢᠵᠢᠭᠤᠨ ᠳᠠᠢᠨᠤ ᠲᠠᠯᠠᠪᠤᠷ ᠲᠤ᠌ ᠣᠷᠣᠭᠤᠯᠬᠤ 》 ᠲᠠᠯᠠᠪᠠᠷ᠂ ᠪᠠᠭᠤᠳᠠᠯ᠂ ᠠᠵᠤ ᠠᠬᠤᠢᠯᠠᠯ ᠬᠦᠷᠢᠶᠡᠯᠡᠩ ᠲᠤᠭᠤᠷᠢᠭ᠂ ᠪᠠᠷᠢᠯᠭᠠᠶ᠋ᠢᠨ ᠭᠠᠵᠠᠷ᠂ ᠲᠠᠷᠢᠶᠠᠯᠠᠩᠤᠨ ᠠᠷᠠᠯᠵᠢᠶᠠᠨᠤ᠋ ᠵᠠᠬᠠ ᠳᠡᠯᠭᠡᠭᠦᠷ᠂ ᠵᠠᠮ ᠬᠠᠷᠢᠯᠴᠠᠭᠠᠨᠤ᠋ ᠪᠤᠭᠤᠮᠲᠠ᠂ ᠠᠰᠠᠷᠠᠮᠵᠢᠶ᠋ᠢᠨ ᠬᠦᠷᠢᠶᠡᠯᠡᠩ ᠵᠡᠷᠭᠡ ᠭᠣᠣᠯ ᠴᠢᠬᠤᠯᠠ ᠭᠠᠵᠠᠷ ᠪᠣᠯᠤᠨ ᠭᠣᠣᠯ ᠴᠢᠬᠤᠯᠠ ᠬᠥᠮᠦᠰᠢ᠋ ᠤᠳᠤᠷᠢᠳᠤᠨ ᠳᠠᠭᠠᠭᠤᠯᠬᠤ ᠦᠢᠯᠡᠴᠢᠯᠡᠭᠡᠶ᠋ᠢ ᠡᠷᠴᠢᠮᠵᠢᠭᠦᠯᠵᠦ᠂ 3380 ᠺᠠᠳ᠋ᠷᠢ᠋ ᠲᠣᠮᠢᠯᠠᠨ ᠴᠡᠭ ᠲᠤ᠌ ᠰᠠᠭᠤᠯᠭᠠᠨ ᠳᠠᠭᠠᠭᠠᠴᠢᠯᠠᠨ ᠬᠤᠯᠪᠤᠭᠠᠯᠠᠭᠤᠯᠵᠠᠢ᠃ ᠡᠨᠡᠬᠦ ᠠᠵᠢᠯᠯᠠᠭᠠ ᠵᠢ ᠥᠷᠨᠢᠭᠦᠯᠦᠭᠰᠡᠨᠡᠴᠡ ᠨᠡᠭᠠᠰᠢ ᠨᠡᠢᠲᠡ 573 ᠠᠰᠠᠭᠤᠳᠠᠯᠢ᠋ ᠢᠯᠡᠷᠡᠭᠦᠯᠵᠦ᠂ 558 ᠠᠰᠠᠭᠤᠳᠠᠯᠢ᠋ ᠰᠢᠢᠳᠪᠦᠷᠢᠯᠡᠨ᠂ ᠠᠰᠠᠭᠤᠳᠠᠯᠢ᠋ ᠰᠢᠢᠳᠪᠦᠷᠢᠯᠡᠭᠰᠡᠨ ᠨᠣᠷᠮᠠ 97.4%ᠳ᠋ᠦ᠍ ᠬᠦᠷᠴᠡᠢ᠃
( ᠢᠷᠡᠯᠲᠡ ᠄ ᠦᠪᠦᠷ ᠮᠤᠩᠭᠤᠯᠤᠨ ᠡᠳᠦᠷᠤᠨ ᠰᠤᠨᠢᠨ )
- ᠨᠠᠢᠷᠠᠭᠤᠯᠤᠭ᠍ᠴᠢ᠄
- ᠨᠡᠪᠲᠡᠷᠡᠭᠦᠯᠦᠭᠴᠢ᠄
- ᠮᠡᠷᠭᠡᠵᠢᠯ᠄
ᠨᠠᠢᠷᠠᠭᠤᠯᠤᠭ᠍ᠴᠢ᠄ ᠣᠷᠬᠢᠯ
ᠣᠷᠴᠢᠭᠤᠯᠤᠭ᠍ᠴᠢ᠄




ᠰᠢᠭᠦᠮᠵᠢ ᠠᠯᠠᠭᠠ ᠂ ᠬᠤᠷᠳᠤᠨ ᠨᠢᠭᠡᠳᠦᠭᠡᠷ ᠵᠤᠷᠪᠤᠰ ᠰᠢᠭᠦᠮᠵᠢ ᠨᠡᠢ᠌ᠲᠡᠯᠡᠭᠡᠷᠡᠢ᠃